<p><strong>Kyzylorda-news.kz. Мемлекет басшысы Қасым-Жомарт Тоқаев Қазақстан Республикасының елордасы &#8212; Нұр-Сұлтан қаласының атауын Қазақстан Республикасының елордасы &#8212; Астана қаласы деп өзгерту туралы Жарлыққа қол қойды.</strong> </p>
<p>&#171;Қазақстан Республикасының əкімшілік-аумақтық құрылысы туралы&#187; 1993 жылғы 8 желтоқсандағы Қазақстан Республикасы заңының 9-бабына сәйкес қаулы етемін:</p>
<p>1.&nbsp;Қазақстан Республикасының елордасы &#8212; Нұр-Сұлтан қаласының атауы Қазақстан Республикасының &nbsp;елордасы &#8212; Астана қаласы деп өзгертілсін.</p>
<p>2.&nbsp;Осы Жарлық алғашқы ресми жарияланған күнінен бастап қолданысқа енгізіледі&#187;, &#8212; делінген Жарлықта.&nbsp;</p>

Елордаға бұрынғы Астана атауы қайтарылды

<p><strong>Kyzylorda-news.kz. Аймақ басшысы Нұрлыбек Нәлібаевтың тапсырмасы аясында облыс әкімінің орынбасары Нұрымбет Сақтағанов Жаңақорған ауданында құқық қорғау органдарының басшыларымен бірге құқық бұзушылықтардың алдын алу мен қоғамдық тәртіпті қамтамасыз ету және тағы да басқа мәселелер бойынша аудан тұрғындарына қабылдау өткізді.</strong><br><br>Қабылдау барысында Қожакент, Жаңарық ауылдық округының тұрғындары жер мәселесі, ақылы жол, қараусыз жүрген үй жануарлары туралы өз мәселелерін көтерді. Облыс әкімінің орынбасары аудан тұрғындарының қоғамдық қабылдау кезінде көтерген мәселелерін жеке бақылауына алып, тиісті сала басшыларына қолданыстағы заң талаптары бойынша қолдау көрсетуді тапсырды.</p>
<p>Мұнан кейін Нұрымбет Сақтағанов еңбек ардагері Есалы Тұрсынбайұлын еске алуға арналған жасөспірімдер арасындағы республикалық турнирдің ашылу салтанатына қатысып, бірқатар әлеуметтік нысандарды аралады.</p>
<p>Атап айтқанда Жаңақорған кенті “Маи бекеті”, “Ипподром”, “Саяжай” мөлтек аудандарындағы балалардың спорт алаңының құрылысымен, әлеуметтік нысандардың оның ішінде “Ақбота”, “Алпамыс”, “Болашақ” балабақшаларының алдағы жылыту маусымына дайындығы, “Маи бекеті” мөлтек ауданындағы жаңа мектептің құрылыс барысымен танысты.</p>
<div class="wp-block-image"><figure class="aligncenter size-full"><img loading="lazy" width="1080" height="810" src="https://kyzylorda-news.kz/wp-content/uploads/2022/09/fb_img_1663419603166.jpg" alt="" class="wp-image-166369" srcset="https://kyzylorda-news.kz/wp-content/uploads/2022/09/fb_img_1663419603166.jpg 1080w, https://kyzylorda-news.kz/wp-content/uploads/2022/09/fb_img_1663419603166-768x576.jpg 768w" sizes="(max-width: 1080px) 100vw, 1080px" /></figure></div>

Облыс әкімінің орынбасары қоғамдық қабылдау өткізді

<p><strong>Kyzylorda-news.kz. Қазақстан астанасы мен 8 өңірде ауа райына байланысты ескерту жарияланды, деп хабарлайды «Қазгидромет».</strong></p>
<p>Атап айтқанда, 18 қыркүйек күні&nbsp;<strong>Астанада</strong>&nbsp;топырақ бетінде 2 градус үсік сақталады.</p>
<p><strong>Абай облысында</strong>&nbsp;түнде және таңертең тұман күтіледі. Түнде өңірдің батысы мен орталығында 3 градус үсік болады. Солтүстік-батыста, солтүстік пен шығыста төтенше өрт қаупі болжанады.</p>
<p>Түнде&nbsp;<strong>Ақмола облысының</strong>&nbsp;орталығы мен шығысында 2 градус үсік сақталады.</p>
<p>Түнде және таңертең&nbsp;<strong>Шығыс Қазақстан облысында</strong>&nbsp;тұман болады. Түнде солтүстік-батыста, шығыста 2 градус үсік күтіледі</p>
<p><strong>Батыс Қазақстан облысының</strong>&nbsp;солтүстігінде, шығысы мен оңтүстігінде найзағай ойнап, өңірдің солтүстігінде, шығысы мен оңтүстігінде соққан желдің күші найзағай кезінде 15-20 м/с жетеді.</p>
<p><strong>Қостанай облысында</strong>&nbsp;түнде және таңертең найзағай болжанады. Өңірдің батысы мен солтүстігінде желдің күші 15-20 м/с құрайды.</p>
<p>Күндіз&nbsp;<strong>Қызылорда облысының</strong>&nbsp;орталығында шаңды дауыл тұрады. Өңір орталығында желдің екпіні 15-20 м/с құрайды. Төтенше өрт қаупі сақталады.</p>
<p><strong>Солтүстік Қазақстан облысының</strong>&nbsp;солтүстігі мен батысында желдің жылдамдығы 15-20 м/с артады.</p>
<p><strong>Түркістан облысының</strong>&nbsp;солтүстігінде 18-19 қыркүйекте шаңды дауыл болжанады. 18 қыркүйек күні күндіз таулы аумақтарда, 19-20 қыркүйекте өңірдің солтүстігі мен таулы аумақтарында желдің күші 15-20 м/с құрайды. Өңірдің басым бөлігінде төтенше өрт қаупі сақталады.</p>

