<a href="https://kyzylorda-news.kz/kogam/roza-baghlanovanyng-100-zhyldyq-merejtojyna-kollekcijalyq-moneta-shyghady-137069/">Kyzylorda-news.kz.</a> Қызылорда қалалық Полиция басқармасына жаңа басшы тағайындалды.
Қазақстан Республикасы Ішкі істер министрінің бұйрығымен полиция полковнигі Жаназаров Әбдібек Сламбекұлы Қызылорда қаласы Полиция басқармасының бастығы лауазымына тағайындалды.
<img src="https://kyzylorda-news.kz/wp-content/uploads/2021/12/fb_img_1640928227051.jpg" alt="" />

Қызылорда қалалық Полиция басқармасына жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Қазақстанның халық әртісі Роза Бағланованың 100 жылдық мерейтойына орай ROZA BAǴLANOVA. 100 JYL коллекциялық монеталары айналымға шығады. Бұл туралы Ұлттық банк мәлімдеді.
Монеталардың сатылымға шығатын күніне қатысты ақпарат ҚҰБ сайтында қосымша жарияланады.
Айта кетейік, номиналы 100 теңгелік мельхиордан соғылған монета “Есте қалатын оқиғалар мен біртуар адамдар” сериясын жалғастырады. КСРО халық артисі, Қазақстанның Халық қаһарманы, кеңестің және қазақтың опера және эстрада әншісі Роза Бағланованың туғанына 2022 жылы 100 жыл толады.
Монета бетінің (аверсінің) орталық бөлігінде Қазақстанның Мемлекеттік елтаңбасы бейнеленген. Елтаңбаның оң жағы мен сол жағында ою-өрнек элементтері орналасқан. Монетаны айналдыра QAZAQSTAN ULTTYQ BANKI • NATIONAL BANK OF KAZAKHSTAN деген жазу жазылған. Төменгі бөлігінен монетаның номиналын білдіретін 100 TEŃGE жазуын көруге болады.
Монетаның екінші бетінде (реверсінде) Роза Бағланованың суреті, портреттің сол жағында мерейтойлық датаны білдіретін&nbsp; 100 JYL деген жазу бар. Монетаны айналдыра “Ах, Самара-городок” әнінің ноталары, ROZA BAǴLANOVA, монетаның шыққан жылын білдіретін “2022” деген жазулар бар.&nbsp;&nbsp;
Коллекциялық монета МН25 мельхиор құймасынан, 15 грамм салмақта, 33 мм диаметрмен, brilliant uncirculated сапада, 100 теңгелік номиналмен 15 000 дана болып шықты.
Монета коллекциялық құны бойынша сатуға арналған. Олар Қазақстан Республикасының аумағында барлық төлем түрі бойынша номиналды құнына сай қабылдауға жатады, сондай-ақ монеталарды банк шоттарына салып, аударым жасауға, Қазақстан Республикасының барлық банкінде айырбастап, ұсақтауға болады.
Коллекциялық монета Қазақстанның теңге сарайында жасалған.

Роза Бағланованың 100 жылдық мерейтойына коллекциялық монета шығады

<a href="https://kyzylorda-news.kz/">Kyzylorda-news.kz.</a> 2022 жылғы 1-3 қаңтарға арналған ауа райы болжамы жарияланды, деп хабарлайды Қазгидромет.
<blockquote>
 «Ақ теңіз аудандарынан жылжып келе жатқан солтүстік-батыс циклонф, республикамыздың батысына жауын-шашын (көбінесе қар) алып келеді, содан кейін шығыс бағытта жылжып республиканың қалған бөлігіне жетеді. Тек Алматы, Павлодар және Шығыс Қазақстан облыстарында жауын-шашынсыз ауа райы сақталады. Елімізде жел 15-23 м/с дейін күшейеді, батыс және оңтүстік өңірлерде көктайғақ болып, солтүстік және орталық өңірлерде боран соғады», делінген хабарламада.
</blockquote>
Синоптиктердің болжауынша, елімізде ауа температурасы біртіндеп жоғарылайды және аяздың беті қайтады.
3 қаңтарда еліміздің солтүстік жартысында ауа температурасы түнде 10…18, күндіз 3-8 градус суық болады, оңтүстік жартысында термометр бағаны 0-5 градусқа жетеді, кей жерлерде 0 … 10 суық, күндіз 3 … 13 жылы болады.

