<a href="https://kyzylorda-news.kz/">Kyzylorda-news.kz</a>&nbsp; &nbsp;Франциялық спортшы Алис Фино Париж Олимпиадасында сайысқа түскеннен кейін жігітіне үйленуге ұсыныс жасады. Бұл туралы<a href="https://stan.kz/parizh-olimpiadasinda-zhenil-atlet-zhigitine-uylenuge-y-404457/"> Stan.kz</a> ақпарат агенттігі Le Figaro басылымына сілтеме жасап хабарлайды.Жеңіл атлет 3000 метрге кедергіден жүгіруден төртінші орын алды. Фино бұл қашықтықты 8 минут 58,67 секундта өтіп, Еуропаның рекордын жаңартты.Мәреге жеткеннен кейін ол көрермен отыратын жердегі&nbsp;сүйіктісіне барды. Ол&nbsp;тізерлеп тұрып, жігітіне үйленуге&nbsp;ұсыныс жасады. Спортшының жігіті келісті, содан кейін олар көрерменнің қошеметіне бөленді.Сөзінше, 9 жігітінің сүйікті саны екен.<blockquote>"Біз тоғыз жыл біргеміз. Егер тоғыз минуттан тез жетсем, жігітіме ұсыныс жасаймын деп өзіме айттым. Мен басқалар сияқты болғанды ұнатпаймын. Ол маған&nbsp;әлі ұсыныс жасамағандықтан, "Мұны өзім істеуім керек" деп ойладым, –&nbsp;деді франциялық жеңіл атлет.</blockquote>Олимпиадада қазақстандық атқыш Константин Малиновский де&nbsp;ұлттық құрамадағы әріптесі Арина Алтуховаға ұсыныс жасады.Константин Парижден 300 шақырым жерде орналасқан Шату қаласында жарысқа қатысты.Арина Алтухова мен Константин Малиновский 3 жыл қыз бен жігіт боп жүрген екен. Константин өз туған күнінде жарыста жүріп сүйіктісіне тұрмысқа шығуға ұсыныс жасады.<blockquote>"Алғаш рет Олимпиадада ел намысын қорғаған Константин Малиновский өзінің туған күнінде сүйіктісі Арина Алтуховаға ұсыныс жасады, әрине, Арина “иә” деді”, –&nbsp;деп жазды спортты дамыту дирекциясы.</blockquote>

Париж Олимпиадасында жеңіл атлет жігітіне үйленуге ұсыныс жасады

<a href="https://kyzylorda-news.kz/">Kyzylorda-news.kz</a>&nbsp; Парижде өтіп жатқан Олимпиада ойындарында Нұрбек Оралбай финалда украиналық қарсыласын ұтылып, күміс медальге ие болды. Бұл туралы <a href="https://stan.kz/nyrbek-oralbay-bokstan-olimpiada-oyindarinin-kumis-zhul-404455/">Stan.kz </a>ақпарат агенттігі хабарлайды.Париж Олимпиадасында 80 келі салмақта ел&nbsp;намысын қорғаған отандасымыз финалда украиналық Александр Хижнякпен алтынға таласты.Аса тартысты өткен жекпе-жек қорытындысы бойынша төрешілер шешімімен Хижняк жеңімпаз деп танылды.&nbsp;Осылайша украиналық боксшы Париж Олимпиадасының чемпионы атанса, қазақ боксшысы Нұрбек Оралбай күміс жүлдегер атанды.Естеріңізге сала кетейік, Париж Олимпиадасына жеті боксшы барған болатын.&nbsp;Өкінішке қарай, оның алтауы жарысты ерте аяқтап, көрермен қатарына қосылды.Ал&nbsp;әйелдер боксынан лицензия жеңіп алған үш боксшының екеуі алғашқы жекпе-жекектерінде жарыс жолын аяқтаса, тек олардың арасынан 50 келі салмақта Назым Қызайбай ғана ел&nbsp;үмітін ақтады.Айта кетсек, Қазақстан екінші олимпиада қатарынан бокстан алтын медалсіз қалды. Еліміз&nbsp;Олимпиада ойындарынан&nbsp;1996 жылдан бері алтын медальсіз оралмаған. 2021 жылы&nbsp;Токиода өткен Олимпиадада алтын алмау дәстүрі бұзылып, тек екі қола медаль ғана еншілеген едік.&nbsp;1996 жалдан бергі олимпиада чемпиондары:<ul><li>Атланта 1996 - Василий Жиров</li><li>Сидней 2000 - Бекзат Саттарханов пен Ермахан Ибраимов</li><li>Афины 2004 - Бақтияр Артаев</li><li>Бейжің 2008 - Бақыт Сәрсекбаев</li><li>Лондон 2012 - Серік Сәпиев</li><li>Рио 2016 - Данияр Елеусінов</li></ul>

