Өз таңдауыңды жаса!

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының басшысы Мейрамбек Шермағанбет Жаңақорған ауданында орналасқан облыстық олимпиадалар және қосымша білім беру орталығында «Сыр дарыны» оқу-жаттығу жиынына қатысушы оқушылармен кездесті.&nbsp;Оқу-жаттығу жиыны 1 қазан айынан бастау алды.&nbsp;Онда аймақ&nbsp;бойынша 7-10 сынып аралығындағы оқушылар&nbsp;қатысып жатыр.
Басқарма басшысы Мейрамбек Зинабдинұлы сабақ барысымен, оқушылардың үзіліс кезіндегі сергіту сәттерін, балалардың жатын орындары мен асхана жұмыстарымен танысты.
Іс-шара аясында дөңгелек үстел ұйымдастырылып, дарынды да белсенді оқушылар басқарма басшысына сұрақтарын қойды. «Сыр дарыны» оқу-жаттығу жиынының берері мол екенін айтып, ұйымдастырушыларға алғысын білдірді.
Жиын соңында оқу жаттығу жиынында дарынды оқушыларға білім беріп, олимпиадаға дайындық жүргізіп жатқан ұстаздар марапатталды.
Айта кетейік, оқу-жаттығу «Қамбаш» және «Талдысу» олимпиадалар және қосымша білім беру орталықтарында өткізілуде. Жиын жаратылыстану-математикалық бағыттағы (математика, физика, химия, биология, география, информатика) пәндері бойынша басталды.&nbsp;Арал, Қазалы, Қармақшы, Жалағаш, Сырдария аудандарынан іріктеуден өткен 7 сынып оқушылары пән бойынша алты топқа бөлінді. 240 оқушыға педагог-зерттеуші мұғалімдер сабақ беріп жатыр.
Онда оқушылар пәндік олимпиадаларға дайындалып, балаларға жоғары деңгейдегі тапсырмалардың шешу жолдарын зерттеуге және бірлесіп орындауға мүмкіндік беріледі. Оқушыларға қажетті ресурстарды қолдана отырып, әрі қарай өзін-өзі оқыту әдістері үйретіледі.
<img src="https://knadmin.beoblood.kz/uploads/310991055_1460056267830907_4942865532956886347_n_948cc7a0a2.jpg" alt="310991055_1460056267830907_4942865532956886347_n.jpg">
<img src="https://knadmin.beoblood.kz/uploads/310977590_1460056214497579_7837949623583842622_n_9e430232bc.jpg" alt="310977590_1460056214497579_7837949623583842622_n.jpg"> &nbsp;
&nbsp;
 &nbsp;

Басқарма басшысы «Сыр дарыны» оқу-жаттығуындағы оқушылармен кездесті

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев 2022 жылды «Балалар жылы» деп жариялады. Президентіміз «Балалардың үйлесімді дамуы, бақытты балалық шағы – біздің жалпыұлттық міндетіміз» деп атап көрсетті.&nbsp;
Осы орайда Жаңақорған ауданының жұмыспен қамту, әлеуметтік бағдарламалар және АХАТ бөлімінің қолдауымен есепте тұратын мүмкіндігі шектеулі 146 балаға және 39 әлеуметтік қызметкер, барлығы 185 адамға тарихи-мәдени орындарға экскурсия жоспарланған болатын.&nbsp;
«Альтаир-Бөбек» қоғамдық қорының ұйымдастыруымен өткен мәдени сапар барысында Түркістан облысындағы «Арыстан баб» кесенесі, «Керуен Сарай» кешеніне және «Қожа Ахмет Яссауи» мавзолейіне 99 адам саяхатқа жақсы көңіл күймен барып қайтты.
&nbsp;Қызметкерлер саяхатшылардың уақытын тиімді ұйымдастыра білді. Балалар біршама тарихи орындармен танысты. Сондай-ақ оларға логопед, психолог мамандары қызмет көрсетті.
«Балаларды әлеуметтік жағдайын қадағалап, материалдық көмек бергеннен бөлек ой-өрісін дамыту да маңызды. Тарихи-мәдени орындарға апарып, қоғаммен байланысын арттыру бағытындағы іс-шаралардың да күн тәртібінен түспегені жөн деп санаймыз. Бүгінгі ұйымдастырылған саяхатымыздан ерекше күтімді қажет ететін балалар жақсы көңіл-күйде жүрде. Тың ақпарат, жаңа ортамен байланысқан олардың қуанышында шек жоқ», - деді қоғамдық қордың өкілдері. &nbsp;&nbsp;
<img src="https://knadmin.beoblood.kz/uploads/311323733_196013319451600_843290013243931488_n_b4574f0b2d.jpg" alt="311323733_196013319451600_843290013243931488_n.jpg">
<img src="https://knadmin.beoblood.kz/uploads/311040335_196013509451581_3142382806727628507_n_d4543d5a7c.jpg" alt="311040335_196013509451581_3142382806727628507_n.jpg">
<img src="https://knadmin.beoblood.kz/uploads/311410732_196013342784931_874896035267728383_n_4030e599ce.jpg" alt="311410732_196013342784931_874896035267728383_n.jpg">

