Kyzylorda-news.kz. Қызылорда облысында жыл басынан бері дерматомикоз ауруының 106 жағдайы тіркеліп, былтырғы жылмен салыстырғанда 10 жағдайға жоғарылаған.
Аудандар кесімінде жоғары көрсеткіш Жалағаш, Жаңақорған аудандарына және Қызылорда қаласына тиесілі. Тіркелген аурудың 100 жағдайы немесе 94 пайызы 14 жасқа дейінгі балалардың үлесінде. Кәсіби құрамы бойынша ауруға шалдыққандардың 54,8% – мектеп оқушылары, 34,1% – ұйымдаспаған топ, 7,3% – мектепке дейінгі мекеме балалары, 3,6% – зейнеткерлер, жұмыссыздар құрап отыр.
Эпидемиологиялық зерттеу барысында аурудың 90,4 пайызы ит-мысықтар арқылы, 9,5 пайызында қарым-қатынас арқылы жұқтырылған.
Қызылорда облысының санитариялық-эпидемиологиялық бақылау қызметінің мамандары дерматомикоздың алдын алу бойынша келесі іс-шараларды сақтауды еске салады:
– жеке гигиеналық заттарды қолдану;
– қоғамдық орындарға барып келгеннен соң қолды мұқият сабынмен жуу;
– иесіз, кезбе жануарлардан аулақ жүру;
Дерматомикоздың алғашқы белгілері – аяқ-қол тырнақтарының пластинкаларындағы патологиялық өзгерістер, теріде қызарған дақтар, бөртпелер пайда болу, дененің қышуы, ашуы пайда болған жағдайда тез арада дерматолог көмегіне жүгіну қажет.
Айта кетейік, дерматомикоз – бұл адамдар мен жануарларда паразиттік тіршілік ететін дерматофит саңырауқұлақтары тудыратын аурулар тобы.
Аурудың бұл түрімен ересек адамдар да, балалар ауырады. Инфекция көзі – ауру адамдар, үй жануарлары және жабайы кеміргіштер. Ауру алдымен терінің бұзылуы (қабыршақтану), тырнақтың сынуы, бастың шаш орналасқан бөлігінің тақырлануы түрінде байқалады. Шаштың түсуі көбіне жас бүлдіршіндерде кездеседі.

