<a href="https://kyzylorda-news.kz/">Kyzylorda-news.kz</a> «9 желтоқсан – Халықаралық сыбайлас жемқорлыққа қарсы күрес күніне» орай Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті және Қызылорда облысының қоғамдық даму басқармасының ұйымдастыруымен «Жемқорлықсыз болашақ – әр азаматтың үлесі» атты облыстық форум өтті.Аталған іс-шараға Қызылорда облысы бойынша Сыбайлас жемқорлыққа қарсы қызмет департаментінің басшысы Қ. Ахметқалиев, облыстық қоғамдық даму басқармасының басшысы Р. Каюпов, мемлекеттік қызметкерлер, комплаенс-офицерлер, университет оқытушылары, Сыбайлас жемқорлыққа қарсы волонтер жастар және бұқаралық ақпарат құралдарының өкілдері қатысты.Сыбайлас жемқорлыққа қарсы мәдениеті қалыптасқан парасатты қоғам құру мақсатында жыл сайын дәстүрлі түрде өтетін форумды Департамент басшысы Ахметқалиев Қуаныш Жұмағалиұлы ашып, әрі қарай патриоттық әнге ұласты.Форум барысында Республикалық «Саналы ұрпақ» слеті, жас ақындар мүшәйрасының жеңімпаздары және облыстық сурет байқауының қатысушысы өз өнерлерін көрсетті.Сыбайлас жемқорлыққа қарсы іс-қимыл жұмысында белсенділік танытқан бірқатар белсенді азаматтар, волонтерлер департамент басшысының алғыс хатымен және өңір тұрғындары арасында сыбайлас жемқорлықтың алдын-алу, мүлдем төзбеушілік қағидатын қалыптастыру мақсатында ұйымдастырылған «Сыбайлас жемқорлыққа қарсы мәдениетті қалыптастыру жолдары» тақырыбындағы үздік мақала байқауының жеңімпаздары қоғамдық даму басқармасы басшысының дипломдарымен марапатталды.Шара соңы жергілікті өнерпаздардың мерекелік концертімен жалғасты.<img src="https://knadmin.beoblood.kz/uploads/2_f3051769a6.jpg" alt="2.jpg"><img src="https://knadmin.beoblood.kz/uploads/3_d15e31a2e9.jpg" alt="3.jpg"><img src="https://knadmin.beoblood.kz/uploads/4_7dbe10c7ce.jpg" alt="4.jpg">

Жемқорлықсыз болашақ – әр азаматтың үлесі

<a href="https://kyzylorda-news.kz/">Kyzylorda-news.kz</a> «AMANAT» партиясының қалалық филиалында «Құқықтық көмек» жобасы аясында ашық есік күні өтті.Мұнда азаматтар өздерін толғандырған сауалдарға байланысты кәсіби заңгерлер мен адвокаттарға, тұрғын үй мәселесі бойынша «Отбасы банк» мамандарына, партияға қатысты сауалдар бойынша Атқарушы хатшыға және жұмыссыздық мәселесі бойынша «Мансап» орталығының мамандарына сұрақ қойды.Ашық есік күні аясында партияның қалалық филиалының Атқарушы хатшысы Гүлшат Мұсаева: «Құқықтық көмек» жобасы партияның қалалық филиалы тарапынан айына екі рет ұйымдастырылып, азаматтарға тегін заңгерлік кеңестер берілуде. Жыл басынан партия филиалына 100 ден аса азамат құқықтық негіздегі сауалдармен жүгініп, олардың 76-ның өтініші қанағаттандырылды,-деді.Ашық күні аясында тұрғындар тарапынан:- «MANSAP» жұмыспен қамту орталығы арқылы «Жастар практикасы» бағдарламасымен жұмысқа орналасу;- «Отбасы банкінің» бағдарламалары арқылы тұрғын үй алу;- Заңгерлік көмек көрсету туралы сауалдар жолданды.Аталмыш сауалдар бойынша сала мамандары заң аясында жауап берді.<img src="https://knadmin.beoblood.kz/uploads/Y_TY_K_MEK_Zh_OBASY_A_Ya_SYNDA_A_Sh_Y_ESIK_K_NI_TTI_2_dde4c00539.jpg" alt="«ҚҰҚЫҚТЫҚ КӨМЕК» ЖОБАСЫ АЯСЫНДА АШЫҚ ЕСІК КҮНІ ӨТТІ 2.jpg">

