Иіркөл ауылында 37 адам кәсібін дөңгелентіп отыр

<a href="https://kyzylorda-news.kz/">Kyzylorda-news.kz.</a> Бүгін Достық үйінде «Қайырымдылық керуені» акциясы аясында қаладағы 5-7 сынып оқушылары арасында «Тапқыр болсаң, озып көр!» атты инттелектуалды сайыс өтті.&nbsp;Сайыстың мақсаты - жазғы демалыс уақытын тиімді пайдаланып, оқушыларды дарынды, озық болуға тәрбиелеу.Шараны Қызылорда облыстық қоғамдық даму басқармасының «Қоғамдық келісім» КММ бөлім басшысы Бауыржан Үсенбаев ашып, қатысушыларға сәттілік тіледі. Әділ қазылар алқасы «Қоғамдық келісім» КММ әлеуметтік бастамалар мен жобалар жұмыс бөлімінің аға сарапшысы Нұргүл Ақсақалова мен этномәдени бірлестіктермен жұмыс бөлімінің аға сарапшысы Елена Пак болды.Сайыс үш кезеңнен құралды. Бірінші кезең «Құпия сандық бекеті» деп аталды. Онда оқушылар жасырылған жұмбақтардың шешуін тауып, қазақ, орыс тіліндегі нұсқасын айтты.«Алтын қақпа бекеті» атты екінші кезеңде қатысушыларға Қазақстан тарихы, әдебиет, математика, жаратылыстану пәндерінен түрлі сұрақтар қойылды.Ал үшінші кезеңде қатысушылар «Жасырын әннің атауы» айдары негізінде әртүрлі жанрдағы әндердің атауы мен орындаушысын тапты. Қазылар алқасының шешімі бойынша үздік нәтиже көрсеткені үшін №2 Абай атындағы дарынды балаларға арналған мектептің 7 сынып оқушысы Иманжүсіп Бауыржанұлы мен 5 сынып оқушысы Мерейлім Нұрланқызы диплом иеленді. Барлық қатысушыларға бағалы сыйлықтар мен Қызылорда облыстық қоғамдық даму басқармасының «Қоғамдық келісім» КММ директоры Бақытжан Камаловтың атынан Алғыс хаттар табысталды.Тартысты өткен сайыс соңында қатысушылар қазақтың ұлы ақыны Абай Құнанбайұлының өлеңдерін жатқа айтты. Сонымен бірге, Tik Tok желісіндегі тренд әндерге биледі.

