<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2021 жылдың 1 желтоқсанына дейінгі аралықта Қызылорда облысының тұрғындары әлеуметтік медициналық сақтандыру қорына 24,9 млрд. теңге аударды.
Оның 16,9 млрд. теңгесі (67,8%) жұмыс берушілердің аударымдары болса, қалған 8,0 млрд. теңге (32,2%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар МӘМС қорына 24,9 млрд теңге аударды

<a href="https://kyzylorda-news.kz/">Kyzylorda-news.kz.</a> Қазгидромет алдағы үш күнге ауа райы болжамын жариялады.
Алдағы күндері Қазақстанның солтүстік және шығыс өңірлерінің тұрғындары, қыстың жақындап қалғанын сезінетін болады.
Жылы Оңтүстік циклонын&nbsp;алмастыру үшін, Атлант аймағынан суық антициклон қозғалуда. Суық ауа массаларымен қоректенетін ол жауын-шашынның тоқтап қалуына және ауа температурасының күрт төмендеуіне әкеледі.&nbsp;
7-8 желтоқсанда түнгі уақытта еліміздің солтүстігі мен шығысында термометр 22-30 аязды көрсететін болады.
Ал республиканың оңтүстік өңірлері&nbsp;Иран аудандарынан келетін жылы ауа массаларының әсерінен айтарлықтай салқын болмайды.

30 градус аяз: Ертеңнен бастап күн суытады

<a href="https://kyzylorda-news.kz/">Kyzylorda-news.kz.</a>&nbsp; Жаңақорған ауданы&nbsp; Кейден ауылының батыс жақ беткейінде орналасқан “Қара сопы” деп аталатын жерде түнгі уақытта тәртіп сақшылары&nbsp; жабайы қояндарды заңсыз аулаған Жаңақорған ауданының үш тұрғынын ұстады. Заттай дәлелдеме ретінде браконьерлерден 12 калибрлі 2 аңшылық мылтық, прожектор мен қоянның еті алынды.
Қазіргі таңда аталған заңсыз аңшылық дерегі бойынша сотқа дейінгі тергеп-тексеру әрекеттері жүргізілуде. Оқиғаның барлық мән-жайы анықталуда.
<blockquote>
 «Облыс полицейлері азаматтарды табиғатты қорғауға шақырады және жабайы жануарлар мен өсімдіктерді, оның ішінде ҚР Қызыл кітапқа енгізілгендерді заңсыз аулағаны үшін жауапкершілік қарастырылғанын еске салады. Егер Сізде браконьерлік жағдайлары туралы қандай да бір ақпарат болса, дереу полицияның 102 нөміріне хабарласыңыз», – делінген полиция департаментінің хабарламасында.
</blockquote>

Жаңақорғанда қоян аулаған браконьерлер ұсталды

<a href="https://kyzylorda-news.kz/">Kyzylorda-news.kz.</a>&nbsp; «Nur Otan»партиясы облыстық филиалы жанындағы «Miras» аймақтық қоғамдық кеңесінің отырысы өтті. Онда&nbsp; партияның Саяси кеңесі отырысында Елбасы ұсынған «Елдіктің жеті тұғыры» қағидаты талқыланды.
Жиынды ашқан кеңес төрағасының орынбасары Сәрсенкүл Биқожа &nbsp;жеті тұғырды еліміздің әрбір азаматына жеткізіп, болашақ ұрпақтың бойына сіңірудің маңыздылығын алға тартты.
<blockquote>
 Елбасы жариялаған «Елдіктің жеті тұғыры» қағидаты маңызды, ауқымды, терең еңбек. Бұл қағидаттар жиынтығын Елбасының «Рухани жаңғыру» бағдарламалық мақаласы мен «Мәңгілік Ел» ұлттық идеясының заңды жалғасы деп қарастыру керек. Ендігі жерде мұны тиянақтау мен тұлғаландыру – жаңа буынға жүктелген, аманат әрі бағдар десек, мұнда қамтылған «Жер – ата-баба мұрасы, халық қазынасы» қағидатын болашақ ұрпаққа мирас ету – бұл біздің ортақ борышымыз деді ол.
</blockquote>
Жиында сөз алған кеңес мүшесі, «Рухани жаңғыру» орталығының директоры Уәлихан Ибраев «Елдіктің жеті тұғыры» қағидаттар жиынтығын қоғамдағы ауызбіршілікті нығайтып, тұрақты даму үшін ауадай қажет құндылық деп атады.
Кеңес мүшесі Айткүл Шалғынбаева алдымен Елбасының Тәуелсіздік жылдарындағы тынымыс еңбегі мен тәуелсіздік тұғырына қонған 30 жылдағы жүзеге асырылған реформаларды сөз етті.
Тәуелсіздік жоқ жерде, жоғарғыда айтылғандардың ешбірі болмайды. Бұл орайда Елбасы Тәуелсіздік – кез-келген азамат үшін ең қастерлі құндылық екенін 1 тұғырда көрсетіп, еркіндік жоқ жерде өзге төңіректе сөз айту мүмкін еместігін көрсетіп отырғандығын айтты.
Алқалы жиында сондай-ақ, кеңес мүшелері тарапынан ағымдағы жылы атқарылған жұмыстарға талдау жасалып, келер жылдың жұмыс жоспары пысықталды.

