<a href="https://kyzylorda-news.kz/">Kyzylorda-news.kz.</a> Қызылорда облысы өңдеу өнеркәсібінің өсімі бойынша республика көлемінде алғашқы бестікке еніп отыр. Бұл жөнінде Өңірлік коммуникациялар қызметінде өткен брифингте Қызылорда облыстық кәсіпкерлік және өнеркәсіп басқармасының басшысы Қамбарбек Мүбәраков мәлімдеді.<blockquote>«Экономиканың тұрақтылығын қамтамасыз ету, тұрақты жұмыс орындарын құру мен кірісті ұлғайтудың басты факторы – кәсіпкерлікті дамыту екені белгілі. Биылғы жылдың 10 айында облыста тіркелген шағын және орта кәсіпкерлердің саны 22,3 пайызға ұлғайып, 69 415 бірлікке жетті. Нәтижесінде, жұмыс жасап тұрған белсенді кәсіпкерлердің саны 27,5 пайызға ұлғайып, 64358 бірлікті құрады. Тіркелген кәсіпкерлер санының өсу қарқыны бойынша облыс республикада 4 орында болса, белсенді кәсіпкерлердің өсу қарқыны бойына 5 орында», - дейді Қамбарбек Мүбәраков.</blockquote>Басқарма басшысының айтуынша, биылғы жылы кәсіпкерлікті қаржылай қолдауға әртүрлі көздерден 20 млрд. теңгеден астам қаржы тартылды. Оның ішінде, Кәсіпкерлікті дамыту жөніндегі ұлттық жоба шеңберінде 9,5 млрд. теңге, «Қызылорда» өңірлік инвестициялық орталығына 2,9 млрд. теңге қаржы қарастырылған.&nbsp;<blockquote>«Өнеркәсіп саласы төмендеуіне қарамастан, өңдеу өнеркәсібінде оң динамика байқалуда. Биылғы жылдың 10 айында өңдеу саласында 194 млрд. теңгенің өнімі өндіріліп, өсімі 8,3 пайызды құрады. Айта кету керек, өңдеу өнеркәсібінің өсімі бойынша облыс алғашқы бестікке енді. Сонымен қатар, өңдеу өнеркәсібін дамытудағы басты жаңалық – шыны зауытының іске қосылып, қазан айынан бастап өнім өндіруі. Бүгінгі күннің өзінде 17 мың тоннаға жуық шыны Астана, Алматы, Шымкент қалаларына жіберілді. Алдағы уақытта Өзбекстан Республикасына экспорттау көзделуде. Атап өту қажет, зауытты іске қосу арқылы шағын және орта кәсіпкерлікті дамытудың белдеуін дамытып, 8 ілеспе кәсіпорын құруға жұмыс жүргіземіз», - дейді басқарма басшысы Қамбарбек Мүбәраков.</blockquote><figure class="image"><img src="https://knadmin.beoblood.kz/uploads/Kambarbek_e4310afed5.jpg" alt="Камбарбек.jpg"></figure>

