Оқиғаның мән-жайы анықталуда және қылмыстық іс қозғалдыМаңғыстау облысындағы "Оймаша" полигонында "Батыс" өңірлік қолбасшылығы бөлімдерінің жиыны кезінде сарбаз көз жұмды, <a href="https://kyn.kz/36429/betine-o-tigen-ma-ystauda-sarbaz-k-z-zh-mdy">KYN.KZ</a> ақпарат агенттігі.&nbsp;Мәліметке сүйенсек, лагерь бойынша кезекші, гвардия лейтенантый 17:10 шамасында ПМ 9 мм тапаншасынан оқ атқан. Салдарынан тапаншаның оғы қатардағы жауынгер Марат Ерболұлы Барқұловтың бетіне тиген.&nbsp;Сарбаз жедел ауруханаға жеткізіліп, 17:40 шамасында көз жұмды. Ақтау гарнизоны баспасөз қызметінің хабарлауынша, сарбаздың өліміне себеп: қаруды дұрыс пайдаланбаған.&nbsp;Қазір оқиғаның мән-жайы анықталуда және қылмыстық іс қозғалды.Фото: kyn.kz

Бетіне оқ тиген: Маңғыстауда сарбаз көз жұмды

Оқушылар жаппай тамақтан уланып қалды. Оқиға Маңғыстау облысында Бесшоқы ауылындағы №8 мектепте орын алған. Бұл туралы&nbsp; <a href="https://www.lada.kz/aktau_news/incidents/127836-massovoe-otravlenie-detei-proizoshlo-v-odnoi-iz-shkol-mangistau.html?utm_source=telegram&amp;tg_rhash=91f4740f7704bb">Lada.kz</a>&nbsp;порталы хабарлайды.Деректерге сүйенсек,&nbsp;мектеп асханасына барған 1-4 сынып оқушылары зардап шекті.«Қарындасым мектептен келе сала, ұйықтайтынын айтты. Кешке оянған кезде жүрегі айнып, қызуы 39,2 градусқа дейін көтерілді. Біз оны Маңғыстау ауылының ауруханасына апардық», – деді бірінші сынып оқушысының ағасы.Зардап шеккен қыздың туыстарының айтуынша, жергілікті ауруханаға барған кезде ол жақта кезекте 50-ден астам бала болған. Көрші Маңғыстау ауылының медициналық мекемесі 35-40 оқушыны бақылап, кейбір зардап шеккендерді Ақтаудағы облыстық балалар ауруханасына жіберген.Маңғыстау облысының Денсаулық сақтау басқармасы 6 қыркүйек күні кешке №8 мектептің 21 оқушысының ата-аналары іштің ауыруы мен дене қызуына шағымданғанын хабарлады. Сағат 13:15-те 58 бала медициналық көмекке жүгінген. Клиникада 26 бала ем алып, 27 бала үйде бақылауға жіберілген. Тағы бесеуі ауруханаға жатқызылды.Уланудың себебін өңірдің санитарлық-эпидемиологиялық қадағалау бөлімінің қызметкерлері анықтайды.Фото: azattyq-ruhy.kz

