<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментінің аудандық, қалалық пробация қызметінің есебіндегі сотталғандарға электронды білезіктер алынды.
ҚАЖ департаментінің пробация қызметіне басшылық жасау тобының аға инспекторы С.Тлеуованың айтуынша электронды білезіктер келесі санаттағы сотталғандарға тағылады жазаны өтеу шарттарын жүйелі түрде бұзатын және бірнеше ескертулері бар, сынақ мерзімі ұзартылғандар мен кәмелетке толмағандардың жыныстық тиіспеушілігіне қарсы қылмыстары үшін сотталғандар.
<blockquote>
 «Бұл электронды білезік сотталғандарды бақылау жасауға, тұрғылықты мекенжайын тастап кетпеуге, қайта қылмыстық алдын алуға септігі мол. Білезік тағылған сотталғандарды пробация инспекторлары арнайы планшеттер арқылы бақылайды, егер сотталған жаза өтеу тәртібін бұзса немесе білезікті өздігінен шешуге тырысса дабыл сигналы тәрізді белгі түседі», – дейді әділет майоры Сәбигүл Тлеуова.
</blockquote>

Қызылордада пробация есебіндегілерге электронды білезіктер қолданылады

<a href="https://kyzylorda-news.kz/">Kyzylorda-news.kz.</a>&nbsp;&nbsp;Бойы 2 метр сарбаздар Қызылорда, Талдықорған және Алматыда әскери борышын өтеп жүр, деп хабарлайды <a href="https://lenta.inform.kz/kz/boyy-2-metr-sarbazdar-kyzylorda-taldykorgan-almatyda-askeri-boryshyn-otep-zhur_a3918535">ҚазАқпарат.</a>
Ұлттық ұланның баспасөз қызметі мәлім еткеніндей, «Оңтүстік» өңірлік қолбасшылығына қарасты әскери бөлім сарбаздарының бойы екі метр болса, аяқкиім өлшемі 45-47 см.
Бойдың ұзындығы кедергі келтірмейді. Қайта спорттық нормативтер мен әскери міндеттерді орындауға, нысана көздеуге көмектеседі екен.
Солардың бірі – Талдықорған қаласының түлегі, қатардағы жауынгер Константин Тарасенко.
Сарбаз бүгінде Қызылорда қаласындағы 5547-әскери бөлімінде парызын өтеуде.
Константиннің бойы – 2 метр, салмағы – 79 кг, аяқкиім өлшемі – 46.
<img src="https://www.inform.kz/radmin/fotofiles/2022/04/03/2204031742354322g.jpg" alt="" />
Өзінің айтуынша, 9-сыныптан кейін Жетісу әлеуметтік-гуманитарлық колледжін бағдарламашы мамандығы бойынша бітіріп, Талдықорғанда графикалық дизайнер қызметін атқарған. Бір қызығы, анасының да бойы сондай ұзын екен.
<img src="https://www.inform.kz/radmin/fotofiles/2022/04/03/2204031742387524g.jpg" alt="" />
Медкомиссиядан өткен кезде бойының ұзындығымен таңғалдырған Константин қазір әскери өмірге әбден төселген. Киімнен де еш мұқтаждық жоқ. Оған шақ келетін киім қоймада жеткілікті. Тоғыз ай бойы Ұлттық ұлан сапында жүрген К.Тарасенко әскери борышын өтеу әр ер азаматтың парызы деп санайды.
<img src="https://www.inform.kz/radmin/fotofiles/2022/04/03/2204031742366823g.jpg" alt="" />
Ефрейтор Дияс Қасымов 2002 жылы Ақтөбе қаласында дүниеге келген.
Дияс футбол, волейбол, жүзу және мұзда сырғанаумен айналысады. 2021 жылы «Тарлан» АМУ Ақтөбе көпсалалы колледжін футбол бапкері мамандығы бойынша тәмамдаған.
<img src="https://www.inform.kz/radmin/fotofiles/2022/04/03/2204031742322920g.jpg" alt="" />
Өткен жылдың маусымында әскерге шақырылып, Талдықорғандағы 5514-әскери бөліміне келген Дияс өз қатарластарынан 2 метр бойымен және 45 өлшемді аяқкиімімен ерекшеленеді.
-Бойымның ұзындығы түк те қиындық келтірмейді. Әскери киім маған арналып тігілген, кереует те қолайлы. Тамақтануға келсек, біз сияқты ерекшелігі бар сарбаздарға тамақ екі есе артық көлемде беріледі, – дейді ефрейтор Д.Қасымов.
Қатардағы жауынгер Серікбай Қуаныш өткен жылдың күзінде Ақтөбеден әскерге шақырылған.
Алматы қаласындағы 5571-әскери бөліміне түскен алып сарбаз – отбасындағы үш баланың үлкені, бойы – 205 см, аяқкиімі – 47.
Серікбай Қуанышұлының мұндай ірі сүйекті болып тууы тегін емес. Оның өзінің және нағашы аталарының бойы 2 метрден асқан екен.
<img src="https://www.inform.kz/radmin/fotofiles/2022/04/03/2204031742339921g.jpg" alt="" />
Серікбайдың сөзіне қарағанда, 9-сыныптан кейін орта арнаулы білім алып, сәулетші мамандығын меңгерген. Бала жасынан самбомен жаттыққандықтан, шымыр болып өскендіктен, әскери өмірге тез көндіккен.
Серікбай – осы әскери бөлімдегі екі алып жауынгердің бірі.
Қатардағы жауынгер Алексей Ковалев 5517-әскери бөліміне Павлодардан келген.
Оның бойы Серікбайдан сәл қалыңқы, 1 метр 97 сантиметр. Әскерге дейін машинист көмекшісі мамандығын алып үлгерген Алексей өзінен де ұзын Серікбайды көргенде, таңғалғанын айтады.
-Бойыма әбден үйрендім. Көшедегілер бұрылып қарап, таңданыс білдірсе, мен де оларға күле жауап беремін, – дейді А.Ковалев.
Міне, Ұлттық ұлан сапында осындай бойы ұзын сарбаздар да елмен бірге азаматтық парыздарын өтеп жүр.

