<a href="https://kyzylorda-news.kz/">Kyzylorda-news.kz.</a> Еліміздің тарихында екінші рет өткізілгелі отырған Конститутцияға өзгерістер мен толықтырулар енгізу бойынша жалпыхалықтық референдумның маңызы мен мәнін азаматтарға түсіндіру мақсатында бүгін «AMANAT» партиясы Қызылорда облыстық филиалы жанынан құрылған өңірлік штаб төрағасы Ләйлә Төрешова бастаған штаб мүшелері Достық үйінде этно – мәдени бірлестіктердің өкілдерімен кездесті.
Мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде алғаш өткізілгелі отыр. Бұл – «Халық үніне құлақ асатын мемлекет» қағидасының нақты жүзеге асуының дәлелі. Мажоритарлы сайлау жүйесінің енгізілуі – сайлаушылардың республикалық қана емес, жергілікті жердегі де мүддесін жіті қорғауға мүмкіндік туғызады. Партиялық жүйені дамыту мен олардың мүмкіндіктерін кеңейту мақсатында – саяси партияны тіркеу талабы 20 мың адамнан 5 мың адамға төмендейді. Өңірлік өкілдіктер саны 600 ден 200 ге азайып, бастамашыл топ саны 1000-нан 700-ге қысқарды. Бұлардың барлығы Әділетті Қазақстанды құрудың алғышарты- деп атап өтті өңірлік штаб төрғасы, партияның облыстық филиалының Атқарушы хатшысы Ләйлә Төрешова.
5-маусым күні өтетін жалпыхалықтық референдумда Конституциядағы 98 баптың 33-і не өзгерістер енгізілетін болады. Бұл дегеніміз Конституциялық реформа ел дамуының жаңа кезеңі басталғанын көрсетеді. Кездесу барысында штаб мүшесі Асылбек Жұмабаев осы бағытта жүзеге асатын міндеттерді тілген тиек етті.
Конституцияның жаңарған нұсқасында Мемлекет басшысының жақын туыстарына саяси лауазым иеленуге және квазимемлекеттік секторда басшылық қызмет атқаруға тыйым салынады. Сондай-ақ, құқық қорғау саласы бойынша маңызды өзгерістер енгізіледі. Атап айтсақ, Конституциялық сот құрылады. Адам құқықтары жөніндегі уәкілдің, яғни омбудсменнің мәртебесі Ата заңмен айқындалады. Елімізде өлім жазасы мүлде жойылады. Мұның бәрі азаматтардың құқықтары мен бостандықтарын қорғау үшін жасалып жатыр,- деді өңірлік штабтың мүшесі, Асылбек Жұмабаев. 
Референдумға қатысу құқығы азаматтардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез-келген өзге жағдаяттарға қарамастан Республиканың он сегiз жасқа жеткен азаматтарына берiледi.
Мемлекеттік модельді кешенді түрде өзгертуге мүмкіндік беретін Конституциялық референдум – Әділетті Қазақстан ұстанымының бастамасы деуге де негіз бар. Сондықтан этно – мәдени бірлестіктер өкілдері еліміздің болашағы үшін бір ауыздан қолдайтындықтарын жеткізді.

Жалпыхалықтық референдумның маңыздылығы түсіндірілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық психикалық денсаулық орталығында 12 мамыр – Халықаралық мейірбикелер күні қарсаңында дөңгелек үстел ұйымдастырылды.
Шараға емдеу мекемесінің бөлімше мейіргерлері қатысып, орта буын қызметкерлерінің жұмысына қатысты мәселелерді ортаға салды.
Дөңгелек үстел бағдарламасына сәйкес, орталық директоры Әділбай Медетбаев мамандарды мерекелерімен құттықтап, гүл шоқтарын тарту етті.
Қазіргі күні облыстық психикалық денсаулық орталығында 316 мейірбике жұмыс жасайды. Мамандар коронавирус індеті өршіген тұста «Сейхун» провизорлық стационарында абыройлы еңбек етіп, талай науқастарды ажалдан арашалап қалды. Бұл ретте, мейірбикелердің еңбектері лайықты бағалануда.
<blockquote>
 «Құрметті әріптестер! Сіздерді кәсіби мерекелеріңізбен құттықтаймын! Науқастардың жазылып, сауығып кету жолында сіздердің еңбектеріңіз зор. Әсіресе, пандемия уақытында нағыз білікті маман ретінде өздеріңізді көрсете білдіріңіздер. Алдағы уақытқа көптеген мақсаттарымыз бен жоспарларымыз бар. Ауызбіршіліктің арқасында биік белестерді бағындырамыз деп ойлаймын», – деді Әділбай Қаниұлы.
</blockquote>
Жиын барысында мейіргерлер жұмыс барысында орын алған қызықты оқиғаларымен бөлісті. Көкейдегі сауалдарын қойып, өзара пікір алмасты. Дөңгелек үстелге қатысқан мамандарға арнайы сыйлықтар табысталып, құрмет көрсетілді.