Бастауыш сынып оқушылары жаппай тамақтан уланып қалған

Ертең V Дүниежүзілік көшпенділер ойындарының алғашқы сайысы жамбы ату өтеді. Олар 8 қыркүйекте «Қазанат» ипподромы маңындағы этноауылда бәсекеге түседі. Басталуы сағ.9.00, деп хабарлайды «Ұлттық және ат спорт түрлері орталығының» баспасөз қызметі.Спортшыларымыз Жамбы ату спорт түрінің Мажар стилі бойынша бақ сынасып, Көшпенділер ойынының алғашқы жеңімпаздары анықталатын болады. Жалпы бұл сайысқа 27 мемлекеттен 78 спортшы қатысатыны белгілі болды.Қазақстан құрамасы сапында Айтбек Сарыбай, Ералхан Айкөз, Батыр Бексауыт, Абзал Тулыбеков өнер көрсетеді. Айта кету керек, спортшыларымыз бұған дейін Әлем, Еуропа чемпионаттарында жүлделі орындарды иемденген. Жамбы ату – ат үстіндегі дәстүрлі садақ ату спорты. Дәстүрлі ат үстінде садақ ату жарысы 4 стильде өткізіледі: корей стилі, түрік стилі, венгр стилі, қазақ стилі (жамбы ату). Команда құрамында 4 спортшы болады және әр стиль бойынша бір спортшы сынға түседі. Жарыс жолының ұзындығы – 100 метр, ені – 3 метр.<img src="https://knadmin.beoblood.kz/uploads/IMG_20240907_WA_0045_c7e2e35969.jpg" alt="IMG-20240907-WA0045.jpg"><img src="https://knadmin.beoblood.kz/uploads/IMG_20240907_WA_0048_a5f5db863e.jpg" alt="IMG-20240907-WA0048.jpg"><img src="https://knadmin.beoblood.kz/uploads/IMG_20240907_WA_0049_941bd21cbb.jpg" alt="IMG-20240907-WA0049.jpg"><img src="https://knadmin.beoblood.kz/uploads/IMG_20240907_WA_0047_247a9c6450.jpg" alt="IMG-20240907-WA0047.jpg">

Дүниежүзілік көшпенділер ойындары:  Жамбы атудан алғашқы жеңімпаздар анықталады

Сарапшының сөзінше, Қазақстанда атом энергиясын пайдалану туралы заң бар. Сол заң бойынша реактордың қауіпсіздігіне пайдаланушы мекеме жауап береді. - Негізі Чернобыль мен Фукусимадағы реакторлар – II буындағы реакторлар. Қазір Қазақстанға салуды қарастырып отырған реакторлар – III буынды реакторлар. АЭС жобасы тарихта болған барлық апатты ескере отырып, жасалды. Сол себепті Фукусима мен Чернобыльдағы оқиғаның болуы 10 миллион жылға бір оқиғамен есептеледі. Демек ықтималдық өте төмен. Өйткені III+ буындағы реакторлар өте қауіпсіз. Тіпті апат бола қалған күннің өзінде реактор өзінің логикасымен, ешқандай оператордың қатысуынсыз-ақ, автоматты түрде өзін қауіпсіз жағдайға келтіре алады. Сонымен қатар Чернобыльдағы сияқты құрылғы балқып кетпес үшін 72 сағат бойы реакторды салқындатады. Негізінде III+ &nbsp;буынның артықшылығы сол, барлық қауіпсіздік жүйесі пассивті.Ерболат Қоянбаев,Әл-Фараби атындағы ғылым мен техника саласындағы Қазақстан Республикасының Мемлекеттік сыйлығы лауреаты, ҚР Ұлттық ядролық орталығының Атом энергиясы институты директорының орынбасары&nbsp;

АЭС-те апат болса, реактор өздігінен тоқтайды – Ерболат Қоянбаев

Астанада мәдениет басқармасының бұрынғы бастығы Болат Мажағұлов ұсталды, деп хабарлайды&nbsp;<a href="http://ulysmedia.kz./">Ulysmedia.kz</a>Бұл туралы журналист Михаил Козачков жазды.&nbsp; Мажағұлов &nbsp;2016 жылы "Күн" субұрқағын салу кезінде ақша жымқырды деген күдікке ілінген. 2017 жылдан бастап аталған субұрқақ апатты жағдайда.&nbsp;Тергеу барысында белгілі болғандай, жоба салық төлеушілердің&nbsp; миллиард теңгеден астам қаржысына салынған, бұл ретте мәдениет басқармасы оны мемлекеттік сатып алуларсыз іске асырған, субұрқақтың жобалау-сметалық құжаттамасы жоқ және ол мемлекеттік сараптамадан өтпеген.Кейінірек анықталғандай, субұрқақ сапасыз материалдардан жасалған, сондықтан ол тез істен шыққан.&nbsp; Тергеу жүргізіп жатқан ҚМА мәліметтері бойынша, сол кездегі Астана мәдениет басқармасы бастығының бұған тікелей қатысы бар.&nbsp; Тергеу аясында Болат Мажағұловтың&nbsp; 3 коммерциялық үй-жайына, 2 паркингке және премиум-класс үйіндегі пәтеріне шектеу қойылған.&nbsp;Іс бойынша басқа да күдіктілер бар - бұл субұрқақ салған мердігер компаниялардың өкілдері. Барлығы олардан 500 миллион теңгеден астам мүлікке тыйым салынды.Болат Мажағұлов 1983 жылы Алматыда дүниеге келген. Қазақ ұлттық музыка академиясын тәмамдаған.&nbsp;Еңбек жолын 1999 жылы Астана қаласы мемлекеттік филармониясының симфониялық оркестрінің бірінші санатты әртісі болып бастаған.&nbsp;2002 жылдан 2007 жыл аралығында Мемлекеттік филармонияда, «Ұлан» ұлттық гвардиясында, Астана қаласы Мәдениет басқармасының құрылымында жұмыс істеген.&nbsp;Кейін &nbsp;Бейбітшілік және келісім сарайын, Астана қаласы Мәдениет басқармасын, Астана қаласы Мәдениет, мұрағат және құжаттама басқармасын, Астана қаласы Мәдениет және спорт басқармаларын басқарған.