Қызылордада бойы 2 метр сарбаздар әскери борышын өтеп жүр

<a href="https://kyzylorda-news.kz/">Kyzylorda-news.kz</a>. Қызылорда қаласындағы түрме маңында күдікті тұрғын ұсталды. Оның қалтасында есірткі болған.
28 наурыз күні түнгі сағат 02:40 шамасында ЗК-169/5 мекемесінің артынан күдікті азамат байқалды.
28 жастағы тұрғынды тоқтатып, тексеру барысында одан 2 дана скочқа оралған белгісіз зат анықталды. Күдікті бұл затты өзі ұсынған.
Сараптама қорытындысы бойынша оның кептірілген марихуана есірткі заты екені анықталды.
Аталған дерек бойынша, Қазақстан Республикасы Қылмыстық Кодексінің 296-бабының 2-бөлігімен (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде.
Д.Маханова

Қызылордада түрме маңында есірткі заты бар тұрғын ұсталды

<a href="https://kyzylorda-news.kz/">Kyzylorda-news.kz</a>. Елімізде биыл да егістікке су тапшы болады. Жер емген шаруалар амалсыз егістік жерін азайтуға мәжбүр. Көрші елден келетін Жайық өзені сарқылып барады. Ресей алдымен суды өз қажетіне пайдаланады. Ал Қырғыз еліндегі Тоқтағұл су қоймасының суы биыл күрт азайып кеткен. Сәйкесінше бізге жіберетін су да азаяды деген сөз. Тіршілік нәрі тапшылығының алдын алу үшін ел үкіметі қандай жұмыстар жүргізіп жатыр?
Соңғы уақытта трансшекаралық өзендердің суы азайып барады. Ресейден бастау алатын Жайықтың суы да деңгейінен түсіп кеткен. Бұл еліміздің батыс аймағына кері әсерін тигізері сөзсіз. Жамбыл өңірінде суармалы жерлердің бәрі қырғыз елінен келетін суға тәуелді. Трансшекаралық су мәселелері түбегейлі шешілмей тұр. Қырғыз тарапы бұрын бекітілген су жіберу тәртібін сақтамайды. Оған қоса сенген серігіміз Тоқтағұл қоймасының өзінде су азая бастаған. Жалпы су ресурстарын көп пайдаланылатын бағытының бірі ауылшаруашылық саласы. Сондықтан диқандар суды үнемдеп пайдалану жолдарын іздеуден басқа амал жоқ деп отыр.
«Су тапшылығы өткен жылы өте қиын болды. Біз ана Шіркелік каналының соңында орналасқан, сол тармақтың аяғында болғаннан кейін біраз қиындықтарды көрдік. Бірақ енді өнімді жақсы былай, ойдағыдай 3 центнерден орташа алдық. Бірақ 2020 жылға қарағанда 7 центнер төмендеу болды. 2020 жылы 80,3 центнерден орташа өнім алғанбыз. Енді биыл осы төмен, аз болады дегеннен кейін біз көлемді азайтқанбыз. Енді суға байланысты жаңа айттым, ол бізде жаңа да сорттарды мен жалпы су болмайды болашақта дегенді естігеннен кейін біз өзі 2-3 жылдан бері зерттеп жатырмыз күріштің жаңа сорттарын», – дейді шаруа қожалығының төрағасы Әліби Бекжанов.
