<a href="https://kyzylorda-news.kz/">Kyzylorda-news.kz.</a> ЗК-169/1 тергеу изоляторында мекеменің психологтары сотталғандардың мінез-құлқын түзетуге елеулі үлес қосып келеді. Соның ішінде психологтар тарапынан өткізілетін іс-шаралардың жазасын өтеушілерді оң бағытқа тәрбиелеудегі маңызы зор.
Сондықтан сала мамандары қылмысына сай жаза мерзімін алғандардың психологиялық жай-күйін жағымды жаққа бұрып, мерзімін өтеу барысында өмірден түңіліп кетпей, бостандыққа деген үмітке жетелеу мақсатында әр-түрлі тренигтер өтікізіп отырады.
Осы орайда, мекеменің аға психологы, әділет капитаны А. Мырзалы мекеменің шаруашылық бөліміне қалдырылған сотталған азаматтарына «Мен басқаның көзімен» деген тақырыпта тренинг өтті.
<blockquote>
 «Бұл азаматтар жігерлендіру мен көңіл аударуға зәру. Сол себепті де біз оларға осындай тренигтер арқылы , мотивация береміз. Яғни өткізілу шартына сай, ортаға бір адам кезекпен шығып, қалған қатысушылар ол жайлы қандай ой- пікірде екенін айтып баға береді. Нәтежиесінде, ортадағы сотталған өзінің жақсы жақтарын естіп, басқаның көзімен қандай адам екенін танып біледі. Оларға берілген баға көңіл- күйлерін көтеріп, еңбекке ынталандырады – дейді аға психолог А.Мырзалы.
</blockquote>
Шынында да, жақсы сөзге жан семірер деген, өзгелердің өзіне берген бағасы сотталғандардың жанын жадыратып, бостандыққа шығуға деген үмітін арттырады.
<blockquote>
 Менің мінез-құлқыма айтылған жоғарғы бағаның әсері болар бүгінгі өткізілген тренингтен кейін, бойымда өз- өзіме деген зор сенімділік пайда болды. Бостандыққа шыққан соң, дұрыс өмір сүру жолына түсіп, бастаған кәсібімді әрі қарай жалғастырамын. Отбасыма, айналама пайда келтірер азамат болуға деген сенімім артты – деді жазасын өтеуші жас жігіт.
</blockquote>
<img src="https://kyzylorda-news.kz/wp-content/uploads/2022/04/d1ffe893-3424-4cb0-847e-9be00d28231e.jpg" alt="" />

Жазасын өтеушілерге тұрақты психологиялық қызмет көрсетіледі

<a href="https://kyzylorda-news.kz/">Kyzylorda-news.kz.</a>&nbsp;Биыл Сырдария өзеніне көктем мезгілінде жоғарыдан келіп жатқан судың көлемі мол. Қазіргі таңда Қазалы ауданындағы Ә.Тыныбаев атындағы Басықара су торабына секундына 275 текше метр су түсіп жатыр. Оның 95 текше метрі каналдарға жіберілуде. Қалған 180 текше метр Басықара су торабының төменгі ағысына жіберілуде. Алдағы күндері төменге тасталатын су көлемі секундына 350 текше метрге дейін көбейеді деп күтілуде.
Осыған орай кеше Қазалы ауданына облыс әкімінің орынбасары Бахыт Жаханов облыстық табиғи ресурстар және табиғат пайдалануды реттеу басқармасының басшысы Бауыржан Шәменов және облыстық жұмылдыру басқармасының басшысы Мұса Қалдарбековпен бірге арнайы келіп, Сырдария өзенімен өтетін мол суды қауіпсіз өткізу жолдарын талқылады.
«Қазсушар» РМК Қызылорда филиалының директоры Ролан Ахметов қазіргі таңда Ә.Тыныбаев атындағы су торабы арқылы Ақсай арнасына 45, «Оң жаға» каналына 12, «Сол жаға» каналына 28, «Өтебас» каналына 5, «Әбжел» жайылымдығына 5 текше метр су жіберіліп жатқанын жеткізді.
Облыс әкімінің орынбасары Бахыт Жаханов Қазалы ауданындағы каналдардың мүмкіндігіне қарай «Ақсай» және «Оң жаға» арнасы арқылы жайылымдықтар мен көлдерге қосымша су жіберу жөнінде тапсырма берді.
Кездесуде алдағы уақытта «Өтебас» каналына тазарту жұмыстарын жүргізу, Масақбай бөгетіне 3-5 текше метр су өткізе алатын гидротехникалық құрылыс салу жөнінде ұсыныстар айтылды.
<img src="https://kyzylorda-news.kz/wp-content/uploads/2022/04/277522023_3318348421719415_4664421015965370742_n.jpg" alt="" />
<img src="https://kyzylorda-news.kz/wp-content/uploads/2022/04/277728817_3318348245052766_6168667783815050356_n.jpg" alt="" />
<img src="https://kyzylorda-news.kz/wp-content/uploads/2022/04/277731356_3318348225052768_985095460167422255_n.jpg" alt="" />

