<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қалалық прокуратура қызметкерлері 509 кәсіпкердің құқығын қорғады. Бұл туралы бүгін қала прокурорының орынбасары Бек Мұсабаев баспасөз орталығында өткен баспасөз конференциясында мәлімдеді.
Қызылорда қаласының прокуратурасы биылғы жылы кәсіпкерлердің құқықтарын қорғау бағытында 8 ұсыну және 4 наразылық енгізіліп, нәтижесімен 509 кәсіпкердің құқықтары қорғалды, 6 жауапты қызметкердің тәртіптік жауапкершіліктері қаралған.
Мәселен, 441 кәсіпкерлік субъектінің құқықтары Қызылорда қаласының санитариялық дәрігерімен қабылданған қаулысымен негізсіз шектелгені анықталды.
Сонымен қатар, мемлекеттік сатып алу саласында жүргізілген талдауда 26 кәсіпкерге 27,7 млн теңге банктік кепілдемелері кері қайтарылмай құқықтары бұзылғаны анықталып, прокурорлық қадағалау актісі негізінде барлық кәсіпкерге толығымен банктік кепілдемелері кері қайтарылды.
Бүгінде кәсіпкерлік субъектілердің құқықтарын қорғау бағытында құрылған мобильді топтың сенім телефондары (8 775 721 45 28, 24 76 95) Н.Назарбаев даңғылы, Қорқыт ата, Журба, Қазыбек би және Яссауи көшелеріндегі сыртқы жарнама құрылғыларына орналастырылған.
Аталған сенім телефонына полиция қызметкерлері тарапынан заңсыз хаттама толтыру орын алғаны жөнінде хабарламалар тіркеліп, «Жаңа базар» жанында орналасқан 19 жеке кәсіпкердің құқықтары қорғалған. Бұдан бөлек, кәсіпкерлік нысандардың алдында орналасқан жол белгілері бойынша талдау жұмыстары жүргізіліп, 13 кәсіпкерлік нысанның алдында заңсыз орналасқан жол белгілері жойылды.

Қызылордалық прокурорлар 509 кәсіпкердің құқығын қорғады

<a href="https://kyzylorda-news.kz/ru/obshestvo/">Kyzylorda-news.kz</a>. Түркияның Стамбұл қаласында 4-7 қараша аралығында каратэ-додан әлем чемпионаты өтті. Байрақты бәсекеде Қорқыт ата атындағы Қызылорда университетінің студенттері бақ сынап, жеңіс тұғырынан көрінді.
Атап айтсақ, Алишершарип Қонысбек 60 кг салмақта, Дамир Камал 67кг салмақта, Бақдаулет Кубаш 76 кг салмақта, Асемгүл Ердәулет 50 кг салмақ дәрежесінде қарсыластарынан оза шауып, Әлем чемпионатында алтын медаль иеленді. Спортшыларды тартысты додаға дайындауда, олардың жүлделі орыннан көрінуіне жаттықтырушы Н.Тойшыбаевтың еңбегі зор.
Бүгінде университетте Әлем чемпионатының 9 жеңімпазы мен жүлдегері, 27 Азия чемпионатының жеңімпазы мен жүлдегері және 120 Қазақстан чемпионатының жеңімпазы мен жүлдегері бар. Спортшыларымыз Қазақстан Республикасының намысын қорғап, ұлттық құрама команда сапасында жаттығады.
<img src="https://kyzylorda-news.kz/wp-content/uploads/2021/11/rr.jpg" alt="" />
<img src="https://kyzylorda-news.kz/wp-content/uploads/2021/11/rrr.jpg" alt="" />

Қорқыт ата атындағы Қызылорда университетінің студенттері әлем чемпионатында алтыннан алқа тақты

