<a href="https://kyzylorda-news.kz/">Kyzylorda-news.kz.</a> Әлемде ескерткіштерден көп нәрсе жоқ. Бірақ маңыздысы мынада: Сол ескерткіштердің барлығы да құнды ма? Қалай айтсақ та, ескерткіштің аты – ескерткіш. Десек те, әдеттегідей емес, олардың бір түрлі болуында. Мүсін өнерінде таңқаларлық немесе өзгеше туындылар бар. Ал сол туындылар көпшілік көп жүретін көшеде тұрса ше...КІР ҚЫСТЫРҒЫШАдам мән бере бермеуі мүмкін. Қарапайым тұрмыстық заттың өзі де көпшілік назар аударатын құндылыққа айнала алады. Өйткені суретшілер мен мүсіншілерді қарапайым нәрсенің өзі шабыттандырады. Мысалы, Фидафельфияда биіктігі 15 метр болатын кір қыстырғыш бар. Cарапшылардың бағалауынша, бұл да өнер туынды­ларының бірі. Өтіп бара жатқан адамдар «бұл қарапайым нәрсе&nbsp; ғой» деп&nbsp; ойлауы да ықтимал. Алғашқы кезде 15 метр кір қыстырғышқа күліп те қарағандар болды. Көпке дейін жұртшылық бұған көз үйрете алмай да жүрді. Ал қазір ше? Әлемнің түкпір-түкпірінен келген адамдар осы ескерткішті іздеп барып суретке түседі.Аталған ескерткішті мүсінші Клаус­ Ольденбург 1976 жылы тұрғызды. Мұндай ерекше ескерткіштер әлемде біреу ғана. Ал Клаус Ольденбург сонымен қатар күрек, сыпырғыш сияқты қапрапайым тұтынатын зат­тарға ескерткіш тұрғызған мүсінші. Бір қызығы, күнделікті тұты­натын мұндай таңқаларлық ерекше ескерткіштер ақындарды да шабыт­тандырған. Кір қыстырғышқа арнап Леонида Сорок өлең жазған көрінеді.ҚАҢҒЫБАС КІСІБұл, әрине, жақсы мағынасында жасалған туынды. Жерорта теңізінің жағасында суға қарап бір қияли адам отыр.Ол тізесін құшақтап алып, ойға шомған.Бір қызығы, адамның қаңқасын құраған мүсін толықтай латын қарпінен құралған. Бұл не мағына береді? Теңізге қарап, ойланып отырған қаңғыбас адам мұнда неге отыр? Мұның себебі бар. Мұны жасап шығарған мүсінші Жом Планс. Айдынға қарап отырған адам –бостандық символы. Ой шексіз. Адам да еркін болуы керек. Мүсіншінің мақсаты да осы. Ал оның денесіндегі әріптер нені білдереді? Бұл – тәжірибе, ой, жұмыс, сезім. Ендеше теңіз жағасында отырған адамның отырысы тегін емес. Ол ойға шомып отыр.<figure class="image"><img src="https://knadmin.beoblood.kz/uploads/s1200_2_1_41a140ad26.jpg" alt="s1200-2-1.jpg"></figure>ДУНАЙ ЖАҒАСЫНДАҒЫ БӘТЕҢКЕЛЕРДунай өзенінің жағасында жүзде­ген бәтеңке жатыр. Жаз айында алыстан көрген адамдар мұны суға түсіп жүрген адамдардың құрме­тіне қойылған деп ойлауы бек мүмкін. Бірақ мұның трагедиялық, символ­дық мәні бар. Бұл бәтеңкелер соғыс уақытында атылған холокост құрбан­дарын еске түсіреді. Бұл идеяны та­лантты режиссер