<a href="https://kyzylorda-news.kz/">Kyzylorda-news.kz.</a> «Сыр медиа» ЖШС-на қарасты «Kyzylorda-news.kz» ақпарат агенттігіне Қазақстан Республикасы Президентінің кезектен тыс сайлауына орай үгіт-насихат материалдарын орналастыру бойынша өз қызмет құнын ұсынады.
«Kyzylorda-news.kz» ақпарат агенттігіне материалдарды орналастыру бойынша ҚҚС қоса есептегенде:
Пробелді қоса алғанда 3000 белгіге дейінгі мақала+3 суретке дейін – 50400 теңге;
Әр қосымша белгіге – 15 теңгеден қосылады;
Әр қосымша суретке – 200 теңгеден қосылады.
Жазбаша өтініштерді сағат 9:00-ден 18:00-ге дейін мына мекен-жай бойынша қабылдайды: Қызылорда қаласы, Бейбарыс Сұлтан көшесі, 4-А (Назарбаев &nbsp;Зияткерлік мектебінің жанында). Жарнама бөлімі: 8 (7242) &nbsp;70-00-52, коммутатор: 40-11-10 /1058/, e-mail: smjarnama@mail.ru
&nbsp;

«Kyzylorda-news.kz» ақпарат агенттігі үгіт-насихат материалдарын орналастыру бойынша өз қызмет құнын ұсынады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша «Атамекен» кәсіпкерлер палатасында Қылмыстық-атқару жүйесі департаментінің ұйымдастыруымен аталған мекемелердегі сотталғандарды жұмыспен қамту және өндірістік аймаққа шағын орта бизнес кәсіпкерлік субьектілерін тарту бойынша дөңгелек үстел өтті.
Дөңгелек үстелге «Атамекен» кәсіпкерлер палатасының директорының міндетін атқарушы Г.Елеусінова, Қызылорда облыстық &nbsp;прокуратурасының үкімдердің орындалуын қадағалау басқармасының аға прокуроры М.Алмас, мекеме бастықтары, РМК «Еңбек-Қызылорда» директоры С.Кенжебеков және облыстағы жеке кәсіпкерлер мен жауапкершілігі шектеулі серіктестік директорлары қатысты.
Жиында жергілікті және шағын орта кәсіпкерлік субьектілерін &nbsp;түзеу мекемесінің өндірістік аймағына өз кәсіптерін ашып, сотталғандарды жұмыспен қамтамасыз ету мәселесі қаралды.&nbsp;
Жиынды ашқан Қызылорда облысы бойынша Қылмыстық-атқару жүйесі департаменті бастығының орынбасары әділет подполковнигі Ж.Әбдіқайыров жеке кәсіпкерлерге түзеу мекемелерінде кәсіп ашудың жеңілдіктері мен мүмкіндіктері туралы айтып, өз кәсіптерін &nbsp;мекеменің өндірістік аймағына ашуға шақырды. &nbsp;
<blockquote>«Жазасын өтеушілерді жұмысқа орналастыру арқылы олардың мемлекет, заңды, жеке тұлға алдындағы берешектерін төлеуге ықпал жасаймыз. Бірінші кезекте атқару парақтары бар сотталғандарды жұмысқа орналастырамыз. Осы мәселені шешу үшін біз қолымыздан келгенше тырысып жүрміз, осыған орай мен кәсіпкерлерді әріптестік қарым-қатынас орнатуға шақырамын. Орынжайды жалға алу тиімді шарттармен беріледі. Өндірістік аймақ күзетілетіндіктен қосымша шығын қажет етілмейді. Жұмыс орындарда тәртіп сақталады»,- деді әділет подполковнигі Ж.Әбдіқайыров.</blockquote>
Басқосуда сөз алған Қызылорда облысы кәсіпкерлер палатасы директоры міндетін атқарушы Гаухар Ыбрайқызы, бұл сұрақ палатаның назарында болатынына сенім білдіріп, қылмыстық -атқару жүйесі департаментімен кәсіпкерлер арасында байланыс орнату үшін көмек көрсететіндіктерін жеткізді.
Одан соң сөз алған Қызылорда облысы &nbsp;прокуратурасының үкімдердің орындалуын қадағалау басқармасының аға прокуроры Махмуд Ақтанұлы кәсіпкерлерді мекеме аумағына шақыра отырып, сотталғандарды жұмыспен қамту олардың бос уақыттарын тиімді пайдаланып, атқару парақтарының өндірілуіне және бостандыққа ертерек шығуына септігін тигізетіндігін айтып өтті.
Қазіргі таңда &nbsp;Қызылорда облысы бойынша ҚАЖ департаментінің №37, №60 мекемесіндегі 600-ден астам &nbsp;сотталған 47 жеке кәсіпкер мен жауапкершілігі шектеулі серіктестігінде (ағаш өнімдері, қолөнер бұйымдары, дәнекерлеу, газоблок,пескоблок, кірпіш өндіру және жылыжайда қияр, қызанақ көкөністерін өсіру, гипстен мүсін жасау) жұмыспен қамтылған.
Кездесу соңында жеке кәсіпкерлер еркін түрде пікір алмасып, сала мамандарына сұрақтарын қойып, ұсыныстарын да жеткізді.
<figure class="image"><img src="https://knadmin.beoblood.kz/uploads/Whats_App_Image_2022_10_14_at_09_10_08_01cb63ef55.jpeg" alt="WhatsApp Image 2022-10-14 at 09.10.08.jpeg"></figure>

