<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрі Олжас Бектеновтің төрағалығымен мемлекеттік органдардың нашақорлықтың алдын алу және есірткі қылмыстарына қарсы іс-қимыл қызметін үйлестіру жөніндегі республикалық штаб отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Аймақта нашақорлық пен есірткі қылмысына қарсы күрес жүйелі жолға қойылған. 2023-2025 жылдарға арналған кешенді жоспар аясында облыс әкімдігі құқық қорғау органдарымен бірлесіп, алдын алу шараларын мақсатты түрде жүзеге асырды. Өткен 9 айда облыста есірткіге қатысты 237 құқық бұзушылық анықталды.Соңғы үш жылда полиция органдарының материалдық-техникалық базасын нығайтуға облыстық бюджеттен 10 млрд 745 млн теңге бөлінді. Биыл осы мақсатқа 4 млрд 143 млн теңге қарастырылып, заманауи құрал-жабдықтармен қамтамасыз етілуде. Барлық ауданда жедел басқару орталықтары ашылып, 539 бейнебақылау камерасы орнатылды. Нашақорлық пен есірткіге қарсы іс-шараларға 181 млн теңге бөлінді. «Қарасора-2025» акциясы барысында 58 есірткі өсіру фактісі анықталды. «Киберқадағалау» жүйесі арқылы 1120 сайттың қызметі тоқтатылып, шамамен 80 граффити жазулары жойылды. Екінші деңгейлі банктердегі 842 есепшот бойынша 85 млн теңге бұғатталды.Жастармен жұмысқа, оның ішінде 36 әлеуметтік жобаға 312 млн теңге, сондай-ақ жастар орталықтарының ақпараттық шығындарына 592 млн теңге қаралды. Бұл қаржы жастар бастамаларын қолдауға және нашақорлықтың алдын алуға бағытталған. Жыл басынан бері 700-ден астам іс-шара ұйымдастырылып, 80 мыңнан астам оқушы, студент пен ата-ана қамтылды. Сонымен қатар, сауалнама жүргізіліп, 530 бала мектепішілік бақылауға алынды.Салауатты өмір салтын насихаттау мақсатында 200-ге жуық материал жарияланып, әлеуметтік желілерде бейнероликтер көрсетілді. 22 мыңнан астам ата-анаға түсіндіру жұмыстары жүргізіліп, 3 400-ге жуық жас түрлі іс-шараларға тартылды.Нашақорлықтың алдын алу мақсатында салауатты өмір салтын қалыптастыру орталығына 1,9 млн теңге бөлініп, 52 шара ұйымдастырылып, 2400-ден астам ақпараттық материал таратылды.Аталған шаралардың нәтижесінде өткен 9 айда нашақорлықпен есепте тұрғандардың саны 39%, ал диспансерлік есепте тұрғандар саны 8,6% төмендеді. Аймақ басшысы құқық қорғау органдарымен бірлескен жұмысты одан әрі күшейту, алдын алу шараларына асқан жауапкершілікпен қарау міндетін жүктеді.Фото: Қызылорда облысы әкімінің баспасөз қызметі

Нашақорлықтың алдын алу және есірткіге қарсы күрес мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданындағы Руханият орталығында Қазақстан халқы Ассамблеясы жанындағы Ғылыми-сарапшылық топ мүшелері, аудандық қоғам өкілдері мен жастардың қатысуымен кездесу өтті.Шараға Ғылыми-сарапшылық топ мүшелері Бақытжан Ахметбек пен Бауыржан Үсенбаев, аудандық Ақсақалдар кеңесі, Аналар кеңесі мен жастар ұйымдарының өкілдері, сондай-ақ облыстық қоғамдық даму басқармасының бас маманы Д. Дүйсембеков қатысты.Басқосу барысында Бақытжан Ахметбек Қазақстан халқы Ассамблеясының қоғамдағы бірлік пен келісімді нығайтудағы рөліне тоқталып, этносаралық татулықтың ел тұрақтылығының басты тірегі екенін атап өтті.Ал саясаттанушы Бауыржан Үсенбаев этностар арасындағы өзара құрмет пен түсіністік мәдениетін дамыту қажеттігін айтып, кемсітушілікке жол бермеудің маңызына назар аударды.Кездесу соңында қатысушылар өз ойларымен бөлісіп, еліміздегі бейбітшілік пен келісім саясатын одан әрі ілгерілету жолдарын талқылады.

