<a href="https://kyzylorda-news.kz/">Kyzylorda-news.kz.</a> “Қазгидромет” мәліметіне сүйенсек,&nbsp;Қазақстан аумағы арқылы өтетін циклон салдарынан ауа райы тұрақсыз болады. Найзағай ойнап, жаңбыр жауады, жел күшейеді.&nbsp;
Республика бойынша тұман, еліміздің батысында шаңды дауыл соғады. Республиканың тек&nbsp;шығысы мен солтүстік-шығысында жауын-шашынсыз ауа райы күтіледі.&nbsp;
Күндізгі уақытта еліміздің солтүстігі мен оңтүстігінде ауа температурасы&nbsp;20-25 градусқа дейін, орталық аймақтарда&nbsp;17-22&nbsp;градусқа дейін көтеріледі. Ал&nbsp;шығысында 12-20 градусқа дейін жылынады.

Синоптиктер 14-16 сәуірге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a>&nbsp; 12 сәуір – Ғылым саласы қызметкерлерінің күніне орай Қорқыт ата атындағы Қызылорда университетінде «Мемлекет – Бизнес – Университет: өңірлік экономика драйверлері» атты дөңгелек үстел өтті.
Облыс әкімдігі мен университет бірлесіп ұйымдастырған шараға Басқарма төрағасы – Ректор Бейбіткүл Кәрімова қатысып, «Мемлекет-бизнес-университет» үштаған моделін іске асырудың өзектілігі жоғары екенін атап өтті.
<blockquote>
 &nbsp;Университеттің бизнес өкілдерімен ынтымақтастығын дамыту күн тәртібінде тұр. Бұл тұрғыда ірі бизнес өкілдерімен ынтымақтастық бойынша жол картасы дайындалып, соған сәйкес жұмыстар жүргізілуде. Соның ішінде өңірдегі ірі компаниялардың өндірістік проблемаларын шешуге бағытталған ғалымдарымыздың ғылыми-зерттеу және тәжірибелік конструкторлық жұмыстары ерекше маңызға ие. Мұндай &nbsp;жобаларымызға&nbsp;&nbsp;«ПетроҚазақстан Құмкөл Ресорсиз» АҚ,&nbsp;«ҚОР» Мұнай компаниясы» АҚ қаржы бөлсе, «ҚуатАмлонМұнай» БК» ЖШС, т.б.&nbsp;компаниялар қызығушылық&nbsp; танытуда.
 Күні кеше «Торғай Петролеум» АҚ компаниясының білікті&nbsp; мамандарымен&nbsp;кездесуге университеттің бір топ жетекші ғалымдары барды.&nbsp;Екі жаққа пайдасы көп кездесу барысында өндірісте қордаланған мәселелер ортаға салынды. Өз тарапымыздан оларды шешу&nbsp; жолдарын қысқа уақытта&nbsp;ұсынатын болып уағдаластық, – деді Бейбіткүл Сәрсемханқызы.
</blockquote>
Жиында университет ғалымдары өндірістік проблемалар мен оларды шешу жолдарын талқылады.
Айталық, ғалымдар ауылшаруашылығы және мұнай қалдықтарын лас ағын суларды тазалауға арналған сорбентпен өңдеу жолдарын ұсынып, облыстағы кен орындарының топырағына радионуклидтердің техногендік әсерін төмендету бойынша зерттеулерін баяндады.
Жиын барысында университет ғалымдары ҚР Білім және ғылым министрлігінің Құрмет грамотасы, Алғыс хаты және «Қорқыт ата атындағы Алтын медаль», Қорқыт ата атындағы Қызылорда университетінің «Үздік түлек», «Үздік оқытушы» медальдарымен, Құрмет грамотасы, Басқарма Төрағасы – Ректордың Алғыс хатымен марапатталды.
Айта кету керек, Қорқыт ата атындағы Қызылорда университеті ғалымдарының&nbsp; ғылыми зерттеу жұмыстары өндіріске енгізілді. Аймақтағы ірі компаниялардың өндірістік проблемаларын&nbsp; шешуге бағытталған зерттеулер бойынша нақты нәтиже бар.
<img src="https://kyzylorda-news.kz/wp-content/uploads/2022/04/p1799007.jpg" alt="" />
<img src="https://kyzylorda-news.kz/wp-content/uploads/2022/04/p1799121.jpg" alt="" />

«Мемлекет – Бизнес – Университет: өңірлік экономика драйверлері» атты дөңгелек үстел өтті

<a href="https://kyzylorda-news.kz/">Kyzylorda-news.kz.</a>&nbsp; Қайта қаралған биылғы бюджет жобасында Ресей «Байқоңыр» кешенiн жалға алғаны үшін биыл 52 млрд 143,5 млн теңге төлеуі тиіс деп бекітілген.
<a href="http://qazaqstan.tv/">Qazaqstan.tv</a>&nbsp;ұлттық арнасы хабарлағандай Ресей жалдап отырған әскери полигондарға – 9 млрд 217,9 млн теңге ақы төлейді.
Мамандар бұл шешім теңге бағамының АҚШ долларына шаққанда өзгеруіне қатысты қабылданғанын айтты.
Жалпы, ел арасындағы мәміле бойынша ғарыш айлағы кешенін қолданғаны үшін Мәскеу жыл сайын республикамызға 116 млн доллар төлеп тұрады. Ал, әскери полигондарды қолданғаны үшін 20 млн доллардан астам қаржы төлеуге міндеттелген.