Жаңа жылдың алғашқы үш күніне арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жаңа жыл мерекесі күндері коммуналдық қызметтер күшейтілген режимде жұмыс істейтін болады. Облыс тұрғындарын электр энергиясымен, жылу жүйелерімен және табиғи газбен қамтамасыз ету үшін тәулік бойы кезекшілік ұйымдастырылмақ.
<blockquote>
 “Жалпы орталықтандырылған жылу жүйесіне қосылған әлеуметтік нысандар мен көпқабатты тұрғын үйлерге жылу беру маусымы тұрақты жүргізілуде. Облыс тұрғындарын алдағы мереке күндері авариясыз табиғи газбен және электр энергиясымен қамтамасыз ету мақсатында тәуліктік кезекшілік ұйымдастырылмақ. Олар күшейтілген режимде жұмыс істейтін болады. Жалпы әлеуметтік нысандарға қажетті 33 мың тонна қатты және 25 мың тонна сұйық отын жеткізілді. Жалпы жылу беру маусымының тұрақты өтуі облыстық штаттың бақылауында”, – деді облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев.
 “Қаланы жылу жүйесімен толық қамтамасыз ету үшін негізгі қондырғылар штаттық режимде жұмыс істеуде. Темпаратуралық режимді кестеге сәйкес тұрақты берудеміз. Келе жатқан жаңа жыл мерекесіне орай мекеме қызметкерлері бекітілген кестеге сәйкес 24 сағат бойы жұмыстарын кезекшілікпен атқаратын болады”, – деді «Қызылорда жылу электр орталығы» МКК директоры Наурыз Сатханов.
 “Облыста 10 мың шақырым электр желілері мен 1800 данадан аса қосалқы станциялар күрделі жөңдеуден өтті. 2021 жылғы қысқы дайындық толығымен жоспар бойынша орындалды. Барлық бригада қызметі, автотехника, арнайы техника кез келген авариялық жағдайға дайын”, – деді «Қызылорда электр тарату тораптары компаниясы» АҚ басқарма төрағасы Мұхиджан Кәрімбаев.
 “Қала және аудандарды тұрақты табиғи газбен қамтамасыз ету мақсатында «Мереке күндерге қауіпсіздік шаралары» тәуліктік кезекшілік ұйымдастырылды. Газдың пайдалану режимін апатты-диспетчерлік қызметінің үнемі бақылауында болады. Тұрмыстық газ қондырғыларын пайдалану барысында қауіпсіздік сақтауды ескертеміз”, – деді «ҚазТрансГаз Аймақ» АҚ Қызылорда өндірістік филиалының апатты-диспетчерлік қызметінің басшысы Базарбек Ерімбетов.
 “Біздің филиал облыс аумағындағы 187 елді мекен мен аудан орталықтарында шоғырланған 405 нысанды ауыз сумен қамтамасыз етеді. Сондай-ақ, мереке қарсаңында техникалық жұмысшылардың кезекшілігі ұйымдастырылады. Барлық ауыз сумен жабдықтау нысандары авариялық қосалқылар мен жанар-жағармаймен толықтырылды”, – деді «Нұра топырақ су құбыры» РМК «Арал» салынып жатқан кәсіпорындардың бірлескен дирекциясы филиалы директорының орынбасары Ержан Қуандықов.
</blockquote>

Жаңа жыл:   Қызылордада коммуналдық қызметтер үздіксіз жұмыс істейді

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев «Нұрлы жер» мемлекеттік бағдарламасы аясында салынған 8 баспананың кілтін көпбалалы отбасыға табыс етті.
Ауданға қарасты Айдарлы, Аманкелді, Бесарық ауылдық округінде болған аудан басшысы мереке қарсаңындағы зор қуаныштың куәсі болып, тұрғындарды жаңа баспаналарымен құттықтады.
<blockquote>
 «Баспанаға мұқтаж көпбалалы, аз қамтылған отбасылар үшін мемлекетімізде тиісті жағдайлар жасалғаны белгілі. Жаңа жыл қарсаңындағы бұл қуаныш аналарға көрсетілген мемлекеттік көмек. Қоныс тойларыңыз құтты болсын! Шаңырақтарыңызға шаттық, құт-береке, амандық тілеймін» – деді аудан әкімі Мұрат Ергешбаев.
</blockquote>
Мереке қарсаңында қуанышы еселенген жанның бірі – Света Бажиева. 6 перзентті дүниеге әкелген жас ана 2013 жылдан бері баспана кезегінде тұрған. Мемлекеттік бағдарлама аясында баспаналы болғанына өз ризашылығын білдірді.
<blockquote>
 «Жыл аяғында мен үшін қос мереке қатар келіп, үлкен қуанышқа кенеліп отырмын. Жаңа жылды жанұямызбен жаңа баспанада қарсы алатыныма бақыттымын. Көпбалалы аналарған көрсетілген мемлекеттің көмегі үшін аудан басшылығына және құрылыс жұмыстарын жүргізген сала мамандарына үлкен алғысымды білдіремін», – деді қуаныш иесі.
</blockquote>
Еске сала кетейік аталған мемлекеттік бағдарлама аясында ауданға қарасты 11 елді мекенде 33 тұрғын үй салынды. Мемлекеттік бағдарлама игілігін тұрғын үй кезегінде тұрған тұрмысы төмен, көпбалалы аналар көреді деп жоспарлануда.
<img src="https://kyzylorda-news.kz/wp-content/uploads/2021/12/270358013_1040867156476176_2499094251337648712_n.jpg" alt="" />
<img src="https://kyzylorda-news.kz/wp-content/uploads/2021/12/270623102_1040867216476170_354048520732955287_n.jpg" alt="" />