Елбасының «Елдіктің жеті тұғыры» қағидаты «Miras» аймақтық қоғамдық кеңес отырысында талқыланды

<a href="https://kyzylorda-news.kz/">Kyzylorda-news.kz.</a> Қазақстанда 791 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 124
Алматы қаласында – 65
Шымкент қаласында – 27
Ақмола облысында – 140
Ақтөбе облысында – 7
Алматы облысында – 44
Атырау облысында – 11
Шығыс Қазақстан облысында – 38
Жамбыл облысында – 11
Батыс Қазақстан облысында – 1
Қарағанды облысында – 143
Қостанай облысында – 7
Қызылорда облысында – 4
Маңғыстау облысында – 0
Павлодар облысында – 42
Солтүстік Қазақстан облысында – 124
Түркістан облысында – 3
Елімізде барлығы 942 076 адам COVID-19-дан емделіп, сауығып шықты.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда 791 адам коронавирус инфекциясынан жазылып шықты, деп хабарлайды coronavirus2020.kz.
Елімізде коронавирус инфекциясын жұқтырғандар саны 975 782 жетті.
Оның ішінде:
Нұр-Сұлтан қаласында – 102
Алматы қаласында – 66
Шымкент қаласында – 0
Ақмола облысында – 69
Ақтөбе облысында – 6
Алматы облысында – 12
Атырау облысында – 9
Шығыс Қазақстан облысында – 16
Жамбыл облысында – 8
Батыс Қазақстан облысында – 16
Қарағанды облысында – 101
Қостанай облысында – 71
Қызылорда облысында – 4
Маңғыстау облысында – 0
Павлодар облысында – 77
Солтүстік Қазақстан облысында – 68
Түркістан облысында – 7.

Қызылордада 4 адамнан коронавирус анықталды

Елбасы Нұрсұлтан Назарбаевтың «Тәуелсіздік тағылымы» атты мақаласы

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің өтуіне байланысты ҚР басым бөлігінде тұрақсыз ауа райы сақталады, деп хабарлайды Қазгидромет.
Жаңбыр мен қар түріндегі жауын-шашын жауады, солтүстікте жаяу бұрқасын күтіледі. Республиканың кей жерлерінде тұман, көктайғақ, еліміздің оңтүстігінде, солтүстігінде желдің күшеюі күтіледі.
Ақмола облысының солтүстігінде, оңтүстік-шығысында тұман, таңертең және күндіз көктайғақ, жаяу бұрқасын күтіледі, жел 15-20 м/с күшейеді. Түнде Алматы облысында Алакөл көлдерінің ауданында жел 15-20 м/с күшейеді. Қостанай облысының солтүстігінде жаяу бұрқасын, солтүстігінде, оңтүстік-шығысында тұман, көктайғақ, солтүстік-шығысында желдің күшеюі 15-20 м/с күтіледі.
Солтүстік Қазақстан облысының оңтүстік-батысында жаяу бұрқасын, солтүстігінде, шығысында тұман, көктайғақ күтіледі. Батыс Қазақстан облысының солтүстігінде, солтүстік-батысында, Атырау облысының солтүстігінде, батысында және орталығында, Павлодар облысының солтүстігінде, шығысында, Қарағанды облысының солтүстігінде, батысында, оңтүстігінде тұман, көктайғақ күтіледі.
Түркістан, Жамбыл облыстарының оңтүстігінде, таулы аудандарында, тау бөктерінде, Маңғыстау облысының солтүстік-батысында және орталығында, Ақтөбе облысының оңтүстік-шығысында, түнде және таңертең Шығыс Қазақстан облысының шығысында тұман күтіледі, Шығыс Қазақстан облысының батысында жел 15-20 м/с күшейеді.
Қызылорда облысының орталығында тұман, түнде облыстың орталығында көктайғақ күтіледі.