Сырдария өзеніндегі суды қауіпсіз өткізу мәселесі талқыланды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы (ДДСҰ) 2021 жылдың қараша айында бүкіл әлемде қызылша ауруының өршу тәуекелі туралы мәлімдеген болатын. Себебі коронавирус пандемиясына байланысты 2020 жылы 22 млн баланың, ал одан бір жыл бұрын 19 млн баланың ҚПҚ (қызылша, паротит және қызамыққа қарсы) вакцинациясының бастапқы дозасын алмағандығы үлкен алаңдаушылық туғызып отыр. Бұл бүкіл әлем бойынша 93 миллионнан астам адамның осы ауруды жұқтыруына әкелуі мүмкін.
Қызылша – жай ғана балалар ауруы емес, бұл ауа тамшылары арқылы жұғатын әлемдегі ең жұқпалы дерттің бірі, ол түшкіру, жөтелу және жақын қарым-қатынас арқылы беріледі. Вирус ауада және үстіңгі қабаттарда екі сағатқа дейін белсенді болып қалады, ауа ағынымен, мысалы, желдету жүйелері арқылы өте оңай таралады, сондықтан гигиенаны сақтау қызылшадан қорғануға көмектесе бермейді. Ауру адам денесінде бөртпе пайда болғанға дейін және ол жоғалғаннан кейін төрт күнге дейін ауруды таратушы болып қала береді.
Егер қызылша ауруының белгілері тек бөртпе мен жоғары дене қызуымен шектелетін болса, соншалықты қорқынышты болмас еді. Қауіптілігі сол – індетке шалдыққандардың үштен бірінде болатын асқыну жағдайлары. Көбінесе бұл бес жасқа дейінгі балаларда және жиырмадан асқан ересектер арасында кездеседі. Науқастарда құлақ инфекциясы дамуы мүмкін, бұл есту қабілетінің жоғалуына, сондай-ақ диареяға әкеледі. Жиырма баланың бірінде пневмония, ал мыңнан бірінде энцефалит дамуы мүмкін.
Қызылшамен ауырған адам жеті немесе он жылдан кейін сол дертті қайтадан жұқтыруы мүмкін. Бұл склерозды панэнцефалит-мидың прогрессивті ауруы. Ақыл-ой қабілетінің нашарлауы мен құрысуларға және әдетте өлім жағдайларына соқтырады. Жүкті әйелдер үшін қызылша аса қауіпті, себебі ол мерзімінен бұрын босануға немесе салмағында ақауы бар баланың туылуына әкелуі мүмкін.
Қызылша белгілері бірден пайда болмайды, инфекция жұқтырғаннан бастап бір-екі аптадан кейін байқалады және олар жедел респираторлық вирустық инфекцияға ұқсас келеді: температура көтеріліп, көз қызарып, ылғалданады, жөтел пайда болып, мұрыннан су ағады. Алғашқы белгілер байқалғаннан бастап екі-үш күн өткен соң ауыздағы шырышты қабықта Коплика дақтары — қызыл шекарасы бар кішкентай ақшыл-сұр дақтар пайда болады. Көп жағдайда олар беттің ішкі қуысында, төменгі азу тістердің артында орналасады. Бұл қызылшаның ең ерте көрінетін және айқын симптомы. Ауру басталғаннан кейінгі үшінші немесе бесінші күндері аурудың екінші кезеңі басталады — бөртпелер. Кішкентай қызғылт дақтар түріндегі бөртпе бүкіл денеге тез таралады. Алдымен беттің шаш өсетін аймағынан басталып, әрі қарай мойынға, денеге, қол мен аяққа дейін таралады. Алқызыл дақтар өткір қызыл түсті қышыма бөртпелерге айналады. Осы кезеңде дене қызуы 40 градусқа дейін көтерілуі мүмкін, жөтел өрши түседі. Қызылша ауруында бөртпелердің пайда болуы мен жойылу тәртібі: аурудың алтыншы немесе жетінші күнінде бөртпе кеудеге, арқаға, іштің аймағы мен жамбас тұсына таралады, ал сегізінші күні дененің аяқ бөлігіне жеткен кезде бірдей ретпен жоғала бастайды — бас, бет, мойын және т.б. Бөртпелердің орнында қоңырқай дақтар ұзақ уақыт қалып қояды.
Өкінішке қарай, қызылшаға қарсы дәрі-дәрмектер жоқ. Асқынулардың алдын алу үшін тек симптоматикалық терапия жүргізіледі. Яғни, егер көз, құлақ немесе пневмония инфекциясының белгілері байқалған болса, дәрігерлер антибиотик тағайындайды, құсу мен диарея кезінде сұйықтық пен электрит теңгерімдігін қалпына келтіруге көмектесетін ерітінділер енгізіледі.
Қызылшадан қорғанудың жалғыз жолы — вакцинация. ДСҰ мәліметтері бойынша, 2000-2016 жылдары вакцинация көмегімен қызылшадан болатын өлімнен 20,4 миллион өмірді сақтап қалды. Қызылшаға қарсы екпе екі рет жүргізіледі: 12-ден 15 айға дейін және 4-6 жаста. Десек те медициналық қарсы көрсетілімдер болмаса вакцинацияны кез-келген жаста жасауға болады.
Қызылшаның жұғу жылдамдығы өте жоғары, ал вакцинация болмаған жағдайда оның салдары Сіз үшін ғана емес, жақын адамдарыңыз үшін де ауыр болуы мүмкін. Сондықтан иммундаудан өту арқылы қауіпті аурудан сақтаныңыз.
Қызылорда облысының санитариялық-эпидемиологиялық бақылау департаменті

