<a href="https://kyzylorda-news.kz/">Kyzylorda-news.kz.</a> Қызылорда облысында жеке кәсіпкерлік саласы қарқынды дамып келеді. Өйткені жергілікті өнім өндірісі ерекше сұранысқа ие. Аймақтың құрылыстағы сұранысын қанағаттандыру мақсатында "ВЕГА-Пром" ЖШС құрғақ құрылыс қоспаларын өндіру цехы 2015 жылы пайдалануға берілді. Мұнда құрғақ құрылыс қоспасының 11 түрі шығарылады. Нақтырақ тоқталсық, кафель желімі, желім «R 12 PLUS», «Тамшы» және «Ақ тамшы» сәндік сылақ, «Вега-пром» құйылмалы едені, «2в1» және «G12PLUS» гипс жабыны, «BELKOL» гипс сылағы секілді құрылысқа қажетті өнімдер.Бүгінде мемлекет тарапынан жеке кәсіпкерлерге үлкен қолдау көрсетілуде. Тек сол қолдауды ұтымды пайдалана білсе болғаны. Мемлекеттік қолдауды тиімді пайдаланғандың бірі – "ВЕГА-Пром" ЖШС кәсіпорны. Өз бизнесін ашу үшін "Бизнестің жол картасы 2020" мемлекеттік бағдарламасы пайдаланып, қазіргі уақытта цехта күніне 70 тоннадан астам өнім өндіріледі. Алдағы уақытта өндірісін кеңейтіп, 50 адамға дейін жұмыспен қамтуды жоспарлап отыр.Осы заманның озық технологиясымен жарақталған өндіріс орны нарыққа сапалы өнім шығарады. Өндіріс көлемі де ауқымды, құрғақ құрылыс қоспаларын өндіру жылына 8,6 мың тоннаны құраған.Өндірісте бұйымдарды дайындауға арналған «Белкол 500», «Белкол 1000» атты «ВЕГА-Пром» ЖШС-і шығарған өнертабыстарға патенттермен расталған өндіріс станоктары қолданылады. Бұл станоктар Қазақстан өнім өндірушілерінің арасында үлкен сұранысқа ие.Кәсіпорынның өнімдері Қызылорда облысынан бөлек Қарағанды, Ақмола, Батыс Қазақстан, Ұлытау облыстарына жеткізіледі.Сонымен қатар, облыс төңірегінде тұрақты тапсырыс берушілер қатарында «НК Құрылыс», «Дәнекер», «СМП-Қызылорда», «Өмірзақ», «Иман», «Сәт-сервис», «Интегрострой», «Абусер», «SCS Инжиниринг», «Нұртехсервис», «Промстройсервис- Е» ЖШС-і және жергілікті базарлар мен құрылыс дүкендері бар.Жоба бастамашысы өндіріс қуаттылығын 8,6 мың тоннадан 24 мың тоннаға (күніне 70 тоннаға жуық) ұлғайту мақсатында жобаның екінші кезеңін жүзеге асыруды бастады.Аталған жоба Бірыңғай индустрияландыру картасына енгізілген. Мемлекеттік қолдау шарасы ретінде кеңейту жұмыстарын жүргізуге 2,9 гектар жер телімі берілді. Цех ағымдағы жылдың 10 қарашада іске қосылды. &nbsp;<img src="https://knadmin.beoblood.kz/uploads/315969245_1314980449263149_8343063773816275648_n_27ff34a0be.jpg" alt="315969245_1314980449263149_8343063773816275648_n.jpg">

Кәсіпкерлік: Күніне 70 тоннадан астам өнім өндіріледі

<a href="https://kyzylorda-news.kz/">Kyzylorda-news.kz.</a> Биылдан бастап Бизнес старт кәсіпкерлік орталығы &nbsp;республикалық бизнес инкубаторлар жүйесіне енгізілген болатын. Осы бағдарламаға сәйкес, «QazІnnovation» АҚ еліміздегі жас кәсіпкерлердің инновациялық жобаларын қолдау мақсатында қайтарымсыз грантқа өтінім қабылдайды.&nbsp;Аталған грант электронды өндіру, жасыл және қаржылық технологиялар, робототехника, IT салаларына бағытталған. &nbsp;Бұл жөнінде Өңірлік коммуникациялар қызметінде өткен брифингте Қорқыт ата атындағы Қызылорда университетінің кәсіпкерлік орталығының жетекшісі Жанарыс Түбекбаев хабарлады. &nbsp;<blockquote>«Бизнес идеяларды іске асыруда қолдау танытып келе жатқан «QazІnnovation» АҚ бірнеше бағыт бойынша қайтарымсыз грант тағайындайды. Оның алғашқысы - технологиялық коммерцияландыру бойынша 20 млн. теңгеге дейінгі қаржыландыру гранты. Басты шарт – жеке кәсіпорын жобаның мөлшеріне сай өзінің атынан 10 пайыз қаржы салуы керек. Сондай-ақ жобаны іске асыру мерзімі &nbsp;- алты ай. Екінші грант – жұмыс істейтін кәсіпорындардың &nbsp;IT технологияларды енгізуге арналған гранттық бағдарламасы. Жобаны қаржыландыру мөлшері – 100 млн. теңге және 36 ай мерзімде толық іске қосылуы шарт. Келесі грант жалпы технологиялық құрал-жабдықтарды алуға бағытталған 400 млн. теңгелік бағдарлама. Мұнда жеке қаржыландыру мөлшері &nbsp;келісім шарт бойынша 30 пайыз, ал құрал-жабдықтарды алуға 50 пайыздан төмен болмауы қажет. Соңғы гранттық жоба – кластерлердің технологиялық дамуына арналған 800 млн. теңгелік бағдарлама. Жобаға жеке қаражат ретінде 20 пайыз қаржы салуы керек. Жалпы әр жобаны өз мерзіміне сай орындап, қайтарымсыз грант арқылы кәсіптерін дамытуына болады», - деді Жанарыс Түбекбаев.</blockquote><img src="https://knadmin.beoblood.kz/uploads/Bez_nazvaniya_75813b79dd.jpg" alt="Без названия.jpg">

