<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Біз бюджетке деген көзқарасымызды түбегейлі өзгертуіміз керек» деп баса айтқан болатын. Әрине, мемлекетке өзінің экономиалық және әлеуметтік реттеуін жүзеге асыруға беретін аса маңызды механизмдердің бірі – мемлекеттік бюджет.Биыл 10 айдың қорытындысымен Жалағаш ауданына қарасты кент, ауылдық округтердің жылға арналған қаржыландыру жоспарларына қайта есептеу жүргізілген. Нәтижесінде кірістер болжамының орындалмау қаупі туындауынан жеке тұлғалардың көлік салығы 5 млн 247 мың теңгеге қысқартылыпты. Мұндай жағдайда сәйкесінше шығыстары да қысқартылады. Сондай-ақ, аудан бюджетінің жергілікті кірістер болжамының орындалмауына байланысты &nbsp;кент, ауылдық округтердің субвенциясы 16 млн 037 мың теңгеге &nbsp;қысқартылады. Ал аудан бюджетінен кент, ауылдық округтерге бөлінген трансферттерден 240 мың теңге қысқартылады екен. Жалағаш аудандық мәслихаттың кезектен тыс 27 сессиясында аудандық экономика және бөджеттік жоспарлау бөлімінің басшысы Жұпар Баймаханова осылай деді.Халық қалаулылары бас қосқан жиында қос мәселе қаралғанымен негізгісі осы болды. Жиында Жұпар Хамитқызы алдымен 2022-2024 жылдарға арналған кент пен ауылдық округтер бюджеті туралы жергілікті мәслихаттың өткен жылдың аяғында шығарған шешімдеріне өзгеріс енгізу қажеттігін халық қалаулыларының қаперіне салды. &nbsp;Баяндамашының сөзінше, кент, ауылдық округтердің &nbsp;бюджеттерін &nbsp;нақтылауға бірқатар бюджеттік бағдарлама әкімшілерінен 12 млн 370,1 мың теңге қысқартылып, &nbsp;сәйкесінше бюджеттік бағдарламаларға қайта бағыттау көзделген. Бағытталатын қаржыларға келсек, кент &nbsp;әкімі аппаратының ағымдағы шығындарына 3 млн 854 мың теңге, оның ішінде 1 млн 573 мың теңге ішкі саясат бөлімінің үш қарауыл штат бірлігі кент әкімі аппаратына ауыстырылуына байлнынысты еңбекақы мен төлемдеріне бағытталады. Ал тиісті қаражаттың жылу маусымында сұйык отын алуға 1 млн 850 мың теңгесі бағытталады. Сондай-ақ мұқтаж азаматтарға үйде әлеуметтiк көмек көрсетуге арналған бюджеттік бағдарлама аясында олардың еңбекақы мен төлемдеріне 280 мың теңге қарау көзделген.&nbsp;Жалағаш ауданындағы ауылдық округтерге келсек, Аққұм ауылдық округі бойынша аппараттың ағымдағы шығындарына 400 мың теңге бағытталады. Ал Аламесек ауылдық округі бойынша аппарттың ағымдағы &nbsp;шығыстарына &nbsp;1005,1 мың теңге қайта бағытталады.&nbsp;Аудан іргесіндегі Ақсу &nbsp;ауылдық округі бойынша да аппараттың ағымдағы &nbsp;шығыстарына &nbsp;984 мың теңге теңге қайта бағыттау көзделуде. Оның тиісті бөлігі, яғни 213 мың теңгесі «Жергілікті деңгейде мәдени-демалыс жұмысын қолдау» бюджеттік бағдарламасына бағытталса, қалғаны ауылдық клубқа қосымша штат бірліктің еңбекақы мен төлемдеріне негізделеді.Бұқарбай батыр ауылдық округі бойынша аппарттың ағымдағы &nbsp;шығыстарына 564 мың теңге қаралса, Жаңадария &nbsp; ауылдық округінде аппарттың ағымдағы &nbsp;шығыстарына 466,9 мың теңге қайта бағыттау көзделген. Ал Қаракеткен &nbsp; ауылдық округі бойынша «Мұқтаж азаматтарға үйде әлеуметтiк көмек көрсету» бюджеттік бағдарламасына &nbsp;130 мың теңге қайта бағыттау қажет екен.Бөлім басшысы мұнан бөлек М.Шәменов &nbsp;ауылдық округі бойынша аппарттың ағымдағы &nbsp;шығыстарына 935,0 мың теңге Мәдениет ауылдық округі бойынша 153 мың теңге, Еңбек &nbsp;ауылдық округі бойынша «Елді мекендердегі көшелерді жарықтандыру» бюджеттік бағдарламасына &nbsp;900 &nbsp;мың теңге, Мақпалкөл ауылдық округі бойынша «Мұқтаж азаматтарға үйде әлеуметтiк көмек көрсету» бюджеттік бағдарламасына 250 мың теңге, «Елді мекендердегі көшелерді жарықтандыру» бюджеттік бағдарламасына &nbsp;163 мың теңге, Мырзабай ахун &nbsp;ауылдық округі бойынша аппараттың ағымдағы шығындарына 498 мың теңге, «Елді мекендердегі көшелерді жарықтандыру» бюджеттік бағдарламасына &nbsp;34 &nbsp;мың теңге, Таң ауылдық округі бойынша аппарттың ағымдағы &nbsp;шығыстарына 431,1 мың теңге қайта бағыттау көзделіпті.&nbsp;10 айдың қорытындысын саралап, алдағы уақытта кент және ауылдық округтер бойынша аппараттың ағымдағы шығыстарына қайта бағытталатын қаражаттарды кеңінен тарқатқан Жұпар Хамитқызы халық қалаулыраның да бірқатар сауалына жауап берді. Сондай-ақ оның сессияның күн тәртібінде көтерген мәселесі депутаттар тарапынан бірауыздан қолдау тапты.&nbsp;Сессия отырысында мұнан кейін жергілікті мәслихат депутаттары «Жалағаш ауданының әкімдігі жанындағы құқық бұзушылық профилактикасы жөніндегі ведомствоаралық комиссиясының құрамын бекіту туралы» Жалағаш &nbsp;аудандық мәслихатының 2018 жылғы 28 наурыздағы &nbsp;№22-6 шешіміне өзгеріс енгізу жайын талқылады. Шешімге енгілетін өзгеріс жайында хабарлаған аудан әкімі аппаратының мемлекеттік-құқтық жұмыстар бөлімінің басшысы Ғалым Жанашевтың да ұсынысы депутаттар тарапынан қолдауға ие болды. Сессия отырысында Ғалым Жанашев тағы бір мәселені халық қалаулыларының алдында ортаға салған болатын. Оның «Сыбайлас &nbsp;жемқорлыққа &nbsp;қарсы іс-қимыл &nbsp;мәселелері &nbsp;жөніндегі аудандық комиссия &nbsp;құрамын &nbsp;бекіту туралы» Жалағаш &nbsp;аудандық &nbsp;мәслихатының 2018 жылғы 28 наурыздағы №22-7 шешіміне өзгерістер енгізу туралы ұсынысы да қолдау тапты.Басқосуда соңғы қаралған мәселе «Жалағаш аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту болды. Бұл туралы аудандық мәслихат аппаратының басшысы Т.Сарбалаев баяндады. Депутаттар аппарат басшысының да бұл ұсынысын бірауыздан қолдады.&nbsp; &nbsp;<img src="https://knadmin.beoblood.kz/uploads/299857328_1516713008780772_6705803862826851412_n_244cd3cfa8.jpg" alt="299857328_1516713008780772_6705803862826851412_n.jpg">

