Kyzylorda-news.kz. Oблыс әкімі Нұрлыбек Нәлібаевтың төрағалығымен кадрлық өзгерістерге байланысты актив отырысы өтті. Жиынға облыс әкімінің орынбасарлары, басқарма және басқа да салалық мемлекеттік орган басшылары қатысты.Аймақ басшысы Қызылорда облысы бойынша Ішкі мемлекеттік аудит департаменті басшысы қызметін атқарған Марат Егембердиевтың ротация тәртібімен Жамбыл облысына департамент басшысы ретінде тағайындалуына байланысты жаңа қызметіне сәттілік тілеп, облысымыздың ең жоғарғы марапаты «Құрмет грамотасын» табыстады.<blockquote>«Марат Темірбекұлы 2019 жылдың тамыз айынан бастап осы кезге дейін Қызылорда облысы бойынша Ішкі мемлекеттік аудит департаментінің басшысы қызметін абыроймен атқарып, аз уақыт ішінде өзін іскер басшы, білікті маман ретінде көрсете білді. Қызмет атқарған жылдары аймақтағы мемлекеттік аудит органдары қызметінің ашықтығын қамтамасыз етіп, экономика саласының кәсіби маманы ретінде бюджет қаржысының мақсатты әрі тиімді жұмсалуына атсалысты. Жаңа қызметіңізге сәттілік тілеймін», - деді Н.Нәлібаев.</blockquote>Еңбек жолын «Медетші» акционерлік қоғамының экономисі болып бастаған. ҚР Қаржы министрлігінің жүйесінде 2003 жылдан бастап жұмыс істеп, салық және мемлекеттік аудит саласының майталманы ретінде әр жылдары Қызылорда және Маңғыстау облысының салық департаменттерінде және орталық атқарушы органдарда жауапты қызметтерін атқарды.Марат Темірбекұлы департаментке басшылық жасаған уақытта барлығы 523 аудиторлық іс-шара жүргізіліп, нәтижесінде жалпы сомасы 96 млрд. теңгеден астам бұзушылықтар анықталды.Басқосуда облыстық ардагерлер кеңесінің төрағасы Серік Дүйсенбаев Марат Егембердиевтің аймақтың игілігіне абыройлы қызмет еткенін тілге тиек етіп, ақжолтай тілегін арнады.Жиында облыс әкімі ҚР Ауылшаруашылығы министрлігі Жер ресурстарын басқару комитетінің бұйрығымен Қызылорда облысының департаментінің басшысы – жер пайдалану мен қорғау жөніндегі бас мемлекеттік инспектор қызметіне тағайындалған Марат Кушековке сәттілік тілеп, Сыр елінің дамуына аянбай жұмыс істейтініне сенім білдірді.<blockquote>«Марат Жұбатқанұлы өзінің осы кезге дейін алған білімі мен жинаған мол тәжірибесін аймақта жер заңнамасының сақталуы мен бақылауын қамтамасыз етуде, әсіресе, Мемлекет басшысының тапсырмасына сәйкес пайдаланылмай отырған ауыл шаруашылығы жерлерін қайтару жұмыстарына атсалысып, саладағы мәселелерді орнықты түрде шешуде серпінді жұмыстар атқарады деп сенемін», - деді Н.Нәлібаев.</blockquote>Басқосу барысында облыстық қоғамдық кеңес төрағасы Әріп Қожбанов туған жерін дамытуға ниетті Марат Кушековтің сауатты заңгер, іскер басшы екенін айтып, жауапты қызметті абыроймен атқаратынына сенім артып, тілектестігін білдірді.Марат Жұбатқанұлы 1976 жылы Қызылорда қаласында дүниеге келген.Жоғары білімді маман. 1998 жылы Қорқыт ата атындағы Қызылорда мемлекеттік университетін инженер-жерге орналастырушы және 2001 жылы Қазақ мемлекеттік заң академиясын заңгер мамандығы бойынша аяқтаған.Еңбек жолын 1998 жылы Қызылорда облысының жер ресурстарын басқару комитетінде бас маман ретінде бастап, 2001-2002 жылдары Қызылорда облысы әкімінің аппаратында жетекші маман қызметін атқарды.2002-2012 жылдары Қызылорда облысының жер ресурстарын басқару комитеті төрағасының орынбасары, Қызылорда облысының жер қатынастары басқармасының басшысы қызметтерін абыроймен атқарды.2012-2019 жылдары кәсіпкерлік, өндіріс кәсіпорындарында басшылық қызметтерді атқарды.2019-2022 жылдары «Мемқалақұрылыскадастры» республикалық мемлекеттік кәсіпорны Қызылорда филиалының директоры, «Азаматтарға арналған үкімет» Мемлекеттік корпорациясының Қызылорда филиалының жер кадастры басқармасының басшысы.2022 жылдың 17 қазанына дейін Қазақстан Республикасы Ауыл шаруашылығы министрлігінің Жер ресурстарын басқару комитетінің Жердің пайдаланылуы мен қорғалуын мемлекеттік бақылау басқармасының бас сарапшысы қызметін атқарып келді.<img src="https://knadmin.beoblood.kz/uploads/312516903_418766470444603_2724806419503815019_n_43f8d12136.jpg" alt="312516903_418766470444603_2724806419503815019_n.jpg"><img src="https://knadmin.beoblood.kz/uploads/313360695_418766603777923_6526335450701515275_n_7811a2aa8a.jpg" alt="313360695_418766603777923_6526335450701515275_n.jpg">

