<a href="https://kyzylorda-news.kz/">Kyzylorda-news.kz</a> Бүгін республикалық және өңірлік коалиция өкілдері Мархабат Жайымбетов, Мақсұт Нәлібаев, Нұридин Әмитов, Гүлшат Мұсаева, Әлібек Жаппасбаев және Арайлым Байжігітова қалалық аурухананың ұжымымен кездесіп, Қазақстан Республикасының жаңа Конституция жобасының мазмұны мен маңызын жан-жақты түсіндірді.Ақ халатты абзал жандар ел өміріндегі маңызды саяси науқандарға әрдайым белсенді қатысып келеді. Сондықтан да медицина саласы қызметкерлерімен өткізілген бұл кездесу – қоғамның маңызды бөлігінің пікірін ескеру тұрғысынан ерекше мәнге ие.Жаңа Конституция жобасы – мемлекеттің құқықтық және саяси жүйесін заман талабына сай жетілдіруге бағытталған ауқымды құжат. Ол билік тармақтарының өзара тепе-теңдігін нақтылауды, азаматтардың құқықтары мен бостандықтарын қорғау тетіктерін күшейтуді және мемлекеттік басқару құрылымын тиімді етуді көздейді. Конституциялық өзгерістердің басты мақсаты – «Күшті Президент – ықпалды Парламент – есеп беретін Үкімет» қағидатын институционалдық тұрғыдан бекіту.Басқосуда республикалық коалиция мүшесі, мәжіліс депутаты Мархабат Жайымбетов жобаға сәйкес, адам және оның өмірі, құқықтары мен бостандықтары мемлекеттің ең жоғары құндылығы ретінде айқындалады. Азаматтардың заң алдындағы теңдігі, сот төрелігінің тәуелсіздігі және құқық қорғау жүйесінің ашықтығы – жаңа редакциядағы негізгі басымдықтардың бірі. Сонымен қатар, Конституциялық Сот институтының енгізілуі азаматтардың өз құқықтарын тікелей қорғау мүмкіндігін кеңейтеді. Бұл – құқық үстемдігін қамтамасыз етудегі нақты қадам екенін атап өтті.Сондай-ақ, Парламенттің рөлі күшейтіліп, заң шығару үдерісіндегі жауапкершілігінің артуы, Мәжіліс депутаттарының бір бөлігі бірмандаттық округтер арқылы сайлануы халық пен сайланған өкіл арасындағы тікелей байланысты нығайтатындығы жайлы айтты. «Бұл демократиялық институттардың ашықтығын арттырып, қоғамдық бақылауды күшейтуге мүмкіндік береді», – деді ол.Өңірлік коалиция мүшесі Мақсұт Нәлібаев әлеуметтік бағыттағы нормалар да жаңа жобада кеңінен көрініс тапқанын атап өтті.<blockquote>«Ата заң жобасында халықтың тұрмысына қажетті жер және оның қойнауы, су көздері, өсімдіктер мен жануарлар дүниесі халыққа тиесілі екені нақты айқындалған. Сонымен бірге, мемлекет азаматтардың денсаулығын сақтауға, сапалы білім алуға және әлеуметтік қамсыздандыруға кепілдік беретін нормалар нақтыланады. Яғни, «адам мемлекет үшін емес, мемлекет адам үшін» деген қағидат жаңа Конституция жобасында берік орныққан», – деді ол.</blockquote>Жаңа Конституция жобасынан әрбір азамат өзін толғандырған сұрақтарға жауап таба алады. Оның негізінде «адам мемлекет үшін емес, мемлекет адам үшін» деген қағидат берік орнықты.Коалиция өкілдері жаңа Конституция жобасының әрбір нормасы қоғамның сұранысы мен ұсынысы негізінде әзірленгенін айтты. Облыстық мәслихат депутаты Гүлшат Мұсаева Жалпыұлттық талқылау барысында азаматтардан мыңдаған ұсыныс түсіп, олардың ескерілуі, реформаның ашықтық және жариялылық қағидаттарына сүйенгенін дәлелдейді,- деді.Әлібек Жаппасбаев Конституция жобасында алғаш рет адами капитал – білім, ғылым және инновация стратегиялық басымдық деңгейінде бекітілгенін атап өтті.Қалалық аурухана ұжымымен болған жүздесу өзара пікір алмасу форматында өтті. Медицина қызметкерлері конституциялық өзгерістердің әлеуметтік салаға ықпалы, денсаулық сақтау жүйесінің құқықтық негіздері жөнінде сұрақтар қойып, нақты жауаптар алды. Мұндай кездесулер азаматтардың саяси сауаттылығын арттырып қана қоймай, ел болашағына бейжай қарамайтын белсенді азаматтық ұстанымды қалыптастыруға ықпал етеді.