Жалағаш ауданы: Бюджетке өзгерістер мен толықтырулар енгізілді

<a href="https://kyzylorda-news.kz/">Kyzylorda-news.kz.</a> Корей этносының өкілдері Қазақстанға&nbsp;85 жыл бұрын қоныс тепкен. Бұл туралы Қызылорда облыстық «Қазақстан корейлер қауымдастығы» қоғамдық бірлестігі төрағасының орынбасары Денис Пак айтты.<blockquote>«Сыр өңірі корей этносының өкілдері үшін өте қымбат. Сыр жұртшылығы депортация кезінде Қиыр Шығыстан келген корей ұлтына пана болды. Жергілікті тұрғындар қиын кезеңде сүйеу болып, көп көмегін тигізді. Корейлер қазақ даласында 85 жылдан астам уақыттан бері тұрып келеді. Қарияларымыз келешек ұрпаққа бірлік пен ынтымақты сақтауды өсиет етіп қалдырады. Өйткені барлығымыз бір аспан астында тұрып жатырмыз, бұл ел дамуына үлес қосатын үлкен құндылық. «Қазақстан корейлері қауымдастығы» Қызылорда облыстық қоғамдық бірлестігінің мүшелері корей ұлтының мәдениетіне қызығатын кез келген қонақты қарсы алуға әзір. Мейрам, фестиваль, байқау, концерт пен кездесулер кезінде өз қонағымызды төрге шығарамыз», - дейді Денис Пак.&nbsp;</blockquote>Корей этномәдени бірлестігі ұлтаралық достық пен келісімді нығайтуға көп көңіл бөліп келеді.<blockquote>«Корей этномәдени бірлестігінде ана тілін және мемлекеттік тілді меңгеруге, дәстүрлі өнерді дәріптеуге, өскелең ұрпақтың бойында мәдени құндылықтар мен қазақы патриотизмді қалыптастыруға, ұлтаралық достық пен келісімді нығайтуға көп көңіл бөлінеді. Біз аймақтағы басқа этномәдени бірлестіктерімен тығыз байланыста жұмыс істейміз. Біздің барлық іс-шараларымыз Қызылорда облыстық Қазақстан халқы ассамблеясының қолдауымен өткізіліп келеді. Этномәдени бірлестіктің ұйымдастыратын шаралары бірлікке бағытталған. Себебі, біздің міндетіміз – республикадағы бейбітшілікті, тұрақтылықты, келісімді сақтауға бар күш-жігерімізді салу. Қазақстан аумағында көптеген этностар тұрады. Бірақ біз бәріміз бір халықпыз, бізді қазақстандықтар деп атайды. Біз бір шаңырақ астында ортақ тарихи тағдыр біріктірген халықпыз. Соның арқасында біз сенімді түрде алға жылжып келеміз», - дейді Денис Пак.</blockquote><img src="https://knadmin.beoblood.kz/uploads/10932562192341126013_f67d46481c.jpg" alt="10932562192341126013.jpg">

