<a href="https://kyzylorda-news.kz/">Kyzylorda-news.kz</a> Қызылорда облыстық жастар ресурстық орталығының ұйымдастыруымен «Жастардың бастамасы: даму мен серпін» атты облыстық жастар форумы өтті.Форумға Қызылорда облысының белсенді жастары, үкіметтік емес ұйым өкілдері, аудандық жастар ресурстық орталықтарының басшылары, сондай-ақ жастар саясаты саласының үздіктері қатысты.Форумның негізгі мақсаты – жастардың бастамаларын қолдау, олардың қоғамдық өмірге белсене араласуына ықпал ету, көшбасшылық қабілетін дамыту және мемлекеттік басқару мен цифрлық технологиялар саласындағы білімін кеңейту болды. Сонымен қатар, жастардың азаматтық белсенділігін арттырып, заманауи бағыттарға бейімделуіне жағдай жасау көзделді.<img src="https://knadmin.beoblood.kz/uploads/Zhastardy_bastamasy_damu_men_serpin_atty_oblysty_zhastar_forumy_tti2_47b4458465.jpg" alt="«Жастардың бастамасы даму мен серпін» атты облыстық жастар форумы өтті2.jpg">Форум жұмысы екі секциялық бағытта ұйымдастырылды:– «Жастар және мемлекеттік басқару: Болашақ көшбасшылары» тақырыбындағы І секцияда қатысушылармен тәжірибе алмасу ұйымдастырылып, мемлекеттік қызметтің маңызы мен жастардың басқару жүйесіне араласу мүмкіндіктері талқыланды. &nbsp;Басты спикер облыстық жастар ресурстық орталығының директоры Басаров Алиби Төлепбергенұлы болды.– «Жасанды интеллект: Киберқауіпсіздік» атты ІІ секцияда IT саласының өзекті мәселелері мен жастардың цифрлық сауаттылығын арттыру жолдары қаралды. &nbsp;Басты спикерлер Қорқыт ата атындағы Қызылорда университетінің студенттері Нұрбек Әділбаев пен Нұрбол Оңалбаев.Форумға арнайы қатысқан қонақтар қатарында Қызылорда облысы әкімінің орынбасары Шермағанбет Мейрамбек Зинабдинұлы, жас кәсіпкер Нұрдаулет Болатбекұлы, «Ассамблея жастары» Республикалық қоғамдық бірлестігінің Кызылорда облысы бойынша жетекшісі Пак Елена, «Салауатты өмір сақшылары» қозғалысының жетекшісі Алдаберген Нұрқанат, «Студенттер Альянсы» ҚОФ төрағасы Расул Базарханұлы және 2025 жылдың «Күміс домбыра» иегері, ақын әрі жыршы Бексұлтан Орынбасар болды.Форум соңында жастар саясаты саласында белсенділік танытқан бірқатар жас марапатталып, шара әсерлі гала-концертпен қорытындыланды.<img src="https://knadmin.beoblood.kz/uploads/Zhastardy_bastamasy_damu_men_serpin_atty_oblysty_zhastar_forumy_tti_5cbb74a924.jpg" alt="«Жастардың бастамасы даму мен серпін» атты облыстық жастар форумы өтті.jpg">Аталған форум жастар арасында жаңа идеялар мен серпінді бастамалардың дамуына жол ашып, аймақтағы жастар қозғалысының жандануына үлес қосты.

«Жастардың бастамасы: даму мен серпін» атты облыстық жастар форумы өтті

<a href="https://kyzylorda-news.kz/">Kyzylorda-news.kz</a> &nbsp;81 жыл бұрын Ресей жерінде қайтыс болып, сүйегі енді табылған ҰОС жауынгері, жерлесіміз Байбол Рахметовтың мүрдесін күтіп алуға арналған «Тағзым» алаңында әскери құрмет көрсету шарасы өтті.2025 жылы мамырда «Обелиск» іздестіру шаралары барысында 1944 жылы Псков қаласын неміс-фашист басқыншыларынан азат ету кезінде қаза тапқан Қызыл Армия сарбаздарының сүйектері табылған.Анықталған майдангерлер ішінде – 1917 жылғы Қызылорда қаласының тумасы, 326-шы атқыштар дивизиясының 1101-ші атқыштар полкі сапында қызмет еткен аға сержант Байбол Рахметов те бар.Оны жанынан табылған жауынгерлік «Ерлігі үшін» медалі және «Қызыл Жұлдыз» ордені, сондай-ақ өзі тұтынған заттары – ұстарасы, қаламсабы, әскери пышағы растады. Бүгін соғыстағы жанқиярлық ерліктің, отанға деген адалдықтың айнасы болған асыл азамат Байбол Рахметовтың мүрдесі туған жер топырағына жеткізілді.Батырға бас иген рәсімде сұрапыл соғыс жылдары ерлік көрсеткен қаhарман құрметіне бір минут үнсіздік жарияланып, ескерткішке гүл шоқтары қойылды. Қала әкімінің орынбасары Ділмұхамед Абизов Ұлы Отан соғысында ел мен жер үшін жанын қиған, арада қаншама жыл өтсе де туған топырағына аманат болып жеткен қызылордалық қаһарман жауынгердің рухына тағзым ету – бүгінгі ұрпақтың қасиетті борышы екенін жеткізсе, жауынгердің бауырлары туысын тауып, оның ерлік жолын елге жеткізген азаматтарға өз алғыстарын білдірді.Бүгін батырдың сүйегін жерлеу рәсімі Ақсуат ауылдық округінде өткізілді.

