<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев белгіленген кестеге сәйкес Ғ.Мұратбаев пен Ақсуат ауылдарының тұрғындарымен кездесіп, ұсыныс-пікірлерін тыңдады.
Ауыл тұрғындарымен кездесуде Мұхтар Әуесұлы алдымен ауданда атқарылған игілікті істерді тілге тиек етіп, алдағы жоспарымен бөлісті. Сонымен қатар, екінші тоқсанның қорытындысымен өткен кездесуде көтерілген мәселелердің орындалу барысымен таныстырды.
Еркін форматта өткен кездесулерде негізінен халықтың ой-пікірлерін, олардың мұң-мұқтаждарын тыңдауға маңыз берілді.
Ғ.Мұратбаев ауылдық мәдениет үйінде өткен басқосуда тұрғындар жайылымдылық жерлерге аяқ су жіберу, ауыз су құбырларын жөндеу ұсыныстарын жеткізді.
Сондай-ақ, ауылдық әйелдер кеңесінің төрайымы Базаркүл Жәрімбетова жас ұрпақты ұлттық құндылықтар арқылы тәрбиелеуге байланысты айтқан ұсынысы әлі қолдау таппағанын жеткізді. Егер бұл жоба іске асатын болса ауылдағы ақжаулықты аналарымыз жас буынға киіз басып, жүн түту, ұршық иіруді үйретеді.
Ақсуаттық азаматтар ауылдың тұсынан өтіп жатқан көгілдір отын игілігін көрсек деп тілейді.
Ал, Байқожа ауылының тұрғындары елді мекендегі ауыз су мен электр желілерін жөндеу жұмыстары тезірек аяқталып, ел игілігіне берілсе деген ұсыныстарын айтты.
Аудан әкімі Мұхтар Оразбаев Қазалыда атқарылған әрбір жұмыс тұрғындардың ұсыныс-пікірлері арқылы жүзеге асып жатқанын атап өтті. Сондай-ақ, әрбір тұрғынның сұрағына жеке-жеке жауап беріп, тиісті заңдылықтарын түсіндірді.
Сонымен қатар, барлық тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Айтылған ұсыныстарға байланысты жауапты сала жетекшілеріне бірқатар тапсырмалар жүктеді.
Кездесуге аудандық мәслихат хатшысы Бақытжан Жарылқап, аудандық полиция бөлімінің бастығы Болат Кабизов, облыстық мәслихат депутаты Ібайдулла Тілеп, аудандық қоғамдық кеңестің төрағасы Талайлы Бөріқұлақов, аудандық мәслихат депутаты Ғазиз Әліш, «Amanat» партиясы аудандық филиалының атқарушы хатшысы Нұрғиса Жалғасбаев және бірқатар дербес бөлім мен мекеме-кәсіпорын басшылары қатысты.
Тұрғындармен кездесулерден кейін аудан әкімі Мұхтар Оразбаев Ғ.Мұратбаев ауылындағы №91 мектеп пен балабақша, Ақсуат ауылындағы №100 мектепк арнайы барып, білім ордаларының жаңа оқу жылына дайындығымен танысты.
Сондай-ақ, тұрғындарды жеке мәселелері бойынша қабылдап, ұсыныс-пікірлерін тыңдады.
<img src="https://kyzylorda-news.kz/wp-content/uploads/2022/08/299985431_3433448570209399_4481059498752936216_n.jpg" alt="" />
<img src="https://kyzylorda-news.kz/wp-content/uploads/2022/08/300195965_3433448693542720_2349925023031637367_n.jpg" alt="" />

