<a href="https://kyzylorda-news.kz/">Kyzylorda-news.kz.</a>&nbsp; Жыл санап өңірдегі егін шаруашылығы екпін алып келеді. Әсіресе Сыр беткейдегі диханшылықты кәсіп еткен ағайын бүгінде бақша дақылдарынан бөлек жеміс-жидек, мал азығын дайындауды қолға алып отырғандығы қуантады. Арал қаласының тұратын Санат Нұрманов өткен жылдан бері алма бағын өсіру ісін қолға алды.Ауласындағы шағын бақшасының ішін жеміс-жейдек түрлерімен жайқалытып қойған Санат ағаның мұндай кәсіп түрін қолға алуы кызығушылығынан туындаған. Ауылға көрік берсін және елгі игілігім тиісін деген мақсатта алма бағын өсіруді қолға алады. Сөйтіп өткен жылдан бастап Сарыағаштан 3350 түп голден және семеренка сортты алма ағашының көшетін алып келіп, ауыл мағындағы 5 гектар аумаққа отырғызды. &nbsp;&nbsp;<blockquote>– Алма ағаштарын 84 пайызы яғни 2760 түбі бүгінде жақсы жағдайда. Бірқалыпты өсіп келеді. Гүлдеп те жатыр. Негізінен 3 жылда жеміс беруі тиіс. Енді келер жылы алғашқы жемістерді жинаймыз деп ойлап &nbsp;отырмыз. Барынша табиғи қоспасыз өсіргім келеді. Мұндай жеміс ағаштары ерекше күтімді де талап етеді. Оларды зиянкез жәндіктерден қорғау үшін түптеріне жылына 3 рет дәрумендер сеуіп отырамыз, - деген Санат аға алма бағының қазіргі жайы туралы айтып берді.&nbsp;</blockquote>Бастапқыда ауласына жеміс ағаштарын отырғызып бастаған ағамыз бұл ісін кейін ұлғайтты. Бірақ пайда көру мақсатында емес. «Артыңда мал қалғанша, тал қалсын» деген аталы сөзді ұстанған бағбан өзінің ісінің өзгелерге үлгі болғанын қалайды. Ел осыдай игі іске мойын бұрса ауыл іші берекелі болар еді дейді.<blockquote>– Мүмкін емес деуге болмайды. Барлық нәрсені шын ниетпен қолға алсаң жасауға болады. Біздің ауыл Қазалымен шекаралас жатыр. Алып қарасақ көршіліес аудан егін шаруашылығынан көш ілгері. Мұндай мүкіндік біздеге де бар. Сондықтан көп ойланбай алма бағын өсіремін деген шешімге келген болатынмын. Қазір жасауға болатынына көзім жетті, - дейді бағбан.</blockquote>&nbsp;Бағбанның сөзінше Алма бақтың жиегіне көркейту мақсатында түрлі ағаштармен қоршалған. Жәй ағаш емес, 700 түп сыр талын, 1000 түр ақ тереке пен шиповник ағаштары отырғызылып, қоршау болып тұр.&nbsp;<blockquote>– Алдағы уақытта бақ ішіне алмада басқа да жеміс түрлерін егуді жоспарлап отырмын. Жақында бақ ішіне 30 балапан қаз жібердім. Ондағы ойым қаз бақ ішін арап шөптерден тазалайды. Бір жағынан көңі табиғи тыңайтқыш болады, - деді.</blockquote>Сондай-ақ бақ ішіне бал ара өсіріп кәсіп етемін деушілерге де ешқандай қарсылық жоқ деген кәсіпкер бірігіп қылған істің берекесі болатындығын жомарт жүрекпен жеткізді.&nbsp;Егіншілікті кәсіп кеткен диқаншылар жыл сайын бақша дақылдары өсіру көлемін арттырып келеді. Енді Аралдың алмасы нарыққа шығар болса бұл үлкен қуаныш. Бірінішіден баға жағынан қолайлы болса, екінші жағынан өз жерімізде өсірілеген химиялық қоспасыз, табиғи таза өнімді тұтынатын боламыз.

