<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Жыл сайын Қазақстанда 400 мыңға жуық сәби дүниеге келеді. Өмірінің алғашқы айларында жаңа туған нәресте үнемі бақылауды және дұрыс күтімді қажет етеді.
Бұл үшін біздің медициналық ұйымдарда патронаждық қызмет жұмыс жасайды, нәрестені үйге шығарғаннан кейін оны бірден емхананың учаскелік медбикесі өз бақылауына алады.
18 жасқа дейінгі балалар медициналық сақтандыру жүйесінде азаматтардың жеңілдікті санатына кіреді, сондықтан оларға туғаннан бастап кәмелеттік жасқа толғанға дейін барлық медициналық көмек мемлекет есебінен тегін көрсетіледі.
Жаңа туған нәрестелердің патронажы дегеніміз не?
Жаңа туылған нәрестелердің патронажы – бұл аурудың алдын алу, ата-аналарды баланың үйлесімді дамуы үшін оған дұрыс күтім жасауға үйрету мақсатында перзентханадан шыққаннан кейін үйдегі кішкентай пациентті белсенді бақылау жүйесі. Айта кету қажет, анасы мен баласы ауруханадан тәулік бойы медициналық бақылау үшін медициналық көрсеткіштер болмаған кезде және қанағаттанарлық жағдайда ғана шығарылады. Бала үйге шығарылғаннан кейін перзентхана ол туралы ақпаратты одан әрі бақылау үшін нақты тұратын жері бойынша емханаға береді.
Ережеге сәйкес, медбике алғаш рет кішкентай пациентке ауруханадан шыққаннан кейін 1-3 күннен кешікпей баруы керек. Перинатальды және туа біткен патология белгілері бар шала туылған нәрестелерді шығарылған күні бірден &nbsp;қарауға тиісті. Егер бұл күн демалыс немесе мереке күндеріне түссе, мұндай нәрестелерге кезекші педиатр – дәрігер барады.
Балалар учаскелік медбикесі балаға өмірінің бірінші айында әр 7 күн сайын 28 күн толғанға дейін барады. Содан кейін ол анасы мен баласын бір айлық жасында емханаға алғашқы тексеруге шақырады.
Биыл 8 айдың ішінде медбикенің жаңа туған нәрестеге үйге патронаждық бару қызметі 1,5 миллионнан астам рет көрсетілді.
Жаңа туған нәрестелердің үйдегі патронажына не кіреді?
Балаға бірінші рет барған кезде медбике ата-анасымен танысады, төлқұжат мәліметтерін, сондай-ақ баланың барлық деректерін жазады, сонымен қатар анаға денсаулығына байланысты сұрақтар қояды, ана мен баланы хаттама бойынша тексереді.
Медбикенің міндеті:
– Ана мен баланың денсаулығы туралы сұрау (шағымдар, сүт бездерінің жағдайы, физикалық белсенділік, тамақтану, ұйқы, контрацепция);
– Ананың көңіл-күйін бағамдау, үй ортасының қауіпсіздігін және жаңа туған нәрестенің қажеттіліктеріне бағам жасау;
– Ананы сәбиге күтім жасау ережелері, бала емізу принциптері, температуралық режимді сақтаудың маңыздылығы, бала күтіміне отбасының қатысуы хабардар ету, кеңес беру және үйрету;
– Баланы тексеру және қауіпті белгілер анықталған жағдайда дереу учаскелік дәрігерге хабарлау;
– Отбасына дереу медициналық ұйымға жүгінуді қажет ететін аурудың қауіпті белгілерін үйрету, олар: тамақтану проблемалары, жаңа туған нәрестенің белсенділігінің төмендеуі, минутына 60-тан астам тыныс алудың жиілеуі, тыныс алудың қиындауы, қызба немесе температураның төмендеуі, құрысулар, қалтырау және басқалар;
– Вакцинациялау мерзімі туралы хабарлау;
– Баланың өміріне, денсаулығына, қауіпсіздігіне және дамуына қауіп төндіретін әлеуметтік қатерлерге бастапқы бағалау жүргізу және оларды анықтаған жағдайда амбулаториялық-емханалық көмек көрсететін емхананың әлеуметтік қызметкеріне хабарлау;
– Қосымша көмекке мұқтаж балаларды анықтау және олар үшін жеке баруды жоспарлау (туу кезінде дене салмағы төмен балалар, АИТВ жұқтырған аналардан туған немесе ауырған балалар).
Мұның барлығын балаға одан әрі патронаж жасау кезінде ескеру маңызды.
Жаңа туған нәрестеге алғашқы барудан кейін медбике не істеуі керек?
Емханадағы жұмыс орнында медбике кішкентай пациентті БХТ АЖ-да тіркейді («Бекітілген халық тіркелімі» ақпараттық жүйесі), баланың амбулаториялық картасында тексеру нәтижелері туралы жазба жасайды, учаскелік педиатр дәрігерге үйде тексерудің нәтижелері туралы хабарлайды.
Егер медбике сәбидің денсаулығында орташа және жоғары қауіпті анықтаса, ол ЖПД дәрігерге, аға мейірбикеге, емхана меңгерушісіне медициналық ұйым осындай баланы бақылауда ұстауы үшін және дәрігер қауіп дәрежесі мен факторларына сәйкес жеке бақылау жоспарын әзірлеуі үшін хабарлайды.
Егер емхананың патронаждық медбикесі келмеген жағдайда, ата-аналарға не істеу керек?
Егер перзентханадан шыққаннан кейін ана мен балаға патронаждық медицина қызметкері келмеген жағдайда, ата-аналар нақты тұратын жері бойынша телефон арқылы емханаға жүгіне алады, баланың тууы туралы хабардар етеді және патронаж қағидаларына сәйкес баланы тұрақты тексеріп-қарау үшін медбикені үйге шақыра алады.
Егер сізде медициналық көмек алуға байланысты сұрақтар туындаса, сіздің өз емханаңыздағы Пациентті қолдау қызметіне хабарласуға мүмкіндігіңіз бар. Сондай-ақ Қорға ресми кері байланыс арналары арқылы өтініш бере аласыз: 1406 байланыс орталығы, «Qoldau 24/7» мобильді қосымшасы, қордың www.fms.kz. сайты, Telegram-дағы Saqtandyrybot.
<img src="https://kyzylorda-news.kz/wp-content/uploads/2021/10/img_9966.jpg" alt="" />

