<a href="https://kyzylorda-news.kz/">Kyzylorda-news.kz.</a>&nbsp; Осы жылдың үш айында тұтынушылардың құқығын бұзу туралы 66 өтініш түскен. Оның 45,4 проценті сапасыз тауарды айырбастау немесе қайтарудан бас тарту секілді арыздар. Аталған өтініштердің 31-і заңға сәйкес қанағаттандырылды. Ал 17 өтініш басқа мемлекеттік органдарға жолданып, 18-і түсіндірілді. Нәтижесінде тұтынушыларға барлығы 293 мың теңгеден астам қаржы кері қайтарылды.
Бұл жөнінде Өңірлік коммуникациялар қызметінде өткен брифингте Қызылорда облысы бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
<blockquote>
 «Тұтынушы құқығының жиі бұзылуы – сатушылардың және тұтынушылардың заң талаптарын білмеуінен орын алады. Осыған орай, департамент тарапынан «Халық үніне құлақ асатын мемлекет» тұжырымдамасына сәйкес аталған әлеуметтік зерттеу қорытындысы тиісті уәкілетті мемлекеттік органдарға жолданып, тұтынушылардың құқықтарын қорғау бағытында жұмыстар жүргізілуде. Заңмен бұзылған құқықтарды қалпына келтіру, шығындарды өтеу, тұтынушылардың құқықтарын қорғау жүйесінің тиімділігін арттыру мақсатында дәйекті үш сатылы жүйесі енгізілді. Онда сатып алушы мен тауар берушінің нақты талаптары қарастырылған», – деді Ерқасым Сүлейменов.
</blockquote>

Қызылордада 66 тұтынушының құқығы бұзылды

<a href="https://kyzylorda-news.kz/">Kyzylorda-news.kz.</a>&nbsp;Қазақстан аймақтарында 2022 жылғы 13 сәуірде болатын ерекше метеорологиялық құбылыстарға болжау консультациясын жариялады.
Қазақстанның басым бөлігінде атмосфералық фронтальды бөліктердің өтуіне байланысты жаңбыр жауып, күн күркірейді. Тек еліміздің солтүстігінде, солтүстік-шығысында жоғары қысымды алқаптың әсерінен жауын-шашынсыз ауа райы күтіледі. Республика бойынша желдің күшеюі, тұман, оңтүстікте – дауыл, республиканың батысы мен оңтүстік-батысында шаңды дауыл күтіледі.
Күндіз Қызылорда облысының солтүстік-батысында жел 15-20 м/с күшейеді, күндіз шаңды дауыл күтіледі.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов мектеп түлектері кешін өткізудің нұсқаулығы әзірленіп жатқанын <a href="https://sputnik.kz/20220412/mektep-tulekteri-kesh-nusqaulyq-24152019.html">мәлімдеді.</a>
<blockquote>
 “Түлектер кешіне келер болсақ, әріптестерімізге нұсқаулық пен тиісті тапсырма жолданады. Ешқандай лимузин мен қымбат салтанатқа жол берілмейді”, – деді ол.
</blockquote>
Бұған дейін министр биыл мектептерде соңғы қоңырау дәстүрлі форматта өтетінін айтқан болатын. 
Айта кетері, өткен жылы пандемияға байланысты мектептерде соңғы қоңырау мектеп ауласында ата-аналардың қатысуынсыз өткен еді.
Осы жылы оқушылар төртінші тоқсанды дәстүрлі форматта бастады. Карантиндік шектеулердің алынып тасталуына байланысты балалар мектепке барып оқиды.

Мектеп түлектері кешін өткізуге арналған нұсқаулық әзірленіп жатыр

<a href="https://kyzylorda-news.kz/">Kyzylorda-news.kz.</a> Қазақстандық боксшы Геннадий Головкин барлық жанкүйеріне алғыс білдірді.
<blockquote>
 «Бұл – естен кетпес ерекше сапар болды. Жапонияға, қонақжай жапон халқына, олардың бізге танытқан ыстық ықыласына алғысым ерекше. Күн Шығыс еліне тағы да ораламын деп ойлаймын. Барлық жанкүйерлеріме шексіз ризашылығымды білдіремін. Көріскенше», – делінген боксшының instagram <a href="https://www.instagram.com/p/CcPmACcJ1tn/">парақшасында</a>
</blockquote>