Соғыс сарбазының сүйегі туған топырағына жеткізілді

<a href="https://kyzylorda-news.kz/">Kyzylorda-news.kz</a> «Әлеуметтік медициналық сактандыру қоры» КЕАҚ Қызылорда облысы бойынша филиалында Сыбайлас жемқорлықтың қоғам өмірінің түрлі салаларына тигізетін кері әсері, оның салдары, сондай-ақ сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері талқыланды.Филиалдың заңгері Олжас&nbsp;Шаманың сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері және корпоративтік этика жөніндегі баяндамасы тындалды. Сондай-ақ, сыбайлас жемқорлыққа қарсы тестілеуде келтірілген мысалдар негізінде практикалық жағдайлар, қатысушылар мүдделер қақтығысы, лауазымдық өкілеттіктерді теріс пайдалану, сондай-ақ әкімшілік немесе қылмыстық құқық бұзушылық белгілері бар іс-әрекеттер бойынша нақты мысалдарды заңнама тұрғысынан талқылады.Сонымен қатар, Филиал қызметкерлерімен сыйлықтар, заңсыз ақшалай, материалдық сыйақы алу және беру фактілеріне және заңдарда көзделмеген басқа да игіліктер мен артықшылықтар алу фактілеріне (оның ішінде үшінші тұлғалар тарапынан ықтимал арандатушылық әрекеттерге) жол бермеуге, қызмет барысында, жеке тұлғалармен немесе медициналық мекемелердің өкілдерімен тілдесу барысында өзін дұрыс ұстап, сыбайлас жемқорлық сипатындағы әрекеттеріне дайын деген ойға алып келетін сөздерге жол бермеу қажеттігі түсіндірілді.

«Сыбайлас жемқорлыққа қарсы іс-қимыл шаралары» талқыланды

<a href="https://kyzylorda-news.kz/">Kyzylorda-news.kz</a> Қызылорда облысының Жалағаш ауданында қоғамдық тәртіп пен тұрғындар қауіпсіздігін қамтамасыз етуге бағытталған маңызды нысан №14 учаскелік полиция пункті пайдалануға берілді. Жаңа пункт Жаңадария және Аламесек ауылдық округтеріне ортақ болып, екі елді мекен халқына бірдей қызмет көрсетеді.Бұл бастама – құқық бұзушылықтың алдын алу, полиция қызметінің қолжетімділігін арттыру және ауыл тұрғындарының тыныштығын сақтау жолындағы нақты әрі тиімді қадам. &nbsp;1939 жылы құрылған &nbsp;еңбек пен берекенің мекені Аламесек ауылдық округі аудан орталығынан шалғай орналасқан. Жаңадария ауылынан арақашықтығы 18 шақырым. Мұнда 1 888 адам тұрады. Елді мекенде 32 шаруа қожалығы мен 109 кәсіпкерлік субъектісі тіркелген. Халықтың негізгі кәсібі – егін және мал шаруашылығы. Елді мекенде бір мектеп пен ауылдық емхана халыққа қызмет көрсетуде. Қазіргі таңда ауылдық округте 9 бейнебақылау камерасы орнатылған.Айта кетерлігі ауылдағы орта мектепте «Жас сақшы» сыныбы ашылған. Арнайы жабдықталған кабинетке осы ауылдың тумасы, ішкі істер саласында адал қызмет етіп, қызмет барысында қаза тапқан Кеңесбек Әбішевтің есімі берілген.Ал 1963 жылы құрылған Жаңадария ауылдық округі де аудан орталығынан ең алыс орналасқан елді мекендердің бірі саналады. Мұнда 551 адам тұрады. Елді мекенде 23 шаруа қожалығы және 21 кәсіпкерлік субъектісі бар. Қазіргі уақытта 4 бейнебақылау камерасы орнатылып, оларды Жедел басқару орталығына қосу жұмыстары жүргізілуде.№14 учаскелік полиция пункті Жаңадария ауылындағы Бөлебай би көшесінде орналасқан. Ғимарат заманауи талаптарға сай арнайы техникамен, жиһаздармен толық жабдықталып, интернет желісіне қосылған. Жалпы аумағы 90,3 шаршы метрді құрайтын нысанда 4 қызметтік кабинет бар. Екі ауылдық округке учаскелік полиция инспекторы полиция майоры Нұрболат Сыдықұлы қызмет көрсетеді. Ол ішкі істер саласында 2009 жылдан бері еңбек етіп келеді.<img src="https://knadmin.beoblood.kz/uploads/yzylorda_oblysynda_eki_auyl_a_birdej_yzmet_k_rsetetin_zha_a_uchaskelik_policziya_punkti_ashyldy1_d81b0bee27.jpg" alt="Қызылорда облысында екі ауылға бірдей қызмет көрсететін жаңа учаскелік полиция пункті ашылды1.jpg">Жаңа полиция пунктінің ашылуы – тұрғындарға құқықтық көмекті жедел көрсетуге, қоғамдық тәртіп пен заңдылықты нығайтуға, сондай-ақ ауыл өмірінің қауіпсіздігін арттыруға бағытталған маңызды қадам.Учаскелік полиция пунктінің ашылу салтанатында сөз сөйлеген Қызылорда облысы Полиция департаментінің Қоғамдық қауіпсіздік басқармасының бастығы полиция полковнигі Жаукеев Ердәулет Баянбайұлы ауыл тыныштығын қамтамасыз етуге бағытталған қадамның маңыздылығын атап өтті.«Жұртқа жақын полиция» қағидатын қалыптастыру мен Мемлекет басшысы жариялаған «Таза Қазақстан» акциясын жүзеге асыру бағытында атқарылатын жұмыстарға, учаскелік полиция инспекторлары халықпен тығыз қарым-қатынас орнатуға және тұрғындарға дер кезінде көмек қолын созуға, құқық бұзушылықтың алдын алу үшін тез әрекет етуге, құқық бұзушылармен профилактикалық жұмыстар жүргізуге учаскелік полиция пунктінің &nbsp;орасан &nbsp;зор &nbsp;көмегі &nbsp;болатындығы баршамызға белгілі. Жұмысын бастағалы отырған учаскелік полиция пункті осы елді мекендегі тұрғындардың қауіпсіздігін қамтамасыз етуге қызмет көрсетеді деп сенеміз.Барлық игі бастамаларыңызға сәттілік тілеймін, еліміз аман, жұртымыз &nbsp;тыныш &nbsp;болсын» деді Е.Жаукеев.Екі ауылдық округке бірдей қызмет көрсететін жаңа учаскелік полиция пункті алдағы уақытта екі ауылдың тыныштығы мен тұрақтылығын сақтаудың сенімді тірегіне айналмақ.