Аралдағы алма бақ

<a href="https://kyzylorda-news.kz/">Kyzylorda-news.kz.</a> Бұған дейін «Әкім – кабинетте жұмсақ креслода отырмай, елдің ішінде жүрсе, тірлік өнімді болмақ. Өз басым кабинетте отырғаннан ауданда атқарылып жатқан жұмыстардың басы-қасында болуды жөн көремін» деген Жалағаш ауданының әкімі Асқарбек Есжанов аудан орталығында салынып жатқан бірқатар құрылыс орындарын және әлеуметтік маңызы бар басқа да нысандарды аралап, олардың хал-ахуалын тағы бір байқап, бағамдап қайтты. Бірінші нысан Жалағаш кентіндегі Желтоқсан көшесі бойындағы құрылысы жүріп жатқан 160 орындық дене шынықтыру және сауықтыру кешені болды. Мердігер мекеме «SCS инжиниринг» ЖШС жоба құны 471,6 млн теңгені құрайтын кешенді бұйырса, қыркүйек айында ел игілігіне тапсырмақ. &nbsp;Иә, 2021 жылы басталған нысан құрылысының мерзімінен кешігіп жатқаны жасырын емес, осы ретте аудан әкімі жаңа оқу жылына дейін құрылыс жұмыстарын толық аяқтауды мердігер мекеменің өкілі Асхат Жұмадулаевқа қатаң тапсырды.Бүгінде кенттегі тұрғын үйлердің барлығыдерлік көгілдір отынға қосылды деуге болады. Дегенмен әлі де бұл бағыттағы жұмыстар жүйелі түрде жүргізілуде. «Ауыл – ел бесігі» жобасы аясында биыл көгілдір отынның игілігіне қол жеткізетіндердің қатарында «Наркескен» спорт клубы мен аудандық кітапхана бар. «Қыстың қамын жаз ойла» деген тәмсілді ойдан шығармайтын өңір басшысы аталған нысандардың алдағы жылу маусымына дайындығын тексерді.Аудандық кітапхана ғимаратын көгілдір отынға қосу жұмыстарының бүгінде 95 пайызы аяқталған, мердігер мекеме өкілі Бауыржан Қайырлаповтың берген уәдесі бойынша тамыздың 6-сына дейін жұмыстар толық аяқталады. Ал «Наркескен» спорт клубы бойынша жұмыстарды тамыздың 15-іне дейін тәмамдауға уәдесін берді. Аудан әкімі өз кезегінде жауапты мердігерге «жылдам тапсыру керек екен» деп жұмысты сапасыз істеуден аулақ болуды қатаң тапсырды.Жаңа оқу жылының басталуына да санаулы күндер қалды. Осы ретте Асқарбек Темірбекұлы Әл-Фараби атындағы №201 мектеп-лицейінің жаңа оқу жылына дайындығына шолу жасады. Сыйымдылығы 1076 орындық 3 қабатты мектеп типтік жобада салынған. Былтыр білім ошағында 934 оқушы білім алды. Мектепалды даярлық тобында 75 бала қамтылды. Мектеп ғимаратының сырты биыл 3,5 млн тең-геге боялып, жаңаланған. Ал жылу беру маусымына дайындығына тоқталсақ, мектеп сужаңа 2 дана жылу қазандығын алып, орнатқан. Сондай-ақ мектепте әр сыныпқа оқушының керек оқу құралдарын қоятын сөрелер қойылған.Аудандық білім бөлімінің басшысы Талғат Садықовтың айтуынша, барлық білім ошағы жаңа оқу жылына сақадай сай. Аудан бойынша 1000-нан аса оқу партасы, 250 дана тақта, оның ішінде сенсорлы тақтасы бар жаңадан сатып алынған. Аудан әкімі жауапты қызметкерлеріне тағы да білім ошақтарының жаңа оқу жылына дайындығын мұқият пысықтап шығуды тапсырды. Өздеріңізге белгілі Дәуімбай елді мекенінде халықтың әлеуметтік жағынан осал топтарына 50 тұрғын үйдің құрылысы басталған болатын. Сапар барысында Асқарбек Темірбекұлы іргетасы қаланған әрбір үйді жеке-жеке аралап, құрылыс жұмысымен танысты. Бүгінде 26 тұрғын үйдің қабырғасы қаланып, іргетасы құйылған. Алдағы уақытта 18 үйдің құрылысы басталмақ. Бұйырса, күзде дайын үйлерді сатуға шығару жоспарланған. Ауданы 60 шаршы метр болатын тұрғын үйлердің сапасы көңіл көншітеді, еңсесі биік, іші кең, ауыз су мен көгілдір отын да келіп тұр.&nbsp;Өңір басшысы Ақсу ауылына кіреберіс жолдың жай-күйімен де танысты. Иә, Ақсу ауылының аудан орталығымен байланыстыратын автомобиль жолы тозығы жетіп, талай жылдан бері жөндеу жұмыстарын қажет етіп келген болатын. Осыған байланысты биыл бюджеттен қаржы бөлініп, жазда жөндеу жұмыстары басталып кетті. Дегенмен мердігерлер тарапынан олқылықтар туындап, жұмыс барысы ақсулықтардың көңіл күйін түсіргені жасырын емес. Бір қуантарлығы, аудан әкімі туындаған мәселені дереу жеке бақылауына алып, аз уақыттың ішінде оң шешімін тапты. Бүгінде жөнделуі керек 2,33 шақырымға толықтай асфальт жабындысы төселген. Жол бойы теп-тегіс, ең бастысы, бұрынғы ой-шұңқырлар жоқ. Мердігердің айтуынша, осы аптаның соңына дейін жол жөндеу жұмысы 100 пайызға орындалатын болады. Аудан әкімі Асқарбек Есжанов жалпы іс-сапар барысында қамтылған барлық нысандар бойынша жауапты мердігерлер мен тиісті сала басшыларына құрылысты уақытында аяқтап, сапасына жауапкершілікпен қарауды жүктеді.