Департаменттің жаңа басшысы таныстырылды

Kyzylorda-news.kz. 30 қазанда Қазақстан аумағының басым бөлігінде атмосфералық фронттардың әсерінен күн райының құбылмалы сипаты күтіледі – жаңбыр мен қар түрінде жауын-шашын болады.Тек Ақмола, Солтүстік Қазақстан, Шығыс Қазақстан облыстарында солтүстік-батыс антициклонының әсерінен жауын-шашынсыз ауа райы сақталады. Республика бойынша тұман, көктайғақ, желдің күшеюі болжанады. Бұл туралы Қазгидромет хабарлайды.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, барлық деңгейдегі әкімдер жыл бойы халықпен кездесулер өткізіп, кездесу барысында халықты толғандыратын әлеуметтік мәселелерге баса назар аударып, туындаған мәселелерді шешудің жолдарын түсіндіруді және қарастыруды тапсырған болатын. Осы ретте, Шиелі ауданының әкімі Нұржан Сәбитұлы Жаңатұрмыс, Иіркөл, Бәйтерек, Қарғалы ауылдық округтерінің тұрғындарымен кездесу өткізіп, ұсыныс-пікірлерін тыңдады.&nbsp;Кездесу барысында аудан басшысы үш ай бұрынғы кездесуде көтерілген мәселелерге тоқталып, алдағы уақытта ауылдарды дамытуға арналған жоспары туралы тұрғындарды ақпараттандырды.&nbsp;Келелі кездесуге ауыл тұрғындары, ауылдың абыз ақсақалдары мен ақ жаулықты аналары, зиялы қауым өкілдері, Шиелі ауданының прокуроры Нұрбек Қаратаев, аудандық мәслихат хатшысы Т.Жағыпбаров, аумақтары бойынша ауылдық округтерге жауапты аудандық мәслихат депутаттары мен тиісті мекеме басшылары қатысты.&nbsp;Жаңатұрмыс ауылдық округінде өткен кездесуде, аудан әкімі Нұржан Ахатов 3 ай бұрын ауылдық округте өткен жиында көтерілген А.Қазыбаев, Т.Нәлібаев көшелеріне ағымдағы жөндеу жұмыстарын жүргізу, Байсын елді мекеніне қосымша балалар ойын алаңын салу, медициналық пунктке дәрігер штатын бөлу мәселелерінің біртіндеп шешіліп келе жатқандығын айтты.Атап айтар болсақ, ұзындығы – 1,8 шақырым болатын А.Қазыбаев, Т.Нәлібаев көшелерінің ағымдағы жөндеу жұмыстарына аудандық бюджеттен 21 млн теңге бөлініп, жөндеу жұмыстары қараша айында аяқталмақ. Ал балалар ойындарын соғу мәселесіне келер болсақ, қазіргі таңда Байсында көлемі 900 ш.