Жаңа Конституция жобасы – қоғамдық келісім мен құқықтық жаңғыру негізі

<a href="https://kyzylorda-news.kz/">Kyzylorda-news.kz</a>&nbsp; «Бүгінгі жастар кітап оқымайды деу»– жаңсақ пікір. Иә, заман ағымы өзгерді, уақыттың басым бөлігі ғаламтор мен әлеуметтік желіге кететіні рас. Бірақ соған қарамастан, кітапты өмірінің бір бөлігіне айналдырған жастар аз емес. Қазір жастар тек бір бағытпен шектелмейді. Бірі классиканы оқыса, бірі психологиялық немесе тарихи кітаптарға қызығады. Ең бастысы&nbsp;–&nbsp;олардың ізденіс үстінде болуы.Бүгінде кітап клубтарының көбеюі де жастардың әдеби ортаға бет бұра бастағанын көрсетеді. Осындай ортаның бірі&nbsp;– «Kitap Qurttary» кітап клубы. Бұл клубтың бүгінде көп жастың кітапқа деген қызығушылығын оятты.«Kitap Qurttary» кітап клубының негізін қалаушы Талғат Меңдібаевтың&nbsp;айтуынша, клубқа өздері іздеп, арнайы келетіндер қатары көп.<img src="https://knadmin.beoblood.kz/uploads/Tal_at_Me_dibaev_84a6163e31.webp" alt="Талғат Меңдібаев.webp"><blockquote>«Біздің кітап клубында нақты тұрақты қатысушылар саны жоқ, жастар әртүрлі уақытта келіп-кетіп жатады. Көбіне классикалық шығармаларды оқимыз. Нақты бір бағыттағы немесе бір ғана кітапты тұрақты түрде талқылаймыз деп айта алмаймын. Дегенмен, біз мотивациялық және психологиялық әдебиеттерден гөрі әлемдік классикаға, қазақ әдебиетіне, сондай-ақ Алаш зиялылары мен тарихи тұлғалар туралы еңбектерге көбірек көңіл бөлеміз. Қазіргі таңда тұлғалық даму мен тарихи танымға қатысты кітаптар да жиі оқылады.Орта есеппен алғанда, бір ай ішінде 4 кітап оқуға болады деп есептеймін. Негізгі норма&nbsp;– аптасына 1 кітап оқу. Егер кітап шағын болса, кейбір адамдар айына 5-6 кітапқа дейін оқып үлгереді. Ал өз басым айына кем дегенде 1 кітап, мүмкіндігінше 2 кітап оқуға тырысамын.Оқуға ұсынар кітаптарыма келсек, ең алдымен «Қазақтың шешендік сөздер жинағын» міндетті түрде оқуға кеңес бермін. Одан кейін Әбдіжәміл Нұрпейісовтің «Қан мен тер» және «Соңғы парыз» романдарын ұсынар едім. Сондай-ақ Джон Стейнбектің «Гроздья гнева», «О мышах и людях», Теодор Драйзердің «Американская трагедия» шығармаларын оқуға болады. Детектив жанрын ұнататындарға Ю Несбё мен Ли Чайлдтың кітаптарын, ал отбасылық құндылықтарды, адамның жарық әлемнен қараңғылыққа қарай бет алуын терең суреттейтін шығарма ретінде Марио Пьюзоның «Өкіл әке» романын ұсынар едім», – дейді&nbsp;Талғат Меңдібаев бізбен әңгімесінде.</blockquote>Талғат Меңдібаевтың пікірінен байқағанымыздай, қазіргі жастар жеңіл-желпі мотивациялық кітаптардан гөрі терең мазмұнды, классикалық және тарихи шығармаларға көбірек ден қояды. Бұл&nbsp;– жастардың рухани ізденісінің белгісі.Кітапқа қызығушылық көбіне отбасынан басталады. Бұған «Ақмешіт жастар» газетінің тілшісі Аружан Оралбайдың пікірі дәлел бола алады.«Ақмешіт жастар» газетінің тілшісі Аружан Оралбай көп кітап оқитын жастардың бірі. Оның ерекшелігі ол өзіңе ұнаған кітапты тапсырыс беріп сатып алады. Бүгінде Аружанның өз кітап қоры бар.