<a href="https://kyzylorda-news.kz/ru/obshestvo/">Kyzylorda-news.kz</a>. Синоптиктер 16-18 қазан күндеріне арналған ауа райы болжамын жариялады.
Қазақстан аумағына антициклон әсер етуі жалғасады. Республиканың дерлік барлық аумағында құрғақ, жылы күн райы сақталады. Еліміздің тек батыс бөлігінде ғана циклон әсерінен жаңбыр жаууы мүмкін. Батыс және оңтүстік бөлігінде жел күшейіп, шаңды дауыл болады. Республиканың батыс, солтүстік-батыс бөлігінде күндіз ауаның температурасы 12-22 градус жылы болса, солтүстік, шығыс және орталығында 13-20 градусқа дейін, ал оңтүстік, оңтүстік-шығыста 13-23 градусқа дейін көтеріледі.

Демалыста күн жылы болады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова жасөспірімдер арасында әлем чемпионы атанған ауыр атлет Рахат Бекболатпен кездесті.
Жиынға облыс әкімінің орынбасары Серік Ахмет, облыстық ауыр атлетика федерациясының президенті Темірхан Кенжебаев және ауыр атлетикадан ҚР еңбегі сіңген жаттықтырушы Нұржан Смаханов ауыр атлетикадан 4 дүркін әлем чемпионы Илья Ильин қатысты.
17 жасар қызылордалық зілтемірші 11 қазан күні Джиддада (Сауд Арабия) өткен турнирде 102 келіге дейінгі салмақ дәрежесінде жүлделі І орын алды. Ол 355 келі салмақты еңсерді. Бұл Рахат Бекболаттың жасөспірімдер арасындағы әлем чемпионатында иеленген екінші алтыны. Бұған дейін ол Ташкентте өткен әлемдік додада 377 келіні бағындырып, жеңімпаз атанған болатын.
Кездесуде аймақ басшысы әлемдік аренада ел абыройын асқақтатып, олжалы оралған спортшыны жеңісімен құттықтап, игі тілегін арнады.
<blockquote>
 «Кезекті жеңісің құтты болсын! Бұл біздің өңіріміз үшін ғана емес, ел үшін үлкен жетістік. Әрине, жеңіс еңбексіз келмейді. Спортшыларымыздың үздіксіз жалықпай жаттығып, жарысқа жауаптылықпен қарауы мен жаттықтырушылардың дайындық процесін дұрыс ұйымдастыра білуінің арқасында осындай зор жетістіктерге қол жеткізіп отырмыз. Сыр елінің абыройын асқақ еткен Қамшыбек Қоңқабаевтан кейінгі сенің бұл жеңісің – Тәуелсіз Қазақстанның 30 жылдық мерейлі белесіндегі жүлде тайқазанына тарлан рухты сырбойылықтардың атынан салған олжалы сый болды. Сол үшін де жерлестерің өзіңе риза! Сені осындай мерейлі жеңісіңмен құттықтаймын», – деді Гүлшара Әбдіқалықова.
</blockquote>
Облыс әкімімен пікірлесу барысында байрақты бәсеке жеңімпазы Рахат Бекболат жарыс кезіндегі ерекше сәттерімен бөлісті. Қолдау көрсеткен жанкүйерлеріне алғысын білдіріп, ел мәртебесін одан әрі асыруға дайын екендігін жеткізді.
Қабылдау соңында облыс әкімі Рахат Бекболатқа жеңісі үшін Сыр жұртының атынан сый-сияпат ретінде демеушілер есебінен 1 миллион теңгенің сертификатын табыстады.
Айта кетейік, Рахат Бекболат өткен жылы Перудің Лима қаласында онлайн форматта өткен Әлем кубогында жеңімпаз атанып, ел мәртебесін асырды. Кезекті жеңісі кезінде де спортшыны аймақ басшысы қабылдап, құрмет білдірген. Ал Vesti.kz оқырмандарының таңдауымен қызылордалық ауыр атлет «2020 жылдың үздік спортшысы» атанған болатын.
<img src="https://kyzylorda-news.kz/wp-content/uploads/2021/10/245892065_3802005073235867_1450137189251933721_n.jpg" alt="" />
<img src="https://kyzylorda-news.kz/wp-content/uploads/2021/10/245816301_3802004679902573_4982466406778656927_n.jpg" alt="" />
<img src="https://kyzylorda-news.kz/wp-content/uploads/2021/10/246138077_3802004729902568_1874197849724716243_n.jpg" alt="" />

