Kyzylorda-news.kz. Қызылорда облысында көше бойында соқтығысқан екі көлік толығымен жанып кетті, деп хабарлайды ҚазАқпарат.Оқиға 29 қазан күні сағат 10.40-та Шиелі кентіндегі Жолдасбеков және Ергешбаев көшелерінің қиылысында болған. Көше бойында соқтығысқан екі көлік те өртке оранды.<blockquote>«Оқиға орнына №13 өрт сөндіру бөлімінен 5 қызметкер 1 техникамен барды. Cоқтығысу салдарынан «Audi 100» және «Daewoo Nexia» көліктері толығымен жанып кетті. Өрт сөндірілді. Оқиғадан қаза болғандар және зардап шеккендер жоқ», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінен.</blockquote>

Шиеліде соқтығысқан екі көлік жанып кетті

Kyzylorda-news.kz. Елімізде қазан айының соңғы жексенбісі әлеуметтік қызметкерлер күні болып бекітілген.Қазіргі таңда Арал ауданда әлеуметтік қорғау жүйесін дамытуда 101 қызметкер жұмыс жасауда.Кәсіби мерекеге орай әлеуметтік қорғау жүйесінің қызметкерлері арасында спорт түрлерінен жарыс өткізілді. Спорттық жарыстың ашылуына аудан әкімінің орынбасары Кете-Төлеби Бержанов қатысты.&nbsp;<blockquote>«Баршаңызды кәсіби мерекелеріңізбен шын жүректен құттықтаймын! Қажырлы еңбектеріңіздің нәтижесінде қаншама қиын жағдайға душар болған азаматтар қолдау тауып, еңселерін тіктеуде. Мұндай игілігі мол қызметтеріңіз құрметке әбден лайық. Күнделікті жұмыстан бір сәт сергіп, қызметкерлердің команда болып, спорттық сайыстарда сынға түсуі көпке үлгі боларлық жағдай», - деген аудан әкімінің орынбасары қатысушыларға сәттілік тіледі.</blockquote>Аудандағы әлеуметтік қызметкерлер спорттың волейбол, арқан тарту, гір көтеру, асық ату, бес тас, қол күрес және эстафета түрлерінен өзара бақ сынасты.Жарыс қорытындысы бойынша үздік нәтиже көрсеткен «Сұңқар» тобы жеңімпаз болып табылса, «Достық» тобы жүлделі II орынды, «Арал қаласына 95 жыл» тобы III орынды иеленді.<img src="https://knadmin.beoblood.kz/uploads/311660108_3400392503622445_2937062101929923705_n_3158218f51.jpg" alt="311660108_3400392503622445_2937062101929923705_n.jpg"><img src="https://knadmin.beoblood.kz/uploads/311586765_3400392366955792_5589646248599218878_n_6c1fad8f09.jpg" alt="311586765_3400392366955792_5589646248599218878_n.jpg"><img src="https://knadmin.beoblood.kz/uploads/312057364_3400391610289201_6343065990764833249_n_556d994597.jpg" alt="312057364_3400391610289201_6343065990764833249_n.jpg">

