<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Жарлығына сәйкес, бүгінде әкімдер халыққа тоқсан сайын есеп беріп, елді мекен халқымен жақын болып келеді. Нәтижесінде жиі бұқарамен жүздесіп, шалғай жатқан елді мекендердің мәселесіне құлақ түріп, ауыл тұрғындарының ұсыныс-пікірлерін тыңдап, талқыға салу жақсы бір үрдіске &nbsp;айналды. Осы орайда Жалағаш ауданының әкімі Асқарбек Есжановтың халықпен кездесуі Бұқарбай батыр ауылында жалғасты.«Ауылына қарап азаматын таны» демекші, біздің өңірге Асқарбек Есжанов басшылық еткелі ауданның, әсіресе ауылдық елді мекендердің дамуы едәуір ілгеріледі. Әлеуметтік-экономикалық даму, аудан халқының әлеуетін арттыру, инфрақұрылымды жетілдіру секілді мәселер күн тәртібінен түспеді. Кент, ауылдар келбетінің көркеюі, оның ішінде құрылыстың белең алуы аудан дамуының көрінісі деуге әбден болады. Соңғы жылдары бірнеше нысан пайдалануға берілсе, бүгінде сол нысандар ел игілігі үшін қызмет етуде. Әрине бұл жұмыстардың барлығы өңір келбетін арттырып, ел игілігі үшін жасалуда.&nbsp;Аудандағы игі істердің қатарында кенттегі газдандыру жұмыстары да бар. Қазір кентті газдандыру жұмыстары толықтай аяқталып, жалағаштықтарға қуаныш сыйласа, енді міне, алдағы уақытта ауылдарға да көгілдір отын жеткізілмек. Осыдан-ақ ауданда жүйелі жұмыстың бар екенін аңғаруға болады. Сонымен қатар қажеттілігіне, мәселенің өзектілігіне қарай барлық ауылдық округтерде көшелер жөнделіп, жарықтандыру, абаттандыру жұмыстары кезең-кезеңімен атқарылуда. Қазіргі таңда Ақсу елді мекенін газдандыруға байланысты жоба қолдау тауып, 2023 жылдың бюджетіне қаржыландыруға енгізілді. Сондай-ақ М.Шәменов елді мекенін газдандыру үшін ЖСҚ әзірленіп, сараптамадан өткізілуде.&nbsp;Тағы бір айта кететін жұмыстардың бірі ауылдық жерлердегі емхана, медпункттердің салынуы, сондай-ақ учаскелік полиция инспекторларының пәтермен қамтамасыз етілуі болмақ. Иә, құқық қорғау қызметкерлерінің ауылда жиі болмауы ауыл тұрғындары тарапынан мәселе болып көтеріліп жүрді. Ал өткен кездесуде аудан әкімі бұл мәселені тез арада шешетінін де жеткізген. Міне, осы жылы 10 ауылдық учаскелік полиция қызметкеріне пәтер берілетін болды. Оның ішінде Бұқарбай батыр ауылы да бар, қазіргі таңда қаржысы бөлінген. Осылайша бұл мәселе де аудан әкімінің ықпалымен толықтай шешілді.&nbsp;Сонымен қатар жалпы құны 3 млрд 694,1 млн теңгені құрайтын 13 жоба жүзеге асырылады деп жоспарланып отыр. Атап айтар болсақ, инженерлік-коммуникациялық инфрақұрылым бойынша 1 жоба, «Ақтерек» учаскесі 170 гектарға инженерлік-коммуникациялық инфрақұрылымның газ желілерінің құрылысы, жол құрылысы бойынша 7 жобаны жүзеге асыру күн тәртібінде тұр.&nbsp;Жол жайы да көңіл көншітіп тұр. Жол құрылысы соңғы жылдары, әсіресе ауылдарда қарқын алып, сапасы сын көтермейтін бірқатар көшелер ой-шұқырдан арылды. Бұл ретте қажетті қаражат қаралып, ауылдардағы ішкі көшелер күрделі және орташа жөндеуден өтті. Тіпті елді мекендерді аудан орталығымен байланыстыратын жол да назардан тыс қалмады. Бұқарбай батыр ауылындағы негізгі жобалардың бірі 3 көшеге, яғни А.Құнанбаев, А.Төлеубаев, Бұқарбай батыр көшелеріне биыл жалпы құны 184,1 млн теңгеге күрделі жөндеу жүргізіледі.Ауданға қарасты ауылдардың негізгі айналысатын кәсібі ауыл шаруашылығы екені белгілі, оның ішінде егін шаруашылығының үлесі басым. Осы ретте ауыл шаруашылығы саласы бойынша биыл орналастыратын дақыл өнімдерінің де болжамы белгілі болды. Ауданның ауыл шаруашылығы дақылдарының бекітілген сызбасына сәйкес, 2023 жылы 37052 гектарға егiс орналастыру жоспарланған. Оның ішінде негізгі дақыл күріш 19800, бидай 750, қант құмайы 70, арпа 70, соя 35, мақсары 520, сүрлемдік жүгері 700, сұлы 5, қант қызылшасы 2, жаңа жоңышқа 4850, ескі жоңышқа 7200, картоп 646, көкөніс 1108 және бақша өнімдері 1296 гектарға егіледі. Сонымен қатар ауылдың еңбекқор халқы үшін бақша дақылдарын орналастыруға арнайы 55 га жер дайындалып, үлестірілмек. Осы арқылы ауыл халқы қыстық азығын бақша егу арқылы жинап алуға ниетті екенін білдірді.Айта кету керек, алдағы атқарылатын жұмыстардың ішіне Бұқарбай батыр елді мекенінің 16 көшесін жарықтандыру жұмыстары да кіріпті. Бұл ретте бүгінгі таңда жобалау-сметалық құжаттары әзірленіп, жобаның жалпы құны 170,2 млн теңгені құрап отыр. Жалпы, ауданда жыл көлемінде қолға алынған жобалардың саны отызға жуық, оның ішінде ауыз су, жол құрылысы, әлеуметтік нысандар, көпірлерді жөндеу, газдандыру, жарықтандыру, абаттандыру жұмыстары қам¬тылған. Бүгінде ауыз су желілері бойынша 4 жоба, жол құрылысы 9 жоба, газдандыру бойынша 4 жоба, жарықтандыру 4 жоба, абаттандыру бойынша 4 жоба жүзеге асқан.&nbsp;Қорытындылай келсек, береке-ырысы бекем ауылда атқарылған жұмыс көп, шаруа да аз емес. Ең бастысы, осы сапарда әр адамның түпқазығы, рухының бесігі, тамыры тереңге жайылған қазақы дәстүріміздің қаймағы бұзылмаған батыр атындағы ауылдың ауызбіршілігінің мол екеніне көз жеткіздік.