Пандемиядан кейін қызылша ауруы өршуі мүмкін

<a href="https://kyzylorda-news.kz/">Kyzylorda-news.kz.</a> Білім және ғылым вице-министрі Қуаныш Ерғалиев мемлекеттік білім беру гранттары бойынша ауыл квотасының 35 пайызға көбейтілетінін&nbsp;мәлімдеді.
<blockquote>
 “Биыл біз ауыл квотасын 35 пайызға дейін арттырамыз. Осылайша квота тағы 5 процентке өседі. Үкіметке тиісті ұсыныс енгізілді”, – деді Ерғалиев мәжілісте өткен үкімет сағатында.
</blockquote>
Вице-министрдің айтуынша, бүгінде ауыл шаруашылығы мамандықтары бойынша ауыл квотасы көп жағдайда игерілмей жатады. Оны жыл сайынғы статистика да растап отыр. Себебі мектеп түлектері ондай мамандықтарға құжат тапсырмайды.
<blockquote>
 “Гранттар жетіспей жатқан жоқ, мемлекеттік тапсырыс жетеді. Мәселе мынада, жастар ауылдағы мамандықтарға бармайды. Себебі жалақысы аз, мәртебесі төмен, әлеуметтік пакеті де мардымсыз. Бұл – кешенді проблема. Мысалы, былтыр 21 процент грант игерілмей қалды”, – деп атап өтті Ерғалиев.
</blockquote>
Ал мәжіліс депутаты Павел Казанцевтың ойынша, бүгінде қала балалары ауыл квотасын өз пайдасына іске асырып жатады.
<blockquote>
 “Әріптестерімнің айтуына қарағанда, сол 30 пайыздық квотаға қала балалары да кіріп кетеді. Оқу соңында ауылға үш айға барады да, квотасын алғаннан кейін кетіп қалады, ветеринарияда қалмайды”, – деді спикердің орынбасары.
</blockquote>
Айта кетсек, ауыл квотасының нақты мамандықтары бар. Оны үкімет елдің әлеуметтік-экономикалық дамуына қарай анықтайды. Ал конкурс кезінде гранттардың 30 пайызы тек ауыл балаларына ғана бөлінеді. Биылдан бастап оның көлемі 35 пайызға дейін артады.
<a href="https://stan.kz/">Stan.kz</a>

