<a href="https://kyzylorda-news.kz/">Kyzylorda-news.kz.</a> Бейбіт күннің әр сәті баға жетпес байлық. Ел елеңдеген, көңілге кірбің түсірген кешегі жағдай тыныштықтан асқан бақыт жоқ екенін тағы бір ұғындыра түсті. Өз талабымызды айтып, бейбіт шеруге шығамыз деген халықтың бастамасы берекетсіздікке, лаңкестік әрекетке ұласып, қаланың көркі қашып, ең қиыны азаматтар қыршыннан қиылды. Тұтқиылда болған бұл жағдайдан ел абдырап, жылдар бойы алаңсыз, жайлы өмірге үйренген жұрт қалыпты тіршілігінен жаңылды.
Осындай күрделі сәтте Мемлекет басшысы Қасым-Жомарт Тоқаевтың көпшілікті сабырға шақырып, нақты шешімдер қабылдауы елдің ертеңге деген сенімін нығайтты. Отандық телеарналар арқылы Ел Президентінің жолдаған Үндеуі елордадан бастап, шалғайдағы ауыл жұртына дейін жетіп, қауіпсіздікті қамтамасыз ету, жағдайды тұрақтандыру бағытында ауқымды жұмыс жүргізіліп жатқанынан ел тегіс хабардар болып отырды. Бұл шаралар көпшіліктің күрделі жағдайды тез бағамдап, қоғамдық тәртіпті, қауіпсіздікті қатаң сақтауына үлкен ықпал етті. Өйткені, ахуал тым күрделі еді. Ел аумағында террористік қауіптің «шекті қызыл» деңгейі енгізіліп, антитеррорлық операциялар басталды. Халық пен билік арасын ушықтырып, тұрақтылықты бұзғысы келгендерді анықтау, тұрғындарға төнген қауіпті сейілту басты мақсатқа айналды.
Облыста орын алған жағдай кезінде оң-солын танып үлгермеген жастардың теріс ниеттегі адамдардың сөзіне сеніп, бұзақылық жасамауы, өмірі мен денсаулықтарына қауіп төнбеуі үшін бақылауды күшейттік. Ең бастысы, тәртіпсіздікке барған адамдар арасында біздің оқу орнында оқитын білім алушылар болған жоқ. Жатақханада тұратын студенттердің қысқы демалыста түгелдей ауыл-аймақтарына баруы үшін жағдай жасалды. ҚР Білім және ғылым министрлігінің тапсырмасына сәйкес, студенттердің қысқы демалысы 24 қаңтарға дейін созылды. Алдағы уақытта академиялық күнтізбеге сәйкес екінші семестр жалғасатын болады. Төтенше жағдайға байланысты профессор-оқытушылар мен қызметкерлердің қауіпсіздігі үшін жұмыс режиміне өзгеріс енгізіліп, барынша қолайлы жағдай жасалуда.
Елдегі әрбір адамды алаңдатқан бұл ахуал кезінде Мемлекет басшысының «біз жұмыла отырып, Қазақстан осы сын сағатты бірге еңсереміз» деп әрбір қазақстандыққа жігер беруі алдағы атқарылар жұмыстарға серпін берді. 
Мемлекет басшысы Мәжіліс отырысында еліміз душар болған ауыр қасіреттің себептерін саралап, оның салдарына нақты баға беру керегін айтты.
– Тәуелсіздік тарихында біз алғаш рет аса күрделі және қатерлі кезеңге тап болдық. Ел басына түскен осындай сынақты қайыспай біртұтас ел болып еңсере білдік. Енді біз мұндай жағдайға ешқашан жол бермеуіміз қажет. Сондықтан еліміз душар болған ауыр қасіреттің себептерін саралап, оның салдарына нақты баға беру – алдымызда тұрған өте маңызды міндет, – деп алдағы міндеттерді айқындап берді.
Егемендіктің әрбір таңын қуанышпен қарсы алып, тәуелсіздікті бағалау әрі тұғырлы етуге күш салу – баршамыздың міндетіміз. Тарихқа шолу жасасақ, қай кезде де дана халқымыз бірлікті бәрінен биік қойып, жанжал мен қақтығысты болдырмауға күш салғаны, мәселені байыппен, саралап шешкені белгілі. Экономикалық жағдайларға байланысты түрлі жағдайлар орын алғанымен, қандай мәселенің де шешімі бар. Өзара алауыздықты көздеген сыртқы күштердің қандай болатынын өткен аптадағы ахуал айқын аңғартты. Қандай жағдай болмасын бізге ортақ Отанымыздың тыныштығы қымбат.
Еліміздегі кез келген тұрғын өзінің күш-қауаты, білімі мен қабілеті арқылы сала жұмыстарын жандандырып, елдікті нығайта алатынына, біріміз бәріміз үшін деп жұмылғанда ғана азаттық рухы әрқашан асқақ болатынына сенімдімін.
Бейбіткүл КӘРІМОВА, 
Қорқыт ата атындағы Қызылорда университетінің 
Басқарма Төрағасы – Ректоры, қалалық мәслихат депутаты.