Қызылордада шаңды дауыл тұрады

<p><a href="https://kyzylorda-news.kz/"><span style="color:rgb(76,153,230);"><strong>Kyzylorda-news.kz.</strong></span></a><span style="color:rgb(76,153,230);"><strong> </strong></span><strong>Қиыр Шығыстан қазақ топырағына табаны тиген ұлт пен ұлыстың бір шоғыры Сыр еліне сіңісіп, өніп-өсті. Тарихқа бойласақ, кәрістер бас сауғалаған негізгі аумақ – Қызылорда облысы болған.&nbsp;</strong></p><p>Кәрістердің ұлттық театры, алғашқы «Ленин кичи» деп аталатын газеті де Қызылордада құрылғанын архивтегі құжаттар дәлелдейді. Бұл кезеңде кәрістер еліміздің күріш шаруашылығын көтеруге сүбелі үлес қосты. Қазақ халқының кең құшақ, таза пейілінің дәлелелі болар, Қазақстанда тұрақтап қалған корейлердің ұрпағы тарихи отандарына үдере көшкен жоқ. Керісінше, көбейгені байқалады. Бүгінде қазақстандық кәрістердің саны 100 мыңнан асып жығылады. &nbsp;Бүгінде Қазақстанда тұрып жатқан кәріс ұлтының өкілдері қиыршығыстық кәріс қауымдастықтарының жаппай саяси қудалауға ұшыраған тобының ұрпақтары болып табылады. Алғашқы кәріс қоныс аударушылары біздің елімізде 19 ғасырдың соңында төбе көрсете бастаған. 1937 жылы Қазақстанға депортацияланған алғашқы этностардың бірі – кәрістер болған.&nbsp;</p><p>Жалағаштық Лилия Пактың да анасы 13 жасында жетім қалып, осы азапты күндерді бастан өткеріпті. Талайлы тағдыр иелерінің ұрпағы бүгінде қанат жайып, үйлі-күйлі жағдайға жеткен. Лилия Пактың анасы Лира Сыр еліне 1945 жылы жер аударылған туыстарын іздеп келген екен. &nbsp;Өкінішке орай, Корей қызының жақын жуықтарымен табыссам деген арманы орындалмапты. Бірақ Жалағаш жұрты оны туысындай кең құшағына алып, үбірлі-шүбірлі отбасына айналуына жол ашқан.</p><blockquote><p>«Менің анам 13 жасында осы жерге бас сауғалап келген. Жалағаштағы Қымбат апамыз, Көркем деген апамыз қолдарынан келген көмегін аямаған. Үйлеріне кіргізіп, құшақтарына басып, қолдарында барымен бөліскен. Ол кезде тамақ тауып жеудің өзі қиын. Соған қарамастан бір уыс бтдайды бір үйдің балаларындай етіп теңдей бөліп беріп отырған екен. Олар жоқ қазір. Анам сол кісілерге үнемі риза болып, рақмет айтып отыратын. Мен де рақмет айтамын. Мың рақмет айтамын қазақтарға. Сәлем беремін, әрдайым сәлем беремін. Қазақтар аман болсын. Мұндай ауызбіршілік, мейірімділік қазақтардан басқа ешқандай жерде жоқ шығар. Тек жақсылықты көрдім, жамандықты көрген жоқпын», - дейді Лилия Пак.</p></blockquote><p>Лилия анасы айтқан ауыр жылдар туқыметін естіп-біліп, сезініп өскен. Бұл өмірлік ұстанымдары мен адами жақсы қасиеттерінің қалыптасуына тікелей әсер еткен сияқты. Сондықтан болар, қай іске болмасын жауапкершілікпен қарауды әдеттке айналдырған. Бір мекемеде 40 жыл табан аудармай медбике болып қызмет атқаруы да осы ана тәрбиесімен берілген асыл қасиет болса керек, - дейді әріптестері.</p><blockquote><p>«Ұлты өзгеше болғанмен, қазақтың арасына сіңген, кәдімгі өзін қазақтың қызындай сезінетін кісі. Біз қанша жыл бірге жұмыс істегенде ол кісіні ешқашанкәріс екен деп ойламайтынбыз. Өйткені таза қазақ тілінде сөйлейді, қазақша ойлай алады. Сосын кәдімгі қазақтың барлық ұлттық құндылықтарының барлығын жақсы білетін», - деп пікір білдірді Лилияның әріптесі Райкүл Ахетова.&nbsp;</p></blockquote><p>Лилия Пак медбике ісіндегі мінсіз қызметі үшін бірқатар марапатқа ие болыпты. Соның ішінде Елбасының Құрмет грамотасын ерекше мақтан тұтатынын айтады. Екі ұлы мен бір қызын аяқтандырып, қазақтармен құдандалы жекжатқа айналған бақытты әже шын мәнінде халықтар достығының үлгісін танытқан қазақ еліне алғыстан басқа айтарым жоқ деп ағынан жарылды.&nbsp;</p><p>Бүгінде Қиыр Шығыстан Қазақстанға депортацияланған кәрістердің жалпы саны 2-3 пайызды ғана құрайды. Қазақстанда тұрып жатқан бүгінгі кәрістердің басым көпшілігі Қазақстанда өсіп-өнген ұрпақ. Сондықтан олардың Қазақстанды өз туған отандары санаулары да заңдылық.</p><p><strong>Нұрлан ЖАҚЫПБЕКОВ</strong></p><figure class="image"><img src="https://knadmin.beoblood.kz/uploads/Whats_App_Image_2022_11_02_at_09_30_34_f68aef675a.jpeg" alt="WhatsApp Image 2022-11-02 at 09.30.34.jpeg"></figure>