Этносаралық келісім – ел бірлігінің негізі

<a href="https://kyzylorda-news.kz/">Kyzylorda-news.kz</a> 14 қазан күні елімізде ерекше мәнге ие “Инновациялар. Тұрақтылық. Болашақ” атты республикалық хакатон жобасы өз жұмысын бастады. Бұл бастама “Ауыл” партиясы мен Acapedia Kazakhstan Limited компаниясының бірлескен күш-жігерінің нәтижесі болып табылады. Жоба жоғары оқу орындары мен колледж студенттерінің шығармашылық әлеуетін шыңдап, жастардың жаңа технологиялар мен инновациялық шешімдерге деген қызығушылығын арттыруға бағытталған.Қазіргі заманда инновациялар мен тұрақтылық - бұл еліміздің тұрақты дамуының негізгі тіректері. Сондықтан да осындай жобалар жастарға өз идеяларын ашық ортада ұсынуға, оларды іске асыру жолдарын іздеуге, әрі соның нәтижесінде қоғамға пайда әкелетін өнімдер мен қызметтер жасауға мүмкіндік береді. Хакатонға қатысушылар интеллектуалдық қабілеттерін сынап, командада жұмыс істеу шеберлігін дамытып, сондай-ақ Қазақстанның дамуына қосар үлес туралы терең ой толғауға шақырылады.“Инновациялар. Тұрақтылық. Болашақ” жобасы бір күннің ішінде Қазақстанның барлық өңірлерін қамтып, өңірлік деңгейдегі сайыстың үздік командалары 24 қазанда өтетін республикалық кезеңде бақтарын сынайды. Бұл жастарға өз өңірлерін танытуға, ұлттық деңгейде бәсекеге түсуге және тәжірибе жинауға таптырмас мүмкіндік.Қызылорда облысында бұл шара “Ауыл” партиясының өңірлік филиалы ұйымдастырды. Мұнда 25 студент 13 командаға бөлініп, өздерінің инновациялық жобаларын қорғады. Командалар түрлі салаларда - технология, білім, экономика, әлеуметтік мәселелер - тың идеялар ұсынды.Қазылар алқасының шешімі бойынша, “Financio” жобасы жеңімпаз атанды. Бұл жоба қаржылық сауаттылықты арттыруға бағытталған, әсіресе әртүрлі жастағы топтарға - оқушылардан бастап студенттер, жас мамандар және ересектерге дейін - қаржыны дұрыс басқару дағдыларын үйрету мәселесін шешуді көздейді. Қазіргі әлемде қаржылық білімнің маңызы ерекше болғандықтан, бұл жоба қоғамда кең қолдау табатыны сөзсіз.Жобаның авторлары – Нұрбол Оналбеков Нұрбол, Нұрбек Әбілдаев және Азамат Дарменбаев - 24 қазанда өтетін республикалық кезеңде өздерінің өнерлерін тағы бір мәрте көрсетеді деп күтілуде. Бұл - олардың ғана емес, бүкіл Қызылорда облысының да үлкен жеңісі болып саналады.Осындай бастамалар жастардың бойында инновацияларға деген құштарлықты оята отырып, еліміздің дамуы мен өркендеуіне жаңа серпін береді. “Инновациялар. Тұрақтылық. Болашақ” атты хакатон жобасы - болашаққа жасалған инвестиция, және оған қатысушылардың барлығы - біздің елдің жарқын келешегінің кепілі.

«Инновациялар. Тұрақтылық. Болашақ» атты хакатон жобасы өз жұмысын бастады

<a href="https://kyzylorda-news.kz/">Kyzylorda-news.kz</a> Ертең 16 қазан күні Қызылорда қаласы, Сол жағалау ықшам ауданы, №117 «А» мекен-жайында орналасқан «Қазанғап атындағы Қызылорда музыкалық жоғарғы колледжі» ғимараты мен аумағында терроризмге қарсы Қызылорда облыстық жедел штабымен жедел-тактикалық оқу-жаттығуын өткізу жоспарлануда.Оқу-жаттығу шаралары барысында терроризм тұрғысынан осал объектілерде терроризм актілерінің түрлі сценарийлеріне жедел жауап қайтару мәселелері қарастырылады.Осыған байланысты азаматтарды жүргізіліп жатқан іс-шараларға автокөлік пен халықтың қозғалысының ықтимал уақытша шектеулеріне түсіністікпен қарауға шақырамыз.Қауіпсіздік шараларын сақтауды және мемлекеттік орган қызметкерлерінің заңды талаптарын орындауды сұраймыз. Тек ресми ақпаратты басшылыққа алып, жалған мәліметтердің таралуына жол бермеулеріңізді сұраймыз.Терроризмге қарсы күрес жөніндегіҚызылорда облыстық жедел штабыФото: облыстық жедел штаб