Жалғыз финалист: Нұрбек Оралбай бокстан Олимпиада ойындарында күміс жүлдеге ие болды

<a href="https://kyzylorda-news.kz/">Kyzylorda-news.kz</a>&nbsp; &nbsp;Демеу Жадыраев грек-рим күресінен Париж олимпиадасының күміс жүлдегері атанды. Бұл туралы&nbsp;<a href="https://stan.kz/demeu-zhadiraev-parizh-olimpiadasinin-kumis-zhuldegeri-404454/">Stan.kz</a>&nbsp;ақпарат агенттігі хабарлайды.Демеу Жадыраев Париждегі олимпиада ойындарының финалында ұтылып, күміс жүлдегер атанды. 77 келі салмақта сынға түскен балуанымыз&nbsp;финалда жапондық балуан Нао Кусакамен белдесіп, 5:2 есебімен ұтылып қалды.&nbsp;Осылайша Жадыраев Қазақстан құрамасына екінші күміс жүлдені салды. Демеу Париж олимпиадасының алғашқы айналымда колумбиялық Хаир Куэроны айқын басымдықпен ұтса, ширек финалында жарыстың басты фавориті, қырғызстандық&nbsp;әлем чемпионы Ақжол Махмұдовпен белдесіп, 3:1 есебімен басым түсті. Ал жартылай финалда&nbsp;екі дүркін әлем чемпионатының күміс жүлдегері, әзірбайжандық Санан Сулеймановті 6:1 есебімен ұтты. Сөйтіп, Демеу грек-рим күресінен Қазақстан құрамасындағы жүлде алған жалғыз балуан атанды.Айта кетейік, бұған дейін 87 келіде сынға түскен Нұрсұлтан Тұрсынов ширек финалда Жан Беленюктен ұтылып, жарыс жолынан шығып қалған еді.Фото: ҰОК

