<a href="https://kyzylorda-news.kz/">Kyzylorda-news.kz</a> «8 наурыз – Халықаралық әйелдер күні» қарсаңында Қызылорда қаласы Полиция басқармасының басшылығы погонды аруларды мерекемен құттықтады. Бүгінгі бар қошемет осы аяулы жандарға арналды.Рухы мықты ақ жаулықты аналардың, ардақты апалар мен қаракөз қарындастардың құрметіне ұйымдастырылған бұл шара «Анаға тағзым» орталығында өтті.Полиция саласында ерлермен иық тірестіре еңбек етіп жүрген қыз келіншектер жетерлік. Олар жүгі ауыр мамандықты арқалағанмен, отбасының да қиындығын көтеріп жүрген жандар. Бүгінгі салтанатты шара барысында шаңырақ берекесімен қатар, қызметтің тізгінін тең ұстаған әйел полицейлерді құттықтау үшін Қызылорда қаласы Полиция басқарма бастығының орынбасары полиция майоры Садыбеков Мақсат Тұрымханұлы қатысты.Іс – шара барысында «Мінсіз қызметі үшін» медальімен, Қызылорда облысы Полиция департаментінің бастығы полиция полковнигі Серік Ергешовтің «Грамотасы» басқарма басышысы Дәулет Сүлейменұлының «Алғыс хатымен» нәзік жанды арулар марапатталды.Сіздерді 8 наурыз - Халықаралық әйелдер күнімен шын жүректен құттықтаймын! Сіздердің жанқиярлық еңбектеріңіз үшін ізгі лебіздерімізді қабыл алыңыздар. Сіздер жауаптылығы жоғары мамандықты таңдадыңыздар, күн сайын ер адамдармен бірге Қызылорда қаласының игілігі үшін қызмет атқарудасыздар. Жарқын мереке күні Сіздерге отбасының амандығын, деннің саулығын, адал махаббат жылуын, шынайы сүйіспеншілік шуағын тілеймін!» деген жылы лебізін білдірді Мақсат Тұрымханұлы.Мерекелік шара концерттік бағдарламамен жалғасын тауып, отбасының ұйытқысына, татулық пен келісімнің тірегі, махаббаттың, сұлулықтың символы саналатын құрметті ақ жаулықты аналардың, ардақты әйелдердің құрметіне әндер шырқалып, ақ тілектер айтылды.

Қызылордалық полицейлер «Ардақты арулар – ел қорғаны» атты мерекелік шара ұйымдастырды

