<a href="https://kyzylorda-news.kz/">Kyzylorda-news.kz</a> Жаңақорған ауданының әкімі Мажит Самитовтың қатысуымен жыл қорытындысына арналған «Үздіктер топ жарған жыл» атты салтанатты іс-шара өтіп, жыл үздіктері марапатталды.Салтанатты іс-шарада аудан басшысы көпшілікті Жаңа жыл мерекесімен құттықтап, биыл атқарылған жұмыстарға тоқталды.<img src="https://knadmin.beoblood.kz/uploads/Zha_a_or_an_marapat_5a90b1ed17.jpg" alt="Жаңақорған марапат.jpg"><blockquote>- "Баршаңызды келе жатқан Жаңа жыл мерекесімен шын жүректен құттықтаймын! Бірлік пен бейбітшілік, ырыс пен береке сыйлаған жылан жылымен қоштасып, санаулы сәттерден соң үмітіміз бен сенімімізді арқалаған жылқы жылына қадам басқалы тұрмыз. &nbsp;Жыл тоғысында «Өткен жылға өкпе жоқ, келер жылдан үміт көп» деп айтуымыз бекер емес. Расында, бұл жыл бізге толайым табыстар пен игілікті істер сыйлады. Берекелі бастамалар сәтті жүзеге асып, елдік мәні зор айтулы даталар кең көлемде аталып өтті. Биыл Президентіміздің, Үкіметтің, аймақ басшысының қолдауымен ауданымызда іргелі ғимараттар бой түзеп, әлеуметтік &nbsp;салада ауқымды әлеуметттік нысндар, халықтың күнделікті пайдаланатын инфрақұрлылымдық жобалар іске асқан жыл болды. &nbsp;Баршаңызға зор денсаулық, отбасыларыңызға амандық, еңбектеріңізге табыс тілеймін" – деді аудан басшысы.</blockquote>Мұнан соң жылдың қорытындысымен бірқатар аудан азаматтары марапат төрінен көрінді. Жыл көлемінде әр сала бойынша табысты еңбегімен озық шыққан бірқатар азаматтар Қазақстан Республикасы Ауыл шаруашылығы министрлігінің, Қызылорда облысының &nbsp;«Құрмет» грамоталарымен, облыс, аудан әкімінің Алғыс хаттарымен марапатталды. Сондай-ақ, еңбек ардагері Садулла Омаровқа Жаңақорған ауданының «Құрметті азаматы» атағы берілсе, бірқатар еңбек ардагерлері мен сала өкілдеріне "Жаңақорған ауданының әлеуметтік экономикалық дамуына қосқан үлесі үшін" төсбелгісі табысталды. Сонымен қатар, жыл бойы өз саласында жоғары нәтижеге қол жеткізген әр саланың үздіктері салтанатты шарада құрмет төріне озып, арнайы номинацияларға ие болды.Түрлі салада ауданымыздың дамуына үлес қосқан азаматтардың мерейі тасыған кеште қазақ эстрадасының &nbsp;жарық жұлдызы Мадина Сәдуақасова әннен шашу шашты.<img src="https://knadmin.beoblood.kz/uploads/Zha_a_or_an_marapat_2_73581a2d1b.jpg" alt="Жаңақорған марапат 2.jpg">