Денис Пак: Сыр өңірі корей этносының өкілдері үшін өте қымбат

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев бокстан Иорданияда өткен Азия чемпионатында күміс жүлдегері Гүлсая Ержанды қабылдап, жеңісімен құттықтады.<blockquote>«Биыл Қазалы ауданының спортшылары үшін жемісті де жеңісті жыл болып тұр десек қателеспейміз. Себебі еліміздің көк байрағын желбіретіп шаршы алаңға шыққан спортшыларымыз намысты қолдан бермей, жеңіске жетті.&nbsp;Күрзі жұдырықты Гүлсая өзінің жастығына қарамай көптеген белестерді бағындырған. Атап айтар болсақ, ол бокстан жастар арасындағы еліміздің 3 дүркін чемпионы. Сондай-ақ, жастар арасындағы Азия чемпионатында күміс медальға қол жеткізіп, әйелдер арасындағы ел біріншілігінде екінші, үшінші орындарға ие болды.Бұл әрине бір күнде қол жеткізетін жетістік емес. Гүлсая әлемдік додада топ жару үшін жаттығуларда тынбай еңбек етіп, бапкердің айтқан ақыл-кеңестерін екі етпей орындады деп ойлаймын. Спорт бәсекелерінде жеңіске жеткен Гүлсая мен оның жаттықтырушысы мен ата-анасы және ата-әжесіне аудан халқы атынан құттықтаймын, – деді аудан басшысы.</blockquote>Қабылдауға Қазалының қайсар қызымен бірге оның бапкері, Қазақстан Республикасының еңбек сіңірген жаттықтырушысы Бақытбек Құлбаев пен ата-әжесі Ержан Исмайлов мен Үржан Базарбаева да қатысты.Құрлықтың бәсекеде жеңіске жеткен спортшыны аудандық мәслихат хатшысы Бақытжан Жарылқап та құттықтап, ізгі лебізін білдірді.Мұхтар Әуесұлы Халықаралық турнирде ауданның намысын қолдан бермей, күміс медальді қанжығалаған Гүлсая Ержанды «Алғыс хатпен» марапаттап, 200 мың теңгенің сертификатын тапсырды.Сондай-ақ, боксшының бапкері Бақытбек Құлбаев пен ата-әжесі Ержан Исмайлов мен Үржан Базарбаеваны «Алғыс хатпен» марапаттап, естелік сыйлықтар табыс етті.<img src="https://knadmin.beoblood.kz/uploads/316293064_3518833385004250_6425953870066432803_n_6df1ee4f71.jpg" alt="316293064_3518833385004250_6425953870066432803_n.jpg">