Қызылордада дерматомикоз ауруына шалдыққандар көбейді

<a href="https://kyzylorda-news.kz/">Kyzylorda-news.kz</a>.&nbsp; Халқымыз табиғат тылсымын ерте заманнан-ақ түсініп, оны өзінің тұрмыс-тіршілігіне арқау етіп, қолдана білген. Солардың бірі – халықтың ауа райын болжау тәсілдері.
Қысы-жазы далалық өмірде тіршілік еткен халқымыз өздері тұрған өлкенің табиғи ерекшелігі мен құпиясын терең білгендігі сондай, айсыз түнде жұлдызға қарап жол тауып, құс, жан-жануар, құрт-құмырсқа тіршілігіне зер салып, ауа райын күні бұрын болжап, ерте қам жасап отырған. Енді қазақтардың ауа-райын болжаудағы қалыптасқан қағидалары мен тәсілдеріне тоқталайық. Бұлар халық даналығын жадына ұстаған қариялар мен жұлдызшы – есепшілер аузынан жазылып алынған.
Мысық босағаны немесе ағаш тіреуді тырналап мазаланса, ауа-райы қатты бұзылады, жел тұрады немесе боран болады. Мұндайда үй иелері «боран шақырып тұр» деп мысық ұрысып жатады. Бұл дұрыс емес, ол боран шақырып тұрған жоқ, күн райының бұзылатынын хабарлап тұрғаны.
Мысық керіліп ұйқыға берілсе, ұзақ уақыт бойы ауа райы қолайлы болады.
Әтеш қыстыгүні бір аяғын көтеріп тұрса, аяз болады. Жаңбырлы күндері әтеш таң ата шақырса, күн ашылады деген сөз.
Үйрек бір аяғымен тұрып, басын қанатының астына тықса, аяз болады.
Қыста қаздар қаңқылдаса, жылы болады, аяқтарын бауырына тығып жатып алса, күн суытады немесе боран болады.
Құстар ертемен жем іздеуге асықса, күн жауын-шашынды болады.
Құмырсқалар илеуін құрғақ жерге салса, жауын; дымқыл жерлерге салса, жаздағы құрғақшылықтың белгісі. Құмырсқалар илеуін биіктеу жерге салса, су тасқыны болады немесе қатты жауын жауып, су деңгейі көтеріледі.
Балықтар су бетіне шығып, шапшып ойнай бастаса, жауынның белгісі.
Қыс қатты болатын болса, тиін ұясын төмен жерге; жылы болса, жоғары жасайды.
Жауын немесе боран жұма күні басталса, ол келесі жұмаға дейін созылады.
Ай шалқасынан туса, шаруашылыққа ауа райы қолайсыз болады.
Жазда күн кенет ысып кетсе, ұзамай жауын жауады. Өлара (өлі ара) жауын – шашынды болса, жаңа ай шаруаға жайсыз болады.
Күн бұлтқа батса, келесі күні жауын – шашынды болады; ашыққа батса, күн ашық болады.
Ит ұлыса, жаманшылық немесе табиғат апатының белгісі.
Аяқ – қолы сынған адамдардың сүйегі сырқыраса, ауа райы өзгереді.
Жазда құйын көп болса, қыс аязды болады.
Егер қараша айында күн күркіресе, қыс қысқа болады.
Жаз найзағайлы болса, қыс жайлы болады.
Көктемде күн көп күркіресе, егін, шөп мол болып шығады.
Егер қой тұяғымен төсін қаситын болса, қыс боранды болады.
Қой тісін қайраса, боран немесе дауыл болады.
Жаз айында аңызақ ыстық болса, ол қыста қатты аяз болатындығының анық белгісі.
Күн шыжып, тымырсық болса, артынша найзағайды күте бер.
Желсіз күні түтін жерге қарай шалқыса, бұдан соң қыс күні қар, жаз күні жаңбыр күт.
Бұлтты болса да (тек жел жоқта) түтін көкке шаншыла шықса, ауа райы жақсы болмақ.
Суық күні терезе әйнегі мен жақтауы терлесе, күн жылынады; жазда терлесе, ауа райы бұзылады.
Суық күндері қораз ерте шақырса, жанға жайлы жылы күн болады дей бер.
Мысық пешке тығылса, аяздың алды сол болар.
Ит аунаса, жаңбыр жақын деген сөз.
Көктемнің басында қарға суға шомылса, күн жылынады.
Торғай шаңға аунаса, жаңбыр жауады.
Тұман жер бауырлап құласа, ашық күннің хабары.
Бұлт жер бауырласа, күн суытады.
Ірі – ірі жаңбыр тамшысы жауын – шашынды дымқыл күннің ұзақ тұратындығын білдіреді.
Дереккөз: «Жеті қазына» Сейіт Кенжеахметұлы

Қазақ халқы ауа-райын қалай болжаған?

