<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап Қазалы қаласындағы тұрғындарға жаңадан берілген 180 гектар аумаққа арнайы барып, бірқатар сала басшыларымен бірге тез арада халыққа көгілдір отын беру жағын талқылады.
Бүгінгі күні жаңа тұрғын кварталында орналасқан тұрғын үйлерге табиғи газға қосу үшін жұмыстар жүргізілуде.&nbsp;
Атап айтар болсақ, мердігер мекеме орын алған ақаулықтары қайта қалпына келтіріп, жоғарғы ауа қысымымен тексеріп сынау, үрлеп-тазалау жұмыстарын жүргізуде. Тексеру жұмыстары аяқталғаннан кейін «ҚазТрансГазАймақ» АҚ Қызылорда өндірістік филиалына пайдаланудағы газ желісіне қосу үшін ұсынылады.&nbsp;
Жаңа кварталда атқарылып жатқан жұмыстармен танысқан аудан әкімі Мұхтар Оразбаев бұл аймақтағы үйлерді табиғи отынға тез арада қосуды тиісті сала басшыларына тапсырды.
Мұнан соң Мұхтар Әуесұлы Әйтеке би кентінің 5 квартал аумағына барды.&nbsp;
Қазіргі таңда аудан орталығындағы бұрын инфрақұрылымы жүргізілген 210 гектар жер учаскесінен есепке алынбаған тұрғын үйлерді газбен және электрмен жабдықтау жұмыстары жүргізілуде.&nbsp;
Мердігер мекеме «Ремстрой» ЖШС келісім-шартқа сәйкес құрылыс-монтаж жұмыстарын бастап, белгіленген мерзімде аяқтауды жоспарлап отыр.
<img src="https://knadmin.beoblood.kz/uploads/b03d7c87_e289_4d5b_9fe1_962768949f51_8a76d2535a.jpg" alt="b03d7c87-e289-4d5b-9fe1-962768949f51.jpg">
<img src="https://knadmin.beoblood.kz/uploads/04_1fba4fd1b0.jpg" alt="04.jpg">
&nbsp;

Қазалыда жаңа аумақтарға табиғи газ жүргізіліп жатыр  

<a href="https://kyzylorda-news.kz/">Kyzylorda-news.kz.</a> Шиелі ауданында білімнің бағдары, ұрпақтың бағбаны болған ұлағатты мамандық иелері - ұстаздар қауымының кәсіби мересіне орай салтанатты шара өтті.
Шарада аудан әкімі Нұржан Ахатов құттықтау сөз сөйлеп, барша &nbsp;білім саласының қызметкерлері мен ардагерлерін мерекемен құттықтады.
<blockquote>«Білім атты теңдессіз күшті ұрпақ бойына сіңіретін, қоғамның алғы шебінде жүретін ұстаздар қауымы - қазіргі күн санап өзгеріп жатқан дүбірлі дүниеде &nbsp;жас ұрпақтың санасы мен дүниетанымының қалыптасуына &nbsp;ықпал ете алатын мәртебелі тұлға. Сондықтан, ұстаздық қай кезде де сый-құрметке лайық әрі сұранысқа ие қадірлі де қастерлі &nbsp;мамандық &nbsp;болып &nbsp;қала &nbsp;бермек. Ұстаз еңбегінің нәтижесі шәкірт жетістігімен өлшенеді. Оған халықаралық, республикалық,облыстық &nbsp;олимпиадалар мен конкурстарда оза шауып, байрақты бәсекелерден жеңіспен оралып жүрген шәкірттеріңіз дәлел. Сонымен бірге білім беру ісіне инновациялық технологияларды ендіріп, кәсіби шеберлік деңгейін үздіксіз көтеріп, ізденіс жолында жүрген ұстаздар қатары да жыл санап көбейіп келеді. Жаһандану заманында жалт еткен жаңалықты жатсынбай, жас ұрпақтың адами тұлғасын қалыптастыруда болашағына бағдаршам болған өздеріңіздей ұстаздарға &nbsp;алғысым шексіз» - деп атап өтті аудан басшысы.</blockquote>
Мәртебелі мамандық иелеріне арналған шара одан әрі марапаттау рәсіміне жалғасып, сый-сыяпаттар табысталды. Б.Қабылұлы атындағы аудандық мәдениет үйінде өткен мерекелік іс-шараның көркін ұстаз тағылымына бас иіп, ән арнаған жас бүлдіршіндердің өнері аша түсті. Салтанатты кеш аудан өнерпаздарының концертімен аяқталды.
<img src="https://knadmin.beoblood.kz/uploads/Shieli1_450b106d62.jpg" alt="Шиели1.jpg">

