<a href="https://kyzylorda-news.kz/">Kyzylorda-news.kz.</a> Облыс көлемінде өтіп жатқан «Заңсыз тасымалдаушы» жедел профилактикалық іс-шараның 2 күнінде жол қозғалысы ережесін бұзған 28 дерек тіркелді.
Оның ішінде 6 жүргізуші тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысқан. 1 адам лицензиялау нормаларын бұзып, жолаушыларды, багажды және жүктерді тасымалдау қағидаларын бұзған 19 дерек тіркелді.
Сонымен қатар, 2 жүргізушіге жолаушыларды тасымалдау кезінде рейс алдындағы техникалық немесе медициналық тексеруден өтпесе де көлік жүргізуге рұқсат берілген.

Қызылордада тасымалдау қағидасын бұзған жүргізушілер жауапқа тартылып жатыр

<a href="https://kyzylorda-news.kz/">Kyzylorda-news.kz.</a> Биылғы жыл – еліміз үшін ерекше жыл. Қас-қағым уақыт тәрізді, тәу еткен тәуелсіздігімізге – 30 жыл, тәуелсіздіктің бастауы болған Желтоқсан оқиғасына – 35 жыл.
Елімізге тәуелсіздік оңайлықпен келген жоқ. Біз оған ызғарлы Желтоқсанда бодандыққа қарсы бұлқынған намысшыл жастардың арқасында қол жеткіздік. Қазақстанның еркіндігі мен бостандығы жолында бастарын бәйгеге тіккен қанды желтоқсан оқиғасының қатысушыларының ерліктері уақыт өткен сайын жадымызда жаңғыраратын болады. Олардың сол қаһарлы күндердегі қайсар ерліктері бүгінгі жастар үшін үлгі-өнеге. 
Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап 1986 жылы атойлап алаңға шыққан Желтоқсан қаһармандарымен кездесті.
Басқосуда аудан басшысы желтоқсан оқиғасының тәуелсіздікке жету жолындағы маңызы менел тәуелсіздігін алуға деген бетбұрыстың жасалуына тигізген ықпалы жайында сөз қозғады. Сондықтан да Желтоқсан оқиғасы Қазақстанның тәуелсіздікке жасаған алғашқы қадамы, тәуелсіздіктің бастауы ретінде бағаланатынын тілге тиек етті.
Кездесуде желтоқсан оқиғасына қатысушы жерлесіміз Ұлбосын Алматова ауданда желтоқсаншылардың қоғамдық ұйымы құрылғанын айтып, оның төрағалығына Шарападин Кенжебаев ұсынылғанын жеткізді. Өз кезегінде Шарападин Кенжебаев сенім білдіріп отырған азаматтарға алғысын айтып, алдағы уақытта бірлесіп атқаратын жұмыстар көп екендігін жеткізді.
Кездесуде аудандық ардагерлер кеңесінің төрағасы Оразғали Бекбанов та сөз сөйлеп, ізгі тілектерін білдірді. 
Басқосу соңында аудан әкімі Мұхтар Оразбаев Желтоқсан оқиғасының қатысушыларын «Алғыс хатпен» марапаттап, сый-құрмет көрсетті.

Желтоқсан оқиғасы – тәуелсіздіктің бастауы

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1 244 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 217,
Алматы қаласы – 161,
Шымкент қаласы – 5,
Ақмола облысы – 62,
Ақтөбе облысы – 7,
Алматы облысы – 14,
Атырау облысы – 4,
Шығыс Қазақстан облысы – 58,
Жамбыл облысы – 17,
Батыс Қазақстан облысы – 109,
Қарағанды облысы – 140,
Қостанай облысы – 207,
Қызылорда облысы – 8,
Маңғыстау облысы – 13,
Павлодар облысы – 62,
Солтүстік Қазақстан облысы – 159,
Түркістан облысы – 1.
Қазақстан бойынша жазылғандар саны – 944 485.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 704 адам коронавирус індетімен ауырды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 122,
Алматы қаласы – 54,
Шымкент қаласы – 4,
Ақмола облысы – 62,
Ақтөбе облысы – 2,
Алматы облысы – 19,
Атырау облысы – 15,
Шығыс Қазақстан облысы – 33,
Жамбыл облысы – 7,
Батыс Қазақстан облысы – 18,
Қарағанды облысы – 129,
Қостанай облысы – 68,
Қызылорда облысы – 7,
Маңғыстау облысы – 4,
Павлодар облысы – 78,
Солтүстік Қазақстан облысы – 77,
Түркістан облысы – 5.
Жалпы ел бойынша ауырғандар саны 977 031.