Аралда әлеуметтік қызметкерлер спорт түрлерінен сайысқа түсті

Kyzylorda-news.kz. &nbsp;Қазақстан Республикасының Президенттігіне кандидат Жигули Дайрабаев Ақтөбе облысының сайлаушыларымен кездесті. Аймақтың тыныс-тіршілігімен танысты. Кандидат жұртшылықпен тілдесе отырып, өзінің сайлауалды бағдарламасының негізгі бағыттарына да тоқталды.Ақтөбе облысы өнеркәсіпті өңір болғанымен халқының жартысына жуығы ауыл шаруашылығымен айналысады. Бұл жолғы кездесуде &nbsp;АӨК ішіндегі салалар, атап айтқанда, мамандарды даярлау көбірек қарастырылды. Басқосу Ақтөбе қаласының ауыл шаруашылығы колледжінде өтті. Кандидат колледждің оқытушыларымен кездесті. Қазіргі таңда еңбек нарығында дефицит болған мамандықтар туралы сөз қозғалды. Президенттікке кандидат жас кадрларды даярлаудың маңыздылығы туралы айтты.&nbsp;<blockquote>«Аграрлық державаның құрылуы өңірлерде жұмыс істеуге және агробизнестің жаңа түрлерін біріктіруге дайын жаңа, білімді жастарды қалыптастыруды талап етеді. Қазір колледждерде, менің пікірімше, еңбек адамы болып саналатын механизаторлар дайындалып жатыр. Егер &nbsp;менің бағдарламам жүзеге асырылған жағдайда болашақта олар жоғары мәртебеге ие болатынына сенімдімін», – деді ұстаздар алдында сөз сөйлеген Жигули Дайрабаев. &nbsp; &nbsp; &nbsp; &nbsp;&nbsp;</blockquote>Кандидат одан кейін Қарғалы ауданына ат басын бұрып, ондағы аймақта жергілікті көкөністерді сақтау үшін салынған нысан – көкөніс қоймасының жұмысымен танысты. Көкөніс қоймасы мәселесі кезінде өңірде өте өткір болды. Өнім өндірушілер жергілікті әкімдік басшысы – аудан әкімнің қолдауымен осы нысанды салуға қол жеткізді. Нысанның пайда болуы көптеген мәселені шешті. Қазір ол көкөністермен жұмыс істейтін шаруашылықтарға қызмет етеді. Бұл қаладағы бағаға да айтарлықтай әсер етті. &nbsp;Бүгінде көпшілік осындай көкөніс қоймалары желісін арттыруға мүдделі. &nbsp;<blockquote>«Тауар өндірушіде сақтау және сату мәселесі ешқашан болмауы үшін мұндай нысандар әр ауданда болуы керек», – деді Жигули Дайрабаев.</blockquote>Кандидат бұдан кейін шаруашылықтарға барып, мәдениет үйінде аудан тұрғындарымен кездесті. Кездесуге жетпіске жуық адам қатысты. Жиынға жиналғандар алдында кандидат өз бағдарламасы туралы айтты.&nbsp;Жиын соңында кандидатты оның әріптестері – фермерлер туған күнімен құттықтады. Иығына шапан жауып, ақ жол тіледі. Кандидат саяси додада табаны таймау үшін ырымдап, ат тағалады.&nbsp; &nbsp;<img src="https://knadmin.beoblood.kz/uploads/IMG_20221030_WA_0013_1cedb63e5d.jpg" alt="IMG-20221030-WA0013.jpg"><img src="https://knadmin.beoblood.kz/uploads/IMG_20221030_WA_0017_2b547a6882.jpg" alt="IMG-20221030-WA0017.jpg"><img src="https://knadmin.beoblood.kz/uploads/IMG_20221030_WA_0014_671e0b39f6.jpg" alt="IMG-20221030-WA0014.jpg"><img src="https://knadmin.beoblood.kz/uploads/IMG_20221030_WA_0025_3b1ad759b9.jpg" alt="IMG-20221030-WA0025.jpg">

Жигули Дайрабаев: Менің бағдарламам жүзеге асса, механизаторлар жоғары мәртебеге ие болады

<a href="https://kyzylorda-news.kz/">Kyzylorda-news.kz.</a>&nbsp; Президенттікке үміткер Салтанат Тұрсынбекова бұған дейін Ақмола және Қарағанды ​​облыстарында болды. Сонымен қатар, басқа өңірлерде де жұмысты жергілікті штабтар қатар жүргізіп жатыр.Көшелерге плакаттар ілініп, азаматтарға үнпарақтар таратылып, жергілікті халықпен, ұжымдармен кездесулер белсенді түрде өткізілуде.Мәселен, Атырау облысында жол жиегіне үлкен билбордтар орнатылып қойған, штаб күнделікті жұмыс істеп жатыр. Жамбыл облысында жергілікті штаб басшысы колледжде оқытушылар және студенттермен кездесулер өткізді. Маңғыстау облысында сүт зауытының жұмысшыларымен, Мұнайлы ауданындағы аурухана дәрігерлерімен, құрылыс компаниясының қызметкерлерімен кездесулер жоспарланған.Басқа өңірлерде де кездесулер ұйымдастыру, үгіт материалдарын тарату жұмыстары жалғасуда.Еске салайық, 26 қазанда үміткер сайлау науқаны аясында аймақтарды аралай бастады. Ол Қарағанды ​​облысына бірінші болып барып, құқық қорғаушылармен, заңгерлермен, магистранттармен, сарапшылармен, құқық қорғау және сот жүйесін реформалауға, мүмкіндігі шектеулі жандардың құқықтарын қорғауға атсалысқан түрлі үкіметтік емес ұйымдардың өкілдерімен, сотталғандармен кездесті. Халықтың әртүрлі әлеуметтік осал топтарының өкілдерімен дидарласып, олардың мүдделеріне қажет шараларды талқылады. Кейінірек ол тұрмыстық зорлық-зомбылық құрбандарына көмектесетін дағдарыс орталығында әйелдермен сұхбаттасуға барды.27 қазан күні құқық қорғаушы Ақмола облысына барып, дәрігерлермен дағдарыс орталығында кездесу өткізіп, саладағы өзекті мәселелрді көтерді.31 қазанда ол Шымкентке барып, тігін фабрикасының және қалалық адвокаттар алқасының қызметкерлерімен кездеседі.<img src="https://knadmin.beoblood.kz/uploads/AGITA_Cz_I_Ya_2_701af0aee2.png" alt="АГИТАЦИЯ_2.png">