Нұржан Ахатов ұлағатты мамандық иелерін марапаттады

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасына сәйкес, аудан әкімі Мұрат Ергешбаев, аудандық мәслихаттың хатшысы Е. Әжікенов, аудан прокуроры А. Кемалов, аудандық полиция бөлімінің басшысы Н.Ибраев, ҚР Ұлттық қауіпсіздік комитеті Қызылорда облысы және Байқоңыр қаласы бойынша департаментінің Қармақшы аудандық бөлімінің бастығы Н. Айтбай, қоғамдық кеңестің төрағасы М. Еспенбетов Сырдария ауданына қарасты А. Тоқмағамбетов, Қалжан Ахун, С. Сейфуллин ауылдарында тұрғындармен қоғамдық қабылдау өткізді.
Қабылдауда аудан әкімі ҚР Президентінің Қазақстан халқына Жолдауынан туындайтын міндеттер туралы айтып өтті.
Аймақ басшысы Нұрлыбек Машбекұлының қолдауымен облыс көлемінде атқарылып жатқан жұмыстарға тоқталып, оның ішінде, Қызылорда қаласында салынуы бастау алған ТМД аймағында теңдесі жоқ жылу электр орталығы, заманауи Өнер орталығы, бірнеше жылдан тұралап қалған Шыны зауытының жандануы, Жаңақорған ауданында томат шығаратын зауыттың бастау алуы секілді жаңалықтармен бөлісті.
Сондай-ақ, аудан басшысы Мұрат Нәлхожаұлы аудан көлеміндегі газдандыру, жол мәселесінің шешілуі, егіншаруашылығы, денсаулық және білім саласында атқарылған жұмыстарға, электр желілерін жаңғырту мәселелеріне тоқталды.&nbsp;
<blockquote>«Мемлекет басшысының Жолдауынан туындайтын шешілуі тиіс бірінші кезектегі мәселелерге қатысты ауданда бірқатар мәселелер республикалық және облыстық бюджеттен қолдаулар табылып келер жылға атқарылуы тиіс жұмыстардың тізбесіне енгізуде. Газдандыру мәселесі бойынша Қалжан Ахун ауылы мен С.Сейфуллин ауылы мемлекеттік сараптамадан өтіп, қаржыландыру үшін өтінім тиісті министрлікке жолданған. Қазіргі таңда Қалжан Ахун ауылы қолдау тапты, Сәкен ауылы қайта қаралуда. Ал, А. Тоқмағамбетов ауылының газ мәселесі сараптамада жатыр. Сараптама аяқталғаннан кейін тиісті ұсыныс беріледі. Медицина саласы бойынша А. Тоқмағамбетов, Қалжан Ахун ауылдарының дәрігерлік амбулаториясының ғимаратына күрделі жөндеу жүргізу жоспарланып отыр. С. Сейфуллин ауылы биыл жаяу жүргіншілер жолы салынып ел игілігіне берілді. Қазіргі таңда бұл ауылдардағы шаруашылықтар егіндерін жинап болды. Ендігі кезекте осы жұмыстарды жалғастырып, бірінші кезекте шешілуі тиіс шараларды қолға аламыз»,- деді аудан әкімі.</blockquote>
Ауыл тұрғындары да қабылдау барысында шешілуі қажет ететін мәселелерді алға тартып, өтініш-тілектерін жеткізді. Негізгі көтерілген мәселелер жол мәселесі, көше жарығы, газ мәселесі, тұрғын үй беру, ауыл маңындағы каналдарды тазалау сұралды.
Сонымен қатар, аудан көлеміндегі құқық қорғау органдарының басшылары Өз салаларына қатысты сұрақтарға жауаптар беріп, құқық бұзушылықтың алдын алуда қоғам болып бірлесіп атқаруға тұрғындарды шақырды.
<img src="https://knadmin.beoblood.kz/uploads/turgyndar_0d072424d7.jpg" alt="тургындар.jpg">