Ақша жымқырды: Астанада Болат Мажағұлов ұсталды

Астана қаласындағы «Қазмедиа» орталығында республиканың түкпір-түкпірінен жиналған мерейлі отбасыларды салтанатты марапаттау іс- шарасы өтті. Оған ҚР Парламенті Сенатының төрағасы&nbsp; М. Әшімбаев, &nbsp;Мәдениет және ақпарат министрі А. Балаева, &nbsp;Мәжіліс депутаттары, Үкімет мүшелері қатысты.Салтанаты іс- шараға Қызылорда облысынан барған Бектаевтар отбасы «Мерейлі отбасы – 2024» ұлттық конкурсының лауреаты атанды. Еңбек ардагерлері Төлеміс Бектаев ақсақал мен Сәнімкүл Әшірбекова әжейдің шаңырағынан 11 перзент өрбіген. Ауыл шаруашылығы саласындағы ұзақ жылғы ерен еңбегі үшін Жалағаш ауданының Құрметті азаматы атанған Төлеміс ақсақал «Ерен еңбегі үшін», "Еңбек ардагері" медальдарымен марапатталған. Батыр ана Сәнімкүл Әшірбекова қажырлы еңбегі үшін «Халықтар достығы» орденін иеленген.Бектаевтар әулетіндегі 11 баладан 43 немере, 66 шөбере және екі шөпшек тараған. Бұл әулеттің үлкен-кішісі еңбектің қадірін біледі және оны барша игіліктің бастауы деп санайды. Бүгінде Бектаевтар отбасы Сыр өңірінің экономикалық әлеуетін арттыруға, ауыл шаруашылығы саласының дамуына үлес қосып қана қоймай, өңірдегі &nbsp;маңызды іс-шаралар мен қоғамдық жұмыстарға белсене атсалысып келеді.