Алғыстан басқа айтарым жоқ

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a></strong> <strong>Бірлігі мен ынтымағы артқан жерде тірліктің берекесі кіріп, ісің алға басары сөзсіз. Бар зейініңді жұмысқа салып, Отаныңның көркеюіне үлес қосу арқылы, елдің ықыласына бөленерің анық. Бүгінде өзге ұлт өкілі болса да, туған жерінде тірлік етіп, Қазақстанның гүлденуіне үлес қосып, Сыр өңірінің дамуына атсалысып келе жатқан Абдуллаева Тогус Хамидқызы құрылыс саласында еңбек етті.</strong></p>
<p>Құрылыста 40 жыл жұмыс істеп, саланың майталманы атанған Тогус Абдуллаева еңбегінің нәтижесінде қоғамға, кіндік қаны тамған туған жеріне қызмет етіп, елінің гүлденіп, өркендеуі жолында қосқан үлесі зор.</p>
<div class="wp-block-image"><figure class="aligncenter size-full"><img loading="lazy" width="900" height="900" src="https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited.jpg" alt="" class="wp-image-166673" srcset="https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited.jpg 900w, https://kyzylorda-news.kz/wp-content/uploads/2022/09/8100a1b2-575c-4948-ad16-1630c07191fb-edited-768x768.jpg 768w" sizes="(max-width: 900px) 100vw, 900px" /></figure></div>
<p>Саналы ғұмырын ел игілігі жолына арнаған нәзікжанды құрылысшы отыз жастан асқанда өмірлік серігінен айырылып, 6 баламен жалғыз қалған. Өмірдің бұралаң жолдарында қиындықты бастан өткерген ол еш мойыған жоқ. Балаларының болашағы үшін қызығынан қиындығы басым құрылысшы мамандығының қыр-сырын меңгере отырып, кәсібіне төселіп, барлық отбасы мүшелерін осы салаға бейімдеді. Бүгінде оларға жетекшілік етіп келеді. Қазіргі таңда Абдуллаевтар отбасы Қызылорда облысының ажарлы келбетін өрнектеп, қалаға сән беріп, қазақылықтың қаймағы бұзылмаған өңірдің айшықтала түсуіне мол үлес қосуда.</p>
<p>Бүгінде құрылысшылар династиясында 50-ге жуық жан аналарының жолын қуған. Шешен этносының өкілдері күндіз-түні тынбай осы салада жемісті еңбек етіп, аянбай тер төгіп келеді.</p>
<p>Қыстың күні қырауда, жаздың аптап ыстығы мен желді-дауылды күндерде ісіне мығым, сапалы сәулет құрылысына атсалыса білген құрыш қолды құрылысшы Тогус Хамидқызынан тараған әулет әлі талай Сыр өңіріне тер төгері анық.</p>
<p><strong>Динара МАХАНОВА</strong></p>

Қызылордалық Тогус Абдуллаева құрылыс саласының майталманы

Қазақстанда тұңғыш рет бір мезетте қырық қазан палау басылды

Айтыскер ақын Аманжол Әлтаев Қызылордада қала күні мерекесіне қатысты

<p><strong>Kyzylorda-news.kz. Аймақ басшысы Нұрлыбек Машбекұлы Нәлібаевтың  тапсырмасына сәйкес бүгін аудан әкімдігінде облыс әкімінің бірінші орынбасары Қожаниязов Серік Салауатұлы мен құқық қорғау органдарының басшылары құқық бұзушылықтардың алдын алу мен қоғамдық тәртіпті қамтамасыз ету және тағы да басқа мәселелер бойынша аудан тұрғындарына қабылдау өткізді.</strong></p>
<p>Қабылдау барысында тұрғындардың жеке әлеуметтік мәселелерімен қоса ІІІ Интернационал ауылдық округінің жер мәселесі және  Төретам кентіндегі санитарлық тазалық жұмыстары, Жосалы кентіндегі «Тәуелсіздік» ықшам ауданына газ құбырын тарту мәселелері көтерілді.</p>
<p>Сонымен қатар тұрғындар тарапынан  құқық бұзушылықтың алдын алу мен қоғамдық тәртіпті қамтамасыз ету бағытындағы ұсыныс-пікірлер айтылды.Облыс әкімінің бірінші орынбасары Серік Қожаниязов пен аудан әкімі Әділбек Ерсұлтанов тұрғындар тарапынан көтерілген мәселелердің шешілу жолдарын ұсынып, қолданыстағы заңдылықтарға сәйкес түсіндірме жүргізді. Қабылдауда айтылған әрбір мәселеге жеке-жеке тоқталып, тиісінше жазбаша жауап берілетіндігі жеткізілді.</p>
<p>Сондай-ақ, қабылдауға қатысқан құқық қорғау органдарының басшылары құқық бұзушылықтың алдын алу мен қоғамдық тәртіпті қамтамасыз ету бағытында құқықтық кеңестер берді. Қоғамдық қабылдаудан кейін Серік Салауатұлы Жосалы кентіндегі  күрделі жөндеу жұмыстары жүргізіліп жатқан Тайшық би көшесіндегі «Сыр сүлейлері» аллеясы мен «Ауыл-ел бесігі» жобасы аясында жүзеге асырылып жатқан Ә.Егізбаев атындағы №121 орта мектептің құрылыс жұмыстарымен, сонымен қатар Жосалы кентінде салынып жатқан денешынықтыру және сауықтыру кешенінің жұмыстарымен танысты.</p>
<p>Нысандарды аралау барысында С.Қожаниязов өскелең ұрпақтың игілігі үшін  жасалып жатқан жұмыстарды сапалы жүргізуге аса мән беру керектігін айтып, мердігерлерге мерзімінде аяқтауды тапсырды.</p>
<div class="wp-block-image"><figure class="aligncenter size-full"><img loading="lazy" width="1080" height="757" src="https://kyzylorda-news.kz/wp-content/uploads/2022/09/fb_img_1663407585870.jpg" alt="" class="wp-image-166342" srcset="https://kyzylorda-news.kz/wp-content/uploads/2022/09/fb_img_1663407585870.jpg 1080w, https://kyzylorda-news.kz/wp-content/uploads/2022/09/fb_img_1663407585870-768x538.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663407589716.jpg" alt="" class="wp-image-166343" srcset="https://kyzylorda-news.kz/wp-content/uploads/2022/09/fb_img_1663407589716.jpg 1080w, https://kyzylorda-news.kz/wp-content/uploads/2022/09/fb_img_1663407589716-768x512.jpg 768w" sizes="(max-width: 1080px) 100vw, 1080px" /></figure></div>
<figure class="wp-block-image size-full"><img loading="lazy" width="1080" height="721" src="https://kyzylorda-news.kz/wp-content/uploads/2022/09/fb_img_1663407599161.jpg" alt="" class="wp-image-166344" srcset="https://kyzylorda-news.kz/wp-content/uploads/2022/09/fb_img_1663407599161.jpg 1080w, https://kyzylorda-news.kz/wp-content/uploads/2022/09/fb_img_1663407599161-768x513.jpg 768w" sizes="(max-width: 1080px) 100vw, 1080px" /></figure>
<div class="wp-block-image"><figure class="aligncenter size-full"><img loading="lazy" width="1080" height="721" src="https://kyzylorda-news.kz/wp-content/uploads/2022/09/fb_img_1663407606360.jpg" alt="" class="wp-image-166345" srcset="https://kyzylorda-news.kz/wp-content/uploads/2022/09/fb_img_1663407606360.jpg 1080w, https://kyzylorda-news.kz/wp-content/uploads/2022/09/fb_img_1663407606360-768x513.jpg 768w" sizes="(max-width: 1080px) 100vw, 1080px" /></figure></div>