м. болатын балар және футбол ойын алаңдарының құрылысы жүруде. Мұнан бөлек өткен кездесуде сөз болған ауылдағы медициналық пунктке дәрігер штатын бөлу мәселесі де оң шешімін тауып, арнайы білікті дәрігер бөлінген. Тағы бір айта кетерлігі, ауыл тұрғындары жылдар бойы тағатсыздана күткен, 1965 жылы қабырғасы қаланған ескі мектептің орнына, жаңа мектеп ғимаратын салу мәселесі де шешімін тауып отыр. Осы мақсатта 250 орындық мектептің құрылысына 762 млн теңге қаржы қаралып, құрылыс жұмыстары басталып та кеткен.Иіркөл ауылдық округіне келер болсақ, мұнда бірнеше ай бұрын өткен кездесуде Ыбырай Жақаев ауылынан тозығы жеткен трансформаторды ауыстыру, №149 мектептің жылу қазандығын газға көшіру мәселелері тұрғындар тарапынан айтылған болатын.&nbsp;Нәтижесінде, тозығы жеткен трансформаторды ауыстыруға жергілікті бюджеттен 3,6 млн теңге бөлініп, сатып алу конкурсын жеңіп алған «Кентауский трансформаторный зауыты» трансформаторды қараша айында орнататын болады. Ал Ыбырай Жақаев ауылындағы №149 мектептің жылу қазандығын реконструкциялап, газға көшіру үшін облыстық бюджеттен қаржы бөлініп, мектеп толықтай газға көшірілген.&nbsp;Бәйтерек ауылдық округі тұрғындарымен кездескен аудан әкімі өткен кездесуде тұрғындар тарапынан көтерілген мәселелерге тоқталып, шешімін тапқан мәселелерді атап өтті.&nbsp;Мәселен, тұрғындар көтерген балалар ойын алаңын, жабық спорт кешенін және ашық спорт алаңын салу ұсынысына қатысты, 13 млн. теңгеге жобалық сметалық құжаттар әзірленіп, аудандық экономикалық, бюджеттік жоспарлау бөліміне ұсынылған. Сонымен қатар, жабық спорт кешенін салуға демеушілер қарастырылуда. Ал Айдосов, Мырзалиев, Молдағұлова көшелерін сапалы электр жарығымен қамтамасыз ету үшін, жергілікті бюджеттен 3,6 млн. теңгеге жаңа трансформатор сатып алынып, қараша айында орнатылмақ.&nbsp;Қарғалы ауылдық округінде өткен аудан әкімінің халықпен кездесуінде де өткен тоқсандық жиында айтылған мәселелердің шешілу барысына мән берілді.&nbsp;Дәлірек айтар болсақ, тұрғындар тарапынан көтерілген Б.Айтуғанов көшесіне көше жарығын орнату, елді мекенге аяқ су жеткізу мәселелері оң шешімі тапқан. Қарғалы елді мекені тұсынан Сырдария өзенінің үстіне өтетін көпір салу мәселесіне қатысты техника-экономикалық негіздеме әзірлеуге қаржы қаралып, соның негізінде көпір құрылысы қаржыландырылатын болады.<figure class="image"><img src="https://knadmin.beoblood.kz/uploads/shieli1_47f025b846.jpg" alt="шиели1.jpg"></figure>