Жалағаш: Құрылыс сапасы басты назарда

<a href="https://kyzylorda-news.kz/">Kyzylorda-news.kz.</a> Қазір көлік апаты жиілеген шақта үлкендердің ауызынан «қауіпсізі пойыз ғой» дегенді көп еститін болдық. Расында тасжолда алысқа сапарлауға көбісі жүрексінеді. өзіміз де мынау тұрған бас шаһарға бара қалсақ, жолай таксиден жылдамдықты азайтуын өтінеміз. Өткен-кеткеннен мысал келтіріп, сабазды сабасына түсірейін десең, жол апатына басқа да өзінің себептерін айтып болады, тыңдап отырсаң, сөзінің жаны бар, жол көлік оқиғаларына тек темір тұлпар тізгіндегендерді кінәлау да жөнсіз сияқты. Осыдан кейін үлкендердің «қауіпсізі пойыз ғой» дегенді неге айтқанын түсіне қоясың.Иә, автокөліктей жететін жеріңе жылдам алып бармаса да, қазір қауіпсіздік бойынша отарбадан оңдысы жоқ. Алайда жолаушылардың сапары жайлы болуы үшін таңнан кешке дейін теміржолшылар қалай еңбек етіп жатыр, күнделікті күйбең тірлікпен бұл сауалдың түйінін тарқатып жатқан кім бар дейсіз! Не керек, жалағаштық теміржолшы Дәулеткерей Ибрагиммен екеуара жасаған диалог барысында сан сауалға жауап тапқандай болдық, бір жағынан теміржолшылардың шойынжолда жолаушылар қауіпсіздігін қамтамасыз етуде қалай еңбек ететініне қанықтық. Кейіпкеріміздің теміржол саласында он жылдық тәжірибесі бар, осынша уақытта саланың ыстығына күйіп, суығына тоңып, жауапкершілікті бірінші орынға қоя білген. Соның нәтижесі шығар, небары екі жыл қарапайым путист болып жүрген бозбала көп ұзамай бригадир болып шығар келді. Жастардың жұмыста сатылағанын естісек қуанамыз, әрине.&nbsp;– Жұмысымыз таңғы сағат сегізден басталады, содан кешкі беске дейін шойынжолдың бойында уақытымыз өтеді. Жай өтпейді, жолдың бойында отарбаның еркін жүйткуіне не кедергі, соның барлығын анықтап, қалыптасқан ақауды тез арада қалпына келтіреміз. Әрқайсысымыздың өзімізге артылған міндетіміз бар, бригадир қарамағындағы әріптестеріне күнделікті атқаратын жұмысын анықтап береді және оны солармен бірге өзі де жүзеге асырады. Бізде «анау менің жұмысым, мынау сенің міндетің» деген қатып қалған қағида жоқ. Бәріміз жұмылып жолаушылардың қауіпсіздігін қамтамасыз етеміз, – дейді бригадир.Дәулеткерей Ибрагим теміржол жөндеуші &nbsp;болып тұрғанда релстерді шпалға кастелмен отырғызып, жолдың бойындағы басқа да ақауларды қалпына келтірумен ай¬налысқан. Қазір де бұл жұмыстар жалғасын тауып жатыр. Негізінен теміржолшылар шойынжолды көктемде және күзде жаңалап отырады екен. Бұл жолаушылар қауіпсіздігін қамтамасыз етуде маңызды рөл атқарғандықтан сала майтамандары осыған басымдық береді.&nbsp;– Релстер көктемде және күзде ауысып отырады. Бұдан кей адамдарда «содан кейінгі мезгілдерде не істейді» деген сауал туындауы әбден мүмкін. Теміржол-шылардың бір минут уақыты бос өтпейді, жаңа өздеріңіз де көріп отырсыздар, сіздер келгеннен қолы қалт еткен бір адам жоқ. Өзімізге белгіленіп берілген аумақта жолаушылардың қауіпсіздігін қамтамасыз етуде аянып қалмаймыз. Бұ біздің міндетіміз де, соған адал болу – әрқайсысымызға парыз. Қарапайым халыққа да малды жайылымға қараусыз жібермеуі үшін түсіндірме жұмыстарын жүргіземіз. Себебі қараусыз мал шойынжолдың бойына шығып мәселе туындауы мүмкін. Бетін ары қылсын, әзірге мұндай жағдайлар орын алған емес, бәлкім мұның барлығы түсіндірме жұмыстарының өз деңгейінде жүргізілгенінің арқасы деп ойлаймын. Әріптестерімнің әрқайсысының өзіне артылған міндеті бар, соған адал, сондықтан мен олармен мақтанамын, – дейді кейіпкеріміз.Иә, шойынжолдың бойында жай жүрген теміржолшы жоқ. Барлығы өз ісіне адал, «қайтсек қауіпсіздіктің алдын аламыз» деген сауалға жауап іздейді және осы жолдағы ізденісі де нәтижелі. Жолаушы не үшін жүргенін білер, бірақ сол қалың жұрттың қауіпсіздігі жолында қандай еңбек жүріп жатқанын бірі білсе, бірі білмес. Дәулеткерей бұған дейін салада еткен еңбегі үшін басшылық тарапынан бірнеше рет марапат төрінен де көрініпті. Алайда оған тоқмейілсіп, жұмысын баяулатқан ол жоқ, керісінше қолы жеткен марапаттан шабыт алып, шойынжолда шыңдалып келеді.

