<a href="https://kyzylorda-news.kz/">Kyzylorda-news.kz.</a> Қазақстанның барлық аумағында ауа райы тұрақсыз болады, деп хабарлайды Қазгидромет.&nbsp;Кей өңірлерде қар аралас жаңбыр жауады. Республика бойынша тұман түсіп, жел күшейеді, солтүстік-батыста, солтүстікте жаяу бұрқасын, батыста, солтүстік-батыста, солтүстікте көктайғақ күтіледі.

5 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазақстан Республикасының Президенттігіне кандидат өзі білім алған Қазақ ұлттық аграрлық зерттеу университетінің студенттерімен, оқытушыларымен және қызметкерлерімен, сондай-ақ курстастарымен кездесті. Кездесу барысында ол өзінің сайлауалды бағдарламасымен таныстырып, «Ауыл» партиясы қызметінің негізгі бағыттары туралы айтып берді.Қазақ ұлттық аграрлық зерттеу университеті 1930 жылы құрылған және бүгінде ел экономикасының аграрлық секторы үшін жоғары білікті кадрлар даярлау бағытындағы жетекші жоғары оқу орны болып табылады. Қазіргі уақытта білім ордасында2 мыңнан астам қызметкер еңбек етсе, 8000-нан астам студент оқиды. Сонымен қатар, жұмысқа орналасу деңгейі 75%-дан асады, бұл қазіргі еңбек нарығындағы өте жоғары көрсеткіш.Университеттің бірегейлігі аграрлық ғылымның, білім мен өндірістің тығыз байланысты болуында. Студенттер, магистрантар және докторанттарды оқыту бағдарламасы олардың ғылыми зерттеулерге және ғылыми-техникалық жобаларға белсенді қатысуына негізделген.Әлемнің жетекші аграрлық державаларының тәжірибесі ауыл шаруашылығын табысты дамыту тек ғылым, білім, өндірістің интеграциясы негізінде ғана мүмкін екендігін дәлелдеді. Біздің фермерлер инновациялық технологияларды, жаңа жоғары өнім тұқымдарын енгізген жағдайда ғана Қазақстан азық-түлік қауіпсіздігін қамтамасыз ете алады. Кандидаттың сайлауалды бағдарламасымен "Ауыл" партиясының негізгі жұмысында осы мәселелерге ерекше көңіл бөлінген.<blockquote>«Қазақстанда аграрлық ғылым, ғалымдар бар екендігін айту керек. Өкінішке орай, олардың ғылыми-зерттеу қызметінің сапалы нәтижелері аграрлық өндіріске жетпейді. Іске асыру жүйесі жұмыс істемейді. Фермерлерге жаңа технологиялармен тұқымдар туралы білім беру орталықтарын құруға ерекше назар аудара отырып, осы бағытта түбегейлі өзгерістер жасау қажет. Нақты жұмыс істейтін ғалымдар лайықты жалақы алуы үшін аграрлық ғылымды қаржыландыру жүйесін өзгертуіміз тиіс. Ғылыми зерттеулерді қаржыландыратын агроқұрылымдарды ынталандыру мәселелері бойынша заңнамадағы өзгерістерді қисынды соңына дейін жеткізу қажет. Ғылыми-зерттеу институттарын қаржыландыру кешенді және жүйелі болғаны абзал. Ғылыми мекемелер жұмысын тоқтатуға рұқсат беретін шенеуніктер жауапкершілікке тартылуы тиіс», - деді Жигули Дайрабаев.</blockquote>Бүгінде аграрлық университеттер мен ғылыми-зерттеу институттарының дамуы ерекше маңызға ие, өйткені олардың қызметінің нәтижесі ауыл шаруашылығы өнімдерінің көлемін ұлғайту мен сапасын арттырудың, саладағы еңбек өнімділігінің, демек, ауыл еңбеккерлерінің табысының негізі болып табылады. Кандидат елдегі ғылыми қызметті дамыту үшін барынша күш салуға ниетті екендігіне сендірді.Кездесу соңында жиналғандар Жигули Дайрабаев пен партияның президенттік сайлаудағы бастамаларын қолдауға дайын екендіктерін жеткізді.<img src="https://knadmin.beoblood.kz/uploads/14_04e3625a64.jpg" alt="14.jpg"><img src="https://knadmin.beoblood.kz/uploads/12_3f53e21a1f.jpg" alt="12.jpg"><img src="https://knadmin.beoblood.kz/uploads/13_a0d788c131.jpg" alt="13.jpg">