Сырдарияда көпбалалы отбасыларға баспана кілті табысталды

<a href="https://kyzylorda-news.kz/">Kyzylorda-news.kz.</a> Енді қазақстандықтар байланыс болмаған күні телефон үшін төлейтін ақыны қайта есептеуді талап ете алады. 9 қаңтардан бастап елімізде байланыс және ғаламторға қосылу қызметтерін көрсету ережелері өзгереді, деп хабарлайды&nbsp;<a href="https://stan.kz/">Stan.kz</a>.
Бұдан былай байланыс операторлары тариф шарттарын тек абоненттің келісімімен өзгерте алады. Ол үшін кемі 30 күн бұрын телефон арқылы немесе жазбаша түрде ескертуі қажет.&nbsp;
Осы уақыт ішінде абонент тарифтің өзгеруінен бас тартатыны туралы өтініш қалдырмаса, ол шарттардың өзгеруімен келіседі деп есептелінеді. Сондай-ақ, телефон байланыс операторлары жылына бір рет қана тарифты ауыстыра алады. Тиісті құжатқа цифрлық даму, инновациялар және аэроғарыш өнеркәсібі министрі қол қойды.

Қазақстандықтар байланыс ұстамаған күндер үшін телефон ақысын қайта есептете алады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 576 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 96, Алматы қаласы – 25, Ақмола облысы – 58, Алматы облысы – 17, Атырау облысы – 7, Шығыс Қазақстан облысы – 11, Жамбыл облысы – 11, Батыс Қазақстан облысы – 14, Қарағанды облысы – 120, Қостанай облысы – 39, Қызылорда облысы – 4, Маңғыстау облысы – 4, Павлодар облысы – 99, Солтүстік Қазақстан облысы – 68, Түркістан облысы – 3.
Қазақстан бойынша жазылғандар саны – 960 211.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда коронавирусқа қатысты 30 желтоқсан 23:59-дағы эпидемиологиялық жағдай бойынша ПТР арқылы 480 адамның коронавируспен ауырғаны расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 110, Алматы қаласы – 75, Шымкент қаласы – 19, Ақмола облысы – 36, Алматы облысы – 21, Атырау облысы – 10, Шығыс Қазақстан облысы – 20, Жамбыл облысы – 6, Батыс Қазақстан облысы – 6, Қарағанды облысы – 53, Қостанай облысы – 39, Қызылорда облысы – 4, Маңғыстау облысы – 3, Павлодар облысы – 39, Солтүстік Қазақстан облысы – 34, Түркістан облысы – 5.
Жалпы ел бойынша ауырғандар саны 987 866.

Қызылордада тағы 4 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 31 желтоқсанда кең ауқымды, суық антициклон Қазақстан территориясының басым бөлігінде жауын-шашынсыз ауа райын қалыптастырады, деп хабарлайды Қазгидромет.
Тек батыс және оңтүстік аудандарда атмосфералық фронталды бөліктердің өтуіне байланысты қар, оңтүстікте жауын-шашын (жаңбыр, қар) жаууына ықпал етеді. Республика бойынша кей жерлерде тұман түседі.
Алматы облысының солтүстігінде тұман түсіп, Алакөл маңында желдің күші 18-23 м/с-қа жетеді.
Қызыолрда облысының солтүстігінде тұман түсіп, түнде орталығында желдің секундына күші 15-20 метрге жетеді.
Жамбыл облысының солтүстігі мен таулы аудандарында тұман түсіп, желдің күші секундына 15-20 метр болады.
Шығыс Қазақстан облысының солтүстігі мен оңтүстігінде тұман түсіп, түнде оңтүстігінде жел күшейеді, күші 15-20 м/с.
Ақмола облысының оңтүстігі мен батысында, Солтүстік-Қазақстан, Павлодар облыстарының оңтүстігінде, Түркістан облысының тау және таулы аймақтарында, Батыс Қазақстан, Атырау облыстарының солтүстік-батысында, Маңғыстау облысының орталығында, Қостанай облысының шығысында тұман түсуі ықтимал.