Демеу Жадыраев Париж олимпиадасының күміс жүлдегері атанды

Шілде айының 19 жұлдызында Қазақстан Республикасының Мемлекеттік қызмет істері агенттігінің алқалы жиыны болып өтті. Онда өңірлердің 1 жартыжылдық жұмыс нәтижелері қорытындыланды. &nbsp;2024 жылдың І шілдедегі жағдайы бойынша Қызылорда облысындағы мемлекеттік қызметшілердің штат саны &nbsp;3 349 &nbsp; &nbsp;бірлікті құрайды. Оның 15-і саяси мемлекеттік қызметші, 3 334-і «Б» корпусының мемлекеттік әкімшілік қызметшілері. &nbsp; Бос орындар саны - 56 (1,7 %) құрайды. Айта кету қажет, бос орындарды дер кезінде мамандармен толтырып отыру көрсеткіші бойынша біздің өңіріміз көш басында.&nbsp; Басшы лауазымдағы әйелдер саны – 305 (9,3%) құрайды. &nbsp; Нақты қызмет атқаратын мемлекеттік қызметшілердің 3 129-ы немесе 95,1% жоғары білімді.&nbsp; Аймақтағы 790 (24%) мемлекеттік қызметші 35 жасқа дейінгі жастар.&nbsp; Мемлекеттік қызметшілердің 3 274-і (99,5%) қазақ ұлтының, қалған &nbsp;19-ы өзге ұлт өкілдері.&nbsp; Өңірімізде 24 Қазақстан Республикасы Президенті жанындағы Мемлекеттік басқару академиясының, 4 «Болашақ» бағдарламасының түлектері мемлекеттік қызметте жұмыс жасайды. Есепті кезеңде 36 қызметші немесе 1,1% өз еріктерімен қызметтен кеткен. Өткен жылдың І ж.ж. бұл көрсеткіш 37 (1,1%) құраған. Яғни, осы кезеңде кадр тұрақтылығы қамтамасыз етілген деп айтуға болады. Сонымен қатар, 2 мемлекеттік қызметші теріс себептермен жұмыстан босатылған (екеуі де білім саласының басшылары). Мемлекеттік әкімшілік қызметке кіруге үміткерлерді тестілеуге 1201 адам қатысып, оның 292 немесе 24,3% шекті мәннен төмен емес нәтижеге ие болды. Құқық қорғау органдарына алғаш кіретін азаматтарды тестілеуге&nbsp; 320 адам қатысып, оның 94 немесе 29,4% өтті.&nbsp; Қызылорда облысындағы барлық деңгейдегі мемлекеттік органдарда 322 (оның ішінде, ішкі конкурс – 157, жалпы конкурс – 165) &nbsp;бос лауазымдарға орналасуға конкурстар өткізілді. Конкурстарға 395 (оның ішінде, ішкі конкурс – 95, жалпы конкурс – 300) адам қатысып, орта есеппен бір орынға 1,3 адамнан келді. Өткізілген конкурстар нәтижесінде 217 (оның ішінде, ішкі конкурс – 84, жалпы конкурс – 133) үміткер бос лауазымдарға қабылданды. Ішкі конкурстардың нәтижесімен жұмысқа қабылданған 84 &nbsp;үміткердің 60-ы, яғни 71,5% (жергілікті атқарушы органдар бойынша 78,8%) жоғары лауазымдарға тағайындалды. Осы көрсеткіштерден өңірімізде меритократия қағидатына басымдылық беріліп келетінін байқауға болады. 2023 жылдан бері аудандық және ауылдық елді мекендерде мемлекеттік органдардың төменгі бос лауазымдарына мемлекеттік грантпен үздік бітірген түлектерді қызметке орналастыру жұмыстары жалғасуда. Өткен кезеңде қолданыстағы мемлекеттік қызмет туралы заңының осы тетіктерін пайдалана отырып, 3 түлек бос тұрған лауазымдарға тағайындалып, қызметтерін атқаруда.&nbsp;Әдеп жөніндегі кеңеспен алты айда 6 &nbsp;отырыс өткізіліп, 34 мәселе қаралды. Қаралған мәселелердің 13 тәртіптік істер болса, 21 профилактикалық бағыттағы есептер мен талдау қорытындылары.&nbsp; Яғни, қаралған мәселелердің 38,2% тәртіптік істер, 61,8% профилактикалық бағыттағы есептер мен талдау қорытындылары. Кеңес отырыстарында Әдеп кодексінің талаптарын бұзу бойынша 2 тәртіптік іс, мемлекеттік қызметке кір келтіретін теріс қылықтар бойынша 11 тәртіптік іс қаралды. Нәтижесінде 9 тәртіптік іс тоқтатылса, Әдеп кодексінің талаптарын бұзғаны үшін 1 қызметші, мемлекеттік қызметке кір келтіретін тәртіптік теріс қылықтарға жол бергені үшін 3 қызметші тәртіптік жауапкершіліктерге тартылды. Барлық қаралған мәселелер жергілікті бұқаралық ақпарат құралдарында жарық көрді. Осылайша, қабылданып жатырған шешімдердің ашықтығы қамтамасыз етіліп келеді. Профилактикалық мәселелерді қарау нәтижесімен Әдеп жөніндегі кеңеспен 117 ұсыныс енгізілді. Ұсыныстар толығымен орындалды. Сонымен бірге, Әдеп жөніндегі кеңес мүшелерімен 64 жеке қабылдау өткізіліп, 104 азамат қабылдауда болды. Мемлекеттік қызмет саласын бақылау бағытында 76 жолданым қаралған, оның ішінде 33 басқармамен құзыреті шегінде қаралды, 42 басқа органдарға жолданды, 1 жолданым иесінің өтініші бойынша