Қызылордада сотталғандарды жұмыспен қамту мәселесі талқыланды

<a href="https://kyzylorda-news.kz/">Kyzylorda-news.kz.</a> Қызылорда облыстық балалар ауруханасының травматологтары табанынан жарақат алған үш жасар пациентке шұғыл ота жасады.&nbsp;
<blockquote>«Сол күні кішкентай Гүлбағым көрші мотоциклдің жанында ойнап жүрген. Темір тұлпар баланың сол аяғына құлады. Қыз шұғыл түрде аудандық ауруханаға, содан кейін облыстық балалар ауруханасына жеткізілді», - дейді анасы Айшолпан Өмірханова.</blockquote>
Компьютерлік томографияда табан асты буынның шығуы және табан пронациясының белгілері бар асық сүйегінің сынуы (ығысуы бар) анықталды. Бұл сирек кездесетін және күрделі патология, деп хабарлады облыстық балалар ауруханасының травматолог-ортопед Олжас Құрбанбаев. Науқасқа ота сәтті өтті.
<blockquote>«Тәжірибеде мұндай асық сүйегінің (таранная кость) жарақатын бірінші рет кездестіріп тұрмын. Травматологияда асық сүйегінің ығысқан сынығы сирек кездеседі және ауыр жарақаттар тобына жатады. Асық сүйгі арқылы дененің бүкіл салмағының қысымы аяққа беріледі. Бұл аяқтың бұлшық еті қосылмайтын жалғыз сүйек. Асқыну қаупі бар: аваскулярлық некроз, дегенеративті артроз. Мүгедектік деңгейі жоғары. Кішкентай пациенттің жас денсаулығы бұл жарақатты жеңіп, тез сауығып кетеді деп сенеміз», – дейді Олжас Құрбанбаев.</blockquote>18 жасқа дейінгі балалар жеңілдікті санатқа жатады, олар үшін МӘМС үшін аударымдарды мемлекет жасайды. Сондықтан, медициналық сақтандыру пакетіндегі медициналық көмек балаларға толық көлемде қол жетімді.<figure class="image"><img src="https://knadmin.beoblood.kz/uploads/Kurbanbaev_8017e8c9e4.jpeg" alt="Курбанбаев.jpeg"></figure><img src="https://knadmin.beoblood.kz/uploads/travma_de706af7e4.jpeg" alt="травма .jpeg"><img src="https://knadmin.beoblood.kz/uploads/travma_bbede3b5cf.jpeg" alt="травма.jpeg"><a href="https://baq.kz/">BAQ.KZ</a> &nbsp;

