<a href="https://kyzylorda-news.kz/">Kyzylorda-news.kz.</a> Операция үстелі – өмір мен өлімнің арпалысқан мекені. Осы жерде дәрігерлер адам өміріне тіршілік нәрін беремін деп жанталасып жатады. Солардың шипалы қолдарының арқасында өмірден күдерін үзген науқас адамдар аман-есен жарық дүниеге қайта оралады.
Алтын қолды хирург Болат Маханбетияров талай балаларды емдеп, оларға өмірге деген екінші мүмкіндік берген.
Маханбетияров Болат Үмбетиярұлы – 2009 жылдан бастап Қызылорда облыстық медициналық орталығына балалар хирургі болып қызметке орналасқан. Негізгі жұмысын атқара жүріп жаңа туған нәрестелер арасында ақаумен туылған сәбилердің хирургиялық патологияларына көңіл аударып, олардың ақауларын анықтап, емдеумен айналысқан.
2011 жылдың желтоқсан айында Санкт-Петербург қаласында неонтальды хирургия бойынша курстан өткен. Осында алған білімін ақаумен туған балалардың сауығып кетуіне арнаған. 
2016 жылы Санкт-Петербург қаласында және 2018 жылы Оңтүстік Кореяның «Северанс» клиникасында неонтальды хирургия бойынша туа болатын ақауларға байланысты ерекшелікті игеріп, ота жасау тәсілдерін жандандырды.
2020 жылдан бастап жоспарлы хирургия болім меңгерушісі қызметін атқарады.
<blockquote>
 «Халық жанына шипа іздеп бірінші дәрігерлерден көмек сұрап келеді. Бар үміті бізде. Сондықтан біз олардың сенімін ақтауға тырысып, жылдар бойы жинаған тәжірибелеріміз арқылы емдеп жазуға тырысамыз. Алдымызға келген азаматтардың сауығып отбасына оралуынан асқан бізге сый жоқ. Себебі қанша еңбек, маңдай теріміз, жұмысымыздың нәтижесі осы халық саулығынан көрінеді. Күнде ауруханаға түрлі аурумен көп балалар түседі. Бірінен кейін, бірі қатарласып «Пилоростеноз» диагнозымен түскен қос нәрестемізге, «Лапароскопиялық пилоромиотомия» операциясын сәтті жасап шықтық. Тараз қаласына жолға шығуды жоспарлап отыр едім, екі періштеміз бірінің артынан бірі түспесі барма. Құдай қалап, сәтін салып, екеуіне де операция жасап үлгердік. Енді жолға уайымдамай шыға беруіме болады. Ал нәрестелерімізді жолдан келгенде аналырының қасында болады деген үміттемін», – дейді Болат Маханбетияров.
</blockquote>

Алғысқа бөленген дәрігер Болат Маханбетияров

<a href="https://kyzylorda-news.kz/">Kyzylorda-news.kz.</a> Мексиканың Лион қаласында ауыр атлетикадан жасөспірімдер арасында өтіп жатқан Әлем чемпионатында 67 кг салмақ дәрежесінде Сыр спортшысы Ерасыл Сәулебеков жеңімпаз атанды.
Ерасыл Сәулебеков жұлқи көтеруден 123, серпе көтеруден 158, қоссайыс бойынша 281 кг салмақты еңсерді.
Спортшының жаттықтырушысы Айдар Ералиев.
<img src="https://kyzylorda-news.kz/wp-content/uploads/2022/06/287946909_174182291715664_2024755464506727553_n.jpg" alt="" />