Kyzylorda-news.kz. Кеше бейне конференцбайланыс режимінде ҚР Премьер-Министрінің орынбасары Е.Л.Тоғжановтың қатысуымен Халықаралық нашақорлыққа қарсы күрес күніне орайластырылған айлықтың ресми ашылу рәсімі өтті.
Іс-шараға Қазақстан Республикасы Премьер-Министрінің орынбасары Ералы Лұқпанұлы Тоғжанов, Қазақстан Республикасы Ішкі істер министрінің орынбасары Ержан Сапарбекұлы Саденов, Ақпарат және қоғамдық даму, Білім және ғылым, денсаулық сақтау, мәдениет және спорт министрліктерінің және басқа да мүдделі мемлекеттік органдардың басшылары, ҚР ІІМ Есірткі қылмысына қарсы іс-қимыл департаментінің басшылығы мен басқарма бастықтары қатысты.
Жергілікті атқарушы органдардың басшылары, ҮЕҰ, БАҚ өкілдері, блогерлер бейне конференцияға Қызылорда облысы әкімдігінде қатысты. 
Халықаралық нашақорлыққа қарсы күрес күніне арналған айлықтың ресми ашылуына арналған сөз Қазақстан Республикасы Премьер-Министрінің орынбасары Ералы Лұқпанұлы Тоғжановқа берілді. Ол өз сөзінде 1987 жылғы 26 маусымда БҰҰ Бас Ассамблеясының шешімімен бұл күн нашақорлықтың жаһандық қатерін мойындай отырып, қайтымсыз теріс салдарға әкелетін қауіпті әлеуметтік құбылыс ретінде қабылдап, есірткіге тәуелсіз қоғам құру туралы шешімді ерекше атап өту үшін белгіленгенін атап өтті.
Ішкі істер министрінің орынбасары полиция генерал-майоры Ержан Сапарбекұлы Саденов атқарылып жатқан жұмыстар мен қойылған мақсаттарға тоқталды. Нашақорлық пен есірткі бизнесіне қарсы күрес – бұл Үкіметтің (денсаулық сақтау, білім беру және ішкі істер органдарының) ғана емес, сондай-ақ азаматтық қоғамның барлық институттарының және немқұрайлы емес әрбір азаматтың міндеті екеніне назар аударды. Бұл ұлттық қауіпсіздік пен халықтың денсаулығына әсер ететіндігіне және бұқаралық ақпарат құралдары мен ҮЕҰ маңызды рөл атқаратына аса назар аударды. 
Іс-шараның екінші бөлімінде қоғам, БАҚ өкілдері мен блогерлер үшін “Жастар арасында нашақорлықтың алдын алудың заманауи аспектілері” тақырыбында семинар-тренинг өткізілді.
Семинар-тренинг барысында “Қазақстандағы есірткі ахуалы. Есірткіге қарсы заңнаманың новеллалары. Қылмыстық кодекстің есірткіні жарнамалау және насихаттау үшін жауапкершілік туралы нормаларын түсіндіру”, “Синтетикалық есірткіні пайдалануға тәуелділікті қалыптастыру ерекшеліктері” және “Қазақстанның 5 өңірінде іске асырылатын CADCA (АҚШ) әдіснамасы бойынша жеке өңірлерде есірткіні тұтыну профилактикасының жобасы туралы” тақырыптар талқыланды.
Іс-шараны Есірткі қылмысына қарсы іс-қимыл департаментінің бастығы Асқар Мұратұлы Мұхаметқалиев нәтижеледі. Ол барлығына онлайн алаңға белсенді қатысқаны үшін алғысын білдіріп, ұйымдастырылған іс-шараның мақсаты – есірткі қылмысына қарсы іс-қимылдың және нашақорлықтың алдын алудың кейбір аспектілері туралы хабардар ету екенін атап өтті.
Халықаралық нашақорлыққа қарсы күрес күніне орайластырылған айлықтың өткізілуіне байланысты Қызылорда облысында нашақорлықтың алдын алу бағытында жұмыс істейтін үкіметтік емес ұйымдар мен волонтерлердің қатысуы көзделген жоспарлар әзірленді.
Халықаралық күрес күні қарсаңында бір ай ішінде, Қызылорда облысының аумағында нашақорлықтың алдын алу іс-шаралары жүргізіліп, оларға мемлекеттік органдар мен үкіметтік емес ұйымдарды тарту көзделіп отыр.
<img src="https://kyzylorda-news.kz/wp-content/uploads/2022/05/img-20220528-wa0005.jpg" alt="" />