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Денсаулық сақтау министрі Алексей Цой халықты вакцинациялау науқаны туралы баяндады. Бүгінгі таңда вакцинаның 16,2 млн дозасы пайдаланылды, оның ішінде 1-компоненті бойынша 8 501 375 адам егілді, бұл тиісті халықтың 74,6% – ын құрайды. Екінші компонентпен 7 777 468 адам немесе 68,3% қамтылған.
Министрлік “Pfizer” компаниясының “Comirnaty” вакцинасының 4 млн 230 мың дозасын сатып алды, бұл 2 млн 115 мың адамды қамтуға мүмкіндік береді.
<blockquote>
 “Республикаға 379 мың доза көлеміндегі вакцинаның алғашқы партиясы жеткізілді, оны Дүниежүзілік денсаулық сақтау ұйымы 12 жастан 18 жасқа дейінгі балалар мен жасөспірімдерді, жүкті және бала емізетін аналарды вакцинациялау үшін ұсынды”, – деді Алексей Цой.
</blockquote>
Министр жасөспірімдерді вакцинациялауға ата-аналардың немесе олардың заңды өкілдерінің білім беру ұйымдарының егу кабинеттеріндегі хабардар етілген жазбаша келісімімен ғана жол берілетінін, ата-аналардың немесе заңды өкілдердің қалауы бойынша жасөспірімдер медициналық ұйымның егу пункттерінде вакцинациялануы мүмкін екенін еске салды.
Вакцинаның қауіпсіздігі мен тиімділігіне келетін болсақ, сақтау мен тасымалдаудың әртүрлі деңгейлерінде “суық тізбек” қамтамасыз етіледі. Comirnaty/Pfizer вакцинасын сақтау ерекшеліктерін ескере отырып, вакцинаны қоймадан егу кабинетіне дейінгі барлық кезеңдерде сақтау және тасымалдау ережелерін қамтамасыз ету бойынша шаралар қабылданды.
Айта кету керек, Comirnaty/Pfizer вакцинасының тиімділігі 95% құрайды. Ол қауіпсіздіктің дәлелденген базасына ие және 142 елде, соның ішінде АҚШ, Ұлыбритания, Канада және Еуропалық Одақ елдерінде қолданылады. 
Бүгінгі таңда әлемде 60 миллионнан астам балалар мен жасөспірімдер коронавирустық инфекцияға қарсы егілді.

Министр Pfizer вакцинасының қауіпсіздігін айтты

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының аумағында мемлекеттік орман қоры жерлерінің жалпы көлемі 6,5 млн. гектарды құрайтын болса, оның 3,4 млн. гектары орманды алқаптар. Орманды алқаптың 89 пайызы сексеуіл ағаштары. Бүгінгі күні облыста ормандарды қорғау, молықтыру, сақтау және өсімін молайту мақсатында, 8 орман шаруашылығы мекемелерінде 562 қызметкер жұмыс жасауда. Бұл туралы Өңірлік коммуникациялар қызметінде өткен баспасөз конференциясында Облыстық табиғи ресурстар мен табиғат пайдалануды реттеу басқармасының басшысы Бауыржан Шаменов мәлімдеді.
<blockquote>
 «Қазақстан Республикасы Президенті Қасым-Жомарт Тоқаевтың тапсырмасы бойынша Арал теңізінің құрғаған ұлтанына алдағы 5 жыл ішінде 1,1 млн. гектарға сексеуіл егу жұмыстары тапсырылған болатын. Бүгінгі күні 100 мың гектарға орман отырғызу жұмыстары жүргізілу үстінде, ал 2022-2025 жылдары аралығында жыл сайын 250 мың гектар жерге сексеуіл егу жұмыстары жоспарлануда. Қазіргі уақытта орман мекемелері сексеуіл ағаштарының тұқымдарын жинау, Арал және Қазалы орман мекемелері ұшақ арқылы себуге топырақ дайындау жұмыстары атқарылуда»,- деді Бауыржан Серікұлы.
 «Мемлекет Басшысының жолдауына сәйкес орман қоры аумағында 2 млрд. ағаш егу тапсырмасы берілгені мәлім. Қазіргі уақытта 16229 гектар жерге сексеуілдің табиғи өсуіне жәрдемдесу шаралары жүргізіліп, сексеуіл екпелерін әуеден себуге арналған учаскелерінде топырақ дайындау жұмыстары жүргізілуде. Сондай-ақ, орман шаруашылығы саласының қызметкерлері мен жергілікті тұрғындар 111,7 тонна сексеуіл тұқымын дайындады. Үстіміздегі жылдың қараша айынының 15-20 жұлдызынан механикалық тәсілмен тұқым себу жұмыстары, ал желтоқсанда аэросебу жұмыстары басталады деп күтілуде»,- деді Қызылорда облыстық орман шаруашылығы және жануарлар дүниесі аумақтық инспекциясының басшысы Марат Жалпақбаев.
</blockquote>