«Қайырымдылық керуені» акциясы аясында инттелектуалды сайыс өтті

<a href="https://kyzylorda-news.kz/ru">Kyzylorda-news.kz.</a>&nbsp; «Біз ұстазды құрмет тұтқан елміз. Бұл сөзіміз нақты іспен бекітіліп жатыр. Арнайы Оқу-ағарту министрлігі құрылды. Біз бұған дейін «Педагогтардың мәртебесі туралы» Заң қабылдап, оның аясында мұғалімдердің жалақысын өсірдік. «Әліппені» қайтардық. Орта білімді дамытуға бағытталған бірқатар жағымды өзгеріс бар. Осындай игі шаралар арқылы біз қоғамда мұғалімнің мәртебесін одан әрі биіктетеміз. Ұстаз біздің қоғамда әрдайым сыйлы тұлға болады»–деген еді мемлекет басшысы Қасым-Жомарт Тоқаев. Ұстаз мәртебесі қоғам алдында әрдайым биік тұратыны сөзсіз. Балаға білім мен тәрбиені қатар беретін бұл мамандық иелерінің елімізде алар орны айрықша.&nbsp;Барша адамзат дамуының шамшырақ тұлғасы және ел мен елдіктің, білім мен біліктің ұйытқысы – ұстаз. Әлемдік деңгейде – педагог, өз ұстанымымызда ұстаз ұғымының сипаты, мән-мағынасы қашанда айқын. Өйткені ол бірыңғай ізгіліктен ғана тұратын кәсіп.Қала берді ұрпақ пен ұлтқа, адамзат пен болашаққа арналған өмір сүру салты. Тіпті дүниенің асылын іздеп тауып, соны өзгеге үйретпекке ұмтылған жан ұстаз болудан әріге аса алмас еді. Біздің педагогтар бала жанының бағбаны болумен қатар, қоғам өмірінің қалыптасуына да үлес қосып келеді. Қатарында өзімнің болғанымды да мақтаныш тұтамыз.Ұстаз мәртебесі – астары тереңде жатқан қадірлі ұғым және қоғам жауапкершілігін анықтайтын өлшем. Педагог тұғыры – қоғам мен мемлекет тұғыры. Қай мемлекет ұстаздарына қатысты қандай саясат ұстанса, мемлекеттің беделі де соған сай қалыптасады. Сондықтан еліміздегі мұғалім беделін арттыра түскен заң жобасының қабылдануы ұстаздар мерейін өсіре түсті. «Алты алаштың баласы бас қосса, төрдегі орын – ұстаздікі» деген халқымызда мұғалімді қадірлеуге байланысты тамаша дәстүр бар. Әрине білім саласының өзіндік, кәсіби тұрғыда қиындықтары бар. Шын ұстаз шәкірттерінің алдында ешқашан да жалған, жасанды, жүйесіз әрекетке бармайды. Бұл талқылауға келмейтін қатаң қағида. Жалпы, әділдік пен тазалықтың бастауы – мектеп десек қоғам қай жағынан да көштен қалмасы анық. Ал сол мектептің басты тетігі – ұстаз.Үнемі ізденісте жүрген, шеберлігін үнемі шыңдайтын, мәдениеті, адамгершілігі, бар бітім-болмысы жоғары азамат – шәкірттің ғана ұстазы емес, қоғамның ұстазы. Отанымызда ұстаз абыройы артқан сайын, білім мен ғылымның, тәрбие мен мәдениеттің абыройы артатыны сөзсіз. Дана бабаларымыз балаға білімнен бұрын тәрбие берілуі керек екенін мұнан мың жыл бұрын айтып кеткен. Отбасы тәлімі мен елдік тәрбие – білім жүйесінің әрі өзегі, әрі айнасы. Қазақстанның отаншыл ұл-қызын оқытудың мақсаты мен мазмұны жылдан-жылға айқындалып келеді. Атап айтсақ, мақсат – бәсекеге қабілетті білімді ұрпақ қалыптастыру, ал білімнің мазмұны – елдік тәлім-тәрбие мен адамзат ақыл-ойының інжу-маржаны деп білеміз.Өткен жылғы республикалық тамыз конференциясында ел Президенті Қ.К.Тоқаев қабылдануы жоспарланған «Педагог мәртебесі туралы» Заңда ұстаздарды қолдаудың кешенді шаралары қарастырылғанын, соның ішінде мұғалім жүктемесін азайту, абыройы мен беделін көтеру, материалдық жағдайын жақсарту белгіленгенін қадап айтты. Міне, Мемлекет басшысының бастамасымен мұғалімдердің қоғамдағы рөлі айшықтала түсті. Жалақы кезең-кезеңімен көтеріліп келеді. Бізге мемлекет тарапынан барлық қолдау жасалуда. Біз мұның бәрін – жанашырлық пен жауапкершілік деп ұқтық. Осылайша барлық салада, бастамада халықтың береке-бірлігі артып келеді.Мемлекет басшысы «Біздің мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу» деген еді. Мен де еліміздің күннен-күнге нығайып, дамуында әрбір қазақстандық аянбай еңбек ететін жас ұрпақ тәрбиелей білуіміз керек деп есептеймін. Мектеп табалдырығын аттаған сәттен-ақ алғаш әліппенің бетін ашып әріп танытқан, өмірдің қыр-сырын білуге, сан қилы құбылыстарды терең түсінуге мұрындық болған, жан дүниеңе нұрлы шуақ түсіріп, адамгершілікке баулыған алғаш бастауыш кластағы жетекшімізге еліктеп, ұстаз болуды армандадым. Мектепті бітіргенге дейін сол ойымызда қалдық.Енді міне, көп еңбекті, шыдамдылықты, төзімділікті, адалдықты, әділдікті талап ететін мәртебелі мамандықтың шылбырын ұстап келеміз. Мен ұстаздықтың осындай ауыр жүгін арқалауды өз жүрегімнің қалауымен таңдадым. Және оны абыроймен алып жүруге бар ынта-жігерімді саламын.Президент кешегі Жолдауда өскелең ұрпаққа ерекше назар аударылып отырғанын айрықша байқауға болады. Мемлекет басшысы жалпы білім беру сапасын көтеру мәселесіне екпін қойды. Қазіргі заманғы өмір жағдайы балаларды болашаққа тыңғылықты даярлауды талап етеді. Осы орайда тәрбиешілерге қатысты біліктілік талаптарын қайта қарап, олардың еңбекақы төлеу жүйесін қарастыруға назар аударылды. Сонымен бірге Парламент Мәжілісінің жалпы отырысында «Педагог мәртебесі туралы» заң жобасы мақұлданды.Қазіргі уақытта мұғалім мәртебесінің биіктеп, көптеген мәселе заң жүзінде қолға алынып жатқаны белгілі. Соған байланысты ұстаздардың жалақысы да өсіп, олардың жұмысына біршама жағымды жаңалықтар енді. Сонымен қатар мұғалім болудың талабы да күшейе түсті. Бұл өз кезегінде ұлт тәрбиесін мойнына алған ұстаздың міндетін де, жұмысын да жүйелей түспек. Себебі жаңадан қолданысқа енген классификация білікті мамандарды ғана іріктеп шығармақ. Бұл ұлт болашағын қалыптастыруда тәуелсіз елдің ұстаздарын саралауға мүмкіндік береді. Сондай-ақ шәкірт тәрбиелеу ісінде де білікті де білімді мұғалімдердің ықпалы арта бермек. Тәуелсіздік жылдары еліміздің білім беру жүйесінде толымды, түбегейлі өзгерістер орын алды. Бұл кезде елеулі нормативті және құқықтық актілер қабылданып, жүзеге асырылды.Жаһандану дәуірі білім саласына біршама өзгерістер әкелді. Бұрыннан қалыптасқан оқу үлгісінің формациясына ерекшеліктер енгізіп, мектептегі оқытуды жаңаша бағытқа бұрды. Тағы бір айта кететін мәселе – білім жүйесін жандандыру мақсатында мемлекетіміздің саясаты педагогикалық мамандықтарға басымдық беріп жатыр. Бүгінгі күнгі ұстаздың алдына қойылар талап пен міндет өте көп. Қазіргі заманғы педагогтің басты міндеті – бүгінгі қоғамның қажетіне жарай алатын, жоғары мәдениетті меңгерген, өресі биік, білімі жоғары, жан-жақты жас өскіндерді дайындау. Ұстаз атана білу деген сөзді сол есімді қадір тұту, бойтұмарыңдай жүрегіңе сақтау деп ұққан жөн. Шын педагог өз жұмысын сүйеді, кәсібіне адалдықпен қарайды. Бір қарағанда, мұғалім қатардағы мамандықтың бірі секілді көрінеді. Алайда ұстаз ұлттың болашағын тәрбиелейді және оларды қалыптастырады.Кезіндегі ұлы ғұламаларымыз: «Баланың бақыты жақсы ұстаздың қолында» деген екен. Бұл сөздің өзектілігі әлі күнге дейін жойылмады. Баланың болашақ өмірінде ұстаз берген өнеге мен өсиеттің арқалар жүгі өте ауыр. Бала мектеп жасында қандай білім алса, кейінгі өмірінде сол білімнің арқасында қызмет етеді. Елдің ертеңі болу да, халықтың қамын жеу де осы ұстаздардың іс-әрекетінен көрінеді. Соған сәйкес жаһандану дәуірінде оқушыға сапалы білім беріп, оны практикалық тұрғыда қолдана алсақ, нұр үстіне нұр болады. Бүгінгі күні тәуелсіз елдің ұстазына қойылар талап пен міндеттер осындай күрделі. Ал осы күрделі де қиын мамандықты игеріп, ұлт болашағын қалыптастырып жатқан ұстаздардың жұмысы жауапкершілікті талап ететіні сөзсіз. Сондықтан тәуелсіз елдің ұстазының білімді де білікті оқушыларды қалыптастыруда атқарылып жатқан жұмыстар да едәуір.Ал қазіргі таңда бұл мәселені ескеріп, тиісті орындар педагогикалық мамандыққа деген грант санын көбейте түсті. Аталған шешім осы мамандыққа қызығушылық танытқан жастарға үлкен серпін болды. Олар өздері қалаған осы кәсіпке бар ынта-жігерімен араласып, тәуелсіз елдің жан-жақты мұғалімі болу үшін барын салуда.Тәуелсіздігіміз берік болып, еліміз дами берсе, ендігі ұрпақ біздің аманатымызды алға апаратынына сенімдімін. Сол жастарды өзіміз тәрбиелеп жатырмыз. Мұның бәрі – егемен еліміздің, тәуелсіздігіміздің шапағаты. Болашақ ел тізгінін ұстар, дені сау, білімді де саналы жас ұрпақ тәрбиелеуде елімізде осындай игілікті істер жүзеге асырылуда. Әлі де атқарылатын шаруалар жетіп артылады. Осының барлығы Тәуелсіздігіміздің басты жемісі екені даусыз.