<img src="https://knadmin.beoblood.kz/uploads/Aruzhan_Oralbaj_3842cf59a9.jpg" alt="Аружан Оралбай.jpg"><blockquote>«Дәл қазір жеке кітапханамда 150-ге жуық кітап бар. Ең алғаш бастауыш сыныпта Оспанхан Әубәкіровтың “Жабақ туралы әңгімелер” кітабын оқығаным есімде. Кітапқа деген қызығушылығым анамның жеке кітапханасынан бастау алған болуы керек. Анам мұғалім, студенттік шағынан жинаған кітаптары бір қабырғаны толтырып тұратын. Бертін келе бұл әдет менде де қалыптасты. Тіпті, кітапханадан алған кітабым ұнап қалса, оны сатылымнан іздеп, жеке кітапханама қосқым келіп тұрады.Әркімнің талғамы әртүрлі. Сондықтан ұсынысқа сүйеніп кітап таңдаған кезім өте сирек. Дегенмен, Төлен Әбдіктің “Парасат майданы” шығармасын ерекше атап өткім келеді. Сондай-ақ “Оң қол”, “Тұғыр мен ғұмыр”, “Тозақ оттары жымыңдайды”, “Әке”, “Ақиқат” туындыларының философиялық астары терең. Дулат Исабековтің “Бекет”, “Қарғын”, “Қар қызы” шығармаларын да ұсынар едім. Қазіргі қазақ қаламгерлерінен Қанат Әбілқайырдың “Ағыраптағы аты жоқ адам”, Мақсат Мәліктің “Абыл мен Қабыл”, Қанат Тілеуханның “Шатырдағы әйел” романдарын оқуға кеңес беремін. Әйелдер прозасынан Сәуле Досжаның "Үлкен үйдегі үрей", "Қасірет пен тағдыр", Лира Қоныстың "Шаһарбанудың сыңсуы", "Құлпынай қосылған балмұздақ", "Мәңгілік сағыныш", Аягүл Мантайдың "Уақыттың көз жасы" атты кітаптарын ұсынар едім. Бұл қаламгерлердің шығармашылығында мистика да, махаббат та, Құдай жайлы толғаныс, қыз тағдыры мен әйел ғұмыры да қозғалады. Психологиялық, философиялық аспектілер де бар. Айта берсем көп... Өзің оқыған дүниені өзгеге ұсыну, талдау, талқылау&nbsp;– тіпті қызық», – деді Аружан.</blockquote>Аружанның сөзінен қазіргі жастар арасында заманауи қазақ әдебиетіне, философиялық және психологиялық тереңдігі бар шығармаларға қызығушылық жоғары екенін көруге болады.Жастардың кітап оқу мәдениеті туралы айтқанда, студенттердің пікірі де маңызды. Себебі студенттік кезең&nbsp;– тұлғалық қалыптасудың ең белсенді шағы. Сондықтан да болар студенттермен дидарласып олардың да пікіріне сүйенуді жөн көрдік. 4-курс студенті &nbsp;Нұрай Арманқызы бос уақытында кітап оқығанды ұнатады.<ul><li><img src="https://knadmin.beoblood.kz/uploads/99d38cd6_19bd_4eca_a3e5_52d1e66f273a_28aed1bf13.jpg" alt="99d38cd6-19bd-4eca-a3e5-52d1e66f273a.jpg"></li></ul><blockquote>«Соңғы уақытта Мұхтар Әуезовтің “Қараш-Қараш оқиғасы” повесін оқыдым. Бұл кітаптың маған ұнаған ерекшелігі&nbsp;– әділетсіздік пен адам тағдырын өте терең, шынайы көрсетуі. Бақтығұлдың ішкі күйзелісі, қоғамдағы теңсіздік, адамның ашу-ыза мен намыс арасында қалуы қатты ойландырды. Әуезовтің тілі көркем, оқыған сайын оқиғаға еніп кетесің, кейіпкерлер тірі адамдай сезіледі. Сол үшін бұл шығарма ерекше әсер қалдырды.Кітап оқуға күніне орта есеппен 30-40 минут уақыт бөлуге болады деп ойлаймын. Студент болған соң сабақ, тапсырма көп, бірақ күн сайын аз-аздан оқып отырсаң, әрі пайдалы, әрі әдетке айналады. Кейде демалыс күндері 1 сағаттай оқуға тырысамын. Жалпы, қазақша кітаптары тек әдебиет емес, тәрбие мен өмірлік ой береді, сондықтан студент кезден бастап оқыған өте маңызды деп есептеймін», – дейді ол.</blockquote>Бүгінгі жастар әртүрлі жанрдағы кітаптарды оқиды. Классика, заманауи проза, тарихи еңбектер, детектив пен философиялық шығармалар&nbsp;– барлығы да сұранысқа ие. Кітап&nbsp;– тек білім көзі ғана емес, рухани тәрбие құралы. Оқитын ұрпақ&nbsp;– ойлы ұрпақ.Аяжан МахамбетәліҚорқыт ата атындағыҚызылорда университетінің 4 курс студентіФото: freepik.com

