<a href="https://kyzylorda-news.kz/ru/obshestvo/">Kyzylorda-news.kz</a>. Аймақ халқының 75 пайызы толық екпе қабылдаған. Алайда індет әлі іргеде болғандықтан вакцинаның маңызы зор. Облыста екпе салдыру жұмыстары басталғалы бері вакцинацияның 1 компонентін – 339 506 адам салдырса, ІІ компонентпен – 273 970 адам қамтылды. Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жангелді Шайымбетов облыстағы вакцинациялау жұмыстарын баяндады.
<blockquote>
 «Қазіргі таңда облыс тұрғындарының арасында ұжымдық иммунитет қалыптасып келеді. Дегенмен өткен тәулікте 22 жағдай анықталды. Өңірде екпе қоры жеткілікті. Қараша айының ортасынан кейін «Pfizer» вакцинасын салдыру бойынша дайындық жұмыстары жүргізіліп жатыр. Ол екпе жүкті әйелдер мен 12 жастан асқан жасөспірімдерге арналған. Алайда бұл вакцина оқушыларға ата-анасының немесе заңды өкілінің рұқсатымен ғана салынады. Көпшіліктің «Pfizer» вакцинасы туралы сұрағы көп. Қазіргі таңда белсенді түрде ақпараттық насихаттық жұмыстар жүруде», – деді Жангелді Мырзагелдіұлы.
</blockquote>

Қызылорда: Балаларға арналған вакцинаға дайындық жұмыстары басталды

<a href="https://kyzylorda-news.kz/ru/obshestvo/">Kyzylorda-news.kz</a>. Облыс әкімінің орынбасары Бахыт Жаханов жұмыс сапарымен Қазалы ауданына барды. Басты мақсат – жеке кәсіпкер Төребек Игіліковтың балық ұнын шығаратын цехтың жұмысымен танысу.
Қазіргі таңда жеке кәсіпкер балық қалдықтарынан ұн және жем дайындайтын украиналық замануи техниканы сатып алған. Бұл құрылғы «Еуро 4» стандарты бойынша ұн және жем шығарады. Төребек Игіліков жобаны іске асыру үшін «Қарапайым заттар экономикасы» бағдарламасы шеңберінде 20 млн теңге және өз қаражаты есебінен 10 млн теңге қаржы жұмсаған. Цех үшін Әйтеке би кентіндегі«Өндірістік аймақтан» арнайы ғимаратты да дайындаған. Төребек Игіліковтың айтуынша, Қазалы ауданы үшін жаңа кәсіптің түрін бастап кету үшін көгілдір отын аса қажет.
Аудан әкімінің орынбасары Күнтілес Назымбеков Әйтеке би кентіндегі «Өндірістік аймаққа» көгілдір отын жеткізу үшін жоба әзірленгенін, оның іске асуы үшін 25 млн теңге қажет екендігін жеткізді.
Облыс әкімінің орынбасары Бахыт Жаханов жеке кәсіпкер Төребек Игіліковтың жаңа жобасын іске асыру үшін «Өндірістік аймаққа» табиғи газ жеткізу жолдары қарастырылатынын жеткізді.
<img src="https://kyzylorda-news.kz/wp-content/uploads/2021/10/246362346_3182852211935704_1898748531044086810_n.jpg" alt="" />