Аудан әкімі Азия чемпионатының күміс жүлдегеріне құрмет көрсетті

<a href="https://kyzylorda-news.kz/">Kyzylorda-news.kz.</a> Бүгінде Қармақшы ауданында өңірдің әлеуметтік әлеуетін жақсартуда мемлекет тарапынан түрлі бағыттағы бағдарламалар жүзеге асуда. Соның бірі – «Ұлттық жоба» шеңберінде бизнес-жоспарды іске асыруға арналған қайтарымсыз грант. Яғни, кәсіп ашамын деген жандарға берілген мол мүмкіндік. Соңғы кездері бизнес жобасын дайындап, кәсіп ашамын, өзін-өзі жұмыспен қамтамасыз етемін деген аудан тұрғындары қатары артқан. Оның ішінде, әсіресе ауыл тұрғындарының қызығушылығы жоғары. Солардың қатарында қайтарымсыз грант алып, кәсібін бастағандардың бірі – Айнұр Диқанбаева.Кейіпкеріміз ІІІ Интернационал ауылының тұрғыны. Ол көпшіліктің сұранысына ие, жеңіл әрі тез дайындалатын фастфуд өнімдерін сататын сауда орнын ашып, ауыл тұрғындарына дәм ұсынуда. Бұрын фастфуд тағамын үлкен қалаларда ғана жеп, тіл үйірген дәмін көпке дейін ұмытпай «Шіркін-ай, ауылда мұндай орын ашылмаған екен» деп армандағанымыз рас. Қазір бұл кәсіптің орайын тапқандар кез келген жерде ашып, оны үлкейтудің жолын жасауда. Осы жолды мақсат еткен кейіпкеріміз кәсібін тоқтатпай әрі қарай дамытатынын жеткізді.&nbsp;Кәсіпкердің сөзінше, ол нан өнімінен түрлі тәттілерді пісіруге бала күнімнен қызығушылығы басым екен. Басында қолынан келгенін пісіре отырып тәжірибе жинапты. Кейін ауыл тұрғындарынан тапсырыс алып, өнімдерімді ұсыну арқылы көпшілікке көріне бастаған. Негізгі дайындайтын тағамдары самса, тәтті нан, пицца, құймақ, тіске басар тәттілер. Әсіресе жастар жағы дөнерге көп тапсырыс беретін көрінеді. Осыдан кейін неге кәсіп бастамасқа деген ой келіп, ол сөйтіп мемлекеттік бағдарламаға қатысып, қайтарымсыз грант ұтып алады. Кейіпкеріміде бұл бағдарламаны шағын іс бастауға қаражаты жоқтарға немесе қаражаты жетпеген белгілі бір санаттағы азаматтарға үлкен көмек екенін айтады.Айнұр жеңіп алған қаражатқа ең бірінші керек құрал-жабдықтарын алған. Осыған дейін барымен базар болған ол енді қалаған тәттілерімді пісіре аламын деп қуанышымен бөлісті.<blockquote>«Кәсіпке келгенге дейін үйде анау-мынау пісіріп тапсырыс алып жүрдім. Содан түскен қаржыны жинап ең бірінші дөнер пісіретін пеш алдым. Осылай еңбектенудің арқасында бірліжарым құрылғыларға қол жеткіздім. Қазір жастарға мүмкіншілік көп. Тек ерінбеу керек. Кез келген істі бастағанда ол бірден болмайды. Сол үшін сабыр мен төзімділік керек», – дейді Айнұр Диқанбаева.&nbsp;</blockquote>Жас кәсіпкер ауылдағы үш адамды жұмыспен қамтуда. Олар цехта екі кезекпен жұмыс істейді. Яғни, азанғы сегізден кешкі алтыға дейін екі адам нан өнімдерін дайындаса, түнгі сағат он бірге дейін бір адам сол жұмысты жалғастырады. Айнұрдың тез дайындалатын тағамына тапсырыс берген болсаңыз, оны жеткізіп беру тегін. Ал оның бұл бастамасына ауыл тұрғындары дән риза. &nbsp;<img src="https://knadmin.beoblood.kz/uploads/2022_11_22_09_27_16_f36cc504a6.png" alt="2022-11-22_09-27-16.png">

Қармақшы ауданында кәсіпкерлік саласы қарқын алуда

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының басшысы Мейрамбек Шермағанбет техникалық және кәсіптік білім беру ұйымдарының басшыларымен жиын өткізді.&nbsp;Облыстағы 30 колледждің басшысы қатысқан мәжілісте ағымдағы мәселелер сараланып, алдағы міндеттер нақтыланды. Күн тәртібінде 5 мәселе қаралды.&nbsp;Басқарма басшысы алдымен 2022-2023 оқу жылында талапкерлерді оқуға қабылдау, ұлттық бірыңғай деректер қорына, электронды платформаға ақпараттар енгізу мәселелеріне қатысты кемшіліктерге тоқталды. Сондай-ақ мемлекеттік колледждердегі штат бірлігі, жан басына шаққандағы қаржыландыру жүйесі бойынша тапсырмалар берді.Күн тәртібіндегі үшінші мәселеде аттестациядан өтетін мемлекеттік колледж басшылары сөз болды. Мейрамбек Зинабдинұлы мерзімі келген директорларға жыл соңына дейін аяқтауды тапсырды.Сонымен қатар мәжілісте «Worldskills-2022» республикалық чемпионатына дайындық барысы пысықталды. Жұмысшы мамандықтарының мәртебесін көтеруге бағытталған байқау жыл сайын дәстүрлі түрде өткізіледі. Бірақ, республика бойынша қызылордалық студенттер төмен нәтиже көрсетіп жүр. Өз кезегінде басқарма басшысы алдағы уақытта жарысқа тыңғылықты дайындықпен қатысу керектігін жеткізді.Басқарма басшысы жиында модульдік білім беру, дуальды оқыту жүйесі бойынша жұмыстарды күшейту керектігін айтты.Білім беру - жан-жақты және жүйелі жұмысты қажет ететін күрделі, әрі ауқымды сала. Сол үшін әрбір басшы мекемесіне тың серпін, жаңаша леп әкелуі қажет. Әсіресе жұмысқа деген ынтасы мен креативті идеясы жоғары болуы керек. Мейрамбек Зинабдинұлы колледж басшыларына осы үдеден көрінуді тапсырды.<figure class="image"><img src="https://knadmin.beoblood.kz/uploads/316114199_1492143767955490_3171212704753551504_n_ac68a11dd3.jpg" alt="316114199_1492143767955490_3171212704753551504_n.jpg"></figure><figure class="image"><img src="https://knadmin.beoblood.kz/uploads/316121741_1492143847955482_686926844185173385_n_36a5b9ec8c.jpg" alt="316121741_1492143847955482_686926844185173385_n.jpg"></figure>