Мұрат Ергешбаев пен құқық қорғау органдарының басшылары қоғамдық қабылдау өткізді

<a href="https://kyzylorda-news.kz/">Kyzylorda-news.kz.</a> Ел игілігі үшін еңбекпен етене араласып, жарқын болашаққа қарымды қадам жасап жүрген ұлағатты ұстаз есімі – қашан да ардақты.
Жалағаш аудандық Қ.Қазантаев атындағы мәдениет үйінде аудандағы білім беру қызметкерлерінің кәсіби мерекесіне арналған салтанатты жиын өтті.
Салтанатты жиынды аудан әкімі Асқарбек Есжанов ашып, еркін елдің ертеңі - бүгінгі жас ұрпаққа кемел білім мен кенен ғылым нәрін сусындатқан ұстаздар қауымын төл мерекелерімен құттықтады.
<blockquote>«Жүрек қағысы соғып тұрған әрбір пенденің «Ұстаз» деген есімді естіген кезде өзін шәкірт сезініп кетері хақ. Сондықтан да бүгін ұстаздардың алдына шығып, сөз сөйлеу оңай болмай тұр. Кемшілігі болса, шәкірт ретінде кешірерсіздер. Әрине, қазақта керемет сөз бар. «Ұстазы жақсының ұстамы жақсы» деген. Себебі, &nbsp;ұстаз - қасиетті де киелі есім. Жалпы ұстаз атауымен біз өмірдегі адалдық пен имандылықтың, парасаттылық пен өнегеліліктің қайнар көзін ұштастырамыз. Ұстаз болу өміріңнің мәні мен мағынасы десек артық айтқандығымыз емес», - деді аудан басшысы құттықтау сөзінде. &nbsp;&nbsp;</blockquote>
Жиында саналы ғұмырын ұрпақ тәрбиесіне арнап, біліммен сусындатқан бірқатар мұғалімдер «Білім беру ісінің Құрметті қызметкері» төсбелгісімен, Оқу-ағарту министрлігінің «Еңбек ардагері» медалімен, ҚР Оқу-ағарту Министрлігінің Алғысымен, ҚР Салалық Білім және ғылым қызметкерлерінің кәсіподағы «Құрмет грамотасымен», облыс әкімінің, аудан әкімінің «Алғыс хатымен» марапатталды.&nbsp;
Салтанатты шарада бірқатар білім беру саласының қызметкері 2021-2022 оқу жылының қорытындысымен шебер, тәлімгер, ізденімпаз, білікті, парасатты, зияткер, жаңашыл, шығармашыл, креативті мұғалім номинацияларымен, ізденімпаз меңгеруші, шығармашыл әдіскер номинацияларымен марапатталды.&nbsp;
Кәсіби мереке иелеріне аудан әкімінің ықылас гүлі табысталды.
Мерекелік шара аудандық мәдениет үйі, əуез мектебі көркемөнерпаздарының, мектеп оқушыларының концерттік бағдарламасына ұласты.
<img src="https://knadmin.beoblood.kz/uploads/Zhalagash_90d85a789a.jpg" alt="Жалагаш.jpg">
<img src="https://knadmin.beoblood.kz/uploads/mugalim_4e90740a6c.jpg" alt="мугалим.jpg">

