<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтің төрағалығымен өткен Конституциясының нормаларын іске асыру мәселесіне қатысты мәжілістен кейін, Қазалы ауданы әкімі Алмасбек Есмаханов арнайы аппарат мәжіліс өткізіп, күн тәртібіндегі мәселелер бойынша тиісті сала басшыларына нақты тапсырмалар жүктеді.<blockquote>- 15 наурызда Мемлекет басшымыз Қасым-Жомарт Кемелұлының бастамасымен жаңа Ата Заңның жобасына арналған республикалық референдум сәтті өтті. Ұлтымыздың тарихында алтын әріптермен жазылатын саяси маңызды кезеңде барша Сыр жұртшылығы бекем бірлігін көрсетіп, Мемлекет басшымыздың бастамаларына сенім артты, қолдау білдірді. Нәтижесінде республика деңгейіндегі дауыс беру көрсеткішімен Қызылорда облысы бірінші орынға тұрақтап, көш бастады. Оның ішінде, елдік мүдде жолында өз таңдауларын жасаған қазалылықтардыңда еңбегі зор. Ендігі алдағы уақытта Жаңа Конституцияның нормаларын іске асыру бойынша әрбір сала бойынша тиісті жұмыстар бірлесе атқарылуы тиіс, - деді аудан әкімі.</blockquote>Мәжілістің күн тәртібінде аудан аумағындағы жер қатынастарының жағдайы мәселесі де қаралып, жер ресурстарын тиімді пайдалану, заң талаптарына сәйкес жер беру және олардың мақсатты игерілуін бақылау бағытындағы жұмыстар сараланды. Аталған сала бойынша аудан әкімі ауыл шаруашылығы мақсатындағы жерлерді мемлекет меншігіне қайтару жұмыстарын жеделдету, игерілмей жатқан учаскелерге бақылауды күшейту және заң бұзушылықтарға жол бермеу сынды бірқатар кемшіліктер атап өтіп, жауапты сала басшыларына нақты тапсырмалар жүктеді. Жер қойнауын заңсыз пайдалану мәселесіне қатысты, бұл бағыттағы жұмыстарды жүйелеу және бақылау күшейтуді міндеттеді.Жиында көктемгі дала жұмыстарына дайындық барысы да қаралды. Әсіресе, су тапшылығы жағдайында су ресурстарын тиімді пайдалану, егін егу науқанын уақытылы әрі сапалы өткізу бойынша нақты тапсырмалар берілді.Бұдан бөлек, алда келе жатқан Ұлыстың ұлы күні – Наурыз мерекесіне дайындық мәселесі қаралып, елді мекендерді безендіру, мәдени-көпшілік іс-шараларды жоғары деңгейде ұйымдастыру және санитарлық тазалықты қамтамасыз ету бойынша жауапты тұлғаларға міндеттер жүктелді.Мәжіліс қорытындысы бойынша аудан басшысы берілген әрбір тапсырмалардың орындалуы қатаң бақылауда болатынын ескертті.

Жаңа Конституция нормаларын іске асыру мен бірқатар өзекті мәселелер қаралды

<a href="https://kyzylorda-news.kz/">Kyzylorda-news.kz</a> Сырдария аудандық мәдениет және тілдерді дамыту бөлімінде республикалық референдумның қорытындыларына арналған жиын өтті. Басқосуға бөлім қызметкерлері қатысып, ел өміріндегі маңызды саяси науқанның нәтижелері сараланды.Жиында сөз алған бөлім басшысы референдумға аудан тұрғындарының жоғары белсенділікпен қатысқанын атап өтті. Сондай-ақ ұжым мүшелерінің де қоғамдық-саяси науқаннан шет қалмай, азаматтық ұстанымдарын айқын көрсеткеніне ризашылығын білдірді.<blockquote>– Республикалық референдум – халық үнінің көрінісі. Бұл науқан әрбір азаматтың ел болашағына деген жауапкершілігін арттырып, қоғамдағы бірлік пен ынтымақты нығайта түсті. Қабылданған шешімдер еліміздің алдағы даму бағытын айқындайды, – деді бөлім басшысы.</blockquote>Жиын барысында қызметкерлер пікір алмасып, мәдениет саласы өкілдерінің де елдік бастамаларға белсенді қатысуының маңыздылығына тоқталды.