Жаңақорғанда мүмкіндігі шектеулі жандар тарихи-мәдени жерлерге саяхаттап қайтты

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінде 5 қазан - Қылмыстық іздестіру және 7 қазан - Штаб қызметтеріне 104 жыл толуына орай салтанатты іс-шара өтті.
Шарада Қызылорда облысы полиция департаментінің бастығы полиция полковнигі Мұхтар Қожабаев сала ардагерлері мен қызметкерлерін құттықтады.
<blockquote>«Құрметті ішкі істер органдарының ардагерлері, тәртіп сақшылары, Сіздерді 5 қазан «Қылмыстық іздестіру» және 7 қазан «Штаб» қызметтеріне 104 жыл толу мерекесімен шын жүректен құттықтаймын! Қоғамдық тәртіпті қалыптастыру, ел тыныштығын қорғау жолындағы қажырлы еңбектеріңізге сәттілік тілейміз. Әрдайым анттарыңызға адал болып, ел қорғаны деген атаққа абыройлы қызмет ете беріңіздер! Еліміз тыныш, халқымыз аман, бауырымыз бүтін, бірлігіміз бекем, тәуелсіздігіміз тұғырлы болсын!», - деді Мұхтар Қожабаев.&nbsp;</blockquote>
Департамент бастығы өздерінің қызметтерін адал атқарып, жоғары көрсеткіштерге қол жеткізген жедел уәкілдерді марапаттады.&nbsp;
ҚР Ішкі істер министрлігінің бұйрығымен мерзімінен бұрын «полиция подполковнигі» арнаулы атағы полиция майоры Самат Ысқақовқа берілді. «Құқықтық тәртібін қамтамасыз етуге қосқан үлесі үшін» медалімен полиция подполковнигі Рустам Сайдильдинов, «Қазақстан полициясына 30 жыл» төсбелгісімен полиция майоры Еркін Тұңғышбай, полиция майоры Ғани Мұханов, грамотамен - полиция подполковнигі Мұрат Жақсыбаев, полиция подполковнигі Ғалымжан Ысқақов, Алғыс хатпен - полиция майоры Еркебұлан Битабаров, полиция подполковнигі Ардақ Дуненов марапатталды.&nbsp;
Қызылорда облысы полиция департаментінің бұйрығымен «Қазақстан полициясына 30 жыл» төсбелгісімен 13 қызметкер, грамотамен - 34 және 12 ардагер, Алғыс хатпен - 34 қызметкер марапатталды. Сонымен қатар полиция департаментінің бұйрығымен Штаб басқармасының 3 қызметкері марапатталды.&nbsp;
Іс-шара соңы облыстық өнер жұлдыздары мен өнерпаз полицейлердің мерекелік концертіне ұласты. &nbsp;
<figure class="image"><img src="https://knadmin.beoblood.kz/uploads/policziya_175fffd47b.jpg" alt="полиция.jpg"></figure>