Жедел-тактикалық оқу-жаттығу өтеді

<a href="https://kyzylorda-news.kz/">Kyzylorda-news.kz</a> Қазалы ауданы әкімдігінің мәжіліс залында білім және денсаулық сақтау саласында атқарылып жатқан жұмыстар мен алдағы міндеттерге байланысты арнайы мәжіліс өтті.Мәжілісте аудан әкімі Алмасбек Есмаханов ұлттың зияткерлік әлеуетін арттырып, халықтың өмір сүру сапасын жақсартуға бағытталған, елдің әлеуметтік-экономикалық дамуының негізгі тетіктерінің бірі саналатын қос сала маңыздылығына тоқталып өтті.&nbsp;Жиында аудандық білім бөлімінің басшысы Әділхан Жөлекешов, аудандық көп бейінді орталық аурухананың бас дәрігері Қадырбек Алипов пен «Қазалы теміржол ауруханасы» ЖШС-нің директоры Ернар Ршымбетов салада атқарылған жұмыстар мен алдағы міндеттер жайында хабарлама жасады.&nbsp;Баяндамашылардан кейін аудан басшысы білім саласы бойынша жұмыстар жоспарға сәйкес жүргізіліп жатқанын, аудандағы білім сапасы мен саладағы жетістіктердің көңіл қуантатындығын жеткізді. Алайда, бұл салада күрделі мәселелердің жоқ емес екендігінде тілек тиек етті. Мәселен, білім бөлімінің басшысына бүгінде бірқатар ауылдардың мектеп директорлары қатынап жұмыс жасап жүргендігін сынға алып, 3 күн мерзім ішінде директорлардың тұрғылықты жерге көшіп баруын қатаң ескертті. Сонымен қатар аудандағы бірнеше балабақшада меңгеруші жоқ екендігін айтып, бұл мәселені де шұғыл шешуді тапсырды. Бұдан бөлек, қазіргі таңда жасөспірімдердің, оның ішінде оқушылар арасындағы құқықбұзушылық оқиғалары жиі орын алуы, білім беру ұйымдарының қысқы жылу беру маусымына дайындығы, көгілдір отын жеткізілген ауылдардағы мектеп, балабақшалардың бу қазандықтарының әлі күнге дейін табиғи газға қосылмауы, мектептер мен мектепке дейінгі мекемелердің тазалығы мен санитарлық-гигиеналық жағдайы және басқа да өзекті мәселелерге байланысты аудандық білім бөлімі мен тиісті сала басшыларына нақты тапсырмалар жүктелді.&nbsp;Мәжілісте Алмасбек Әбілқасымұлы аудандағы техникалық және кәсіптік білім беру бағытындағы 3 колледждің де жұмысына тоқталып өтіп, ондағы білім сапасына қатысты тапсырмалар берді.Мәжілісте бұдан әрі аудандағы денсаулық сақтау саласындағы атқарылып жатқан жұмыстар қаралды. Бұл бойынша аудандық аурухана мен Қазалы теміржол ауруханасының басшыларына денсаулық сақтау саласындағы барлық көрсеткіштердің 100 пайыз орындалуын қамтамасыз ету, тұрғындарға сапалы медициналық қызмет көрсету, кент, қала және ауылдық округ әкімдері мен мекеме-кәсіпорын басшыларымен бірлесіп, міндетті әлеуметтік медициналық сақтандыруға байланысты жұмыстарды жандандыру, медициналық мекемелердің тазалық жұмыстарына байланысты тапсырмалар берілді.Жиынды қорытындылаған аудан әкімі мәжілісте екі салаға байланысты берілген әрбір тапсырманың жүйелі орындалуын салаға жауапты орынбасары Дәурен Тлеумбетовке қатаң бақылауға алуды тапсырды.

Білім мен денсаулық сақтау саласында атқарылған жұмыстар талқыланды

<a href="https://kyzylorda-news.kz/">Kyzylorda-news.kz</a> Әлеуметтік желіде Алматы облысы Талғар ауданындағы мектептердің бірінің басшылығы мұғалімдерден ақша жинап жатыр деген ақпарат тарады. Бұл туралы <a href="https://kaz.inform.kz/news/almati-oblisinda-mugalmderden-aksha-zhinamak-bolgan-direktor-zhazalandi-06c30d/">kaz.inform.kz</a> хабарлады.&nbsp;Желіде тараған видеода мектеп басшылығы мұғалімнен алдағы семинарды ұйымдастыруға <a href="https://t.me/egovpress/9714">көмектесуін өтінеді.</a>Әйел нақты қандай көмек керек екенін сұрағанда, әңгімелесуші әр мұғалімнен 2 мың теңгеден жинауды ұсынады және басқа мектептердің көпшілігі бұл ақшаны әлдеқашан тапсырып қойғанын айтады. Алайда әйел қаржылық жағдайына байланысты бұл іске атсалыса алмайтынын түсіндіреді.Видео жарияланған соң өңірдің білім басқармасы тексеру жүргізді. Оқиға Талғар ауданындағы №8 мамандандырылған мектепте болған.<blockquote>– Білім басқармасы әлеуметтік желілерде тараған «№8 мамандандырылған мектеп мұғалімдерінен ақша жиналып жатыр» деген ақпаратты тексерді. Ақша жинау туралы дерек расталмады. Алайда мектеп директоры әріптестеріне 2025 жылы 17 қазанда өтетін физика пәні мұғалімдеріне арналған семинарға баннер дайындауға және оқу роботын жалға алуға көмектесуді ұсынған, - делінген Алматы облысы әкімдігінің баспасөз қызметі таратқан хабарламада.</blockquote>Тексеру қорытындысы бойынша мектеп директорына Қазақстан Республикасының Еңбек кодексінің 64-бабы бойынша қатаң сөгіс түріндегі тәртіптік жаза қолданылды.Еске салайық, бұған дейін мұғалімдер құқығы жиі бұзылатын 5 облыс белгілі болған еді.Білім саласында сапаны қамтамасыз ету комитетінің төрағасы Серік Әшіровтің айтуынша, Қостанай, Алматы, Абай, Жамбыл және Павлодар облыстарында әлі де бұзушылықтар болып жатыр. Олар көп жағдайда педагогке тән емес жұмыстарға тарту бойынша, педагогтердің ар-намысына тию, яғни балағаттау бойынша, концерт билеттерін сатып алуға және әртүрлі шараларға көрермен ретінде қатысуға мәжбүрлеу бойынша тіркелген.