Халықаралық нашақорлыққа қарсы күрес күніне айлық басталды

<a href="https://kyzylorda-news.kz/">Kyzylorda-news.kz</a>. Медицина мамандарының көбінің айтуынша, ішекке ең пайдалы жеміс – бұл алмұрт. Ішек жұмысын жақсартып, өз кезегінде адам иммунитетінің күшеюіне көмектеседі.
Алмұрттың ішекке пайдалы болатын себебі – құрамында жасұнықтың мол болуы. Бір ғана алмұрттың бойында 6 грамм таза жасұнық болады. Әсіресе, қабығында көп. Талшық күйінде болады.
<blockquote>
 Талшық тәріздес жасұсынық ішекке өте пайдалы. Ішектегі пайдалы бактерияларға азық болады. Мұндай бактериялардың көбеюіне әсер етеді. Ал пайдалы бактерия көбейген кезде, ағзаның ауруға қарсы тұру, әсіресе, қабынуды басу қабілеті күшейеді, – деп түсіндіреді диетологтар.
</blockquote>
Сондай-ақ, алмұрттың &nbsp;антиоксиданттық қасиеті. Яғни, қатерлі ісіктің алдын алуға көмектеседі.
Өндірістен, өңдеуден өткен, жасанды қоспа тағамдар керісінше ішек жұмысын нашарлатады. Тәттіге құмарлық, үнемі шаршау – осы ішек жұмысының бұзылғанын білдіреді.
<a href="https://massaget.kz/layfstayl/Zdorove/68031/?fbclid=IwAR3xCbyfjVUSHjc0tlEHgPsxypdpXURpuB-9HCyj1TEIfyjGlG8nPmKHh3Y">Massaget</a>

Ішекке ең пайдалы жемісті білесіз бе?

<a href="https://kyzylorda-news.kz/">Kyzylorda-news.kz.</a>&nbsp; Эндокринолог маман Зухра Павлова дәрумендерді қабылдау метобализмді&nbsp;тездетіп, аштық сезімін туындататынын айтады. Нәтижесінде адамның тәбеті артып,&nbsp;артық салмақ қосуы&nbsp;мүмкін,&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
<blockquote>
 “Қосымша дәруменер қабылдаған кезде артық салмақ дәрумендерден емес, оның салдарынан ашылған тәбетке байланысты жиналады”,- деді маман.
</blockquote>
Павлова сонымен қатар дәрумендерді тұрақты қабылдайтын жандарға спортпен айналысып, калорияны шығаруға кеңес берді. Және тамақтану кезінде басқа жаққа алаңдамай теледидар көрмей,&nbsp;тамағын асықпай ішуге шақырды.
<blockquote>
 “Біз жоғарыдағы әрекеттерді қайталайтын болсақ, тамақты тез жеген кезде ол ағзаға дұрыс сіңбейді. Нәтижесінде ағзада қанықтық сезімі болмай, ол керісінше тәбетті одан сайын аша түседі. Және соның салдарынан көп тамақтануға деген құлшыныс артады”,- деп қортындылады маман.
</blockquote>