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы әкімі Берік Сәрменбаев Қызылорда облысының құрметті ардагері Серік Нұртазаевты қабылдап, 70 жасқа толған мерейтойымен құттықтады.Қабылдауда аудан әкімі ардагердің өңір дамуына қосқан үлесін ерекше атап өтті.<blockquote>– Ел мүддесін бәрінен биік қоятын, өзінен кейінгі ізіне ерген ұрпағына бас-көз бола білген алдыңғы буын ағаларымыздың орны ерекше. Өңіріміздің әлеуметтік-экономикалық, мәдени-рухани дамуына ерекше үлес қосқан азаматтарды ардақтап, бүгінгідей құрмет көрсету игі дәстүрге айналды. Бүгін адал еңбегімен халықтың ыстық ықыласына бөленген, экономика, қаржы саласында өзіндік қолтаңбасы бар Серік Нұзтазаевтың 70 жасқа толған мерейтойына орай жиналып отырмыз. Сізді барша аудан жұртшылығы атынан мерейлі жасыңызбен шын жүректен құттықтаймын! Өзіңіздің іскерлік қабілетіңіз бен кәсіби шеберлігіңіздің арқасында ауданымыздың өсіп-өркендеуіне ерекше үлес қосып, еңбекпен еселенген өнегелі өмір жолыңызда өңіріміздің дамуы үшін аянбай қызмет жасадыңыз. Алдағы уақытта да тәуелсіз қазақ елінің жарқын болашағына куә болып, мағыналы ғұмыр кешіңіз. Әрқашан мерейіңіз үстем, мәртебеңіз биік, абыройыңыз асқақтай берсін! Мерейтойыңыз құтты болсын, – деді Берік Әбдіғаппарұлы.</blockquote>Айта кетейік, Серік Нұзтазаев Ақжарма ауылының тумасы. Еңбек жолын Ақжарма ауылында жұмысшы болып бастап, Далакөл ауылдық кеңесінің хатшысы, «Ильич» совхозында өндіріс бригадирі, кейін совхоздың кәсіподақ комитетінің төрағасы болып қызмет жасады. Ардақты азамат Тәуелсіздік жылдарында білімі мен тәжірибесін қаржы саласына арнап, 1994-2000 жылдары әр түрлі салада бас экономист қызметтерін атқарды. 2001 жылы Ақжарма ауылдық округінің әкімі болып тағайындалды. 2002 жылдың қыркүйек айында Тереңөзек кентінің әкімі болып тағайындалып, аудан орталығының дамуына абыройлы қызмет атқарды. 2007-2011 жылдары Сырдария аудандық ішкі саясат бөлімін, 2011-2012 жылдары Сырдария аудандық жұмыспен қамту және әлеуметтік бағдарламалар бөлімін басқарды. 2022 жылдан бері Қызылорда облысы әкімі аппаратының ұйымдастыру-нұсқау бөлімінде облыстық Қоғамдық кеңес жұмысын үйлестіру жұмыстарын жүргізуде. Қай салада болса да барлығын үлкен жауапкершілікпен атқарып, облыс, аудан жұртшылығының алғысына бөленіп келеді.Салтанатты қабылдауда аудандық ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов, Сырдария ауданының Құрметті азаматы Ұлмекен Жанәлиева, еңбек ардагерлері Бүркітбай Мұстафаұлы, Марат Омаров сөз сөйлеп, мерейтой иесіне жылы лебіздерін білдірді.Кездесу барысында аудан әкімі мерейтой иесіне ауданының Құрмет грамотасын табыстады. Халқымыздың игі дәстүрі бойынша шапан жауып, сый-құрмет көрсетті.Өз кезегінде Серік Нұртазаев көрсетілген құрметке алғысын білдірді.Фото: Сырдария ауданы әкімінің баспасөз қызметі