Шиелі ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Балалар мен жасөспірімдер арасында психикалық ауруға шалдыққандар саны өткен жылмен салыстырғанда 14 процентке өскен. Елорданың өзінде 3 мыңға жуық бала ресми тіркеуде тұр. Олардың қатары пандемиядан кейін арта түсіпті.Астана қаласы бойынша 19 мың адам психикалық ауруға шалдыққан. Оның 3 мыңға жуығы 18 жасқа толмаған балалар. Жүйкесі сыр берген 440 жасөспірім қазір шаһардағы психикалық орталықта емделіп жатыр.<blockquote>"Бізді мазалап отырған жәйт, бұл балалар мен жасөспірімдер арасындағы психикалық ауытқулардың өсуі. 14-15 пайызға өсіп отыр", - дейді қалалық психикалық денсаулық орталығы директорының міндетін атқарушы Гауһар Бектаева.</blockquote>Елімізде психикалық денсаулық "қазаны" жабулы күйде тұр. Кейбірі, тіпті, мұндай аурудың бар екенін де білмейді. Енді бірі баланың бойындағы өзгерісті байқай тұра, психотерапевт көмегіне жүгінуді ұят санайды. Салдарынан бүкіл әлемде бұл дерттің жастар арасында таралуы үдей түсті, дейді дәрігерлер.<blockquote>"Себебі көбі психотерапиялық денсаулыққа назар аудармайды. Көбі теріс тәрбие алады. Мысалы, біздің халықта "шыда" дейді. Әртүрлі күйзелістер болса, әртүрлі қиыншылықтар мен психотерапиялық соққылар алып отырса да, ол адам шыдайды", - дейді қалалық психикалық денсаулық орталығының дәрігері Тоқтар Қойшыбеков.</blockquote>Психолог Лаура Жексембаева керісінше, қазір психологтың көмегіне жүгінетін ата-ана қатары артқанын айтты. Бірақ барлық отбасы емес, жастар ғана жүгінетінін жеткізді.<blockquote>"25-35 жас аралығындағы ата-аналар қазіргі балалардың психикалық жағдайына көбірек көңіл бөлуде. Психологқа жүгініп, алып келеді. Тіпті, баланың мінез-құлқында бір оңашалану, араласпай қою, сондай өзгешеліктерді байқаса бірден психологқа әкеліп жатады. Ал 35 жастан асқан ата-аналар кішкене қиындау. Олар оны қалыпты жағдай деп есептейді көбінесе немесе менің балам дұрыс емес, өзі сондай, әдейі істейді деп ойлайды", - дейді ол.</blockquote>Мамандар жағдайға нақты не себеп болып отырғанын айта алмады. Дегенмен балаға ата-ана тарапынан көңіл бөлінбеудің де салқыны тиіп жатыр деп есептейді. Мұны елордалық Серік Төкеев та құптайды.<blockquote>"Үйге барсаң бала бір телефонда, әйелің бір телефонда, басқалар бәрі бір-бір телефонда отырады. Бұрынғыдай "общение" жоқ. Бала тәрбиесіне әсері осы деп ойлаймын. Мысалы, балаға көп көңіл бөлу керек қазір", - дейді ол.</blockquote>Жүйкесі сыр берген жасөспірім қылмыс жасап, керек десең өз-өзіне қол жұмсаудан да тайынбайды. Сондықтан мамандар ата-аналарға баласының бойынан қандай да бір оғаш қылықты, ауытқуды байқаса, бірден дәрігер кеңесіне жүгінуді ұсынады. Бұл оқыс жағдайдың алдын алудың алғышарты екенін ескертеді.

Елде жүйкесі жұқарған бала көбейген – мамандар дабыл қағып отыр

<a href="https://kyzylorda-news.kz/">Kyzylorda-news.kz.</a> Бүгін «Достық» үйінің мәжіліс залында «Сыр баспасөзіндегі 1960-1980 жылдар: редактор Қалқабай Әбеновтің рөлі» атты ғылыми-танымдық конференция өтті.&nbsp;Модератор облыстық мәслихат хатшысы Наурызбай Байқадамов. Облыс әкімінің орынбасары Нұрымбет Сақтағанов «Қаламгер-қайраткер Қалқабай Әбеновтің өмір жолы мен қайраткерлік қарымы» тақырыбында баяндама жасады. «Журналистік шеберлік және дәстүр сабақтастығы» тақырыбында Қорқыт ата атындағы Қызылорда университетінің профессоры, филология ғылымдарының кандидаты Ғабит Тұяқбаев баяндады. Ал «Сыр медиа» ЖШС бас директоры, Қазақстан Журналистер Одағының облыстық филиал төрағасы «Сыр бойы» газеті және деректер дәйегі тақырыбында редактор еңбек еткен жылдардағы тарихи оқиғаларға тоқталып, оған қосқан редактордың үлесін айрықша атап өтті.Облыстық тарихи өлкетану музейі қор бөлімінің меңгерушісі Аманкүл Нұржанова «Қалқабай Әбенов музейде болған жылдар» тақырыбында өткен күндерден ерекше сәттерді ортаға салды.Басқосуда қаламгер Қалқабай Әбенов туралы ардагер-журналист, Қазақстанның Құрметті журналисті Қайырбек Мырзахметұлы, қоғам қайраткері Шәкізат Төребаев естеліктерімен бөлісті.<figure class="image"><img src="https://knadmin.beoblood.kz/uploads/konf_440f18c3a3.jpg" alt="конф.jpg"></figure>

