Kyzylorda-news.kz. Сәуір айынан бастап жаңа бизнес-идеяларды іске асыруға берілетін қайтарымсыз грант беру шарттарына да өзгерістер енгізілді. Мемлекеттік грант мөлшері 1 225 200 теңгені құрайтын болады. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева мәлімдеді.
Айта кету керек, бұған дейін мемлекеттік гранттарға барлық санаттағы азаматтар үміткер бола алса, биылдан бастап тек 29 жасқа дейінгі жастар мен әлеуметтік осал топтарына жататын азаматтар ғана грант ала алады.
<blockquote>
 “Әлеуметтік осал топтарына атаулы көмек алушы отбасы мүшелері, көп балалы отбасылардың мүшелері, мүгедектер, мүгедек баланы тәрбиелеушіге берілетін жәрдемақыны алатын адамдар және қандастар жатады. Грант беру процесі биыл электронды түрде өтеді. Бұл ретте үміткерлер өтінімдерін 1 наурыздан бастап іске қосылатын «Еңбек-Бизнес» порталына ЭЦҚ арқылы тапсыратын болады”, – деді Ж.Дәулетбаева.
</blockquote>
Сонымен қатар, аталған санаттағы азаматтар жұмыспен қамту органдарында тіркеуде тұрған жұмыссыздар немесе мәртебесін ресімдеу мерзімі 1 жылға дейінгі жеке кәсіпкерлер немесе Бірыңғай жиынтық төлем төлеушілер немесе жеке қосалқы шаруашылықта жұмыс істейтін азаматтар қатарынан болуы тиіс.
Комиссия отырысында үміткер бастапқы бизнес жобасын таныстырады.
Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді. Гранттар бір рет беріледі.
<hr />

Қызылордада 1 млн. 200 мың теңге қайтарымсыз гранты беріледі

Kyzylorda-news.kz.Сыр еліне 88 жылдық тарихы бар Жұмат Шанин атындағы Шымкент қалалық академиялық қазақ драма театрының әртістері гастрольдік сапармен келді. 6-8 сәуір аралығында қала тұрғындарына үздік қойылымдарын ұсынбақ.
<blockquote>
 “Біздің театр 1934 жылы құрылды. Қазіргі таңда театр қарамағында 140-қа жуық қызметкер бар. Оның 45-і шығармашылық құрам болып есептеледі. Жыл сайын жаңа қойылымдар көрермен көзайымы болып, өңірлерге гастрольдік сапарлар ұйымдастырылып тұрады. Былтыр республикалық театр фестиваліне қатысып, жүлделі орындарды иеленген болатынбыз. Сонымен қатар шығармашылық байланыстарды нығайту мақсатында шет мемлекеттерден кәсіби мамандар шақыртылады. Қызылорда облысындағы Нартай Бекежанов атындағы музыкалық драма театрының ұжымдарымен әрдайым шығармашылық байланыстамыз. Алдағы уақытта бірлесіп ауқымды жобалар ұйымдастырылады”, – деді Ж.Шанин атындағы Шымкент қалалық академиялық қазақ драма театрының директоры Қайрат Қарғабаев.
 “Біздің сахналық қоржынымызда 40-тан аса қойылым бар. Үш күндік сапар аясында үздік әрі қызықты деген 3 қойылым көрермендер назарына ұсынылады. Атап айтсақ, Дулат Исабековтың «Әпке», Секен Жүнісовтың «Жаралы гүлдер» және жаңа қойылымдар сахналанады. Біздің театрымыздың 88-ші маусымы аясында Нұр-Сұлтан қаласы, Түркістан, Жамбыл өңірлеріне гастрольдік сапармен бару ойымызда бар. Алдағы 3 күнде Сыр халқын асыға күтетін боламыз”, – деді театрдың көркемдік жетекшісі, ҚР Еңбек сіңірген қайраткері Бекболат Құрмағожаев.
</blockquote>