Қамбарбек Мүбәраков: Шағын және орта кәсіпкерлердің саны 22,3 пайызға ұлғайды

<a href="https://kyzylorda-news.kz/">Kyzylorda-news.kz.</a>&nbsp; Арал ауданы бойынша егін шаруашылығын дамыту мақсатында 2022-2024 жылдарға арналған даму жоспары әзірленіп, егіс көлемін 800 гектардан 3000 гектарға дейін жеткізудің жол картасы бекітілді. Сондай-ақ, егін шаруашылығын дамытуға байланысты оның ішінде, мал азықтық шөптер (жоңышқа), бақша, көкөніс және тағы да басқа дақылдарды ұлғайту шеңберінде біршама жұмыстар ұйымдастырылды.Егін шаруашылығындағы өнімділікті арттыру мақсатында жергілікті шаруалармен теориялық түсіндірме жұмыстарын ұйымдастыру үшін, облыс орталығынан келетін ғылыми қызметкерлердің қатысуымен ақпан айының бірінші онкүндігінде Арал ауданынан көшпелі семинар-кеңес өткізілді.Өз өзімізді азық түлік өнімдерімен және мал азықтық шөппен қамтамасыз ету үшін 2022 жылға егістік және шабындық жерлерді ұлғайту бойынша Ақирек, Жетес би, Аманөткел, Бөген, Райым және Қаратерең ауылдық округтерінің жер учаскелеріне далалық өлшеу жұмыстары жүргізіліп, нәтижесінде жалпы көлемі – 493 гектар жер учаскелері шаруашылықтарға табысталып берілді.Осының нәтижесінде, бүгінгі күнге аудан бойынша табысталып берілген жерлерге барлығы 704,2 гектар егістік дақылдары орналастырылды.&nbsp;Оның ішінде,11,7 га картоп, 53 га көкөніс, 170 га бақша, 73 га ескі жоңышқа, 221 га жаңа жоңышқа және 175,5 га күздік жоңышқа орналастырылып, одан орташа есеппен 163,8 тонна картоп, 636 тонна көкөніс, 2125 тонна бақша өнімдері &nbsp;және 401,2 тонна жаңа жоңышқа өнімдері жиналды.Биылғы жылы суды тиімді пайдалану әдістерімен суды аз қажет ететін қондырғылармен пайдалануды қолға алдық.Оған дәлел, Ақирек ауылдық округіндегі «Асхат» және «Нұр-Дана» шаруа қожалықтары подпленка әдісімен 7 гектар жерге бақша дақылдарын орналастырса, Сексеуіл кентінің жеке тұрғындары 3-4 га жерге бақша дақылдарын екті. Ал, Атанши ауылдық округіндегі жеке кәсіпкер Е.Төреханов 10 гектар жерге тамшылатып суару әдісімен бақша, көкөніс дақыларын орналастырса, Аманөткел ауылдық округіндегі «Camel Pro» шаруа қожалығы 80 гектар жерге жаңбырлатып суару қондырғысы арқылы жаңа жоңышқа тұқымын септі.Сонымен бірге егістік жерлерді суару үшін биылғы жылы 10 дана жылжымалы ДНУ-200/75 дизельді су насосы сатып алуға республикалық бюджеттен қаржы бөлініп, алынған су насостары егін егуге кіріскен сыр беткейіндегі ауылдық округтерге табысталды.Ағымдағы жылы ауданды азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету үшін жеке тұрғындар бойынша 70 гектардан астам жерге егіс егілді.Фото: Іnbusiness.kz

Арал ауданында 493 гектар жер учаскесі шаруашылықтарға берілді

<a href="https://kyzylorda-news.kz/">Kyzylorda-news.kz.</a> Діни сауаттылықтың қоғам үшін маңызы зор. Бүгінде діни сауатсыздықтан түрлі теріс ағымдардың құрығына түсіп, өз тағдырларын тәлкек еткен азаматтар жетерлік. Олардың арасында ақ пен қараның ара жігін ажыратып үлгермеген өрімдей жастардан бастап, егде жасқа келген азаматтар да кездеседі. Дегенмен, қазіргі таңда теріс діни ағымдар санасын улаған осындай азаматтарды оңалту, алдын алу мақсатында мемлекет тарапынан ауқымды жұмыстар жасалып жатыр. Осы ретте, азаматтардың діни сауаттылығын арттыруда имамдардың рөлі ерекше орын алатыны белгілі.Осы орайда, ҚМДБ-ның Қызылорда облысы бойынша өкілдігі Қармақшы аудандық «Қармақшы ата» мешітінде Қызылорда облыстық «Ақмешіт-Сырдария» мешітінің найб имамы, шариғат және пәтуа бөліміне жауапты маман, ЖАНТ мүшесі Мағжан Өмірбеков қатысуымен аудан және ауыл имамдарына арналған «Цифрлы заманда пәтуа берудің әдебі мен маңыздылығы» тақырыбында семинар болып өтті.Жалпы, пәтуа беру үлкен жауапкершілік. Алла Тағала Құранда: «Мұхаммед (оған Алланың салауаты мен сәлемі болсын) олар сенен, әйелдер жайында пәтуа сұрайды. Оларға Алла сендерге олар жайында пәтуасын білдіреді» («Ниса» сүресі, 127-аят) деген екен.Семинарда қоғамдағы өзекті мәселелерге қатысты пәтуа шығару, халық тарапынан келген сұрақтарға жауап беру ҚМДБ-ның басты жұмыстарының бірі екені айтылып, қосымша пысықталды. &nbsp;<img src="https://knadmin.beoblood.kz/uploads/318690114_851121316008410_854040136280634804_n_5a46ea0ca0.jpg" alt="318690114_851121316008410_854040136280634804_n.jpg">