қараусыз қалдырылды. Бұл бағытта барлығы 23 тексеру жүргізілді, оның ішінде 6 профилактикалық бақылау шаралары және 17 жоспардан тыс тексерулер. Барлығы 143 бұзушылық анықталып, мемлекеттік қызмет саласындағы заңнама бұзушылықтарын жою туралы мемлекеттік органдарға 11 нұсқама енгізіліп, нұсқамалар толық орындалды. Мемлекеттік көрсетілетін қызметтер бағытына тоқталатын болсақ, өңірімізде мемлекеттік органдармен 374 мемлекеттік қызмет түрі көрсетіледі (жергілікті атқарушы органдармен - 173, аумақтық мемлекеттік органдармен – 201). Жалпы облыстағы қызмет беруші мекемелер тарапынан&nbsp; есепті кезеңде 3 417 749 қызмет көрсетілген. Оның ішінде жергілікті атқарушы органдармен – 2 925 880 (85,6%), аумақтық мемлекеттік органдармен – 491 869 (14,4%). Бұл бағытта барлығы 35 бақылау іс шаралары өткізілді, оның ішінде: профилактикалық бақылау – 6, жеке және заңды тұлғалардың жолданымдары бойынша – 21 тексеру, мемлекеттік органдардың хабарламалары бойынша – 8 тексеру жүргізілді. Профилактикалық бақылау, жеке және заңды тұлғалардың жолданымдары бойынша тексеру және қашықтықтан мониторинг нәтижесінде жалпы 2081 бұзушылық анықталды. Ең жиі орын алатын бұзушылықтардың қатарында: қызмет көрсету тәртібін бұзу – 1500; жұмыс кестесін сақтамау – 363; мемлекеттік қызмет көрсету мерзімін бұзу – &nbsp;119; артық құжаттар талап ету – 62 дерек және өзге де бұзушылықтар бар. Мемлекеттік қызмет көрсету сапасына қатысты 36 өтініш түсті, 21-і бойынша тексерулер жүргізілді, негізді жүгінгендердің ішінен 7 қызмет алушының дәлелдері расталып, құқығы қалпына келтірілді және қорғалды. Мемлекеттік органға сұрау салу арқылы 1 қызмет алушының дәлелдері расталып, құқығы қалпына келтірілді. Рұқсат құжаттарын беру мерзімі мен тәртібін бұзғаны үшін&nbsp; ҚР ӘҚБтК - нің 465 – бабы бойынша лауазымды тұлғаларға 19 әкімшілік хаттама &nbsp;толтырылып, &nbsp;1 070 680 теңге көлемінде айыппұл салынды.&nbsp; Басқа да бұзушылықтарға жол бергені үшін мемлекеттік органдар мен ұйымдардың 56 қызметкері тәртіптік жазаға тартылды. Есепті кезеңде 29 мекемеде қоғамдық мониторинг жұмыстары жүргізіліп, нәтижесінде мүдделі мемлекеттік органдар мен ұйымдарға кемшіліктерді жою бойынша 10 ұсыныс енгізілді. Сондай-ақ, Қызылорда қаласы мен аудандарда&nbsp; 20 қоғамдық қабылдау жүргізіліп, 171 азаматқа тиісті түсіндірмелер мен жауаптар берілді. Қоғамдық кеңестердің 10 отырысында мемлекеттік көрсетілетін қызметтер бағыты бойынша – 19 мәселе қарастырылды. Департамент жанындағы Ведомствоаралық жұмыс тобының 2 отырысы өткізіліп, хаттамалық тапсырмаға сәйкес 8 мемлекеттік органға 19 ұсыныс берілді. «Елге қызмет» арнайы телебағдарламасының 13 жобасы жарық көрді. «Ең алдымен адамдар» арнайы оқу бағдарламасының 8 семинары өткізілді, оның ішінде 235 тыңдаушы қамтылды. 57 онлайн жәрмеңке өткізілді, оның ішінде 21 (қалалық) облыстық және 36 аудандық деңгейде. Онлайн жәрмеңкеге қатысушыларды қамту саны – 9998. Жалпы осы жұмыстардың барлығы мемлекеттік көрсетілетін қызметтердің сапасының артуына, азаматтарға қолайлы жағдайлар жасауға, бір сөзбен айтқанда клиентке бағдарланған мемлекеттік аппаратты қалыптастыруға бағытталған. Негізгі бағыттардың бірі бұл арыз шағымдармен жұмыс. 2024 жылдың 6 айында Департаментке барлығы 153 өтініш келіп түскен, оның 147 жеке, 6 заңды тұлғадан. Азаматтарды жеке сұрақтарымен 37 рет қабылдау өткізіліп, барлығы 57 адам қабылданды. Есеп беру мерзімінде 151 өтініш қаралды, оның: 98 - сәйкесінше түсіндірме берілді, 5–тоқтату туралы шешім қабылданды, 48(31%)- &nbsp;басқа мемлекеттік органдарға жіберілді. &nbsp; &nbsp; &nbsp; Келіп түскен өтініштердің жалпы санынан – 61 шағым, 59 арыз, 33 – өзге өтініштер. Барлық өтініштер бойынша белгіленген мерзімдерде заңды шешімдер қабылданды. Бұқаралық ақпарат құралдарында және департаменттің қызметі туралы әлеуметтік желілерде барлығы 1313 жазба жарияланды. Алдағы уақытта да аумақтық департамент алдына қойған негізгі мақсаттарды орындау бағытында кешенді жұмыстарды жалғастыратын болады. &nbsp;Е.Мендалиев,&nbsp;департамент басшысы, Әдеп жөніндегі кеңестің төрағасы&nbsp;фото:Еgov.kz &nbsp;&nbsp;