Мұғалімдерден ақша жинамақ болған директор жазаланды 

<a href="https://kyzylorda-news.kz/">Kyzylorda-news.kz</a>&nbsp; Бүгінде түрлі кәсіп түрі бар. Күннен-күнге дамып, бизнестері өрлеуде. Кәсібі дөңгеленіп, жұмыссыздарды жұмыспен қамтып жатқан кәсіпкердің саны артқаны қуантады. Оның үстіне мемлекет тарапынан кәсіпкерлерге жасалып жатқан қолдау көп.Сондай-ақ түрлі бағдарлама бар. Қайтарымсыз гранттың да жыл сайын қаржысы көбеюде. Бұл бағдарлама – жұмыссыздарды жұмыспен қамтып қана қоймай, жастарды, көп балалы аналарды, бизнесін дамытқысы келетін кәсіпкерлерге үлкен демеу. Десе де кәсіп бастап, оны дамыта алмаған, бастамай жатып аяқталған бизнес түрлері де жеткілікті. Кәсіп бастау – оңай болып көрінуі мүмкін. Десе де біраз еңбек пен терді қажет етеді. Оған қаржыдан бұрын үлкен сенім керек-ақ...&nbsp; Бүгінде «Даму» қоры тарапынан &nbsp;кәсіпкерлерге көп қолдау жасалуда. &nbsp;Облыс бойынша өңірлік филалдың атқарған шаруасы да жеткілікті. Мәселен, биыл маусым айында жеңілдікпен несиелейтін «Өрлеу» бағдарламасы іске қосылған. Бұл бағдарлама – пайыздық мөлшерлемелерді субсидиялау құралына балама болып, кәсіпкерлердің қаржыны кідіріссіз алуына мүмкіндік беруде. Осылайша инвестиция, айналым қаражатын толықтыру және қайта қаржыландыруға несие алуға болады. Облыста осы бағдарлама басталған уақыттан бері 19 жоба жалпы сомасы 1,9 млрд теңгеге қолдау алды.<figure class="image"><a href=" Айдос Жылқайдаров, «Даму» қорының Қызылорда облысы бойынша филиалының директоры:"><img src="https://knadmin.beoblood.kz/uploads/press_tur_damu_N_Nurzhaubaj_fb928a4e88.JPG" alt="пресс-тур даму Н.Нуржаубай.JPG"></a><figcaption>Айдос Жылқайдаров,«Даму» қорының Қызылорда облысы бойынша филиалының директоры:</figcaption></figure>&nbsp; «Даму» қорының Қызылорда облысы бойынша филалының директоры Айдос Жылқайдаровтың айтуынша, қор кәсіпкерлерге үш негізгі құрал арқылы мемлекеттік қолдау көрсетуді жалғастыруда. Олар жеңілдікті қаржыландыру, кепілдік қамтамасыз ету жеткіліксіз болған кезде несиеге кепілдік беру және пайыздық мөлшерлемені ішінара субциядалау.<blockquote>– «Даму» Қоры ұлттық даму институты болғандықтан, Қазақстанның барлық өңірлеріндегі шағын және орта бизнестің сапалы дамуына жәрдемдеседі. Бұл – экономикаға айтарлықтай серпін береді. Біз кәсіпкерлерге үйреншікті қолдау тетіктерін сақтап қалдық, алайда олардың мазмұнын едәуір жетілдіріп, жұмыстың тиімділігін арттырдық. Сондай-ақ экономиканың басым салалары тізімі айқындалды. Олар: өңдеу өнеркәсібі, көлік және логистика, туризм, денсаулық сақтау мен білім беру. Қызылорда облысында 2010-2024 жылдар аралығында мемлекеттен қолдау алған кәсіпкерлер&nbsp;11,3 мың жаңа жұмыс орнын ашты. Олар бюджетке&nbsp;537 млрд теңге салық төледі, – деді «Даму» Қорының Қызылорда облысы бойынша өңірлік филиал директоры Айдос Жылқайдаров.</blockquote>Кепілдік беру құралы бойынша биыл мемлекет басшысының тапсырмасымен құны 7 млрд теңгеге дейінгі және 7 млрд теңгеден асатын жобалар үшін екі «Кепілдік қоры» іске қосылды. Енді кәсіпкерде кепілзат тапшы кезде «Даму» Қоры 7 млрд теңгеге дейінгі қарызға кепілдікті өте қысқа мерзімде – портфельдік кепілдіктің арқасында 2 жұмыс күні ішінде береді.Бұл жүздеген аймақтық жобаларға несие алуға мүмкіндік береді. Кепілдік несие сомасының&nbsp;85%-на дейін, бірақ&nbsp;3,5 млрд теңгеден аспайтын соманы жаба отырып, несие, лизинг мәмілелеріне және келісімшарт орындауға қолданылады. 9 ай ішінде кепілдік портфелі 17,2 млрд. теңге болатын 143 шартқа қол қойылды. Оның ішінде Қордың кепілдігі 12,9 млрд теңге. Жобалардың ең көп үлесі өңдеу өнеркәсібі мен ауыл шаруашылығы саласына тиесілі.«Даму» қорының Қызылорда облысы бойынша филиалы БАҚ өкілдеріне арналған пресс-тур барысында қордың облыстық филиалы кәсіпкерлікті дамытуға мемлекеттік қолдауға ие болған осындай үш кәсіпорынның жұмысын көрсетті.<h2 style="text-align:center;">Зауыт тоқтаусыз жұмыс істейді</h2>Алғашқы бағыт – Жалағаш ауданы болды. «Агрохимсервис-С» ЖШС – облыстағы күріш шаруашылықтарын минерал тыңайтқыштармен (аммоний сульфаты) қамтамасыз ететін негізгі өндіруші және жеткілікті компания. Зауыт сағатына 10 тоннаға дейін түйіршіктелген тыңайтқыш шығарып, аграрлық саланы сапалы өніммен қамтамасыз етеді.<img src="https://knadmin.beoblood.kz/uploads/press_tur_damu_N_Nurzhaubaj_1_0ef787e0b0.JPG" alt="пресс-тур даму Н.Нуржаубай 1.JPG">Биыл тамыз айында «Агрохимсервис-С» ЖШМ «Даму» қорының «Өрлеу» жеңілдікпен несиелеу бағдарламасы аясында «Қазақстан Халық банкі» АҚ-нан несие алған. Бағдарлама аясында кәсіпкер 12,6 пайызбен тиімді несиеге қол жеткізіп, шаруасын дамытуда. Бұдан бөлек, серіктестік қор ұсынған мүмкіндіктерді тұрақты пайдаланып келеді.