Қызылордада 7 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 8 желтоқсанға арналған ауа райы болжамын жасады, деп хабарлайды Қазгидромет.
Атмосфералық ауа ағындардың әсерінен республиканың оңтүстік-шығысында және солтүстік-шығысының кей жерлерінде қар жауады. Қазақстанның қалған аймақтарында антициклон әсерінен жауын-шашынсыз ауа райы күтіледі. Республика бойынша кей жерлерде тұман, жаяу бұрқасын күтіледі, солтүстікте жел күшейеді.

8 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдығына орай Қызылорда облысы әкімінің қолдауымен, Нұрсұлтан Назарбаев Қоры, «AstanaHub» халықаралық стартаптар технопаркінің қатысуымен 15-16 желтоқсан күндері «Inno.Fest» Qyzylorda инновациялық жобалар фестивалі өткізіледі. Оған – идеясы бар, бірақ оны жүзеге асыруға ресурстары жеткіліксіз кез келген адам қатыса алады. Бұл жөнінде Өңірлік коммуникациялар қызметінде өткен брифингте «Ақпараттық технологиялар орталығы» КММ директоры Сабит Ибадулла мәлімдеді.
<blockquote>
 «Inno.Fest» Qyzylorda жобасы бір тәулік ішінде идеялық инновациялық жобаларды яғни «Ақпараттық технологиялар», «Контент және Медиа», «Кино және видео», «Smart Qyzylorda» бағыты бойынша өткізілетін іс шара. Фестиваль күндеріне дейін қала және облыстың барлық аудандарында жобаны насихаттау шаралары ұйымдастырылатын болады. Жоба серіктестері – «Нұрсұлтан Назарбаев Қоры», «Astana Hub» халықаралық технопаркі, «Қорқыт Ата атындағы Қызылорда Университеті», «Болашақ» университеті, IT Park, «Абзал және К» ТС, «Grand master» бағдарламалау мектебі» ЖШС, «Сыр Үміті» Жастар қауымдастығы, «Қазақстан ІТ-мамандары ассоциациясы», «Qosyl» жастар орталығы, «Maнсап» мектебі, «Kyzylorda Business Hub» ЖШС. Жалпы жүлде қоры 2 млн 400 мың теңгені құрайды, – деді Сабит Ибадуллаұлы.
</blockquote>
Қатысушы өз жобасын іске асыру үшін команда жинау мүмкіндігіне ие болады. Фестиваль форматы бойынша бір тәулік ішінде жоба идеясы озық шыққан инновациялық жұмыстар іріктеліп, іске асырылады.
<blockquote>
 «2020 жылдан бастап «Astana Nub» халықаралық стандаптар паркі мен Қызылорда облысының Ақпараттық технологиялар орталығы және іргелі университеттердің бірі Қорқыт ата атындағы ҚУ арасында серіктестік нығайды. Осының нәтижесінде 2 жыл бойы бірқатар шараларды жүзеге асырып келеміз. Жоспар шеңберінде 9 іс шара жүзеге асырылып, 380-нен астам жастарды қамтыған болатынбыз. «Inno Fest» Qyzylorda 2021 инновациялық жобалар фестивалі 4 бағыт бойынша өтеді», – деді «Astana Nub» халықаралық технопаркінің Қызылорда облысы бойынша аймақтық менеджері Жанарыс Түбекбаев.
</blockquote>
Республикамыздың өзге өңірлерінде атап айтқанда Нұр-Сұлтан, Алматы, Шымкент қалаларында Hackday форматындағы фестивальдер өткізіліп, заманауи технологияларға қызығушылық танытатын IT мамандар көбейіп келеді. ІТ парк базасында аптасына 253 студент тәжірибе алып, уақытылы оқыту жүйесіне қатысуда.
«Inno.Fest» жобасы ақпараттық жүйелер мен медиа контент бағытында ұйымдастырылады. Қатысамын деушілерге арнайы сайтта тіркелуге болады, – деді «Grand master» бағдарламалау мектебі ЖШС-ның директоры Алмат Қуанышбаев.
<img src="https://kyzylorda-news.kz/wp-content/uploads/2021/12/265393368_1427330077662500_8134810021933983804_n.jpg" alt="" />