Шойын жолда шыңдалған теміржолшы

<a href="https://kyzylorda-news.kz/">Kyzylorda-news.kz.</a> Астана қалалық Инвестициялар және кәсіпкерлікті дамыту басқармасы басшысының орынбасары Қуаныш Сапаров кәсіпкер қайтарымсыз мемлекеттік грантты қандай мақсатқа жұмсай алатынын айтты, деп хабарлайды ҚазАқпарат тілшісі.<blockquote>«Қайтарымсыз мемлекеттік гранттар Үкіметтің 2019 жылғы 31 желтоқсанда бекітілген Кәсіперлікті дамыту жөніндегі ұлттық жобасы аясында «жаңа бизнес идеяларды іске асыруға мемлекеттік гранттар беру» қағидасы негізінде беріледі. Биыл сәуір айында осы қағидаға бірқатар өзгеріс енгізілді. Енді грантқа тіркелгеніне үш жыл болған жеке кәсіпкер және республикалық тізілімге енгізілген әлеуметтік кәсіпкерлік субъектілері ғана қатыса алады», - деді Қуаныш Сапаров Астана қаласының коммуникациялар қызметінде өткен брифингте.</blockquote>Басқарма өкілінің айтуынша, конкурсқа қатысу үшін: кәсіпкермен мемлекеттік грант көлемінің кемінде 20 пайызы мөлшерінде, оның ішінде бизнес-жобаға қатысатын жеке жылжымалы немесе жылжымайтын мүлікпен қоса қаржыландыруы, жаңа жұмыс орындарын құру, кәсіпкердің бизнес-жобасында инфрақұрылымның болуы және жобаны іске асыру үшін жеткілікті инфрақұрылым құру көзделген инвестициялық жоспардың болуы шарт.«Кәсіпкерлер грант қаражатын тауарларды шығару немесе қызметтер көрсету үшін қажетті негізгі құралдарды, шикізатты және материалдарды, материалдық емес активтерді, технологияларды, кешенді кәсіпкерлік лицензия құқықтарын сатып алуға, зерттеу жұмыстарына және жаңа технологияларды енгізуге қатысты шығыстарға ғана жұмсай алады. Мемлекеттік гранттарға өтінім қабылдау дәл қазір жүргізіліп жатыр. Өтінімдер 7-16 тамыз аралығында Kezekte.kz онлайн портал арқылы электронды түрде қабылданады», - деді ол.

Кәсіпкер қайтарымсыз грантты қандай мақсатқа жұмсай алады?