Президенттікке үміткер Салтанат Тұрсынбекова сайлаушылармен кездесті

Kyzylorda-news.kz. Облыс әкімі Нұрлыбек Нәлібаевтың төрағалығымен өткен төтенше жағдайлардың алдын алу және оларды жою жөніндегі облыстық комиссияның кезекті отырысында бірқатар мәселелер қаралды.Жиында облыс әкімі аппараты басшысының орынбасары Жандос Еркінбек ықтимал су тасқынының алдын алу мәселелері бойынша атқарылуға тиіс жұмыстарды баяндады. Оның айтуынша, жыл сайын өңірде мол суды қауіпсіз өткізу мақсатында қорғаныс бөгеттері мен су шаруашылығы нысандарының ахуалын зерттеп, анықтау жүргізу арқылы жөндеу, күшейту және қалпына келтіру жұмыстары атқарылуда.Аймақ басшысы су деңгейі толысып, мұз қату кезінде қауіпсіздік шараларын сақтап, ең қауіпті деген тұстарды алдын ала анықтау жұмыстарын уақыты жасауды тапсырды. Бұл ретте қажетті техника мен құрал-жабдықтарды әзірлеу жұмыстарын тиянақты түрде орындау керек екенін алға тартты.Отырыста қысқы мұз ұстасу кезеңінде су деңгейі көтеріліп, елді мекендерге, инфрақұрылымға су басу қаупі туындауы ықтимал Арал, Қазалы, Қармақшы ауданының әкімдері баяндама жасады. Сондай-ақ, Арал-Сырдария бассейндік инспекциясы мен «Қазсушар» РМК басшылығы қазіргі су тоғандарында қалыптасқан жағдайды, ал «Қазгидромет» РМК Қызылорда облысы бойынша филиалының директоры алдағы қыс мезгіліндегі ауа райы болжамын сипаттады.Комиссия отырысында қыс мезгіліндегі жол қауіпсіздігі мәселесі де қаралды. Облыстық төтенше жағдайлар департаментінің бастығы Руслан Қайрақбаев пен «ҚазАвтожол» мекемесінің басшысы Ерұлан Жүнісов баяндама жасады.Аймақ басшысы қысқы уақыттағы төтенше жағдайлардың басым бөлігі автожол бойларында орын алатынын қаперге салып, алдағы уақытта ескерілуі тиіс мәселелерді тізбектеді. Оның ішінде, «Қызылорда-Жезқазған» трассасы бойындағы ұялы байланыстың болмауы, автожол бойындағы қар басу қауіпі бар учаскелерді қардан тазалау үшін арнайы техникалар және жылыту бекеттері дайындығы және аймақтағы қалқымалы көпірлердің жағдайы бақылауды қажет етеді.Осыған орай, алдын-ала арнайы техника мен жылыту бекеттерінің дайындығын пысықтап, төтенше жағдайдан зардап шегушілерге көмек көрсету үшін қажетті бұйымдарды әзірлеу тапсырылды. Сондай-ақ, жауапты мекемелерге халықты қауіпсіздік шаралары туралы кеңінен ақпараттандыру бойынша міндет жүктелді.<img src="https://knadmin.beoblood.kz/uploads/311641477_418778977110019_8838681622917399765_n_4ad0614b2e.jpg" alt="311641477_418778977110019_8838681622917399765_n.jpg"><img src="https://knadmin.beoblood.kz/uploads/312571211_418778717110045_4566548129537055049_n_96510b9c32.jpg" alt="312571211_418778717110045_4566548129537055049_n.jpg">