Аймақ басшысы әлем чемпионы Рахат Бекболатты құттықтады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Сырдария ауданы Тереңөзек кентінде орналасқан аудандық орталық стадион «Ауыл ел бесігі» бағдарламасының аясында қайта жаңғыртылып, күрделі жөндеуден өтуде.
Мердігер мекеме «Астана сервис LTD» ЖШС-нің жүргізуімен күрделі жөндеу жұмыстары ағымдағы жылдың 20 қыркүйегінде бастау алған.
Стадионның күрделі жөндеу жұмыстарына 14 жұмысшы тартылған олардың 7-уі жергілікті тұрғындар.
Бүгінде стадион алаңының бордюрлары қойылып, малта тасы төселуде. Жасанды төсеніштері де құрылыс алаңына жеткізілген. Құрылыс жұмыстарының аяқталуы 2021 жылдың 30 қарашасына дейін жоспарлануда. 
Жалпы, Сырдария ауданында спортпен шұғылданушыларға әр түрлі деңгейдегі 130 нысан қызмет көрсетуде. Аудан бойынша дене шынықтыру мұғалімі және оқытушы-жаттықтырушылар саны – 230, оның 199-ы жоғарғы білімді, 30-ы арнаулы орта білімді мамандар. 574 дене шынықтыру және спорт үйірмелері жұмыс жасайды. Аудан бойынша оқушылар және тұрғындарды қоса есептегенде 11729 спортшы жүйелі спортпен айналысуда. Бұл аудан тұрғындарының 31 пайызын құрап отыр.
<img src="https://kyzylorda-news.kz/wp-content/uploads/2021/10/d-1.jpg" alt="" />
<img src="https://kyzylorda-news.kz/wp-content/uploads/2021/10/zh.jpg" alt="" />

«Ауыл ел бесігі»: Сырдарияда стадион жаңғыртылуда

<a href="https://kyzylorda-news.kz/ru/obshestvo/">Kyzylorda-news.kz</a>. Тараз қаласында өткен «Көне Тараз күмбірі» ІІ республикалық фольклорлық ансамбльдер байқауында «Дидар» халықтық фольклорлы-этнографиялық ансамблі жүлделі ІІІ орын иеленді. Салтанатты шара Қазақстан Республикасы Тәуелсіздігінің 30 жылдығы мен жыр алыбы Жамбыл Жабаевтың 175 жылдығына орай&nbsp; ұйымдастырылды.&nbsp; Байқауға еліміздің түкпір-түкпірінен 20-ға жуық өнер ансамблі қатысты.
<blockquote>
 «Байқау арқылы ұмыт болып бара жатқан бабалар мұрасы қайта жаңғырып, этно-фольклорлық ұжымдардың шығармашылық қарым-қатынасы нығаяды деп білемін. Біздің ансамбль соңғы рет 2019 жылы Түркия және Өзбекстан қалаларында Тұрмағанбет оркестрінің құрамында өнер көрсетті. Карантиннен кейін өнер додасына қайта оралдық. Бұл байқау бізге үлкен тәжірибе болды,-деді ансамбльдің көркемдік жетекшісі Мүсілім Әмзе.
</blockquote>
Айта кетейік, «Дидар» халықтық фольклорлы – этнографиялық ансамблі&nbsp; 2000 жылы наурыз айында Қорқыт Ата атындағы Қызылорда университеті жанынан құрылды. Өнер ұжымының бағдарламасында халық ән – күйі, термелері, қазақ халық композиторларының шығармалары мен шетел шығармалары да қамтылған. Ансамбльдің құрамында Құрманғазы атындағы Алматы мемелекеттік&nbsp; консерваториясы мен Қорқыт Ата атындағы Қызылорда университетінің түлектері өнер көрсетеді.&nbsp;
<img src="https://kyzylorda-news.kz/wp-content/uploads/2021/10/00.jpg" alt="" />

Қорқыт ата атындағы Қызылорда университетінің өнер ұжымы жеңімпаз қатарынан көрінді