Мерейлі мереке қарсаңында дөңгелек үстел ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі күні заңды тұлғаларды тіркеу саласында мемлекеттік корпорация көрсететін мемлекеттік қызметтерден заңды тұлғаларды және олардың филиалдары мен өкілдіктерін (шағын және орта кәсіпкерлік субъектілерін) есептік тіркеу қызметтері жеңілдетілді. Енді аталған мемлекеттік қызмет «eGov» электрондық үкіме порталында (адами фактордың қатысуынсыз) толтырылатын электрондық хабарлама беру арқылы толық автоматтандырылған түрде жүзеге асыралады.
Мәселен, ЖШС ашу үшін жаңа бастаған кәсіпкерге жарғы қажет емес, тіркеу жарнасын төлеудің немесе салыққа барудың да керегі жоқ. Тек компьютер мен электрондық цифрлық қолтаңба болса жеткілікті. Егер egov.kz порталы арқылы нұсқауларды орындасаңыз, 30 минуттан аз уақыт ішінде ЖШС-ді тіркей аласыз.
Шағын кәсіпкерлік субъектісіне жататын заңды тұлғаны мемлекеттік тіркеу үшін тіркеуші органға құрылтайшы (құрылтайшылар) ҚР Әділет министрлігі белгілеген нысан бойынша кәсіпкерлік қызметті жүзеге асырудың басталғаны туралы хабарлама береді. Электрондық хабарлама Egov.kz электрондық үкімет порталында толтырылады және беріледі.
Бұл ретте шағын кәсіпкерлік субъектілеріне жататын заңды тұлғалардың, олардың филиалдары мен өкілдіктерінің жарғылары (ережелері) мемлекеттік тіркеу процесінде ұсынылмайды.
Тиісті өрістерді толтырғаннан кейін жүйе барлық деректердің дұрыстығын тексеруді сұрайды. Егер бәрі дұрыс болса, жүйе ақпаратты өңдейді және ЖШС тіркеу туралы анықтаманы 30 минуттан кейін береді (максимум). Егер портал жақсы жұмыс істесе, анықтама 10 минуттан кейін дайын болады.

Кәсіпкер болам десеңіз&#8230;

<a href="https://kyzylorda-news.kz/">Kyzylorda-news.kz.</a>&nbsp;«Самұрық-Қазына» Ұлттық әл-ауқат қоры» акционерлік қоғамы мен Қызылорда облысы әкімдігінің арасындағы әлеуметтік-еңбек қатынастарын реттеу және әлеуметтік әріптестікті дамыту саласындағы өзара ынтымақтастық жөніндегі меморандумға қол қойылды.
Бүгін «Самұрық – Қазына» Ұлттық әл-ауқат қоры» АҚ-ның қоғаммен байланыс және өзгерістерді басқару жөніндегі басқарушы директоры Ғибрат Ауғанов және облыс әкімінің орынбасары Балжан Шаменова кездесіп, әлеуметтік-еңбек қатынастарын реттеу және әлеуметтік әріптестікті дамыту саласындағы өзара ынтымақтастық жөніндегі меморандумға қол қойды.
Негізінен меморандум әлеуметтік-еңбек саласын одан әрі тиімді дамытуға және әлеуметтік бастамаларды іске асыруға ықпал ететін тараптардың күш-жігерін біріктіруді көздейді. Бұған қоса қор өз тарапынан әкімдікке, жұмыс берушілердің бірлестіктеріне және өңірдің ірі өндірістік компанияларының өкілдеріне, сондай-ақ кәсіподақтарға «әлеуметтік тұрақтылық индексін» айқындау жөніндегі тәжірибені таратуға жәрдем көрсетуге және «кәсіподақ белсенділерінің корпоративтік мектебі» жобасы аясында ұйым көшбасшылары мен келісім комиссияларының өкілдерін оқытуға міндеттеме қабылдады.
Меморандумға қол қою шарасына облыстық әлеуметтік әріптестік жөніндегі үшжақты комиссия мүшелері қатысып пікір алмасты.
Кездесуден кейін Қор өкілдері «ҚазГерМұнай», «Қазпошта» компаниялармен кездесіп, ұжымдардағы еңбек ахуалы талқыланды.