Қызылордаға 88 жылдық тарихы бар театр гастрольдік сапармен келді

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Мұрат Ергешбаев тиісті сала басшыларымен «Ауыл-Ел бесігі» бағдарламасы аясында жүргізіліп жатқан құрылыс нысандарын аралады.
Алдымен Тереңөзек кентіндегі И.Тоқтыбаев көшесінің тұйығындағы жол жөндеу жұмысымен танысты. Қазіргі кезде көшенің 680 метріне тас төсеу жұмыстары жүргізілуде.
Мұнан соң, аудан басшысы Бесарық ауылындағы жүргізіліп жатқан жол жөндеу жұмыстары мен спорт кешенінің құрылысын көрді. Спорт кешенінің жалпы жобасының құны – 381 859,2 мың теңге. Мердігер мекеме «SCS Инжиниринг» ЖШС. Облыстық бюджеттен ауылдың 6 көшесінің орташа жөндеу жұмыстарына 246,5 млн. теңге бөлініп, жұмыс жүргізілуде.
Аудан әкімі Мұрат Нәлхожаұлының жұмыс сапары Ақжарма ауылында жалғасып, «Ауыл – Ел бесігі» бағдарламасы аясында республикалық және облыстық бюджеттен 186,7 млн. теңге қаржы қаралған көшелердің жөндеу жұмыстарымен танысты.
Сонымен қатар, ағымдағы жылы жергілікті маңыздағы «Қызылорда-Қоғалыкөл-Шіркейлі» автомобиль жолының 6 шақырымын орташа жөндеу жұмыстарына республикалық бюджеттен 146,5 млн. теңге бөлінді.
Аудан әкімі әрбір нысан басында мердігер мекемелердің жауапты қызметкерлеріне жұмысты сапалы әрі уақытылы аяқтауды тапсырды. Ал, ауылдық округ әкімдеріне туған жерде атқарылып жатқан жұмыстарға жанашырлықпен қарауға шақырды.
<img src="https://kyzylorda-news.kz/wp-content/uploads/2022/04/277582352_1097682604127964_7811417243493793204_n.jpg" alt="" />
<img src="https://kyzylorda-news.kz/wp-content/uploads/2022/04/277775169_1097682657461292_7269992752432181795_n.jpg" alt="" />
<img src="https://kyzylorda-news.kz/wp-content/uploads/2022/04/277787586_1097682840794607_7184897863462706404_n.jpg" alt="" />

«Ауыл-Ел бесігі»: Сырдария ауданының әкімі құрылыс нысандарын аралады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында еркін, әйелдер және грек-рим күресінен Қазақстан Республикасының чемпионаты өтеді.
Мақсаты – салауатты өмір салтын қалыптастыру және насихаттау, ювеналды қылмыстың алдын алу, Қазақстандағы олимпиадалық күрес түрлерінің беделін арттыру және дәріптеу, Азия және әлем чемпионаттарына қатысу үшін Қазақстан құрама командаларын қалыптастыру (U17, U23).
Дүбірлі дода Қызылорда қаласында 6-16 сәуір аралығында сағат 10:30-да «Мұз айдыны» спорт кешенінде өтеді. Финалдық кездесулер күн сайын сағат 18.00-ден басталады.
Жарысқа республикалық ресми жарыстарға 17 және 23 жастан аспаған күрестің әр стилінде 10 салмақ дәрежесінде 17 өңірлік команда, атап айтқанда Нұр-Сұлтан, Алматы, Шымкент қалалары және 14 облыс қатысады. Сайыста 1290 спортшы бақ сынайды.
Айта кетейік, еркін, әйелдер және грек-рим күресінен Қазақстан Республикасының чемпионаты алғаш рет Біріккен (жиынтық) форматта екі жас бойынша (U17, U23) өткізіледі. Осындай формат алғаш рет биыл Сауд Арабиясында өтетін Азия чемпионатында қолданылатын болады.

Қызылордада еркін, әйелдер және грек-рим күресінен ҚР чемпионаты өтеді

<a href="https://kyzylorda-news.kz/">Kyzylorda-news.kz.</a> Қазақстан Қарулы күштерінде бақылау-тексеру басталды. Әскерлерді тексеру қысқы оқу кезеңі аяқталғанша жүргізіледі.
Биыл бұл шара жаңа пішінде өтіп жатыр. Бас штабтың жоспарына сәйкес, құрамалар мен әскери бөлімдер оқу дабылымен көтерілді. Бөлімшелер практикалық оқу-жауынгерлік міндеттерді орындайтын полигондарға теміржол және жауынгерлік техникамен жетеді.
Полигонда түнде де оқу-жаттығулар мен атыстар өтеді. Сондай-ақ бөлімдердің белгіленген мерзімде тапсырмаларды орындау үйлесімділігі мен қабілеті, әскери қызметшілерді оқыту, сондай-ақ командирлердің бөлімшелерді басқара білу қабілеті сыналады. Қарулы күштердің барлық құрамалары мен бөлімдері, әскери басқару органдары тексеріледі.