Қызылордада мемлекеттік қызмет саласында 6 айда 2 мыңнан аса бұзушылық анықталған

<a href="https://kyzylorda-news.kz/">Kyzylorda-news.kz</a>&nbsp; &nbsp;Мемлекет басшысының тапсырмасымен мемлекеттік шығармашылық үйлерді, спорттық секцияларды жан басына қаржыландыру жұмыстары нәтижесін беріп келеді.Бүгінде шығармашылық үйлердегі үйірмелерге 23 мыңға жуық бала қамтылса, спорттық секцияларға 14 мыңнан астам бала қатысуда.&nbsp; Өнім берушілерге бақылау жасау арқылы өнер, білім алушы балалардың орталықтарға толыққанды қатысуы және мемлекет қаржысын үнемді пайдалануға мүмкіндік беретін «Фейс-бақылау» мобильді қосымшасы 2023 жылдың шілде айында Қызылорда облысы бойынша мектепке дейінгі білім беру ұйымдарында өз нәтижесін беріп, білім беру саласында мемлекеттің 3,7 млрд теңге қаражаты үнемделді. Жоба өзінің тиімділігін дәлелдеп, жаңа цифрлы шешімдер басқа салаларда да енгізуге дайын екендігін көрсетті.&nbsp; Биылдан бастап осы жоба мәдениет, спорт салаларына да қолданысқа енгізіледі. Бағдарламаны енгізудің негізгі мақсаты - бюджет қаражатын тиімді және мақсатты жұмсалуын қамтамасыз ету. Былтыр прокуратураның тексеруімен 40-қа жуық өнім берушілерден жалған балаларды тіркеу фактілері анықталды. Оның ішінде біразы өз еркімен мойындап бюджет қаржысын қайтадан бюджет кірісіне қайтарғандар болды. Келіспегендермен қылмыстық іс қозғалды. Әлі күнге дейін қылмыстық процестер жүріп жатыр. Айта кету керек, мобильді қосымшасының деректер базасында алдын ала тіркелген сандық бейнеге сәйкес, бетті биометриялық оқу арқылы балаларды автоматты түрде таниды. Бағдарламаның мобильді қосымшасымен сканерден өткен бейне сандық бейнеге (код) ауысып, дереу қауіпсіз серверге сақталуға жөнелтіліп, ғаламтор мен әлеуметтік желілер арқылы тарамауына кепілдік берілген.&nbsp; Мәліметтер базасы, бағдарламалық жасақтама, балалардың аты-жөнінің орнына балаларға тіркеу нөмірі қолданылады (мысалы: 12345678; 23456789 және т.б.). Осылайша дерекқорда жеке тұлғаны бірегей түрде анықтай алатын жеке деректер жоқ. «Face ID» мобильдік қосымшасымен сканерлеу барысында орташа есеппен 1 балаға 5-7 секунд ғана жеткілікті, ал, бір топтағы 25 балаға 2-3 минут уақыт ғана қажет етіледі. Мобильдік қосымшаның блокқа түсіп қалу ықтималдығы өте төмен, мобильдік қосымша үзіліссіз жұмыс жасау үшін резервтік сервермен қамтамасыз етілген. Бүгінгі күні, облысымыздағы 230 ауылдық елді мекеннің 210-ы мобильді интернетпен (2G, 3G 4G, ADLS, ВОЛС, Спутник) толық қамтамасыз етілген. Ал, 20 ауылдық елді мекен тек байланыс желісімен қамтылған. «Face ID» мобильді қосымшасы барлық мобильді операторлардың интернет желісінің ең төменгі (Е) жылдамдығында қолданылуға мүмкіндігі бар.Фото: opennews.kz<figure class="media"><div data-oembed-url="https://youtu.be/lB0EGmWAG_0?si=-VtQ8nO29dCav6ne"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/lB0EGmWAG_0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордада «ART-Sport» шығармашылық және спорттық үйірмелеріне «Face ID» бақылау жүйесі енгізілуде