Қазақстан Ресейдің «Байқоңырды» жалдау ақысын қымбататты

Тыңайтқыштардың (органикалық тыңайтқыштарды қоспағанда) субсидияланатын түрлерінің тізбесі және тыңайтқыштарды сатушыдан сатып алынған тыңайтқыштардың 1 тоннасына (литріне, килограмына) арналған субсидиялар нормаларын бекіту туралы

<a href="https://kyzylorda-news.kz/">Kyzylorda-news.kz.</a> Ішкі істер министрлігі вайнерлер жарнамалаған қаржы пирамидаларынан тәркіленген мүлікті жариялады, деп хабарлайды Sputnik Қазақстан.
Тергеу департаментінің бастығы Санжар Әділовтың айтуынша, “Astex.kz” ЖШС, “ACD technology” ЖШС және “Mudarabah Capital” ЖШС қатысты қылмыстық іс аясында экономикалық және бухгалтерлік сот сараптамалары тағайындалды.
<blockquote>
 “Жәбірленушілерге келтірілген материалдық залалды өтеу мақсатында тергеуші күдіктілер мен олардың туыстарының атына тіркелген Алматы, Нұр-Сұлтан қалаларында және Алматы облысында орналасқан мүлікке – 4 жер учаскесі, 10 пәтер, 5 жеке үй, 2 автомобиль, 1 дүкен және компанияның барлық есеп айырысу шоттарына тыйым салынды”, – деді Әділов орталық коммуникациялар қызметінде өткен брифингте.
</blockquote>
Бас тергеушінің айтуынша, тәркіленген мүлік бағаланады. Одан кейін соттың шешімімен таратылады. 
Айта кетері, осы қылмыстық іс бойынша 14 адам күдікті деп танылды. Олардың ішінде танымал блогерлер мен вайнерлер де бар.
Тергеу материалдарына сәйкес, “ASTEX.KZ” ЖШС, “ACD technology” ЖШС және “MUDARABAN Capital” ЖШС лауазымды тұлғалары жеке және заңды тұлғалары 2019-2021 жылдар аралығыңда ақшаны мемлекеттік сатып алуға саламыз деп, халықтан ақша жинаған.
Фирмалар әр салымшыға ай сайын салынған соманың 20% төлеуге уәде еткен.
Сонымен қатар, “ASTEX.KZ” ЖШС-не 160 салымшыдан 1 миллиард теңгеге жуық қаражат оның агенттік компаниясы “MUDARABAN CAPITAL” ЖШС арқылы түскені анықталды. 
Сондай-ақ, басқа компаниялар да анықталды, олар арқылы салымшылардан ақша ағындары “ASTEX.KZ” ЖШС мен “ACD technology” ЖШС-не беріліп отырды.

Қаржы пирамидасына алданған халықтың ақшасы қалай қайтарылады?

<a href="https://kyzylorda-news.kz/">Kyzylorda-news.kz.</a> Биыл Нұр-Сұлтан қаласында Жеңіс күніне арналған әскери парад ұйымдастырылмайды, деп хабарлады ҚР Қорғаныс министрлігінің баспасөз қызметі.
<blockquote>
 «2022 жылы Қазақстан Республикасы Қарулы күштерінің құрылғанына 30 жыл толуына және 1941-1945 жылдардағы Ұлы Отан соғысындағы Жеңіс күніне арналған әскери парадты өткізу жоспарда жоқ», – делінген хабарламада.
</blockquote>
Ведомство, алайда мерекеге орай әскери-патриоттық іс-шаралар өткізу көзделіп отырғанын мәлімдеді. Ұлы Отан соғысының және Қазақстан Республикасы Қарулы күштерінің ардагерлерін құрметтеу жөніндегі жиындар да бар.
<blockquote>
 «Қорғаныс министрлігімен еліміздің барлық өңірінде өткізілетін 50-ге жуық түрлі шара жоспарланған», – деп атап өткен ведомстводан.
</blockquote>