Қызылордада  инновациялық жобалар фестивалі өтеді

<a href="https://kyzylorda-news.kz/">Kyzylorda-news.kz.</a> Қазақстан Республикасы Тәуелсіздігінің 30 жылдығына орай 5-6 желтоқсан күндері «QORQYT АTA CUP» студенттер арасында республикалық пікірсайыс турнирі өтті. Шешендік пен ұтқыр ой сыналатын сайысқа еліміздің барлық аймағынан 18 команда қатысты.
Дебат – жастардың логикалық және сыни ойлау қабілетін ұштайтын интеллектуалды ойын. Қоғамның өзекті мәселелерін көтеріп, тәуелсіз шешім қабылдауға бейімдейді.
<blockquote>
 «Бүгінгідей ақпараттар алмасқан заманда жастардың жаңалықты саралап, өз ұстанымын дәлелді түрде қорғай алуы маңызды. Бүгінгі республикалық ауқымды пікірсайыс турнирі Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаментінің қолдауымен Республикалық қосымша білім беру оқу-әдістемелік орталығы және Қорқыт ата атындағы Қызылорда университетінің ұйымдастыруымен өткізілуде», – деді ректордың міндетін атқарушы Абайбек Жүнісов.
</blockquote>
Пікірсайыс турнирі американдық парламенттік және Линкольн-Дуглас форматында өтті. Турнирге еліміздің іргелі жоғары оқу орнының білім алушылары қатысты. Атап айтсақ, Абай атындағы қазақ ұлттық педагогикалық университеті, Қазақ Ұлттық Қыздар Педагогикалық университеті, Қожа Ахмет Ясауи атындағы Халықаралық қазақ-түрік университеті, Мұхтар Әуезов атындағы Оңтүстік Қазақстан университеті, М.Х.Дулати атындағы Тараз өңірлік университеті, М.Өтемісов атындағы Батыс Қазақстан университеті, Ш.Уәлиханов атындағы Көкшетау университеті, Халықаралық туризм және мейман достық университеті, Оңтүстік Қазақстан медицина академиясы, «Болашақ» университеті, Қорқыт Ата атындағы Қызылорда университеті.
Екі күндік сайыстың қорытындысы бойынша I орын (300 мың теңге) Қожа Ахмет Ясауи атындағы Халықаралық қазақ-түрік университетінің «Бекзат Саттарханов» фракциясына, II орын (150 мың теңге) Қазақ Ұлттық Қыздар Педагогикалық университетінің «Терең дем ал» фракциясына және жүлделі III орын (100 мың теңге) Абай атындағы қазақ ұлттық педагогикалық университетінің «Цицерон» фракциясына табысталды. Республикалық пікірсайыс турнирінің «Үздік спикер» (30 мың теңге) номинациясын М.Х.Дулати атындағы Тараз өңірлік университетінің студенті Алима Калисаева иеленді. Ал «Үздік төреші» (30 мың теңге) номинациясымен аймағымыздың тәжірибелі пікірсайысшысы Маржан Ердібек марапатталды.
<blockquote>
 «Пікірсайыс арқылы жастар логикалық ойлауға, өз ұстанымын білдіруге тәрбиеленеді. Сондай-ақ, әртүрлі жағдайда оны талдап, өзіндік көзқарасын қалыптастыруға бейімделеді. Бүгінгі турнирде қатысушылар тәуелсіздік жылдарында еліміздің жеткен жетістіктерін насихаттап, қоғамдағы өзекті мәселелерді өз деңгейінде көтере білді. Бұл жастардың сыни ойлау қабілетін дамытып, демократиялық қоғам өміріне жас ұрпақтың араласуына жол ашады. Осындай шаралар арқылы жастар бір-бірімен тәжірибе алмасып, өзара достық қарым-қатынастары нығая түседі деп санаймын»,- деді турнирдің бас төрешісі Айжан Орынбасар.
</blockquote>
Турнирдің бас демеушісі ретінде қолдау көрсеткен Жаңақорған ауданының Құрметті азаматы, медицина саласының Құрметті қызметкері Нурылда Талипов болса, шараның өтуіне «Қазақстан Астық компаниясы» ЖШС атқарушы директоры, «Қазақстан астық одағы» ЗТБ ресми өкілі Қазбек Омаров атсалысты.
Айта кетейік, университетте 2004 жылдан бастап «АҚИҚАТ» саяси пікірсайыс клубы жұмыс істейді. Университеттің барлық институттарында бөлімшелер ашылған. Сондай-ақ, қаладағы 27 мектепте клубтың филиалы бар.
<img src="https://kyzylorda-news.kz/wp-content/uploads/2021/12/02.jpg" alt="" />
<img src="https://kyzylorda-news.kz/wp-content/uploads/2021/12/06.jpg" alt="" />
<img src="https://kyzylorda-news.kz/wp-content/uploads/2021/12/08.jpg" alt="" />