«Цифрлы заманда пәтуа берудің әдебі мен маңыздылығы» тақырыбында семинар өтті

<a href="https://kyzylorda-news.kz/">Kyzylorda-news.kz.</a>&nbsp; Балықшылар мұз үстіне шығатын уақытты тағатсыздана күтеді. Бірақ, қыс кезіндегі балық аулаудың біршама&nbsp; қауіптілігі бар екендігін ұмытпау керек. Мұз үстіне шығу - әрқашан да қауіпті іс. Шиелі ауданының Төтенше жағдайлар бөлімі,&nbsp; балық аулаушылардың назарына жасалған, негізгі мұздағы қауіпсіздік ережелерін ұсынады. &nbsp;Мұзда адамның болуының негізгі қауіпсіз жағдайлары мыналар:&nbsp;- ұсынылған салмаққа мұз қалыңдығының сәйкес келуі;&nbsp;- бір адам үшін қауіпсіз мұздың қалыңдығы 7 см-ден кем болмауы керек;&nbsp;- жаяу өткел үшін қауіпсіз мұздың қалыңдығы 15 см және одан артық болуы керек;&nbsp;- автокөліктің өтуі үшін қауіпсіз мұздың қалыңдығы 30 см-ден кем болмауы керек;&nbsp;- судың температурасы 2-3°С кезде адамның суда 5-10 минут болуы оның өмірі мен денсаулығы үшін аса қауіпті.&nbsp;Мұз үстіндегі қозғалыс ережесі:&nbsp;•Мұз үстіне шығу тек тәуліктің жарық кезінде болуы керек;&nbsp;•Су айдынына шығар алдында мұздың мықтылығын тексеріңіз. Кәсіпқой балық аулаушыларға арналған жерлерде, тұрақты мұз қалыңдығын өлшеу жүргізіледі. Ол жеті сантиметрден кем болмауы керек;&nbsp;•Балық аулау орнына мұз үстімен жүргенде, қар басқан жерлерден аулақ жүріңіз;&nbsp;•Мұз үсті мөлдір болуы керек. Сүт түстес борпылдақ мұз беті қауіпті болады. Мұз бетімен жылжығанда оның түсіне назар аударыңыз. Неғұрлым мұз ашық түсті болса, ол соғұрлым қалың.&nbsp;Балық аулау барысында:&nbsp;•Мұз бетінде кішкентай алаңда көп топ болып жиналмаңыздар;&nbsp;•Шектеулі жерде көп ойықтар жасамаңыз;&nbsp;•Егер де сіз мұз астына түсіп кетсеңіз, үрейленбеуге тырысыңыз. Алдымен мұз бетіне бір аяғыңызды шығарыңыз, содан кейін екіншісін. Барлық денеңізбен мұз бетіне шыққанда, ақырындап қауіпсіз жерге сырғанаңыз. Киіміңізді ауыстыру үшін мүмкіндігінше су айдыннан тезірек кетіңіз.&nbsp;Құтқарушылардың көмегі қажет болған жағдайда 101, 112 телефондарына хабарласыңыз.

Мұз үстінде балық аулаушылар қауіпсіздік ережесін сақтауы тиіс

<a href="https://kyzylorda-news.kz/">Kyzylorda-news.kz.</a> Қармақшы ауданы, Ақжар ауылдық округі әкімдігінің ұйымдастыруымен жастарға түрлі тақырыпта бағыт-бағдар беру мақсатында ауыл жастары, оқушылар мен облыстық «Жастар ресурстық орталығы» мекемесінің қызметкерлері ашық алаңда бас қосты.Жиында жастардың өзекті мәселелері сөз болды. Атап айтар болсақ, мамандық таңдауда жіберілетін қателіктер мен оған бағыт-бағдар беру, кәсіпкерлік, кәсіп ашу туралы кеңестер беріліп, сала мамандарымен жастар еркін форматта пікір алмасты.Сонымен қатар облыстық «Жастар ресурстық орталығы» мекемесі директорының орынбасары Ерлан Мырзалыұлы ауыл жастарына Жастар ресурстық орталығының базасын таныстырып, орталық тарапынан жастарға көрсетілетін қызмет барысын түсіндірді. Қазіргі таңда жастар арасында өзекті саналатын жұмыссыздық пен кәсіпкерлік, кәсіп ашу мәселелерін де жастар мен сала мамандары өзара талқылады. Сондай-ақ ауыл жастары мемлекет тарапынан кәсіп бастауға берілетін жеңілдіктер мен несиелер, кәсіпкерлік бағытындағы бағдарламалар турасында да мол мағлұматтар алды.Шара соңы ауыл жастарының концерттік бағдарламасына ұласты. Жастар ән мен биден шашу шашты.<figure class="image"><img src="https://knadmin.beoblood.kz/uploads/318149419_1407575270017128_4202497241218663693_n_05446e028d.jpg" alt="318149419_1407575270017128_4202497241218663693_n.jpg"></figure>