Серік Қожаниязов Қармақшы ауданына барды

<p><strong>Kyzylorda-news.kz. Сырдария аудандық мәдениет үйінде аудан әкімдігінің қолдауымен, аудандық ішкі саясат және «Сырдария ауданының әйелдері» қоғамдық бірлестігінің ұйымдастыруымен «Ер балалар – ел қорғаны, қыздар – ұлт болашағы» тақырыбында кездесу өтті.</strong></p>
<p>Сырлы сұхбатқа негізделген бас қосудың құрметті қонақтары мемлекет және қоғам қайраткері, «Қызылорда облысының және Сырдария ауданының Құрметті азаматы», «Құрмет белгісі», «Парасат» ордендерінің иегері Алмагүл Божанова мен Қазақстанның еңбек сіңірген қайраткері, композитор, «Қызылорда қаласының және Сырдария ауданының Құрметті азаматы», «Құрмет» орденінің, «Шапағат» медалінің иегері Рамазан Тайманов болды.Кездесуді Қазақстан Жазушылар және Журналистер Одағының мүшесі, аудандық мәслихат депутаты, аудандық газеттің бас редакторы Ақтөре Ибрагимұлы жүргізді.</p>
<p>Дарабоз тұлғалардың дара жолын кейінгі ұрпаққа насихаттау мақсатында өткізілген іс-шараға аудан әкімі Мұрат Ергешбаев, облыстық әйелдер кеңесінің төрайымы Райкүл Байназарова, бөлім басшылары, қызметкерлер, ұстаздар мен аудан орталығындағы білім ордаларының жоғарғы сынып оқушылары қатысты.</p>
<p>Ауданның дамуына ерекше үлес қосып, облыс, республика көлемінде танымал болған тұлғалармен кездесуді ашып берген аудан әкімі Мұрат Ергешбаев ауданнан шыққан қайраткер тұлғаларды атап өтті.</p>
<blockquote class="wp-block-quote"><p>«1991-1997 жылдар аралығында республикада аудан әкімі болған бірінші нәзік жанды – Алмагүл Божанова апамыз еді. Қиын кезеңдерде аудан тұтқасын ұстап, ауданның әлеуметтік-экономикалық өсуіне өлшеусіз үлес қосты. Бүгінде ауданымыздың «Құрметті азаматы», Қазақстан Республикасы «Құрмет белгісі» және «Парасат» орденінің иегері Алмагүл Божанқызы жас ұрпақты тәрбиелеуде ұрпақтар сабақтастығының жалғасын жүргізіп, қоғамда бағалы қызмет атқаруда. Сондай-ақ, Еңбек Ерлері ғана емес ауданның құрметті азаматтары да елжанды жастарды тәрбиелеуде септігін тигізіп келеді.  Олардың өткен жолы мен еңбегі жастарды  шабыттандыратыны анық.  Солардың бірі де бірегейлері ҚР Еңбек сіңірген қайраткері, «Құрмет орденінің иегері», «Қазақ қызымен» қайран қалдырған, Қорқыттың қобызына жан бітірген, сазгер Рамазан Сағындықұлы Тайманов та бүгін ортамызға келді. Бұл аға-апаларымыздың дара жолдарына көз жүгіртіп, еліміздің дамуына қосқан еңбектері орасан екенін көреміз», – деген аудан әкімі бүгінгі жастардың осындай тұлғалардан үлгі-өнеге алатынын жеткізді.</p></blockquote>
<p>Кездесу барысында келген қонақтар мен оқушылар қайраткер тұлғаларға өз сұрақтарын жолдады. Жас әнші Ақбота Талғатқызы «Қазақстан Республикасы білім беру ісінің үздігі», «Құрмет» орденінің иегері Ділдахан Торғаеваның әні мен сөзіне жазылған «Алмагүл» әнін нақышына келтіріп орындаса, Динара Жакешова Исраил Сапарбайдың сөзі мен Рамазан Таймановтың әніне жазылған «Қазақ қызы» әнін орындап, көрермен көзайымына айналды. </p>
<p>Аудан әкімінің орынбасары Димаш Байдушев пен Сырдария әйелдері қоғамдық бірлестігінің төрайымы Ұлмекен Жаналиева Рухани басқосуды қорытындылап, кештің құрметті қонақтарына алғыс айтып, сый сияпат табыстады. Өз кезегінде қоғам қайраткері Алмагүл Божанова құр қол келмегенін айтып өзінің «Ұрпақтан-ұрпаққа» деп аталатын туындысын кітап мазмұнына арқау болған тұлғалардың ұрпақтары мен кітапхана қызметкерлеріне салтанатты түрде тарту етті.</p>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663407149044.jpg" alt="" class="wp-image-166336" srcset="https://kyzylorda-news.kz/wp-content/uploads/2022/09/fb_img_1663407149044.jpg 1080w, https://kyzylorda-news.kz/wp-content/uploads/2022/09/fb_img_1663407149044-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663407152429.jpg" alt="" class="wp-image-166337" srcset="https://kyzylorda-news.kz/wp-content/uploads/2022/09/fb_img_1663407152429.jpg 1080w, https://kyzylorda-news.kz/wp-content/uploads/2022/09/fb_img_1663407152429-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663407154972.jpg" alt="" class="wp-image-166338" srcset="https://kyzylorda-news.kz/wp-content/uploads/2022/09/fb_img_1663407154972.jpg 1080w, https://kyzylorda-news.kz/wp-content/uploads/2022/09/fb_img_1663407154972-768x512.jpg 768w" sizes="(max-width: 1080px) 100vw, 1080px" /></figure></div>