Қызылорда облысында екі ауылға бірдей қызмет көрсететін жаңа учаскелік полиция пункті ашылды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстанда денсаулық сақтау жүйесінде тегін медициналық кепілдендірілген көмек көлемі мен міндетті әлеуметтік медициналық сақтандыруға қатысты ауқымды өзгерістер күшіне енеді. Бұл туралы Өңірлік коммуникациялар қызметінің баспасөз алаңында облыстық денсаулық сақтау басқармасының басшысы Олжас Искаков пен «Әлеуметтік медициналық сақтандыру қоры» КеАҚ Қызылорда облысы бойынша филиалының директоры Жақсылық Абдусаметов баяндады.<blockquote>"Жаңа өзгерістер Мемлекет басшысының Жолдауында берілген тапсырмаларға сәйкес медициналық көмектің бірыңғай пакетін қалыптастыруға бағытталған. Басты мақсат азаматтардың сақтандыру мәртебесіне қарамастан әлеуметтік маңызы бар аурулар бойынша медициналық көмектің қолжетімділігін арттыру және МӘМС жүйесінің қаржылық тұрақтылығын қамтамасыз ету", – деді облыстық денсаулық сақтау басқармасының басшысы Олжас Искаков.</blockquote>Қызылорда облысында бүгінгі таңда 818 мыңнан астам адам тіркелсе, олардың 83,6 пайызы сақтандырылған. Ал сақтандыру мәртебесі жоқ азаматтарды қамту үшін жаңа тетіктер енгізілмек.<blockquote>"Енді дағдарыстық және шұғыл жағдайдағы әлеуметтік осал азаматтардың, сондай-ақ ресми жұмыссыздардың МӘМС жарналары жергілікті бюджет есебінен төленеді. Бұл сақтандырылмағандар санын айтарлықтай азайтады", – деді филиал директоры Жақсылық Абдусаметов.</blockquote>Сонымен қатар, кемінде бес жыл қатарынан жарна төлеген азаматтар уақытша төлем тоқтаған жағдайда алты айға дейін сақтандырылған мәртебесін сақтай алады. Бұл норма жұмысынан айырылған азаматтарға медициналық көмекті үздіксіз алуға мүмкіндік береді.2026 жылдан бастап онкологиялық аурулар, инфаркт, инсульт, вирустық гепатиттер секілді бірқатар әлеуметтік маңызы бар дерттер бойынша диагностика мен скринингтер сақтандыру мәртебесіне қарамастан тегін жүргізіледі. Ал қант диабеті мен жүрек-қан тамырлары аурулары сияқты созылмалы сырқаттарды емдеу толықтай МӘМС пакетіне ауыстырылады.<img src="https://knadmin.beoblood.kz/uploads/603869577_2486111638451000_3866245832591395122_n_a3f999f557.jpg" alt="603869577_2486111638451000_3866245832591395122_n.jpg"><blockquote>"МӘМС жүйесі азаматтарды миллиондаған теңгеге жететін емдеу шығындарынан қорғайды. Ай сайынғы салыстырмалы түрде аз жарна арқылы тұрғындар медициналық көмектің толық пакетін ала алады", – деп түйіндеді филиал директоры.</blockquote>Спикерлердің айтуынша, МӘМС жүйесіндегі мәртебені уақытылы рәсімдеп, тұрақты сақтап отыру әр азаматтың денсаулығы мен әлеуметтік қауіпсіздігін қамтамасыз етудің тиімді жолы.Фото: freepik.com

МӘМС: Жаңа жылдағы өзгерістер халыққа қандай мүмкіндік береді? 

