<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 1 қыркүйекте Парламент палаталарының бірлескен отырысында Қазақстан халқына Жолдауын жариялайды, деп хабарлайды Ақорда.
Жолдаудың негізгі бөлігі еліміздің әлеуметтік-экономикалық дамуына арналады.
Бұған дейін белгілі болғандай, 1 қыркүйек күні Парламент палаталарының бірлескен отырысы өтеді. Тиісті өкімге Мәжіліс төрағасы Ерлан Қошанов қол қойды.

Мемлекет басшысы Қазақстан халқына Жолдауын жариялайды

<a href="https://kyzylorda-news.kz/">Kyzylorda-news.kz.</a> Қазалыда «Мәдениетті ана – мәдениетті ұлт» жобасы аясында «Сыны мен сыры бөлек Сыр аналары» атты аналар форумы өтті.
Роза Бағланова атындағы аудандық мәдениет орталығында өткен шарада кәсіпкер аналардың қолдан жасалған туындылары таныстырылды. Онда қолөнер шеберлерінің бұйымдары, ұлттық нақышта тігілген киімдермен қоса кондитерлік өнімдер көрмеге қойылды.
Тағылым мол шараға аудан әкімінің орынбасары Дәурен Тлеумбетов төрағалық етіп, облыстық форумға қатысушы қонақтарды таныстырып өтті. Сондай-ақ, отбасылық және ұлттық құндылықтар дәріптеле түсетін аталмыш форумның маңызына тоқталды.
Мұнан соң облыстық Аналар кеңесінің төрайымы Рахима Қаржаубайқызы қоғамдық өмірге белсене араласып жүрген аналардың рөлі мен отбасылық құндылықтар және ұлттық тәрбиеге басымдық беру жайында сөз қозғап, барша жиынға қатысушыларға жылы лебізін жеткізді.
Өз кезегінде «Ана мен бала денсаулығын қорғау» тақырыбында аудандық аурухананың бас дәрігері Бақыткүл Әлмәмбетқызы, «Отбасылық зорлық-зомбылықтың алдын-алу» тақырыбында аудандық полиция бөлімінің полиция майоры Айжан Серәліқызы және «Отбасы, неке мәртебесін көтеру, отбасы құндылықтарын дәріптеу» туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің маманы Зәмзәгүл Данабайқызы баяндама жасады. 
Жиын барысында қонақтарға жеке кәсіпкер, Алтын алқа иегері Сәбира Жанболатқызының «Милана» ательесіндегі киім үлгілерінің сән көрсетілімі ұсынылды.
Шара соңында аудандағы үлгілі 6 анаға «Ардақты ана», «Үлгілі ана», «Рухты ана», «Өз ісінің шебері», «Дәстүр насихаттаушысы», «Ұрпақ жанашыры» номинациялары бойынша марапаттар мен аудан әкімі Мұхтар Оразбаевтың алғыс хаттары табыс етіліп, форум соңы концерттік бағдарламаға ұласты.
Айта кетейік, «Сыны мен сыры бөлек Сыр аналары» атты ерекше атаумен өткен шараға Қызылорда облыстық Қазақстан халқы Ассамблеясы жанындағы Аналар кеңесі мұрындық болып отыр.
<img src="https://kyzylorda-news.kz/wp-content/uploads/2022/08/301007258_1604484139947092_7131435281311285749_n.jpg" alt="" />
<img src="https://kyzylorda-news.kz/wp-content/uploads/2022/08/300992996_1604484409947065_5616309690323082049_n.jpg" alt="" />
<img src="https://kyzylorda-news.kz/wp-content/uploads/2022/08/300972841_1604484346613738_1309952843414874418_n.jpg" alt="" />