Әлеуметтік-еңбек қатынастарын реттеу жөніндегі меморандумға қол қойылды

<a href="https://kyzylorda-news.kz/">Kyzylorda-news.kz.</a> Жергілікті атқарушы органдар Қазақстан Республикасының Қылмыстық-атқару кодексінің 18-бабының 3-бөлігіне сәйкес пробация қызметінің есебінде тұрған адамдарға әлеуметтік-құқықтық және өзге де көмек көрсетуді үйлестіреді деп көрсетілген.
Пробация қызметінің есебінде тұрғандарды жұмыспен қамту мақсатында Қызылорда қаласы әкімдігінің қаулысымен жұмыс орындарының квотасы бекітілген. Квотаға сәйкес Қылмыстық жазасын өтеген адамдарды әлеуметтік бейімдеу мен оңалту орталығы арқылы Қызылорда қалалық пробация есебіндегі 3 сотталған «Еңбек-Қызылорда» филиалына 1-дәрежелі жұмысшы лауазымына жұмысқа тұрғызылды.
Аймақтық пробация инспекторы әділет майоры Нұрбол Баймурзаевтың айтуынша, пробация есебіне алынған әрбір сотталғанның тұрмыстық жағдайы зерделенеді. Олармен күнделікті мекенжайынан, жұмыс орнынан тексеру жұмыстары жүргізіліп, қайта қылмыстың алдын алу мақсатында профилактикалық сұхбаттар жүргізіледі. Сонымен қоса жергілікті атқарушы органдармен, қоғамдық бірлестіктермен және өзге де ұйымдармен бірлескен көмектер беріледі.

Қызылордада пробация есебіндегі 3 сотталған жұмысқа тұрды

<a href="https://kyzylorda-news.kz/">Kyzylorda-news.kz.</a> Төтенше жағдай бірінші вице-министрі генерал-лейтенант Ибрагим Күлшімбаев 8-қабаттан қызды қағып алған Сәбит Шонтақбаев «Төтенше жағдайдағы ерлігі үшін» төсбелгісімен марапаттады. Бұл туралы ҚР Төтенше жағдай министрлігінің баспасөз қызметі хабарлады.
<blockquote>
 «Келген сәтте сегізінші қабаттағы балконның ернеуіне ілінген баланы төменгі қабатта тұратын ер адам құтқарғаны анықталды. 2019 жылы туған қыз құлаған кезде ата-анасы үйде болған, бірақ баланың жанында ешкім болмаған. Бақытымызға орай, 1985 жылы туған жетінші қабатта тұратын Сәбит Шонтақбаев жылап жатқан баланы көріп құтқару бойынша іс-қимыл жасап, санаулы секундтарда баланың өмірін сақтап қалды», – деп мәлімдеді Төтенше жағдай департаменті.
</blockquote>
Оқиға орнына жеке құрамның 7 адамы мен 2 техникадан тұратын Нұр-Сұлтан қалалық Төтенше жағдайлар департаментінің бөлімшелері жөнелтілді.
<blockquote>
 «Құрметті ата-аналар, бұл бала аман-есен құтқарылды, бірақ соңы қайғымен аяқталған көптеген жағдай бар. Балаларды ересектердің қарауынсыз қалдырмаңыздар! Егер үйде кішкентай бала болса, терезелерді ашық тастамаңыздар, өйткені баланың әрекет етуі үшін бір секунд жеткілікті», – деді құтқарушылар.
</blockquote>
<img src="https://kyzylorda-news.kz/wp-content/uploads/2022/05/marapat.jpeg" alt="" />