<a href="https://kyzylorda-news.kz/">Kyzylorda-news.kz</a> Жаңақорған ауданының Кейден ауылында жастардың спортпен шұғылдануына мүмкіндік беретін, заманауи талаптарға сай жаңа күрес залы ашылды.Оған облыс әкімінің орынбасары Ардақ Зебешев, "Қазатомөнеркәсіп" ҰАК АҚ басқарма төрағасы Мейіржан Юсупов, зиялы қауым өкілдері, аудан спортшылары және ауыл тұрғындары қатысты.Облыс әкімінің орынбасары жиналған қауымды жаңа нысанның ашылуымен құттықтап, аймақтың спорт саласындағы жетістіктерді атап өтті.<blockquote>“Мемлекет басшысы Қасым-Жомарт Кемелұлы спортты дамыту ұлт саулығының кепілі екенін үнемі айтып келеді. Осы бағытта елімізде, оның ішінде аймағымызда да спорт инфрақұрылымын дамытуға ерекше көңіл бөлінуде. Аймақ басшысы Нұрлыбек Машбекұлының қолдауымен кейінгі 3 жылда 21 спорт кешені бой көтеріп, ел игілігіне табысталды. Биыл Қызылорда қаласында 11 мың орындық жаңа стадион пайдалануға берілді. УЕФА-ның 4-санатты сертификатын алған заманауи нысанда ауқымды спорттық шараларды өткізуге барлық мүмкіндік қарастырылған.Сондай-ақ, облыс орталығындағы ірі жобалардың бірі - «Қызылорда Арена» көпбейінді спорт кешенінің құрылысы.Атап өту қажет, Жаңақорған ауданында соңғы жылдары 15 жаңа спорт нысаны іске қосылған. Осындай игіліктердің жалғасы ретінде бүгін міне, тағы бір спорт нысанының ашылуында бас қостық.Жаңа күрес залы ауыл жастарының үлкен спортқа жолын ашып, осы жерден болашақта ел намысын қорғайтын чемпиондар шығады деп сенеміз.Баршаңызға зор денсаулық, отбасыларыңызға амандық, еңбектеріңізге табыс тілеймін.Алдағы Жаңа жыл әр шаңыраққа құт-береке, молшылық пен жақсылық әкелсін!”,- деді Ардақ Темірханұлы.</blockquote>Жиында ауданның әлеуметтік - экономикалық дамуына үлес қосқан азаматтар мен күрес залын салған мердігер мекеме қызметкерлері облыс әкімінің Алғыс хатымен марапатталды.«Қазатомөнеркәсіп» ҰАК АҚ басқарма төрағасы Мейіржан Бақытұлы сөз сөйлеп, аудандық ардагерлер кеңесінің төрағасы Өмірсерік Исабекұлы батасын берді.<img src="https://knadmin.beoblood.kz/uploads/Kejden_auylynda_zha_a_k_res_zaly_pajdalanu_a_berildi1_afa7f2075e.jpg" alt="Кейден ауылында жаңа күрес залы пайдалануға берілді1.jpg">Құрылысына 114 млн 400 мың теңге бөлінген нысан 50 балаға арналған. Жаттығу залы, дәрігерлер мен жаттықтырушыларға арналған қызметтік бөлмелер қарастырылған. Қолданыстағы талаптарға сай заманауи құрал-жабдықтармен толық қамтамасыз етілген. Бұл балалардың қауіпсіз әрі жүйелі түрде спортпен шұғылдануына мүмкіндік береді.Сонымен қатар Жаңақорған ауданында «СКЗ-U» жауапкершілігі шектеулі серіктестігінің күкірт қышқылы зауыты қызметкерлеріне арналған спорт залы пайдалануға берілді.Атап өту қажет, Қызылорда қаласындағы «Достық үйінің» жаңа ғимараты да ұлттық атом компаниясының демеушілігімен салынуда.Фото: Қызылорда облысы әкімінің баспасөз қызметі