Қазақстанда жаңа туған нәрестелердің патронажы туралы ата-аналар нені білуі қажет?

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы қауіпсіздігі барынша төмен ЗК-169/4 мекемесінде шетел азаматтары да жазасын өтеуде.
Жыл басынан мекемеден 12 шет ел азамат босатылған. Мекеме қызметкерлері бұйрыққа сай босатылатын шетел азаматтарын Қызылорда облыстық Полиция департаментінің көші-қон басқармасына тапсырады. Одан әрі сотталған азаматты өз еліне жіберуді облыстық Полиция департаментінің көші-қон басқармасы жүзеге асырады.
<blockquote>
 «Қауіпсіздігі төмен мекемеден жазасын өтеп шыққан 12 шетел азаматы бар. Олар Өзбекстан, Қырғызстан, Ауғанстан елінің азаматтары. Бұл шетелдіктер шекараны заңсыз кесіп өту, жол-көлік оқиғасын жасағандар. Сот қаулысымен мекемеден босатылған барлық сотталғандардың ақпараттық іздестіру карточкаларын, дактилоскопиялық картасымен(саусақ іздері таңбаларын), сотталғанның босатылған жөніндегі сот қаулысының көшірмелерін, сотталғанның тұрғылықты жеріндегі Жергілікті полиция қызметі басқармасына жолданса, шет ел азаматтарының құжаттарын облыстық Полиция департаментінің көші-қон басқармасына тапсырамыз. Сонымен қоса бас бостандығынан айыру мерзімі аяқталғанға дейін 6 айдан кешіктірілмей, сотталған адам таңдаған тұрғылықты жердегі жергілікті атқарушы органдарын, ішкі істер органдарын оның алдағы уақытта босатылатындығын, еңбекке қабілеттігін, игерген мамандықтары туралы хабардар етіледі. Мерзім соңымен мекемеден 100 сотталған босатылды», – деді режим тобының аға жедел уәкілі әділет майоры Ә.Рахманов.
</blockquote>

Қызылордада түзеу мекемесінен 12 шетел азаматы босатылды

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Президенті Ұлттық жобалар тізбесін бекіту туралы Жарлыққа қол қойды, деп хабарлайды Ақорданың баспасөз қызметі.
Ұлттық жобалар тізбесін бекіту туралы 2021 жылғы 13 қазан
ҚАУЛЫ ЕТЕМІН:
1. Қоса беріліп отырған ұлттық жобалар тізбесі бекітілсін.
2. Қазақстан Республикасының Үкіметі Қазақстан Республикасының заңнамасында белгіленген тәртіппен:
1) осы Жарлықтың 1-тармағында көрсетілген ұлттық жобаларды бекітсін;
2) осы Жарлықтан туындайтын өзге де шараларды қабылдасын.
3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
4. Осы Жарлық қол қойылған күнінен бастап қолданысқа енгізіледі.