<a href="https://kyzylorda-news.kz/ru/obshestvo/">Kyzylorda-news.kz</a>. Ел Тәуелсіздігінің 30 жылдығы аясында бүгін аймақ басшысы Гүлшара Әбдіқалықова өңірдегі белгілі жыр жампоздарымен кездесіп, ашық форматта әңгімелесіп, пікірлерін тыңдады.
Облыс әкімі кездесу алдында ұлттық өнерді айшықтайтын арнайы көрмені тамашалап, ұлттық аспаптар мен бірнеше жыр-жинақтарымен танысты.
Келелі басқосуда Гүлшара Әбдіқалықова дәстүрлі өнер өкілдерінің Сыр еліндегі рухани-мәдени дамуына қосқан үлестерін жоғары бағалап, ұлттық өнердің жанашырларына құрметін жеткізді.
<blockquote>
 «Елбасымыз Нұрсұлтан Әбішұлы Назарбаев «Өркениетті ұлт ең алдымен тарихымен, мәдениетімен, ұлтын ұлықтаған ұлы тұлғаларымен, әлемдік мәдениеттің алтын қорына қосқан үлкенді-кішілі үлесімен мақтанады. Сөйтіп, тек өзінің төл мәдениеті арқылы ғана басқаға танылады» – деп атап өткендей, халқымыздың ерекше қадірлейтін дарынды тұлғалары қасиетті мұраларды тудырушы, жасаушы және келер күндерге ұластырушы таланттар қатарында жыраулар мен жыршылардың қай заманда да бәсі жоғары, шоқтығы биік. Қорқыт бабадан бастау алған жәдігер өнерді жалғастырушы Сыр сүлейлерінің әрқайсысы бір-бір жеке философиялық мектеп, әрқайсысы дүниетанушы ұлттық тәлімгер екенін ескерсек, бұл қастерлі өлке ұлт руханиятының алтын діңгегі деуге болады. Қасиетті де киелі Сыр бойы – біріне-бірі өмірде жол, өнерде қол берген атақты Сыр сүлейлері шыққан өңір. Дәстүрлі өнердің дарабоз иелері ретінде жанашырлары ретінде бүгінгі өздеріңізбен жүздесіп, руханият саласының өткені, бүгіні, келешегі жөнінде келелі ойлар айтып, емен жарқын пікірлесу үшін жиналдық», – деді облыс әкімі.
</blockquote>
Өңір басшысы еліміз егемендік алған жылдар ішінде ұлттық өнердің осы түріне ерекше көзқарас қалыптасқанын тілге тиек етті. Сондай-ақ, Ел Президенті Қасым-Жомарт Тоқаев «Тәуелсіздік бәрінен қымбат» атты мақаласында «Ұлттық болмысымыздан, төл мәдениетіміз бен салт-дәстүрімізден ажырап қалмау – барлық өркениеттер мидай араласқан аласапыранда жұтылып кетпеудің бірден бір кепілі» екендігін, Тәуелсіздік жылдарында жүзеге асырылған «Мәдени мұра» бағдарламасы арқылы тарихымызды түгендеп, ұлттық дәстүріміз бен мұраларымыздың қайта жаңғырғанын тағы бір еске салды.
Кездесу барысында «Парасат» орденінің иегері, Қазақстанның еңбек сіңірген қайраткері Алмас Алматов облыс әкіміне дәстүрлі өнерге көрсеткен қамқорлығы үшін алғыс білдіріп, осы кезге дейін ұсыныс ретінде айтылған Түркітілдес халықтарының дәстүрлі өнер академиясында ән, күй, жыр, айтыс, би бағыттары бойынша жастарға грант бөлуді ұсынды.
Ал, жыршы, Мәдениет қайраткері төсбелгісінің иегері Берік Саймағамбетов Қызылорда қаласында «Сыр сүлейлері музейін» ашу туралы ұсыныс айтса, дәстүрлі әнші Ақмарал Ноғайбаева облыс әкімінен Нартайдың шығармашылығына экспедициялық зерттеу жұмыстарын жүргізуге ықпал етуін сұрады. Сондай-ақ, жыршы, Қорқыт мұрасын насихаттаушы Марат Сүгірбай дәстүрлі өнер кеңінен насихатталуына, өзге өңірлерде Сыр елінің еріктілерінің өнер көрсетуге қолғабыс етуді ұсынды.
Жыраулық өнерді жалғастырушы азаматтардың пікірлерін саралаған облыс әкімі ұлттық өнерді дамытуға оң серпін беретін әрбір ұсыныстың байыпты түрде қаралатынын қаперге салды.
Кездесуде Гүлшара Әбдіқалықова жыршы, жырау Алмас Алматов пен Жиенбай жыраудың ұрпағы Бидас Рүстембековты мерейтойымен құттықтап, Сыр елі жұртының атынан қазақы дәстүрмен иығына шапан жапты. Сондай-ақ, бірқатар өнер саңлақтарына құрмет төрінен көрінді.
ҚР Мәдениет және спорт министрлігінің «Мәдениет саласының үздігі» төсбелгісімен Шолпан Бимбетова, Серік Жақсығұлов, Айбек Тәңірбергенов марапатталды. Ал, министрліктің Құрмет грамотасын Марат Сүгірбай мен Нұртілек Ахтаев иеленді. Сондай-ақ, бірнеше өнер жанашырлары облыс әкімінің Алғыс хатына ие болды. 
Жүздесу соңында өнер қайраткерлері Марат Сүгірбай және Мұхаметәлі Бекпейісов жыр шашу орындап, ақын Айдос Рахметов арнау арнады.
Айта кетейік, өнер зерттеушілері Мардан Байділдаев, Алма Құнанбаева, Алмас Алматовтың тынымсыз еңбегінің арқасында Сыр бойында мақам-саздық ерекшеліктеріне қарай төрт жыраулық мектеп – Нұртуған, Жиенбай, Нартай, Сәрсенбай жырау мектептері қалыптасып, дәстүрлі өнердің өрісі кеңіп, қанаты қатайды.
Өңірдегі «Жыр мұра» жобасы аясында ашылған жыр-терме, қобыз сынды 50-ден аса үйірмеде 500-ден аса шәкірт тәрбиеленуде. Үйірмелерден шыққан өнерпаздар республикалық, халықаралық деңгейдегі жыр додаларында жүлделі орындарды иеленумен қатар, дәстүрлі өнер мамандықтары бойынша арнаулы, жоғары оқу орындарында білім алуда.
Биылғы жылы да Қорқыт ата атындағы Қызылорда университеті жанындағы «Дәстүрлі өнер» институтына дарынды жастарды оқытуға облыстық бюджеттен 6 грант бөлінді. Сонымен қатар, Сыр өңірінің жыраулық дәстүрін насихаттап жүрген орта және жас буын жыршыларымыз «Qazaqstan» ұлттық арнасының «Күміс көмей», «Хабар» телеарнасының «Алтыбақан» бағдарламаларына қатысып, алтын қорға жазылып алынса, жыршы Күнсұлу Түрікпен халықаралық «Мен қазақпын» мега жобасында дәстүрлі өнер номинациясы бойынша Бас жүлдені иеленді.
Биыл Ел Тәуелсіздігінің 30 жылдығы, Сыр сүлейі Кете Жүсіп Ешниязұлының 150 жылдығына арналып өткен «Жырлансын, Тәуелсіздік жыр бұлағы» атты жыршы-жыраулар байқауы жыраулық дәстүрді бойына сіңірген талантты жыр жауһарларының өсіп келе жатқандығын, рухани сабақтастықтың жалғастығы бар екендігін дәлелдеді.
Келер жылы Сыр шайырлары Базар Жырау Оңдасұлының 180 жылдығы, Тұрмағамбет Ізтілеуұлының 140 жылдығын атап өтіп, дәстүрлі «Қорқыт және Ұлы Дала сазы» халықаралық фольклорлық-музыкалық өнер фестивалін ұйымдастыру жоспарлануда.
<img src="https://kyzylorda-news.kz/wp-content/uploads/2021/10/oblys1.jpg" alt="" />
<img src="https://kyzylorda-news.kz/wp-content/uploads/2021/10/oblys2.jpg" alt="" />
<img src="https://kyzylorda-news.kz/wp-content/uploads/2021/10/oblys3.jpg" alt="" />
<img src="https://kyzylorda-news.kz/wp-content/uploads/2021/10/oblys4.jpg" alt="" />
<img src="https://kyzylorda-news.kz/wp-content/uploads/2021/10/oblys5.jpg" alt="" />
<img src="https://kyzylorda-news.kz/wp-content/uploads/2021/10/oblys6.jpg" alt="" />
<img src="https://kyzylorda-news.kz/wp-content/uploads/2021/10/oblys7.jpg" alt="" />