«Мерейлі отбасы – 2024» ұлттық конкурсы қорытындыланды

Kyzylorda-news.kz. Елордада 5-ші Дүниежүзілік көшпенділер ойындары аясында «Бірлік Керуені» салтанатты іс-шарасы өтті. Жиынға Туризм және спорт министрі Ербол Мырзабосынов, Астана қаласының әкімі Жеңіс Қасымбек, дүбірлі додаға қатысатын Қазақстан ұлттық құрамасының спортшылары, бапкерлер, өнерпаздар және қала тұрғындары мен қонақтары қатысты.Жиынның ашылу салтанатында сөз сөйлеген Ербол Мырзабосынов Дүниежүзілік көшпенділер ойыны секілді мәні терең, мазмұны бай жаһандық жарыстың қазақ топырағында ұйымдастырылуы зор мәртебе әрі үлкен жауапкершілік екенін, ал оның абыроймен өтуіне үлес қосуы отаншылдықтың белгісі екенін атап өтті.«Биыл еліміз 5-ші Дүниежүзілік көшпенділер ойындарын қабылдап жатыр. Бейресми түрде дүбірлі доданы Көшпенділер Олимпиадасы деп те айтады. Ал дәстүрге сәйкес, Олимпиада, Азиада, Универсиада секілді ауқымды спорттық іс-шараларда Алау эстафетасы ұйымдастырылады. Бұл – ірі жарыстардың ажырамас бөлігі. Біз осы бір игі дәстүрді қазақ халқының дәстүр-салтына лайықтап, жаңаша форматта өткізуді жөн көрдік. Көшпенділер ойындарының негізгі элементі – қасиетті нышаны су. Сондықтан бүгін еліміздің әрбір өңіріндегі қасиетті бұлақтардан алынған су арнайы керуенмен Дүниежүзілік көшпенділер ойындарының ашылу салтанатына жеткізіліп отыр», - деді Туризм және спорт министрі.Көшпенділер ойындары – Қазақстанды әлем жұртшылығына жаңа қырынан паш ететін бірегей жоба. Қазіргі таңда Ойындарға қатысушылар мен туристер дүбірлі доданы тамашалау үшін Астанаға арнайы келіп жатыр.Айта кетейік, 8-13 қыркүйек күндері елордада өтетін Дүниежүзілік көшпенділер ойындарына 90-ға жуық мемлекеттен 2700-ден астам спортшы қатысады. Олар 21 спорт түрінен 97 медаль жиынтығы сарапқа салады.<img src="https://knadmin.beoblood.kz/uploads/IMG_20240907_WA_0005_e431357bd0.jpg" alt="IMG-20240907-WA0005.jpg"><img src="https://knadmin.beoblood.kz/uploads/IMG_20240907_WA_0001_2bd40774b5.jpg" alt="IMG-20240907-WA0001.jpg"><img src="https://knadmin.beoblood.kz/uploads/IMG_20240907_WA_0006_85a5654a52.jpg" alt="IMG-20240907-WA0006.jpg"><img src="https://knadmin.beoblood.kz/uploads/IMG_20240907_WA_0003_ce0662ecc6.jpg" alt="IMG-20240907-WA0003.jpg"><img src="https://knadmin.beoblood.kz/uploads/IMG_20240907_WA_0002_93b411a20e.jpg" alt="IMG-20240907-WA0002.jpg"><img src="https://knadmin.beoblood.kz/uploads/IMG_20240907_WA_0004_2144a5f65f.jpg" alt="IMG-20240907-WA0004.jpg">