Мұхтар Оразбаев: Тұрғындар ұсынысы ескерусіз қалмайды

<a href="https://kyzylorda-news.kz/">Kyzylorda-news.kz.</a> Археологтар Жанкент қалашығы VII ғасырда бой көтергенін анықтады.
Қызылорда облысындағы ортағасырлық Жанкент қаласының орнында археологиялық қазба жұмыстары биыл да өз жалғасын тапты.
Зерттеушілер жаратылыстану ғылымдары әдістерін қолданып, Жанкенттің абсалюттік жасын анықтады. Бұған дейінгі деректерде көне қаланың ІХ-ХІ ғасырларда бой көтергені айтылса, жаңа зерттеулер шаһардың іргетасы VІІ ғасырда қаланғанын көрсетті.
Ескерткіш бүгінде төрт жерден қазылып, археологтар заманауи инновациялық құрал-жабдықтардың көмегімен зерттеу жұмыстарын жүргізіп жатыр. Табылған жәдігерлер археологиялық зерттеулер зертханасында өңделіп, облыстық тарихи-өлкетану мұражайына беріледі.
Айта кетейік, жобаның ғылыми жетекшілері археология ғылымдарының докторы, профессор Генрих Харке, тарих ғылымдарының кандидаты Әзілхан Тажекеев және тарих ғылымдарының кандидаты, профессор Ирина Аржанцева. Зерттеу жұмыстарына Тюбинген университетінің, Ресейдің Жоғары Экономика мектебінің, Мәскеу мемлекеттік университетінің және Қорқыт ата атындағы Қызылорда университетінің студенттері мен 35 ғалым қатысып жатыр.
Жанкент қорғаны&nbsp;– республикалық сипаттағы археологиялық ескерткіш.&nbsp;Қазалы ауданы&nbsp;территориясындағы&nbsp;Өркендеу ауылдық округінің&nbsp;орталығына іргелес жатқан биік төбе сияқты топырақ басқан қорғанның орнында VІІ – ХІV ғасырларда Жанкент, Янгикент қаласы өмір сүрген. Түрікмен тарихшысы Абұлғазы Баһадүрдің айтуынша, оғыз еліне жүздеген жыл астана болып келген, Сыр өзенінің аяғында тұратын ұлы мұра – Жанкент қаласы еді. Оғыздар осы жерді ерте заманнан мекендеп, патшалары астана қала – Жанкентте отырған. Жанкент шаһары Сыр өзенінің сол жақ бетінде, Қазалы қаласынан 15 шақырым жерде жатыр.
<img src="https://kyzylorda-news.kz/wp-content/uploads/2022/08/p1959649-scaled.jpg" alt="" />
<img src="https://kyzylorda-news.kz/wp-content/uploads/2022/08/p1959706-scaled.jpg" alt="" />

Археологтар Жанкент қалашығы VII ғасырда бой көтергенін анықтады

<a href="https://kyzylorda-news.kz/">Kyzylorda-news.kz.</a>&nbsp;Бүгін Қармақшы ауданы әкімдігінің ұйымдастыруымен «Думан» сауда орталығында «Мектепке жол» акциясы аясында жәрмеңке өтті.
Акция аясындағы жәрмеңкенің басты мақсаты – аз қамтылған және көп балалы отбасылардың балаларын қолдау, сондай-ақ халыққа қажетті заттарды төмен бағамен ұсыну болып отыр.
Жәрмеңкеде мектепке қажетті кеңсе тауралары мен киім-кешектер тұрғындар игілігі үшін арзан бағада сатылды. Сонымен қатар, жәрмеңке аясында аудан кәсіпкерлерінің демеушілігімен аз қамтылған 10 отбасыға қолдау көрсетілді.
Кәсіпкерлердің қолдауына ие болған көпбалалы отбасы мүшелері өз кезегінде ризашылықтарын жеткізді. Сондай-ақ мектепке қажетті құралдар мен форманы арзан бағада сатып алған тұрғындар да өз алғыстарын білдірді. Мұндай жәрмеңкелер оқу жылы басында жиі ұйымдастырылуы қажет-ақ. Бұл қымбатшылық кезінде көп отбасыға жеңілдік сыйлайтыны анық.
Қайырымдылық акциясына аудан әкімінің орынбасары Жұлдызхан Байназарұлы қатысып, игілікті жұмыстардың іске асуына мұрындық болған кәсіпкер азаматтарға ризашылығын жеткізіп, аудан әкімінің алғыс хатын табыстады.
Айта кетейік, Мектепке жол» акциясы халық игілігіне орай өз жалғасын табатын болады.
<img src="https://kyzylorda-news.kz/wp-content/uploads/2022/08/300377819_2142803835890511_5924750228611230532_n.jpg" alt="" />