Гүлшара Әбдіқалықова жыршы-жыраулармен жүздесіп, ұсыныстарына құлақ асты

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Президенті Қасым-Жомарт Кемелұлы Тоқаевтың бастамасы бойынша «Жыл волонтері» халықаралық сыйлығы тағайындалды.
Қазақстан Республикасы Ақпарат және қоғамдық даму министрлігі «Жыл волонтері» халықаралық сыйлығын тағайындауға арналған конкурс өткізеді.
Халықаралық сыйлық әлеуметтік және қоғамдық пайдалы міндеттерді шешуге үлес қосқан волонтерлер мен волонтерлер тобын, отандық және халықаралық волонтерлік ұйымдарды көтермелеуге бағытталған.
Байқауға үміткерлер әлемнің түкпір-түкпірінен қатыса алады. Ол үшін qazvolunteer.kz интернет-платформасында өтінім беріп, волонтерлік қызметі туралы деректерді толтыру қажет. Өтінімдерді қабылдау 2021 жылғы 1 қазан сағат 09.00-ден басталады және 2021 жылғы 20 қазан сағат 18.30-ге дейін жалғасады.
**Байқау екі кезеңде өтеді: 
**– qazvolunteer.kz интернет-платформасында ашық онлайн-дауыс беру, 
– ең көп дауыс жинаған және екінші кезеңге өткен қатысушыларды Конкурстық комиссия бағалайды.
**Нәтижесінде келесі номинациялардың әрқайсысы бойынша үш үміткер жеңімпаз болып танылады: 
**• «Үздік волонтерлік ұйым» 
• «Корпоративтік волонтерлік көшбасшысы» 
• «Коронавирустық инфекциямен күреске қатысқаны үшін» 
• «Тұрақты даму мақсаттарының көшбасшылары» 
• «Үздік әлеуметтік көмекші» 
• «Төтенше жағдайларды жоюға белсенді қатысқаны үшін» 
• «Хабар-ошарсыз кеткен адамдарды іздеуге белсенді қатысқаны үшін» 
• «Құқық бұзушылық құрбандарына көмек көрсетуге белсенді қатысқаны үшін» 
• «Денсаулық сақтауды дамытуға белсенді қатысқаны үшін» 
• «Салауатты өмір салтын насихаттауға белсенді қатысқаны үшін» 
• «Білімді дәріптеуге қосқан үлесі үшін» 
• «Қоршаған ортаны сақтауға және қорғауға қосқан үлесі үшін» 
• «Бейбітшілікті, достық пен келісімді нығайтуға қосқан үлесі үшін» 
• «Тарихи-мәдени мұраны сақтауға және дамытуға қосқан үлесі үшін» 
• «Зоологиялық қорғау мәселелерін шешуге қосқан үлесі үшін» 
• «Әлеуметтік міндеттерді шешуге қосқан үлесі үшін».
«Жыл волонтері» халықаралық сыйлығын беру қағидалары ҚР Ақпарат және қоғамдық даму министрлігінің интернет-ресурстарында орналастырылған.