Қазалыда облыстық аналар форумы өтті

<a href="https://kyzylorda-news.kz/">Kyzylorda-news.kz.</a> «Маған сақтандыру не үшін қажет, мен не үшін төлем төлеймін, МӘМС не береді?» – азаматтар жиі осындай сұрақтар қояды. Көптеген адамдар МӘМС тізімінде қандай медициналық көмекке сенім арта алатындығын білмейді. Әлеуметтік медициналық сақтандыру қорының Қызылорда облысы бойынша филиалында МӘМС-ға не кіретінін және сақтандырылған азаматтардың қандай құқықтары бар екенін айтты.
Қор филиалының директоры Бақыт Исмаханбетовтың айтуынша, көрсетілетін медициналық көмектің көлемін арттыру үшін МӘМС жүйесі енгізілді. 2022 жылы Қызылорда облысының тұрғындарына медициналық көмекті қаржыландыруға 84,3 млрд. теңге бағытталды, оның ішінде ТМККК бойынша – 51,1 млрд. теңге, МӘМС бойынша – 33,2 млрд. теңге. Тегін медициналық көмектің кепілдік берілген көлемі сақтандырылмаған азаматтарға да көрсетіледі, оған шұғыл жағдайларда медициналық көмек, учаскелік маманның қабылдауы, шұғыл операциялар, әлеуметтік мәні бар ауруларды емдеу кіреді (толық тізбемен Қор сайтында келесі сілтеме бойынша танысуға болады: https://fms.kz/kz/useful-to-know/chto-mozhno-poluchit-besplatno-gomb/).
МӘМС тізбесінде медициналық көмек «САҚТАНДЫРЫЛҒАН» мәртебесі бар азаматтарға көрсетіледі. Бұл ретте 15 жеңілдік санатына енгізілген 11 млн. қазақстандық үшін жарналарды мемлекет төлейді. Бұл адамдар сақтандырылған және қосымша ақысыз медициналық көмек алу керек. 
МӘМС тізіміне мыналар кіреді:
<ol>
<li>Амбулаториялық жағдайдағы медициналық көмек (ауруларды диагностикалау және емдеу):</li>
</ol>
<ul>
<li>скринингтік зерттеулер;</li>
<li>МСАК дәрігерлерінің жолдамасы бойынша бейінді мамандардың консультациялары;</li>
<li>ауруларды диагностикалау және емдеу;</li>
<li>халықтың жекелеген санаттарына шұғыл және жоспарлы нысандағы стоматологиялық көмек;</li>
<li>күндізгі стационар және үйдегі стационар; – рәсімдер мен манипуляциялар;</li>
</ul>
<ol>
<li>Тәулік бойғы стационарда ауруларды емдеу және диагностикалау. Бұл жерде біз барлық аурулар бойынша медициналық көмек туралы айтамыз, соның ішінде қымбат тұратын операциялар, мысалы, кардиологиялық, ортопедиялық, есту органдарына жасалатын операциялар және т.б.</li>
<li>Диагностика және емдеу хаттамаларында көзделген барлық аурулар бойынша медициналық оңалту;</li>
<li>Скринингтік зерттеулерді, операцияларды және т. б. жүргізу кезінде биоматериал жіберілетін гистологиялық, цитологиялық және басқа да зерттеулерді қамтитын патологиялық-анатомиялық диагностика;</li>