Жалағашта 13 жоба жүзеге асырылмақ

<a href="https://kyzylorda-news.kz/">Kyzylorda-news.kz.</a>&nbsp; Жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметі өкілеттігін доғарды. Жаңа құрам бекітілгенге дейін Үкімет өз міндеттерін атқаратын болды, деп хабарлайды Ақорданың баспасөз қызметі. ***Қазақстан Республикасының Үкіметі туралы2023 жылғы 29 наурызҚазақстан Республикасы Конституциясының 70-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметінің өкілеттігін доғаруына байланысты ҚАУЛЫ ЕТЕМІН:1. Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын.2. Осы Жарлық қол қойылған күнінен бастап қолданысқа енгізіледі.Қазақстан РеспубликасыныңПрезиденті Қ.ТоқаевАстана, Ақорда, 2023 жылғы 29 наурыз№ 158

Қазақстан үкіметі отставкаға кетті

<a href="https://kyzylorda-news.kz/">Kyzylorda-news.kz.</a>&nbsp; Елордада VIII сайланған Қазақстан Республикасы Парламентінің бірінші сессиясы ашылды. Жиынға Мемлекет басшысы Қасым-Жомарт Тоқаев қатысуда, деп хабарлайды ҚазАқпарат.Парламент палаталарының бірлескен отырысы республикалық телеарналарда және әлеуметтік желілерде тікелей эфирден көрсетіліп жатыр. Жиынға жаңадан сайланған депутаттар, мемлекеттік органдардың басшылары, Ұлттық құрылтай мүшелері, қоғам қайраткерлері қатысуда.Сонымен бірге сессияның ашылуы барысында Мемлекет басшысы Қасым-Жомарт Тоқаев сөз сөйлейді.Еліміздегі басты саяси науқан – Мәжіліс сайлауы <a href="https://www.inform.kz/kz/mazhilis-deputattarynyn-tolyk-tizimi_a4050329">мәресіне</a> жетті. Бұған дейін 7 рет шақырылған Парламент Мәжілісі тарихында алғаш рет 6 партия өкілі заң шығарушы органның 69 мандатына ие болды. Ұзақ жылдық үзілістен кейін бір мандаттық округтер бойынша 29 депутат жеке-дара сайлауға түсіп, іріктеліп шықты.Еске сала кетсек, 19 қаңтарда Президент Қасым-Жомарт Тоқаев жетінші сайланған ҚР Парламентінің Мәжілісін тарату және <a href="https://www.inform.kz/kz/mazhilis-deputattaryn-kezekten-tys-saylau-19-nauryzga-belgilendi_a4025522">19 наурыз күні</a> Парламент Мәжілісі депутаттарының кезектен тыс сайлауын тағайындау туралы Жарлыққа қол қойған еді.Мәжіліс құрамында 107 депутат бар еді. Ал жаңадан жасақталатын Мәжілісте Қазақстан халқы Ассамблеясы атынан сайланатын 9 мандат қысқарып, 98 депутат қалды және олардың өкілеттік мерзімі – бес жылды құрамақ.Мәжіліс депутаттарының 70 пайызы партиялық тізім арқылы, ал қалған 30 пайызы – бір мандатты округтерден сайланды. Үміткерлер сайлауға партиялар мен үкіметтік емес ұйымдар атынан қатысты және өзін-өзі ұсынды.Саяси партияларды тіркеу рәсімі де айтарлықтай жеңілдеген еді. Бұрын партия құру үшін құрамындағы адам саны 20 мыңға жетуі тиіс еді, ал қазір 5 мыңға дейін қысқартылды. Партиялардың аймақтардағы өкілдіктерінде, әр өңірде кемінде 600 жақтас болуы шарт еді, бүгінде саяси ұйымның тіркелуі үшін әр аймақтан 200 адам жеткілікті.Партиялардың Парламентке өтуі үшін ең төменгі шегі 7 пайыздан 5 пайызға төмендетілді. Әйелдер, жастар және ерекше мұқтаждығы бар адамдарға 30% квота сақталады.Осылайша, Мәжіліс сайлауына 7 саяси партия қатысып, олардың алтауы Парламент Мәжілісіне өтті. Кеше Орталық сайлау комиссиясы Парламент Мәжілісінің <a href="https://www.inform.kz/kz/mazhilistin-8-saylanym-deputattary-resmi-tirkeldi_a4050440">8-сайланымы</a> депутаттарын тіркеді.

