Қызметкерлер мен жұмыс берушілер МӘМС қорына төлем жасағанда нені ескеру керек?

<a href="https://kyzylorda-news.kz/">Kyzylorda-news.kz.</a> Қармақшы ауданында қоғамдық қауіпсіздік жағдайы мен оны тұрақтандыру бойынша атқарылған шаралар туралы 2023 жылдың І тоқсанының есеп беру жиыны өтті. &nbsp;Өткен жылы аудан көлемінде тіркелген қылмыстар саны &nbsp;– 23,1%-ке, оның ішінде – ауыр және аса ауыр қылмыстар 100%, мал ұрлығы 78,6%, тонау 100%, бұзақылық 33,3%, ұрлық 32,6%, алаяқтықтың саны 16,0%, төмендесе, қоғамдық орындарда жасалған қылмыстар 18,2%, мас күйінде жасалған қылмыстар 40,0%, топтасып жасалған қылмыстар 11,1%, кәмелетке толмағандармен жасалған қылмыстар 100,0%-ке &nbsp;азайып, ауыр және аса ауыр қылмыстардың ашылу пайызы 69,2%-ке жақсарған.&nbsp;Ағымдағы жылдың І тоқсан қорытындысымен тіркелген қылмыстар саны 48,7 пайызға төмендеген. Оның ішінде, ауыр қылмыстар: мал ұрлығы, алаяқтық қылмыстар интернет алаяқтық, есірткі қылмыстары төмендеген. Қоғамдық орында , көшеде жасалған қылмыстар кеміген.Ауданда қылмыстылық деңгейінің оң динамикасы байқалады. Мысалы, соңғы 5 жылда қылмыстар саны 65 пайызға азайған. (2018 &nbsp;жылы – 285, 2019 жылы – 227, 2020 жылы – 159, &nbsp;2021 жылы – 130, 2022 жылы – 100).<blockquote>«Полиция қызметі көпсалалы болғандықтан, өзекті бағыттарға тоқталсақ, ауылдық жерлерде мал ұрлығымен күрес мәселесі әлі де өзекті. &nbsp;Жоспарға сәйкес «Мал ұрысы» жедел-профилактикалық іс-шарасын өткізудеміз, қабылданған шаралардың нәтижесінде былтыр жыл көлемінде 3 мал ұрлығы қылмысы орын алса, биылғы жылдың есепті мерзімінде &nbsp;(2023 жылдың 3 айында) бірде-бір мал ұрлығы қылмыстары тіркелген жоқ. Былтырғы жылы осы мерзімде 2 мал ұрлығы дерегі орын алған еді. Сонымен қатар былтыр Ветеринария қызметімен бірлесіп, тиісті құжатсыз мал тасымалдаған 15 жүргізушіге, ал биылғы жылы 2 жүргізушіге (ӘҚБтК 406-бабы «Ветеринария саласындағы заңнаманы бұзу») шара көрілді», – деді аудандық полиция бөлімінің бастығы Бақытбек Жарқынбаев.&nbsp;</blockquote>Қазіргі таңда, өсім алып тұрған қылмыстардың бірі – интернет алаяқтық. &nbsp;Бөлімнің криминалды полиция қызметкерлері халық көп жиналатын жерлерде брашюлар таратумен қатар әлеуметтік желілерде бірнеше рет бейнероликтер арқылы түсіндірме жұмыстары жүргізілгеніне қарамастан тұрғындар алаяқтарға алданып қалуда. &nbsp;Атап айтқанда, 2022 жылы интернет-алаяқтықтың 11 дерегі тіркеліп, &nbsp;2-і &nbsp;ашылды. Қандай жағдай болмасын банктің немесе құқық қорғау органдары қызметкерлерімін деп ұсынған алаяқтардың нұсқауларын орындамаған абзал. Жеке деректеріңізді хабарламай, күмәнді сілтемеге өтпеуді ескеру керек. &nbsp;Мемлекет басшысының соңғы жолдауы аясында Республикамызда нашақорлықпен және есірткі бизнесімен күрестің 2023-2025 жылдарға арналған кешенді бағдарламасы қабылдануда. &nbsp;Есірткі алқаптары егілетін &nbsp;жер телімдерінің басым бөлігі ауыл әкімдіктеріне қарасты. Бүгінде далалық жерлердегі жер телімдерін қадағалап, бақылауда ұстап, ауыл әкімдерін учаскелік полиция инспекторларымен бірге жұмыс атқарылуда.Өткен жылы (1 маусым - 30 қазан аралығында) есірткінің заңсыз айналымымен күрес бағытында Республика көлемінде «Қарасора-2022» кең ауқымды жедел профилактикалық шарасы өткізілді. Рейд барысында, 13 есірткі қылмыстары анықталды. &nbsp;Ал, 2023 жылдың 3 айында &nbsp;есірткіге қатысты құқық бұзушылықтың 2 дерегі анықталып отыр. &nbsp;Жалпы нашақорлықтың профилактикасы және есірткінің заңсыз айналымына қарсы тұру мәселесі ерекше бақылауда.&nbsp;Мемлекет басшысы - Қасым-Жомарт Кемелұлы &nbsp;Тоқаев, 2022 жылғы 1 қыркүйектегі Жолдауында, отбасылық зорлық-зомбылыққа көз жұма қарауға болмайтынын атап өтіп, алдын алу бағытында тиісті шаралар қабылдауды тапсырды. 2022 жылы жанұя жанжалын шығарған 78 (2021 жылы – 70) тұлғаға әкімшілік кодекстің 73-бабымен шара көріліп, 13 (2021 жылы – 9) құқық бұзушының мінез құлқына ерекше талап орнатылды, яғни алкоголь өнімін қолдануға, қару алып жүруге не сақтауға тыйым салынды. Отбасы тиранынан, жәбірленушінің қауіпсіздігін қамтамасыз ету мақсатында 82 (2021 жылы – 63) қорғау нұсқама шығарылды.