Kyzylorda-news.kz. Қызылорда облысының әкімі Гүлшара Әбдіқалықова модульді жұқпалы аурулар ауруханасына барып, жан сақтау бөлімінде жатқан науқастардың жағдайымен танысты. Бұл туралы аймақ басшысы өзінің “Facebook” парақшасында жазды.
Қымбатты жерлестер! Қазіргі таңда елімізде коронавирус індеті өршіп тұрғанын білесіздер. Вирустың таралу деңгейі бойынша әлі «қызыл аймақтан» шыға алмай отырмыз. Соңғы 10 күнде осы індетпен ауырғандар саны 2 мыңнан асып барады. Осы жағдайды ескеріп, өңірде инфекциялық төсек-орын санын 4 есеге дейін ұлғайттық.
Бүгін медициналық мекемелердің індеттің одан әрі таралуына әзірлігін пысықтау үшін модульді жұқпалы аурулар ауруханасына барып, реанимацияда жатқан науқастардың жағдайымен таныстым.
Үкіметтің қолдауымен 200 төсектік модульді стационар осы аптадан бастап ауруларды қабылдауда. Вирус жұқтырған азаматтардың жағдайы тұрақты бақылауға алынған. Науқастарға қажетті дәрі-дәрімек толық жеткілікті, мамандардың жұмыс режимі жолға қойылған.
Десек те, бұл індетпен ауырмаудың жолы – өз қолымызда. Көпшілік адамдар жиналатын шараларды, жиын-тойларды әзірге қоя тұрған дұрыс. Біз әсіресе, балаларымызды індеттен сақтауға міндеттіміз.
Вирустың жаңа штаммдары күннен күнге көбеюде. Кеше ғана АҚШ-тың Нью-Йорк қаласында «Йота» жаңа штаммы пайда болды. Бұл бізден індеттен сақтану шараларын қатаң ұстануымызды талап етеді. Балаларымыздың қауіпсіздігі, жақындарымыздың амандығы үшін карантин талаптарын сақтай отырып, екпе алуларыңызды сұраймын.
Өзіміздің де, жақындарымыздың да денсаулығы өзімізге байланысты екенін ұмытпайық! 
Әрбіріміз жауапкершілікті жүрегімізбен сезініп, қиың кезеңді бірге жеңейік, жерлестер!
<img src="https://kyzylorda-news.kz/wp-content/uploads/2021/08/fb_img_1628784676677.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628784679759-1.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628784688699.jpg" alt="" />

Гүлшара Әбдіқалықова жан сақтау бөлімінде жатқан науқастардың жағдайымен танысты

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық жастар ресурстық орталығы бойынша жыл басынан бастап 2 159 шара өтті. Сондай-ақ, атқарылған шаралар негізінде – 28 381 жас қамтылып, кеңес алғандар саны – 8 386.
Сонымен қатар, жастармен тікелей және жедел байланысқа түсу мақсатында сенім телефоны жұмыс жасайды. Сенім телефонына қоңырау шалу арқылы жартарға кеңес, түрлі мәселелер бойынша пікір алмасу жүргізіледі және психолог маманының көмегіне жүгіне алады. Сенім телефоны – 7 705 150 42 26.
Жастардың мақсатты топтарымен жұмыс жасауда оның ішінде, ерекше жағдайды қажет ететін балаларды және олардың ата-аналарымен жұмыс мүмкіндігінше назардан тыс қалған емес. Олармен ай сайын кездесулер өтіп, толғандырып жүрген сұрақтары бойынша арнайы мәселелер талқыланды. Айта кетейік, жыл басынан бері 6 кездесу ұйымдастырылды. Әрбір кездесу осыған дейін көтерілген мәселелерге байланысты әр сала өкілдерінің қатысуымен өтеді.
Орталықтың ұйымдастыруымен ҚР Президенті Қасым-Жомарт Тоқаевтың бастамасымен қолға алынған «Қайырымды істер марафоны» аясында 6347 шара өткізілді. Марафон аясында 31 отбасыға компьютер, 5840 отбасыға азық-түлік, 2 мерекелік концерт, 109 отбасыға тұрмыстық жиһаз, 338 отбасыға киім-кешек, 22 шара ардагерлерді ардақтайық, 2 спорттық шара, 2 қоғамдық қабылдау, 1 көрме ұйымдастырылды. Нәтижесінде, мүгедектігі бар жас жерлестерге 2 мүгедек арбасы, 4 балдақ беріліп, 6 отбасы дәрі-дәрмекпен қамтамасыз етілді.
Еске сала кетейік, облыстық жастар ресурстық орталығы жанындағы «Волонтерлар фронт-офисі» жанашыр жандардың үлесімен жинақталған 45 млн.-ға жуық қайырымдылық қаражатты үйлестірді және «30 игі іс» шарасы аясында Сыр жастарының қатысуымен Қызылорда облыстық қан орталығында «Донор бол» акциясы ұйымдастырылып, оған 300-ге жуық қан тапсырушы тартылды. Нәтижесінде 210 адамның қаны жарамды деп танылды.
Ғаламды шарпыған эпидахуалмен күресте де орталық мамандары белсенділік танытуда. Сонымен қатар орталыққа келушілерге де мамандар тарапынан ақпараттық-түсірдірме жұмыстары үздіксіз жүргізілуде. Сондай-ақ 16 маусымнан бастап, орталық ғимаратында сол жағалау тұрғындарына және мекеме қызметкерлеріне екпе егу пункті ашылды. Қазіргі таңда тұрғындарммен қатар «Болашақ» университеті, «Рухани жаңғыру» орталығы, «Оrda school» мектебі, «Ханшайым-ана» балабақшасының қызметкерлері вакцина қабылдады. Бүгінгі күнге дейін 200-ден аса адам өз еркімен екпе ектірді. Аталған бағыттағы жұмыстар әлі де жалғасуда.
ҚР Президенті Қасым-Жомарт Тоқаевтың бастамасымен қолға алынған «Бірге таза Қазақстан» эко-акциясы аясында орталық ғимараты жанынан «Жастар аллеясы» бой көтеріп, 400-ге жуық көшет отырғызылды. Сонымен қатар, «Таза қала» эко-акциясына қолдау білдіру мақсатында бірқатар көпшілік орындарға және аллеялар мен саябақтарға, мемлекет қарауындағы ескерткіштер мен зираттарға сенбілік жұмыстары жүргізіліп, 10 000-нан астам көшеттер отырғызылды.
Жас отбасылармен жұмысты жүйелеу мақсатында «Жас отау» жас отбасылар клубы құрылды. Жыл басынан бері клуб мүшелерінің қатысуымен 6 кездесу өтті. Отбасындағы жиі орын алатын мәселелер клуб мүшелерімен талқыланып, алдын алуға бірлесе жұмыстар атқарылды. Сондай-ақ, клуб мүшелерінің қатысуымен жастардың неке қию рәсімі ұйымдастырылды.
Орталық ғимаратындағы әлеуметтік дүкенге қайырымдылық көрсетушілердің саны артып, оның қолдануға жарамды тауарлар базасы ұлғайды. Соларды әлеуметтік аз қамтылған отбасыларға үлестіру үшін «Әлеуметтік жәрмеңке» ұйымдастырды Нәтижесінде, 170-тен аса отбасы қамтылды. Алдағы уақытта осы шараның көшпелі түрін ұйымдастыру жоспарда бар.

