<a href="https://kyzylorda-news.kz/">Kyzylorda-news.kz.</a> Облыстық мәслихаттың кезектен тыс 11 сессиясы өтті. Сессияға облыстық мәслихат хатшысы Наурызбай Байқадамов төрағалық етті. Күн тәртібінде «Қызылорда облыстық мәслихатының тұрақты комиссияларының құрамын және төрағаларын сайлау туралы» Қызылорда облыстық мәслихатының 2021 жылғы 15 қаңтардағы № 5 шешіміне өзгеріс енгізу туралы» мәселе қаралды.
Наурызбай Байқадамов 2021 жылғы 30 маусымда ҚР «Қазақстан Республикасындағы жергiлiктi мемлекеттiк басқару және өзін-өзі басқару туралы» заңына өзгерістер енгізілгенін еске салып, Экономика, қаржы және жергілікті басқару мәселелері жөніндегі тұрақты комиссиясының төрағасына Талғат Жақыпбаевтың кандидатурасын ұсынды. Депутаттар ұсынысты бір ауыздан қолдады.
Талғат Жақыпбаев өмір жолын 1997 жылдан қаржы саласында жұмысын бастаған. Қызылорда қалалық қаржы бөлімінің кірісті бағдарлау және талдау бөлімінің экономисті, облыстық қаржы басқармасының халықты әлеуметтік қорғау бөлімінің экономисті, Қызылорда облысының экономика және бюджеттік жоспарлау департаментінің бюджеттік саясат және жоспарлау бөлімінің бастығы, Қызылорда облысы әкімі аппаратының экономикалық талдау және өңірлік даму бағдарламаларының мониторингі бөлімінің меңгерушісі, Қызылорда облысының білім басқармасы, Қызылорда облыстық ішкі саясат басқармасы, Қызылорда облысы әкімі аппараты, «Сыр медиа» ЖШС-нің бас директорының орынбасары, Қызылорда облысының қаржы басқармасының басшысы, «Байқоңыр» ӘКК АҚ басқарма төрағасының орынбасары болып, қаржы саласы бойынша жауапты қызметтер атқарып келген.
Сонымен қатар жиында облыстық мәслихат депутаты, «Құрмет» орденінің иегері, Қазақстанның еңбек сіңірген қайраткері Қылышбай Бисенов «Жаңа Қазақстан» қағидатына сәйкес депуттаттық құзыретке өзгерістер енгізіп, әлеуметтік сұрақтарға басымдық беру қажет екенін айтты. Ал, облыстық мәслихат депутаты, «Ақмешіт ақшамы» газетінің бас редакторы Сәрсенкүл Бихожа депутат халық пен биліктің ортасында алтын көпір екенін атап өтіп, фракция жұмысын жетілдіру бойынша ұсыныстарын жеткізді.
Мұнымен қоса, белгілі ақын, журналист, облыстық мәслихаттың депутаты, «Қызылорда қоғамдық телерадиокомпаниясы» жауапкершілігі шектеулі серіктестігінің құрылтайшысы Шәкизада Әбдікәрімов Талғат Жақыпбаевты қаржы саласының білікті маманы, экономист ретінде, лайықты кандидатура екенін айтып, жұмысына сәттілік тіледі.

Қызылордада тұрақты комиссияның төрағасы сайланды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 15816 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 6669,
Алматы қаласы – 2922,
Шымкент қаласы – 58,
Ақмола облысы – 378,
Ақтөбе облысы – 119,
Алматы облысы – 451,
Атырау облысы – 696,
Шығыс Қазақстан облысы – 310,
Жамбыл облысы – 60,
Батыс Қазақстан облысы – 165,
Қарағанды облысы – 1740,
Қостанай облысы – 297,
Қызылорда облысы – 375,
Маңғыстау облысы – 155,
Павлодар облысы – 675,
Солтүстік Қазақстан облысы – 513,
Түркістан облысы – 233.
Қазақстан бойынша жазылғандар саны – 1085679.