<li>транспланттау кезіндегі диагностикалық зерттеулер;</li>
<li>Дәрілік заттармен және медициналық бұйымдармен қамтамасыз ету. 
«Шұғыл көмек сақтандырылмаған адамдарға да көрсетілетінін білу қажет, өйткені ол ТМККК шеңберінде жүргізіледі. Алайда, медициналық көмек жоспарлы түрде МӘМС-те ұсынылады. Сақтандырылған тұлға мәртебесіне ие бола отырып, пациент медициналық қызметтердің ең көп түріне қол жеткізе алады. Тар бейінді мамандардың қабылдауы, әртүрлі талдаулар, КТ, МРТ, УДЗ, рентген, ЭКГ сияқты қымбат зерттеулер, көптеген аурулардың диагностикасы, оңалту қызметтері, жоспарлы операциялар МӘМС тізбесіне кіреді. Яғни сақтандырылған азаматтар қазір бұрын ақылы негізде көрсетілген қызметтерді тегін ала алады», – деп түсіндірді Бақыт Исмаханбетов. 
«САҚТАНДЫРЫЛҒАН» мәртебесін алу үшін алдыңғы 12 айға жарналарды төлеу қажет. 2022 жылдың кыркүйек айынан бастап жаңа ережелер күшіне енеді. Егер сіз алдағы 12 айға төлем жасасаңыз, өткен жыл үшін жарналарды төлемейсіз. 
БЖТ төлеушілерге соңғы айларда, соның ішінде ағымдағы айларда үш уақтылы төлемнің болуы жеткілікті. БЖТ төлеушілер үшін сақтандырылу мәртебесі төленген айдың соңғы күніне дейін әрекет ететіндігін еске салу қажет. Мысалы, егер МӘМС үшін төлем тамыз айында болса, онда 1 қыркүйектен бастап БЖТ кезекті төлемін жасамаған жағдайда, адам сақтандырылмайды. Егер ағымдағы кезеңде немесе алдын ала төлем болмаса, мәртебе жоғалады және оны қалпына келтіру үшін БЖТ-да үшінші бірізді төлемінің басталуын қайтадан күтуге тура келеді.</li>
</ol>
Егер сізде сақтандырылған тұлға мәртебесін алуға немесе медициналық көмек алуға қатысты сұрақтар туындаған болса, әрбір медициналық ұйымда бар Пациентті қолдау қызметіне жүгіне аласыз. Егер сол жерде жағдайды шешу мүмкін болмаса, Әлеуметтік медициналық сақтандыру қорына өтінішті өзіңізге ыңғайлы байланыс арнасы бойынша қалдыруға болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot.
<img src="https://kyzylorda-news.kz/wp-content/uploads/2022/08/image-2.png" alt="" />
<img src="https://kyzylorda-news.kz/wp-content/uploads/2022/08/image-3.png" alt="" />
<img src="https://kyzylorda-news.kz/wp-content/uploads/2022/08/image-4.png" alt="" />
<img src="https://kyzylorda-news.kz/wp-content/uploads/2022/08/image-5.png" alt="" />
<img src="https://kyzylorda-news.kz/wp-content/uploads/2022/08/image-6.png" alt="" />
<img src="https://kyzylorda-news.kz/wp-content/uploads/2022/08/image-7.png" alt="" />
<img src="https://kyzylorda-news.kz/wp-content/uploads/2022/08/image-8.png" alt="" />