Сыр спортшысы жасөспірімдер арасындағы  Әлем чемпионатында жеңімпаз атанды

<a href="https://kyzylorda-news.kz/">Kyzylorda-news.kz.</a> Журналистер арасындағы «AMANAT» МЕДИА СЫЙЛЫҒЫ – 2022» республикалық байқауына өтінімдер қабылдау жалғасуда.
«AMANAT» медиа сыйлығы БАҚ жанрына қарамастан тақырыптық бағыттар бойынша беріледі. Сондай-ақ, байқауда Ахмет Байтұрсынұлы атындағы «Сөз зергері» сыйлығы, Шерхан Мұртаза және Камал Смайылов атындағы «Телевизия үздігі» және белсенді азаматтық ұстанымы үшін номинациялар қарастырылған.
Өтінімдер 20 маусымға дейін қабылданады. Жеңімпаздар 24 маусым күні салтанатты түрде марапатталады. Биылғы байқаудың үздіктері статуеткасымен және қаржылай сыйлықпен марапатталады.
Байқау жеңімпаздары екі бағыттағы он номинация бойынша анықталады.
Тақырыбы бойынша: 
• «Жаңа Қазақстанды» құру туралы үздік материал; 
• «AMANAT» партиясының трансформациясы туралы үздік материал; 
• Әлеуметтік мәселеге арналған үздік материал; 
• Аймақ туралы үздік материал; 
• Қазақстан Республикасының Мемлекеттік рәміздерінің 30 жылдығы; туралы үздік материал; 
• Жастар туралы үздік материал; 
• Рухани-мәдени дамуға арналған үздік материал.
Арнайы сыйлықтар: 
• Ахмет Байтұрсынұлы атындағы «Сөз зергері» сыйлығы; 
• Шерхан Мұртаза және Камал Смайылов атындағы «Телевизия үздігі» сыйлығы; 
• Белсенді азаматтық ұстанымы үшін сыйлығы.
Толық ақпаратты amanatpartiasy.kz сайтынан алуға болады. 
Байланыс үшін: 8-7172-916-005, 8-778-097-55-23. 
Электрондық мекенжай: media_premiya@amanatpartiasy.kz

«AMANAT»  медиа сыйлығы – 2022» республикалық байқауына өтінім қабылдау жалғасуда

<a href="https://kyzylorda-news.kz/">Kyzylorda-news.kz.</a> Қазақстанда неке қиюды тіркеудің ай сайынғы мерзімін күнтізбелік 15 күнге дейін қысқарту мәселесі қарастырылуда, сондай-ақ әртүрлі өмірлік жағдайларды ескере отырып, мерзімді қысқарту мүмкіндігі сақталады.
Қолданыстағы заңнама нормаларына сәйкес, некеге тұру туралы өтініш некені мемлекеттік тіркеуден бір ай бұрын беріледі, деп хабарлайды Әділет министрлігінің баспасөз қызметі. Көптеген жұп үшін бұл тым ұзақ және оны азайту үшін қосымша құжаттарды тіркеу керек.
Жүктілік, баланың тууы, тараптардың бірінің өміріне тікелей қауіп төнуі және басқа да ерекше жағдайлар сияқты дәлелді себептер болған жағдайда некені тіркеу мерзімін бір күнге дейін қысқартуға болады. Ол үшін тиісті құжаттарды, медициналық мекемелерден, жұмыс немесе оқу орындарынан анықтамаларды ұсыну&nbsp;керек.
Көптеген ерлі-зайыпты&nbsp;тіркеу органдарына жүгінген кезде той күнін алдын ала белгілеп, мейрамханаларға тапсырыс береді, содан кейін ғана некені тіркеуге өтініш береді. Алғаш үйленгелі отырған әрі&nbsp;баласы жоқ жастар үшін құжаттардан тек жеке куәлік пен мемлекеттік баж салығын төлеу талап етіледі.
Айта кетейік, Қазақстанда соңғы 10 жылда тіркелген некелер санының тұрақты өсуі байқалады. 2018 жылы 138 876 неке қиылса, 2019 жылы&nbsp;139 735, 2020 жылы&nbsp;129 165, 2021 жылы&nbsp;140 762. Пандемия ықпал еткендіктен&nbsp;2020 жылы некеге тұруға ниет білдіргендер аз болған.
&nbsp;<a href="https://stan.kz/">Stan.kz</a>

Қазақстанда некені тіркеуге өтініш беру мерзімі қысқара ма?

