<a href="https://kyzylorda-news.kz/">Kyzylorda-news.kz.</a> «Евразия» спорт кешенінде Гандболдан әйелдер арасындағы Қазақстан Республикасының VI жазғы спартакиадасы аяқталып, жеңімпаздар мен жүлдегерлер марапатталды.Марапаттау рәсіміне Республикалық гандбол федерациясының вице президенті, облыстық маслихат депутаты, дзюдодан ҚР еңбек сіңірген жаттықтырушысы, ҚР еңбек сіңірген спорт қайраткері Садық Мұстафа, облыстық гандбол федерациясының президенті Наурызбай Байқадамов және облыстық мәдениет және спорт басқармасының Жоғары спорт шеберлігі мектебінің директоры Бағдат Каленов қатысты.Айта кетейік, жарыс 17 сәуір күні басталып, оған 5 команда қатысқан болатын. Кіл мықтылар жиналған спартакиада 5 күнге созылып, спортшы қыздар тартысты ойын көрсетті.Жарыс нәтижесімен Қызылорда облысының Қайсар КГУ командасы 1-орын иеленді. Астана қаласы 2-орын, Алматы облысы жүлделі 3-орындарды өзара бөлісті.Аталған спартакиада 4 жылда бір рет өткізіледі. Өңіріміздің мақтаныштары гандболдан «Қайсар КГУ» командасы намысты қолдан бермей, биыл да Спартакиада чемпионы атанды. Сондай-ақ, команда ҚР 12 дүркін чемпиондары.&nbsp;

Сыр елінің гандболшы қыздары чемпион атанды

<a href="https://kyzylorda-news.kz/">Kyzylorda-news.kz.</a>&nbsp; 23 сәуірде өткен Жалағаш ауданының Аққұм және Мырзабай ахун ауылдық округтері әкімдерінің сайлауы заң талаптарына сай ұйымдастырылып, қорытындыланды.Дауыс беруге қатысқан сайлаушылар саны - 1331 адам, оның ішінде Аққұм сайлау округінде 815 адам, Мырзабай ахун сайлау округінде 516 адам.Дауыс беру қорытындысы бойынша:&nbsp;Аққұм сайлау округінде дауыс беруге қатысқан 813 адамның кандидат Асанбеков Алтынбек Өмірбекұлына – 639, кандидат Костанбаев Нурлан Мирамбековичке – 98, Шынжыров Бауыржан Серікұлына - 76 дауыс берілді. Барлығына қарсы белгісімен дауыс бергендер жоқ.Дауыс беру қорытындысымен Аққұм ауылдық округінің әкімі болып Асанбеков Алтынбек Өмірбекұлы сайланды.1990 жылы туған, «Аққұм ауылдық округі әкімінің аппараты» КММ әкімі, ұлты қазақ, «Amanat» партиясының мүшесі, Жалағаш ауданының Аққұм ауылында тұрады.Мырзабай ахун сайлау округінде дауыс беруге қатысқан 515 адамның кандидат Әбсаттаров Жомарт Серікбайұлына - 56, кандидат Мәлік Нұржан Дәулетбекұлына – 64, Тауыпбаев Ғалым Камидиновичке – 395 дауыс берілді. Барлығына қарсы белгісімен дауыс бергендер жоқ.Дауыс беру қорытындысымен Мырзабай ахун ауылдық округінің әкімі болып Тауыпбаев Ғалым Камидинович сайланды.1976 жылы туған, «Тауыпбаев Г» шаруа қожалығының төрағасы, ұлты қазақ, Жалағаш ауданының Мырзабай ахун ауылында тұрады.