Астанада VIII сайланған ҚР Парламентінің бірінші сессиясы ашылды

<a href="https://kyzylorda-news.kz/">Kyzylorda-news.kz.</a> Татулықты ту еткен Есет батырлықтар ілкімді жобаларды қолға алу арқылы елді мекеннің екінші тынысын ашқан. Әсіресе Аламесекте жергілікті шаруашылықтардың демеушілігімен ауылды абаттандыруға, көркейту-көгалдандыруға қатысты жарқын жобалар жүзеге асуда. Кешегі сапарында Жалағаш ауданының әкімі Асқарбек Есжанов та ауыл халқының жұмыла жасап жатқан жұмысына риза болды. Бастысы, бүгінде шаруашылық төрағаларының демеушілігімен жүзеге асқан өміршең жобалардың тұтас ауыл халқы жемісін көріп келеді.Иә, Аламесек те – Жалағаш ауданы орталығынан шалғай жатқан ауылдардың бірі. Екі мыңға жуық халқы бар елді мекеннің бұйыртса, келер жылы екінші тынысы ашылатындай. Биыл да Есет батырда еңселі жобалар жүзеге асты. Әсіресе жергілікті шаруашылықтардың демеушілігімен бірнеше ойын алаңының пайдалануға берілуі Балалар жылында бүлдіршіндерге базарлық болды деуге болады.&nbsp;Бұған дейінгі аудан әкімінің Аламесекке жұмыс сапары барысында жергілікті халық ауылдық емхана ғимаратына қатысты мәселе көтерген. Көне нысан мұнда келген науқастардың ем алуына да, абзал жандардың емдік шаралар көрсетуіне де қолайсыз екенін біз де жақсы білеміз. Оны Асқарбек Есжанов та барып көрді. Көп ұзамай бұл мәселені шешуге тыры-сатынын жеткізіп, кез келген мәселенің шешімі қаражатқа байланысты болғандықтан толық уәде берген жоқ. Бұл жолы әкім ауыл халқымен кездесуге сүйінші жаңалықпен келіпті. Яғни алдағы уақытта ауылдағы абзал жандар жұмысын жаңа нысанда жалғастырады. Яғни 2023 жылы Аламе-секте ауылдық емхана құрылысы басталады.&nbsp;Бұған дейін де ауылдағы ішкі көшелердің барлығы бүгінде тозығы жеткенін айтқанбыз. Бұған қатысты да келер жылы Есет батырда жол құрылысы қарқын алғалы тұр. Ал ауылға кіреберістегі көпірдің маусымында халыққа қандай мәселе болғаны айтпаса да белгілі. Кеше көпір құрылысының да тәмамдалғанын көріп, қуанып қалдық. Жол құрылысынан бөлек, биыл ауылда ауыз су жүйесін &nbsp;кеңейту, электр желісін жаңғырту қолға алынады. Тізе берсек, ауылда алдағы уақытта жүзеге асатын жарқын жобалар жетерлік. Бастысы, халықтың атқарылған істерге берер бағасы жоғары.Шынында, екі мыңға жуық халқы бар Есет батырда да биыл ілкімді жобалар қолға алынады. Халықтың негізгі тіршілік-тынысы ауыл шаруашылығына тәуелді. Жергілікті тұрғындар егін және мал ша-руашылығында нәтижелі еңбек етіп келеді. Елді мекенде негізінен жол сапасы ауылдағы ағайынның басты мәселесіне айналған. Оны жоғарыда айттық. Бір сөзбен айтқанда, ішкі көшелердің көбісінің сапасы сын көтермейді. Кешегі кездесуде ауыл халқының алдағы 1-2 жылда жол құрылысының қарқын алатынын естіп, қуанғаны да сондықтан.Есет батырдағы мәдениет үйінде бас қосқан тұрғындардың әкімге айтар алғысы да, назарға салар мәселесі де жоқ емес екен. Бастысы, Аламесектегі ағайын да ауданда атқарылған жұмыстарға дән риза.Биыл ауданда жалпы құны 4 млрд теңгені құрайтын 30 жоба жүзеге асады. Оның ішінде Аламесектегі ағайынның талап-тілегі ескерілген жобалар жоқ емес. Біз тек қаржылай қолдау тапқандарын айтып отырмыз. Мұнан бөлек 13,6 млрд теңгенің 35 жобасы дайын тұр. Бұлар да сараптамадан өтіп, кемінде 60-65 пайызы қолдау тапса, ауданда тұралаған мәселелердің біршамасы шешімін табары анық.Айта кетейік, биыл аудан бюджеті 8 млрд 755 млн теңге болып белгіленген. Оның ішінде 1 млрд 907 млн теңгесін жергілікті түсімдер құрайды. Асқарбек Есжанов жыл соңына дейін әлі де біршама жобаларды жүзеге асыру үшін арнайы құжаттар дайындалатынын жасырмады. Демек, биылғы жылдың еншісіндегі жұмыстар мұнымен шектелмесі анық.Иә, биыл батыр атындағы ауылда жалпы құны 410,1 млн теңгені құрайтын медициналық нысанның іргетасы қаланады. Былтыр ауыл тұрғыны елді мекендегі жарық мәселесін көтерген. Жел тұрса, электр жарығы жиі істен шығады екен. Одан бөлек көше жарығына қатысты мәселелерді де әкім назарына салған. Одан бері ауылда жергілікті бюджеттен және демеушілер есебінен 3 көшеге жарық жүргізілді. Тағы да ауылдағы бірнеше ішкі көшеге жарық жүргізу үшін арнайы жобалар әзірленіпті. Демек, алдағы уақытта бұған қатысты ел көтерген мәселелер әлі де ескеріледі деген сөз. Ал электр жарығына келсек, биыл Аламесекте электр желілері толықтай жаңартылатынын жоғарыда айттық.Ауылда жүзеге асатын биылғы жылдың еншісіндегі жобалар легі мұнымен шектелмейді. Есет батырда бұйыртса, ауыз су жүйесі кеңейтіледі. Сондай-ақ, бақша саламын деген азаматтар үшін 50 гектар жер ашылады.&nbsp;<blockquote>«Бұған дейін Жаңадарияда болдық, шалғай ауылдағы ағайын біршама мәселесін назарға салды. Сіздердің де талап-тілектеріңіз ескерусіз қалмайды. Былтыр емхана мәселесін айттыңыздар, биыл сәтін салса, оның құрылысы басталады. Жаңа айтып жатқан мәселелеріңіз де ескеріледі. Ел ішіндегі тұралаған мәселелер сіздерге жат емес. Сондықтан қай уақытта да сіздерді тыңдауға дайынмын. Бастысы, сіздермен болған ашық әрі еркін форматтағы диалогтың нәтижесін тұтас ауыл халқы көрсе болды. Мейлінше елдің мәселесін ертеңге қалдырмауға тырысамыз. Бүгін де көтеріп отырған мәселелеріңіз, айтып жатқан ұсыныстарыңыз орынды. Оның барлығына жұмыс жасаймыз», – деді аудан әкімі Асқарбек Есжанов.</blockquote>Кездесуде ауылдың ардагерлер кеңесінің төрағасы Әбдіқайыр Әйтімов те сөз алды. Көпті көрген қарияға ауылдың ішкі мәселелері таңсық емес. Ол кешегі кездесуде ауыл мектебіне аяқ су тарту мәселесі шешімін тапса деген ұсынысын жеткізді. Яғни мектеп ұжымы оның айналасын көркейтуге күш салайын десе, аяқ су мәселесі қолбайлау болып тұр екен.&nbsp;Бұл мәселе де елдің алдында талқыланды, жан-жақты қараған Асқарбек Есжанов жергілікті мәслихат сессиясында қаражат қарап, арнайы сусорғыш насос алуға ықпал ететінін жеткізді. Ал «Биыл жол сапасына қатысты Аламесекте ешқандай мәселе жоқ екен» деген халыққа әкімнің жауабы да дайын екен.&nbsp;<blockquote>&nbsp;«Біз алдымен электр жарығын жаңалап, ауыз су жүйесін кеңейтіп алайық, содан кейін барып, жол құрылысын бастаймыз. Болмаса ертең ел ішінде реніш болады. «Жол салып, қайтадан оны қазып жатыр» деген әңгіме де бізге керек емес. Бағана сөз ба¬сында айтқанмын, тағы да айтамын, біз үшін қолға алған жобалардың игілігін алдымен жергілікті халық көруі керек, ол үшін барлық жоба өміршең болуы тиіс», – деді аудан әкімі.&nbsp;</blockquote>Тыңдап отырсаң, сөзінің жаны бар, ұмытпасам, 2-3 жыл бұрын Дәуімбай елді мекенінде дәл осындай жағдай орын алған. Алдымен сондағы ішкі көшелердің біріне асфальт төселді, артынан үйлерге газ тарту жұмыстары жүрді. Сол кезде ел ішінде дәл осындай әңгіме болды. Сон-дықтан ауылдағы ағайын ақырын күткені де дұрыс сияқты.&nbsp;Өткен кездесудегі айтылған ұсыныстар сарапталды, басқа да мәселе-лер назарға алынды. Соңында ауыл ақсақалдары аудан әкімін батамен шығарып салды.