31 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Осы жылдың қараша айында «Нұрлы жол» бағдарламасы аясында республикалық маңызы бар жолдарға ақылы жүйе енгізілген болатын. Соған орай, келер жылдан бастап жолдарды қайта жөндеу жұмыстары басталады. Қазіргі таңда А-17 «Қызылорда-Павлодар-Успенка-РФ шекарасы» автомобиль жолының «Қызылорда-Жезқазған» учаскесіне қайта жаңарту қолға алынды. Бұл туралы Өңірлік коммуникациялар қызметінде өткен баспасөз конференциясында «ҚазАвтожол» АҚ ҰҚ облыстық филиалы директорының орынбасары Шанжархан Мырзабай мәлімдеді.
Бүгінде Еуропа қайта құру және даму банкімен қаржыландыру бойынша келісімдер мен тендерлік рәсімдер жүргізілуде.
<blockquote>
 «Жоба бойынша құрылыс-монтаж жұмыстары 3 жылда аяқталады. Шамамен 2 жарым адам жұмысқа тартылады, оның 70 пайызы жергілікті тұрғындар. Жол құрылысына қажетті материалдар Жаңақорған және Шиелі аудандарының карьерлерінен пайдаланатын болады. Жоба бойынша Қызылорда қаласының ұзындығы 14,6 шақырым болатын айналма жолы және ІІ санатты ұзындығы 204 шақырым болатын жолы жөнделеді», – деді Шанжархан Қасымханұлы.
</blockquote>
Айта кету керек, осы жолдың 25 шақырымынан бастап М-32 «Самара-Шымкент» автомобиль жолының 1827 шақырымына дейін Қызылорда қаласын айналып өтіп, «Батыс Еуропа-Батыс Қытай» халықаралық транзиттік дәлізіне кіруге мүмкіндік береді. Яғни, әр көлік Шымкент және Самара бағытына қарай жүре алады.

Қызылордада ақылы жолдар жөнделеді

<a href="https://kyzylorda-news.kz/">Kyzylorda-news.kz.</a>&nbsp;Тәуелсіздіктің 30 жылдығына орай мемлекеттік-жекеменшік әріптестік бағдарламасы негізінде «Алтын Орда Шұғыла» бөбекжай бақшасының филиалы бүлдіршіндерге есігін ашты.
Ашылу салтанатына қала әкімінің орынбасары Бектас Нуридинов қатысып, бақша құрылтайшысы Алшынбаев Сейітқали Бегманұлымен бірге жаңа ғимараттың лентасын қиды.
Қала әкімінің орынбасары Бектас Нуридинов «Болашақ ұрпақтың тәрбиесі алдымен балабақшадан басталады. Сондықтан кәсіпкердің бүлдіршіндерді қолдаудағы бұл қадамы көпке өнеге болмақ. 40 маманды тұрақты жұмыспен қамтыған балабақша жұмысына сәттілік тілеймін» деп, жылы лебізін білдірді.
Бөбекжай бақшасы балаларды тәрбиелеу мен оқытуға қажетті заман талабына сай құралдармен жабдықталған. Кабинеттер компьютерлермен, арнайы жасақталған ән-әуез, би және спорт залдарымен қамтамасыз етілген. 
Аталмыш бөбекжай бақшасы 2 жастағы бүлдіршіндерді қабылдайтын сәбилер тобының болуымен ерекшеленеді. Сондай-ақ, 2 мен 6 жас аралығындағы 150 балапанды тәлім-тәрбиемен сусындатпақ.
<img src="https://kyzylorda-news.kz/wp-content/uploads/2021/12/270468242_1042289139832527_4000823742725985602_n.jpg" alt="" />
<img src="https://kyzylorda-news.kz/wp-content/uploads/2021/12/270378933_1042289323165842_2572951192004025565_n.jpg" alt="" />
<img src="https://kyzylorda-news.kz/wp-content/uploads/2021/12/270356605_1042289179832523_6112833701868939974_n.jpg" alt="" />
<img src="https://kyzylorda-news.kz/wp-content/uploads/2021/12/270359914_1042289263165848_3775432367012850620_n.jpg" alt="" />