Қызылордада өткен республикалық пікірсайыс турнирі қорытындыланды

<a href="https://kyzylorda-news.kz/">Kyzylorda-news.kz.</a> Бүгін Ел Тәуелсіздігінің 30 жылдығына орай облыстық ішкі саясат басқармасы және облыс бойынша сыбайлас жемқорлыққа қарсы іс-қимыл департаментінің ұйымдастыруымен жастар форумы болды. Аталмыш шараға облыстың белсенді жастары және БАҚ өкілдері қатысты. Шаһардың сол жағалауындағы Жастар ресурстық орталығында өткен форумды облыстық ішкі саясат басқармасының басшысы Мира Қазбекова ашып, жастардың игі істеріне тоқталды.
Мерейлі мерекеде қос сала БАҚ өкілдері арасында «Азаматтардың сыбайлас жемқорлыққа төзбеушілік мәдениетін көтеру» тақырыбында байқау ұйымдастырды. Шарада конкурстың жеңімпаздарына облыс бойынша сыбайлас жемқорлыққа қарсы іс-қимыл департаменті басшысының міндетін атқарушы Руслан Ягмусов жүлделі сыйлықтарды табыстады. Үздік деп танылған үштікке қаржылай серфитикат берілді. Атап айтқанда, ІІІ орын облыстық «Рухани жаңғыру» орталығының ақпаратты-талдамалық сүйемелдеу бөлімінің маманы, журналист Нұрбике Құдайбергенова, ІІ орын облыстық «Сыр бойы» газетінің тілшісі Ержан Қожасов және жүлделі І орынмен «Halyqline.kz» сайтының редакторы Рыскелді Жахман марапатталды.
Бұған қоса, арнайы «Талдамалы ақпарат» номинациясы аудандық «Өскен өңір» газетінің бас редакторының орынбасары Гүлнар Дүйсебаева, «Әділет тынысы» – облыстық «Qyzylorda» телеарнасының тілшісі Дәулет Сағит және «Рухани тағылым» номинациясы – «Сыр дидары» газетінің бас редакторы Сәкен Алдашбаевқа берілді. 
Аталмыш жиында белсенді жастар өз ойларымен пікірлерін жеткізді. Алдағы уақытта да жалғасын табатынына сенімдері мол.
<img src="https://kyzylorda-news.kz/wp-content/uploads/2021/12/264605948_1427321357663372_6430805934504002955_n.jpg" alt="" />
<img src="https://kyzylorda-news.kz/wp-content/uploads/2021/12/264756074_1427321350996706_4981279847096991515_n.jpg" alt="" />
<img src="https://kyzylorda-news.kz/wp-content/uploads/2021/12/264860923_1427321320996709_1736044769322445401_n.jpg" alt="" />