Өңірлерден басталған «Бірлік Керуені» елордаға жетті

<a href="https://kyzylorda-news.kz/">Kyzylorda-news.kz</a> Сыбайлас жемқорлықпен күресу еліміздің бүгінгі күнгі күрделі мәселелерінің бірі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қайсын болмасын да қатты алаңдататыны айқын.&nbsp;Сыбайлас жемқорлықтың мемлекеттің бәсекеге қабілеттілігін едәуір төмендететіні, қоғамда демократиялық қайта құруларды жүзеге асыруды тежейтіні, елдің халықаралық беделіне көлеңке түсіретіні белгілі. Ең бастысы — адамдардың қоғамның демократиялық негізіне деген сеніміне, заң мен әділдікке деген сеніміне, түптеп келгенде, билікке деген сеніміне кері әсер ететіні хақ.&nbsp;Сыбайлас жемқорлыққа қарсы стретегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру болып табылады. «Сыбайлас жемқорлыққа қарсы іс-қимыл туралы» Қазақстан Республикасының Заңында «сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі» деп түсіндіріледі.Яғни, сыбайлас жемқорлыққа қарсы мәдениет – бұл адамның саналы және адамгершілікпен сыбайлас жемқорлыққа қарсы тұру қабілеті. Тұлғаның сыбайлас жемқорлыққа қарсы мәдениеті дегеніміз, ол сол тұлғаның қоғам қауіпсіздігіне және игілігіне сыбайлас жемқорлықтың зияны туралы білімін қамтитын қасиеті. Ол индивидтің жай ғана сыбайлас жемқорлықты төзбеуі ғана емес, сонымен қатар оны жоюға, онымен күресуге талпынуы болып табылады.«Сыбайлас жемқорлыққа қарсы іс-қимыл туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Әсіресе, халық парақорлық дертімен жиі бетпе-бет келеді. Сыбайлас жемқорлықпен күресті жеке қарау мүмкін емес. Сондықтан, кез келген ортада пара беру мен пара алудың жолын кесуде қоғам болып белсенділік танытуымыз қажет.Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың дендеуіне септігін тигізуде. Қазақстан Республикасы 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңының талаптарын орындау мақсатында Қызылорда облысы бойынша ішкі мемлекеттік аудит департаменті сыбайлас жемқорлықтың алдын алу бойынша жұмыстар үнемі тұрақты түрде &nbsp;жүргізілуде.Қызылорда облысы бойынша ішкі мемлекеттік аудит департаментінде сыбайлас жемқорлыққа қарсы іс-қимыл жөніндегі 2024 жылға арналған іс-шаралар жоспарына сәйкес жыл басынан бастап, сыбайлас жемқорлықтың алдын алу, мемлекеттік қызметшілердің Әдеп кодексі бойынша құқықтық оқытулар, семинар сабақтары ұйымдастырылып өткізілуде. Бұқаралық ақпарат құралдарында сыбайлас жемқорлықтың алдын алу және оған жол бермеу тақырыбында мақалалар жарияланды. Сондай-ақ, әлеуметтік желілерде (facebook, Instagram) мақалалар үнемі жарияланады.Жеке және заңды тұлғалардың өтініштерін уақытылы және сапалы қарау қадағаланып, барлық өтініштер белгіленген мерзімде қаралады.&nbsp;Департаменттің мемлекеттік қызметшілері арасында сыбайлас жемқорлық құқық бұзушылықтарды уақтылы анықтау және жолын кесу үшін мамандар арасында заңсыз әрекеттеріне жеке және заңды тұлғалардың шағымдары үшін арнайы жәшік орнатылған, сондай-ақ «Сенім» (8/7242/233-809) телефоны жұмыс жасайды. Мамандар арасында сыбайлас жемқорлықтың алдын алу жұмыстары үнемі бақылауға алынған. Қазақстан Республикасының әр азаматы сыбайлас жемқорлыққа қарсы мәдениетті қалыптастыра білсе еліміздің дамуы бұданда биік дәрежеге көтерілетіні хақ. Жалпы, кез-келген қызметкер өз отбасында, әріптетерінің арасында осы бір қағидаларды ұран қыла білсе, бұл індеттің түбімен жойылатыны анық.Әрбір қоғам дамуының жақсы жағымен қатар көлеңкелі тұсы да қатар жүретіндіктен, елдің әлеуметтік хал-ахуалының жақсарып, экономикалық жоғары даму деңгейіне жетуді, халқымыздың демографиялық өсіп-өнуін көздеген шаралар жасалынып жатқан кезде, алға басқан қадамды кейін тартып, дамуымызға тежеу болып отырған сыбайлас жемқорлықпен күресті күшейту — әрқайсымыздың азаматтық борышымыз болып табылады.Т.Абенов,ҚР ҚМ ІМАК Қызылорда облысы бойынша ішкі&nbsp;мемлекеттік аудит департаменті басшысының орынбасары &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp;