<a href="https://kyzylorda-news.kz/">Kyzylorda-news.kz.</a>&nbsp; Аса қауіпті зиянкестердің ішінде ауылшаруашылығына ең қауіптісі – үйірлі шегіртке тектес зиянкестер (азиялық шегіртке және итальяндық прус). Жалпы алғанда шегірткенің жаппай таралып, ауылшаруашылығы жерлеріне айтарлықтай зиян келтіруі көптеген факторға байланысты.
Биыл Арал ауданында шегіртке тектес зиянкестерге қарсы 6000 гектар жерге химиялық өңдеу жұмыстары жүргізіледі деп жоспарланған.
Осы орайда, Қарақұм, Сазды және Аққұм ауылдық округтерінен 5600 гектар жерге шегіртке тектес зиянкеске қарсы қорғаныс іс-шаралары жүргізілді. Оның ішінде әуе ұшағымен 4200 гектар, жер агрегатымен 1400 гектар жерге улау жұмыстары жүргізілді.
Қазіргі таңда химиялық өңдеу жұмыстарына 1 дельта план және 1 жер агрегаты (УАЗ) жұмылдырылуда.
<blockquote>
 «Зиянкестердің көбеюі өнімнің және жануарлардың азаюына алып келеді. ҚР «Өсімдіктерді қорғау туралы» Заңына сәйкес облыстық аумақтық инспекциясының әр аудандағы инспекторлары заң талабын барлық шаруа қожалық етуші субъектілердің қалтқысыз сақтауын қадағалайды. Барлық жер иеленуші жеке және заңды тұлғалар өз иелігіндегі жерде фитосанитарлық мониторинг пен фитосанитарлық iс-шараларды жүргiзуге және зиянды организмдердiң зиян тигiзудiң экономикалық шегiнен көп дамуы мен таралуына жол бермеуге тиісті. Осындай ауқымды жұмыстардың арқасында биыл да ауылшаруашылығы дақылдарын, шабындықтар мен жайылымдарды зиянды түрлі организмдерден сақтап қалатынымызға сенім білдіруге болады», – деді аудан әкімінің орынбасары Еркін Әбішев.
</blockquote>
<img src="https://kyzylorda-news.kz/wp-content/uploads/2022/06/288050519_3289278914733805_5821973842495886142_n.jpg" alt="" />

Аралда шегірткеге қарсы күрес күшейді

<a href="https://kyzylorda-news.kz/">Kyzylorda-news.kz.</a> Кезекті толған ай 14 маусымда басталып, бұл жолы Жер тұрғындары ерекше көрініске куә болмақ,&nbsp;деп хабарлайды&nbsp;<a href="https://www.inform.kz/ru/luna-maksimal-no-priblizitsya-k-zemle_a3943995">ҚазАқпарат.</a>
Ай Нұр-Сұлтан уақытымен сағат 17:52-де толып, 11,5 сағаттан кейін өз орбитасының Жерге ең жақын нүктесі – перигейден шамамен 357429 шақырымнан өтеді, деп хабарлайды&nbsp;<a href="https://vk.com/astro.nomy">«Бақылау астрономиясы»</a>&nbsp;сайты.
Айдың көрінетін диаметрі орташа мәнге қатысты шамамен 8% өсіп, жарығы шамамен 13% артады.
Ал көкжиекке жақын жерде (кешке және таңертең) «ай иллюзиясына» байланысты жердің серігі ірі болып көрініп тұрады.
Астрологтар алдағы «суперайға» қатысты түрлі пікір айтып жатыр. Бұл – адамдар үшін кешірім жасап, алғыс білдіре алатын ең қолайлы уақыт.