Жалағаш ауданында ауыл әкімдерінің сайлауы өтті

<a href="https://kyzylorda-news.kz/">Kyzylorda-news.kz.</a> Қазір бірен-саран ғана кездесетін аты жаман ауруларды айтпағанда, медицинаның көптеген ауруға төтеп беруге қауқары жетеді, мүмкіндік те бар. Бірақ заман дамып, жаңа медициналық құрылғылар пайда болған сайын осы сала қызметкерлеріне артылатын жүк ауырлай түсті. Өйткені денсаулық сақтау саласына келген әрбір маман тек күнкөріс қамы деп емес, адам өмірінің арашашысы екенін жете түсініп келуі керек. Ал сол ақ халаттылардың кәсіби біліктілігі дертіне дауа іздеген мыңдаған адамның салауатты өмір салтына қайта оралуына себеп болмақ.Жалағаш аудандық ауруханадағы ең күрделі бөлім – терапия бөлімі. Терапия бөлімінің бөлім меңгерушісі Әзизбек Жәмкеевтің айтуынша, &nbsp;терапия бөлімінде 2 пост бар, 3 дәрігер, 1 аға медбике, жалпы медбикелер саны 17, кіші аяжандар 14. Бөлімше 28 төсек орыннан тұрады. Оның ішінде 8 кардиологиялық, 10 &nbsp;неврологиялық, 7 терапиялық, 3 ревматологиялық төсек орын. Ал терапияның күндізгі стационарында 15 төсек орын бар. Ақылы палата 1 орын. Барлық бөлмелер кең, таза, жылы сумен қамтамасыз етілген. &nbsp;Әрбір палата 2-4 орындық. Сондай-ақ аурухана мен емхана аралығына жабық жолмен өтуге болады. Емханадан қажетті дәрігерлер ауруханаға баратын болса, айналып жүрмей-ақ жаңағы аспалы қатынас жолмен барып келе береді.&nbsp;Дені сау адам қоғамның басты байлығы деп, бұрынғы ғалымдар айтып кеткен. &nbsp;Осы жолда қазірдің өзінде дәрігерлер белсенді кірісіп жұмыс жасауда. &nbsp;Соның бірін мысалға алсақ, терапия бөлімі осы кездері халық денсаулығын сақтау және қорғау барысында айтарлықтай жақсы жұмыстар атқарып жатқаны белгілі. 2021 жылы терапия бөліміне &nbsp;1002 науқас түскен. &nbsp;Емделіп жазылып шыққан науқастар саны 969 адам болған. Ал былтырғы жылдың 5 айының өзінде осы бөлімге түскен науқас саны 611 болса, емделіп шыққаны 603 науқас болыпты. Міне көріп отырсыздар дәрігерлер мен медбикелер, медағалар, шаруашылық аяжаны, аспазшы &nbsp;және кіші аяжандарға қаншама ауырлық болған. Әсіресе кіші аяжандардың еңбектері ерекше деп айтар едік. Егде кісілердің жүріп тұру қиын болатындығы белгілі. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;<blockquote>Әсіресе қайта қалпына келтіруге жатқан нақастарға көмек өте қажет етеді. Жуындыру, әжетханаға апару, арбамен тасымалдау сияқты сан-қилы жұмыстар атқарылады. Осындай күндіз-түні еңбек еткен денсаулық сақшыларының бір жақты ғана көрінісі. Келген науқастар әртүрлі жастағы адамдар, оның ішінде егде жастағы науқастар үшін күтімі ем-домы күрделірек болады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; «Медицина саласындағы басты мақсат – Қазақстан халқының денсаулығын сақтау, өскелең ұрпақтың саулығын қамтамасыз ету ісіне озық технологиялар енгізу, ауылдағы медициналық қызметтердің сапасын арттыру болып табылады. &nbsp;Осы бағытта халқымыздың дені сау ұлт болып өсіп-жетілуі жолындағы ақ халатты абзал жандардың еңбегі зор дер едім. Әсіресе кешегідей індет жайлағанда, ел басына күн туғанда, сын сағатта жауапкершіліктен қашпай, еш мойымай бар күш-жігерін елдің амандығы жолында жұмсаған да дәрігерлер қауымы болды. Сол сәттердегі осы терапия бөлімінің, осындағы ақ халаттылардың қалай қауырт жұмыс жасағанын мен білемін. Өзім де дәрігер деген ардақ атты арқалап жүргендіктен, жауапкершіліктің бәрінен маңызды, ал адам өмірі ең қымбат екенін жақсы түсінемін. Кәсіби біліктілікті үнемі арттырып отыру, мамандықтың қыр-сырын меңгерумен қатар жауапкершілікті үнемі сезіне білу және ең бастысы уақытпен санаспай жұмыс жасай білу маңызды. Жалпы, біздің терапия бөлімі күрделі. Мұнда көптеген диагноздағы науқастар емделеді. Мәселен, жүректің ишемиялық ауруы, артераильды гипертензия, өкпенің созылмалы обструктивті аурулары, бронх демікпесі, қант диабеті, анемияның ауыр дәрежелі түрлері, ревматологиялық аурулар, цереброваскулярлы ауру мен дисциркуляторлы энцефалопатия, ми қан айналымының жедел бұзылысының салдары, эплепсия, бел омыртқаларының остеохондрозы, протрузиясы, грыжасы және созылмалы пиелонефрит, созылмалы холецистит пен созылмалы панкреатит сияқты көптеген ауру түрлері бойынша ем-дом жасаймыз. Дегенмен бөлім күрделі болғанымен, мамандар жеткілікті деп айта аламын. Білікті дәрігерлер де, жұмысына жауапты медбикелер де бар. Осында келіп түскен әрбір науқастың аман-есен үйіне оралуына және ауруханадан шығарда тек алғыс айтып кетуіне күш саламыз, – деген терапия бөлімінің меңгерушісі Әзизбек Жәмкеев ақ халатты абзал жандар деген атқа лайықты болу әр медицина қызметкерінің міндеті екенін айтады.&nbsp;</blockquote>Осындай күрделі бөлімге меңгерушілік етіп отырған Әзизбек Смағұлұлы еңбек жолын 2009 жылы аймақтық дәрігер, бөлім меңгерушісі болудан бастапты. Одан кейін Алматыда білімін жетілдіріп, невропотолог мамандығын алып шыққан. 2016 жылдан бастап невропотолог дәрігер болса, қазіргі таңда аудандық аурухананың терапия бөлімінің меңгерушісі. Бөлімдегі 26 науқас толық әрі өз дәрежесінде ем қабылдап жатыр екен. Айта кетейік, былтыр осы терапия бөлімінен ақылы 1 орындық палата ашылған. Мұнда ерікті түрде ақылы қызмет аламын, толық ақылы тексеруден өткім келеді деген кез келген адам медициналық көмекке қол жеткізе алады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Міне 3 қабатты аурухана ғимараты осы заманға сай салынып, жабдықталған. Жоғары білімді дәрігерлер де жыл өткен сайын көптеп келуде. Түптеп келгенде біздің ең қымбат байлығымыз – өміріміз осы сала қызметкерлерінің кәсібиліктеріне байланысты. Сондықтан да бұл сала иелеріне үлкен жауапкершілік жүктеледі. Басы ауырып, балтыры сыздаған жанның жанына дауа, дертіне шипа бола алатын да осы сала қызметкерлері. Ал денсаулық сақтау саласында талай жыл тапжылмай тер төгіп, еңбегімен елдің ыстық ықыласына бөленіп жүрген білікті жандардың &nbsp;жүріп өткен жолы көпке үлгі деуге болады. Себебі тіршілікке нәр беріп, қалтқысыз қызметін ұсынып, мейірімділік пен жылылықты жанына серік еткен, игілікті мамандық иесі атанған олар қашанда сый-құрметке лайық.&nbsp;Жалпы халық үшін ең маңызды сала – денсаулық сақтау саласында біраз жетістік, ауқымды шаралар жасалды. Соңғы жылдарда апатты жағдайдағы ғимараттардың орнына жаңадан денсаулық сақтау нысандары салынды. Сонымен бірге облыста алғашқы медициналық-санитарлық көмек нысандарының бірқатары жаңғыртылған. Облыс экономикасын қарқынды дамытуда біздің аудан да шет қалып отырған жоқ. Ауданға қарасты елді мекендердегі медициналық көмек беретін орындар жаңғыртылды, күрделі жөндеуден өтті, пайдалануға берілді. Соның нәтижесінде ауылдық жерлер тұрғындарына да талапқа сай медициналық көмек көрсетуге мүмкіндік туды.&nbsp;Аудандағы орталық аурухана ғимараты заманға сай жабдықталып, жасақталып, жаңа үлгімен бой көтерді. Аудан халқының көптен бергі көкейінде жүрген мәселе шешімін тапты. Кең әрі жаңа ауруханада енді жалағаштықтар сапалы медициналық көмек алуда. Дәрігерлер де жыл сайын біліктіліктерін арттырып, адам өміріне деген жауапкершіліктерін сезіне біледі. Кешегі індет жайлаған кезеңде де ауданның ақ халаттылары табандылық танытып, күн-түн демей, уақытпен санаспай жұмыс жасады. Барлық ауырған, індет жұқтырған науқастардың аман-есен отбасына қайта оралуына күш салды. Қашанда адам өмірі бәрінен қымбат дейтін абзал жандармен жолыққанда да мамандықтарына деген адалдықтары мен кәсібиліктеріне тағы бір көз жеткіземіз.