Су тапшылығынан диқандар биыл нәпақасын азайтуға мәжбүр. Тәуекелге баруға жүрексінеді. Жауын-шашын болмаса еңбегі зая кетеді. Суға жауапты ведмствоның айтары да сол, шаруалар егін аумағын азайтса дейді. Әйтпесе шығынға шаш етектен батуы әбден мүмкін.
«Сәуір айында жауын-шашын тағы да жалғасын таппаса, я болмаса жазғытұрым су аз келсе, біз қатты қысыламыз. Сол себепті біз айтып отырмыз, оңтүстік өңірлерде, мейлінше мақтаны да, күрішті де шамалы азайту керек. Қосымша каналдарды тазалау керек. Бұрынғыдай ағын су келеді деген жоқ. Биік жерлерге егіс екпеу керек», – дейді ҚР Экология, геология және табиғи ресурстар вице-министрі Серік Қожаниязов.
Айыр қалпақты ағайын «судың да сұрауы бар» деген әнге басқан. Тоқтағұлдан келетін тіршілік нәріне тәуелді болғандықтан жауапты министрлік қырғыз елімен жыл сайын алыс-беріс арқылы келісімге келеді. Биыл да бір тоқтамға келіпті. Демек, қырғыздар су берсе, біздің ел қосымша электр қуатын жібереді. Сондай-ақ елімізде бірнеше ірі су қоймасы салынатын болды. ҚР Экология, геология және табиғи ресурстар вице-министрі: –
<blockquote>
 «Сол қазір Жамбыл облысында, екі өзен бойынша, Шу мен Талас бойынша біз 3 су қоймасын саламыз деген жоспар бар. Техникада негізгі көмек жасадық. Биыл сол проектно-смета документация үлгіріп жатса, құрылысты бастаймыз. Ол деген өзіміздің Жамбыл облысы деген таулы жер ғой, жаңағы Қырғызстаннан келген судан бөлек өзіміздің территориямызда еріген қарларды жинақтап алып су қоймалары, сосын қырғыздардан келген су жетпесе, соны қосымша береміз. Дәл сондай жағдай бізде Қызылорда облысында, екі жерде су қоймасы деп айтпаймыз, көлдер жүйесі болған Көлдарияның бойында. Соны көктемгі су тасқыны кезінде көлдер жүйесіне кіреді де сосын дарияның су деңгейі түскен кезде қайтадан ағып кетеді. Біз енді контрреттеуіш емес, су бар кезде суды жинақтап алып, қажет кезінде ағызамыз», – дейді Серік Қожаниязов.
</blockquote>
Жауаптылар 2025 жылға дейін олқылықтың орнын толтырамыз деп отыр. Сол аралықта 9 қойма салынбақ.
<a href="https://24.kz/kz/zha-aly-tar/o-am/item/536873-k-rshi-elder-sudy-ueli-zderi-pajdalanyp-baryp-ana-aza-stan-a-zhiberedi">Хабар 24</a>