Кен Тогай айтқан көрінеді, Ал оны жасаған мүсінші Дью Пауэр. Ендеше бәтеңкелердің су жағасында жатуы тегін емес. Соғыс уақытында еврейлерді осында қатарға тұрғызып қойып атқан. Атылар алдында тұтқындардың аяқ киімін шешу талап етілген. Бұл ауыр тағдыр, трагедиялық жайтты еске түсі­ретін оқиға. Жылдың қай мезгілі бол­масын, жүздеген туристер келіп, үнемі бәтеңкелердің жанында суретке түседі.<figure class="image"><img src="https://knadmin.beoblood.kz/uploads/3a9ecd6427765d0672db5ff0fb2dab9c_a45835b135.webp" alt="3a9ecd6427765d0672db5ff0fb2dab9c.webp"></figure>БАҒДАРШАМЫ БАР АҒАШБағдаршамы бар ағаш бірінші рет Лондон көшелеренің жолайрығына орналастырылды. Бұл туындының авторы француз мүсіншісі– Пьер Виван. Бағдаршамы бар ағаштың биіктігі – 8 метр. Ағаштың жапырақ­та­рында 75 бағдаршам бар. Олар бі­рінен кейін бірі кезекпен жанып, сөніп тұрады. Лондондықтар мұны қонақжайлылықтың мәні деп түсіндіреді.<figure class="image"><img src="https://knadmin.beoblood.kz/uploads/sausak_f6fd0df329.jpg" alt="sausak.jpg"></figure>ЕН ДАЛАДАҒЫ САУСАҚБұл Атакама шөлінде орналасқан. Бұл туындының авторы – Марио Иррарасабаль. Чили мүсіншісі тұрғызған бұл ескеркіштің биіктігі 11 метр.Бұл ен даладағы алып адамның саусағын елестеткендей. Бұл мүсінді орнатудағы мақсат не? Адам баласы табиғаттың алдында дәрменсіз. Сон­дықтан қандай жағдайда қара­мас­тан, біз табиғатты қорғауға тиіспіз.<figure class="image"><img src="https://knadmin.beoblood.kz/uploads/celovek3_800x600_b396ec3865.jpg" alt="celovek3-800x600.jpg"></figure>ҚАБЫРҒАНЫ ЖАРЫП ШЫҚҚАН АДАМБұл ерекше туынды, адамды алғаш көргенде таңқалдыратыны да сөзсіз. Мұны бірінші рет көрген адам «неге қабырғадан шығып келе жатқан адамды, ескеркішке айналдырған?» деп ойланары сөзсіз. Бұл жазушы Марсель Эмеге арнап тұрғызылған. Ескерткіштің ашылу салтанаты 1989 жылы өткен. Ол Монмартр шағын ауданында орналасқан. Анығын айтсақ, ескерткіш жазушының «Қабырғаны жарып шыққан адам» романына арнап тұрғызылған. Шын мәнінде бүл ескерткіш қабырғаны жарып шыққан жазушының шын бейнесін суреттегендей. Ескерткіш қоладан жасалған. Аңызға сенсек, бұл ескерткішті ала­қанымен аялаған адам бақытқа қол жеткізеді, ал ақын, жазушы, өнер адамдарын шабыттандырады. Ұлы жазушыға арналған туындыны киноактер Жан Маре жасаған көрінеді.Жалпы әлемде мұндай қарапайым туындылар өте көп. Оларды ерекше туындылар немесе «қарапайым ес­керт­кіштер» деп атайды. Тек оған мән беріп, назар аударып, қарай алу керек.<a href="https://anatili.kazgazeta.kz/news/61439">«АНА ТІЛІ» газеті</a>