Қызылордада «Worldskills-2022» республикалық чемпионатына дайындық барысы пысықталды

<a href="https://kyzylorda-news.kz/">Kyzylorda-news.kz.</a> Бүгін атмосфералық фронттардың өтуіне байланысты Қазақстан Республикасының басым бөлігінде құбылмалы ауа райы сақталып, күн райы жауын-шашынды болады, деп хабарлайды Қазгидромет.Еліміздің солтүстігінде, солтүстік-батысында, шығысында, орталығында қар жауады.&nbsp;Республика бойынша тұман, көктайғақ, солтүстігінде, шығысында, оңтүстігінде, оңтүстік-шығысында желдің күшеюі, солтүстігінде, шығысында, орталығында жаяу бұрқасын күтіледі.

Сейсінбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Келер жылдан бастап мектепке дейінгі тәрбие берумен айналысатын ұйымдарға берілетін мемлекеттік тапсырысты орналастыру тәртібі өзгереді. Оған балабақшалар дайын ба? Осы және өзге де сұрақтар Қызылорда облысы кәсіпкерлер палатасының алаңында Өңірлік кеңестің Әлеуметтік сала комитетінде қаралды.Отырысқа Кәсіпкерлер палатасының директоры Пірмұхаммед Сыздықов, комитет мүшелері Әнуар Дәуленбаев, Гүлнар Бекмырзаева, Наталья Мишукова және Серік Жолболдиев пен балабақша құрылтайшылары, уәкілетті мемлекеттік орган өкілдері қатысты.Биыл 27 тамызда оқу-ағарту министрінің № 381 бұйрығымен «Еңбек нарығының қажеттіліктерін ескере отырып, мектепке дейінгі тәрбиелеу мен оқытуға, орта білім беруге, балаларға қосымша білім беруге және техникалық және кәсіптік, орта білімнен кейінгі білімі бар кадрларды даярлауға мемлекеттік білім беру тапсырысын орналастыру қағидалары» бекітілді.<blockquote>«Қазір біздің облысымызда 679 мектепке дейінгі білім беру ұйымы бар. Оның 441-і жеке. Осы жеке және мемлекеттік балабақшаларда 59 мыңнан астам бала тәрбиеленіп жатыр. Талап қойылғаны дұрыс. Дегенмен жылдың аяқталуына айдан асауақыт қалды. Жеке балабақша иелері қағидаға сәйкес дайындалып үлгере ме? Мәселе сонда. Сол үшін комитет аясында осы шараны өткізіп отырмыз», – деді Кәсіпкерлер палатасының директоры Пірмұхаммед Сыздықов.</blockquote>Сондай-ақ, жиында қалалық Білім бөлімінің әдіскері Жанат Сәрсембай мектепке дейінгі тәрбие мен оқытуға мемлекеттік білім беру тапсырысын орналастыру тәртібін таныстырып, әр талапты орындау механизмдерін түсіндірді.Облыстық санитариялық-эпидемиологиялық бақылау департаментінің, қалалық төтенше жағдайлар, мемлекеттік өрт бақылау басқармаларының, қалалық жер қатынастары бөлімінің өкілдері сала бойынша балабақшаға қойылатын талаптарды айтып, кәсіпкерлердің сұрақтарына жауап берді.Кәсіпкерлер көтерген мәселенің бірі балабақша ғимаратына қатысты болды. Жеке балабақша иелерінің басым бөлігі ғимаратты жалға алады. Көп жағдайда жер учаскесі мен ғимараттың иесі нысаналы мақсатын өзгертуге келісе бермейді. Оны кететін қаржы мен құжат әзірлеу мерзімінің ұзақтығына байланысты деп түсіндіреді.Айта кетейік, бұл мәселе жақында өңірде бизнестің экожүйесі аясында құрылған кәсіпкерлік мәселелеріне арналған жұмыс тобында қаралды. &nbsp;Жер учаскесінің нысаналы мақсатын өзгерткеннен кейін кадастрлық құнына сәйкес сатып алу қаржысын бөліп төлеу мүмкіндігін барлық кәсіпкер пайдалана алатын болды. Ол үшін қазір уәкілетті органдар мен Кәсіпкерлер палатасы кәсіпкерлерге түсіндірме жұмыстарын жүргізіп жатыр.Мектепке дейінгі тәрбие берумен айналысатын ұйымдарға берілетін мемлекеттік тапсырысты орналастыру тәртібін түсіндіруге арналған әлеуметтік сала комитеті отырысының толық нұсқасын мына жерден көруге болады.<img src="https://knadmin.beoblood.kz/uploads/0f6c9c10_7634_494e_b748_2c2e6fba85dd_66f9f9f792.jpg" alt="0f6c9c10-7634-494e-b748-2c2e6fba85dd.jpg">