Қыс мезгіліндегі қауіпсіздік шаралары пысықталды 

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен облыстық сайлауалды штабтармен zoom-конференция өткізді. Үміткер үш облыста өткен сапар нәтижелері, республиканың ірі кәсіпорындарының қызметкерлері, студенттер, жас кәсіпкерлер және кәсіподақ мүшелерімен өткен кездесулер жайлы айтты.Өз кезегінде, сенімді тұлғалар өңірлердегі штабтар жұмыстары туралы есеп берді. Онлайн-кездесу барысында сайлау науқанының барысы мен кандидаттың жоспарланған сапарларына қатысты бірқатар мәселелер көтерілді.Күннің екінші жартысында М.Қажыкен кәсіподақтар мен бизнес-қоғамдастық өкілдерімен кездесті. Дөңгелек үстел барысында қатысушылар әлеуметтік әріптестік, еңбек және әлеуметтік қатынастарды реттеу тақырыптарын талқылады.Тараптар бүгінгі таңда үш қатысушы – Үкімет, жұмыс берушілер мен кәсіподақтар бірлестіктері қол қоятын басты келісім, қызметкерлердің мүдделерін жеткілікті деңгейде қорғауды қамтамасыз етпейтінін мәлімдеді.М. Қажыкеннің айтуынша, әлеуметтік әріптестік – азаматтық қоғам факторларының бірі болып табылады.<blockquote>"Әлемдік тәжірибеде екі тарап – жұмыс беруші мен қызметкердің пікірлері бір жерден шықпаса, онда талқылау барысында олар өзара тиімді шешімдерге қол жеткізеді. Осыдан соң олар заң жүзінде, белгілі бір нормалар мен ережелерді қабылдау үшін мемлекетке тең серіктес ретінде көмекке жүгінеді. Бұл біз алдағы уақытта қол жеткізетін, тараптардың қарым-қатынасының жаңа форматы болмақ. Алайда бұл қиын жол, себебі көптеген кәсіпкерлер жұмысшыларға сенбейді және болашақ қызметкерлер де жұмыс берушілерге көп жағдайда сене бермейді. Мұның барлығы өткенде қалуы тиіс, біз бұл тәжірибеден біртіндеп бас тартуымыз керек", - деп атап өтті Президенттікке кандидат.</blockquote>Айта кетейік, 2021 жылдың көктемінде ҚР Үкіметі, жұмыс берушілердің республикалық бірлестіктері және кәсіптік одақтардың республикалық бірлестіктері арасында 2021-2023 жылдарға арналған Басты келісімге қол қойылған еді. Құжаттың негізгі міндеттері – жұмысшыларға қолайлы және қауіпсіз еңбек жағдайларын жасау.<blockquote>"Мен үшжақты келісімнің әлеуеті зор деп санаймын, алайда өкінішке орай, бүгінде ол өзінің мүмкіндіктерін толық пайдалана алмай отыр. Мейрам Қажыкеннің бағдарламасында маған әлеуметтік әріптестік саласындағы мәселелерді шешу үшін, кандидаттың нақты қадамдар ұсынғаны ұнады. Бүгін біз Үкіметтен де, жұмыс берушіден де тәуелсіз, жұмысшылардың мүдделерін нақты қорғай алатын, ауқымды кәсіподақ қозғалысы және жұмыс берушілердің толыққанды өкілі туралы әңгіме қозғадық. Сондай-ақ, біз қазіргі уақытта жасалып жүргендей, еңбек және әлеуметтік қорғау министрі емес, Үкімет атынан Премьер-министрдің өзі қол қоятын үшжақты келісім туралы айттық, бұл – өте маңызды тармақ", - деді ҚР қайталама металлургия өнеркәсібі одағының төрағасы Владимир Дворецкий.</blockquote>Кездесуге қатысушылар қолданыстағы үшжақты басты келісімді мемлекет тарапынан жауапкершілік бөлімінде күшейту қажет деген пікірге келді. Олар, сонымен қатар, бизнес және кәсіподақ өкілдерінің талқылауынан кейін жаңа құжат әзірлеу мүмкіндігін қарастырды.