Геннадий Головкин жанкүйерлеріне алғыс айтты

<a href="https://kyzylorda-news.kz/">Kyzylorda-news.kz.</a> Мемлекеттік қызмет істері агенттігінің Қызылорда облысындағы Әдеп жөніндегі кеңесінің кезекті отырысы өтті. Әдеп жөніндегі кеңес төрағасы Ғалым Тұрсынбаевтың төрағалығымен өткен отырыста 5 мәселе қаралды.
Күн тәртібіне сәйкес Сырдария ауданы, Шаған ауылдық округінің әкімі Ұлбала Абдраманованың тәртіптік ісі қаралды. Ауыл әкімі жер учаскесіне құқық беру туралы шешiмді қабылдап, алайда түпкілікті шешім қабылдау үшін аудан әкіміне жолдамай, жер кодексінің талаптарында айқындалмаған, яғни, қоғамдық кеңестің келісімі алынбаған деген негізбен, «Ордабай-Ата» шаруа қожалығының құқығын шектеген. Шаруа қожалығының құқығы мен заңды мүдделерін іске асыруына ашық кедергі жасап, мемлекеттік қызметке кір келтіретін тәртіптік теріс қылыққа жол бергені үшін Шаған ауылдық округінің әкімі Ұлбала Абдрамановаға қызметке толық сәйкес еместігі туралы ескерту тәртіптік жазасын қолдану жөнінде шешім қабылданды.
Келесі кезекте облыстық білім басқармасының мемлекеттік қызмет және сыбайлас жемқорлыққа қарсы іс-қимыл туралы заңнамалары мен Әдеп кодексі бұзушылықтарының профилактикасы бағытында атқарылған жұмыстары туралы облыстық білім басқармасы басшысының міндетін атқарушы Бағдат Бердәулетовтің есебі тыңдалды.
Күн тәртібіндегі тағы бір мәселе облыстық ауыл шаруашылығы басқармасының қызметінде жүргізілген сыбайлас жемқорлық тәуекелдеріне сыртқы талдау қорытындысы баяндалды. Аталған мәселе бойынша Сыбайлас жемқорлыққа қарсы іс-қимыл агенттігінің облыстық департаменті басшысының бірінші орынбасары Ғалия Әлімқұлова баяндама жасаса, облыстық ауыл шаруашылығы басқармасының басшысы Талғат Дүйсебаевтың есебі тыңдалды.
Сонымен қатар, әдеп жөніндегі уәкілмен атқарылған жұмыстар туралы Қармақшы ауданы әкімі аппаратының басшысы, әдеп жөніндегі уәкілі Айбол Нұров пен Қызылорда мемлекеттік мүлік және жекешелендіру департаменті басшысының орынбасары, әдеп жөніндегі уәкілі Серік Омаров кеңес мүшелеріне есеп берді.
Профилактикалық бағыттағы мәселелер бойынша кеңестің шешімдерімен бұл салалардағы жұмыстарды ширату жөнінде тапсырмалар берілді.
<img src="https://kyzylorda-news.kz/wp-content/uploads/2022/04/278346568_351928943642789_970404292953041554_n.jpg" alt="" />
<img src="https://kyzylorda-news.kz/wp-content/uploads/2022/04/278194272_351928956976121_5262053602339236505_n.jpg" alt="" />

Қызылордада шаруа қожалығының құқығын шектеген ауыл әкімі жазаға тартылды

<a href="https://kyzylorda-news.kz/">Kyzylorda-news.kz.</a> 15 сәуір мен 15 мамыр аралығында «Киік» кең ауқымды табиғатты қорғау акциясы өткізіледі. Акция еліміздің 12 облысында жүргізілетін болады.
Іс-шараның бастамашылары ҚР Экология геология және табиғи ресурстар министрлігі, ҚР Ішкі істер министрлігі және ҚР Ұлттық қауіпсіздік комитетімен бірлескен бұйрық негізінде ұйымдастырылады. Бұл туралы Өңірлік коммуникациялар қызметінде өткен баспасөз конференциясында «Охотзоопром ӨБ» РМҚК-ның Қызылорда өңірлік филиалының басшысы Берік Жорабеков мәлімдеді.
<blockquote>
 «Киік аңы жойылып кету қаупі төнген тұяқты жануарлар қатарына жатады. Бұл жануарды 2023 жылға дейін аулауға және тұтынуға тыйым салынған. Қызылорда облысының солтүстік-шығыс беткейі Қарақұм деп аталатын далалық аумағына бетпақдала популяциясының киіктері қыс мезгілінде қоныс аударады. Биылғы жылы 30 мыңға жуық киік аңдары қоныс аударғаны байқалады. Сонымен қатар акция аясында құзырлы құқық қорғау органдарымен бірлесіп Қызылорда-Ақтөбе, Қызылорда-Жезқазған, Қызылорда-Түркістан бағытындағы жолдарға мобильдік топтар жұмыс істейтін болады», – деді Берік Жорабеков.
</blockquote>