Сыбайлас жемқорлықпен күрес – қоғам талабы

<a href="https://kyzylorda-news.kz/">Kyzylorda-news.kz</a> Күні кеше Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм»атты Қазақстан халқына Жолдауында 6 қазандаАЭС салу бойынша жалпыұлттықреферендумөткізілетіндігін жеткізді.Біз, Қызылорда халықаралық «Невада – Семей» қозғалысының облыстық бірлестігінің мүшелері Президентіміздің референдум өткізу бойынша ұсынысын қолдаймыз және Атом электр станциясын салу қазіргі жағдайда еліміз үшін өте маңызды деп білеміз!!!Бүгінде Атом энергетикасы тұрақты және экологиялық таза энергиямен қамтамасыз етуде шешуші рөл атқарады. Жаһандық жылыну және дәстүрлі энергетикалық ресурстардың сарқылуы жағдайында атом электр станциялары көміртегі шығындарын азайтудың және сенімді энергетикалық инфрақұрылымды қамтамасыз етудің тиімді әдісін ұсынады.Ресурстары мол және электр энергиясына қажеттілігі артып келе жатқан Қазақстан үшін атом электр станциясын салу стратегиялық маңызды қадам.Біз, Семей ядролық полигонында әскери борышын өтеген «Атом солдаттары», әскери мақсаттағы атом мен бейбіт атомның аражігін жақсы түсінеміз және бүгінгі таңда атом электр станциясының құрылысы елдің тұрақты дамуы мен энергетикалық тәуелсіздігін қамтамасыз ету қажеттілігі ретінде қабылдаймыз.Біз, атом электр станциялары қазба энергия көздеріне тәуелділікті азайтып ғана қоймай, жаңа технологияларды дамытуға және жаңа жұмыс орындарын құруға ықпал ететіндігіне сенеміз.Біз, ядролық апатқа қарсы қозғалысының мүшелері елімізде атом энергетикасын дамытудағылыми зерттеулер мен технологиялық инновациялардың әлеуеті жоғары екеніне сенеміз.Біз, елімізде атом электр станциясының салынуын қолдау, бұл тұрақты болашаққа деген ұмтылыс пен энергетикалық және экологиялық шешімдердің заманауи жолы деп білеміз.Біз, ядролық апатқа қарсы халықаралық «Невада – Семей» қозғалысының облыстық бірлестігінің мүшелері елімізде Атом электр станциясын салуды қолдаймыз!!!<img src="https://knadmin.beoblood.kz/uploads/5_379c972b45.jpg" alt="5.jpg"><img src="https://knadmin.beoblood.kz/uploads/6_3d156002ba.jpg" alt="6.jpg"><img src="https://knadmin.beoblood.kz/uploads/7_1462e3aa91.jpg" alt="7.jpg"><img src="https://knadmin.beoblood.kz/uploads/9_9508651af6.jpg" alt="9.jpg">Қызылорда облысы бойынша&nbsp;«Қызылорда «Невада-Семей» қоғамдық бірлестігінің төрағасы&nbsp;С.Ы. Әбіш және «Атом солдаттары»Қызылорда,3 қыркүйек, 2024 жыл.

Халықаралық «Невада – Семей» қозғалысының облыстық бірлестігі мүшелерінің ҮНДЕУІ

<a href="https://kyzylorda-news.kz/">Kyzylorda-news.kz</a> &nbsp;Жиынды партияның облыстық филиалының төрағасы Алмасбек Есмаханов ашып, штаб жұмысының мақсат міндетін түсіндіріп өтті.&nbsp;<blockquote>«4 қыркүйек күні Астана қаласында беделді саяси және қоғамдық ұйымдар АЭС салуды қолдау жөніндегі Халықтық штабқа бірікті. Оның құрамына «AMANAT», «Ақ жол», «Қазақстан халық партиясы», «Ауыл», «Respublica», «Байтақ» партиялары мен 20-ға жуық республикалық қоғамдық бірлестіктер еніп, өз жұмысын бастады. Бұл ұйымдар ел аумағындағы миллиондаған адамның мүддесін білдіруде.Басты мақсат – ел арасында кең ауқымды түсіндіру жұмыстарын жүргізіп, қоғамды АЭС-ті қолдауға жұмылдыру. Қазіргі уақытта Қазақстан электр энергиясының тапшылығын сезінуде және оны көрші елдерден импорттауға мәжбүр екенін бәрі білуге тиіс. Осы тапшылық жаңа өндірістердің іске қосылуына, жұмыс орындарын құруға тікелей әсер етіп, бизнестің дамуына кедергі келтіруде. Бұған жол беруге болмайды. Осы мәселені шұғыл әрі түбегейлі шешу керек.АЭС салу туралы шешімді қабылдай отырып, біз еліміздің энергетикалық тәуелсіздігін біржолата бекітеміз. Болашақ ұрпаққа энергетикалық тұрғыдан тәуелсіз, яғни экономикасы тұрақты және өркендеген Қазақстанды мұра етіп қалдырамыз. Бұл тарихи шешім Әділетті Қазақстанды құру жылнамасындағы жаңа парақшаға айналады»,- деді Алмасбек Есмаханов.</blockquote>Атап өтейік өңірде референдум тақырыбын халыққа түсіндіретін 374 адамнан тұратын 9 штаб құрылып, топ басшылары белгіленді. Оның құрамына аймақтағы 6 партия өкілдері, қоғам қайраткерлері мен белсенділері, үкіметтік емес ұйымдар, түрлі сала өкілдері енгізілді. Жиынға барлық штаб мүшелері оффлайн және онлайн форматта қатысып, алдағы міндеттерді пысықтады. Ортақ мүдде жолындағы ұсыныс пікірлерімен бөлісіп, бірлесе жүйелі ұйымдастырылған жұмыс өз нәтижесіне беретініне сенім білдірді.&nbsp;<img src="https://knadmin.beoblood.kz/uploads/2_802cb53983.jpg" alt="2.jpg"><img src="https://knadmin.beoblood.kz/uploads/3_3496326086.jpg" alt="3.jpg"><img src="https://knadmin.beoblood.kz/uploads/4_494bccdf3d.jpg" alt="4.jpg">