Қармақшы ауданында «Мектепке жол» акциясы жалғасты

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданының әкімі Мұхтар Оразбаев ауданның Қызылқұм беткейіндегі елді мекендерге барып, тұрғындармен кездесті.
Аудан әкімі Мұхтар Оразбаев түске дейін Бозкөл ауылындағы мәдениет үйінде тұрғындарымен жүздесті.
Басқосуда Мұхтар Әуесұлы 14 тамыз күні өткен сайлауда тұрғындардың басым дауысын жинаған Ақылбек Бөлебай Бозкөл ауылының әкімі болып тағайындалғанын жеткізіп, жұмысына сәттілік тіледі.
Кәукей ауылындағы кездесуде аудан әкімі Мұхтар Оразбаев елді мекеннен 100 орындық клубтың құрылысы басталғанын жеткізді.
Тасарық ауылдық клубында өткен кездесу барысында аудан басшысы алдағы уақытта атқарылатын жұмыстарға тоқталып, халық жолдаған сауалдарға жауап берді.
Сондай-ақ, барлық тұрғындардың талап-тілегі ескерусіз қалмайтындығын, қажетті шаралар бірлесіп атқарылатындығын жеткізді. Айтылған ұсыныстарға байланысты жауапты сала жетекшілеріне бірқатар тапсырмалар жүктеді.
Үш ауылдық округте өткен кездесулерде аудандық қоғамдық кеңестің төрағасы Талайлы Бөріқұлақов ауданда атқарылып жатқан жұмыстар ауқымды екенін тілге тиек етіп, елді ауызбіршілікке шақырды.
Кездесуге аудандық мәслихат хатшысы Бақытжан Жарылқап, аудандық полиция бөлімінің бастығы Болат Кабизов, облыстық мәслихат депутаты Ібайдулла Тілеп, аудандық қоғамдық кеңестің төрағасы Талайлы Бөріқұлақов, «Amanat» партиясы аудандық филиалының атқарушы хатшысы Нұрғиса Жалғасбаев, аудандық мәслихат депутаты Райымбек Бөлебаев және бірқатар дербес бөлім мен мекеме-кәсіпорын басшылары қатысты.
Тұрғындармен кездесулерден кейін аудан әкімі Мұхтар Оразбаев елді мекендердегі №96, №225, №238 мектептерге арнайы барып, білім ордаларының жаңа оқу жылына дайындығымен танысты.
<img src="https://kyzylorda-news.kz/wp-content/uploads/2022/08/300348575_3432779083609681_3734275677063116067_n.jpg" alt="" />
<img src="https://kyzylorda-news.kz/wp-content/uploads/2022/08/300024409_3432779213609668_4988110622878987086_n.jpg" alt="" />
<img src="https://kyzylorda-news.kz/wp-content/uploads/2022/08/299136336_3432780456942877_5641019444118929309_n.jpg" alt="" />

Мұхтар Оразбаев ауыл тұрғындарының талап-тілектерін тыңдады

<a href="https://kyzylorda-news.kz/">Kyzylorda-news.kz.</a>&nbsp;«Мектепке жол» акциясы басталғаннан уақыттан бері қаржылай көмекті алу үшін облыс бойынша 30 мыңнан астам өтініш түскен. Міндетті оқу қорынан берілетін бір реттік көмек 20-25 тамыз аралығында ата-аналар немесе заңды өкілдердің жеке есеп шоттарына аударылып болады. Бұл туралы бүгінгі баспасөз мәслихатында облыстық білім басқармасы басшысының орынбасары Бағдат Бердаулетов мәлімдеді.
<blockquote>
 «Биылғы жылы Міндетті оқу қоры есебінен көмекке мұқтаж отбасы ретінде 31 322 бала есепке алынған. Аталмыш қор есебінен бір реттік қаржылай көмекпен қамтамасыз ету үшін облыстық бюджеттен 1 млрд. 171,4 млн. теңге бөлініп отыр. Аз қамтылған отбасынан шыққан барлық 31 322 балаға 37 389 теңге көлемінде қаржылай көмек көрсетілетін болады», – деді Бағдат Камбозұлы.
</blockquote>
Былтырғы жылмен салыстырғанда көмек көрсетілетін бала саны биыл 1451-ге көбейген. Осы орайда Міндетті оқу қорынан қаржы алмайтын 1601 балаға демеушілер есебінен 18 млн. 653 мың теңге көлемінде материалдық көмек көрсетілді.
Айта кетейік, Міндетті оқу қоры қарастырылмаған жеке мектептерде бүгінде атаулы әлеуметтік көмек алатын 192 бала білім алуда. Олардың кепілдік берілген әлеуметтік көмек алу құқығын қамтамасыз ету мақсатында ірі компаниялар арқылы қаржылай көмек көрсету қарастырылуда.
<img src="https://kyzylorda-news.kz/wp-content/uploads/2022/08/299620369_1420809958422205_122743250958451570_n.jpg" alt="" />