Қызылордада инновациялық жобаларға арналған қайтарымсыз грант беріледі

Қызылорда: «Славяне» этномәдени бірлестігіне ширек ғасыр толды

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, барлық деңгейдегі әкімдер жыл бойы халықпен кездесулер өткізіп, кездесу барысында халықты толғандыратын әлеуметтік мәселелерге баса назар аударып, туындаған мәселелерді шешудің жолдарын түсіндіруді және қарастыруды тапсырған болатын. Мемлекет басшысының тапсырмасын жүзеге асыру аясында бүгін Жалағаш ауданы әкімі Асқарбек Есжанов Жаңадария, Аламесек, Еңбек ауылдық округінің тұрғындарымен кездесіп, ауданның биылғы жылдың 10 айындағы әлеуметтік-экономикалық даму қорытындысы мен 2023 жылғы міндеттері туралы айтты.Халықпен кездесу барысында аудан әкімі ауыл тұрғындарына ауданда атқарылған жұмыстармен таныстырып, тұрғындардың ұсыныс-пікірлерін тыңдады.Сапарын Жаңадария ауылынан бастаған аудан басшысы ең алдымен ауыл ақсақалдарымен және тұрғындармен кездесті. Кездесу барысында тұрғындар ауылдағы канал мәселесін, халықты тұрақтандыру қажеттігін ортаға салды.Тұрғындарды мұқият тыңдаған аудан басшысы айтылған мәселелердің барлығы тікелей бақылауында болатындығын айтып, жауапты сала басшыларына тиісті шараларды жүргізуді жүктеді. Асқарбек Есжанов ауыл тұрғындары тарапынан көптен бері шешімін таппай келе жатқан мәселе балалар ойын алаңының келесі жылы салынатынын, балалардың қуанышынан артық ештеңе жоқ екендігін жеткізді.Одан соң аудан әкімінің сапары Аламесек, Еңбек ауылдық округінде жалғасты. Бұл ауылдарда да жергілікті тұрғындармен жүздесіп, өзекті деген мәселелерге құлақ түрді. Осы уақытқа дейін атқарылған жұмыстарға, ауданның әлеуметтік-экономикалық даму көрсеткіштеріне тоқталып, алдағы жылы атқарылатын жұмыстармен бөлісті.&nbsp; &nbsp;<img src="https://knadmin.beoblood.kz/uploads/316682100_1589324724852933_3976137923101234295_n_797a3eae3a.jpg" alt="316682100_1589324724852933_3976137923101234295_n.jpg"><img src="https://knadmin.beoblood.kz/uploads/316678352_1589324604852945_233355780455837283_n_c7b64a4219.jpg" alt="316678352_1589324604852945_233355780455837283_n.jpg"><img src="https://knadmin.beoblood.kz/uploads/316690060_1589324401519632_7989329748055153142_n_b339f973ed.jpg" alt="316690060_1589324401519632_7989329748055153142_n.jpg"><img src="https://knadmin.beoblood.kz/uploads/316686494_1589324491519623_7493446571066632468_n_18e31bd012.jpg" alt="316686494_1589324491519623_7493446571066632468_n.jpg">