Қазақстан Қарулы күштерінде бақылау-тексеру басталды

<a href="https://kyzylorda-news.kz/">Kyzylorda-news.kz.</a> Қазалы қаласында балалар жылы жастар фестивалінің ашылуы өтті.
Қазалы қалалық жастар ресурстық орталығы КММ мен «Amanat» партиясы жанындағы жастар қанатының ұйымдастыруымен «Балалар жылы» аясында «Жаңа дәуір – Жаңа Қазақстан» атты жастар фестивалінің ашылу салтанаты болып өтті.
Салтанатты шараға аудан әкімінің орынбасары Дәурен Тлеумбетов және Қызылорда қаласынан Қорқыт Ата атындағы Қызылорда университетінің Экономика және Құқық институтының директоры Нұрлан Құлмұрзаевпен университет мамандары қатысып жастарға сәттілік тіледі.
Салтанатты шарадан соң аудан бойынша өтінім берген 58 ғылыми жобалар өз жұмыстарын Қорқыт ата университетінің экономика, педагогикалық ғылымдарының кандидаттарының алдында қорғауда.
Фестивальдің ғылыми жобалар бағыты бойынша жүлдегерлерге Қорқыт ата университетіне 4 жыл тегін оқу грантын ұсынып отыр.
Айта кетейік, фестиваль 6 бағыт бойынша бір айға жоспарланған.
<img src="https://kyzylorda-news.kz/wp-content/uploads/2022/04/278008002_995811544373817_5050457652483098926_n.jpg" alt="" />
<img src="https://kyzylorda-news.kz/wp-content/uploads/2022/04/277248207_995811911040447_4703025389092300714_n.jpg" alt="" />

Қазалыда жастар фестивалінің ашылуы өтті

<a href="https://kyzylorda-news.kz/">Kyzylorda-news.kz.</a>&nbsp; «Дикий Арман» лақап атымен танымал қылмыс әлемінің серкесі Арман Жұмагелдиевті қамауға алу мерзімі тағы екі айға ұзартылды.
<blockquote>
 «4 сәуірде Алматының мамандандырылған ауданаралық тергеу соты Арман Жұмагелдиевтің қамауға алу түріндегі бұлтартпау шарасын 2022 жылдың 7 маусымына дейін ұзартты», – деп хабарлады қалалық соттың баспасөз қызметі.
</blockquote>
Бас прокуратура мәліметінше, Арман Жұмагелдиев бірнеше бап бойынша күдікке ілінген.
ҚК 287-бабы, 4-бөлігі «адамдар тобының алдын ала сөз байласуымен немесе бiрнеше рет қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру»;
ҚК 272-бабы , 2-бөлігі «Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу»;
ҚК 126-бабы, 3-бөлігі, 3-тармақшасы «Адамды бас бостандығынан заңсыз айырып, абайсызда жәбiрленушiнiң өліміне не өзге де ауыр зардаптарға әкеп соғу».

«Дикий Арманды» қамауға алу мерзімі  ұзартылды

<a href="https://kyzylorda-news.kz/">Kyzylorda-news.kz.</a>&nbsp; «Цифрлық Қазақстан» бағдарламасының бағыттарын жүзеге асыру мақсатында ЗК-169/1 тергеу изоляторына 100 бейнетіркегіш және 10 портативті радиостанция қондырғылары алынды.
Портативті алып жүретін бейнетіркегіш – бұл ІІО қызметкері аудиобейнежазбаны жүзеге асыру үшін арналған техникалық құрылғы.
Бейнежетонды арнайы контигентпен тікелей жұмыс жасайтын бекет кезекшісі мен бақылаушылар қызметтік міндеттерін орындау кезінде, іс-қимылына кедергі келтірмей, кеуде тұсына иық буынына жақын бекітіп алады.
<blockquote>
 «Бұл сотталғандар мен тергеу қамауындағылардың тарапынан болатын құқық бұзушыларды қолда бар жазбалар бойынша тексеру процесін жеделдетуге, аудио-бейне жазуға, азаматтардың іс-әрекеттеріне, сондай-ақ сапалы дәлелді базаны қамтамасыз етуге және құқық бұзушылықты анықтау мен жеке құрам арасындағы сыбайлас жемқорлық тәуекелдерін жоюға мүмкіндік береді. 
 Бейнетіркегіштерден алынған жазбаларды тек ішкі пайдалануға арналған, оларды тек арнайы құрылған топтардың қатысушылары ғана көре алады. Сондай-ақ тексеру іс-шаралары мен түсіндірме жұмыстарының жазбаларын сақтау мерзімі 12 айды құрайды» – дейді, әділет капитаны мекеменің инжинер техник маманы Бердібек Асхат.
</blockquote>