Жастардың кітап оқуға деген көзқарасы қандай? 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Даму» кәсіпкерлікті қолдау қоры» АҚ басқарма төрағасы Фархат Сарсекеевпен кездесті. Кездесуде мемлекеттік қолдау шаралары арқылы инвестициялық жобаларды жүзеге асыру мәселесі талқыланды.<blockquote>«Биыл Мемлекет басшысының тапсырмасына сәйкес, микро және шағын бизнес үшін «Іскер аймақ» бағдарламасы жүзеге асырылуда. Бағдарлама аясында қолдау көрсетілетін экономиканың басым секторларына қоса, әкімдік өз тарапынан өңір үшін негізгі салалардың тізбесін әзірлеп, Ұлттық экономика министрлігіне ұсынды. Аймағымызда өңірлік бағдарламаның жүзеге асырылуы жолға қойылған. Әсіресе ауылдық жерлердегі микро және шағын бизнесті қолдау бағытында «Қызылорда» өңірлік инвестициялық орталығы тиімді жұмыс жасауда. Соңғы он жылдан астам уақытта бұл орталық бизнестің 2 900-ға жуық жобасын 16 млрд 481 млн теңгеге қаржыландырды, 3 мыңнан аса жұмыс орны құрылды. Орталыққа бюджет қаржысымен қатар, «Даму» қоры «Аграрлық несиелік корпорациясы» арқылы 6 млрд &nbsp;300 млн теңге қаржы тартылды. Осы оң тәжірибені одан әрі жалғастырып, бағдарламаны «Қызылорда» өңірлік инвестициялық орталығы арқылы жүзеге асыруды жалғастырамыз», – деді Н.Нәлібаев.</blockquote>Айта кетейік, аймақта кәсіпкерліктің даму қарқыны жоғары. Қазіргі таңда оның экономикадағы үлесі 20,5 пайыз, кәсіпкерліктің тұрақты дамуына мемлекеттік қолдаудың жүйелі шаралары оң ықпал етті. Былтыр жеке кәсіпкерліктің 2 929 жобасына 61 млрд 100 млн теңге көлемінде қаржылай қолдау көрсетілді. Оның ішінде жалпы несие портфелі 16 млрд 100 млн теңге болатын 210 жобаға субсидия беріліп, 214 жобаға кепілдік ұсынылды. Сонымен қатар, қаржы институттары арқылы өңдеу өнеркәсібін дамытуға бағытталған «Өрлеу» бағдарламасы аясында 51 жоба 10 млрд 428 млн теңгеге қаржыландырылды.Аталған қолдау шаралары өңірдің инвестициялық әлеуетін арттырып, жаңа жобаларды іске асыруға мүмкіндік берді. Биыл жеке кәсіпкерлікті қаржылай қолдауға бюджеттен 13 млрд 300 млн теңге қарастырылды. Оның ішінде банк несиелерін субсидиялау мен кепілдендіруге жергілікті бюджеттен 2 млрд 300 млн теңге бөлінді.

Инвестициялық жобаларды жүзеге асыру мәселесі талқыланды

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Қарулы күштерінде Десанттық-шабуылдау әскерлерінің жауынгерлік әзірлігі қауырт тексеріліп жатыр. Қорғаныс министрі авиация генерал-лейтенанты Дәурен Қосановтың басшылығымен ұйымдастырылған бұл шара құрамалар мен әскери бөлімдерге жүктелген міндеттерді орындау қабілетін бағалауға бағытталған.Кең ауқымды инспекция осы жылдың 19 ақпанына дейін жалғаспақшы. Тексеру аясында полигондарда оқу-жауынгерлік тапсырмалар кешенін орындау да көзделген. Бөлімшелер жауынгерлік даярлықтың межелі деңгейіне келтіріліп, белгіленген аудандарға жіберіледі.Тексеру барысында негізгі жауапкершілік Десанттық-шабуылдау әскерлерінің қолбасшысына жүктеледі. Ол бөлімшелердің белгіленген аудандарда уақытында шұғыл орналасуын және дайындық кезеңінде де, жауынгерлік оқу-жаттығу іс-қимылдары барысында да үздіксіз басқарылуын қамтамасыз етуі тиіс.Жеке құрам үш күн бойы роталық тактикалық топпен өткізілетін тактикалық жаттығу аясында практикалық іс-қимылды пысықтайды. Жаттығу жоспарына қарай бөлімшелер елдімекендерді заңсыз қаруланған шартты топтардан тазарту міндеттерін орындайды. Одан бөлек жауынгерлік техниканың жарағы мен атыс қаруынан оқ ату жүргізіледі.Әскери қызметшілер сондай-ақ, жауынгерлік даярлықтың негізгі пәндерінен де сынақ тапсырады. Әсіресе дене даярлығы, штаттық қарудан атыс жүргізу дағдылары, тактикалық медицина, байланыс құралдарымен жұмыс және өзге де бейіндік пәндер бойынша даярлық деңгейі жіті назарға алынатын болады.Қорғаныс министрі жеке құрамның жан-жақты даярлығын қамтамасыз ету, жарғы қағидаларын қатаң сақтау және қару-жарақ пен әскери техниканы қолдану кезінде қауіпсіздік шараларын мүлтіксіз орындау қажеттігін атап өтті.Тексеру соңында Десанттық-шабуылдау әскерлерінің өздеріне жүктелген міндеттерді орындауға дайындығы кешенді түрде бағаланады.