&nbsp;2023 жылдың есепті мерзімінде жанұя жанжалын шығарған 12 тұлғаға әкімшілік кодекстің 73-бабымен шара көріліп, 3 құқық бұзушының мінез құлқына ерекше талап орнатылды. Жәбірленушінің қауіпсіздігін қамтамасыз ету мақсатында 20 қорғау нұсқама шығарылды. Ауданда 20 УПИ, 5 көмекші, 7 ЮПИ, 1 әйелдер зорлық-зомбылығының алдын алу инспекторлары қызмет атқарады. Тиісті рейдтік шаралар жүргізіліп, заңмен белгіленбеген мерзімде алкоголь өнімін сатқан 5 &nbsp;дүкен иелеріне (91 182 теңге айыппұл салынды) шара көрілді. &nbsp;Қылмыстарды болдырмау мақсатында «Тұрмыс» (3 рет), «Қадағалау» (2 рет), «Зорлық-зомбылыққа жол жоқ» (2 рет), «Квадрат» (11 рет) профилактикалық шаралары ұйымдастырылды. Мемлекет басшысы (19.01.2022ж. Үкімі) 2022 жылды «Балалар жылы» деп жариялады. &nbsp;Осы орайда, кәмелетке толмағандар мен маргиналды жастар арасында құқық бұзушылықтың алдын-алу бағытында «Бала және отбасы», &nbsp;«Түнгі қаладағы балалар» (2 рет), «Демалыс» (2 рет), «Мен және менің полицейім», «Абайлаңыз балалар» профилактикалық іс-шаралары ұйымдастырылып, күнделікті аудан әкімдігі, білім бөлімі қызметкерлерімен бірлесіп, «Жасөспірім», «Түнгі қала», «Квадрат» рейдтік жұмыстары жүргізілуде. Нәтижесінде, 2022 жылы ауданымызда кәмелетке толмағандармен жасалған қылмыстардың бірде-бір дерегі тіркелген жоқ. Кәмелетке толмағандарға қарсы жасалған 1 қылмыс (жол-көлік оқиғасы) тіркелді.2023 жылдың 3 айында кәмелетке толмағандармен жасалған қылмыстар 100 пайызға, оларға қарсы жасалған қылмыстар 200 пайызға көбейген. Былтырғы жылы профилактикалық жұмыстар барысында, 341 құқық бұзушылық анықталып, қаңғыбастыққа салынған 1 жасөспірім бейімдеу орталығына орналастырылды. Сонымен қатар, өз міндеттерін орындамаған 19 ата-анаға әкімшілік хаттама рәсімделді.&nbsp;Рейдтік шаралар нәтижесінде, кәмелетке толмағанның түнгі уақытта ойын-сауық мекемелерінде болуына жол берген 8 (2021ж-5)- &nbsp; &nbsp;кәсіпкерге (ӘҚБтК 132-б. - 10 АЕК- 30 630 тг. немесе 15 АЕК- 45 945 тг.), &nbsp; әкімшілік хаттамалар толтырылды. Құқық бұзушылық жасағаны үшін 9 (тізімдік-2, профилактикалық-7) жасөспірім және өзінің міндеттерін орындамаған 4 (2021ж-12) ата-ана полицияның есебіне алынды. Ал, 2023 жылдың есепті мерзімінде &nbsp;85 &nbsp;құқық бұзушылық анықталып, құқық бұзушылық жасағаны үшін 7 (тізімдік-3, профилактикалық-4) жасөспірім және өзінің міндеттерін орындамаған 7 &nbsp; ата-ана полицияның есебіне алынды. Кәмелет жасқа толмағандармен жұмыс әлі де жалғасуда.&nbsp;Аудандағы келесі өзекті мәселенің бірі - жол көлік оқиғалары. 2022 жылдың 12-айында аудан көлемінде 29 (2021 жылы – 23) жол-көлік оқиғасы орын алып, жол апатының салдарынан 43 (2021 жылы – 27) адам дене жарақаттарын алып, 14 (2021 жылы – 7) адам қайтыс болды. Орын алған 29 жол-көлік оқиғаларының 17-і республикалық маңызы бар тас жолдарда, 7-еуі &nbsp;кент орталығында &nbsp;және 5-еуі &nbsp; елді-мекендерге баратын тас жолдарда орын алған. &nbsp;Мақсатты шаралар атқарылу нәтижесінде жол көлік оқиғасының алдын алуда тікелей әсер ететін 59 өрескел құқық бұзушылықтар анықталды. Атап айтқанда, көлік құралын масаң күйде басқарудың 51 дерегі, көлік құралын жүргізуші куәлігінен айырыла тұра көлік басқарған 8 азаматқа &nbsp;(612 бап 3-бөлігімен) тиісті шаралар көрілді. 2023 жылдың есепті мерзімінде 4 жол-көлік оқиғалары орын алып, 4 адам дене жарақаттарын алды. 2 адам қайтыс болды. ҚР ӘҚБтК-нің 608 бабы бойынша 5 азаматқа әкімшілік шаралар көрілді. Жол-көлік оқиғасының алдын алу мақсатында, тұрақты түрде жедел профилактикалық іс-шаралары жүргізілуде. «Қауіпсіз жол» (4 рет), «Автобус» (3 рет), «Заңсыз жолаушы тасымалдаушы» (2 рет), «Құқық тәртіп» (3 рет), жедел профилактикалық шаралары мен «Абайлаңыз, балалар» (3 рет) және «Жолда қабылдау» &nbsp;акциясы өткізілді.Мемлекет басшысы ауқымды реформаларды бастады. &nbsp;Полиция қызметі сервистік модельге көшуде. Сервистік полиция - қылмыспен күресте полициямен бірге мүдделі органдармен проблемаларды бірлесіп шешу болып табылады. &nbsp;Осы жылдан бастап, барлық өңірлерде полиция қызметін сервистік тәсілге көшіру басталды. Сервистік модельге көшу аясында полиция қызметі жаңа форматқа көшіп жатыр.&nbsp;2022 жылы бөлімнің тергеу-жедел бөлімшелерінің кабинеттеріне барлығы &nbsp;16 бейнебақылау камералары орнатылды.