Сақтандыру бойынша азаматтарға қандай медициналық көмек тиесілі?

<a href="https://kyzylorda-news.kz/">Kyzylorda-news.kz.</a> Қазақстанда 734 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК.
Нұр-Сұлтан қаласында – 133,
Алматы қаласында – 190,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 6,
Жетісу облысында – 3,
Атырау облысында – 10,
Шығыс Қазақстан облысында – 25,
Абай облысында – 16,
Жамбыл облысында – 69,
Батыс Қазақстан облысында – 12,
Қарағанды облысында – 159,
Ұлытау облысында – 10,
Қостанай облысында – 0,
Қызылорда облысында – 8,
Маңғыстау облысында – 32,
Павлодар облысында – 35,
Солтүстік Қазақстан облысында – 0,
Түркістан облысында – 26.
Елімізде барлығы 1 353 470 адам COVID-19-дан емделіп, сауығып шықты.

Қызылордада 8 адам коронавирус індетінен айықты

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясын жұқтырған 664 жағдай тіркелді, деп хабарлайды COVID-19 таралуына жол бермеу жөніндегі ВАК.
Оның ішінде:
Нұр-Сұлтан қаласында – 110,
Алматы қаласында – 42,
Шымкент қаласында – 3,
Ақмола облысында – 79,
Ақтөбе облысында – 28,
Алматы облысында – 8,
Жетісу облысында – 11,
Атырау облысында – 13,
Шығыс Қазақстан облысында – 18,
Абай облысында – 6,
Жамбыл облысында – 5,
Батыс Қазақстан облысында – 67,
Қарағанды облысында – 97,
Ұлытау облысында – 0,
Қостанай облысында – 72,
Қызылорда облысында – 5,
Маңғыстау облысында – 17,
Павлодар облысында – 47,
Солтүстік Қазақстан облысында – 32,
Түркістан облысында – 4.
Жалпы елімізде коронавирус инфекциясын жұқтырғандар саны 1 386 412 жетті.

Қызылордада 5 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Синоптиктер 26 тамызға арналған ауа райы болжамын жариялады, Қазгидромет.
Кең ауқымды және баяу қозғалатын антициклонның оңтүстік, оңтүстік-шығыс перифериясы бұрынғысынша еліміздің басым бөлігінің ауа райының қалыптастырып, ашық және құрғақ ауа райын сақтайды.
Сондай-ақ, Қазақстанның солтүстігінде, солтүстік-батысында және оңтүстік-шығысында атмосфералық фронттардың әсері сақталады. Осыған байланысты бұл өңірлерде найзағай жарқылдап, жаңбыр жауады.
Республика бойынша кей жерлерде жел күшейіп, түнде және таңертең шығыста, солтүстікте тұман түседі.
Қызылорда, Түркістан, Атырау облыстарының басым бөлігінде, Батыс Қазақстан облысының батысында, Абай облысының оңтүстігінде төтенше өрт қаупі сақталады.
Күндіз Атырау облысының басым бөлігінде аптап ыстық болады.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Соңғы жылдары технологиялар шапшаң дамып жатыр, мұны, әсіресе ақпарат жеткізудің жаңа әдістерінің енгізілуінен анық байқауға болады.
«Қазтелерадио» акционерлік қоғамының жаңа заманға сай техникалық шешімдерінің арқасында 2018 жылдан бастап аналогты телевизия өшіріліп, цифрлық эфирлік хабар таратуға кезең-кезеңмен көшу басталды. Бүгін жоғары сапалы кескін және дыбыс беретін сигналдар Маңғыстау, Түркістан, Солтүстік Қазақстан, Қарағанды, Алматы, Жетісу, Павлодар, Қостанай облыстарының, сондай-ақ, Елорда тұрғындары мен қонақтарына, Алматы және Шымкент көрермендеріне қолжетімді. Республиканың 92,43% жері ЦЭТВ-мен қамтылған.
Цифлық Эфирлік Телевизия дегеніміз не өзі? Жәй сөзбен түсіндіретін болсақ, бұл – сигналды жеткізудің жаңа технологиясына көшу. Аналогты сигнал ауылдық жерлерге тек 2-3 арна жеткізетін, әрі ауа-райы құбылыстарына төзімсіз болатын, сондықтан жиі-жиі дұрыс көрсетпейтін.
Цифрлық эфирлік телевизия неғұрлым сапалы кескін мен дыбыс қабылдауға мүмкіндік береді, ең бастысы, трансляцияланатын арналардың санын бірнеше есе арттырып, облыс орталықтарында 30-ға дейін, тіпті ең шалғай аудандарда 15-ке жеткізді. Бұдан басқа, қазір абоненттерге түрлі сервистер қолжетімді, оның ішінде телебағдарлама, қаралатын телехабардың қысқаша сипаттамасы және т.б., бір сөзбен айтқанда, аналогты хабар таратудан цифрлық хабар таратуға көшу көрермендер үшін де, ұлттық оператор ретінде хабар тарататын «Қазтелерадио» АҚ үшін де алға басқан үлкен қадам.
Цифрлық Эфирлік Телевизия абоненті болу өте оңай, ол үшін теледидарға цифрлық сигнал қабылдайтын жалғама құрал мен дециметрлік антеннаны жалғасаңыз жеткілікті – Сіздің алдыңызға керемет сапамен көрсетілетін отандық арналардың тізімі шығады. Айтпақшы, заманауи теледидарлардың көбінің ішіне цифрлық эфирлік сигнал қабылдағыш салынған, ол кез келген бағдараламаны жалғама құралсыз көруге мүмкіндік береді. Ең маңыздысы, цифрлық эфирлік ТВ топтамасындағы арналар су тегін таратылады.
Сонымен, Цифрлық Эфирлік Телевизияға көшу дегеніміз, бұл – республикалық маңызы бар қалалар мен облыстық орталықтарынан алыс тұратын болсаңыз да, сүйікті хабарларыңызды тегін әрі керемет сапамен көру мүмкіндігі.
Қалай қосылуға болатыны және жабдық сатып алу туралы толық ақпаратты www.tsetv.kz сайтынан, сондай-ақ, ұялы операторларға тегін 8 8000 800 193 нөмірі немесе 193 нөмірі арқылы ала аласыз.