Қызылордада жыл сайын 250 мың гектарға сексеуіл егу жоспарлануда

<a href="https://kyzylorda-news.kz/ru/obshestvo/">Kyzylorda-news.kz</a>. Халықтың күнделікті қолданысындағы 19 түрлі азық-түлік тауарларының бағасы шекті мәннен аспауы қажет. Өңірдегі азық-түлік қорын саралау, әлеуметтік дүкендердегі өнімдердің жеткілікті болуы сынды негізгі мәселелер бойынша облыс әкімінің салалық орынбасары Бақыт Жаханов әлеуметтік дүкендерді аралап, азық-түлік бағасын бағамдады, әлеуметтік маңызы бар 19 тауардың қамтылуын тексерді.
Бақыт Дүйсенұлы алдымен Титов мөлтек ауданы «Аль-Асад» сауда орталығындағы әлеуметтік бұрышты көрді. Жаңадан ашылған әлеуметтік дүкеннің жұмысын саралады. Аталған нысанда әлеуметтік маңызы бар азық-түлік өнімдері қойылған. Тұрғындар мөлтек аудан жанынан ашылған әлеуметтік дүкендегі бағалардың қолжетімділігін айтып, ризашылығын білдірді.
Нан бағасын тұрақты деңгейде ұстап тұру маңызды міндет. Бұл ретте өткен аптада облыс әкімі Гүлшара Әбдіқалықова азық-түлік қорына қатысты жиында қала, аудан әкімдеріне нан бағасын шекті мәннен асырмау туралы тапсырма берген-ді. Осыған сәйкес салалық орынбасар «Байқоңыр» ӘКК» АҚ-мен келісім-шарт негізінде жұмыс істеп жатқан наубайхананың жұмысымен танысты. Мұнда күніне 15 мыңнан аса бөлке нан шығарылып, облыс орталығындағы дүкендерге таратылады. Әлеуметтік дүкендерде нанның бағасы 55 теңгеден сатылуда. 
Айта кетейік, бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, сондай-ақ «айналым» схема бойынша бағаны тұрақтандыру механизмі аясында заем беру арқылы шаралар қабылдануда.
Тұрақтандыру қорының өнімдері мен айналым схемасы бойынша қамтамасыз етілетін өнімдер «Байқоңыр» ӘКК» АҚ-на қарасты 34 әлеуметтік дүкенде және Қызылорда қаласында орналасқан 17 ірі супермаркетінде келісім бойынша ашылған әлеуметтік бұрыштарда сатылуда.
Бақыт Жаханов «Мирас» сауда үйінің жанындағы қоймада болып, ондағы төмен бағада сатылып жатқан азық-түлік өнімдерімен де танысты. Облыс әкімінің орынбасары сатушыларға бағадан бөлек, сапаға да мән беру керектігін ескертті.
<blockquote>
 «Облыс әкімінің тапсырмасына сәйкес, «Байқоңыр» ӘКК-мен» келісім-шартқа отырған, заем алған кәсіпкерлердің атқарып жатқан жұмыстарымен танысып жатырмыз. Қазір барлық жерде тауарлар бағасының қымбаттауы сезілуде. Бірақ қабылданған шешімдердің арқасында ұн, жуа, сәбіз, қырыққабат, басқа да әлеуметтік маңызы бар өнімдердің бағасын ұстап тұру үшін үкіметтен қаржы бөлінді. Жаңа арнайы наубайханалардың біріне барып, жағдаймен таныстық. Қалыптасқан жағдайға байланысты облыс әкімдігі қажетті шараларды қабылдады. Азық-түлік өнімдерінің бағалары аймақ басшысының тікелей бақылауында», – деді Бақыт Жаханов.
</blockquote>
Мұнан соң, ескі базар маңындағы әлеуметтік және ет өнімдерін сататын дүкендердің жұмысы сараланды. «Байқоңыр» ӘКК» арқылы келісім-шартқа отырған ет дүкенінде өнімдер базар бағасынан біршама төмен сатылуда. Бір ерекшелігі, сатып алушыларға ет өнімдерін алуда шектеу қойылмаған. Білім беру, мектепке дейінгі мекемелер қажетті көлемде сатып алып жатыр.
Айта кетейік, бүгінде тұрақтандыру қорында 205 млн. теңгенің 1184 тонна өнімі бар. Мұнан бөлек, 624 тонна өнім сатып алу бойынша келісім-шарттар жасалды. Мемлекеттік сатып алу тәсілімен және тауарлық биржа арқылы 1800 тонна өнім сатып алу бойынша хабарландыру орналастырылды. Ал «айналым схемасы» бойынша заем алған кәсіпкерлік субъектілерімен 3540 тонна өніммен қамтамасыз ету жөнінде келісім-шарттар жасалды.
<img src="https://kyzylorda-news.kz/wp-content/uploads/2021/11/nan.jpg" alt="" />
<img src="https://kyzylorda-news.kz/wp-content/uploads/2021/11/256344425_184572513864001_3952047687376720628_n.jpg" alt="" />
<img src="https://kyzylorda-news.kz/wp-content/uploads/2021/11/256330965_184572567197329_7520267396197966855_n.jpg" alt="" />
<img src="https://kyzylorda-news.kz/wp-content/uploads/2021/11/256881173_184572590530660_3806101876531636882_n.jpg" alt="" />
<img src="https://kyzylorda-news.kz/wp-content/uploads/2021/11/257270559_184572653863987_1815387784976023894_n.jpg" alt="" />
<img src="https://kyzylorda-news.kz/wp-content/uploads/2021/11/256574556_184572663863986_3823533611272271977_n.jpg" alt="" />
<img src="https://kyzylorda-news.kz/wp-content/uploads/2021/11/baga.jpg" alt="" />