Қызылордада полиция қызметкерлері марапатталды

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Мұрат Ергешбаев Қалжан Ахун, С. Сейфуллин, А. Тоқмағамбетов және Тереңөзек кенті әкімдерінің елді мекендердің әлеуметтік-экономикалық дамуы, 9 айда атқарылған жұмыстарға және проблемалық мәселелерге талдау жасау мақсатында есебін тыңдады.
Сырдария ауданына қарасты аталған елді мекендердегі кәсіпкерлікті дамытудағы жобалар мен оған қатысушылар мәселесі көтерілді. Ауылдарда шағын және орта бизнесті дамыту бұл ең алдымен жұмыссыздардың санын азайтып, жаңа жұмыс орындарын ашуға сеп болады.
<blockquote>«Ауыл әкімдері ауылдың әр азаматы мен олардың проблемаларын жете білуі керек. Ол елдің тыныс-тіршілігі мен дамуы тікелей ауыл әкіміне байланысты. Әрбір кәсіп ашамын, жаңа жобаларым бар деген ауыл тұрғынын сүйемелдеп, қаржы институттары мен бизнес орталықтар арқылы қолдау білдіру керек. Мемлекеттік бағдарламаларды түсіндіру, кепілдік немесе құжаттарын сәйкестендіру бойынша көмектер берілу керек. Бұл жұмыссыздықты жеңудің бірден бір жолы. Ал ауылдағы жұмыссыздықты азайту мен кәсіпкерлікті дамыту ауыл әкімінің басты көрсеткіші болуы керек»,- деді Мұрат Нәлхожаұлы.</blockquote>
Сонымен қатар, аталған ауылдардағы қоғамдық-саяси ахуал мен басқа да көрсеткіштер талқыланып, проблемалық мәселелерді шешу талқыланды.
Айта кету керек, Мемлекет басшысының Жолдауынан туындайтын шешілуі тиіс бірінші кезектегі мәселелерге қатысты ауданда бірқатар мәселелер республикалық және облыстық бюджеттен қолдаулар табылып келер жылға атқарылуы тиіс жұмыстардың тізбесіне енгізуде.
Газдандыру мәселесі бойынша Қалжан Ахун ауылы мен С.Сейфуллин ауылы мемлекеттік сараптамадан өтіп, қаржыландыру үшін өтінім тиісті министрлікке жолданған. Қазіргі таңда Қалжан Ахун ауылы қолдау тапты, Сәкен ауылы қайта қаралуда. Ал, А. Тоқмағамбетов ауылының газ мәселесі сараптамада жатыр. Сараптама аяқталғаннан кейін тиісті ұсыныс беріледі. Медицина саласы бойынша А. Тоқмағамбетов, Қалжан Ахун ауылдарының дәрігерлік амбулаториясының ғимаратына күрделі жөндеу жүргізу жоспарланып отыр. С. Сейфуллин ауылы биыл жаяу жүргіншілер жолы салынып ел игілігіне берілді. Қазіргі таңда бұл ауылдардағы шаруашылықтар егіндерін жинап болды. Ендігі кезекте осы жұмыстарды жалғастырып, бірінші кезекте шешілуі тиіс шараларды қолға алынуда.
<img src="https://knadmin.beoblood.kz/uploads/310739964_1220102608552629_7106491246274859479_n_fc17989907.jpg" alt="310739964_1220102608552629_7106491246274859479_n.jpg">
<img src="https://knadmin.beoblood.kz/uploads/310832602_1220102551885968_8097525726832571411_n_20423685b4.jpg" alt="310832602_1220102551885968_8097525726832571411_n.jpg">