Кейден ауылында жаңа күрес залы пайдалануға берілді

<a href="https://kyzylorda-news.kz/">Kyzylorda-news.kz</a> Цифрлық қаржы сервистерінің дамуына байланысты кредит алу процесі бұрынғыдан да жылдам әрі ыңғайлы бола түсті. Алайда онымен бірге тәуекелдер де артты: алаяқтар жеке деректерді ұрлау, фишингтік сайттар және әлеуметтік инженерия әдістерін пайдаланып, азаматтардың келісімінсіз олардың атына кредит рәсімдеу жағдайларын жиілетті.Көп жағдайда азаматтар кредит туралы тек берешек жөніндегі хабарламалардан немесе коллекторлар хабарласқан кезде ғана біледі. Мұндай жағдайлар адамдар үшін елеулі қаржылық және психологиялық салдар туындатады.Осы тәуекелдерден қорғау мақсатында Қазақстанда азаматтың атына кредит рәсімдеу мүмкіндігін ерікті түрде шектеуге мүмкіндік беретін «Стоп кредит» мемлекеттік сервисі енгізілді.«Стоп кредит» сервисі дегеніміз не?«Стоп кредит» — eGov.kz порталында және eGov Mobile мобильді қосымшасында қолжетімді тегін мемлекеттік қызмет. Оның көмегімен әрбір азамат электрондық цифрлық қолтаңбаны пайдалана отырып, өз атына банктік кредит немесе микрокредит рәсімдеуге тыйым қоя алады.Шектеу мерзімсіз қолданылады, қосу санына шектеу жоқ және пайдаланушының өз бастамасымен кез келген уақытта алынып тасталуы мүмкін. Шектеуді қою немесе алып тастау құқығы тек жеке деректер иесіне тиесілі.«Бірінші кредиттік бюро» АҚ мәліметінше, бүгінде&nbsp;4,5 млн-нан&nbsp;астам азамат осы мүмкіндікті пайдаланды.&nbsp;Бұл сервистің жоғары сұранысқа ие екенін көрсетеді.«Стоп кредит» қызметін қалай қосуға болады?«Стоп кредит» сервисін қосу екі жолмен жүзеге асырылады:∙&nbsp;eGov Mobile арқылы:&nbsp;авторизация, «Экономика және қаржы» бөлімінен қызметті таңдау, өтінімді толтыру және ЭЦҚ көмегімен қол қою;∙&nbsp;eGov.kz сайты арқылы:&nbsp;ЭЦҚ арқылы кіру, басты беттен «Сервистер» — «Банктік кредиттер мен микрокредиттерді ерікті түрде шектеу» — «Қызметке онлайн тапсырыс беру» тармағын таңдап, ЭЦҚ-мен растау.Қалаған кезде пайдаланушы шектеуді кез келген уақытта алып тастай алады: ол үшін сол қызметке қайта кіріп, бас тартуды растау және өтінімге қол қою жеткілікті.Азаматтарға берілетін заңнамалық кепілдіктер?2024 жылғы 1 қыркүйектен бастап заңнамаға енгізілген өзгерістер азаматтарды қосымша қорғауды көздейді. Егер кредит немесе микрокредит ерікті тыйым күшінде болған кезеңде рәсімделсе, қаржы ұйымы мұндай қарызды есептен шығаруға міндетті.Бұл норма азаматтардың құқықтық қорғалуын айтарлықтай күшейтеді және алаяқтық әрекеттердің салдарын азайтады.Соған қарамастан, сервисті қосқаннан кейін де кредиттік тарихты уақытылы тексеріп отырған жөн. Егер тыйым салу мерзімінде сіздің атыңызға кредит рәсімделсе, банк немесе МҚҰ оны міндетті түрде есептен шығаруы тиіс.Неліктен «Стоп кредит» маңызды қорғаныс құралына айналды?Қазіргі алаяқтық схемалары көбіне техникалық бұзудан гөрі азаматтарды алдап-арбауға бағытталған. Олар жалған банк сайттарын, жалған хабарламаларды және «қауіпсіздік қызметі» атынан қоңырауларды пайдалана отырып, онлайн-банкингке немесе электрондық қолтаңбаға қол жеткізеді. «Стоп кредит» сервисі қосылған жағдайда, жеке деректер бұзылғанның өзінде кредиттік ұйымдар кредит беруден бас тартуға міндетті, өйткені клиенттің кредиттік тарихында тиісті белгі көрсетіледі.Сонымен қатар сервис ұрланған деректер негізінде кредит рәсімдеудің, бұзылған онлайн-банкинг арқылы қарыз алудың және алаяқтардың немесе үшінші тұлғалардың психологиялық қысымы жағдайында кредит рәсімдеу тәуекелдерін төмендетеді.Сондай-ақ бұл сервис жақын уақытта кредит алуды жоспарламайтын азаматтар үшін өзін-өзі бақылау құралы бола алады.<img src="https://knadmin.beoblood.kz/uploads/2_fcccd47ff3.png" alt="2.png">Цифрлық қауіптердің артуы жағдайында «Стоп кредит» сервисі алаяқтықтың алдын алудың тиімді тетігіне және азаматтардың қаржылық қауіпсіздік жүйесінің маңызды бөлігіне айналып отыр. Егер жақын уақытта кредит алуды жоспарламасаңыз, ерікті тыйым енгізу дер кезінде қабылданған орынды қорғаныс шарасы болуы мүмкін.Фото: fingramota.kz

«Стоп кредит»: бір цифрлық құрал алаяқтық кредиттерден қалай қорғайды?