Қазақстанда «Жыл волонтері» халықаралық сыйлығы тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгінде жастар мен жасөспірімдер арасындағы қауіпті жайттардың бірі есірткі құмарлық, оның ішінде синтетикалық есірткіге тәуелділік проблемасы болып отыр. Биылғы жылдың шілде айында есірткіні насихаттау және жарнамалаудың 2 дерегі анықталып, Қызылорда қаласының 20 жастағы азаматшасы ұсталды. Онымен тұрғын үй қабырғаларына салынған 110 граффити суреттер жойылды. Бұл туралы Өңірлік коммуникациялар қызметінде өткен баспасөз конференциясында облыстық Полиция департаменті бастығының орынбасары полиция полковнигі Ерлан Ахметов мәлімдеді.
Тергеу әрекеттері барысында, тамыз айында Атырау, Семей қаласының тұрғындары Қызылорда қаласында синтетикалық есірткіні аса ірі мөлшерде өткізу мақсатында сақтап, дайындау кезінде құрықталып, жасырып қойған нүктелелерінен салмағы 588 грамм болатын «мефедрон», «эфедрон», «PVP» түріндегі синтетикалық есірткі құралдары дәлелдеме ретінде алынды.
Әлеуметтік желілерге мониторинг жүргізу барысында синтетикалық есірткіні сақтағаны үшін 3 тұлға анықталып, ұсталды. Қазіргі таңда, тергеп-тексеру амалдары жүргізілуде.
Осыған байланысты жалпы есірткі құмарлықтың алдын алу мақсатында ата-аналар мен ұстаздар оқушылардың жүріс-тұрысына және бос уақытында немен айналысатындығына аса мән беру қажет.
Сонымен қатар, қылмыстық құқық бұзушылықтардың, жол қауіпсіздігінің алдын алу мақсатында «Қауіпсіз жол», «Түнгі қаладағы балалар», «Қару», «Тұрмыс», «Учаске», «Дәрмек», «Қарасора-2021», «Мал ұрысы», «Пәтер»профилактикалық іс-шаралары жүйелі түрде жүргізілуде.
Айта кетсек, брифингке «Үздік жедел уәкіл» атанған Қызылорда облысы Полиция департаментінің Қазалы аудандық полиция бөлімінің криминалды полиция бөлімінің аға жедел уәкілі полиция капитаны Баймаханов Мұрат Алмасұлы да қатысты.
Дәстүрлі түрде жыл сайын Ішкі істер министрлігінің нұсқауымен «Үздік жедел уәкіл» байқауы ұйымдастырылып келеді. Полиция капитаны Мұрат Баймаханов осы жылдың тамыз айында облыстық деңгейде өткізілген байқаудың жеңімпазы атанып, республикалық байқауға жолдама алды. Аталмыш байқауға 17 өңірдің өкілдері қатысты. Олар атыс қаруынан оқ ату, дене шынықтыру дайындығы және күрестің жауынгерлік тәсілдері, сондай – ақ, экстремалдық жағдайдағы іс – қимыл жарамдылығы бойынша сынақтар тапсырды. Ол қатысушылардың арасынан топ жарып, «Үздік жедел уәкіл» номинациясын жеңіп, Ішкі істер министрі Ерлан Тұрғымбаевтың қолынан марапат алды.