Қызылордада Өңірлік кеңестің отырысы өтті

<a href="https://kyzylorda-news.kz/">Kyzylorda-news.kz.</a> Бүгін партия филиалы жанындағы «Miras» аймақтық кеңесінің мүшелері бас қосып, кезектен тыс президент сайлауын талқылады.Жиында Кеңес төрағасы Баймырза Қожамберлиев кеңес мүшелері атынан өңір тұрғындарын дауыс беруге белсенді қатысқаны және Президентті қолдағаны және сондай-ақ қоғамды Әділетті Қазақстанның құрылысына белсенді қатысуға шақырғаны үшін ризашылығын білдірді.<blockquote>«Сырбойылықтар сайлауға белсене қатысты. Осының нәтижесінде Республика бойынша 2 орынды иемденіп отырмыз. Қасым-Жомарт Тоқаевтың жеңісі – бәрімізге ортақ жеңіс. Себебі халық Әділетті Қазақстанды құрудағы Қ.К. Тоқаевтың сайлауалды бағдарламасымен толық танысып, оның жүзеге асатындығына сенім артып отыр. Ендігі жерде Президентпен бір болып, аталған жұмыстарды жүзеге асыру міндеті тұр»,- деді ол.</blockquote>Кеңес мүшесі Қаршыға Есімсейітова Мемлекет басшысы Қасым-Жомарт Кемелұлы еліміздегі әдебиет пен өнердің жағдайы, туралы әрқашан айтып, өз қолдауын көрсетіп келеді. Бұл игі бастамасына қолдау білдірушілер қатары артып жатқаны қуатты Қазақстаның мығым әрі әділетті қоғам құрудағы жарқын бастамасы. Мұның барлығы ел әлеуетінің артуына тигізер әсері зор екенін атап өтті.Кеңес төрағасының орынбасары Сәрсенкүл Биқожа «Әділетті Қазақстан» деп отырғанымыз барлығына бірдей тең мүмкіндік, тең жағдай жасау. Қасым-Жомарт Тоқаев айтқандай біздің ұлттық идеологиямыз әділеттікке негізделмек.Әділетті қоғам қалыптастырамыз десек барлығымыз еліміз үшін аянбай тер төгуіміз керек деді өз сөзінде.<figure class="image"><img src="https://knadmin.beoblood.kz/uploads/316133005_513788837453424_8261774332834469953_n_056383e9e3.jpg" alt="316133005_513788837453424_8261774332834469953_n.jpg"></figure>

Партия филиалы жанындағы «Miras» аймақтық кеңесінің мүшелері бас қосты

<a href="https://kyzylorda-news.kz/ru/">Kyzylorda-news.kz</a>. Қызылордалық қамаудағы досына палау ішіне жасырып, телефон өткізіп бермекші болған.&nbsp;Биылғы жылы Қылмыстық атқару саласына қарасты №68 республикалық мемлекеттік мекемесінде (тергеу изоляторы) сәлем-сауқаттарды қабылдау бөлмесіндегі бақылаушы қызметкерлері тағы да, тыйым салынған затты тауып тәркіледі.Мекеме қамауындағы сотталғанға келген азамат «Samsung» маркалы ұялы телефонын политэтилен пакетіне орап, палау тағамы ішіне жасырып, өтізбекші болған.Алайда, жазаға тартылған досын жарылқамақшы ниеттегі азаматтың тағамдарға жасырған « тосын сыйын» &nbsp;сәлем- сауқаттарды қабылдау бөлмесіндегі бақылаушы қызметкерлер, &nbsp;әділет старшинасы Қасымбеков Балғазы мен аға бақылаушы &nbsp;старшина Мақпал Келесова бірден аңғарып, тәркілеп, &nbsp;ішке өтпеудің алдын алды.Қамаудағы &nbsp;азамат ҚК 188-баптың 3-бөлігімен (тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотталған. &nbsp; Ал, досына телефон әкелген Қызылорда қаласының 1997 жылғы тұрғынының &nbsp;үстінене аталған факті бойынша хаттама толтырылып, ҚРӘҚБтК-нің 481-бабына сәйкес, іс-құжаттары &nbsp;процесуалдық &nbsp;шешім қабылдау үшін Қызылорда қалалық әкімшілік сотына жолданды.<figure class="image"><img src="https://knadmin.beoblood.kz/uploads/Whats_App_Image_2022_11_21_at_14_15_50_1_b566bc6de0.jpeg" alt="WhatsApp Image 2022-11-21 at 14.15.50 (1).jpeg"></figure>