«Қайырымды істер марафоны» аясында 31 отбасыға компьютер табысталды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында жастардың жұмыссыздық мәселесін шешуде облыстық Жастар ресурстық орталығы жүйелі жұмыс жүргізуде.
Жастардың жұмыссыздық деңгейін төмендету және NEET санатындағы жастармен жұмыс жүйеленуде.
Сонымен қатар, орталық жанынан бос жұмыс орындарының ақпараттық базасын қалыптастыру мақсатында жұмысын бастаған әлеуметтік желілердегі «@Jastargajumys11» парақшасы арқылы 1000-ға жуық қызылордалық нақты ақпаратпен қамтамасыз етілді.
Оған қоса, «Жас еңбек құрылысшылар жасағы» аясында 90 жас тұрақты және маусымдық жұмыстарға орналасты. Жасақ құрамына 16 жастан асқан жастар қатыса алады.

«Жас еңбек құрылысшылар жасағы»: Қызылордада 90 жас жұмысқа орналасты

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова Токио Олимпиадасына қатысқан қызылордалық спортшылар Қамшыбек Қоңқабаев, Дәулет Ниязбеков және Мөлдір Жаңбырбаймен кездесті.
Аймақ басшысы Сыр жұртшылығы атынан Олимпиада ойындарында қола жүлдені жеңіп алған Қамшыбек Қоңқабаевты құттықтап, Дәулет Ниязбеков және Мөлдір Жаңбырбайға ел намысын қорғағандары үшін алғысын білдірді және спортшылардың жеңісі Тәуелсіз Қазақстанның жүлде тайқазанына сырбойылықтар атынан олжалы сый болғанын атап өтті.
<blockquote>
 «Екі апта бойы барша облыс халқы аламанға үкілеп шығарып салған үміттерінің тілеуін тілеп, жанкүйер болды. Алыс сапарға, жауапты жарысқа аттанған ұл-қыздарымыз сенімді ақтады! Ал Қамшыбектің алтынға бергісіз қола жүлдесі –&nbsp; талай бүлдіршіндердің қиялына қанат бітіріп, Сыр халқының көптен күткен асыл арманын жүзеге асырды. Ел Президентінен Мемлекеттік Туды алу қашанда үлкен мәртебе, зор сенім! Бұл міндетті жерлесіміз Қамшыбек Қоңқабаев абыроймен ақтап, байрағымызды Олимпиада төрінде желбіретті. Алдағы уақытта да Сыр спортшылары еліміздің Көк Туын халықаралық ареналарда желбірете берсін деген ізгі ниетімізді білдіреміз», – деді облыс әкімі.
</blockquote>
Биыл Сыр спортшылары толайым табыстарға қол жеткізуде. Жыл басынан жерлестеріміз ел біріншіліктерінде 700 медаль жеңіп алса, Әлем, Азия чемпионаттарында 46 медальға қол жеткізді.
Кездесуде облыс әкімі Гүлшара Әбдіқалықова ел намысын абыроймен қорғап шыққан Қамшыбек Қоңқабаевқа автокөлік кілтін, Олимпиада ойындарының қатысушылары Дәулет Ниязбеков пен Мөлдір Жаңбырбайға және Қамшыбек Қоңқабаевтың бапкері Сейітжан Төкеновке 1 млн. теңгенің сертификатын табыстады. Елдің рухы мен мәртебесін көтерген спортшыларға «Dalatex» ЖШС-нің басшысы Ділмұхамед Абизов, «Нұрлен» ЖШС-нің басшысы Қайрат Боранбаев, «Мелиоратор» ЖШС-нің басшысы Бердібек Мыханов және «Стандарт Ойл КЗО» ЖШС-нің басшысы Әділ Бижанов есімді Сыр бойылық меценат азаматтар демеушілік жасап, қолдау көрсетті.
Одан бөлек, шарада Спорт күні кәсіби мерекесіне орай №4 олимпиадалық резервтің мамандандырылған балалар мен жасөспірімдер мектебінің жеңіл атлетикадан жаттықтырушы Владимир Лептиков пен Қ.Мұңайтбасұлы атындағы спорт клубтың директоры Жамал Бозоваға ҚР Мәдениет және спорт министрінің төсбелгісі мен Құрмет грамотасы табысталды.
Олимпиаданың қола жүлдегері Қамшыбек Қоңқабаев пен жеке бапкері Сейітжан Төкенов спортшыларға көрсетілген қолдауға ризашылығын білдіріп, алдаға уақытта да жеңіс төрінен көріну үшін жұмыс жасайтынын айтты.
Сондай-ақ, жиында ауыр атлетикадан 4 дүркін әлем чемпионы, ҚР еңбек сіңірген спорт шебері Илья Ильин Қамшыбекті жеңісімен құттықтап, Мөлдір мен Дәулетке алдағы сайыстарда сәттілік тіледі және әріптестеріне кәсіби мерекелеріне орай ізгі тілегін арнады.
<img src="https://kyzylorda-news.kz/wp-content/uploads/2021/08/236139793_3610632772373099_8406544006720638601_n.jpg" alt="" />
<img src="https://kyzylorda-news.kz/wp-content/uploads/2021/08/236337354_3610632545706455_1666764452008788963_n.jpg" alt="" />
<img src="https://kyzylorda-news.kz/wp-content/uploads/2021/08/236015058_3610632762373100_4980774340527805955_n.jpg" alt="" />

Қызылорда облысының әкімі Қамшыбек Қоңқабаевқа автокөлік табыс етті

<a href="https://kyzylorda-news.kz/">Kyzylorda-news.kz</a>. Аймақта «Қызылорда» өңірлік инвестициялық орталығы» микроқаржы ұйымының бақылау кеңесінің отырысы өтті.
Кеңеске Қызылорда облысы аумақтық кәсіподақтар орталығының төрағасы, облыстық мәслихат депутаты, «NurOtan» партиясының фракция мүшесі Мақсұт Нәлібаев төрағалық етті.
Күн тәртібіндегі мәселе бойынша 311 млн. теңгенің 12 жобасы қолдау тапты. Негізінен қолдау тапқан жобалар ара балын өндіру, консерві, шұжық, жартылай фабрикаттар, яғни, тұшпара, котлет, тефтел, лағман өнімдері, сұйық сабын және шаруашылық сабындарын жасау, сонымен бірге, қымыз, ет өнімдері, тігін фабрикалары өндірістерін қамтиды.
Отырыс соңында кеңес төрағасы М.Ыбырайханұлы жоба жетекшілеріне алдағы іске асатын кәсіптеріне сәттілік тіледі. Бұл жұмыстар одан әрі жалғасын табатын болады.
Айта кетейік, Қызылорда облысының экономикасына жүргізілген талдауда азық-түлік тауарларының 95 пайызы сырттан келетіні белгілі болған еді. Осыған орай, облыс әкімі Гүлшара Әбдіқалықованың бастамасымен өңір тұрғындарын бірінші қажеттіліктегі тауарлармен қамтамасыз ету үшін «Облысты 2023 жылға дейін экономикалық дамыту жоспары» қабылданған болатын.
Жоспар өндіріс саласына бет бұрғысы келіп жүрген кәсіпкерлер үшін жақсы қолдау болып, қой, сиыр, жылқы еттерінен консервілер, жартылай фабрикаттар, шұжық, макарон өнімдері мен асқабақ сусынын жасаужәне шоколад өндірістері жобалары, сондай-ақ, құрылыс материалдары, сабын, антисептик өндірістерін іске қосуға септігін тигізді. Бұл жобалар «Бизнестің жол картасы 2025», «Қарапайым заттар экономикасы», «Еңбек» секілді кәсіпкерлік саласындағы бағдарламар аясында жүзеге асты.
Осы жұмыстарды одан әрі жүйелі жалғастыру үшін облыста 2 пайызбен 4 жыл мерзімде өңдеу өнеркәсібі саласын несиелендіруге облыстық бюджеттен «Қызылорда» өңірлік инвестициялық орталығы» микроқаржы ұйымына 400 млн. теңге қаржы бөлінді.
<img src="https://kyzylorda-news.kz/wp-content/uploads/2021/08/234942401_1268708430269019_4969954596915749220_n.jpg" alt="" />