Қызылордада ауыл жастары ашық алаңда басқосты

<a href="https://kyzylorda-news.kz/">Kyzylorda-news.kz.</a> Қызылорда қалалық «Казанской иконы Божией Матери» шіркеуінің бас қызметшісі Виталий Ивашинин Қызылорда облысы бойынша Қылмыстық-атқару жүйесі департаментінің №60 мекемесіндегі &nbsp;сотталғандармен &nbsp;кездесті.Кездесуде дін өкілі «Разговор с Богом» тақырыбында деректі фильм көрсетіп, насихат &nbsp;жұмысын жүргізді.Жазасын өтеушілер &nbsp;осы жүздесу барысында өздерінің жасаған күнәларына өкінетіндіктерін, тәубеге келу арқылы өз күнәларынан арылғысы келетіндерін айтты.Кездесу соңында шіркеу қызметшісі алдағы уақытта христиан дінінің православ бағытын ұстанушы сотталғандарды күнәларынан арылту үшін діни рәсімдер жасайтынын жеткізді.<blockquote>«Әрбір адам қателікке бой алдырады және соның салдарынан күнә жасайды. Біз де өзіміз жасаған қателіктеріміздің салдарынан жаза өтеп жатырмыз. Алайда, дін саласының қызметкерлері келіп тұрса, біз олармен әңгімелесу арқылы біраз жеңілдеп қаламыз. Сондықтан да қай дін өкілі болмасын адам тәубеге келу үшін, оған дұрыс жол көрсететін адам керек. Біз де тәубемізге келіп, жаратқанға жалбарыну үшін тура жолды көрсететін шіркеу қызметкерінің жиі келуін тағатсыздана күтеміз», - дейді сотталғандардың бірі.</blockquote><figure class="image"><img src="https://knadmin.beoblood.kz/uploads/Whats_App_Image_2022_12_01_at_16_15_06_f195241267.jpeg" alt="WhatsApp Image 2022-12-01 at 16.15.06.jpeg"></figure>

Қызылордада шіркеу қызметкері сотталғандармен кездесті

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданы әкімдігінің мәжіліс залында кезектен тыс өткен Президент сайлауында белсенділік танытқан азаматтар ҚР Президентінің, облыс әкімінің алғыс хаттарымен марапатталды. Бұл туралы Шиелі ауданы әкімдігінің баспасөз қызметі хабарлады.&nbsp;Сондай-ақ, жиында «Birge – Taza Qazaqstan» тазалық науқаны аясында аудан тазалығын сақтауға үлес қосқан азаматтарға Экология, геология және табиғи ресурстар министрлігінің құрмет грамотасы мен алғыс хаттары табысталды. Оған қоса, облыс әкімінің қолдауымен демалыс орындарына жолдама, су сорғысының сертификаты табысталды. &nbsp;Сонымен қатар облыс әкімінің және облыс әкімінің бірінші орынбасары Серік Қожаниязовтың алғыс хатымен марапатталды. &nbsp;Жиынды ашып, жүргізген аудан әкімі Нұржан Ахатов кезектен тыс Президент сайлауында және жыл көлемінде Шиелі ауданында жүргізілген тазалық шараларында белсенділік танытқан азаматтарға алғысын білдірді.&nbsp;Айта кетейік, жиында «Birge – Taza Qazaqstan» тазалық науқанына атсалысқан екі азаматқа облыс әкімінің қолдауымен демалыс орындарына жолдама, Қоғалы ауылдық округіне су айдайтын насос қондырғысының сертификаты табысталды.<figure class="image"><img src="https://knadmin.beoblood.kz/uploads/318944651_1458551401341981_2341859834725473621_n_d3ee353602.jpg" alt="318944651_1458551401341981_2341859834725473621_n.jpg"></figure><figure class="image"><img src="https://knadmin.beoblood.kz/uploads/319000647_1458552151341906_2237094995419015754_n_6a62988a5c.jpg" alt="319000647_1458552151341906_2237094995419015754_n.jpg"></figure><figure class="image"><img src="https://knadmin.beoblood.kz/uploads/318976749_1458551234675331_7703459289840455459_n_27ae9ea8be.jpg" alt="318976749_1458551234675331_7703459289840455459_n.jpg"></figure><figure class="image"><img src="https://knadmin.beoblood.kz/uploads/318929981_1458551988008589_7933780618296925589_n_bf46e4722f.jpg" alt="318929981_1458551988008589_7933780618296925589_n.jpg"></figure><figure class="image"><img src="https://knadmin.beoblood.kz/uploads/318945031_1458551338008654_5759379562983974023_n_39c16dc4c4.jpg" alt="318945031_1458551338008654_5759379562983974023_n.jpg"></figure><figure class="image"><img src="https://knadmin.beoblood.kz/uploads/318925600_1458551718008616_5494891449538269131_n_3fc8c200d6.jpg" alt="318925600_1458551718008616_5494891449538269131_n.jpg"></figure><figure class="image"><img src="https://knadmin.beoblood.kz/uploads/318904694_1458551794675275_2472448895635991730_n_8808276d00.jpg" alt="318904694_1458551794675275_2472448895635991730_n.jpg"></figure>