Білім гранттары бойынша ауыл квотасы 5 пайызға артады

<a href="https://kyzylorda-news.kz/">Kyzylorda-news.kz.</a>&nbsp;Арал теңізінің құрғап қалған аумақтарына сексеуіл егу науқаны басталды.
Арал теңізінің құрғап қалған ұлтанына көктемгі сексеуіл егу жұмыстары басталды. Жердің ылғалы азаймай тұрып, 12 мың гектар жерге көшет егу жоспарланған. Ал күзде тұқым себіледі. Осылайша, тек биылдың өзінде 250 мың гектер жерді жасыл желекпен көмкеру көзделіп отыр.
Бұл – Президент тапсырмасы аясында қолға алынған ірі жоба. Яғни, 2025 жылға дейін кенезесі кепкен айдынның құм мен тұз көтерілген табанына 1 миллион 100 мың гектар шөлге төзімді өсімдік өсірілу керек.

Арал теңізінің 12 мың гектар аумағына сексеуіл егу басталды

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 30,4 млрд. теңге аударды.
<blockquote>
 «Жүйе іске қосылған 2017 жылдың 1 шілдесінен биылғы жылдың 1 сәуіріне дейінгі аралықта Қызылорда облысының тұрғындары әлеуметтік медициналық сақтандыру қорына 30,4 млрд. теңге аударды. Оның 19,8 млрд. теңгесі, яғни, 65,1 пайызы жұмыс берушілердің аударымдары болса, қалған 10,6 млрд. теңге, 34,9 пайызы жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – дейді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар осы кезге дейін 30,4 млрд. теңге аударды

<a href="https://kyzylorda-news.kz/">Kyzylorda-news.kz.</a> Синоптиктер 5-7 сәуір аралығындағы ауа райы болжамын хабарлады.
Болжамға сәйкес, бұл күндері солтүстік, батыс, шығыс өңірлер Солтүстік-Батыс циклонның және онымен байланысты атмосфералық фронталды бөліктер ықпалында болады. Соған байланысты бұл аймақтарда жауын-шашын жауады, жел күшейеді. Түнгі уақытта көктайғақ болуы мүмкін.
Республиканың оңтүстік және оңтүстік-шығыс өңірлерінде күн жылы болады. Алайда таулы аудандарында жаңбыр мен найзағай болуы мүмкін. Күндіз бұл аймақтарда термометр бағаны +20…+28C дейін жетеді.
Алматыда 5 сәуір күні күн бұлтты болады, түнде ауа температурасы +14C, күндіз +24C көрсетеді. 6-7 сәуірде күн ашық, түнде +16…+18C, күндіз +26…+27C болады.

Ауа райы: Алдағы үш күн жылы болады

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментінің аудандық, қалалық пробация қызметінің есебіндегі сотталғандарға электронды білезіктер алынды.
ҚАЖ департаментінің пробация қызметіне басшылық жасау тобының аға инспекторы С.Тлеуованың айтуынша электронды білезіктер келесі санаттағы сотталғандарға тағылады жазаны өтеу шарттарын жүйелі түрде бұзатын және бірнеше ескертулері бар, сынақ мерзімі ұзартылғандар мен кәмелетке толмағандардың жыныстық тиіспеушілігіне қарсы қылмыстары үшін сотталғандар.
<blockquote>
 «Бұл электронды білезік сотталғандарды бақылау жасауға, тұрғылықты мекенжайын тастап кетпеуге, қайта қылмыстық алдын алуға септігі мол. Білезік тағылған сотталғандарды пробация инспекторлары арнайы планшеттер арқылы бақылайды, егер сотталған жаза өтеу тәртібін бұзса немесе білезікті өздігінен шешуге тырысса дабыл сигналы тәрізді белгі түседі», – дейді әділет майоры Сәбигүл Тлеуова.
</blockquote>