Қызылордалық дәрігерлер табанның күрделі патологиясын түзеді 

<a href="https://kyzylorda-news.kz/">Kyzylorda-news.kz.</a> 19-қазан құтқарушылар күні қарсаңында кіл жүйрікте кім жүйрікті анықтайтын өрт-құтқару спорты басталды.&nbsp;
Аталған шара қызметтік міндеттерін орындау кезінде қаза тапқан батырларымызды еске алу мақсатында жыл сайын ұйымдастырылып келеді. Ұжымдық қарым-қатынас, пен кәсіби шеберлік сынға түсетін жарыста 15 команда бақ сынауда. &nbsp;
Жарыстың ашылу салтанатында Қызылорда облысы төтенше жағдайлар департаменті бастығының орынбасары азаматтық қорғау полковнигі Н. Ибрагимов қатысушыларға ізгі тілегін білдірді. Сондай-ақ, гарнизон қызмет бабында қаза болған батырларды &nbsp;бір минуттық үнсіздікпен еске алды.
Бүгін жарыстың алғашқы күні. Шабылдау сатысымен оқу жаттығу мұнарасының &nbsp;4 қабатына көтерілу және Жылжымалы сатымен оқу жаттығу мұнарасының 3 қабатына көтерілу бойынша кезеңдері өз мәресіне жетті.&nbsp;
Қорытынды бойынша Шабылдау сатысымен оқу жаттығу мұнарасының &nbsp;4 қабатына көтерілу кезеңінде үздік нәтиже көрсеткен №1 мамандандырылған өрт сөндіру бөлімі 1 орын жеңіп алды. Жүлделі 2 орынды №5 өрт сөндіру бөліміне бұйырса, 3 орын Жаңақорған ауданы №14 өрт сөндіру бөлімі иеленді.&nbsp;
Жылжымалы сатымен оқу жаттығу мұнарасының 3 қабатына көтерілу кезеңінде бәсекелестерінен озат деп табылған №1 мамандандырылған өрт сөндіру бөлімі 1 орын, Байқоңыр қаласының №8 өр сөндіру бөлімі-2 орын, 3 орын Жаңақорған ауданы №14 өрт сөндіру бөлімінің командалары лайықты болды.&nbsp;
Ал ертең ең әсерлі кезең жауынгерлік қанат жаюдан жарыс жалғасын табады.&nbsp; &nbsp; &nbsp; &nbsp;&nbsp; &nbsp;
<figure class="image"><img src="https://knadmin.beoblood.kz/uploads/Whats_App_Image_2022_10_13_at_19_35_37_b4e7467864.jpeg" alt="WhatsApp Image 2022-10-13 at 19.35.37.jpeg"></figure>
<figure class="image"><img src="https://knadmin.beoblood.kz/uploads/Whats_App_Image_2022_10_13_at_19_35_42_2_e57f4ae15a.jpeg" alt="WhatsApp Image 2022-10-13 at 19.35.42 (2).jpeg"></figure>
<figure class="image"><img src="https://knadmin.beoblood.kz/uploads/Whats_App_Image_2022_10_13_at_19_35_42_1_62ac99c2e1.jpeg" alt="WhatsApp Image 2022-10-13 at 19.35.42 (1).jpeg"></figure>