«Құқықтық көмек» жобасы аясында ашық есік күні өтті

<a href="https://kyzylorda-news.kz/">Kyzylorda-news.kz</a> Өнер орталығында Сыр бойының талантты перзенті, Қазақстанның еңбек сіңірген қайраткері, «Құрмет» орденінің иегері, профессор Кеулімжай Ботабаевтың шығармашылығына арналған Тұрмағамбет атындағы халық аспаптар оркестрінің «Мәртебелі маэстро» атты концерті өтті.Ұлағатты ұстаз, таңдаулы музыкант, білікті басшы Кеулімжай Шалтақбайұлы аймақтың кәсіби өнер ұжымдарының шығармашылық потенциалын қалыптастыруға, төл оркестрлеріміздің негізін қалауға атсалысқан бірегей талант иесі. Ол саз әлемінің сардары ғана емес, талай таланттың өнердегі жолына жарық түсірген ұстаз, руханият жанашыры.Музыка мэтрі дирижерлық еткен кештің шымылдығы Тұрмағамбет атындағы халық аспаптар оркестрінің орындауында Түркештің «Көңіл ашар» күйімен ашылды. Мұнан соң оркестрдің сүйемелдеуімен «Құрмет» орденінің иегері Самал Байсейтова, халықаралық, республикалық конкурстардың лауреаттары Бисенбек Төлеубаев, Мағжан Аманжолов, Жалын Жүсіпов және оркестр әртістері Дархан Мырзаханұлы (виолончель), Бағдат Құдайбергенов (шертер), Мақсат Мұхамеджан (прима), Болат Күзембаев (домбыра), Жансая Байжанова (қобыз), Тоқтар Ағыраев (қылқобыз), Ербол Мылтықбай (баян), Нүргүл Бақытқызының (домбыра) орындауындағы қазақстандық және шетелдік белгілі композиторлардың вокалдық, классикалық және аспаптық шығармаларын көрермен қауым ыстық ықыласпен тыңдады.&nbsp;<blockquote>– Бүгінгі концертке атсалысқан барша шәкірттеріме, руханият жанашырларына алғысым шексіз. Сыр бойы – төл өнердің, төлтума өнердің қарашаңырағы. Кәсіби музыкант ретінде, музыка өнерінің де оңай емес екенін айтқым келеді. Білім беру саласынан бөлек, шығармашылықпен ұзақ жылдардан бері айналысып келемін. Қанша шәкірт тәрбиеледім. Қанша таланттың жұлдызын жағуға, өмірден де, өнерден де өз жолын табуға көмектестім. Бүгінгі концерт сол еңбектің бір көрінісаі ғана, - дейді Кеулімжай Шалтақбайұлы.&nbsp;</blockquote><img src="https://knadmin.beoblood.kz/uploads/K_Botabaevty_shy_armashyly_konczerti_tti_1_33048544a2.jpg" alt="К.Ботабаевтың шығармашылық концерті өтті 1.jpg"><img src="https://knadmin.beoblood.kz/uploads/K_Botabaevty_shy_armashyly_konczerti_tti_2_611fa26fbe.jpg" alt="К.Ботабаевтың шығармашылық концерті өтті 2.jpg"><img src="https://knadmin.beoblood.kz/uploads/K_Botabaevty_shy_armashyly_konczerti_tti_616cf66f1d.jpg" alt="К.Ботабаевтың шығармашылық концерті өтті.jpg">