Мейрам Қажыкен облыстық сайлауалды штабтармен zoom-конференция өткізді

Kyzylorda-news.kz. Алдағы президент сайлауы «BIR TOLQYNDA» жастар диалог алаңының отырысында талқыланды.&nbsp;Астана қаласы мәслихатының депутаты, эндохирургия клиникасының басшысы Салтанат Дженалаева ел болашағы жастардың қолында екенін атап өтті.&nbsp;<blockquote>«Қай заманда болсын, жастар қауымы реформаларды жүзеге асыру ісінің негізгі қозғаушы күші болды. Себебі жастардың бойында жаңа ой, жаңа көзқарас, жаңа мақсат пен ұмтылыс бар. Біз өзгерістер дәуірінде өмір сүріп жатырмыз. Ертеңгі ел тағдыры бүгінгі жастардың қолында», – деді депутат.&nbsp;</blockquote>Өз кезегінде, Астана қаласы мәслихатының депутаты, №6 емхананың бас дәрігері Динара Байсеркина жастар қауымын дауыс беру күні азаматтық ұстаным танытуға шақырды.<blockquote>«Дамудың барлық стратегииқ жоспары, жаһандық барлық мәселелерді шешу міндеті – жастар қауымының ыығына артылған жүк. Олардың ізденуге, жетілуге, дамуға мол мүмкіндігі бар. Еліміз жастардың дамуына бар жағдайды жасайды. Жастарым президентыз сайлауына белсенді қатысатынына толық сенімдімін», – деді ол.&nbsp;</blockquote>Кездесу соңында диалог алаңының модераторы, Халықтық Коалиция белсендісі Арсланбек Мағзұм алдағы сайлау туралы өз пікірін білдірді.&nbsp;<blockquote>«Бәріміз бір шаңырақ астында – ортақ үйіміз Қазақстанда өмір сүріп жатырмыз. Мемлекетіміздің игілігі үшін жан аямай еңбек етеміз. Сондықтан, 20 қарашада әр жас азамат өзінің сайлау учаскесіне келеді деп үміттенемін. Сэбэбі бұл күні біз кандидатқа дауыс беріп қана қоймай, ел тағдырын шешеміз», – деп түйіндеді ол. &nbsp;<img src="https://knadmin.beoblood.kz/uploads/IMG_20221030_WA_0026_844768aea8.jpg" alt="IMG-20221030-WA0026.jpg"><img src="https://knadmin.beoblood.kz/uploads/IMG_20221030_WA_0027_3094e6cc38.jpg" alt="IMG-20221030-WA0027.jpg"></blockquote>

«BIR TOLQYNDA» сарапшылары сайлаудағы жастардың рөлі туралы айтты

Kyzylorda-news.kz. Oблыс әкімі Нұрлыбек Нәлібаевтың төрағалығымен кадрлық өзгерістерге байланысты актив отырысы өтті. Жиынға облыс әкімінің орынбасарлары, басқарма және басқа да салалық мемлекеттік орган басшылары қатысты.Аймақ басшысы Қызылорда облысы бойынша Ішкі мемлекеттік аудит департаменті басшысы қызметін атқарған Марат Егембердиевтың ротация тәртібімен Жамбыл облысына департамент басшысы ретінде тағайындалуына байланысты жаңа қызметіне сәттілік тілеп, облысымыздың ең жоғарғы марапаты «Құрмет грамотасын» табыстады.<blockquote>«Марат Темірбекұлы 2019 жылдың тамыз айынан бастап осы кезге дейін Қызылорда облысы бойынша Ішкі мемлекеттік аудит департаментінің басшысы қызметін абыроймен атқарып, аз уақыт ішінде өзін іскер басшы, білікті маман ретінде көрсете білді. Қызмет атқарған жылдары аймақтағы мемлекеттік аудит органдары қызметінің ашықтығын қамтамасыз етіп, экономика саласының кәсіби маманы ретінде бюджет қаржысының мақсатты әрі тиімді жұмсалуына атсалысты. Жаңа қызметіңізге сәттілік тілеймін», - деді Н.Нәлібаев.