Қызылорда: 19 түрлі азық-түлік өнімі шекті бағадан аспауы қажет

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова аймақтағы экономика және қаржы саласының қызметкерлерін «ҚР Ұлттық валютасы-теңге күнімен» тұспа-тұс келетін кәсіби мерекесімен құттықтады.
Аймақ басшысы қаржыгерлерді Ел Тәуелсіздігінің 30 жылдығымен және сала органдарының 100 жылдық мерейтойымен құттықтап, облыстың экономикалық серпінді дамуына қосқан ерекше үлесін атап өтті.
<blockquote>
 «Мемлекеттік маңызды істердің алға басуына республика өңірлерінің, соның ішінде Қызылорда облысының қосқан үлесі зор. Бір ғасырлық кезеңде Сыр өңірінің қаржыгерлік мектебі де қалыптасып, өсіп-өркендеді. Камал Шөкенов, Бименді Баймаханов, Құттықожа Ыдырысов ағаларымыздың есімдері бүгінгі күні өңірдің қаржы тарихына алтын әріппен жазылып қалса, Сейітсұлтан Әйімбетов, Қалқазбек Әжібеков, Дайрабай Ысқақов, Мырзахмет Ауанов, Болатбек Жасақбаев, Майдан Мәселеева, Райхан Ысқақовалар қоғамдық деңгейде белсенді үлес қосуда. Ел экономикасының дамуына аянбай күш-жігерін жұмсап, жауапкершілік жүгін арқалап, адалдықпен еңбек еткен қаржы саласының ардагерлері мен сала мамандарына алғысымды білдіремін», – деді облыс әкімі.
</blockquote>
Шара барысында Қызылорда облысы әкімдігі мен облыстық мәслихатының бірлескен шешіміне сәйкес, белгілі экономист-қаржыгер, мемлекет және Сейітсұлтан Әйімбетовке «Қызылорда облысының құрметті азаматы» атағы берілді.
Айта кетейік, Сейітсұлтан Сүлейменұлы Әйімбетов 1947 жылы 15 шілдеде Қызылорда облысы Сырдария ауданында дүниеге келген. Алғашқы еңбек жолын ҚазССР Қаржы министрлігінің бақылау-ревизиялық басқармасының бақылаушы-ревизоры ретінде бастап, Қазақстан Республикасының Мемлекеттік қаржылық бақылау комитетінің төрағасы, Әділет вице-министрі қызметтерін атқарған. ҚР Парламенті Мәжілісінің IV шақырылымның депутаты болып сайланған. Бірнеше медальдар мен «Құрмет» орденінің кавалері. 
Сондай-ақ, аймақ басшысы бірқатар сала қызметкеріне ҚР Ұлттық экономика министрлігінің «Құрмет грамоталары» мен ҚР Қаржы министрлігінің және облыс әкімінің Алғыс хаттарын табыстады. 
Мерекелік іс-шара жергілікті өнер жұлдыздарының концертімен аяқталды.
<img src="https://kyzylorda-news.kz/wp-content/uploads/2021/11/256604816_184572283864024_6828583246607139767_n.jpg" alt="" />