Тергеу изоляторындағы бейнеқұрылғылар тексеру процесін жеделдетеді

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университеті мектеп бітіруші оқушылар арасында «Startup Talapker» атты стартап жобалар байқауын ұйымдастырмақ. Бұл туралы университеттің баспасөз қызметі хабарлады.
Байқау Қызылорда облысындағы мектеп түлектерін кәсіпкерлікке баулу, инновациялық стартап жобаларды қолдау мақсатында өткізіледі.
Сайысқа өңірді дамытуға үлес қосатын, инновациялық әдістер мен технологиялар қолданылатын стартап жобалар қатыстырылады. Жобалардың шектелген бағыты жоқ. Сондай-ақ, әлеуметтік жобалар байқауға қатыстырылмайды.
<blockquote>
 «Startup Talapker» байқауы облыс бойынша алғаш рет ұйымдастырылуда. Байқауғаоблыстағы барлық аудан мен қала (Қызылорда, Байқоңыр) мектептерінің 11(12) – сынып оқушылары қатыса алады. Сайысқа қатысу үшін 11 (12) – сыныптың екі немесе үш оқушысы топқа бірігіп, тек бір жобаны ұсына алады. Бір мектептің атынан қатысатын топтардың саны шектеусіз, – деді университеттегі «Business Start» жастар кәсіпкерлігі орталығының басшысы Жанарыс Тубекбаев.
</blockquote>
Байқау 15 сәуір мен 15 мамыр аралығында өткізіледі. Байқауға қатысушылар 15 сәуірге дейін https://www.startuptalap.kz/ сайтында тіркеліп, толық ақпаратпен таныса алады.
Айта кету керек, сайыс 3 кезеңнен тұрады. Онлайн форматты өтетін өтінім қабылдау кезеңінде қатысушылар сайт арқылы тіркеледі. Мұнан кейін онлайн форматта жартылай финалға қатысып, іріктеуден өткен жобалар ЗУМ-сессия арқылы қорғалады. Ал, үшінші кезеңде қатысушылар жобасын Қорқыт ата атындағы Қызылорда университетінің Студенттер сарайында қорғайды.
Байқауда І орын иеленген топ мүшелеріне Қорқыт ата атындағы Қызылорда университетінде білім алуға 100 пайыз жеңілдік беріледі. Ал, ІІ орын иеленген топ мүшелеріне осы университетте білім алуға 50 пайыз жеңілдік, ІІІ орын иеленген топ мүшелеріне осы университетте білім алуға 25 пайыз жеңілдік беріледі.
Байқаудың серіктестері – Қызылорда облысының білім басқармасы, «Syr Jastary» облыстық жастар орталығы, «Ybyrai» қоғамдық қоры және «Syr Umiti» қоғамдық қоры.
<img src="https://kyzylorda-news.kz/wp-content/uploads/2022/04/biznes-bastap-2-1.png" alt="" />

Мектеп бітіруші түлектер арасында стартап жобалар байқауы өтеді

<a href="https://kyzylorda-news.kz/">Kyzylorda-news.kz.</a> Білім және ғылым министрлігі&nbsp;Мектепке дейінгі және орта білім комитетінің төрайымы Гүлмира Кәрімова жазғы мектептердің қалай жұмыс істейтінін айтты.&nbsp;
Оның айтуынша, оқу жылы дәстүр бойынша 25 мамырда аяқталады. Осыдан кейін 9 және 11-сынып оқушылары емтихан тапсыра бастайды. Ал қалған сынып оқушылары 17 маусымға дейін жалғасатын жазғы мектепке бара алады. Мұндай бұйрыққа Білім және ғылым министрі қол қойды.
<blockquote>
 Жазғы мектеп – біліміңізді жетілдіруге және олқылықтарды толтыруға тамаша мүмкіндік. Пандемия білімге жақсы әсер етпегенін, ал мектеп оқушылары білімге ынтасын жоғалтқанын білеміз. Кейбір елдерде бұл мәселені шешу үшін оқу жылын ұзартады. Оқу жылын ұзартпай, жазғы мектеп ұйымдастырдық. Біз барлық оқушыны жазғы мектепке баруға шақырамыз, – дейді Гүлмира Кәрімова.
</blockquote>
Мектепке дейінгі және орта білім комитетінің төрайымы жазғы мектептің әдеттегі сабақ форматында өтпейтінін айтты.
<blockquote>
 Оның орнына балаларға ыңғайлы болу үшін математика, ағылшын тілі, физика және тағы басқа негізгі пәндер бойынша икемді оқу кестесі ұйымдастырылады. Сабақтар музейлер мен экскурсияларға бару түрінде өтеді. Жазғы мектепте баға қойылмайды және үй тапсырмасы болмайды. Жазғы уақытта оқу мүмкіндігінше қызық әрі мазмұнды өтуге мүмкіндік жасалады. Кейбір балалар репетиторлармен ақылы курстарға барып, қосымша білім алса, жазғы мектепте балалар&nbsp; білімін шыңдап, олқылықтың орнын толтыра алады. Оның үстіне мұғалімдерге оқушыларының әлсіз жағын түзеуге жақсы мүмкіндік, –&nbsp; дейді Мектепке дейінгі және орта білім комитетінің төрайымы.
</blockquote>