Мерейтой иесін қабылдап, құрмет көрсетті

Облыс әкімі Нұрлыбек Нәлібаевтың қатысуымен «Өнер орталығында» 8 наурыз – Халықаралық әйелдер күніне арналған «Ана – әлемнің бесігі» атты салтанатты шара өтті. Аймақ басшысы аналар мен қыз-келіншектерді көктемнің көркем мерекесімен құттықтады.<blockquote>«Президентіміз «Әйелдер қауымының отбасындағы, қоғам өміріндегі және мемлекетті жан-жақты дамыту ісіндегі рөлі орасан зор. Қыз-келіншектер өндірісте, шығармашылық жолында, саясат, бизнес және басқа да көптеген салада биік белестерді бағындырып келеді», – деген болатын. Тәуелсіз Қазақстанның толағай табыстары мен &nbsp;Сыр өңірінің бүгінгі жетістіктерінің барлығында әйелдер қауымының өз қолтаңбалары бар. &nbsp;Аналарымыздың рухынан күш, ұлағатынан тәлім алған аруларымыз бүгінде экономикамыздың барлық саласында табысты еңбек етеді. Облыс бойынша мемлекеттік қызметшілердің 45 пайызы, медицина қызметкерлерінің 88 пайызы, ұлағатты ұстаздардың 78 пайызы, жалпы бюджеттік саланың 62 пайызы, шағын және орта бизнесте еңбек ететіндердің 55 пайызы қыз-келіншектер. Сыр өңірінің өсіп-өркендеуіне қосқан елеулі еңбектеріңіз үшін Сіздерге барша Сыр жұртшылығының атынан шынайы алғысымды, зор ризашылығымды білдіремін. Біз, ер-азаматтар Сіздерді жоғары бағалаймыз, құрметтеп, қадірлейміз. Нәзік жандарға деген біздің ықыласымыз, ниет-тілегіміз әрдайым ерекше. Бір қолымен бесікті, екінші қолымен әлемді тербеген ардақты аналарымыз ел ертеңіне нәр, тіршілікке әр беріп келеді. Алдағы уақытта да ұлтымыздың баянды болашағы жолында аянбай еңбек ете берулеріңізге тілектеспін!», – деді Нұрлыбек Машбекұлы.</blockquote><img src="https://knadmin.beoblood.kz/uploads/IMG_20260306_WA_0103_745b29ad77.jpg" alt="IMG-20260306-WA0103.jpg">Салтанатты шарада шуақты мереке қарсаңында Мемлекет басшысының Жарлығымен «Парасат», «Құрмет» ордендерімен, «Ерен еңбегі үшін» медалімен наградталған қызылоралық әйел-аналарға марапаттары табысталды. Сонымен қатар, «Мәдениет саласының үздігі» төсбелгісі, Қызылорда облысының Құрмет грамотасы, облыс әкімінің Алғыс хаты мереке иелерінің мерейін асырды.Айта кетейік, Ақордада өткен қабылдауда «Қызылорда» телеарнасының бас редакторы Тұңғышбаева Айнұр Нұрланқызы «Ерен еңбегі үшін» медалін &nbsp;Мемлекет басшысының қолынан алды. Бұл – Сыр өңіріндегі іскер әйелдер қауымының адал еңбегіне берілген лайықты баға.<img src="https://knadmin.beoblood.kz/uploads/IMG_20260306_WA_0101_3f37ea3e5b.jpg" alt="IMG-20260306-WA0101.jpg">Аймақта 48 мыңнан астам көпбалалы отбасы болса, оның 17 мыңға жуығы «Алтын алқа» және «Күміс алқа» иегерлері. Алтын құрсақты аналар демографиялық ахуалды жақсартуға зор үлес қосып келеді. Өңірде отбасы институтын дамыту және аналарды әлеуметтік қолдау бағытында жүйелі жұмыстар жүргізілуде.Белгілі кәсіпкер Марат Дүйсенбаевтың демеушілігімен «Анаға тағзым» орталығы салынған. Орталықта &nbsp;екі жылдың ішінде 40 мыңға жуық ана мен қыз-келіншекке &nbsp;қызмет көрсетілді. Сонымен қатар, кейінгі жылдары бой көтерген «Отбасы орталығында» болашақта шаңырақ көтеретін жастар мен жас отбасыларға психологиялық және құқықтық кеңестер беріліп, мемлекеттік бағдарламалар мен жобалар бойынша ақпараттық-түсіндірме жұмыстары жүргізілді.Облыстағы барлық 7 ауданда заманауи үлгідегі «Руханият орталықтары» салынып, пайдалануға берілді. Аталған орталықтарда музей мен кітапхана жұмыс істейді.&nbsp;Айта кету керек, өңірде соңғы екі жыл қатарынан «Анаға тағзым» республикалық форумы өткізіліп келеді.

Халықаралық әйелдер күніне арналған салтанатты жиын өтті 

Алдағы демалыс күндері, 7 және 8 наурызда Премьер-Лига командалары бірінші турдың сегіз матчымен футболдан Қазақстан чемпионатын бастайды.Қызылорданың "Қайсар" клубы футбол маусымын өз алаңында елордалық "Жеңіс" және "Астана" ойындарымен бастайды.Бірінші турда: 7 наурыз (сенбі) күні – "Оқжетпес" (Көкшетау) - "Елімай" (Семей), "Алтай" (Өскемен) - "Қайрат" (Алматы), "Ақтөбе" - "Тобыл" (Қостанай), "Ордабасы" (Шымкент) - "Ертіс" (Павлодар), 8 наурыз (жексенбі) күні - "Қайсар" - "Жеңіс", "Қызылжар" (Петропавл) - "Каспий" (Ақтау), "Атырау" - "Ұлытау" (Жезқазған) және "Астана" - "Жетісу" (Талдықорған) кездеседі.Екінші тур матчтары 16-17 наурызға жоспарланған."Қайсардың"сапында келесі ойыншылар өнер көрсетеді – қақпашылар: № 1 Нұрымжан Салайдин, №16 Айқын Әжіхан, №40 Адам Ковач (Словакия); қорғаушылар: №3 Абылайхан Төлегенов, №5 Әділет Кеңесбек, №12 Сағи Совет, №15 Нияз Ыдырысов, № 51 Әмір Мұхаммед (Ресей), № 82 Ринат Ақберген, №93 Сұлтан Асқаров; жартылай қорғаушылар: № 6 Ерсұлтан Қалдыбеков, № 8 Айбол Әбикен, №10 Думан Нарзилдаев, № 11 Виктор Мозес, № 14 Томас Джонс (Чили), № 17 Саламат Жұмабеков, №21 Никола Цуцкич (Сербия), №21 Димаш Серікұлы, №23 Мүслім Жұмат, № 47 Бақдәулет Көнілімқос; шабуылшылар: № 7 Батырхан Тәжібай, №9 Нұрдәулет Ағзамбаев, №18 Дінмұхаммед Рүстемұлы, №19 Әлімжан Ерден, № 19 Әлияр Мұхамед.&nbsp;Команданың бас жаттықтырушысы - Андрей Ферапонтов. "Қайсар" - "Жеңіс" ойыны сағат 16:00-де KAYSAR ARENA стадионында өтеді.Айдос АБСАТ