Биыл Жеңіс күніне арналған әскери парад өтпейді

<a href="https://kyzylorda-news.kz/">Kyzylorda-news.kz.</a> Алаяқтың құрбаны болған жергілікті тұрғын Қызылорда қалалық полиция басқармасының кезекші бөліміне арызданған. 2021 жылдың тамыз айында мектепке мұғалім қламын деген уәдемен жәбірленушіден 850 мың теңге ақшасын алған.
Бірақ көп ұзамай ақшаны алдап алған азамат телефон қоңырауларына жауап бермей, бүгінгі күнге дейін уәде етілген жұмысқа орналастырылу мәселесі шешімін таппағандықтан жәбірленуші әйел полицияға арыздануға мәжбүр болды.
Полиция қызметкерлерімен жүргізілген жедел– іздестіру шараларының нәтижесінде облыс орталығының тұрғыны ұсталды.
<blockquote>
 «Аталған дерек бойынша Қазақстан Республикасының Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды. Полицейлер оқиғаның мән – жайларын анықтауда», – делінген полиция департаментінің хабарламасында.
</blockquote>

Мектепке жұмысқа тұру &#8211; 850 мың теңге.  Қызылордада алаяқ ұсталды

**<a href="https://kyzylorda-news.kz/">Kyzylorda-news.kz.</a> Мемлекет басшысының жарлығымен *Ернар Баспаев* президент көмекшісі – Қазақстан Республикасы президенті әкімшілігінің өтініштерді қарауды бақылау бөлімінің меңгерушісі болып тағайындалды, деп хабарлады Ақорда.**
<blockquote>
 “Ернар Жеңісұлы Баспаев Қазақстан Республикасы президентінің көмекшісі – Қазақстан Республикасы президенті әкімшілігінің өтініштерді қарауды бақылау бөлімінің меңгерушісі лауазымына тағайындалсын”, – делінген хабарламада.
</blockquote>
Бұған дейін бұл қызметті Тамара Дүйсенова атқарған болатын. 11 сәуірде Тамара Дүйсенова еңбек және халықты әлдеуметтік қорғау министрі болып тағайындалды. 
43 жастағы Ернар Баспаев 2019 жылдан бері президент әкімшілігінің инспекторы болды.

Президенттің көмекшісі тағайындалды

<a href="https://kyzylorda-news.kz/">Kyzylorda-news.kz.</a> Қосымша салық төлеушінің электрондық цифрлық қолтаңбасы арқылы куәландырылған электрондық құжат негізінде арнайы салық режимін қолдану, дара кәсіпкер ретінде тіркеу есебіне қою (осындай тіркеу есебінен шығару) кезінде салық міндеттемелері мен әлеуметтік төлемдер бойынша міндеттемелерді орындаудың оңайлатылған тәртібін қолдану мақсаттары үшін әзірленді.
Мобильдік қосымшаның пайдаланушылары арнайы салық режимі бойынша кәсіпкерлік қызметті жүзеге асыруға ниет білдірген жеке тұлғалар, сондай-ақ арнайы салық режимін қолданатын жеке кәсіпкерлер.
Мобильді қосымша мыналарды өндіруге мүмкіндік береді:
дара кәсіпкер ретінде тіркеу есебіне қою және осындай тіркеу есебінен шығару;
салық режимін таңдау және өзгерту;
қосымшаның чектері бойынша кірістерді есепке алу.
Мобильдік қосымшада дара кәсіпкердің табысы қосымша чектерінің, фискалдық деректер операторларынан алынған бақылау-касса машинасы чектерінің деректері, сондай-ақ банктік шоттарға аударымдар бойынша деректер (дара кәсіпкердің банктік құпияны ашуға және екінші деңгейдегі банктердің ақпараттық жүйелерімен интеграциялауға келісімі болған кезде) немесе кәсіпкер қолмен енгізу арқылы енгізген деректер бойынша қалыптастырылады.
Салықтар және басқа да көптеген мәселелер туралы толығырақ 1414 нөмірі арқылы біле аласыз.