Елімізде ұстаздар мәртебесі артып келеді

Қызылорда облысында кәсіпкерлердің саны 32,8 пайызға ұлғайған

<a href="https://kyzylorda-news.kz/">Kyzylorda-news.kz.</a> Апта басында Әбділдә Тәжібаев атындағы облыстық кітапханасында ортағасырлық ақын, сопылық–мистикалық әдебиеттің көрнекті өкілі, Қожа Ахмет Яссауидің туғанына 930 жыл толуына орай, «Қожа Ахмет Яссауидің рухани мұрасы» тақырыбында кітап көрмесі ұйымдастырылды.Қазақ халқының мәдениет тарихында ерекше орын алатын ұлы ойшыл, сопы ілімінің пірі – Қожа Ахмет Яссауидің мол мұрасын оқырмандарға насихаттау мақсатында өткізілген көрмеге жас буын өкілдері қатысты.Көрмеде жас оқырмандар Қожа Ахмет Яссауидің адамды биік парасатқа, адамгершілік пен таза сүйіспеншілікке жетелейтін хикметтері берілген «Диуани хикмет» кітабы, «Отбасы хрестоматиясымен» жарық көрген Иассауидің хикметтері экзистенциялық тұрғыдан талданған С.Керімбайдың «Яссауи феномені», Ә.Дербісәлінің «Қазақ даласының жұлдыздары», «Қазақ мәдениетінің ұлы қайраткерлері. IX-XIX ғасыр Ғұламалар тағылымы», «Қожа Ахмет Яссауи: Ғасырлар шыңынан шашылған нұр», «Қожа Ахмет Яссауи: «Хикметтер» атты кітаптары мен баспасөз беттерінде жарияланған материалдармен танысты.&nbsp;Рухани шарада оқушылар ғұлама туралы өздерін қызықтырған ақпаратпен танысып, тағылымы мол дүниеге қанықты.&nbsp;

Кітапханадағы руханият көрмесі

<a href="https://kyzylorda-news.kz/ru">Kyzylorda-news.kz.</a>&nbsp;Бүгінгі таңда елімізде азық-түлік өндірісін ұлғайту және оның қауіпсіздігі мен қолжетімділігін қамтамасыз ету өзекті мәселе. Ал нарықтық экономиканың қарқын алған кезінде асыраушы саланы дамыту арқылы халықтың әл-ауқатын көтеру де күн тәртібіндегі тұрақты мәселелердің біріне айналғаны заңдылық.Иә, еліміздегі ең өзекті мәселелердің бірі қымбатшылықтың белең алуы. Күнделікті тұтынатын азық-түліктер мен тұрмысқа қажетті заттардың, жанар-жағармайдың күн санап қымбаттауы халықтың қалтасына ауыр тиіп жатады. Сондықтан ауданда азық-түлік бағасын тұрақты бақылау үшін жұмысшы топ жұмыс жүргізіп келеді.&nbsp;Ауданға азық-түліктің басым бөлігін (ұн, күріш, қант, макарон өнімдері, өсімдік майы, картоп, жуа, сәбіз, қырыққабат), тағы басқа өнімдерді кәсіпкерлер сыртан тасымалдап әкеліп сатуда. &nbsp; &nbsp;Сол себепті бағаларда ауытқулар бар. Дегенмен азық-түлікпен тұрақты қамтамасыз етіп отырған кәсіпкерлермен жеке сөйлесіліп, дүкендерде өнімдерге негізсіз баға өсірмеуі жөнінде айтылып, әкімшілік жауапкершілік қаралатындығы туралы ресми ескертпе хаттар берілуде.&nbsp;Бейсенбі күні ауданымыздағы азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссия отырысының тапсырмасына сәйкес құрылған жұмысшы топ әлеуметтік маңызы бар азық-түлік тауарларының бағасына бақылау жасады.Сондай-ақ, әлеуметтік маңызы бар азық-түлік тауарларының баға үстемесін негізсіз көтермеу, шекті бағадан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары жүргізілді.