Әлемдегі ерекше ескерткіштер

<a href="https://ria.ru/20221228/khaggi-1841949418.html">ФОТО</a><a href="https://kyzylorda-news.kz/">Kyzylorda-news.kz.</a> Еуразиялық экономикалық одаққа кіретін мемлекеттер балалардың психикалық дамуына жағымсыз әсер ететін ойыншықтарға қойылатын талаптарды әзірлеуге келісті, деп хабарлайды сауда және интеграция министрлігі.Мамандар "Психологиялық-педагогикалық қауіпсіздік" талаптарын әзірлеуді ұсынды. Себебі нарықта қорқынышты, күш көрсету белгілері бар, гибридті және тағы басқа балалардың психикалық дамуына жағымсыз әсер ететін ойыншықтар көбейді. Ал психологтардың айтуынша, ондай қорқынышты ойыншықтар зорлық-зомбылық пен агрессиямен байланысты ойын сюжетін тудырады.&nbsp;<blockquote>"Ойыншықтарға арналған қолданыстағы техникалық регламентте тек материалдарға, токсикологиялық-гигиеналық және микробиологиялық көрсеткіштерге, физикалық және механикалық, химиялық және электрлік қасиеттерге, радиациялық қауіпсіздікке қойылатын талаптар ғана белгіленген. Осылайша нарықтан қорқынышты ойыншықтарды алып тастау мүмкін емес", - дейді мамандар.</blockquote>&nbsp;Мәскеуде ЕЭК кеңесінде қазақстандық сарапшылар бұл мәселені қарастыру үшін ойыншықтың балаға кері әсерін анықтайтын өлшемдерді белгілейтін стандарттар қажет екенін жеткізді.<blockquote>"Балалардың физикалық және психикалық денсаулығын қалыптастырудың маңыздылығы күмән тудырмайды. Қазақстан 2015 жылы ойыншықтарға психологиялық-педагогикалық сараптама жүргізу үшін техникалық регламентке өзгерістер енгізуге бастамашы болды. Ол кезде мұндай ойыншықтардың баланың психикасына жағымсыз әсер ету критерийлерін айқындау стандартының болмауына, ғылыми зерттеулер жүргізу қажеттілігіне байланысты құжат қолдау таппады", — деді денсаулық сақтау вице-министрі Айжан Есмағамбетова.</blockquote>Оның айтуынша, ойыншықтардың баланың психикасына кері әсер ету критерийлерін айқындау стандарты дайын болғаннан кейін қолданыстағы техникалық регламенттерді өзгерту керек.