Қазақстан кезең-кезеңмен цифрлық эфирлік телехабар таратуға көшіп жатыр

Kyzylorda-news.kz. «Мәдениетті ана – мәдениетті ұлт» жобасы аясында Байқоңыр қаласында «Сыны мен сыры бөлек Сыр аналары» тақырыбында «Аналар форумы» өткізілді.
Форумның басты мақсаты – әйел ананың қоғамдағы орны мен рөлін күшейту, отбасылық және ұлттық құндылықтарды дәріптеудегі аналардың еңбегін айшықтау, әйелдердің қоғамдық белсенділігін арттыру болып табылады.
Қаладағы кәсіпкер аналардың өнімдері қойылған көрмемен басталған шара, «Аналар форумына» ұласты.
Маңызды мәселелер қозғалған жиынға Қызылорда облыстық Қазақстан Халқы Ассамблеясы жанындағы Аналар кеңесінің төрайымы Рахима Ахметова, облыстық маслихат депутаты, Аналар кеңесінің белсенді мүшесі Аида Абибуллаева, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Нариман Мақұлбеков қатысып, қазақи тәрбие мен отбасы құндылықтары талқыға салынды.
Форумға жиналған жұртшылық отбасындағы ата-ананың орны мен бала тәрбиесі сынды бірқатар өзекті мәселелер қозғады.Қаладағы белсенді кәсіпкер аналар марапатталып, шара концерттік бағдарламамен, қазақи нақыштағы сән көрмесімен жалғасын тапты.
<img src="https://kyzylorda-news.kz/wp-content/uploads/2022/08/fb_img_1661438785832.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661438780368.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661438780368.jpg" alt="" />

Қызылорда облыстық аналар форумы алғаш рет Байқоңыр қаласында өтті

Kyzylorda-news.kz. Жыл басынан бері Қызылорда қаласында алаяқтық бойынша 527 іс тіркелген, бұл өткен жылдың салыстырмалы кезеңіндегі деректен 42 іске жоғары. Әлеуметтік желі арқылы жасалған алаяқтық бойынша 285 іс өндірістік қарауда. Бұл туралы Өңірлік коммуникациялар қызметінде өткен баспасөз конференциясында Қызылорда қалалық Полиция басқармасының криминалды полиция бөлімінің бастығы, полиция майоры Айдарбек Құрбанов мәлімдеді.
<blockquote>
 «Қазіргі уақытта ең көп тіркеліп жатқан алаяқтық қылмыстар әлеуметтік желі арқылы орын алуда. Атап айтқанда, ақшаны еселеп беру, азаматтардың деректерін пайдаланып онлайн несие алу, «Колеса», «Инстаграм», «ОЛХ» жарнама парақшаларындағы жалған хабарландыру арқылы сауда жасау болып отыр. Сондай-ақ, «балаңызды полиция қызметкері ұстап тұр, оны шығарып алу үшін ақша аудару керек» деген қылмыстардың ізін суытпай ашу бағытында жедел-профилактикалық іс-шаралар жүргізілді. Нәтижесінде ҚПБ-мен осындай қылмысты жасаған 17 дерекке қатысы бар деген күдікті адам ұсталып, қамауға алынып, сотқа дейінгі тергеп-тексеру амалдары жүргізілуде», – деді Айдарбек Иманбердіұлы.
</blockquote>
Сондай-ақ, жоғалған ұялы телефонда сақталған жеке деректерді пайдаланып жасалған фактілер де бар.
<img src="https://kyzylorda-news.kz/wp-content/uploads/2022/08/fb_img_1661431441948.jpg" alt="" />