<a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген адамдардың қатары көп.Солардың бірі Қазалы ауданының тұрғыны, көпбалалы әке Айбек Сүлейменұлы Нұрғазиев &nbsp;2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған.Комиссияның мақұлданған шешімі негізінде 2023 жылдың наурыз айында өзінің «Пеноизол» (үй жайларға шатырларға пеноизол құяды) туралы бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.Қазіргі уақытта, қосымша жұмыс орнын ашып, бір адамды тұрақты жұмысқа қабылдап, өзінің кәсібін дамыту мақсатында жұмыс жасауда.Айта кетейік, Қызылорда облысындағы шағын және орта кәсіпкерлердің саны 37,5 пайызға ұлғайып, 72 685 бірлікке жеткен. Жалпы осы секторда жұмыспен қамтылғандардың саны 18 пайызға артыпты. Қазіргі таңда экономикадағы барлық жұмыспен қамтылғандардың шамамен 35 пайызы шағын және орта кәсіпкерлік саласында жұмыс істейді.Облыстық экономика және қаржы басқармасының басшысы Қамбарбек Мүбәраков 6 айдағы даму жоспарының орындалуы туралы баяндама жасаған болатын. Баяндамашы облыстық басқармалардың нысаналы индикаторларды орындау барысын саралап, әрбір көрсеткішке талдау жасады. Орындалмауы мүмкін көрсеткіштерді дәлелді түрде төмендету, 25 пайыздан асыра орындалатын көрсеткіштердің жоспарлы мәнін көтеру үшін тиісті салалық министрліктермен жұмыс атқаруды ұсынды.Орындалмауы ықтимал индикаторлар облыстық ауыл шаруашылығы және жер қатынастары, жұмыспен қамтуды үйлестіру және әлеуметтік бағдарламалар, денсаулық сақтау басқармаларына тиесілі. Аталған сала басшылары нәтижеге қол жеткізу үшін әрбір көрсеткішке талдау жасауы тиіс. Оларға орындалмау қаупі бар мәнді көрсеткіштерді дәлелді түрде төмендету немесе асыра орындалатын көрсеткіштердің жоспарлы мәндерін көтеру бойынша салалық министрліктермен жұмыс атқару тапсырылды. Барлық мемлекеттік орган басшыларының әр тоқсан сайын белгіленген индикаторлар нәтижесі бойынша есебі облыс әкімінің төрағалығымен өтетін мәжілісте қаралады.&nbsp;6 ай қорытындысымен шағын және орта бизнестің дамуы туралы облыстық кәсіпкерлік және өнеркәсіп басқармасының басшысы Исатай Аңсат баяндама жасады. Басқарма басшысының айтуынша, шағын және орта кәсіпкерлікте 77590 субъекті тіркелген. Кәсіпкерлік субъектілерінің өсу қарқыны бойынша облыс республикада 4 орында. Биыл кәсіпкерлікті қаржылай қолдауға әртүрлі көздерден шамамен 23 млрд. теңгеге жуық қаржы қарастырылды. Жарты жылда 2 мыңнан аса жобаға қаржылай қолдау көрсетілді. Облыс әкімі кәсіпкерлік және өнеркәсіп басқармасына шағын және орта кәсіпкерліктің негізгі макроэкономикалық көрсеткіштерінің өсімін қамтамасыз етуді және жалпы өңірлік өнімдегі үлесін 21,5%-ға арттыруды тапсырды. Сонымен қатар жауапты басқарма орта бизнестің үлесін 9 пайызға жеткізу бағытында нақты жұмыстарды үйлестірілуі керек.Жалпы Қызылорда облысында негізгі макрокөрсеткіштер бойынша өсім бар. Бұл туралы ҚР Премьер-министрі Әлихан Смайыловтың төрағалығымен өткен Үкіметтің селекторлық мәжілісінде 2023 жылғы қаңтар-маусым айларындағы әлеуметтік-экономикалық даму қорытындылары және республикалық бюджеттің атқарылуы, «Тарифті инвестицияға айырбастау» бағдарламасы, халықты жұмыспен қамтудың өңірлік карталарын жүзеге асыру барысы талқыланда айтылған болатын.Үкімет отырысында облыс әкімі Нұрлыбек Нәлібаев сөз сөйлеп, 2023 жылдың қаңтар-маусым айларында бірқатар негізгі макрокөрсеткіштер бойынша өсім қалыптасқанын атап өтті.Өңірде ауыл шаруашылығының жалпы өнімі 1,8 пайызға (36,2 миллиард теңге), инвестициялар тарту 23,1 пайызға (162,0 миллиард теңге), құрылыс жұмыстары көлемі 54,9 пайызға (53,7 миллиард теңге), көлік және қоймалау көлемі 5,9 пайызға (139,5 миллиард теңге), пайдалануға берілген тұрғын үйлер көлемі 2,1 пайызға (318,7 мың шаршы метр) және сауда көлемі 3,2 пайызға (325,3 миллиард теңге) артқан. &nbsp;Облыс әкімі есепті кезеңде өңдеу өнеркәсібінің көлемі 4,4 пайызға, оның ішінде химия өнеркәсібіндегі өндіріс көлемі 31,5 пайызға, тамақ өнеркәсібінде 11,1 пайызға, металлургия өнеркәсібінде 7,4 пайызға және жеңіл өнеркәсіпте 5,3 пайызға төмендегенін айтты. Өңдеу өнеркәсібінің өндіріс көлемін арттыру үшін өңірде Индустрияландыру бағдарламасы аясында құны 6,4 миллиард теңге болатын 4 жобаны жүзеге асыру жоспарлануда.&nbsp;

