<a href="https://kyzylorda-news.kz/">Kyzylorda-news.kz.</a> Мәжбүрлі еңбекті жергілікті атқарушы органдар қоғамдық орындарда ұйымдастырады және күніне төрт сағаттан асырылмай өтеледі.
Қармақшы аудандық пробация қызметінің есебіндегі айыпталушыға сот үкімімен 3 жыл бас бостандығынан шектеу жазасы тағайындалған. Жаза өтеуінің бүкіл мерзімі ішінде жыл сайын 100 сағаттан аспайтын мәжбүрлі еңбек тағайындалып, пробациялық бақылау белгіленген.
Қазіргі таңда сотталған азамат өзінің тұрғылықты жері бойынша жергілікті атқарушы органы белгілеген орында мәжбүрлі түрде күніне 4 сағаттан аспайтын уақытта тазалық және көгалдандыру жұмыстарымен айналысуда. Жалпы мәжбүрлі еңбек тағайындалған сотталғанның атқарған жұмыс уақытын есептеу және оны қадағалау ҚР ҚАК-нің 62-бабына сәйкес жергілікті атқарушы органға жүктелген.
Жыл басынан пробация есебінде тұрған 3 сотталған азамат сот үкімімен міндеттелген мәжбүрлі еңбекті тәртіп бұзушылықсыз толық атқарған.

Пробация есебіндегі сотталғандардың мәжбүрлі еңбекті орындауы тексерілді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының заңгерлеріне екі бизнесмен жүгінді. «Қызылорда су жүйесі» мекемесі бір кәсіпкердің 41 мың теңгесін жыл бойы төлемей келсе, электр энергиясын таратушы мекеме екінші кәсіпкерге артық төлем есептеген.
Алматы облысының кәсіпкері Берік Әбсадықов былтыр «Қызылорда су жүйесі» мемлекеттік коммуналдық кәсіпорнына автобөлшектер жеткізіп беретін болып, мемлекеттік сатып алу шартына қол қояды. Шарт бойынша кәсіпкер кәсіпорынға 41 мың теңгенің тауарын жеткізіп беруі керек және оны уақытылы орындайды. Алайда тапсырыс беруші ешқандай түсініктеме берместен, жыл бойы төлем жасамай келген. Кәсіпкер палатаның көмегіне жүгінді.
Қызылорда облысы кәсіпкерлер палатасының заңгерлері кәсіпкердің атынан талап арыз әзірлеп, сотқа жолдады. Сотта дауды медиация тәртібімен реттеу жөнінде келісім бекітіліп, «Қызылорда су жүйесі» кәсіпорны жеке кәсіпкер Берік Әбсадықовқа тұрақсыздық айыппұлымен бірге 45 мың теңгені төлеп берді.
Екінші оқиға «Шыңғыс құрылыс компаниясы» ЖШС-ға қатысты. Компания басшысы электр энергиясына кеткен шығынды уақытылы төлеп келе жатқанын жеткізді. Алайда 1 сәуірде «Қызылорда электр тарату тораптар компаниясы» АҚ автоматтандырылған бақылау есептеу құралының ажырауы салдарынан электр энергиясын есептемегенін хабарлап, жұмыс жасамаған кезеңге 14302 квт/сағатқа акті жасайды. Сол акті негізінде «Энергосервис» мекемесі қосылған құн салығымен 25,86 теңге тарифпен есептеп (орташа тариф 21,23 теңге), шамамен 370 мың теңге шот ұсынады. Наурызда компания 16 күн жұмыс жасамағанын алға тартқан кәсіпкерлік нысан басшысы палата заңгерлерінен көмек сұрайды.
«Кәсіпкердің өтінішіне сәйкес облыс бойынша табиғи монополияларды реттеу департаменті мамандарымен жұмыс істедік. Нәтижесінде тариф пен квт/сағат қайта есептеліп, кәсіпкер 370 мың теңгенің орнына 209 мың теңге төлейтін болды», – деді Кәсіпкерлер палатасының заңгері Гүлнұр Құрмантаева.
Айта кетейік, биыл палатаға кәсіпкерлерден 281 өтініш түскен, оның 132-сі бизнесті қорғау бағытындағы арыз-шағымдар.