Жалағаш: Аудан әкімі Жаңадария, Еңбек және Есет батыр ауылдарының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp; Қазақстанның жаңа тарихында алғаш рет сайлаудың өтетін мерзімі алдын ала жарияланды.&nbsp;Бұл күнді қазақстандықтардың асыға күткені де түсінікті. Өйткені, әр азамат еліміздің ертеңі, береке-бірлігі, халқымыздың бақуатты тірлігі, өрісті өмірі үшін дауыс беруге мүдделі, дейді облыстық қоғамдық кеңестің төрағасы Әріп Хожбанов.«Мен де Қазақстан азаматы ретінде өз таңдауымды жасадым.&nbsp;Елімнің бүтіндігі, әлем алдындағы беделі, ізгі бастамалардың жүзеге асуы, балаларымыздың болашағы үшін дауыс бердім!Қызылордалықтардың бұл сайлауға белсене, бір ауыздан қатысқаны сайлау учаскесіне келген мол легінен-ақ байқалды. Халықтың жүзінде үміт пен сенім бар екенін де көруге болады. Соның бірі өзім болдым.Соңғы алты-жеті айда сырбойылықтардың еңбек белсенділігі мен елішілік ынтымағы бұрынғыдан да артып, ағайын ауызбірлігінің молая түскенін қоғамдық жұмыстардың бел ортасында жүргендіктен мен жақсы сезіндім.Сайлау науқаны кезеңінде де қызылордалықтар сол үдеден көрінді. Нақты ақпарат көздерінде жарияланғандай, аймақ тұрғындарының сайлауға қатысу көрсеткіші 81,07 пайызды құрап, жетісулықтардан кейінгі 2-орынға шықты. Бұл – біз айтып отырған ынтымақты жұртымыздың бірауызды бірлігі.Қазақта «Ырыс қайда барасың, ынтамаққа барамын» деген сөз бар. Ырысы тасыған Сыр елі осылайша жаңа дәуір жолына қадам бастады.Ел Президенті Қасым-Жомарт Тоқаев халыққа арнаған Жолдауында: «Бұл науқан елдің бүкіл саяси жүйесін түбегейлі өзгертетін сайлау кезеңін бастап береді. Сол арқылы экономиканы тұрақты дамытуды, халықтың әл-ауқатын арттырып, тұрмыс сапасын жақсартуды көздейтін ұзақмерзімді міндеттерді жүзеге асыруға мүмкіндік туады», – деген болатын.Осы айтылған міндеттердің мүмкіндігін тудыруға бірлікпен, ынтымақпен келген Сыр елі алдағы кезеңде де Ел Президентінің жаңа Қазақстан үшін жасап жатқан игіліктерін баянды етуге бір кісідей атсалысады деп сенемін», - дейді облыстық қоғамдық кеңес төрағасы.<img src="https://knadmin.beoblood.kz/uploads/Hozhbanov_A_f29a43ddcf.jpg" alt="Хожбанов А.jpg">

Ырысы тасыған Сыр елі жаңа дәуір жолына қадам басты 

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайыловтың төрағалығымен өткен Үкімет отырысында «Ауылдық денсаулық сақтауды жаңғырту» ұлттық жобасын іске асыру жоспарлары мен биылғы агроөнеркәсіп кешенін сумен қамтамасыз ету қорытындысы қаралды. Жиынға министрлер мен селекторлық режимде өңір әкімдері қатысты.Денсаулық сақтау министрі Ажар Ғиният медициналық нысандарды салу және денсаулық сақтау мекемелерін заманауи құрал-жабдықтармен қамтамасыз ету әрі ауылдық жерге медициналық кадрларды даярлау барысын баяндады.Үкімет басшысы медициналық қызметтің сапасын арттыру үшін барлық жағдайларды жақсарту, дәрігерлердің әлеуметтік мәселелерін шешу арқылы жас мамандарды ауылдық жерге тарту жұмыстарын белсенді түрде іске асыруды тапсырды.Күн тәртібінің екінші мәселесі бойынша Экология, геология және табиғи ресурстар министрі Серікқали Брекешев осы жылы барлық тартылған судың шамамен 11,6 км3 тұрақты суаруға жіберілгенін, оның 97%-ы оңтүстіктегі Алматы, Жамбыл, Түркістан, Қызылорда және Жетісу облыстарына тиесілі екенін айтты. Ал, ауыл шаруашылығы министрі Ербол Қарашөкеев Сыр өңірінде қабылданған шаралар нәтижесінде вегетация кезеңі шығынсыз өткенін мәлімдеді.Селекторлық жиында облыс әкімі Нұрлыбек Нәлібаев баяндама жасап, Мемлекет басшысының және Үкіметтің қолдауымен су тапшылығын төмендетуге нақты шаралар қабылданғанын жеткізді.<blockquote>«Президентіміз Сырдария өзенінің жоғары ағысында орналасқан мемлекеттермен келіссөздер жүргізіп, тиісті көлемде су бөлінуіне жағдай жасады. Үкімет резервінен 3,6 млрд теңге қаржы бөлініп, каналдар тазаланып, гидротехникалық нысандар жөндеуден өткізілді. 156 дана насос қондырғысы алынып, 52 ұңғыма бұрғыланды.Нәтижесінде, егістік жерлер сумен толық қамтамасыз етіліп, табиғи мал азығымен қамтылу деңгейі жақсарып, көлдер жүйесі суландырылды. Осыған орай, Сыр жұртшылығының Мемлекет басшысына және Үкіметке алғысы шексіз»,-деді Нұрлыбек Нәлібаев.</blockquote>Өңірде су тапшылығының алдын алу мақсатында биыл күріш егісінің көлемі 5 мың гектарға қысқартылып, орнына суды аз қажет ететін мал азықтық, майлы дақылдармен қатар картоп, көкөніс, бақша егісінің көлемі ұлғайып, ирригациялық жүйелерінің техникалық жағдайын жақсартуда жерді тегістеу арқылы су пайдалану мөлшерін азайту жұмыстары жүргізілді.Аймақ басшысы өңірде тамшылатып, жаңбырлатып суару секілді су үнемдеу технологиясын қолдану арқылы 793 гектар жерге ауыл шаруашылығы дақылдары егілгенін тілге тиек етті. Бұл ретте шетелдік белді ғалымдармен жаңа тәсілдерді енгізу жұмыстары бастау алды.<blockquote>«Бүгінде біз украиндық ғалымдармен әріптестік орнатып, тиісті жұмыстарды бастадық. Сонымен бірге 16 магистралды және шаруашылық каналдарды цифрландыру қолға алынуда.Өңірде егіс көлемінің 60 пайызын сумен қамтамасыз ететін негізгі магистралды каналға су бөлуді автоматтандыру үшін Австралияның «Рубикон» компаниясы зерттеу жұмыстарына кірісті.Аталған шараларды жүзеге асыру арқылы суды пайдалану тиімділігін арттыруға және инженерлік жүйеге келтірілген жерлерді сақтап қалып, егін саласын одан әрі дамытуға мүмкіндік жасалады»,-деді Нұрлыбек Нәлібаев.</blockquote>Селектордан кейін облыс әкімі Үкімет тапсырмаларын орындау бойынша жиын өткізіп, қала, аудан әкімдері мен басқарма басшыларына бірқатар тапсырма берді. Атап айтқанда, денсаулық сақтау басқармасына 2025 жылға дейін салынуы жоспарланған 27 медициналық нысан бойынша жұмыстарды тиімді түрде үйлестіріп, уақытылы пайдалануға берілуін қамтамасыз етуді жүктеді.Алдағы жылы егіндік егу маусымына дайындық шараларын алдын-ала пысықтап, қыс мезгілінде Шардара су қоймасынан Сырдария өзеніне түсетін суды қауіпсіз өткізу, оны тиімді пайдаланып, мүмкіндігінше көлдер жүйелерін толтырып, шабындықтар мен жайылымдарды суландыру, Арал теңізіне қажетті мөлшерде су түсуін қамтамасыз етуүшін нақты шаралар қабылдап, ерекше бақылауда ұстау тапсырылды.Жиын соңында облыс әкімі мызғымас бірлік пен тату-тәтті тірліктің арқасында Сыр халқыПрезидент сайлауында ерекше белсенділік танытып, нәтижесінде 81,07% алып, үздіктер қатарынан көрінгенін атап өтті. Бұл ретте науқанға атсалысқан барша азаматтарға, учаскелік сайлау комиссиялары мен мүшелеріне, құқық қорғау органдары басшыларына және түрлі сала өкілдеріне, журналистерге алғысын білдірді.<img src="https://knadmin.beoblood.kz/uploads/316197403_435325228788727_1374028201250565697_n_0d13a2b758.jpg" alt="316197403_435325228788727_1374028201250565697_n.jpg"><img src="https://knadmin.beoblood.kz/uploads/316124988_435325168788733_3329495265637387623_n_d854a99afe.jpg" alt="316124988_435325168788733_3329495265637387623_n.jpg">