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешевтің қатысуымен «Панабек» жауапкершілігі шектеулі серіктестігі заманауи жиһаз фабрикасының ашылу рәсімі өтті. Оған ардагерлер мен қала тұрғындары қатысты.«Панабек» ЖШС жиһаз өндірісі саласында 20 жылдан астам уақыттан бері табысты жұмыс істеп келеді. Жоғары сапалы өнімдерімен өңір тұрғындарының сеніміне ие болып, экономиканың дамуына тұрақты үлес қосуда.Өндіріс қуатын арттыру мақсатында өңірлік инвестициялық орталық арқылы 59 млн теңге жеңілдетілген несие иеленген. Қала аумағынан 1 гектар жер телімін сатып алып, өндіріс процесі толықтай автоматтандырылды. Қазіргі таңда фабрикада жылына 35 мыңға дейін кеңсе, асхана жиһаздары, мектеп парталары , т.б жасалады. Өнімдері тұрғындар арасында жоғары сұранысқа ие. Биыл «Панабек» ЖШС «Қазақстанның үздік тауары» өңірлік көрме-байқауында «Халыққа арналған үздік тауарлар» номинациясы бойынша жеңімпаз атанды.<img src="https://knadmin.beoblood.kz/uploads/yzylordada_zamanaui_zhi_az_fabrikasy_ashyldy2_df0088e9b7.jpg" alt="Қызылордада заманауи жиһаз фабрикасы ашылды2.jpg">Сонымен қатар, «Келешек мектептері» ұлттық жобасымен салынған 5 мектепті сапалы жиһазбен қамтамасыз етті.Жаңа кәсіпорының іске қосылуы жаңа жұмыс орындарының ашылуына, отандық өнім көлемінің артуына, шағын және орта бизнестің дамуына оң әсерін тигізеді.Фото: Қызылорда облысы әкімінің баспасөз қызметі

Қызылордада заманауи жиһаз фабрикасы ашылды

<a href="https://kyzylorda-news.kz/">Kyzylorda-news.kz</a> Fingramota.kz сіздерді Қазақстандағы қаржылық сауаттылық деңгейін әлеуметтік зерттеу нәтижелерімен таныстыруды жалғастыруда.2025 жылғы пікіртерімге сәйкес, алаяқтықпен бетпе-бет кездескен респонденттердің үлесі 29,1%-ға дейін төмендеді, 2024 жылы бұл көрсеткіш 50,6%-ды, ал 2023 жылы 77,6%-ды құрады. Сонымен қатар, алаяқтармен «бетпе-бет келмегендердің» үлесі 70,9%-ға дейін өсті. Мұндай серпін халықты қорғау шараларының жақсарғанын және қаржылық сауаттылықтың артқанын, сондай-ақ қаржылық және онлайн-сервистермен өзара іс-қимыл кезінде азаматтардың сақтығының артқанын көрсетуі мүмкін. Сонымен қатар, күрделі онлайн-схемалардың, оның ішінде жасырын қаржылық тұзақтардың кеңеюі тікелей бақылау аясынан тыс қалатын жасырын қауіптерді тудырады.Өңірлік ерекшеліктер. Алаяқтық жағдайларының таралуын талдау осалдықтың бірнеше аймағын анықтады. Алаяқтармен қақтығыстардың ең жоғары деңгейі Шығыс Қазақстан облысында (39,3%), Жамбыл облысында және Ұлытау облысында (34,7%), Шымкент қаласында (32%) және Қостанай облысында (32%) байқалды. Ең жоғары қатысу 18-21 жас аралығындағы жастар арасында байқалады, бұл көрсеткіш 47,9%-ға жетеді. Бұл деректер жастардың цифрлық ортадағы белсенділігін көрсетеді, онда олар онлайн төлемдермен және қаржылық қызметтермен жиі араласады, бұл алаяқтармен байланысу ықтималдығын арттырады.Қауіп-қатерлердің құрылымы. 2025 жылы алаяқтықтың жетекші санаты интернет-алаяқтық (фишинг) болды – 52,2%, бұл өткен жылғы көрсеткіштерден едәуір жоғары (2024 жылы шамамен 24% және 2023 жылы 22,9%). Телефон шабуылдары (вишинг) 2023 жылғы 31,5% және 2022 жылғы 34,2%-бен салыстырғанда 27,5%-ға дейін төмендеуді жалғастыруда.Шабуыл арналары. Смартфон алаяқтық әрекеттердің басым арнасы болып қала береді (56,3%). Бұл ретте ең жылдам өсіп келе жатқан арналар e-mail (29,7%) және әлеуметтік желілер/мессенджерлер (15,2%) болып табылады, бұл алаяқтық схемалардың цифрлық ортаға бейімделуін және олардың кең аудиторияға қолжетімділігінің артуын көрсетеді.Алаяқтықты танып-білу және халықтың реакциясы. Алаяқтықты немесе қаржы пирамидасын тани алған респонденттердің үлесі 62,9%-ға жетті, бұл оң ұзақ мерзімді серпінді көрсетеді (2024 жылы 50,6%, 2023 жылы 61%, 2022 жылы 56%). Алайда, халықтың реакциясы негізінен реактивті болып қала береді, 41% алаяқтармен байланысын тоқтатады, бірақ тек 20,7% полицияға жүгінеді. Осалдық жоғары деңгейде сақталып отыр: респонденттердің 11,7%-ы толығымен және 2,7%-ы ішінара жеке деректерді шабуылдаушыларға беріп қойған.Сенгіштік тәуекелінің өңірлік аймақтары. Сенгіштіктің ең жоғары деңгейі Шығыс Қазақстан (26,2%), Батыс Қазақстан (24,3%), Атырау (23,4%) және Павлодар (22,2%) облыстарында тіркелді. Бұл өңірлерде әрбір бесінші респондент алаяқтардың құрбаны болды, оларға жеке деректерді берді, бұл аумақтарда алдын алу шаралары мен қаржылық сауаттылықты арттыруға басым көңіл бөлу керек.Алаяқтық салдары. Зардап шеккендер үшін қаржылық салдар айтарлықтай болып қала береді: 45,4% қалпына келтіру мүмкіндігі жоқ қаражаттың жоғалғаны туралы хабарлады, тек 4,6% өтемақы немесе қайтаруға қол жеткізді. 42%-дан астамы психологиялық зардаптарды, оның ішінде күйзелісті, мазасыздықты және онлайн-транзакцияларға деген сенімділіктің төмендеуін атап өтті.<img src="https://knadmin.beoblood.kz/uploads/infographics_1211_66_f412192012.png" alt="infographics-1211-66.png">Қорытындылар мен тенденциялар. Тікелей алаяқтық жағдайларының азаюына қарамастан, интернет-фишингтің өсуі және жаңа цифрлық арналардың кеңеюі жасырын қауіп төндіреді. Цифрлық белсенділігі жоғары өңірлердің жастары мен тұрғындары ең осал болып қала береді. Алаяқтықты танып-білудің оң серпіні (62,9%) халықтың қаржылық сауаттылығының артып келе жатқанын көрсетеді, бірақ іс-қимыл реакциясы шектеулі болып қалуда.Фото: fingramota.kz