Сегізінші қабаттан қызды қағып алған қызылордалық жігіт марапатталды

<a href="https://kyzylorda-news.kz/">Kyzylorda-news.kz.</a>&nbsp;Мәжілістегі «Ақ жол» фракциясы қазақстандықтарға онлайн кредит беруге тыйым салуды ұсынды, деп хабарлайды&nbsp;<a href="https://stan.kz/">Stan.kz</a>.
Депутат Дания Еспаева бүгінде онлайн қарызға батқан қазақстандықтардың саны көбейіп бара жатқанын айтты. Табысы төмен адамдар күнкөріс үшін онлайн кредитке жүгіреді. Өйткені оны алу тез әрі ешкім қарыз алушының кірісін сұрап жатпайды.
<blockquote>
 «Кепілсіз қарыз алудың оңай жолдары халықтың жаппай қарызға батуына әкеп соғады. Себебі мұндай несиелердің пайыздық мөлшерлемесі жоғары. Ал жоғары проценттер азаматтардың қарызға белшесінен батуының негізгі себебі. Салдарынан көбі өз мүлкінен, соның ішінде жалғыз баспанасынан айырылып жатады», –&nbsp;&nbsp;дейді Еспаева Қаржы нарығын реттеу және дамыту агенттігінің төрағасы Мәдина Әбілқасымоваға жолдаған депутаттық сауалында.
</blockquote>
Депуттаттың дерегінше, микроқаржы ұйымдарында проблемалық қарыздардың үлесі жыл сайын артып барады. 2022 жылғы наурыздағы жағдай бойынша 1,2 млн қарыз алушының 435 мыңы несиесін төлей алмай жүр. Бұл тек микроқаржы ұйымдарының балансында тұрғандар ғана.
Бұдан бөлек, 479 мың қарыз алушының мерзімі өткен несиесі немесе жартысынан астамы коллекторлық компанияларға сатылған. Осылайша микроқаржы ұйымдарының портфеліндегі проблемалық қарыздардың жалпы саны 914 мыңды құрайды.
Осыған байланысты «Ақ жол» фракциясының депутаттары халықты орынсыз қарызға батыру және осы саладағы алаяқтықтың маңызды факторы ретінде онлайн кредит беруге тыйым салуды ұсынды.

Қазақстанда онлайн кредит беруге тыйым салу ұсынылды

<a href="https://kyzylorda-news.kz/">Kyzylorda-news.kz.</a> Елордада сегізінші қабаттан құлағалы тұрған үш жасар қызды құтқарған қызылордалық 36 жастағы Сәбит Шонтақбаев оқиғаның қалай болғанын айтып берді.
<blockquote>
 «Балаларым Қызылордада тұрады, мен осында баспана жалдап, жұмыс істеймін. Жұмысқа асығып бара жатқанмын. Сегізінші қабаттың балконында ілініп тұрған баланы байқадым. Ілініп тұрған қызды көргенде оны құтқаруды ғана ойладым. Ол сәтте өзімді ойлайтындай болмадым», – дейді Сәбит Шонтақбаев.&nbsp;
</blockquote>
Қызылордалық азамат елордаға жұмыс істеуге келген. Оның төрт баласы бар.

Жалағаштық жігіт елордада бүлдіршінді құтқарды (ВИДЕО)

<a href="https://kyzylorda-news.kz/">Kyzylorda-news.kz.</a> Қызылорда облысы тұрғынынан заңсыз қару алынды.
Рейдттік іс-шаралар барысында 10 мамыр күні сағат 11:30 шамасында Қызылорда облысы Полиция департаментінің Арал аудандық полиция бөлімінің учаскелік полиция инспекторы 50 жастағы ауыл тұрғынының үйінде ІІО тіркеуде жоқ, 16-калибрлі, 1 ұңғылы аңшы мылтығын заңсыз сақтағанын анықтады.
Анықталған дерек бойынша Қазақстан Республикасы Әкімшілік құқық бұзушылық кодексінің 482–бабының 1-бөлігімен (Iшкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) әкімшілік хаттама рәсімделіп, сотқа жолданады.