Қызылордада жастар арасында есірткіқұмарлық қауіпті проблемаға айналып барады

<a href="https://kyzylorda-news.kz/ru/obshestvo/">Kyzylorda-news.kz</a>. Бұл күндері елімізде бастапқы медициналық-санитарлық көмек (БМСК) ұйымдарына жыл сайынғы тіркелу науқаны өтуде. Бүгінгі таңда емхананы еркін таңдау құқығын Қызылорда облысының 900-ден астам тұрғыны пайдаланды. БАҚ өкілдері Әлеуметтік медициналық сақтандыру қорының облыстық филиалы ұйымдастырған баспасөз туры барысында жеке және мемлекеттік емханалардағы тіркеу науқанының барысымен танысты.
15 қыркүйекте елімізде БМСК ұйымын еркін таңдау науқаны басталды. Емхананы екі ай көлемінде – 15 қарашасына дейін ауыстыруға болады. Бұл мүмкіндікті Қызылорда қаласының тұрғыны Нұршат Ахметова пайдаланды.
<blockquote>
 «Бүгін №6 емханаға тіркелдім. Мұнда тұрмысқа шыққанға дейін қаралдым. Кәсіби мамандар қызметі ұнайды. Міндетті әлеуметтік медициналық сақтандыру (МӘМС) жүйесінде сақтандырылғандықтан тіркеу барысында ешқандай кедергі болған жоқ», – дейді Нұршат.
</blockquote>
Жалпы, бүгінгі күні №6 қалалық емхана 69 246 тұрғынға қызмет көрсетеді. Көпшілігі БМСК көрсететін медициналық ұйымына өтініш беру арқылы тіркелсе, қалған азаматтар онлайн қызметті таңдаған (egov.kz порталы арқылы) немесе ХҚКО-ға өтінішпен жүгінеді. Басты шарт – сіз МӘМС жүйесінде сақтандырылуыңыз керек.
«Interteach» клиникасына тіркелгісі келетіндер аз емес. Науқан басталғалы бері бір ай ішінде 600-ге жуық адам тіркелген. Клиника 2019 жылдан бастап бастапқы медициналық-санитарлық көмек көрсетеді. Сол кезеңнен бері мұнда 1 900 қызылордалыққа қызмет көрсетіледі.
<blockquote>
 «Біздің жұмыс беруші «ПетроҚазақстан Кумколь Ресорсиз» компаниясы ерікті медициналық сақтандыру шеңберінде клиникамен келісім шарт жасасты. Сондай-ақ, мұнда бүкіл отбасымен міндетті әлеуметтік медициналық сақтандыру аясында медициналық қызметтерді аламыз. Бұл өте ыңғайлы. Сонымен қатар, кезек жоқ, барлық қажетті тар буынды мамандар, диагностикалық қызметтер бар және шұғыл медициналық көмек жақсы жолға қойылған», – дейді қала тұрғыны Айдар Оразаев.
</blockquote>
«Interteach» клиникасы бас дәрігері орынбасарының міндетін атқарушы Айгүл Аблаеваның айтуынша, БМСК қызметіне сұраныстың артуына байланысты екінші аймақты ашу жоспарлануда. Ережеге сәйкес, кампания кезінде тіркелген азаматтар 2022 жылдың 1 қаңтарынан бастап медициналық көмек ала бастайды.
Айта кетейік, тіркеу науқаны емхананы ауыстырудың жалғыз мүмкіндігі емес. Бұл рәсімді жылына бір рет еркін таңдау құқығымен жасауға болады. Сондай-ақ егер адам тұрақты немесе уақытша тұратын жерін, жұмыс немесе оқу орнын ауыстырған жағдайда, басқа елді мекенге көшкен болса немесе ол тұрған емхана қайта ұйымдастырылса, жойылса және басқа да жағдайларда емхананы ауыстыруға құқылы.
Егер сізде медициналық қызметтерді алуға байланысты сұрақтар туындаған жағдайда, өтінішті Қордың ресми кері байланыс арналары – 1406 байланыс орталығы, «Qoldau 24/7» мобильді қосымшасы, Қордың www.fms.kz сайты, Telegram-дағы Saqtandyry-bot арқылы хабарласуға болады. Мұнда да сіз сақтандыру мәртебеңізді тексере аласыз.

Қызылордада емхананы еркін таңдау құқығын 900-ден астам тұрғын пайдаланды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласы бойынша 400 жуық қоғамдық көлік тұрғындарға қызмет көрсетеді. Оның ішінде – 25 бағыт қалаішілік болса, 8 бағыт қала маңына қатынайды. Қазіргі таңда қоғамдық көліктердің жол сызбасы тұрғындардың сұранысына сәйкес оңтайландыру үшін тиісті шаралар жасалуда. Бұл туралы Өңірлік коммуникациялар қызметінде өткен брифингте қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімінің басшысы Бауыржан Оспанов мәлімдеді.
<blockquote>
 «Қаланың бірқатар мөлтек аудандарын қоғамдық көлікпен қамтамасыз ету мақсатында арнайы жол сызбалар әзірленді. Осы ретте жолаушылар тасымалына арналған конкурс өткізілмек. Соңғы кезде қоғамдық көлік мәселесіне байланысты пікірлер көп. Пандемияға байланысты жолаушылар ағыны едәуір азайып, жолаушы тасымалы қызметін көрсететін жеке кәсіпкерлер біршама шығынға ұшырады. Осы мәселе бойынша шығындарды өтеу үшін облыстық бюджеттен субсидиялауға қажетті құжаттар дайындалды. Субсидиялаудағы басты мақсат − жол жүру тарифтерінің өсуіне жол бермеу және жолаушы тасымалы қызметін жақсарту. Айта кетейік, қоғамдық көліктерде электронды төлем жүйесін пайдалану 70 пайызды құрады. Қала тұрғындарының қоғамдық көлікке деген сұранысын қанағаттандыру мақсатында тиісті шаралар жүргізілетін болады», – деді Бауыржан Әліпбайұлы.
</blockquote>