Жалағашта ұстаздарға құрмет көрсетілді

<a href="https://kyzylorda-news.kz/">Kyzylorda-news.kz.</a> Қазалы ауданында құрылыс жұмыстары қызу жүріп жатыр.&nbsp;
Ауданда бюджеттен бөлінген қаржыға жолдар асфальттанып, көпір салынуда. Сондай-ақ, тұрғын үйдің аулалары абаттандырылып, елді мекендер газдандырылуда. Қазіргі таңда жыл басында басталған құрылыс жұмыстары аяқталуға жақын қалды.&nbsp;
Қазалы ауданының әкімі Мұхтар Оразбаев аудандық мәслихат хатшысы Бақытжан Жарылқаппен бірге бірқатар құрылыс нысандарына барып, жұмыс барысын көрді.&nbsp;
Аудан басшысы Қазалы қаласына арнайы барып, 140 орындық балабақша құрылысымен танысты. Бүгінгі күні балабақша құрылысы қарқынды жүріп жатыр. Мердігер мекеменің жауапты қызметкерлері балабақша ғимаратын жақын күндері пайдалануға берілетінін жеткізді.
Аудан әкімі Мұхтар Оразбаев Әйтеке би кентіндегі 250 орындық мектеп құрылысын көрді. Қазіргі таңда мектептің жылу жүйесі толық орнатылған. Арнайы мамандар су мен кәріз жүйелерін жүргізуде. Сонымен қатар, пластикалық терезелері мен кафельдері салынуда.
Мұхтар Әуесұлы мердігер мекеменің жауапты қызметкерлеріне құрылыс жұмыстары кешеуілдеп жатқанын ескертті. Мектеп құрылысын белгіленген мерзімде аяқтау үшін жұмысшылар санын көбейтуді тапсырды.
Мұнан соң 3 ауылды газдандыру мен Басықара ауылының кіре берісіндегі көпір құрылысының жұмыстарымен де танысты.
Аудан әкімі Мұхтар Оразбаев құрылыс нысандарын аралау барысында тиісті сала басшыларына атқарылып жатқан жұмыстар мерзімінде әрі сапалы аяқтауды тапсырды.
<img src="https://knadmin.beoblood.kz/uploads/Kurylys_350a4d8dc5.jpg" alt="Курылыс.jpg">

Қазалы ауданында құрылыс жұмыстары қарқынды

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен өткен Үкімет отырысында қала құрылысы кадастры жүйесін құру және жол қозғалысы қауіпсіздігін қамтамасыз ету мәселелері қаралды. Жиынға салалық министрлер мен онлайн режимде өңір әкімдері қатысты.
Жол қауіпсіздігі мәселесі бойынша Ішкі істер министрі Марат Ахметжанов жыл басынан бері жол көлік оқиғалары өскенін жасырмады. Әсіресе, Алматы, Жамбыл және Түркістан облыстарында көрсеткіш жоғары. Аталған өңірлерге Қазақстан бойынша барлық жол көлік оқиғаларының 56 пайызы, жарақат алғандардың 55 пайызы және қаза тапқандардың 41 пайызы тиесілі. Сондай-ақ, масаң күйде көлік жүргізу, құжатсыз көлік айдау оқиғалары жиілеп кеткенін ашып айтты.&nbsp;
<blockquote>«Есепті кезеңде полиция 4,5 млн-ға жуық жол қозғалысы ережелерін бұзу фактісінің жолын кесті, 17,5 мыңнан астам мас жүргізуші ұсталды, 20 мың жүргізуші көлік басқару құқығынан айырылды»,-деді министр.</blockquote>
Премьер-Министр аталған салаларға қатысты нақты тапсырмалар жүктеп, нәтижелі жұмыс көрсету қажет екенін еске салды.
Үкімет тапсырмаларын орындау бағытында облыс әкімі Нұрлыбек Нәлібаев жол көлік оқиғаларына нақты талдау жүргізу, рейдтік шараларды қатаң қолға алуды тапсырды. Әсіресе, облыс аумағындағы трассаларда оқыс оқиғалары жиі көрініс табатындықтан, полиция департаментіне бақылау тетіктерін күшейтуді міндеттеді. Ал, көлік инспекциясына бақылау және тексеру жұмыстарын жауапкершілікпен атқаруды ескертті.&nbsp;
Себебі биылғы жылдың 8 айында Қызылорда өңірінде 247 жол-көлік оқиғасы тіркелген. Оның салдарынан 91 адам қаза болып, 304 адам түрлі дене жарақатын алған.
<img src="https://knadmin.beoblood.kz/uploads/akk_aa80b420ae.jpg" alt="акк.jpg">
Сондай-ақ, 8 айдың қорытындысымен республикалық маңызы бар М-32 «Самара-Шымкент» автожолының бойында барлығы 68 жол көлік оқиғасы тіркелсе, оның басым бөлігі Қызылорда қаласынан Ақтөбе облысына қарай бағыттағы ІІ техникалық санаттағы жолда орын алған.
<blockquote>«Өкінішке қарай, көлікті масаң күйде жүргізу, жүргізушілердің түнгі уақытта жол үстінде қалғып кетуі салдарынан қайғылы оқиғалар жиі орын алуда. Қараусыз қалған сиыр, жылқылардың жол бойына шығып кетуі де жол көлік оқиғаларын азайтпай тұр. Кеше ғана Қармақшы ауданының тұсында жол үстінде ұйықтап кеткен жүргізушінің әрекетінен оқыс оқиға орын алып, бірнеше азамат көз жұмды. Қаншама отбасы үшін бұл ауыр соққы. Жолда көлік айдау жауапсыздықты, жүгенсіздікті көтермейді. Сондықтан бұл мәселеге бей-жай қарауға болмайды»,-деді Нұрлыбек Нәлібаев.&nbsp;</blockquote>Қала, аудандардағы жол көлік оқиғаларын саралаған аймақ басшысы иесіз жүрген малдарға қатысты пада ұйымдастыру, патрульдік нарядтардың жұмысын қайта жолға қою қажеттігін қатаң ескертті. Бұл ретте жүргізушілермен түсіндірме жұмыстарын ұдайы жүргізу керек деді. Әсіресе, екінші санаттағы жолдарда туындайтын келеңсіздіктерге жете мән беріп, рейдтік шараларға жиірек шығуды тапсырды.Жиында қала мен ауылға қатынайтын ауыр жүк көліктердің де мәселесі қаралды. Егін жинау науқаны кезінде жүк көліктерінің шамадан тыс мөлшерде өнім тиеп, қатынауы жолдың сапасына да әсер етеді. Бұл ретте аймақ басшысы көлік тізгіндеген жүргізушілердің талапты сақтауы қатаң қадағаланатынын жеткізді.&nbsp;<img src="https://knadmin.beoblood.kz/uploads/Pahuaddin_20f6172f19.jpg" alt="Пахуаддин.jpg">