Қызылордада өрт-құтқару спорты басталды

<a href="https://kyzylorda-news.kz/">Kyzylorda-news.kz.</a> Арал аудандық мәдениет үйінде Арал қаласының 95 жылдығы аясында сыр сүлейі Нұртуған Кенжеғұлұлының 135 жылдығына арналған «Қанекей, тілім, сөйлеші» атты аймақтық термешілер байқауы өтті.&nbsp;
Әр өңірден келген жыршы-термешілер бақ сынасқан сайысқа аудан әкімінің орынбасары К. Бержанов қатысты.&nbsp;
<blockquote>«Талай дарынның бесігін тербеткен Арал өңірі де от ауызды, орақ тілді атақты би-шешендер мен арқалы ақындарды өмірге әкелген тектілер мекені. Жыр да, бақ та қонған шежірелі өлке. Белгілі жыраулардың ішінде шоқтығы биігі – Мырзастан шыққан шайыр Нұртуған Кенжеғұлұлы болды. Ұлтымыздың рухани әлемінде өшпестей қолтаңбасын қалдырған Нұртуған Кенжеғұлұлының өнерін ұрпаққа аманат ету мақсатында жыршы- термешілердің басын қосып отырмыз. Елімізде Нұртуғандай асылдың ізін жалғаушы көрнекті ұрпақтары көп болғай», - деді К. Бержанов.</blockquote>
Белгілі шайырдың 135 жылдығына арналған жыр додасына 11 өнерпаз қатысты. Қатысушылар алдымен Нұртуған Кенжеғұлұлының терме-толғауларын орындаса, екінші кезеңде еркін тақырыпта жыр толғады.
Термешілер сайысына «Құрмет орденінің» иегері, «Мәдениет саласының үздігі» төсбелгісінің иегері, &nbsp;термеші Шолпан Бейімбетова, жыршы-термеші, аудандық мәдениет орталығының директоры Айна Тұяқова және мәдениет орталығының қызметкері, жыршы-термеші, «Дәріқұл жырау» үйірмесінің жетекшіс Ғанибек Өмірзақов қазылық етті.
Байқау қорытындысы бойынша бас жүлдені Арал ауданынан қатысқан Кеңес Әли жеңіп алды. Жүлделі І орынға қазалылық Жанболат Өмірзақ, ІІ орынға Ақтөбе қаласынан келген Естайұлы Абдурахман және Қазалы ауданынан қатысқан Айдос Тұрар ие болса, III орынды ақтөбелік Қайроллаев Ғани иеленді.
Осылайша, сүлейлер салған сара жолды жалғап, киелі өнерге бас иген жыршы-термешілер жыр жалауын желбіретіп, мақам сазын мөлдіретіп, халықтың ыстық ықыласына бөленді.
<figure class="image"><img src="https://knadmin.beoblood.kz/uploads/terme_e7caa1f35b.jpg" alt="терме.jpg"></figure><figure class="image"><img src="https://knadmin.beoblood.kz/uploads/terme1_302af4f50f.jpg" alt="терме1.jpg"></figure>

Аралда аймақтық термешілер байқауы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының ұйымдастыруымен Достық үйінде 2023 жылға жоспарланған мемлекеттік әлеуметтік тапсырыс жобалары талқыланды.
Жиынға облыстық басқармалардың өкілдері, үкіметтік емес ұйым жетекшілері мен белсенділері және зум байланысы арқылы аудан әкімдерінің орынбасарлары қатысты.
«Облыс көлемінде 1193 үкіметтік емес ұйым тіркелген. Оның &nbsp;454-і өңірдің рухани-мәдени, қоғамдық өміріне белсенді араласып, өз үлестерін қосуда», - деді облыстық Қоғамдық даму басқармасы басшысының орынбасары Алмасбек Есмаханов.
Жиын барысында облыстық қоғамдық даму, денсаулық сақтау және жұмыспен қамтуды үйлестіру және әлеуметтік бағдарламалар басқармасының өкілдері 2023 жылға жоспарланған әлеуметтік жобаларын таныстырды.
Мемлекеттік әлеуметтік тапсырыс негізінен ұлтаралық және конфессияаралық қатынастарды реттеу және ұлттық саясатты жүзеге асыру, сыбайлас жемқорлық көріністерін алдын-алуға, жастар саясатын, отбасылық-демографиялық саясатты жүзеге асыру, ұлттық тарих, еріктілер қозғалысын дамыту, азаматтық қоғамды қолдау бағыттары бойынша жүзеге асырылуда.&nbsp; Жария талқылау барысында ҮЕҰ жетекшілері жобаларға қатысты өз ойларын ортаға салып, ұсыныс-пікірлерін білдірді.
Аталған бастама облыста азаматтық қоғамды дамытуда ерекше маңызға ие болып, бірлескен жұмыстар өз жалғасын табатын болады.
<figure class="image"><img src="https://knadmin.beoblood.kz/uploads/Ibraev_028210876c.jpg" alt="Ибраев.jpg"></figure>