Қызылордада мемлекеттік-жекеменшік әріптестік аясында балабақша ашылды

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Гүлшара Әбдіқалықова ҚМДБ-ның облыстағы өкілі, «Ақмешіт-Сырдария» орталық мешітінің бас имамы Болатбек Әбуовпен кездесіп, атқарылған жұмыстардың есебін тыңдады. Басқосуға облыс әкімінің орынбасары Серік Ахмет пен бірқатар басқарма басшылары қатысты.
Кездесуде облыс әкімі Тәуелсіздік жылдары атқарылғанын жұмыстарды атап өтіп, діни ахуалды тұрақты ұстау бағытында алдағы міндеттер туралы ой бөлісті.
<blockquote>
 «Ел Тәуелсіздігінің 30 жылдық мерейтойымен барша мұсылман қауымын құттықтаймын. Облыс тұрғындарының, оның ішінде мұсылман жамағатына діни-руханияттық тұрғыда жетекшілік жасап, егемен ел қоғамының тұрақтылығын сақтаудағы еңбектеріңізді жақсы білеміз. Өздеріңізге белгілі егемен еліміздің Тұңғыш Президенті-Елбасы Нұрсұлтан Әбішұлы Назарбаевтың «Елдіктің жеті тұғыры» атты қағидаттар жиынтығында Тәуелсіздіктің мән-маңызы мен қадір-қасиетін барынша ашып көрсетті. Ең бастысы Елбасымыз мақсат тұтқан мықты әрі жауапкершілігі жоғары Біртұтас Ұлт болу жолында отбасы мен салт-дәстүрді – қоғамның алтын діңгегі, ұлттық мәдениетті – халқымыздың рухани тірегі, білім мен еңбекті – бақуатты өмірдің кілті етуде Мұсылмандар діни басқармасының облыстағы өкілдігі Өзіңіздің жетекшілігіңізбен қалыптасқан үрдістердің жаңарған, жаңғырған үлгісін енгізіп, бұдан да зор жетістіктерге жетеді деп сенеміз. Мемлекет басшысы Қасым-Жомарт Кемелұлы Тоқаев атағандай, ғасырға татитын азаттық жылнамасының тұтас дәуірін тарих қойнауына құрметпен шығарып салып, мемлекеттігімізді одан әрі нығайтып, халқымыздың әл-ауқатын арттыра түсуге жаңа міндеттерді айқындайтын төртінші онжылдық бастауынан үлкен үміт күтеміз», – деді Гүлшара Әбдіқалықова.
</blockquote>
Кездесу барысында ҚМДБ-ның облыстағы өкілі, «Ақмешіт-Сырдария» орталық мешітінің бас имамы Болатбек Әбуов өңірде діни ахуал тұрақты екенін тілге тиек етіп, қайырымдылық шараларын өткізу, ақпараттық насихат жұмыстарын жүргізу бағытында бір жыл ішіндегі жасалған жұмыстарды тізбеледі. Мәселен, қайырымдылық бағытта «Ел үлесі-пәтерге» жобасы аясында 11 пәтер беріліп, «Үміт сыйла сәбиге» жобасы арқылы 48 отбасы жәрдем алып, 28 іс-шара атқарылған. Ал, «Тайқазан», «Берекелі Рамазан сыйы» жобасы негізінде 4 256 отбасы азық-түліктен көмек алған. Жалпы әлеуметтік сипаттағы осындай жобалар арқылы 3 мыңға жуық отбасыға жәрдем берілген.
Қабылдау соңында облыс әкімі Болатбек Әбуовке соңғы кездері індеттің жаңа вирустық штамдарының пайда болуына байланысты мешітке келетін жамағаттардың жұма намазы уақытында қауіпсіздіктік және ара-қашықтық сақтау мәселелеріне жете мән беру қажеттігін қаперге салды.
Айта кету керек, тәуелсіздік алған жылдардағы өңіріміздегі 14 мешіт саны 179-ға жетті.
<img src="https://kyzylorda-news.kz/wp-content/uploads/2021/12/270355347_215028314151754_6340815044678973742_n.jpg" alt="" />

Қазақстан және Қызылорда облысының жаңалықтары