Қызылордада ҚАЖ қызметкерлері тыйым салынған затты тәркіледі

<a href="https://kyzylorda-news.kz/ru/">Kyzylorda-news.kz</a>. Қызылорда қаласындағы Ә.Мүсілімов атындағы №101 мектеп-лицей директоры Айгүл Алтынбекқызы сындарлы сәттегі халықтың сайлауға қатысуы туралы пікір білдірді.&nbsp;Мектеп директоры саяси науқанға жалпы жұртшылықтың асқан жауапкершілікпен қарауы көңіліне қуаныш ұялатқанын айтты.&nbsp;<blockquote>«Сайлауға келген әр адамның көзінен осы көріністі көргендей болдым. Әр сайлаушының &nbsp;сайлауға оң көзқараспен келуі, жанарының жарқылы, нық басқан қадамы өз таңдауын толық жасап келгендігін көрсетіп тұрды. Үлкен үмітпен, ел келешегіне деген шынайы сезіммен, зор &nbsp;белсенділікпен келген сайлаушыларды біз де №263 сайлау округінің басы-қасында жүріп, жақсы қарсы алдық. Қаймағы бұзылмаған қазақылығымызды көрсетіп, үлкенге ізет, кішіге құрмет көрсету мақсатымен, келушілерге ақ ұсынып, наннан дәм татқызып, барынша ілтипат көрсетіп, позитивті көзқарас қалыптастыруға тырыстық. Бұл біздің &nbsp;болашаққа нық қадам жасап, үлкен сеніммен келген сайлаушылардың көңіліне аз да болса, ырзалығымыз еді», - деді Айгүл Алтынбекқызы. &nbsp;</blockquote>Мектеп басшысы сайлаудың жайма-шуақ қалыпта өткенін айтты.&nbsp;<blockquote>«Дүниежүзілік сәбилер» күнімен тұспа-тұс келген бұл сайлаудың ерекшелігі - келушілердің сәби көңіліндей таза ниетінен болар, сайлау жайма-шуақ бір қалыпта, жылы да жақсы атмосферада өтуі. Дауыс беруге жасы тоқсаннан асқан Бәкір атамыздың келуі, көптеген &nbsp;тұрғындардың &nbsp;отбасымен (еңбектеген баласы мен еңкейген қариясын ертіп) келуі, зиялы қауым өкілдерінің, жалпы жұртшылықтың асқан жауапкершілікпен қарауы көңіліме қуаныш ұялатты. «Ынтымақ жүрген жерде, ырыс бірге жүреді» деген осы &nbsp;емес пе? Ынтымағымыз ырысты болып, халық таңдауы қателескен жоқ. Халықтың осындай ықыласымен, таза көңілімен, жасаған дұрыс таңдауымен келген елдің жеңісі құтты болсын! Еліміз тағы бір белестен өтіп, асқар шыңдарға қол созбақ. Ендігі кезекте әділ мемлекет басшысымен Әділетті Қазақстанды бірге жасайық, болашаққа бірге қол созайық. Кеше ел тарихында тағы бір маңызды кезең орын алып, ол болашақ ұрпақ санасына өшпейтін із қалдырып, алтын әріптермен жазылмақ», - деді мектеп директоры.</blockquote><figure class="image"><img src="https://knadmin.beoblood.kz/uploads/316550055_1930999633958467_60685541721462187_n_36b5dff5e9.jpg" alt="316550055_1930999633958467_60685541721462187_n.jpg"></figure>