Қызылордада қоғамдық көліктердің жол сызбасы қайта қаралады

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы бойынша 795 тұрғын үй жылуға қосылса, 16 тұрғын үй ішкі жылу желілерінің ақауына байланысты жөндеу жұмыстары жүруде. Өңірлік коммуникациялар қызметінің баспасөз конференциясында облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев жылу маусымының дайындық жұмыстарын баяндады.
<blockquote>
 «Қазан айының басында Қызылорда қаласының орталықтандырылған жылу желілеріне гидравликалық сынақ жүргізілетіні туралы хабарланған болатын. Жылу желілерінің тозуынан немесе қондырғылардың істен шығуынан тұрғын үйлерде жылу беру бойынша мәселелер бар. Сонымен қатар, жылу құбырлардың меншік иесіне қарамастан қала әкімдігі мен Қызылорда жылу электр орталығы мамандары пәтерлердегі ақауларды қалпына келтіруге шаралар қолдануда», – деді Ерлан Жаңабаев.
</blockquote>
Қазіргі таңда, «Қызылордажылуэлектрорталығы» мекемесі жылу беру маусымына дайындық жұмыстарын аяқтады. Қала бойынша 186,8 шақырым жылу желілері бар. Бүгінде жылу құбыларының тозуы 40 пайызды құрайды. Баспасөз конференциясында «Қызылордажылуэлектрорталығы» МКК кәсіпорынның директоры Наурыз Сатханов атқарылып жатқан жұмыстарды баяндады.
<blockquote>
 «Қазіргі таңда жылумен қамтамасыз ету мақсатында негізгі қондырғылар штаттық режимде жұмыс істеп жатыр. Температуралық режим кестеге сәйкес тұрақты. Жылу энергиясының сағатына өндірілуі – 62,8 Гкал-ны құрады. Сыртқы ауаның орташа температурасы +8 градус болса жылу жүйесіндегі судың температурасы 57/46 градуста ұсталып тұруда. Кәсіпорын алдағы жылу беру маусымына дайындық жұмыстарын уақытылы аяқтау мақсатында бюжеттен тиісті қаржы қарастырылды», – деді Наурыз Асанханұлы.
 «Биылғы жылы жылу құбырларының тозығын азайту мақсатында инвестициялық бағдарлама бекітілді. Соның нәтижесінде кәсіпорын өз қаражаты есебінен 4,3 шақырым жылу құбырларын толығымен ауыстырды. Сондай-ақ, 10 қыркүйектен бастап магистралдық және кварталаралық жылу құбырларына салқын су айналымға қойылған болатын. Қала бойынша орталықтандырылған жылу жүйесіне барлығы 1538 нысан қосылған», – деді Қызылорда қаласының жылу жүйелері мекемесінің директоры Хасанғали Иманғалиев.
</blockquote>

Қызылордада кей тұрғын үйлерде ішкі жылу желілерінің ақауына байланысты жөндеу жұмыстары жүруде