Қызылордада тұман, түнде көктайғақ болады

Kyzylorda-news.kz. Бүгін Нұр-Сұлтан қаласында аймақ басшысы Гүлшара Әбдіқалықова мен Навои облысының әкімі Нормат Тұрсунов қос өңірдің әріптестік аясын дамыту жөніндегі Жол картасына қол қойды. Кездесуге ҚР Парламенті Сенатының депутаты Ақмарал Әлназарова, Мәжіліс депутаты Ғалым Әміреев және Навои облысы әкімінің орынбасары Камолиддин Хасанов қатысты.
Екіжақты кездесу барысында Гүлшара Әбдіқалықова өңіраралық ынтымақтастықты нығайтуға және одан әрі өзара тиімді дамытуға бағытталған осындай іс-шараны өткізу бүгінгі кездесуімізге ерекше мән беретінін атап өтті.
<blockquote>
 «Бұл кездесу өзекті тақырыптарды талқылауға, бiрлесiп жұмыс жасау мүмкіндіктерін зерттеуге және шекара маңы өңірлерінің неғұрлым тығыз ынтымақтастығының перспективаларын анықтауға мүмкіндік береді. Бұл біздің облыстарымыздың арасындағы екіжақты қарым-қатынастар мен достық байланыстарды тереңдетудің тағы бір қадамы екені сөзсіз. 
 Біз ынтымақтастыққа қызығушылық танытқан барлық бизнес өкілдерін бірге және тиімді жұмыс істеуге шақырамыз және барлық конструктивтік ұсыныстарын қабылдауға әркез дайынбыз. Бауырлас өзбек халқына бейбітшілік, ынтымақ және биік асулар тілеймін», – деді облыс әкімі.
</blockquote>
Аймақ басшысы әрі қарай дамыту перспективасы бар бағыттарды айта отырып, туризм саласындағы әлеуетті жобаларды атап өтті. “Ұлы Жібек жолы” тұжырымдамасы аясында бірлескен халықаралық туристік өнімді құрудың үлкен мүмкіндіктері бар екенін жеткізіп, «Байқоңыр» ғарыш айлағы мен өңірдегі Қорқыт Ата мемориалдық кешені, Жанкент, Сығанақ, Шірік-Рабат секілді көне қалашықтарға танымдық сапарларды ұйымдастыруға шақырды. 
Өз кезегінде Навои облысының әкімі Нормат Тұрсунов көрсетілген құрмет үшін ризашылығын білдіріп, өзаға әріптестік аясын кеңейтуге мүдделі екенін жеткізді.
Кездесу соңында қос тарап облыстар арасындағы ынтымақтастықты одан әрі кеңейту бойынша әзірленген Жол картасына қол қойды. Бұл құжат сауда-экономикалық даму, ауыл шаруашылығы, білім және ғылым, мәдениет, спорт және туризм салаларындағы ынтымақтастық мәселелерін қамтиды. 
Айта кетейік, соңғы 5 жылда аймақ Өзбекстан Республикасымен екіжақты ынтымақтастықты дамыту мақсатында 13 роуд-шоу, оның ішінде Самарқанд, Навои және Ташкент қалаларында сапарларды ұйымдастырды. Қызылорда облысы Навои өңірімен сауда-саттық, өнеркәсіп және агроөнеркәсіп салаларында әріптестік орнатқан. Атап айтқанда, биылғы жылдың 9 айында тауар айналымының көлемі өткен жылдың сәйкес кезеңімен салыстырғанда 3,1 есе артып, 26,8 млн. АҚШ долл. құрады. Сыр өңірі негізінен Өзбекстанға цемент, күріш, ұн, кебек экспорттаса, Өзбекстан Республикасынан тоқыма тауарлары, құрылыс материалдары, кондитерлік өнімдер, жемістер мен көкөністер импортталады. 
Облыстағы «Гежуба Шиелі цемент» ЖШС тампонажды цемент зауытының ағымдағы жылдың 9 айында зауыт Өзбекстанға жалпы құны 14,3 млн. АҚШ долл.құрайтын 278,8 мың тонна цемент экспорттады. Сондай-ақ, ауыл шаруашылығы саласында 2021 жылдың басынан бері облыс Өзбекстанға 5,7 млн. АҚШ долл. сомасына 20 мың тонна күрiш экспорттады.