"Қайсар" маусымды өз алаңында екі ойынымен бастайды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев &nbsp;«Ана мен бала» облыстық перинаталдық орталығындағы жас аналар мен медицина қызметкерлерін Халықаралық әйелдер күнімен құттықтады.<blockquote>«Халқымызда «Ата ұлды, ана ұлтты тәрбиелейді» деген даналық сөз бар. Ананың ақ сүтімен дарыған мейірім мен мейман көңіл – ұлт рухының өзегі, елдіктің тірегі. Аяулы жанның жүрегінен бастау алған ізгілік қоғамды ізгілендіріп, адамзатты биік мұраттарға жетелейді. Ана – тіршіліктің шуағы, өмірдің тұтқасы. Оның бір ауыз жылы сөзі – жанға дауа, жанары – балаға бағдар, алақаны тиген жерге береке қонады, батасы дарыған ұрпақтың бағы жанады. Адамзат баласы үшін анадан құдіретті, анадан ардақты, анадан аяулы жан жоқ. Сондықтан да ананы ардақтау– адамдықтың асыл өлшемі, ананы құрметтеу – перзенттік парыз. Әлемдегі ең жоғары мадақ та, құрмет те ару-аналарға арналады. Еріне адал жар, баласына ардақты ана болуымен ұрпаққа өнеге, отбасына ұйытқы болған аналарымызға құрметіміз қашанда шексіз! Сіздер – мейірім мен махаббаттың, сабыр мен төзімнің символысыздар. Дүниеге сәби әкелу – үлкен ерлік, ұлы жауапкершілік. Сәбидің шат күлкісі мен алаңсыз балалығы – ең алдымен ананың ақ жүрегі мен адал еңбегінің жемісі. Сіздердің әрқайсыларыңызға зор денсаулық, отбасыларыңызға амандық, сәбилеріңізге жарқын болашақ тілеймін», – деді Нұрлыбек Машбекұлы.</blockquote>Басқосуда мереке қарсаңында сәбилі болған аналар мен медицина қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/Oblys_kimi_perinitaldy_ortaly_3_ee2f7f303e.jpg" alt="Облыс әкімі периниталдық орталық 3.jpg">Бүгінде облыс орталығында 36 млрд 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқынды жүргізілуде. Нысанды жыл соңына дейін пайдалануға беру жоспарланған.Сонымен қатар 45 млрд 800 млн теңгеге 200 төсек-орынға арналған жаңа перинаталдық орталықтың, 14 млрд 700 млн теңгеге 500 келушіге арналған емхананың және 9 млрд 800 млн теңгеге Титов кентінде ауысымына 400 келушіге арналған №5 қалалық емхананың құрылыстары басталды.<img src="https://knadmin.beoblood.kz/uploads/Oblys_kimi_perinitaldy_ortaly_2_7b6c1632e8.jpg" alt="Облыс әкімі периниталдық орталық 2.jpg">