Шиелі ауданында белсенді азаматтар марапатталды

<a href="https://kyzylorda-news.kz/">Kyzylorda-news.kz.</a> Газет – сауаттылық пен жаңалықтың жаршысы. Өйткені газет шынайы ақпаратты, жан-жақты сараптаманы, нақты тұжырымды қамтиды. Сондықтан да елімізде, оның ішінде аймақта орын алып жатқан маңызды оқиғаларды, қоғамдағы өзекті мәселелер жайын газет бетінен табуға болады.Осы орайда, Жалағаш ауданының әлеуметтік-экономикалық дамуын өңір тұрғындарына ақпараттандыруды аудандық «Жалағаш жаршысы» газетіне жариялап отыру жұмыстарын жүргізіп отыру үшін аудан әкімі Асқарбек Есжанов пен «Сыр медиа» жауапкершілігі шектеулі серіктестігінің бас директоры Аманжол Оңғарбаев ынтымақтастық жөніндегі меморандумға қол қойды. &nbsp;Ынтымақтастықтың негізгі бағыттары аудан әкімдігі тарапынан Республика және облыс көлеміндегі жүргізіліп жатқан экономикалық, құқықтық реформаларға қатысты мақалаларды, Президент жарлықтарын, облыс, аудан әкімдіктерінің қаулылары мен шешімдерін, орталық атқарушы органдардың аумақтық бөлімшелерінің, облыстық, аудандық мәслихаттардың шешімдерін және аудан әкімдігіне қарасты бөлімдердің мақалаларын, хабарландыруларын «Сыр медиа» ЖШС-іне қарасты аудандық «Жалағаш жаршысы» газетінде жариялау үшін аудан әкімдігі жазбаша хат жолдап, «Сыр медиа» ЖШС-нің баспа басылымдарын әр елді мекендерде тарату үшін жергілікті халықты жұмыспен қамту орталығы арқылы қолданыстағы заңнама талаптарына сай қоғамдық жұмыс орындарын қарастыру және оны қаржыландыру мүмкіндіктерін қарау болса, «Сыр Медиа» жауапкершілігі шектеулі серіктестігі тарапынан аудан әкімдігі тарапынан жолданған жазбаша хат негізінде аудандық газетке өтеусіз негізде жариялау, баспа басылымдарын әр елді мекендерге жеткізу болып табылады. &nbsp;<img src="https://knadmin.beoblood.kz/uploads/318842110_1601018780350194_376181008119926693_n_f6049834a1.jpg" alt="318842110_1601018780350194_376181008119926693_n.jpg">

Жалағаш ауданы: Меморандум жасалды

<a href="https://kyzylorda-news.kz/">Kyzylorda-news.kz.</a> Қызылорда облысында тұтынушыларға келтірілген залалды қайтару сомасы 680,12 млн. теңгені құрады. Бұл туралы Табиғи монополияларды реттеу комитетінің Қызылорда облысы бойынша департаменті хабарлады.&nbsp;Табиғи монополия субъектілердің реттелетін қызметтерін тұтынушылардың заңды мүдделеріне және құқықтарына шек қоюға жол бермеу мақсатында жүзеге асырылатын табиғи монополия саласындағы мемлекеттік бақылаудың бір түрі табиғи монополия субъектілерімен бекітілген тарифтік сметалардың және инвестициялық бағдарламалардың орындалуына бақылау жүргізу болып табылады.«Табиғи монополиялар туралы» Қазақстан Республикасы Заңының талаптарына сәйкес табиғи монополия субъектілері бекітілген тарифтік сметаны және инвестициялық бағдарламаның іс-шараларын орындауға және уәкілетті органға олардың орындалуы туралы есептерді жыл сайын ұсынуға міндетті.&nbsp;Осылайша, биылғы жылдың қорытындысы бойынша ҚР Ұлттық экономика министрлігінің Табиғи монополияларды реттеу комитетінің Қызылорда облысы бойынша департаментіне 33 табиғи монополия субъектілері 53 тарифтік сметаның орындалуы туралы және 5 бекітілген инвестициялық бағдарламаның орындалуы бойынша есептерін ұсынды. Субъектілермен ұсынылған тарифтік сметалардың және инвестициялық міндетемелердің орындалуына жүргізілген талдау барысында Департаментпен тарифтік сметалардың шығын баптарының игерілмеуі, амортизациялық аударымдар сомасын мақсатқа сай пайдаланбау, электрэнергия, ЖЖМ, шикізат, материалдар нормалары мен нормативтерінің сақталмау фактілері анықталды.Тарифтік сметалардың және инвестициялық бағдарламалардың орындалуына жүргізілген талдаудың нәтижесінде департаментпен 17 табиғи монополия субъектілеріне қолданыстағы тарифтерін 0,2 пайыздан 89,0 пайызға дейін төмендетумен 28 уақытша өтемдік тарифтер енгізілді. Ондағы тұтынушыларға келтірілген залалды қайтару сомасы 680,12 млн. теңгені құрады. Оның ішінде реттелетін салаларды атап өтсек, электр және жылу энергетикасы – 0,77 млн. теңге, кірме жолдар – 12,82 млн. теңге, сумен жабдықтау және суды бұру – 666,53 млн. теңгені құрайды.Сонымен бірге, ТМС қызметінің ашықтығы мен айқындылығын қамтамасыз ету мақсатында табиғи монополиялар субъектілері тұтынушылар және өзге де мүдделі тұлғалар алдындаҚазақстан Республикасы Ұлттық экономика министрінің 2019 жылғы 13 тамыздағы №73 бұйрығымен бекітілген Табиғи монополиялар субъектілерінің қызметін жүзеге асыру қағидаларында айқындалған тәртіппен және«Табиғи монополиялар туралы» Заңның 25-бабының 6-тармағында белгіленген мерзімдердежария тыңдаулар нысанындаесептері жүргізіледі. Бұл ретте, бұл талаптар қуаты аз субъектілерге және жаңадан құрылған субъектілерге қолданылмайды.Осылайша, департамент бір жыл ішінде тұтынушылар мен өзге де мүдделі тұлғалар алдында бару немесе бейнеконференцбайланыс арқылы өткізілген 10 есепке қатысты.<figure class="image"><img src="https://knadmin.beoblood.kz/uploads/azyk_2e90c15aaf.jpg" alt="азык.jpg"></figure>