Қызылордада 12 жоба қолдау тапты

<a href="https://kyzylorda-news.kz/">Kyzylorda-news.kz</a>.&nbsp;Қызылордада «Қарасора-2021» жедел-профилактикалық іс-шарасы жалғасуда.
«Қарасора-2021» жедел-профилактикалық іс-шарасының негізгі мақсаты – есірткі құралдары мен психотроптық заттардың заңсыз айналымы фактілерін анықтау, Қызылорда облысының аумағынан жабайы сораны заңсыз жеткізу арналарын жабу.
Қызылорда облысы аумағында жүргізілген іс-шаралар нәтижесінде Сырдария ауданы Іңқәрдария ауылынан 25 шақырымындағы&nbsp;канал жиегінде аудандық полицейлер 14 түп сора өсімдігін анықтады. Қылмысқа қатысты облыстың бір тұрғыны ұсталып, оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды. Сондай-ақ, оқиға орнында 25 литрлік шелек, жер өндеуге арналған құрал тәркіленді.&nbsp;&nbsp;
Қазіргі таңда күдіктіге қатысты Қазақстан Республикасы Қылмыстық кодексінің 300-бабының 1-бөлігімен бөлігімен (Өсiруге тыйым салынған өсiмдiктердi егу немесе өсiру немесе сораның, көкнәрдiң немесе құрамында есiрткi заттар бар басқа да өсiмдiктердiң сұрыптарын егіп-өсіру) сотқа дейінгі тергеп-тексеру амалдары жүргізілуде.

Қызылордада есірткі қылмысымен күрес жалғасуда

<a href="https://kyzylorda-news.kz/">Kyzylorda-news.kz</a>.&nbsp;Бүгінге дейін №1 қалалық емханада 18 мыңнан астам тұрғын вакцинаның І дозасын салдырған. Ал ІІ компонентін алғандар саны 14 мың. Өңірлік коммуникациялар қызметінде өткен брифингте №1 қалалық емхана бас дәрігерінің орынбасары Гүлмира Бердімағанбетова тұрғындардың екпе алудағы белсенділігін айтып, вакцина туралы пікірімен бөлісті.
<blockquote>
 «Екпе алған адам 100 пайыз вирустан қорғанады деген сөз емес. Алайда, екпе алған адам вирус жұқтырса ауру жеңіл түрде өтеді. Бұл ретте әр адамның иммундық жүйесі де үлкен маңызға ие. Қазір короновируспен ауырып, жағдайы ауырлаған науқастардың көпшілігі екпе алмағандар», – деді Гүлмира Бердімағанбетова.
</blockquote>
Сондай-ақ жағдайы орташа 162 науқас үй жағдайында, емхана стационарында 6 адам дәрігерлердің бақылауына алынғандығын айтты. Ал «Alexsey Sultan Akhmet» емханасы бас дәрігерінің емдеу ісі жөніндегі орынбасары Баян Уалиева «бұрынғы тіршілігімізге ораламыз десек, ұжымдық иммунитет қалыптастыруымыз керек», – деп қазіргі жағдайда ұжымдық иммунитет қалыптастырудың маңыздылығына тоқталды. Сонымен қатар сын сәтте тынымсыз еңбек етіп жүрген медицина саласы мамандарының еңбегін ерекше бағалап өтті.
<blockquote>
 «Аймақтағы санитарлық-эпедимиологиялық ахуал көпшілігімізді алаңдатуда. Күн сайын короновирус індетіне шалдыққан науқастар артып келеді. Осы орайда ауыр жүк медицина саласының мамандарына артып отыр. Қаншама науқасты ажалдан арашалап барынша күш-жігерін жұмсауда. Дәрігерлердің бұл еңбегі құрметке лайық», -деді Баян Уәлиева.
</blockquote>
<img src="https://kyzylorda-news.kz/wp-content/uploads/2021/08/235392398_1349093102152865_183053413118646883_n.jpg" alt="" />