Мұрат Ергешбаев ауыл әкімдерінің есебін тыңдады

<a href="https://kyzylorda-news.kz/">Kyzylorda-news.kz.</a> Шиелі ауданында биыл 30074, 4 гектар жерге ауыл шаруашылығы дақылы егілді. Таратып айтқанда, күздік бидай 1649, жаздық бидай 456, тары 280, арпа 50, дән жүгері 110, соя 150, жаңа жоңышқа 3400, ескі жоңышқа 6147,8 мал жемдік асқабақ 137,6, жемдік жүгері 60, күнбағыс 15, картоп 1198,1, көкөніс 1769,05, бақша дақылдары 2408, мақсары 1494 гектар жерге егілсе, өңірдің басты брендіне айналған күріш 10 750 гектар жерге себілді.&nbsp;
Бүгінде ауданның ауыл шаруашылық дақылдарын жинау жұмысы толығымен аяқталған. Егілген 10 750 сыр маржаны толық орылып бітіп, оның 9670 гектары бастырылуда. Орта есеппен әр гектардан 55 центнер өнім жиналды.
<blockquote>«Байырғылар «Жұмыла көтерген жүк жеңіл» деп бекер айтпаса керек-ті. Сол айтқандай, бір жеңнен қол, бір жағадан бас шығара білген сала еңбеккерлерінің маңдай терінің арқасында меже орындалды. Айта кету керек, қазан айының 23-і күні сағат 08:00-де орталық стадионда ауыл шаруашылығы өнімдерінің жәрмеңкесі өтеді. Жалпы жәрмеңкеде 78 тонна өнім болады деп жоспарлануда. Көлік саны шамамен – 24. Берекелі жәрмеңкеде сатылатын өнімдер нарық бағасынан 10-15 процентке төмен сатылатын болады, – дейі аудандық ауыл шаруашылығы бөлімінің басшысы М.Әшірбеков.</blockquote>
<img src="https://knadmin.beoblood.kz/uploads/1665376306_04d3cbe9_db5b_4d05_84f3_9d98694e712d_4707491e13.jpg" alt="1665376306_04d3cbe9-db5b-4d05-84f3-9d98694e712d.jpg">

Шиелі ауданында әр гектардан 55 центнер өнім жиналды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектепте қайырымдылық жәрмеңкесі өтті. Оқушылар ата-аналарымен бірге үй жағдайында әзірлеген өнімдерін саудалады.Жыл сайын өткізілетін жәрмеңкеге Шаңырақ қауымдастығы түгел дерлік қатысты. Жас зияткерлер ата-аналарымен бірге пісірген құймақ, бәліш, бауырсақ, тоқаш пен түрлі тәттілер мектеп қызметкерлері арасында лезде саудаланып кетті. Нәтижесінде қайырымдылық қорына 400 000 теңгеге жуық қаражат түсті.<blockquote>«Бұл қаражат «Ұрпақтар сабақтастығы» жобасы аясында қаладағы жалғызбасты қарттарды азық-түлікпен қамтамасыз етуге және қарттар үйінің қызмет алушыларына арналған мерекелік сыйлықтарға жұмсалатын болады. &nbsp;Мұндай жәрмеңкелер мектебімізде жыл сайын өткізіліп отырады және бұл шараға балалар аса белсенділікпен қатысатыны қуантады», – дейді жоба координаторы, педагог-ұйымдастырушы-куратор Сәуле Серікбайқызы.&nbsp;</blockquote>Сонымен қатар мектеп оқушылары қаладағы №1 әлеуметтік қызметтер көрсету орталығының тұрғындарымен кездесіп, құрмет көрсетті.&nbsp;NIS-тің «Ұрпақтар сабақтастығы» жобасы аясында сырбойылық зияткерлер аталмыш орталықтың қызмет алушыларын мектепке қонақ қылып, концерттік бағдарлама ұсынды. Ұлттық өнерді жанына серік еткен жас өрендер домбырада ән салып, қарияларға деген құрметін жыр-шумақтарымен жеткізді.&nbsp;Кездесу барысында екі буын өкілдері тағылымы мол әңгіме-дүкен құрды. Бірі күріш өсірсе, енді бірі шахтер болып қызмет атқарған &nbsp;қариялар өткен өмір жолынан естеліктер айтып, өскелең ұрпаққа ақ батасын берді.Кеш соңында зияткерлік мектеп ұжымы қонақтарға дайындаған сыйлықтарын үлестірді.<figure class="image"><img src="https://knadmin.beoblood.kz/uploads/311114056_3213988428931069_6024178933323676316_n_34c8010acd.jpg" alt="311114056_3213988428931069_6024178933323676316_n.jpg"></figure><figure class="image"><img src="https://knadmin.beoblood.kz/uploads/kart_6a51d7b205.jpg" alt="карт.jpg"></figure><figure class="image"><img src="https://knadmin.beoblood.kz/uploads/kart1_4dbb4ac64e.jpg" alt="карт1.jpg"></figure>