<figure class="image"><img src="https://knadmin.beoblood.kz/uploads/press_tur_damu_N_Nurzhaubaj_2_0962ecd4f6.JPG" alt="пресс-тур даму Н.Нуржаубай 2.JPG"><figcaption>Валентина Ким,«Агрохимсервис-С» ЖШС қаржы директоры:</figcaption></figure><blockquote>– Тыңайтқыш – өсімдіктердің топырақтан қоректенуін жақсарту үшін қолданылатын органикалық және минералдық заттар. Оны дұрыс пайдаланған дақылдардың түсімі артады, өнім сапасы жақсарады. Осы ретте елімізде өсірілетін түрлі дақылдардан мол, тұрақты әрі сапалы өнім алуда агротехникалық шаруалармен қатар, тыңайтуды дұрыс ұйымдастырудың маңызы зор. Сол себепті біз шаруашылыққа қажетті минералды тыңайтқыш өндірумен айналысып отырмыз. Зауыт тоқтаусыз жұмыс істейді. Қазір мұнда 25 адам еңбек етеді. Шикізат Ресейден келеді. Құрылғының бәрі де – Қытайдан әкелінген жаңа технологиялар. Өнімге сұраныс жоғары. Қазіргі таңда өзге өңірлерге де өткізуге әрекет жасап жатырмыз, – дейді ол.</blockquote><h2 style="text-align:center;">Жоба бойынша 100-ден астам адам жұмыспен қамтылады</h2>&nbsp;«Марал-Нұр» ЖШС – Қызылорда облысындағы теміржол жолаушылар тасымалы саласындағы жетекші кәсіпорындардың бірі. Компания Қазақстан Республикасының аумағында әлеуметтік маңызы бар бағыттар бойынша сапалы қызмет көрсетіп келеді.Жолаушылардың қауіпсіздігі мен жайлылығына басымдық беріліп, жылжымалы құрам уақытылы техникалық қызмет көрсетуден өтеді және кезең-кезеңімен жаңғыртылады. Қызмет көрсету барысында таза әрі ыңғайлы купе және плацкарт вагондар, кондиционерлер, тұрмыстық техника және білікті қызметкерлер ұсынады.Бүгінде кәсіпорын «Қызылорда-Павлодар» және «Жезқазған-Астана» бағыттарындағы қалааралық тасымалды табысты жүзеге асыруда.<img src="https://knadmin.beoblood.kz/uploads/press_tur_damu_N_Nurzhaubaj_5_2fe1fc9b6c.JPG" alt="пресс-тур даму Н.Нуржаубай 5.JPG">Қызмет аясын кеңейту мақсатында «Марал-Нұр» ЖШС Қызылорда қаласында&nbsp;«Жолаушылар вагондарын жөндеу және техникалық қызмет көрсету кешені – «Цифрлық депо» инвестициялық жобасын жүзеге асырды. Жобаның жалпы құны 5,4 млрд теңгені құрап, оның 2,2 млрд теңгесі «Даму» қорының «Бірыңғай кешенді бағдарлама» аясындағы пайыздық мөлшерлемені субсидиялау қолдауы арқылы «Қазақстан Халық Банкі» АҚ тарапынан қаржыландырылды. Мемлекеттік қолдау нәтижесінде несие мөлшерлемесі жылдық 8%-ға дейін төмендетілді.«Марал-Нұр» ЖШС директорының орынбасары Олжас Өткелбаев мұндағы атқарылып жатқан жұмыстарға тоқталды.<figure class="image"><img src="https://knadmin.beoblood.kz/uploads/press_tur_damu_N_Nurzhaubaj_3_9c6d29e3dd.JPG" alt="пресс-тур даму Н.Нуржаубай 3.JPG"><figcaption>Олжас Өткелбаев, «Марал-Нұр» ЖШС директорының орынбасары:</figcaption></figure><blockquote>Қазіргі ең маңызды мәселе – жолаушылар вагондарын жөндеу және техникалық қызмет көрсету. Елімізде жолаушылар вагоны көп болғанымен, жөндеу орны аз. Сондықтан біз 2020 жылы осы жобаны қолға алдық. Құрылыс мемлекет тарапынан қолдауға ие болып, қаражатқа құрал-жабдықтар алынды. Бүгінде мұнда 80-нен астап техника әкелініп, орнатылды. Құрылыс толық аяқталды. Жыл аяғында іске қосыламыз. Бүгінде дайындық жұмыстары қызу. Жоба бойынша 100-ден астам адам жұмыспен қамтылады, – деді ол.</blockquote><h2 style="text-align:center;">Жанға жайлы – жатақхана</h2>Бір топ БАҚ өкілдерінің келесі бағыты – студенттерге арналған жатақхана. Бұл «Інкәр-7» ЖШС жүзеге асырған әлеуметтік маңызы бар жобаның бірі.<img src="https://knadmin.beoblood.kz/uploads/press_tur_damu_N_Nurzhaubaj_4_dd66e0dee7.JPG" alt="пресс-тур даму Н.Нуржаубай 4.JPG">Мұнда студенттерге жайлы, заманға сай үлгіде барлық жабдықпен қамтамасыз етілген. Былтыр серіктестік 200 орынға арналған жатақхананың құрылысын аяқтап жаңа оқу жылында пайдалануға берген. Әр бөлме 4 студенте арнайы жасақталған. Бүгінде 207 студент жатахқана қызметін пайдалануда. Бәрі де Қорқыт ата атындағы Қызылорда университетінің білім алушылары. Мұнда оқу бөлмесі, мейірбике бөлмесі, акт залы, асхана, кір жуатын, жуынатын бөлмелері бар. Комендант Гүлсара Әбдіхалықова мұнда жастардың білім алуына, бос уақытын тиімді өткізуіне барынша жағдай жасалғанын айтты.<blockquote>– Жатақханада студенттердің барлық жағдайы жасалған. Өздеріне қажетті заттардың бәрі бар. Бос уақытын тиімді өткізуге де жағдай жасалған. Ай сайынғы жалдау ақысы 12 мың теңге, – дейді ол.</blockquote>Соңғы 14 жылда Қызылорда облысының кәсіпкерлікті «Даму» қорының қолдауымен 11300 жұмыс орнын ашып, бюджетке 537 милиард теңге салық түсірді. Қол қолдау көрсететін брендтер арасында Dalatex textile, Assol және Ozero &nbsp;тұзы, Қазалы кәмпиттері, Сафия ауыз суы, Дәмді сүт өнімдері, Арай Гелато балмұздағы, т.б. бар. Қызылорда облысының кәсіпкерлері үшін мұндай көмек өсудің, жаңғыртудың, бәсекеге қабілеттілікті арттырудың нақты құралы.Мөлдір САБЫРЖАН,Фото: Нұрболат Нұржаубай