Қызылордада алаяқтық қылмысы азаймай тұр

Мектеп формасына қанша қаржы жұмсалады?

<a href="https://kyzylorda-news.kz/">Kyzylorda-news.kz.</a>&nbsp;Арал ауданында аудан халқын егін шаруашылығына бейімдеу жұмыстары толықтай қолға алынып жатыр. Өңірде былтыр 166,7 гектар жерге егін егілсе, алдағы үш жылдықта бұл көрсеткішті бекітілген Жол картасына сәйкес 3000 гектарға дейін жеткізу жоспарда бар. Бұл туралы аудан әкімі Серік Сермағамбетов мәлімдеді.
Осы кезге дейін аудан бойынша барлығы 535,2 гектар жерді егіске дайындау жұмыстары жүргізілген. Оның ішінде 11,7 гектар жерге картоп, 169 гектарға бақша, 54 гектарға көкөніс және 221,5 гектар жерге жаңа жоңышқа дақылдары, 73 гектарға ескі жоңышқа егіліп, суару жұмыстары жүргізілді. Барлығы 529,2 гектар жерге түрлі егістік дақылдары орналастырылды. Алдағы күз айында 250 гектардың үстінде жаңа күзгі жоңышқа егу жоспарланған.
<blockquote>
 «Бүгінде егістік жерлерді суландыру мақсатында облыстан 10 дана дөңгелекті дизелді су насостары алу үшін тапсырыс беріліп, нәтижесі күтілуде. Мұнымен қоса, суды тиімді пайдалану мақсатында түрлі әдістер пайдаланылуда. Оның ішінде Ақирек ауылдық округінде «Асхат», «Нұр-Дана» шаруа қожалықтары «подпленка» әдісімен 7 гектар жерге бақша өнімдерін ексе, Атанши ауылдық округінде жеке кәсіпкер (Елтай Төремұратов) 14 гектар жерге елді мекенде орналасқан су ұңғымасын пайдаланып, суды үнемдеу мақсатында тамшылап суару әдісімен бақша, көкөніс дақылдарын егіп, өнімдерін алуда. Сондай-ақ, Аманөткел ауылдық округінде «Camel Pro» (Кэймел Про) шаруа қожалығы 80 гектардан астам жерге жаңбырлатып суаратын қондырғы арқылы жаңа жоңышқа тұқымын себуді қолға алдық», – деді аудан әкімі Серік Сағитжанұлы.
</blockquote>
Аудан басшысының айтуынша биылғы жылы әрбір ауданда егін егуді қолға алу, ауданды ішкі өніммен қамтамасыз ету бойынша берілген облыс әкімінің тапсырмасына сәйкес, 70 гектар жерге егін отырғызу межесі жүктелген. Осыған сәйкес әрбір елді мекеннің мүмкіншіліктеріне орай 2-10 гектар аралығында картоп, бау-бақша өсіру шаралары жүзеге асырылды. Атқарылған жұмыстар қорытындысымен 100,2 гектар жерге егін егіліп, 142 пайызға орындалып отыр.
<blockquote>
 «Жалпы аудан халқын азық-түлікпен қамтамасыз етудің есебі жасалған. Соған сәйкес өз-өзімізді ішкі өніммен қамтамасыз етудің тетіктері іске асырыла бастады. Биылғы жылы егіс көлемі жылдағыдан 3 еседен артық егілді. Соның нәтижесінде ауданда бірінші кезекте қажетті картоп өнімімен 1,7 пайызға, көкөніс 9,2 пайызға және биылғы жылы бақша өнімдерінен 2125 тонна өнім алу жоспарлануда», – дейді Арал ауданының әкімі Серік Сермағамбетов.
</blockquote>
<img src="https://kyzylorda-news.kz/wp-content/uploads/2022/08/serik-1.jpg" alt="" />