Айгүл Алтынбекқызы: Саяси науқанға жұртшылық асқан жауапкершілікпен қарады

<a href="https://kyzylorda-news.kz/ru/">Kyzylorda-news.kz</a> Сыр өңірі – &nbsp;қасиетті де қастерлі халық өнері дамыған, сан түрлі тарихи оқиғалар мен көзқарастар бір мүддеге тоғысқан өлке. Сол себепті өңірде өмір сүрген жырау, жыршы, ақын, күйші, әнші, сал-серілер шығармашылығы қазақ елінде, қала берді әлем әдебиетінде ерекше орынға ие. Сыр елінде өмір сүріп, аты үш жүзге мәлім болған ақын-жырауларымыз ұрпақ тәрбиесінде имандылық пен адамгершілік қасиеттерді тұлға бойына сіңіруді басты назарда ұстаған. Бұл ән-күй, жырларымыз ұлтымыздың болашағына үлгі-өнеге ретінде жол салған. Соның ішінде Сыр сүлейлерінің көп бөлігі Қармақшы өңірінде туып-өсіп, айшықты жыр күмбезін жасағаны баршаға мәлім.Осы орайда, 12 қараша күні «2022 – Балалар жылы» аясында Қармақшы аудандық Т.Салқынбайұлы атындағы әуез мектебінің ұйымдастырумен Сыр сүлейі, даңқты ақын, шығыстың шайыры атанған Тұрмағамбет Ізтілеуовтің 140 жылдығына арналған «Ширатқан шым жібектен көгені едім» атты жас жыршылар арасындағы байқау өткізілді.&nbsp;Байқауға К.Рүстембеков атындағы Жыраулар үйінен 12 талапкер шәкірттер қатыстырылып, нәтижесінде жас ерекшеліктеріне орай Балтабай Талант І орын, Оңғарқызы Арай І орын, Елдес Мәди ІІ орын, Мархабатова Фатима ІІ орын, Жақыпова Көркем ІІ орын, Маратқызы Аяулым ІІІ орын, Райымбек Азима ІІ орын, Амантай Айдана ІІІ орындарды иеленді. Сонымен қатар Сағатова Нұрсезім, Асылбекқызы Альгида, Бекжасарқызы Жазира аудандық білім бөлімінің басшысы Гүлзира Мәжитқызының арнайы алғыс хаттарымен марапатталды.<img src="https://knadmin.beoblood.kz/uploads/316308691_2376784142476204_5214182644159385363_n_cb31f26942.jpg" alt="316308691_2376784142476204_5214182644159385363_n.jpg"><img src="https://knadmin.beoblood.kz/uploads/316108927_2376785132476105_6938425177306405758_n_d5db65a967.jpg" alt="316108927_2376785132476105_6938425177306405758_n.jpg">

Қармақшы ауданы: «Ширатқан шым жібектен көгені едім» атты жас жыршылар байқауы өтті

<a href="https://kyzylorda-news.kz/ru/">Kyzylorda-news.kz</a>. Арал аудандық «Толқын» газетінің бас редакторы Абай Елешов ҚР Президентінің кезектен тыс сайлауына қатысты пікір білдірді.&nbsp;<blockquote>«20- қараша. Таңмен таласа тұрған аудан тұрғындары өздерінің алдын ала белгіленген сайлау учаскелеріне қарай бет түзеді. Барлық сайлау учаскелері ашылғаннан бастап-ақ, бір сәт адамнан арылмады. Әлеуметтік желіде белгілі болғандай тұңғыш дауыс беруші, қарт дауыс беруші, отбасымен келіп дауыс беруші анықталып, арнайы сый- сияпатқа қол жеткізіп жатты. Әрбір екі сағат сайын аудандық сайлау комиссиясы облыс орталығына деректер жолдап, сайлаудың барысы анықталып отырды. Тағы бір айта кететін жайт №53сайлау учаскесінде аудан әкімі Серік Сермағамбетовте дауысын беріп, бюлеттень толтырды. Сондай-ақ,осынау саяси науқанда абыз ақсақал Шәкірат Дәрмағамбетовте таңдауын жасап,жарқын кезең орнайтынына сенім білдірді. Енді бір сайлау учаскесіне шаңырақ көтерген жас жұбайлар да келіп лайықты тұлғаға дауыс берді», - дейді Абай Елешов.</blockquote>Жалпы, Арал ауданы қай кездеде тарихи сәттерде қалыс қалған емес. Бұл жолы да солай болды.&nbsp;<blockquote>«Нақтырақ тоқталсақ, аудан сайлаушылары белсенділігі бойынша алдыңғы қатардан табылды. Республикамыздағы өңірлер бөлінісі есебінше Қызылорда облысының көрсеткіші 81,07 пайызға жетті. Оның ішінде аралдықтардың бар екеніне ешкім шүбә келтірмесі анық. Осымен ел күткен сайлау да аяқталды. Кемел келешек, еңселі ертең, баянды болашақ жолында конституциялық құқын пайдаланып, тарихтың жаңа парағын ашқан, яғни, Әділетті Қазақстан құруға үн қосқан барша Арал халқына риясыз пейілмен алғысымды білдіремін. Ел тыныш,аспанымыз ашық болсын», - дейді бас редактор.</blockquote><img src="https://knadmin.beoblood.kz/uploads/316280013_1299948827422512_2811086292186589846_n_0c52751a61.jpg" alt="316280013_1299948827422512_2811086292186589846_n.jpg">

Қазақстан және Қызылорда облысының жаңалықтары