Қазалы ауданының тұрғыны «Пеноизол» кәсібін қолға алды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Ә.Смайыловтың төрағалығымен өткен Үкімет отырысында су тасқынына дайындық, ҚР Көші-қон саясаты тұжырымдамасын іске асыру барысы талқыланды.Жиынан соң облыс әкімі Нұрлыбек Нәлібаев Үкімет басшысының тапсырмаларын іске асыру жөнінде мәжіліс өткізіп, жауапты сала басшыларына бірқатар тапсырма берді.<blockquote>«Жалпы 2022-2023 жылдардағы су тасқыны кезеңін елеусіз шығынмен өткіздік. Нақты айтсақ, облыстық маңызы бар «Жалағаш-Жосалы» тас жолының 42 шақырымындағы автожол көпірін су шайды. Салдарынан екі аудан арасындағы жол қатынасы үзілген болатын. Көпірді қалпына келтіруге қажетті қаржы бөлінді. Қазір су тапшылығын болдырмау мақсатында көршілес Өзбекстан Үкіметімен келіссөздер жүргізілуде. Қыста "Шардара" су қоймасына өте көп мөлшерде су тасталуы мүмкін. Алдағы болуы ықтимал су тасқынына дайындықты қазірден бастап жүргізуіміз керек», - деді аймақ басшысы.</blockquote>Бүгінде жұмыс тобы су шаруашылығы нысандарына зерделеу жұмыстарын жүргізді. Жөндеуді қажет ететін 26 учаске анықталды. Осыған сәйкес, Қызылорда қаласы және аудан әкімдері өз аумақтарындағы анықталған учаскелерді қатаң бақылауға алып, аса қауіпті тұстарға осы бастан нығайту жұмыстарын жүргізуі керек. Сондай-ақ су тасқынына қарсы материалдық-техникалық қордың қажетті көлемін қалыптастыру тапсырылды. Облыстық табиғи ресурстар және табиғат пайдалануды реттеу басқармасына «Қазсушар» облыстық филиалымен бірлесіп, магистралды каналдар мен көлдер жүйелеріне түгендеу жұмыстарын жүргізіп, келетін мол суға сәйкес су алу кестесін жасау жүктелді. Ал облыстық экономика және қаржы басқармасы облыс әкімі аппаратымен бірлесіп, «2021-2023 жылдарға арналған су тасқыны қаупінің алдын алу және жою жөніндегі шаралар кешені» Жол картасы бойынша бюджеттік өтінім берілген 5 ірі жобаға республикалық бюджеттен қаржы бөлінуін Төтенше жағдайлар және Қаржы министрліктерінен пысықтауы керек.Күн тәртібінің екінші мәселесі - көші-қон саясаты тұжырымдамасын іске асыру бойынша облыстық жұмыспен қамтуды үйлестіру және әлеуметтік бағдарламалар басқармасына бірқатар тапсырма берілді. Басқарма шетелдік жұмыс күшін тарту және еңбек иммигранттарына бөлінген квотаның толық орындалуын қамтамасыз етіп, 2024 жылға қажеттілікке қарай квота бөлу бойынша уәкілетті органға ұсыныс беруі керек. Облыстық қоғамдық даму басқармасы Қызылорда қаласы және аудан әкімдіктерімен бірлесіп, халықты солтүстік өңірлерге қоныстандыру бойынша кеңінен түсіндірме жұмыстарын жүргізуі тиіс. Ал облыстық полиция департаменті уақытша тіркелген шетел азаматтардың облыс аумағында заңсыз жүрмеуін қатаң бақылауға алып, қолданыстағы заңнамаға сәйкес тиісті шараларды атқаруға жауапты.