Жаңақорған: Жыл үздіктері марапатталды

<a href="https://kyzylorda-news.kz/">Kyzylorda-news.kz</a> Ш.Төлепова атындағы Қармақшы аудандық мәдениет үйінде «Қош келдің, Жаңа жыл!» атты 2025 жылдың қорытындысына және Жаңа 2026 жылды қарсы алуға арналған салтанатты іс-шара өтті.&nbsp;Мерекелік жиында аудан әкімі Жандос Еркінбек жиналған жұртшылықты келе жатқан Жаңа жыл мерекесімен құттықтап, өткен жылдың аудан үшін тарихи маңызы зор, табысты кезең болғанын атап өтті.&nbsp;<blockquote>– Қадірменді жерлестер! Алдымызда тұрған жаңа жыл – жаңаша серпін мен биік мақсаттар жылы болмақ. Бірлігіміз бекем, ынтымағымыз мықты болса, кез келген межеге қол жеткізе аламыз. Алдағы уақытта да ауданымыздың әлеуетін арттыруға, халықтың тұрмыс сапасын жақсартуға бағытталған жұмыстар жалғасын табады. Жаңа жыл баршаңызға жақсылықтың жаршысы болсын. Әр шаңырақта шаттық пен татулық орнасын. Ұрпағымыздың болашағы жарқын, елдің еңсесі биік болғай,- деді Жандос Еркінбек.</blockquote>2025 жылы аудан бюджеті жоғары өсім көрсетіп отыр. Бастапқыда 12 млрд 176 млн теңге болып бекітілген бюджет жыл ішінде үш мәрте нақтыланып, 22 млрд теңгеге дейін ұлғайған. Қосымша қаржы көздерін тарту арқылы аудан бюджетінің көлемі 80,9 пайызға артқан.Сондай-ақ аудан басшысы жаңадан бой көтерген заманауи ғимараттарды, ашылған әлеуметтік нысандарды, пайдалануға берілген тұрғын үйлерді, жүзеге асырылған ауқымды жобаларды және алдағы уақытқа қойылған нақты міндеттерді атап өтті.Салтанатты іс-шара барысында ауданның дамуына елеулі үлес қосқан бірқатар азаматтар облыс әкімінің және аудан әкімінің Алғыс хатымен марапатталды. Сонымен қатар жыл бойы өз саласында жоғары нәтижеге қол жеткізген аудан жанашырлары «Жыл үздігі» номинацияларын иеленді.Сондай-ақ бірқатар мекеме басшыларына өңіріміздің дамуы мен өркендеуіне үлес қосқаны үшін Байқоңыр қаласының 70 жылдығына арналған мерейтойлық медалі табысталды.Іс-шара аудан өнерпаздарының мерекелік концерттік бағдарламасымен жалғасып, көрермендерге көтеріңкі көңіл-күй сыйлады.

Қармақшыда жылдың қорытынды іс-шарасы өтті

<a href="https://kyzylorda-news.kz/">Kyzylorda-news.kz</a> Қызылорда облысының қоғамдық даму басқармасының ұйымдастыруымен Достық үйінде жыл қорытындысына арналған салтанатты шара өтті.&nbsp;Жыл бойы атқарылған жұмыстарды саралап, алдағы міндеттерді айқындауға, сондай-ақ сала қызметкерлеріне құрмет көрсетіп, бірлік пен ынтымаққа негізделген мазмұнды кездесуге басқарманың және қарасты орталықтардың қызметкерлері толық қатысты.Салтанатты шарада басқарма басшысы Руслан Каюпов сөз сөйлеп, ұжымын алда келе жатқан Жаңа жыл мерекесімен құттықтады. Басқарма басшысы өз сөзінде жыл бойы атқарылған жұмыстардың негізгі бағыты ел бірлігін нығайтуға, қоғамдық-саяси тұрақтылықты сақтауға, сондай-ақ қоғам мен мемлекет арасындағы сенімді байланысты күшейтуге бағытталғанын атап өтті.<img src="https://knadmin.beoblood.kz/uploads/o_amdy_damu_marapat_7a84348ab4.jpg" alt="Қоғамдық даму марапат.jpg"><blockquote>- «Баршаңызды алда келе жатқан Жаңа жыл мерекесімен құттықтаймын! Жаңа жыл әр шаңыраққа амандық пен береке әкеліп, ел игілігі жолындағы еңбектеріңізге мол табыс сыйласын. Биылғы жыл бірлік пен тұрақтылықты сақтау, қоғаммен ашық диалогты дамыту, ортақ құндылықтарды нығайту жолындағы нақты істерімен есте қалды. Бұл жетістіктер – баршаңыздың күнделікті, жауапты әрі қажырлы еңбектеріңіздің нәтижесі. Осы мүмкіндікті пайдалана отырып, сіздерге шынайы алғысымды білдіремін. Алда келе жатқан Жаңа жыл әрқайсымызға жаңа серпін, тың бастамалар мен берекелі жетістіктер әкелсін!», – деді Руслан Мұхамедәліұлы.</blockquote>Салтанатты шара барысында жыл бойы қоғамдық келісімді нығайтуға, мемлекеттік ақпараттық саясатты тиімді жүзеге асыруға, жастармен жүйелі әрі нәтижелі жұмыс жүргізуге, тіл саясатын дамытуға және қоғаммен ашық әрі сапалы коммуникация орнатуға елеулі үлес қосқан бірқатар қызметкерлер марапатталды.&nbsp;Адал еңбегімен, жоғары жауапкершілігімен және кәсіби шеберлігімен ерекшеленген бірқатар сала мамандарына облыс әкімінің, облыс әкімінің орынбасарының, сондай-ақ басқарма басшысының Алғыс хаттары табысталды. Бұл марапаттар қызметкерлердің атқарған еңбегіне берілген нақты баға әрі ұжым үшін үлкен ынталандыру болды.Мерекелік жиын аясында басқармаға қарасты «Қоғамдық келісім», «Өңірлік коммуникациялар қызметі», «Жастар ресурстық орталығы», «Ақпараттық талдау орталығы» және «Тілдерді оқыту орталығы» ұжымдары дайындаған шығармашылық өнерлерін көпшілік назарына ұсынылды. Ән мен сахналық қойылымдар, мазмұнды көріністер шараның мерейін арттырып, қатысушыларға көтеріңкі көңіл-күй сыйлады.Жылдық қорытынды шара басқарма ұжымының ұйымшылдығын, өзара сыйластығы мен ортақ мақсат жолындағы табанды еңбегін айқын көрсетті.&nbsp;Алда келе жатқан Жаңа жыл әрбір қызметкерге жаңа мүмкіндіктер, сәтті бастамалар мен толағай табыстар әкеліп, бірлік пен тұрақтылықты нығайта берсін!<img src="https://knadmin.beoblood.kz/uploads/o_amdy_damu_marapat_2_9095a121a0.jpg" alt="Қоғамдық даму марапат 2.jpg">