Тоқаевтың Жарлығымен 10 ұлттық жоба бекітілді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласының әкімі Ғанибек Қазантаевтың төрағалығымен өткен аппараттық мәжілісте мемлекеттік бағдарламалардың орындалу барысы қаралмас бұрын, кадрлық өзгерістер таныстырылды. Енді спорт, ішкі саясат, мәдениет, және әлеуметтік салаларына Бектас Нұридинов, кәсіпкерлік, қаржы және экономика, ауылшаруашылық салаларына Ғабит Жаңабаев жетекшілік жасамақ.
Күн тәртібіндегі үш мәселе бойынша сала басшыларының баяндамалары тыңдалды. Алдымен қалалық кәсіпкерлік, өнеркәсіп және туризм бөлімінің басшысы Бағлан Аманкелдиев жыл басынан бері «Бизнестің жол картасы-2025» бағдарламасы шеңберінде құны 11,5 млрд.теңгені құрайтын 653 жобаның қаржыландырылғандығын баяндады.
Бұл бағытта серпін бар. Себебі, өткен жылы 41 жоба ғана қолдау тапқан. Ал, «Қарапайым заттар экономикасын дамыту» бағдарламасында жеңілдікпен несиелеуде 6 жобаға 937 млн. теңге берілген. Қазір екінші деңгейлі банктерге де нақтылы жобалардың құжаттары ұсынылып, несиелері мақұлдануда. Осы ретте қала әкімі Ғанибек Қонысбекұлы кәсіпкерлікті қаржыландыру мәселелерін бекітілген межеге сәйкес, жыл аяғына дейін орындауды тапсырды.
Әлеуметтік салада да ілгерілеушілік бар. Жұмыссыздықпен күрес жүргізу талабымен 8527 жаңа жұмыс орны ашылды. Жоспар – 131 пайызға орындалды. «Нәтижелі жұмыспен қамтудың және жаппай кәсіпкерлікті дамытудың 2017-2021 жылдарға» арналған «Еңбек» мемлекеттік бағдарламасы арқылы техникалық және кәсіптік білімі бар кадрларды даярлауға, жұмысшы кадрларды еңбек нарығындағы сұранысқа сәйкес, қысқа мерзімді кәсіптік оқыту бойынша облыстық бюджеттен 35 адамға 4 357,6 мың теңге қаражат бөлінген. Қаралған қаржыға оқытылған азаматтар тұрақты жұмысқа орналастырылды. Елді мекендерде және шағын қалаларда микробизнес ашу, ісін жаңа бастаған жас және жұмыс істеп жүрген кәсіпкерліктің қызметін кеңейту үшін 60 азаматқа 515 393,0 мың теңге көлемінде несие берілді. «Бастау бизнес» жобасымен кәсіпкерлік негіздеріне 633 қызылордалық «Атамекен кәсіпкерлік палатасы» арқылы оқу курстарын аяқтап, 261-і мемлекеттік грантты алды. Осы тұста Ғанибек Қонысбекұлы қалалық жұмыспен қамту, әлеуметтік бағдарламалар және АХАТ бөлімінің басшысы К.Құрақбаеваға сандық көрсеткіштермен сапаны бұзбай, бағдарлы миссияны жыл соңына дейін толығымен орындауға күш салуды міндеттеді.
Қаланың ауылшаруашылығы бөлімін басқаратын Нұрбек Әзірбек қала диқандарының күрішті толық орып болғандығын, орташа өнім 51,5 центнерден келгендігін баяндады. Дегенмен, аяқ судың тапшылығы шаруашылықтардың шаруасын күрделендірді, сондықтан келер жылғы жоспарға көп өзгеріс енгізілмек. Ол үшін бүгіннен бастап іс-қимыл алгоритмін әзірлеу қажет. Бұл саладағы күрделі мәселе – азық-түлік тауарларының бағасын тұрақтандыру. Әлеуметтік дүкен сөрелеріндегі әлеуметтік маңызы бар 19 түрлі азық-түлік тауарларының бағаларында ауытқушылық жоқ, тұрақтандыру қорындағы 1038,9 тонна өнім төмен бағамен сатылуда. Тауар құнында әралуандылық болмас үшін қала әкімі Ғанибек Қазантаев қордың мүмкіншілігін барынша пайдаланып, бағаның тұрақтылығын ауыздықтап отыру керектігін ескертті.
<img src="https://kyzylorda-news.kz/wp-content/uploads/2021/10/baha2249-scaled.jpg" alt="" />