Қармақшыда тіркелген қылмыстар саны 48,7 пайызға төмендеген

<a href="https://kyzylorda-news.kz/">Kyzylorda-news.kz.</a> Жұмыссыз азаматтардың кәсіп бастауына мүмкіндік беретін мемлекеттік бағдарламаның игілігін көріп отырған тереңөзектік Талғат Ералиев шағын бизнес иесі атанды. Ол өзін-өзі жұмыспен қамту мақсатында «2021-2025 жылдарға арналған кәсіпкерлікті дамыту жөніндегі ұлттық жоба бойынша» өткен жылы мемлекеттік грант жеңіп алды.Мамандығы заңгер азамат кезінде мемлекеттік қызмет атқарған. Кейін басқа жұмысқа ауысып, онда да қысқартуға ілінген. Көп балалы отбасының иесі аудандағы «Жұмыспен қамту» орталығына жұмыссыз ретінде тіркеледі. Одан әрі мемлекет тарапынан жұмыссыздарға берілетін қаржылай қолдауды пайдалану үшін арнайы курстан өтіп, сертификат алады. «Бастау Бизнес» курсының сертификаты негізінде жоба әзірлеп, комиссия қарауына ұсынады.Соңғы жылдары аудан көлемінде көлік санының артқаны белгілі. Ал көлік көбейген сайын техниканы жөндейтін орталықтардың да жұмысы сұранысқа ие болады. Ізденіс пен еңбексүйгіштік қасиетінің арқасында көлік жүргізушілердің сұранысына ие техника жөндеу орталығын ашып, жұмыстың сапалы әрі уақытылы орындалуына ден қойды. Кенттегі теміржол бекетінің арғы жағында орналасқан жолдасының гаражының бір бөлігін жалға алған шебердің жұмысы қыза түскен.<blockquote>«Қазір үйренемін, білемін деген адамға бәрі дайын тұр. Бұрыннан қолымнан келетін істі одан әрі жандандыру үшін ізденіп, автокөлікті әрлеу, тегістеу, дәнекерлеу ісін қолға алдым. Жалға алған гараждың іші кең, бір мезгілде 3 көлікті ішіне кіргізуге болады. Көлік иелеріне қызметімді аптаның жеті күнінде де ұсынамын. Барлық жұмысты әзірге өзім атқарамын. Алдағы уақытта қолынан іс келетін бір азаматты жұмыспен қамтитын боламын», – дейді кәсіпкер.</blockquote>Қырық жасты еңсерген кәсіпкер жоба аясында ұтып алған қаржыға қажетті құралжабдықтарды сатып алған. Компрессор, дәнекерлеу аппараты, тегістегіш машинасы, болгарка, темірді жапсырып, тартуға арналған споттер – күнделікті шебердің қолданатын құралдары. Барлық қажетті затты Қызылорда қаласынан сатып алатын кәсіпкер болашақта өзінің жеке гаражын ашуды жоспарлап отыр.Жұмыссыздан кәсіпкерге айналған азаматтың бастамасы – отбасын асырауға, қосымша табыс табуға үлкен мүмкіндік. Мемлекеттік қолдаудың нәтижесінде өз ісін бастаған азаматтың жұмысына табыс тілейміз. &nbsp;<figure class="image"><img src="https://knadmin.beoblood.kz/uploads/c4c0b145_a530_4ae1_ad70_885d52156c92_bb70e92884.jpg" alt="c4c0b145-a530-4ae1-ad70-885d52156c92.jpg"></figure>

Сырдариялық кәсіпкер грант негізінде өз ісін бастады

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы Ақсақалдар кеңесінің төрағасы Нұрмұрат Ерманов 19 наурызда өткен сайлауға қатысты өз пікірін білдірді.&nbsp;<blockquote>«Парламент Мәжілісінің жаңа палатасы жасақталып, демократия принципі бойынша көп партиялар мүшелікке ие болды. Бұл да болса жақсылықтың нышаны деп бағамдаймыз, ал жұмыс сапасына алдағы уақытта атқарған қызметтеріне қарап бағасы беріле жатар. Ескеретін бір жайт, Президент Қасым-Жомарт Тоқаев «үн қатпай жай келіп кететін депутаттардың мандатын қайтарып аламыз» деп алдын ала ескерткен болатын. Аталған Парламенттің бірінші сессиясында Президент елдің әлеуетін көтеретін бірнеше мәселелерді атап өтті. Солардың ішіндегі бір мәселе бойынша азық-түлік қауіпсіздігін қамтамасыз етуге баса мән беру қажет делінген. Азық-түлік қауіпсіздігі қай кезеңде, қай қоғамда болмасын басты стратегиялық мақсат болуы керек. Өздеріңіз білесіздер, соңғы кезде алғашқы тұтынатын тауарлар мен азық-түліктердің бағалары нарықта тым өсіп кеткен еді. Бұл проблеманы шұғыл түрде қолға алатын уақыт әлдеқашан туғаны жасырын емес. Өйткені халықтың отбасылық деңгейдегі тұрмыстық сапасы мен сұранысына тұтыну қабілетіне қарай жағдайлар жасалмаса билікке деген сенім ешқашан болмайды. Сол себепті жаңа көзқарасты мақсат етіп сайланған халық қалаулылары аталған проблемаларды шешуде тиімді, әрі сапалы жұмыстар атқарады деп сенім білдіргім келеді», - дейді Нұрмұрат Ерманов.</blockquote>