Жалағаш: Терапия бөлімінің жұмысы жүйелі

<a href="https://kyzylorda-news.kz/">Kyzylorda-news.kz.</a>&nbsp; Ел біріксе екпінді күшке айналады. Бұны әу бастан түсінген халқымыз қашанда елді бірлік пен ауызбіршілікке шақырып отырған. Міне, атадан балаға мұра, қала берді үлкендер салып кеткен құндылық ретінде қолданыста келе жатқан жарасымды тірліктің жарқын үлгісі әлі де ауылдағы ағайынның айбынын асқақтатып келеді. Қазір қай істе болмасын біріге қалатын ауылдастар көп. Қол көмек немесе асар деген әдістердің шынайы ұғымы осы ауызбіршілікке саяды. Ал сол әдіс қазір қай ауылда болмасын сақталып қалған. Соңғы жылдары ауыл жастарының бірлікте іс қылуы үйреншікті жағдайға айналып бара жатыр. Бұл қуантарлық жайт. Бүгінде сондай бірлікте күн кешіп, жарасымды тірлік көрсетіп келе жатқан шижағалықтарды көпке үлгі еткіміз келді.Осыдан бірер апта бұрын редакцияға Шижаға ауылы ардагерлер кеңесінің төрағасы Бақытжан Сматуллаев ағамыз келді. Қолына қысқан парағында әлдебір жігіттердің есім-сойы жазылған. Мақсаты – ауылда атқарылып жатқан игілікті істерді көрсету. «Іздегенге сұраған». Бұған дейін де сол елде қиын жағдайда қалып, баспанаға мұқтаж отбасының қуанышы туралы естігенбіз. Бұл жолы сол бір жақсы бастама тағы да жалғасыпты. Қуанып қалдық. Жақсы іске ниетті жандардың бұл жолғы таңдауы көпбалалы баспанаға мұқтаж отбасыға түскен. Тағдыр талайымен асыраушысынан айырылып,қиын жағдайда қалған отбасының осы кезге дейін біреудің тастанды, жарамсыз үйінде тұрып келе жатқандығы көпшілікті толғандырмай қоймаған. Міне, осы жағдайды ескерген ауыл азаматтары, оның ішінде 1982 жылы туған Серік Сармаханов және Жасұлан Алшоразов есімді азаматтардың бастамасымен жалғызбасты анаға ауылдан еңселі үй бұйырып отыр. Бұл қайрымды істен шет қалмаған азаматтар да жоқ емес. Қамкөңіл жанның қуанышына ортақтасқан ауыл ақсалы Б.Сматуллаев:<blockquote>&nbsp;Халқымыздағы ең асыл қасиеттердің бірі қайырымдылық қой. Бұл ата-бабамыздан бері жалғасып келе жатқан ізгі амал. Міне, сол істе өзгелерден қалыс қалмай, қайырымдылықтың озық үлгісін көрсеткен ауыл азаматтарына ағалық алғысымды білдіремін. Бұл істе сыртта жүрген елдің жанашыр перзенттері де қалыс қалмады. Қаражат жинау мәселесінде қомақты қаржының үлесі сол жандардың еншісінде деп естідім. Алайда есімдерін жарияламауды өтінген екен. Шынымды айтсам кімдер екенін де білмедім. Барлығы да осы топырақтан түлеген жандар екен. Соны білдім. Алла оларға разы болсын. Асыл дінімізде «Оң қолың істеген жақсылықты сол қолың білмесін» деген сөз бар ғой. Бұл істе ауыл азаматтарының қайырымды бастамаларын өзгелерге мақтаныш етіп айтуға болады. Алла ауызбіршіліктен айырмасын, – дейді.</blockquote>Шындығында «Ниетке найза бойламас» деген. Шижағалық жастардың бұл бастамасы мұнымен шектеліп қалмапты. Бұл жолы Төребек және Әзімбек есімді азаматтар бастаған ауыл жастары мешітке дыбыс күшейткіш қондырғылар мен имамның қажетті заттарына көмек көрсеткен. Яғни, орындық және мешітте қажетті өзге де заттар. Әрине айтар ауызға оңай көрінгенмен мұндай амалдардың қаржылық шығына бірлі-жарым азаматтардың қалтасына салмақ болуы мүмкін. Демек бұл есте де елдің бірлігі, жастардың қайырымдылығы көпке үлгі болып тұр. Осы сынды жақсы амалдардың жалғасы бір ауылда көрініс тауып жатыр. Мұнымен тоқтап қалмақ емес. Біз сөзге тартқан Бақытжан ағамыздың да ауыл жастарына айтар алғысы шексіз.<blockquote>&nbsp;«Ниетіне қарай амалы» деген ғой. Қазір қай ауылдан болсын жақсылықты да, кемшілікті де табасың. Сол секілді мен ауылымның тек жақсылықтарына куә болсам деген тілекпен жүрген жанмын. Сондықтан жақсылықтар жалғаса берсін деймін. Сөз ретінде тағы бір жақсы бастаманы тілге тиек етсем. Биыл мектеп бітіргендеріне 20 жыл болатын ауыл жастары өзара ауызбіршілік танытып, ауылдың кіреберісіне 200 түп көшет отырғызды. Бұл да кейінгілерге үлгі боп қалатын ең қайырлы амалдардың бірі. Қуанып қалдық. Туған жеріміздің гүлденуіне атсалысқан азаматтарға тұтас ауыл риза болды. Айта берсек жақсылық жасап жарысуға ниетті жандар жеткілікті. Тек олардың әрбірін жеке-жеке айтып шығу мүмкін. Анығында, әркімнің амалы өзіне аян. Тек елімізде жақсылық болсын. Біз соған тілекшіміз, – дейді ауылдық ардагерлер кеңесінің төрағасы Б.Сматуллаев.</blockquote>Иә, ел жастарының қайырымды іске болысып, бірлікте әрекет етуі қуантарлық жайт. Бізде осы қуаныштың еселенуіне тілекшіміз. Қазақылықтың қаймағы бұзылмаған ауылдарда мұндай жарасымды тірлік әлі де үзілген жоқ.&nbsp;Ару Елемесова