Қызылордада редактор Қалқабай Әбеновтің 100 жылдығына орай конференция өтті

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;

Президент сайлауы: Әр адамның дауысы маңызды

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов кәсіби мерекеге орай әлеуметтік қорғау саласы қызметкерлерін қабылдады.Халықты әлеуметтік қорғау - әрбір азамат пен жалпы қоғамның ортақ мүддесі. Кәсіби мерекеге орай аудан әкімі әлеуметтік қорғау саласы қызметкерлерін қабылдап, құрмет көрсетті.<blockquote>«Күн сайын Сіздер зейнеткерлерге, жан жылуын, адамзат мейірімін күтетін қамкөңіл жандарға, көп балалы отбасыларға, табысы аз азаматтарға көмек қолын созып келесіздер. Әлеуметтік жұмыс - тек білім мен білікті ғана емес, басқа адамның ауырсынуын түсіну және сезіну үшін адами қасиеттерді &nbsp;талап ететін ерекше мамандықтардың бірі. «Мейірім жүректен шығады, пейіл тілектен туады» - дейді халық даналығы. Осы салада жеткен жетістіктердің барлығы – ізгілік пен адамгершілікті ту еткен Сіздердің еселі еңбектеріңіздің, халық алғысының жемісі. Айналасынан жәрдем күткен азаматтардың қайғысы мен қиындығын бөлісіп, бірге еңсеруге аянбай еңбек етіп жүрген Сіздердің әрбіріңіз құрметке лайықтысыздар!», - деді аудан басшысы Асқарбек Темірбекұлы құттықтау сөзінде.&nbsp;</blockquote>Қабылдауда сала ардагерлері, қызметкерлер облыс, аудан әкімінің алғыс хатымен, Қызылорда облысының жұмыспен қамтуды үйлестіру және әлеуметтік бағдарламалар басқармасының алғыс хатымен, аудан әкімінің құттықтауымен марапатталды.&nbsp;Қабылдауда аудандық мәслихат хатшысы Гүлзат Ердәулетова, аудандық экономика және бюджеттік жоспарлау бөлімінің басшысы Жұпар Баймаханова, сала ардагері Тынымкүл Алмағанбетова сөз сөйлеп, әлеуметтік қорғау саласы қызметкерлерін мерейлі мерекемен құттықтады. Қиын да қажетті мамандық бойынша жасап жүрген табысты қызметтеріне ризашылықтарын білдірді.<figure class="image"><img src="https://knadmin.beoblood.kz/uploads/zhalagash1_3ac5f6195f.jpg" alt="жалагаш1.jpg"></figure>