Жигули Дайрабаев: Ғылым, білім және өндіріс интеграциясы – аграрлық Қазақстанның табысты дамуының негізі

<a href="https://kyzylorda-news.kz/">Kyzylorda-news.kz.</a> 5-7 қараша күндері республиканың басым бөлігінде жауын-шашын күтіледі, деп хабарлайды Қазгидромет.5 қарашада Солтүстік Қазақстан облысында – қалың қар, 6 қарашада Шығыс Қазақстан облысында, 7-8 қарашада республиканың оңтүстік облыстарында – қатты жауын-шашын (жаңбыр, қар) болады.Республика бойынша тұман, көктайғақ, екпінді жел күтіледі, солтүстік жартысында бұрқасын болады.7 қарашада республиканың батысында жауын-шашын тоқтатылады деп күтілуде. &nbsp;

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Аймақтағы жас педагогтер облыстық форумда бас қосты «Назарбаев Зияткерлік мектептері» дербес білім беру ұйымынының бастамасымен «Педагогикалық шеберлік орталығы» Қызылорда қаласындағы филиалының ұйымдастыруымен Зияткерлік мектеп базасында «Жас ұстаз: табысқа апарар жол» атты облыстық форум өтті.&nbsp;<blockquote>«Форумның мақсаты кәсіби қалыптаса бастаған педагогтердің әлеуе»тін арттыру, табысты жол бастауға қолдау көрсету болып табылады. Біздің мұғалімдер батыл мақсаттар қоя білетін, өздерінің тәжірибесін дамыта алатын мықты көшбасшы болатынына сенеміз, - дейді «Педагогикалық шеберлік орталығы» Қызылорда қаласындағы филиал директоры София Камалова.&nbsp;</blockquote>Шараға өңірдегі жалпы білім беретін мектептер мен NIS-тің 130 жас педагогі қатысты.&nbsp;Форумның ашылу салтанатында сөз алған Қызылорда облысы білім басқармасының басшысы Мейрамбек Шермағанбет педагогтерге жүктелетін мақсат-міндеттерге тоқталып, қазіргі заманның ұстаздар бойынында болуы тиіс қасиеттерді атап көрсетті.&nbsp;Форумның арнайы қонақтары – журналист Майра Төлепберген, жазушы Ұларбек Нұрғалымұлы және Қорқыт Ата атындағы Қызылорда мемлекеттік университетінің – Бизнес Старт кәсіпкерлік орталығының жетекшісі Жанарыс Тубекбаев жас мамандармен мотивациялық кездесу өткізіп, ой бөлісті.&nbsp;Форум жұмысы әрі қарай өңірдегі жалпы білім беретін ұйымдар мен Зияткерлік мектеп көшбасшы ұстаздарының шеберлік сыныптарымен жалғасты. Спикерлер әріптестеріне ойын элементтерін кіріктіру арқылы оқушылардың АКТ құзыреттілігін дамыту, бастауыш сыныпта Renderforest бағдарламасын қолдану, қабілеті жоғары оқушыларды олимпиадаға дайындау жолдары, ағылшын сабағында белсенді оқыту стратегияларын қолдану бойынша ақпарат беріп, қызықты лайфхактарымен бөлісті. Бірлескен практикалық жұмыстарда жас ұстаздар біліктіліктерін арттырып, педагогикалық дамуға қажетті тың тәсілдерді меңгерді.&nbsp;Арал ауданынан келген мұғалім Мұхан Төлебаев ҰБТ-ға оқушыларды ойын арқылы дайындауды ұсынды.<blockquote>«Ақпарат заманында оқушыларды ойын арқылы оқыту қажеттілігі туындап отыр. Математика сабағынан ҰБТ-ға дайындық барысында волейболшы мен жекпе-жек ойындарын қолдана отырып, балалардың пәнге деген қызығушығы артқандығын байқадым. Бүгін осы тәжірибеммен көпшілікпен бөлісуге мүмкіндік алдым және де өзге әріптестерімінің тың идеяларынан тәжірибе жинақтадым»,- деді Мұхан Төлебаев.</blockquote>Форумның тақырыптық алаңында педагогикалық шеберлік орталығы тренерлері «Функционалды сауатсыздық: тапшылықты қалай толтыруға болады?» «Сабақ конструкторы: құрастырамыз және қолданамыз», «Insight зертханасы: жанама тәжірибеден өз іс-әрекетіне дейін», «Оқытуда АКТ-ны тиімді пайдалану: SAMP технологиясы» тақырыптар аясында тәжірибелік сессиялар ұйымдастырып, кәсіби идеяларымен бөлісті.&nbsp;«Active spot» блогында қатысушылар Зияткерлік мектеп ұстаздарының «Арманымды суретпен бейнелеу», «Киіз басу терапиясы», «Саз шеберханасы» шеберлік сабақтарына қатысып, шығармашылық әлеуеттерін арттыруға мүмкіндік алды. Бачата биі арқылы жастар жағымды эмоцияларға бөленеді. «Зерттеу керек емес зерттемеу» педагогикалық батлында жас мамандар Педагогикалық шеберлік орталығының тренерлерімен ашық тартысқа шығып, зерттеу жайлы терең әрі тиімді ақпараттарымен бөлісті.&nbsp;Шара соңында қатысушылар ФОРУМ барометрі арқылы кері байланыс беріп, пікір алмасты.<figure class="image"><img src="https://knadmin.beoblood.kz/uploads/314376977_3235976166732295_2041183706700788095_n_668be89c21.jpg" alt="314376977_3235976166732295_2041183706700788095_n.jpg"></figure><figure class="image"><img src="https://knadmin.beoblood.kz/uploads/313438718_3235975856732326_2477355313467395293_n_a549374a03.jpg" alt="313438718_3235975856732326_2477355313467395293_n.jpg"></figure><figure class="image"><img src="https://knadmin.beoblood.kz/uploads/313918073_3235976996732212_1938270792271601368_n_156df93345.jpg" alt="313918073_3235976996732212_1938270792271601368_n.jpg"></figure><figure class="image"><img src="https://knadmin.beoblood.kz/uploads/313407913_3235976676732244_7836847582931044539_n_2ad90bf6bf.jpg" alt="313407913_3235976676732244_7836847582931044539_n.jpg"></figure>