Қорқынышты ойыншықтар саудадан алынуы мүмкін

<a href="https://www.belpressa.ru/society/zdravoohranenie/39155.html#">ФОТО</a><a href="https://kyzylorda-news.kz/">Kyzylorda-news.kz.</a> Гемоглобин анализі – дәрігерлер көптеген ауруды диагностикалау және емдеуді бақылау үшін жиі тағайындайтын қарапайым қан сынағы.&nbsp;Егер талдау нәтижелерінде гемоглобин мәндері анықтамалық мәндерден (бақылау диапазонынан) төмен немесе жоғары болса, дәрігер себептерін анықтау үшін тексеріс тағайындай алады.Төмен гемоглобин – ағзадағы оттегі жетіспеушілігін тудырады. Бұл барлық ағзаның жұмысында ақаулық тудыруы мүмкін. Ал жоғары гемоглобин адамға несімен не зиян?Гемоглобин дегеніміз не?"Бұл ағзалар мен тіндерге оттегін жеткізетін эритроциттердің &nbsp;ақуыздық құрамдас бөлігі, сондай-ақ денеден көмірқышқыл газын шығаруға көмектеседі", - дейді кардиолог-гериатр Светлана Мартынова.Адамда гемоглобин мөлшері қандай болуы керек?• Ерлерде – 125-170 г/л аралығында;• Әйелдерде - 115-155 г/л болып саналады."Қандағы гемоглобин концентрациясы адамның жасына байланысты. Иә, жаңа туған нәрестелер ересектерге қарағанда жоғары көрсеткіштерге ие. Сондай-ақ тамақтану ерекшеліктері, зиянды әдеттер - әсіресе темекі шегу, темір мен фолий қышқылының көрсеткіштері, иммунитеттің жағдайы, эритроциттердің морфологиялық және функционалдық ерекшеліктері маңызды", - дейді дәрігер.Төмен гемоглобин жоғары гемоглобинге қарағанда адамдар арасында жиі кездеседі.Гемоглобиннің жоғарылауының белгілері:• шаршау, ұйқышылдық;• жиі бас ауруы және бастың айналуы;• буындардың ауруы;• ішек коликі;• көгерген жерлерде үлкен гематомалардың пайда болуы.Темекі шегушілер зардап шегеді"Жоғары гемоглобин деңгейі ұшқыштар мен биік таулы елді мекендердің тұрғындарына тән, өйткені гемоглобин оттегі тапшылығы фонында көтеріледі. Мұндай жағдайларда сұйықтықты көбірек ішу, қызыл етті тұтынуды азайту, жаңа піскен көкөністерді, шөптерді, сүт өнімдерін, бұршақтарды, теңіз өнімдерін көбірек жеуге тырысу керек", - дейді Светлана Мартынова.Сондай-ақ, гемоглобиннің жоғарылауы темекі шегушілердің қанында жиі кездеседі."Оны қалыпқа келтіру үшін жаман әдеттен бас тарту керек", - &nbsp;дейді терапевт.Темекі шегетіндерде гемоглобин деңгейі көтеріліп нәтижесінде ағза оттегі жетіспеушілігінен зардап шегеді. Бұл маңызды ағзалар мен жүйелердің жұмысына кері әсер етеді, метаболизм зардап шегеді, тромбоз қаупі бар және инфаркт пен инсульт ықтималдығы артады.Неліктен жоғары гемоглобин қауіпті?"Физиология тұрғысынан бұл жағдай қауіпті, өйткені жоғары гемоглобинмен қанның тығыздығы артады. Осыған байланысты адамдарда қан қысымы көтеріліп, ағзалар мен тіндердің қанмен қамтамасыз етілуі нашарлауы мүмкін. Жоғары гемоглобин әсіресе атеросклерозбен ауыратын науқастар үшін қауіпті, өйткені ол тромбоздың және эмболияның ықтималдығын арттырады, бұл өз кезегінде миокард инфарктісі немесе инсульт қаупін арттырады", - деп ескертеді дәрігер.Сондай-ақ, гемоглобиннің жоғарылауы денеде патологиялық процестің болуын көрсетуі мүмкін."Жоғары көрсеткіштер гемохроматозда, жүрек пен өкпенің туа біткен патологиясында, өкпе немесе жүрек жеткіліксіздігінде, бронхтар мен өкпе ауруларында, бауырдың, бүйректің және бүйрек үсті бездерінің онкологиялық ісіктері, лейкоздың кейбір түрлерінде, ауыр дегидратацияда байқалады", - дейді терапевт Светлана Мартынова.Егер гемоглобиннің жоғарылауы анықталса, бұл жағдайды тудырған себепті анықтау үшін маманмен кеңесіп, кешенді диагноздан өту қажет.Ақпарат дереккөзі: <a href="https://massaget.kz/layfstayl/zhadnama/77554/">MASSAGET</a>

Гемоглобин көтерілсе не болады?  