Дәрумендерді қабылдау салмақ қосады

Журналист Сағитжан Бермағанбетов атындағы байқау туралы 
ЕРЕЖЕ
Жалпы ереже
<ol>
<li>Журналист Сағитжан Бермағанбетов атындағы сыйлықты иеленушілерге арналған «Ең үздік жас журналист» байқауы облыстық деңгейде ұйымдастырылады</li>
<li>Байқаудың үйлестірушісі және ұйымдастырушысы «Қызылорда облыстық қоғамдық даму басқармасы» КММ</li>
</ol>
Байқаудың мақсаты
<ol start="3">
<li>Жас журналистердің шығармашылығының дамуына қолдау көрсету</li>
<li>Мемлекеттік тілдің қолданылу аясын кеңейту</li>
</ol>
Байқау төмендегі тақырыптар бойынша қабылданады
1) «Жаңа Қазақстан» сөзінің мағынасын ашу 
2) Заманауи медиа және бүгінгі журналистиканың келбеті 
3) Тамыры терең, тарихы кенен – Сыр елі
Материал бағытын өзгертпестен тақырыбын өзгертуге болады.
Байқауды ұйымдастыру және оған қатысушыларға қойылатын талаптар
<ol start="5">
<li>Байқауды ұйымдастырып, өткізу мақсатында Қызылорда облыстық қоғамдық даму басқармасы жанынан комиссия құрылады. Комиссия құрамын Қызылорда облыстық қоғамдық даму басқармасының басшысы бекітеді.</li>
<li>Байқау 2022 жылғы 28 мамыр мен 20 маусым аралығында жарық көрген жарияланымдарды, эфирден өткен хабарларды қамтиды.</li>
<li>Байқауға жасы 30-ға дейінгі бұқаралық ақпарат құралдарында жұмыс істейтін тілшілер мен тәуелсіз қаламгерлер қатыса алады.</li>
<li>Байқау материалдарды жарияланған күйінде (газет-журналдар беттерінде, бейне және аудиотаспалар түрінде, интернет-ресурстарда) тиісті баспа және электрондық бұқаралық ақпарат құралдары жетекшілерінің ұсынысы бойынша қабылданады.</li>
<li>Байқау материалдарын сараптау барысында тақырыптың өзектілігі және маңызы, мазмұнның ашылу тереңдігі, шынайылығы, жанрлық шарттарға сәйкестігі, жаңа әдістерді қолданысқа енгізе білуі, тілі және стилінің ұғынықтылығы, журналистік шығармашылық әдістерінің ерекшелігі, тың ақпаратты сараптау мен зерттеу әдістерін енгізе білу ерекшелігі, ұтымды қолдана білуі есепке алынады.</li>
<li>Байқауға қатысушылар комиссия хатшысына (Қызылорда қаласы, С.Бейбарыс көшесі №1, Қызылорда облысы әкімдігі ғимаратының 
№313-бөлмесі, байланыс телефондары:8 (7242) 60-53-21 мынадай құжаттарды қоса жібереді:</li>
</ol>
1) Төмендегі деректер көрсетілген өтініш:
<ul>
<li>автор туралы мағұлматтар /туған жері, күні, айы, жылы;</li>
<li>жұмыс немесе оқу орны, қызметі, тұрғылықты мекен-жайы, байланыс құралдары және 3х4 суреті. 
2) байқау материалы жарияланған газет, журналдың көшірмелері (сканер арқылы), теле-радио бағдарламалардың DVD, CD форматындағы дискілерге жазылған нұсқасы (қағазға түсірілген нұсқасымен бірге), интернет ресурс сілтемелері (скриншоттарымен бірге).</li>
</ul>
<ol>
<li>Байқауға жіберілген материалдар авторларға қайтарылмайды.</li>
<li>Байқауға ұсынылған материалдарды қазылар алқасы бағалайды.</li>
</ol>
Байқауды өткізу және қорытындысын шығару тәртібі
<ol start="13">
<li>Байқау үш кезеңнен тұрады. 
1) 2022 жылғы 28 мамырдан 20 маусымға дейін – байқауға қатысушылардан материалдар қабылдау. 
2) 2022 жылғы 21 маусымнан 23 маусымға дейін-материалдарды сараптау және жеңімпаздарды анықтау; 
3) 2022 жылғы маусым айының соңғы аптасы-байқау жеңімпаздарын салтанатты марапаттау рәсімі.</li>
<li>Байқау жеңімпаздары Қызылорда облысы әкімдігінің дипломымен және сыйлықтарымен марапатталады.</li>
</ol>