Аймақтың жас педагогтері облыстық форумда бас қосты

<a href="https://kyzylorda-news.kz/">Kyzylorda-news.kz.</a> Бүгін Президенттікке үміткер Қарақат Әбден Республикалық сайлауалды штабында жұмыс жүргізіп, үгіт-насихат науқанының барысымен танысты.<blockquote>«Үміткер сайлауалды жұмыс сапарымен ел өңірлерін аралап жүр. Бүгінге дейін сайлаушылармен 20-дан астам кездесу өткізілді. Қосшы, Қарағанды, Екібастұз, Павлодар, Семей, Талғар, Есік, Ақтөбе қалалары қамтылды. Сондай-ақ ауылдар мен аудандар да назарсыз қалмады. Бұдан, бөлек Қарақат Әбденнің сенімді өкілдері мен жергілікті штаб басшылары да үгіт насихат-жұмыстарын белсенді жүргізіп жатыр. Жалпы, республика бойынша үміткердің 20 сайлауалды штабы бар, 2000-ға жуық ерікті жұмылдырылды. Үлкен аудан орталықтарында да штабтар жұмыс жүргізуде», - деп жеткізді республикалық штаб басшысы Арман Оразқұлов.</blockquote>Еске салсақ, елімізде 20 қараша күні . Алдағы уақытта оның Қызылорда, Ұлытау, Солтүтстік Қазақстан, Қостанай облыстары сайлаушыларымен кездесу өткізетіні мәлім. &nbsp;