Қоғамдық даму басқармасының жылдық қорытынды іс-шарасы өтті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Бибісара Асаубаеваны шахматтың блиц түрінен әлем чемпионатындағы жеңісімен құттықтады.<blockquote>– Бибісара Асаубаева Қазақстаннан шыққан блицтен үш дүркін әлем чемпионы және майталман шебер ретінде дүниежүзілік шахмат тарихына енді. Қазақстандық шахмат қауымдастығы мемлекетіміздің көк туын жаһандық аренада биік желбіреткен отандасымыздың жеңісін мақтан тұтады. Бибісара Асаубаеваның халықаралық жарыстардағы айтулы жетістіктері мен ел шахматын дамытуға қосқан елеулі үлесі үшін оны ІІ дәрежелі «Барыс» орденімен марапаттау туралы шешім қабылдадым, – делінген құттықтауда.</blockquote>Фото: instagram.com

Президент Бибісара Асаубаеваны тарихи жеңісімен құттықтады

<a href="https://kyzylorda-news.kz/">Kyzylorda-news.kz</a> «МСАК көшбасшысы» байқауының қорытындысы шығарылды. Оған алғашқы медициналық-санитарлық көмек қызметтерін көрсететін барлық жеткізушілер қатысты, яғни 359 мемлекеттік және 337 жеке медициналық ұйым. Әр өңірде үздіктерді анықтады.2025 жылғы 1 тамыз бен 30 қараша аралығында Әлеуметтік медициналық сақтандыру қорының филиалдары еліміз бойынша «МСАК көшбасшысы» республикалық конкурсын өткізді. Ол алғашқы медициналық-санитарлық көмек ұйымдарының жұмыс тиімділігін арттыруға және МӘМС жүйесінде пациенттермен коммуникацияны дамытуға бағытталған.Бағалау бес индикатор бойынша жүргізілді.№1 индикатор. МӘМС жүйесімен қамту деңгейін арттыруЕмханаларға МӘМС жүйесінде сақтандырылмаған азаматтарды тарту міндеті қойылды. Конкурс басталған кезде (1 тамыздағы жағдай бойынша) ел бойынша 3 436 805 сақтандырылмаған азамат тіркелген. Оның қорытындысы бойынша (30 қарашадағы жағдай бойынша) олардың 563 076-сы МӘМС жүйесінде сақтандырылған мәртебесін алды.&nbsp; Қамту деңгейінің ең жоғары өсімі Атырау облысында (22%), ал ең төмен динамика Жамбыл облысында (13,46%) тіркелді.&nbsp; №2 индикатор. МӘМС жүйесінің артықшылықтары, жұмыс істеу қағидаттары, жарналар мен аударымдарды төлеу тәртібі туралы БАҚ пен әлеуметтік желілерде ақпараттық материалдар жариялауБұл индикатордың мақсаты – халықтың МӘМС жүйесі туралы хабардарлығын арттыру. Конкурсты іске асыру барысында қатысушылар тарапынан БАҚ пен әлеуметтік желілерде 8 554 материал жарияланды, бұл бір өңірге орта есеппен 427 жарияланымнан келеді. Жарияланымдардың ең көп саны Түркістан облысында (1331), ал Ақмола облысы (43) мен Жетісу облысында (26) аз ақпарат тіркелді.