Қызылордада «Киік» кең ауқымды акциясы басталады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев сырбойылықтарды дүниежүзілік авиация және космонавтика мен отандық ғылым саласының қызметкерлері күнімен құттықтады.
<blockquote>
 «Қадірлі жерлестер! Бүгін – бірнеше атаулы мерекелер қатар тоғысқан күн. Дүниежүзілік авиация және космонавтика мен отандық ғылым саласының қызметкерлері күнімен шын жүректен құттықтаймын.
 Алғаш рет Сыр жеріндегі «Байқоңыр» ғарыш айлағынан 1961 жылдың 12 сәуірінде Кеңес ғарышкері Юрий Гагарин ғарышқа аттанып, адамзат баласының жұлдыздар әлеміне қадам бассам деген арманы орындалды. 
 Ұлт мақтаныштарына айналған Тоқтар Әубәкіров, Талғат Мұсабаев, Айдын Айымбетов ғарыш жолын жалғастырып, қазақтың даңқын көкке көтерді. Әрі қарай да қазақ жастары ғылыми жаңалықтарға жол ашып, елдің дамуына серпін береді деп сенемін.
 Ел ішінде ғылым саласында біртұтас мектептің негізін салып, ғылыми жетістіктерге қол жеткізген ғалымдарымыз көп. Оның ішінде, Сыр топырағынан шыққан мақтаныштарымыз да жетерлік.
 Барша Сыр елінің ғылым саласы қызметкерлерін кәсіби мерекесімен құттықтай отырып, еңбектеріне зор табыс, шаңырақтарына шаттық, бақ-береке тілеймін», – деді аймақ басшысы.
</blockquote>

Аймақ басшысы қызылордалықтарды құттықтады

<a href="https://kyzylorda-news.kz/">Kyzylorda-news.kz.</a> Қызылорда облысындағы тұрақтандыру қорында әлеуметтік маңызы бар азық-түліктің 1 461,8 тонна өнімі бар.
Азық-түлік тауарларының бағасын негізсіз өсірмеу мақсатында кәсіпкерлік субъектілері арқылы заем беріледі. Осы арқылы облыс тұрғындарын 478,7 тонна нанмен қамтамасыз етеді. Қазіргі таңда тұрақтандыру қорында 261,5 тонна ұн бар. Бұл туралы Өңірлік коммуникациялар қызметінде өткен брифингте облыстық ауыл шаруашылығы басқармасының басшысы Талғат Дүйсебаев хабарлады.
<blockquote>
 «Жыл басынан бері әлеуметтік маңызы бар азық-түлік бағаларының өсу индексі 112,5 процентті құрады. Бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, сондай-ақ «айналым» схема бойынша бағаны тұрақтандыру механизмі аясында заем берілуде. Жалпы бірінші сортты нанның қымбаттауы астық нарығында сұраныстың ұлғаюынан болып отыр. Бүгінде облыста нан бағасы 80-85 теңгеден, бөлшек саудада 90 теңгеден сатылуда. Ал әлеуметтік дүкендерде 55 теңгеден аспайды. Сонымен қатар қант бағасын тұрақтандыру үшін «Азық-түлік келісім шарт корпорациясы» арқылы наурыз айында қосымша 272 тонна қант сатып алуға келісім жасалды. Жыл аяғына дейін 3314,8 тонна қант көлемін жеткізу жоспарлануда. Әлеуметтік дүкендерде қант бағасы 263 теңгеден, яғни нарықтық бағадан 35 пайызға төмен берілуде. Қазір тұрақтандыру қорында барлығы 208 тонна қант бар. Жалпы азық-түлік өнімдерінде тапшылық жоқ»,- деді басқарма басшысы Талғат Дүйсебаев.
</blockquote>