Қарақат Әбден республикалық сайлауалды штаб өкілдерімен кездесті

<a href="https://kyzylorda-news.kz/">Kyzylorda-news.kz.</a> Бүгін Роза Бағланова атындағы аудандық мәдениет орталығында «Алтын дән – 2022» мерекесіне орай салтанатты шара өтті.Салтанатты шарада аудан әкімі Мұхтар Оразбаев қазалылықтарды береке мен молшылықтың бастауы болған «Алтын дән» мерекесімен құттықтап, ауыл еңбеккерлерінің ел үшін еткен ерен еңбектерінің ақталғанын атап өтті.Сондай-ақ, ауыл шаруашылығы өнімдерін өңдеуде жоғары нәтижелерге қол жеткізгені үшін Қазалы ауданы биыл үшінші рет қатарынан «Озат аудан» номинациясымен марапатталғанын да қуанышпен жеткізді.Мұнан соң табысқа жеткен озаттарды марапаттап, бағалы сыйлықтар табыстады.Салтанатты шарада «Рза Асыл Түлік» ЖШС директоры Жеңіс Қарабалаев ҚР Ауыл шаруашылығы министрлігінің «Ауыл шаруашылығы саласының үздігі» төсбелгісімен, «Рза Агро» ЖШС механизаторлары Баубек Бердалиев пен Әсет Рамберді ҚР Ауыл шаруашылығы министрлігінің «Құрмет грамотасымен», «Мақсатбай» шаруа қожалығының жетекшісі Темірхан Мақсатбаев пен «Кеңесбай» шаруа қожалығының жетекшісі Талғат Кеңесбаев ҚР экология, геология және табиғи ресурстар министрлігінің «Құрмет грамотасымен» марапатталды.Сондай-ақ, бірқатар сала ардагерлері облыс және аудан әкімінің «Алғыс хатымен», жеке кәсіпкер Нұрбек Қазбергенов Астана қаласы әкімінің «Алғыс хатымен» марапатталды.Биылғы жылы облыстың агроөнеркәсіптік кешені бойынша үздік жетістіктерге жеткен озаттарға түрлі номинациялар табысталып, бағалы сыйлықтар үйлестірілді.Күріш дақылынан мол өнім алған шаруашылықтар да марапат төрінен көрінді.Агроөнеркәсіп кешенін дамытуда биылғы жылы ең жоғарғы көрсеткіштерге қол жеткізген «Агро-Өркен» ЖШС «Үздік шаруашылық» номинациясына ие болып, аудан әкімінің І дәрежелі дипломымен марапатталды. Серіктестік егілген 600 гектар күріштің әр гектарынан 50 центнерден өнім алып, аудан экономикасының дамуына ерекше үлес қосты.Әр гектардан орташа 45,5 центнерден өнім алған «РЗА-Агро» ЖШС-на аудан әкімінің ІІ дәрежелі дипломы табысталды.Ал, аудандық мәслихат депутаты Төребек Игіліков басшылық жасайтын кәсіпорын «Озат өңдеу кәсіпорны» номинациясына ие болды.Кәсіпорын 3632 тонна балық аулап, оның 456,6 тоннасын өңдеп, экспортқа шығарған.Жеке кәсіпкер Төребек Жұмабекұлы сондай-ақ, жыл сайын дәстүрлі түрде өткізілетін ауыл шаруашылығы өнімдерінің жәрмеңкесіне ерекше атсалысқаны үшін Астана қаласы әкімінің «Алғыс хатымен» де марапатталды.Ауыл шаруашылығы саласы қызметкерлерінің мерейін үстем еткен көңілді кеште өнерпаздар ән-күйден шашу шашып, көпшіліктің көңілін бір серпілтіп тастады.Айта кетейік, қазалылық диқандар биылғы жылы егілген 6361 гектар күріштің әр гектарынан 33 центнерден өнім жинап, ел қамбасына 21 мың тоннадан астам астық құйды.<img src="https://knadmin.beoblood.kz/uploads/314550176_3503363939884528_4265652039429382118_n_4348b64de6.jpg" alt="314550176_3503363939884528_4265652039429382118_n.jpg"><img src="https://knadmin.beoblood.kz/uploads/314457805_3503363603217895_7592883179043202773_n_6e47318134.jpg" alt="314457805_3503363603217895_7592883179043202773_n.jpg">