Ауыл жастары ізгіліктің үлгісін көрсетіп жүр

<a href="https://kyzylorda-news.kz/">Kyzylorda-news.kz.</a> Санитариялық-эпидемиологиялық бақылау қызметінде «Халықтың санитариялық-эпидемиологиялық саламаттылығы саласындағы мемлекеттік қызметтерді көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-336/2020 бұйрығына сәйкес электрондық түрде мемлекеттік қызметтердің 5 түрі бойынша қызмет көрсетіледі. Оның ішінде департаментпен 4-еуі, ал аумақтық басқармалармен 2 қызмет түрі беріледі. &nbsp;Қызметтің барлығы да «электрондық үкімет»: www.egov.kz веб-порталы арқылы жүзеге асырылады.Қызылорда облысының санитариялық-эпидемиологиялық бақылау департаменті бойынша 2023 жылдың 1 тоқсан қорытындысымен халықтардың санитариялық-эпидемиологиялық саламаттылығы саласындағы барлығы 183 рұқсат құжаттары берілген. Оның барлығы &nbsp;Е-лицензиялау бағдарламасы арқылы көрсетілді. Бұл туралы Қызылорда облысының санитариялық-эпидемиологиялық бақылау департаментінің басшысы Динара Жанабергенова мәлімдеді.&nbsp;Өткен жылдың дәл осы мерзімімен салыстырғандағы көрсеткіштер &nbsp;мемлекеттік қызметтерді алушылар қатары артқандығын көрсетеді. Басым көпшілігі «Қоршаған ортаға, санитариялық қорғау аймақтарына және санитариялық-қорғаныш аймақтарға, шикізатқа және өнімге зиянды заттардың және физикалық факторлардың рұқсат етілетін шекті шығарындылары мен рұқсат етілетін шекті төгінділері жөніндегі нормативтік құжаттама жобаларына санитариялық-эпидемиологиялық қорытынды беру» қызметіне жүгінген – барлығы 106 құжат.Оның ішінде,«Қоршаған ортаға зиянды заттар мен физикалық факторлардың шекті жол берілетін шығарындылары мен шекті жол берілетін төгінділерінің нормативтік құжаттамасының жобаларына санитариялық-эпидемиологиялық қорытынды алу» бойынша 94 қызмет көрсетілсе, «Санитариялық қорғау аймағының, санитариялық-қорғау аймағының нормативтік құжаттамасының жобаларына санитариялық-эпидемиологиялық қорытынды алу» бойынша 12 құжат берілген. «Шикізат пен өнімге арналған нормативтік құжаттама жобаларына санитариялық-эпидемиологиялық қорытынды алу» бойынша өтініштер келіп түскен жоқ.&nbsp;«Эпидемиологиялық жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге және гигиеналық нормативтерге сәйкестігі туралы санитариялық-эпидемиологиялық қорытынды» алу бойынша 77 қызмет көрсетілсе,«I-IV патогенді микроорганизмдермен және гельминттермен жұмыс істеуге рұқсат беру үшін рұқсат құжаттары берілген жоқ.Сонымен қатар мемлекеттік қызмет көрсету барысында облыс бойынша 137 өтініш иесіне дәлелді бас тартумен жауап берілді. Былтырғы жылдың І тоқсанында мемлекеттік қызметті көрсетуден дәлелді бас тартулар саны &nbsp;104 құраған болатын.&nbsp; Қызылорда облысының санитариялық-эпидемиологиялық бақылау департаменті мен оның аумақтық басқармалары тарапынан &nbsp;түсіндірме жұмыстары, ақпараттандыру жұмыстары жүйелі жүргізіледі. &nbsp;Департамент мамандарымен мемлекеттік қызмет көрсету сапасын арттыру мақсатында ішкі бақылау мен мониторинг жүргізіледі.Сондай-ақ мамандардың біліктілігін арттыру бағытында құқықтық семинарлар тұрақты ұйымдастырылады.

Қызылордада санитариялық-эпидемиологиялық бақылау саласы бойынша 183 рұқсат құжаты берілген

<a href="https://kyzylorda-news.kz/">Kyzylorda-news.kz.</a>&nbsp; Аудандық орталық кітапханада 23 сәуір - Дүниежүзілік кітап және авторлық құқық күніне орай &nbsp;«Кітап әлемінің сиқырлы түні» атты құпия сырға толы кітапхана түні &nbsp;өткізілді.&nbsp;Кітапхана түнінің мақсаты – кітапты насихаттау, кітап пен оқуға деген қызығушылықты қолдау, қоғамның интеллектуалды әлеуеті мен мәдени құндылықтарын арттыру, кітап оқуға тарту, өскелең ұрпақтың рухани-адамгершілік білімін арттыру, жастардың кітап оқуға, көркем әдебиетке деген құштарлығын ояту. &nbsp;Құпия сырға толы кітапхана түнінде «Кітапхана шақырады, кітаптар шақырады» жас кітапханашылар флешмобы, «Дәмді кітаптар» библиокафе, «Түнгі кітаптар сыры» кітаптар айтысы, &nbsp;«Мені оқы» кітап аукционы, &nbsp;«Ретро стилінде» фотоалаң, «Жастардың жалынды алаңы» Ретро кеші, «Елестер лабиринті», дәмді фуршеттер оқырмандарға көтеріңкі көңіл күй сыйлап, жанға жайлы демалыспен қатар &nbsp;рухани нәр берер кітаптармен кеңінен танысуға мүмкіндік берді.&nbsp;Фестивальді Арал ауданы әкімінің орынбасары К. Бержанов алғы сөзбен ашып, рухани және мәдени дамудың басты құралы кітап оқудың өміршеңдігін жеткізе келе, бүгінгі кітапхана түніне сәттілік тіледі. Әр бөлімде ерекше форматта өткізілген, оқырманға рухани білім мен демалыс &nbsp;сыйлаған тағылымды шаралар өз оқырмандарын қызықтырып, ерекше көңіл күйге &nbsp; бөледі.&nbsp; Кітапхана түнінің қызыққа толы бағдарламасының бірі – «Түнгі кітаптар сыры» кітаптар айтысы болды. Аталған бағдарламада ерекше құпияға толы, тарихқа кенен, мол ақпарат беріп, адамзат баласын жан жақты біліммен сусындатып, рухани &nbsp;кемелдендіретін &nbsp;жаратылыстану, көркем әдебиет ,техника және балалар әдебиетінің өкілдері өзара айтысып, кім мықты екенін, &nbsp;оқырмандарға &nbsp;өздерінің қаншалықты қажет екенін, адам өміріне әкелер пайдасын &nbsp;айтып &nbsp;айтысты.&nbsp;Сиқырлы кітапхана түнінің қонақтары, кітапхананың оқырмандары Сырға толы өткен шақтың жалынды естелігін еске алып, &nbsp;сол кезеңдегі көркем әдебиетке деген ерекше махаббаттың &nbsp;куәсі болды.&nbsp;&nbsp;Өнерлі кітапханашылар ұсынған «Тақиялы періште» көркем фильмінің үзіндісі көпшіліктің көңілінен шығып, керемет әсер сыйлады. Қойылым барысында кітапты сүйіп оқитын қыздар сол дәуірдегі әдебиеттің құндылығы, адам өмірінде әсері &nbsp;жайлы &nbsp;әңгімеледі. &nbsp;Десе де, бізден кейін де адам баласы цифрлық-нанотехнологиялар дәуірінде отырып та көркем шығарманы іздей береді дегім келеді. Себебі, келешекте адамзат өзінің көркем әдебиетсіз ешкім емес екенін анық түсінетін болады. Ия, бәрі өзгереді, тек қана классикалық әдебиеттегі жазушылар жеткізетін армандар мен қиялдар, эмоциялар, қарапайым &nbsp;адамға тән сезімдер ғана &nbsp;бұрынғыша қала бермек, - деп сол кезеңдегі &nbsp;қырағы жастар болашақты болжады.&nbsp;Себебі &nbsp;сол дәуірдегі көркем әдебиетте, махаббат та, нәзік сезімде, адалдықта, қоғамды түзейтін күш те болды. Жастар әдебиетті сүйіп оқыды, әрбір &nbsp;жазушының жазған әр кейіпкеріне ұқсап өсті. Осы кездегі қоғамның &nbsp;мықты қаруы қалам болды. Өткен шақтағы аға ұрпақтың &nbsp;көркем әдебиетке деген ыстық ықыласын, жас ұрпаққа өнеге ете отырып, сол заманғы адамдардың пейіліне де бір уақыт &nbsp;көңіл бөлу арқылы, аңғал да &nbsp;адал &nbsp;адамдардың &nbsp;мінезін аңғартатын коммедиялық кино «Тақиялы періштедегі» қалындық &nbsp;іздеген &nbsp;Тана мен &nbsp;комендант &nbsp;Жамал, &nbsp;сол кітапхана қыздарының ішінен &nbsp;қалындық &nbsp;таңдады. Жас кітапханшылардан &nbsp;құралған жатақхана ішіндегі оқымысты қыздар өз өнерлерін көсетіп, қалындық болуға таласқан &nbsp;қылықтарымен &nbsp;мазмұнды шараға өздерінше әр бере түсті.&nbsp;Сырға толы кеш &nbsp;барысында «READ MЕ» жобасы аясында кітапқұмар оқырмандар қатарын көбейтіп, олардың еңбегін насихаттау мақсатында кітапхананың оқырмандары арасында «Мені оқы» кітап аукционы өткізілді.&nbsp;Кештің басы кітаптағы ең құнды тарихи дастандардағы, ұлы тұлғалардың өмірі мен шығармашылығы жайында жазылған асыл мұраларын түрлі түсті кітап арқылы жеткізе білетін оқырмандардың кітаптар шеруімен басталды.Кітапқа құмар жандар үшін ерекше кітап аукционы - озық оқырманды анықтау және тамаша шығарманы оқуға кеңес беруге арналған алаң. Бұл алаңға шыққан әр аукцион қатысушыларының ұсынған кітаптарымен танысып, үздік таныстырылымын бағалау мүмкіндігі осы кештің қонақтарына бұйырды. Кітап аукционы арқылы ауданымыздағы кітапханалардың тұрақты оқырмандарының кітап таңдаудағы талғамын, кітап оқуға деген сүйіспеншілігін тамашалауға жақсы мүмкіндік болды. Барлық аукцион қатысушыларының ұсынған кітаптары көрермен жүрегіне жол тауып, кітап оқуға деген қызығушылықтарын оята білді.Кітапхана - кітап беру, алу ғана емес, қазіргі таңда оқырмандардың демалыс орнына, жастардың бос уақытын тиімді пайдалана отырып, жаңа орта қалыптастыру &nbsp;аймағына айналып отыр. Кітап оқу заманға, уақытқа, мансапқа, жасқа, кәріге қарамайды. Кітапханада ұйымдастырылған осы бір мәнді шара соның айғағы спетті.<figure class="image"><img src="https://knadmin.beoblood.kz/uploads/106f12aa_785f_4b1f_b7eb_7e6ccbee2755_df1d3b3b8f.jpg" alt="106f12aa-785f-4b1f-b7eb-7e6ccbee2755.jpg"></figure>