Сырдария ауданында қайраткер тұлғалармен кездесу өтті

<p><strong>Kyzylorda-news.kz. Бүгін дүниежүзілік «WORLD СLEANUP DAY 2022» тазалық акциясы еліміз бойынша бір уақытта басталды. Ауқымды шара Сыр өңірінде де жалғасты. </strong></p>
<p>Акцияның мақсаты – тазалықты сақтау бойынша кешенді шаралар қабылдау мен «Жасыл» экономика қағидатын қалыптастыру.  </p>
<p>Осыған орай, Қызылорда облысында барлық аудандар мен қала тұрғындары сенбілікке шықты. </p>
<p>Арал аудан орталығында тазалық шарасы арнайы бөлініске сәйкес өткізілді. Сенбілік барысында аудан әкімі Серік Сермағамбетов тазалықты ретке келтіру бағытында жасақталған қала аумағын 8 сектор бойынша аралап, жүргізіліп жатқан жұмыстарды бақылап шықты. </p>
<p>Аудан басшысы жауапты сектор басшыларына әрбір тұрғын үй бойынша түсіндірме жұмыстарын жүргізіп, тұрмыстық қалдықтарды тиісті мекеме арқылы арнайы полигонға төктіру бағытында жүйелі жұмысты үйлестіруді тапсырды. Сондай-ақ аудан әкімі туған қаланы таза ұстау үшін тек мемлекеттік мекемелердің ғана емес, барша тұрғындардың ортақ ісі екендігін де жеткізді.         </p>
<p>Қала аумағын аралау барысында аудан әкімі Серік Сағитжанұлы сенбілікке үлес қосып жүрген балғындармен тілдесті. </p>
<p>Қазақтың көрнекті жазушысы Бейімбет Майлин есімін иемденген көшенің бүлдіршіндері бірігіп өз аулаларына әрдайым тазалық жұмыстарын жүргізетіндігін айтты. Өз кезегінде аудан басшысы өзгелерге үлгі болып, тазалық мәдениетін сақтап, тұрғын-үй аумағын қоқыстан тазартып жүрген балаларға алғысын білдірді.</p>
<p>Аудан орталығында өткізілген сенбілік шарасына жалпы 800-ге жуық мемлекеттік мекеме қызметкерлері атсалысып, 6 арнайы техника көмегімен жиналған лас-қоқыстар тиісті орындарға шығарылды.</p>
<p>Қоршаған ортаның тазалығына жауапкершілікпен қарау – әрбір азаматтың басты міндеті. Сондықтан, алдағы тазалық шараларына аудан тұрғындарын бірлесе атқаруға шақырамыз.</p>
<p>Аталған сенбілікке Қазалы ауданынының тұрғындары да атсалысты. </p>
<p>Тазалық акциясына аудан әкімі Мұхтар Оразбаев та қатысып, қазалылықтармен бірге өз үлесін қосты. </p>
<p>Мұхтар Әуесұлы аудан орталығындағы Жанқожа батыр кесенесінің ауласында шабылған шөптерді жинастырып, халық көп жиналатын орынның мұнтаздай таза болуына септігін тигізді.</p>
<p>Аудан әкімі Мұхтар Оразбаев «Бірге – таза Қазақстан» экологиялық акциясына атсалысып жатқан ұжым мүшелеріне алғысын айтып, туған жердің көркеюіне үлес қосқандарға ризашылығын білдірді.</p>
<p>Аудан орталығындағы дербес бөлімдер мен мекеме-кәсіпорын ұжымдары Әйтеке би кентінің шет аймақтары – «Водокачка» елді мекеніне баратын жол, 5 кварталдағы «Қазақ» қорымы мен оңтүстік беткейдегі теміржол өткелінің аумағына тазалық жұмыстарын жүргізді. Нәтижесінде белгіленген аумақтардағы қоқыстар алынып, арам шөптерден тазартылды.</p>
<p>Дәл осындай шаралар Қазалы қаласы мен ауылдық округтерде ұйымдастырылып, тазалық жұмыстары жүргізілді.</p>
<p>«Birge – taza Qazaqstan» республикалық акциясы аясында аудан орталығында және елді мекендерде санитарлық тазарту және көркейту бойынша сенбілік өтті.</p>
<p>Аудан көлемінде жүргізіліп жатқан қызу тазалық жұмыстарына барлық мекеме қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын қарқынды жүргізді.</p>
<p>Тазалық акциясына жалағаштықтар да үлес қосты. </p>
<p>Аудан орталығындағы дербес бөлімдер мен мекеме-кәсіпорын ұжымдары Жалағаш кентінде «Birge: Taza Qazaqstan» экологиялық акциясы аясында тазалық жұмыстарын жүргізді. Нәтижесінде белгіленген аумақтардағы қоқыстар алынып, ағаштар түптері арамшөптерден тазартылды.</p>
<p>Дәл осындай шаралар ауданға қарасты барлық ауылдық округтерде ұйымдастырылып, тазалық жұмыстары жүргізілді.</p>
<p>Сенбілікке аудандағы меншік түріне қарамастан барлық мекеме қатысты. Тазарту шарасында әрбір мекеме қызметкерлері өздеріне бекітілген көше бойына тазарту жұмыстарын жүргізіп, шөп-шалаңды шауып, қоқыстарды жинауда.</p>
<p>Сонымен қатар бүгін қала тұрғындары да бүкіл халықтық сенбілікке қатысып тазалық жұмыстарын жүргізді. </p>
<p>Сенбілік барысында қызметкерлер көше бойын арамшөптер мен күл-қоқыстардан арылтып тазарту жұмыстарын жүргізді.</p>
<p>Айта кетейік, жыл сайын 19 қыркүйек күні бүкіл әлемде «World cleanup Day» акциясы өтеді. Миллиондаған адам қоғамдық орындарды қоқыстан тазарту үшін сенбілікке шығады.</p>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663405521164.jpg" alt="" class="wp-image-166326" srcset="https://kyzylorda-news.kz/wp-content/uploads/2022/09/fb_img_1663405521164.jpg 1080w, https://kyzylorda-news.kz/wp-content/uploads/2022/09/fb_img_1663405521164-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663405696648.jpg" alt="" class="wp-image-166327" srcset="https://kyzylorda-news.kz/wp-content/uploads/2022/09/fb_img_1663405696648.jpg 1080w, https://kyzylorda-news.kz/wp-content/uploads/2022/09/fb_img_1663405696648-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663405652241.jpg" alt="" class="wp-image-166328" srcset="https://kyzylorda-news.kz/wp-content/uploads/2022/09/fb_img_1663405652241.jpg 1080w, https://kyzylorda-news.kz/wp-content/uploads/2022/09/fb_img_1663405652241-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1024" height="683" src="https://kyzylorda-news.kz/wp-content/uploads/2022/09/fb_img_1663405786068.jpg" alt="" class="wp-image-166329" srcset="https://kyzylorda-news.kz/wp-content/uploads/2022/09/fb_img_1663405786068.jpg 1024w, https://kyzylorda-news.kz/wp-content/uploads/2022/09/fb_img_1663405786068-768x512.jpg 768w" sizes="(max-width: 1024px) 100vw, 1024px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="1440" src="https://kyzylorda-news.kz/wp-content/uploads/2022/09/fb_img_1663406938909.jpg" alt="" class="wp-image-166330" srcset="https://kyzylorda-news.kz/wp-content/uploads/2022/09/fb_img_1663406938909.jpg 1080w, https://kyzylorda-news.kz/wp-content/uploads/2022/09/fb_img_1663406938909-768x1024.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="720" height="1280" src="https://kyzylorda-news.kz/wp-content/uploads/2022/09/fb_img_1663406950382.jpg" alt="" class="wp-image-166331"/></figure></div>