Қармақшыда баға тұрақтылығы бақылауда

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалы жанындағы Отбасы және халықты әлеуметтік қорғау мәселелері бойынша &nbsp;Кеңес отырысы өтті. Онда салауатты өмір салтын қалыптастыратын іс-шараларды өткізу, балалы отбасыларды дене шынықтыру және спортпен шұғылдануға тарту үшін жағдай жасау, спорт кешендері мен нысандарына күрделі және ағымдағы жөндеу жұмыстарын жүргізу мәселелері талқыланды.«AMANAT» партиясы өзінің Сайлауалды бағдарламасында халықтың денсаулығын нығайтуға, халықты бұқаралық спортқа тартуға баса назар аударып, спортпен шұғылдануға жағдай жасау үшін спорттық объектілердің қолжетімділігін, оларды заманауи жабдықтармен жарақтандыру мәселелерін шешуді мақсат етіп отыр. Партия алдағы 5 жылда өңірімізде 12 денешынықтыру – сауықтыру кешендерінің құрылысына ықпал етуді мақсат еткен болатын. Оның бірі Жосалы кентінде пайдалануға берілді. Жақын арада Ақай елді мекенінде ашылатын болады. Спорт нысандары халыққа қолайлы болуы үшін оларға күрделі және ағымдағы жөндеу жұмыстарын жүргізуге де ықпал етуде. Осы жұмыстардың маңызды бөлігінің бірі партиялық бақылау механизмі арқылы балаларға спорт үйірмелеріне немесе шығармашылық үйірмелерге тегін баруға мүмкіндік жасау»,- деді &nbsp;жиында Кеңес төрағасы Райкүл Байназарова.Жиын барысында күн тәртібіне сәйкес өңірде атқарылып жатқан жұмыстар төңірегінде облыстық мәдениет және спорт басқармасы басшысының орынбасары Жігер Айекешов айтып өтті.&nbsp;Оның айтуынша 2023 жылдың І-тоқсаны бойынша 920 бұқаралық спорттық іс-шара өткізіліп, оған 106 750 адам қатысқан. Расында бұл көрсеткіш спорттың &nbsp;бұқаралық сипатын арттыру басымдық алып келетіндігін көрсетеді. Жалпы, Қызылорда облысында ағымдағы жылы 1 халықаралық турнир, 9 Қазақстан Республикасының чемпионаты мен кубогы, 29 республикалық және 93 облыс біріншілігі мен турнир ұйымдастырылып, оған 19 635 спортшы қатыстырылған.&nbsp;<blockquote>«Жоғарғы білікті спортшылар және спорт резервін әзірлеу бағытында балаларға арналған 1 мектеп-интернат-колледжі, 2 облыстық жоғары спорт шеберлігі мектебі, 1 олимпиадалық резерв даярлау орталығы және 22 бала мен жасөспірім спорт мектебінде спорттың 48 түрімен &nbsp;21 367 спортшы &nbsp;тәрбиеленуде. Сонымен қатар, Қызылорда облысының мәдениет және спорт басқармасы 2023 жылы облыс көлемінде өткізілетін бұқаралық-спорттық шаралардың күнтізбелік жоспарын қалыптастыру барысында отбаыларды ғана емес, жазасын өтеп жатқан және пробация есебіндегі адамдар арасында спорттық-шаралар өткізіп келеді. Мақсат - жаза мерзімін өтеуші сотталған азаматтар арасында достық қарым-қатынасты нығайту, бұқаралық спортқа тарту және салауатты өмір салтын насихаттау»,- дейді Жігер Айекешов.</blockquote>Жиын барысында Кеңес мүшелері халықтың дене шынықтыру және спортпен шұғылдануына жағдай жасау мен қолжетімділігін арттыру бағытында ойларын ортаға салып, сала өкілдеріне жұмысты жетілдіруді ұсынды.Атап өтейік «AMANAT» партиясының Сайлауалды бағдарламасында бұқаралық спортты дамыту бағытындағы қамтылған жұмыстар нәтижесінде халықтың спорттық инфрақұрылыммен қамтамасыз ету қарқыны 1000 адамға шаққанда 47,8%-ға, ал спортпен айналысатын тұрғындардың үлесін 53%-ға дейін арттыруға мүмкіндік бермек.