Аралда кітапхана түні ұйымдастырылды

<a href="https://kyzylorda-news.kz/">Kyzylorda-news.kz.</a> Бүгін футболдан Премьер-лига командалары арасындағы ел біріншілігінің 7-турында «Астана» «Қайсардан» басым түсті, деп хабарлайды ҚазАқпарат.Аталған турды Қызылордада жергілікті «Қайсар» мен елордалық «Астана» қорытындылады.Кездесу барысында елордалық командадан Жарко Томашевич 53-минутта гол соқты. Оған 78-минутта алаң иелері сапынан Жоао Оливейра бір голмен жауап қайырды.Кездесудің 82-минутында елордалық командадан Абат Айымбетов жеңіс голын соқты.Осылайша «Астана» қарсыласынан 2:1 есебімен басым түсті.

«Қайсар» «Астанаға» есе жіберді

<a href="https://kyzylorda-news.kz/">Kyzylorda-news.kz.</a> Қазалы ауданының кәсіпкерлері несие алу үшін қойылатын кепіл мүліктің бағалау көрсеткішін көтеріп, жеңілдікпен берілетін несие көлемін арттыруды сұрайды.Ол туралы Қызылорда облысы кәсіпкерлер палатасының директоры Пірмұхаммед Сыздықов пен облыстық Іскер әйелдер кеңесінің төрайымы Наталья Мишукованың аудан кәсіпкерлері және ауылдық округ әкімдерімен кездесуде айтылды.Қазалы ауданы әкімінің орынбасары Күнтілес Назымбеков 6472 шағын және орта кәсіпкерлік субъектісі тұрақты жұмыс істеп тұрғанын айта келіп, осы жылдың 3 айында жалпы 806 млн теңге жеңілдетілген несие, грант берілгенін жеткізді.Кездесуде кәсіпкерлер палатасының директоры «Атамекен» жүзеге асырып бастаған «Мен кәсіпкер» жобасының бағыттарын таныстырып, кәсіпкерлікті дамытуға арналған Ұлттық жоба аясындағы қаржылай қолдау тетіктерін түсіндіріп өтті. &nbsp;<blockquote>«Биыл ауыл тұрғындарына, жастарға мемлекеттік бағдарламалар шеңберінде 2,5 пайызбен жеңілдетілген несие беріледі. Жастарға арналған бағдарлама жұмысын бастап кетті. «Ауыл аманаты» жобасы бойынша жақын күндері нақты талаптары белгілі болады. Мемлекеттің мұндай қолдауын уақытылы қолдану керек. Кеңес алу, құжат дайындау бойынша біз көмек көрсетеміз», – деді Палата директоры Пірмұхаммед Сыздықов.</blockquote>Облыстық Іскер әйелдер кеңесінің төрайымы Наталья Мишукова «Әйелдер кәсіпкерлігін дамыту орталығы» бағыты аясында жүзеге асырылатын «Бір ауыл – бір өнім» жобасына ауылдағы қыз-келіншектерді қатыстыру үшін ауылдық округ әкімдеріне түсіндірме жұмыстарын жүргізуде көмек көрсетуді сұрады.Кездесуге қатысқан кәсіпкерлер салаға қатысты проблемаларын айтты. Атап айтқанда, несие алу барысында кепіл мүліктерінің төмен бағаланатынын, салдарынан жеткілікті деңгейде қаржы ала алмайтынын айтты. Сондай-ақ, шарада сөз алған кәсіпкерлердің басым бөлігі кәсіп жүргізуге берілетін жеңілдетілген несие көлемінің аздығын атады.Кәсіпкерлердің көтерген мәселесі бойынша Палата басшысы әр бағдарламаның ерекшелігін түсіндіріп, шешу мүмкіндіктерін ұсынды.«Мен кәсіпкер» жобасына қатысуға ниет білдірген азаматтар Қызылорда облысы кәсіпкерлер палатасына хабарласа алады. Байланыс телефоны 8 /7242/ 40-09-81.<img src="https://knadmin.beoblood.kz/uploads/42c1f890_ae1c_44b6_801a_bbab3ed207de_cf780943f7.jpg" alt="42c1f890-ae1c-44b6-801a-bbab3ed207de.jpg">