Журналист Сағитжан Бермағанбетов атындағы байқау жарияланды

Kyzylorda-news.kz. Мағжан Жұмабаев қазақ әдебиетінің көрнекті өкілі, 100 жылда бір туатын ақын. Өзінің жалынды, оттай ыстық жырларымен талай қазақтың жүрегін жылыта білген Алаш қайраткері. Жылдағы игі дәстүрге сай бүгін облыстық білім басқармасының қолдауымен, «Дарын» облыстық қосымша білім беру орталығының ұйымдастыруымен поэзия Пайғамбарының шоқ жырлары оқылып, оқушылар арасында аймақтық сайыс өткізілді.
Жалпы білім беру ұйымдарының 7-11 сынып оқушылары арасында өткізілген «Мағжан оқулары» ғылыми-шығармашылық байқауына облысымыздан 30-дан астам оқушы қатысып, ақиық ақынның шығармаларын оқып бақ сынасты.
Балалар жылына орай өткізілген бұл байқаудың басты мақсаты жастар арасында сөз зергерінің шығармашылығын насихаттау, отансүйгіштікке тәрбиелеу болып табылады.
Дүбірлі додада үздіктер арасынан алға суырылып жеңімпаз атанған 14 оқушы арнайы басқарманың дипломдармен және бағалы сыйлықтармен марапатталды.

«Мағжан оқулары» облыстық ғылыми-шығармашылық байқау өтті

Kyzylorda-news.kz. «Қазгидромет» РМК-сы мамырдың 28-і күнгі күн райы болжамын жариялады.
Кәсіпорын таратқан деректерге қарағанда, Қазақстан аумағы бойынша фронталды бөліктердің өтуіне байланысты күн құбылмалы болады, жаңбыр жауып, таулы аймақтарда нөсер жауын жауады, найзағай ойнап, жел күшейеді, бұршақ жаууы ықтимал. Тек еліміздің оңтүстік-батысында ғана жоғары қысым өрісінің әсерінен күн жауын-шашынсыз болады.
Қызылорда облысының орталығында, шығысында жел секундына 15-20 м/с-ке дейін күшейеді, түнде облыстың шығысында найзағай ойнайды.

28 мамырға арналған ауа райы болжамы

Kyzylorda-news.kz. Бүгін облыстық Н.Бекежанов атындағы қазақ академиялық музыкалық драма театрында халық жазушысы, Қазақстанның Еңбек Ері, Мемлекеттік сыйлықтың иегері, Әбдіжәміл Нұрпейісовті еске алуға арналған «Ұлт әдебиетінің абызы» атты кеш өтті.
Қаламы теңіз толғаған қайсар қаламгерді еске алуға арналған кешке облыс әкімі Нұрлыбек Нәлібаев, ҚР Парламенті Мәжілісінің депутаттары Балайым Кесебаева, Ғалым Әмреев, руханият саласының белді өкілдері Елубай Смағұл, Мырзан Кенжебай, ақын Шөмішбай Сариевтің жұбайы Жұмакүл Қазиқызы, белгілі кинорежиссёр Рүстем Әбдірашев, Әбдіжәміл Нұрпейісовтің ұлы Кәрім мен қызы Шұға Нұрпейісовтер және туған-туыстары қатысты.
Еске алу кешінде Ә.Нұрпейісовтің өмірі мен шығармашылығы жайлы «Қайран Әбе, қардарым» атты бейнесюжет көрсетілді. Жиылған қауым «Мен теңіздің ұлымын» театрландырылған композициясына тәнтті болды. Ал, театр әртістері «Теңіздей терең жан сырым» атты фантасмогориялық рухнама оқып, ақынның «Соңғы парыз», «Қан мен тер» шығармасынан үзінді көрсетті. 
Рухани кеште Қазақстан Жазушылар одағының мүшесі Толыбай Абылаев пен жас ақын Айдар Сайлауов арнау оқып, күллі әлемге қазақ сөз өнерінің салтанатын кемел тұрғыда көрсете білген Әбдіжәміл Нұрпейісовті еске алды.
Айта кетейік, әлем әдебиетінің классигі Әбдіжәміл Нұрпейісовтің еске алу шарасы екі күнге жалғасады. Ертең жазушының шығармашылығына арналған республикалық ғылыми конференция өтеді.
<img src="https://kyzylorda-news.kz/wp-content/uploads/2022/05/fb_img_1653661276824.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653661263058.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653661486318.jpg" alt="" />