AMANAT: Спортпен айналысатын тұрғындардың үлесі 53 пайызға дейін артады

Мемлекет басшысы Қасым-Жомарт Тоқаев халыққа Жолдауында елдің отбасылық-демографиялық жағдайына алаңдаушылық білдіріп, Қазақстанда әр алтыншы отбасы бала сүйе алмайтынын айтқан болатын. Осыған орай "Аңсаған сәби" бағдарламасын бастап, экстракорпоралдық ұрықтандыруға квота санын жеті есеге көбейтіп, 7 мыңға жеткізуді тапсырған болатын. Бұл мақсатқа республикалық бюджеттен 6 млрд теңгеден астам қаражат бөлінген. Ал оған дейін экстракорпоралдық ұрықтандыру процедурасы тек тегін медициналық көмек көлемінде жүргізілетін еді. Алайда, қаржыландыру көлемі аз болғандықтан, жылына шамамен 900–1000 квота ғана бөлінді. Қазіргі күні «Аңсаған сәби» бағдарламасы 2025 жылға дейін ұзартылды.&nbsp; Осыдан 3 жыл бұрын отбасын құрған Әйгерім мен Мараттың жанын құлазытқан бір нәрсе. Олардың сәби иісін аңсап бармаған жері, баспаған тауы қалмады. Жалпы, мұндай мәселеге душар болған қазақ отбасы көп сияқты. Әрине бұл – ұлттық трагедия. Қазір қоғамда сәби сүюге зар болған жас жұбайлар қатары артқан. Бедеуліктің белең алып бара жатқаны бәрімізді алаңдатып отыр. Статистикалық мәліметке жүгінсек, бүгінде Қазақстанда жаңадан отау құрған отбасылардың әрбір 5-6-шы отбасы перзентке зар болып жүр. Жалпы, отбасылардың 15-20%-ы осындай қиындықтармен бетпе-бет кездеседі деген халықаралық статистиканы айтады. Дерек көздеріне қарағанда, елімізде қазір 9467 әйел адам бала көтере алмайтындардың тізімінде тұр. Ал мыңнан аса еркек – белсіз. Мұның салдарынан ажырасу факторы көбейді.&nbsp; Бедеулікке не себеп? Біз "бесігіміз бос қалмасын" дейтін қазақпыз. Халқымыз балалы үйді базарға санап, дүниеге ұрпақ әкелуді, үрім-бұтағын жалғастыруды ең үлкен бақытына балаған. Кезінде ұрпақсыздықтың кесірін көп тартпаған ұлтымыз бүгінде бұл індеттің шырмауына шындап шырмалғандай. Алайда мамандар бедеуліктің белең алуы бізде ғана емес, күллі дүние жүзіндегі тенденция дейді. Не дегенмен де, бедеулік пен белсіздік демографиямызды ақсататын үлкен кесел болып тұр. Қазір бедеулік әйелдердің 45 пайызына тән болса, белсіздік ерлердің 40 пайыздық үлесін алып отыр. Гинеколог дәрігерлердің айтуынша, егер әйел мен еркек үйленіп, бір жыл бойы сақтанусыз, тұрақты қатынаста болып жүктілік пайда болмаса, бұл бедеулік болып саналады дейді. – Әйел бедеулігі екі түрге бөлінеді. Біріншісі – іштен туа біткен, екіншісі – жүре пайда болған бедеулік. Іштен туа біткен бедеулікке жатыр түтігінің бітелуі, жыныс мүшелерінің даму ахауы, яғни жатыр мен аналық бездің жетілмей тууы басты себеп. Жүре пайда болған бедеулік әртүрлі ауруларға, саламатты өмір салтын сақтамауға байланысты туындайды. Сондай-ақ жас кезде түсік жасату да сәби сүю мүмкіндігін жоғалтады. Оның ішінде ең басты орында эндокрионды бедеулік тұр. Бұл дегеніміз әйелдердің шамадан тыс семіздігінің салдарынан болатын мәселе, – дейді аудандық аурухананың перзентхана бөлімінің акушер-гинекологі Гүлханым Көшербаева. Дәрігер жастық албыртпен қате басқан бір қадамның салдары өмірлік өкінішке алып келетіндігін айтып қалды. Өйткені сәби сүйе алай жүргендердің басым көпшілігіне кезінде түсік жасатқандықтары себеп болады, дейді. Демек жаратылыстың берген сыйынан саналы түрде бас тарту осындай қасіретке әкелетіні дәлелденген. Бұдан бөлек, жатыр мен жатыр түтікшелеріндегі сырқаттар, түтікшелердің бітелуі, жыныс мүшелерінің қабынуы, эндометриоз, гормондық бұзылыстар, тағы көптеген факторлар да бедеулікке әкеліп соғады. Дүниежүзілік денсаулық сақтау ұйымы осыдан бес жыл бұрын әлемде қанша жұп бедеулікке шалдыққаны туралы мәлімет жариялаған. Онда 50 миллионға жуық адам осы кеселге ұшырағаны айтылған. Ал қазір бұл сан сөз жоқ, өскені анық. Бірақ аталған ұйым бедеуліктің санымен емес, оның себеп-салдарымен күресіп әлек. Әлемнің белгілі ғалым-сарапшылары да бедеулік мәселесінің дәл қазіргі заманда неліктен өршіп кеткені туралы әртүрлі болжамдар айтуда. Ғаламтордағы мәліметке сүйенсек, бедеулік пен бел-сіздіктің белең алуына тамақтану үрдісінің өзгеруі мен экологиялық факторлар көп әсер етіп жатыр. Қазір күнделікті тұтынып жүрген тағамдарымыз табиғи құрамынан баяғыда алыстап кетті. Ас-суымызда небір бояғыштар, дәм күшейткіштер, химиялық қоспалар көбейді. Содан кейін адамзаттың бөлінбес бөлшегіне айналған микротолқынды пештер, компьютер, ұялы телефондар да бедеулікті асқындырып жіберген. Сондықтан ғалымдар ұялы телефонды қалтаға жақын ұстамау, қуат көзі 5 пайыздан төмендегенде оны қолданбауға кеңес береді. Қимыл-қозғалыстың аздығы да бедеуліктің көбеюіне себеп болып отыр. Осы мәселе төңірегіне жан-жақты зерттеу жасаған Кембридж университетінің бір профессоры: «Қазіргі заманда әйелдердің арасында бедеуліктің жиілеуі олардың аналық емес, материалдық, мансаптық құндылықтарды жоғары қоюынан болып отыр. Себебі әйелдердің қан айналымы жатырға емес, миға кетіп