Қазалылық кәсіпкерлер кепіл мүлікке жеңілдік, кәсіпке қаржы сұрады

<a href="https://kyzylorda-news.kz/">Kyzylorda-news.kz.</a> Ел тәуелсіздік алғалы солтүстік өңірлердегі көштің ағыны тоқтаған емес. Әріге бет түзегендер мен нәсіп тартып ірі қалаларға қарай үдере көшкендердің есебі қисапсыз. Содан-ақ біздегі жұмыс күшінің тапшылығы сезіледі. Жасыратыны жоқ, оңтүстік пен батыс өңірлердегі біршама отандасымыз екі қолға бір күрек таппай жүр. Аймақтардың еңбек ресурстары арасындағы осы мәселені жою үшін арнаулы мемлекеттік бағдарлама түзіліп, жүзеге асты.Осыған орай 19-21 сәуір аралығында облыста Солтүстік өңірлердің және өңірдегі жұмыс берушілердің қатысуымен бос жұмыс орындары жәрмеңкесі ұйымдастырылды. Мұндай еңбек жәрмеңкесі біздің ауданымызда да өтіп, Жыраулар үйінде түсіндірмелер жүргізілді.&nbsp;Іс-шараға аудан тұрғындары, жастар, ардагерлер, үкіметтік емес ұйым өкілдері, депутаттар қатысты. Жиынды аудан әкімінің орынбасары Жұлдызхан Ерқосаев жүргізіп, көпшілікке оның негізгі мақсатымен &nbsp;таныстырды. Еңбек жәрмеңкесінде Абай облысы, Аягөз ауданы әкімдігінің халықты жұмыспен қамту және әлеуметтік бағдарламалар бөлімінің басшысы Жандос Аманов, Павлодар облысы, Екібастұз қаласының жұмыспен қамту орталығының маманы Зейнұр Ерланқызы, Қостанай облысы, Жетіқара ауданының жұмыспен қамту орталығының директоры Амангелді Ержанов, Ұлытау облысы, Жезқазған қаласының жұмыспен қамту орталығының директоры Болат Ахметжанов, Абай облысы, Курчатов қаласы әкімдігінің халықты жұмыспен қамту орталығының маманы Назгүл Төлеубаева, Көкпекті ауданының жұмыспен қамту және әлеуметтік бағдарламалар бөлімі басшысының орынбасары Айгүл Ботантаевалар сөз сөйлеп, өңірдегі бос жұмыс орындары туралы мағлұматтар берді. Сонымен қатар, жаңа тұрғылықты жерінде ерікті түрде өңіраралық қоныс аударуды мемлекеттік қолдау іс-шараларына кеңінен тоқталды. Атап айтқанда, мемлекет тарапынан қоныс аударуға субсидия беру, тұрғын үйді жалдау немесе жалға алу және коммуналдық қызметтерге ақы төлеу бойынша шығыстарды өтеу, жұмыс беруші жұмыскерге тұрғын үй-жай ұсынған жағдайды қоспағанда, тұрғын үй, қызметтік тұрғын үй немесе жатақханалардан бөлме беру, 2021-2025 жылдарға арналған ұлттық кәсіпкерлікті дамыту жобасы аясында қысқа мерзімді кәсіптік оқыту, жаңа тұрғылықты жерде жұмысқа орналасуға жәрдемдесу, тағы басқасы қарастырылған. Егер де аталған бағдарламаға қызығушылық танытқандар болып жатса, тұрғылықты жердегі жұмыспен қамту орталығына хабарласуына болады.&nbsp;Жиында келген қонақтар залдан қойылған сұрақ-сауалдарға жан-жақты жауап беріп, бүгінде жұмыс күші тапшы болып отырған Солтүстік өңірлерге келіп еңбек етуге шақырды. Еңбек жәрмеңкесін аудан әкімінің орынбасары Жұлдызхан Байназарұлы қорытындылап, кент, ауыл тұрғындарынан Солтүстік өңірлерге қоныс аударуға өтініш білдірушілерге әкімшіліктер және жергілікті халықты жұмыспен қамту орталығы қызметкерлері тарапынан сүйемелдеу жұмыстарын ұйымдастыру – жоғары деңгейде өтеді деп сенім білдірді.

Қармақшыда бос жұмыс орындары жәрмеңкесі ұйымдастырылды

<a href="https://kyzylorda-news.kz/">Kyzylorda-news.kz.</a> Жосалы кентінде Омар Шораяқұлы атындағы №30 орта мектепте аудандық мәдениет және спорт бөлімінің ұйымдастыруымен Қазақстан Республикасының «Құрметті спорт қайраткері» төсбелгісінің иесі, ардагер ұстаз Еркін Атабаевтың 70 жасқа толуына байланысты білім беру мекемелері арасында волейболдан аудандық жарыс өтті. Жарыстың ашылу салтанатында аудан әкімінің орынбасары Жұлдызхан Ерқосаев ардагер ұстаздың өмір жолына тоқталып, спортшыларға сәттілік тіледі.Осы ретте, Еркін Оразбекұлының өмір жолына тоқталып өтер болсақ, 1953 жылы өмірге келген ол өз қатарлары сияқты бала жасынан спортқа деген ынтасы артып, өсе келе спорт деген тылсым дүниемен өмірін сабақтастырды. Ұзақ жылдар аудан орталығындағы орта мектептерде шәкірттерге денешынықтыру пәні бойынша дәріс беріп, көптеген жас өскіннің спорт әлеміне қанақ қағуына қолдау көрсетті. Аудан басшылары дарынды жастың еңбегін бағалап, өңірімізде спорт саласын басқаруды сеніп тапсырды. Өз кезегінде ол аудан басшыларының сенімінен шығып, көптеген жас спортшының облыс, республика, тіпті халықаралық жарыстарда жасындай жарқырап, дүбірлі жарыстардан елге жүлдемен оралуына еңбек сіңірді. Сондай елеулі еңбектері үшін де көптеген марапаттарға ие болды. Ал, соңғы жылдары ол спорттағы ұстаздық мансабын Омар Шораяқұлы атындағы №30 орта мектепте шәкірттерге денешынықтыру пәні бойынша сабақ беріп, құрметті зейнеткерлік демалысқа шықты. Ел алдындағы елеулі еңбектері үшін ол &nbsp;«Қазақстан Республикасының Құрметті спорт қайраткері» төсбелгісіне ие болса, ұстаздық ұзақ жылғы еңбегі үшін &nbsp;жоғары санатты ұстаз мәртебесін иеленді. Сонымен қатар, Қазақстан Республикасы Білім және ғылым министрлігінің Құрмет грамотасымен, облыс, аудан әкімдері мен сала басшыларының Алғыс хаттарымен, мақтау грамоталарымен марапатталса, 2015 жылы Қазақстан педагогикалық ғалымдар академиясының мүшелігіне сайланды. Әр жылдары «Үздік мұғалім», 2015 жылы республикалық І-тәуелсіз қоғамдық байқауының «Эстетикалық цикл» номинациясы бойынша «Үздік ұстаз» аталымына ие болып, мерейі үстем болды.&nbsp;Білікті маман саланы өркендетуде аудан жастарын спортқа баулу ісінде ауқымды спорттық шаралар ұйымдастырып, оның бұқаралығын арттыру, өңір тұрғындары арасында салауатты өмір салтын қалыптастыруда аудан басшыларына ұсыныс-пікірін білдіріп, оны іске асыруда белсенді еңбек етті. Уақыт талабына сай ауданда спорт залдарын жабдықтап, алаңдарын салу, оларды тиімді пайдалану, мектеп оқушыларының бос уақытын мазмұнды ұйымдастырудағы жан-жақты жұмыстары жайлы тәжірибесі аудан, облыстағы әріптестеріне таратылды. Ол аудандағы дене шынықтыру пәні мұғалімдерінің әдістемелік орталығына жетекшілік етті. Тақырып аясында мақалалары облыстық, аудандық басылымдарда жарияланды.Ардагер ұстаздың көптеген шәкірті бүгінде ұстаз жолын жалғастырып, өздері шәкірт тәрбиелеуде. Олардың арасында Әлемдік, Азиялық, республикалық жарыстарда жүлделі орындардан көрініп, абыройға бөленуде. Осындай атпал азаматтың есімін ұлықтаудағы дәстүрлі жарысқа 8 команда қатысып, олар екі топ бойынша өзара ойындар ойнады. Ал 2 топтан дараланып шыққан 4 құрама жүлделі орындардан табылу мақсатында ойындар өткізіп, нәтижесінде ІІІ орын үшін Шоқан Уәлиханов атындағы №26 орта мектеп пен Дүр Оңғар ауылындағы №107 орта мектеп командалары арасында өткен жарыста дүроңғарлықтар жеңсе, І орын үшін Байқоңыр қаласындағы №272 орта мектеп командасы мен №30 орта мектеп құрамасы арасындағы жарыс байқоңырлықтардың жеңісімен аяқталды.Жарыс соңында аудандық мәдениет және спорт бөлімінің сектор меңгерушісі Нұрбол Мырзабаев, ардагер ұстаз Еркін Атабаев, еңбек ардагерлері Төленді Мырзабаев пен Болат Сағынбаев жеңімпаз командалар мен жүлдегерлерге, Болат Омаровқа, Бекдәулет Қасымовқа, Мақсұт Өтесіновке «Үздік ойыншы» номинациялары мен арнайы медаль, кубок және мадақтамалар табыстады.