Қызылордалық кәсіпкерлердің тағы бір мәселесі шешілді

<a href="https://kyzylorda-news.kz/">Kyzylorda-news.kz.</a>&nbsp;Биылғы жылғы 1 қаңтардан бастап Мемлекеттік әлеуметтік сақтандыру қорынан еңбекке қабылеттіліктен және асыраушысынан айырылуы жағдайларына төленетін әлеуметтік төлемдердің мөлшері 5%-ға, 2022 жылғы 1 сәуірден бастап қосымша 4%-ға арттырылды. Осылайша бұл төлемдердің жалпы сомасы өткен жылмен салыстырғанда 9%-ға өсті.
Жұмыс істейтін азаматтар бұл төлемдерді базалық мемлекеттік әлеуметтік жәрдемақыларға қосымша алады.
Қордан еңбекке қабылеттіліктен айырылу жағдайына әлеуметтік төлемді 81665 адам, оның ішінде Қызылорда облысы бойынша 3011 адам алуда. Егер бюджеттен алатындар үшін мүгедектік бойынша жәрдемақының орташа мөлшері 54 608 теңгені құраса, ал Қордан төленетін төлемді қоса есептегенде жалпы сома 84 353 теңгені құрайды.
Қордан асыраушысынан айырылуына байланысты әлеуметтік төлемді 54215 адам,оның ішінде Қызылорда облысы бойынша 2528 адам алуда. Егер бюджеттен алатындар үшін асыраушысынан айырылу бойынша жәрдемақының орташа мөлшері 45 627 теңге болса, ал Қордан төленетін төлемді қоса есептегенде жалпы сома 76 443 теңгені құрайды.
Осылайша, жұмыс істейтін азаматтардың төлемдерінің орташа мөлшері жұмыс істемеген алушылармен салыстырғанда шамамен 30 мың теңгеге жоғары.
Сонымен бірге, 2022 жылғы 1 сәуірден бастап айлық есептік көрсеткіштің ұлғаюына байланысты Қордан 1 жасқа дейінгі бала күтімі бойынша төлемді ең төменгі деңгейде алушы 244000-ға жуық, оның ішінде Қызылорда облысы бойынша 14556 адамға төлем мөлшері ұлғайтылды.
Қордан төленетін әлеуметтік төлемдердің ұлғайтылған сомасы ағымдағы жылдың маусым айында сәуір, мамыр және маусым айларына төленетін болады.