Кенеттен тексеріс: Десанттық-шабуылдау әскерлері дабылмен көтерілді

<a href="https://kyzylorda-news.kz/">Kyzylorda-news.kz</a> &nbsp;«Тәуелділіксіз болашақ: Есірткіге қарсы акциялар Қызылорда облысының мектеп оқушыларын біріктірді». Қызылорда облысының Полиция департаменті Есірткі қылмысына қарсы іс-қимыл басқармасының ұйымдастыруымен ауқымды есірткіге қарсы акциялар өтті. Іс-шаралардың басты мақсаты – жастар арасында есірткіге деген теріс көзқарасты қалыптастыру және салауатты өмір салтын насихаттау.Акциялар аясында өңірдегі білім беру ұйымдарында мазмұнды әрі әсерлі бағдарламалар ұйымдастырылды. Есірткіге қарсы үгіт-насихат бригадалары өнер арқылы өз қатарластарына денсаулықтың қадірін, саналы таңдау жасаудың маңыздылығын және болашаққа жауапкершілікпен қарау қажеттігін жеткізді. Шара барысында тақырыптық би және театрландырылған қойылымдар көрсетіліп, әндер орындалды, әлеуметтік бейнероликтер ұсынылды, ақпараттық-түсіндірме материалдары таратылды.<img src="https://knadmin.beoblood.kz/uploads/upn_4_3074bcb4f8.jpeg" alt="упн 4.jpeg">Белсенділік танытқан қатысушылар мен ұжымдарға алғыс хаттар табысталып, олардың есірткі құқық бұзушылықтарының алдын алу бағытындағы еңбектері жоғары бағаланды.Ұйымдастырылған іс-шараларға 1500-ден астам көрермен, ұйымдастырушы және қатысушы келді. Бұл атқарылып жатқан жұмыстың өзектілігі мен қоғамдық маңыздылығын айқындайды.<img src="https://knadmin.beoblood.kz/uploads/upn_e1b351d995.jpeg" alt="упн .jpeg">Ең үздік есірткіге қарсы акцияларды: Шиелі ауданының №49 орта мектебі, Қармақшы ауданының №№99, 144, 183, 30 орта мектептері және Қазалы ауданының №25 орта мектебінің оқушылары дайындады. Олар креативтілігімен, шынайылығымен және терең әлеуметтік мазмұнымен ерекшеленді.<img src="https://knadmin.beoblood.kz/uploads/upn_2_e7c0375a7c.jpeg" alt="упн 2.jpeg">Өткізілген акциялар жас ұрпақтың санасында салауатты өмір салтын қалыптастыруға бағытталған профилактикалық жұмыстардың маңызды бөлігіне айналып, болашағын жарқын етіп көргісі келетін жастардың таңдауы — денсаулық пен жауапкершілік екенін тағы бір мәрте дәлелдеді.

Қызылорда облысында есірткіге қарсы ауқымды акциялар өткізілді

<a href="https://kyzylorda-news.kz/">Kyzylorda-news.kz</a> &nbsp;2026 жылдың 15 наурызында Республикалық референдум өтеді.Референдумға қатысу құқығына 18 жасқа толған Республика азаматтары ие болады. Референдум ерікті қатысу, еркін ерік білдіру, сондай-ақ азаматтардың жалпыға бірдей, тең, тікелей және жасырын дауыс беру қағидаттарына сай өтеді. Референдумда&nbsp;«Жобасы бұқаралық ақпарат құралдарында 2026 жылғы 12 ақпанда жарияланған Қазақстан Республикасының жаңа Конституциясын қабылдайсыз ба?»деген сауал қойылды.Әрқайсымыздың дауысымыз маңызды!