<img src="https://kyzylorda-news.kz/wp-content/uploads/2021/11/256384497_184572233864029_1905414289328793686_n.jpg" alt="" />
<img src="https://kyzylorda-news.kz/wp-content/uploads/2021/11/255912885_184572390530680_8189319735611666705_n.jpg" alt="" />
<img src="https://kyzylorda-news.kz/wp-content/uploads/2021/11/256675138_184572280530691_1425954427771562855_n.jpg" alt="" />
<img src="https://kyzylorda-news.kz/wp-content/uploads/2021/11/256716037_184572297197356_5682987525643968768_n.jpg" alt="" />
<img src="https://kyzylorda-news.kz/wp-content/uploads/2021/11/257108492_184572377197348_1021087116765272695_n.jpg" alt="" />

Сыр елінде экономика және қаржы саласы органдарының 100 жылдығын атап өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының Полиция департаментінде «Халық қаһарманы» Ғазиз Байтасовты еске алу күніне арналған іс-шара өтті.
Іс-шараға Қызылорда облысы Полиция департаментінің бастығы, жеке құрамы,ішкі істер органдарының ардагерлері, ҚР Ұлттық ұлан №5547 әскери бөлімінің және Қызылорда облысы Мамандандырылған күзет қызметі басқармасының қызметкерлері қатысты.
Акцияқызмет бабында қайтыс болған полиция қызметкерлеріне арналған ескерткішіне гүл шоқтарын қоюмен басталды. Гүл шоқтарын қою рәсімінен кейін батырды бір минут үнсіздікпен еске алып, үш дүркін атысболды.
<blockquote>
 «2011 жылғы 12 қараша күні Қазақстан полициясының тарихына «Халық қаһарманы» Ғазиз Әбдібекұлы Байтасовтың қайғылы қаза болған күні ретінде енді. Ол қарулы қылмыскердің жолын бөгеп, гранатаны жаруға дайындалған жанкешті террористі өзінің денесімен жауып, өз өмірінің құнымен азаматтарды қазадан қорғап қалған. Осы қайғылы оқиғадан бері 10 жыл өтті. Алайда, ол әріптестерінің ғана емес, бүкіл қоғамның жадында қалды. Ғазиз Байтасовтың есімі Қазақстан полициясының тарихына мәңгі «алтын әріптермен жазылды». Оның ерлігі барлық ұрпақ үшін батырлықтың, Отанға және өз халқына деген шексіз сүйіспеншіліктің жарқын үлгісі болады. Батырдың ерлігі әр полиция қызметкерінің жүрегінде мәңгі сақталады!», – дейді Қызылорда облысы Полиция департаментінің бастығы полиция полковнигі Бектөре Сұлтан.
</blockquote>
<img src="https://kyzylorda-news.kz/wp-content/uploads/2021/11/18a2972-scaled.jpg" alt="" />
<img src="https://kyzylorda-news.kz/wp-content/uploads/2021/11/18a2954-scaled.jpg" alt="" />