№3 индикатор. &nbsp;Алғашқы медициналық-санитарлық көмек ұйымына тіркелген халық арасында МӘМС, пациенттерді қолдау қызметі және ішкі бақылау жұмысы бойынша сауалнама жүргізу&nbsp;Бұл индикатордың мақсаты – пациенттерді қолдау қызметі мен ішкі бақылау жұмысы туралы халықтың хабардарлығын арттыру, бұл өз кезегінде денсаулық сақтау субъектісінің имиджі мен беделін жақсартуға ықпал етеді. Пациенттер емханаларда мұндай қызметтің бар екенін біліп, «осында және қазір» қағидаты бойынша жүгінген жағдайда, медициналық көмектің сапасын арттыруға және Қорға келіп түсетін шағымдар санын азайтуға мүмкіндік пайда болады. Осы индикаторды бағалау үшін конкурсқа қатысушылар пациенттер арасында қызметке қанағаттану деңгейі бойынша сауалнамалар жүргізді. Жалпы 136 271 респондент қамтылды, 20 өңір бойынша орташа қанағаттану деңгейі 81% құрады.№4 индикатор. МСАК денсаулық сақтау субъектісіне, Қор филиалына келіп түскен шағымдар саны&nbsp;Мақсаты – шағымдар санын азайту болды және бұл мақсатқа қол жеткізілді: ел бойынша өтініштер саны 2025 жылғы сәуір–шілде айларындағы 7 223-тен 2025 жылғы тамыз–қараша айларындағы 6 081-ге дейін қысқарды, яғни 1 142 шағымға немесе 15,81%-ға азайды. Түркістан (28,13%), Атырау (26,74%), Ақтөбе (26,63%), Солтүстік Қазақстан (26,26%) және Ақмола (24,38%) облыстарында шағымдардың төмендеуі байқалды. Сондай-ақ Шығыс Қазақстан облысында (24,33%), Абай облысында (22,76%) және Шымкент қаласында (20,84%) оң динамика тіркелді. Ал Қостанай (1,88%), Қарағанды (5,31%), Ұлытау (5,80%), Маңғыстау (7,12%) облыстарында және Алматы қаласында (8,52%) орташа көрсеткіш тіркелді. Жетісу облысында (1,04%) шағымдар санының өсуі байқалды. Өтініштердің себептері мен кері байланыстың сапасына талдау жүргізу қажет.№5 индикатор. Диспансерлік есепте тұрған тұлғалар арасында шұғыл түрде ауруханаға жатқызу үлесін азайтуҚатысушылар диспансерлік есепте тұрған пациенттер (артериялық гипертензия, жүректің ишемиялық ауруы, созылмалы жүрек жеткіліксіздігі, қант диабеті, өкпенің созылмалы обструктивті ауруы, бронхиалдық астма) арасында шұғыл ауруханаға жатқызу үлесін азайтуы тиіс болды. Ол үшін амбулаториялық деңгейде уақтылы шаралар қабылдау маңызды. Нәтижесінде ел бойынша аталған пациенттердің шұғыл түрде ауруханаға жатқызылу саны 184 525-тен 181 471 жағдайға дейін азайды, яғни 3 054 жағдайға немесе 1,66%-ға төмендеді. Өңірлер бойынша динамика біркелкі емес: 12 филиалда өсім, 8 филиалда төмендеу байқалды.Ең жоғары төмендеу Атырау (34,22%), Қызылорда (22,17%), Батыс Қазақстан (17,88%) облыстарында, сондай-ақ Жамбыл, Маңғыстау және Ақтөбе облыстарында тіркелді. Ауруханаға жатқызу саны артқан өңірлерде (Солтүстік Қазақстан, Ұлытау, Шығыс Қазақстан, Ақмола) терең талдау жүргізу, профилактикалық жұмысты күшейту және көшбасшы өңірлердің үздік тәжірибелерін тарату қажет. Төменде әр өңір бойынша конкурс жеңімпаздары жазылды.Қызылорда облысы бойынша «МСАК КӨШБАСШЫСЫ – 2025» байқауының жеңімпаздары<ul><li style="text-align:justify;">1 орын – «№6 қалалық емхана»</li><li style="text-align:justify;">2 орын – «№4 қалалық емхана»</li><li style="text-align:justify;">3 орын – «Шиелі көпсалалы аудандық орталық ауруханасы»</li></ul><img src="https://knadmin.beoblood.kz/uploads/lidery_2025_ddc66b117f.jpeg" alt="ОСМС">