Арал ауданы тұрғынынан заңсыз қару алынды

<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыру Қазақстанның барлық сақтандырылған азаматтарына, жынысына, жасына, әлеуметтік мәртебесіне, тұрғылықты жері мен табысына қарамастан медициналық және фармацевтикалық көмекке тең қолжетімділікті кепілдік береді. Міндетті шарт – төлем күнінің алдындағы 12 айдан аспауға тиіс.
Әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов кімге және қандай сомаға төлеу керектігін толық ақпарат берді.
**Жалдамалы жұмысшы 
**2022 жылы жұмыскердің еңбек ақысының 3%-ын құрайды, бірақ 18 мың теңгеден артық емес, өйткені есептеу объектісі 10 ЕТЖ – 3%-ынан аспауы тиіс. 
Жарнаны екінші деңгейдегі банктің кез келген бөлімшесі немесе Қазпошта арқылы келесі шотқа аудару қажет: 
KZ92009MEDS368609103 
БСН 160440007161 
BSK GCVPKZ2A 
Жұмыс берушілердің жарналары үшін төлем мақсаттарының коды: 121.
Егер қызметкер 15 жеңілдікті санаттардың біріне жататын болса, онда ол үшін аударым жасаудың қажеті жоқ.
Жеке кәсіпкер, жеке нотариус, адвокат, кәсіби медиатор, шаруа қожалығының иесі 
2022 жылы төлем 4200 теңгені құрайды (ең төменгі жалақының 1,4 мөлшерінен 5%-ы) 
МӘМС үшін төлемді екінші деңгейлі банктің кез келген филиалы, «Қазпочта» АҚ, Kaspi.kz мобильді қосымшалары, TengriBank, сондай-ақ Kassa 24 және Qiwi әмиянның қызмет көрсету терминалдары арқылы аударуға болады. 
ЖК төлем мақсатының коды: 122
Азаматтық-құқықтық сипаттағы келісім шарты бойынша жұмыс істейтін жеке тұлға 
АҚС бойынша жұмыс істейтін жеке тұлғаның табысынан жарналарды ұстап қалады және көрсетілетін қызметті алушы (салық агенті) аударады. 
2022 жылы – шарт бойынша алған табыстың 2%-ы, 
бірақ 12 мың теңгеден артық емес, өйткені есептеу объектісі 10 ЕТЖ – 2%-ынан аспауы тиіс. 
Төлем мақсатының коды: 122
Өзін-өзі жұмыспен қамтығандар (Бірыңғай әлеуметтік төлемдер төлеушілер) 
2022 жылы жарна сомасы 1 АЕК немесе 3 063 теңгені құрайды – қалаларда тұратын жеке тұлғалар үшін, басқа елді мекендерде тұратын жеке тұлғалар үшін – 0,5 АЕК немесе 1 531,5 теңге. 
БЖТ-ны әрбір ай үшін бөлек төлеу қажет. 
Төлем мақсатының коды: 183
Дербес төлеуші (тұрақты табысы жоқ және азаматтардың жеңілдікті санаттарының тізіміне енгізілмеген жеке тұлға) 
2022 жылы төлем 3000 теңгені құрайды (ең төменгі жалақының 5%-ы). 
Төлем мақсатының коды: 122
Сіз жарналарды төлеу екінші деңгейдегі банктер және олардың интернет-сервистері, Kaspi.kz, Halyk Bank мобильді қосымшалары, «Қазпошта» АҚ бөлімшелері, төлем терминалдары (Qiwi, Kassa24 және т.б.), медициналық ұйымдардағы төлем терминалдары арқылы аудара аласыз. 
Алушының ЖСН мен аты-жөнін дұрыс көрсету, 2-3 жұмыс күні ішінде қаражаттың қайтарылуын тексеру маңызды.
Медициналық сақтандыру жүйесінде мәртебеңізді қалай тексеруге болады?
<ul>
<li>Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті;</li>
<li>Egov.kz электрондық үкімет порталы (жеке кабинетте және «Денсаулық сақтау» бөлімінде); 
-Telegram-дағы Saqtandyru-bot («Сақтандырылу мәртебесін тексеру» бөлімін таңдаңыз, ЖСН енгізіңіз);</li>
<li>Qoldau-24/7 мобильді қосымшасы («Сақтандырылу мәртебесін тексеру» бас мәзірінде);</li>
</ul>