АЭС: Түсіндіру жұмыстары жүргізіледі

<a href="https://kyzylorda-news.kz/">Kyzylorda-news.kz</a> &nbsp;"Қазгидромет" РМК синоптиктері демалыс күндері – 2024 жылдың 7 және 8 қыркүйегіне арналған республика бойынша ауа райы болжамын ұсынды. Мамандардың айтуынша, қазақстандықтар ауа райының қолайсыздығына дайындалу керек, деп хабарлайды Zakon.kz.Синоптиктердің болжамынша, Қазақстанның басым бөлігінде тұрақсыз ауа райы сақталады.Мәселен, оңтүстік облыстарда жаңбыр жауып, найзағай ойнайды.<blockquote>"7 қыркүйекте республиканың солтүстігінде, оңтүстігінде және оңтүстік-шығысында қатты жаңбыр жауады. Республиканың шығысы мен оңтүстік-шығысындағы таулы аймақтарда — жаңбыр, қар жауады"."Қазгидромет" РМК баспасөз қызметі</blockquote>

Алдағы күндерге арналған ауа райы болжамы 

<a href="https://kyzylorda-news.kz/">Kyzylorda-news.kz</a>&nbsp; Елімізде күзгі әскерге шақыру науқаны желтоқсан айына дейін жалғасады. Бұл туралы Stan.kz ақпарат агенттігі хабарлайды.Күзгі әскерге шақыру науқаны кезінде Қазақстан армиясының қатары 20 мыңнан астам сарбазбен толығады. Мерзімді әскери қызметке шақыруды кейінге қалдыруға немесе босатуға негіздері жоқ 18 жастан 27 жасқа дейінгі азаматтар шақырылады.Қорғаныс министрлігінің мәліметінше, сарбаздарды әскерге шақыру кезінде:Қарулы күштердің; Ішкі істер министрлігі Ұлттық ұланының; Ұлттық қауіпсіздік комитеті Шекара қызметінің; Төтенше жағдай министрлігінің; Мемлекеттік күзет қызметінің бөлімшелері жасақталады.<blockquote>“Биыл сарбаздарға арналған артықшылықтар заң жүзінде бекітілді. Оларға қызмет ету кезеңінде және әскерден босатылғаннан кейін екі ай уақытқа несиелік демалыс беріледі. Елімізде 6 мыңнан астам әскери қызметшінің 1 млрд 828 млн теңге сомасындағы төлемдері кейінге шегерілді. Отан алдындағы борышын өтеген азаматтарға студенттік жатақханадан орын беріледі. Сондай-ақ әскерде қызмет еткен мың жарымнан астам азамат жоғары оқу орындарына тегін, ал ақылы бөлімге 700-ден ер азамат оқуға түсті. Биыл көктемде запасқа шығарылған 400-ден астам әскери қызметкер келісімшарт бойынша әскери қызметке орналасты, – делінген хабарламада.</blockquote>Еске салайық, қалалық және аудандық шақыру комиссиялары жергілікті атқарушы органдар әкімдерінің орынбасарларының төрағалығымен жұмыс істейді. Шақыру науқаны ашық форматта өтеді. Әр қорғаныс істері жөніндегі департаментінде "жедел желі" ашылған, сонымен қатар сұрақтарды әлеуметтік желілердегі ресми аккаунттар арқылы да қоюға болады.Фото: Қорғаныс министрлігі

Қазақстан және Қызылорда облысының жаңалықтары