Қызылордада пробация есебіндегілерге электронды білезіктер қолданылады

<a href="https://kyzylorda-news.kz/">Kyzylorda-news.kz.</a>&nbsp;&nbsp;Бойы 2 метр сарбаздар Қызылорда, Талдықорған және Алматыда әскери борышын өтеп жүр, деп хабарлайды <a href="https://lenta.inform.kz/kz/boyy-2-metr-sarbazdar-kyzylorda-taldykorgan-almatyda-askeri-boryshyn-otep-zhur_a3918535">ҚазАқпарат.</a>
Ұлттық ұланның баспасөз қызметі мәлім еткеніндей, «Оңтүстік» өңірлік қолбасшылығына қарасты әскери бөлім сарбаздарының бойы екі метр болса, аяқкиім өлшемі 45-47 см.
Бойдың ұзындығы кедергі келтірмейді. Қайта спорттық нормативтер мен әскери міндеттерді орындауға, нысана көздеуге көмектеседі екен.
Солардың бірі – Талдықорған қаласының түлегі, қатардағы жауынгер Константин Тарасенко.
Сарбаз бүгінде Қызылорда қаласындағы 5547-әскери бөлімінде парызын өтеуде.
Константиннің бойы – 2 метр, салмағы – 79 кг, аяқкиім өлшемі – 46.
<img src="https://www.inform.kz/radmin/fotofiles/2022/04/03/2204031742354322g.jpg" alt="" />
Өзінің айтуынша, 9-сыныптан кейін Жетісу әлеуметтік-гуманитарлық колледжін бағдарламашы мамандығы бойынша бітіріп, Талдықорғанда графикалық дизайнер қызметін атқарған. Бір қызығы, анасының да бойы сондай ұзын екен.
<img src="https://www.inform.kz/radmin/fotofiles/2022/04/03/2204031742387524g.jpg" alt="" />
Медкомиссиядан өткен кезде бойының ұзындығымен таңғалдырған Константин қазір әскери өмірге әбден төселген. Киімнен де еш мұқтаждық жоқ. Оған шақ келетін киім қоймада жеткілікті. Тоғыз ай бойы Ұлттық ұлан сапында жүрген К.Тарасенко әскери борышын өтеу әр ер азаматтың парызы деп санайды.
<img src="https://www.inform.kz/radmin/fotofiles/2022/04/03/2204031742366823g.jpg" alt="" />
Ефрейтор Дияс Қасымов 2002 жылы Ақтөбе қаласында дүниеге келген.
Дияс футбол, волейбол, жүзу және мұзда сырғанаумен айналысады. 2021 жылы «Тарлан» АМУ Ақтөбе көпсалалы колледжін футбол бапкері мамандығы бойынша тәмамдаған.
<img src="https://www.inform.kz/radmin/fotofiles/2022/04/03/2204031742322920g.jpg" alt="" />
Өткен жылдың маусымында әскерге шақырылып, Талдықорғандағы 5514-әскери бөліміне келген Дияс өз қатарластарынан 2 метр бойымен және 45 өлшемді аяқкиімімен ерекшеленеді.
-Бойымның ұзындығы түк те қиындық келтірмейді. Әскери киім маған арналып тігілген, кереует те қолайлы. Тамақтануға келсек, біз сияқты ерекшелігі бар сарбаздарға тамақ екі есе артық көлемде беріледі, – дейді ефрейтор Д.Қасымов.
Қатардағы жауынгер Серікбай Қуаныш өткен жылдың күзінде Ақтөбеден әскерге шақырылған.
Алматы қаласындағы 5571-әскери бөліміне түскен алып сарбаз – отбасындағы үш баланың үлкені, бойы – 205 см, аяқкиімі – 47.
Серікбай Қуанышұлының мұндай ірі сүйекті болып тууы тегін емес. Оның өзінің және нағашы аталарының бойы 2 метрден асқан екен.
<img src="https://www.inform.kz/radmin/fotofiles/2022/04/03/2204031742339921g.jpg" alt="" />
Серікбайдың сөзіне қарағанда, 9-сыныптан кейін орта арнаулы білім алып, сәулетші мамандығын меңгерген. Бала жасынан самбомен жаттыққандықтан, шымыр болып өскендіктен, әскери өмірге тез көндіккен.
Серікбай – осы әскери бөлімдегі екі алып жауынгердің бірі.
Қатардағы жауынгер Алексей Ковалев 5517-әскери бөліміне Павлодардан келген.
Оның бойы Серікбайдан сәл қалыңқы, 1 метр 97 сантиметр. Әскерге дейін машинист көмекшісі мамандығын алып үлгерген Алексей өзінен де ұзын Серікбайды көргенде, таңғалғанын айтады.
-Бойыма әбден үйрендім. Көшедегілер бұрылып қарап, таңданыс білдірсе, мен де оларға күле жауап беремін, – дейді А.Ковалев.
Міне, Ұлттық ұлан сапында осындай бойы ұзын сарбаздар да елмен бірге азаматтық парыздарын өтеп жүр.