Қызылорда мен Навои облыстары арасындағы әріптестік нығая түспек

Kyzylorda-news.kz. Дені сау адам қанша мандарин жей алады және қандай жандарға&nbsp;цитрус жеуге&nbsp;қатаң тыйым салынады. Бұл туралы&nbsp;медицина ғылымдарының докторы, диетолог Маргарита Королева айтып берді, деп хабарлайды&nbsp;<a href="https://stan.kz/">Stan.kz</a>.
Диетологтың айтуынша, дені&nbsp;сау адам организмге қандай да бір зиянын тигізбестен&nbsp;күніне жарты килограмм мандарин жей алады.
<blockquote>
 “Күніне екі рет 250 грамм рұқсат етіледі. Екі мандаринді рационға қосып, негізгі тағамдар арасында жеуіңізге болады”, –&nbsp;дейді Королева.&nbsp;
</blockquote>
Дәрігер мандариннің қоректік биологиялық белсенді компоненттерге бай маусымдық өнім екенін атап өтті. Диетолог оны күнделікті тағам рационына&nbsp;енгізуді ұсынады.&nbsp;
<blockquote>
 “Мандариннің құрамында көптеген пайдалы компоненттер бар. PP дәрумені, С дәрумені, өсімдік жасұнықтары, В дәрумені”, – дейді маман.&nbsp;
</blockquote>
Оның айтуынша, мандаринді аллергиялық реакциясы бар адамдар сақтықпен жеуі керек.&nbsp;
“Егер адамның аллергиялық реакциясы болса және оны ұмытып кетіп, бір дегенде жарты килограммға дейін мандарин жесе, онда бұл анафилактикалық шокқа дейін аяқталуы мүмкін”, – деп түсіндірді ол.
Сондай-ақ, дәрігер семіздік пен қант диабетіне бейім адамдарға маусымдық жемісті асыра сілтеп пайдаланбауға кеңес береді.

Маман мандариннің кімдер үшін аса қауіпті екенін айтты

Kyzylorda-news.kz. Орталық Азиядағы тұрақты дамуды қамтамасыз ету мәселелеріне келгенде, әрине, қазіргі заманның ең өткір экологиялық проблемаларының бірі – Арал апатын да назардан тыс қалдыруға болмайды.
Бұл туралы Өзбекстан президенті Шавкат Мирзиёев «Егемен Қазақстан» газетіне берген сұхбатында айтты.
Сұхбат барысында Мирзиёев бір кездері әсем су қоймасының су ресурстарын ойланбай пайдалану оның жойылып кетуіне әкеліп соққанын, оның арты мыңдаған адамға бақытсыздық пен қасірет әкелгенін айтты. 
Жағдайды бұрын-соңды болмаған климаттық өзгерістер қиындатуда. Жылдық орташа температураның жоғарылауы байқалады, құрғақшылық, шаңды дауылдар, су тасқындары мен сел жүруі жиіленді, мұздықтар еріп жатыр. Біз Өзбекстанда экологиялық мәселелерге барынша мән береміз. Соңғы төрт жылда климат өзгеруінің салдарын бейімдеу және жұмсарту бойынша жүйелі шаралар қабылданды, – деді ол. 
Сонымен қатар ол Өзбекстан Арал теңізі құрғауының зардаптарын барынша азайтуға ерекше көңіл бөліп жатқанын жеткізді. Бүгінде оның кеуіп қалған табанына жасыл желек отырғызу бойынша үлкен бағдарлама жүзеге асырылуда. Сонымен қатар Қарақалпақстанды 2020-2023 жылдарда кешенді әлеуметік-экономикалық дамыту бағдарламасы жүзеге асырылып жатыр. 
Өзбекстан осы экологиялық апаттың салдарымен Орталық Азия елдерінің күш-жігерін біріктіру үшін белсенді қадамдар жасауда. Он жылдық үзілістен кейін 2018 жылы Түрікменстанда Аралды құтқару Халықаралық қорының отырысы өтті. Содан кейін Өзбекстанның бастамасымен Арал өңірі үшін БҰҰ-ның адам қауіпсіздігі жөніндегі көпсеріктестік Траст қоры құрылды. Аймақ елдерінің, соның ішінде Қазақстанның қолдауының арқасында 2021 жылдың мамыр айында БҰҰ Бас Ассамблеясы Арал өңірін экологиялық инновациялар мен технологиялар аймағы деп жариялау туралы арнайы қарар қабылдады, – деді Мирзиёев. 
Сөз арасында ол бауырлас Қазақстан да Арал теңізінің қалған бөлігін қалпына келтіру үдерістеріне белсене араласып, су ресурстарын ұқыпты және тиімді пайдалануға, табиғатты қорғауға бағытталған, дер кезінде жасалған маңызды бастамаларды іске асырып жатқанын айтты. 
Өзбекстан мен Қазақстанның күш-жігерін бұдан былай да біріктіру өңірдің көптеген өзекті мәселелерін шешуге оң әсер ететініне бек сенімдімін. Тек бірлесіп қана біз барлық сынақты еңсере аламыз, балаларымызға жарық болашақты қамтамасыз етеміз,-деді Өзбекстан президенті.