МӘМС: Ұзақ мерзімді әлеуметтік төлемдердің мөлшері қосымша өсті

<a href="https://kyzylorda-news.kz/">Kyzylorda-news.kz.</a> Биылғы жылы Мемлекет басшысы Қасым-Жомарт Тоқаевтың Жарлығына сәйкес аудан әкімдерінің халықпен өткізетін кездесулеріне өзгерістер енгізілді. Енді аудан әкімдері тоқсан сайын тұрғындармен кездесіп, халықтың мұң-мұқтаждарын тыңдайтын болады.
Осыған орай Қазалы ауданының әкімі Мұхтар Оразбаев елді мекендерді аралап, халықпен кездесу өткізуді бастады.
Халықпен кездесуге аудандық мәслихат хатшысы Бақытжан Жарылқап, облыстық мәслихат депутаты Ібайдулла Тілеп, аудандық қоғамдық кеңес төрағасы Талайлы Бөріқұлақов, Қазалы ауданының прокуроры Бақытжан Мырзабаев, аудандық полиция бөлімінің бастығы Болат Кабизов, аудандық мәслихат депутаттары Әбдуәли Рахметов, Ғазиз Әліш және бірқатар дербес бөлім мен мекеме-кәсіпорын басшылары қатысты.
Аудан басшысы алдымен Жалаңтөс батыр ауылына ат басын бұрып, ауылдық клубқа жиналған тұрғындарға сәлем берді.
Мұхтар Әуесұлы, бірінші кезекте биылғы жылғы өзгерістерге тоқталып, алдағы уақытта аудан халқымен жиі-жиі кездесетінін жеткізді. Мұнан соң ауданда атқарылып жатқан жұмыстармен алдағы жоспарларды тілге тиек етті.
Сөз кезегі ұсыныс-пікірлерге кезек келгенде ауылдың ардақты ақсақалы Сайын Дәуіт және тұрғындар Сапар Құлтанов, Мұхит Жанқуат Әйтеке би кенті мен Басықара ауылының арасындағы жолды асфальттау, электр бағаналары мен желілерін жаңалау сияқты мәселелерді көтеріп, елді мекенді газдандыру жұмыстары қарқынды жүргізіліп жатқанын жеткізді.
Аудан әкімі Мұхтар Оразбаев тұрғындар көтерген мәселелердің әрбіріне жеке-жеке тоқталып, сұрақтарға жауап берді.
Аудан басшысы мұнан соң Қ.Пірімов пен Басықара ауылдарына да арнайы барып, тұрғындармен кездесті.
Қ.Пірімов ауылдық клубында өткен кездесуде тұрғындар көшелерді асфальттап, жарықтандыру, балабақша салу, Басықара ауылдық округіндегі Масақбай учаскесіне шлюзсалу сияқты өзекті мәселелер көтерілді.
Ал, Басықара ауылдық клубында өткен басқосуда елді мекендегі амбулаторияны емханаға айналдыру, мектептегі спортзалды кешкі мезгілде тұрғындарға пайдалануға беру секілді бірнеше мәселелер айтылды.
Қос елді мекен тұрғындары тарапынан айтылған ұсыныс-пікірлерді Мұхтар Әуесұлы мұқият тыңдап, барлығына да жауап берді. Халықтың айтқан әрбір ұсынысын үнемі назарда ұстап, олардың оңтайлы шешілу жолдары қарастырылатынын жеткізді.
Кейбір мәселелерге қатысты аудандық ауыл шаруашылығы бөлімінің басшысы Нұрлан Аманбай, аудандық жер қатынастары бөлімінің басшысы Еркін Сейітов, Қазалы ауданаралық ауруханасының бас дәрігері Бақытгүл Әлішева түсініктеме беріп, заңдылықтарға сәйкес жауаптарын айтты. 
Аудан әкімі Мұхтар Оразбаев елді мекендерге сапары кезінде жеке қабылдауға жазылған азаматтарды қабылдап, олардың мұң-мұқтаждарын тыңдады.
<img src="https://kyzylorda-news.kz/wp-content/uploads/2022/05/09.jpg" alt="" />

Қазалы ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp;Бүгін елімізде найзағай ойнап, бұршақ жауады, деп хабарлайды Қазгидромет.
Кей өңірлерде дауыл тұрып, желдің ұйыьқу қатері күшейеді. Ал оңтүстік-батыста, оңтүстікте шаңды дауыл күтіледі.
Қызылорда облысында көшпелі бұлт жүріп өтіп, ауа температурасы +25 +27 градусты көрсетеді.

13 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаевтың жалпыұлттық референдум өткізу бастамасын қолдау жөнінде ақпараттық-түсіндіру жұмыстары бойынша Мәжіліс депутаты, «AMANAT» партиясы депутаттық фракциясының мүшесі Ғалым Әміреевтің халықпен кездесудегі жұмыс сапары Т.Жүргенов ауылы «Ер-Әлі» ЖШС жұмысшыларымен кездесумен жалғасты.
Мәжіліс депутаты егіншілерге алда келе жатқан рефердумды қолдаудағы ақпараттық-насихаттық жұмыстармен таныстырып шықты. Мемлекетті басқарудың жаңа үлгісі пайда болып, елдегі саяси ахуалға жаңа леп болатын Конституциялық Референдум – жалпыхалықтық деңгейде алғаш өткізілмек. Бұл Мемлекет басшысы айтқан «Халық үніне құлақ асатын мемлекет» тұжырымдамасының жүзеге асыуының бірден-бір дәлелі.
<blockquote>
 «Мемлекеттік модельді кешенді түрде өзгертуге мүмкіндік беретін Конституциялық референдум – Әділетті Қазақстан ұстанымының бастамасы деуге де негіз бар. Ол биліктің өкілді тармағын (Парламент, мәслихат) айтарлықтай күшейтеді. Жаңартылған Заң аясында Президенттің барлық саяси күштер мен партиялардан дербестігін бекітуі – елдегі саяси партиялардың тең дәрежеде бәсекеге түсіп, демократиялық үдерісті үдете түсетіні сөзсіз», – деді Ғалым Әміреев.
 «Бұл референдум – жеке адамның мүддесін қорғауға, барша халықтың мүддесін қорғауға, мемлекетімізді жаңа қырынан дамытуға, жаңғырту және нығайтуды көздейді», – деді аумақтық қоғамдық штаб төрағасы, партияның аудандық филиалының атқарушы хатшысы Қаншагүл Мұстафаева.
</blockquote>