«Мәртебелі Маэстро»: К.Ботабаевтың шығармашылық концерті өтті

<a href="https://kyzylorda-news.kz/">Kyzylorda-news.kz</a> 9 желтоқсанда Талғар қаласының шет жағынан марқұм Шерзат Полаттың ағасы Нұрқанат Ғайыпбаевтың мәйіті табылды. Шерзаттың әкесі Қаржаубай Нұрымов інісі көз жұмған жерді видеоға түсіріп, оны қалай тауып алғанын айтып берді. Бұл туралы Stan.kz ақпарат агенттігі хабарлайды. Қаржаубай Нұрымов інісінің мәйітін өзі тапқан. Оның оқиға орнының көрсеткен видеосы желіде тарады. Нұрымовтың сөзінше, інісі көлігін оталған күйі тастап кетіп, оқиға орнына дейін жаяу барған.<blockquote>"Бір кісілер көлікті көріп, осы&nbsp;жерде деп айтқаннан кейін бейіттің басына&nbsp;келдік. Келгенімізде көліктің есігі ашық еді, ішінде екі телефон бар. Оталып тұрған сияқты, нақты есімде емес. Осы жерден қардың үстіндегі жалғыз іздің артынан жүрдік. Жардан түсіп, төмен тас жолға қарай жүреді. Мына жерден адамның түсуі қиын. Жардан түсіп, 500-700 метр тас жолға қарай жақындайды. Іздің артына түсіп барғанымызда трассаға жете салған жерде&nbsp;бауырым отыр, жан тапсырған”, –&nbsp;дейді Қаржаубай Нұрымов.&nbsp;</blockquote>Видеодан скрин (оқиға орны)

“Аяғы жерге тиіп, бүктеліп отырған”: Шерзат Полаттың әкесі інісі көз жұмған жерді көрсетті

<a href="https://kyzylorda-news.kz/">Kyzylorda-news.kz</a> Облыстық мәслихаттың XVІІI сессиясы өтіп, күн тәртібінде облыстық бюджетті нақтылау бағытындағы 15 мәселе қаралды. Аймақ басшысы өңірдің әлеуметтік-экономикалық дамуына, алдағы жоспарларға, өткен аптадағы жұмыс сапарының қорытындыларына тоқталды.<blockquote>​«Президентіміз Қасым-Жомарт Кемелұлының Сыр өңірін ерекше қолдауының арқасында бүгінде облысымыздың даму қарқыны жоғары.Аймақтың әлеуметтік-экономикалық дамуында оң тенденция қалыптасты. Барлық негізгі макроэкономикалық көрсеткіш бойынша республикада бірінші орындамыз. Өткен 11 айдың қорытындысымен өнеркәсіп өндірісі 0,8, өңдеу өнеркәсібі 20,6, ауыл шаруашылығы 3, тұрғын үй 15,3, көлік 3,3, сауда 6,5, құрылыс жұмыстарының көлемі 57,5 пайызға артты. Негізгі капиталға 559 млрд. теңге инвестиция тартылып, өсім 20,6 пайызды құрады.​Айта кету қажет, біз аймаққа шетел инвестицияларын, озық технологияларды тарту жұмыстарын белсенді жүргізудеміз. Таяуда ғана өңірдің бизнес өкілдермен бірге Италия, Испания, Түркия елдеріне барып келдік. Сыртқы істер министрлігі, Қазақстанның шетелдегі елшіліктерінің қолдауымен аталған мемлекеттерде өзара тәжірибе алмасулар, маңызды кездесулер өткіздік. Өнеркәсіп қауымдастығының жұмысымен, биохимиялық ерітінділер, медициналық реагенттер, санфаянс пен санитарлық-техникалық бұйымдар, гидрооқшауланған бетон, ауыл, орман шаруашылығына қажет озық датчиктерді шығаратын, тері, жүн өңдейтін өндіріс орындарымен танысып, келіссөздер жүргіздік. Инвестиция тарту жұмыстарын одан әрі жалғастырамыз,» – деді Н.