Асқарбек Есжанов әлеуметтік қорғау саласы қызметкерлерін қабылдады

<a href="https://kyzylorda-news.kz/">Kyzylorda-news.kz.</a> Елордада өткен «Назарбаев Зияткерлік мектептері» дербес білім беру ұйымының «Оқыту, тәрбиелеу, жақсы көру: Қазақстандағы Балалар жылы» атты XIII Халықаралық ғылыми-тәжірибелік конференцияға Сыр өңіріндегі NIS педагогтері қатысып, педагогикалық іс-тәжірибені зерттеу нәтижелерін таныстырды.&nbsp;«Оқыту, тәрбиелеу, жақсы көру» символикалық атауын алған астаналық педагогикалық форум еліміздегі Балалар жылына орайластырылған басты шаралардың біріне айналды.Конференцияда 1500-ден астам қазақстандық мұғалімдер мен ғалымдар, сондай-ақ Финляндия, Ұлыбритания, Корея, Эстония, Ресей, Сингапур, Нидерланды, Жапония, АҚШ, Австралия, Португалия, Испания, Мальта және Болгария елдерінің белгілі педагогтері бас қосты.Астаналық форумның күн тәртібінде ақпараттық қоғам контекстіндегі функционалдық сауаттылық, жас мұғалімнің кәсіби дамуы, қалыптастырушы бағалау саласындағы инновациялар, мектепте жайлы орта құру, инклюзивті және дербестендірілген оқыту, цифрлық мұғалімнің миссиясы және білім беру процесіне жасанды интеллектті енгізу, сондай-ақ, басқа да жаһандық педагогикада сұранысқа ие басымдықтарға мән берілді.Конференцияның жарқын сәттерінің бірі – Нидерландыдағы сараптама және сертификаттау зерттеу орталығының «Назарбаев Зияткерлік мектептері» дербес білім беру ұйымына конкурстық іріктеуді аккредиттеу туралы RCEC сертификатын табыстау рәсімі болды.<blockquote>«Бұл NIS-тің әлемдік білім берудегі жаңаша мойындалуы, ол әділдіктің, сенімділіктің, объективтіліктің жоғары стандарттарын, сондай-ақ конкурстық іріктеу жүйесінің халықаралық талаптарға сәйкестігін растайды», – деп атап өтті Қазақстан астанасындағы конференцияға сертификатты өзі табыстау үшін арнайы келген RCEC директоры Арнольд Дж.Брауэр.</blockquote>Сонымен қатар дәстүрлі конференция алаңында NIS-тің «Қазақстан халқына» қоры және «Aitas KZ» холдингімен бірігіп іске асырып жатқан «Ауылдық жердегі тірек мектептердің әлеуетін дамыту» ауқымды жобасының қатысушыларына паспорт табысталды.2022 жылғы Халықаралық конференцияның басты мазмұндық сипаттамасы – қазіргі білім берудегі негізгі трендтерге тәжірибелік тұрғыдан назар аудару. &nbsp;Сырбойылық педагог Зауреш Манабаева &nbsp;панельдік пікірталаста мұғалімнің кәсіби капиталына, ең алдымен, тікелей оның тәжірибесін көрсететін «Action Research» және «Lesson Study» зерттеудің маңызды екеніне тоқталды. &nbsp;&nbsp;<blockquote>«Біз әріптестерімізбен бірге ағылшын тілі сабағында жазылым дағдысын &nbsp;жақсарту жолдарын қарастырып, &nbsp;ой бөлістік. Конференция бағдарламасы өте мазмұнды және қызық болды. 15 елдің білім саласының &nbsp;сарапшыларын тыңдап, инклюзивті білім беру бағытында өзекті мәселелерге жауап алдым», – дейді ол.</blockquote>Сұранысқа ие секциялар қатарын балаларға қауіпсіз және жайлы орта – қала, ауыл, мектеп құруға бағытталған арнайы отырыстар толықтырды.&nbsp;<blockquote>«Жаһандану заманында балалардың жан-жақты дамуына қатысты маңызды сұрақтар қаралып, тың идеялар айтылды. Бұл бірегей шарада әлемдік, отандық ғалымдар балаларды қалай оқыту, тәрбиелеу және жақсы көру бағытында көзқарастарын білдіріп, кеңестерін берді», – деп бөлісті алған әсерімен &nbsp;қызылордалық ата-ана Зауре Абуова.&nbsp;</blockquote>Он жыл ішінде дәстүрлі NIS конференциясы әлемдік білім берудегі жаһандық трендтер бойынша стратегиялық шешімдердің талданатын және қабылданатын ең беделді халықаралық алаңдардың бірі ретінде танылды.<figure class="image"><img src="https://knadmin.beoblood.kz/uploads/nish_dcdb6b42a8.jpg" alt="ниш.jpg"></figure><figure class="image"><img src="https://knadmin.beoblood.kz/uploads/nish1_1a8de42ca9.jpg" alt="ниш1.jpg"></figure><figure class="image"><img src="https://knadmin.beoblood.kz/uploads/nish2_97161089bf.jpg" alt="ниш2.jpg"></figure><figure class="image"><img src="https://knadmin.beoblood.kz/uploads/nish3_326a7dbc53.jpg" alt="ниш3.jpg"></figure>

Қызылордадағы NIS ұстаздары халықаралық конференция мінберінде тәжірибесімен бөлісті

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.