Kyzylorda-news.kz. Электрондық темекі, вейптерді адам неғұрлым көп тартса, соғұрлым тыныс алу жолына кері әсерін тигізеді. Басқаша айтқанда, адамда «өкпе дағы» туындайды. Бұл туралы Алматы қаласы емханаларының медицина қызметкерлері оқушы және студенттермен кездесу барысында айтты, деп хабарлайды ҚазАқпарат.&nbsp;<blockquote>«Электрондық темекі немесе вейп, электрондық тасымалдағыш түрінде мундштук, батарея және қыздырушы бөлшектен, арнайы толтырғыш – сұйықтықтан тұратын атомайзерден құралған. Сұйықтық хош иістендіргіш қосындылардан және никотиннен тұрады. Жеке түрде – каннабиноид құрамына кіретін, тетрагидроканнабинолдан жасалған. Бұл қондырғылар глицерин және пропиленгликоль негізіндегі сұйықтықты қыздырады, содан темекінің түтіні емес, бу пайда болады. Бұл заттар өкпенің ішіне тұнып тұрып, фиброзға әкеледі. Оны неғұрлым көп тартса, соғұрлым тыныс алу жолына кері әсерін тигізеді. Басқаша айтқанда, «өкпе дағы» туындайды»,- деді С.Асфендияров атындағы ҚазҰМУ кафедрасының доценті, Алматы қалалық №36 емхананың пульмонолог-дәрігері Даме Сайланова.</blockquote>Маманның айтуынша, электрондық темекі қарапайым темекіден анағұрлым зиянды әрі қауіпті. Себебі мұнда никотин буланып, ауыз қуысының шырышты қабатын күйдіреді, бұл онкологиялық ауруларға әкеледі, тыныс алу жүйесін зақымдайды. Бас миы тамырларының атеросклерозына апарады, себебі, оны тартқан кезде никотин қанға өте жылдам енеді. Содан кейін бүйрек безімен адреналин шығып, артериалдық қан қысымы жоғарылап, жүрек ырғағы қысқарады. Бұл жүрекке қатты жүктеме түсіріп, салдарынан жүрек-қантамыр аурушаңдығы дамиды. Адам ұйқысы нашарлап, тез ашуланады және назар аудару қабілеті төмендейді.Психикалық денсаулық орталығының психологы Елена Манжикованың айтуынша, егер жасөспірімдер электрондық темекіні ерте жастан тұтына бастаса, соғұрлым оларды тәуелділіктен құтқару ауыр болатынын жеткізді.<blockquote>«Егер жасөспірім электрондық темекіні, мәселен, 13 жаста тарта бастаса және оны бес жылдан аса тартса, кейін оны тастау өте қиын. Мұнда психотерапияны, аккупунтуралық терапияны, тіпті гипнозды қолдануға тура келеді. Ең алдымен, пациенттің өз қалауы болуы керек және баламен бірге оның ата-анасымен жұмыс істейтін нарколог-психиатр дәрігерге уақытында жүгіну қажет. Емдеу барысында ата-аналары өз балаларын қолдап, сол тәуелділіктен арылуына көмектесуі керек. Себебі, бұл жағдайға балаларына дұрыс қарамаған ата-аналар да кінәлі. Балаға сондай-ақ, жүрген ортасы әсер етуі мүмкін», - деді Елена Манжикова.</blockquote>Дәрігерлер ата-аналарға егер балалары жаман әдетті тастай алмаған жағдайда, Мақатаев көшесі, 10 мекенжайында орналасқан Психикалық денсаулық орталығы жанындағы емханаға баруға шақырды. Мұнда мамандар уақытында және тегін түрде консультативтік, медициналық, психологиялық көмек көрсетеді. Сондай-ақ, дәрігерлер 8 -701-733-33-59 номері бойынша сенім телефонына (тәулік бойы) қоңырау шалуға немесе https://cpzalmaty.kz сілтемесі арқылы Психикалық денсаулық орталығының сайтына жазуға болатынын мәлімдеді.

Электрондық темекі қарапайым темекіден анағұрлым зиянды әрі қауіпті 

Kyzylorda-news.kz. Қазгидромет 29 қаңтарда болатын қауіпті метеорологиялық құбылыстарға болжау консультациясын жариялады.&nbsp;Еліміздің басым бөлігі әлі де антициклонның ықпалында болады, соған байланысты көбінесе жауын-шашынсыз ауа райы сақталады. Тек ҚР солтүстік өңірлеріне солтүстік циклон жырасы әсер етеді, аздаған қар жауып, жаяу бұрқасын болады, оңтүстік-батыста атмосфералық бөліктердің өтуімен жаңбыр және қар түрінде аздаған жауын-шашын жауады, солтүстікте желдің күшеюі, батыста және оңтүстікте – тұман күтіледі.