Қазалыда ауыл шаруашылығы саласының озаттары марапатталды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Әділбек Ерсұлтанов «Әкімдердің халықпен кездесулерін өткізу туралы» ҚР Президентінің жарлығына сәйкес Дауылкөл және Ақжар ауылдық округтерінің халықпен кездесуі өткізілді.&nbsp;Кездесуде аудан әкімі &nbsp;ауыл тұрғындарының әл-ауқатын,тұрмыстық деңгейін жақсарту бағытында атқарылған жұмыстарға және алдағы атқарылар жоспарларымен бөлісті.&nbsp;Атап айтсақ, Тұрмағамбет және Ақжар ауылдарына дәрігерлік амбулаторияның құрылысына жоба-сметалық құжаттамасына облыстық бюджеттен қаржы бөлініп, құжаттама әзірлендігін және алдағы уақытта жоғары тұрған бюджеттерден қаржы сұратылып, қаржы бөлінген жағдайда жұмыстар атқарылатындығы, сонымен бірге Ақжар ауылындағы Ж. Жабаев көшесіне жөндеу жұмыстарына ЖСҚ әзірленіп, «Ауыл-Ел бесігі» бағдарламасы аясында 2023 жылға жүзеге асыру жоспарланып отырылғандығы айтылды.&nbsp;Дауылкөл ауылдық округі бойынша бүгінгі күнге тіркелген кәсіпкерлік субъектілер саны 81 бірлік, оның ішінде жұмыс жасап тұрғандары 77 бірлік болса, &nbsp;Ақжар ауылдық округінде салыстырмалы жағдайда кәсіпкерлік субъектілер саны 86 бірлік, оның ішінде жұмыс жасап тұрғандары 79 бірлікті құраған. Сондай-ақ ауылдық округтер бойынша «2021-2025 жылдарға арналған кәсіпкерлікті дамыту жөніндегі» Ұлттық жобасы аясында &nbsp;өз ісін жаңадан бастаймын деген жұмыссыз 31 азамат құны 37,9 млн.теңгенің грантын жеңіп алған. Осы тұрғыда &nbsp;аудан әкім өз сөзінде әліде болса екі елді мекеннің жұмыссыз азаматтарын &nbsp; мемлекеттік бағдарламалар арқылы жеңілдетілген несиелер алып, кәсіппен айналысуға болатындығын жеткізді.Сонымен қатар кездесу аясында &nbsp; ауылдық округ әкімдерінің халық алдындағы есебі тыңдалып, &nbsp;тұрғындар тарапынан қаузаланған мәселелер жөнінде көкейкесті сауалдарға заңдылықтар тұрғысынан түсіндірме жүргізілді. &nbsp;Аталмыш ауылдық округтердің әлі де болса әл-ауқатын жақсарту бағытындағы жұмыстар алдағы уақытта да жүзеге асатындығы айтылды.<figure class="image"><img src="https://knadmin.beoblood.kz/uploads/karmakshy1_10083e243e.jpg" alt="кармакшы1.jpg"></figure>

Әділбек Ерсұлтанов Дауылкөл және Ақжар ауылының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp; Алматыда Президенттікке кандидат Салтанат Тұрсынбекова зияткерлік меншікті қорғау мәселелері бойынша кеңес өткізді.<blockquote>«Әлемдегі жағдай өзгеруде. Қоғамның өркендеуінің ең үлкен құндылығын қазір табиғи ресурстар, мұнай мен газ кен орындары жасамайды. &nbsp;Ең көп нәтижені білім экономикасы береді: жаңа технологиялар, ноу-хау, зияткерлік меншік және тағы басқалары», - деп атап өтті құқық қорғаушы.</blockquote>Әлем баяу, бірақ сенімді түрде зияткерлік меншікті қорғау жүйесін, ережелері мен институттарын құруда. Бірақ бұл үрдіс әлі Қазақстанға жеткен жоқ.<blockquote>«Қазір Қазақстанда зияткерлік меншікті қорғау іс жүзінде жұмыс істемейді. Адамдар бәріне қол сұғуға көшкен. Әсіресе, әлеуметтік желіде жарияланған нәрселер. Фотосуреттер, мәтіндер, фильмдер, музыка мен кітаптардың айналасында құқықбұзушылар көп. &nbsp;Америка Құрама Штаттарында немесе Еуропада ағындық платформалар үшін төлем жасамайынша немесе фильм билетін сатып алуға бармайынша, музыка тыңдау немесе фильм көру мүмкін емес. Қазақстанда контент үшін ақша төлеу ұят деп есептеледі. Құқық қорғау үшін сотқа жүгіну мәдениеті жоқ. Мәселен, микротолқынды пеш ұрлағаны үшін адам түрмеге түссе, өнер туындысын ұрлағаны үшін жазадан құтыла алады.Сондықтан бір нәрсені ұрлау – ұят, ал ақыл-ой еңбегінің өнімін сұрамай-ақ тартып алу – қалыпты жағдай болып кеткен», - деп қосты құқық қорғаушы.</blockquote>Баяндамашы өзіне шығармашылық мамандық иелері – фотографтар, музыканттар, режиссерлер жүгінетінін, олар елімізде зияткерлік меншікті қорғау мәселесі үнемі екінші орында тұрғанына шағымданатынын атап өтті.Жиынға қатысушылардың бірі құқық қорғаушылардың 10 жылдық талпыныстарынан кейін елімізде авторлық құқықты қорғауға арналған заң қабылданғанын баса айтты. Дегенмен, «ол әлі де шикі және проблемалы әрі даулы мәселелерді 100% қамтымайды».Соныменқатар, кандидат технология ұрлығытуралы да айтты. Бәсекелестертәсілдерді, алгоритмдерді, құралдар мен әзірлемелердікөшіретіндіктенкомпаниялардытабыстанайыратынөндірістіктыңшылықсияқтықұбылыстар бар, дейдіқұқыққорғаушы.<blockquote>«Қазақстанда сараптама институты жоқ, сәйкесінше технологияның немесе өнімнің нақты кімге тиесілі екенін анықтай алатын мамандар да аз. Кім бірінші болды, кім автор, кім заңсыз иеленуші екенін анықтау қиын. Заңдар бар, сонымен қатар, осы мәселелермен айналысатын мемлекеттік ұйымдарда бар. Алайда, іс жүзінде ешқандай нәтиже бермей жатыр», - деп атап өтті спикер.</blockquote>Еске салайық, Салтанат Тұрсынбекованың бүгін -Алматыдағы екінші күні. Бірінші күні ол қала тұрғындарымен кездесіп, тұтынушылардың құқықтарын қорғау мәселелерін талқылаған болатын.Алматы қаласы -қазірдің өзінде кандидаттың сайлау алдындағы үгіт-насихат сапарын жасаған алтыншы өңір. Құқық қорғаушы бұған дейін елордада, Қарағанды, Ақмола, Түркістан облыстары мен Шымкент қаласында болған.<figure class="image"><img src="https://knadmin.beoblood.kz/uploads/TURSYNBEKOVA_04_11_bb737f68fa.jpg" alt="_ТУРСЫНБЕКОВА_04_11.jpg"></figure>