«Даму»: өсудің, жаңғыртудың, бәсекеге қабілеттілікті арттырудың нақты құралы

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен өткен кезекті мәжілісте 2025 жылғы қаңтар–қыркүйек айларындағы әлеуметтік-экономикалық даму қорытындылары мен республикалық бюджеттің орындалу барысы қаралды. Жиынға аудан әкімінің орынбасарлары, бөлім, мекеме, кәсіпорын басшылары, кент және ауылдық округ әкімдері қатысты.Жиында күн тәртібіндегі аталған мәселе бойынша аудандық экономика және қаржы бөлімінің басшысы Жанар Ниматулла әлеуметтік-экономикалық көрсеткіштер мен жылдың соңына дейін орындалуы тиіс жоспарларды атап өтті. Осыған сәйкес аудан әкімі барлық жоспарлы көрсеткіштердің жыл соңына дейін толық орындалуын қамтамасыз етуді міндеттеді.Сондай-ақ жиын барысында бюджеттің атқарылу мәселесі де қаралды. Жалпы аудан бойынша тоғыз айдың қорытындысымен қаржы толықтай 100 пайызға игеріліп отыр. Алайда, алдағы уақытта тиісті сала басшыларына игерілмеу қаупі бар қаржыларды анықтап, жедел шешім қабылдау қажет екендігі де ескертілді.Кәсіпкерлік саласы да назардан тыс қалмады. Аймақ басшысының тапсырмасына сәйкес әрбір кент және ауылдық округтерге кәсіпкер тарту және қолдау жұмыстары жүргізілуде.Мәжіліс барысында жылу беру маусымының басталуына байланысты әлеуметтік нысандарды жылумен қамту мәселесі көтерілді. Жандос Еркінбек аталған міндетке қатысты ешқандай мәселе туындамауы үшін аудандық тұрғын үй-коммуналдық шаруашылығы бөліміне қадағалауды тапсырды.Жиын соңында аудан әкімі мәжілісте айтылған әрбір мәселе бойынша нақты тапсырмалар беріп, олардың орындалуын бақылауда ұстауды жауапты тұлғаларға жүктеді.