Байқау қорытындысымен үздік медициналық ұйымдар анықталды

<a href="https://kyzylorda-news.kz/">Kyzylorda-news.kz</a> Қызылорда халқы үшін 2025 жыл табысты, берекелі жыл болды. Ең елеулісі – бас шаһардың астана болғанына 100 жыл толуы. Ұлттың ұлық қазақ атауының да қайтарылғанына ғасыр толды. Оның үстіне қоғамның барлық саласындағы даму мен өсім келер күнге деген үмітті еселей түсті.Бүгін қала әкімі Нұржан Ахатов қорытынды салтанатты шарада жылдың елеулі оқиғалары мен жетістіктеріне тоқталып, қызылордалықтарды Жаңа жыл мерекесімен құттықтады.<blockquote>– Санаулы сәттерден кейін төрімізге енетін Жылқы жылы құт әкелсін! Баршаға аян, әлемдегі ахуалдың күрделі болғанына қарамастан Жылан жылы мемлекетіміз үшін жемісті болды. Биыл еліміздегі соңғы уақыттарда қабылданған саяси реформалардың жүзеге асырылуымен есте қалды. Хан Абылай тағына мінген Көкше төрінде ұлт рухын көтерер Ұлттық құрылтайдың төртінші бас қосуы өтті. Алқалы жиында Мемлекет басшысы Қасым - Жомарт Кемелұлы: «Биыл ел астанасын Қызылордаға көшіру туралы тарихи шешімнің қабылданғанына жүз жыл толуда. Осы ретте, Құрылтайдың келесі отырысын Сыр бойында, кезінде Қазақ елінің астанасы болған Қызылорда қаласында өткізуді ұсынамын» деген болатын. Тағдыршешті мәселе көтерілетін Ұлттық Құрылтайдың бесінші отырысы Сырдың бас шаһарында белгіленіп отыр. Бұл біз үшін зор мәртебе, үлкен жауапкершілік! – деді Нұржан Сәбитұлы.</blockquote>Ерекше атап өту қажет, аймақ басшысының қолдауымен соңғы жылдары қаланың барлық саласында оң динамика қалыптасып, өсім еселене түсті. Қала бюджеті жыл басында 73,1 млрд. теңгемен бекітілсе, бүгінде ол 154 млрд. 200 млн. теңгеге жетіп, екі есеге артты. &nbsp;Негізгі капиталға салынған инвестиция көлемі 357 млрд. 200 млн. теңгені құрап, 126,1 пайызды мөлшерледі. Құрылыс жұмыстарының көлемі 161 млрд. 100 млн. теңгені межелеп, 122,6 пайызға өсті. Облыс орталығы қарқынды құрылыс алаңына айналды. Сол жағалаудағы жаңа ғимараттар мен қаланың басқа да аумақтарындағы қайта жаңғыртудан өтіп жатқан нысандар шаһардың шырайын арттыра түсті.&nbsp;<blockquote>– Алдымызда айқын міндеттеріміз бен анық жоспарларымыз бар. Келер жылы қаланың, оған қарасты кенттер мен ауылдық округтердің әлеуметтік-экономикалық дамуына арналған 133 жоба әзірленуде. Бұл жобаларды қаржыландыру үшін республикалық және облыстық бюджеттерге 105 млрд. теңгенің өтінімі ұсынылуда. Әрбір әлеуетті іс әлеумет үшін жасалады. Біз халықтың игілігі мен жайлы тұрмыс-тіршілігі үшін ауқымды жобаларды жүзеге асыра береміз,- деді қала әкімі.&nbsp;</blockquote>Салтанатты шарада еңбек адамдарына құрмет көрсетіліп, облыс әкімінің алғыс хаттары табысталды. Жыл бойы өз саласында жоғары нәтижеге қол жеткізген әр саланың үздіктеріне арнайы номинациялар мен «Құрмет» грамотасы және қала әкімінің алғыс хаттары берілді. &nbsp;Мерекелік іс-шарада жергілікті өнерпаздар әннен шашу шашып, кеш көрігін қыздырды.<img src="https://knadmin.beoblood.kz/uploads/Zha_a_zhyldy_kesh_b5c9a5d912.jpg" alt="Жаңа жылдық кеш.jpg">