Қазақстандықтар алаяқтықты қалай танып-біледі: екі жылдық зерттеу барысында не өзгерді?

Облыс әкімі Нұрлыбек Нәлібаевтың қатысуымен «Orda school » мектебін мемлекеттік меншікке алу бойынша меморандумға қол қою рәсімі өтті. Меморандумға облыстық білім басқармасының басшысы Асқарбек Есжанов &nbsp;пен «Orda school» мектебінің құрылтайшысы Мұрат Бақтиярұлы қол қойды. Оған жауапты сала басшылары, қоғам қайраткерлері, зиялы қауым өкілдері, білім саласының қызметкерлері қатысты. Нұрлыбек Машбекұлы &nbsp;өңірде Мемлекет басшысының, Үкіметтің ерекше қолдауымен жүзеге асқан ауқымды жобалар мен тың бастамалар туралы айтып өтті. «Аймағымызда жас ұрпақтың сапалы білім алуына барлық жағдай жасалуда. Соңғы жылдары біз бюджет қаржысының басым бөлігін әлеуметтік салаға, оның ішінде білім саласына бағыттадық. Білім беру саласына соңғы 3 жылда 812 млрд. 245 млн. теңге, биыл 346 млрд. 800 млн. теңге қаралды. Бөлінген қаржының түпкілікті мақсатқа жетуі мен қаржы бұзушылықтардың алдын алуда нақты шаралар қабылданған. Біздің ең бірінші міндетіміз – &nbsp;балаларымыздың жан-жақты, сапалы білім алуына қолайлы жағдай жасап, жайлы орта қалыптастыру. Аймағымызда алғашқылардың бірі болып, тәуекелге бел буып, қаржысын білім беру саласына салған Мұрат Бақтиярұлы ағамыз болатын. Бүгінде «Orda school» жекеменшік мектептерінің желісі 4-ке жетті. Біз де өз кезегімізде таза, шынайы жұмыс жасайтын кәсіпкерлерді үнемі қолдап келеміз. «Сабалақ» саяжайы аумағы жыл сайын кеңейіп, халық саны артқанын ескерсек, «Orda school - 2» жеке мектебінің перспективасы зор. Әрбір ата-ана баласының заманауи ғимаратта оқып, білімді болғанын қалайды. Бұған дейін жеке мектепте 336 оқушы тегін оқып келді. Мұрат Бақтиярұлы бизнестің әлеуметтік жауапкершілігі аясында 2023 жылдың қыркүйегінде ашылған «Orda school - 2» жекеменшік мектебін облыстық коммуналдық меншікке беру жөнінде шешім қабылдады. Жас өрендеріміздің игілігі жолында жасаған батыл қадамыңыз үшін Сыр жұртшылығы атынан шынайы алғысымызды білдіреміз! Бәсекеге қабілетті, заманның жаңа шақыртуларына дайын, озық ойлы ұрпақ тәрбиелеу – мемлекет алдындағы стратегиялық маңызды міндет. Барша бастамаларыңызға сәттілік тілеймін және бірлесе жұмыс атқаруға шақырамын!», – деді аймақ басшысы. Енді бұл білім беру ұйымы №297 орта мектеп болып қайта құрылып, мемлекеттік мекеме ретінде жұмысын жалғастырады. Бұған дейін &nbsp;саяжайдан қаладағы мектептерге қатынап оқуға мәжбүр болған 326 оқушының мәселесі толық шешімін табады. Басқосуда «Orda school » мектебінің құрылтайшысы, мемлекет және қоғам қайраткері Мұрат Бақтиярұлы, «Ұлағат» мектебінің құрылтайшысы Қалқазбек Әжібеков, «Зерде» мектебінің құрылтайшысы Сейтқали Алшынбаев сөз сөйледі. @Қызылорда облысы әкімінің баспасөз қызметі