Бейбіткүл Кәрімова: Тәуелсіздікті тұғырлы ету өз қолымызда

<a href="https://kyzylorda-news.kz/">Kyzylorda-news.kz.</a> 2022 жыл басы&nbsp; – тәуелсіздігіміздің, халқымыздың бірлігінің сыналған кезеңі болып басталды. Тұтас елдің басына туған сын сағатта, ел басына күн туғанда&nbsp; тәуелсіз елдің ұрпағы бір-бірін қорғап, қолдап ауызбірлік танытқандығының арқасында бұл қиын кезеңді де еңсерудеміз.
Осындай қиын шақта, халыққа қолдан келгенше көмек қылған жандар жетерлік. Сондай ер-азаматтардың бірі,&nbsp; отставкадағы зейнеткерлер, Қанат Исмайлов, Бағдат Тұрғанбеков, Ержан Ұлымбаев төтенше жағдай кезінде күшейтілген режиммен жұмыс жасаған ЗК-169/1 тергеу изоляторының жеке құрамына келіп,&nbsp; осы бір сын сағатта қызметкерлерге моральдік тұрғыда&nbsp; қолдау көрсетті. Қиындықтарды бірге еңсеруге шақырды. Күшейтілген режиммен жұмыс жасап жатқан жігіттерге өз қаражаттары есебінде ас-су әкеліп берді.
<blockquote>
 «Біз, бір елдің азаматтары ретінде бір-бірімізге қолдау білдіруіміз қажет, тәуелсіздік жылдарында дүниеге келген жастар бүгін міне, біздің ізімізді жалғап, ел тыныштығы мен қауіпсіздігін қорғау жолында өзіміз жұмыс жасаған тергеу изоляторында қарқынды еңбек етуде. Осындай қиын шақта&nbsp; ел ұландары мен мекеме басшылығын моральдік тұрғыдан қолдауды жөн көрдік», – дейді&nbsp; зейнеткерлер.
</blockquote>
&nbsp;Осылайша, егемендігіміздің іргесіне ірткі түсіп, тәуелсіздігіміздің тыныштығына бұзылған&nbsp; шақта&nbsp; алдыңғы толқын ағалар&nbsp; жас қызметкерлердің ортасына келіп, оларға жігер беріп, кезінде бастарынан өткен қиын сәттерде табандылық танытып жеңіске жеткендіктерін айтып берді. Сондай-ақ,&nbsp; погондағы тәжірибиелі азаматтарымыз, өз еріктерімен басқа да, зейнеткерлерден топ құрып, патрульдеуге дайын екендіктерін жеткізді. Ел тыныштығын қорғауға құлшынып тұрған&nbsp; бұл патриот жандарға медаль да, мақтау да, керек емес. Олардың тілейтіні елінің амандығы, жұртының тыныштығы.&nbsp;
Өсер&nbsp; елдің ұлдары бірін-бірі батыр дер демекші. Мекеме бастығы әділет подполковнигі А.Тасқараев&nbsp; зейнеткер қызметкерлердің бұл ағалық жолы мен үлгі өнегесіне разылығын білдірді.

Зейнеткерлер сын сағатта демеу болды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде білім алу үшін конкурстық іріктеуге құжат қабылдау ертең, яғни 12 қаңтарда басталады.
Елімізде қалыптасқан төтенше жағдайға байланысты қабылдау комиссиясының жұмыс кестесіне өзгерістер енгізілді: дүйсенбі-жұма күндері сағат 9.00 – 17.00 аралығында, сенбі күні 9.00-ден 13.00-ге дейін. Түскі үзіліс уақыты: сағат 12.00-13.00 аралығында. Құжаттарды қабылдау Сұлтан Бейбарыс көшесі, 6 мекен-жайы бойынша жүргізіледі.
Байланыс телефондары: 8 (7242) 402377, 402375. 
Қосымша ақпарат kzl.nis.edu.kz сайтынан «Үміткерлер» бөлімінде көрсетілген.