<a href="https://kyzylorda-news.kz/ru/obshestvo/">Kyzylorda-news.kz</a>. 2008 жылда бері 15 қазанда&nbsp;«Дүниежүзілік таза қол күнін»&nbsp;(Global Handwashing Day) аталып өтіледі. Бұл шара БҰҰ Бас ассамблеясы ЮНИСЕФ балалар қорымен және Дүниежүзілік денсаулық сақтау ұйымының бастамасы бойынша өткізілеп келеді, деп хабарлайды Қоғамдық денсаулық сақтау ұлттық орталығының баспасөз қызметі.
Бұл күн қол жуудың денсаулыққа әсері туралы халықтың хабардарлығын арттыруға арналған. Дүниежүзілік таза қол күні жеке гигиена негіздеріне арналған. Оның басты мақсаты – үйде де, одан тыс жерлерде де қолды жууды дағдылы әрекетке айналдыру.
Адам алақанымен бітн жауып түшкіреді немесе жөтеледі, содан кейін ол қолымен есік тұтқасынан немесе көліктегі тұтқаны ұстайды, кейін тура сол тұтқаны сізді ұстайсыз. Вирустар мен бактериялардың бәрі сіздің қолыңызда қалады. Бұл жағдайдың өзі қорқынышты емес. Мәселе, біз бейсаналы түрде бетімізді қолымызбен қстаймыз, зерттеуге сәйкес, орташа есеппен сағатына 23 рет, яғни күніне жүздеген рет ұстайды екенбіз. Әрбір осындай жанасу арқылы ағзаға ауыздың, мұрынның және көздің шырышты қабаттары арқылы инфекцияның кіру қаупі бар. Егер сіз қолыңызды үнемі жусаңыз, қауіп айтарлықтай төмендейді.
Антисептиктер, майлықтар, гельдер және құрамында спирті бар басқа дезинфекциялық заттар пайдалы болуы мүмкін, бірақ қарапайым сабынмен ештеңені салыстыруға болмайды. Сабын мен судың үйлесімі жұқпалы ауруларға, соның ішінде коронавирусқа қарсы ең күшті қарудың бірі болып қала береді. Сондықтан Дүниежүзілік денсаулық сақтау ұйымы (ДДҰ) қолды жуу мүмкін болмаса, антисептикті сабынға балама ретінде ғана қолдануды ұсынады.
Ең бастысы – қолды дұрыс жуу: оны кем дегенде 20 секунд жуу ұсынылады. Алақанның сыртына, сондай-ақ саусақтардың арасындағы теріге назар аудару керек. Тырнақтарды да ұмытпаңыз – олардың астында үнемі кір, тамақ қалдықтары және патологиялық микроорганизмдердің көбеюіне тамаша жағдай жасайтын басқа заттар жиналады.
Қолды тамақ пісірер алдында және дастархан дайындамас бұрын; тамақтанар алдында; көшеден келгенде немесе қоқыс шығарғанда; қоғамдық орындардан үйге оралғанда немесе қоғамдық көлікте жүргеннен кейін; дәретханаға барғаннан кейін; жараны емдеуден бұрын және кейін; үй жануарларымен ойнағаннан кейін және т. б.&nbsp;жуу керек. Бұл диарея ауруының деңгейін 40 пайыздан астам, ал тыныс жолдарының инфекциясын 25 пайызға дейін төмендетеді.

Бүгін Дүниежүзілік қол жуу күні

<a href="https://kyzylorda-news.kz/ru/obshestvo/">Kyzylorda-news.kz</a>. Биыл Қазалы ауданыңдағы жастар ресурстық орталығының ұйымдастыруымен 502 іс шара өткізілген. Оның ішінде қайырымдылық бағытында 186 шара ұйымдастырылды. Басым бөлігі әлеуметтік жағдайы төмен отбасыларға қөмек көрсету аясында өтті. Өңірлік коммуникациялар қызметінде өткен баспасөз қызметінде Қазалы ауданының ішкі саясат бөлімінің Жастар ресурстық орталығы КММ директоры Асылхан Дәрібаев қайырымдылық шаралары туралы баяндады.
<blockquote>
 «Бүгінге дейін ауданның ерікті жастарының ұйымдастыруымен барлығы 18 отбасыға қайырымдылық аясында қоныс кілттерін табыс етті. «Харекет» қоғамдық қоры арқылы 8 үй табысталды. Сонымен қатар «Жылу сыйла жандарға жыңғылмен» акциясы аясында әлеуметтік жағдайы төмен 89 отбасыға қыстық отын жеткізіліп берілді. Көгілдір отын яғни газ жүйесіне қосылмаған 78 отбасының үйіне мұржа тазалау жұмыстары жүргізілді. Бұл шаралар әлі де жүзеге асырылуда. Ал мүкіндігі шектеулі және әлеуметтік жағдайы төмен отбасыларға ерікті жастарымыз қолдан келгенше көмек көрсетуде», – деді Асылхан Жұмабекұлы.
</blockquote>
Бүгінге дейін Харекет қайырымдылық қоры «1000 теңгеге баспана» аясында көмекке мұқтаж отбасылардың үйлі болуына үлкен үлес қосып келеді. Мәселен, 2017 жылдан бері облыс бойынша 500 баспананың кілті өз иелеріне табысталған. Қазалы ауданы бойынша Харекет ҚҚ еріктілердің жетекшісі Айдос Таңбышов қайырымдылық бағытындағы жұмыстарымен бөлісті.
<blockquote>
 «Қайырымдылық − ең ізгі қасиеттерінің бірі. Әлеуметтік жағдайы төмен отбасыларға жүрек жылуын ұсыну, сауабы мол іске атсалысу әрбір адамның азаматтық парызы деп білемін. Жақында Қазалы ауданына қарасты Өркендеу ауылының тұрғынына Харекет қорының атынан 503 үйдің кілті берілді. Қазіргі таңда үйдің құжаттары рәсімделуде. Біз көмекке мұқтаж әр адамға жәрдемдесуге тырысамыз. Харекет қорының еріктілері аудандар мен елд-мекендердегі мұқтаж жанұяларды баспана, азық-түлік және керекті дүниелермен қамтамасыз етуде. Сыр елінің барша тұрғындарын және жастарды қайырымдылық жасауға шақырамыз»,- деді Айдос Таңбышов.
</blockquote>

Қазақстан және Қызылорда облысының жаңалықтары