Нұрлыбек Нәлібаев: Көлік жүргізу жауапсыздық пен жүгенсіздікті көтермейді

<a href="https://kyzylorda-news.kz/">Kyzylorda-news.kz.</a> Бүгін еліміздің 5 облысында дауылды ескерту жарияланды, деп хабарлайды Қазгидромет.
Күндіз Қызылорда облысының орталығында шаңды дауыл, жел солтүстік-шығыстан, шығыстан соғады. Желдің жылдамдығы 15-20 м/с күтіледі.
Облыс орталығында күндіз шаңды дауыл күтіледі. Жел шығыстан соғып, екпіні 17 м/с күтіледі.

5 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының &nbsp;Қармақшы ауданында «III Интернационал» атты ауыл бар. Елді мекеннің атауы айтып тұрғындай мұнда 11 ұлттың &nbsp;өкілі тұрады. Олардың ата-бабалары сонау 30-шы жылдарғы тоталитарлық жүйенің шырмауына ілігіп, жер аударылғандар.&nbsp;
<blockquote>«Бұл ауыл тұрғындары «Наурыз», «Бірлік күні», «Алғыс айту» күні секілді мерекелерді ұйымшылдықпен, бар сән-салтанатымен атап өтуді үрдіске айналдырған. Бұлай болатын да жөні бар. Себебі бұл елді мекенде ежелден ауызбіршілігі мығым қазақ, ахыскалық түрік, корей, орыс, украин, мордвин, татар, әзірбайжан секілді бірнеше этнос өкілі бірге тұрып келеді. Халық достығы жәй ұран үшін айтылған сөз емес, өміріміздің мәні», - дейді бақытын қазақ жерінен тапқан тағдыры талайлы жұрттың бүгінгі ұрпағы.&nbsp;</blockquote>
«:үк вагондарына тиеліп, жат жерге айдаумен келген жылдары ата-бабамыздың аман қалуына қазақ халқының қамқорлығы себеп болды. Сондықтан құшағы кең, достыққа берік, мейірімді қазақ еліне &nbsp;басымызды иіп, ризашылығымызды білдіреміз», - дейді ауыл тұрғыны Гульали Мутиев.
Айта кетейік, Қазақстанның Еңбек Ері Юрий Пя да осы ауылда туған. Жалпы елді мекендегі негізгі ұлттар түріктер, қазақтар және корейлер. Ертеден қоян-қолтық араласып кеткен ауылда 50-ден астам аралас отбасылар да бар екен. Осындай бірлігі жарасқан ауылда барлық ұлт өкілдерінің тілі мен салт-дәстүрі де қағажу көріп жатқан жоқ.&nbsp;
Ауылдың негізгі күн көрісі – егін. Басты дақыл – күріш. Бұл ауылдың шаруа қожалығының да аты - «Достық» деп аталады. Өйткені бір ұжымда бірнеше ұлттың өкілі тату-татті еңбек етіп, ел ырысын еселеп жүр. Шаруашылықтың техникалары тек егін даласында ғана емес, ауылдың күнделікті тіршілігіне де көмегін тигізеді. Мұқтаж отбасылардың отынын тасып, қоқысын шығару игі үрдіске айналған. Мұндай қамқорлық бірлігі бекем ауылдың көнеден қалыптасқан дәстүрі.&nbsp;