Әлеуметтік-экономикалық даму қорытындылары мен алдағы міндеттер талқыланды

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің қалалық пробация қызметінің аға инспекторы Ержан Ақбар – өз ісіне жауапкершілікпен қарайтын, антына адал жас мамандардың бірі.Қызмет жолын Шиелі аудандық пробация қызметінен бастаған ол бүгінде қалалық пробация қызметінде өз аймағындағы 70-тен астам сотталғанмен жұмыс жүргізіп келеді. Ақбар Ержанның негізгі міндеті – пробация есебіндегі азаматтарды әлеуметтендіру, құқықтық кеңес беру және қайта қылмыстың алдын алу бағытында профилактикалық жұмыстар ұйымдастыру.&nbsp;<blockquote>– Қызметтің оңайы жоқ. Нысанды киім киген соң, оның артындағы үлкен жауапкершілікті сезінесің. Бізге сеніп тапсырылған әр адам – қоғамның бір бөлшегі. Сол себепті оларға дұрыс бағыт беру, өмірге бейімдеу – біздің басты парызымыз, – дейді Ержан Ақбар. Ішкі істер органдарындағы еңбек өтілі 3 жылды құрайтын жас офицер – өз отбасынан бұл салада қызмет етіп жүрген жалғыз жан. Соған қарамастан ол таңдаған мамандығына адалдық танытып, қоғам алдындағы борышын зор жауапкершілікпен атқарып келеді. Ержан&nbsp;Ақбар Қорқыт ата атындағы Қызылорда университетінің "Құқықтану" мамандығын 2019–2022 жылдары тәмамдаған. Жалаңтөс Бахадүр атындағы спорт интернатының түлегі, дзюдо спорт түрімен айналысқан. – Спорт мені тәртіп пен төзімділікке үйретті. Сол қасиеттер қызмет барысында да айрықша көмегін тигізеді. Мен спорт шеберлігіне кандидатпын және бұл жетістік менің өмірімде ерекше орын алады, – дейді ол.&nbsp;</blockquote>Ержан Ерболатұлы бос уақытында спортпен айналысып, салауатты өмір салтын ұстанады. Ол үшін спорт – өмірлік серік, ал қызмет – елге адалдықтың белгісі. – Ант – жай сөз емес, ол абырой мен жауапкершіліктің нышаны. Мен өз антыма адал болып, ел игілігі үшін аянбай еңбек етуді азаматтық борышым деп білемін, – дейді&nbsp;Ержан&nbsp;Ақбар. Пробация қызметінің жас офицері – өз ісін сүйетін, ел алдында абыройлы қызмет атқарып жүрген лайықты мамандардың бірі.Фото: Polisia.kz

Антына адал жас маманның қызметтігі бір күні  

<a href="https://kyzylorda-news.kz/">Kyzylorda-news.kz</a> Қызылорда қаласындағы С. Ысқақов атындағы құрылыс және бизнес колледжінде «Әділетті Қазақстан – адал азамат» тақырыбында облыстық ҚХА жанындағы Ақпараттық түсіндіру тобының ұйымдастыруымен кездесу өтті. Шараның негізгі мақсаты – жастар арасында адалдық, әділдік және жауапкершілік құндылықтарын дәріптеу, сондай-ақ қоғамдағы өзекті әлеуметтік мәселелер туралы ашық пікір алмасу болды.Кездесуге Қызылорда облыстық қоғамдық даму басқармасының «Қоғамдық келісім» коммуналдық мемлекеттік мекемесінің директоры Бақытжан Камалов пен мекеменің аға сарапшысы, облыстық ҚХА жанындағы ақпараттық түсіндіру тобының мүшесі, саясаттанушы Бауыржан Үсенбаев қатысты.Спикерлер жастарға Қазақстан халқы Ассамблеясының қоғамдағы рөлі мен атқарып жатқан жүйелі жұмыстары туралы кеңінен баяндап, қоғамдық келісім мен бірлікті сақтау бағытындағы шараларға тоқталды. Сонымен қатар кездесу барысында адал еңбек пен жауапкершілік, вандализм мен лудомания сынды келеңсіз құбылыстардың алдын алу, азаматтық ұстаным мен адамгершілік қағидаттарының маңызы талқыланды.Шара соңында студенттер көкейлеріндегі сұрақтарын қойып, өз ой-пікірлерін білдірді.