«Мектепке жол» акциясы: Қызылордада көмек алу үшін 30 мыңнан астам өтініш түсті

<a href="https://kyzylorda-news.kz/">Kyzylorda-news.kz.</a> Қызылорда облысында 3 жоғарғы оқу орны, 30 арнаулы орта білім беру ұйымдары және оларға қарасты 26 студенттік жатақхана бар.
«Жастар рухы» ЖҚ студенттердің өмір сүру деңгейінің сапасын арттыру, әлеуметтік-тұрмыстық жағдайларын қамтамасыз ету мақсатында жоғарғы оқу орындары және ТжКБ жанындағы студенттік жатақханаларға жүйелі мониторинг жұмыстарын жүргізіп келеді.
Мониторинг жүргізудің мақсаты – оқу орны ғимараттарының дайындығын зерделеу және жатақханалардың санитарлық нормаларға, тұрмыстық жағдайларға сәйкес келмейтін фактілерін анықтап, оқу орындарының басшылығына ескертулерді жою бойынша ұсыныстар беру.
Бүгін мобильді топ Қорқыт ата атындағы Қызылорда университеті, М.Мәметова атындағы педагогикалық жоғары колледжі, И.Әбдікәрімов атындағы аграрлық техникалық жоғары колледжі, Қазанғап атындағы Қызылорда музыкалық колледжі жатақханарына мониторинг жасалып, оқу орындарының басшыларына бірқатар ұсыныстар айтылды.
Мобильді топтың құрамында облыстық білім басқармасы техникалық және кәсіптік білім беру бөлімінің статист маманы Е.Жаматов, «Әділдік жолы» РҚБ облыстық филиал басшысы Л.Бақтыбаева, «Жастар рухы» ЖҚ облыстық филиалының төрағасы М.Жорабек, облыстық «Жастар ресурстық орталығы» КММ жастарды жұмыспен қамту және кәсіпкерлікке баулу бөлімінің аға кеңесшісі Ә.Қазтай, «Ақмешіт жастары» газетінің тілшісі Г.Жұмадинова бар.
Айта кетейік, жатақханаға мониторинг жұмыстары барлық аудандарда жүргізіледі.
<img src="https://kyzylorda-news.kz/wp-content/uploads/2022/08/604d47b6-8b63-41eb-b13b-600b33587d3e.jpg" alt="" />
<img src="https://kyzylorda-news.kz/wp-content/uploads/2022/08/31778fc5-a9d8-4330-844c-b00c33ae2f33.jpg" alt="" />

Қызылордада студенттік жатақханаларға мониторинг жүргізілді

<a href="https://kyzylorda-news.kz/">Kyzylorda-news.kz.</a> «AMANAT» партиясының «Балаларды мектепке даярлайық!» акциясына партия белсенділері де үлес қосуда. Солардың бірі Таңат Байкенжеев. Кәсіпкер өз қаражаты есебінен бүгін әлеуметтік жағдайы төмен, көпбалалы отбасылардан шыққан 20 балаға мектепке қажетті оқу құралдары толтырылған сөмкелерді сыйға тартты.
Партия белсендісі бұған дейінде партия бастамасына үнемі қолдау білдіріп келеді. Бұл жолы да акцияға үлес қосуды азаматтық парыз деп санапты.
Бір отбасындағы бірнеше баланы мектепке дайындау ата-анаға салмақ түсіретіні анық. Әлбетте, мұндай жағдайда әке-шеше барлық баласын бірдей жаңа оқу жылына сақадай-сай етіп даярлай алмайды. Сондай-ақ әлеуметтік көмекті қажет ететін аз қамтылған отбасы мен жетім, жартылай жетім жеткіншектер де бар. Оларға көп болып көмек көрсету игі іс, – дейді партия белсендісі Таңат Байкенжеев.
Партия белсендісінің сылығына ие болған бүлдіршіндерінің ата-аналары да балаша қуанып қалды. Мәселен, Жанат Аязбай өзінің мектеп жасындағы 3 баласы барын және олардың екеуі мүмкіндігі шектеулі екенін тілге тиек етіп, бауыр еті баласына жасалған қолдау үшін партия басшылығына, демеушілік жасап отырған партия белсендісіне аналық ризашылығын білдірді.
Атап өтейік, «AMANAT» партиясының дәстүрлі «Балаларды мектепке даярлайық!» акциясы «Бақытты отбасы» партиялық жоба аясында биыл 15 тамыз бен 25 тамыз аралығында республика бойынша жүргізілуде. Партияның облыстық филиалы акция аясында 1000-ға жуық оқушыны кеңсе заттары толыққан сөмкелермен қамтамасыз етуді жоспарлап отыр.
<img src="https://kyzylorda-news.kz/wp-content/uploads/2022/08/f7be0414-ee68-4f89-86a6-181323f06730.jpg" alt="" />