Қызылордада тұтынушылардың мүддесі қорғалды

<a href="https://kyzylorda-news.kz/">Kyzylorda-news.kz.</a> Бүгінде елде «табысқа кенелемін» деп бар жиған-тергенінен күмәнді қаржылық ұйымдарға салып, қолма-қо немес интернет желісі арқылы қаржысынан айырылып жатқан қазақстандықтар аз емес. Алаяқтық фактілерінің көбейгенін ескерткен Мемлекет басшысы Қасым-Жомарт Тоқаев тиісті мемлекеттік органдарға қаржы пирамидаларына қарсы алдын алу кешенді шараларын жүгізуді міндеттеген еді.&nbsp;Негізінен Қызылордада осы бағытта тіркелген қылмыстардың негізгі бөлігі интернетте (Олх, Колёса) тауарларды сату немесе қызмет көрсету туралы хабарламаны орналастырумен байланысты. Алаяқтар өздерінің құрбандарын арзан бағамен, тауарды не қызметті тез жеткізумен қызықтырады. Сатып алушылардан жартылай немесе толық алдын ала төлем жасауды сұрайды, олардың шоттары үшінші адамдарға ресімделіп отырады.Алаяқтықты жасаудың негізгі және басты себептері азаматтардың сенгіштігі. Осындай қылмыстарды ашу және тергеуде біршама қиындықтар бар, өйткені қылмыскер үшінші адамдарға тіркелген әртүрлі банк карталары мен карталарды, сондай-ақ әртүрлі абоненттік нөмірлерді пайдаланады. Көп жағдайда ақша қаражаттарын шешіп алу үшін жалған адамдарды қатыстырады. Ал, аталған қылмысты ашу үшін заң жүзінде алынған деректерді мүқият талдау қажет екен, бұл нақты ұзақ уақытты талап етеді.Дегенмен, бүгінгі күнге интернет арқылы жасалған алаяқтық қылмыстарының алдын алу, болдырмау бағытында аймақта бірнеше іс-шаралар атқарылуда. Бұқаралық ақпарат құралдары арқылы облыстың тұрғындарына түсіндіру жұмыстары жүргізіліп, алаяқтардың арбауына түсіп қалмау жайлы қандай сақтық шараларын сақтау керектігі түсіндірілуде.Осы мақсатта халыққа қызмет көрсету орындары мен базарларда, сауда орталықтарында плакаттар жапсырылып, жаднамалар таратылған.Сонымен қатар, тауарларды интернеттен сатып алған кезде тауарларды тек тексерілген сайттардан сатып алуды қарастыру керек. Бұл қос сайт емес, ресми бет екеніне көз жеткізіңіз. Көбінесе қылмыскерлер ұқсас сайттарды жасайды, тек ресурстың сипаттамасын өзгертеді, танымал банктердің логотиптерін, сондай-ақ танымал брендтерді пайдаланады, бұл адамды алдаудың тәсілдерінің бірі. Бұл жағдайда, егер сізден тауар үшін алдын-ала төлем сұралса, алдын-ала төлем шарттарын мұқият оқып шығу керек. Алаяқ интернеттен тапқан немесе басқа адамнан алаяқтық жолмен алған жеке куәліктің фотосуретін жібереді. Егер сіз басқа қаладан тауарға тапсырыс берсеңіз, туыстарыңыздан, таныстарыңыздан тауардың бар-жоғын және ұсынылған сипаттамаларға сәйкестігін тексеруді сұраңыз.Егер Сізге ұялы байланыс телефоны арқылы банктен қоңырау шалып, менеджер немесе қауіпсіздік қызметінің қызметкерімін деп таныстырып, Сіз туралы немесе Сіздің шотыңыз туралы мәліметтерді сұрастырып жатады. Егер сіз осы ақпаратты алаяқтарға телефон арқылы хабарласаңыз, ақша қаражаты дереу банк картасынан алынады. Осындай жағдайда сөйлесуді тоқтатып, өз банкіңіздің жедел желісіне дереу қоңырау шалып, осы жағдай туралы хабарлау қажет. Банктің бірде-бір қызметкері клиенттерге қоңырау шалмайды және құпия деректерге қызығушылық танытпайды.Инстаграмм арқылы тауарларды сатып алар алдында, сатушының ресми мекен-жайын, сонымен бірге, Ватсаппен немесе видео байланыс арқылы құжаттарын тексеріп, көз жеткізу қажет.«Сіз жеңімпаз атандыңыз, Сізге арнайы сыйлығымыз бар немесе ақша ұтысы бар, құжаттың көшірмесін жіберіңіз» деп ұялы телефонға мәліметтер түсіп жатады. Осындай жалған мәліметтерге құжаттардың көшірмесін жіберуге болмайды. Сіздің атыңыздан алаяқтар заңсыз іс-әрекеттер жасауы мүмкін.Қызылордалық полицейлер облыс тұрғындарынан интернет-алаяқтық фактілер бойынша жақын маңдағы полиция бөлімшесіне, «102» арнасына немесе «102 мобильді қосымшасына» хабарласуға болатынын ескертеді. &nbsp;<img src="https://knadmin.beoblood.kz/uploads/5_4e38581277.jpg" alt="5.jpg"><img src="https://knadmin.beoblood.kz/uploads/4_c3e455d261.jpg" alt="4.jpg"><img src="https://knadmin.beoblood.kz/uploads/3_58b4710227.jpg" alt="3.jpg">