Сырдария ауданында референдум қорытындысы талқыланды

<a href="https://kyzylorda-news.kz/">Kyzylorda-news.kz</a> Халықаралық миссиялардың өкілдері 15 наурызда Қазақстанда өткен республикалық референдумға қатысты өз бағалауларымен бөлісуді жалғастыруда.Мьянма Республикасы Одақтық сайлау комиссиясының комиссары Тан Хтут Тейн конституциялық өзгерістерді талқылауға азаматтардың жоғары қызығушылық танытқанын атап өтті және Қазақстандағы референдум тәжірибесі басқа елдер үшін пайдалы болатынын айтты.Оның сөзінше, бақылаушылар миссиясы қоғамдық реакцияны және азаматтардың конституциялық өзгерістерді талқылауға белсенді қатысуын мұқият бақылаған.<blockquote>«Мен осы процеспен байланысты бірнеше аспектіні талқылағым келеді. Біз байқағанымыз, қоғамдық талқылау азаматтар тарапынан белсенді қызығушылықпен өтті. Халық осы өзгерістерге және жаңа Конституцияның мемлекет мүддесіне қалай қызмет ететініне үлкен қызығушылық танытты», - деді Тан Хтут Тейн.</blockquote><blockquote>Ол елдің болашағын конституциялық өзгерістер арқылы талқылау мемлекетті дамытудағы маңызды элемент екенін атап өтті.</blockquote>«Мұндай процестер елдің жақсы болашағына жол ашатынына үміт бар», - деді Мьянма сайлау комиссиясының өкілі.Оның айтуынша, халықаралық бақылаушылар миссиясына қатысу көптеген тәжірибе жинауға мүмкіндік берді, бұл тәжірибе кейінгі уақытта өз елінде қолданылуы мүмкін.<blockquote>«Біз көп сабақ алдық және бұл тәжірибені өз елімізде пайдалануды жоспарлап отырмыз», - деді Тан Хтут Тейн.</blockquote>Сонымен қатар, ол Қазақстан тарапына референдумды халықаралық бақылау миссиясында бақылауға қатысуға шақырғаны үшін алғысын білдіріп, елдер арасындағы сайлау процестерін ұйымдастыру тәжірибесін бөлісудің маңызды екенін атап өтті.

Мьянма Ұлттық сайлау комиссиясының комиссары: Референдум халық арасында үлкен қызығушылық тудырды

<a href="https://kyzylorda-news.kz/">Kyzylorda-news.kz</a> Қырғызстан Орталық сайлау комиссиясының төрағасы Тынчтык Шайназаров республикалық референдумның жоғары деңгейде дайындалғанын айтты.<blockquote>«Конституция – елдің тұрақтылығы мен бейбіт өмірінің негізі. Оның басты қағидасы – билік халықтың қолында. Сондықтан мемлекеттің болашағын халық анықтайды. Бұл – демократиялық қоғамның негізгі принципі», – деді Шайназаров.</blockquote>Ол Қазақстанда референдумға дейін ауқымды дайындық жұмыстары жүргізілгенін атап өтті.Халықаралық бақылаушының сөзінше, дауыс беру күні сайлау учаскелерінде ерекше атмосфера сезіліп, азаматтар жоғары деңгейде белсенділік танытқан.<blockquote>«Мен барған учаскелерде адамдардың көңіл-күйі көтеріңкі болды. Сайлаушылар белсенді қатысып, елдің болашағына бейжай қарамайтынын көрсетті. Учаскелерде мерекелік көңіл-күй сезіліп тұрды», – деді ол.</blockquote>Сөз соңында Қырғызстан Орталық сайлау комиссиясының төрағасы Қазақстан халқына референдумның өтуімен құттықтап, елге тұрақтылық &nbsp;тіледі.

Қырғызстаннан келген бақылаушы азаматтардың референдумға белсенді қатысқанын атап өтті