Нәлібаев.</blockquote>Айта кетейік, биыл 189 449 гектарға ауыл шаруашылығы дақылдары егіліп, егін мерзімінде толық жиналды. Негізгі дақыл күріш 85 600 гектарға егіліп, әр гектардан 58 центнерден өнім алынды. Жарты миллион тонна күріш қамбаға құйылды.Халықтың әл-ауқатын көтеру, өмір сүру сапасын жақсарту үшін баспанамен қамту, сапалы инфрақұрылым жүргізу бағытында нақты жұмыстар атқарылуда. Елді мекендерді сапалы ауыз сумен қамтуда 2022 жылдан бері 16 млрд 800 млн теңгенің 55 жобасы жүзеге асырылды. Нәтижесінде халықты орталықтандырылған ауыз сумен қамтамасыз ету деңгейі 98,6 пайызға жетті. Биыл 13 жаңа жобаға 5 млрд. 300 млн. теңге бөлінді. Алдағы жылы облыс аумағындағы барлық елді мекен орталықтандырылған ауыз сумен 100 пайыз қамтамасыз етіледі.Тұрғындарды электр энергиясымен қамту бағытында 11 млрд. теңгеге 38 жоба жүзеге асырылуда. Бұл жобалар толық жүзеге асқанда электр желілерінің тозу деңгейі 62 пайызға төмендейді.Президенттің тікелей қолдауымен Қызылорда қаласында 215 млрд. теңгеге қуаттылығы 240 мегаватт жаңа жылу-электр орталығы салынуда. Бүгінде инвестор «Акса Энерджи» түрік компаниясы құрылысқа 127 млрд. теңгеден астам инвестиция салды. Жаңа жылу-электр станциясы – тәуелсіздік жылдарындағы инвестор қаржысына салынған ең ауқымды, теңдесіз жобалардың бірі. Аймақ үшін айрықша маңызға ие нысан келер жылы ел игілігіне табысталады.Мемлекет басшысының тапсырмасымен оңтүстік өңірлерде электр энергиясының тапшылығын болдырмау мақсатында Қызылорда облысында құны 800 млрд.теңгені құрайтын, қуаттылығы 1100 МВт-тық бу-газ қондырғыларының құрылысы жоспарлануда. «Самұрық Энерго» компаниясы Катар инвесторымен келіссөз жүргізіп, техника-экономикалық негіздеме әзірленуде.Жаңа бу-газ қондырғылары Қызылорда қаласынан Ұлытау облысына шығаберіс аумаққа салынады. Бұл жұмыстарға әкімдік 280 гектар жер телімін бөлді. Станцияны 2029 жылы толығымен іске қосу жоспарланған.<img src="https://knadmin.beoblood.kz/uploads/Oblysty_m_slihatty_XVIII_sessiyasy_tti_1_0e1f9ebbc7.jpg" alt="Облыстық мәслихаттың XVІІI сессиясы өтті 1.jpg"><img src="https://knadmin.beoblood.kz/uploads/Oblysty_m_slihatty_XVIII_sessiyasy_tti_2_53bb963d51.jpg" alt="Облыстық мәслихаттың XVІІI сессиясы өтті 2.jpg">Фото: Қызылорда облысы әкімінің баспасөз қызметі