Нұрмұрат Ерманов: Азық-түлік қауіпсіздігі басты стратегиялық мақсат болуы керек

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Сәбитұлы Ахатовтың төрағалығымен мәжіліс отырысы өтті. Жиынға аудан әкімінің орынбасарлары, ауылдық округ әкімдері мен бөлім басшылары, «Amanat» партиясы аудандық филиалының төрағасы Болат Мүбаракұлы қатысты.Мәжілісте 4 мәселе қаралып, «Салық базасын кеңейту бойынша атқарылған жұмыстар» тақырыбында аудандық экономика және қаржы бөлімінің басшысы Дәуренбек Жакеев, аудандық мемлекеттік кірістер басқармасының басшысы Еркеғали Абдрахманов сөз сөйледі. Дәуренбек Жакеев салық түсімдерін ұлғайту бағытында арнайы жұмысшы топ құрылғандығын айтса, Еркеғали Абдрахманов көлік салығы бойынша түсімдердің нақты көрсеткіштерін баяндады.Мұнан соң, сөз алған аудандық ауыл шаруашылығы және жер бөлімінің ​ басшысы Мұрат Әшірбеков «Көктемгі егін науқанының жүру барысын» баяндап, егіске қажетті жанар-жағармай мен тыңайтқыштардың жеткілікті екендігін және ауыл шаруашылығы өнімдерін әртараптандыру мақсатында жасалып жатқан жұмыстарға тоқталды. Сондай-ақ, облыс әкімінің тапсырмасына сәйкес, өтініш білдірген 1590 азаматқа бау-бақша өнімдерін егу үшін жер дайындап беріліп жатқандығын айтты.Келесі кезекте аудандық қорғаныс істер жөніндегі бөлімінің басшысы Руслан Шәріпбаев 2023 жылғы көктемгі әскерге шақыруды ұйымдастыру барысы туралы баяндама жасап, ауылдық округ әкімдеріне бұл бағыттағы жұмысты күшейтуді ұсынды. Аудан әкімі де бұл ұсынысты құптап, ауыл әкімдеріне қатаң тапсырма жүктеді.Соңғы болып, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Ғабит Аманжолов аудан бойынша жүргізіп жатқан көркейту-көгалдандыру жұмыстарының барысына тоқталды. Сондай-ақ, қазіргі таңда шамамен аудан бойынша 34 мың 465 түп ағаш егілгенін, бұл істерге шаруашылықтар мен мекемелерде атсалысып жатқанына тоқталды. Өз кезегінде аудан әкімі Нұржан Сабитұлы аппарат басшысына аталған деректерді жан-жақты зерттеп, нақты мәліметтер ұсынуды тапсырды.<figure class="image"><img src="https://knadmin.beoblood.kz/uploads/338568233_181652467556506_2242313285028965544_n_44639a8ddc.jpg" alt="338568233_181652467556506_2242313285028965544_n.jpg"></figure>

Шиелі ауданында атқарылған жұмыстар сараланып, алдағы міндеттер айқындалды

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Дінмұхамед Ермековтың төрағалығымен құзырлы органдар, сауда үйлер мен базар басшыларының қатысумен мәжіліс өткізілді.Жиын барысында сауда нысандарындағы өрт қауіпсіздігі мен санитариялық талаптар бойынша мәселелер көтерілді.Бұл ретте, кәсіп иелеріне өрт болған жағдайда алғашқы іс-әрекеті, өрт сөндіру құралдарын үнемі жарамды күйде ұстау талаптары түсіндірілді. Сонымен қатар сауда орындарының эвакуациялық шығу жолдарына бөгет жасамау, жүргізілген электр сымдарының жай-күйін үнемі бақылауда ұстау жөнінде өрт қауіпсіздігі талаптары да назарға алынды.&nbsp;Сондай-ақ, санитарлық талаптармен қоса, тұтынушылардың астан улану қауіпін алдын алу мақсатында тез бұзылатын тамақ өнімдеріне бақылау жүргізу мәселелері ескертілді.Жиын соңында кәсіп иелеріне сауда нысандарының сыртқы сәулеттік кескін келбеттерін ретке келтіру, әр сенбі сайын сенбілік ұйымдастыру, іргелес аумақтарының санитарлық тазалығын қамтамасыз ету жөніндегі белгіленген талаптар түсіндіріліп, құзырлы органдарға тиісті тапсырмалар берілді.<figure class="image"><img src="https://knadmin.beoblood.kz/uploads/338399821_233130035952897_2999419598394083437_n_8d0fcf42c8.jpg" alt="338399821_233130035952897_2999419598394083437_n.jpg"></figure>

Қызылордада сауда нысандарындағы өрт қауіпсіздігі мен санитариялық талаптар бойынша жиын өтті