МӘМС жарнасын қалай төлеуге болады?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев бизнес өкілдерімен кездесу барысында бұл шараның Қазақстан мен Түркия сауда-экономикалық ынтымақтастығын нығайта түсуге септігін тигізеріне сенімділік білдірді. Бұл туралы Ақорданың баспасөз қызметі хабарлады.
<blockquote>
 «Бүгін біздің елдеріміздің компаниялары арасында 30 коммерциялық құжатқа қол қойылды. Оның бәрі екі елдің алыс-берісін жандандыруға тың серпін береді деп сенемін. Баршаңызды бізбен бірлесіп, өзара тиімді жұмыс істеу үшін Қазақстанға шақырамын. Ең басты мәселе – қол жеткізетін келісімдерді жүзеге асыру. Бұл өте маңызды. Сондықтан, менің жеке бақылауымда болады!» – деді Президент.
</blockquote>

Мемлекет басшысы: Түркиямен арадағы келісімдерді жүзеге асыру жеке бақылауымда болады

<a href="https://kyzylorda-news.kz/">Kyzylorda-news.kz.</a> МӘМС жүйесінде сақтандыру мәртебесін қалай жоғалтпауға, медициналық сақтандыруға қате төленген жарналарды қалай қайтаруға болады? Осы және басқа да сұрақтарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.
Бірынғай жиынтық төлемді төлегеннен кейін жұмыс істемейтін жүкті әйел азаматтардың жеңілдікті санатында «Сақтандырылған» мәртебесін жоғалтты. Бұл жағдайда не істеу керек?
Егер әйел ресми түрде жұмыс істемесе және “жұмыс істемейтін жүкті әйел” ретінде жеңілдік санатына кіргісі келсе, онда ол үшін соңғы 2 айда зейнетақы жарналары мен әлеуметтік аударымдар түспеуі керек, яғни егер әйел, мысалы, сәуір мен мамыр айларында БЖТ төлемесе, онда маусым айында оған жеңілдік мәртебесі беріледі. Сақтандыру мәртебесін жоғалтпау үшін бұл әйелге тәуелсіз төлеуші ретінде ақы төлеу керек. 2022 жылы жарна сомасы 3 мың теңгені құрайды. Егер жүкті әйелдің ЖЕҢІЛДІК САНАТЫНА ЕНГІЗІЛГЕНГЕ ДЕЙІН қарызы болса, онда ол оны төлеуі керек (сонғы 12 айдын) немесе БЖТ төлеуді жалғастыруы керек.
Мен жеке кәсіпкермін, МӘМС үшін жарна төледім және қажетті сомадан артық соманы байқаусызда көрсеттім. Қаражатты қайтаруға бола ма?
Қате немесе артық төленген қаражатты қайтару үшін «Азаматтарға арналған үкімет» мемлекеттік корпорациясына жүгініп, тиісті өтініш жазып, төлем туралы түбіртек немесе чек ұсыну қажет. Содан кейін сіз қате жіберілген айлар үшін жарналарды қайта төлеуіңіз керек.
Жұмыс беруші мен үшін МӘМС үшін аударымдар мен жарналарды уақытында төлемеген, МӘМС мәртебесін жоғалтпау үшін төлемді өз бетінше жүргізе аламын ба? Ал жұмыс беруші төлемді жүргізгеннен кейін, қайтаруды талап ету немесе келесі айға ақшаны қайта бөлу керек пе?
МӘМС үшін уақтылы төлем жасау-бұл жұмыс берушінің жауапкершілігі. Егер ол белгіленген мерзімдерді бұзса, оған өсімпұл салынады. Міндетті медициналық сақтандыру жүйесіндегі мәртебені жоғалтпау үшін Сіз тәуелсіз төлеуші ретінде төлем жасай аласыз. Сіздің жұмыс берушіңіз аударымдар мен жарналарды жүргізгеннен кейін, сіз өз қаражатыңызды «Азаматтарға арналған үкімет» мемлекеттік корпорациясы арқылы қайтара аласыз. Ол үшін қайтару туралы өтініш жазу, төлем туралы түбіртектерді немесе чектерді ұсыну қажет. Өтінімді қарау мерзімі 2 апта.
Дәрігер маған МРТ жолдама берді, бірақ барлық күндер бос емес, ал менің кезегім бір айдан кейін келеді. Неліктен қызмет алу үшін ұзақ күту керек?
Бейінді мамандардың қабылдауы және диагностикалық қызметтерді алуды күтудің ең ұзақ мерзімі – 10 күн, шұғыл көрсетілімдер кезінде-екі күн. Егер жазбаны кешірек мерзімге тағайындаса, пациент МӘМС бойынша МРТ жүргізетін басқа медициналық ұйымға жүгінуге құқылы. Қызметті алғаннан кейін Қордың төлем жүйесінде бірлесіп орындау шарты автоматты түрде жасалады.
Мен ЖК жеңілдетілгенмін, жалдамалы қызметкерлер жоқ, МӘМС үшін қандай соманы төлеу керек?
Жеке кәсіпкерлер үшін, салық есептілігі нысанына қарамастан, ай сайынғы жарна сомасы тіркелген және 2022 жылы 1,4 ЕТЖ 5% – ын – 4 200 теңгені құрайды. МӘМС төлемін өзіңіз үшін екінші деңгейдегі банктің кез келген бөлімшесі, «Қазпошта» АҚ, мобильді қосымшалар арқылы аударуға болады Kaspi.kz, TengriBank, сондай-ақ өзіне-өзі қызмет көрсету Касса 24 және Qiwi әмиян терминалдары арқылы.
Егер сізде қосымша сұрақтар туындаған жағдайда, сіз емхананың анықтама қызметіне немесе өзіңізге ыңғайлы байланыс арнасы арқылы Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