Қызылорда қаласының әкімі баға тұрақтылығын қадағалауды тапсырды

<a href="https://kyzylorda-news.kz/ru/obshestvo/">Kyzylorda-news.kz</a>. Атырау мұнай өңдеу зауыты жоспардан тыс тоқтап қалды. Көрші елдерде дизель отынның бағасы күрт өсті. Осыған байланысты қыркүйек айынан бастап ел бойынша дизель бағасының өсімі және тапшылық жағдайы орын алуда. Бұл туралы Өңірлік коммуникациялар қызметінде өткен баспасөз конфернциясында Қызылорда облыстық кәсіпкерлік және туризм басқармасы басшысының орынбасары Мұрат Тасқараев мәлімдеді.
Көршілес Ресеймен дизель отынының литріне айырмашылық 100 теңгеге, Өзбекстанмен 70-80 теңгеге және Қырғызстанмен 61 теңгеге дейін жетеді. Барлық транзиттік автокөліктер Қазақстаннан кіріп-шығу жолында жанар-жағар май құюда, осылайша шекара маңындағы облыстарда тұтыну көрсеткіші күрт өскен.
Ағымдағы жылдың мамыр-қыркүйек айларында дизель отынына сұраныс өткен жылмен салыстырғанда 480,0 мың тоннаға артқан. Тамыз айында 519,0 мың тонна дизель отыны тұтынылды. Сонымен қатар, ағымдағы жылдың 1 қазанынан Павлодар мұнай-химия зауыты (ПМХЗ) жоспарлы жөндеуге тоқтатылды. Осы орайда, елімізге дизель отынының жеткіліксіз көлемі Ресейден импортталуда.
Мұрат Ибрагимұлының айтуынша, ҚР Энергетика министрінің бұйрықтарымен АИ-92 маркалы бензині мен дизель отының бағаларына мемлекеттік реттеу алынып тасталып, бүгінгі күні олардың бағалары нарықпен реттеледі.
Айта кету керек, бүгінде облыста 145 жанар-жағар май бекеттері жұмыс жасайды. Биылғы жылдың қыркүйек айының басында дизель отынының орташа бағасы 196 теңгені құраса, 13 қазандағы мониторинг мәліметтері бойынша дизель отынының орташа бағасы 210,9 теңгеге, ең жоғары бағасы 235 теңгеге жеткен.
Сондай-ақ, жыл сайын егін науқаны кезінде дизель отынына сұраныс жоғарылайды, яғни тамыз-қыркүйек айларына дейін күніне қажеттілік 170 – 180 тонна болған, қазір 245 тоннаға дейін көтерілді. Бүгінгі таңда ірі автожанармай құю станцияларының желілерінде(«Компас», «Гелиос», «Қазақ Ойл») дизель отыны лимитпен бір машинаға 50-100 литрден босатылуда, «TS», «СиноОйл» АЗС-терінде талонмен, «Батыс Еуропа – Батыс Қытай» трассасының бойында бір машинаға 100-200 литр лимитпен берілуде.

Қызылордада дизель отынының бағасы 235 теңгеге жетті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордалық өнертапқыш Алматы мен Елорданы түтіннен тазартқысы келеді. Ол осы жобасын 3 жылдан бері жетілдіріп, іске асыруды жоспарлап жүр.&nbsp; Яғни құрылғыны көпқабатты үйлердің төбесіне орналастырып, қуатты желдеткіштер арқылы ауаны сүзгіден өткізуге болады дейді, – Марат Палмахов.
Оның есебі бойынша тау бөктеріндегі Алматыны 2-3-ақ жылда түтіннен тазартуға болады. Құрылғылар кез-келген мезгілде үздіксіз әрі дыбыссыз жұмыс істейді. Тек құрастырушы бұл жобасын іске асырудың ретін таппай жүр. Қолдау керек. Бұған дейін ол шалғайдағы шаруа қожалықтарына баламалы энергияны пайдаланып, тиімді мал суару тәсілін де ұсынған болатын.
<blockquote>
 «Маған қаржылай және ғылыми-техникалық қолдау қажет. Теориялық тұжырымдамамды шағын макетте тәжірибе жүзінде дәлелдедім. Енді маған үлкен тәжірибелік алаң керек. Яғни мегаполистердің үйлеріне құрылғыны орнатып, қосып, тексеруге мүмкіндік жасалса деймін», – өнертапқыш Марат Палмахов.
</blockquote>
<a href="https://24.kz/kz/zha-aly-tar/o-am/item/503958-yzylordaly-zhigit-t-tinnen-tazartu-zhobasyn-ojlap-tapty?fbclid=IwAR0tMQ-DfyAH9HighHSt02W0BS2hH1JBTdZzmY58B1gYaV9L10Mh2MFvwrE">Хабар 24</a>