Қызылордада облыстық жастар форумы өтті

<a href="https://kyzylorda-news.kz/">Kyzylorda-news.kz.</a> Қазақ «Дені саудың – жаны сау» деп тегін айтпаса керек. Сананы ақша билеп, соған ғана тәуелді болып тұрған мына алмағайып заманда денсаулықты ғана сатып ала алмайтынымыз рас.
<img src="https://kyzylorda-news.kz/wp-content/uploads/2021/12/whatsapp-image-2021-12-07-at-15.03.01.jpeg" alt="" />
Осыдан біршама уақыт бұрын денсаулығыма байланысты көп бейінді облыстық аурухананың № 2 хирургия бөлімшесінде ем алып, әуелі Алла, содан кейін бөлім меңгерушісі Мантаева Бекет Тайшыбекұлы бастаған ұжымның дәрігері Арыстанова Айдана Нұрбайқызының ем-шарасының арқасында, мейірімді мейірбикелер Құралай Сарымбетова, Балқия Қайымова, Әмида Балмырза, Гаухар Әбжан, Жанат Ыдырысова мен күтуші Лиза Ошманованың зор қолдауымен отбасыма аман-сау оралып жатқан жайым бар.
<img src="https://kyzylorda-news.kz/wp-content/uploads/2021/12/whatsapp-image-2021-12-07-at-15.03.01-1.jpeg" alt="" />
Сын сағатта менің жанымды аман алып қалу үшін күрескен дәрігерлердің көмегі ерекше болды. Ақ халатты абзал жандардың көмегінің арқасында өмірге қайта келгендей болдым. Бар білім-біліктерін салып екі бірдей отаны сәтімен өткізген ақ халатты абзал жандар «Адам жанының арашасы» деген ардақты атауға әбден лайықты дер едім. Әрі осындай еңбектері өлшеусіз денсаулық жанашырларына шексіз аналық алғысымды білдіремін. Қызметін адал атқарып, халықтың алғысына бөленіп жүрген осындай жандардың аялы алақаны мен мейірімі, кәсіби біліктілігі, ақжарқын жүздері әр науқастың дертіне шипа сыйлайтыны сөзсіз. Алла кәсіптеріңізге береке берсін, халықтың алғаусыз алғысына бөлене беріңіздер!
Жұлдыз Қуандықова,
Денсаулық сақтау саласының ардагері

Дәрігерлерге алғыс айтты

<a href="https://kyzylorda-news.kz/">Kyzylorda-news.kz.</a> 2021 жылдың 10 ай қорытындысында қызылордалықтарға көрсетілген медициналық қызметтердің сапасы мен көлемі бойынша 74,5 мың ақау анықталды. Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
Ағымда жылдың 10 айлық қорытындысында халыққа медициналық көмек көрсету кезінде 74,5 мыңдай түрлі кемшілік анықталды, медициналық ұйымдарға салынған айыппұл сомасы 1 638,0 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 64,4 млн теңге болатын 60,8 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 4 214 ақау, тәулік бойы жұмыс істейтін көп бейінді стационарларда медициналық көмек көрсету кезінде 8 118 кемшіліктер және ауылдық стационарларда 1 271 ақаулар анықталды.
Егер сізде медициналық көмек алуға байланысты сұрақтар туындаса, сіз өз емханаңыздағы пациентті қолдау қызметіне хабарласа аласыз. Сондай-ақ Қорға келесі ресми кері байланыс арналары арқылы өтініш бере аласыз: 1406 байланыс орталығы, «Qoldau 24/7» мобильді қосымшасы, Қордың https://fms.kz/kz/ сайты, Telegram-дағы Saqtandyry-bot.

