<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына МӘМС жүйесінде бір жылға алдын ала сақтандырылғысы келетін азаматтар хабарласады. Сіздердің назарларыңызға филиалдың бас сарапшысы Айгүл Аханованың дербес төлеушілерге арналған жадынамасы.Егер 12 айға төлемдер әр түрлі күндерде жасалса, онда сақтандыру мәртебесі бірден емес, барлық төлемдер өңделгеннен кейін ғана беріледі. &nbsp;Төлемдер 3 жұмыс күні ішінде өңделеді.Егер 12 айдың бірінде дербес төлеуші ретінде емес, БЖТ төлемі ретінде жүргізілсе, онда мәртебе берілмейді. Алдын ала төлем жасау арқылы сақтандыру мәртебесі тек дербес төлеушілерге беріледі. Егер сіз БЖТ-ны қате төлеген болсаңыз, онда төлемді «Азаматтарға арналған үкімет» «Мемлекеттік корпорациясы» КЕАҚ-ға жүгіну арқылы қайтарып ала аласыз.Егер төлем ағымдағы айдың соңында (27-28-ден кейін) жүргізілсе, онда төлемдерді тексеру келесі айда жүргізілуі мүмкін, яғни сақтандыру мәртебесі берілмейді және пациентке келесі жылдың тағы бір айы үшін қосымша ақы төлеу қажет.Егер төлем алдағы 12 айға емес, 11 ай үшін жасалса, онда да мәртебе берілмейді. 2023 жылы дербес төлеушілер ай сайын 3 500 теңге төлейді. Бұл &nbsp;1 ен төменгі жалақының 5%.&nbsp;Егер 2022 жылы 2023 жылдың айларымен қоса бір жылға алдын ала &nbsp; &nbsp; 3 000 теңге көлемінде төлем жасалса, қосымша ақы төлеудің қажеті жоқ.

МӘМС жүйесінде бір жылға алдын ала сақтандырылғысы келетін азаматтар үшін пайдалы кеңестер

<a href="https://kyzylorda-news.kz/">Kyzylorda-news.kz.</a> Ақпарат және қоғамдық даму министрлігі «ҚР әкімшілік құқық бұзу туралы кодексіне өзгерістер мен толықтыру енгізу туралы» ҚР Заңының жобасына реттеушілік саясаттың консультативтік құжатын әзірледі, деп хабарлайды ҚазАқпарат.Онда көрсетілгендей, кодекске журналистің заңды кәсіби қызметіне кедергі жасаған үшін жауапкершілікті күшейту нормасы енгізілмек.<blockquote>«Статистикаға сәйкес, соңғы 5 жылда ҚР Қылмыстық кодексінің 158-бабы (журналистің заңды кәсіптік қызметіне оны ақпарат таратуға мәжбүрлеу не оны таратудан бас тарту арқылы, сол сияқты журналистің заңды кәсіптік қызметін орындауына кедергі келтіретін не оны осы мүмкіндіктен толығымен айыратын жағдайлар жасау арқылы кедергі жасау) бойынша сотқа дейінгі тергеудің небәрі 9 фактісі тіркелді. Бұл бірінші кезекте әкімшілік жауапкершілікті қосымша енгізу қажеттігін көрсетеді», - делінген құжатта.</blockquote>Мұны жүзеге асыру үшін министрлік журналистің кәсіби қызметін реттейтін Қылмыстық кодекстегі 158-баптың бірінші бөлігін Әкімшілік құқық бұзу туралы кодекске көшіреді.Құжатты ашық талқылау 31 қаңтарға дейін жалғасады.