Облыс әкімі Үкімет отырысында Сыр өңірін суармалы сумен қамтамасыз ету мәселесін баяндады

<a href="https://kyzylorda-news.kz/">Kyzylorda-news.kz.</a> Қызылорда облысында сексеуіл орманы алқабы жыл сайын ұлғайып келеді. Тұқымы күзде себілетін дала өсімдігін егу желтоқсанның ортасына дейін тоқтамайды. Шөл даланың шырайын кіргізіп тұрған сексеуілдің бұдан басқа да ерекшелігі көп.Осы орайда, Мемлекет басшысы Қасым-Жомарт Тоқаевтың тапсырмасы аясында "Жаңақорған орман және жануарлар дүниесін қорғау жөніндегі мемлекеттік мекемесі" КММ-і күзге уақыттағы тұқымбаққа кезекті сексеуіл көшеттерін егу жұмыстарын 20 га жерге жүргізді.«Сексеуіл – шөл далаға төзімді өсімдіктер санатына жатады. Ал теңіз табанының тұзы мен құмын тұсаудың экологиялық тиімді және қауіпсіз жолы – сексеуіл тұқымын егу. Сексеуілдің тиімділігінің бірі көп баптауды, сондай-ақ суды көп мөлшерде қажет етпейді. Өңіріміздің экологиялық мәселесін оңалту да үлесімізді қосып жатқанымызды мақтан тұтамыз», – дейді мекеме қызметкерлері.Жалпы, елді мекендерді көгалдандыру және жасыл аймаққа йналдырудың 2021-2025 жылдарға арналған өңірлік жоспары аясында алдағы 5 жылда 467,7 гектар жерге 1,1 млн-нан астам жергілікті климатқа бейімділген ағаш көшеттерін отырғызу жоспарда тұр екен. &nbsp;<img src="https://knadmin.beoblood.kz/uploads/315885707_1346342956121183_7215299133079046100_n_16671ff32d.jpg" alt="315885707_1346342956121183_7215299133079046100_n.jpg">