№1 Модуль «Референдум тағайындалған күн туралы»

<a href="https://kyzylorda-news.kz/">Kyzylorda-news.kz</a> Рамазан - рухани тазару мен ізгі амалдарға бастайтын қасиетті ай. Күллі мұсылман қауымы асыға күтетін рамазан айы 19 ақпанда басталады. Ал, ораза айт мерекесі 20 наурызға тура келсе, қасиетті Қадір түні наурыз айының 16-нан 17-не қараған түні өтеді. Рамазан айы және қасиетті айда атқарылатын игі істер турасында облыстық дін зерттеу орталығының директоры Бекзат Қаппаров пен Ақмешіт-Сырдария мешітінің бас имамы Дастан Құрманбаев айтып берді.<blockquote>- Бұл – қайырымдылық пен жанашырлық, ізгілік пен мейірімнің айы. Қасиетті Рамазан қарсаңында өтетін шаралар Қазақстан мұсылмандары діни басқармасының облыстағы өкілдігімен бірлесе ұйымдастырылады. Ай барысында мұқтаж жандарға көмек көрсету, ауызашар дастархандарын жаю, қайырымдылық акцияларын өткізу жоспарланып отыр. Сондай-ақ, мешіттерде күн сайын тарауық намазы оқылып, жамағатқа рухани насихат айтылатын болады,- деді Бекзат Әбіләшімұлы.</blockquote>Биылғы пітір садақасының мөлшері 735 теңге болып белгіленді.&nbsp;<blockquote>- Баршаңызды мұсылмандар үшін қасиетті болып саналатын Рамазан айының келуімен құттықтаймын! Бұл ай қайырымдылық пен жанашырлық, ізеттілік пен имандылық сияқты қасиеттерді дәріптейтін ерекше кезең. Биыл Рамазан айы 19 ақпанда басталады. Биыл Рамазан айында 29 күн ораза ұстаймыз. Сонымен қатар, Қазақстан мұсылмандары діни басқармасының Төралқа мәжілісінде биылғы пітір садақасының мөлшері 735 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады. Сонымен қатар қасиетті айда арнайы “Рамазан тәттісі”, ҚР Тәуелсіздінің 35 жылдығыны орай “Мұқтаждарға 35 мың азық-түлік себет”, “Бір мәселені шешу” сынды қайырымдылық акцияларын және түрлі форматтағы іс-шаралар мен жарыстар өткізу жоспарлануда,-деді Дастан Жанасұлы.</blockquote><img src="https://knadmin.beoblood.kz/uploads/yzylorda_oblysyny_bas_imamy_brifing_tkizdi_c690056b5d.jpg" alt="Қызылорда облысының бас имамы брифинг өткізді.jpg">Фото freepik.com

Рамазан айы 19 ақпанда басталады

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы бойынша аудандық кітапхана ғимаратында кітапхана қызметкерлері бас қосып, елімізде жүзеге асырылып жатқан конституциялық реформаларды кеңінен талқылады. Жиынның негізгі мақсаты – жаңа өзгерістердің мазмұнын түсіндіру, оның мәдениет және ақпарат саласына ықпалын саралау, сондай-ақ кітапхана ұжымының ортақ пікірін қалыптастыру болды.Кездесу барысында мәдениет саласындағы жаңашыл бастамалар, кітапханалардың қоғамдағы рөлі, ақпараттық ашықтық пен қолжетімділікті арттыру мәселелері сөз болды. Сонымен қатар, Конституцияға енгізілетін өзгерістердің азаматтардың құқықтарын қорғау, ақпарат алу еркіндігін қамтамасыз ету және рухани құндылықтарды дәріптеу бағытындағы маңызы жан-жақты талқыланды.Кітапхана қызметкерлері жаңа Конституция жобасындағы нормалардың қоғам дамуына серпін беретінін атап өтіп, бұл өзгерістер елдің мәдени-рухани әлеуетін нығайтуға ықпал ететінін жеткізді. Әсіресе, халыққа сапалы ақпарат ұсыну, оқырмандардың білімін арттыру және кітап оқу мәдениетін дамыту жолындағы жұмыстардың маңыздылығы айтылды.Жиын барысында кітапхана саласының өкілдері ұсынылып отырған реформаларды қолдайтындарын білдіріп, қоғаммен тығыз байланыс орнату, ақпараттық-ағартушылық шараларды күшейту және оқырмандармен кері байланысты нығайту бағытындағы жұмыстарды жалғастыратынын атап өтті.Сырдариялық кітапхана ұжымы үшін бұл кездесу өзара пікір алмасып, ел дамуына қатысты маңызды бастамаларды талқылауға мүмкіндік берген мазмұнды әрі мағыналы басқосу болды.