Қызылордада 2023 жылға жоспарланған әлеуметтік жобалар таныстырылды

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігі ауқымды антициклонның ықпалында болады, сонымен жауын-шашынсыз ауа райы сақталады, деп хабарлайды Қазгидромет.
Тек елдің батысында, солтүстік-батысында Қара теңізі аумағынан келетін циклонның әсерінен жаңбыр жауады. Республиканың солтүстік-батысында, солтүстігінде, оңтүстік-шығысында жел күшейеді, батысында – тұман.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысында «Шабақ құтқару – 2022» акциясы аясында 7 млн 300 мың дана балық шабағы құтқарылды. Бұл туралы Өңірлік коммуникациялар қызметінің ақпараттық алаңында өткен брифингте облыстық табиғи ресурстар және табиғат пайдалануды реттеу басқармасының басшысы Марат Құрманбаев мәлімдеді.&nbsp;
<blockquote> «Облыс аумағында орналасқан күріш алқаптарында, каналдарда, бөлектенген су айдындарында шабақ құтқару жұмыстары жүргізілуде. Қазіргі таңда күріш алқаптарынан 4,1 млн дана балық шабағы құтқарылып, жақын маңдағы су айдындарына жіберілуде. Аталған жұмыстар 25 қазанға дейін жалғасады», – деді басқарма басшысы.&nbsp; &nbsp;</blockquote>
Атап өту қажет, ҚР Экология, геология және табиғи ресурстар министрлігі Балық шаруашылығы комитетінің «Қамыстыбас балық питомнигі» РМҚК-мен біржаздық балық шабақтары мен тұқым шабақтар өсіріліп, аталған шабақтардың 30-40%-ын Қамыстыбас көліне, ал 60-70%-ын Арал теңізіне жіберу жұмыстары жүргізілуде.&nbsp;
<blockquote> «Бүгінде Қызылорда облысы бойынша балық шаруашылығын дамытудың 2021-2030 жылдарға арналған өңірлік бағдарламасы аясында жұмыстар жалғасуда. Биыл 2030 жылға дейін жоспарланған балық өсіретін 55 көл-тауарлы су айдынының саны 69-ға жетті. 2022 жылы 409 тонна тауарлы балық өсіру межесін орындау жоспары белгіленсе, жыл басынан бері атқарылған жұмыстар нәтижесінде 360 тоннаға жеткізілді», – деп мәлімдеді Арал-Сырдария облысаралық бассейндік балық шаруашылығы инспекция басшысы Ж.Сапаров.</blockquote><img src="https://knadmin.beoblood.kz/uploads/111_b3f8361c60.jpg" alt="111.jpg">

«Шабақ құтқару – 2022» акциясы жалғасуда

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық қоғамдық даму басқармасына қарасты «Жастар ресурстық орталығының» ұйымдастыруымен «Жас ғалым – 2022» облыстық ғылыми жобалар мен инновациялық идеялар байқауы өтті.&nbsp;
Байқау Жастар орталығының акт залында облыстың техникалық және кәсіптік білім беру ұйымдарының білім алушылары мен мектептердің 10-11 сынып оқушылары арасында ұйымдастырылды. Байқауға барлығы 20-дан аса жас қатысты.&nbsp;