<blockquote>«Кезінде жер аударылып келген әке-шешеміз де қазақ халқының мейірімділігінің арқасында аман қалды. Үбірлі-шүбірлі болып, үлкен әулетке айналды», - дейді ауылдықтар.&nbsp;</blockquote>«Ашаршылықта жеген құйқаның дәмі кетпейді» деген көне тәмсілді терең ұғына білген ағайын тұрмысы төмен отбасыларға үнемі қамқорлық жасап отырады екен. Тіпті, үйі жоқ бірнеше отбасына шаруашылық көмегімен баспана салып берген. Тағдырдың жазуымен бірнеше ұлттың өкілі топтасқан қожалықтың бірлігі мығым, тірлігі берекелі. Жыл сайын әр отбасына бақша дақылдарын егу үшін екі-үш гектар жерді дайындап, суын жеткізіп беру секілді ізгі бастамалар да осы ауылда қолға алынған. Шаруашылық төрағасының ендігі арманы мал бордақылау алаңын салып, жаңа жұмыс орындарын ашу. Сондай-ақ мұқтаж жандарға арнап жылына бір үй салып беруге ниетті. Ал мұның бәрі қайырымды қазақ халқына деген алғыс сезімнен туған қайырлы бастамалар болса керек.<img src="https://knadmin.beoblood.kz/uploads/egin_a9b25ee7e9.jpg" alt="егин.jpg"><img src="https://knadmin.beoblood.kz/uploads/auyl_1220302cec.jpg" alt="ауыл.jpg">

III Интернационал ауылында 11 ұлттың өкілі тұрады

<a href="https://kyzylorda-news.kz/">Kyzylorda-news.kz.</a> Қызылорда облысында мал басы біршама артқан, деп хабарлайды облыстық ауыл шаруашылығы және жер қатынастары басқармасының баспасөз қызметі.
Қызылорда облысында биылғы жылдың 1 қыркүйегіне дейінгі көрсеткіш бойынша 415,1 мың бас мүйізді ірі қара, 860,1 мың бас қой мен ешкі, 207,2 мың бас жылқы, 61,6 мың бас түйе және 124,7 мың бас құс тіркелген. Мал басын былтырғы жылдың сәйкес кезеңімен салыстырғанда мүйізді ірі қара 8,3 пайызға, қой мен ешкі 4,3 пайызға, жылқы 17,3 пайызға, түйе 7,1 пайызға, құс 2,8 пайызға көбейген.
Жыл басынан бері тірі салмақта 23,9 мың тонна ет, 58,9 мың тонна сүт және 5005,2 мың дана жұмыртқа өндіріліп, өткен жылдың 8 айдағы көрсеткішімен салыстырғанда ет өндірісі 1,9 пайызға, сүт өндірісі 1,1 пайызға және жұмыртқа өндірісі 2,7 пайызға артты.&nbsp;
Аймақта мал азығын дайындау жұмыстары бойынша ауыл шаруашылық құрылымдарында ескі жоңышқаның 2 орымы аяқталып, 3 орымы жүруде. Бүгінгі күнге дейін 244,3 мың тонна шөп дайындалып, орта өнім гектарына 57,8 центнерден айналды.
Қазіргі таңда, 24,1 мың гектар жаңа жоңышқаның орылған 23,9 мың гектарынан 22,9 мың тонна жоңышқа шөбі жиналып отыр. Орта өнімі гектарына 9,8 центнер.&nbsp;
Сонымен қатар, биылғы жылы егілген 358 гектар қант құмайының 338 гектары жиналып, 1,6 мың тонна өнім алынды. Мұнда орта өнімі гектарына 47,1 центнер алынды.&nbsp;
Бүгінгі күні өңірде мал азығын дайындау жұмыстары жалғасуда.
<img src="https://knadmin.beoblood.kz/uploads/mal_6e9a3f3ffb.jpg" alt="мал.jpg">