Алаяқтықтың алдын алу немесе ол туралы хабарлау жолдары

<a href="https://kyzylorda-news.kz/">Kyzylorda-news.kz.</a> Қызылорда облыстық тарихи-өлкетану музейінің ұйымдастыруымен Арал аудандық тарихи-өлкетану музейінің филиалы Әбдіжәмил Нұрпейісов музей-үйінде музей қызметкерлері арасында «ҮЗДІК МУЗЕЙ ҚЫЗМЕТКЕРІ– 2022» байқауы өтті.&nbsp;Іс-шараға Арал ауданы әкімінің орынбасары Бержанов Кете-Төлеби Досымжанұлы, Қызылорда облысының мәдениет және спорт басқармасының бөлім басшысы Жанар Нұржақыпова, ҚР білім беру ісінің үздігі, ардагер-ұстаз, өлкетанушы Үргенішбай Қуатов және музей қызметкерлері, тарихшылар қатысты. Танымдық іс-шараны Арал ауданы әкімінің орынбасары Бержанов Кете-Төлеби Досымжанұлы ашып, байқауға қатысушыларға сәттілік тіледі.Байқаудың мақсаты - өзіндік ерекшелігі бар шығармашыл қызметкерлерді анықтау және қолдау, қызметкерлердің кәсіби шеберлігін жетілдіру, ұлттық дәстүрді жаңғырту, дамыту, насихаттау, музей мамандығының рөлін арттыру, бірыңғай мәдени кеңістікті дамыту, өңірлердің мәдени мұрасын таныстыру, қызметкерлердің тәжірибе алмасуына жағдай жасау.Байқауға барлық деңгейдегі музей қызметкерлері қатысып, 3 түрлі сынақ бойынша бақ сынасты. Байқау жоғары деңгейде ұйымдастырылды. Шарты бойынша барлық сынақтан сүрінбей өтіп, қазылар алқасының шешімімен Жалағаш аудандық тарихи-өлкетану музейінің ғылыми қызметкері Қанат Жапақов «Үздік музей қызметкері» болып танылды.Сондай-ақ, байқау ережесі бойынша Ғани Мұратбаев мемориалды музейінің қор сақтаушысы Әлібек Сералы, «Үздік музейлік жоба», С.Айтбаев атындағы көркемсурет галереясының экскурсоводы Тасенова Айжан, «Креативті маман», Шиелі аудандық тарихи-өлкетану музейінің ғылыми қызметкері Әбутегі Бекболат «Рухани құндылықтарды насихаттаушы» номинацияларын өзара бөлісті.&nbsp;Байқауға қатысқан қызметкерлер ақшалай және бағалы сыйлықтармен марапатталды.<figure class="image"><img src="https://knadmin.beoblood.kz/uploads/318245543_1673970636333787_9074945996443479535_n_e703525e8f.jpg" alt="318245543_1673970636333787_9074945996443479535_n.jpg"></figure>&nbsp;<figure class="image"><img src="https://knadmin.beoblood.kz/uploads/317416908_1673970793000438_2287956635839576408_n_efe7bf330b.jpg" alt="317416908_1673970793000438_2287956635839576408_n.jpg"></figure>&nbsp;<figure class="image"><img src="https://knadmin.beoblood.kz/uploads/316811431_1673970586333792_7230353340814630788_n_9a9de9a889.jpg" alt="316811431_1673970586333792_7230353340814630788_n.jpg"></figure>