Әбдіжәміл Нұрпейісовті еске алуға арналған «Ұлт әдебиетінің абызы» атты кеш өтті

Kyzylorda-news.kz. ҚР Президенті жанындағы Адам құқықтары жөніндегі комиссия Қызылорда облыстық әкімдігінің, Еуропалық қауіпсіздік және ынтымақтастық ұйымының Нұр-Сұлтандағы Бағдарламалар офисінің және «Winrock International» халықаралық үкіметтік емес ұйым өкілдерінің қатысуымен Қызылорда қаласының және Қызылорда облысының мемлекеттік қызметшілеріне, үкіметтік емес ұйымдардың және дағдарыс орталықтарының өкілдеріне арнап екі күндік семинар-тренинг өтті.
Кездесу “Қазақстандағы адам құқықтарын қорғаудың ұлттық және халықаралық тетіктері. Қазақстан Республикасындағы адам саудасына қарсы іс-қимылдың өзекті мәселелері” тақырыбына арналды.
Жиында Қызылорда облысы әкімінің аппарат басшысы Шахмардан Байманов, ҚР Президенті жанындағы Адам құқықтары жөніндегі комиссияның хатшысы Тастемір Әбішев, ҚР Бас прокуратурасының басқарма прокуроры Қуантай Сағынаев, USAID-тің «Орталық Азиядағы қауіпсіз көші-қон» жобасы жетекшісінің орынбасары, «Winrock International» ХҮЕҰ-нің өкілі Гүлмира Қуанжанова, ЕҚЫҰ-ның Нұр-Сұлтандағы Бағдарламалар офисінің жауапты қызметкері Күнсұлу Демеуова сөз сөйледі.
Қызылорда облысы әкімінің аппарат басшысы Шахмардан Байманов семинар жұмысына сәттілік тілеп, өңірдегі адам құқықтары мен заңды мүдделерін қорғау бойынша жүргізіліп жатқан жұмыстарын атап өтті.
<blockquote>
 «Президент Қасым-Жомарт Кемелұлы Тоқаев «Адам құқығы – ең қымбат қазына. Адам құқықтары мен бостандықтарын, мүдделерін қорғау – Қазақстан саясатының басты бағыты» деп айқындап өтті. Өйткені, адамның құқы мен бостандығы табиғи және ажыратылмас болып табылады, туғаннан бастап беріледі жөне жоғары құндылық болып табылады», – деді Ш.Байманов.
</blockquote>
Іс-шара барысында елдегі адам құқықтарын, сондай-ақ адам саудасы құрбандарының құқықтарын қорғаудың ұлттық және халықаралық жүйесі жан-жақты пысықталды. Адам құқықтары жөніндегі ұлттық мекемелердің сот және құқық қорғау органдарымен, басқа да мемлекеттік органдармен, сондай-ақ азаматтық қоғам институттарымен өзара іс-қимылы қаралды. Сарапшылар адам құқықтарын қорғау мен көтермелеу саласындағы жұмыс тәжірибесімен алмасты және сұрақтарға жауап берді.
<img src="https://kyzylorda-news.kz/wp-content/uploads/2022/05/fb_img_1653652990875.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653652997822.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653652994285.jpg" alt="" />