МӘМС:  Қызылордада медициналық қызмет көрсету сапасы бойынша 74,5 мың ақау анықталды

<a href="https://kyzylorda-news.kz/">Kyzylorda-news.kz.</a> Өткен тәулікте Қызылорда облысында коронавирус инфекциясының 2 дерегі тіркелді. Екеуі де екпе алмаған адамдар арасында анықталды. Бұл туралы бүгін Өңірлік коммуникациялар қызметінде өткен баспасөз конференциясында облыстық санитарлық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Облыста эпидемиологиялық ахуал тұрақты. Дегенмен, сақтық шарасына бей-жай қарауға болмайды. Адам көп шоғырланған орындарда бетперделік режим мен әлеуметтік ара қашықтық сақталуы тиіс. Сондай-ақ, қазір тұмаудың эпид маусымы. Індет жұқтырып, иммунитетті әлсіретіп алмау қажет», – деді Әлия Мүтәліпқызы.
</blockquote>
Коронавирустың жаңа «омикрон» штаммы да қауіп төндіруде. Ол бұрынғы штаммдарға қарағанда қауіптірек. Себебі бұған дейін төртінші толқынды тудырған «дельтаның» 13 мутациясы болса, ғалымдардың алдын ала болжамы бойынша «омикронның» 50 мутациясы анықталған. Бүгінде ауру белгілері күмәнді деген 11 адамның сынамасы тексеріске жіберілді. Омикронның басты симптомдары тұмау тәріздес белгілері болады.
Айта кету керек, Қызылорда облысы коронавирус инфекциясына қарсы вакцинациялау көрсеткіштері бойынша алғашқы бестікте. Бүгінгі күні вакциналардың 1-компонентімен екпе алғандар саны – 408 353 адам, бұл тиісті контингенттің 90,2% құрайды. 2-компонентпен 356 109 адам екпе алды, яғни тиісті контингенттің 78,7% қамтылды. Comirnaty (Pfizer) препаратымен де тиісті контингентті вакцинациялау қарқыны жаман емес. 2021 жылғы 7 желтоқсандағы мәліметтер бойынша барлығы 8 210 адам аталған вакцинаны алды. Оның ішінде 12-17 жас аралығындағы жасөспірімдер саны – 6672, жүкті әйелдер саны – 566 және лактация кезеңіндегі әйелдер саны – 972.

Қызылордада эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz.</a> Ақпарат және қоғамдық даму министрлігінің қолдауымен «Қазақстан» телерадиокорпорациясы ұйымдастырған «30 жыл 30 есім» ұлттық байқауының жеңімпаздары анықталды.
**Жеңімпаздар: 
**– «Медицина және денсаулық сақтау саласына қосқан үлесі үшін» – Серік Ақшолақов, Юрий Пя, Надежда Петухова 
– «Қоғамдық белсенділігі үшін» Асылы Осман, Олеся Баимова, Айман Омарова 
– «Мәдениет саласына сіңірген еңбегі үшін» Димаш Құдайберген, Секен Тұрысбеков, Ерболат Төлепбай 
– «Кино саласына сіңірген еңбегі үшін» Болат Әбділманов, Асанәлі Әшімов, Досхан Жолжақсынов 
– «Спорт саласындағы жетістіктері үшін» Дәулет Тұрлыханов, Қанат Ислам, Илья Ильин 
– «Ғылымның дамуына қосқан үлесі үшін» Асқар Жұмаділдаев, Күнсұлу Закарья, Зейнолла Самашев 
– «Білім саласының дамуына қосқан үлесі үшін» Муаммер Гүль, Аятжан Ахметжанұлы, Аягүл Миразова 
– «Ауыл шаруашылығы және агроөндіріс саласына қосқан үлесі үшін» Нұрислам Ыбраев, Иван Сауэр, Сыдық Дәулетов 
– «Дәстүрлі өнердің дамуына қосқан үлесі үшін» Айгүл Үлкенбаева, Рамазан Стамғазиев, Елмұра Жаңабергенова 
– «Әдебиет» аталымы бойынша Дулат Исабеков, Светқали Нұржан, Ұлықбек Есдәулет марапатталды.

Қазақстан және Қызылорда облысының жаңалықтары