<a href="https://kyzylorda-news.kz/">Kyzylorda-news.kz.</a> Денсаулық сақтау ұйымының айтуынша әлемде 1,5 млрд бала тіс жегі ­ауруларынан зардап шегетін көрінеді. Миға жақын орналасқан тіс ауруымен әсіресе мектеп жасындағы балалар ауырады. Ауданда тіс жегі құртымен ауы­ратын балалардың саны аз емес. Мұндайда мектеп оқушылары педиатриялық дәрігердің көмегіне жүгінеді. Өңірде тіс емдейтін клиникалардың жылдан жылға көбейіп келе жатқаны көңіл қуантады. Олардың барлығы кәмелеттік жасқа толмаған балалардың тісін тегін емдейді. Солардың бірі – «Alma dent» емханасы.Бұл емхана қазіргі таңда халыққа қызмет көрсетіп, аудандағы барша балалардың саулығы үшін нәтижелі жұмыстар атқарып келеді. Біз жуырда аталған тіс емханасының жұмысымен танысып қайтқан едік.Аудан орталығының ортасынан қанат жайған емхананың ата-ана мен балалар үшін алар орны ерекше. Неге десеңіз, тісі ауырған балалардың барлығы бірден осы жерге келіп, тіс дәрігерінің көмегіне жүгінеді. Бұл емханаға 3 жастан бастап, мектеп жасындағы балалар мен ересектер келіп емделе алады. Мұндағы дәрігерлер әрбір науқастың денсаулығына ерекше назар аудара отырып, тіс жегіннің сау ­болуын мұқият қадағалайды.Ауданда тіс ауруынан зардап шегіп жатқан мыңдаған науқас бар. Олардың 60 проценті кәмелеттік жасқа толмаған балалар. Бас пен мидың тамырларына тікелей әсер ететін тіс ауруы жүйке жүйесі ­ауруларына шалдықтырады. Әсіресе сүт тістері енді шығып келе жатқан балаларда тіс қабынуы жиі пайда болады. Ал орта жастағы балаларда ең көп тараған ауру түрі – тісжегі (кариес), одан кейін – тіс ұлпасының қабынуы (пульпит), тіс түбірінің қабынуы (периодонтит), қызыл иек тіндерінің қабынуы (парадонтез). Бұл дерт жасқа да егде тартқандарға да ортақ. Тіс түбіріне ірің түссе, сол іріңді дереу жұлып тастау керек. Әйтпесе, іріңді ошақ жүрекке, бүйрекке әсер етіп, басқа дерттерді қоздырады. Ағзаның қорғаныш қабілетін әлсіретеді. Бірақ көптеген ата-аналар баласының тісі ауырып, мазасы қашса, бірден жұлып тастауды дұрыс деп санайды. Бұл дұрыс емес. Егер сүт түстері зақымданып, шіріген болса ғана, онда оны жұлуға болады. «Alma dent» емдеу емханасының директоры, Дүйсенкүл Тәжікованың айтуынша, ауыз қуысының қабынуын елемеген жағдайда флегмонаға алып келуі мүмкін. Бұл адам өміріне қауіпті. «Сондықтан тіс ауруларын алдын алып, дәрігермен кеңесіп тұрған абзал», – дейді.<blockquote>«Қазір балалар арасында тіс жегіден зардап шегетіндер көбейген. Мұның басты себебі аудандағы су тазалығы процентінің төмен болуы. Судағы антибактериалардың салдарынан тіске кальций, фтор жетіспейді. Ағзаға дұрыс дәруменнің жетіспеуінен тіс жегі өте әлсіз болып келеді. Оған қоса өңірдегі уранның, экологияның нашарлығының салдарынан тіс жегі тез нашарлап кетеді. Тістің ауруы әлемдік проблема болып отырғандықтан, онымен күресу де оңай емес. Сол үшін әр адам өзінен бастап тіске дұрыс күтім жасап үйрену қажет. Мұндайда ата-ананың баласына деген ақылы маңызды рөл атқарады. Бір ауданның өзінде қазір мыңдаған баланың тісінде мәселелер жетерлік. Мәселен, біздің емханаға күн сайын көптеген оқушы тісін емдетуге келеді. Келушілердің ішінде ауруын асқындырып алғандары да кездеседі. Тіс пен ми тікелей байланысты болғандықтан біз барлығына баса назар аударуға тырысамыз. Ал асқынған тістерді ең әуелі рентген арқылы тексерістен өткіземіз. Бізге баланың саулығынан асқан маңызды ештеңе жоқ. Сондықтан әрбір бала өз тісіне қазірден күтім жасап, тіс тазалау гигиенасын сақтауға кеңес береміз», – деді дәрігер.</blockquote>Егер баланың саулығын ойласаңыздар тісті тәулігіне екі рет, таңертең және жатар алдында міндетті түрде жуу қажет. Бұл ретте тіс тазалауға арналған тіс пастасының да маңызын айта кеткен жөн. Ата-аналар көп жағдайда баласына дүкенде сатылатын қарапайым тіс пастасын алып бере салады. Негізінде балаға дәріханаларда сатылатын түрлі шөп-дәрілерден жасалған тіс пастасы тиімдірек болады.Ал мамандардың айтуынша, аптасына бір рет ауыз қуысын тексеріп отырған жөн. Алты жастан бастап баланың ауыз қуысындағы тілдердің саулығы тістің тазалығымен тікелей байланысты. Бала 7 жасқа толғанда тұрақты тістер пайда болып, уақытша тістер түсе бастайды. Ал 12 жаста тұрақты тістердің барлығы шығып болады. Осы уақытта тіс сау болмаса, ауыз қуысы бұзылады. 15 жаста тұрақты тістердің түбірі қатаяды. Егер осы кезде жақтың тістесуі дұрыс болмаса, жақ сүйегі бұзылып, өспей қалуы мүмкін. Дәрігерлердің айтуынша, жақ сүйектің аумағындағы өсінділер 23-25 жасқа дейін өсіп, тұрақталады. Сондықтан баланы жылына екі рет тіс дәрігеріне қарату керек. Егер бала жүйке, жүрек, омыртқа ауруларына шалдыққан болса, жылына үш рет тіс дәрігеріне апарған жөн. Мәселен, төменгі самай буыны омыртқа ауруымен тікелей байланысты екен.

Шиелі: «Alma dent» балалардың тісін тегін емдейді

<a href="https://kyzylorda-news.kz/">Kyzylorda-news.kz.</a> Роза Бағланова атындағы мәдениет үйінде 27 наурыз – Халықаралық театр күніне орай «Театр – өмір айнасы» атты драма ұжымдарының аудандық фестивалі өтті.Киелі сахна саңлақтарының мерекесінің жоғары дәрежеде өтуін қолға алған мәдениет бөлімі шара қонақтарына бұл күннің маңыздылығын кіреберістегі ауданның театр тарихының көркем көрмесімен жеткізе білді.Одан әрі театрсүйер қауым көрермендер залына жылжып, мінберден алғы сөз алған Қазалы ауданының мәдениет және спорт бөлімінің басшысы Болат Әбенұлы мерекемен құттықтап, жүрекжарды лебізін жеткізді.<blockquote>«Сіздерді Халықаралық театр күнімен құттықтаймын! Көрермен көңілін нұрға, жүректерін жырға бөлеп, халқымыздың ұлттық құндылықтарын ұлықтап, өнерсүйгіш ұрпағымызды тәрбиелеу жолындағы игілікті еңбектеріңіздің жемісін көріңіздер! Дендеріңізге саулық, отбасыларыңызға амандық, істеріңізге сәттілік, шығармашылық табыстар тілеймін. Ұлтымыздың саф өнерін жандандырып, биік белестерден көріне беріңіздер. Мереке құтты болсын» – деді ол.</blockquote>Театр ұжымдары фестивальіне ауданға қарасты жеті ауыл өнерпаздары қатысты. Олардың әрқайсысы реттілік бойынша көңіл жібітер, терең мағыналы, тарихи қойылымдарды қалың көрермен назарына ұсынды.Талапкерлер өнерін сарапқа салып, оң бағасын берер қазылар алқасы қатарында Мәдениет саласының үздігі, актриса, қазылар алқасының төрайымы Ұлжан Ахметова мен Жәдігер Тұрсынов атындағы халықтық театрының режиссері Индира Рсалиева сынды мәдениет майталмандары болды.Барша өнерпаздар қойылымдарын тәмамдап болған соң, әділқазы алқалары номинация иегерлері тізімін жария етті. Аудандық театр ұжымдары фестиваль нәтижесі бойынша, Абай ауылы, №90 мектеп оқушылары жүрек жылытар «Дауыл әкелген дәрігер» атты көрінісін сәтті сахналап «Үздік қойылым» номинациясын иеленді. Ал «Үздік режиссер» номинациясын Бозкөл ауылдық мәдениет үйінің драма үйірмесінің режиссері Ляззат Тәңірбергеноваға бұйырса, «Үздік әйел бейнесін» Түктібаев ауылынан келген Назерке Дәулетжанова иеленді. Сонымен қатар Жалаңтөс батыр ауылының өнерпазы Ербол Ізтілеуов «Үздік ер адам бейнесін» қанжығаласа, өркендеулік Болатбек Рсалы «Үздік актерді» алды. Басқа да, «Ең жас актер» мен «Көрермен көзайымы» бағамы басықаралық Нұрсат Қожабаев пен Бекарыстан би ауылынан келген Шерхан Тілеуназарға бұйырды.Рухани азыққа қаныққан жұрт көңілі көншіп, сахна төрінен орын алған марапат иелері ыстық ықылас пен ду қол шапалаққа бөленді.«Қазіргі әлем қайғы-қасірет пен жағымсыз көңіл-күйге толы. Олардың кезегін кейде тіпті, позитивті және қуанышқа толы сәттер үзу керек. Мысалы, театр. Театр – заманауи адам үшін өнердің қызықты түрі ғана емес, бұл - қуатты антидепрессант. Ол – қуаныш, жеңілдік және жақсы көңіл-күй сезімін тудыратын жағымды эмоциялардың үлкен қуатын береді. Сол себепті де бүгінгі фестивальге келген едім. Бәрі ойдағыдай, керемет өтті. Ауданда театр өнерінің қарыштап дамып келе жатқанына және театрдың жастар арасында сәнге айналғанын көріп қатты қуанып қалдым. Алдағы уақытта керемет, мәнді де сәнді сахналық қойылымдар күтетін боламыз», – дейді кент тұрғыны Тұрар Әбілқанұлы.