Қызылордада халық сенбілікке шықты

<p><strong>Kyzylorda-news.kz. Бүгін «Сыр елі — берекенің ақ бесігі» этноауыл мерекесінде «Абай-Дәулет» компаниясының қолдауымен Сыр күрішінен 40 қазан палау басылды. </strong></p>
<p>Биыл Қызылорда қаласы күнін мерекелеудің мәні ерекше. Түрлі форматтағы іс-шаралар бір ай бойы өткізіледі.</p>
<p>Бүгін «Сыр ана» монументінің алаңында 10 мыңнан аса тұрғынның қатысуымен «Ауылым – берекенің ақ бесігі» атты этно бағыттағы мерекелік іс-шара ұйымдастырылды.</p>
<p>Ерекше шараға облыс әкімі Нұрлыбек Нәлібаев, айтыскер-ақын, Гиннестің рекордтар кітабына енген «1000 күбі» жобасының авторы Аманжол Әлтаев, «Хабар»агенттігі АҚ басқарма төрағасы Берік Уәли, зиялы қауым өкілдері мен қала тұрғындары қатысты.</p>
<p>«Абай-Дәулет» ЖШС-нің қолдауымен ұйымдастырылған жиында 40 қазан күріш басылып, палаушылар сайысқа түсті.</p>
<p>Аймақ басшысы қызылордалықтарды қала күнімен құттықтап, күрішті аймақта палаушылар сайысын ұйымдастырудың түптамырында ұлттық салт-дәстүр бар деді.</p>
<blockquote class="wp-block-quote"><p>«Баршаңызды Сыр өңірінің бас шаһары – Қызылорда қаласының күнімен шын жүректен құттықтаймын!</p><p>Қызылорда &#8212; тарихи астана, ұлтым деп соққан ұлы жүректердің, Алаш арыстарының ізі қалған қасиетті жер!</p><p>«Қала күні» мерекесін тойлау әрбір жерлесіміз үшін маңызды әрі мерейлі сәт деп санаймын. Бір ай көлемінде түрлі сипаттағы ауқымды іс-шаралармен жалғасатын думанды басқосулар берекелі күздің «Алтын дән» мерекесімен сабақтасады.  Бүгін, міне, Өздеріңізбен бірге аймақтағы «Сыр Ана» монументі алаңында есте қалар ерекше бір шарада бас қосып отырмыз.</p><p>Ақ күріштің аймағы атанған айтулы Сыр елінде палау пісірушілердің басын қосқан үлкен сайысты этноауыл форматында ұйымдастырудың символикалық мәні бар деп санаймын», &#8212; деді Нұрлыбек Нәлібаев.</p></blockquote>
<p>Мерекелік басқосуда Аманжол Әлтаев күрішті аймақ Сырдың жеріндегі думанды шараның мән-маңызы ерекше екенін тілге тиек етіп, қызылордалықтарды мерекемен құттықтады.</p>
<blockquote class="wp-block-quote"><p>«Дарияның қос қанатына қоныстанған Қызылорданың қала күні мерекесі құтты болсын! Сырдың ақ күрішін ойымызға алған кезде күріштің атасы Ыбырай Жақаев жүрегіміздің төрінен орын алады. Ыбырай атамыздың жолын жалғап, баба аманатын арқалаған диқаншылар үлкен еңбек көшінің басында келеді. Сыр елінің күріші байлықтың, берекенің белгісі. Бүгін 40 қазанға палау пісіріп, елдің берекесі молая түссе екен деген игі бастама қолға алынған екен. Елдің берекесі тарқамасын, ырысы ортаймасын», &#8212; деді Аманжол Әлтаев.</p></blockquote>
<p>Этноауыл форматындағы шарада ақ күріштің атасы атанған Ы.Жақаевтың «Күріш туралы толғанысынан» үзінді, қазақтың дәстүрін насихаттайтын ауыл жастарының алтыбақан астындағы көңілді кешінің көрінісі, ақындар айтысы, «Бауырсақ PARTY»,  «Шұбат – қымыз FEST», «Қауын – қарбыз FEST» фестивальдерімен жалғасты.</p>
<p>Думанды шарада бір мезетте 10 мың тұрғынға арналған 40 қазан күріш басылып, палаушылар сайысының жеңімпаздары анықталды. Бірінші орын иеленген азаматқа 150 мың теңгенің сертификаты табысталды.</p>
<p>Мерекелік жиын концерттік бағдарламамен аяқталды.</p>
<p>Айта кетейік, 10 қазанына — түйе, 10 қазанына — жылқы, 10 қазанына — сиыр, 10 қазанына қой еті қосылды.</p>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408422329.jpg" alt="" class="wp-image-166349" srcset="https://kyzylorda-news.kz/wp-content/uploads/2022/09/fb_img_1663408422329.jpg 1080w, https://kyzylorda-news.kz/wp-content/uploads/2022/09/fb_img_1663408422329-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408425717.jpg" alt="" class="wp-image-166350" srcset="https://kyzylorda-news.kz/wp-content/uploads/2022/09/fb_img_1663408425717.jpg 1080w, https://kyzylorda-news.kz/wp-content/uploads/2022/09/fb_img_1663408425717-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full is-resized"><img loading="lazy" src="https://kyzylorda-news.kz/wp-content/uploads/2022/09/fb_img_1663408431552.jpg" alt="" class="wp-image-166351" width="412" height="274" srcset="https://kyzylorda-news.kz/wp-content/uploads/2022/09/fb_img_1663408431552.jpg 