Облыс әкімі жас аналар мен медицина қызметкерлерін марапаттады

<a href="https://kyzylorda-news.kz/">Kyzylorda-news.kz</a> Халықаралық әйелдер күні қарсаңында «Анаға тағзым» орталығында облыс әкімі Нұрлыбек Нәлібаев әйел-аналармен кездесті. «Сыйынар ем, Ана деген тәңірге» тақырыбындағы басқосуға еңбек ардагерлері, түрлі сала мамандары мен БАҚ өкілдері қатысты.Аймақ басшысы жиналған қауымды көктемнің шұғылалы мерекесімен құттықтап, қыз-келіншектердің еліміздің, Сыр өңірінің дамуына қосқан сүбелі үлесін атап өтті.<img src="https://knadmin.beoblood.kz/uploads/Oblys_kimi_tty_tau_2_22992c4b4b.jpg" alt="Облыс әкімі құттықтау 2.jpg"><blockquote>«Мемлекет басшымыз Қасым-Жомарт Кемелұлы «Ананың аялы алақаны мен шексіз мейірімі әр үйге жылылық береді. Салт-дәстүріміз бен ана тіліміздің бүгінгі күнге жетуі де, ең алдымен, аналардың арқасы. Өмірдің мәні де, тіршіліктің сәні де – сіздер!» – деген болатын. Өткен тарихымызға қарасақ, ел басына күн туғанда асыл аналарымыз бен аяулы аруларымыз қиындыққа мойымай, ұлт тағдырына араласты. Бала тәрбиесін ұлт тәрбиесі деп қараған дана халқымыз болашақ ұрпақты дүниеге әкеліп, бағып-қағып, қияға қанат қақтыратын аналарды ардақтай да, аялай да білген. Бүгінде отбасы институтын, көпбалалы аналарды, кәсіпкер әйелдерді қолдау, гендерлік теңдікті қамтамасыз ету мемлекеттік саясаттың аса маңызды басымдығына айналды. Аймағымызда аналарды әлеуметтік қолдау бағытындағы жұмыстар нәтижелі іске асырылуда. Сіздер тәуелсіз еліміздің дамуына зор үлес қосып, әрқашан парасаттың, мейірім пен ізгіліктің ұйытқысы болып келесіздер. Көктем мерекесі көңілдеріңізге шаттық сыйласын!» – деді Н.Нәлібаев.</blockquote>Басқосуда облыстық әйелдер кеңесінің төрайымы Райкүл Байназарова аймақта «Келешек мектептерінің», басқа да білім ордаларының салынуы, қосымша білім беретін мекемелердің ашылуы ана мен балаға жасалған қамқорлықтың нағыз үлгісі екенін атап өтті. Қармақшы аудандық әйелдер кеңесінің төрайымы Гүлжаухар Раева «Руханият орталықтарының» ұлттық құндылықтарды сақтап, ұрпақ сабақтастығын жалғастырудағы қызметіне тоқталды. Ал Жаңақорған ауданы «Қыркеңсе» дәрігерлік амбулаториясының аға дәрігері Жазира Мәлікова өзі қызмет ететін саладағы, әсіресе ауылдағы медициналық мекемелердің жабдықталуындағы жетістіктерді айтты.Жиынға қатысушылар облыс әкімінің Алғыс хатымен марапатталды. Бүгінде өңір халқының саны 845 135 болса, оның 419 819-ы, яғни 49,6%-ы – әйелдер, 185 мың қыз-келіншек қалалық жерде, 230 мыңнан астамы ауылда тұрады.Мемлекеттің жүйелі қолдауының арқасында қыз-келіншектердің экономикадағы, саясат пен қоғамдық қызметтегі рөлі жыл өткен сайын артып келеді.<img src="https://knadmin.beoblood.kz/uploads/Oblfs_kimi_tty_tau_f14e716fba.jpg" alt="Облфс әкімі құттықтау.jpg">