<a href="https://kyzylorda-news.kz/">Kyzylorda-news.kz</a> Кеше ғана еліміз бойынша мемлекеттік грант конкурсына құжат тапсырып, мемлекеттік грант иегері атанған талапкерлердің есімі белгілі болды. Жалпы 2023-2024 оқу жылында Қазалы ауданы бойынша 899 түлек орта білім беру ұйымын тәмамдаса, оның 800-ге жуығы Ұлттық бірыңғай тест тапсырған болатын. Бұл туралы Қазалы ауданы әкімдігі хабарлады.Нәтижесінде 579 жерлесіміз тегін білім алу мүмкіндігін жеңіп алды. Олардың 137-сі педагог мамандығы бойынша грант ұтса, 67 түлек ақхалатты, 208 талапкер техник боламын деп шешсе керек. Тағы 16 қазалылық ауылшаруашылығы саласы бойынша, 151 бала басқа мамандықтар бойынша тегін білім алатын болады.Өткен оқу жылы осындағы білім саласының толағай табысқа жеткенін көп жаздық. Ендігі грант саны бойынша да Қазалы жұртшылығына жар салсақ жарасады. Білікті ұстаздар мен ізденіс сүйер шәкірттердің еңбегінің жемісі – мемлекеттік грант иегерлерінің үлесі биыл 83,5 пайызды құрап отыр. Былтыр мектеп бітірушілердің 80 пайызы ата-анасының арқасындағы жүкті жеңілдете алғанын ескерсек, биылғы көрсеткіш Қазалыдағы білім саласы бір орында тұралап қалмағанын тағы бір дәлелдеді.Мемлекеттік грантпен оқуға түсе алмағандар үміттен күдер үзбегені абзал. Неге десеңіз, жылдағыдай 3 мыңға жуық талапкер гранттан бас тартуы мүмкін, олар келесі жоғары балл жинаған талапкерлерге беріледі. Бұдан бөлек, жергілікті атқарушы органдардың яғни әкімдіктің, KazEnergy қауымдастығының, Х.А.Яссауи атындағы ХҚТУ-де білім алу үшін Түркия Республикасының 500 грантын жеңіп алу мүмкіндігі бар.Ол аз десеңіз, жұмыс берушілердің тағайындайтын, Түркістандағы Халықаралық туризм және қонақжайлылық университетінің 800 мақсатты грантына құжат тапсыруға болады. Оған Қазақстан халқына қоры бөлетін 850 грантты қосыңыз. Ректорладың гранты тағы бар.Әрі-беріден кейін ақылы оқуға түскен студенттерге сессия қорытындысы бойынша бос грант алу мүмкіндігі және бар.Бірер аптадан кейін осындағы әр үйдің үкілі үмітіндей ұл-қыздары үлкен қалаларға білім алуға аттанады. Білім ұясынан түлеп ұшқан талапкерлер еліміздің ертеңін жарқын ететін, туған жерді түлетуге қызмет ететін қайырлы білім алуына тілектеспіз.Фото: Қазалы ауданы әкімдігі

Қазалы ауданы бойынша 579 оқушы грант иегері атанды

<a href="https://kyzylorda-news.kz/">Kyzylorda-news.kz</a> &nbsp;Желіде елімізде 2024 жылдың 1 қазанынан бастап пойыз билеті қымбаттайтынын туралы ақпарат тарады. Көлік министрлігі ақпаратты түсіндірді. Бұл туралы <a href="https://stan.kz/">Stan.kz</a> ақпарат агенттігі хабарлайды.Ақпаратқа сәйкес жол жүру ақысы 20% көтерілмек. Министрліктің хабарлауынша, кейбір бағыттар бойынша тариф көтеріледі.<blockquote>«Елімізде 140 жолаушы тасымалы бағыты бар. Оның 62-сінде тариф көтеріледі. Бұл өзгерістер көлік паркін жаңарту, көрсетілетін қызметті жақсарту және қызметкерлердің жалақысын көтеру үшін қажет. Ескере кететін нәрсе соңғы 10 жылда әлеуметтік маңызы бар бағыттар бойынша жолаушыларды тасымалдау бағасы көтерілген жоқ (инфляция деңгейіне индексациялауды қоспағанда)», – делінген ведомство хабарламасында.</blockquote>Министрлік жолаушылар вагондарының паркі 2667 бірлікті құрайтынын, оның 44% тозғанын нақтылады.<blockquote>«Автопаркті жаңартуды жеке тасымалдаушылар да, ұлттық тасымалдаушылар да жүзеге асырып жатыр. Осылайша, 2023 жылы 118 бірлік, 2024 жылы 140 бірлік вагон сатып алынса, 2025 жылдан бастап жыл сайын 200 бірліктен астам вагон сатып алу жоспарланған. Ал 2030 жылға қарай сатып алу 1200 бірлікке жетеді, әлеуметтік маңызы бар бағыттар бойынша жолаушыларды тасымалдау бағасын (тарифін) көтеру «Темір жол көлігі туралы» Заңның 12-бабына сәйкес жүзеге асырылады», – делінген ақпаратта.</blockquote>Автопаркті жаңарту жұмыстарына байланысты пойыз билеттерінің бағасы 2024 жылдың 1 қазанынан бастап көтеріледі деп жоспарланып отыр.Еске салсақ, бұған дейін Қазақстан мен Қытай арасында алғашқы туристік пойыз іске қосылғаны туралы жазған едік.Фото: ҚТЖ