Қызылордада Мәжіліс депутаты егіншілермен кездесті

<a href="https://kyzylorda-news.kz/">Kyzylorda-news.kz.</a> Республикалық қоғамдық штаб мүшелері, «AMANAT» партиясы депутаттық фракциясының мүшелері Бақытбек Смағұл мен Генадий Шиповскихтің референдумның маңыздылығын қолдау бойынша жұмыс сапары Жаңаталап ауылында жалғасты.
Мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде алғаш өткізіледі. Бұл – «Халық үніне құлақ астаны мемлекет» идеясының нақты жүзеге асуының дәлелі.
Мажоритарлы сайлау жүйесінің енгізілуі – сайлаушылардың республикалық қана емес, жергілікті жердегі де мүддесін жіті қорғауға мүмкіндік туғызады.
Партиялық жүйені дамыту мен олардың мүмкіндіктерін кеңейту мақсатында – саяси партияны тіркеу талабы 20 мың адамнан 5 мың адамға төмендейді. Өңірлік өкілдіктер саны 600 ден 200 ге азайып, бастамашыл топ саны 1000-нан 700-ге қысқарды. Бұлардың барлығы Әділетті Қазақстанды құрудың алғышарты.
Алдағы референдум – Қазақстанның болашағын айқындайды. Бұл – пафосты бөспе сөз емес, себебі егер конституциялық реформа қабылданса, онда саяси жүйемізде айтарлықтай өзгерістер жасалады. Ол өзгерістер қоғамды ашық етуге бағытталған. Енді осы өзгерісті Парламент депутаттары өздері дауыс беріп, бекіте алмайды. Ол үшін халықтың қолдауы қажет. Сондықтан әрбір азаматымыз 5 маусымда дауыс беріп, осы тарихи бетбұрысты жасауға өз үлесін қоса алады.
<blockquote>
 «Президентіміз ұсынған оң өзгерістер мен реформалардың іске асуына, Жаңа Қазақстанның қалыптасуына үлес қосу – әрқайсымыздың негізгі азаматтық борышымыз», – деді ардагерлер кеңесінің төрағасы Ақарыстан Ахатайұлы.
</blockquote>
Республикалық қоғамдық штаб мүшелерімен бірге «AMANAT» партиясынан айтынан сайланған Гүлзат Құрманбаева, Жанболат Тәттібаев, Ахан Кенжебаев, Ұлжахан Тәжібаева, Еркін Базарбайұлы қатысты.

Республикалық қоғамдық штаб мүшелері Жаңаталап ауылына барды

<a href="https://kyzylorda-news.kz/">Kyzylorda-news.kz.</a> Биыл мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде алғаш өткізіледі.
Осы орайда, референдумды қолдау бойынша ҚР Парламенті Мәжілісі Төрағасының орынбасары, «AMANAT»партиясы республикалық штабының мүшесі Балайым Кесебаева,облыстық штаб мүшесі, Қызылорда облыстық мәслихатының хатшысы Наурызбай Байқадамов референдумның маңыздылығын түсіндіру бойынша Жаңақорған кенті, Жаңа ауыл тұрғындарымен кездесу өткізді. 
Кездесу барысында, конституциялық реформа қабылданса, саяси жүйеге айтарлықтай өзгерістер жасалатындығы айтылды.
Ауыл тұрғындары Жаңа Қазақстанды құру бағытында жасалып отырған Президент бастамасын толық қолдап, референдумға бір кісідей қатысатындықтарын айтты.