Елімізде журналистің жұмысына кедергі келтіретіндерге жауапкершілік күшейтілмек

<a href="https://kyzylorda-news.kz/">Kyzylorda-news.kz.</a> Мәжіліс депутаты Аманжан Жамалов&nbsp;әр туған баласы үшін әйелдердің зейнетке шығу жасын екі жылға қысқартуды ұсынды, деп хабарлайды Stan.kz.Оның айтуынша, елімізде әйелдердің зейнетке шығу жасы 2028 жылға дейін 61 жас деңгейінде бекітілген. Алдағы жылдары Үкімет зейнетақы жүйесіне қатысты оңтайлы шешім жасауы тиіс екенін айтты.Оның айтуынша кеңестік кезеңде әйелдер шамамен 5-6 баланы өмірге әкеліп, үй жұмысымен қатар, өндірісте де еңбек ететін.<blockquote>«Сондықтан зейнетке ерте шығуы әйелдер мен ана еңбегін бағалаудың әділ өтемақысы ретінде қаралатын. Қазіргі әлемде әйелдердің еңбек және өмір сүру жағдайлары өзгерді. Біз гендерлік теңдікке ұмтылып отырмыз, сондай-ақ жұмыс және өндіріс жағдайлары жақсарып келеді. Үй шаруалары жеңіл және қауіпсіз болып жатыр. Алайда бір факт өзгеріссіз қалды. Бұл тұрғыда бала туған кезде әйелдер жұмыстан уақытша кетіп, кәсіби мансабы мен тәжірибесі тоқтап қалады. Еліміздегі әр әйел орта есеппен үш баланы өмірге әкеледі. Осы кезеңде тиісті жарна аударылмағандықтан, олардың зейнетақысы да жоғары болмайды. Бұл ретте әйелдердің зейнетке ерте шығуы түрінде жеңілдік жасауыл керек. Дегенмен мұндай құқық заманауи жағдайларды ескере отырып, әділ түрде ұсынылуы керек», - деді депутат.</blockquote>Осылайша депутат дүниеге әкелген әр баласы үшін әйелдің зейнетке шығу жасы 2 жылға қысқартуды ұсынды.&nbsp;Бірақ, қысқаратын жылдар саны 10-нан артық болмауы керек.<blockquote>«Қазіргі кезде 53 жастан 5 және одан да көп бала туған, оларды сегіз жасқа дейін тәрбиелеген көпбалалы аналар ғана зейнеткерлікке шығады. Менің ойымша, жоғарыда аталғанды ескере отырып, Үкімет баласы бар аналардың зейнетке шығу жасын азайту ұсынысын қарастыруы тиіс. Өмірге келген әр бала үшін зейнеткерлік жасты екі жылға азайтқан жөн. Алайда 10 жылдан аспайтын мерзімге төмендету керек. Осы орайда үш баласы бар әйел зейнетке 6 жыл ерте шыға алатын болады. Ал әйелдердің зейнет жасы 63-ке көтерілгеннен кейін ол 57 жаста зейнеткер атануға мүмкіндік алады», – деді депутат.</blockquote>Сондай-ақ, Аманжан Жамаловтың айтуынша, Қазақстанда соңғы үш жылда әйелдердің өмір сүру ұзақтығы 1,5 жылға (77-ден 75,5 жасқа) қысқарған.&nbsp;

Депутаттар әр туған баласы үшін әйелдердің зейнетке шығу жасын қысқартуды ұсынды

<a href="https://kyzylorda-news.kz/">Kyzylorda-news.kz.</a> Бұл туралы Үкімет отырысында Ұлттық банк төрағасы Ғалымжан Пірматов айтты, деп хабарлайды <a href="https://qaz.ulysmedia.kz/">Ulysmedia.kz</a>.Оның сөзіне қарағанда, жылдық мәнде инфляция 20,3%-ға жеткен. Азық-түлік бағасының өсуі инфляцияға ең көп үлесті қосып, жылдық көрсеткіш бойынша 25,3%-ға жеткен. Жеміс-жидек пен көкөніс өнімдері қыс маусымына байланысты қымбаттаған.Азық-түлікке жатпайтын инфляция 19,4%-ға дейін өскен. Импорттың жоғары үлесі бар тауарларға, оның ішінде жеке пайдаланатын тауарларға, жуатын және тазалайтын заттарға, құрылыс материалдарына, дәрі-дәрмекке баға тез өсіп отыр. Әкімшілік реттеу себебінен жанар-жағармай мен 2021 жылғы жоғары база есебінен автокөлік бағасының өсу қарқыны баяулаған.