Аймақ басшысы әйел-аналарды құттықтады

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы алаңында облыстық жолаушылар көлігі және автомобиль жолдары басқармасы басшысының орынбасары Руслан Ибрагим қоғамдық қабылдау өткізіп, азаматтардың мәселелерін тыңдады.&nbsp;Қабылдауға келген тұрғын өзінің Арал ауданына қарасты Сексеуіл кентінің тұрғыны екенін айтып, елді мекен ішіндегі көшелерге жөндеу жұмыстарын жүргізу және аудан орталығы – Арал қаласына дейінгі 17 шақырымдық жолдың құрылысына қатысты сауалдарын жеткізді.Тұрғынның сұрағына басқарма басшысының орынбасары тиісті түсіндірме берді. Оның айтуынша, Қазақстан Республикасы Президентінің тапсырмасы негізінде Сексеуіл кентіне кіреберістен бастап жүргізілетін жол құрылысының көлемі айқындалып, қаржы бөлінген. Аталған жоба бойынша құрылыс жұмыстары биыл басталады деп жоспарланып отыр.Сонымен қатар Сексеуіл кентіндегі М.Шоқай, С.Жаналиев, Т.Бигелдинов және Қ.Рысқұлбеков көшелеріне жол құрылысы қай уақытта жүргізілетіні туралы мәселе қосымша зерделеніп, нәтижесі тұрғынға хабарланатыны айтылды. Азамат өтініші тіркеліп, партиялық бақылауға алынды.

Қоғамдық қабылдау өткізіп, азаматтардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Бүгін «Анаға тағзым» орталығында облыс әкімінің орынбасары Мейрамбек Шермағанбет әлеуметтік сала, білім, мәдениет, денсаулық сақтау бағыттарындағы қызмет атқарып жүрген нәзік жандылармен кездесіп, «Жаңа прогрессивті Конституция – біздің бірлігіміздің негізі» тақырыбында басқосу өткізді.&nbsp;Кездесудің басты мақсаты – жаңа Конституцияның мән-маңызын түсіндіру, қоғамдағы бірлік пен жауапкершілікті талқылау және әлеуметтік сала мамандарымен ашық пікір алмасу болды. Бұл жиын Астана қаласында өткен «Әйел әлемі – ел тағдырына жауапкершілік» тақырыбындағы көшбасшы әйелдердің кездесуімен үндесіп, өңірлік деңгейде жалғасын тапты.Өз сөзінде Мейрамбек Шермағанбет жаңа Конституциялық модель мемлекет пен қоғам арасындағы сенімді нығайтуға, азаматтардың құқықтары мен бостандықтарын қорғау тетіктерін жетілдіруге бағытталғанын жеткізді. Сонымен қатар, әлеуметтік сала қызметкерлерінің қоғамдағы тұрақтылық пен бірлікті сақтаудағы рөлі ерекше екенін атап өтті.<blockquote>«Сіздерді көктемнің шуақты шуағымен келетін, нәзіктік пен парасаттың, мейірім мен адалдықтың айрықша символына айналған 8 наурыз – Халықаралық әйелдер күнімен шын жүректен құттықтаймын. Қоғамның әр саласында аянбай еңбек етіп, ел дамуына үлес қосып жүрген Сіздердің еңбектеріңіз әрдайым құрметке лайық. Жаңа Конституция жобасы адам құқықтарына басымдық беріп, отбасы институтын нығайтуға, әлеуметтік жауапкершілікті арттыруға, цифрлық құқықтарды қорғауға және экологиялық қауіпсіздікті қамтамасыз етуге бағытталған маңызды нормаларды қамтиды. Бұл құжат – ел болашағын баянды ететін стратегиялық бағдар. Сондықтан өңіріміздің қоғамдық өміріне белсенді араласып жүрген арулар ретінде Сіздерді бұл маңызды бастаманың мән-маңызын халық арасында кеңінен түсіндіруге шақырамын. Бірлік пен жауапкершілік бар жерде елдің болашағы әрдайым жарқын болады», – деді Мейрамбек Зинабдинұлы.</blockquote>Кездесу барысында қатысушылар өз ойларын ортаға салып, ұсыныстарын білдірді. Ашық әрі мазмұнды форматта өткен жиын қоғамдағы ынтымақ пен жауапкершілік қағидаттарын нығайтуға бағытталған маңызды алаңға айналды.&nbsp; Жаңа Конституция ел бірлігінің, тұрақтылық пен дамудың берік тұғыры екені тағы бір мәрте айқын көрінді.<img src="https://knadmin.beoblood.kz/uploads/azaly_progressivti_Konstitucziya_2_1bc9b0de65.jpg" alt="Қазалы прогрессивті Конституция 2.jpg">

Жаңа прогрессивті Конституция – әлеуметтік саланың дамуы мен ел бірлігінің негізі