Қызылордада «Үздік музей қызметкері» анықталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев халықтың жұмыспен қамтылуы мен табысының төмендігі жөніндегі мәселелерге баса тоқталып, халықтың табысын арттыру бағдарламасын әзірлеуді тапсырған болатын.Осы орайда, Қазақстан Республикасы Үкіметінің қаулысымен «Халықтың табысын арттырудың 2025 жылға дейінгі бағдарламасы» кешенді жоспары бекітілген. Осылайша, ауыл халқының табысын арттыру мақсатында республика бойынша ауқымды жұмыстар атқарылып, қарқынды жүргізілуде.«Халықтың табысын арттырудың 2025 жылға дейінгі бағдарламасы» кешенді жоспарына сәйкес, ауылдық жерлерде жұмыспен қамтуды ұлғайту және еңбек табысын арттыру іс-шаралары айқындалған. Бұл іс-шараларда ауылдың экономикалық көрінісін айқындау үшін жергілікті жерде әр ауланы аралау жолымен жергілікті жердің скринингін жүргізу, ауыл мен ауданның мамандануын, бизнес әлеуетті және кооперациялық бағыттарды айқындау, технологиялық карталарды қалыптастыру және басқа да көптеген шаралар қамтылған.«Ауыл халқының табысын арттыру жөніндегі жобаны масштабтау бойынша шағын кредиттер беру» бюджеттік бағдарламасын іске қосу жоспарланып, Қызылорда облысында аталған пилоттық жобаны жүзеге асыру алдағы 2023 жылы басталады деп күтілуде.&nbsp;Айта кетейік, Қазақстан Республикасы Еңбек және халықты әлеуметтік қорғау министрінің 2022 жылғы 14 шiлдедегi №263 бұйрығы бойынша осы пилоттық жобаны жүзеге асыруға (масштабтауға) микрокредит беру ережесі бекітілді. Нысаналы мақсаты – ауылдық елді мекендерде және шағын қалаларда бизнес жобаларды іске асыру.&nbsp;Облыстық ауыл шаруашылығы және жер қатынастары басқармасының мәліметіне қарағанда, микрокредиттің жылдық сыйақы мөлшерлемесі 2,5 пайыздан аспайды, мерзімі 5 жылға дейін. Ал мал шаруашылығы саласындағы жобалар үшін микрокредит мерзімі – 7 жыл.&nbsp;Осы микрокредиттің ең жоғары сомасы 2,5 мың айлық есептік көрсеткішке дейін (7,6 млн теңге шамасында). Бұған қоса, зәкірлік кооперацияны дамыту үшін 8 мың айлық есептік көрсеткішке дейін, яғни, 24,5 млн теңгеге дейін қаражат несиеге беріледі. Микрокредитті аларда кепілмен қамтамасыз ету талап етіледі және негізгі борыш пен сыйақыны өтеу бойынша жеңілдетілген кезең микрокредит беру мерзімі ұзақтығының 1/3 аспайды (1,5-2,3 жыл).&nbsp;Облыста жобаны масштабтау мақсатында Қызылорда қаласы мен аудандарда жұмыс топтары құрылып, жобаға қатысушы 16 пилоттық округ тізімі айқындалды.&nbsp;Бүгінде облыстық жұмыс тобы аудандарды аралап, түсіндіру жұмыстарын бастап кетті. Барлық 7 аудан мен Қызылорда қаласына қатысты пилоттық ауылдық елді мекендер бойынша жобалар пулы қалыптастырылып, оның ішінде жаңа инновациялық және өңдеу бағытында ұсынылған жобаларға басымдық берілетін болады. &nbsp;<figure class="image"><img src="https://knadmin.beoblood.kz/uploads/2d616aae7387f785661fe9f915c6dc92_d765fe05f4.jpg" alt="2d616aae7387f785661fe9f915c6dc92.jpg"></figure>

Қазақстан және Қызылорда облысының жаңалықтары