Қызылорда облысында мал басы артып келеді

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді. Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.
Жеңілдік бойынша сақтандыру кімге беріледі?
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.
Қазақстанда &nbsp;оқитын студенттер үшін сақтандырылған мәртебесін алу алгоритмі:
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.&nbsp;
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса не істеу керек?
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
<ul><li>Оқу орындарына арналған жадынама:</li><li>&nbsp;Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. &nbsp;</li><li>Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет.</li><li>Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.&nbsp;</li></ul>
Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.
Шетелде оқитын қазақстандықтар үшін сақтандырылған мәртебесін алу алгоритмі: Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.&nbsp;
Ол үшін электрондық үкімет порталындағы egov.kz сервисін пайдалану қажет:&nbsp;
1. Ізденіс жолына келесіні енгізу: «Шетелде оқитын студенттерді тіркеу».&nbsp; 2. Ашылған терезедегі өтінішті толтыру және оқуды растайтын құжаттарды қоса беру қажет. 3. Өтінішке ЭЦҚ көмегімен қол қою. 4. Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.&nbsp; 5. Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.&nbsp;
Кері байланыс
Өкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.
Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы. <img src="https://knadmin.beoblood.kz/uploads/Mams_4ed93d263d.jpg" alt="Мамс.jpg">

Студенттер мемлекет есебінен сақтандырылған және МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаев білім беру саласына елеулі үлес қосқан, саналы ғұмырын ұрпақ тәрбиесіне арнаған ардагер ұстаз Марк Подольскийдің шаңырағына барып, ұстаздар күніне орай ел Президенті Қасым-Жомарт Тоқаевтың құттықтауын жеткізіп, «Алтын барыс» төсбелгісін тақты.
<blockquote>«Сіз саналы ғұмырыңызды білім саласының дамуына арнап, өлшеусіз үлес қостыңыз, шәкірт тәрбиелеп, құрметке бөлендіңіз. Нағыз ұстаз қарапайым келеді деген ұғым бар. Сіз қарапайым болмысыңызбен шәкірттеріңізге әкедей қамқор, ұстаздарға жанашыр бола білдіңіз. Мемлекет Басшысы Қасым-Жомарт Кемелұлы Тоқаев осы орасан еңбегіңізді елеп, арнайы құттықтау жолдады. Мерейлі мерекеде деніңізге саулық, ұзақ ғұмыр, отбасыңызға амандық тілеймін», - деді Нұрлыбек Нәлібаев.</blockquote>
Білім саласында табанды тер төккен ұлағатты ұстаз айрықша құрмет үшін алғаусыз алғысын білдірді.
<blockquote>«Мен үшін бүгін күтпеген айрықша сәт, сәл толқып та тұрмын. 60 жыл білім саласында қызмет етіп, 20 жылдан астам мектеп басқарыппын, ең бастысы шәкірттеріме ақадал тәлім-тәрбие беруге тырыстым. Осы еңбегімді елеп-ескеріп, маған арнайы марапат жолдаған Президентімізге шынайы ризашылығымды білдіремін», - деді ұстаз.</blockquote>Марк Подольский - білікті маман, сауатты басшы және шебер ұйымдастырушы ретінде аймақтың дамуына елеулі үлес қосқан қабырғалы қайраткер. Мықты шәкірттер тәрбиелеп, ұстаздық жолға қосқан.Тоқсанның төріне шыққан ардагер ұстаз білім саласына сіңірген ерлеулі еңбегі үшін «Парасат» ордені мен «Ерең еңбегі үшін» медалімен марапатталған.Сондай-ақ, биыл тұңғыш рет Тамыз кеңесінде ардагер ұстазға Қызылорда облысының «Құрметті азаматы» атағы берілді.Айта кетейік, Президент тапсырмасы аясында мұғалімдердің жалақысы 4 жыл қатарынан 25 пайызға көбеюде. Ал, аймақта жыл қорытындысымен еңбегімен көзге түсіп, үздік 10 мұғалімге бірреттік 900 мың теңге қаржылай сертификат табысталмақ.Мұнан бөлек, шәкірттері халықаралық, республикалық білім додаларында топ жарған ұстаздарға ынталандыру шаралары іске асады. Мемлекет қамқорлығы аясында биыл өңірде 6 мемлекеттік, 3 жеке мектеп салынды. Жеке мектептердің үлесі артып, қазір саны 22-ге жетті. Президент бастамасымен келер жылы «Жайлы мектеп» жобасы бастау алады. Өңірде бұл бағытта 16 жаңа мектеп салу жоспарда бар.<img src="https://knadmin.beoblood.kz/uploads/M_Ark_15b6438208.jpg" alt="МАрк.jpg"><img src="https://knadmin.beoblood.kz/uploads/M_Ark1_edd0f561e0.jpg" alt="МАрк1.jpg">