2022 жылы Қазақстанда инфляция 20,3%-ға жетті

<a href="https://kyzylorda-news.kz/">Kyzylorda-news.kz.</a>&nbsp;ҚР Премьер-Министрі Әлихан Смайылов Сауда және интерграция министрлігінің кеңейтілген алқа мәжілісінде әлеуметтік маңызы бар тауар сататын ірі орталықтардың құрылысын ынталандыруды тапсырды. Оный пайымынша, аталған нысандардың көп болуы бағаны реттеу жұмыстарын жеңілдетеді, деп хабарлайды ҚазАқпарат тілшісі.<blockquote>«Базарларды жаңарту және сауданың өркениетті форматтарына қатысты айтсақ, біз бұл бастаманы толығымен қолдаймыз. Бұл өте дұрыс ұстаным. Біз өткен жылы инфляцияны тежеумен айналысқан кезде өркениетті нарықпен сөйлесу, соның ішінде бағаны төмендету немесе маржа мөлшерін ұстап тұру әлдеқайда жеңіл және табысты екенін көрдік. Біз бұл салада да өркениетті стандарттарға ұмтылуымыз керек. Көрші елдердегідей өркениетті форматтағы сауданың үлесін 70-тен 80% -ға дейін жеткізуіміз керек. Қалаларда, моноқалаларда, облыс орталықтарында ауданы 2000-нан 3000 шаршы метрге дейін жететін өркениетті сауда алаңдарын салуды ынталандыру қажет екенін көріп отырмыз», - деді Премьер-Министр.</blockquote>Үкімет басшысы бұл бүкіл сауданы осы жолға түсіру қажет деген сөз емес екенін ескертті.<blockquote>«Біз қолдау шараларына тек сауда орталықтарының құрылысын қосамыз. Бәлкім үлкен сауда алаңдарының құрылысын ынталандыру туралы әріптестерімізбен кеңесетін шығармыз. Себебі өнімдердің кең таңдауы болған кезде сауда маржасын салыстырмалы түрде төмен деңгейде ұстауға мүмкіндік болады. Бұл тұтыну тауарлары бағасының өсуін тежеу тұрғысынан өте маңызды», - деді Әлихан Смайылов.</blockquote>

Үлкен сауда орталықтарын салуды ынталандыру қажет – Үкімет басшысы

<a href="https://kyzylorda-news.kz/">Kyzylorda-news.kz.</a> Қызылорда облысы білім басқармасының зерделеуі бойынша, Қызылорда қаласындағы білім сапасы – ғылыми жобалар, халықаралық, республикалық олимпиадалар көрсеткіштері мен ҰБТ нәтижесі жоғары ТОП-10 мектеп белгілі болды. Олар – С.Толыбеков атындағы №3 ақпараттық технология мектеп-лицейі, И.В.Панфилов атындағы №5 мектеп-лицейі, Ж.Қизатов атындағы №23 мектеп-лицейі, Ә.Мүслімов атындағы №101 мектеп-лицейі, Т.Жүргенов атындағы №136 мектеп-лицейі, С.Әлжіков атындағы №144 орта мектебі, Абай атындағы үш тілде оқытатын дарынды балаларға арналған мамандандырылған сыныптары бар мектеп, Ж.Нұрманов атындағы №198 орта мектебі, Т.Есетов атындағы №264 мектеп-лицейі, Б.Момынбаев атындағы №278 ақпараттық технология мектеп-лицейі.Осы оқу ошақтары ішінен ең үздік мектепті анықтау мақсатында «<a href="https://kyzylorda-news.kz/">Kyzylorda-news.kz</a>» ақпарат агенттігінің <a href="https://t.me/s/qyzylordanews">телеграм</a> арнасы сауалнама ұйымдастырады. Сауалнама 11 қаңтар күні сағат 14:30-да жарияланып, 13 қаңтар сағат 18:00-дегі көрсеткіш бойынша қорытындыланады.&nbsp;Дауыс беру нәтижесінде жеңімпаз атанған үздік мектепке «<a href="https://kyzylorda-news.kz/">Kyzylorda-news.kz</a>» ақпарат агенттігі жыл бойы ақпараттық қолдау көрсетеді. Атап айтқанда оқу ордасы жайлы сұхбат, репортаж, фоторепортаж, бейнеролик әзірлейді.Құрметті біздің оқырмандар, облыс орталығындағы үздік мектепті <a href="https://t.me/qyzylordanews/5225">мына сілтемеге</a> өтіп бірге анықтайық!&nbsp;Біздің <a href="https://t.me/s/qyzylordanews">арнамызға</a> жазылуды да ұмытпаңыз!&nbsp;