Назарбаев Зияткерлік мектебіне құжат қабылдау басталды

<a href="https://kyzylorda-news.kz/">Kyzylorda-news.kz.</a> Мәжіліс отырысына бейнебайланыс арқылы қатысқан Мемлекет басшысы Қасым-Жомарт Тоқаев Үкімет мүшелерінің жалақысын көтеруге 5 жылдық мораторий жариялады.
<blockquote>
 «Бұл мәселе өткен жыл қоғамда қызу талқыға түсті. Сондықтан мемлекет басындағы қызметкерлердің жалақысы жеткілікті деп ойлаймын. Үкімет мүшелері, әкімдердің, депутаттардың жалақысын көтеруге 5 жылдық мораторий жариялаймын. Бұл Мәжіліс депуттатары үшін жағымсыз жаңалық шығар, бірақ түсіністік танытады деп сенемін. Әкімшілік қызметкерлерінің жалақасын экономика мүмкіндігіне сай көтеруді тапсырамын», – деді Мемлекет басшысы.
</blockquote>

Президент Үкімет мүшелерінің жалақысын көтеруге 5 жылдық мораторий жариялады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев утильдік алым ставкаларын қайта қарауды тапсырды, деп хабарлайды <a href="https://www.inform.kz/kz/prezident-util-dik-alym-stavkalaryn-kayta-karaudy-tapsyrdy_a3883845">ҚазАқпарат</a>.
<blockquote>
 «Кәсіпкерлер мен жалпы қоғамда «Оператор РОП» компаниясының қызметі көптеген сұрақ туындатып отыр. Тіпті осы жеке компанияға қарсы қоғамдық қозғалыс та ұйымдастырылды. Мен Үкіметке «Оператор РОП» утильдік алым жинауына тыйым салуын тапсырамын. Мұнымен шет мемлекеттердегідей мемлекеттік ұйым айналысуы керек. Алымдардың өзіне келсек, олардың ставкасы қайта қаралуы керек», – деді Президент.
</blockquote>
Президент бұл мәселені бизнеспен және қоғаммен конструктивті түрде талқылау керегін айтты.

Президент утильдік алым ставкаларын қайта қарауды тапсырды

<a href="https://kyzylorda-news.kz/">Kyzylorda-news.kz.</a>&nbsp;Халықтың барлық тобының табысы экономика өсіміне қарай көтерілуі керек. Бұл туралы Қазақстан президенті Қасым-Жомарт Тоқаев мәжіліс отырысында мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 «Азаматтардың көптеген маңызды мәселесі шешілген жоқ. Халықтың барлық тобының табысы экономика өсіміне қарай көтерілуі керек. Елде құрылған әлеуметтік-экономикалық жүйе ұлттық табысты қамтамасыз етуде айтарлықтай тиімділігін көрсетті. Бірақ оны бөлу тиімсіз болып отыр. Сіздер мұны жақсы түсінесіздер және білесіздер», – деді Тоқаев.
</blockquote>
Президенттің пікірінше, ең алдымен еліміздің жаңа экономикалық тұғырын қалыптастыруды мықтап қолға алу керек. &nbsp;
<blockquote>
 «Экономикалық саясатымыздың мақсаты айқын. Бұл – заман талабына сай әлеуметтік бағдары бар нарықтық экономика құру және дамыту. Бұл жүйенің өзегінде қоғам&nbsp; алдындағы жауапкершілігін сезіне білетін кәсіпкерлеріміздің ауқымды тобы тұратыны анық. Яғни, бұл өзінің және балаларының тағдырын Қазақстанмен ғана байланыстыратын кәсіпкерлер», – деп түйіндеді ол.
</blockquote>

Тоқаев: Халықтың табысы көтерілуі керек

<a href="https://kyzylorda-news.kz/">Kyzylorda-news.kz.</a> Сыр волонтерлары тәртіпсіздік кезінде лаңкестердің шабуыл жасаған нысандарын қалпына келтіру мақсатында сала қызметкерлеріне көмек қолын созуда.
10 қаңтарда ерікті жастар облыстық және қалалық соттың ғимаратын күл-қоқыстан тазартты.
Сондай-ақ, волонтерлар шаһарды тазартуға атсалысып жатқан азаматтарға ыстық тамақ таратуда.
<img src="https://kyzylorda-news.kz/wp-content/uploads/2022/01/271716813_1450114502050724_4735836728283444943_n.jpg" alt="" />
<img src="https://kyzylorda-news.kz/wp-content/uploads/2022/01/271764211_1450115358717305_7044387938755385621_n.jpg" alt="" />