Қызылордадада вакцина алушылар артып келеді

<a href="https://kyzylorda-news.kz/">Kyzylorda-news.kz</a>.&nbsp;Қызылордалық ғалым Самалбек Қосанов тәулігіне 200 келіден астам қауын чипсиін өндіріп шығарады.
Дәмі тіл үйіретін қара қауын – Сыр өңірінің күріштен кейінгі бренді болып саналады. Аймақтағы агроөнеркәсіп саласының мамандары қара қауынның тұқымын жаңа сапаға көтермек ниетте. Сондай мамандардың бірі – ауылшаруашылығы ғылымдарының кандидаты, Қорқыт Ата атындағы Қызылорда университетінің ғалымы Самалбек Қосанов.
Ғалым Қызылорда қаласында тәулігіне 200-500 келіге дейін қауын чипсиларын дайындайтын өндіріс орнын ашқан. Ол бұл жобаға «Бизнестің жол картасы-2025» бизнесті қолдау мен дамытудың мемлекеттік бағдарламасы аясында бизнес жоспар құрып, нәтижесінде, 2,5 млн. теңге көлеміндегі қаражатқа қол жеткізген.
Кәсіпкердің бұл идеясы бүгінде өзекті болып тұрған жастардың дұрыс тамақтану мәселесіне байланысты туындаған көрінеді. Жеңсік ас жергілікті қауын сорттарынан дайындалады.
<blockquote>
 «Облыстық кәсіпкерлік және туризм басқармасының ұйымдастыруымен өткізілген «Бизнестің жол картасы-2025» мемлекеттік бағдарламасына қатысып инновациялық жоба ұсынған болатынбыз. Мұндағы негізгі мақсатымыз өңірімізде өсірілетін қауындардан екі түрлі өнім шығару. Оның біріншісі – қауын чипсилары, екіншісі – кептірілген қауындарды нарыққа шығару. Биыл тамыз айынан бастап өңірімізге бейімделген жергілікті қауын сорттары пісіп жетілді. Сондықтан, тамыз айының басынан бастап өндіріске толықтай кірістік. Бүгінгі күні 50 киллограмдай қауын чипсилары мен кептірілген қауындар дайын тұр. Келешекте өндірісті кеңейтсек деген ойымыз бар. Себебі, әлемде кептірілген қауынға деген сұраныс өте жоғары. Әзірше дүниежүзі бойынша Өзбекстан мемлекеті ғана осы мәселемен шұғылданып жатыр. Болашақта басқа да шет мемлекеттер осындай өнімдерді шығаруға ниеттеніп отыр. Қазіргі таңда өнімдеріміздің барлығы «Қызылорда қауындары» деген брендпен шығарылып жатыр. Қаламызда орналасқан шағын маркеттермен келісім шарт жасалды. Алдағы уақытта өңіріміздегі барлық сауда желілерімен байланыс орнатып жұмыс жасау және сырт мемлекеттерге де шығару жоспарда бар», – дейді «Жаса Агро» орталығының басшысы Самалбек Қосанов.
</blockquote>
Орталықта 2 адам жұмыспен қамтылған. Мұнда сапалы тұқымдардан өзге бау-бақшаға тамшылатып суғару үшін қажетті құралдар, тыңайтқыштар, жылыжайға қажетті жабдықтарға дейін бар. Орталықтан тұқым немесе өзге де бау-бақшаға қажетті заттарды алған адамдарға Самалбек Қосановтың өзі қолдануына қатысты кеңес беріп, өнімді одан әрі жетілдіруге үлес қосатынын жеткізді.
Мұнан өзге, ғалым-кәсіпкер алдағы уақытта жұмыспен қамту орталығымен тығыз байланыс орнатып, жұмыссыз жүрген жандарды бау-бақшаның қыр-сырына үйретуді, үйретіп қана қоймай оқыған жандардың біліктілігін айқындайтын сертификаттар беруді көздеп отыр.