Жәрмеңкеден түскен 400 000 теңге жалғызбасты қарияларға жұмсалмақ

<a href="https://kyzylorda-news.kz/">Kyzylorda-news.kz.</a>&nbsp; Үкіметтік емес ұйымдардың ресурстық орталығының ұйымдастыруымен Қызылорда облысының кәсіпкерлік және өнеркәсіп басқармасының басшысы Мұса Қалдарбеков облыстың үкіметтік емес ұйымдарының өкілдерімен кездесті.
Кездесу барысында ҮЕҰ өкілі «Қызылорда облысының қолөнершілер орталығы» қоғамдық қорының директоры Қарлығаш Ильясова осы күнге дейін атқарылған жұмыстары туралы баяндады.
Қолөнер шеберлерінің бұйымдарын көпшілікке кеңінен таныстыру, шығармашылықтарының дамуына қолдау көрсету, колөнер өндірісін дамытуды, ынталандыруды сұрады.
<blockquote>«Қолөнер – халқымыздың қасиеті мен ұрпақтан ұрпаққа ауысып, тамырын тереңге жайып келе жатқан мұрасы. Әр халықтыңөзіндік ұлттық өнері болады. Қазақ елі тәуелсіздігін алғалы халқымыздың қолөнері қандай жетістіктерге жетіп отырғаны белгілі», - деді Қ.Ильясова</blockquote>
Облысымыздың қолөнершілерін бір ортаға жинап, көнеден келе жатқан ұлттық өнердің осы кәсіп арқылы ізін жоғалтпай кейінгі ұрпаққа насихаттау, дамыту бойынша пікірлерімен бөлісті. Сондай-ақ сұрақ алмасып, сала басшысымен өзекті мәселелерді шешу жолдарын талқылады.
Кездесу соңында Мұса Қалдарбеков барлық ұсыныстарды назарға алатынын атап өтті.
<img src="https://knadmin.beoblood.kz/uploads/311566898_130139743134638_5231120930088879359_n_c5c88f9063.jpg" alt="311566898_130139743134638_5231120930088879359_n.jpg">

Мұса Қалдарбеков облыстың үкіметтік емес ұйымдарының өкілдерімен кездесті

<a href="https://kyzylorda-news.kz/">Kyzylorda-news.kz.</a> Қызылорда қаласында педагогика ғылымдарының кандидаты, профессор Жеңіс Зағиұлы Өтемісовтің атына көше берілді. Шаһардағы Сәулет – 12 көшесі енді ғалымның есімімен аталады.
Салтанатты шарада Қорқыт ата атындағы Қызылорда университеті ректорының міндетін атқарушы Нұрлан Уразбаев білім беру саласында елеулі еңбек еткен тұлғалардың есімін ұлықтау, ғылыми мұрасын насихаттау дәстүрге айналғанын атап өтті.
<blockquote>«Сыр өңірінде білім мен өнер саласының дамуына ерекше үлес қосқан ғалымдардың бірі – «Білім беру ісінің үздігі», «Қазақстанның еңбек сіңірген қызметкері», педагогика ғылымдарының кандидаты, &nbsp;профессор Өтемісов Жеңіс Зағиұлы. Қазақстан Республикасы Үкіметі жанындағы республикалық ономастика комиссиясының 2021 жылғы 3 ақпандағы қорытындысына сәйкес, облыстық мәслихат шешімімен Қызылорда қаласында Өтемісов Жеңіс Зағиұлының атына көше берілді. Профессор Қорқыт ата атындағы Қызылорда мемлекеттік университетінде 20 жылдан астам уақыт ұстаздық қызмет атқарды. Соның ішінде 12 жыл бойы «Музыкалық педагогика» факультетінің деканы, 4 жылға жуық &nbsp;«Музыкалық аспаптар» кафедрасының меңгерушісі болып еңбек етті», – деді Нұрлан Жеткергенұлы.</blockquote>
Салтанатты шарада зиялы қауым өкілдері, профессор-оқытушылар мен жақын туыстары ғалым туралы естеліктер айтып, «Сыр сұлуы» ансамблі өнер көрсетті.
Жеңіс Сағиұлы – тәжірибелі режиссер. Ол ұзақ жылдар бойы университетте ғана емес, Қызылорда облысы бойынша түрлі мәдени іс-шаралардың жоғары деңгейде өтуіне атсалысты.&nbsp;
Ғалым 2003 жылы халықаралық педагогикалық &nbsp;білім академиясының корреспондент мүшесі болып сайланды.&nbsp; Жеңіс Зағиұлы 1980 жылы Қазақстанның 60 жылдық мерейтойын өткізген еңбегі үшін облыстық Советтің Құрмет грамотасымен, 1988 жылы «Облыстың үздік режиссері», 1996 жылы Қызылорда облысының Алматыдағы мәдениет және өнер күндерін өткізуге белсене қатысқаны үшін республикалық мақтау грамоталарымен марапатталды. 1992 жылы «Қазақстан Республикасы білім беру ісінің үздігі», 1996 жылы «Қазақстанның еңбек сіңірген қызметкері» құрметті атағы берілді. 2003 жылы VI халықаралық «Шабыт» фестивалінде Қазақстанның өнер шығармашылығын толық көрсете алғаны үшін марапатталды. 2006 жылы «Ы.Алтынсарин» медалімен марапатталды.
Бүгінде ғалымның шәкірттері еліміздің әр аймағында табысты еңбек етуде. Олардың қатарында елге еңбегі сіңген артистер мен қайраткерлер, мемлекеттік марапат иелері, халықаралық және республикалық байқаулардың лауреаттары бар.
<figure class="image"><img src="https://knadmin.beoblood.kz/uploads/IMGL_0318_1_38dbd42978.JPG" alt="IMGL0318 (1).JPG"></figure>