Бахыт Жаханов Қазалы ауданына жұмыс сапарымен барды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында аз қамтылған 12 мыңға жуық отбасы мен мүмкіндігі шектеулі 31 мың азамат бар. Аталған тұлғалар мемлекет тарапынан тиісті әлеуметтік жәрдемақымен қамтамасыз етілуде. Онан бөлек өңірдегі белсенді ұйымдар мен еріктілер көмекке мұқтаж жандарға әрдайым қолдау көрсетіп келеді. Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов қайырымдылық шаралары аясындағы атқарылған жұмыстарды тізбектеді.
<blockquote>
 «Жыл басынан бері облыс бойынша демеушілер мен ұйымдардың қолдауы арқылы 8 мыңнан аса әлеуметтік тұрмысы төмен отбасыларға көмек көрсетілді. Сондай-ақ, кәсіпорындар мен жеке қорлардың қаражаты есебінен баспанаға мұқтаж 56 отбасыға үй кілті табысталды. Мұнда әлеуметтік жағдайы төмен жанұяларға коммуналдық шығындарды өтеу үшін қажетті қаржы қарастырылды. Қайырымдылық шараларын өткізуге мекемелер мен кәсіпорындар, бизнес-құрылымдар, этно-мәдени бірлестіктер мен үкіметтік емес ұйымдар және қайырымдылық қорлары ат салысты. Бұл қайырымдылық жұмыстары жыл көлемінде жалғасатын болады», – деді Мейрамбек Жақсылықұлы.
</blockquote>
«Қайырымды істер марафоны» жалпыұлттық жобасы басталғалы бері 647 іс-шара ұйымдастырылды. Марафон аясында көмекке мұқтаж әртүрлі отбасыларға азық түлік пен қажетті тұрмыстық заттар үйлестірілген. «Қоғамдық Келісім» орталығының директоры, «Волонтерлер фронт офисінің» жетекшісі Болатбек Айтбенбетов жоба шеңберіндегі шаралар туралы баяндады.
<blockquote>
 «Қайырымды істер марафоны» жалпы ұлттық жобасы ауқымды шараларды ұйымдастырды. Облыс көлемінде 3000 мыңға жуық отбасына азық-түлік себеті үйлестірілді. Одан бөлек, әртүрлі ұйымдардың бірлесуімен көмекке мұқтаж азаматтарға баспана кілті берілді. Атап айтсақ, апатты жағдайда тұрған 50 ге жуық отбасыларға баспана кілті табысталды. Оның ішінде Арал ауданындағы Болат Өтемұратов қорының «Баламекен» жобасы шеңберінде 40 отбасы жаңа баспанаға ие болды. Қармақшы ауданының тұрғыны, көпбалалы отбасына “Харекет” қайырымдылық қорының 440-шы баспана кілті табысталды. «Жаңарған Жаңақорған жастары» қоғамдық корының бастамасымен 2 баспананың кілті табысталды. Марафон бастау алғаннан бері еріктілер білім саласында да белсенділік танытты. Мектеп оқушыларынан құрылған еріктілер ерекше білім беруді қажет ететін оқушыларға көмек көрсетуде. Жалпы бұл жобаға қайырымдылық қорлары, жеке кәсіпкерлер мен еріктілер белсенді араласты», – деді Болатбек Серікбайұлы.
</blockquote>

Мейрамбек Әбдікәрімов: Қызылордада 56 отбасыға баспана кілті табысталды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1910 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 25,
Алматы қаласы – 362,
Шымкент қаласы – 17,
Ақмола облысы – 121,
Ақтөбе облысы – 95,
Алматы облысы – 35,
Атырау облысы – 21,
Шығыс Қазақстан облысы – 226,
Жамбыл облысы – 13,
Батыс Қазақстан облысы – 180,
Қарағанды облысы – 162,
Қостанай облысы – 21,
Қызылорда облысы – 55,
Маңғыстау облысы – 251,
Павлодар облысы – 236,
Солтүстік Қазақстан облысы – 38,
Түркістан облысы – 52.
Қазақстан бойынша жазылғандар саны – 862030.

Қызылордада 55 адам коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1387 адамнан коронавирус инфекция ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 149,
Алматы қаласы – 250,
Шымкент қаласы – 33,
Ақмола облысы – 126,
Ақтөбе облысы – 15,
Алматы облысы – 111,
Атырау облысы – 24,
Шығыс Қазақстан облысы – 85,
Жамбыл облысы – 13,
Батыс Қазақстан облысы – 15,
Қарағанды облысы – 148,
Қостанай облысы – 103,
Қызылорда облысы – 14,
Маңғыстау облысы – 7,
Павлодар облысы – 159,
Солтүстік Қазақстан облысы – 128,
Түркістан облысы – 7.
Жалпы ел бойынша ауырғандар саны 919533.

Қызылордада 14 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. 19 қазан күні республиканың басым бөлігіне антициклон жотасының ықпалы жалғасады. Соған байланысты жауын-шашынсыз ауа райы сақталады, деп хабарлайды Қазгидромет.
Елдің тек батысында циклон жырасының әсерінен жаңбыр күтіледі. Солтүстік, шығыс және батыс өңірлерде – тұман, оңтүстік-шығыс, батыс өңірлерде екпінді жел болжанады.
Атап айтқанда, Жамбыл облысының оңтүстік-батысында, солтүстік-шығысында және таулы аудандарында 15-20 м/с күшпен жел соғады, екпіні 23 м/с артады.
Алматы облысының Жалаңашкөл ауданында желдің күші 17-22 м/с артады.
Түнде Батыс Қазақстан облысының солтүстігінде, шығысында желдің екпіні 15-20 м/с күшейеді.
Атырау облысының батысында, оңтүстік және орталығында, Қостанай, Шығыс Қазақстан облыстарының солтүстігінде, түнде Павлодар облысының оңтүстігінде, Маңғыстау облысының батысында – тұман, күндіз Қостанай облысының солтүстігінде 15-20 м/с жылдамдықта жел күтіледі.