Қызылордада полицейлер Халық қаһарманы Ғазиз Байтасовты еске алды

<a href="https://kyzylorda-news.kz/ru/obshestvo/">Kyzylorda-news.kz</a>. Қазіргі қоғамда қымбат көлік тізгіндегендер оның шекесіне «vip» нөмір тағуға тырысады. Ол үшін бұрынғысынша тамыр-таныс жағалап, өзге де заңсыз жолмен қалағаныңа қол жеткізудің қажеті жоқ. Халық арасында «крутой нөмір» атанып кеткен ерекше нөмірді алу керек болса мамандандырылған халыққа қызмет көрсету орталығына барып, алдын ала өтініш берсеңіз болады. Әрине, көлік құралының мемлекеттік белгісінің мұндай түрлері үшін мемлекеттік баж салығы алынады. Мемлекеттік белгідегі сандар мен әріптердің ерекшелігіне қарай құны да әр түрлі.
Еліміз бойынша «vip» нөмірлерге сұраныс қызылордалық жүргізушілер арасында өте жоғары көрінеді. Жыл басынан бері 562 азамат «крутой нөмірге» қол жеткізген.
<blockquote>
 «Өзге аймақтарға қарағанда Қызылорда облысында «vip» нөмірлерге сұраныс артқан. Биыл мамандандырылған халыққа қызмет көрсету орталығынан 600-ге жуық осындай нөмірлер сатылды. Олардың ішінде «001», «007», «777» «707» және «111» сынды нөмірлерге сұраныс ерекше. Кей тұрғындар көлік құралының аймақтық белгісіне сәйкес «011» нөмірін сұрап жатады. Бірақ бұл нөмір ақылы нөмірлердің қатарында жоқ, яғни, сатылмайды», – дейді «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының мамандандырылған бөлім басшысыАбзал Төлеухан.
</blockquote>
Сондай-ақ, соңғы кезде мемлекеттік белгідегі серияларға да қызығушылық танытатындар көбейген. Бөлім басшысы серия таңдау ақылы нөмірлерді алу кезінде ғана мүмкін болатындығын айтады. Ал, «куртой нөмірлердің» құны айлық есептік көрсеткіштің мөлшері артқан сайын, қымбаттап отыратын көрінеді.
Жалпы жыл басынан бері «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының мамандандырылған бөлімі көлік құралының құжаттарын рәсімдеу бойынша 48 мың 507 қызмет көрсеткен. Сондай-ақ, 9 мың 384 адам осы бөлімнен жүргізуші куәлігін алған. Осы қызметті көрсету барысында мемлекетке 150 млн. теңге көлемінде баж салығы төленген.