</blockquote>Еңбек жолын «Медетші» акционерлік қоғамының экономисі болып бастаған. ҚР Қаржы министрлігінің жүйесінде 2003 жылдан бастап жұмыс істеп, салық және мемлекеттік аудит саласының майталманы ретінде әр жылдары Қызылорда және Маңғыстау облысының салық департаменттерінде және орталық атқарушы органдарда жауапты қызметтерін атқарды.Марат Темірбекұлы департаментке басшылық жасаған уақытта барлығы 523 аудиторлық іс-шара жүргізіліп, нәтижесінде жалпы сомасы 96 млрд. теңгеден астам бұзушылықтар анықталды.Басқосуда облыстық ардагерлер кеңесінің төрағасы Серік Дүйсенбаев Марат Егембердиевтің аймақтың игілігіне абыройлы қызмет еткенін тілге тиек етіп, ақжолтай тілегін арнады.Жиында облыс әкімі ҚР Ауылшаруашылығы министрлігі Жер ресурстарын басқару комитетінің бұйрығымен Қызылорда облысының департаментінің басшысы – жер пайдалану мен қорғау жөніндегі бас мемлекеттік инспектор қызметіне тағайындалған Марат Кушековке сәттілік тілеп, Сыр елінің дамуына аянбай жұмыс істейтініне сенім білдірді.<blockquote>«Марат Жұбатқанұлы өзінің осы кезге дейін алған білімі мен жинаған мол тәжірибесін аймақта жер заңнамасының сақталуы мен бақылауын қамтамасыз етуде, әсіресе, Мемлекет басшысының тапсырмасына сәйкес пайдаланылмай отырған ауыл шаруашылығы жерлерін қайтару жұмыстарына атсалысып, саладағы мәселелерді орнықты түрде шешуде серпінді жұмыстар атқарады деп сенемін», - деді Н.Нәлібаев.</blockquote>Басқосу барысында облыстық қоғамдық кеңес төрағасы Әріп Қожбанов туған жерін дамытуға ниетті Марат Кушековтің сауатты заңгер, іскер басшы екенін айтып, жауапты қызметті абыроймен атқаратынына сенім артып, тілектестігін білдірді.Марат Жұбатқанұлы 1976 жылы Қызылорда қаласында дүниеге келген.Жоғары білімді маман. 1998 жылы Қорқыт ата атындағы Қызылорда мемлекеттік университетін инженер-жерге орналастырушы және 2001 жылы Қазақ мемлекеттік заң академиясын заңгер мамандығы бойынша аяқтаған.Еңбек жолын 1998 жылы Қызылорда облысының жер ресурстарын басқару комитетінде бас маман ретінде бастап, 2001-2002 жылдары Қызылорда облысы әкімінің аппаратында жетекші маман қызметін атқарды.2002-2012 жылдары Қызылорда облысының жер ресурстарын басқару комитеті төрағасының орынбасары, Қызылорда облысының жер қатынастары басқармасының басшысы қызметтерін абыроймен атқарды.2012-2019 жылдары кәсіпкерлік, өндіріс кәсіпорындарында басшылық қызметтерді атқарды.2019-2022 жылдары «Мемқалақұрылыскадастры» республикалық мемлекеттік кәсіпорны Қызылорда филиалының директоры, «Азаматтарға арналған үкімет» Мемлекеттік корпорациясының Қызылорда филиалының жер кадастры басқармасының басшысы.2022 жылдың 17 қазанына дейін Қазақстан Республикасы Ауыл шаруашылығы министрлігінің Жер ресурстарын басқару комитетінің Жердің пайдаланылуы мен қорғалуын мемлекеттік бақылау басқармасының бас сарапшысы қызметін атқарып келді.<img src="https://knadmin.beoblood.kz/uploads/312516903_418766470444603_2724806419503815019_n_43f8d12136.jpg" alt="312516903_418766470444603_2724806419503815019_n.jpg"><img src="https://knadmin.beoblood.kz/uploads/313360695_418766603777923_6526335450701515275_n_7811a2aa8a.jpg" alt="313360695_418766603777923_6526335450701515275_n.jpg">