Көрші елдер суды Қазақстанға өздері пайдаланып болғаннан кейін ғана береді

<a href="https://kyzylorda-news.kz/">Kyzylorda-news.kz.</a>&nbsp; Қылмыстық-атқару жүйесі департаментінің ұжымы облыстық мамандандырылған сәбилер үйіне барып, қайырымдылық жасады.&nbsp;
<blockquote>
 &nbsp;«Не берсең де балаға бер, бала үшін жаса» деген&nbsp; дана халқымыз. Бүгінгі бала елдің ертеңі, болашағы, ұлттың жалғасы. Келер күннің айнасы. Оларды қуанышқа бөлеу- біздің парызымыз. Қызылорда облысы бойынша ҚАЖ департаменті ұжымы дәстүрлі түрде мереке сайын&nbsp; балаларға қуаныш сыйлаймыз. Бүгін де сәбилерімізге ең қажетті ойыншықтар тарту еттік»,-деді департамент бастығы Ш.Есенкелдиев.&nbsp;
</blockquote>
Бүгінде сәбилер үйінде жетім, ата-анасының қамқорлығынсыз қалған және ақыл-ойының дамуында ақаулықтар кездесетін 1-4 жас аралығындағы&nbsp; 50-ге&nbsp; жуық балалар тәрбиеленуде. Облыстық мамандандырылған сәбилер үйінің қызметкерлері департамент бастығы Шаймерден Тәжіқұлұлына және ұжым қызметкерлеріне&nbsp; сый-сияпаттары үшін алғысын білдірді

ҚАЖ департаментінің ұжымы сәбилер үйіне барды

<a href="https://kyzylorda-news.kz/">Kyzylorda-news.kz.</a>&nbsp; Жасөспірімдерге коронавирусқа қарсы ревакцинация жасау үшін «Спутник М» вакцинасының бірінші компоненті пайдаланылуы мүмкін. Бұл туралы Гамалея атындағы эпидемиология және микробиология ҰЗО директоры Александр Гинцбург мәлімдеді, деп хабарлайды&nbsp;<a href="https://sputnik.kz/20220404/balalar-revaktsina-sputnik-m-23927705.html">Sputnik.</a>
Гинцбург реттеуші қосымша тексеріс жүргізуді тапсыруы мүмкін екенін нақтылады.
<blockquote>
 “Ревакцинация үшін «Спутник М» вакцинасының бірінші компоненті пайдаланылады деген үміттемін. Десе де реттеуші бізге қосымша зерттеу жүргізуді тапсыруы мүмкін”, – деді Гинцбург.
</blockquote>
Айта кетері, Ресейде ересектер коронавирусқа қарсы қайта вакцина салдыру үшін белгіленген тәртіпте тіркелген кез келген вакцинаны таңдай алады. Ревакцинация үшін бір компонентті «Спутник Лайт» вакцинасын да алуға болады.
Бұған дейін Гинцбург балаларды жарты жылда бір рет ревакциналауға кеңес берді. Алайда егер коронавирус штамы баяу өзгерсе, екпе алу мерзімі де ұлғаяды.
Еске салсақ, 6-11 жастағы балалар үшін «Спутник М» вакцинасын зерттеу Мәскеуде бірнеше клиникада жүргізіледі. Ресейдің денсаулық сақтау министрлігі қажетті зерттеулерден кейін 12-17 жастағы жасөспірімдер үшін «Спутник М» вакцинасын тіркеу туралы шешім қабылдаған болатын.