Аламесекте ауылдық емхана құрылысы басталады

<a href="https://kyzylorda-news.kz/">Kyzylorda-news.kz.</a> Қазгидромет 29 наурыз күнгі ауа райы болжамын жариялады.Сәрсенбі күні Қазақстанның батысында, солтүстігінде, оңтүстігінде атмосфералық фронтальды бөліктердің өтуімен жауын-шашын көбінесе жаңбыр түрінде жауады. Елдің қалған аумақтарыда жоғары қысым өрісінің әсерінен көбінесе жауын-шашынсыз ауа райы сақталады. Республика бойынша тұман, желдің күшеюі, оңтүстікте-найзағай, солтүстікте-көктайғақ болжанады.

Сәрсенбі күнгі ауа райы болжамы

<a href="https://kyzylorda-news.kz/ru/">Kyzylorda-news.kz</a>. Жастарды қолдау мақсатында тағайындалатын «Дарын» мемлекеттік жастар сыйлығы өткен жылы Сырдың талантты қызы, әнші Ақбота Құснадинге эстрада жанры бойынша берілген болатын. Жүзден жүйрік шығып, үздік деп танылған арудың жетістігі – өнер ордасы саналатын Қызылорданың заңды жеңісі десек болады. Ақботамен ән өнері жөнінде әңгімелескен едік.– Ақбота, «Дарын» мемлекеттік жастар сыйлығының иегері болуыңызбен құттықтаймын. Жалпы мұндай сыйлық шығармашылығыңызға қаншалықты серпін береді?– Рақмет. Кез келген өнер адамы үшін байқаулар мен дәрежесі жоғары марапаттар шабыт беретіні сөзсіз. Мысалы, өткен жылы Сыр өңірінде дәстүрлі Батырхан Шөкеновті еске алу, оның сыршыл иірімге толы әрбір туындысын насихаттау бағытындағы «Отан-Ана» байқауында топ жарып, ерекше әсерге бөлендім. Сол сәттен бастап өнерге деген жаңа тынысым ашылды. Жалпы 2022 жыл мен үшін жемісті болды. Өйткені қатысқан барлық байқаулардан сүйіншілейтін жағымды жаңалықтарым болды. Рамазан Таймановтың конкурсында да бас бәйгені еншілеп, өнерге үлкен шабыт алдым. Осы жетістіктер негізінде Астана қалалық филармониясы «Дарын» сыйлығына ұсынды. Ұсыныстың өзіне қуанғаным жасырын емес. Өйткені ұжымның құрметінің өзі зор қуаныш сыйлады. Бағыма орай көптің үкілеген үмітін ақтап, мемлекеттік сыйлықтың иегері атандым.– Өнер жолыңызға зер салсақ, DAQ entertainment ұжымы еске түседі. Мұны жоба деп қарауға бола ма?– Арман қуып Астанаға келген сәтте өнердегі аға-әпкелеріміз жатырқамай қолдауын көрсетті. Әсіресе, Майра Ілиясова апайымның қолдауы ерекше болды. Республикадағы байқауларда мені байқап, шәкірті есебінде санады. Халықаралық дәрежедегі кештерде, шетелдегі шараларға қатысуыма септігі тиді. Міне осы қадамдардан кейін DAQ entertainment ұжымына қосылдым. Бұл Дәулет Нұржанов ағамыздың төл туындысы десек болады. Бұл ұжымда жаңа әндер, каверлер жазып, тыңдармандарға ұсынудамыз. Сондай-ақ Майра апайдың «Сағындырған әндер ай» концертінде өнер көрсетіп жүрміз. Жоба деп қарағаннан көрі шығармашылық еркін топ деп айтқанымыз дұрыс. Өйткені әлі де өнерге қосатын үлесі мол. Дегенмен қазір жаңа продюсерлік орталықпен жұмыс істеуге бекіндім. Ұлықпан Жолдасов ағамыздың жаңа тобы құрылып, шығармашылығымыз сол жақта жетілдірудеміз. Алғашқы ән сапарымыз да болды. Бір қызығы топтың алғашқы түсаукесері туған жерімде яғни Қызылорда қаласында өтті.– Тыңдармандарыңыз сізді кавер орындаушы ретінде жақсы біледі. Кавер «ескі» әннің жаңа тынысын ашатын тәсіл деп қарауға бола ма?– Каверді әнді жаңашаландыру, ерекшелендіру деп түсінемін. Ескі әндерді нақышына келтіріп, заман талабына сай етіп тыңдарманға ұсыну деп санап жүрміз. Тыңдарман жақсы қабылдаса, жаман дүние деп қарауға болмайтын шығар. Әрине, каверге қарағанда репертуарда авторлық әндердің болғаны дұрыс. Бірақ кавер айтуда оңай шаруа емес. Өзім каверді «Сағындырған әндер ай» концертінде Ескендір Хасанғалиевтың «Айналайын» әнін айтып бастадым. Негізі ән әлеміндегі бұл жанр қатты ұнайды. Сондықтан ұнаған әндерге жиі кавер жасаймын. Соңғысы «Дос-Мұқасан» тобының «Сен сұлу» әні. Желідегі тыңдармандарым оң бағасын беріп, қолдау көрсетіп жатыр.– Шығармашылығыңызда жеке әндер бар ма?– Әншінің талғамына сәйкес ғұмырлы ән таңдау біздің салада маңызды құбылыс. Себебі біздің басты міндетіміз – ән арқылы халыққа жақсы дүние сыйлау. Мұндай мүмкіндік менде жақын күндері пайда болады. Уақыттың тығыздығына байланысты авторлық әнге енді бағыт алып жатырмын. Ең қуанатын нәрсе алғашқы авторлық әнім әкемнің туындысы. Әкем Марат Пірмаханов музыкадан мол хабары бар маман десек болады. Филормонияда ансамбльдің бас гитаристі. Әкемнің әнін орындау мен үшін үлкен мәртебе. Ал Ұлықпан ағамның жобасында жеке әндер көп. Бұл топтың жұмысы болғандықтан жеке әнім деп қарауға болмайтын шығар.– Үлкен концерттерде өнер көрсетіп жүрсіз. Мұндай сәттерде сын айтылмай тұрмайды. Сынды қалай қабылдайсыз?– Сынды өте жақсы көремін (күліп). Сондықтан жылы қабылдаймын. Сын түзелмей мін түзелмейді деген жақсы сөз бар. Осы сөздің астарын таразылайтын болсақ сын әлбетте айтылуы керек. Өйткені қателікті түзетуге мүмкіндік береді. Енді орынды, орынсыз айтылатын сын болады. Барлығын таразылап, ортақ шешім шығарамын. Әсіресе аға буынның ақыл кеңесіне әрдайым жүгініп тұрамын. Сынның арқасында жетістікке жеттім десем болады.Киім өндіру – өзіндік даму жолы қалыптасқан кәсіп көзі. Бірақ бүгінде сол сүрлеуді жандандыра алмай, бірнеше миллиард құрайтын қаржыны шетел асырып отырғанымыз жасырын емес. Жақында еліміздегі жеңіл өнеркәсіп саласының дамуы мен осы тектес өзекті проблемаларды «Ас-кА» серіктестігінің директоры Дина Махатовамен талқылаудың сәті түскен еді. &nbsp;