Қызылордада партия белсендісі 20 оқушыға көмек көрсетті

<a href="https://kyzylorda-news.kz/">Kyzylorda-news.kz.</a> Қазақстанда 1338 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 607,
Алматы қаласында – 80,
Алматы облысында – 39,
Жетісу облысында – 122,
Атырау облысында – 17,
Шығыс Қазақстан облысында – 79,
Абай облысында – 30,
Батыс Қазақстан облысында – 14,
Қарағанды облысында – 197,
Ұлытау облысында – 17,
Қостанай облысында – 47,
Қызылорда облысында – 14,
Маңғыстау облысында – 28,
Павлодар облысында – 31,
Түркістан облысында – 16.
Елімізде барлығы 1 347 027 адам COVID-19-дан емделіп, сауығып шықты.

Өткен тәулікте 14 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте коронавирус инфекциясын жұқтырған 951 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 163,
Алматы қаласында – 80,
Шымкент қаласында – 9,
Ақмола облысында – 79,
Ақтөбе облысында – 23,
Алматы облысында – 18,
Жетісу облысында – 22,
Атырау облысында – 37,
Шығыс Қазақстан облысында – 18,
Абай облысында – 11,
Жамбыл облысында – 16,
Батыс Қазақстан облысында – 93,
Қарағанды облысында – 118,
Ұлытау облысында – 19,
Қостанай облысында – 79,
Қызылорда облысында – 22,
Маңғыстау облысында -31,
Павлодар облысында – 62,
Солтүстік Қазақстан облысында – 44,
Түркістан облысында 7 науқас тіркелді.
Елімізде коронавирус инфекциясын жұқтырғандар саны 1 381 911 жетті.

Қызылордада 22 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 19 тамызға арналған ауа райы болжамын жариялады, деп хабарлайды Қазгидромет.
Кәсіпорын таратқан деректерге қарағанда, ауқымды Солтүстік Батыс антициклоны әсерінен Қазақстанның басым бөлігінде күн жауын-шашынсыз болады.
Фронталды бөліктерге байланысты республикамыздың батысында, солтүстігінде, шығысында жаңбыр жауып, найзағай ойнайды, шығыстың таулы аудандарында жауын (жаңбыр, сулы қар) жауады. Республика бойынша кей жерлерде жел күшейіп, еліміздің солтүстігінде, солтүстік-батысында, шығысында түнде тұман түседі, республиканың солтүстігінде, шығысында, орталығында топырақ бетінде 2 градусқа дейін үсік жүреді.
Күндіз Маңғыстау облысының басым бөлігінде, Атырау облысының шығысында қатты ыстық болады.
Қызылорда облысында, Түркістан облысының оңтүстігінде, Атырау облысының шығысында, Батыс Қазақстан, Маңғыстау, Жетісу облыстарының оңтүстігінде, Алматы облысының шығысында, Жамбыл облысының оңтүстігінде, Абай облысының Бесқарағай ауданында төтенше өрт қаупі сақталады.