Сыр волонтерлары көмек көрсетуде

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Мәжіліс отырысында еліміз душар болған ауыр қасіреттің себептерін саралап, оның салдарына нақты баға беру керегін айтты, деп хабарлайды ҚазАқпарат.
<blockquote>
 «Тәуелсіздік тарихында біз алғаш рет аса күрделі және қатерлі кезеңге тап болдық. Ел басына түскен осындай сынақты қайыспай біртұтас ел болып еңсере білдік. Енді біз мұндай жағдайға ешқашан жол бермеуіміз қажет. Сондықтан еліміз душар болған ауыр қасіреттің себептерін саралап, оның салдарына нақты баға беру – алдымызда тұрған өте маңызды міндет», – деп атап өтті Президент Мәжіліс отырысында.
</blockquote>
Президент бүгінде халық арасында осы оқиғаға байланысты түрлі қарама-қайшы, шындыққа жанаспайтын жалған ақпараттар тарап кеткенін айтты.
<blockquote>
 «Мұның, әрине, бірнеше себебі бар. Кей азаматтарымыз ахуалды егжей-тегжейлі білмей тұрып қате пікірде болса, кейбірі әдейі ақпаратты бұрмалап, жағдайды одан бетер ушықтырады. Бірақ, бізге керегі тек ақиқат қана. Сол себепті, оқиғаларды мұқият зерттей отырып айтарым – жыл басынан бері болған барлық жағдайлар бір тізбектің тармақтары деуге толық негіз бар. Ашығын айтсақ, бұл бірнеше жыл бойы алдын ала ойластырылған зұлымдықтың көрінісі. Олардың көздегені – өздерінің қатыгез пиғылдарын іске асыру болғаны айдан анық», – деді Қ. Тоқаев.
</blockquote>

Президент: Ауыр қасіреттің салдарына нақты баға беру – алдымызда тұрған маңызды міндет

<a href="https://kyzylorda-news.kz/">Kyzylorda-news.kz.</a>&nbsp;Бүгінде Қызылорда облысында ахуал тұрақты. Бұл туралы Қызылорда облысы әкімдігінің баспасөз қызметі хабарлады.
Террористік актіге қарсы операция жұмысы әлі де жалғасып жатыр. 5 қаңтардан бүгінге дейін 391 азамат полиция органдарына жеткізілді. Ал, 62 азамат уақытша қамау изоляторына қамалды. Төтенше режим талабын бұзған – 82 адам анықталды.
Блок-бекеттерден тәртіп бұзғандар жоқ.
Жансақтау бөлімінде жатқан азаматтар стационарға ауысуда.&nbsp; 5 қаңтардан бері 204 азамат медициналық көмекке жүгінсе, солардың 48-ы емханада ем алса, 9-ы жансақтау бөлімінде жатыр.
Барша Сыр елінің азаматтарынан тәртіпті сақтап, үйде болуға шақырамыз. Аса қажет жағдайда жеке куәліктеріңізбен шығуларыңызды сұраймын. Қиын кезеңнен бірлікпен шығайық. Біздің күшіміз бірлікте!