Қазақстан және Қызылорда облысының жаңалықтары

Жалпыхалықтық референдумның маңыздылығы түсіндірілді

Мерейлі мереке қарсаңында дөңгелек үстел ұйымдастырылды

Кәсіпкер болам десеңіз…

Әлеуметтік-еңбек қатынастарын реттеу жөніндегі меморандумға қол қойылды

Қызылордада пробация есебіндегі 3 сотталған жұмысқа тұрды

Сегізінші қабаттан қызды қағып алған қызылордалық жігіт марапатталды

Қазақстанда онлайн кредит беруге тыйым салу ұсынылды

Жалағаштық жігіт елордада бүлдіршінді құтқарды (ВИДЕО)

Арал ауданы тұрғынынан заңсыз қару алынды

МӘМС жарнасын қалай төлеуге болады?

Мемлекет басшысы: Түркиямен арадағы келісімдерді жүзеге асыру жеке бақылауымда болады

МӘМС: Маңызды 5 сұраққа жауап бар

Қазақстан және Қызылорда облысының жаңалықтары

Жалпыхалықтық референдумның маңыздылығы түсіндірілді

Мерейлі мереке қарсаңында дөңгелек үстел ұйымдастырылды

Кәсіпкер болам десеңіз&#8230;

Әлеуметтік-еңбек қатынастарын реттеу жөніндегі меморандумға қол қойылды

Қызылордада пробация есебіндегі 3 сотталған жұмысқа тұрды

Сегізінші қабаттан қызды қағып алған қызылордалық жігіт марапатталды

Қазақстанда онлайн кредит беруге тыйым салу ұсынылды

Жалағаштық жігіт елордада бүлдіршінді құтқарды (ВИДЕО)

Арал ауданы тұрғынынан заңсыз қару алынды

МӘМС жарнасын қалай төлеуге болады?

Мемлекет басшысы: Түркиямен арадағы келісімдерді жүзеге асыру жеке бақылауымда болады

МӘМС: Маңызды 5 сұраққа жауап бар

Кәсіпкер болам десеңіз…