Салтанат Тұрсынбекова: Нәтижеге жеткізетін мұнай мен газ емес, білім экономикасы

<a href="https://kyzylorda-news.kz/">Kyzylorda-news.kz.</a>&nbsp; Президенттікке кандидат Қасым-Жомарт Тоқаевтың Республикалық қоғамдық штабының мүшелері зиялы қауыммен, этномәдени бірлестіктердің өкілдерімен, педагогтармен, студенттермен және Жамбыл облысының көпбалалы аналарымен бірқатар кездесу өткізді.Мәселен, этномәдени бірлестіктердің өкілдерімен болған кездесуде Республикалық қоғамдық штабтың басшысы Ерлан Қошанов бүгінде кез келген қоғамды дамытудың басты шарты келісім екенін атап өтті.<blockquote>«Адамдар бір-бірін тыңдаудан, түсінуден қалатын болса, бұл күрделі мәселенің бастауына айналады. Мұның неге әкеліп соғатынын әр түрлі елдердегіжағдайлардан көріп отырмыз. Этникалық тегіне қарамастан,еліміздің әрбір азаматына Конституциямен тең мүмкіндікке кепілдік беріледі. Бұл – болашақта да бұлжымайтынқағида», – деді Ерлан Қошанов.</blockquote>Бүгінде Қазақстанда 130 этнос тұрады. Жамбыл облысында 75 этномәдени бірлестік жұмыс істейді.Бұдан соң, РҚШ мүшелері өңірдегі жоғары оқу орындарының оқытушы-профессорлық құрамымен, студенттер қауымымен кандидаттың сайлауалды бағдарламасының білім және ғылым саласындағы басымдықтарын талқылады. М.Х. Дулати атындағы Тараз өңірлік университетінде өткен осы кездесуге 500-ге жуық адам қатысты.Ардагерлермен және зиялы қауым өкілдерімен кездесуде РҚШ мүшелері сайлауалды бағдарламада көрініс тапқан мәдениет пен өнерді қолдау шараларына баса назар аударды.Осы күні өңірдің көпбалалы аналарымен кездесу өтіп, оның барысында кандидаттың әлеуметтік саладағы саясатының негізгі басымдықтары талқыланды. <img src="https://knadmin.beoblood.kz/uploads/2bdfde02_89b5_42d4_8227_8d67910e8ac3_bba258ca28.jpg" alt="2bdfde02-89b5-42d4-8227-8d67910e8ac3.jpg"><img src="https://knadmin.beoblood.kz/uploads/58de7b42_7412_4426_a328_86cf1031b5b6_765f66633a.jpg" alt="58de7b42-7412-4426-a328-86cf1031b5b6.jpg">