Қармақшы ауданында волейболдан жарыс өтті 

<a href="https://kyzylorda-news.kz/">Kyzylorda-news.kz.</a> Жалпы біздің өңірдің дамуы көш соңында емес. Қай салада болсын мүмкіндігіне қарай ілгерілеушілік байқалады. Әсіресе аудандағы жол жайы көңіл қуантарлықтай. Халықтың көкейінде жүрген мәселелер ескеріліп, автомобиль жолдары, елді мекенаралық жолдар жөндеуден өтуде. Кезең кезеңімен жүзеге асып жатқан бұл жұмыстар биыл да жалғасын табуда.Алдымен аппарат мәжілісінде алдымен кадрлық ауыс-түйістерге кезек берілді. Соңынан бірқатар мәселе қаралып, Асқарбек Темірбекұлы әріптестерін сыннан сабақ алуға шақырып, нақты тапсырмалар берді. Жексенбідегі сайлаудың қорытындысымен қос елді мекеннің жаңа әкімдері белгілі болды. Аққұм ауылына елдің басым дауысына ие болған Алтынбек Асанбеков, Мырзабай ахун ауылына Ғалым Тәуіпбаев әкім болып сайланды. Алтынбек Асанбеков бұған дейін де аталған ауылда әкім қызметін атқарған. Кешегі сайлауалды бағдарламасында да нақты мақсатміндеттер қамтылған. Әлбетте оның барлығы Аққұмның екінші тынысын ашуға айтарлықтай қолғабыс болары анық. Тек осы мақсаттағы жұмыстар күн тәртібінен түспеуі керек. Ғалым Тәуіпбаев та Мырзабай ахун ауылының тыныс-тіршілігінен бейхабар азамат емес. Бұған дейін ауыл шаруашылығы саласында қажырлы еңбек еткен азаматтың елді мекеннің екінші тынысын ашуға қарым-қабілетін жұмсайтыны сөзсіз. Бұған дейін аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы болып Қанат Бөленбаев, аудандық тұрғын үйкоммуналдық шаруашылық, жолаушылар көлігі және автомобиль жолдары бөлімінің басшысы болып Ғабит Ерболұлы тағайындалған болатын. Әріптестерінің алдағы жұмысына сәттілік тілеген аудан әкімі олардың елдің ертеңіне, талаптілегіне жұмыс жасайтынына сенім білдірді. Әдеттегідей мұнан кейін кезек күн тәртібіндегі мәселелерге келді. Алдымен сөз алған Қанат Шамшатұлы өзі басшылық ететін бөлім тарапынан алғашқы тоқсанда атқарылған жұмыстарды кеңінен тарқатты. Баяндамашының сөзіне сүйенсек, І тоқсанда 1 545 адам халықты жұмыспен қамту орталығына хабарласқан, оның 69,7 пайызы бағдарламаға қатысушылар құрамына енген. Жаңа бизнес жобаларды іске асыруға 198 млн 720 мың теңге қаралған. Бөлім басшысы алдағы уақытта тиісті қаражат есебінен 144 адамды қайтарымсыз грантпен қамтамасыз етуді жоспарлап отыр. Наурыз айының ортасында 136 үміткердің құжаты қаралып, 36 адам қайтарымсыз қаржыға ие болған. Кәсіп бастауға талаптанғандарға жалпы құны 49,7 млн теңге үлестірілген. Қайтарымсыз грантты үлестіру жыл аяғына дейін жалғасады. 1 млн 380 мың теңге – шағын кәсіп бастауға жақсы мүмкіндік. Сондықтан бұл мүмкіндікті құр жібермей жұмыссыз азаматтар өз жобаларын жүзеге асыруға асыққаны дұрыс. Айта кету керек, биыл І тоқсанда ауданда 3198 шағын және орта кәсіпкерлік субъектісі тіркелген. Аудандық кәсіпкерлік, өнеркәсіп және туризм бөлімінің басшысы Жасұлан Еспенбеттің сөзіне сүйенсек, бүгінде оның 95,7 пайызы нақты жұмыс жасап тұр. Өкінішке орай 137 кәсіпорын жұмысын тоқтатқан.&nbsp;Жасұлан Ерданұлы жалпы тіркелген кәсіпкерлік субъектілерінің санында өсім барын алға тартады. Ал жұмыс жасап тұрғандар саны 148-ге көбейген. Айта кетейік, бұған дейін шағын және орта кәсіпкерлік субъектілерінің халық санына шаққандағы үлесін 9 пайызға жеткізу хақында тапсырма болған. Бүгінде ол Жалағаш кенті, Бұқарбай батыр, Жаңадария және Таң ауылдық округтерінде ғана орындалып отыр. Ал Аққұм, Аққыр, Ақсу, Аламесек, Еңбек, Жаңаталап, Қаракеткен, Мақпалкөл, Мәдениет, Мырзабай ахун, М.Шәменов ауылдарында кәсіпкерлік субъектілерінің халық санына шаққандағы үлесі 9 пайызға да жетпейді. Мұнан бөлек жұмыс жасап тұрған кәсіпкерлік субъектілерінің үлесін 95 пайызға жеткізу туралы тапсырма да болған. Қазіргі таңда тиісті тапсырма Жалағаш кенті, Мәдениет пен Жаңадария ауылдық округтерінде орындалмаған. Осы ретте бөлім басшысы аталған елді мекен әкімдері тоқтап тұрған кәсіпкерлік субъектілерінің санын азайту арқылы жұмыс жасап тұрған кәсіпкерлік субъектілердің үлесін арттыру қажет деп есептейді. Кент және ауылдық округтерге халық санына байланысты, жаңадан 530 кәсіпкерлік субъектісінің тіркелуін қамтамасыз ету тапсырылған. Биыл І тоқсанда 365 кәсіпкерлік субъектісі тіркелсе, 271 