Ақбота Құснадин: Жетістікке жету үшін қателесу керек

<a href="https://kyzylorda-news.kz/">Kyzylorda-news.kz.</a> &nbsp;Нағыз ұстаз болу – бақыт әрі абырой. Мұғалім деген кіршіксіз атауға қылау жұқтырмау оңай емес. Кезінде сол бір аяулы жандарды алтын діңгекке теңеп, көзі ашық, көкірегі ояу деп құрметтеген. Ол үрдіс бүгінге дейін жалғасын тауып келеді. Бүгінде білім беру саласында тәжірибелі, озық ойлы, өз мамандығының хас шебері болған кісілер жетерлік. Солардың бірі – Жалағаш ауданына қарасты Мырзабай ахун ауылындағы №122 орта мектептің бастауыш сынып мұғалімі Алма Олжабаева.&nbsp;Ол – ұзақ жылдар бойы ұстаздықтың ұлы жолында өзінің айшықты еңбегімен &nbsp; дараланған жан. &nbsp;Сондай-ақ өз ісіне берілген білікті маман. Ал отбасында төрт ұл, бір қыз тәрбиелеп отырған асыл жар, аяулы ана. 1971 жылы көпбалалы қарапайым отбасында дүниеге келген кейіпкеріміз қазір өзі еңбек ететін мектепті бітірген. &nbsp;Ол мұғалім боламын деген бала арманы жетегінде жүріп, М.Мәметова атындағы Қызылорда педагогикалық колледжіне оқуға түсті. Осылайша «бастауыш сынып» мұғалімі мамандығын игеріп шықты. Көп ұзамай Қорқыт ата атындағы Қызылорда мемлекеттік университетіне түсіп, жоғары білім алады.&nbsp;<blockquote>«Ұстаз» деген ұлы атқа ие болу зор мақтаныш еді. Бала күнімде мен үшін мұғалімнен биік тұлға болмайтын. Сол кездегі ұстаздарыма деген құрметімнен болар, әлде қызығушылығымнан ба, мұғалімдік мамандықтың қыр-сырына ынтам арта бастады. Әрбір адам армандай білуі керек. Сол ойлағаның түптің-түбінде әйтеуір бір орындалады. Менің бала күнгі арманым алдаған жоқ. Мектеп бітіріп, өзім қалаған мамандыққа оқуға түстім. Бүгінде білім саласының дамуына үлес қосып жүрмін. Небір мықты шәкірттер дайындап, үлкен өмірге бағыт бердім», – деді ол.&nbsp;</blockquote>Расында талай шәкіртті білім қайнарымен сусындатып, қанатын қатайтып, мектеп қабырғасынан ұшырды. Бойына өмірден түйген тәжірибесін сіңірді. Біздің кейіпкеріміздің оқу-ағарту саласында тәжірибесі мол. Еңбегі еш кеткен жоқ. Мұғалімнің білім саласындағы еңбегі шәкірттердің жетістігімен өлшенеді ғой. Бұл тұрғыдан келгенде Алма Мырзағалиқызы жемісті еңбек етіп келеді.&nbsp;Ұстаздың басты ұстанымы – келешек ұрпақтың бойына ұлттық тәрбиені сіңіріп, сапалы білім беру. Соның нәтижесінде қаншама асулардан асып, биіктерді бағындыруда. Ізденіспен, терең оймен еңбек еткеннің нәтижесінде ұлағатты ұстаз көптеген жетістікке қол жеткізді. Оның бәрін тізбектеп шығу мүмкін емес. Дегенмен жыл сайын аудан әкімі, мектеп басшысының алғыс хатымен марапатталып, құрмет төрінен көрініп жүр. Сондай-ақ &nbsp;шәкірттері түрлі байқауларда топ жарып келеді. Атап айтсақ, республикалық бастауыш сынып ұстаздары арасында «қазақ тілі пәнінен» ұйымдастырылған онлайн олимпиадада І дәрежелі диплом, математика пәнінен бастауыш сынып мұғалімдеріне арналған республикалық «Педстарт» қашықтық олимпиадасының ІІІ дәрежелі дипломы берілді.&nbsp;<blockquote>«Адамның бір қызығы – бала деген, баланы оқытуды жек көрмедім» деп хәкім Абай айтқандай, мұғалімдіктің де өз қызығы бар. Бірақ қиындығы да аз емес, соны жеңе білген жан ғана шәкірт жүрегіне жол табады. Мен үшін оқушының сапалы білім, тәлімді тәрбие алуы маңызды. Шәкірт жетістігі – ұстаздың ерен еңбегінің нәтижесі, мұғалім мерейі. Бастысы, білім шырағын жаға білу керек», – дейді ол.&nbsp;</blockquote>Жақсы мұғалім – қай кезде де ең алдымен кәсіби деңгейі жоғары, интеллектуалдық, шығармашылық әлеуеті мол тұлға. Ол оқытудың жаңа технологияларын өмірге ендіруге дайын, оқу-тәрбие ісіне жанашырлық танытатын қоғамның ең озық тұлғасының бірі болып есептеледі. Бүгінгі біз сөз еткен ұстаздың да негізгі мақсаты осындай.Саналы ғұмырын білім беру саласына арнаған ұстаздың қолынан тігін тігуде келеді, ол да бір өнер. &nbsp;Қолынан іс келетін адам қашанда бағалы. Бос уақытында құрақ көрпешелер тігіп, қыз жасауын жасайды. Өнерлі жан қай жерде де сыйлы ғой. Ауылдағы ұзатылған қыздардың жасауының бәрінде кейіпкеріміздің қолтаңбасы бар деуге болады. &nbsp;Жалпы, білім саласының ыстық суығын бірдей көріп, зерделі ұрпақ тәрбиелеуге елеулі үлес қосып жүрген осындай мұғалімдер қандай &nbsp;құрметке де лайық. Ұстазы мықтының ұстанымы мықты. Өскелең ұрпаққа білім нұрын шашып жүрген Алма Олжабаеваның шәкірттері әлі талай биіктерді бағындыратыны сөзсіз.