Сырдариялық кітапханашылар Конституциялық реформаларды қолдайды

<a href="https://kyzylorda-news.kz/">Kyzylorda-news.kz</a> Жалағаш ауданындағы коалиция филиалының өкілдері Бейбітжан &nbsp;Шілдебаев, Қуат Ахетов, Марзия Кенжеғұлова Аққыр ауылдық округі &nbsp;тұрғындарымен кездесіп, конституциялық реформаның мазмұнын жан-жақты жеткізді.&nbsp;Жиын барысында ұсынылып отырған өзгерістердің стратегиялық маңызына тоқталып, азаматтардың құқықтық қорғалу деңгейін арттыру, мемлекеттік институттардың ашықтығын күшейту, билік тармақтары арасындағы тепе-теңдікті сақтау және қоғамдық бақылау тетіктерін жетілдіру мәселелері кеңінен айтылды. Сонымен қатар жергілікті басқару жүйесінің тиімділігін арттыру және халықтың шешім қабылдау процестеріне қатысуын кеңейту бағыттары түсіндірілді.<blockquote>Коалиция мүшесі Бейбітжан Шілдебаев өз сөзінде «Жаңа Конституция жобасы – қоғам сұранысына жауап беретін маңызды құжат. Оның басты мақсаты – әділетті қоғам қалыптастыру, азаматтардың құқықтары мен бостандықтарын нақты қорғау және мемлекет пен халық арасындағы сенімді нығайту. Әрбір тұрғын өзгерістердің мәнін түсініп, ел болашағына бейжай қарамауы тиіс», – деп атап өтті.</blockquote>Кездесу ашық, диалог форматында өтіп, тұрғындар жаңа Ата заң &nbsp;жобасына қатысты бойынша өздерін толғандырған сауалдарға нақты жауаптарын &nbsp;алды.<img src="https://knadmin.beoblood.kz/uploads/Zhala_ash_t_r_yndarmen_kezdesu_2_6bb52b48c0.jpg" alt="Жалағаш тұрғындармен кездесу 2.jpg">

Жалағаштық тұрғындар сауалдарына нақты жауап алды 

<a href="https://kyzylorda-news.kz/">Kyzylorda-news.kz</a> «Әділетті және прогрессивті Қазақстанның Халықтық Конституциясы үшін!» Республикалық коалиция мүшесі Мұрат Ергешбаев ауданның белсенді жастарымен кездесті.&nbsp;Кездесуге аумақтық коалиция жетекшісі Ержан Әжікенов, коалиция мүшелері Жұмабек Ембергенов, Ақтөре Ибрагимұлы, Жанна Сәркеева, Жадыра Бағдатқызы, Аружан Мұханбетқали, Абылайхан Қилымханов, Абай Мейрамбеков, Айдана Бақытжанқызы және ауданның белсенді жастары қатысты.Сырдариялық жастар Мұрат Нәлқожаұлымен Конституцияның жаңа нұсқасы туралы ой-пікір алмасып, жаңа заман талабына сай жаңарып, геосаяси кезеңде өзгеріп жатқан Ата Заңның жаңа нұсқасының маңыздылығын айтып өтті.&nbsp;<blockquote>– Еліміз әділеттілікті басты бағдар етіп алып, жаңаруға түбегейлі бет бұруда. Жарияланған жаңа Конституциясы жобасы тұрақты болашаққа деген жаңа қадамның көрінісі. Жалпы мәдениет ұғымы жаңарған Ата заңда инновация, ғылым және біліммен қатар орталық идеялардың бірі ретінде танылды. Ұлттық құндылықтарға көрсетілген жанашыр көзқарас. Ал бұл рухани қуат өз кезегінде Конституцияның жаңа жобасында басты қағидаттардың бірі ретінде бекітілген патриоттық сезімдерді нығайта түседі. Қазақстан үшін бұл кезең – саяси реформалардың қорытындысы ғана емес, жаңа мемлекеттік даму дәуірінің бастауы деп үміттенеміз. Алдағы кезеңде Конституция жобасы кең көлемде талқылаудан өтіп, түпкілікті шешімнің референдум арқылы қабылданатыны белгілі. Бұл – әрбір азаматтың ел болашағына тікелей қатысуына мүмкіндік беретін тарихи сәт, – деді Республикалық коалиция мүшесі М.Ергешбаев.</blockquote>Пікіралмасуда аудан жастары М.Мансұров, М.Сейілханов сөз сөйлеп, Конституцияның жаңа жобасын толық оқығандықтарын айтып, қолдау білдірді.