Қызылордалық жігіт түтіннен тазарту жобасын ойлап тапты

<a href="https://kyzylorda-news.kz/ru/obshestvo/">Kyzylorda-news.kz</a>. Медицина мамандарының айтуынша, қазіргі таңда вирустың мутацияланған жаңа түрі «Дельта» штамның қауіптілігі аса жоғары болып отыр. Вирустың бұл түрінің жұғу пайызы жоғары. Сондықтан, бұл дерттің алдын-алып, сақтанудың жалғыз жолы – вакцина салдыру. Қызылорда облыстық перинаталдық орталығының неонатология ісі жөніндегі бөлімінің меңгерушісі, неанатолог дәрігер Жұлдыз Шоқпарованың айтуынша вакцинация – қауіпсіз және тиімді әдіс.
<blockquote>
 «Екпе алу арқылы біз өзімізді ғана емес, айналамыздағы адамдарды да қорғай аламыз. «Сovid-19» пандемиясы кезінде вакциналау өте маңызды. Бұл жұқпалы аурудың таралуын бәсеңдетеді. Сондықтан аурудың алдын алу және жақындарымызды қорғау мақсатында жаппай вакцина алуымыз қажет. Мамандардың айтуынша вакцинация – індеттен қорғанудың қарапайым, қауіпсіз және тиімді әдісі. Екпеден кейін әсері болуы мүмкін, бірақ бұл табиғи процесс. Вакцинадан кейін сізде «COVID-19» вирусына қарсы иммунитет қалыптасады. Коронавирус респираторлық жолмен жұғады. Инфекция ауру жұқтырған адамнан келесі адамға жөтелгенде не түшкіргенде науқастың мұрнынан, аузынан бөлінетін ұсақ тамшылар арқылы беріледі.. Вирусты өлтіру және олардың адамға жұғуына жол бермеу үшін қарапайым дезинфекциялаушы заттарды қолдануға болады. Қол мен бетті сабынмен жиі және мұқият жуу; қолға арналған спирттік антисептиктерді қолдану; көп адам жиналған орындардан аулақ болу, барған жағдайда міндетті түрде бетперде тағу; салқын тию белгілері пайда болғанда міндетті түрде дереу үйге жедел жәрдем шақыру қажет», – дейді Жұлдыз Шоқпарова.
</blockquote>