«Бизнестің жол картасы &#8211; 2025»: Қызылордада қауын чипсиі өндіріледі

<a href="https://kyzylorda-news.kz/">Kyzylorda-news.kz</a>. Тәуелсіздіктің 30 жылдығына орай Қызылорда облыстық Қазақстан халқы Ассамблеясы жанындағы Аналар кеңесінің ұйымдастырумен «Тәуелсіздіктің нәзік келбеті» атты ақпараттық-насихаттық жобасы шілде айында бастау алды.
Жоба облыс әкімі жанындағы әйелдер істері және отбасылық-демографиялық саясат жөніндегі комиссияның қолдауымен өткізілуде. Жобаның серіктестігі болып облыстық іскер әйелдер қауымдастығы белгіленген.
«Тәуелсіздіктің нәзік келбеті» атты фотожобаға қоғамдық қызметке белсенді, отбасында табысты, мансаптық өсу биіктеріне жеткен 30 әйел қатыстырылуда.
Аналар кеңесінің төрайымы, жобаның авторы, ұйымдастырушысы Рахима Ахметованың айтуынша, бұл жобаның ерекшелігі – Сыр өңірінің әйелдерінің тәуелсіздіктің қалыптасуына, облыстың әлеуметтік-экономикалық дамуына қосқан үлесі мен рөлін нақты мысалдар арқылы көрсету.
Жоба барысында әрбір қатысушы әйелдің заманауи технологиялармен жасалған фотопортреті дайындалуда. Республикаға танымал, талантты фотограф Рамиль Магдеев қатысушылардың фотосессиясы және фотопортреттерін жасау жұмыстарымен айналысуда.
Айта кетсек, жоба – коммерциялық, бюджеттік немесе демеушілік қаражатты пайдаланбайды. Дегенмен, осы жобаға қатысқысы келетіндер жеткілікті.
Жобаның ерекшеліктері: облыста тұратын этнос өкілдеріне, сондай-ақ ауыл әйелдерінің қатысуына басымдылық берілген.
Бүгінгі таңда фотожобаның 5 түсірілімі өтті. Әр түсірілімде жас ұрпаққа қол ұшын беріп, биік ұстаным танытып, рухани жаңғыру жолында&nbsp; еңбек еткен нәзік жандар, Тәуелсіздік жылдарында Сыр өңірінің өсіп-өркендеуіне және жалпыұлттық бірлік пен келісімді сақтауға сүбелі үлесін қосқан этнос өкілдері, өңірлік аналар кеңесінің мүшелері қатысуда. Олардың әрқайсысы өз саласының шеберлері, бірі ұлағатты ұстаз, бірі қайырымдылыққа толы ізгі жұмыстарды жасырын жасап жүрген кәсіпкер, бірі мемлекеттік салада мәртебелі қызметте жүрген жандар. Ал ең бастысы олар аяулы жар, асыл ана, ардақты әже.
Жобаның қорытындысы ретінде жоба қатысушыларының фотопортреттерінің көрмесі өткізіледі, сонымен қатар «Тәуелсіздіктің нәзік келбеті» атты форум ұйымдастырылады.

«Тәуелсіздіктің нәзік келбеті» фотожобасы ұйымдастырылуда

<a href="https://kyzylorda-news.kz/">Kyzylorda-news.kz</a>. Кәсіпкерлерге Ashyq жобасына қосылу процесін жеңілдету үшін отандық Aitu қосымшасында Ashyq Business пайда болды. Оның көмегімен смартфон арқылы QR-код алып, &nbsp;күзетші режимін басқаруға болады.
<blockquote>
 «Қосымшаның негізгі артықшылықтары: ЭЦҚ кілті талап етілмейді, сәйкестендіру процесі адамды бет-әлпетінен анықтайтын Digital ID – электронды жеке куәлік көмегімен іске асырылады. Кәсіпкер QR-кодты көп күтпестен бірден ала алады. Кез келген уақыттта күзетші режимін қосып, алып тастауға мүмкіндігі бар», – деді BTS Digital әзірлеуші компанияның өкілі.