Қызылордада бойы 2 метр сарбаздар әскери борышын өтеп жүр

<a href="https://kyzylorda-news.kz/">Kyzylorda-news.kz</a>. Қызылорда қаласындағы түрме маңында күдікті тұрғын ұсталды. Оның қалтасында есірткі болған.
28 наурыз күні түнгі сағат 02:40 шамасында ЗК-169/5 мекемесінің артынан күдікті азамат байқалды.
28 жастағы тұрғынды тоқтатып, тексеру барысында одан 2 дана скочқа оралған белгісіз зат анықталды. Күдікті бұл затты өзі ұсынған.
Сараптама қорытындысы бойынша оның кептірілген марихуана есірткі заты екені анықталды.
Аталған дерек бойынша, Қазақстан Республикасы Қылмыстық Кодексінің 296-бабының 2-бөлігімен (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде.
Д.Маханова

Қызылордада түрме маңында есірткі заты бар тұрғын ұсталды

<a href="https://kyzylorda-news.kz/">Kyzylorda-news.kz</a>. Елімізде биыл да егістікке су тапшы болады. Жер емген шаруалар амалсыз егістік жерін азайтуға мәжбүр. Көрші елден келетін Жайық өзені сарқылып барады. Ресей алдымен суды өз қажетіне пайдаланады. Ал Қырғыз еліндегі Тоқтағұл су қоймасының суы биыл күрт азайып кеткен. Сәйкесінше бізге жіберетін су да азаяды деген сөз. Тіршілік нәрі тапшылығының алдын алу үшін ел үкіметі қандай жұмыстар жүргізіп жатыр?
Соңғы уақытта трансшекаралық өзендердің суы азайып барады. Ресейден бастау алатын Жайықтың суы да деңгейінен түсіп кеткен. Бұл еліміздің батыс аймағына кері әсерін тигізері сөзсіз. Жамбыл өңірінде суармалы жерлердің бәрі қырғыз елінен келетін суға тәуелді. Трансшекаралық су мәселелері түбегейлі шешілмей тұр. Қырғыз тарапы бұрын бекітілген су жіберу тәртібін сақтамайды. Оған қоса сенген серігіміз Тоқтағұл қоймасының өзінде су азая бастаған. Жалпы су ресурстарын көп пайдаланылатын бағытының бірі ауылшаруашылық саласы. Сондықтан диқандар суды үнемдеп пайдалану жолдарын іздеуден басқа амал жоқ деп отыр.
«Су тапшылығы өткен жылы өте қиын болды. Біз ана Шіркелік каналының соңында орналасқан, сол тармақтың аяғында болғаннан кейін біраз қиындықтарды көрдік. Бірақ енді өнімді жақсы былай, ойдағыдай 3 центнерден орташа алдық. Бірақ 2020 жылға қарағанда 7 центнер төмендеу болды. 2020 жылы 80,3 центнерден орташа өнім алғанбыз. Енді биыл осы төмен, аз болады дегеннен кейін біз көлемді азайтқанбыз. Енді суға байланысты жаңа айттым, ол бізде жаңа да сорттарды мен жалпы су болмайды болашақта дегенді естігеннен кейін біз өзі 2-3 жылдан бері зерттеп жатырмыз күріштің жаңа сорттарын», – дейді шаруа қожалығының төрағасы Әліби Бекжанов.
Су тапшылығынан диқандар биыл нәпақасын азайтуға мәжбүр. Тәуекелге баруға жүрексінеді. Жауын-шашын болмаса еңбегі зая кетеді. Суға жауапты ведмствоның айтары да сол, шаруалар егін аумағын азайтса дейді. Әйтпесе шығынға шаш етектен батуы әбден мүмкін.
«Сәуір айында жауын-шашын тағы да жалғасын таппаса, я болмаса жазғытұрым су аз келсе, біз қатты қысыламыз. Сол себепті біз айтып отырмыз, оңтүстік өңірлерде, мейлінше мақтаны да, күрішті де шамалы азайту керек. Қосымша каналдарды тазалау керек. Бұрынғыдай ағын су келеді деген жоқ. Биік жерлерге егіс екпеу керек», – дейді ҚР Экология, геология және табиғи ресурстар вице-министрі Серік Қожаниязов.
Айыр қалпақты ағайын «судың да сұрауы бар» деген әнге басқан. Тоқтағұлдан келетін тіршілік нәріне тәуелді болғандықтан жауапты министрлік қырғыз елімен жыл сайын алыс-беріс арқылы келісімге келеді. Биыл да бір тоқтамға келіпті. Демек, қырғыздар су берсе, біздің ел қосымша электр қуатын жібереді. Сондай-ақ елімізде бірнеше ірі су қоймасы салынатын болды. ҚР Экология, геология және табиғи ресурстар вице-министрі: –
<blockquote>
 «Сол қазір Жамбыл облысында, екі өзен бойынша, Шу мен Талас бойынша біз 3 су қоймасын саламыз деген жоспар бар. Техникада негізгі көмек жасадық. Биыл сол проектно-смета документация үлгіріп жатса, құрылысты бастаймыз. Ол деген өзіміздің Жамбыл облысы деген таулы жер ғой, жаңағы Қырғызстаннан келген судан бөлек өзіміздің территориямызда еріген қарларды жинақтап алып су қоймалары, сосын қырғыздардан келген су жетпесе, соны қосымша береміз. Дәл сондай жағдай бізде Қызылорда облысында, екі жерде су қоймасы деп айтпаймыз, көлдер жүйесі болған Көлдарияның бойында. Соны көктемгі су тасқыны кезінде көлдер жүйесіне кіреді де сосын дарияның су деңгейі түскен кезде қайтадан ағып кетеді. Біз енді контрреттеуіш емес, су бар кезде суды жинақтап алып, қажет кезінде ағызамыз», – дейді Серік Қожаниязов.
</blockquote>
Жауаптылар 2025 жылға дейін олқылықтың орнын толтырамыз деп отыр. Сол аралықта 9 қойма салынбақ.
<a href="https://24.kz/kz/zha-aly-tar/o-am/item/536873-k-rshi-elder-sudy-ueli-zderi-pajdalanyp-baryp-ana-aza-stan-a-zhiberedi">Хабар 24</a>