Бұл шараның басты мақсаты – өңіріміздің &nbsp;экономикасының тұрақты дамуын қамтамасыз ететін үздік жобалар мен технологияларды анықтау және ғылыми-инновациялық қызметке қызықтыру арқылы жас ұрпақтың инновациялық әдістері мен шығармашылық әлеуетін қалыптастыру болып табылады. Сонымен қатар сырбойылық жастардың біліктілігін арттыру арқылы ғылыми-танымдық бағытқа баулу.&nbsp;
Жас ғалымдардың басын біріктірген байқаудың ашылуына Қызылорда облыстық «Жастар ресурстық орталығының» КММ-нің директоры Талғат Тілес, химия ғылымдарының кандиданты, Қорқыт ата атындағы Қызылорда университетінің физика және химиялық талдау әдістері инженерлік бейіндегі зертхана жетекшісі Нұрлыбек Ахатаев, ақын Мамыр Байдәулетов қатысты. Олар шараға қатысушыларға сәттілік тілеп, инновациялық жобалардың ел экономикасының дамуына айрықша үлес қосатынын және ғылым жолында әрдайым ізденіс керектігін атап өтті.&nbsp;
Білімділер сайысына жоғары және орта оқу орындарындағы жастар &nbsp;қатысты. Олар экология, астрономия, геология сынды бірнеше бағыттар бойынша тың жобаларды таныстырды.
Нәтижесінде, комиссияның шешімі бойынша №15 мектеп-лицейінің оқушысы Бекмұхаммед Айтбай І орын иеленді. Ал ІІ орынды С.Әлжіков атындағы №144 орта мектептің оқушылары Рауан Есенбек, Мейіржан Нұраддин және Жалағаш ауданының Ә.Бердәулетов атындағы №34 орта мектептің оқушысы Бибарыс Асқарұлы қанжығаларына байлады. Жүлделі ІІІ орын Жанақорған ауданының №256 орта мектеп оқушысы Балнұр Сержан мен Қызылорда қаласының №23 Ж.Қизатов атындағы мектеп-лицей оқушысы Гүлбақыт Сейітжанға бұйырд. Сонымен қатар, «Ерекше жоба» номинациясы бойынша Қазалы ауданының №249 мектеп-лицейінің оқушысы Ақтілек Нұрлыбек пен Шиелі ауданының оқушылар үйінен Саят Ақтөреев марапатталды. Сондай-ақ,барлық қатысушыларға алғыс хат табысталды.
<figure class="image"><img src="https://knadmin.beoblood.kz/uploads/bajkau1_1712fb93a4.jpg" alt="байкау1.jpg"></figure>
<figure class="image"><img src="https://knadmin.beoblood.kz/uploads/bajkau2_e17e85e1d1.jpg" alt="байкау2.jpg"></figure>
<figure class="image"><img src="https://knadmin.beoblood.kz/uploads/bajkau4_9dc7021eb8.jpg" alt="байкау4.jpg"></figure>
<figure class="image"><img src="https://knadmin.beoblood.kz/uploads/bajkau3_9d94a22e14.jpg" alt="байкау3.jpg"></figure>
<figure class="image"><img src="https://knadmin.beoblood.kz/uploads/bajkau_ce8205b868.jpg" alt="байкау.jpg"></figure>