Жалағаш ауданындағы ұлы есімді ұстаз

<a href="https://kyzylorda-news.kz/ru/">Kyzylorda-news.kz</a>. Қазіргі таңда спорттағы сыр жастарының жетістігі көңіл қуантады. Әсіресе, саладағы қыз баланың жетістігі құрметке лайық. Қызылордалықтар бой түзейтін жасқа айналған таланттың бірі – &nbsp;каратэ шито-рюден 7 дүркін әлем жеңімпазы Әсемгүл Ердаулет. Ол &nbsp;каратэ шито-рюден балалар, жасөспірімдер, жастар және ересектер арасында ұйымдастырылған бәсекеде де оза шауып, ҚР чемпионы атанды. Осы орайда 7 дүркін жеңімпазы атанған сырбойылық спортшымен тілдесіп, ой бөліскен едік.Ел чемпионатында алғаш рет 55 келі салмақта бақ сынаған Әсемгүл Қорқыт ата атындағы Қызылорда университетіндегі «Дене шынықтыру және спорт» мамандығының студенті. Халықаралық дәрежедегі спорт шебері, Әлем чемпионатының алтын медаль және Әлем кубогының иегері Әсемгүл кезекті жарыстың да тартысты өткенін айтады.<blockquote>‒ Қазақстанның тағы бір шыңын бағындырғаныма шын қуаныштымын. Жарыс өте тартысты өтті, еліміздің барлық өңірінен мықты спортшылар қатысты. Финалда Маңғыстау қаласының спортшысымен кездесу өткізіп, 6-1 есебімен жеңіске жеттім. Бұл бәсекеге дайындық жоғары деңгейде болды, осы орайда өзімнің жаттықтырушыларыма алғыс айтамын, ‒ дейді Әсемгүл.</blockquote>Бір қызығы, Әсемгүлді &nbsp;бұл спорт түріне ата-әжесі алып келген екен. Ол кезде қаршадай қыз небәрі 8 жаста болатын.<blockquote>‒ Бала болғандықтан бастапқыда жаттығу алаңына жай ойнап келіп жүретінмін. Кейіннен 12 жастан бастап аға буынның жеңіске жетіп, әнұранды шырқатып жүргенін көре бастадым. Мен де сол спортшылар секілді елдің намысын қорғағым келді және сол нәтижеге &nbsp;ұмтылдым. Қазіргі таңда ел арасында осы спорт түрі жақсы дамып келеді. Өткен жылы Токио олимпиадасына осы спорт түрі қосылып, алғаш рет елімізден 5 спортшыға жолдама берілгенін білесіздер. Соның ішінде Сыр өңірінен Мөлдір Жаңбырбай ел намысын қорғады. Оның өзі бізге үлкен құлшыныс сыйлады. Жалпы Қазақстан бойынша Қызылорда облысы каратэ-до спорт түрінен жоғары денгейде, ‒ дейді ол.</blockquote>Әсемгүлмен әңгімелесе отырып, жарыстағы басты қарсылас кім екенін де сұраған едік. Алайда қазақ елін әлемге танытуды мақсат еткен жүректі қыз &nbsp;барлық спортшының мықты екенін алға тартты.<blockquote>‒ Жарыс кезінде қарсыластың қандай әдіс қолданатынын білмейміз. Сондықтан кей сәттерде ұпай өткізіп алатын кездер болады. Сол үшін біз әр қарсыласпен шыққанда жекелей дайындықпен, бапкердің айтуымен тәуекел етеміз, ‒ дейді Ә.Ердаулет.</blockquote>