Жексенбіге арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp;Үкіметтің қаулысына сәйкес ауыл жастары арасынан шыққан азаматтарға бакалавриат немесе магистратураға берілетін берілетін білім гранты мен оқу тәртібіне өзгерістер енгізілді, деп хабарлайды <a href="https://stan.kz/kazakstanda-auil-zhastarina-beriletin-granttin-ulesi-ar-376844/">Stan.kz</a>.&nbsp;Қаулыға сәйкес гранттар санының 65%-ы жалпы конкурс тәртібімен беріледі.<blockquote>«Ауыл жастары арасынан шыққан Қазақстан Республикасының азаматтары үшін квота белгіленген білім беру бағдарламаларының топтарына арналған конкурс мынадай түрде өтеді: білім беру бағдарламаларының осы топтары бойынша гранттардың жалпы санының 65%-ы жалпы конкурс тәртібімен беріледі, ал гранттардың қалған 35 %-ына конкурс ауыл жастары арасынан шыққан Қазақстан Республикасының азаматтары үшін ғана өткізіледі», – делінген Үкіметтің 2023 жылғы 23 қаңтардағы қаулысында.</blockquote>Бұрынғы қаулыда гранттардың 30%-ы конкурс негізде тек ауыл жастары арасынан шыққан азаматтар үшін өткізілілген еді.

Қазақстанда ауыл жастарына берілетін гранттың үлесі артты

<a href="https://kyzylorda-news.kz/">Kyzylorda-news.kz.</a>&nbsp;Облыста жол қауіпсіздігін қамтамасыз ету бағытында ауқымды жұмыстар атқарылып келеді. Нәтижесінде, былтыр жол-көлік оқиғаларына қатысты деректер саны тұрақталып, зардап шеккендер қатары төмендеген. Дегенмен, қауіпсіздік ережелерін қаперден шығаруға болмайды дейді сала мамандары.<blockquote>«Жалпы жол-көлік оқиғаларының негізгі себебі – көлік тізгіндеушілер мен жаяу жүргіншілердің жол қозғалыс ережесін өрескел бұзуы. Сондай-ақ, жол жүру барысында жылдамдықты шамадан тыс асырып, қарсы бағытқа шығып кетуі немесе жүргізушілердің ұйықтап кетуі салдарынан оқыс оқиғалар орын алады. Осыған сәйкес, аймақ көлемінде жол-көлік оқиғаларының алдын алу мақсатында облыс әкімінің қолдауымен жаңа үлгідегі «Ekin Patrol G2» құрылғысы патрульдік автокөліктерге орнатылды. Бұл құрылғылар жылдамдықты шектен тыс асырғандарды автоматты түрде анықтай алады және 10 камера 360 градуста барлық аумақты толық шолып шығуға қауқарлы. Бұған қоса, жалған мемлекеттік белгілері бар, жолда аялдау ережесін бұзғанды, көліктің техникалық байқаудан өтпегенін анықтауға мүмкіндігі бар. Егер жол-көлік ережесі ескерілмеген жағдайда құқық бұзушылық дерегі автоматты түрде серверге жүктеліп, айыппұл төлеу қажеттігі туралы нұсқама көлік иесінің мекен жайына жолданады. Сондықтан, облыс тұрғындарына айтарымыз жол қауіпсіздігіне бей-жай қарамауларыңызды сұраймыз», - деді ОПД Жергілікті полиция басқармасының бірінші орынбасары Марат Рахметов.</blockquote><figure class="image"><img src="https://knadmin.beoblood.kz/uploads/326830392_1399565080855894_6927857153491562669_n_41a1d1b49a.jpg" alt="326830392_1399565080855894_6927857153491562669_n.jpg"></figure>