Референдум-өзгерістердің алғышарты

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Конституцияға түзетулер енгізу бойынша 5 маусымда республикалық референдум өткізуді ұсынды. Референдум – қоғам арасында қызу талқыланып, қолдау тауып отыр. Конституцияны бүкілхалықтық дауыс беру арқылы өзгерту – халықтың еркін білдіруінің айқын көрінісі.
Осы орайда республикалық референдумды қолдауға бағытталған аудандық штабтың үгіт-насихат жұмыстары бастау алған болатын.
ҚР Парламенті Мәжілісі төрағасының орынбасары Балайым Кесебаева, Қызылорда облыстық маслихатының хатшысы Наурызбай Байқадамов «Шалхия ЦИНК» еңбек ұжымымен кездесу өткізді.
Кездесуде Президентіміз ұсынған оң өзгерістер мен реформалардың іске асуына, Жаңа Қазақстанның қалыптасуына үлес қосу – әрқайсымыздың негізгі азаматтық борышымыз деп атап өтті. Осы тұрғыда біздер Қазақстанның демократиялы, әділетті және өркениетті мемлекет болып құрылуына үлес қосатындықтарын жеткізді. Өз кезегінде ауданның зиялы қауым өкілдері бұл жобаны қолдап, игі істерге бата берді.
Сондай-ақ, алдағы референдум – жекелеген топтарды күшейтуді емес, мемлекетімізді жетілдіру, жаңғырту және нығайтуды көздейтіндігін жеткізіп, 5 маусымда дауыс беруге шақырды.