Әсемгүл Ердаулет: Қазақ қызы мінсіз болу керек 

<a href="https://kyzylorda-news.kz/">Kyzylorda-news.kz.</a> «Тазалық – денсаулық кепілі» демекші, өзіміз өмір сүріп жатқан ортамызды таза ұстау – әр азаматтың парызы. Осы орайда көктем мезгілі басталғалы Жалағаш ауданында сенбілік жұмыстары бастау алған болатын. Тал егу, арықтарды қоқыстардан тазарту секілді жұмыстар аудан тұрғындары тарапынан қарқын алды. Аудандағы көркейту-көгалдандыру жұмыстарына барлық мекеме қызметкерлері, &nbsp;ойын баласынан еңкейген қарттарымызға дейін атсалысуда.Сенбі күні Жалағаш аудандық полиция бөлімінде бөлім ғимаратының ауласын көркейту-көгалдандыру, тазалық жұмыс¬тарын жүргізу бойынша бөлімнің бастауыш ардагерлер ұйымының мүшелері мен бөлім қызметкерлерінің қатысуымен сенбілік ұйымдастырылды. «Жауынмен жер көгерер, батамен ел көгерер» деген, сала ардагерлері мен жас әріптестеріміз бірігіп ұйымдастырған бұл игілікті шара ардагерлердің бата беруімен басталып, жоғары деңгейде өтті. Айта кету керек, сала ардагерлерінің атсалысуымен өткен осы игі шараны ұйымдастыруға ІІО мен табиғат қорғау саласының ардагері, отставкадағы полиция старшинасы Айтбай Шегебаев ұйтқы болды.<blockquote>«Бүгін қауіпсіздікті қамтамасыз етумен қатар қоғамға жауапты істі жүзеге асырып жатырмыз. Күн ұясынан көтеріле қызу жұмысқа кіріскен ардагерлер мен жас қызметкерлер және бөлімнің техникалық қызметкерлері алдымен ғимараттың ауласын тазартты. Осыдан кейін ардагерлер мен бөлімнің жеке құрам мүшелері дайындап әкелген өрік, алмұрт, шие, бұхар жидесінің көшеттері мен декоративті саялы ағаштың бірнеше түрі, барлығы 200 түп ағаш отырғызылды. Сондай-ақ өңірімізде өсуге ыңғайлы бірнеше гүлдің тұқымын отырғызу да сенбілікке қатысушылар назарынан тыс қалған жоқ», – дейді Айтбай Шегебаев.</blockquote>Атқарылған жұмыстарға оң баға берген бөлім бастығы, полиция подполковнигі Талғат Лекеров ардагерлер мен қызметкерлерге ризашылығын білдірді. Өз кезегінде сала ардагерлері жастарға бүгінгі жасаған еңбектің зая кетпеуі үшін, жас көшеттерді суарып, баптауды &nbsp;аманаттап тапсырды. Жалпы, бүгінгі алдыңғы толқын ағалар мен кейінгі толқын інілер бірлігінде өткен сенбілік жұмыстары дәстүрлі еңбек мерекесіне айналып, қатысушылар жақсы көңіл-күймен тарады.

Жалағашта тазалық жұмыстары жүргізілді

<a href="https://kyzylorda-news.kz/">Kyzylorda-news.kz.</a> &nbsp;Жалағаштағы жыл сайын ұйымдастырылатын бақша өнімдерінің жәрмеңкесі биыл да жалғасын тауып келеді. Ал Жалағаш халқына ұсынылған егінжай өнімінің бағасы арзан болғанымен, сапасы сын көтереді. Сонау күзден бері ұйымдастырылып келе жатқан жәрмеңкеде ауыл шаруашылығы өнімдеріне деген сұраныс жоғары. Өйткені сапалы өнім ешқашан сұраныстан түспейтіні белгілі.Жалағаштықтар үшін биыл берекелі жыл болды. Алажаздайғы адал еңбектің нәтижесін, жемісін көретін шақ күз мезгілінде де толайым табыстарға қол жеткіздік. Бәрімізге белгілі кеше 19 наурыз күні елімізде саяси науқан өтті. Бұл сайлауда аудан халқы да белсенділік танытып, өз таңдауын жасады. Сонымен бірге ел үшін маңызды күні дала диқандары ауыл шаруашылығы өнімдерінің жәрмеңкесінде азық-түлік түрлерін ұсынды. Нарықтағы бағадан 10-15 пайыз төмен сатылған бақша өнім-дері ә дегеннен-ақ сатылып кетті. Өйткені бұған дейінгі жәрмеңкелерде мүмкіндігі болмаған аудан тұрғындары осы жәрмеңкеде мүмкіндікті қолдан жібермеді.&nbsp;Иә, қыс қамын жазда ойлайтын халық үшін жәрмеңкелердің тиімді тұсы көп-ақ. Жалағаштықтар асыға күтетін өткен сенбідегі жәрмеңкеде де бақша өнімдерінің барлық түрі сатылымда болды. Әсіресе базар нарығынан төмен бағамен сатылған ауыл шаруашылығы өнімдеріне сұраныс өте жоғары. Өйткені жәрмеңке болатын күні халық арнайы орынға ағылып, картоп, сәбіз, пияз секілді өнімдерді қаптап сатып алып жатты. Сатылымда болған ауыл шаруашылығы өнімдерінің сапасы мен бағасының тұрақтылығында ешқандай кемшілік болмағанын байқадық. Өйткені жәрмеңкеде кезіктірген әр тұрғынның ризашылығын естіп, сатушылардың көңілі тоқ екенін де бағамдадық.&nbsp;Сапалы өнім әрқашан сұраныстан түспейтінін жеткізген кент тұрғыны Ж.Молдиман бұған дейінгі жәрмеңкелерде де сауда жасағанын жасырмады.&nbsp;<blockquote>«Өткенде де алтын дән мерекесі қарсаңында жәрмеңке ұйымдастырылды. Ол кезде де ауыл шаруашылығы өнімдерінен шамамыз келгенше сатып алдық. Бағаның көңілге қонымдылығы, өнімнің сапасы көңілімізден шыққан еді. Мен аудан диқандарының алажаздайғы адал еңбегіне алғыс айтар едім. Дала дарабоздарының ысырапсыз жиған өнімінің мол болғандығынан ауданда жәрмеңке қайта-қайта ұйымдастырылуда. Мұның өзі біз үшін үлкен мүмкіндік деп ойлаймын», – дейді ол.&nbsp;</blockquote>Жәрмеңкеде ұсынылған өнімдер тек бақша өнімдері ғана емес, ет, балық секілді азық түрлері де жалағаштықтардың сұранысынан табылды. Өнімін халыққа ұсынған саудагерлердің де көңілі тоқ. Өйткені ешкімнің өнімі сатылмай не болмаса сұраныстан түсіп қалған жоқ. Барлығы да қарапайым халықтың көңілінен шықты десек, артық айтқандық емес. Әсіресе кент тұрғындары айтулы күні осындай мүмкіндік жасап, жәрмеңке ұйымдастырылғанына ризашылығын білдірді. Жәрмеңкеге келушілердің барлығы дерлік бағаның арзан екенін және ұсынылған өнімдердің сапасын атап өтеді.&nbsp;<blockquote>«Бүгінгі азық-түлік өнімдерінің бағасы маған өте қолайлы, өйткені барлық өнімдер қолжетімді. Картоп, сәбіз, пияз, ет, тіпті балықтың да бағасы базардан әлдеқайда төмен екенін байқадым. Сондықтан осы жерден сауда жасадым. Күнделікті көп тұтынатын азық-түлік түрлері болғандықтан, үнемі алып тұрамыз. Мен өзім осындай жәрмеңкелер ұйымдастырылған кезде молынан алып қоямын. Сол кезде қалтаға ауыр тимейді. Әрі өзіміздің жергілікті өнім болғандықтан сапасы да жоғары екені даусыз. Аудан орталығында жыл сайын осындай жәрмеңкелер өткізілетініне, бұл жұмыстар алдағы уақытта да жалғаса беретініне сенеміз», – дейді кент тұрғыны А.Төлеген.</blockquote>Айта кетейік, саяси науқан күні ұйымдастырылған жәрмеңкеге жергілікті ша-руашылықтар 15 көлікпен 30,5 тонна ауыл шаруашылығы өнімдерін жеткізген. Ал сапалы өнімнен алған аудан тұрғындары болса, еңбеккерлердің еңбегіне алғысын айтып, шараны ұйымдастырушыларға да дән риза болды.