Тоқаевты қолдау жөніндегі республикалық қоғамдық штаб Жамбыл облысына барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қазалы ауданының тұрғындарын қабылдап, мәселелерін тыңдады.Қазалы ауданы әкімдігінде өткен жеке қабылдауға облыстық сот төрағасы Әділхады Шығамбаев, облыс прокуроры Нұрлан Бижанов, Ұлттық қауіпсіздік комитетінің Қызылорда облысы және Байқоңыр қаласы бойынша департаментінің бастығы Болат Қалмырзаев, облыстық полиция департаментінің бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков келді. Сондай-ақ, сыбайлас жемқорлыққа қарсы іс-қимыл агенттігінің облыстық департаменті басшысының міндетін атқарушы Серікжан Мырзалы және мемлекеттік кірістер департаментінің басшысы Ғани Аманов қатысты.Ашықтық қағидасына негізделген қабылдауда барлығы 58 азаматтың өтініші қаралды. Облыс әкіміне 25 тұрғын келді. Олар жол салу, газ жүргізу, мектеп пен балабақшаға орналасу, медициналық амбулатория мәселелерін шешу, қоғамдық көлік, жайылымдық жер учаскелерін белгілеу, наубайхана цехын ашу сынды сауалдарын қойды.Алдын ала хабарландыруды естіп келген жеке тұрғындар арасында 14 құрсақ көтерген батыр ана, І топ мүгедектігі бар азаматтар да бар.&nbsp;<blockquote>«Ауылда балалар ойнайтын алаң жоқ екендігін мәселе етіп көтердім. Әкім мырза өңірде биыл 80 ойын-спорт алаңы берілгенін жеткізіп, алдағы уақытта біз тұратын аймаққа да салуға ықпал жасайтынын айтты»,-деді қазалылық тұрғын.</blockquote>&nbsp;<blockquote>«14 баланың анасымын. Қабылдауға келіп, жолдасыма жұмыс сұраған болатынмын. Жалғыз өзім еңбек еткеніммен балалардың күнделікті тамағы мен киім-кешегіне ақша қажет. Облыс әкімі мәселеме құлақ түріп, ауданда жаңадан ашылатын әлеуметтік нысанның біріне техникалық қызметкер ретінде алуға жәрдемдесуге ынталы екенін жеткізді»,-деді батыр ана.&nbsp;</blockquote>Аймақ басшысы әрбір мәселені сала мамандарымен бірге мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді.&nbsp;Құқық қорғау органдарының басшыларына 33 азамат өз мәселесін жеткізіп, заң аясында тиісті түсіндірме алды. Сондай-ақ, сапар барысында облыс әкімі Нұрлыбек Нәлібаев Президент Жарлығы аясында тұрғындармен кездесіп, сұрақтарына жауап берді.<figure class="image"><img src="https://knadmin.beoblood.kz/uploads/kazaly1_0eace0be41.jpg" alt="казалы1.jpg"></figure>

Нұрлыбек Нәлібаев: Әрбір мәселе сала мамандарымен мұқият зерделеніп, шешім қабылданады

<a href="https://kyzylorda-news.kz/">Kyzylorda-news.kz.</a> «Қазақстан Республикасындағы ландшафтарды қалпына келтіру жөніндегі» Дүниежүзілік Банк Жаһандық экологиялық қоры - жобасы шеңберінде Қызылорда орман шаруашылығының мемлекеттік орман қорының 3 000 гектар алаңында «Жасыл аймақ» құру көзделген.&nbsp;Осы орайда, кеше ҚР Экология, геология және табиғи ресурстар министрлігінің Орман шарушылығы және жануарлар дүниесі комитеті, Дүниежүзілік Банк өкілдері, Қызылорда облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлы мен «Қазгипроорманшар-КZ» жауапкершілігі шектеулі серіктестігінің мамандары белгіленген аймақтарды аралап, атқарылып жатқан жұмыстармен танысты.&nbsp;3000 гектар жерге «Жасыл аймақ» құру жобасы Қызылорда, Шиелі, Сырдария, Жалағаш орман және жануарлар дүниесін қорғау жөніндегі мемлекеттік мекемелерінің күшімен жүзеге асырылуда. Қазіргі таңда, аталған аймақтардың орман қоры жерлерінде топырақ дайындау және жер жырту жұмыстары жүргізілуде.&nbsp;Сондай-ақ, аталған 3000 гектар жерге келер жылдың көктем айында ағаш көшеттерін отырғызу жұмыстары жүргізіледі деп жоспарлануда.<figure class="image"><img src="https://knadmin.beoblood.kz/uploads/312929153_1333356310753181_271626014218684848_n_c339a9d199.jpg" alt="312929153_1333356310753181_271626014218684848_n.jpg"></figure>