Меморандумға қол қойды 

Облыс әкімі Нұрлыбек Нәлібаевтың қатысуымен Жаңақорған ауданы Екпінді ауылындағы 100 орындық клубтың ашылу рәсімі өтті. Оған Парламент Сенатының депутаттары Наурызбай Байқадамов, Руслан Рүстемов, зиялы қауым өкілдері, ауыл тұрғындары қатысты.Аймақ басшысы жиналған қауымды алдағы Жаңа жыл мерекесімен құттықтап, құрылыс саласындағы, мәдениетті өркендетудегі бастамаларға тоқталды.<img src="https://knadmin.beoblood.kz/uploads/FB_IMG_1766888019786_ada7ea6308.jpg" alt="FB_IMG_1766888019786.jpg">«Мемлекет басшысы Қасым-Жомарт Кемелұлының Жарлығымен «Ауылдық аумақтарды дамытудың 2023-2027 жылдарға арналған тұжырымдамасы» қабылданып, бұл бағыт мемлекеттік саясаттың маңызды стратегиялық мақсаттарының бірі болып белгіленгелі бері көп жұмыс атқарылды.Ауылда шаруашылықты, кәсіпті дамыту үшін мемлекет тарапынан көрсетілген қолдауларды тиімді, мақсатты пайдалану өте маңызды. Биыл облысымызға 720 млрд. теңгеден астам инвестиция тартылады. Алдағы үш жылға 98 инвестициялық жоба жоспарланған. Бүгін өздеріңізбен «Ауыл – ел бесігі» бағдарламасы аясында салынған Екпінді ауылындағы 100 орындық клубтың ашылу салтанатына жиналдық. Жаңа мәдениет ошағында руханияттың алтын тамырынан нәр алған өнерпаздардың шығармашылығы шыңдала берсін! Екпінділіктерге жаңа клуб құтты мекен болғай!», – деді Нұрлыбек Машбекұлы.Рәсімде ел дамуына елеулі үлес қосқан аға буын өкілдері мен клубты сапалы салып, мерзімінде аяқтаған мердігер мекеме қызметкерлері облыс әкімінің Алғыс хатымен марапатталды. Сенат депутаттары Наурызбай Сейтқалиұлы, Руслан Рүстемұлы құттықтау сөз сөйледі.<img src="https://knadmin.beoblood.kz/uploads/FB_IMG_1766888023184_a846a48714.jpg" alt="FB_IMG_1766888023184.jpg">Іс-шарада облыс әкімі &nbsp;ауылдың талантты жасөспірімдеріне домбыра сыйлап, ұлттық өнерді дамытуға бағытталған игі іске қолдау көрсетті.Рәсімнен кейін аймақ басшысы ауыл тұрғындарымен кездесіп, елді мекенді көркейту, абаттандыруға қатысты ұсыныс-пікірлерін тыңдады. Жауапты тұлғаларға көтерілген мәселелерді назарда ұстап, кезең-кезеңімен шешуді тапсырды.Бүгінде Жаңақорған ауданының бюджеті 27 млрд теңгеден асты. Соңғы үш жыл ішінде ауданға 200 млрд теңге инвестиция тартылған. Өткен жылы «Оқушылар үйі» және «Өнер мектебі» ашылып, жеткіншектердің қабілетіне, бейіміне қарай тәлім беретін орталыққа айналды. «Келешек мектептері» ұлттық жобасы аясында өңірде салынған 10 мектептің екеуі Жаңақорған ауданында бой көтерді.«Ауылда денсаулық сақтауды жаңғырту» ұлттық жобасы шеңберінде Жаманбай батыр және Қыркеңсе ауылдық округтерінде дәрігерлік амбулаториялар, аудандық көпбейінді аурухана жанынан қосымша жаңа ғимарат салынды. Сонымен қатар, Төменарық ауылында амбулаториясы бар 15 орындық аурухана пайдалануға берілді.@Қызылорда облысы әкімінің баспасөз қызметі

Екпінді ауылында 100 орындық клуб пайдалануға берілді 

«Жастар Рухы» Жастар қанаты Қызылорда облыстық филиалының ұйымдастыруымен үшінші мәрте өткен «РУХТАСТАР» жастар сыйлығын табыстау шарасы өз мәресіне жетті.Кешті “AMANAT” партиясы Қызылорда облыстық филиалының төрағасы Жандос Базартай ашып, жыл бойы белсенділік танытқан &nbsp;рухтастарға, бөлімшелерге, &nbsp;серіктестерге алғысын білдірді.<img src="https://knadmin.beoblood.kz/uploads/FB_IMG_1766887830032_dc6759ba4b.jpg" alt="FB_IMG_1766887830032.jpg">Іс-шараға облыстық, қалалық мәслихаттағы “AMANAT” партиясы фракциясының мүшелері, “Жастар Рухы” ЖҚ облыстық филиалымен бірлесе жұмыс жасаған мекемелер қатысты.Мерекелік шарада рухтастар әсем әнмен көтеріңкі көңіл-күй сыйлап, «Жастар Рухы» Жастар Қанаты өңірлік үздіктері марапатталады.<img src="https://knadmin.beoblood.kz/uploads/FB_IMG_1766887833250_f27fd73d48.jpg" alt="FB_IMG_1766887833250.jpg">

Қазақстан және Қызылорда облысының жаңалықтары