Жазғы мектептер 17 маусымға дейін жұмыс істейді

<a href="https://kyzylorda-news.kz/">Kyzylorda-news.kz.</a> ҚР Мәдениет және спорт министрі Дәурен Абаев тегін мәдени үйірмелер бойынша туындаған проблема туралы пікір білдірді, деп хабарлайды <a href="https://lenta.inform.kz/kz/kazakstanda-tegin-uyirmelerdi-karzhylandyru-kolemi-artady_a3919190">ҚазАқпарат</a>.
<blockquote>
 «Бұл мәселе жұмыс істеп тұр. Тек 2-3 облыста ғана өтінімдердің көп келуінен проблема туындады. Үйірмеге қатысқысы келетіндердің саны жоспардағыдан көп болып шыққан. Бұл жерде мәселені шешудің бір жолы ғана бар. Біз қаржыландыру көлемін ұлғайтамыз. Бағдарлама әрі қарай жұмыс істей береді», – деді ведомство басшысы.
</blockquote>
Оның мәліметі бойынша, аталған үйірмелерге бөлінуі тиіс қаражаттың нақты көлемі мен мерзімін жергілікті әкімдіктер есептеп, анықтайды.
<blockquote>
 «Мәселе қаржыда емес, тегін үйірме қызметін ұсынудың шарттарын реттеуге келіп тіреліп тұр. Үкімет отырысында айтқанымдай, құжатта бар, нақты өмірде жоқ жандар пайда болып жатыр. Сондықтан бұл мәселені жуық арада шешуіміз керек. Бүгінге дейін бұл бағдарламаның мүмкіндігін 500 мың бала пайдаланып үлгерген. Меніңше, бұл тамаша көрсеткіш. Яғни, тегін үйірмелер жабылмайды», – деді Дәурен Абаев.
</blockquote>

Қазақстанда тегін үйірмелерді қаржыландыру көлемі артады

<a href="https://kyzylorda-news.kz/">Kyzylorda-news.kz.</a> Жайна Сламбекқызы «Хабар» телеарнасына директор болып тағайындалды.
Ол 1974 жылы 12 қарашада Қызылорда облысы, Қармақшы ауданы, Қуаңдария ауылында дүниеге келген.
Жайна Сламбекқызы Әл-Фараби атындағы Қазақ Ұлттық университетінің журналистика факультетін аяқтаған.
Еңбек жолын ең алғаш 1996 жылы «Хабар» агенттігінде тілші болып бастаған. 2014 жылдың ақпанына дейін комментатор, атқарушы продюсер, тележүргізуші, ақпараттық-сараптамалық бағдарламалар дирекциясының директоры болып жұмыс істеді.
2014-2019 жылдары «Астана» телеарнасында «Біздің уақыт» ақпараттық-сараптамалық бағдарламасының авторы әрі жүргізушісі болды.
2019 жылдың тамызынан «Qazaqstan» ұлттық арнасының «Apta» бағдарламасының жетекшісі және жүргізушісі болып қызмет атқарды.
1999 жылы Қазақстан Журналистер одағы сыйлығының лауреаты. 2019 жылы отандық тележурналистиканың дамуына қосқан үлесі үшін ҚР Президенті сыйлығымен марапатталды. 2020 жылы «Тұмар» ұлттық телевизия сыйлығының иегері атанды.

Қазақстан және Қызылорда облысының жаңалықтары