Қызылордада ахуал тұрақты

<a href="https://kyzylorda-news.kz/">Kyzylorda-news.kz.</a> Қазақстан президенті Қасым-Жомарт Тоқаев мәжіліс отырысында еліміз душар болған ауыр қасіретке бірнеше жыл бойы алдын ала ойластырылған зұлымдықтың көрінісі деп баға берді.
Оның айтуынша, Қазақстан Тәуелсіздік тарихында алғаш рет аса күрделі және қиын кезеңге тап болды.
<blockquote>
 «Ел басына түскен осындай сынақты қайыспай біртұтас ел болып еңсере білдік. Енді біз мұндай жағдайға ешқашан жол бермеуіміз керек. Сондықтан еліміз душар болған ауыр қасіреттің себептерін саралап, оның салдарына нақты баға беру алдымызда тұрған өте маңызды міндет», – деді Тоқаев.
</blockquote>
Президент бүгінде халық арасында осы оқиғаға байланысты түрлі қарама-қайшы, шындыққа жанаспайтын, жалған ақпараттар тарап кеткенін атап өтті.
<blockquote>
 «Мұның бірнеше себебі бар. Кейбір азаматтар ахуалдың мән-жайын білмей тұрып, қате пікірде болса, кейбірі әдейі ақпаратты бұрмалап, жағдайды одан бетер ушықтырады», – деді ол.
</blockquote>
Алайда, президенттің айтуынша, халыққа ақиқат қана керек.
<blockquote>
 «Сол себепті оқиғаларды мұқият зерттей отырып, айтарым: жыл басынан бері орын алған барлық жағдай бір тізбектің тармақтары деуге толық негіз бар. Ашығын айтқанда, бұл бірнеше жыл бойы алдын ала ойластырылған зұлымдықтың көрінісі. Олардың көздегені өздерінің қатігез пиғылын іске асыру болғаны айдан анық», – деп түйіндеді Тоқаев.
</blockquote>
Айта кетейік, елдегі тәртіпсіздіктерден кейін президент Қасым-Жомарт Тоқаев премьер-министр қызметіне Әлихан Смайыловтың кандидатурасын ұсынды. Мәжілістегі үш фракция да оның кандидатурасын мақұлдады.
<a href="https://sputnik.kz/society/20220111/19110625/oylastyrylgan-zulymdyq-Toqaev.html">Sputnik.kz</a>

Мемлекет басшысы: Бұл алдын ала ойластырылған зұлымдықтың көрінісі

<a href="https://kyzylorda-news.kz/">Kyzylorda-news.kz.</a> ҰҚШҰ әскерлерін шығару процесі екі күннен кейін – 13 қаңтарда басталады. Бұл 10 күнге дейін созылады. Бұл туралы ҚР Президент Қасым-Жомарт Тоқаев мәлімдеді.

Қасым-Жомарт Тоқаев: ҰҚШҰ әскерлерін шығару процесі 13 қаңтарда басталады

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер Премьер-Министрі лауазымына Әлихан Смайылов тағайындалды.
Мәжіліс отырысына бейнебайланыс арқылы қатысқан Мемлекет басшысы Қасым-Жомарт Тоқаев ҚР Премьер-Министрі лауазымына тағайындауға келісім беру үшін Әлихан Асханұлы Смайыловтың кандидатурасын депутаттардың қарауына&nbsp;ұсынған&nbsp;болатын.
Талқылау барысында Мәжіліс депутаттары Президенттің ұсынысын бірауыздан қолдап, Әлихан Смайыловтың Үкімет басшысы болып тағайындалуына келісім берді.
1972 жылы Алматы қаласында дүниеге келген.
1994 жылы Әл-Фараби атындағы Қазақ мемлекеттік ұлттық университетін «қолданбалы математика» мамандығы бойынша тәмамдаған.
1996 жылы — ҚР Президенті жанындағы Қазақстан менеджмент, экономика және болжамдау институтының мемлекеттік басқару магистрі дәрежесіне ие болды.
1993–1999 жылдары — «А-Инвест» инвестициялық–жекешелендіру қорының бас маманы; бөлім басшысының орынбасары, ҚР Ұлттық статистика агенттігінің басқарма басшысы; ҚР Статистикалық жоспарлау және реформалар жөніндегі агенттігінің Статистика және талдау комитеті төрағасының орынбасары; бас сарапшы, экономика секторының меңгерушісі, ҚР Президенті Әкімшілігінің мемлекеттік инспекторы болып қызмет атқарған. 1999–2003 жж. — ҚР Статистика агенттігінің төрағасы.
2003–2006 жж. — ҚР сыртқы істер вице-министрі, «Экспорттық несиелер мен инвестицияларды сақтандыру жөніндегі мемлекеттік сақтандыру компаниясы» АҚ басқарма төрағасы.
2006–2009 жж. — ҚР қаржы вице-министрі, «ҚазАгро» ҰБХ президенті.
2009–2014 жж. — ҚР Статистика агенттігінің төрағасы. 2014–2015 жж. — ҚР Ұлттық экономика министрлігінің Статистика жөніндегі комитетінің төрағасы.
2015–2018 жж. — ҚР Президентінің көмекшісі. 2018 жылғы қыркүйектен бастап 2019 жылғы ақпанға дейін — Қаржы министрі. 2019 жылғы 25 ақпанда Президент Жарлығымен Премьер-Министрдің Бірінші Орынбасары – Қаржы министрі қызметіне тағайындалды.
2021 жылы 18 қаңтарда ҚР Президентінің Жарлығымен осы қызметіне қайта тағайындалды.

Қазақстан және Қызылорда облысының жаңалықтары