<a href="https://kyzylorda-news.kz/">Kyzylorda-news.kz</a> «Ел Дауысы» қоғамдық қоры 2026 жылғы 15 наурызда Қазақстанда өткен республикалық референдумды тәуелсіз қоғамдық бақылаудың қорытындыларына арналған ашық баспасөз конференциясын өткізді.Кездесу аясында қор басшылығы дауыс беру күні байқаушылар желісінің жұмысы туралы айтып, бақылаудың алдын ала нәтижелерін ұсынды, сондай-ақ сайлау учаскелеріндегі дауыс беру процесін ұйымдастыруға қатысты негізгі қорытындылармен бөлісті.<blockquote>«Ел Дауысы»&nbsp;қоры 2020 жылдан бері жұмыс істеп келеді. Осы кезеңде біз 6 мыңнан астам байқаушыны оқытып, даярладық.&nbsp;Бүгінге дейін өткен барлық электоралдық процестерге, соның ішінде парламенттік және президенттік сайлауларға қатыстық. Референдумды бақылау тәжірибеміз де бар. Биыл референдум өтетіні жарияланған сәттен бастап біз бірден үн қатып, аккредиттеу мерзімі жыл соңында аяқталғандықтан, оны жаңартып, тәуелсіз бақылауды ұйымдастыруға кірістік. Сонымен қатар, биыл 2020 жылдан бері бізбен тұрақты жұмыс істеп келе жатқан байқаушылар пулының қалыптасуының арқасында бақылау географиясын кеңейте алдық. Олардың тәжірибесінің арқасында бізге жаңа қатысушылар қосылды. Бұдан бөлек, жаңа байқаушылар әлеуметтік желілер арқылы маған тікелей хабарласты», – деді қор жетекшісі Аида&nbsp;Жексен.</blockquote>Оның айтуынша, биыл қордың қоғамдық бақылау жобасы Қазақстанның 32 қаласын қамтыды. Олардың қатарында ірі өңірлік орталықтармен қатар шағын қалалар да бар. Қор байқаушылары Астана, Алматы, Шымкент, Қарағанды, Павлодар, Өскемен, Қостанай, Ақтау, Атырау, Тараз, Түркістан, Петропавл, Қызылорда қалаларында, сондай-ақ Екібастұз, Жезқазған, Сәтбаев, Кентау, Талғар, Қонаев, Степногорск, Риддер және өзге де бірқатар елді мекендерде жұмыс істеді.Аида&nbsp;Жексен дауыс беру күні бойы қор байқаушылары учаскелердің ашылуын, дауыс беру процесінің ұйымдастырылуын, учаскелердегі рәсімдердің сақталуын, комиссиялардың жұмысын, сондай-ақ дауыстарды санау мен қорытынды құжаттарды рәсімдеу процесін тіркеп отырғанын атап өтті.Учаскелерден түскен ақпарат өңірлік үйлестірушілер арқылы жеткізіліп, қордың орталық штабында жинақталды.Алдын ала бақылау нәтижелері бойынша, учаскелердің басым бөлігінде дауыс беру ұйымдасқан әрі тыныш жағдайда өтті.Бақылау барысында рәсімдік сипаттағы жекелеген ескертулер мен сигналдар тіркелді, алайда олардың нәтижеге елеулі әсері жоқ.Қор жетекшісі Аида Джексенова азаматтардың қоғамдық бақылауға белсенді қатысу деңгейі жоғары болғанын атап өтті:<blockquote>«Қазақстанда азаматтық бақылауға деген қызығушылықтың артып келе жатқанын көріп отырмыз, мұны келушілер белсенділігінен де байқауға болады. Дауыс беру күні біздің байқаушылар еліміздің әртүрлі қалаларында жұмыс істеп, учаскелердегі жағдайды тіркеп, ақпаратты қор штабына жіберіп отырды. Біз үшін адамдардың қоғамдық процестерге қатысуға және рәсімдердің ашықтығы үшін жауапкершілік алуға дайын болуы маңызды», – деді ол.</blockquote>Қор жетекшісі қоғамдық бақылаудың негізгі миссиясы рәсімдердің ашықтығын қамтамасыз ету және заңнаманың сақталуын қадағалау екенін атап өтті.

Референдумды бақылау: «Ел Дауысы» қоры алдын ала қорытындыларын жариялады

<a href="https://kyzylorda-news.kz/">Kyzylorda-news.kz</a> Алынған мәліметтерге сәйкес, референдумға қатысуға құқығы бар Қазақстан Республикасы азаматтарының жалпы саны 12 миллион 482 мың 613 адамды құрады.Дауыс беруге қатысқан азаматтардың саны референдумға қатысуға құқығы бар азаматтар санының 9 миллион 127 мың 192 адамды немесе 73,12 % құрады.Референдумға қойылған мәселенің оң шешімін жақтап дауыс берген азаматтардың саны 7 миллион 954 мың 667 адам немесе 87,15 % құрады.Фото: ҚР Орталық референдум

ҚР Орталық референдум комиссиясы республикалық референдумда дауыс берудің алдын ала нәтижелерін жариялады