Сырдария ауданының белсенді жастарымен кездесті

<a href="https://kyzylorda-news.kz/">Kyzylorda-news.kz</a> Аумақтық коалиция өкілдері Қазалы теміржол ауруханасында денсаулық сақтау саласының қызметкерлерімен кездесті.Бірінші кезекте коалиция мүшелері жаңа Конституция жобасының әзірлену процесіне тоқталды. Коалиция мүшелерінің айтуынша, алты ай бойы депутаттар, қоғам өкілдері мен сарапшылар жобаның әр тармағын талқылап, мыңдаған ұсыныс пен пікірді ескерген. Нәтижесінде Конституция сараланған, адам құқықтарына бағдарланған және әртүрлі әлеуметтік топ мүддесін есепке алған құжат болып қалыптасты.Аумақтық коалиция жетекшісі Ғазиз Әліш денсаулық сақтау саласы бойынша жаңа Конституцияның негізгі тұстарына тоқталды.<blockquote>«Медицина қызметкерлерін қорғау 27-бапта бекітілген. Бұл оларға қауіпсіз және санитарлық-гигиеналық нормаларға сәйкес еңбек жағдайына құқық береді. Мемлекет пен жұмыс берушілер медицина қызметкерлерінің өмірі мен денсаулығын қорғап, кәсіби тәуекелдерді азайтып, ұлттық денсаулық сақтау жүйесінің тұрақты жұмысын қамтамасыз етуге міндетті», – деді коалиция жетекшісі.</blockquote>Сонымен қатар, коалиция мүшелері Халық Кеңесі институтына тоқталды. Ол халық мүддесін білдіретін жоғары консультативтік орган болып, қоғамдық қатысу мәртебесін күшейтеді, заңнамалық бастама жасауға және ұсыныстар әзірлеуге құқылы болады.Жаңа Конституция азаматтардың дербес деректерін қорғауға да ерекше мән береді. Цифрлық технологияларды қолдану жағдайында жеке өмірге қол сұқпаушылық және құпия ақпаратқа құқықтық кепілдіктер күшейтіледі.Кездесу соңында аумақтық коалиция мүшесі, «Қазалы теміржол ауруханасы» ЖШС-нің басқарма төрағасы Құбыл Ршымбетов реформалардың заң үстемдігін орнатудағы тиімділігіне тоқталып, маңызды шешімдерге жауапкершілікпен қарау қажеттігін атап өтті.<img src="https://knadmin.beoblood.kz/uploads/Mediczina_mamandary_zha_a_konstitucziya_2_e2169c039e.jpg" alt="Медицина мамандары жаңа конституция 2.jpg">

Медицина өкілдеріне жаңа конституцияның негізгі ерекшеліктері түсіндірілді

«Әділетті және прогрессивті Қазақстанның Халықтық Конституциясы үшін!» республикалық коалиция мүшесі Мұрат Ергешбаев және аумақтық коалиция мүшелері Сырдария аудандық халыққа қызмет көрсету орталығы қызметкрелерімен кездесу өткізді.Кездесуге аумақтық коалиция жетекшісі Ержан Әжікенов, коалиция мүшелері Жұмабек Ембергенов, Ақтөре Ибрагимұлы, Аружан Мұханбетқали, Абылайхан Қилымханов, Абай Мейрамбеков қатысты.Кездесуде республикалық коалиция мүшесі Мұрат Ергешбаев сөз алып, сала өкілдеріне Конституциялық реформаның маңыздылығын атап өтті.«Жаңа Конституция жобасы – елдегі саяси жаңғырулардың заңды әрі кезең-кезеңімен жүзеге асып келе жатқан реформалардың жалғасы. Бұл құжат мемлекеттілікті нығайтып қана қоймай, билік пен қоғам арасындағы өзара жауапкершілікті күшейтеді, азаматтардың шешім қабылдау үдерісіне белсенді араласуына жол ашады. Негізгі құндылық – адам және оның құқықтары мен бостандықтары. Сондықтан Ата Заң халықтың мүддесіне қызмет ететін, әділетті әрі ашық қоғам қалыптастыруға бағытталған нақты әрі тиімді тетіктерді қамтуы тиіс.Сонымен қатар, Конституциялық өзгерістер заң үстемдігін қамтамасыз етуге, мемлекеттік институттардың ашықтығы мен есептілігін арттыруға, қоғамдағы сенім мәдениетін орнықтыруға негіз болады. Бұл бастамалар ел бірлігін бекемдеп, әлеуметтік тұрақтылық пен орнықты дамуға бағытталған. Біздің басты міндетіміз – осы өзгерістердің мәні мен маңызын өңір тұрғындарына жан-жақты түсіндіріп, олардың пікірін ескеру арқылы қоғамдық диалогты күшейту», – деді Мұрат Нәлқожаұлы.Кездесу барысында қызмет алушылар сөз алып, жаңа реформалар адам құқығын қорғауды күшейтіп, билік тармақтары арасындағы тепе-теңдікті нақтылайды, ең бастысы – Конституция халықтың сұранысына жақындай түседі деген пікірлерін білдірді.

Қазақстан және Қызылорда облысының жаңалықтары