Жұлдыз Шоқпарова: Вакцина &#8211; жұқпалы аурудың таралуын бәсеңдетеді

<a href="https://kyzylorda-news.kz/ru/obshestvo/">Kyzylorda-news.kz</a>. Тәуелсіздіктің 30 жылдығына орай республикада «Qazaq Epos» ағарту жобасы бойынша «Тұлпар мініп, ту алған» байқауы ұйымдастырылуда. Бұл байқау ҚР Тұңғыш Президенті – Елбасы Н.Назарбаевтың «Болашаққа бағдар: рухани жаңғыру» және «Ұлы даланың жеті қыры» мақаласындағы міндеттерді іске асыру мақсатында өткізіліп отыр.
Жыр додасы өскелең ұрпақтың тарихты терең түсінуіне, сөйлеу мәдениеті мен сөздік қорының қалыптасуына зор ықпалын тигізеді.
Аталған байқауға республиканың түкпір-түкпірінен жас өрендер қатысуға ниет білдіріп, қазіргі таңда қызу дайындық жүргізуде. Солардың қатарында Қызылорда облысы, Сырдария ауданы, Қоғалыкөл ауылындағы №44 орта мектептің 10-сынып оқушысы&nbsp;Сая Жамбылқызы да бар.
Саяны жыр додасына дайындап жатқан ұстазы №44 орта мектептің қазақ тілі мен қазақ әдебиеті пәні мұғалімі Г.Құлымбетованың айтуынша, шәкіртті байқауға дайындауда мұғалімнің де шығармашылық ізденісі артады.
<blockquote>
 «Жыр жаттау – кез келген адамға оңай болмасы анық. Дегенмен, Саяға аса қиындық болмады. Себебі, оның ерекше қасиеті – зеректігі мен алғырлығы. Дайындық барысында&nbsp;Сая жырда кездескен көнерген сөздердің мағынасын тануда көп ізденеді. Сонымен қатар, оның ынтасы мен өзіне жоғары талап қоя білетіндігін байқадым. Бұл жырды жаттаудан бөлек бос уақытында көркем әдеби шығармаларды ізденіп оқиды. Осы байқау дәстүрлі түрде жалғасын табар болса, оқушылардың ынтасы мен дарындылығы артады», – дейді мұғалім.
</blockquote>
Сая Жамбылқызы байқауға қатысуға бар күшін салып, шынайы ынтамен кірісе бастағанын айтады.
<blockquote>
 «Ұстазымның, отбасым мен достарымның қолдауы маған көп көмек берді. Бастапқыда жырды мәнеріне келтіре оқу қиындық келтірді. Жырдағы қайталанып келе беретін сөздерден де көп жаңыла беретінмін. Ол да оңайлыққа түспеді. Алайда, қайталай отырып, жырды түгел оп-оңай жаттап алдым. Оған ұстазымның көп көмегі тиді. «Ер Едіге» жырын жаттау – менің көркем әдеби туындыға деген қызығушылығымды одан сайын арттыра түсті. Сондай-ақ, көптеген құнды тарихи мәліметтерден хабардар болдым. &nbsp;Адам алдына қойған мақсатына қалай болса да жетуге талпынса, алынбайтын қамал болмайды. Ол үшін үлкен жігер мен ынта, намыс керек деп ойлаймын», – дейді оқушы.
</blockquote>

«Тұлпар мініп, ту алған»: Байқау өскелең ұрпақтың тарихты терең түсінуіне септігін тигізеді

<a href="https://kyzylorda-news.kz/ru/obshestvo/">Kyzylorda-news.kz</a>. Синоптиктер 14-16 қазан аралығында ауа райы қандай болатынын хабарлады.
Антициклон әсерінен елдің басым бөлігінде жауын-шашынсыз ауа райы болады. 16 қазанда ғана Солтүстік-батыс циклон Батыс Қазақстан облысындағы ауа райына әсер етіп, күндіз жауын жауады. Батыс пен оңтүстікте жел күшейіп, шаңды дауыл болады.
Ауа температурасы батыс, солтүстік-батыста 15-23 градус жылы. Солтүстік, шығыс пен орталықта плюс 7-15 градус шамасында, ал оңтүстік пен оңтүстік-шығыста 12-21 градус жылы.
Елордада 14 қазанда түнде +3, күндіз +12 градус болады. Күн ашық. Жұмада да дәл осындай ауа райы сақталады. 16 қазанда күн алабұлтты, түнде 0, күндіз +8 градус.
Алматы қаласында бейсенбіде түнде +4, күндіз +13 градус жылы. Жұма мен сенбіде де +15 градус шамасында, күн ашық.
Шымкентте 14, 15, 16 қазанда күн ашық, сынап бағанасы +21 градусқа дейін көтеріледі.

Алдағы үш күнде ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>. 2022 жылдың қаңтар айынан бастап қазақстандық мектептерде бірінші сынып оқушылары цифрлық сауатын ашады.
Үшінші тоқсанда оқу бағдарламасына алғаш рет «Цифрлық сауаттылық» пәні енгізіледі. Бұған дейін оқушылар үшінші сыныптан бастап «Ақпараттық-коммуникациялық технологиялар» пәнін оқыған болатын.
<blockquote>
 «Оқу бағдарламасы сұраныс пен уақыт талаптарына сәйкес болуы тиіс. Бүгінгі таңда цифрлық әлемнің қарқынды дамып жатқанын көріп отырмыз. Қазір смартфондар мен компьютерлерді мектепке дейінгі кіші жастағы балалар пайдаланып жатады. Цифрлық сауаттылық – оқу мен жазу сияқты негізгі дағдылардың біріне айналып келеді. Сондықтан балаларды цифрлық сауаттылық және ақпараттық қауіпсіздік негіздеріне мүмкіндігінше ертерек үйрету маңызды. Әлбетте, жаңа пәнді оқыту барысында балалардың жас ерекшеліктері де ескерілетін болады», – деп атап өтті ҚР БҒМ Мектепке дейінгі және орта білім комитетінің төрайымы Гүлмира Кәрімова.
</blockquote>
Сонымен қатар 4-сыныпқа арналған «Ақпараттық-коммуникациялық технологиялар» және 5-11 сыныптарға арналған «Информатика» пәндері бойынша оқу бағдарламалары қайта қаралды. Жаңашылдықтар балалардың ақпараттық технологиялар саласында сапалы білім алуына бағытталған.
Мектеп бағдарламасы шеңберінде ең танымал Python бағдарламалау тілі оқытылады. Сондай-ақ 5-9 сынып оқушылары 3D-модельдеу мен 3D-принтингке бойынша білім алады.
10-11 сыныптардағы «Информатика» пәні бойынша үлгілік оқу бағдарламасы IT-саласының заманауи даму үрдістерін ескере отырып әзірленген. Оқыту бағдарламасында IT-STARTUP, виртуалды және толықтырылған шынайылық, жасанды интеллект, мобильді қосымшаларды әзірлеу, BigData және тағы басқа тақырыптар бар. Сондай-ақ барлық сыныптың оқу бағдарламаларына Интернет желісіндегі қауіпсіздік ережелері, авторлық құқық туралы тақырыптар енгізілген.