COVID-19: 375 қызылордалық жазылып шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 5466 адамда коронавирус індеті ПТР арқылы расталып ауырғаны белгілі болды.
Аймақтар бойынша:
<ul>
<li>Нұр-Сұлтан қаласы – 421,</li>
<li>Алматы қаласы – 1037,</li>
<li>Шымкент қаласы – 40,</li>
<li>Ақмола облысы – 691,</li>
<li>Ақтөбе облысы – 195,</li>
<li>Алматы облысы – 232,</li>
<li>Атырау облысы – 48,</li>
<li>Шығыс Қазақстан облысы – 183,</li>
<li>Жамбыл облысы – 58,</li>
<li>Батыс Қазақстан облысы – 115,</li>
<li>Қарағанды облысы – 729,</li>
<li>Қостанай облысы – 453,</li>
<li>Қызылорда облысы – 20,</li>
<li>Маңғыстау облысы – 66,</li>
<li>Павлодар облысы – 803,</li>
<li>Солтүстік Қазақстан облысы – 358,</li>
<li>Түркістан облысы – 17.</li>
</ul>
Жалпы ел бойынша ауырғандар саны 1238954.

Қызылордада вирус жұқтырғандар саны төмендеді

<a href="https://kyzylorda-news.kz/">Kyzylorda-news.kz.</a> Қазгидромет 1 ақпанға арналған ауа райы болжамын жариялады.
Ертең, сейсенбіде Қазақстанның солтүстігінде атмосфералық ауа ағындары өтуінің әсерінен ауа райы құбылмалы болады. Көбінесе қар жауады, желдің күшеюі, бұрқасын, көктайғақ болуы ықтимал. Республика бойынша кей жерлерде тұман түседі.
Қызылорда облысының орталығында тұман түседі.

1 ақпанға арналған ауа райы болжамы

Kyzylorda-news.kz. Пандемия шектеулеріне қарамастан соңғы 2 жылда азаматтарға 1984 баспана берілді. Мемлекеттік бағдарламалар арқылы көпбалалы, әлеуметтік аз қамтылған отбасылар пәтерлі болды. Биыл 1222 пәтердің құрылысы аяқталмақ. Бұл туралы Өңірлік коммуникациялар қызметінде өткен баспасөз конференциясында облыстық құрылыс, сәулет және қала құрылысы басқармасы басшысының міндетін атқарушы Арнұр Нұрмағанбетов мәлімдеді.
<blockquote>
 «Биыл өңірде 28 нысанның құрылысы жүргізілуде, оның ішінде 21 нысанның құрылысы 2021 жылдан өтпелі, 7 жаңа нысан салынады. Атап айтқанда, 13 білім беру, 7 денсаулық сақтау нысанының құрылысы басталады. Мұнан бөлек, 3 мәдениет нысаны мен «Бизнестің жол картасы-2020» бағдарламасы аясында 3 нысанның құрылысы жүргізілмек. Сондай-ақ, спорт және қоғамдық тәртіп салаларында бір-бір нысан бой көтереді. Айта кетейік, 28 нысанның 19-ы жыл аяғына дейін аяқталса, қалған 9 нысан 2023 жылға өтпелі деп жоспарлануда», – деді Арнұр Әлібекұлы.
</blockquote>
Сонымен қатар, баспасөз конференциясында арендалық үйлерді табыстау, «Ауыл ел бесігі» бағдарламасы шеңберінде құрылысы жүргізілетін нысандар да айтылды. Атап айтқанда, жыл ішінде Қызылорда және Байқоңыр қалалары мен Шиелі ауданында 372 пәтерлік 10 арендалық тұрғын үй пайдалануға берілмек. Сондай-ақ, облыс орталығында 580 пәтерлік 12 кредиттік тұрғын үй мен 270 пәтерлік 7 жеке коммерциялық құрылыс салушылардың есебінен тұрғын үй салынады.
Бүгінде 55 әлеуметтік нысан бойынша жобалық-сметалық құжаттама әзірленуде. Стратегиялық жоспарлау бағытында Жаңақорған кентіндегі «Саяжай-1» мөлтек ауданында 300 гектар және Байқоңыр қаласында 430 гектар аумағында егжей-тегжейлі жоспарлау жобалары әзірленді.
“Ауыл ел бесігі” бағдарламасы аясында барлығы 13 нысанның құрылысы жүргізіліп, биылғы жылы аталған нысандардың құрылысын аяқтап, пайдалануға беру жоспарланып отыр.