Жаңақорған ауданында сексеуіл көшеттерін отырғызу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Үкіметтік емес ұйымдардың ресурстық орталығында Қызылорда облысының мәдениет және спорт басқармасының басшысы Руслан Рүстемов ҮЕҰ өкілдерімен кездесті.&nbsp;<blockquote>«Егемен еліміз азаматтық қоғам қалыптастыруды өзінің негізгі бағдары ретінде ұстанады. Сондықтан еліміз тәуелсіздік алғаннан бері аталған бағыттағы үрдіс айтарлықтай ілгері баса бастағанын өздеріңіз жақсы білесіздер. Еліміздегі азаматтық қоғамды дамыту үдерісін негізінен төрт кезеңге бөліп қарастырсақ, соңғы төртінші кезең: қазіргі кезеңде «Халық үніне құлақ асатын мемлекет» тұжырымдамасы іске қосылып, қоғамды демократияландыру бағытында өзгерістер енгізіле бастағанымен ерекшеленуде. Соның айғағы ретінде бүгінгі сіздермен кездесу де куә бола алады, - деді үкіметтік емес ұйым өкілдерімен кездесуде облыстық мәдениет және спорт басқармасының басшысы Руслан Рүстемов.</blockquote>Алдымен ол биылдың басты бағдарын баяндап, келесі жылдың келелі істеріне тоқталған соң көпшілік орта ортақ мәселеге ойысты.Жыл басынан бері өнер мен мәдениетке, спортқа қатысты белгілі тұлғалардың мерейтойы атаусыз қалған жоқ. Музей, архив, археология, кітапхана, спорт саласында жаңашыл жұмыс жанданып отыр.Аймақ спортшылары Қазақстан Республикасы чемпионаттары мен кубоктарында 1017 медальға, Әлем және Азия чемпионаттарында 195 медальға қол жеткізді. Елорда күні қарсаңында өткен «Қазақстан барысы-2022» турнирінде Мақсат Исағабылов Қазақстан барысы атанды. Енді 2024 жылы өтетін жазғы Париж олимпиадасына Сыр елінен саңлақ қосу жұмысына қызу дайындық жүргізілуде.Бұл орайда облыс әкімі Нұрлыбек Нәлібаев әрбір маңызды шараға мән беріп, барынша қолдау жасап, аймақ абыройын асқақтатудың авангарды болды десе жарасады. Демеушілер есебінен Өнер орталығын, жабық стадион, неке және оқушылар сарайын, «Балалар жылына» тарту ретінде қалада 50-ге тарта, аудандарда 30-дан астам спорт-ойын алаңын салдырудың маңызы да үлкен жетістік.&nbsp;<blockquote>«Келесі жылдың жүгі жеңіл болмайды. Соның ішінде Түркияның Бурса қаласында халықаралық ТҮРКСОЙ ұйымына мүше елдердің мәдениет министрлерінің кезектен тыс 39 жиыны өтіп, онда 2023 жылды түркі әлемінде «Темірбек Жүргенов жылы» деп жариялау туралы шешім қабылданды. Соған сай алдымызда атқарар үлкен міндеттер күтіп тұр» деп Руслан Рүстемұлы алдағы күннің ауқымды шараларына тоқталды.</blockquote>Қазақстан Жазушылар одағы Қызылорда облыстық филиалының төрайымы Қаршыға Есімсейітова: «Қазір Қызылорда облысында 25 Жазушылар одағының мүшесі бар. Өмірден өткен қаламгерлерді еске алу, олардың асыл мұрасын жаңғырту, шығармашылыққа қолдау, мұражай ашу, журнал шығару секілді шаруа шашетектен. Осы мәселе орындалса дейміз» деп ұсынысын білдірді.Аталған ұсынысқа басқарма басшысы өз жауабын берді. Ретінше, мүмкіндік қарастыруға күш салатынын жеткізді.Айтыс ақындары мен жыршы-термешілердің халықаралық одағының Қызылорда облысы бойынша өкілдігінің жетекшісі Нұрмат Мансұров айтыс өнеріне қатысты шаралар атқарылып жатқанын, аймақта жылжабар айтыс өтетінін жеткізе отырып, айтыс өнерінің майталман өкілдерін қаланың көрікті орындарында билборд арқылы насихаттау, балаларды кітап оқуға бейімдеу, «Кемелден» оқу кештерін ұйымдастыру жұмыстарын алға тартты. Нұрматтың назарындағы мәселе де маңызды екенін айтып, Руслан Рүстемұлы оған тиісті жұмыстардың жасалатынын жеткізді.Сол секілді Қорқыт ата атындағы Қызылорда университетінің аға оқытушысы, «Дәстүрлі қолөнер орталығы» ұйымының жетекшісі, Қазақстан қолөнершілер одағының мүшелері Айдана Әлайдарова мен Айзат Мырзабаева қолөнершілерге қолдау көрсетіп, Ұлытау сапарына мүмкіндік жасаған басқармаға ризашылығын білдірді. Өз кезегінде олар қолөнершілер фестивалін ұйымдастыруды ұсынды.<blockquote>«Мәселе орынды. Біз фестиваль күйінде қалдырмай, симпозиум деңгейінде өткізуге күш салуға болады. Мұнымен қоса, «Қорқыт және Ұлы дала сазы» халықаралық фестивалі аясында да, «Парасатты поэзия» шарасында да көрме ұйымдастыруға мүмкіндік бар, - деді басқарма басшысы.</blockquote>Кездесу соңында «Невада-Семей» ұйымының жетекшісі Сәбит Әбіш бұл шараның тиімділігі мен ықпалына ыстық ықыласын білдіріп, үлкендік жолымен үмітті істерге ақ ниетін айтты.Қоғам белсенділерімен қауышу мәдениет пен спорт саласы үшін де маңызды. Басқарма басшысы айтқандай, қоғамдық ой-пікір ортақ мәселені жетілдіріп, ауқымдылығын арттырады, тиімділігін таныта түседі.<img src="https://knadmin.beoblood.kz/uploads/Whats_App_Image_2022_11_24_at_13_28_33_1_d75df674b0.jpeg" alt="WhatsApp Image 2022-11-24 at 13.28.33 (1).jpeg"><img src="https://knadmin.beoblood.kz/uploads/Whats_App_Image_2022_11_24_at_13_28_33_421b326d9f.jpeg" alt="WhatsApp Image 2022-11-24 at 13.28.33.jpeg">