Жылдың қорытынды салтанатты шарасы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қызылорда автобус паркі», «Қызылорда су жүйесі» мекемелеріне барып, қызметкерлерді Жаңа жылмен құттықтады. Кездесу барысында өңірде коммуналдық инфрақұрылымды жаңғыртуда атқарылған ауқымды &nbsp;жұмыстарға тоқталды.<blockquote>«Президентіміздің, Үкіметтің ерекше қолдауымен жаңа жобалар сәтті жүзеге асуда. Кейінгі жылдары өңірдегі ең өзекті мәселелерді шешуге, тұрғындардың өмір сүру сапасын жақсартуға, жаңа инфрақұрылымдық жобаларға қаражат бөлінді. Сіздер қала тұрғындарына уақытпен санаспай, сапалы қызмет көрсетіп келесіздер. Тұрмыс-тіршілігімізге жайлылық сыйлап, аса маңызды салалардың дамуына зор үлес қостыңыздар. Алдағы жылда игі істеріміз жалғасын тауып, Жаңа жыл кең байтақ елімізге молшылығы мен тоқшылығын, қасиетті жерімізге бақ-берекесін ала келсін!», – деді Нұрлыбек Машбекұлы.</blockquote><img src="https://knadmin.beoblood.kz/uploads/Avtobus_parki_3_7284692383.jpg" alt="Автобус паркі 3.jpg">Жиында қаладағы қалыпты тіршілікті қамтамасыз ету саласында аянбай еңбек етіп, тәулік бойы үздіксіз жұмыс жасайтын сала қызметкерлері, еңбек адамдары облыс әкімінің Алғыс хатымен марапатталды.Бүгінде «Қызылорда автобус паркінде» 300 автобус бар, 32 бағыт бойынша тұрақты қызмет көрсетеді. Серіктестікте 729 қызметкер еңбек етеді.Электр автомобильдерін сатып алу үшін облыстық бюджеттен қаражат бөлініп, 100 автомобиль жеткізілді. Қазіргі уақытта жолаушылар тасымалы саласында қызмет көрсетіп келеді.Мемлекет басшысы 2023 жылы өңірге жұмыс сапары кезінде Қызылорда қаласын ыстық сумен қамту туралы тапсырма бергені белгілі. Осыдан соң қызылордалықтардың арманына айналған мәселе оң шешімін тапты. Бұл мақсатқа 26 млрд. 200 млн. теңге бөлініп, 423 тұрғын үйге жоба әзірленді. Жобалар 2 кезеңмен іске асты.Бірінші кезеңде 2024 жылы 186 үйді ыстық сумен қамтамасыз ету үшін Үкімет резервінен 11 млрд.теңге қаржы бөлініп, тұрғын үйлер ыстық суға қосылды. Екінші кезең бойынша 15,2 млрд.теңге қаржыға 237 көпқабатты тұрғын үй ыстық сумен қамтылуда.Үкімет резервінен бөлінген 5 млрд. теңгеге 61 көпқабатты тұрғын үйге ыстық су жеткізілді. Сондай-ақ, арнаулы мемлекеттік қордан 10,2 млрд.теңге қаржы бөлінді.<img src="https://knadmin.beoblood.kz/uploads/Avtobus_parki_2_ddb679ecea.jpg" alt="Автобус паркі 2.jpg">

Аймақ басшысы «Қызылорда автобус паркі», «Қызылорда су жүйесі» мекемесі қызметкерлерімен кездесті

<a href="https://kyzylorda-news.kz/">Kyzylorda-news.kz</a> Партия филиалының қоғамдық қабылдау бөлмесінде Қызылорда облыстық мәслихатындағы «AMANAT» партиясы депутаттық фракциясының мүшесі Мағжан Ералиев кестеге сәйкес қоғамдық қабылдау өткізіп, азаматтардың өтініштері мен ұсыныстарын тыңдады.&nbsp;Қабылдауда болған тұрғындар әлеуметтік қолдау шаралары және денсаулық сақтау саласындағы жобаларды ілгерілету бойынша мәселелерін көтеріп, шешілуіне көмек көрсетуді сұрады.Фракция мүшесі қабылдау барысында көтерілген өтініштерді жан-жақты зерттеп, шешу мүмкіндіктері қаралатынын жеткізді. ҚР Қолданыстағы заңнамалары негізінде түсіндірме жұмыстарын жүргізіп, әлеуметтік қолдау және денсаулық сақтау салаларын жетілдіру бойынша ұсыныстар талқыланды.&nbsp;Депутат барлық мәселені жеке бақылауына алып, шешілуі бойынша өтініш иелеріне қосымша хабар берілетінін түсіндірді.&nbsp;

Фракция мүшесі тұрғындардың өтінішін тыңдады 

<a href="https://kyzylorda-news.kz/">Kyzylorda-news.kz</a> Қызылорда облысының солтүстігінде, оңтүстігінде, орталығында тұман, көктайғақ күтіледі. Қызылорда қ: 31 желтоқсанда кей уақытта тұман, көктайғақ күтіледі, деп хабарлайды <a href="https://kaz.nur.kz/society/2327129-31-zheltoqsanda-qazaqstannyng-basym-boliginde-qar-zhauady/">Kaz.nur.kz</a>.Фото: Нұрболат Нұржаубай&nbsp;