Облыстық мәслихаттың XVІІI сессиясы өтті

<a href="https://kyzylorda-news.kz/">Kyzylorda-news.kz</a> 2024 жылдың сәуір айында Қызылорда медициналық жоғары колледжі Латвия мемлекетіндегі Рига медициналық колледжімен Евроодақ деңгейіндегі меморандумға қол қойған болатын. Меморандум аясында ағымдағы жылдың 2-шi желтоқсанында облыстық денсаулық сақтау басқармасының басшысы Олжас Искаков, көпбейінді облыстық аурухананың бас дәрігері &nbsp;Жасұлан Баймаханов және Қызылорда медициналық жоғары колледжінiң директоры Жанар Қалмақова &nbsp;Латвия елінде өткен халықаралық конференцияға қатысты.Конференцияда колледж директоры Жанар Амангелдіқызы Словакия, Молдавия, Болгария т.б. елдердің медицина мамандары алдында баяндама жасады. Сондай-ақ, іс-сапар барысында аймақтың бас дәрігері Олжас Ермекұлы бастаған конференцияға қатысушылар медициналық білім мен тәжірибе алмасу мақсатында Латвияның емдеу мекемелерінде болып, одан әрі Латвия Денсаулық сақтау министрлігінің өкілдерімен кездестi. Кездесуде бiлiм беру саласындағы медицина қызметкерлерінің одан әрі ынтымақтастығын талқылаумен катар, өзге де маңызды жоспарларға келiсiм жасалды.&nbsp;Меморандум аясында оқу жылының ІІ-шi жартыжылдығында медицина колледжінің білім алушылары академиялық ұтқырлық мақсатында Рига медициналық колледжінде оқуларын жалғастырмақ.2024 жылдың сәуір айында Қызылорда медициналық жоғары колледжі Латвия мемлекетіндегі Рига медициналық колледжімен Евроодақ деңгейіндегі меморандумға қол қойған болатын. Меморандум аясында ағымдағы жылдың 2-шi желтоқсанында облыстық денсаулық сақтау басқармасының басшысы Искаков Олжас Ермекұлы, көпбейінді облыстық аурухананың бас дәрігері Баймаханов Жасұлан Болатбекұлы және Қызылорда медициналық жоғары колледжінiң директоры Қалмақова Жанар Амангелдіқызы Латвия елінде өткен халықаралық конференцияға қатысты.Конференцияда колледж директоры Жанар Амангелдіқызы Словакия, Молдавия, Болгария т.б. елдердің медицина мамандары алдында баяндама жасады.Сондай-ақ, іс-сапар барысында аймақтың бас дәрігері Олжас Ермекұлы бастаған конференцияға қатысушылар медициналық білім мен тәжірибе алмасу мақсатында Латвияның емдеу мекемелерінде болып, одан әрі Латвия Денсаулық сақтау министрлігінің өкілдерімен кездестi. Кездесуде бiлiм беру саласындағы медицина қызметкерлерінің одан әрі ынтымақтастығын талқылаумен катар, өзге де маңызды жоспарларға келiсiм жасалды.Меморандум аясында оқу жылының ІІ-шi жартыжылдығында медицина колледжінің білім алушылары академиялық ұтқырлық мақсатында Рига медициналық колледжінде оқуларын жалғастырмақ.<img src="https://knadmin.beoblood.kz/uploads/LATVI_Ya_MEMLEKETI_Zh_A_A_M_MKINDIKTERGE_Zh_OL_A_Sh_TY_92df4316c3.jpg" alt="ЛАТВИЯ МЕМЛЕКЕТІ ЖАҢА МҮМКІНДІКТЕРГЕ ЖОЛ АШТЫ.jpg">

Латвия мемлекеті жаңа мүмкіндіктерге жол ашты

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> 16 желтоқсан Қазақстан Республикасы Тәуелсіздігінің 33 жылдығына орай елордада мерекелік отшашу <a href="https://kaz.inform.kz/news/tauelszdk-kunne-oray-otshashu-bolmaydi-elorda-akmdg-b295fd/">болмайды</a>. Бұл ақпаратты қала әкімдігі растады.<blockquote>– Тәуелсіздік күніне орай Астанада 50-ден астам түрлі мерекелік және ресми іс-шара өтеді. Оның ішінде көрмелер, концерттер, сурет байқаулары, турнирлер мен спартакиадалар сияқты іс-шаралар бар. Отшашу болмайды – деп жауап берді Астана қаласы әкімінің баспасөз хатшысы Ақмарал Олжабаева агенттік тілшісіне.</blockquote>Астанада Тәуелсіздік күніне орай өтетін іс-шаралардың уақыты мен орны туралы мына сілтемеге өтіп танысуға болады.Еске сала кетсек, Республика күніне орай, Астанада демеушілердің қолдауымен мерекелік отшашу ұйымдастырылды.Фото: Астана қаласы әкімдігінің баспасөз қызметі