Басқарма басшысы Руслан Рүстемов ҮЕҰ өкілдерімен кездесті

<a href="https://kyzylorda-news.kz/">Kyzylorda-news.kz.</a>&nbsp; Интернет кеңістігінде қысқа мерзім ішінде жоғары табыс көзі туралы &nbsp;және үміткерге саусақпен санаулы талаптар қоятын хабарландыруларды жиі кездестіруге болады.Абай болыңыз, мұндай бос жұмыс орындарының артында алаяқтар тұруы мүмкін. Fingramota.kz толығырақ айтып береді.Мұндай хабарландыруларда ақша аударымдары және қолма-қол ақшаға айналдыру, құжаттар ресімдемей, яғни ешқайда тіркелмей, толық «қашықтан» режиміндегі жұмыс ұсынылады. «Жұмыс берушілер» «бірнеше сағат ішінде жақсы табыс», «тексерулерсіз және құжаттар толтырмай жұмысқа орналасу», «жоғары табысқа кепілдік» деген сөздерді жиі пайдаланады. Олар не жалақыны көрсетпейді, не болмаса бір-екі сағат жұмыс үшін көп ақша ұсынады. Алаяқтық бос жұмыс орындарында ізденушіге ақша аударуды жүзеге асыру және жұмыс берушімен онлайн іс-әрекетке түсуден басқа, не білімінің деңгейі, не жұмыс тәжірибесі бойынша қойылатын нақты кәсіби талаптар көрсетілмейді. Есіңізде болсын, жұмысқа қабылдайтын мұндай адамдарды дропперлер немесе дроптар деп атайды.Дроппер немесе дроп – бұл алаяқтар ұрлаған ақша үшін өзінің банк картасын «транзиттік» картаға айналдыруға келісетін адам. Карточкасын үшінші тұлғалар пайдаланғанын білмеген ондай адам алаяқтық объектісіне айналуы мүмкін. Осылайша, дроп өзінің қылмыстық схемаға тартылғанын әрдайым түсіне бермейді, өйткені алаяқтар әдетте өз әрекеттерін «заңды бизнес» ретінде жасырады.Дропты әр түрлі шоттар арасында заңсыз алынған ақшаны аудару үшін жалдайды. Бұл қылмыскерлерге іздерін жасыруға және тергеу жұмысын қиындатуға мүмкіндік береді. Бұл жағдайда алаяқтық аударымдар әр түрлі елдерде және әр түрлі адамдардың атынан жасалуы мүмкін. Дроппер өз жұмысы үшін қаскүнемдер оның көмегімен аударған ақшаның пайызын ала алады.Онлайн-алаяқтықты тергеу кезінде тергеушілер бірінші кезекте дроптарға шығады. Әдетте, олар қылмыскерлердің сыбайлас қатысушыларына айналады және ҚР Қылмыстық Кодексінің «Алаяқтық» 190-бабына сәйкес бас бостандығынан айыруға дейін тиісті жаза алуы мүмкін.Кеңес:&nbsp;Судың да сұрауы болатынын естен шығармаңыз. Сондықтан, ешібір жағдайда қылмыстың сыбайласы болғыңыз келмесе, мұндай бос жұмыс орындарына жауап бермеңіз және мұндай ұсыныстармен келіспеңіз.Дроптарды тағы қайда пайдаланады?Интернет-алаяқтардың дроптарды пайдалануларының тағы бір тәсілі - тауарды алдын ала төлем арқылы сату. Дропты белсенді жарнамаланған жалған ресми интернет-дүкеннің бас директоры етіп тағайындайды. Мұндай дүкеннің растаушы құжаттары, фишингтік сайты, тұтынушылардың пікірлері де бар болып шығады. Клиенттерден өтінім келіп түскеннен кейін алаяқтар тауар үшін алдын ала төлем сұратады, клиенттер оларға тауардың ақшасын жібереді, нәтижесінде ақша да тауар да жоқ болып шығады. Содан кейін дүкен жабылған болып шығады, және ақшаны қайтару мүмкін емес. Бұл ретте, нағыз ұйымдастырушы-алаяқтар табылмайды, ал дүкен директоры өзін пайдаланып кеткенін білмеуі де мүмкін.<blockquote>Кеңес:&nbsp;Егер сізден тауар үшін алдын ала төлем жіберу сұралса, абай болыңыз. Интернет-дүкен туралы ақпаратты, оның веб-сайтын, барлық бөлімдері&nbsp;жұмыс істейтінін мұқият зерделеу&nbsp;қажет.&nbsp;Фишингтік сайтта көптеген грамматикалық және орфографиялық қателер болады, оларда&nbsp;«сатып алушылардың»&nbsp;жалған пікірлері болуы мүмкін. Мысалы,&nbsp;олар&nbsp;бірінен бірі аумайтын, «бір қолдан шыққан» тәрізді болады,&nbsp;не пайдаланушы мен олардың фотосуреттері&nbsp;біртүрлі&nbsp;оғаш&nbsp;болып келеді. Мұндай сайт туралы БАҚ-та, әлеуметтік желілерде оқыңыз.</blockquote>Нағыз сатушылар мыналарды:интернет-ресурстарға сілтемелер (электрондық сауда алаңы, интернет-дүкен, ақпараттық-жарнамалық сауда алаңы) орналастыруға тиіс, онда тауардың негізгі тұтынушылық қасиеттері, сатушының атауы, оның заңды мекенжайы және ҚР ұялы байланыс операторында тіркелген абоненттік нөмірі туралы мәліметтері болады;сатып алу-сату шартын жасасар алдында тұтынушыға қазақ және (немесе) орыс тілдерінде тауар, оның құны, төлем рәсімі, жеткізу талаптары мен құны, кепілдік мерзімі (ол болған кезде) туралы ақпарат беруге;тауарды үлгі және (немесе) сипаттама бойынша сату кезінде тұтынушыға үлгіге және (немесе) сипаттамаға сәйкес келетін тауарды беруге тиіс;сатушының тауарларға меншік құқығын растайтын құжаттардың болуы, бұған өзі өндірген тауарлар кірмейді.Алаяқтар дроптарды курьер ретінде жиі пайдаланады. Олар бос жұмыс орны туралы хабарландыруды жұмысқа орналастыру сайттарына орналастырады, керекті кандидат табылған кезде, алаяқтар одан «қауіпсіздік тексеруінен өту» үшін, жеке басын куәландыратын құжатының көшірмесін, ал кейде «жалақы аудару» деген сылтаумен, төлем картасының сканерленген көшірмесін онлайн жіберуді сұрайды. Содан кейін алаяқтар қайта хабарласпай, ғайып болады, ал құжатын жіберген адамның құжаттары мен карточкасын өзінің жеке басының пайдасына асырады.<blockquote>Кеңес:&nbsp;Ешқашан құжаттарыңызды және басқа да жеке деректеріңізді, оның ішінде төлем карточкаларының деректемелерін, пин-кодтарды, жеке аккаунтардың парольдерін бөтен адамдарға жібермеңіз. Танымал ұйымдар әдетте кездесу, сұхбат белгілейді және ресми жұмысқа орналасқанға дейін сіздің жеке және төлем деректеріңізді сұрамайды. Еңбек шарты жасалғаннан кейін жұмыс берушілер құпия кодтар мен парольдерді (CVV-CVC-кодтар, SMS және басқалары) сұрамайды. Бұл деректерді аса қадалып сұрайтындарға жария ету керек емес.</blockquote>Әдетте, дропперлер тез және жеңіл ақша таба аламын деп сенетін, ақшаға өте мұқтаж және кез-келген жұмысқа келісетін азаматтар болады. Алаяқтар мұны жақсы біледі және пайдаланады. Сондықтан олар көбінесе дропперлерге кандидаттар ретінде студенттерді, жұмыссыздарды, мүмкіндігі шектеулі топтардың өкілдерін, соның ішінде қарт азаматтарды тартуға тырысады.Алаяқтық схемаларға қатысатын дропперлер Қазақстан Республикасының заңнамасы бойынша құқықтық жауаптылықта болады. Сізге пайдалы болып көрінетін күмәнді ұсыныстарды қабылдамас бұрын, жүз рет ойланған жөн.Fingramota.kz-пен бірге қаржылық сауатты болыңыз!&nbsp; &nbsp;