<a href="https://kyzylorda-news.kz/">Kyzylorda-news.kz</a> Қазақстанда өткен республикалық референдум кезінде халықаралық бақылаушылар тарапынан ешқандай заңбұзушылық тіркелмеген. Бұл туралы баспасөз конференциясында Ресей Федерациясы Орталық сайлау комиссиясының хатшысы Наталья Бударина мәлімдеді.Оның айтуынша, дауыс беру процесі мен референдумды ұйымдастыру Қазақстан Республикасының қолданыстағы заңнамасына толық сәйкес өткен.<blockquote>«Заңбұзушылықтарға қатысты қандай да бір ескерту айтуға негіз жоқ. Өйткені барлық рәсімдер Қазақстан Республикасының заңнамасына сәйкес жүргізілді. Мұны өз көзіңмен көргенде анық байқайсың. Шын мәнінде, мұның артында Орталық комиссияның басшылығымен жұмыс істеген референдум комиссияларының, сондай-ақ барлық жауапты органдардың үлкен еңбегі жатыр. Олар азаматтардың дауыс беруіне барлық мүмкіндіктердің жоғары деңгейде қамтамасыз етілуіне жағдай жасады», – деді Бударина.</blockquote>Ол дауыс беру нәтижелері қазақстандықтардың азаматтық жауапкершілігінің жоғары екенін көрсететінін атап өтті.<blockquote>«Мұны біз дауыс беру нәтижелерінен көріп отырмыз. Бұл азаматтардың қоғамдық-саяси үдерістерге жауапкершілікпен қарайтынын көрсетеді. Сонымен қатар дауыс беру үшін барлық мүмкіндіктердің толық қамтамасыз етілгенін аңғартады. Бұған комиссиялардың дауыс беру тәртібі мен рәсімдері туралы жүргізген кең ауқымды ақпараттық-түсіндіру жұмыстары да ықпал етті. Тағы да атап өткім келеді – бұл мүмкіндіктер толық әрі жан-жақты қамтамасыз етілді», – деді Ресей ОСК өкілі.</blockquote>Наталья Бударина сондай-ақ дауыс беру учаскелеріндегі атмосфераға тоқталды.<blockquote>«Учаскелерде өте жылы әрі достық атмосфера қалыптасты. Мұны референдумға қатысушылар да, бақылаушылар да байқады. Кейбір жерлерде кезек болғанына қарамастан, бәрі өте сыпайы әрі ұйымшыл жағдайда өтті», – деп қосты ол.</blockquote>Оның айтуынша, атқарылған жұмыстар референдумның ашық әрі қолжетімді өтуіне мүмкіндік берген.Фото: Ресей ОСК өкілі

Ресей ОСК өкілі: Дауыс беруге барлық мүмкіндік толық қамтамасыз етілді

<a href="https://kyzylorda-news.kz/">Kyzylorda-news.kz</a> Өздеріңізге белгілі 16 ақпаннан бастап «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының бастамасы аясында &nbsp;өңірлік коалиция өз жұмысын бастады.&nbsp;Қызылорда облысында коалиция бастамасы аясында 349 азаматты біріктірген 1 аймақтық және 8 аумақтық коалиция құрылды. Коалиция құрамына қоғамға танымал білім, ғылым, мәдениет, азаматтық сектор, бұқаралық ақпарат құралдары мен бизнес өкілдері, мәслихат депутаттары, белсенді жастар және «АМАNАТ», «Ақжол» Қазақстан демократиялық, «Қазақстан Халық», Ауыл, Respublika партия өкілдері енді. Олардың жанында үгіт-насихат жұмыстарын ұйымдастыруға 200-ден астам ерікті белсенді түрде қызмет атқарды.Бір айға жуық уақыт ішінде өңір көлемінде коалиция мүшелерімен 881 іс-шара ұйымдастырылып, 189 мыңнан астам сайлаушы қамтылды.&nbsp;Өңірімізге Жалпыұлттық коалиция өкілдерінің қатысуымен түрлі сала өкілдерімен кездесулер және 20 мыңға жуық қала тұрғыны мен қонақтарын біріктірген «Open air» шарасы ұйымдастырылды. &nbsp;Бұл мерекелік шара қоғамдық пікір мен азаматтық жауапкершіліктің символына айналды десек болады.&nbsp;Бүгін дауыс беру процесінің заңдылығы мен ашықтығын қамтамасыз ету мақсатында 699 байқаушы мен 368 мобильді капитаннан тұратын бақылау тобы жұмыс істеді.Бүгінгі референдум облыс көлемінде заң талаптарына толық сәйкес, ашық әрі әділ өтті деп сеніммен айта аламын. Сыр өңірінің тұрғындары жоғары азаматтық белсенділік танытып, ел болашағына бейжай қарамайтынын тағы бір мәрте көрсетті. Осы ретте, маңызды саяси науқанға белсенді қатысқан Сыр жұртшылығына, коалиция мүшелеріне және еріктілерге шынайы ризашылығымды білдіремін!Наурызбай Байқадамов, «Әділетті және Прогрессивті Қазақстанның Халықтық Конституциясы үшін!» өңірлік коалиция жетекшісі