20 қарашада Президент сайлауы өтеді

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың халықпен кездесуі Майдакөл, Ақжона және Алға ауылдық округтерінде өтті.Ауыл тұрғындарымен кездесуде Мұхтар Әуесұлы алдымен ауданда атқарылған игілікті істерді тілге тиек етіп, алдағы жоспарымен бөлісті. Сонымен қатар, үшінші тоқсанның қорытындысымен өткен кездесуде көтерілген мәселелердің орындалу барысымен таныстырды.Еркін форматта өткен кездесулерде негізінен халықтың ой-пікірлерін, олардың мұң-мұқтаждарын тыңдауға маңыз берілді.&nbsp; Бекарыстан би ауылдық мәдениет үйінде өткен басқосуда Елемес Абашов елді мекеннен аурухана салу мәселесін көтерді. Ал, ауылдық әйелдер кеңесінің төрайымы Құралай Бекжанова ауданда атқарылып жатқан жұмыстардың ауқымды екенін айтып, алғысын білдірді. Сондай-ақ, елді мекен көшелері асфальтталып, жарықшамдар орнатылғанын да мақтанышпен жеткізді.Майдакөл ауылының тұрғындары да елді мекенде атқарылған жұмыстарға дән риза екенін жеткізіп, оған бірнеше себеп бар екенін атап айтты. Өткен жылы ауылдағы ауыз су сервистік желіге қосылып, елді мекендегі электр желілері мен бағаналар жаңартылды. Биыл ауылдың орталық көшесі асфальтталды.Аудан әкімімен өткен кездесуді майдакөлдіктер алдымен алғыс айтудан бастады.&nbsp;Мұнан соң ауыл маңындағы каналдарда судың жоқ болуы халыққа қиындық туғызып отырғанын жеткізді. Ауылдық ардагерлер кеңесінің төрағасы Нұрадин Пәуеш елді мекенде қолындағы қос кейуананы бағып-қағып отырған келінді тұрақты жұмысқа орналастыру жөнінде ұсыныс айтты.&nbsp;Кеңес Одағының батыры Үрмәш Түктібаев атындағы ауыл тұрғындары да бірнеше мәселелерді аудан әкімі Мұхтар Оразбаевтың назарына ұсынды.Олардың қатарында елді мекендегі ішкі көшелерді асфальттап, жарықшамдар орнату, жайылымдылық жерлерді суландырып, скважина қазу, жаңадан асфальтталған көшеге жол кедергісін орнату және тағы басқа да мәселелер бар. Тұрғындар тарапынан көтерілген әрбір мәселеге аудан әкімі Мұхтар Оразбаев жеке-жеке тоқталып, барлығына жауап берді.Кейбір мәселелерге байланысты тиісті бөлім мен мекеме-кәсіпорын басшылары да түсініктеме беріп, атқарылып жатқан жұмыстармен таныстырды.Кездесулерден соң аудан әкімі Мұхтар Оразбаев пен аудан прокуроры Дарын Әбіш тұрғындарды жеке мәселелері бойынша қабылдап, ұсыныс-пікірлерін тыңдады.Сондай-ақ, елді мекендердегі білім ордаларына арнайы барып, мектептердің жай-күйімен танысты. Ү.Түктібаев ауылына сапары кезінде Мұхтар Әуесұлы елді мекенде салынып жатқан спорт кешеніне арнайы барып, құрылыстың барысын көрді. Мердігер мекеменің жауапты қызметкерлері мен тиісті сала басшыларына құрылыс жұмыстарын сапалы аяқтауды тапсырды.Халықпен кездесуге аудан прокуроры Дарын Әбіш, аудандық мәслихат хатшысы Бақытжан Жарылқап, облыстық мәслихат депутаты Мнажадин Өтеев және бірқатар дербес бөлім мен мекеме-кәсіпорын басшылары қатысты.<figure class="image"><img src="https://knadmin.beoblood.kz/uploads/kazaly_4ea473f900.jpg" alt="казалы.jpg"></figure><figure class="image"><img src="https://knadmin.beoblood.kz/uploads/kazaly2_c4350920dc.jpg" alt="казалы2.jpg"></figure>

Қазалы ауданының әкімі ауыл тұрғындарының ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.