19 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Рухани келісім күні − ұлтына, дініне, нәсіліне қарамастан қоғамдағы бейбітшілік пен тұрақтылық аясындағы келісім мерекесі.
1992 жылы Алматы қаласында рухани келісімнің алғашқы әлемдік конгресі өткен болатын. Содан бері елімізде 18 қазан «Рухани келісім күні» деп бекітілді. Бүгін Өңірлік коммуникациялар қызметінде өткен брифингте дін істері басқармасының басшысы Қуаныш Жанұзақов атаулы датаға орай өткізілген шараларды баяндады.
<blockquote>
 «Рухани келісім күні қарсаңында «Рухани келісім» апталығы өткізілуде. Аталған мерзім аралығында шығармашылық шаралар, спорттық сайыстар, қайырымдылық бағыттары қамтылатын болады. Өңірде «Зекет» қорымен «Жақыныңа жылу сыйла!» акциясы аясында аз қамтылған мұқтаж отбасыларға тегін көмір жеткізілді. Сонымен қатар қала және аудан әкімдіктерімен бірлесіп жергілікті діни бірлестік жетекшілерінің қатысуымен тазалық акциясы ұйымдастырылды. Ал бүгін Достық үйінде «Рухани келісім − зайырлы мемлекет тірегі» тақырыбында дөңгелек үстел өтті. Алқалы жиында татулық пен тұрақтылықты сақтауда үлес қосып жүрген азаматтарға облыс әкімінің орынбасарының алғыс хаттары табысталды. Жыл соңына дейін басқа да бағыттағы шаралар ұйымдастыру көзделуде», – деді басқарма басшысы Қуаныш Қуантқанұлы.
 «Бүгінгі Рухани келісім мерекесімен барша отандастарды құттықтаймын. Мемлекет болып, қоғам болып конфессияаралық келісімді нығайту − басты міндет болып табылады. Қазақ халқы «Отаны бірдің – тілегі бір, тілегі бірдің – жүрегі бір» деп текке айтпаған. Бүгінде ұлттар мен ұлыстар арасында бейбітшілік пен конфессияаралық келісімді сақталуда. Татулық пен сенімділікті серік етудің нәтижесінде мемлекетіміз өркениетке көш түзеді», – деді ҚМДБ-ның облыс бойынша өкілі, «Ақмешіт-Сырдария» мешітінің бас имамы Болатбек Ұласқанұлы.
</blockquote>

Қызылордада «Рухани келісім» апталығы өткізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордада 3 күннен бері хабарсыз кеткен 18 жастағы бойжеткен іздестірілуде.
Қызылорда қаласында тұратын Жанұзақ Айдана Қайратқызы 15 қазан күні сағат 17:00-18:00 шамасында үйінен белгісіз бағытқа шығып кеткен. Содан үйге қайта оралмаған.
<blockquote>
 «Осыған байланысты Қызылорда қалалық полиция басқармасы іздеу салады. Үстіне қара түсті былғары куртка, қара түсті шалбар, аяғында қызыл түсті кроссовка киген. 18 жастағы бойжеткен туралы қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар беруді сұраймыз. Тел: 8-705-255-81-25 немесе 102 арнасына қоңырау соғуға болады», – делінген Қызылорда қалалық полиция басқармасының хабарламасында.
</blockquote>

Қызылордада 18 жастағы бойжеткен іздестірілуде

<a href="https://kyzylorda-news.kz/ru/obshestvo/">Kyzylorda-news.kz</a>. Жыл басынан Жаңақорған аудандық пробация есебінен 4 адам қоғамдық жұмысқа тартылған. Қазіргі таңда бір азамат қоғамдық жұмыстар атқару арқылы жазасын өтеуде.
Аудандық пробация қызметінің инспекторы Ә.Мұратбаевтың айтуынша,&nbsp; полиция қызметкерлері азаматты тексеру барысында олардың&nbsp; киімінің қалтасынан өзіндік иісі бар кептірілген есірткі заты табылып, оны өткізу мақсатында өзімен бірге заңсыз сақтағаны анықталған. Сот үкімімен&nbsp; азаматты Қазақстан Республикасы &nbsp;Қылмыстық кодексінің 296-бабының 2-бөлігімен кінәлі &nbsp;деп танылып, &nbsp;80 сағат қоғамдық жұмыстарға тарту жазасы тағайындалған. Ол қазіргі уақытта аудандық әкімдік белгілеген орындарда күніне 4 сағаттан &nbsp;тазалық жұмыстарын атқарып жүр.
<blockquote>
 «Қазіргі уақытта өз кінәмді толық түсіндім. Қандай қылмыс жасасаңда оның өтеуі жаза екенін біле тұра жасағаныма іштей өкінішім бар. Жазамды еңбекпен өтеп жатырмен. Бұл маған үлкен сабақ болды», – деді есептегі азамат.
</blockquote>