Бүгін толған ай жерге барынша жақындайды

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрлігі Мемлекет Басшысы тағайындаған «Тәуелсіздік ұрпақтары» грантын ұсыну жөніндегі конкурстың басталғаны туралы хабарлайды.
2022 жылы әрбір грантқа 3 млн.теңгеден 30 грант берілетін болады.
Грант берудің мақсаты белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекеттік қолдау болып табылады.
Конкурстық өтінімдерді қабылдау аяқталған кезде жасы 14-тен кем емес және 29-дан аспайтын, конкурсқа қатысуға өтінім берген Қазақстан Республикасының кез-келген азаматы үміткер бола алады.
Гранттар Қазақстан Республикасының азаматына жаңа идеялар мен бастамаларды іске асыру үшін конкурстық негізде мынадай бағыттар бойынша беріледі:
«Ғылым»&nbsp;– ғылымның басым секторларында жаңа ғылыми жобаларды және зерттеулерді іске асыруға арналған;
«Мәдениет»&nbsp;– Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;
«Ақпараттық технологиялар»&nbsp;– жаңа IT шешімдер мен жобаларды, оның ішінде жаңадан басталған стартап жобаларды іске асыруға және дайындауға арналған;
«Бизнес»&nbsp;– экономиканың басым секторларында жаңа бизнес-идеяларды іске асыруға арналған;
«Медиа»&nbsp;– жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған.
Үміткерлердің конкурстық өтінімдері&nbsp;(қағаз нұсқада) ағымдағы жылғы&nbsp;14&nbsp;тамызға&nbsp;дейін мына мекенжай бойынша қабылданады: Нұр-Сұлтан қаласы, Мәңгілік Ел даңғылы, 8, «Министрліктер Үйі» Әкімшілік ғимараты (14-кіреберіс); Байланыс нөмірлері: 8(7172)74-12-78, 8(702-000-88-12),&nbsp;(электрондық нұсқасы)&nbsp;<a href="mailto:generation.kaz@gmail.com">generation.kaz@gmail.com</a>&nbsp;поштасына қабылданады.&nbsp;
Конкурстық өтінімдер мемлекеттік және (немесе) орыс тілдерінде қабылданады және:
1) нысан бойынша жобаның сипаттамасы;
2) жобаның бейне-таныстырылымы (60 секундтан аспайды);
3) шығыстар сметасының жобасы;
4) зияткерлік меншік туралы мәліметтер (бар болса) қамтылуы тиіс.
Айта кетейік, 2021 жылы Тәуелсіздік күні қарсаңында Мемлекет Басшысы Қ.К. Тоқаев еліміздің 30 жас азаматына «Тәуелсіздік ұрпақтары» грантын табыс етті.&nbsp;Оның ішінде 5 жас адам «Мәдениет» бағыты бойынша, 6 адам – «Ғылым», 5 адам – «Ақпараттық технологиялар», 5 адам – «Медиа», 9 адам – «Бизнес». ҚР Мемлекеттік хатшысының 2022 жылғы 25 ақпандағы №2 Өкімімен грант алушылар Намурадин Айсана мен Наумова Динара ҚР Президентінің жанындағы жастар саясаты жөніндегі Кеңестің құрамына кірді.

«Тәуелсіздік ұрпақтары» грантына өтінім қабылдау басталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы маусымның 14-і күнгі күн райы болжамын жариялады.
Кәсіпорын таратқан деректерге қарағанда, Қазақстан территориясының басым бөлігіне әлі де циклонның және онымен байланысты атмосфералық ағындардың ықпалында болады. Соған байланысты күн райы құбылмалы болады, найзағаймен бірге жаңбыр жауады, сонымен бірге бұршақ жауып, дауыл тұрады, еліміздің оңтүстік-шығысында нөсер жауын жауады. Республика бойынша жел күшейеді, оңтүстік-батыста, оңтүстігінде шаңды дауыл тұрады.
Күндіз Қызылорда облысының орталығында шаңды дауылмен бірге жел 15-20 м/с-қа дейін күшейеді.

Сейсенбіде ауа райы қандай болады?

Kyzylorda-news.kz. Ауыл шаруашылығы – ел экономикасының маңызды саласы. Алпыс жылдан астам тарихы бар Шиелі индустриалды-аграрлық колледжі аймағымыздағы ауыл шаруашылығы мамандарын даярлайтын іргелі білім ордасы.
Құрылған уақыттан бері бұл оқу орнын 10000-ға жуық маман бітірген. Бүгінде колледж түлектері облыста ғана емес, республикамызда табысты еңбек етуде. Соның бірі – «Үздік түлек» айдарының кейіпкері Елдос Есжанов.
Елдос Аятжанұлы – Шиелі индустриалды-аграрлық колледжін 2016 жылы бітірген. Әке жолын жалғастырған ол аталған оқу ордасын «Ауыл шаруашылығы өндірісінің тракторшы-машинисі» мамандығы бойынша тәмамдаған. 
Колледж қабырғасында теориялық білімін тәжірибемен ұштастыра білген Елдос көптеген аудандық, облыстық, байқауларға қатысып, жүлделі орындарға ие болды.
Елдос бүгінде «Байсын» шаруа қожалығында бас инженер болып жұмыс жасайды. Біздің кейіпкеріміз жастарды ерінбей еңбек етуге, ауыр жұмыстан қашпауға, мамандықты терең білуге шақырады.
<blockquote>
 «Өз ісінің білгірі һәм шебері болу табысты болудың кілті» – дейді ол. 
 ​
</blockquote>