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев салтанатты іс-шараға қатысушыларды көктемнің шырайлы мерекесі – Халықаралық әйелдер күнімен құттықтады.<blockquote>– Бұл мейрам – мейірім мен жылулықтың, даналық пен сұлулықтың нышаны. Әйел – тіршіліктің тірегі, берекенің бастауы. Бұл – ақиқат. «Бесікті де, әлемді де тербеткен» әйелдің жүрегі – ізгіліктің мекені. Сондықтан әйелдің қадірі – елдің қадірі деп айтсақ артық болмайды. Бүгін мен Ақорда төрінде Сіздерге және барша Қазақстан әйелдеріне зор ризашылығымды және алғысымды айтамын. Халқымыз қай заманда да анасын ардақтаған, қарындасына қорған болған, қыздарын сыйлап, төрінен орын берген, – деді Мемлекет басшысы.</blockquote><img class="image_resized" style="width:100%;" src="https://knadmin.beoblood.kz/uploads/nagrazhdenie_00e731d57a.jpeg" alt="награждение .jpeg">Президент мерекелік жиында Қазақстанның әлеуметтік-экономикалық және мәдени дамуына елеулі үлес қосып, өз кәсібінде жоғары табысқа жеткен әйелдерді мемлекеттік наградамен марапаттады.<img src="https://knadmin.beoblood.kz/uploads/1772792051_KZ_4_2502_2_6643aaea07.jpg" alt="1772792051_KZ4_2502_2.jpg"><img class="image_resized" style="width:100%;" src="https://knadmin.beoblood.kz/uploads/nagrazhdenie_97c30468d3.jpeg" alt="награждение ">Фото: Ақорда

Мемлекет басшысы нәзік жандарды марапаттады

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» аумақтық коалициясының мүшелері Жетікөл ауылының тұрғындарымен кездесті.Конституция жобасының басты мақсаты – Әділетті Қазақстан құру, заң үстемдігін нығайту және мемлекет пен қоғам арасындағы жауапкершілік теңгерімін күшейту екені атап өтілді. Құжатта азаматтардың құқықтары мен бостандықтарын қорғау тетіктерін күшейтуге, мемлекеттік органдардың ашықтығы мен есептілігін арттыруға басымдық берілгені айтылды.&nbsp;<blockquote>– Жаңа Конституция жобасы ауылдық аумақтарды дамыту арқылы тұрғындардың өмір сапасын жақсартуға, инфрақұрылымды жаңартуға және әлеуметтік-экономикалық қолжетімділікті арттыруға бағытталған. Аграрлық саясат ауыл шаруашылығын қолдау мен жергілікті өндірісті нығайтуды қамтиды. Табиғи ресурстар жауапкершілікпен әрі тиімді пайдаланылуы тиіс. Ауыл тұрғындарының қоғамдық шешім қабылдау үдерісіне қатысу мүмкіндігін кеңейту – басты басымдықтардың бірі, - деді аумақтық коалиция мүшесі Гүлбану Смайлова.</blockquote>Ауыл тұрғындары жаңа Конституция елдің ұзақ мерзімді дамуына берік құқықтық негіз қалыптастырып, тұрақтылық пен қоғамдық келісімді нығайтуға қызмет ететініне сенім білдірді. Тұрғындар алдағы референдум ел болашағына қатысты маңызды тарихи шешім екенін атап өтіп, азаматтық белсенділік танытуға дайын екендіктерін жеткізді.<img src="https://knadmin.beoblood.kz/uploads/Syrdariya_progressivti_Konstitucziya_2_ea96fd154d.jpg" alt="Сырдария прогрессивті Конституция 2.jpg">