Балаларды ревакциналау үшін «Спутник М» пайдаланылуы мүмкін

<a href="https://kyzylorda-news.kz/">Kyzylorda-news.kz.</a>&nbsp;Футбол сүйер қауым «Қайсар» және «Оқжетпес» командаларының кездесуіне тегін кіре алады.
Футболдан Қазақстан кубогының бірінші кезеңінде өтетін «Қайсар» және «Оқжетпес» кездесуі жанкүйерлер үшін тегін ұйымдастырылады.
Кездесу Ғани Мұратбаев атындағы орталық стадионда 6 сәуір күні жергілікті уақытпен 15-00-де басталады.

Футбол: «Қайсар» және «Оқжетпес» командаларының кездесуін тамашалау тегін

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 11 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1
Алматы қаласы – 7
Алматы облысы – 1
Қостанай облысы – 1
Қызылорда облысы – 1
Жалпы ел бойынша ауырғандар саны 1305199.

Қызылордада 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 4 сәуірде Қазақстанның басым бөлігінде жауын-шашынсыз ауа райы сақталады, деп хабарлайды Қазгидромет.
Тек батыста, оңтүстік-батыста және солтүстік-батыста фронталды бөліктердің өтуімен жаңбыр жауады. Республика бойынша тұман, желдің күшеюі, оңтүстік-батыста найзағай, шаңды дауыл күтіледі.
Күндіз&nbsp;Қызылорда облысының&nbsp;солтүстігінде жел 15-20 м/с артады.

4 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Өткен жылы Қазақстанда ішкі туристердің рекорд көрсеткіші – 6,9 миллион адам тіркелді. Бұл пандемияға дейінгі деңгейден бес пайызға және өткен жылғы көрсеткіштерден 35 пайызға жоғары, деп хабарлайды <a href="https://kaz.tengritravel.kz/my-country/kazakstanda-shk-turister-sanyi-boyyinsha-rekord-janardyi-336202/">Tengrinews.kz</a>.
Сондай-ақ, ішкі туристік ағымның өсуіне байланысты отандық қонақүйлер көрсеткен қызметтер көлемі шамамен 90 пайызға дейін қалпына келіп, 109 миллиард теңгені құрады.
Статистикада орналастыру орындарының өсуі байқалды: 2020 жылы олардың саны 3 514 бірлікті құрады, ал 2021 жылы 172 жаңа орын пайда болды. Демек, бөлме қоры ұлғайып, 193 030 төсек-орынды құрады. Бұл өткен жылмен салыстырғанда 9 417 төсек-орынға артық.
Қазір шетелдік туристік ағын әлі де ковидтен кейін қалпына келіп жатыр. Ресми түрде, өткен жылы 330 мың шетелдік турист келген. Бұл 2021 жылғы деңгейден 31 пайызға жоғары, бірақ 2019 жылғы ковидке дейінгі көрсеткіштен аз.
Сонымен бірге, ұлттық оператордың баспасөз қызметі 74 мемлекетпен визасыз режим осы жылдың басынан бастап ғана қайта басталғанын, ал Қазақстанға кіруге жабық құрлық шекаралары сияқты кейбір ковидтік шектеу әлі де өзекті болып қалатынын атап өтті.
Келу туризмін толығымен қалпына келтіру тек 2024 жылы күтіледі.