Департаменттің жаңа басшысы таныстырылды

Kyzylorda-news.kz. 30 қазанда Қазақстан аумағының басым бөлігінде атмосфералық фронттардың әсерінен күн райының құбылмалы сипаты күтіледі – жаңбыр мен қар түрінде жауын-шашын болады.Тек Ақмола, Солтүстік Қазақстан, Шығыс Қазақстан облыстарында солтүстік-батыс антициклонының әсерінен жауын-шашынсыз ауа райы сақталады. Республика бойынша тұман, көктайғақ, желдің күшеюі болжанады. Бұл туралы Қазгидромет хабарлайды.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, барлық деңгейдегі әкімдер жыл бойы халықпен кездесулер өткізіп, кездесу барысында халықты толғандыратын әлеуметтік мәселелерге баса назар аударып, туындаған мәселелерді шешудің жолдарын түсіндіруді және қарастыруды тапсырған болатын. Осы ретте, Шиелі ауданының әкімі Нұржан Сәбитұлы Жаңатұрмыс, Иіркөл, Бәйтерек, Қарғалы ауылдық округтерінің тұрғындарымен кездесу өткізіп, ұсыныс-пікірлерін тыңдады.&nbsp;Кездесу барысында аудан басшысы үш ай бұрынғы кездесуде көтерілген мәселелерге тоқталып, алдағы уақытта ауылдарды дамытуға арналған жоспары туралы тұрғындарды ақпараттандырды.&nbsp;Келелі кездесуге ауыл тұрғындары, ауылдың абыз ақсақалдары мен ақ жаулықты аналары, зиялы қауым өкілдері, Шиелі ауданының прокуроры Нұрбек Қаратаев, аудандық мәслихат хатшысы Т.Жағыпбаров, аумақтары бойынша ауылдық округтерге жауапты аудандық мәслихат депутаттары мен тиісті мекеме басшылары қатысты.&nbsp;Жаңатұрмыс ауылдық округінде өткен кездесуде, аудан әкімі Нұржан Ахатов 3 ай бұрын ауылдық округте өткен жиында көтерілген А.Қазыбаев, Т.Нәлібаев көшелеріне ағымдағы жөндеу жұмыстарын жүргізу, Байсын елді мекеніне қосымша балалар ойын алаңын салу, медициналық пунктке дәрігер штатын бөлу мәселелерінің біртіндеп шешіліп келе жатқандығын айтты.Атап айтар болсақ, ұзындығы – 1,8 шақырым болатын А.Қазыбаев, Т.Нәлібаев көшелерінің ағымдағы жөндеу жұмыстарына аудандық бюджеттен 21 млн теңге бөлініп, жөндеу жұмыстары қараша айында аяқталмақ. Ал балалар ойындарын соғу мәселесіне келер болсақ, қазіргі таңда Байсында көлемі 900 ш.м. болатын балар және футбол ойын алаңдарының құрылысы жүруде. Мұнан бөлек өткен кездесуде сөз болған ауылдағы медициналық пунктке дәрігер штатын бөлу мәселесі де оң шешімін тауып, арнайы білікті дәрігер бөлінген. Тағы бір айта кетерлігі, ауыл тұрғындары жылдар бойы тағатсыздана күткен, 1965 жылы қабырғасы қаланған ескі мектептің орнына, жаңа мектеп ғимаратын салу мәселесі де шешімін тауып отыр. Осы мақсатта 250 орындық мектептің құрылысына 762 млн теңге қаржы қаралып, құрылыс жұмыстары басталып та кеткен.Иіркөл ауылдық округіне келер болсақ, мұнда бірнеше ай бұрын өткен кездесуде Ыбырай Жақаев ауылынан тозығы жеткен трансформаторды ауыстыру, №149 мектептің жылу қазандығын газға көшіру мәселелері тұрғындар тарапынан айтылған болатын.&nbsp;Нәтижесінде, тозығы жеткен трансформаторды ауыстыруға жергілікті бюджеттен 3,6 млн теңге бөлініп, сатып алу конкурсын жеңіп алған «Кентауский трансформаторный зауыты» трансформаторды қараша айында орнататын болады. Ал Ыбырай Жақаев ауылындағы №149 мектептің жылу қазандығын реконструкциялап, газға көшіру үшін облыстық бюджеттен қаржы бөлініп, мектеп толықтай газға көшірілген.&nbsp;Бәйтерек ауылдық округі тұрғындарымен кездескен аудан әкімі өткен кездесуде тұрғындар тарапынан көтерілген мәселелерге тоқталып, шешімін тапқан мәселелерді атап өтті.&nbsp;Мәселен, тұрғындар көтерген балалар ойын алаңын, жабық спорт кешенін және ашық спорт алаңын салу ұсынысына қатысты, 13 млн. теңгеге жобалық сметалық құжаттар әзірленіп, аудандық экономикалық, бюджеттік жоспарлау бөліміне ұсынылған. Сонымен қатар, жабық спорт кешенін салуға демеушілер қарастырылуда. Ал Айдосов, Мырзалиев, Молдағұлова көшелерін сапалы электр жарығымен қамтамасыз ету үшін, жергілікті бюджеттен 3,6 млн. теңгеге жаңа трансформатор сатып алынып, қараша айында орнатылмақ.&nbsp;Қарғалы ауылдық округінде өткен аудан әкімінің халықпен кездесуінде де өткен тоқсандық жиында айтылған мәселелердің шешілу барысына мән берілді.&nbsp;Дәлірек айтар болсақ, тұрғындар тарапынан көтерілген Б.Айтуғанов көшесіне көше жарығын орнату, елді мекенге аяқ су жеткізу мәселелері оң шешімі тапқан. Қарғалы елді мекені тұсынан Сырдария өзенінің үстіне өтетін көпір салу мәселесіне қатысты техника-экономикалық негіздеме әзірлеуге қаржы қаралып, соның негізінде көпір құрылысы қаржыландырылатын болады.<figure class="image"><img src="https://knadmin.beoblood.kz/uploads/shieli1_47f025b846.jpg" alt="шиели1.jpg"></figure>