Арнұр Нұрмағанбетов: Қызылордада 28 нысанның құрылысы жүруде

Kyzylorda-news.kz. Қызылорда облысында соңғы 3 жылда 15-28 жас аралығындағы жастардың жалпы санынан NEET санатындағы яғни оқымайтын, жұмыс істемейтін және қазіргі уақытта өз біліктілігін арттырмайтын жастардың үлесі 8,2%-ды құраған.
Осы азаматтарды жұмыспен қамту мақсатында іс-шаралар іске асуда. Нәтижесінде, NEET санатындағы жастар үшін «Алғашқы жұмыс орны» жобасы жұмыс жасауда. Биыл осы жобамен 147 адамды жұмыспен қамту жоспарлануда деді Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева.
<blockquote>
 «Жоба аясында түлектердің алған мамандығы бойынша жұмыс орындары құрылады және жалақыны субсидиялау мерзімі 18 айдан аспайды. Осы жылы жобаға қатысушылардың жалақысы 91890 тг дейін көтерілуде. Жергілікті бюджеттен 108,1 млн. теңге қаржы бөлінді, алдағы уақытта республикалық бюджеттің нақтылануына 1000 адамды қамту үшін қосымша қаржы қажеттілігі туралы ұсыныстар жолданды. Ал, жоғарғы және арнаулы орта оқу орындарының түлектері үшін жұмыс тәжірибесін жинақтау мақсатында ұйымдастырылатын жастар практикасына 2091 адамға 960,7 млн.теңге бөлініп отыр. Ағымдағы жылдан бастап Мемлекет басшысының тапсырмасына сәйкес жастар практикасына қатысушылардың жалақысы 76575 тг-ден 91890 тг-ге дейін көтерілді, қатысу мерзімі 6 айдан 12 айға дейін ұлғайтылуда. Қатысушылар санын 5 мыңға дейін көбейту жоспарлануда», – деді Жанар Жұмабекқызы.
</blockquote>
Айта кететін жайт, жұмыс күші жетіспейтін солтүстік өңірлердегі де бос жұмыс орындары ұсынылады.
Сонымен қатар, облыстық «Жастар ресурстық орталығында» NEET санатындағы жастармен жұмыс жасау бөлімі құрылды. Облыс бойынша жастардың дерекқор базасын жасақтау мақсатында адрестік жұмыстар бастау алды.
<blockquote>
 «Қазіргі таңда 1 наурызға дейін облыс орталығы мен аудан орталықтарында адрестік жұмыстар жалғасуда. Аталмыш жұмыстар аяқталғасын тиісті дерекқор базасы жасақталып, NEET санатындағы жастардың санын азайту, оларды оқыту, жұмыспен қамту, әлеуметтендіру, кәсіпкерлікке баулу және т.б. бағыттар бойынша тиісті салаларға ұсыныстар беріледі», – деді облыстық жастар ресурстық орталығының директоры Асқар Құрмаш.
</blockquote>

Қызылордада NEET санатындағы жастарға жаңа мүмкіндік туды

Kyzylorda-news.kz. Бүгін Қызылорда облысының әкімі Гүлшара Әбдіқалықова облыстық құрылыс, сәулет және қала құрылысы басқармасының басшысының міндетін атқарушы Арнур Нұрмағанбетовтың есебін тыңдап, алда атқарылуы тиіс жұмыстарды саралады.
Жыл ішінде Қызылорда және Байқоңыр қалалары мен Шиелі ауданында 372 пәтерлік 10 арендалық тұрғын үй пайдалануға берілмек. Сондай-ақ, облыс орталығында 580 пәтерлік 12 кредиттік тұрғын үй мен 270 пәтерлік 7 жеке коммерциялық құрылыс салушылардың есебінен тұрғын үй салынады. Одан бөлек, 28 әлеуметтік нысан құрылысын жүргізу жоспарлануда.
“Ауыл ел бесігі” бағдарламасы аясында барлығы 13 нысанның құрылысы жүргізілмек.
Аймақ басшысы құрылыс жұмыстарын жүргізуде сапаға айрықша мән беріп, мердігер мекемелердің әрбір нысанды уақытылы аяқтауын бақылау қажеттігін ескертті.
<img src="https://kyzylorda-news.kz/wp-content/uploads/2022/01/fb_img_1643632781853.jpg" alt="" />
<img src="https://kyzylorda-news.kz/wp-content/uploads/2022/01/fb_img_1643632784431.jpg" alt="" />