Қызылорда қаласындағы ең үздік мектепті бірге анықтайық

Қызылорда қаласы: Әр бағытқа 9-11 жаңа автобустан берілді

<a href="https://kyzylorda-news.kz/">Kyzylorda-news.kz.</a> Әктас өндірумен айналысатын қызылордалық «Шиелі тас» ЖШС өнімдерін тапсырыс берушілерге жеткізе алмай отыр. Былтыр кәсіпкер наурыз айынан жыл соңына дейін 402 вагон өнімнің орнына 134-ін ғана жөнелте алған. Бұл проблема облыс әкімінің бірінші орынбасары Серік Қожаниязовтың төрағалығымен өткен кәсіпкерлік сұрақтарына арналған жұмыс тобының отырысында қаралды. «Шиелі тас» ЖШС-де 50 адам жұмыс істейді. Кәсіпорын жылына 312 мың тонна, айына 26 мың тонна өнім өндіре алады. «Кәсіпкер өткен жылдың наурыз-желтоқсан айлары аралығында Қазалы, Төретам, Сайрам бағытына тауар тасымалдау үшін шарттық және коммерциялық жұмысты басқарудың автоматтандырылған жүйесі арқылы 49 рет өтінім берген. Оның 12-сі ғана толықтай, 4-еуі түзетуден кейін қанағаттандырылған. Ал 33 өтінім кері қайтарылған. Жүк вагондарының жетіспеушілігі тек «Шиелі тасқа» ғана емес, сондай-ақ өңірдің күрішшілері мен наубайханашыларына да салмақ салып отыр», – деді отырыста Кәсіпкерлер палатасының директоры Пірмұхаммед Сыздықов. Облыс әкімінің бірінші орынбасары Серік Қожаниязов жауапты мемлекеттік орган өкілдеріне жағдайға талдау жасап, тиісті ақпарат ұсынуды жүктеді. Нәтижесімен «Қазақстан Темір Жолы» АҚ басшыларымен, уәкілетті министрлікпен келіссөздер жүргізетінін жеткізді. Бұдан өзге шарада наубайханашылардың проблемасы талқыланды. Жұмыс тобы отырысының қорытындысымен өңірден шығатын өнімдерді қолдау мақсатында жергілікті қамтуды бақылау жөніндегі облыстық комиссия құру жөнінде шешім қабылданды. Атап өту керек, облыс әкімі Нұрлыбек Нәлібаевтің өткен жылғы 7 қыркүйекте кәсіпкерлермен кездесуінде аймақта кәсіпкерлік саласында туындаған жүйелі мәселелерді жедел қарауға арналған жұмыс тобын құру ұсынылып, қазан айында құрылған болатын. Жұмыс органы - Қызылорда облысының кәсіпкерлер палатасы. Жұмыс тобы отырысы айына кемінде бір рет шақырылады және мәселелер туындауына сәйкес мерзімнен тыс та өткізілуі&nbsp;мүмкін.<figure class="image"><img src="https://knadmin.beoblood.kz/uploads/Izobrazhenie_Whats_App_2023_01_11_v_11_43_59_32244dc883.jpg" alt="Изображение WhatsApp 2023-01-11 в 11.43.59.jpg"></figure><figure class="image"><img src="https://knadmin.beoblood.kz/uploads/Izobrazhenie_Whats_App_2023_01_11_v_11_43_59_38bb2e0a17.jpg" alt="Изображение WhatsApp 2023-01-11 в 11.43.59.jpg"></figure>

Жүк вагондарының жетіспеушілігі Қызылордалық кәсіпкерлердің қызметіне кедергі келтіріп тұр

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында ауа райының қолайсыздығына байланысты 55 мектептегі 31 509 бастауыш сынып оқушы сабақты қашықтан оқитын болады.&nbsp; 💬Қызылорда қаласы бойынша білім бөліміне қарасты білім беру ұйымдарының шешіміне сәйкес 11.01.2023 жылы ауа райының қолайсыздығына байланысты қала мектептерінің 0-4-сынып оқушылары үшін сабақ қашықтан оқыту форматына ауысады», – деді облыстық білім басқармасының бөлім басшысы Нұрлан Дәулеталиев. Айта кетейік, бұл тек бүгінгі күнге қабылданған шешім. Ары қарайғы оқу форматы қосымша хабарланатын&nbsp;болады.