Қаңтардан бастап бірінші сынып оқушылары цифрлық сауатын ашады

<a href="https://kyzylorda-news.kz/ru/obshestvo/">Kyzylorda-news.kz</a>. Қазалы ауданында егін жинау науқаны өз мәресіне жетіп қалды. Бүгінде аудан диқан-механизаторлары өздері күтіп-баптап өсірген Сыр салысын төкпей-шашпай жинап алуда.
Қазалы ауданының әкімі Мұхтар Оразбаев «Рза – Агро» мен «Сыр маржаны» ЖШС-ның қырмандарына арнайы барып, күріш ору жұмыстарының барысымен танысты.
Аудан басшысы алдымен Ақтан батыр ауылындағы «Сыр маржаны» ЖШС қырманына жол тартты. Мұхтар Әуесұлын қырман басында серіктестік директоры, облыстық мәслихат депутаты Мнажадин Өтеев өзі күтіп алып, күзгі жиым-терін барысында атқарылып жатқан жұмыстарды тілге тиек етті.
<blockquote>
 «Серіктестік диқандары биылғы жылғы егілген Сыр маржанын төкпей-шашпай, ысырапсыз шаруашылық қоймасына жинап жатыр. Бұның барлығы ерте көктемнен бастау алып, жаз айларында, шіліңгір шілденің аптапты ыстық күндерінде тер төге еткен ерен еңбектің арқасы деп білеміз», – деген шаруашылық басшысы қазіргі таңда орын алған қиыншылықтар жөнінде де айтып өтті.
</blockquote>
Ғ.Мұратбаев ауылындағы «Рза – Агро» ЖШС-ның қырманында да қызу жұмыстар жүріп жатыр.
Қызу жұмыстар жайында серіктестіктің бас агрономы Нұрлан Наурызбаев айтып берді.
Оның айтуынша «Рза – Агро» ЖШС 2187 гектар жерге күріш еккен. Олардың арасында «Лидер», «Янтар», «Преммум» және жергілік «Сыр сұлуы» сорты бар. Күріш оруды 15 қазанда, бастыруды 17 қазанда аяқтаймыз деп жоспарлап отырмыз. Күріштің өнімі жаман емес. Гектарына орташа 50 центнерден шығуда. 
Аудан әкімі Мұхтар Оразбаев қырман басында тынымсыз еңбек етіп жатқан жұмысшыларға сәттілік тілеп, егілген ел несібесін дер кезінде жинап алуға тілектестігін білдірді.
<img src="https://kyzylorda-news.kz/wp-content/uploads/2021/10/astyk.jpg" alt="" />
<img src="https://kyzylorda-news.kz/wp-content/uploads/2021/10/akimm.jpg" alt="" />
<img src="https://kyzylorda-news.kz/wp-content/uploads/2021/10/egin1.jpg" alt="" />