</blockquote>
Aitu көмегімен QR-код алу жолдары:
1-қадам.&nbsp;Өз смартфоныңызға Aitu қосымшасын&nbsp;<a href="https://ashyq.business/?utm_source=npp">https://ashyq.business</a>&nbsp;қосып, телефон нөмірі көмегімен тіркеуден өтіңіз.
2-қадам.&nbsp;Қосымшалар бөлімінде Ashyq Business-ті табыңыз. Егер сервис ашылмаса, оны іздеу жолағына «Ashyq Бизнес» деп теріп, қосымшалар каталогынан табыңыз.
3-қадам.&nbsp;Digital ID арқылы сәйкестендіруден өтіңіз:
-«кіру» түймесін басыңыз
-SMS-код теріңіз
-ЖСН нөміріңізді теріңіз
-видео тексеруінен өтіңіз. Ол үшін смартфонның алдыңғы камерасы көмегімен шыққан доғал шеңберге бет жүзіңізді тақаңыз.
4-қадам.&nbsp;Нысанды қосып,&nbsp; QR-кодты алыңыз. Ол үшін «нысанды қосу» түймесін басыңыз, өтінімді толтырыңыз.
5-қадам.&nbsp;QR-кодты жүктеп алыңыз. Нысан атауына басқанда, QR-кодты, ақппараттық матераилдарды жүктеп алуға, сондай-ақ «күзетші» бөлімінде телефон нөмірлерін қосуға болатын бөлім ашылады.
Қосымша функционалы QR-кодты ЖШС-ның бірінші жетекші немесе жеке кәсіпкер алуын қарастырады.
Aitu қосымшасы арқылы «күзетші» режимін алу жолдары:
1-қадам.&nbsp;Қосымшаға кіріп,&nbsp; Ashyq Business-ті таңдаңыз.
2-қадам.&nbsp;Өз нысаныңызды тауып, объектіні таңдап, «күзетшіні қосу» түймесін басыңыз.
3-қадам.&nbsp;Телефон нөмірін және күзетші атын енгізіңіз.
4-қадам.&nbsp;Күзетші смартфонына SMS-код пен жұмыс нұсқаулығын алады.
Күзетшіні алып тастау үшін телефон нөмірі жанында ашылатын корзина белгісіне басыңыз.
«Егер телефон нөмірі Мобильді азаматтар базасында тіркелмеген және Ashyq &nbsp;жобасына қатысушы болмаса қосымша бұл абонементті күзетші қатарына қоса алмайды. Базаға egov.kz сайты арқылы тіркелуге болады», – деп түсіндірді әзірлеуші.
Aitu – BTS Digital компаниясы әзірлеген отандық қосымша, онда түрлі функциялар мен сервистер: мессенжер, электронды әмиан, музыка, бейнехостинг, контент арналар, мемлекеттік сервистер, білім беру бағдарламалары және Lamoda, OLX, iDoctor, eGov брендтері секілді 30-дан астам шағын-қосымша шоғырланған.
Aitu қосымшасын Appstore және Google Play-дан жүктеп алуға болады.
Ал ASHYQ-қа қатысты қандай да бір сауалдарыңыз болса Қызылорда облысы кәсіпкерлер палатасының мамандары кеңес беруге әзір.
Жауапты мамандар:
Қызылорда қаласы бойынша Гүлнұр Құрмантаева. Тел.: +7 771 479 7582, +7 771 544 8527;
Арал ауданы бойынша Нұрлан Махашов. Тел.: +7 778 480 77 87;
Қазалы ауданы бойынша Ахан Рашев. Тел.: +7 778 912 76 92;
Қармақшы ауданы бойынша Қуаныш Аяпов. Тел.: +7 777 333 0603;
Байқоңыр қаласы бойынша Әсет Мереков. Тел.: +7 771 703 87 40;
Жалағаш ауданы бойынша Асылхан Балмаханов. Тел.: +7 747 282 56 88, +7 705 850 18 62;
Сырдария ауданы бойынша Олжас Дүйсенов. Тел.: +7 777 878 87 86;
Шиелі ауданы бойынша Олжас Жылқыбаев. Тел.: +7 777 513 97 77;
Жаңақорған ауданы бойынша Нұрмахан Әлімбетов. Тел.: +7 778 249 88 88.