1080w, https://kyzylorda-news.kz/wp-content/uploads/2022/09/fb_img_1663408431552-768x512.jpg 768w" sizes="(max-width: 412px) 100vw, 412px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408434324.jpg" alt="" class="wp-image-166352" srcset="https://kyzylorda-news.kz/wp-content/uploads/2022/09/fb_img_1663408434324.jpg 1080w, https://kyzylorda-news.kz/wp-content/uploads/2022/09/fb_img_1663408434324-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1033" height="1280" src="https://kyzylorda-news.kz/wp-content/uploads/2022/09/fb_img_1663408441060.jpg" alt="" class="wp-image-166353" srcset="https://kyzylorda-news.kz/wp-content/uploads/2022/09/fb_img_1663408441060.jpg 1033w, https://kyzylorda-news.kz/wp-content/uploads/2022/09/fb_img_1663408441060-768x952.jpg 768w" sizes="(max-width: 1033px) 100vw, 1033px" /></figure></div>
<div class="wp-block-image"><figure class="aligncenter size-full is-resized"><img loading="lazy" src="https://kyzylorda-news.kz/wp-content/uploads/2022/09/fb_img_1663408447528.jpg" alt="" class="wp-image-166354" width="885" height="589" srcset="https://kyzylorda-news.kz/wp-content/uploads/2022/09/fb_img_1663408447528.jpg 1080w, https://kyzylorda-news.kz/wp-content/uploads/2022/09/fb_img_1663408447528-768x512.jpg 768w" sizes="(max-width: 885px) 100vw, 885px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408438203.jpg" alt="" class="wp-image-166355" srcset="https://kyzylorda-news.kz/wp-content/uploads/2022/09/fb_img_1663408438203.jpg 1080w, https://kyzylorda-news.kz/wp-content/uploads/2022/09/fb_img_1663408438203-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408465157.jpg" alt="" class="wp-image-166357" srcset="https://kyzylorda-news.kz/wp-content/uploads/2022/09/fb_img_1663408465157.jpg 1080w, https://kyzylorda-news.kz/wp-content/uploads/2022/09/fb_img_1663408465157-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="766" src="https://kyzylorda-news.kz/wp-content/uploads/2022/09/fb_img_1663405347400.jpg" alt="" class="wp-image-166319" srcset="https://kyzylorda-news.kz/wp-content/uploads/2022/09/fb_img_1663405347400.jpg 1080w, https://kyzylorda-news.kz/wp-content/uploads/2022/09/fb_img_1663405347400-768x545.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="720" src="https://kyzylorda-news.kz/wp-content/uploads/2022/09/fb_img_1663408462501.jpg" alt="" class="wp-image-166358" srcset="https://kyzylorda-news.kz/wp-content/uploads/2022/09/fb_img_1663408462501.jpg 1080w, https://kyzylorda-news.kz/wp-content/uploads/2022/09/fb_img_1663408462501-768x512.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="960" height="830" src="https://kyzylorda-news.kz/wp-content/uploads/2022/09/fb_img_1663405344881.jpg" alt="" class="wp-image-166320" srcset="https://kyzylorda-news.kz/wp-content/uploads/2022/09/fb_img_1663405344881.jpg 960w, https://kyzylorda-news.kz/wp-content/uploads/2022/09/fb_img_1663405344881-768x664.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="947" src="https://kyzylorda-news.kz/wp-content/uploads/2022/09/fb_img_1663405357113.jpg" alt="" class="wp-image-166321" srcset="https://kyzylorda-news.kz/wp-content/uploads/2022/09/fb_img_1663405357113.jpg 1080w, https://kyzylorda-news.kz/wp-content/uploads/2022/09/fb_img_1663405357113-768x673.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="853" height="1280" src="https://kyzylorda-news.kz/wp-content/uploads/2022/09/fb_img_1663408451369.jpg" alt="" class="wp-image-166356" srcset="https://kyzylorda-news.kz/wp-content/uploads/2022/09/fb_img_1663408451369.jpg 853w, https://kyzylorda-news.kz/wp-content/uploads/2022/09/fb_img_1663408451369-768x1152.jpg 768w" sizes="(max-width: 853px) 100vw, 853px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="675" src="https://kyzylorda-news.kz/wp-content/uploads/2022/09/fb_img_1663408454313.jpg" alt="" class="wp-image-166359" srcset="https://kyzylorda-news.kz/wp-content/uploads/2022/09/fb_img_1663408454313.jpg 1080w, https://kyzylorda-news.kz/wp-content/uploads/2022/09/fb_img_1663408454313-768x480.jpg 768w" sizes="(max-width: 1080px) 100vw, 1080px" /></figure></div>