Шиелі ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Балалар мен жасөспірімдер арасында психикалық ауруға шалдыққандар саны өткен жылмен салыстырғанда 14 процентке өскен. Елорданың өзінде 3 мыңға жуық бала ресми тіркеуде тұр. Олардың қатары пандемиядан кейін арта түсіпті.Астана қаласы бойынша 19 мың адам психикалық ауруға шалдыққан. Оның 3 мыңға жуығы 18 жасқа толмаған балалар. Жүйкесі сыр берген 440 жасөспірім қазір шаһардағы психикалық орталықта емделіп жатыр.<blockquote>"Бізді мазалап отырған жәйт, бұл балалар мен жасөспірімдер арасындағы психикалық ауытқулардың өсуі. 14-15 пайызға өсіп отыр", - дейді қалалық психикалық денсаулық орталығы директорының міндетін атқарушы Гауһар Бектаева.</blockquote>Елімізде психикалық денсаулық "қазаны" жабулы күйде тұр. Кейбірі, тіпті, мұндай аурудың бар екенін де білмейді. Енді бірі баланың бойындағы өзгерісті байқай тұра, психотерапевт көмегіне жүгінуді ұят санайды. Салдарынан бүкіл әлемде бұл дерттің жастар арасында таралуы үдей түсті, дейді дәрігерлер.<blockquote>"Себебі көбі психотерапиялық денсаулыққа назар аудармайды. Көбі теріс тәрбие алады. Мысалы, біздің халықта "шыда" дейді. Әртүрлі күйзелістер болса, әртүрлі қиыншылықтар мен психотерапиялық соққылар алып отырса да, ол адам шыдайды", - дейді қалалық психикалық денсаулық орталығының дәрігері Тоқтар Қойшыбеков.</blockquote>Психолог Лаура Жексембаева керісінше, қазір психологтың көмегіне жүгінетін ата-ана қатары артқанын айтты. Бірақ барлық отбасы емес, жастар ғана жүгінетінін жеткізді.<blockquote>"25-35 жас аралығындағы ата-аналар қазіргі балалардың психикалық жағдайына көбірек көңіл бөлуде. Психологқа жүгініп, алып келеді. Тіпті, баланың мінез-құлқында бір оңашалану, араласпай қою, сондай өзгешеліктерді байқаса бірден психологқа әкеліп жатады. Ал 35 жастан асқан ата-аналар кішкене қиындау. Олар оны қалыпты жағдай деп есептейді көбінесе немесе менің балам дұрыс емес, өзі сондай, әдейі істейді деп ойлайды", - дейді ол.</blockquote>Мамандар жағдайға нақты не себеп болып отырғанын айта алмады. Дегенмен балаға ата-ана тарапынан көңіл бөлінбеудің де салқыны тиіп жатыр деп есептейді. Мұны елордалық Серік Төкеев та құптайды.<blockquote>"Үйге барсаң бала бір телефонда, әйелің бір телефонда, басқалар бәрі бір-бір телефонда отырады. Бұрынғыдай "общение" жоқ. Бала тәрбиесіне әсері осы деп ойлаймын. Мысалы, балаға көп көңіл бөлу керек қазір", - дейді ол.</blockquote>Жүйкесі сыр берген жасөспірім қылмыс жасап, керек десең өз-өзіне қол жұмсаудан да тайынбайды. Сондықтан мамандар ата-аналарға баласының бойынан қандай да бір оғаш қылықты, ауытқуды байқаса, бірден дәрігер кеңесіне жүгінуді ұсынады. Бұл оқыс жағдайдың алдын алудың алғышарты екенін ескертеді.

Елде жүйкесі жұқарған бала көбейген – мамандар дабыл қағып отыр

<a href="https://kyzylorda-news.kz/">Kyzylorda-news.kz.</a> Бүгін «Достық» үйінің мәжіліс залында «Сыр баспасөзіндегі 1960-1980 жылдар: редактор Қалқабай Әбеновтің рөлі» атты ғылыми-танымдық конференция өтті.&nbsp;Модератор облыстық мәслихат хатшысы Наурызбай Байқадамов. Облыс әкімінің орынбасары Нұрымбет Сақтағанов «Қаламгер-қайраткер Қалқабай Әбеновтің өмір жолы мен қайраткерлік қарымы» тақырыбында баяндама жасады. «Журналистік шеберлік және дәстүр сабақтастығы» тақырыбында Қорқыт ата атындағы Қызылорда университетінің профессоры, филология ғылымдарының кандидаты Ғабит Тұяқбаев баяндады. Ал «Сыр медиа» ЖШС бас директоры, Қазақстан Журналистер Одағының облыстық филиал төрағасы «Сыр бойы» газеті және деректер дәйегі тақырыбында редактор еңбек еткен жылдардағы тарихи оқиғаларға тоқталып, оған қосқан редактордың үлесін айрықша атап өтті.Облыстық тарихи өлкетану музейі қор бөлімінің меңгерушісі Аманкүл Нұржанова «Қалқабай Әбенов музейде болған жылдар» тақырыбында өткен күндерден ерекше сәттерді ортаға салды.Басқосуда қаламгер Қалқабай Әбенов туралы ардагер-журналист, Қазақстанның Құрметті журналисті Қайырбек Мырзахметұлы, қоғам қайраткері Шәкізат Төребаев естеліктерімен бөлісті.<figure class="image"><img src="https://knadmin.beoblood.kz/uploads/konf_440f18c3a3.jpg" alt="конф.jpg"></figure>

Қазақстан және Қызылорда облысының жаңалықтары