Еңбекқорлық формуласы (ВИДЕО)

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық жануарлар дүниесін мемлекеттік қорғау жөніндегі мамандандырылған мекемесінің инспекторлары кезекті рейд барысында заңмен тыйым салынған сексеуіл ағашын тасымалдаған тұрғынды тоқтатты.
Бүгін сағат 13:30 шамасында Амангелді ауылының шығыс жақ беткейінде шамамен 3 шақырым жерде, Сырдария ауданының тұрғыны басқаруындағы ауыр жүк көлігінен сындыруға тыйым салынған сексеуіл отын ағашын толтыра тиеп келе жатқандығы анықталды.
ҚР ӘҚБтК-нің 389 бабында көзделген әкімшілік құқық бұзушылықтың орын алуына байланысты заңды шешім қабылдау үшін, жинақталған құжаттар Қызылорда облысы орман шаруашылығы және жануарлар дүниесі аумақтық инспекциясына жолданады.
<img src="https://kyzylorda-news.kz/wp-content/uploads/2022/06/seksewil1.jpg" alt="" />

Қызылордада сексеуіл тасымалдаған тұрғын ұсталды

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі өкілі Қазақстандағы орташа зейнетақы мөлшерін айтты, – деп хабарлайд ведомствоның баспасөз қызметі.
Еңбек министрлігінің мәліметінше, 1 маусымдағы жағдай бойынша, қазақстандықтарға 1,2 триллион теңгеден аса сома зейнетақы төленген. 2022 жылғы мамырда республикалық бюджеттен зейнетақы төлеміне 235,4 миллиард теңге, оның ішінде базалық зейнетақыға 71,3 миллиард теңге, ынтымақты зейнетақыға 163,2 миллиард теңге жұмсалған.
<blockquote>
 «2022 жылғы 1 маусымдағы жағдай бойынша, зейнеткерлер саны – 2 миллион 246 мың. 2022 жылғы 1 маусымдағы жағдайға сәйкес, зейнетақы төлемінің орташа мөлшері – (базалық зейнетақы төлемін ескере отырып)&nbsp;105 189 теңге», – делінген хабарламада.
</blockquote>

1 маусымдағы жағдай бойынша зейнетақының орташа мөлшері белгілі болды

<a href="https://kyzylorda-news.kz/">Kyzylorda-news.kz.</a> Президенттік жастар кадрлық резервінің іріктеуінен өтіп, жеңімпаз атанған қызылордалық мемлекеттік қызметші департамент басшысы қызметіне көтерілді.
Асылхан Сүйіндіков осы кезге дейін Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы қызметін атқарған.
10 маусым күнінен бастап ол&nbsp; Қазақстан Республикасы Сауда және интеграция министрлігі Сауда комитеті Қызылорда облысының Сауда департаментінің басшысы қызметіне&nbsp; тағайындалды.
Асылхан Сүйіндіков 1987 жылы туған. Білімі жоғары. Қазақ-Британ техникалық университетін «Экономика» мамандығы бойынша бітірген, 2017 жылы “Болашақ” бағдарламасы бойынша Англияда Эксетер университетінде қаржы мамандығы бойынша магистр дәрежесін алған.
Еңбек жолын 2010 жылы “ТМФ Казахстан” ЖШС есепшінің көмекшісі қызметінде бастап, әрі қарай экономика саласында қызмет атқарып,&nbsp; бірқатар мемлекеттік органда талдаушы, сарапшы болып жұмыс жасаған.
Жас мемлекеттік қызметші орталық мемлекеттік органдарда тәжірибе жинап, осы кезге дейін ҚР Ұлттық экономика министрлігінде жауапты қызметтерді абыроймен атқарып, осы жылдың 10 маусымына дейін Қызылорда облысы әкімі аппаратының бас инспекторы қызметінде болған.
<img src="https://kyzylorda-news.kz/wp-content/uploads/2022/06/1-1.jpg" alt="" />

Қазақстан және Қызылорда облысының жаңалықтары