Қызылордада 40 қазан палау пісірілді

<p><strong>Kyzylorda-news.kz. Аймақ басшысы Нұрлыбек Нәлібаевтың тапсырмасы аясында облыс әкімінің орынбасары Мархабат Жайымбетов Қазалы ауданына жұмыс сапарымен келіп, құқық қорғау органдары басшыларымен бірге қоғамдық қабылдау өткізді.Негізгі мақсат – құқық бұзушылықтың алдын алу мен қоғамдық тәртіпті қамтамасыз ету мәселелері бойынша түсіндірме жұмыстарын жүргізіп, құқықтық кеңес беру.</strong></p>
<p>Басқосуда аудан тұрғындары өздерін толғандырған мәселелерді ортаға салып, көмек көрсетуді сұрады. Сондай-ақ, көпқабатты тұрғын үйдің төбесін жабу, баспанамен қамтамасыз ету жөнінде де ұсыныстар айтылды.</p>
<p>Облыс әкімінің орынбарасы Мархабат Жайымбетов және аудан әкімі Мұхтар Оразбаев, құқық қорғау органдарының басшылары тарапынан тиісті қолданыстағы заңдылықтармен түсіндірме берілді.</p>
<p>Мархабат Жайымбетұлы көтерілген мәселелердің шешілу жолдарын ұсынып, құқықтық кеңес берді. Сонымен қатар, жауапты сала басшыларына қоғамдық қабылдауда айтылған өтініштерге сәйкес белгіленген заң аясында тиісті жұмыстар атқаруды тапсырды.</p>
<p>Мұнан соң аудандағы құрылыс нысандарын аралап, атқарылып жатқан жұмыстарды көрді.Алдымен Қазалы қаласындағы 140 орындық балабақша мен Әйтеке би кентіндегі 250 орындық мектеп құрылысымен танысты. Сондай-ақ, «Қарлаң» темір-бетон көпіріне арнайы барып, құрылыс жұмыстарын көрді.</p>
<p>Облыс әкімінің орынбасары Мархабат Жайымбетов салынып жатқан құрылыс нысандары белгіленген мерзімде аяқталып, халықтың игілігіне берілу керектігін тапсырды. Әсіресе, Сырдария өзенінің арғы бетіндегі тұрғындар үшін көпірдің маңыздылығы жоғары екенін тілге тиек етіп, құрылысшыларға ең бірінші кезекте құрылыстың сапасына аса қатты мән беру қажеттігін айтты.</p>
<p>Облыс әкімінің орынбасары Қазалы ауданына сапары кезінде қатты отын тасымалдаушы кәсіпкерлермен кездесіп, көмірдің бағасын халыққа тиімді бағада ұсыну жолдарын талқылады. Кәсіпкерлердің ұсыныстарын тыңдап, қатты отынның бағасын арзандату бағытында әкімдік тарапынан қолдау болатынын жеткізді.</p>
<p>Мұнан соң жылу беру маусымына дайындығымен танысу үшін «ҚазалыТеміржолЖылу» мекемесіне арнайы барды.Әйтеке би кентінде «Қазалы-Теміржолжылу» филиалы арқылы 100 мекеме, 74 көп қабатты және 204 жеке тұрғын үйді жылумен қамтылған. Негізгі жылыту түрі газ отыны. Резервтік қорда 288 тонна мазут бар.</p>
<p>Облыстық энергетика және тұрғын үй коммуналдық шаруашылық басқармасының басшысы Руслан Нұрмағамбетов жылу маусымында дайындық жүргізу үшін 36 млн теңге қаржы бөлініп, «ҚазалыТеміржолЖылу» мекемесіне ағымдағы жөндеу жұмыстары жүргізіліп жатқанын жеткізді.</p>
<p>Басқарма басшысының айтуынша, бұл жұмыстар кезең-кезеңімен жыл соңына дейін жүргізіле береді. Алайда, қысқы жылу беру маусымына ешқандай кедергі келмейді.</p>
<p>Облыс әкімінің орынбасары Мархабат Жайымбетов басқарма басшысына Әйтеке би кентіндегі жаңадан салынған 6 көпқабатты тұрғын үйлерді «ҚазалыТеміржолЖылу» мекемесі арқылы жылыту жолдарын қарастыруды тапсырды.</p>
<div class="wp-block-image"><figure class="aligncenter size-full"><img loading="lazy" width="960" height="497" src="https://kyzylorda-news.kz/wp-content/uploads/2022/09/fb_img_1663388300550.jpg" alt="" class="wp-image-166313" srcset="https://kyzylorda-news.kz/wp-content/uploads/2022/09/fb_img_1663388300550.jpg 960w, https://kyzylorda-news.kz/wp-content/uploads/2022/09/fb_img_1663388300550-768x398.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="538" src="https://kyzylorda-news.kz/wp-content/uploads/2022/09/fb_img_1663388307116.jpg" alt="" class="wp-image-166315" srcset="https://kyzylorda-news.kz/wp-content/uploads/2022/09/fb_img_1663388307116.jpg 1080w, https://kyzylorda-news.kz/wp-content/uploads/2022/09/fb_img_1663388307116-768x383.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="839" src="https://kyzylorda-news.kz/wp-content/uploads/2022/09/fb_img_1663388315154.jpg" alt="" class="wp-image-166314" srcset="https://kyzylorda-news.kz/wp-content/uploads/2022/09/fb_img_1663388315154.jpg 1080w, https://kyzylorda-news.kz/wp-content/uploads/2022/09/fb_img_1663388315154-768x597.jpg 768w" sizes="(max-width: 1080px) 100vw, 1080px" /></figure></div>

Қазақстан және Қызылорда облысының жаңалықтары