Қызылордада профессордың атына көше берілді

<a href="https://kyzylorda-news.kz/">Kyzylorda-news.kz.</a> Қызылорда облысы орталығында «Жастар ресурстық орталығы» мекемесінің ұйымдастыруымен «Syr Jastary» жүгіру марафоны өткізілді.&nbsp;Марафон Сырдария өзенінің сол жағалауында өтті. Яғни, «Эдельвейс» саяжайынан бастау алып, «Болашақ» университетінен аяқталды. «Syr Jastary» жүгіру марафонына 200-ден аса жас қатысып өз бақтарын сынады.&nbsp;Сайыста ерлер арасында жүлделі ІІІ орынды Нұрбол Құрманайұлы жеңіп алды. Ал ІІ орынды Күмісбек Қонақбаев иеленді. Өзгелерден оқ бойы оза шауып үздік шыққан жас Тұрсын Керімбердиев І орынды қанжығасына байлады.Қыздар арасында өткен жарыста ІІІ орынды Шамшырақ Сержанова иеленсе, ІІ орын мінберінен Айнұр Асылбекқызы көрінді. Ал жүлделі І орынды Эльмира Райымқұлова иеленді.&nbsp;Сондай-ақ, бірнеше қала тұрғыны арнайы номинациялар бойынша марапатталды. Атап айтқанда, Сырымбет Қашақбай «Ерлер арасындағы ең жас қатысушы», Нина Тен «Әйелдер арасындағы ең жас қатысушы», Уалишер Бәкір «Ерлер арасындағы ең үлкен қатысушы» және Ирина Юнгкинд «Әйелдер арасындағы ең үлкен қатысушы» номинацияларына ие болды.Марафон жеңімпаздары мен номинация иегерлеріне қаржылай сыйақылар мен марапаттар табыс етілді.<figure class="image"><img src="https://knadmin.beoblood.kz/uploads/sport1_59b32ed08d.jpg" alt="спорт1.jpg"></figure>

Қызылордада «Syr Jastary» жүгіру марафоны өтті

<a href="https://kyzylorda-news.kz/">Kyzylorda-news.kz.</a> Қазгидромет алдағы 3 күнге арналған ауа райы болжамын жариялады.
Еуропалық антициклонның әсерінен жаңа жұмыс аптасының басында Қазақстан аумағында жауын-шашынның тоқтауы және күндізгі температураның жоғарылауы болжанады.
Елдің батысына Қара теңіз аудандарынан тағы бір циклон жылжуымен бұлтты және жаңбырлы ауа-райы күтіледі.
Қазақстанның солтүстігінде және орталығында термометрлердің бағандары күндізгі уақытта 15- градус жылыға дейін, шығыста 13-18 градус жылыға дейін және оңтүстікте 20-25 градус жылыға дейін жоғарылайды, ал елдің батысында ауа температурасының 10-18 градус жылыға дейін біртіндеп төмендеуі күтіледі.