Қызылордада «Жас ғалым - 2022» облыстық ғылыми жобалар мен инновациялық идеялар байқауы өтті 

<a href="https://kyzylorda-news.kz/">Kyzylorda-news.kz.</a> Алматыда ҚР Білім және ғылым министрі, белгілі педагог және мемлекет қайраткері Шәмша Беркімбаеваның 80 жылдығына орай ұйымдастырылған еске алу іс-шаралары аяқталды. NIS Шәмша Көпбайқызымен дос болған, бірге оқып, қызмет атқарған тұлғалардың басын қосты.
 Ауқымды шараның Қазақ ұлттық қыздар педагогикалық университетінде ашылуының терең мағыналық мәні бар. Тәуелсіз Қазақстанда жоғары оқу орынның табысты жандануы 2003 жылы Шәмша Көпбайқызы ректор болып тағайындалған кезде басталды. Ұстаздың жетекшілігі мен ерік-жігерінің арқасында университетте Студенттер үйі құрылды, ал мерейтой аясында оған ресми түрде Шәмша Беркімбаеваның есімі берілді. Отбасылық мұрағаттағы қолжазбалар, кітаптар, құжаттар мен марапаттар университеттің бас ғимараты – Ақтұмар мұражайындағы ұстаздың атын алған орталықта жинақталды.
 Шәмша Көпбайқызы аяқтап үлгермеген «Қазақ мектебі – ұлт тірегі» кітабының тұсаукесері еске алу шараларының басты оқиғасына айналды.Бірегей жинақты NIS Педагогикалық шеберлік орталығы толықтай әзірлеп, өздерінің полиграфиялық кешенінде басып шығарды.
<blockquote> «Қазақ мектебі – ұлт тірегі» еңбегі – бүкіл саналы ғұмырын отандық білім беруге, оның ішінде ауыл мектебіне арнаған Шәмша Беркімбаеваның ұстаздық өсиеті», – деп атап өтті Шәмша Көпбайқызымен ұзақ жылдар бірге қызмет еткен Қазақстанның еңбек сіңірген қайраткері, дипломат, ғалым, журналист Қуаныш Сұлтанов.</blockquote>
 Сондай-ақ NIS Педагогикалық шеберлік орталығы Шәмша Беркімбаеваның өмірі мен мұғалімдік қызметіне арналған «Шамшырақтай туған елдің Шәмшасы» деректі фильмін түсірді.
<blockquote> «Бүгінде еліміздің жүздеген мұғалімі өзін Шәмша Беркімбаеваның шәкіртімін деп атай алады. Шәмша Көпбайқызының өмір жолы –мектепке қызмет етуді мақсат еткен нағыз ұстаздың лайықты үлгісі. Шәмша Көпбайқызымен әріптес және дос болған жандар оның бойынан мемлекет мүддесін қамтамасыз ету, мамандыққа адал болу, әдептілік пен сенімділік секілді қасиеттерді көре білді», – деді «Назарбаев Зияткерлік мектептері» ДББҰ Басқарма төрайымы Күләш Шәмшидинова.</blockquote> Өз ісінің нағыз маманыШәмша Беркімбаева туралы университет мінберінде ұстаздың достары мен әріптестері – Қазақстан Республикасының Еңбек ЕріАягүл Миразова, педагогика ғылымдарының докторы, Ы.Алтынсарин атындағы ҰБА бас ғылыми қызметкері Жауымбай Қараев, Қызылорда педагогикалық училищесінде Шәмша Көпбайқызымен студенттік кезден құрбы болған белгілі ұстаздар Роза Киікбаева, Қуанышкүл Меңдеяқова, ҚР Мемлекеттік сыйлығының иегері, дәрігер-анестезиолог Гүлзада Ізбасарова, сондай-ақ қыздар педагогикалық университетінің өкілдері, ректор Гүлмира Қанаева мен профессор міндетін атқарушы Ләззат Әділбекова өз естеліктерімен бөлісті. Жиында айтылған әрбірсөз Шәмша Беркімбаеваның қатардағы ұстаздан министрге дейінгі табысты кәсіби мансабының заңдылығы мен оның адами талантын растады. Еске алу іс-шаралардың қорытындысы әр жылдары Шәмша Беркімбаеваға арналған өлеңдер мен әндерден құралған концерттік бағдарламамен ұласты. &nbsp;<img src="https://knadmin.beoblood.kz/uploads/BA_a_3_86a51997d9.jpeg" alt="БАҚ-қа (3).jpeg"><img src="https://knadmin.beoblood.kz/uploads/BA_a_4_735c58cb62.jpeg" alt="БАҚ-қа (4).jpeg">