Жәрмеңкеде сапалы өнім ұсынылды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы Полиция департаменті бастығының орынбасары полиция полковнигі Искаков Ермек Бердалыұлы «Орда» ішкі істер органдарының ардагерлер командасының ойыншыларын марапаттады.&nbsp;Бұл команда ағымдағы жылдың 18-19 ақпан күндері аралығында &nbsp;Теміртау қаласында &nbsp;футзалдан Ішкі істер органдары ардагерлері арасында III дәрежелі "Барыс" орденінің иесі Нұрғалиев Ерлан Балғабекұлын еске алуға арналған республикалық турнирке қатысқан болатын. Республика бойынша &nbsp;10 команда бақ сынасты. &nbsp;&nbsp;Ерлан Нұрғалиев ішкі істер органдарындағы қызметін кәмелеттік жасқа толмағандармен жұмыс істеу тобының инспекторы лауазымынан бастап, Нұра аудандық полиция бөлімінің учаскелік полиция инспекторына дейін қызмет еткен. Зейнет жасына шыққаннан кейін «Охотзоопром» республикалық мемлекеттік коммуналдық мекемесінде еңбек етті. Ерлан Нұрғалиев 2019 жылдың 15 қаңтарында заңсыз аң аулаған браконьерлерді ұстау барысында ерлікпен қаза тапты. Қазақстан Республикасы Президентінің Жарлығымен қылмыскерлерді ұстауда танытқан ерлігі үшін ІІІ-ші дәрежелі «Барыс» орденімен қаза тапқаннан кейін марапатталды. &nbsp;Турнирге Қызылорда облысы Полиция департаментінің "Орда" ардагерлер командасы қатысқан болатын. Ардақты ардагерлер тартысты додада мықтылық пен жылдамдық танытты. Төрешілер қатысушыларды қырағы көзбен бақылады. Жарыс қорытындысы бойынша "Үздік шабуылшы» болып Абдреев Асылхан Сейдалыұлы &nbsp;танылды.&nbsp;Полиция полковнигі Искаков Ермек Бердалыұлы белсенді ардагерлерді Алғыс хатпен марапаттап, естелік сыйлық табыстады. &nbsp; &nbsp; &nbsp;Іс-шара барысында Қазақстан Республикасы Ішкі істер министрі полиция генерал – полковнигі М.Ахметжановтың бұйрығымен Қазақстан Журналистер Кеңесінің мүшесі Мықтыбаев Нұрсұлтан Ермұғанұлы «Құқық тәртібін қамтамасыз етуге қосқан үлесі &nbsp;үшін» медалімен наградталды.&nbsp;Департамент бастығының орынбасары полиция полковнигі &nbsp;Искаков Ермек &nbsp;Бердалыұлы &nbsp;ішкі &nbsp;істер органдарының құқықтық тәртіпті және азаматтардың қауіпсіздігін қамтамасыз ету &nbsp;жөніндегі қызметін белсенді жариялаған журналистті марапаттап, қызметіне сәттілік тіледі.&nbsp;<figure class="image"><img src="https://knadmin.beoblood.kz/uploads/Bezymyannyj_6c9614bc65.jpg" alt="Безымянный.jpg"></figure>

Қызылорда облысы полиция департаментінің басшылығы «Орда» ардагерлер командасын марапаттады

<a href="https://kyzylorda-news.kz/">Kyzylorda-news.kz.</a> Қызылорда облысында велоспорттан Әлем чемпионы, КСРО-ға еңбек сіңірген спорт шебері М.Сатыбалдиевтің жүлдесіне арналған жасөспірімдер арасында тас жолдағы велосипед спортынан, республикалық жарыстың ашылу салтанаты өтті.&nbsp;Салтанатты шараны облыс әкімінің орынбасары Нұрымбет Сақтағанов ашып, барша қатысушыларға сәттілік тіледі. Спорт ардагері Ким Юрий Федерович өз құттықтау сөзінде аталмыш жарыстың жыл сайын дәстүрлі түрде Сыр елінде өтуінің маңыздылығын атап өтсе, велоспорттан Әлем чемпионы, КСРО-ға еңбек сіңірген спорт шебері Марат Сатыбалдиев өз кезегінде ұйымдастырушылар мен барша қатысушыларға алғысын білдірді.Сондай-ақ, ҚР төрешілер алқасы төрағасының велосипед спорты жөніндегі орынбасары Сергей Бредихин барша қонақтар мен қатысушыларға өтетін жарыс бағдарламасын баяндап берді.&nbsp;Жарысқа Астана, Шымкент қалалары мен Алматы Жамбыл Жетісу Батыс Қазақстан, Қарағанды, Солтүстік Қазақстан облыстарынан және тұңғыш рет көршілес Өзбекстан Республикасынан 12 команда бақ сынасады. Тартысты дода 31 наурыз күні аяқталып, мықтылар анықталатын болады.Ендеше Сыр спортшыларына жеңіс, ал қалған велошабандоздарға сәттілік тілейміз!<figure class="image"><img src="https://knadmin.beoblood.kz/uploads/338400381_237643008740773_7397761605728508543_n_2454696372.jpg" alt="338400381_237643008740773_7397761605728508543_n.jpg"></figure>

Қазақстан және Қызылорда облысының жаңалықтары