жатыр», дейді. Сондықтан бала туу жасындағы әйелдер алдымен мансапты емес, ана болуды алдыңғы кезекке шығарғаны жөн деген пікірде. Балаң белсіз болмасын десең... Бала өрбіту, өмірге ұрпақ әкелу – тек әйелдердің проблемасы емес. Өмірге дені сау, саналы бала¬ның келуіне еркектердің де үлесі үлкен. Бірақ бедеулік мәселесі туындай қалса, оған бірден әйел¬ді кінәлаймыз. Адам санасы өзгеріп, заман сан құбылса да мұндай сыңаржақ көзқарас әлі де бар. Әсіресе қазақтың қалыптасқан санасы балалы бола алмаудың кінәратын алдымен әйелге артып қоюға бейім. Бірақ статистика басқаша сөйлейді. Қазіргі таңда бедеу әйел мен белсіз еркектің саны бірдей, яғни некелескен жұптарда баланың болмауына еркек те себепкер. Әлемде де, соның ішінде Қазақстанда да аталық ұрығы әлсіз жігіттер көбейген. Оны мойындамауға ләж жоқ. Аудандық аурухананың хиругия бөлімшесінің меңгерушісі, уролог дәрігері Әмірхан Жүсіпов: – Еркектің белсіздігі қазір әйелдердің бедеулігімен қатар тұр. Ал екеуінің де денсаулығының дімкәстігінен балалы болмау 30-40 пайызды құрайды. Сондықтан біз ерлі-зайыптылар¬ды бірдей медициналық тексеруден өткіземіз. Алайда ер-азаматтар тексерілуге онша құлықты емес. Көбі оны өздерінше намыс көреді. Тіпті еркектердің 60 пайыздан астамы дәрігерлерге жоламайды. Еркектің белсіздігіне ұрпақ өрбіту жүйесіндегі түрлі қабынулар, яғни, аталық без бен қуық асты безінің қабынуы, жыныс-несеп мүшелерінің дамуындағы ауытқулар, жыныстық жолмен берілетін инфекциялар әсер етеді. Жалпы, ерлі-зайыптылар бала сүю мәселесін мейлінше 35 жасқа дейін шешіп алғаны жөн. Өйткені, жас ұлғайған сайын генетикалық өзгерістердің әсерінен ұрықтың сапасы нашарлап, балалы болу мүмкіндігі азаяды, – дейді дәрігер. Осыдан 5 жыл бұрын отбасын құрған Асылзат құрсақ көтермей көп жүрді. Ол бастапқыда бар кінәні өзінен іздеді. Байғұс әйел дәрігерлердің есігін тоздырып ем-домын алды. Бірақ ақ халаттылар оның денсаулығында айтарлықтай қауіп жоқ екендігін айтып, жолдасының да дәрігер тексеруінен өтуі керектігін айтады. Алғашында дәрігерге баруға қарсы болған жолдасы соңында келісім беріп, тексеруден өтеді. Айтқандай-ақ дәрігер оған ұрықтың белсенділігі төмен деген пайымдама келтірді. Содан бастап жолдасының емделе бастағанын айтады. – Біз дәрігердің нұсқауы бойынша емделдік. Ақырында нәтиже болды. Көп өтпей-ақ менен жақсы жаңалықтың нышаны байқалды. Бұл біз үшін үлкен қуаныш еді. Жаратқаннан перзент сұрап не жасамадық дейсіз?! Медицинаға да, емшіге де жүгіндік. Амалсыздықтан кім не десе, соның айтқанын жасап жүрдік. Сондықтан бұл бізге Тәңірдің жіберген үлкен сыйы деп қабылдадық. Бірақ қуанышымыз көпке созылмады. Жүктіліктің 25-аптасында менің жағдайым күрт нашарлады. Дәрігерлер баланы тудырып алудан басқа амал жоқ екендігін айтты. Себебі бұл кезде менің өміріме қауіп төніп тұр еді. Осылайша бар-жоғы 500 грам болатын қызымды өмірге әкелдім. Тұңғышымның ғұмыры қысқа болды. 1 айдай түтікшемен қоректеніп, өмір сүрген соң үзіліп кетті. Бірақ Тәңір бізге тағы да мүмкіндік берді. Қазір ұлымды өмірге әкелдім. Аллаға шүкір, бізде бәрі жақсы, – деген Асылзат өзінің сәби сүюінің оңайға соқпағанын айтты. Қызға қырық үйден тыю Иә, тәрбие тал бесіктен басталады. Мамандардың уәжіне жүгінсек, ұрпақ сүйе алмаудың негізгі себебі адами факторлардың салдарынан болатындығы дәлелденіп тұр. "Қызды қырық үйден тыю" дейтін халқымыз бала тәрбиесіне басты назар аударған. Біздің санамызға сіңген «ұят болады» деген нәрсе бар. Өкініштісі, қазір заман талабы дейтін жастарымыздың етек-жеңі қысқарған. Мұның арты ұлттың жойылып кету қаупін төндіріп тұр. Өмірге 8 бала әкеліп, оларды тәрбиелеп өсірген Ақзия Бөлебай жастардың қазіргі болмысына көңілі толмайтындығын айтады. – Қазақ халқын еліктеушілік деген нәрсе құртады екен. Қазір мода деген шықты. Бел де ашық, кеуде де ашық, етек қысқа. Ең әуелі ашық тұрған жерге көз түседі. Көз түскен соң, сөз тиеді. Мұның бәрі айналып келгенде ұлттық трагедия. Осыдан кейін біздің қазақылығымыз қайда қалды? Ұлттық тәрбие, мәдениет туралы айтудың жөні бір басқа. Қазақ «қыздың өзі үйде, қылығы түзде» деп бекер айтпаған. Сондықтан отбасы, ошақ қасынан бөлек, қоғамда қыз тәрбиесімен айналысатын белгілі ұйым болуы керек. Жігіттер жағы да солай. Жігіттерміз темекі, ішімдік секілді зиянды әдеттерден аулақ болып, салауатты өмір салтын ұстанатын болса мұндай мәселе көтерілмеген болар еді. Мәселені шешуден гөрі, алдын алу жолын қамдаған дұрыс болар еді. Қазірден бастап қолға алатын болсақ, болашақта бармақ тістемейтін боламыз. Дұрыс тәрбие, дұрыс тамақтану, дұрыс өмір сүру салты – ұлтты сапалы етудің, ұрпақты көбейтудің басты шарттары. Дегенмен де бедеулік пен белсіздік – үкім емес. Ең бастысы, оның себеп-салдарын анықтап, дер кезінде емделу. Ол үшін сабырлылық пен төзімділіктің де алар орны ерекше екені сөзсіз.Бұл бақытты отбасылардың көбінде үстемдік құрған басты қағида.