Есірткіні заңсыз сақтаған қызылордалық қоғамдық жұмысқа тартылды

<a href="https://kyzylorda-news.kz/ru/obshestvo/">Kyzylorda-news.kz</a>. Бизнестің қарқынды даму үдерісіне мемлекеттік және өңірлік бағдарламалардың үлесі зор. Мәселен, ағымдағы жылдың қаңтар-қыркүйек аралығында Қызылорда облысында жалпы 23,8 млрд. теңгеге 1 975 жоба қаржыландырылды.
Атап айтқанда, “Бизнестің жол картасы” аясында 1360 жобаға 20,8 млрд. теңге, “Еңбек” бағдарламасы бойынша 450 жобаға 1,9 млрд.теңге, “Өңірлік инвестициялық орталық” тарапынан 165 жоба бойынша 1,15 млрд.теңге бөлінді.
Несие портфелі өткен жылмен салыстырғанда 6 есеге ұлғайды. Оған мемлекеттік бағдарламалары аясында несиелердің сыйақы мөлшерлемесінің төмендеуі, мемлекеттік кепілдіктер лимиттерінің ұлғаюы және кредит беру саласының кеңеюі себеп болды.
Бұдан бөлек, жергілікті тауар өндірушілерді қаржыландыру үшін ағымдағы жылы 2 пайыздық несиелеу бағдарламасы іске қосылды.
Осы мақсатта облыстық бюджеттен “Қызылорда” Өңірлік инвестициялық орталығына 400 млн. теңге тартылды. Қазірдің өзінде бөлінген қаражат шеңберінде тауар өндірушілердің 14 жобасы үшін 348 млн. теңге мақұлданды.
Айта кету қажет, келер жылға 2 пайызбен несиелеу бағдарламасына 500 млн. теңге қаралды. Қажет болған жағдайда, бөлінген қаражат көлемін ұлғайту мүмкіндігі бар.
Бұдан бөлек, ісін жаңа бастаған кәсіпкерлердің және кәсіпкер болуға әлеуетті жұмыссыз азаматтардың кәсіпкерлік бастамаларын қаржыландыру шаралары жалғасуда.
Биылғы жылы мемлекеттік бағдарламалары шеңберінде жалпы көлемі 1,7 млрд. теңгеге 2 592 жоба өтеусіз гранттармен қамтамасыз етілді.

Қызылордада шағын және орта бизнесті дамыту бағытында 1 975 жоба қаржыландырылды

<a href="https://kyzylorda-news.kz/ru/obshestvo/">Kyzylorda-news.kz</a>. Аталған шара көрерменсіз өтті. Оған тек ресми тұлғалар – ел президенті Катерина Сакелларопулу, Халықаралық Олимпиада комитетінің президенті Томас Бах, Грекия Олимпиада комитетінің басшысы Спирос Капралос және тағы басқалары қатысты, деп хабарлайды ҚазАқпарат.
Алауды жағу рәсімі&nbsp;<a href="https://www.youtube.com/watch?v=pz936NJY2HI">YouTube</a>&nbsp;арнасынан көрсетілді. Олимпиада алауының шырағын бірінші болып тау шаңғышысы Иоаннис Антониу көтереді.
Алау Ежелгі Олимпия стадионынан қазіргі заманғы Олимпиада ойындарының негізін қалаушы, француз бароны Пьер де Кубертен ескерткішіне дейін апарылады.
Бұдан кейін түнге қарай оны Афинаның Акрополіне апарып, 19 қазанда Қытай делегациясына табыстайды.
Грекияда алау эстафетасы COVID-19 вирусына байланысты шектеуге байланысты өткізілмеді.
Айта ктерлігі, Қысқы Олимпиада ойындары Бейжіңде 2022 жылғы 4-20 ақпан күндері аралығында өтеді.
Фото: tass.com

Қазақстан және Қызылорда облысының жаңалықтары