Қазалы ауданының әкімі қырман басына барды

<a href="https://kyzylorda-news.kz/ru/obshestvo/">Kyzylorda-news.kz</a>. Қазалы және Арал ауданындағы орман және жануарлар дүниесін қорғау мекемелеріне тракторлар келді.
Жаңа техникалардың кілттерін орманшыларға аудан әкімі Мұхтар Оразбаев пен облыстық табиғат пайдануды реттеу және табиғи ресурстар басқармасының басшысы Бауыржан Шәменов табыстады.
Аудан әкімі Мұхтар Әуесұлы кілт тапсыру рәсімінен соң құттықтау сөз сөйлеп, қазалылық орманшылардың Президент тапсырмасын орындаудағы жұмыстарына сәттілік тіледі.
<blockquote>
 «Мемлекет басшысы Қасым-Жомарт Тоқаев өзінің «Жаңа жағдайдағы Қазақстан: іс-қимыл кезеңі» атты халыққа Жолдауында еліміздегі экология мәселесі басты назарда болу қажеттігін атап өтті. Осыған байланысты алдағы 5 жыл ішінде орман қорында 2 млрд. және елді мекендерде 15 млн. ағаш көшеттерін отырғызуды тапсырды. Нәтижесінде біздің облыстағы экологиялық ахуалды жақсартуға бағыттылған іс-шаралар жоспары бекітіліп, ауқымды жұмыстар қолға алынды. Бүгін міне сол жұмыстардың нақты жүзеге асқанына куә болып отырмыз. Облыстық бюджеттен қаржы бөлініп, Қазалы орман дүниелерін қорғау мекемесіне 3 дана трактор берілуде», – деді аудан басшысы.
</blockquote>
Мұнан соң басқарма басшысы Бауыржан Шәменов теңіз ұлтанына егілетін сексеуіл көшеттері туралы жоспарларымен бөлісіп, алдағы уақытта атқарылатын жұмыстар туралы егжей-тегжейлі айтып берді. 
Айта кетейік, Ардақ Кәдір басшылық жасайтын Қазалы орман және жануарлар дүниесін қорғау мекемесіне бұған дейін жаңа өрт сөндіру машинасы берілген.
<img src="https://kyzylorda-news.kz/wp-content/uploads/2021/10/traktor.jpg" alt="" />
<img src="https://kyzylorda-news.kz/wp-content/uploads/2021/10/kazaly-1.jpg" alt="" />
<img src="https://kyzylorda-news.kz/wp-content/uploads/2021/10/kazalyy.jpg" alt="" />
<img src="https://kyzylorda-news.kz/wp-content/uploads/2021/10/kazalyyy.jpg" alt="" />

Қазақстан және Қызылорда облысының жаңалықтары

Қазақстанда жаңа туған нәрестелердің патронажы туралы ата-аналар нені білуі қажет?

Қызылордада түзеу мекемесінен 12 шетел азаматы босатылды

Тоқаевтың Жарлығымен 10 ұлттық жоба бекітілді

Қызылорда қаласының әкімі баға тұрақтылығын қадағалауды тапсырды

Қызылордада дизель отынының бағасы 235 теңгеге жетті

Қызылордалық жігіт түтіннен тазарту жобасын ойлап тапты

Жұлдыз Шоқпарова: Вакцина – жұқпалы аурудың таралуын бәсеңдетеді

«Тұлпар мініп, ту алған»: Байқау өскелең ұрпақтың тарихты терең түсінуіне септігін тигізеді

Алдағы үш күнде ауа райы қандай болады?

Қаңтардан бастап бірінші сынып оқушылары цифрлық сауатын ашады

Қазалы ауданының әкімі қырман басына барды

Қазалыда орманшыларға жаңа тракторлар табысталды

Қазақстан және Қызылорда облысының жаңалықтары

Қазақстанда жаңа туған нәрестелердің патронажы туралы ата-аналар нені білуі қажет?

Қызылордада түзеу мекемесінен 12 шетел азаматы босатылды

Тоқаевтың Жарлығымен 10 ұлттық жоба бекітілді

Қызылорда қаласының әкімі баға тұрақтылығын қадағалауды тапсырды

Қызылордада дизель отынының бағасы 235 теңгеге жетті

Қызылордалық жігіт түтіннен тазарту жобасын ойлап тапты

Жұлдыз Шоқпарова: Вакцина &#8211; жұқпалы аурудың таралуын бәсеңдетеді

«Тұлпар мініп, ту алған»: Байқау өскелең ұрпақтың тарихты терең түсінуіне септігін тигізеді

Алдағы үш күнде ауа райы қандай болады?

Қаңтардан бастап бірінші сынып оқушылары цифрлық сауатын ашады

Қазалы ауданының әкімі қырман басына барды

Қазалыда орманшыларға жаңа тракторлар табысталды

Жұлдыз Шоқпарова: Вакцина – жұқпалы аурудың таралуын бәсеңдетеді