«Крутой» нөмір &#8211; көліктің сәні

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Синоптиктер 13-15 қараша күндеріне арналған ауа райы болжамы жариялады.
Қазгидрометтің мәліметінше, еліміздің барлық аумағында жауын-шашын күтіледі.
<blockquote>
 “13-15 қарашада Қазақстандағы ауа райын Солтүстік-Батыс циклонның терең жырасы және онымен байланысты фронтальді бөлімдер айқындайтын болады. Батыстан шығысқа қарай жылжи отырып, жыра республиканың барлық өңірлерін қамтиды, осыған байланысты жаңбыр мен қар түрінде жауын-шашын, көктайғақ, солтүстікте бұрқасын болып, екпінді жел күтіледі. Батыста ауа температурасы түнде 5 аяз–3 жылу, күндіз 3 аяз–10 жылу, солтүстікте, солтүстік-батыста және шығыс пен орталықта түнде 1-10 аяз, күндіз 5 аяз–7 жылу, еліміздің оңтүстігінде, оңтүстік-шығысында түнде 1-10 аяз, күндіз 2-10 жылу болжанады”, – дейді синоптиктер.
</blockquote>

Демалыста ауа райы қандай болады?

Сөз бен істің сабақтастығы

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордалық келіншек&nbsp;ауруханаға жете алмай, жедел жәрдем көлігінде егіз бала босанды.
Қызылордалық келіншектің іші ауырып, жергілікті акушерге хабарласқан. Оны тексерген акушер әйелдің толғағы&nbsp;басталғанын, шұғыл түрде облыс орталығына бару керектігін айтты. Олар күйеуінің көлігімен қалаға жетіп, жолда жедел жәрдем шақырған.
<blockquote>
 «Көлік есігін ашқанда әйел қатты айқайлады,&nbsp;сәбидің басын көріне бастады. Әріптесім фельдшер Ислам Кенжебековпен бірге әйелге көмектестік.&nbsp;Біраз уақыттан кейін келіншектің тұңғыш ұлы дүниеге келді. Артынша оның кіндігін кестік.&nbsp;Толғағы тоқтап, ауруханаға жетіп үлгереміз деп ойладық. Біраз уақыттан кейін қыз бала дүниеге келді», – дейді жедел жәрдем дәрігері Мейрамбек Әділбеков.
</blockquote>
Босану жақсы өтті. Қыздың салмағы 2400 грамм, ұлдың салмағы 2496 грамм.
24 жастағы фельдшер Ислам Кенжебеков өмірінде бірінші рет әйел адамды&nbsp;босандырғанын айтты.&nbsp;
<blockquote>
 «Мен қатты уайымдадым, бірақ көрсетпеуге тырыстым. Нәтижесінде екі әдемі сәби дүниеге келді. Балалар дүниеге келген кездегі сезімімді айтып жеткізу мүмкін емес», – деді ол.
</blockquote>
Облыстық жедел жәрдем стансасы бас дәрігерінің орынбасары Ғалия Нұрсейітова “Жедел жәрдем бригадалары үйде және жедел жәрдем көлігінде босанулар жиі кездесетінін айтты. Апта сайын дерлік фельдшерлер сәбилердің дүниеге келуіне өз бетінше көмектеседі, босанған әйелдерге көмек көрсетеді.
<blockquote>
 «Барлық жедел жәрдем бригадалары оқытылған, сертификатталған және жолда шұғыл білікті акушерлік көмек көрсетуге дайын», – деді Нұрсейітова.
</blockquote>
<a href="https://stan.kz/">Stan.kz</a>