Ashyq жобасына ЭЦҚ-сыз қосылуға болады

<a href="https://kyzylorda-news.kz/">Kyzylorda-news.kz</a>. Ұлттық халық санағының І кезеңі аяқталды. 1-30 маусым аралығында өткен ұлттық халық санағының I кезеңінде тұрғынжайлар, тұрғын үйлер және тұрғын емес үй-жайлар тізімдері нақтыланды. Бүгінде ІІ кезеңіне дайындық жұмыстары басталған. Қазіргі эпидемиологиялық жағдайға байланысты, қоғамның қауіпсіздігі үшін халықпен тікелей байланыс жүргізетін 230 санақ нұсқаушыларының 66-ы екпе алған. Бұл туралы бүгін Өңірлік коммуникациялар қызметінде өткен баспасөз конференциясында облыстық статистика департаменті басшысының міндетін атқарушы Гүлмира Нұрқабылова хабарлады.
Уақытша санақ жұмыстарының алғашқы кезеңінде облыстық «Жастар ресурстық» орталығында жұмыссыз ретінде тіркелген жастар мен студенттер алынды. Ал, санақтың II кезеңінде 1113 азамат уақытша жұмысқа тартылады деп жоспарлануда. Олардың жұмыс өтіліне және кәсіби біліміне талаптар қойылмайды.Сонымен қатар, биылғы халық санағы электронды форматта өтуімен ерекшеленеді. Сондықтан да әрбір учаскілер компьютермен, интернет желісінің байланысымен қамтамасыз етіледі.
<blockquote>
 «Санақтың II-кезеңі 1 қыркүйек пен 30 қазан аралығында жүргізіледі. 1 қыркүйек пен 15 қазан аралығында <a href="http://www.sanaq.gov.kz/?fbclid=IwAR0OUKgnNxjpitHYX8ObQnXEBa2DSk3ZY37P0YbvNFRkWzC5c1XfwhTaumE">www.sanaq.gov.kz</a> мамандандырылған сайты арқылы онлайн режимінде өтеді. Әр тұрғын осы сайт арқылы өздеріне қойылған сұрақтарға жауап беріп, жеке мәліметтерін енгізуі тиіс. Ал, 1-30 қазан аралығында нұсқаушылар базаға енбей қалған тұрғындардың үйін аралап, планшет құрылғысымен ендіреді. Сайт жүйесі тәулігіне 24 сағат бойы қол жетімді. Бұл әрі облыс халқының компьютерлік сауаттылығының қаншалықты дәрежеде екендігін айқындайды. Әрбір санақ парағындағы мәліметтердің құпиялылығы заңмен кепілдендіріледі», – деді Гүлмира Жеткергенқызы.
</blockquote>
Ұлттық санақ кезінде «1446» бірыңғай call-орталығы жұмыс жасайды. Санақшының қойған сұрақтарына дұрыс жауап беру әр азаматқа міндетті. Айта кету керек, бұл Ұлттық халық санағы «Қазақстанда әркім маңызды» ұранымен өткізілуде.
<img src="https://kyzylorda-news.kz/wp-content/uploads/2021/08/235891897_1349036158825226_5752571512363256165_n.jpg" alt="" />