Қызылордада 3000 гектар жерге «Жасыл аймақ» құру жоспарланды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың құқық қорғау органдарының басшыларымен бірге тұрғындарға арнап жеке қабылдау өткізу бастамасы Қармақшы ауданында жалғасын тапты. «Халық үніне құлақ асатын мемлекет» қағдатына сай өткен әрбір жеке қабылдауға аудан орталығынан бөлек, ауыл-ауылдан келіп, мәселесін жеткізетін тұрғындар аз емес. &nbsp;Аудандық мәдениет үйінде өткен жеке қабылдауға облыстық сот төрағасы Әділхады Шығамбаев, облыс прокуроры Нұрлан Бижанов, Ұлттық қауіпсіздік комитетінің Қызылорда облысы және Байқоңыр қаласы бойынша департаментінің бастығы Болат Қалмырзаев, облыстық полиция департаментінің бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков келді. Сондай-ақ, сыбайлас жемқорлыққа қарсы іс-қимыл агенттігінің облыстық департаменті басшысының міндетін атқарушы Серікжан Мырзалы және мемлекеттік кірістер департаментінің басшысы Ғани Аманов қатысты.Қабылдауда барлығы 77 азамат өз мәселесін жеткізуге келді. Оның ішінде облыс әкіміне 26 тұрғын сауалын жолдап, өтінішін білдірді. Жеке қабылдауға келген азаматтар әлеуметтік көмек көрсететін ғимараттарға жөндеу жұмыстарын жүргізу, жайылымдық алқапты суару, тұрғын үй алу, денсаулық жағдайына байланысты медициналық көмек алу мәселелерін сұрады.Мәселен, зейнет жасындағы азамат, Жосалы кентінің тұрғыны облыс орталығына қатынайтын қоғамдық көлік мәселесін көтерсе, тағы бір азаматша ІІ топ мүгедектігі бар студент баласына тұрғын үй берілуін сұрайды.<blockquote>«Хабарландыруды естіп, аймақ басшысына өз мәселемді жеткізейін деп келдім. Ауданнан Қызылорда қаласына қатынайтын такси қызметіне жеткілікті деңгейде көңіл бөлінсе деген ұсынысымды айттым. Облыс әкімі тыңдап, мәселемнің шешімі бар екенін жеткізді», - деді тұрғын Қуанышбек Туреев.&nbsp;</blockquote>&nbsp;<blockquote>«Облыс әкімінің біздің ауданда қабылдау өткізетінін алдын ала білген соң, ІІ топ мүгедектігі бар студент балама баспана сұрай келдім. Әрине, бір сәтте шешімін таппаса да, мәселемді мұқият тыңдап, шешілу жағын қарастыруды тапсырғаны үшін аналық алғысымды білдіремін»,- Бақыт Төребаева.</blockquote>Аймақ басшысы әрбір мәселені сала мамандарымен бірге мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді.Құқық қорғау органдарының басшыларына 51 азамат өз мәселесін жеткізіп, заң аясында тиісті түсіндірме алды.<blockquote>«Бұрын мәселемізді айту үшін аудан орталығына, облысқа баруға тура келетін. Басшылардың өздері бізге келіп, мәселемізді тыңдауы қуантты. Департамент басшысы Бақыт Қайшыбековке бірқатар сұрақтарым бар еді. Шынын айтқанда, сауалыма сол сәтте нақты жауап алғаныма қуанамын», - деді Жұпаргүл Бердібаева.</blockquote>&nbsp;<blockquote>«Заңдық түсініктеме алу үшін облыс прокурорына келген едім. Бірнеше мәселем жауапсыз қалмады. Бастысы, емін-еркін кіруге мүмкіндік туды», - деді ауыл тұрғыны Рахат Бақытжан.</blockquote>Сондай-ақ, сапар барысында облыс әкімі Нұрлыбек Нәлібаев Президент Жарлығы аясында тұрғындармен кездесіп, сұрақтарына жауап берді.Еске салу керек, Нұрлыбек Нәлібаев өңір басшысы болып келген сәттен бері 24 рет қабылдау өткізіп, 400-ге жуық азаматтың мәселесін саралады.<img src="https://knadmin.beoblood.kz/uploads/karmakshy1_39bd0e6920.jpg" alt="кармакшы1.jpg">

Қазақстан және Қызылорда облысының жаңалықтары