Қызылордалық келіншек жедел жәрдем көлігінде егіз сәбиін дүниеге алып келді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қармақшы ауданында әлеуметтік-экономикалық даму бағытында оң динамика байқалады. Биыл өнеркәсіп саласының кәсіпорындары 2 млрд 577 млн теңгенің өнімін өндірді. Оның ішінде өңдеу өнеркәсібінде 1 млрд 952 млн теңгенің өнімі шығарылды.
Сонымен қатар, ауыл шаруашылығы өнімдерінің жалпы көлемі 12 млрд 63,8 млн. теңге болып, өткен жылдың тиісті кезеңімен салыстырғанда өсім 5,1 пайызды құрады. Ауданға 6 млрд 525 млн теңгеге инвестиция тартылып, 2 млрд 236 млн. теңгеге құрылыс жұмыстары жүргізілді.
<blockquote>
 «Жалпы, ауданда шағын және орта кәсіпкерлік субъектілерінің саны 3913, ал жұмыспен қамтылғандар саны 5676 адам. Кәсіпкерлік субъектілермен 4 млрд 935 млн теңгенің өнімі шығарылды. Мемлекеттік бағдарламалар шеңберінде 369 жоба 1 млрд 133 млн теңгеге қаржыландырылды. Өткен жылдың тиісті кезеңімен салыстырғанда қаржыландырылған сомасы 1,8 есеге артты. Оның ішінде: «Бизнестің жол картасы – 2025» мемлекеттік бағдарламасы шеңберінде 114 жоба 642,2 млн теңгеге несиелендірілді. Бағдарлама шеңберінде ісін жаңа бастаған 5 жас кәсіпкерге 11,2 млн теңгенің гранты берілді», – деді аудан әкімі Қайрат Нұртай.
</blockquote>
Сондай-ақ, канал мәселесі де қозғалды. Егіске пайдаланылатын суармалы судың тапшылығына байланысты «Батыс Қармақшы» қашыртқысынан «Қурайлы» каналының П309 пикетіне қосымша су салу үшін ұзындығы 11 шақырымды құрайтын канал қазылды. 8,5 шақырым ескі арнаға механикалық тазалау жүргізілсе, 2,5 шақырым тыңнан канал қазылды. Бұдан бөлек Қармақшы ауылдық округінде Қараөзек арнасының «Қожантай» учаскесіндегі су тоспасының құрылысын қайта қалпына келтіру жұмыстары жүргізілді.
<img src="https://kyzylorda-news.kz/wp-content/uploads/2021/11/255953313_1410571816004993_1418847146805460114_n.jpg" alt="" />

Қазақстан және Қызылорда облысының жаңалықтары

Қызылордалық прокурорлар 509 кәсіпкердің құқығын қорғады

Қорқыт ата атындағы Қызылорда университетінің студенттері әлем чемпионатында алтыннан алқа тақты

Министр Pfizer вакцинасының қауіпсіздігін айтты

Қызылордада жыл сайын 250 мың гектарға сексеуіл егу жоспарлануда

Қызылорда: 19 түрлі азық-түлік өнімі шекті бағадан аспауы қажет

Сыр елінде экономика және қаржы саласы органдарының 100 жылдығын атап өтті

Қызылордада полицейлер Халық қаһарманы Ғазиз Байтасовты еске алды

«Крутой» нөмір – көліктің сәні

Демалыста ауа райы қандай болады?

Сөз бен істің сабақтастығы

Қызылордалық келіншек жедел жәрдем көлігінде егіз сәбиін дүниеге алып келді

Қармақшы ауданында тұрақты экономикалық даму бар

Қазақстан және Қызылорда облысының жаңалықтары

Қызылордалық прокурорлар 509 кәсіпкердің құқығын қорғады

Қорқыт ата атындағы Қызылорда университетінің студенттері әлем чемпионатында алтыннан алқа тақты

Министр Pfizer вакцинасының қауіпсіздігін айтты

Қызылордада жыл сайын 250 мың гектарға сексеуіл егу жоспарлануда

Қызылорда: 19 түрлі азық-түлік өнімі шекті бағадан аспауы қажет

Сыр елінде экономика және қаржы саласы органдарының 100 жылдығын атап өтті

Қызылордада полицейлер Халық қаһарманы Ғазиз Байтасовты еске алды

«Крутой» нөмір &#8211; көліктің сәні

Демалыста ауа райы қандай болады?

Сөз бен істің сабақтастығы

Қызылордалық келіншек жедел жәрдем көлігінде егіз сәбиін дүниеге алып келді

Қармақшы ауданында тұрақты экономикалық даму бар

«Крутой» нөмір – көліктің сәні