Нұрлыбек Нәлібаев ардагер ұстаз Марк Подольскийге Президенттің құттықтауын табыстады

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалы сала ардагерлеріне арнап мерекелік шараға өткізді.&nbsp;
«1 қазан – Халықаралық қарттар күні» мерекесі аясында ұйымдастырылған жиында филиал директоры Аида Әбибуллаева зейнетке шыққан әріптестерінің еңбек жолы жас кадрларға өнеге болатынын айта өтті.&nbsp;
<blockquote>«Корпорацияның құрылғанына небәрі 6 жыл ғана уақыт болса да, бүгінде біздің филиалда 80-ге жуық ардагер зейнет жасына жетті. «Қарты бар үйдің қазынасы бар» дейді дана халқымыз. Сондықтан сіздердің еліміз үшін еткен еңбектеріңізді үлгі етіп, бүгінгі буынға насихаттау біздің парызымыз. Өздеріңіздей тәжірибелі тұлғалардың ақыл-кеңесіне жүгіну біздің жүгімізді жеңілдетері сөзсіз. Сондықтан ардагерлердің де аман-есен жүргені біз үшін қуаныш», - деді Аида Ибрагимқызы.&nbsp;</blockquote>
Құттықтаудан соң филиал басшысы ардагерлерге арнайы алғыс хат пен &nbsp;сый-сыяпат табыс етті.&nbsp;
Салтанатты шарада «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Қызылорда қаласының тіркеу және жер кадастры бөлімінің бас маманы Айымкүл Шындыбаеваны ұжымдастары зейнеткерлікке шығарып салды. Филиал директоры Аида Әбибуллаева зейнет жасына жетіп, құрметті демалысқа шыққан әріптесіне алғысын білдіріп, құрмет көрсетті. &nbsp;
Мерекелік бас қосуда сөз алған филиал жанындағы Ардагерлер кеңесінің төрағасы Болатбек Пұсырманов ардагерлерін құрметтеген филиал ұжымына ризашылығын білдірді. Жиын одан әрі концерттік бағдарламамен ұласып, естелік суретке түсумен қорытындыланды.
<img src="https://knadmin.beoblood.kz/uploads/Whats_App_Image_2022_10_04_at_16_14_30_cf35eee983.jpeg" alt="WhatsApp Image 2022-10-04 at 16.14.30.jpeg">

Қазақстан және Қызылорда облысының жаңалықтары