Қызылордада «Әділетті Қазақстан – адал азамат» тақырыбында кездесу өтті

<a href="https://kyzylorda-news.kz/">Kyzylorda-news.kz</a> Астанада XIІ Азаматтық форум аясында Қоғамдық кеңестердің IV Республикалық мәжілісі өтті. Іс-шараға Қазақстан Республикасының Мәдениет және ақпарат министрі Аида Балаева, өңірлік және республикалық қоғамдық кеңестердің мүшелері, сарапшылар, халықаралық серіктестер мен азаматтық сектор өкілдері қатысты.Өз сөзінде министр қоғамдық институттардың тұрақты дамып, олардың рөлінің артып келе жатқанын атап өтті.<blockquote>«Қоғамдық кеңестердің тиімді жұмысы көбіне сіздердің белсенді ұстанымдарыңыз бен бастамашылдықтарыңызға байланысты. Бұл алаңда сіздер, Ұлттық құрылтай мүшелері сияқты, жергілікті деңгейде көтерілген өзекті мәселелер мен ұсыныстарды талқылауға бастамашы бола аласыздар. Бұл азаматтардың пікірін республикалық деңгейге жеткізудің тиімді жолы», – деді Аида Балаева.</blockquote>Министр халықпен кері байланысты нығайту және қоғамдық кеңестер институтын заманауи үрдістерге сай жетілдіру қажеттігін айтты. Осы мақсатта ол кеңестердің жұмысында цифрлық технологиялар мен жасанды интеллект мүмкіндіктерін кеңінен қолдануды ұсынды. Сонымен қатар,<blockquote>Аида Балаева қоғамдық кеңестердің парламенттік реформаларға белсенді қатысуының маңыздылығын ерекше атап өтті. «Президент атап өткендей, бұл мәселе қоғамның кеңінен қатысуын, халық пікірін жан-жақты талдау мен зерделеуді қажет етеді. Сондықтан қоғамдық кеңестердің Конституция баптарына толықтырулар мен өзгерістер енгізу жөніндегі ұсыныстарды әзірлеу процесіне тікелей араласуы маңызды деп санаймын», – деді министр.</blockquote>Аида Балаева қоғамдық кеңестердің жұмыс тиімділігін арттыру және қоғамдық бақылауды күшейту мақсатында кеңестердің халық алдында ашық есеп беру тәжірибесін енгізуді ұсынды. Оның айтуынша, «Қоғамдық кеңестер туралы» Заңда бекітілген ашықтық пен айқындық қағидаттары тек қағаз жүзінде емес, іс жүзінде жүзеге асуы тиіс.Аида Балаева қоғамдық бақылаудың тек жекелеген мәселелермен шектелмеуіне де назар аудару қажетін атап өтті. Оның пікірінше, бұл бағыт Президенттің бастамалары мен ұлттық жобаларының («Заң және тәртіп», «Таза Қазақстан», «Адал азамат» және т.б.) іске асырылуын жүйелі түрде мониторингтеу мен ілгерілетуге бағытталуы тиіс. Бұл жұмысқа қоғам өкілдерін кеңінен тарту қажет.Бүгінде Қазақстанда 263 қоғамдық кеңес құрамында 4000-нан астам белсенді азамат еңбек етуде. Соңғы үш жылда олар азаматтардың құқықтары мен бостандықтарына қатысты 9000-нан астам нормативтік-құқықтық актілер жобасын қарастырған. Сондай-ақ, 2100 мемлекеттік орган басшысының есептері тыңдалып, 820 қоғамдық тыңдау ұйымдастырылған. Бұдан бөлек, әлеуметтік қорғау, жер қатынастары, денсаулық сақтау және басқа да мәселелер бойынша 2000-нан астам азаматтың өтініштері қаралған.

Аида Балаева халықпен кері байланысты нығайтуға шақырды

<a href="https://kyzylorda-news.kz/">Kyzylorda-news.kz</a> Мемлекет басшысы Жұмыс тобының алғашқы отырысында ел азаматтарының Парламенттік реформаны талқылауға қатысуы маңызды екенін атап өтті.Президенттің тапсырмасы бойынша мемлекеттік e-Otinish платформасында және eGov сервисінде азаматтардың парламенттік жүйені жетілдіру жөніндегі ұсыныстарын жинау ұйымдастырылады. Олар «Парламенттік реформа» атты арнайы бөлімге ұсыныстарын жолдап, елдің саяси жүйесін жаңғыртуға үлес қоса алады.Парламенттік реформаны мемлекет пен қоғам арасындағы ашық диалог арқылы жүзеге асыру Мемлекет басшысының «Халық үніне құлақ асатын мемлекет» тұжырымдамасының қағидаттарына толық сәйкес келеді.

Қазақстан және Қызылорда облысының жаңалықтары