Тәуелсіздік күніне орай отшашу болмайды – елорда әкімдігі

<a href="https://kyzylorda-news.kz/">Kyzylorda-news.kz</a>&nbsp; 9 желтоқсанда Талғар қаласының маңында 30 жастағы ер адамның мәйіті табылды. Алдын ала мәліметтерге сәйкес, ол өз-өзіне қол жұмсаған. Бұл туралы <a href="https://stan.kz/">Stan.kz</a> ақпарат агенттігі хабарлайды.Марқұмның 4 қазанда қаза тапқан кәмелетке толмаған Шерзат Болаттың ағасы екені анықталды.Полиция мәліметінше, марқұм туыстарының біріне өз-өзіне қол салатыны туралы хабарлама жазған. Ол тергеу барысында анықталды. Хабарламада ол туыстарымен қоштасып, Шерзаттың жанына жерлеуді сұраған.«Аға, не істесем де кешір. Мен бауырымның өлгенін қаламадым. Барынша тырыстым. Аға, сен біз үшін кек алу керексің. Сол үшін жаралғансың. Бірақ мен істеген істі қайталама. Сенде ұл-қыз бар, соларды ойла. Мені сені қатты жақсы көремін, кешір», – деп жазған марқұм.<img>Оның хатын алған ағасы бірден жауап беріп, қайда жүргенін сұраған.<blockquote>«Ақымақ болма, үйге қайт. Берген уәдең қайда? Сені қайдан іздеп табайын. Мама ауырып қалады», – деп жауап берген ағасы.</blockquote>Бірақ марқұм Нұрқанат Ғайыпбаев ағасының бұл сұрақтарына жауап бермей, соңғы өтінішін айтқан.<blockquote>«Шерзаттың жанына жерлесең болды, басқа айтарым жоқ», – деп жазған марқұм.</blockquote>Аталған факті бойынша қылмыстық іс қозғалды. Қазір барлық жағдайды анықтау үшін тергеу амалдары жүргізіліп жатыр.Айта кетейік, бұған дейін Талғардың шетінен Нұрғанат Ғайыпбаевтың денесі табылғаны туралы жазған едік. Полицейлердің мәліметінше, 30 жастағы ер адам асылып, өз-өзіне қол жұмсаған.Еске салайық, Талғарда жаппай төбелес болып, салдарынан 16 жастағы Шерзат Болат көз жұмған еді. Жанжал жасөспірімнің отбасы жұмыс істейтін дүкенде басталған. Жасөсіпірімнің өлімінен кейін Шерзат Болаттың үйін белгісіз біреулер өртеп кетті. Ішкі істер министрлігі Шерзаттың өліміне қатысты 10 адам күдікті деп танылып, бес қылмыстық іс қозғалғанын мәлімдеді. Сондай-ақ министрлік жасөспірімді өлтірді деп айыпталған күдіктілер арасында бұрын сотталғандар бар екенін де растады.Фото: Stan.kz

«Біз үшін кек алуың керек»: Шерзат Болаттың ағасының өлер алдындағы хаты жарияланды

<a href="https://kyzylorda-news.kz/">Kyzylorda-news.kz</a> Сыр өңірінің тәртіп сақшылары құқық бұзушылықтың алдын алу және қоғамдық қауіпсіздікті қамтамасыз ету мақсатында демалыс күндері де күшейтілген режимде жұмыс істейді. Қоғам тыныштығын сақтау, жол-көлік оқиғаларының алдын алу, қоғамдық тәртіпті нығайту – құқық қорғау органдарының басты міндеті. Әсіресе, жасөспірімдер арасындағы құқық бұзушылықтарды болдырмау және олардың алдын алу мәселесі ерекше назарға алынған. Себебі, бұл бағыттағы шаралар болашақ ұрпақтың тәрбиесіне, қоғамның тұрақтылығы мен қауіпсіздігіне тікелей әсер етеді.Жұма, сенбі, жексенбі күндері Қызылорда қаласында жүргізілген рейдтік іс-шаралар кезінде тәртіп сақшылары тұрғындарға түнгі уақытта тыныштықты сақтау, кәмелетке толмағандардың көшеде ата-анасыз жүруіне жол бермеу және қоғамдық орындардағы тәртіпті қатаң сақтау керектігі жөнінде түсіндірме жұмыстарын да жүргізді. Түнгі рейдтің нәтижесі бойынша барлығы 690 құқық бұзушылық анықталып, 730 хабарлама тіркелген. &nbsp;Жол қозғалысы бойынша 500 хаттама толтырылып, 74 автокөлік айып алаңына қойылған. Ал, 190 хаттама қоғамдық қауіпсіздік бағытында толтырылып, алкоголь өнімін белгіленбеген уақытта сатқан 4 дүкен сатушысына ҚР ӘҚБтК-нің 200-бабымен шара көрілген. Сонымен қатар, кәмелетке толмағандардың түнгі уақытта жүргені үшін 24 ата-анаға ҚР ӘҚБтК-нің 442-бабы 2 бөлігімен шара көрілген.Құқық қорғау органдары азаматтарды заң талаптарын қатаң сақтауға шақырады. Өз кезегінде қоғамдық тәртіпті нығайтуға бағытталған мұндай шаралар әрі қарай да жалғасын табатын болады.<img src="https://knadmin.beoblood.kz/uploads/Za_men_t_rtip_tynyshty_kepili_1_5d1d3d7496.jpg" alt="Заң мен тәртіп – тыныштық кепілі 1.jpg"><img src="https://knadmin.beoblood.kz/uploads/Za_men_t_rtip_tynyshty_kepili_2_1cec6ba0f3.jpg" alt="Заң мен тәртіп – тыныштық кепілі 2.jpg">