Аңсаған сәби мемлекеттік бағдарламасы бала сүю бақытын сыйлады

Жалағаш ауданындағы шағын және орта кәсіпкерлік субъектілерінің саны 3198-ге жеткен

<a href="https://kyzylorda-news.kz/ru">Kyzylorda-news.kz.</a> &nbsp;Аудан әкімі апта ішінде аудандағы бірқатар құрылыс нысандарын аралады. Ең бірінші жалпы көлемі 8 шақырымды құрайтын аудандық маңызы бар «Самара-Шымкент», «Ақжар-Көмекбаев» автожолының жұмысымен танысып, жауапты сала басшыларына елді мекендерді облыс және аудан орталықтарымен байланыстыратын автожол құрылысының сапасын тұрақты бақылап, халық игілігіне пайдалануға беру үшін құрылыс жұмыстарының уақытылы аяқталуының маңыздылығын атап өтті.&nbsp;Дауылкөл, Ақжар, Жаңажол елді мекендерінде биыл құрылысы басталған фелдьшерлік-акушерлік пунктердің жұмыстарымен танысты. Ауыл әкімдері мен сала басшыларына халық қажеттілігі үшін салынып жатқан әлеуметтік нысандардың құрылысын тұрақты бақылау қажеттілігін ескертті.Аудан басшысының жұмыс сапары Ақжар ауылындағы Ж.Жабаев көшесінің жөндеу жұмыстарымен танысу және ауыл диқандарымен жүздесуімен жалғасты. Ауыл диқандарының көкейтесті сұрақтарына жауап берілді. Одан соң, аудан әкімі ІІІ Интернационал ауылына ат басын бұрып, Астана көшесіне жүргізілген жөндеу жұмыстарының сапасы мен скважиналық су айдау қондырғысының жай-күйін қадағалады.&nbsp;Сапа соңында аудан басшысы Иіркөл ауылы тұрғындарымен кездесіп, бақша жұмыстарын бақылап, ауыл шаруаларымен еркін форматта пікір алмасу өткізді. Шаруалар ойда жүрген мәселелерін алға тартса, аудан басшысы ұсыныстардың назарға алынатынын тілге тиек етті.