кәсіпкер жұмысын тоқтатқан. Макроэкономикалық көрсеткіштерге келсек, Жасұлан Ерданұлы негізгі капиталға тартылған инвестиция көлемі 4 млрд 706 млн теңгені құрағанын, өткен жылдың тиісті кезеңімен салыстырғанда меже 6,2 есеге жоғары орындалғанын айтады. Жыл қорытындысымен жалпы құны 18 млрд 769 млн теңге инвестиция тарту жоспарда бар екен. Бөлім басшысы ауданның өнеркәсіп өнімдерін өндіруші мекемелері мен кәсіпорындары және жеке секторлары арқылы І тоқсанда 9 млрд 648 млн теңгені құрайтын өнеркәсіп өнімдері өндіріліп, бұл көрсеткіш өткен жылдың сәйкес кезеңімен салыстырғанда 8 есеге артқанын айтады. Оның ішінде өңдеу өнеркәсібінің көлемі 3 млрд 287 млн теңгеге жеткен. Мемлекеттік және өңірлік бағдарламалар аясында шағын және орта кәсіпті бастау немесе жұмыс істеп тұрған кәсібін әрі қарай дамыту бағытында 54 жоба 840,4 млн теңгеге қаржыландырылған. Ал мемлекеттік және салалық бағдарламалар аясында жыл басынан бері Аққыр, Аламесек, Еңбек, Жаңадария, Жаңаталап ауылдары бойынша ешқандай жоба қаржыландырылмаған. Сала басшысы да аудан әкімінің сынынан тыс қалмады. Яғни бұл сала бойынша да халық арасында түсіндірме жұмыстары ұдайы жүргізілуі керек. Асқарбек Темірбекұлы «Ауыл аманаты» жобасы бойынша жұмыс бастаймын деген азаматтарға мейлінше қолдау көрсету қажеттігін қаперге салды.&nbsp;Аудандық Мемлекеттік кірістер басқармасының басшысы Руслан Байғазиев жеке тұлғалардың 2022 жылға көлік құралдарына есептелген салықтарын төлеу мерзімі 1 сәуірге белгіленгенін айтады. Яғни осы жылдың сәуіріне дейін толық төленуі қажет. Алайда осы салықты жинақтап, бюджетке өндіруге кент және әрбір ауылдық округ бойынша арнаулы салық мамандары бөлінгенімен, өндіру жұмыстары өте төмен. Басқарма кент және ауылдық округтердегі салықшы мамандар жұмысына талдау жүргізу барысында жеке тұлғалардың көлік салығы бойынша 6 млн 241,7 мың теңге бе Сыннан сабақ алған абзал Ауданда мемлекеттік қолдау шараларынсыз халықты жұмыспен қамтуға арналған меже 50 пайызға да орындалмаған. Оның үстіне жұмысын тоқтатқан кәсіпкерлік нысандары да жоқ емес. Мұнан кейін кезек ауылдық елді мекендерде атқарылған жұмыстарға да келіп жетті. Алдымен Мәдениет ауылдық округі әкімі Адай Мұстафаев елді мекенде атқарылған жұмыстарды саралады. Баяндаманың басым бөлігі көркейту-көгалдандыру жұмыстарына бағытталған. Мұнан бөлек «Өңірлерді дамыту» бағдарламасы бойынша ауыл орталығына аяқ су жеткізу, Жаңақоныс көшесіне күрделі жөндеу жұмыстарын жүргізу үшін жобасметалық құжаттар әзірлеу, жаяу жүргіншілер жолын жөндеу жұмыстары, кәсіпкерлікті дамыту сынды жобалар жоқ емес. Былтыр ауыл әкімі елді мекен халқымен кездесуде халық 10 мәселе көтерген. Өкінішке орай бүгінде оның тек біреуіне ғана жұмыс жасалған. Аудан басшысы елдің мәселесін ертеңге қалдыруға болмайтынын ескертіп, басқа да мәселелерді назардан тыс қалдырмауды тапсырды. Еңбек ауылында да дәл осындай жағдай, халықпен кездесуде көтерілген мәселелердің шешіміне жұмыс жасау көңіл көншітпейді.<blockquote>«Жалпы елді мекендердегі өміршең жобалардың жемісін халық көруі тиіс. Сондықтан оның сапасы да ұдайы назарда болуы керек. Халықтың талап-тілегі мен үшін бірінші орында. Жұмыссыздық мәселесін тұсап, елді мекендердің еңсесін тіктеу күн тәртібінен түспейді, – деді аудан әкімі өз сөзінде.</blockquote>Иә, Асқарбек Есжановтың осы мақсатқа жұмыс жасайтынына күмән жоқ. Халықпен кездесулердің бәрінде болдық, тіпті кейбір елді мекендерде көтерілген мәселелер сол жерде шешімін тауып жатқанына да куә болғанбыз. Бүгінгі әріптестеріне қарата айтылған сын да орынды.

Жүйелі жұмыс нәтижеге жеткізеді

<a href="https://kyzylorda-news.kz/">Kyzylorda-news.kz.</a> Синоптиктер 24 сәуірге арналған ауа райы болжамын және дауылды ескертуді ұсынды. Синоптиктердің болжамынша, бүгін жел күшейіп, тұман түседі. Республиканың оңтүстігінде, оңтүстік-батысында шаңды дауыл соғады, деп хабарлайды Қазгидромет.Республиканың басым бөлігінде атмосфералық фронтальды бөліктердің өтуінен жаңбыр жауады, солтүстікте, шығыста, оңтүстікте найзағай ойнайды. Қазақстан бойынша желдің күшейіп, батыста, солтүстікте тұман, ал оңтүстікте, оңтүстік-батыста шаңды дауыл болады.

Қазақстан және Қызылорда облысының жаңалықтары