Арал ауданында 100,2 гектар жерге егін егілді

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасы Парламенті Мәжілісінің депутаты, «AMANAT» партиясы фракциясының мүшесі Әміреев Ғалым Махмұтбайұлы Төретам кентінің тұрғындарымен кездесті.
Фракция мүшесі Ғалым Әміреевпен бірге кездесуге «AMANAT» партиясы Байқоңыр филиалының Атқарушы хатшысы М.Есбенбетов, Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Н.Мақұлбеков, Қармақшы аудандық мәслихаттағы «AMANAT» партиясы депутаттық фракциясының мүшесі С.Жумадьяров, Қармақшы ауданы әкімінің орынбасары Б.Далабаев қатысты.
Кездесуде кент тұрғындары тарапынан тазалық мекемесін ашу, газдандыру, жер мәселесі, ауыз су, саябақ салу және т.б. бірқатар мәселелер көтерілді.
Кездесу барысында «AMANAT» партиясы фракциясының мүшесі Ғалым Махмұтбайұлы айтылған ұсыныстарды бақылауға алып, алдағы уақытта шешілуіне тиісті жұмыстар атқаратындығын жеткізді. 
Мұнан кейін фракция мүшесі Төретам кентіндегі күрделі жөндеуден өткізіліп жатқан №85 орта мектеп нысанының жұмысымен танысты.
Зерделеу жұмыстары барысында Ғалым Махмұтбайұлы «SCS Инжиниринг» ЖШС мердігер мекемесінің басшылығымен кездесіп, бүгінгі күнге дейін атқарылған жұмыстарымен танысты. 
Танысу барысында фракция мүшесі тарапынан күрделі жөндеу жұмыстарының сапасына және нысанның мерзімінде аяқталуына басты назар аударылды.
Сапар барысында Мәжіліс депутаты Ғалым Әміреев, «AMANAT» партиясы Байқоңыр филиалының атқарушы хатшысы М.Есбенбетов, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Н.Мақұлбеков, Қармақшы аудандық мәслихаттағы «AMANAT» партиясы депутаттық фракциясының мүшесі С.Жумадьяров және Қармақшы ауданы әкімінің орынбасары Б.Далабаевпен бірге Ақай ауылдық округінде орналасқан денешынықтыру-сауықтыру кешенінің құрылыс жұмысымен танысты.
Құрылыс нысанымен танысу барысында ҚР Парламенті Мәжілісінің депутаты Ғалым Махмұтбайұлы мердігер мекемесінің басшылығына жұмыстың сапалы әрі жүйелі жүргізуді тапсырды.
Депутат одан әрі Байқоңыр қаласының көпбейінді ауруханасының қызметкерлерімен кездесті. 
Кездесу барысында фракция мүшесі Ғалым Әміреев денсаулық сақтау саласы өкілдерінің ұсыныстарын мұқият тыңдап, тез арада мәселелердің оңтайлы шешілуі үшін тиісті жұмыстардың жүргізілетіндігі туралы жеткізді.
<img src="https://kyzylorda-news.kz/wp-content/uploads/2022/08/301110916_804683100535837_4111845201385409333_n.jpg" alt="" />
<img src="https://kyzylorda-news.kz/wp-content/uploads/2022/08/301102211_804711267199687_2784044037069717403_n.jpg" alt="" />
<img src="https://kyzylorda-news.kz/wp-content/uploads/2022/08/301138757_804683667202447_2649107208050060789_n.jpg" alt="" />

Қазақстан және Қызылорда облысының жаңалықтары