Өзбекстан президенті: Арал апатын назардан тыс қалдыруға болмайды

Kyzylorda-news.kz. Ең төменгі жеткілікті шек 2022 жылдан бастап өзгереді. Егер 2021 жылы 20 жастағы салымшы үшін жеткілікті шек мөлшері 1 710 000 теңге болса, 2022 жылдан бастап ол 3 140 000 теңге болады.
Әдістемеге сәйкес ең төменгі жеткілікті шек мөлшері әрбір жасқа жеке есептеледі және болашақта зейнетақы төлемі мен зейнетақы жарнасының өсетіні (индекстелуі) ескеріледі. Бұл ретте “Республикалық бюджет туралы” заңға сәйкес, жыл сайын индекстелетін ең төменгі жалақы, ең төменгі зейнетақы, ең төменгі күнкөріс деңгейі сияқты әлеуметтік көрсеткіштер қолданылады.
<blockquote>
 “Осыған байланысты ең төменгі жеткілікті шек мөлшері аталған көрсеткіштердің жыл сайын өсуін ескере отырып есептеледі”, – деп түсіндірді БЖЗҚ. &nbsp;
</blockquote>
Сондай-ақ әдістемеге сәйкес ең төменгі жеткілікті шек мөлшерін анықтау кезінде Қазақстан еңбек және халықты әлеуметтік қорғау министрлігінің ұсынысы және Қазақстан ұлттық экономика министрлігінің келісімі бойынша жыл сайынғы негізде қабылданатын көрсеткіштер пайдаланылады.
<blockquote>
 “2022 жылға әлеуметтік көрсеткіштер мөлшері ұлғайтылғандықтан (атап айтқанда, ең төменгі жалақы мөлшері 2022 жылы қазіргі 42&nbsp;500 теңгеден 60 000 теңгеге дейін (немесе 41%) өседі) 2022 жылға ең төменгі жеткілікті шек мөлшері де көбейтілді”, – делінген хабарламада.
</blockquote>
Естеріңізге сала кетейік, 2021 жылдың қаңтарында “Қазақстан Республикасының кейбір заңнамалық актілеріне экономикалық өсімді қалпына келтіру мәселелері бойынша өзгерістер мен толықтырулар енгізу туралы” заң күшіне енді. Ол азаматтарға &nbsp;зейнетақы жинағының бір бөлігін тұрғын үй жағдайын жақсартуға, емделуге жұмсауға, сондай-ақ жеке инвестициялық компаниялардың басқаруына беру мақсатында пайдалануға құқық берді.
Бұл құқықты зейнетақы жинағының сомасы ең төменгі жеткілікті шектен асатын салымшылар пайдалана алады.
2021 және 2022 жылдардағы шекті мөлшерлерді&nbsp;<a href="https://www.enpf.kz/kz/services/withdrawal/withdrawal-check.php">БЖЗҚ сайтынан</a>&nbsp;көре аласыз.
2022 жылға есептелген жеткілікті шек:
<ul>
<li>20 жас – 3 140 000 теңге,</li>
<li>21 жас – 3 250 000 теңге,</li>
<li>22 жас – 3 370 000 теңге,</li>
<li>23 жас – 3 490 000 теңге,</li>
<li>24 жас – 3 610 000 теңге,</li>
<li>25 жас – 3 730 000 теңге,</li>
<li>26 жас – 3 860 000 теңге,</li>
<li>27 жас – 3 980 000 теңге,</li>
<li>28 жас – 4 110 000 теңге,</li>
<li>29 жас – 4 240 000 теңге,</li>
<li>30 жас – 4 370 000 теңге,</li>
<li>31 жас – 4 510 000 теңге,</li>
<li>32 жас – 4 640 000 теңге,</li>
<li>33 жас – 4 780 000 теңге,</li>
<li>34 жас – 4 920 000 теңге,</li>
<li>35 жас – 5 060 000 теңге,</li>
<li>36 жас – 5 200 000 теңге,</li>
<li>37 жас – 5 350 000 теңге,</li>
<li>38 жас – 5 490 000 теңге,</li>
<li>39 жас – 5 640 000 теңге,</li>
<li>40 жас – 5 790 000 теңге,</li>
<li>41 жас – 5 950 000 теңге,</li>
<li>42 жас – 6 100 000 теңге,</li>
<li>43 жас – 6 260 000 теңге,</li>
<li>44 жас – 6 420 000 теңге,</li>
<li>45 жас – 6 580 000 теңге,</li>
<li>46 жас – 6 750 000 теңге,</li>
<li>47 жас – 6 920 000 теңге,</li>
<li>48 жас – 7 090 000 теңге,</li>
<li>49 жас – 7 260 000 теңге,</li>
<li>50 жас – 7 430 000 теңге,</li>
<li>51 жас – 7 610 000 теңге,</li>
<li>52 жас – 7 790 000 теңге,</li>
<li>53 жас – 7 970 000 теңге,</li>
<li>54 жас – 8 150 000 теңге,</li>
<li>55 жас – 8 340 000 теңге,</li>
<li>56 жас – 8 530 000 теңге,</li>
<li>57 жас – 8 720 000 теңге,</li>
<li>58 жас – 8 920 000 теңге,</li>
<li>59–62 жас – 9 120 000 теңге.</li>
</ul>
<a href="https://m.sputnik.kz/economy/20211203/18813375/zeynetaqy-zhinagy-zhetkilikti-shek.html">Sputnik Қазақстан</a>