Заң мен тәртіп – тыныштық кепілі

<a href="https://kyzylorda-news.kz/">Kyzylorda-news.kz</a> 8 желтоқсанда кешке Ақтөбе облысы Ырғыз ауданының әскери комиссары өз қызметтік кабинетінде асылып қалған. Бұл туралы <a href="https://stan.kz/aktobe-oblisinda-askeri-komissar-asilip-oldi-410870/">Stan.kz</a> ақпарат агенттігі хабарлады.Өзін өзі өлтіруге итермелеген себептер туралы әлі мәлімет жоқ. Облыстық қорғаныс істері жөніндегі департамент бұл жөнінде түсініктеме бермей отыр. Сондай-ақ Ақтөбе гарнизонының әскери-тергеу басқармасы мен прокуратурасы да үнсіз.Белгілі болғандай, өз өзіне қол жұмсаған әскери комиссар ешқандай теріс қылық жасамаған. Ол ішімдік ішпеген, темекі шекпеген және перспективті қызметкер ретінде танылған. Суицидтің бір нұсқасы – отбасылық мәселелер.Өткен айда Богословка полигонында 30238 әскери бөлімінің Павлодардан шақырылған мерзімді қызметтегі сарбазы Ярослав Боровец тәуліктік кезекшілікке түскен. Артиллериялық оқ-дәрілер сақталатын жеке қойманың аумағындағы 1-бекетте 3-ауысымда тұрған кезде, АК-74 автоматымен өзіне оқ атып, бетін жаралаған.Оған қоса, бірнеше күн бұрын жалдамалы пәтерде ефрейтор Шалауов өзіне қол жұмсамақ болды. Пәтерде оның досы да болған, ол көрші бөлмеде демалып жатқан. Шуды естіп, досы жүгіріп шығып, ефрейторды асылып тұрған күйінде көрген. Досы ас үй пышағымен сымды қиып, оны еденге жатқызды және 102 нөміріне қоңырау шалды. Оқиға орнына келген полицейлер әскери қызметкерді есіне келтірді. Ефрейтордан қоштасу хаты табылды.Фото: pixabay.com

Ақтөбе облысында әскери комиссар асылып өлді

<a href="https://kyzylorda-news.kz/">Kyzylorda-news.kz</a> Елімізді әлемге танытып жүрген әнші Димаш Құдайберген тағы бір марапатқа ие болдыдеп хабарлады <a href="https://kaz.inform.kz/news/halik-suykts-dimash-kudaybergen-uzdk-madeniet-kayratker-atandi-780d95/">kaz.inform.kz</a><blockquote>– «Халықтың сүйіктісі-2024» 14-ші ұлттық сыйлығының қорытындысы шықты. Ең беделді қоғамдық марапат он номинация бойынша берілді. Қазақстан Республикасының халық артисі Димаш Құдайберген төртінші рет жылдың «Мәдениет қайраткері» болып танылды, - делінген хабарламада.</blockquote>Лауреаттарды марапаттау рәсімі 2025 жылғы16 қаңтарда өтеді.Айта кетсек, таяуда ғана Димаш Құдайберген Дубайда беделді сыйлықтың лауреаты атанған еді.<img src="https://knadmin.beoblood.kz/uploads/1bad8d4b_6967_4298_a640_0ecea9c9f001_0419265056.jpg" alt="1bad8d4b-6967-4298-a640-0ecea9c9f001.jpg">Фото: dimashnews.com

Қазақстан және Қызылорда облысының жаңалықтары