Қызылордада биыл 1222 баспананың құрылысы аяқталады

Kyzylorda-news.kz. Үкімет кірме жолдарды беру қызметтеріне тарифтерді төмендету бойынша шаралар қабылдады, деп жазады primeminister.kz.
Биылғы 21 қаңтарда Қазақстан Республикасының Президенті Қасым-Жомарт Кемелұлы Тоқаев кірме жолдарды ретке келтіру бойынша тапсырмалар берді.
Осыған байланысты Қазақстан Республикасы Премьер-Министрінің бірінші орынбасары Р. Скляр кірме жолдар саласында қызмет көрсететін табиғи монополиялар субъектілерінің қызметіне тексеру жүргізуді, қызметтер құны бағасының белгіленуін талдауды және тарифтерді төмендету бойынша шаралар қабылдауды тапсырды.
Мәселен, биылғы 1 ақпаннан бастап еліміздің бірқатар өңірінде (Нұр-Сұлтан, Алматы қалалары, Қызылорда, Батыс Қазақстан, Қостанай, Алматы, Павлодар, Ақмола, Қарағанды, Шығыс Қазақстан, Ақтөбе және Солтүстік Қазақстан облыстары) кірме жолдарды берумен айналысатын 21 субъектінің тарифтері орта есеппен 80%-ға төмендеді.
Сондай-ақ Павлодар облысында кірме жолдар қызметтерін ұсынатын «ARMAN KALA LTD» ЖШС тарифтері 93%-ға (1741,53 теңге/вагон*км-ден 118,07 теңге/вагон*км-ге дейін) төмендетілді. Бұл шара Қазақстанның энергия өндіруші ұйымдары үшін отынның негізгі жеткізушісі «Богатырь Көмір» ЖШС көмірінің құнына оң әсер етеді.
Сонымен қатар объективті баға белгілеу мақсатында еліміздің негізгі темір жол объектілерінде орналасқан кірме жолдардың ірі баланс ұстаушысы «Көлік сервисі орталығы» АҚ (2117,98 теңге/вагон*км-ден 164,29 теңге/вагон*км-ге дейін) тарифтері 92%-ға төмендеді.
Тарифтер осы жылғы 1 наурыздан бастап қолданысқа енгізіледі. Аталған шаралар көлік шығыстарына және тауарлардың, оның ішінде азық-түлік өнімдерінің түпкілікті құнына оң әсер етеді. Үкіметтің осы бағыттағы жұмысы одан әрі жалғасын табады.

Үкімет кірме жол қызметтерінің тарифін төмендету бойынша шара қабылдады

<a href="https://kyzylorda-news.kz/">Kyzylorda-news.kz.</a> Өткен жылдың шілде айында облыстық мамандандырылған ауданаралық әкімшілік соты құрылды. 6 ай ішінде сот 339 іс қарады. Бұл туралы бүгін Өңірлік коммуникациялар қызметінде өткен брифингте әкімшілік істер жөніндегі сот алқасының төрағасы Жанат Оспанова мәлімдеді.
Жаңадан ашылған сот азаматтар мен заңды тұлғалар, әкімшілік органдардың арасында туындаған жария-құқықтық даулар бойынша әкімшілік істерді қарайтын болды.
<blockquote>
 «Алты айдың ішінде түскен істердің ең көп санаттары бойынша сараласақ, мемлекеттік сатып алу бойынша – 62 іс, жер дауы бойынша – 43 іс, сот орындаушыларының әрекетіне дау айту бойынша – 89 іс қаралған. Яғни облысымызда әрекеті жиі дауланатын лауазымды тұлғалар – жеке сот орындаушылары болатын болса, шешімдері жиі наразылық туындатып отырған сала – мемлекеттік сатып алу саласы боп табылады», – деді Жанат Әнуарқызы.
</blockquote>
Сот барысында 6 әкімшілік іс медиация тәртібімен, 3 әкімшілік іс татуласу рәсімімен қаралып аяқталған.
<blockquote>
 «Айта кету қажет – істі татуласу рәсімдерімен аяқтау бойынша біздің көрсеткіштеріміз төмен болып тұр. Тараптар бітімге келуге ынталы емес, істің түпкілікті шешіммен аяқталғанын қалап тұрады. Сонымен қатар, істердің басым бөлігі мемлекеттік сатып алу саласындағы істер мен салық даулары болғандықтан, мұндай санаттағы істерді бітіммен аяқтауға кедергі келтіретін өз себептері болуда. Одан бөлек, мемлекеттік сатып алу саласындағы дау бойынша бітім келісімін бекітудің сыбайлас жемқорлықпен ұштасу қаупі болады. Осы себепті аталған санаттағы істер бойынша бітім келісімдері жасалмай отыр. Бұл бағыт бойынша жұмысты реттеуге шаралар қолданылатын болады», – деді Гүлжан Жалғасбайқызы.
</blockquote>