Алаяқтар интернетте делдалдарды қалай және қандай мақсатпен іздейді?

<a href="https://kyzylorda-news.kz/">Kyzylorda-news.kz.</a> Мемлекет басшысының «халық үніне құлақ асатын мемлекет» тұжырымдамасын жүзеге асыру үшін ашықтықты қамтамасыз ете отырып, тұрғындарды алаңдатқан мәселелердің шешу жолдарын қарастыру және заң аясында дұрыс ақпарат пен бағыт-бағдар беру мақсатында 2022 жылдың 29 қараша күні сағат 15:30-да Қызылорда қаласы, Қазантаев көшесі №43 мекен жайында орналасқан «Қызылорда қалалық жұмыспен қамту, әлеуметтік бағдарламалар және хал актілерін тіркеу» бөлімі ғимаратында «Adal komek» жобасының аясында азаматтарды қабылдау өтеді.Қабылдауға келген азматтар Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Даулетбаеваға өз сұрақтарын қоя алады.«Адал көмек» жобасының мақсаты – азаматтардың құқықтық сауаттылығын арттыру, сондай-ақ халықтың әлеуметтік осал топтарына өмірлік маңызды мәселелерді шешуде құқықтық көмек көрсету болып табылады.&nbsp;Тақырып пен спикер көрсетілген кездесулер анонстары бұқаралық ақпарат құралдарында, Департаменттің &nbsp;www.gov.kz ресми сайтында орналастырылады. Сондай-ақ, мемлекеттік органдардың әлеуметтік желілер беттерінде жарияланады.Шараға қатысуға ниет білдіруші тұрғындар +77079297552 WhatsApp байланыс нөмірі арқылы алдын ала жазылуы қажет. &nbsp;