Жол ережесін сақтау - қауіпсіздік кепілі

<a href="https://kyzylorda-news.kz/">Kyzylorda-news.kz.</a>&nbsp;Пробация есебіндегі 3 сотталған "Бос жұмыс орындар жәрмеңкесіне" қатысып, квота ұтып алды.Пробация қызметкерлері есепке алынған сотталғандардың қайта қылмысқа бармауы үшін, әртүрлі бағытта іс-шаралар ұйымдастырып отырады.Соның бірі сотталғандарды жұмысқа орналастыру бағыты бойынша үздіксіз жұмыстар атқарылып келеді.Осы орайда, &nbsp;Қызылорда қалалық пробация қызметі "Бақытты отбасы" орталығында өткен "Бос жұмыс орындар жәрмеңкесіне" 23 сотталғанды қатыстырды.Соның ішінде, &nbsp;жәрмеңкеге &nbsp;қатысқан &nbsp;сотталғандар арасынан шектеу жазасы бекітілген 3 сотталған азамат қалалық әлеуметтік орталығынан 2023 жылға берілген квотаға ие болды.<blockquote>«Алдағы уақыта бөлінген квота бойынша &nbsp;бұл үш сотталған азамат қолындағы жолдамалары арқылы &nbsp;тиісті кәсіпкерлердің &nbsp;қарамағына жұмысқа орналастырылады», - деді Қызылорда қалалық ПҚ-нің аға инспекторы, әділет капитаны С.Спанов.</blockquote>

Пробация есебіндегілер "Бос жұмыс орындар жәрмеңкесінен" квота ұтып алды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық ардагерлер Кеңесі аймақтың саяси тұрақтылығын сақтау, жас ұрпақтың бойына патриоттық және адамгершілік қасиетін сіңіру және қарт адамдардың әлеуметтік құқықтары мен мүдделерін қорғауда сүбелі үлес қосып келеді. Осыған орай, облыстық ардагерлер кеңесінің төрағасы Серік Дүйсенбаевтың жүргізуімен облыстық ардагерлер кеңесінің кезекті Алқа мәжілісі өтті.Жиынға облыс әкімінің орынбасары Мархабат Жайымбетов, ардагерлер кеңесінің Алқа мүшелері, облыстық басқарма басшылары, тексеру және тұрақты комиссиялардың мүшелері, салалық ардагерлер кеңестерінің төрағалары, аймақтық ардагерлер ұйымдарының белсенділері, БАҚ өкілдері және онлайн байланыс арқылы аудандық ардагерлер ұйымдарының Алқа мүшелері қатысты.Басқосуда облыс әкімінің орынбасары Мархабат Жайымбетов облыстық ардагерлер кеңесінің жұмысы лайықты жолға қойылғанын айтып, қазыналы қариялар елдің бірлігі мен халықтың ынтымағы жолында ерен еңбектің үлгісін көрсетіп келе жатқанын тілге тиек етті.Ал облыстық ардагерлер кеңесінің төрағасы Серік Дүйсенбаев биыл ардагерлер кеңесінде ауқымды жұмыстар атқарылатынын және елдің бірлігін бекем сақтауда өз үлестерін қосатынын жеткізді.Күн тәртібіндегі бірінші мәселе «Петро Қазақстан Құмкөл Рессорсиз» мұнай компаниясы бастауыш ардагерлер ұйымының, облыстық білім саласының ардагерлер кеңесінің есептерін тыңдап, тәжірибе алмасу ұсынылды.Екінші мәселеде ардагерлер кеңесінің алдағы міндеттері мен еліміздегі қоғамдық-саяси ахуалды басшылыққа ала отырып, 2023 жылға жұмыс жоспары таныстырылды. Биылғы жұмыс жоспарында аймақ бойынша әр айда бір бағыттағы шараларды өткізу ұсынылды. Келесі мәселе, ішкі құрылымды жетілдіру және ардагерлер қозғалысын көпшілікке насихаттау бағыттары қарастырылды.Облыстық ардагерлер Кеңесінің Алқа мәжілісінде қаралған мәселелер бойынша тиісті қаулылар қабылданып, нақты жоспарлар айқындалды.<figure class="image"><img src="https://knadmin.beoblood.kz/uploads/327554065_1624170228019594_2063591286073578852_n_66fe5f29cd.jpg" alt="327554065_1624170228019594_2063591286073578852_n.jpg"></figure>