Алдағы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Қызылордада 10 қазан – Қазақстан Кәсіподақтары күніне арналған салтанатты жиын өтті.
Жиынға Қызылорда облысы әкімінің орынбасары Нұрымбет Сақтағанов, Қазақстан Республикасы Кәсіподақтар федерациясы төрағасының орынбасары, ​ «Қазақстандық мұнай-газ кешенінің салалық кәсіподағы» қоғамдық бірлестігінің төрағасы Сұлтан Қалиев, еңбек саласындағы әлеуметтік әріптестер, кәсіподақ ардагерлері мен кәсіподақ белсенділері қатысты. Облыс әкімінің орынбасары Нұрымбет Сақтағанов кәсіподақтарды төл мерекелерімен құттықтау сөзінде қоғамдағы кәсіподақтар қозғалысының роліне тоқталып, әлеуметтік-еңбек қатынастарын реттеудегі және үлкен тәуекелдерді қамтитын еңбек нарығында ұжымдардағы тұрақтылықты сақтауда оларға артылатын міндеттердің артқандығын атап өтті.
Салтанатты жиында ​ Кәсіподақтар Федерациясы төрағасының орынбасары Сұлтан Қалиев Әлеуметтік әріптестік жылы болып белгіленген 2022 жылдағы өңірдегі әлеуметтік әріптестер ынтымақтастығына, кәсіподақ белсенділеріне жұмыскерлердің еңбек жағдайы мен әлеуметтік мүдделерін ілгерілетудегі жұмыстарына ризашылығын білдірді.
Құттықтау сөз алған облыстық кәсіподақтардың ардагерлер Кеңесі төрағасы Серік Мырзаханов аймақтағы кәсіподақтар жүйесінің дамуы тарихнамасынан сөз қозғап, жұмыс буыны мен жастарға үлкендік тілегін жеткізді.
Аумақтық кәсіподақтар бірлестігі төрағасы Мақсұт Нәлібаев Кәсіподақтар күнінің кәсіби мерекелер тізіміне енгізіліп, Үкімет қаулысымен бекітіліп, қазірде аталып өтілуін мемлекеттің кәсіподақтар қозғалысына зор мән беруі, мәртебесін арттыруы деп атап өтті. Сонымен қатар, өз сөзінде бірлестік төрағасы тірліктегі барша игілікті істердің иесі - еңбек адамы екендігін, оның негізгі жанашырлары ретінде Кәсіподақтар қызметінің мақсаттары мен міндеттері әлеуметтік әріптестермен бірлесе кәсіпорындағы, қоғамдағы, елдегі тұрақтылық бағытында тоғысатындығын айтты. ​
Кәсіподақ жүйесі қайраткерлерінің мерейін тасытқан төл мерекелік басқосуда бірқатар кәсіподақ ардагерлері мен белсенділеріне кәсіподақтар жүйесіндегі белсенді еңбектері үшін Қызылорда облысы әкімдігі, Қазақстан Республикасы Кәсіподақтар Федерациясы мен салалық, өңірлік кәсіподақ бірлестіктерінің марапаттары табысталды.
<img src="https://knadmin.beoblood.kz/uploads/311206873_3303647743285274_8467218322937959890_n_fde4b50218.jpg" alt="311206873_3303647743285274_8467218322937959890_n.jpg">
<img src="https://knadmin.beoblood.kz/uploads/310433336_3303647906618591_6658250027892938163_n_292166cbe2.jpg" alt="310433336_3303647906618591_6658250027892938163_n.jpg">
<img src="https://knadmin.beoblood.kz/uploads/311227832_3303647893285259_1518675385501899565_n_b6f0ad8550.jpg" alt="311227832_3303647893285259_1518675385501899565_n.jpg">

Қазақстан және Қызылорда облысының жаңалықтары