Қазақстанда пойыз билеттері қымбаттайды

<a href="https://kyzylorda-news.kz/">Kyzylorda-news.kz</a> Қазақстанда жүргізуші куәлігін алу жеңілдетілді. Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлайды.Жаңа ережелерге сәйкес, енді жүргізуші куәлігінің жарамдылық мерзімі аяқталған немесе жоғалған кезде ғана емес, тегі, аты және әкесінің аты өзгерген кезде де eGov.kz порталы арқылы алуға болады.Сондай-ақ енді жүргізуші куәлігін ауыстыратындар бұрын алынған жеке куәлігі немесе төлқұжаттағы фотосын пайдалана алады.Құжатты тек мамандандырылған халыққа қызмет көрсету орталығынан емес, енді онлайн алу мүмкіндігі де қарастырылған.Еске салсақ, осыған дейін премьер-министр Олжас Бектенов&nbsp;<a href="https://stan.kz/kazakstanda-avtomektepterdegi-okitu-zhane-zhurgizushi-k-404026/">жүргізушілерді оқытуды аяқтау және жүргізуші куәлігін алу</a>&nbsp;тәсілдерін қайта қарауды тапсырды.Фото: kolesa.kz

Қазақстанда жүргізуші куәлігін алу жеңілдетілді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің қызметкерлері 30 жылға жуық уақытын қиын да қауіпті салаға арнаған полиция полковнигі Маштаев Әбілхан Ибрагимұлын зейнеткерлік демалысқа шығарып салды.Әбілхан Ибрагимұлы ішкі істер органдарындағы қызметін 1997 жылы Қызылорда ҚІІБ Жедел криминалистикалық бөлімінің криминалисті лауазымынан бастаған. Көптеген ауыр, аса ауыр қылмыстардың, оның ішінде «қасақана кісі өлтіру» фактілерінің де ізін суытпай ашуға үлкен үлесін қосқан.2016 жылдан Жедел-криминалистикалық басқармасының бастығы лауазымын атқарып келді.Ішкі істер органдарында қызмет атқарған жылдары ҚР ІІМ, ОІІД бастығының «Құрмет грамоталарымен», «Үздік криминалист» атағымен, «ҚР ІІМ Үздік қызмет үшін» омыраулық белгісімен, 1-ші, 2-ші, 3-ші дәрежелі «Ішкі істер органдарындағы мінсіз қызметі үшін», «Қазақстан полициясына 25 жыл» медальдарымен марапатталған.Департамент бастығының орынбасары полиция полковнигі Досжанов Амангелді Асқарұлы Әбілхан Ибрагимұлына адал қызметі үшін алғысын білдіріп, отбасына амандық, бақ-береке және жаңа жетістіктер тіледі.Фото: полиция департаменті

Қызылордалық полицейлер әріптесін құрметті демалысқа шығарып салды

<a href="https://kyzylorda-news.kz/">Kyzylorda-news.kz</a> &nbsp;Бүгінде қаламызда жылыжай ісін дамытуды қолға алғандардың қатары артып келеді. Солардың бірі – Қарауылтөбе ауылдық округінің тұрғыны Сейсенкүл Кыдырбаева. Ол «Ауыл Аманаты» бағдарламасы арқылы 7,9 миллион теңге жеңілдетілген несие алып, жаңа жылыжайды іске қосты.​Тыңнан кәсіп бастаған ауыл тұрғыны 255 шаршы метрді құрайтын жылыжайдан күніне 100 келіге дейін қияр жинап, қала мен ауыл тұрғындарын табиғи өніммен қамтамасыз етеді. Ал, күз айы басталысымен қызанақтың да алғашқы өнімдерін сатуға шығармақ.​Кәсіптің көзін тапқан азаматша ауылдың 3 адамын тұрақты жұмыспен қамтыған. Алдағы уақытта үздіксіз өнім алу науқанын енгізу мен лимон өсіруді қолға алу жоспарында бар.