31 желтоқсан: Қызылорда облысында тұман түсіп, көктайғақ болады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімінің орынбасары Нұрмұхамед Бохаевтың төрағалығымен кезекті мәжіліс өтті.&nbsp;Жиында Үкімет басшысы мен облыс әкімімен өткен мәжілісте қаралған мәселелер бойынша жүктелген тапсырмаларға сәйкес бірқатар бірқатар міндеттер пысықталды.Аудан әкімінің орынбасары аймақ басшысы тарапынан берілген тапсырмалардың барлығы тиісті сала басшылары мен бөлімдер тарапынан орындалуы керектігі айтылып, аудандағы спорт саласын дамыту бағытында аудандық дене тәрбиесі, спорт және туризм бөліміне нақты шаралар қабылдау жөнінде тапсырма берілді.Сонымен қатар мәжіліс барысында 2025 жылы аудан көлемінде атқарылған жұмыстардың қорытындысы айтылды. Алдағы Жаңа жыл мерекесіне дайындық мәселесі де күн тәртібінен тыс қалмады. Аудан әкімі орынбасары Нұрмұхамед Омарұлы мереке күндері қоғамдық-саяси ахуалды тұрақты бақылауда ұстап, қоғамдық тәртіп пен қауіпсіздікті қамтамасыз етуді тапсырды.&nbsp;Мәжіліс соңында аудан әкімі жүктелген тапсырмалардың орындалуы жеке бақылауда болатынын ескертті.

Жыл қорытындысымен бірқатар міндеттер талқыланды

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» Мемлекеттік корпорациясы Жаңа жыл мерекесіне байланысты 2026 жылғы 1–2 қаңтарда, сондай-ақ 7 қаңтар күні халыққа қызмет көрсету орталықтары мен мамандандырылған халыққа қызмет көрсету орталықтарының жұмыс істемейтінін хабарлайды.3 қаңтар, сенбі күні, кезекші ХҚКО мен МХҚКО үшін жұмыс күні болып табылады. Азаматтарды қабылдау 09.00-ден 13.00-ге дейін жүзеге асырылады.5 және 6 қаңтар жұмыс күндері болып саналады. Бұл күндері еліміздегі барлық ХҚКО мен МХҚКО әдеттегі кесте бойынша 09.00-ден 18.00-ге дейін қызмет көрсетеді.Еске сала кетейік, халыққа қызмет көрсету орталықтары, соның ішінде мамандандырылған орталықтар, жұмыс күндері 09.00-ден 18.00-ге дейін азаматтарды қабылдайды. Кезекші ХҚКО мен МХҚКО дүйсенбіден жұмаға дейін 09.00-ден 20.00-ге дейін, ал сенбі күні 09.00-ден 13.00-ге дейін жұмыс істейді.&nbsp;