Қызылорда: 6 айда әкімшілік сот 300-ден аса іс қарады

<a href="https://kyzylorda-news.kz/">Kyzylorda-news.kz.</a> Қызылорда облысына Қазақстан Республикасының Экология, геология және табиғи ресурстар министрлігінің Су ресурстары комитетінің төрағасы Нұрлан Алдамжаровтың іссапары барысында Жаңақорған ауданы, Көктөбе елді мекені тұсындағы үрлемелі су тоспасының жағдайымен танысты.
Сапар барысында су шаруашылығы мамандармен бірлесіп вегетациялық кезеңде Келінтөбе магистралды каналын суландыру мәселесі талқыланды.
Айта кетейік, Келінтөбе магистралды каналы арқылы ауданның 30 мың га егістік жерін суландырылады.
<img src="https://kyzylorda-news.kz/wp-content/uploads/2022/01/fb_img_1643627272907.jpg" alt="" />

Жаңақорған: Келінтөбе магистралды каналына кепілді су беру мәселесі талқыланды

Kyzylorda-news.kz. Қызылорда облысындағы Халыққа қызмет көрсету орталықтары сенбі күні де жұмыс істейтін болды.
Жұмыс күндері ХҚКО азаматтарды сағат 09.00-ден 20.00-ге дейін қабылдаса, сенбі күні сағат 09.00-ден 18.00-ге дейін қызмет көрсетеді. Айта кетейік, сенбі күні Ішкі істер министрлігінің көші-қон қызметі және әкімшілік полиция мамандары 13:00-ге дейін жұмыс атқарады.
Санитарлық-эпидемиологиялық талаптарды сақтау мақсатында ХҚО-ға Ashyq қосымшасы арқылы және медициналық маскалардың болуы талап етіледі.
«Азаматтарға арналған үкімет» мемлекеттік корпорациясы» тұрғындарды «электрондық үкімет» онлайн-сервистерін белсенді пайдалануға шақырады.
Бүгінгі күні мемлекеттік қызметтердің 645 түрі (мемлекеттік тізілімдегі 690 қызметтің ішінде) электронды түрде қолжетімді, клиенттер оларды өздері ала алады:
<ul>
<li>eGov.kz электронды порталы;</li>
<li>eGov Mobile мобильдік қосымшасында;</li>
<li>Telegram мессенджеріндегі бот арқылы (@Kenes1414Bot);</li>
<li>Facebook және ВКонтакте әлеуметтік желілерінің мессенджерлері арқылы (жеке хат алмасу).”</li>
</ul>

Қызылордада халыққа қызмет көрсету орталықтары сенбі күні де жұмыс істейді

<a href="https://kyzylorda-news.kz/">Kyzylorda-news.kz.</a> Қызылорда облысында ревакцинация жасау үшін екпе қоры жеткілікті. Бұл туралы облыстық санитарлық-эпидемиологиялық бақылау департаменті бастығының орынбасары Әлия Әбдіқайымова мәлімдеді.
<blockquote>
 “Бүгінгі күні облыста ревакцинациялау үшін QazVac, SinoVac, Pfizer, «Спутник Лайт» препараттары қолданылуда. Өткен жылдың қарашасынан басталған ревакцинациядан барлығы 64 921 адам өтті. Басым көпшілігі облыс орталығының үлесінде, аудандар бойынша жоғары көрсеткіштер Арал, Қазалы, Жаңақорған өңірлеріне тиесілі. Кәсіп түрлері бойынша медицина қызметкерлері, мұғалімдер мен күштік құрылымдар қызметкерлері көш бастап тұр. Облыс көлемінде иммундаудан кейін асқыну жағдайлары тіркелген жоқ”, – дейді Әлия Әбдіқайымова.
</blockquote>

Қазақстан және Қызылорда облысының жаңалықтары