Қызылордадағы тұрақтандыру қорында 1 461,8 тонна өнім бар

<a href="https://kyzylorda-news.kz/">Kyzylorda-news.kz.</a>&nbsp;ҚР Премьер-Министрі Әлихан Смайылов Қазақстан ғылымын дамытудың 2022-2026 жылдарға арналған тұжырымдамасының қабылдауды тапсырды, деп хабарлайды <a href="https://www.inform.kz/kz/kazakstan-gylymyn-damytudyn-bes-zhyldyk-tuzhyrymdamasy-kabyldanady_a3921874">ҚазАқпарат</a>.
Үкімет басшысы ғылым мен бизнес тығыз байланыста болғанда ғана өндіріс дамып, халыққа нақты пайда келетінін атап өтті. Ең алдымен, ғылыми жаңалықтарға мұқтаж кәсіпорындарды анықтау үшін маркетинг жүйесін енгізу керек және Ғылым қоры өз жұмысын инвестициялық тартымдылықты арттыруға, ғылыми зерттеу нәтижелерін коммерцияландыруға бағыттауы тиіс.
Осыған орай Ә. Смайылов Білім және ғылым министрлігіне бірқатар тапсырма берді.
<blockquote>
 «Бірінші, 30 сәуірге дейін Қазақстан ғылымын дамытудың 2022-2026 жылдарға арналған тұжырымдамасының қабылдануын қамтамасыз етсін. Екінші, жас таланттарды іздеу және оларды ғылымға тарту механизмдерін пысықтасын, зерттеу әлеуеті жоғары ғалымдардың жаңа буынының ақпараттық базасын жасасын. Үшіншіден, Ұлттық Ғылым академиясына мемлекеттік мәртебе бере отырып, институционалдық трансформациялау шараларын қабылдасын», – деді Премьер-Министр Үкімет отырысында.
</blockquote>
Сонымен бірге, Ғылым қорының экономикалық тиімділігін арттыруға, ғылыми зерттеулерді капиталдандыруға, олардың инвестициялық тартымдылығын, барлық кезеңдегі ашықтығын арттыруға мән беріп, ребрендинг жасау тапсырылды.
<blockquote>
 «Бизнес-қоғамдастық өкілдерімен және «Атамекен» кәсіпкерлер палатасымен бірлесіп, Халықтың табысын арттырудың 2025 жылға дейінгі бағдарламасы жобасына ғылымды қажет ететін өндірістерді, жоғары технологиялық жұмыс орындарын құруда ғылымның үлесі бөлімін қосып, оның нақты индикаторларын белгілеуді қамтамасыз етсін. Индустрия және Энергетика министрліктерімен бірлесіп, ғылыми-техникалық кеңестер құруды және жер қойнауын пайдаланушылардың ғылыми-зерттеу жұмыстарын қаржыландыруының орталықтандырылған механизмі енгізілісін», – деді Әлихан Смайылов.
</blockquote>
Айта кетейік, Үкімет отырысында Премьер-Министр ғылым саласындағы қызметкерлерді кәсіби мерекесімен құттықтады.
<blockquote>
 «Бүгін еліміз Ғылым күнін атап өтеді. Елімізде отандық ғылымды дамыту жолында еңбек етіп жүрген барлық қызметкерлерді кәсіби мерекесімен құттықтаймын! Сіздерге тың ғылыми жаңалықтар, жұмыстарыңызға зор табыс және сәттілік тілеймін! Бүгінгі Үкімет отырысында отандық ғылымды дамыту мәселесін қараймыз», – деді Әлихан Смайылов.
</blockquote>

Қазақстан ғылымын дамытудың бес жылдық тұжырымдамасы қабылданады

<a href="https://kyzylorda-news.kz/">Kyzylorda-news.kz.</a> Бүгін – ғылым саласы қызметкерлерінің күні.
Бұл мереке 2011 жылы Президенттің жарлығымен бекітілген болатын.
Дәл осы күні қазақтан шыққан ұлы академик, Қазақстан ғылым академиясының тұңғыш президенті Қаныш Сәтбаев дүниеге келген. Ол басқарған мекеме отандық ғылым саласының қалыптасуына негіз болды. Содан бері 76 жыл өтті. Қазақстандық ғалымдардың тың жаңашылдықтары түрлі салалардың дамуына оң ықпалын тигізіп келеді.