Референдум – мемлекетті жетілдіруді, жаңғырту және нығайтуды көздейді

<a href="https://kyzylorda-news.kz/">Kyzylorda-news.kz.</a> Даму дегеніміз ең алдымен, адам ағзасындағы физиологиялық және психологиялық сапалық өзгерістер. Бұл өзгерістер белгілі бір әлеуметтік орта жағдайында өтеді. Әлеуметтік көзқарас тұрғысынан қарағанда тәрбие қоғам бақылайтын және түзету енгізетін, жастарды мемлекеттік және қоғамдық құрылымдар арқылы басқарып, бағыттайтын үрдіс. Қоғамның жаһанданған қазіргі және болашық өміріне қатысуға мақсаттылықпен даярлау ісі тәрбие арқылы жүзеге асырылады.
Мектеп оқушыларының жеке тұлға ретінде дамуына халықтық педагогаканың мұралары, ұлттық тәлім-тәрбие зор үлес қосады. Тәрбие үрдісінде халық педагогикасының тәлімдерін енгізу арқылы қаны да, жаны да таза, елін, жерін, тілін қастерлей алатын азамат дайындауға жол ашылады. Бүгінгі мектептің оқу-тәрбие үрдісіне халықтық педагогиканың тәлімдерін және әлемдік мәдениет құндылықтарын енгізу мәселелері көптеген ғалымдардың еңбектерінен орын алады.
Жеке тұлғаның дамуы оның әрекетінен және басқа адамдармен ой алмасу, соңдай-ақ сана-сезімінің пісіп жетілу үрдістерінде өтеді. Жеке тұлғаны әлеуметтендіру мектепте атқаратын іс-шараларда негізгі орын алады. Яғни, оқушының өмірге деген көзқарасын, адамзат мәдениетін меңгерту, қоғамдағы орнын еркін табуы, ұлтаралық мәдени қатынастарды меңгерту мектептің оқу-тәрбие жұмысынын негізі. Сондықтан біздің алдымыздағы негізгі міндет-білімді, тәрбиелі мәдениетті жеке тұлғаны қалыптастыру. Жаһандану жағдайында мәдени этникалық білім мен тәрбие берудің негізгі міндеттері ретінде мыналарды ұсынады және үнемі басшылыққа алынады: жан-жақты мәдениетті тұлғаны тәрбиелеу. Тұлғаның өзінің төл мәдениеттен сусындауы және өзге мәдениеттерді ұғынуы үшін жағдай жасау. Мәдениеттер алмастығына, бірін-бірі байытуына бағдар ұстау, көп тілді тұлғаны қалыптастыру. Өзінің ана тілінде және мемлекеттік тілінде еркін ұғынысуға қабілетті азаматтарды даярлау.
Бүгінгі мектеп қабырғасында отырған жас буынды ұлттық менталитет дәстүрлерге негіздей отырып тәрбиелеу қажеттілігі, осыған дейінгі өмір тәжірибелерімізден айқын аңғарылады. Жалпы адам бойындағы мәдениеттілік адам мен адамның, қоғам мен адамның, адамның іс-әрекеттері негізінде көрініс табады. Адамның мәдениеттілігін айқындайтын негізгі күш – орта. Осы тұжырымдардың қай-қайсысы да мәдениеттің ұлттық формада өмір сүретінін аңғартады. Сондықтан да, мәдениет арқылы этностық, тарихи, мемлекеттік, экономикалық, әлеуметік, этнографиялық болмыс бейнесі көрініс табады деуге әбден болады. Көптеген авторлар жеке адамның дамып қалыптасуына әсер ететін факторлар тұқым қуалаушылық, әлеуметтік орта т.б. дей келе, тәлім-тәрбие жұмыстарына жан-жақты тоқталады.
Тәрбие қоғамдық өмір талаптарына сай өзгеріп, жетіліп отыратыны белгілі жағдай. Мәселен, ұзақ мерзімді іске асырылатын және күн сұрасына қарай жедел шешімін күтетін мақсаттар болады. Тәрбие мақсаты әрдайым қоғамдағы мәдениет пен өркениеттің айнасы тәрізді (Мәселен, руханилық, адамгершілік, бостандық т.б.). Біздің қоғамыздағы жедел шешуді қажет ететін тәрбие мақсатына: өзіндік ой-әрекетін дамыту (инициатива), қоғамдағы жетістіктерге ілесу, нарықтық-экономикалық қатынастарды түсіну т.б. Тәрбие теориясында қамтылған мәселе адамды тұлға ретінде қалыптастырып, дамыту. Психология тұлғаның мінез-құлқын, түрткілерін, тұлғаның сипаты мен іс-әрекеттерінің негізін анықтайды. Жалпы адамзаттық адамгершілік құндылықтар тәрбие мақсатының өзегі. Олар-руханилық, бостандық жауапкершілік, ізгілік т.б. адамның өмір сүру мәнділігін айқындайтын мақсаттар мен мүдделер жиынтығы.
Мектеп оқушыларының адамгершілік қасиеттерді бойына сіңіруі, оның өзін-өзі танып, өз айналасындағылармен, қоғамдық ортамен, отбасы мүшелерімен дұрыс қарым-қатынасқа түсуі-әлеуметтік және рухани дамуының алғы шарттары болып есептеледі. Сондықтан балаға жастайынан өзінің төл мәдениетімен қатар басқа да әлемдік мәдениетті меңгертуге жағдай жасау қажет. Дүнетанымдық көзқарасын қалыптастыруда этно-мәдени білім негіздерін меңгертудің маңызы ерекше. Кез келген халықтың өмірінде жалпыадамзаттық құндылықтардың орнығуы тарихи дамудың заңды құбылысы. Сондықтан жас ұрпақ бойына жалпы адамзаттық құндылықтарды сіңіру-тәрбиенің өзекті мәселелерінің бірі.
Жас ұрпаққа жан-жақты тәрбие беруде, білім негіздерін меңгерту арқылы оның тәндік, жандық, рухани, қоғамдық, әлеуметтік үйлесімділігі сақталады. Өмір сүру құндылықтары мен мәнін түсініп, табиғатпен сабақтаса отырып, адамдық игі қасиеттер негізінде дамуға мүмкіндіктер алады. Адам өзін-өзі рухани дамыту үшін үнемі тәрбиелеп, өздігінен білім алып, өз бетінше оқып үйренуге ұмтылуы шарт. Осы қасиеттер оқушы бойынан көрініс табу үшін, жас ұрпақ тәрбиесінде халқымыздың рухани байлығы, әдет-ғұрып, салт-дәстүр, ұлттық сана, дін және рухани құндылықтарды жоғалтпай пайдаланып отыру өз нәтижесін береді.
Сондықтан мектепте ұйымдастырылатын тәлім-тәрбиелік іс-шаралар мен тәрбиелік жұмыстар, оқушыларды жан-жақты дамытып, үнемі жетілдіріп отыру басты мақсатымыз деп есептеймін.
Эльмира Көрпелесова, 
Шиелі ауданы, №150 орта мектебінің 
бастауыш сынып мұғалімі