Су тасқынына дайындық жайы пысықталды

<a href="https://kyzylorda-news.kz/">Kyzylorda-news.kz.</a> Алдағы екі-үш жылда жалағаш ауданына қарасты елді мекендерде жарқын жобалар қолға алынып, жүйелі жұмыстар жасалмақ. Әсіресе табиғи газға қосылатын ауыл тұрғындарының қуанышында шек жоқ. Қажеттілігіне, мәселенің өзектілігіне қарай барлық ауылдық округтерде көшелер жөнделіп, жарықтандыру, абаттандыру жұмыстары кезең кезеңімен атқарылады. Елді мекендер еңсесін тіктеуге бағытталған байыпты бастамалар қолға алынып, олардың біразы бүгінгі күннің өзінде жүзеге асып үлгерді. жалағаш ауданына қарасты Аққұм ауылында да айтарлықтай ауқымды істер бар. Күре жолдың бойында орналасқан ауылдың шаруасына шолу жасап көрейік.Қазірде Аққұм ауылы гүлденген, көркейген. Төрт жүзге жуық түтіні бар ауылда 3 ЖШС, 14 шаруа қожалығы бар. Ауыл халқының негізгі тіршілігі – ауыл шаруашылығы. Аудан әкімі бұған дейінгі жергілікті халықпен кездесуінде алдағы бірнеше жылда Аққұмдағы бірнеше көшенің сапасына мән берілетінін айтқан болатын. Тіпті ол ауданның даму жоспарында да қамтылған. Демек бұл мәселе шешімін тауып, халықтың талап-тілегі орындалатын күннің де ауылы алыс емес секілді. Мәселен, бір ғана Аққұм ауылында тұрғындар тарапынан көтерілген барлық мәселенің шешімі әлгі жобада толық қамтылыпты. Жол жайына келер болсақ, аққұмдықтар үшін биыл Аққұм көшесіне күрделі жөндеу жұмыстарын жүргізу жоспарланса, Қ.Бекенов көшесіне жарық жүргізіледі. «Ауыл аманаты» жобасы шеңберінде де 10 жоба ұсынылса, оның 2-еуі өндірістік, қалған 8-і мал шаруашылығына бағытталған. Ал аудан көлемінде ашылған 500 гектар жердің 15 гектарын аққұмдықтар өз үлестеріне алыпты. Қазіргі таңда бұл жерлерге 18 отбасы бақша өнімдерін егіп, күтімге алған. Сонымен бірге ауыл шаруашылығы дақылдарының көлемі 3854 гектарды құрап отыр. Оның 2112 гектары күріш, 75 гектары мақсары, 745 гектары жаңа жоңышқа, 706 гектары ескі жоңышқа, 49 гектары картоп, 85 гектары көкөніс, 858 гектары бақша өнімдері. Аққұм елді мекенінде жеке кәсіпкерлікті дамыту бағытындағы шараларды жүзеге асыруға бағытталған әлеуметтік-экономикалық дамуды жүзеге асыру, инженерлік және әлеуметтік инфрақұрылымдарды дамыту, көліктік қолжетімділік аумағын кеңейту, мемлекеттік және коммерциялық қызмет көрсету орталықтарын құру және дамыту, жаңа жұмыс орындарын ашу және халықты жұмыспен қамту сияқты түзілген бағдарламалар бар және олар өз кезеңімен жүзеге асуда. Кәсіппен айналысамын деген елді мекен тұрғындарына мемлекеттік қолдау тиісті орындардың өкілдері тарапынан толыққанды түсіндіріліп, қолдау шаралары да жүргізіліп келеді. Мәселен, былтырдың өзінде Аққұм ауылында мемлекеттік бағдарламалар арқылы жаңа бизнес-идеяларды іске асыру үшін 9 тұрғын мемлекеттік қайтарымсыз грант алса, 3 адам жеңілдетілген несиеге қол жеткізген. Ал биыл жыл басынан 3 адам қайтарымсыз грантқа қол жеткізсе, 1 адам төмен пайызды несие алып, кәсібін дөңгелентіп отырған жайы бар. Ауыл көлемінде 35 кәсіпкер жеке жұмысынан өз табысын еселеп отыр. Биылғы жылы да мемлекеттік қолдауға ие болуға ниетті 12 ауыл азаматы бар. &nbsp;Осы тұста айта кетейік, ауылдағы «Бақдаулет» шаруа қожалығы еңбеккерлерінің атқарып жатқан жұмыстары, оның ішінде Сыр маржанын егіп орналастыруда, одан күзде молынан өнім жинауда табандылық танытып жүргені аққұмдық ағайынның шаруасы ширақ екенінің дәлелі. Шаруашылық қаншама ауыл тұрғынын жұмыспен қамтып отыр. «Ауылына қарап, азаматын таны» дегендей, шаруашылық тіпті ауылды дамыту жолында да көптеген игі істердің бастамашысы болып келеді. Шаруашылық қолдау білдіріп, ауыл жастарына арналған күрес, ауыр атлетикадан жаттығуға арналған зал ашты. Барлық жабдықтармен қамтамасыз етті. Онымен қоса ауыл орталығынан халыққа қызмет көрсететін наубайхана, монша нысандары пайдалануға берілді. Ауылдағы ағайынды жұмыссыз қалдырмай, қолдан келгенше игі істің басы-қасында жүрген шаруашылық төрағасының жомарттығына аққұмдықтар да дән риза екенін байқадық. Өйткені бірлікпен жасалған істің берекесі де болады, нәтижесі де оңалатыны даусыз. Біршама егіс алқабы бар «Бақдәулет – 57» шаруа қожалығы бұған дейін ауылдан жалпы құны 150 миллион теңгеден асатын үлкен спорт кешенін жекеменшік әріптестік арқылы салды. Бұл нысан да бүгінде салауатты өмір салтын ұстанған жергілікті халыққа қызмет көрсетіп тұр. Міне, мұны да ауылдан шыққан азаматтардың өз туған жерін түрлендіріп, түлетуге қосқан үлесі деуге болады.&nbsp;Жалпы ауылда көркейту көгалдандыру, абаттандыру жұмыстары да жыл сайын өз деңгейінде жүргізіліп келе жатқанын айтуға болады. Аққұмда атқарылып жатқан ауқымды істер көп-ақ. Біз бір ғана шаруашылықтың шаруасын тілге тиек еттік, ал ауыл шаруашылығы саласын дамытуға үлес қосып жүрген шаруашылықтар баршылық. Әсіресе ауылдың ажарының күннен күнге артып, әлеуметтің әлеуетінің жақсарып келе жатқаны көңіл қуантады. Енді аудан әкімінің бастамасымен қолға алынып жатқан жұмыстар кезең кезеңімен жүзеге асса, онда ауылдағы мәселелердің барлығы біртіндеп оң шешімін табады. Өзгелерге үлгі болатын Аққұм ауылының тұрғындары бүгінде өз ырысын еңбекпен тасытып отыр.