Қазақстанда ішкі туристер саны бойынша рекорд жаңарды

<a href="https://kyzylorda-news.kz/">Kyzylorda-news.kz.</a> Өсімдіктер көмірқышқыл газын оттегіге айналдырады, көзді қуантып, интерьерге сән береді. Сондай-ақ олардың кейбірі ауаны зиянды заттардан тазартып қана қоймай, күйзелісті емдейтінін білесіз бе? Олай болса, әр үйде болуы тиіс гүлдер туралы&nbsp;білу&nbsp;артық болмас.
<img src="https://kyzylorda-news.kz/wp-content/uploads/2022/03/hlorofitwm-1.jpg" alt="" />
Хлорофитум
Ауаны тазартады, ылғалдылық деңгейін арттырады. Алоэ вера – жаралар мен күйіктерді емдеуге көмектеседі.
<img src="https://kyzylorda-news.kz/wp-content/uploads/2022/03/sansevierija.jpg" alt="" />
Сансевиерия
Ауаны зиянды қоспалардан тазартады.
<img src="https://kyzylorda-news.kz/wp-content/uploads/2022/03/fikws.jpeg" alt="" />
Фикус
Үйге көшеден кіретін немесе&nbsp;жиһаздар мен әрлеу материалдарынан шығарылатын фенол мен бензолды жояды.
<img src="https://kyzylorda-news.kz/wp-content/uploads/2022/03/begonija.jpg" alt="" />
Бегония
Ауру&nbsp;қоздырғыштарын өлтіретін фитонцидтерді шығарады.
<img src="https://kyzylorda-news.kz/wp-content/uploads/2022/03/geran.jpg" alt="" />
Герань
Бактериялар мен вирустарды, жәндіктерді жояды, адамды тыныштандырады.
<img src="https://kyzylorda-news.kz/wp-content/uploads/2022/03/kaktws.jpg" alt="" />
Кактус
Электромагниттік өрістерден қорғайды.
<a href="https://24.kz/kz/zha-aly-tar/bylu-manyzdy/item/535508-r-jde-boluy-tiis-g-lder">24 kz</a>

Әр үйде болуы тиіс гүлдер

<a href="https://kyzylorda-news.kz/">Kyzylorda-news.kz.</a> Қазақстанда A4 форматағы кеңсе қағазы қымбаттап жатыр.
Abdi кеңсе тауарлары желісінде бүгіннен бастап Svetocopy қағазының қаптамасы 3 500 теңге тұрады. Бұған дейін қағаз 3 мың теңгеден сатылған. Бұл 30 сәуірге дейін жалғасады, әрі қарай баға қалай өзгеретіні белгісіз. Бір адамға бес қаптамадан артық сатылмайды.
Бұл талап Abdi сайтында да сақталған. Olx.kz сайтындағы баға да осындай – бір қаптама шамамен 4 мың теңге тұрады.
Кеңсе тауарларының интернет-дүкенінде «Снегурочка» брендінің қағазы бар, бір қаптама 4 мың теңге тұрады. 
Бұған дейін индустрия және инфрақұрылымдық даму министрі Қайырбек Өскенбаев Қазақстанда қағаз өнімдерінің тапшылығы болмайтынын айтты. Біздің елге қағаз ең алдымен Ресейден, содан кейін Түркия және Қытайдан жеткізіледі.
Министр қазіргі импорттаушыларға қатысты кедергі туындаған жағдайда Қазақстанның баламалы бағыттары жеткілікті екенін айтты.
<blockquote>
 «Бізде қағазды кесу бойынша өндіріс бар, яғни орама қағаз әкелінеді, мұндай екі зауыт бар. Біз шикізатты осы елдерден әкелеміз», – деді ол.
</blockquote>
Неліктен ірі сауда желілері қағаз бағасын бірнеше есе көтереді деген сұраққа Өскенбаев бұл ақпаратты арнайы органдар тексеретінін айтты. Бірақ неге баға көтерілгенін білмейтінін жеткізді.
<blockquote>
 «Баға неге қымбаттап кеткенін білмеймін. Кеше ғана менің тапсырмам бойынша Аbdi дүкендеріне кірдік. Олар 3000 теңгеден сатса, басқа дүкендер 5-6 мың теңгеден сатып жатыр. Маған таңертен Abdi де бағаны көтергенін айтты. Тиісті органдар қайта тексереді. Себебі бұл басқа органдардың құзыретінде», – деді министр.
</blockquote>
Наурыздың ортасында Қазақстанда қағаз шамамен 1 500 теңге тұрды. Алты күн бұрын құны 3-4 мың теңгеге дейін, ал жекелеген дүкендерде 6 мыңға дейін жеткен.
Мамандар тапшылықты Қазақстанда да, Ресейде де қағаз өндірісі үшін шикізат жеткізудегі іркіліспен байланыстырды.
<a href="https://sputnik.kz/20220331/dukender-kense-qagazy-23866723.html">Sputnik Қазақстан</a>

Қазақстан және Қызылорда облысының жаңалықтары