Халық санағының ІІ кезеңіне дайындық жұмыстары басталды

<a href="https://kyzylorda-news.kz/">Kyzylorda-news.kz</a>. Бүгін Токиода өткен XXXII жазғы Олимпиада ойындарына қатысушылар Қамшыбек Қоңқабаев, Дәулет Ниязбеков пен Мөлдір Жаңбырбай туған жеріне оралды.
Жерлестері спортшыларды Қорқыт Ата атындағы әуежайда салтанатты түрде қарсы алды. Айтыскер ақын, «Алтын домбыраның» үш дүркін иегері Мұхтар Ниязов спортшылардың құрметіне арнау арнап, сайыс барысында оларға бүкіл ел қызығушылықпен қарап, жанкүйер болғанын жеткізді.
Облыс әкімінің орынбасары Серік Ахмет Олимпиаданың қола жүлдегері Қамшыбек Қоңқабаевты жеңісімен құттықтап, өңірдің спорт тарихында алғаш рет бокстан олимпиада медалі қоржынға түскенін атап өтті. Сондай-ақ, облыс әкімінің орынбасары Дәулет Ниязбеков пен Мөлдір Жаңбырбайға әлі талай спорт бәсекесінде ел намысын, Сырдың абыройын биікке көтеретініне сенім білдірді.
Облыстық ардагерлер кеңесінің төрағасы Серік Дүйсенбаев Қамшыбекті жеңісімен құттықтап, спортшыларымыз болашақта Париждегі Олимпиадада еліміздің атын шығарады деп сенім білдірді.
Өз кезегінде, Олимпиада ойындарының қола жүлдегері Қамшыбек Қоңқабаев жерлестеріне ризашылығын білдірді және алдағы уақытта бұдан да зор жетістіктерге ұмтылатынын жеткізді.
Еске сала кетейік, XXXII жазғы Олимпиада ойындары 23 шілде мен 8 тамыз аралығында Токиода өтті.
Олимпиадаға Сыр елінің атынан 3 спортшы: бокстан ҚР еңбек сіңірген спорт шебері, Әлем чемпионатының күміс жүлдегері Қамшыбек Қоңқабаев, еркін күрестен ҚР еңбек сіңірген спорт шебері, Әлем чемпионатының күміс жүлдегері Дәулет Ниязбеков және каратэ-додан ҚР халықаралық дәрежедегі спорт шебері, 3 дүркін Әлем, 3 дүркін Азия чемпионы Мөлдір Жаңбырбай қатысты.
<img src="https://kyzylorda-news.kz/wp-content/uploads/2021/08/235764231_3610353125734397_6511984085212613275_n.jpg" alt="" />
<img src="https://kyzylorda-news.kz/wp-content/uploads/2021/08/235668119_3610353149067728_2361403515355085448_n.jpg" alt="" />
<img src="https://kyzylorda-news.kz/wp-content/uploads/2021/08/235668119_3610353379067705_8544425705147204616_n.jpg" alt="" />

Қазақстан және Қызылорда облысының жаңалықтары

Гүлшара Әбдіқалықова жан сақтау бөлімінде жатқан науқастардың жағдайымен танысты

«Қайырымды істер марафоны» аясында 31 отбасыға компьютер табысталды

«Жас еңбек құрылысшылар жасағы»: Қызылордада 90 жас жұмысқа орналасты

Қызылорда облысының әкімі Қамшыбек Қоңқабаевқа автокөлік табыс етті

Қызылордада 12 жоба қолдау тапты

Қызылордада есірткі қылмысымен күрес жалғасуда

Қызылордадада вакцина алушылар артып келеді

«Бизнестің жол картасы – 2025»: Қызылордада қауын чипсиі өндіріледі

«Тәуелсіздіктің нәзік келбеті» фотожобасы ұйымдастырылуда

Ashyq жобасына ЭЦҚ-сыз қосылуға болады

Халық санағының ІІ кезеңіне дайындық жұмыстары басталды

Қамшыбек Қызылордаға келді

Қазақстан және Қызылорда облысының жаңалықтары

Гүлшара Әбдіқалықова жан сақтау бөлімінде жатқан науқастардың жағдайымен танысты

«Қайырымды істер марафоны» аясында 31 отбасыға компьютер табысталды

«Жас еңбек құрылысшылар жасағы»: Қызылордада 90 жас жұмысқа орналасты

Қызылорда облысының әкімі Қамшыбек Қоңқабаевқа автокөлік табыс етті

Қызылордада 12 жоба қолдау тапты

Қызылордада есірткі қылмысымен күрес жалғасуда

Қызылордадада вакцина алушылар артып келеді

«Бизнестің жол картасы &#8211; 2025»: Қызылордада қауын чипсиі өндіріледі

«Тәуелсіздіктің нәзік келбеті» фотожобасы ұйымдастырылуда

Ashyq жобасына ЭЦҚ-сыз қосылуға болады

Халық санағының ІІ кезеңіне дайындық жұмыстары басталды

Қамшыбек Қызылордаға келді

«Бизнестің жол картасы – 2025»: Қызылордада қауын чипсиі өндіріледі