Қызылордада күн ыстық

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментімен облыстық Қоғамдық кеңес жанынан құрылған «Құқықтық қамтамасыз ету жөніндегі комиссия» мүшелерінің қатысуымен кездесу өткізілді.
Жиынға департамент басшысының бірінші орынбасары Бақытжан Ниязов және облыстық Қоғамдық кеңес жанынан құрылған «Құқықтық қамтамасыз ету жөніндегі» комиссия мүшелері қатысты.
Кездесу барысында Қазақстан Республикасы Сыбайлас жемқорлыққа қарсы іс-қимыл агенттігімен әрбір облыс және республикалық маңызы бар қалалар үшін сыбайлас жемқорлық тәуекелдерінің картасы әзірленгені жеткізіліп, өңірдің картасы комиссия мүшелеріне таныстырылды.
Департамент басшысынының бірінші орынбасары Б.М.Ниязов сыбайлас жемқорлық тәуекелдерінің картасы өңірде әлеуметтік-маңызды проблемалар негізінде әзірленгенін, сондай-ақ облыстың сыбайлас жемқорлық тәуекелдері картасына халықтың әл-ауқатын жақсартудакелесі мәселелері енгізілгендігін, яғни«Жер», «Ауыл шаруашылығы», «Жолдар мен инфрақұрылым» және квазимемлекеттік сектордағы сыбайлас жемқорлық мәселелері көрінісін тапқанын түсіндірді.
Аталған процестердің ашық болмауы, әкімшілік кедергілердің болуы, заңнаманың жетілдірілмеуіне байланысты шешімін таппайтын көкейтесті және т.б. мәселелерінен туындайтыны жеткізілді.
Қатысушылармен талқылау барысында пікірлер айтылып, мемлекеттік бюджет қаржысына салынып жатқан нысандарға қоғамдық бақылауды күшейту ұсынылды.
Кездесу қорытындысыменбұл бағытта әрі қарай жұмыстарды жалғастырып, мерзімде түрде тәуекелдер картасын талқылау белгіленді.
<img src="https://kyzylorda-news.kz/wp-content/uploads/2022/08/f1583ee6-bb2a-4ed1-89a2-798917aefe72.jpg" alt="" />

Қоғамдық кеңес мүшелеріне сыбайлас жемқорлық тәуекелдері картасы таныстырылды

<a href="https://kyzylorda-news.kz/">Kyzylorda-news.kz.</a> Биылғы жаңа оқу жылында Қызылорда облысындағы 295 мемлекеттік, 16 жекеменшік мектепте 182 мыңға жуық оқушы білім алады деп күтілуде. Бұл көрсеткіш өткен оқу жылымен салыстырғанда 5 мың оқушыға артып отыр. Оның ішінде 1-сыныпқа 18 мыңға жуық бала қабылданады. Бұл туралы бүгінгі өткізілген брифингте облыстық білім басқармасы басшысының орынбасары Бағдат Бердаулетов хабарлады.
Барлық білім беру ұйымдары жаңа оқу жылына толық дайын. Қажетті санитарлық гигиеналық заттармен қамтылған. Жөндеу жұмыстары да толық жүргізіліп, қыркүйек айына дейін жұмыстар аяқталады. Сондай-ақ, мектептер 100 % интернет желісіне қосылып, бес оқушыға бір компьютер арақатынасында 44 127 компьютерлік құрылғылармен қамтамасыз етілген, – деді Бағдат Камбозұлы.
Қазіргі таңда оқулық және оқу-әдістемелік кешендермен қамту бойынша тиісті жұмыстар жүргізілуде. 13 баспамен 86 келісім-шарт жасалынып, 1,4 млрд.теңге қаржыға 637 313 дана оқулық алынуда. Барлық оқулықтар 25 тамызға дейін жеткізіліп, оқушыларға үлестірілетін болады.
Айта кетейік, апатты деп танылған Арал ауданындағы №71 және Жаңақорған ауданындағы №169 мектептің ғимараттары жаңа оқу жылы қарсаңында тапсырылады. Сондай-ақ, Арал ауданындағы апатты жағдайдағы №248 мектептің құрылысы бүгінде жеке инвестор есебінен басталса, Қазалыдағы №94 мектептің жоба-сметалық құжаттар әзірленуде.
<img src="https://kyzylorda-news.kz/wp-content/uploads/2022/08/mektep1.jpg" alt="" />
<img src="https://kyzylorda-news.kz/wp-content/uploads/2022/08/mektep.jpg" alt="" />

Қазақстан және Қызылорда облысының жаңалықтары