Сырдария: Ауыл тұрғындарына Конституцияның мән-мағынасын түсіндірді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов 8 наурыз – Халықаралық әйелдер күні мерекесіне орай Әйтеке би кентіндегі тазалық жұмыстарымен айналысатын нәзік жандыларға құрмет көрсетіп, мерекемен құттықтады.Кездесуде аудан басшысы күнделікті ел игілігі үшін еңбек етіп жүрген тазалықшылардың еңбегіне алғыс білдіріп, гүл шоқтары мен мерекелік сыйлықтар табыстады. Кездесу барысында тазалықшылардың еңбегі қоғам үшін аса маңызды екенін атап өтті.<blockquote>– Құрметті аналар, ардақты апа-қарындастар! Сіздерді шуақты көктемнің ең көркем мерекесі – 8 наурыз Халықаралық әйелдер күнімен шын жүректен құттықтаймын! Сіздердің күн сайын таңмен таласа тұрып, аудан тазалығын сақтауда атқарып жүрген еңбектеріңіз зор құрметке лайық. Ауа райының қолайсыздығына қарамастан, күндіз-түні тыным таппай еңбек етіп, туған жеріміздің көркеюіне үлес қосып келесіздер. Сіздер халыққа жайлы орта қалыптастырып, тазалықтың сақталуына аянбай қызмет етудесіздер. Бұл – үлкен жауапкершілік пен табандылықты талап ететін жұмыс. Осындай адал еңбектеріңіз үшін барша аудан тұрғындары атынан алғысымды білдіремін, – деді Алмасбек Әбілқасымұлы.</blockquote>Мерекелік жүздесу барысында тазалықшы әйелдер аудан басшысының ықыласына ризашылықтарын білдіріп, көрсетілген құрмет үшін алғыстарын жеткізді.Осындай құрметке бөленген нәзік жандылар өз еңбектерінің еленіп жатқанын ерекше ықыласпен қабылдап, мерекелік көңіл-күйге бөленді.

Нәзік жандарды мерекемен құттықтады

<a href="https://kyzylorda-news.kz/">Kyzylorda-news.kz</a> Қызылорда қаласында өңірлік коалиция өкілдері «Абзал и К» компаниясының қызметкерлерімен кездесті. Онда компания ұжымына жаңа Конституция жобасының мән-маңызын түсіндіріп, 15 наурызда өтетін республикалық референдумға белсенді қатысуға шақырды.Кездесу барысында аумақтық коалиция жетекшісінің орынбасары Гүлшат Мұсаева жаңа Конституция жобасында отбасы құндылықтарына ерекше назар аударылғанын атап өтті.<blockquote>«Отбасы – қоғамның іргетасы. Ата заң жобасында мемлекет неке мен отбасы институтын қорғауға, ата-ана мен баланың құқықтарын сақтауға ерекше көңіл бөледі. Сонымен қатар, бала тәрбиесі мен отбасы жауапкершілігіне қатысты нормалар нақтыланып, қоғамдағы дәстүрлі құндылықтарды нығайтуға бағытталып отыр. Бұл – ел болашағы үшін маңызды қадам, – деді Гүлшат Мұсаева.</blockquote>Ал коалиция мүшесі Дәурен Сейтжанов жаңа Конституция жобасында кәсіпкерлік пен әлеуметтік саланы дамытуға қатысты бірқатар маңызды өзгерістерге тоқталды. Оның айтуынша жаңа Конституцияда мемлекет кәсіпкерлік бастамаларды қолдап, экономикалық еркіндікті дамытуға жағдай жасауға міндетті екені айқын көрсетілген. Бұл – шағын және орта бизнестің дамуына серпін береді. Сонымен қатар, әлеуметтік мемлекет қағидаты күшейтіліп, азаматтардың еңбек ету, әлеуметтік қорғау, білім алу және медициналық қызмет алу құқықтары нақты бекітілген. Мұның барлығы халықтың әл-ауқатын арттыруға бағытталған.Кездесу барысында компания ұжымына жаңа Конституция жобасындағы әлеуметтік-экономикалық жүйені жаңғырту,мемлекеттік басқару жүйесін жетілдіру, билік тармақтарының теңгерімін нығайту және азаматтардың құқықтары мен бостандықтарын қорғауды күшейту бағытында көзделіп отырған нормалар кеңінен таныстырылды.&nbsp;Өз пікірлерімен ашық бөлісіп, нақты ақпаратқа қанық болған ұжым мүшелері Ата заңдағы еңбек құқығы, әлеуметтік кепілдіктердің нақтылануы бұл &nbsp;– ауыл еңбеккерлері үшін аса маңызды екендігін тілге тиек етіп, жаңа Конституция жобасын еңбек адамын қолдауға бағытталған қадам деп қабылдады.&nbsp;

Қазақстан және Қызылорда облысының жаңалықтары