Наурызбай Байқадамов: СЫР ЖҰРТШЫЛЫҒЫ РЕФЕРЕНДУМДА ЖОҒАРЫ БЕЛСЕНДІЛІК ТАНЫТТЫ

<a href="https://kyzylorda-news.kz/">Kyzylorda-news.kz</a> &nbsp;Республикалық референдумда дауыс беру аяқталды. Қызылорда облысында маңызды науқанда дауыс беруге келген азаматтардың белсенділігі жоғары болды. Сағат 20.00-ден кейін комиссия дауыстарды санау процесімен айналысуда. Заңға сәйкес олар дауыстарды 12 сағат ішінде санауға құқылы.Облыс бойынша 492 524 азамат дауыс беру құқығына ие азаматтардың тізіміне енді. Олардың ішінде 2637 азамат алғаш рет дауыс беру мүмкіндігін алды. Сонымен бірге сағат 20.00-ге дейін 225 азамат есептен шығару &nbsp;куәлігі бойынша дауыс берген.Дауыстарды санау процесін аккредиттеуден өткен байқаушылар бақылап отыр. Дауыстарды санау аяқталғаннан кейін хаттама толтырылады.

 Комиссия мүшелері дауыстарды санауды жүргізуде

<a href="https://kyzylorda-news.kz/">Kyzylorda-news.kz</a> Қызылорда өңіріндегі барлық 378 референдум учаскесінде дауыс беру аяқталды. Енді учаскелік референдум комиссияларының мүшелері дауыстарды санау процесіне көшеді.Айта кетейік, заңға сәйкес дауыстарды санау 12 сағат ішінде жүргізіледі.&nbsp;Еске салайық, Қызылорда өңірінде 378 референдум комиссиясы құрылды. Мұнда 2642 комиссия мүшесі қызмет атқарды.

Учаскелерде дауыс беру аяқталды

<a href="https://kyzylorda-news.kz/">Kyzylorda-news.kz</a> Қызылорда өңірінде референдум процесі заң талаптарына сай өткізілуде.Процесстің барлығын аккредиттеуден өткен байқаушылар, БАҚ өкілдері бақылап қарауда. Қазіргі таңда облыс бойынша қандай да бір өрескел заң бұзушылықтар анықталмады.Қызылорда облысы бойынша дауыс беру басталған сәттен бері республикадан аккредиттелген 6 ұйымнан 1016 азамат, облыстан аккредиттелген 19 ұйымнан 1617 азамат референдумға байқаушы ретінде қатысып отыр. Барлығы 2633 байқаушы қатысып отыр.Сонымен қатар, учаскелерде науқанның өту барысын бұқаралық ақпарат құралдарының өкілдері де ақпараттандыруда.Айта кетейік, дауыс беру 20.00-ге дейін жүзеге асады.

Референдум процесін 2 633 байқаушы бақылап отыр

<a href="https://kyzylorda-news.kz/">Kyzylorda-news.kz</a> Дауыс беру уақыты аяқталуға жақындағанына қарамастан, белсенді тұрғындар референдум учаскелеріне келіп, өз таңдауларын жасап жатыр. Бұл ретте Қазалылық жастар да азаматтардың дауыс беруге қатысуына қолайлы жағдай жасап, белсенділік &nbsp;көрсетуде.Атап айтқанда, Әйтеке би кенті мен Қазалы қаласы бойынша арнайы автоволонтерлер ұйымдастырылып, тұрғындарға көмек көрсетілуде. Автоволонтерлер өз көліктерімен тұрғындарды дауыс беру учаскелеріне тегін тасымалдап, олардың азаматтық борыштарын орындауына мүмкіндік жасап отыр. Бұл бастама әсіресе қарт адамдар мен көлігі жоқ тұрғындар үшін үлкен көмек болып, көпшіліктің алғысына бөленуде.Әрбір сайлау науқанында игі дәстүрге айналған бұл бастама биылғы маңызды саяси шара барысында да жалғасын тауып, жастардың қоғам өміріне бейжай қарамайтынын тағы бір мәрте көрсетті.&nbsp;<blockquote>– «Қоғамға пайдамыз тисе – біз үшін үлкен мәртебе. Осындай игі бастамаларды әр сайлау сайын жалғастырып, халыққа қолдау көрсетуді өзіміздің азаматтық міндетіміз деп білеміз», – дейді волонтер жастар. Жастардың бұл бастамасы аудан тұрғындарының белсенділігін арттырып қана қоймай, қоғамдағы ынтымақ пен жауапкершіліктің нығаюына да өз үлесін қосуда.</blockquote>

Қазақстан және Қызылорда облысының жаңалықтары: Референдум