Қазалыда театр ұжымдарының аудандық фестивалі өтті

<a href="https://kyzylorda-news.kz/">Kyzylorda-news.kz.</a> Бүгінде қой шаруашылығы отандық агробизнестің негізгі бағыттарының біріне айналды. Осыбір шаруашылықты дамыту үшін мемлекет тарапынан түрлі қолдаулар көрсетілуде. «Мал өсірсең – қой өсір, өнімі оның көл-көсір» деп бекер айтпаған. Дегенмен қорасы қойсыз болмаған қазақтың бүгінгі сипатында шопан ата төлінің шаруашылығы шатқаяқтап тұрғаны жасырын емес. Осы кенжелеп қалған қой шаруашылығын қолға алып, оны көбейтуді мақсат еткен ІІІ интернационалдық кәсіпкер Анша Рашитованың бастамасы көпке үлгі. 2021 жылы Мемлекет басшысы Қасым-Жомарт Тоқаев елдің экономикалық тұрақтылығы мен бәсекеге қабілеттілігін одан әрі күшейту, халықтың өмір сүру сапасын жақсартуға басымдық беріп, он ұлттық жобаны бекіткен-ді. Соның бірі – кәсіпкерлікті дамыту. ІІІ Интернационал ауылының тұрғыны, түрік ұлтының өкілі Анша Рашитова жақында «Ұлттық жоба» шеңберінде бизнес-идеяларды іске асыруға арналған қайтарымсыз несиені ұтып алып, кәсібін бастады. Ол бүгінде кенжелеп қалған қой шаруашылығын дамытуға бек кіріскен. Кәсіпкердің көптен бергі ізгі арманы – жоба аясында жұмыс жүргізіп, асыл тұқымды қой өсіру және малды өз төлі есебінен көбейту болатын. Сол арманына биыл қол жеткізді.<blockquote>«Мал ұстау маған таңсық емес. Тұрмыс құрғанға дейін Алматыда малмен айналыстық. Әкем малдың әр түрінен ұстады. Ауылға келін болып түскеннен кейін жұмыссыз жүрдім. Кейін жолдасымыз екеуміз ақылдаса келе қой басын көбейтуді жоспарладық. Сөйтіп бизнес-жоспар құрдық. Жобамды қорғаған кезде комиссия мүшелері бұл бастамаға таңданып «Өзге ұлт өкілінен келіншек келіп қой өсіргім келеді дегені бізде бірінші рет болып отыр» деп жобамды бірауыздан мақұлдады. Жалпы ауыл шаруашылығын қаржылай қолдау қоры біз секілді мал шаруашылығын дамытуды көздеген жандарға қолайлы жағдай жасауда», дейді кәсіпкер.</blockquote>Осылайша әуелгі қаржыға 36 бас қой алып, Жаңақорғаннан Гиссар, Еділбай секілді асыл тұқымды қойлармен толықтырыпты. Оны күтіп баптау өмірлік жары Ясиннің негізгі міндеті. Қазіргі таңда мал азығын дайындауда.<blockquote>«Ауылдың негізгі табыс көзі – мал шаруашылығы. Кезінде менің де әкем қой өсірген. Сондықтан қой бағу, мал өсіру біздің ата кәсібіміз десек болады. Кішкентайымнан малмен етене араласып өскен мен үшін бұл шаруа ешқандай қиындық туғызбайды. Сол үшін мемлекеттен жағдай жасалып тұрғанда мұндай мүмкіндікті жіберіп алмауды ойлап, кәсіпті бастадық. Кез келген істі бастағанда бірден пайда әкелмейді. Сол сияқты мал өсіру де оңай шаруа емес, маңдай терді талап ететін адал кәсіп. Ала жаздай жайлауға айдау, қыста қорадағы қарбалас, мұның барлығы қажырлы еңбек пен төзімділікті талап етеді. Олардың жем-шөбін дайындаудың өзі үлкен мәселе», &nbsp;дейді отағасы.</blockquote>Қазақ «Қойың болмаса, байлықтан ойың болмасын» деген. Кәсіпкер Аншаның келешекте қой шаруашылығын үлкейту нық жоспары. Ал одан бөлек ірі қара мал ұстап, жылқы өсіру жолдасының арманы. Олар елді дамыту үшін кәсіпкерлерге мүмкіндік беріп отырған ел Президентіне, сонымен қатар жобаның іске асырылуына қолдау көрсеткен аудан, ауыл әкімдеріне айтар алғысы шексіз. Иә, өрісін қоймен көркейтіп, үлкен іске бет бұрған кәсіпкердің алар асуы алда. Мал баққанға бітеді. Ендеше қой өсіруді қолға алған жандардан күтеріміз көп.