Тәлімді тәрбие тамыры тереңде

<a href="https://kyzylorda-news.kz/">Kyzylorda-news.kz.</a> Бүгін Қорқыт Ата атындағы Қызылорда университеті ұжымының алаңында жалпыұлттық референдум өткізу бастамасын қолдау жөнінде кездесу болып өтті.
Отырысқа қатысқан білім саласының өкілдері референдум өткізу мәселесі бойынша өз көзқарастарын білдіріп, билік тармақтары арасындағы қатынастарда конституциялық реформаның рөлін, халықтың елді басқаруға қатысуын кеңейтуді және азаматтардың конституциялық құқықтарын қорғауды күшейтуді талқылады.
Кездесуге «AMANAT» партиясы облыстық филиалы Атқарушы хатшысының орынбасары, облыстық штаб төрағасының орынбасары Алтынбек Жарылқасынов, штаб мүшелері философия ғылымдарының докторы, профессор Баймырза Қожамберлиев пен тарих ғылымдарының кандидаты Нұрлыбек Мыңжас қатысты.
Жиында сөз алған «AMANAT» партиясы облыстық филиалы Атқарушы хатшысының орынбасары, облыстық штаб төрағасының орынбасары Алтынбек Жарылқасынов бүгінгі таңда басты міндет азаматтарды Конституцияға өзгерістер мен түзетулер туралы хабардар ету екендігіне назар аударды. Сондай-ақ, Мемлекет басшысы қабылдаған саяси қадамдар «халық үніне құлақ асатын мемлекет» қағидатымен көрініс тауып отырғандығын атап өтті.
Президент шешіміне облыстық штаб мүшесі Баймырза Қожамберлиевте түсініктеме берді. Оның пікірінше, елдің әрбір азаматы референдумға қатысудың маңыздылығын сезінуі тиіс. «Әрине, қазір ұсынылып отырған Конституцияға енгізілетін өзгерістер қоғамды одан әрі демократияландыруға, әлеуметтік-экономикалық даму мәселелерінде мемлекеттік органдардың жауапкершілігін арттыруға бағытталғаны қуантады».
Отырысқа қатысқан Қорқыт Ата атындағы Қызылорда университетінің тәрбие жұмыстары жөніндегі проректоры Жандос Базартай мемлекет басшысының референдумды өткізу идеясын қолдап, Конституцияға енгізілетін түзетулер жобасы саяси институттардың құрылымдық қайта құруларын қамтитынын айтып, мықты Парламент, мажоритарлық сайлау жүйелеріне енгізілетін өзгерістердің оң нәтиже беретініне сенетінін жеткізді.
Жиын барысында басқа да штаб мүшелері өз пікірілерімен бөлісіп, маңызды күні науқанға белсенді қатысуға шақырды.

«Жаңа Қазақстан» тақырыбында университет ұжымымен кездесу өтті

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласында Ұлттық академиялық кітапханада Қазақстан Жазушылар Одағының мүшесі, ҚР Мәдениет қайраткері, қаламгер Қуаныш Жиенбайдың 70 жылдық мерейтойына арналған жиын өтті.
Басқосуға ҚР Президентінің кеңесшісі Бауыржан Омаров қатысып, жазушыға ҚР Мемлекеттік хатшысы Ерлан Карин мен Мәдениет және спорт министрі Дәурен Абаевтың құттықтауын жеткізді. Сондай-ақ, Қуаныш Жиенбайға Сыр елінің мәдени-рухани дамуына қосқан ерекше үлесі үшін Қызылорда облысының Құрмет грамотасы табысталды.
Іс-шараға жазушының жерлесі, «Сыр медиа» ЖШС бас директоры Аманжол Оңғарбаев арнайы барып қатысты.
Айта кетейік, Қуаныш Жиенбай 1952 жылдың 3 мамырында Қызылорда облысы Арал ауданы Бөген ауылында дүниеге келген. 1976 жылы ҚазМУ-дің журналистика факультетін бітірген. Жазушы республикалық мерзімді басылымдарда қызмет атқарған. Оның «Жалғыз желкен», «Теңіздегі бір тамшы», «Құлан жанарындағы ғұмыр», «Даңқ түрмесінің тұтқыны», «Жер үстінде де жұмақ бар» және т.б. шығармалары бар. Жазушының драмалық туындылары еліміздің әртүрлі театрларында сахналанып жүр. Оның шығармалары бірнеше тілге аударылған.
Қуаныш Жиенбай «Жалын» баспасы жариялаған жабық бәйгенің бірнеше мәрте жүлдегері. Халықаралық «Алаш» әдеби сыйлығының, халықаралық ПЕН-клуб сыйлығының лауреаты. ҚР Мәдениет қайраткері, «Құрмет», «Парасат» ордендерінің иегері.

Қазақстан және Қызылорда облысының жаңалықтары