Қазақстан және Қызылорда облысының жаңалықтары

Қызылордалықтар МӘМС қорына 24,9 млрд теңге аударды

30 градус аяз: Ертеңнен бастап күн суытады

Жаңақорғанда қоян аулаған браконьерлер ұсталды

Елбасының «Елдіктің жеті тұғыры» қағидаты «Miras» аймақтық қоғамдық кеңес отырысында талқыланды

Қызылордада коронавирустан жазылғандар бар

Қызылордада 4 адамнан коронавирус анықталды

Елбасы Нұрсұлтан Назарбаевтың «Тәуелсіздік тағылымы» атты мақаласы

Қызылордада тұман, түнде көктайғақ болады

Қызылорда мен Навои облыстары арасындағы әріптестік нығая түспек

Маман мандариннің кімдер үшін аса қауіпті екенін айтты

Өзбекстан президенті: Арал апатын назардан тыс қалдыруға болмайды

Зейнетақы жинағының “жеткілікті шегі” неліктен күрт өсті – БЖЗҚ жауабы

Қазақстан және Қызылорда облысының жаңалықтары

Қызылордалықтар МӘМС қорына 24,9 млрд теңге аударды

30 градус аяз: Ертеңнен бастап күн суытады

Жаңақорғанда қоян аулаған браконьерлер ұсталды

Елбасының «Елдіктің жеті тұғыры» қағидаты «Miras» аймақтық қоғамдық кеңес отырысында талқыланды

Қызылордада коронавирустан жазылғандар бар

Қызылордада 4 адамнан коронавирус анықталды

Елбасы Нұрсұлтан Назарбаевтың «Тәуелсіздік тағылымы» атты мақаласы

Қызылордада тұман, түнде көктайғақ болады

Қызылорда мен Навои облыстары арасындағы әріптестік нығая түспек

Маман мандариннің кімдер үшін аса қауіпті екенін айтты

Өзбекстан президенті: Арал апатын назардан тыс қалдыруға болмайды

Зейнетақы жинағының &#8220;жеткілікті шегі&#8221; неліктен күрт өсті – БЖЗҚ жауабы

Зейнетақы жинағының “жеткілікті шегі” неліктен күрт өсті – БЖЗҚ жауабы