Жаңа жыл мерекесіндегі ХҚКО мен МХҚКО жұмыс кестесі

<a href="https://kyzylorda-news.kz/ru">Kyzylorda-news.kz</a>&nbsp; Неге қазақстандық жастар табыс үшін шетелге кетіп жатыр, сонда ел ішінде жұмыс істеуге мүмкіндік жоқ па?Соңғы жылдары қазақстандық жастардың бір бөлігі табыс табу үшін Корея, Англия, Польша, Чехия, Германия, Ресей, Түркия секілді елдерге кетіп жатыр. Бірі – құрылысқа, бірі – зауытқа, енді бірі – қызмет көрсету саласына. Көпшілігінің айтатыны бір: «Қазақстанда жұмыс жоқ, болған жағдайда жалақы аз».Бірақ мәселе шынымен жұмыстың жоқтығында ма, әлде жүйенің дұрыс жұмыс істемеуінде ме?Шетелдің де өзшындығы бар...Шетелге кеткен жастардың басым бөлігі қара жұмыс істеп жүр. Бірі қоймада жүк тасушы, зауытта оператор немесе мейрамханада даяшы, енді бірі егін даласында жұмысшы.Бұл – біліктілігі аса жоғары емес, бірақ еңбегі нақты бағаланатын жұмыс. Ай сайын тұрақты жалақы, уақытылы төлем, кей елде әлеуметтік пакет те бар. Осы салада 5 жылға жуықтаған Серікболсын Мұрзаев қазіргі таңда шетелде жұмыс істегеннің нәтижесінде әкеме көлік, отбасыма үй салып бердім дейді.&nbsp;<blockquote>– Бұл жақта жұмыс ауыр, бірақ жалақыңды кешіктірмейді. Қазақстанда істеген жұмысымнан екі есе көп табамын. Соның арқасында әкеме жаңа көлік алып бердім және жақында жаңа үйге қоныстандық, – дейді жас.</blockquote>Жалақының жыры қашан бітеді?Қазақстанда жұмыс бар. Бірақ жалақы мен өмір сүру құны сәйкес емес. Расында әр өңірде орташа айлық көрсеткіші әр түрлі. Мәселен, Қызылорда аймағы жоғары жалақы алатын өңірдің бірі, бұған экологиялық үстеме ақының болуы едәуір әсер етіп отыр. Ал басқа өңірлер ше? Ресми жалақы көбіне күнкөріске әрең жетеді. Жастар үшін жалдамалы пәтер, несие, отбасын асырау үлкен проблемаға айналған. Осы орайда, әкімшіліктің айналасын жағалаған Нұргүл есімді жас белгілі бір мекемеде хатшы қызметін атқарады. Жалақысы көңіл қуантпайды. Сондықтан әлеуметтік көмекке мұқтажбын дейді.&nbsp;<blockquote>– Отбасы болғандықтан күйеуімізбен жан-жақты жұмыс жасаймыз. Алайда бүгінде тауарлардың бәрі қымбат. Айлық артса, артынша зат та қымбаттайды. Содан соң қазақ қалай байысын?! Міне, айлығымыз шайлығымызға жетпегендіктен, үкіметтің әлеуметтік көмегіне мұқтажбыз, – &nbsp;дейді жас келіншек.</blockquote>Танысың болса, мүмкіндігің барЖұмыс бар, бірақ әділет жоқ. Бұл сөз бүгінгі жастардың ұранына айналғандай. Таныссыз жұмысқа тұра алмайды, тәжірибесі жоқ деп қабылданбайды. Соның салдарынан жалақысы төмен қызметке мәжбүр. Ал жұмыспен қамту орталығы басшысының пікірі бұған қарама қайшы. Бос жұмыс орындары жеткілікті, жұмысшы жоқ деп дабыл қағады.&nbsp;– Иә, бүгінде жастарға, түрлі санаттағы адамдарға арналған бос жұмыс орындары жеткілікті. Алайда қызығушылық танытатындар аз. Осы бағытта түрлі шаралар ұйымдастырылып, көшпелі жәрмеңкелер де өткізіліп тұрады, – дейді.&nbsp;Мемлекеттік бағдарламалар – қағаз жүзінде қалып отырған сыңайлы. «Жастар практикасы», «Еңбек», «Жас маман» секілді бағдарламалар бар, бірақ олар бәріне бірдей жетпейді, ақпарат ашық емес, нақты нәтиже бермейді. Ал, шын мәнінде, Қазақстанда жұмыс жеткілікті ме? Иә, жеткілікті. Қай салада? Құрылыс, ауыл шаруашылығы, логистика, өндіріс, сервис пен қызмет көрсету. Мәселе – еңбекке төленетін ақы мен еңбек адамының қадірінде. Экономика саласының сарапшылары да «Қазақстанда еңбек нарығында тапшылық бар, бірақ жұмыс берушілер әлі де арзан жұмыс күшіне үйренген» дейді.Сондықтан мемлекет ішінде «айдағы» айлықты алуды әзірге армандау қиын. Жақында Түркістан облысындағы жұмысқа жалданған жастардың видеосы тарады. Қытай азаматы басқаратын шаруашылықтың айлығы бастапқыда күніне 15-20 мың аралығында болса, кейіннен төмендеп кеткен. Тұрғындар бұған басшылық құрамындағы қазақстандықтарды кінәлайды, өйткені олар қытайлықтарды 15-20 мыңның «тым көптігіне» сендірген.Неге жастар ел ішінде қалмайды?Жастар шетелге бай болу үшін емес, әділет пен тұрақтылық үшін кетіп жатыр. Олар уақытылы жалақы, нақты еңбек шарты, болашағын жоспарлау мүмкіндігін қалайды. Бұл – экономикалық емес, әлеуметтік сигнал. Мемлекетке сын, қоғамға ой. Егер мемлекет жалақыны өмір сүру деңгейіне жақындатпаса, еңбек адамының құқығын қорғамаса, жастарға тек ұран емес, нақты мүмкіндік бермесе, онда ешбір жасты патриоттық сөзбен елде тұрақтандыру қиын.Қорытынды. Ақшаны алыстан іздемеу үшін алдымен жақыннан әділет табу керек. Қазақстанда жұмыс бар. Бірақ жұмыс бар жерде табыс, табыс бар жерде сенім болуы шарт. Жастар шетелге тек жұмыс үшін кетіп жатқан жоқ, олар әділетті орта іздеп кетіп жатыр. Ал әділет дегеніміз – нақты жұмыс күшін, адами еңбек құндылығын жоғары бағалау.Айдос МЫРЗАЛЫФото: freepik.com

Қазақстан және Қызылорда облысының жаңалықтары