Белгілі педагог және мемлекет қайраткері Шәмша Беркімбаеваның 80 жылдығы атап өтілді

<a href="https://kyzylorda-news.kz/">Kyzylorda-news.kz.</a> &nbsp;«AMANAT» партиясы облыстық филиалы жанындағы Экология жөніндегі аймақтық қоғамдық кеңестің отырысы өтті. Онда мемлекет басшысы Жолдауынан туындайтын шикізатқа тәуелділік, еңбек өнімділігі төмендігі, инновацияның жеткіліксізді секілді мәселелер сонымен қатар, аймақтың экологиялық жағдайын жақсарту мақсатында Байқоңыр ғарыш айлағының экологиялық мәселесі, мұнай компаниялары тарапынан мұнаймен ластанған топырақтарды қалпына келтіру, мұнай өндірушілерінің факелдерінің қоршаған ортаға эмиссиясы, уран өндірушілердің экологиялық талапты сақтауы, шыны зауытының экологиялық рисктері, жылу электр орталықтарынан ауаға бөлінетін зиянды қалдықтарды азайту бағытында атқарылып жатқан жұмыстар сараланды.
Кеңес отырысында Қызылорда облысы бойынша экология департаменті басшысы орынбасары міндетін атқарушы Нұрбек Садықов хабарлама жасап, осы бағыттарда департамент тарапынан атқарылып, жатқан жұмыстарды жеткізді.
Ол хабарламасында ағымдағы жылға арналған «Байқоңыр» кешенінде қоршаған ортаны қорғау саласындағы мемлекеттік экологиялық бақылау жұмыстарын жүргізу жоспарына сәйкес 4 тоқсанға 13 кәсіпорын тізімге енгізілген, ағымдағы жылдың 9 айында 10 объектіге жоспарлы тексеріс жұмыстары жүргізіліп, 8 заң бұзушылық анықталды. Қазіргі таңда анықталған кемшіліктерді жою жөнінде ұйғарымдар берілгендігін атап өтті.
Сонымен қатар, департамент басшысы орынбасары міндетін атқарушы мұнай компанияларымен ластанған топырақты қалпына келтіру мәселесіне қатысты да атап өтті. Оның айтуынша Қызылорда облысында мұнай және газ өндіру саласында 16 кәсіпорын шаруашылық қызмет атқарады. ҚР Экологиялық кодекстің заңдылық талаптарына сәйкес меншік иелері қалдықтардың құралу көздерінен олардың барынша аз көшірілуін қамтамасыз етуге тиіс талабын қамтамасыз ету бағытында мұнай өндіруші кісіпорындар өндірістік қалдықтарының уақытша сақтау, қайта өңдеу алаңдарын іске қосып пайдалануда.
<blockquote>«Облыстағы атмосфералық ауаның негізгі ластаушылары мұнай-газ өндіру кәсіпорындары болып табылады. Қондырғыларды сұйық отынға (мазутқа) ауыстыру күл шығарындыларын азайтады, бірақ күкірт пен азот оксидтерінің шығарындыларын іс жүзінде төмендетпейді. Ең экологиялық таза - газ отыны, ол мазутқа қарағанда атмосфералық ауаны үш есе аз және көмірден бес есе аз ластайды. 2022 жылдың І жартыжылдығында мұнай өндіру көлемінің азаюына байланысты ілеспе мұнай газын кәдеге жарату көлемі 97,53% - ға азайды алаулардағы газды жағу көлемі 2,47% - ға азайды»,- дейді ол.</blockquote>
Күн тәртібіне сәйкес барлық мәселелер қаралып, комиссия мүшелері тарапынан жұмысты жетілдіруге қатысты ұсыныстар айтылды.
Жиынды қорытындылаған Кеңес төрағасы Мемлекет басшысы Жолдауында атап өткен азаматтарың денсаулығы мен әл ауқатын арттыру мәселесі күн тәртібнен түспейтіндігін жеткізді. Бұл орайда экология мәселесі маңызды орын алады,- деп атап өтті.
<img src="https://knadmin.beoblood.kz/uploads/311711767_484431877055787_4745796790954886735_n_7d74c49d09.jpg" alt="311711767_484431877055787_4745796790954886735_n.jpg">
<img src="https://knadmin.beoblood.kz/uploads/310673589_484432307055744_6982254661464471107_n_538d9a3dc4.jpg" alt="310673589_484432307055744_6982254661464471107_n.jpg">

Экология жөніндегі аймақтық қоғамдық кеңестің отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаменінің арнайы мемлекеттік мұрағатына 216 өтініш келіп түсті.
Қызылорда облыстық полиция департаментінің Ақпараттандыру және байланыс басқармасының арнайы мемлекеттік мұрағатында барлығы 29595 дана құжат, яғни, ішкі істер органдары бастықтарының бұйрықтары, ішкі істер органдарының бұрынғы қызметкерлерінің жеке істері, басқармашылық құжаттар мен номенклатуралық істер сақталуда. &nbsp;
Облыстық полиция департаментінің Ақпараттандыру және байланыс басқармасы арнайы мемлекеттік мұрағатының шегінде мұрағаттық анықтамаларды және мұрағаттық құжаттардың көшірмелерін беру мемлекеттік көрсетілетін қызметі бойынша тиісті жұмыстар атқарылуда.
Қызылорда облыстық полиция департаментінің арнайы мемлекеттік мұрағатына биылғы жылдың 9 айында барлығы 216 дана өтініштер келіп түсіп, оның ішінде &nbsp;жеке &nbsp;тұлғаларға қатысты – 126, заңды тұлғаларға - 90 мұрағаттық анықтамалар, бұйрық үзінділері және құжаттар көшірмелері берілді.
Мемлекеттік қызметті алуға қол жетімділігін қамтамасыз ету мақсатында ақпараттық жүйе және байланыстың үзіліссіз жұмысы қамтамасыз етіліп, қызметтерді сапалы және уақытылы орындау тәртібі қатаң бақылауға алынған. Өз кезегінде, Қызылорда облысы полиция департаментіне жүгінген тұрғындар жақын туыстарына қатысты аса маңызды ақпараттарды ала отырып, мұрағат қызметкерлерінің жұмысын жоғары бағалауда.
<figure class="image"><img src="https://knadmin.beoblood.kz/uploads/policziya_arhiv1_e4a3f63892.jpg" alt="полиция архив1.jpg"></figure>

Қазақстан және Қызылорда облысының жаңалықтары