Бүгін – ғылым саласы қызметкерлерінің күні

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нариман Мақұлбеков бірқатар шаруа қожалықтың төрағаларымен кездесті.
Кездесуге аудан әкімінің орынбасары Ерсұлтан Апетов, Шиелі су шаруашылығының басшысы Дихан Әубәкіров пен шаруа қожалықтардың төрағалары қатысты.
Кездесу барысында егістік алқабына берілетін су мәселесі бойынша шаруа қожалықтың төрағалары жан-жақты ұсыныс-пікірлерін жеткізді.
Кездесуде аудан әкімі Нариман Мақұлбеков өздеріңізге белгілі соңғы жылдары аймағымызда су тапшылығы салдары байқалуда. Қазіргі таңда су мәселесі өзекті екені бәріңізге мәлім. Дей тұрғанмен ауданымызға бөлінген су мөлшерін тиянақты пайдалануға шақырды. Сондай-ақ, әкімдік тарапынан кәсіпкерлерге қашан да қолдау білдіретінін жеткізді.
Биылғы жылы ауданда барлығы 29 250 гектарға егiс егудің болжамды көлемі бекітілді. Оның ішінде негізгі дақыл күріштің көлемі 11 000 гектарды құрайды, қалған 18 250 гектары басқа дақылдардың үлесінде. Атап айтар болсақ, күздік бидай 1 451 гектар, жаздық бидай 820 гектар, тары 150 гектар, арпа 50 гектар, дән жүгері 110 гектар, мақсары 1 000 гектар, соя 150 гектар, жаңа жоңышқа-3 400 гектар, ескі жоңышқа 5 520 гектар, мал жемдік асқабақ-170 гектар, жемдік жүгері 70 гектар, сондай-ақ, картоп 1 201 гектар, көкөнiс 1 701 гектар және 2 457 гектар бақша дақылдары егіледі.
Кездесу соңында аудан әкімі шаруа қожалық төрпағаларының ұсыныстарын назарға алып, тиісті жұмыстар атқарылатынын жеткізді.
<img src="https://kyzylorda-news.kz/wp-content/uploads/2022/04/278240313_1289993701531086_2824563102226961190_n.jpg" alt="" />
<img src="https://kyzylorda-news.kz/wp-content/uploads/2022/04/278227274_1289993898197733_4347276252586002881_n.jpg" alt="" />

Аудан әкімі бірқатар шаруа қожалықтың төрағаларымен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен селекторлық жиында елдегі әлеуметтік-экономикалық даму мен республикалық бюджеттің атқарылуының қорытындылары және отандық ғылымды дамыту мәселелері қаралды. Жиында ведомство өкілдері мен барлық өңірдің әкімдері қатысты.
Үкімет басшысы инфляцияны ұстап тұру, экономикалық көрсеткіштерді арттыру мен азық-түлік қорын молайту бағытында және ғылыми әлеуетті көтеру, жастарды ғылымға тарту сынды бірқатар тапсырмалар жүктеді. 
Жиыннан кейін облыс әкімі Нұрлыбек Нәлібаев орынбасарлары мен барлық басқарма басшыларына Үкімет қойған негізгі талап шеңберінде өңірдің әлеуметтік-экономикалық көрсеткіштерін көтеруде жұмысты ширау қажет екенін алға тартты. Сала-сала бойынша негізгі басымдықтарға жете мән беріп, талдау жұмыстарын қарқынды жүргізуді тапсырды.
Айта кетейік, өңірді дамытудың өзекті мәселелері облыс әкімінің төрағалығымен өтетін алдағы актив отырысында жан-жақты қаралатын болады.
<img src="https://kyzylorda-news.kz/wp-content/uploads/2022/04/277745925_280344167620168_6258667766066713654_n.jpg" alt="" />
<img src="https://kyzylorda-news.kz/wp-content/uploads/2022/04/278232929_280344170953501_7050452095452028136_n.jpg" alt="" />

Қазақстан және Қызылорда облысының жаңалықтары