«E-Salyq Business»: Кәсіпкерлерге салық төлеу жеңілдейді

<a href="https://kyzylorda-news.kz/">Kyzylorda-news.kz.</a>&nbsp; Осы жылдың үш айында тұтынушылардың құқығын бұзу туралы 66 өтініш түскен. Оның 45,4 проценті сапасыз тауарды айырбастау немесе қайтарудан бас тарту секілді арыздар. Аталған өтініштердің 31-і заңға сәйкес қанағаттандырылды. Ал 17 өтініш басқа мемлекеттік органдарға жолданып, 18-і түсіндірілді. Нәтижесінде тұтынушыларға барлығы 293 мың теңгеден астам қаржы кері қайтарылды.
Бұл жөнінде Өңірлік коммуникациялар қызметінде өткен брифингте Қызылорда облысы бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
<blockquote>
 «Тұтынушы құқығының жиі бұзылуы – сатушылардың және тұтынушылардың заң талаптарын білмеуінен орын алады. Осыған орай, департамент тарапынан «Халық үніне құлақ асатын мемлекет» тұжырымдамасына сәйкес аталған әлеуметтік зерттеу қорытындысы тиісті уәкілетті мемлекеттік органдарға жолданып, тұтынушылардың құқықтарын қорғау бағытында жұмыстар жүргізілуде. Заңмен бұзылған құқықтарды қалпына келтіру, шығындарды өтеу, тұтынушылардың құқықтарын қорғау жүйесінің тиімділігін арттыру мақсатында дәйекті үш сатылы жүйесі енгізілді. Онда сатып алушы мен тауар берушінің нақты талаптары қарастырылған», – деді Ерқасым Сүлейменов.
</blockquote>

Қызылордада 66 тұтынушының құқығы бұзылды

<a href="https://kyzylorda-news.kz/">Kyzylorda-news.kz.</a>&nbsp;Қазақстан аймақтарында 2022 жылғы 13 сәуірде болатын ерекше метеорологиялық құбылыстарға болжау консультациясын жариялады.
Қазақстанның басым бөлігінде атмосфералық фронтальды бөліктердің өтуіне байланысты жаңбыр жауып, күн күркірейді. Тек еліміздің солтүстігінде, солтүстік-шығысында жоғары қысымды алқаптың әсерінен жауын-шашынсыз ауа райы күтіледі. Республика бойынша желдің күшеюі, тұман, оңтүстікте – дауыл, республиканың батысы мен оңтүстік-батысында шаңды дауыл күтіледі.
Күндіз Қызылорда облысының солтүстік-батысында жел 15-20 м/с күшейеді, күндіз шаңды дауыл күтіледі.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов мектеп түлектері кешін өткізудің нұсқаулығы әзірленіп жатқанын <a href="https://sputnik.kz/20220412/mektep-tulekteri-kesh-nusqaulyq-24152019.html">мәлімдеді.</a>
<blockquote>
 “Түлектер кешіне келер болсақ, әріптестерімізге нұсқаулық пен тиісті тапсырма жолданады. Ешқандай лимузин мен қымбат салтанатқа жол берілмейді”, – деді ол.
</blockquote>
Бұған дейін министр биыл мектептерде соңғы қоңырау дәстүрлі форматта өтетінін айтқан болатын. 
Айта кетері, өткен жылы пандемияға байланысты мектептерде соңғы қоңырау мектеп ауласында ата-аналардың қатысуынсыз өткен еді.
Осы жылы оқушылар төртінші тоқсанды дәстүрлі форматта бастады. Карантиндік шектеулердің алынып тасталуына байланысты балалар мектепке барып оқиды.

Қазақстан және Қызылорда облысының жаңалықтары

Синоптиктер 14-16 сәуірге арналған ауа райы болжамын жариялады

«Мемлекет – Бизнес – Университет: өңірлік экономика драйверлері» атты дөңгелек үстел өтті

Қазақстан Ресейдің «Байқоңырды» жалдау ақысын қымбататты

Қаржы пирамидасына алданған халықтың ақшасы қалай қайтарылады?

Биыл Жеңіс күніне арналған әскери парад өтпейді

Мектепке жұмысқа тұру – 850 мың теңге. Қызылордада алаяқ ұсталды

Президенттің көмекшісі тағайындалды

«E-Salyq Business»: Кәсіпкерлерге салық төлеу жеңілдейді

Қызылордада 66 тұтынушының құқығы бұзылды

Сәрсенбіге арналған ауа райы болжамы

Мектеп түлектері кешін өткізуге арналған нұсқаулық әзірленіп жатыр

Қазақстан және Қызылорда облысының жаңалықтары

Синоптиктер 14-16 сәуірге арналған ауа райы болжамын жариялады

«Мемлекет – Бизнес – Университет: өңірлік экономика драйверлері» атты дөңгелек үстел өтті

Қазақстан Ресейдің «Байқоңырды» жалдау ақысын қымбататты

Қаржы пирамидасына алданған халықтың ақшасы қалай қайтарылады?

Биыл Жеңіс күніне арналған әскери парад өтпейді

Мектепке жұмысқа тұру &#8211; 850 мың теңге. Қызылордада алаяқ ұсталды

Президенттің көмекшісі тағайындалды

«E-Salyq Business»: Кәсіпкерлерге салық төлеу жеңілдейді

Қызылордада 66 тұтынушының құқығы бұзылды

Сәрсенбіге арналған ауа райы болжамы

Мектеп түлектері кешін өткізуге арналған нұсқаулық әзірленіп жатыр

Мектепке жұмысқа тұру – 850 мың теңге. Қызылордада алаяқ ұсталды