Қызылордада ауа райына байланысты бастауыш сынып оқушылары қашықтан оқиды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет жиынында өңірлердің әлеуметтік-экономикалық даму көрсеткіштері қаралды. Ұлттық экономика министрі Әлібек Қуантыров негізгі капиталға салынған инвестиция қарқыны бойынша Қызылорда өңірі республикада І орында екенін жеткізді. Басқа да салалар бойынша Сыр өңірі алдыңғы көрсеткіштерге қол жеткізді.&nbsp; Қызылорда облысы әкімінің баспасөз&nbsp;қызметі<figure class="image"><img src="https://knadmin.beoblood.kz/uploads/p_14480b0ab5.jpg" alt="p.jpg"></figure><figure class="image"><img src="https://knadmin.beoblood.kz/uploads/l_bda8594029.jpg" alt="l.jpg"></figure><figure class="image"><img src="https://knadmin.beoblood.kz/uploads/o_65b71e6bf0.jpg" alt="o.jpg"></figure>

Негізгі капиталға салынған инвестиция бойынша қызылорда өңірі республикада I орында

<a href="https://kyzylorda-news.kz/">Kyzylorda-news.kz.</a> &nbsp;Қосымша Мемлекет басшысының қоғаммен тығыз қарым-қатынас жасау тапсырмасына сай жасалды.&nbsp; Мобильді қосымшаға келіп түскен қоғамдық-саяси маңызды ұсыныстар мемлекеттік стратегиялық жұмыстарды жоспарлауға және Мемлекет басшысының «Халық үніне құлақ асатын мемлекет» Тұжырымдамасын сапалы іске асыруға мүмкіндік береді.&nbsp; Қосымшаға түскен ұсыныстар халықтың дауыс беруіне шығарылады және ең көп дауыс жинаған ұсыныстар Ұлттық құрылтайдың алдағы отырыстарының күн тәртібіне&nbsp;енгізіледі.<figure class="media"><div data-oembed-url="https://youtu.be/38ooa3SUHAA"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/38ooa3SUHAA" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

«Quryltai» мобильді қосымшасы іске қосылды 

<a href="https://kyzylorda-news.kz/">Kyzylorda-news.kz.</a> Қазақстан Республикасының Конституциялық Соты «Тұңғыш Президенті - Елбасы туралы» Конституциялық заңның күші жойылғаны жөнінде қаулы шығарды. Құжат Конституциялық Соттың ресми сайтында <a href="https://www.gov.kz/memleket/entities/ksrk/documents/details/397743?lang=kk">жарияланд</a>ы, деп хабарлайды <a href="http://ulysmedia.kz./">Ulysmedia.kz.</a>Қазақстан Республикасының Конституциялық Сот мынадай қаулы шығарды:<ol><li>Қазақстан Республикасы Конституциясының 62-бабының 4-тармағын конституциялық заңдар Конституцияда тікелей көзделген мәселелер бойынша қабылданады, бірақ бұл Конституция мәтінінде осындай деп аталған конституциялық заңдар онымен түбегейлі анықталған дегенді білдірмейді деп түсіну керек. Осы деңгейдегі заңнамалық актілерден олардың реттеу мәселелері Қазақстан Республикасының Конституциясынан алынып тасталған конституциялық заңдар шығарылып тасталуы тиіс.</li><li>2022 жылғы 5 маусымдағы республикалық референдумда білдірілген, Қазақстан Республикасының Конституциясынан 46-баптың 4-тармағы мен өзге де нормаларды алып тастау туралы Қазақстан халқының еркіне негізделе отырып, қазіргі уақытта Қазақстан Республикасының Конституциясында «Қазақстан Республикасының Тұңғыш Президенті - Елбасы туралы» Қазақстан Республикасы Конституциялық заңының Қазақстан Республикасында қолданылатын құқықта сақталуына құқықтық негіздер жоқ, деп тану қажет, осыған байланысты оның күші жойылды деп танылуға жатады.</li><li>Қазақстан Республикасы Конституциясы 74-бабының 3-тармағына сәйкес нормативтік қаулы қабылданған күннен бастап күшіне енеді, Республиканың бүкіл аумағында жалпыға бірдей міндетті, түпкілікті болып табылады және шағымдануға жатпайды.</li><li>Осы нормативтік қаулы қазақ және орыс тілдерінде ресми республикалық баспасөз басылымдарында, құқықтық ақпараттың бірыңғай жүйесінде және Қазақстан Республикасы Конституциялық Сотының интернет-ресурсында жариялансын.</li></ol>

Қазақстан және Қызылорда облысының жаңалықтары