Қармақшылық кәсіпкер қой шаруашылығын қолға алуда

<a href="https://kyzylorda-news.kz/">Kyzylorda-news.kz.</a> Бүгін облыстық мәслихаттың VІІІ шақырылымының алғашқы сессиясы өтіп, депутаттар мандат алып, қызметіне кірісті. Сессияға облыс әкімі Нұрлыбек Нәлібаев, құқық қорғау органдары басшылары, қала және аудан әкімдері қатысты.Жиында облыстық сайлау комиссиясының төрағасы Әділбек Ерсұлтанов кезектен тыс сайлау қорытындысын жариялап, нәтижесі бойынша партия атынан және мажоритарлық жүйемен сайланған депутаттарға куәлік пен төсбелгі табыс етті.Еске салсақ, ҚР Парламенті Мәжілісінің және мәслихат депутаттарының сайлауында өңірдегі 486002 сайлаушының 67,21% дауыс беріп, республикада Қызылорда облысы алдыңғы қатардан көрінді.ҚР Парламенті Мәжілісі депутаттығына өңір бойынша бірмандатты округтен Мархабат Жайымбетов пен партиялық тізім бойынша Мұрат Ергешбаев сайланды.Облыста барлық деңгейдегі мәслихат депутаттарына 152 мандат берілсе, оның 124 мандатын «AMANAT» партиясы, 15 мандатын «Ауыл» партиясы, 10 мандатын «Ақ жол» партиясы, 1 мандатын Қазақстан халықтық партиясы иеленді. Сондай-ақ, мажоритарлық жүйе жолымен округтерден өзін-өзі ұсынған депуттар да бар.Сессияда депутаттардың бірауыздан дауыс беру нәтижесімен мәслихат төрағасы болып Наурызбай Байқадамов сайланды.Нұрлыбек Нәлібаев Наурызбай Сейтқалиұлының білікті басшы, ұтымды ұйымдастырушы ретінде аймақтың әлеуметтік-экономикалық, мәдени-рухани дамуына зор үлес қосатынына сенім білдірді.Мәслихат төрағасы Наурызбай Байқадамов экономика, әлеуметтік және құқықтық мәселелер және экология, өндіріс, шаруашылық және кәсіпкерлікті дамыту мәселелері жөніндегі тұрақты комиссия төрағасын бекітуді дауысқа салды. Нәтижесінде Балжан Шәменова мен Бауыржан Сандыбаев ұсынылды.Орталық атқарушы органдарда жауапты қызмет атқарған Балжан Мөрәліқызы қаржы саласының білікті маманы бюджет қаржысының мақсатты бағытталып, тиімді жұмсалуына атсалысатын болады.Нұрлыбек Машбекұлы жаңадан сайланған депутаттарды құттықтап, алдағы жұмыстарына сәттілік тіледі.<blockquote>«Күні кеше Мемлекет басшысы VІІІ сайланған Қазақстан Республикасы Парламентінің бірінші сессиясында елді дамытуға бағытталған сегіз басымдықты айқындап берді. Біздің де алдымызда Өздеріңізбен бірлескен нақты міндеттер бар.</blockquote><blockquote>Кешегі өткен саяси науқанда сайлау жүйесіндегі ерекшеліктерге сәйкес көппартиялықты дамытуға, азаматтардың еліміздің қоғамдық-саяси өміріне қатысу аясын кеңейтуге басымдық берілді. Сайлау қорытындысы бойынша біздің облыста төрт партия өкілдері мәслихаттарда мандат иеленді. Сегізінші шақырылымдағы облыстық мәслихат білім және ғылым, денсаулық сақтау, кәсіпкерлік, азаматтық қоғам, мәдениет және спорт саласының өкілдерінен құралды», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/339126526_1556957488146922_5343157511339308898_n_6ee905e551.jpg" alt="339126526_1556957488146922_5343157511339308898_n.jpg"></figure>&nbsp;<figure class="image"><img src="https://knadmin.beoblood.kz/uploads/339002136_973836480218332_9050045746005806993_n_c7fc2928ad.jpg" alt="339002136_973836480218332_9050045746005806993_n.jpg"></figure>&nbsp;<figure class="image"><img src="https://knadmin.beoblood.kz/uploads/338191358_176467418572038_448168477069394287_n_3415031fa7.jpg" alt="338191358_176467418572038_448168477069394287_n.jpg"></figure>&nbsp;<figure class="image"><img src="https://knadmin.beoblood.kz/uploads/338991704_1675360956216519_2582500757085800427_n_25943b388d.jpg" alt="338991704_1675360956216519_2582500757085800427_n.jpg"></figure>&nbsp;

Қызылорда облыстық мәслихатының жаңа құрамы жұмысын бастады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментінің №37 мекемесінде &nbsp;жеке құрам қызметкерлері арасында &nbsp;мекеме психологымен тұрақты түрде профилактикалық іс-шаралар өткізіліп тұрады.Мекеменің кадр саясаты тобының қызметкерлері &nbsp;жеке құрам қызметкерлерінің отбасы тұрмысы жағдайымен, олардың материалдық жағдайларымен танысып, профилактикалық жұмыстар жүргізеді. Бүгін мекеме психологы, әділет аға лейтенанты Замира Бостанова жеке құрамы алдында дәріс оқып, тренинг-әңгіме жүргізді. Бұл тренингтің басты мақсаты қызметкерлер бірін-бірі бағалай білуге, жағымды қарым-қатынас орнатуға және ұйымдастырушылық қабілеттерін дамытуға бағытталды. Тренинг барысында психолог Замира Бостанова қызметкерлердің кәсіби-психологиялық даярлығы және жеке құрамның кәсіби қызметін психологиялық қамтамасыз ету бойынша түсіндіру жұмыстарын өткізіп, жан-жақты кеңестер берді.Сондай-ақ, қызметкерлер бірін-бірі бағалай білуге, жағымды қарым-қатынас орнатуға және ұйымдастырушылық қабілеттерін дамытуға бағытталу мақсатындағы тренингте қызметкерлерге «Өрмекші торы», «Ақ парақ», «Жартастан өту», «Шырмауық» жаттығулары жүргізілді.<blockquote>«Тренинг барысында қызметкерлер өздерінің жеке басының қасиеттерін тани білді. Бір-бірімен жақсы қарым-қатынас орнатып, терең танысып, бір-біріне қолдау көрсетті. Қызметкерлер треннинг соңында өздерін жеңіл сезініп, жақсы көтеріңкі көңіл күймен ұйымдастырушылыққа, қарамағындағылармен &nbsp;өзіне сенім білдірген адамдарға жауапкершілікпен қарап, ұжымда өзара бірігіп жұмыс жасай білуді үйренді. Алдағы уақыттада осында тренингтер жиі өткізілетін болады деді» психолог маман Замира Бостанова.</blockquote>