Қызылордада адам құқықтарын қорғау бойынша семинар-тренинг өтті

<a href="https://kyzylorda-news.kz/">Kyzylorda-news.kz</a>.&nbsp; Мемлекеттік хатшы Ерлан Қарин Алматыдағы Балуан Шолақ атындағы спорт сарайында болған концерттегі оқиғаға қатысты пікір білдірді, – деп хабарлайды&nbsp;<a href="https://tengrinews.kz/">Tengrinews.kz</a>.
Айта кетейік, 25 мамырда Алматыдағы Балуан Шолақ атындағы спорт сарайында “Ирина Кайратовна” мен Shiza лақапатымен белгілі Асхат Долшиевтің концерті өткен болатын. Кейінірек Желі қолданушылары “Ирина Кайратовна” тобының мүшесі Азамат Маркленов пен Асхат Жолшиевтің сахнадағы әрекетін сынады. Әншілер сахнада боғауыз сөз де айтып жіберген. Желі қолданушыларының сөзінше, әнші Асхат Жолшиев Қазақстанның туын адамдарға лақтырған.&nbsp;&nbsp;
Қолданушылар әншілер мас деп топшылаған.&nbsp;
Сонымен қатар, Желіде тараған видеолардың бірінде “бәрі ішіп алғаны, концерт онша емес өткені және ұйымдастыру нашар болғаны” жазылған.&nbsp;&nbsp;
Ерлан Қарин концертті NS group ЖШС ұйымдастырғанын атап өтті.&nbsp;
<blockquote>
 “Алматы қаласындағы концерт кезінде болған оқиға қазір қоғамда қызу талқыланып жатыр. Біздің білуімізше, концертті NS group ЖШС ұйымдастырған. Shiza лақап атын иеленген азаматтың Мемлекеттік туға қатысты әрекеті жіті тексеріліп, оқиғаның мән-жайы анықталуы қажет. Концертте ішімдік ішілгендіктен мұндай әрекетке жол берілген деп ойлаймын. Жастар осы бір келеңсіз оқиғадан сабақ алып, қарапайым мәдениет пен этикетті меңгеруі қажет”, – деді Мемлекеттік хатшы.&nbsp;
</blockquote>
Сонымен қатар, Қарин мұндай ауқымды іс-шараларды ұйымдастырушылар да жауапкершілікті сезінуі керегін атап өтті.&nbsp;
<blockquote>
 “Олар концерт ұйымдастырған кезде ішімдік ішілуіне жол бермеуге, басқа да оқыс оқиғалардың алдын-алуға тиіс. Біз мемлекеттілігіміздің, Тәуелсіздігіміздің символы саналатын Мемлекеттік туға зор құрметпен қарауымыз қажет. Оны аяқасты етуге жол бермеуіміз керек. Туымызды немесе басқа да рәміздерімізді қорлаған әрекеттер құқықтық-нормативтік актілерге сәйкес жауапкершілікке тартылады. Себебі, заң баршаға ортақ. Еліміздің әрбір азаматы Мемлекеттік туды құрметтеп, қастер тұтуы қажет деп санаймын”, – деді Ерлан Қарин.
</blockquote>

Ерлан Қарин танымал қазақстандық әншілердің концерттегі әрекеті туралы айтты

<a href="https://kyzylorda-news.kz/">Kyzylorda-news.kz</a>.&nbsp;&nbsp;Қазгидромет 28-30 мамырына арналған ауа райы болжамын жариялады.
Алдағы демалыс күндері Қазақстан аумағының басым бөлігі биік циклон ықпалында болады. Ауа райының құбылмалы сипаты сақталады – найзағаймен жаңбыр жауады. 28 мамырда елдің солтүстігі, орталығы, оңтүстігі, оңтүстік-шығысында – қатты жаңбыр, дауыл, бұршақ жауады.
Түнгі уақытта елдің солтүстігінде, солтүстік-батысында және орталығында топырақ бетінде 2 градус аяз болады деп күтілуде.
Қазақстанның батысында ғана Батыс антициклон жотасының ықпалымен жауын-шашынсыз ауа райы болжанады. Республика бойынша жел күшейеді. Келесі аптаның басында республиканың басым бөлігінде күндізгі ауа температураның жоғарылауы күтіледі.

Қазақстан және Қызылорда облысының жаңалықтары