«Адал көмек» жобасы аясында тұрғындарға заңгерлік көмек көрсетіледі

<a href="https://kyzylorda-news.kz/">Kyzylorda-news.kz.</a> «Amanat» партиясы Қызылорда қалалық филиалында актив отырысы өтті. Жиында сайлаудың аяқталуына орай бірқатар мәселелер қаралып, халықтық коалиция атынан Президентікке ұсынылған үміткер Қ.Тоқаевты қолдауға арналған шаралар мен үгіт жұмыстарының нәтижесі талқыланды.Кездесуде қалалық партия филиалының атқарушы хатшысы Шәріп Абдрахманов сайлау науқаны барысында атқарылған шаралар мен алдағы жоспарларымен бөлісіп, қалалық қоғамдық штаб мүшелері алдында баяндама жасады.<blockquote>«Қала бойынша барлығы 160 сенімді өкілдің тізімі қалыптасты. ҚР Президенттігінің кезек тыс сайлауын насихаттау үшін 48 адамнан тұратын қоғамдық штаб өз жұмысын бастаған болатын»,-деп атап өтті Шәріп Әкбарұлы.</blockquote>Актив отырысында сөз алған қалалық қоғамдық штаб төрағасы Ибадулла Құттықожаев: Өздеріңізге мәлім, сайлау уақыты да мәресіне жетіп, айқын басымдықпен Қ.Тоқаевтың озып шыққанын көріп отырмыз. Жеңіске үміткердің ел алдындағы беделі, оның көреген саясаты мен сайлауалды бағдарламасының нақтылығы себеп болғаны анық. Үгіт жұмыстары барысында қалалық қоғамдық штаб мүшелері зор үлес қосып, халықпен кездесуде де, әлеуметтік желіде ақпараттандыруға да септігін тигізді. Жастардан құрылған еріктілер тобы тұрғындарды ақпараттандыру барысында үлкен еңбек етті. Осы орайда, қоғамдық штаб төрағасы ретінде белсенділік танытқан баршаңызға алғыс білдіремін,-деді.Жиын барысында қоғам қайраткерлері, штаб мүшелері өзара пікір алмасып, алдағы жоспарларға сәттілік тіледі. &nbsp;<img src="https://knadmin.beoblood.kz/uploads/316313327_202571585568301_2638765241801657930_n_252acf0cf3.jpg" alt="316313327_202571585568301_2638765241801657930_n.jpg">

«Amanat»: Қызылорда қалалық филиалында актив отырысы өтті

<a href="https://kyzylorda-news.kz/">Kyzylorda-news.kz.</a> Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл мәселе қоғам үшін қазіргі таңда көкейтесті мәселелердің біріне айналып отыр.«Тәртіпке бас иген адам құл болмайды, тәртіпсіз ел болмайды» деп Б.Момышұлы айтқандай, қоғамдық тәртіпті сақтап, заңды құрметтеп, тыныш жүрсе, одан ешкім де ұтылған емес. Сондықтан да қылмыстың алдын &nbsp;алу мақсатында жастарға жан-жақты құқықтық тәрбие беріліп, түсіндіріліп отыруы керек.Осы орайда Жалағаш индустриалды-аграрлық колледжінде құқық бұзушылықтың алдын алу мақсатында студенттермен кездесу өткізілді. Кездесуге құқықтық статистика және арнайы есепке алу басқармасының өкілі А.Өмірзақов, аудандық полиция бөлімінің жергілікті полиция қызметі бөлімшесінің ювеналды полиция тобының инспекторы, полиция майоры Б. Ахметкалиев, аудандық емхана психологы Б.Доспанов және аудандық жастар ресурстық орталығының директоры Н.Амандық қатысты.<blockquote>«Ел болам десең, бесігіңді түзе» демекші, жастарды тәртіпке, адамгершілікке, имандылыққа шақыратын осындай іс-шараладың жиі ұйымдастырылуы қоғам қауіпсіздігін насихаттауда көп септігін тигізеді. Нақты айтсақ, құқықтық білім беру арқылы жасөспірім құқықтың не екенің ұғынады және оның санасы қалыптасып, дамиды. Құқықты ұғынумен қоса, тұлғаны заңды құрметтеуге, қорғауға, орындауға дағдыландыру мен заңның әділдігіне сендіру – құқықтық сананың негізгі &nbsp;белгілері болып табылады. Сондықтан да құқық қызметкерлерімен қоса ата-аналар да балаларының тәрбиесіне аса жауаптылықпен қараған жөн», – дейді А.Өмірзақов.</blockquote>Шара барысында қатысушыларға құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық-зомбылық, ерте жүктіліктің алдын алу бағытында ақпараттық-түсіндірме жұмыстары жүргізілді. Түсіндірулер барысында бейнероликтер көрсетіліп, жадынамалар таратылды.&nbsp; &nbsp;<img src="https://knadmin.beoblood.kz/uploads/316143036_3427833540817896_1955306701165792952_n_9b06aade48.jpg" alt="316143036_3427833540817896_1955306701165792952_n.jpg">

Қазақстан және Қызылорда облысының жаңалықтары