ҚАЖ қызметкерлері арасында тренинг өтті

<a href="https://kyzylorda-news.kz/">Kyzylorda-news.kz.</a> Сыр елінде спорт саласы бойынша әлемдік деңгейде бақ сынап, жетістікке қол жеткізіп жүрген даңқты спортшылар көп. Туымызды байрақты &nbsp;жарыстар тұғырында желбіретіп, Әнұранымызды асқақтатқан кезімізде жетерлік. Сондай азаматтың бірі – ақайлық самбошы Наурызбек Дәулетбаев.&nbsp;Есімдері тек Ақай ауылы тұрғындарына ғана емес, қармақшылықтарға танымал өнегелі отбасы иелері – Бердалы Дәулетбай мен Қарлығаш Сәдуақасовадан тараған жеті баланың кенжесі Наурызбек Бердалыұлы өзі туып-өскен ауылындағы мектепті тәмамдаған соң, бала кезден өміріне серік еткен самбоны жетілдіруде жүрек қалауы арқылы жоғары оқу орнында білім алады.&nbsp;Спортқа жақын көп ағайынды отбасында өскен Наурызбек жоғары оқу орнын бітірген соң туған жерге оралып, ауыл жастарын спортқа баулуда №16 аудандық балалар мен жасөспірімдер спорт мектебінің самбо бөліміне жұмысқа орналасады.&nbsp;Ауыл тұрғындарына ақындығымен, елжандылығымен танылған Бердалы Дәулетбайұлы ақсақал да спортқа жақын жанкүйер. Ол шахмат, теннис, бильярд, тоғызқұмалақ сияқты спорт түрлерімен айналысады. Ардагерлер арасында өткізілген аудандық жарыстарда жеңімпаз атанған спортшы. Осындай спорт сүйер отбасында тәрбиеленген Наурызбектің бала жасынан самбомен айналысуына себепкер болған адам ол туған ағасы Кендебай екенін айтады. Содан ол аға ақылымен 9 жасынан алғашқы жаттықтырушысы Төлеби Төлеповпен самбо үйірмесінде жаттыға бастайды.Жас балуан спортқа келген күннен бастап, өзінің зеректігін көрсетіп, көп ұзамай өз салмағында жеңімпаз атанады. Көптеген аудандық, облыстық жарыстарда өзі белдескен салмақ дәрежесінде топ жарып, жеңімпаздар көшінен көрінеді. Мектепті тәмамдаған соң Алматы қаласындағы «Спорт және туризм» академиясына оқуға түсіп, оны 2013 жылы бітіргеннен кейін елге оралады.Содан бері талай дүбірлі додаларға қатысып, биік тұғырдан орын алған &nbsp;Наурызбек бүгінде Ақай ауылындағы аудандық №16 балалар және спорт мектебінің филиалында жаттықтырушы ретінде спортқа жаны құмар жас өрендерді самбоға баулуда. Наурызбектің тағдыры табыстырған өмірлік жары &nbsp;Назерке де самбошы. Ол да көптеген дүбірлі жарыстарда жеңімпаздар тұғырынан орын алып, абыройлы болған спортшы десек артық атқандық емес. Өздерінің өмірлерін спортпен байланыстырған екі жас кейін келе өмірлерін бір шаңырақ астында байластырып, бүгінде ұрпақ сүюде. Назерке инабатты келін, сүйікті ана ретінде қазақ келініне тиесілі қасиетімен ауыл-аймаққа сыйлы, дастарханын нан мен аққа толтырып, ел ризашылығын алған келін болып келеді.&nbsp;Осы ретте Наурызбектен бүгінгі уақытқа дейін қолы жеткен жетістіктері жайында айтып беруін сұрағанымызда ол: «2009 жылы Қазақстан чемпионатына қатыстым. 2017 жылы Ақтөбе қаласында өткен самбоның жауынгерлік түрінен өз салмағым бойынша жеңімпаз атандым. Астана қаласында &nbsp;ҚР Президенті жүлдесі үшін өткізілген Әлем кубогында жеңіске жеттім. Одан кейін де республикалық деңгейде өткен және Ашхабад, Ташкент, Түркменстанда өткен байрақты жарыстарда жүлделі орындарға көтерілдім» дейді Наурызбек.Ақай ауылында &nbsp;өсіп-өніп, бүгінде өңірімізде спорт саласын дамытуға атсалысып жүрген сайыпқырандар көп. Солардың қатарынан орын алатын Наурызбек Ақай ауылындағы аудандық №16 спорт мектебінің филиалында самбодан 9-13 жас аралығындағы 35 баланы жаттықтырады.&nbsp;«Бапкердiң бағыты анық болса, шәкiрттiң де сенiмi нық. Менің үмітімді ақтап, республиканы былай қойғанда, халықаралық жарыстарда топ жарып жүрген шәкірттеріме ризамын. Шәкірттерді іріктегенде алдымен олардың туған жылын, жас ерекшелігін ескереміз, содан кейін әр шәкірттің дене дайындығы мен мінез-құлқының ерекшелігіне назар аударамыз. Егер олар самбо күресімен айналыспас бұрын басқа спорт түрімен шұғылданған болса, онда ондай жаттығушылардың дене дайындығы басқаларға қарағанда жақсы болып келеді, сондықтан оларды жеке топқа бөлеміз» дейді Наурызбек бапкер.&nbsp; Бақытын боз кілемнен тапқан Наурызбек Бердалыұлы өзі жаттықтыратын шәкіртерінің жетістіктерімен қуанып, елімізде спорт саласының дамуына азаматтық үлесін қосып жүрген білікті мамандар қатарынан көрініп жүрген жас маман.

Қазақстан және Қызылорда облысының жаңалықтары