Қармақшыда құрылыс жұмыстары қарқын алуда

<a href="https://kyzylorda-news.kz/">Kyzylorda-news.kz.</a> Табиғат байлығының бірі орман екені барлығымызға белгілі. Олардың қоршаған ортаны қорғаудағы маңызы өте зор. Айта кетсек, олар су режимін бірқалыпты ұстап, топырақты түрлі эрозиялардан сақтап қана қоймай, ауаны улы газдардан тазартып, оттегі бөліп отырады. Табиғат тепе-теңдігін сақтап тұрушының негізгі себепшісі ол – орман. Алайда орман қорындағы әртүрлі ормандағы өсімдіктер мен жануарларға үлкен залал тигізетін қатердің бірі өрт болып табылады. Өрттердің негізгі шығу себептеріне тоқталсақ, олардың табиғи факторлар есебінен орын алатыны өз алдына, адамзат тарапынан себепші болуы басты мәселе болып қала береді.Қызылорда облысындағы құрғақ және желді климат, шөптесін өсімдіктердің көп болуы, орман, дала өртінің тез өріс алуына мүмкіндік туғызады. Өрт қауіпті кезеңінде орман және дала өрттерінің өсуі көбінесе аумақты қажет емес қалдықтардан тазарту және ауыл шаруашылығы жерлерінде қураған өсімдіктерді немесе қалдықтарды жағу жұмыстарын жүргізу барысында орын алады. Ауыл шаруашылығы жерлерін және қалдықтарды жағу жұмыстарын жүргізу кезінде тиісті бақылау жүргізілмеуінен, минералданған жолақтарының болмауынан, жақын орналасқан орман алқаптарына жалын тарап, артынша түзелмейтін шығынға әкеліп соқтырады. Қызылорда Төтенше жағдайлар департаменті Мемлекеттік өрт бақылау басқармасының мәліметіне сүйенсек, 2023 жылдың басынан облыс бойынша орман қоры жерінде 101 гектарды құрайтын 21 өрт оқиғасы тіркеліп, бұл көрсеткіш былтырғы жылмен салыстырғанда 90 пайызға өскен (2022 жылы – 11 өрт, 30 гектар).Сонымен қатар, 2023 жылы облыс бойынша тұрғындар тарапынан абаттандыру, жерді ашу үшін қураған шөптерді өртеу барысында,ашық отты қараусыз қалдыру салдарынан шабындық жерлерде, ашық алаңдарда, автожол бойы мен канал жағаларында қураған шөптердің, шеңгел, жыңғылдардың жануынан көлемі 42 гектарды құрайтын бірнеше жану оқиғасы тіркелді.Қорытындылай келе, орман қоры аумағында өрт оқиғаларын алдын алу бағытында облыс тұрғындары төменде көрсетілген ережелерді сақтауыңызды сұраймыз:– шабындық, егістік, орман алқаптарында қураған шөптерді, қоқыстарды өртеуге және бақылаусыз қалдырмауға жол бермеуді; – ауа-райы құрғақ, ыстық және қатты жел кезінде алау жақпауды;– демалыс орнынан кетерде алауға су құйып, құм немесе топырақ сеуіп кетуді. Жанып жатқан қалдықтар мен сіріңкені лақтырмауды;– егер өрт аумағында болсаңыз өзіңіздің күшіңізбен сөндіру мүмкін болмаса, оның таралу бағытын, және шығу бағдарын анықтап құтқару қызметіне 101, 112 нөмірі арқылы хабарлауды.Орман, тоғайлы, далалық алқаптардаөрт қауіпсіздігі ережелерін бұзғаны үшін кінәлі тұлғалар жергілікті атқарушы органдар, полиция қызметі, орман шаруашылығы мен төтенше жағдайлар қызметі қызметкерлерінен құрылған мобильдік топтармен әкімшілік жауапкершілікке тартылатыны жөнінде ескертеміз. Қазіргі таңда мобильдік топтармен орман, тоғайлы, далалық және егістік алқаптарда рейдтік шаралар жүргізілуде.Өрт – тілсіз жау. Орман, тоғайлы, далалық алқаптарда өрт оқиғаларын болдырмас үшін қарапайым қауіпсіздік шараларын сақтауды ұмытпайық!

Табиғатты өрттен сақтайық

<a href="https://kyzylorda-news.kz/">Kyzylorda-news.kz.</a> Бүгінде интернет алаяқтықтың алдын алу мақсатында тиісті жұмыстар атқарылып келеді. Дегенмен, өңірде алаяқтардың арбауына алданып, сан соғып қалған азаматтар қатары азаймай тұр. Осыған орай, облыстық полиция департаменті ғаламтор желісі арқылы жасалатын қылмыстарды болдырмау және дер кезінде алаяқтық істерді анықтау мақсатында «Киберпол» жедел тергеу тобын құрып, қажетті шараларды қолға алды. Бұл жөнінде Қызылорда облысының өңірлік коммуникациялар қызметінің ақпарат алаңында облыстық полиция департаменті бастығының орынбасары Ілияс Жұмағұлов хабарлады.<blockquote>«Әдетте алаяқтар жалған интернет хабарландыру орналастыру, ғаламтор арқылы сауда жасау, сондай-ақ өздерін банк қызметкері ретінде таныстыру арқылы халықтың сеніміне кіруді қалайды. Бұдан бөлек, жаңадан пайда болған алаяқтықтың түрі – тауарлық несиені рәсімдеу арқылы қолма-қол ақшаға айналдыру да белең алып барады. Осылайша халықты несие алдыруға шақырып, қомақты қаржысын иеленіп, ізін суытады. Осыған ұқсас жағдайлар өткен аптада тіркелген болатын. Жалпы өңірде жыл басынан бері алаяқтық дерегі бойынша 500-ден астам қылмыстық іс анықталған. Оның 441-і ғаламтор желісі арқылы жасалғаны дәлелденді. Осы орайда, алаяқтық қылмыстардың алдын алу мақсатында полиция департаментінің қызметкерлері халық көп шоғырланатын базар аумақтарында, ірі сауда орталықтарында және демалыс орындарында облыс тұрғындарына түсіндірме жұмыстарын жүргізуде. Алаяқтардың алдауына түспеу үшін жеке деректерді, банк карта номерін, смс кодтарды, белгісіз сайттар мен күмәнді сілтемелерді ашуда және бөтен адамдарға жіберуде сақ болу қажет. Сонымен қатар «TeamViewer», «AnyDesk» немесе «Remote Desktop» деп аталатын арнайы бағдарламаларды орнатпауға шақырамыз», - деді департамент бастығының орынбасары Ілияс Байжұманұлы.</blockquote>

Қазақстан және Қызылорда облысының жаңалықтары