Қызылордада ардагерлер кеңесінің кезекті алқа мәжілісі өтті

<a href="https://kyzylorda-news.kz/">Kyzylorda-news.kz.</a>&nbsp;Еліміздің басым бөлігі әлі де антициклонның ықпалында болады, соған байланысты көбінесе жауын-шашынсыз ауа райы сақталады, деп хабарлайды Қазгидромет.Тек ҚР солтүстік өңірлеріне солтүстік циклон жырасы әсер етеді, аздаған қар жауып, жаяу бұрқасын болады.Оңтүстік-батыста атмосфералық бөліктердің өтуімен жаңбыр және қар түрінде аздаған жауын-шашын жауады, солтүстікте желдің күшеюі, батыста және оңтүстікте тұман түседі.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 28-30 қаңтарға арналған ауа райы болжамын ұсынды, – деп хабарлайды <a href="https://kaz.tengrinews.kz/">Tengrinews.kz</a> тілшісі.Метеорологтар мәліметінше, алдағы күндері Қазақстанда ауа райында айтарлықтай өзгеріс күтілмейді. Республиканың батысы, оңтүстігі мен оңтүстік-шығысы жоғары атмосфералық қысым өрісінің ықпалында болады, сондықтан жауын-шашынсыз ауа райы сақталады. Қазақстанның қалған аумағы бұрынғысынша атмосфералық фронталь бөліктер ықпалында болады: қар жауып, жел күшейеді.«Температуралық фонның күрт өзгеруі күтілмейді, алайда республиканың оңтүстігінде ауа температурасының күндіз 2 градус аяздан – 3 градус жылыға дейін, солтүстік және таулы аудандарда 5 градус аяздан 5-10 градус жылуға дейін, елдің оңтүстік-шығысында 2 градус аяздан – 3 градус жылыға дейін біртіндеп көтерілуі болжанады», – делінген хабарламада.

Қазақстанда алдағы демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық «Жастар ресурстық орталығы» КММ-сі жанынан құрылған Жастар ісі жөніндегі комитет жетекшілері басқосты. Кездесу М.Мәметова атындағы педагогикалық жоғары колледжі базасында өтті. Келелі кездесуде клуб мүшелері осы кезге дейін атқарған жұмыстарымен таныстырып, алдағы жоспарларымен бөлісті. Ұсыныс-пікірлерін ортаға салып, жұмыс ауқымын кеңейтуге келісті.&nbsp;Басқосуда бірнеше уақыттан бері талқыланып келген Жастар комитеті жетекшілерінің клубы құрылды. Жетекшісі болып жастар ресурстық орталығының аға кеңесшісі Бексұлтан Еркінбекұлы тағайындалды. Орталық директорының орынбасары Ерлан Мырзалыұлы жастар ұйымдарының жетекшілеріне әрқашан қолдау білдіретінін, алдағы уақытта бірлесіп ауқымды жобалар мен шаралар ұйымдастыратынын жеткізіп, жетекші болып сайланған Б.Өткелбаевқа алдағы жұмысына сәттілік тіледі.&nbsp;Клуб отырысы ауыспалы, келесі отырыс Қызылорда жоғары көпсалалы колледжінде өткізілу ұсынылды.

Қазақстан және Қызылорда облысының жаңалықтары