Көрші елдер суды Қазақстанға өздері пайдаланып болғаннан кейін ғана береді

<a href="https://kyzylorda-news.kz/">Kyzylorda-news.kz.</a>&nbsp; Қылмыстық-атқару жүйесі департаментінің ұжымы облыстық мамандандырылған сәбилер үйіне барып, қайырымдылық жасады.&nbsp;
<blockquote>
 &nbsp;«Не берсең де балаға бер, бала үшін жаса» деген&nbsp; дана халқымыз. Бүгінгі бала елдің ертеңі, болашағы, ұлттың жалғасы. Келер күннің айнасы. Оларды қуанышқа бөлеу- біздің парызымыз. Қызылорда облысы бойынша ҚАЖ департаменті ұжымы дәстүрлі түрде мереке сайын&nbsp; балаларға қуаныш сыйлаймыз. Бүгін де сәбилерімізге ең қажетті ойыншықтар тарту еттік»,-деді департамент бастығы Ш.Есенкелдиев.&nbsp;
</blockquote>
Бүгінде сәбилер үйінде жетім, ата-анасының қамқорлығынсыз қалған және ақыл-ойының дамуында ақаулықтар кездесетін 1-4 жас аралығындағы&nbsp; 50-ге&nbsp; жуық балалар тәрбиеленуде. Облыстық мамандандырылған сәбилер үйінің қызметкерлері департамент бастығы Шаймерден Тәжіқұлұлына және ұжым қызметкерлеріне&nbsp; сый-сияпаттары үшін алғысын білдірді

Қазақстан және Қызылорда облысының жаңалықтары