 "Ауыл аманаты" жобасы аясында жаңа жылыжай кешені жұмысын бастады

<a href="https://kyzylorda-news.kz/">Kyzylorda-news.kz</a> &nbsp;Бүгін-ертең Қызылорданың кей аймақтарында жарық уақытша өшіріледі.7-8 тамыз сағат 09:30-19:00 аралығында бағана ауыстыру жұмыстарының жүргізілуіне байланысты, Жаппасбай батыр 72Е, 72В, 70Е, 70Н, 72К, 70Р, 70Т, 70П, 70Л, 76, 78, 8 көп қабатты тұрғын үйлерде және Ұлпан, Арзан, Аружан шағын маркеттерінде, азық-түлік дүкендерінде, аптекада электр жарығы өшірілетіндігін хабарлаймыз!<img src="https://knadmin.beoblood.kz/uploads/5_f383b7f062.jpg" alt="5.jpg">Фото: hi-tech.mail.ru

Қызылордада уақытша жарық болмайды

<a href="https://kyzylorda-news.kz/">Kyzylorda-news.kz</a> &nbsp;Бұл туралы ҚР Еңбек сіңірген қайраткері, әнші Жеңіс Ысқақова &nbsp;«Ұждан» &nbsp;әкелер алаңына берген <a href="https://www.instagram.com/reel/C-FK9cSoqz4/?igsh=MWd6OHd0cHhzcWF1ZA%3D%3D">сұқбатында айтты</a>.<blockquote>«Менің әкем өзі салмақты, өзіне сенімді, әрбір сөзін ойланып сөйлейтін және еш уақытта балаға дауыс көтермеген. Маған, жалпы балаларына «Сен мықтысың, ақылдысың, сенің қолыңнан бәрі келеді» деп жүрегіне сенім ұялатып, жігер берген әкенің баласымын. Әрине, әкем бала кезімізден жүрегімізге сенім ұялатып, тәрбиеледі», – деді Жеңіс Ермағанбетқызы.</blockquote>Әншінің айтуынша, әкесінің қуатты сөздері ғұмырлық қағидасына айналған. &nbsp;<blockquote>«Әкем шешеме «балаларға көп сөйлей берме, қадірің кетіп қалады, оларға бір рет айтып, түсіндіру керек» дейтін. Менің өмірдегі ұстанымым, әкемнің ғұмырлық қағидасы: өтірік сөйлеп, көлгірсімеу һәм ұрламау, адамды сатып кетпеу. Соңғы кезде адамдар өздеріне есеп бермейді. Ал әкем бізді бір уақыт өз-өзімізге есеп беруге үйретті. &nbsp;Мысалы, біреуді ренжітіп қойсаң, ойлан. Не үшін ренжіттің? Мүмкін сенің де қателескен жерің болар, үйге келгенде осыларды ой елегіңнен өткіз. «Мен не істедім, кімге ауыр сөз және кімнің көңіліне тиетіндей әңгіме айттым» &nbsp;деген сұрақтарға күнделікті жауап ізде. Әкемнің тәрбиесі осындай еді. Бүгінге дейін әкемнің айтқан сөздері есімнен кеткен емес. Сондай-ақ ешкімге сенбе, сүрінген жеріңнен ешкім сені сүйремейді, өзіңді жетелейтін өзің, өзіңді алып шығатын да өзің деген болатын», – дейді әнші.</blockquote>Жеңіс Ысқақованың айтуынша, анасы әкесін паштадай сыйлайтын болған.<blockquote> «Қоғамдағы әкенің орны орасан зор. Өйткені, қазақта жақсы сөз бар: «Әке – асқар тау». Жалпы, шешелеріміз бізді әкелерімізбен қорқытатын. Ал негізінде әкеміз ең мықты, басқа балаларды еркелетпесе де мені әлпештеп отыратын. «Әкең келе жатыр, шуламаңдар, тамағын ішсін» деп аналарымыз үлкен патша қылып қоятын. Патшадай әкеден тәрбие алған ер бала өзінің отбасының патшасы болуы тиіс. Патшадан патша туады. Сондықтан да бүгінгі қоғамда патшалар азайып барады. Бұл ащы шындық болса да отанымызды, әр отбасыны асырайтын да азаматтар. Балаларға еркектік тәрбие беріп, жігерлендіретін де азамат. «Сен азаматсың, еркек емессің бе» деп жүрегіне сенім ұялататын да әке. Бүгінде сол азаматтардың рөлін айта алмаймын, керісінше әйелдердің рөлі басымырақ. &nbsp;Бірқатар еркектердің әңгімесі «Біреу сөйлеп жатса, аузын қышып бара ма» деген принцип. Ал әйелдер балалары, күйеулері үшін тірлігін жасап жүре береді. Ал жігіттер «Вперед Фатима» деп отыратын қоғамда өмір сүріп жатырмыз», – деді әнші.</blockquote>Фото: inform.kz

Қазақстан және Қызылорда облысының жаңалықтары