Әркімнің дауысы маңызды

<a href="https://kyzylorda-news.kz/">Kyzylorda-news.kz.</a> Сыр елінде жазушы Кемел Тоқаев атындағы V республикалық детектив шығармалар байқауын қорытындылаған салтанатты шара өтті.&nbsp;Биыл дүбірлі доданың бесінші мәрте жалауы желбіреп, еліміздің барлық өңірлеріндегі шытырман шығарма шеберлерінің басын қосты. Айтулы шараға облыс әкімінің орынбасары Нұрымбет Сақтағанов арнайы келіп, республикалық байқаудың маңыздылығына тоқталды.&nbsp;<blockquote>«Қазақ детектив жанры – екінің бірі бара бермейтін қызықты әрі күрделі жанр. Сол себепті еліміздің түкпір-түкпірінен жиналған тың туындылар қандай марапатқа ие болса да лайық. Шытырманға толы ерекше шығармашылығын ұсынған барлық қатысушыларға алғыс айтамыз», - деді облыс әкімінің орынбасары Нұрымбет Сақтағанов.</blockquote>Салтанатты шарада «Заң» медиа-корпорациясы ЖШС директоры Досымбек Өтеғалиев республикалық сайыстың қорытындысын баяндады. Сонымен қатар, шығармашылық байқаудың дәстүрлі түрде жыл сайын жалғасатынын тілге тиек етті.<blockquote>«2018 жылы алғаш рет біз детектив жанрын ілгерлету мақсатында республикалық байқау жариялаған болатынбыз. Содан бері жыл сайын қатысушылар саны артып, көптеген детектив жанрындағы шығармалар ұсынылды. Биыл үш жарым ай ішінде 106 шығарма бізге келіп түсті. Әр шығарма өзінің ерекшелігімен әрі қылмыс ашудағы қызықты оқиғалармен тамсандырды. Сол үшін де үздіктерді анықтау қиынға соқты. Баршаларыңызға сәттілік тілеймін», - деді Досымбек Қонысбекұлы.</blockquote>Байқау қорытындысы бойынша «Оқырман таңдауы» номинациясымен «Алқаракөк» шығармасы үшін Алматы қаласының тұрғыны Дидар Қосылбеков, жүлделі III орын «Түтін» шығармасы үшін Астана қаласының тұрғыны Айгүл Кемелбаева, жүлделі III орынмен «Оралманның ойраны» шығармасы үшін Қызылорда қаласының тұрғыны Тұрақ Ахетов, жүлделі II орынмен «Тылсым түннің қүпиясы» шығармасы үшін Ақтөбе облысының тұрғыны Бақыт Жалиева, жүлделі II орын «Тамұқтан жеткен үн» шығармасымен Алматы облысының тұрғыны Нұрлан Шынтаев, I орынмен «Үтіктегі қан» шығармасы үшін Қызылорда облысының тұрғыны Алдажар Әбілов марапатталды. Ал бас жүлде Жетісу облысының тұрғыны Асхат Өмірбаевтың «Қылмыскердің күлкісі» шығармасына бұйырды.<figure class="image"><img src="https://knadmin.beoblood.kz/uploads/313352669_1653082905087215_7780923997077715707_n_078d4682b2.jpg" alt="313352669_1653082905087215_7780923997077715707_n.jpg"></figure><figure class="image"><img src="https://knadmin.beoblood.kz/uploads/313365129_1653082941753878_5237758059341014850_n_10e765ff01.jpg" alt="313365129_1653082941753878_5237758059341014850_n.jpg"></figure>

Қазақстан және Қызылорда облысының жаңалықтары

Департаменттің жаңа басшысы таныстырылды

Жексенбіге арналған ауа райы болжамы

Шиелі ауданының әкімі ауыл тұрғындарымен кездесті

Елде жүйкесі жұқарған бала көбейген – мамандар дабыл қағып отыр

Қызылордада редактор Қалқабай Әбеновтің 100 жылдығына орай конференция өтті

Президент сайлауы: Әр адамның дауысы маңызды

Асқарбек Есжанов әлеуметтік қорғау саласы қызметкерлерін қабылдады

Қызылордадағы NIS ұстаздары халықаралық конференция мінберінде тәжірибесімен бөлісті

20 қарашада Президент сайлауы өтеді

Қазалы ауданының әкімі ауыл тұрғындарының ұсыныс-пікірлерін тыңдады

Әркімнің дауысы маңызды

Кемел Тоқаев атындағы V республикалық детектив шығармалар байқауының жүлдегерлері марапатталды