Аққұм ауылында кәсіпкерлік қарқын алды

<a href="https://kyzylorda-news.kz/">Kyzylorda-news.kz.</a> 12 тамыз - Халықаралық жастар күні. Осыған орай, қала әкімімен жастар апталығы бекітіліп, 7-12 тамыз күндері аралығында жастар арасында түрлі шаралар ұйымдастырылады. Жастар күніне орай ұйымдастырылатын шаралар туралы бүгін баспасөз орталығында өткен брифингте «Qosyl» қалалық жастар ресурстық орталығының директоры Алиби Басаров мәлімдеді.Атаулы күнді мерекелеу 8 тамыздан бастап, яғни қала жастарының арасында тазалықты дәріптеу мақсатында «ECO Marathon» сенбілік акциясын өткізуден бастау алады. &nbsp;Акция барысында «Барлық игілік балаларға» жастар акциясы өтеді. Яғни қала аумағында жөндеуді қажет ететін, балаларға арналған ойын алаңдарын қалыпқа келтіру және көпшілік қайырымдылық шарасы болмақ. Сонымен қатар, «Мүмкіндіктер керуені» шарасы өткізіледі. Шара барысында қаланың шет аймақтарындағы (Титов қыстағы, Шанхай мөлтек ауданы) жастар мен тұрғындар үшін мемлекеттік бағдарламалар мен жобалар бойынша көшпелі кеңес берілмек. Ал, 9 тамыз күні - «Aray City Mall» сауда үйі алдында шығармашыл жастар арасында «Qosyl Dance» заманауи би байқауы өткізіледі. Аталмыш орында жұмыссыз жастар үшін «Мүмкіндіктер алаңы» бос жұмыс орындарының жәрмеңкесі өткізіледі. 10 тамыз күні – «Самғау» жастар сыйлығы аясында қала жастары арасында қала көлеміндегі құрылыс нысандарының басында «Тас қалаушылар» байқауы өткізіледі. 11 тамыз күні - «Qosyl» жастар орталығының спорттық алаңында &nbsp;(К.Байсейітова, 82 үй) қала және қалаға қарасты кент және ауылдық округтердегі жастар арасында волейбол, үстел теннисі және ұлттық спорт түрлерінен (арқан тартыс, гір тасын көтеру, қол күрес) сайыстар ұйымдастырылады.- Жастардың қызығушылығына сәйкес 12 тамыз күні қалалық мәдени және демалыс паркінде заманауи DJ-лердің қатысуымен би кеші өткізіледі. Шара барысында белсенді жастар қала әкімінің арнайы алғыстарымен марапатталатын болады. Қала жастарын айтулы мерекемен құттықтай отырып, жастар күніне орай өтетін шаралар легіне белсене қатысуға шақырамын, - деді орталық директоры Алиби Төлепбергенұлы. &nbsp;

Қызылорда қаласында жастар апталығы басталды

<a href="https://kyzylorda-news.kz/">Kyzylorda-news.kz.</a> Жексенбі күні өткен Қазалы ауданының Шәкен ауылдық округі, Қармақшы ауданының Алдашбай ахун және Жаңақорғанның Қыркеңсе ауылдық округі әкімінің сайлауы заң талаптарына сай ұйымдастырылып, сайлаушылар өздері қалаған кандидаттарына дауыс берді.Дауыс беру нәтижелері негізінде аталған үш ауылда да “AMANAT” партиясынан ұсынылған үміткерлер жеңіске жетті.Шәкен ауылына Сарсенбаев Берекет Жұбанышбайұлы ауыл әкімі болып сайланса, Алдашбай ахун ауылынан Жақанов Ермек Молдабекұлы көп дауыс иеленді. Сондай-ақ қыркеңселіктердің қалауымен Абдраимов Тәттімбет Тұрғалиұлы ауыл әкіміне лайық деп

«AMANAT» үміткерлері ауыл әкімі болып сайланды

<a href="https://kyzylorda-news.kz/">Kyzylorda-news.kz.</a> Жаздың ыстық айларында адамдар салқындау, демалу мақсатында көлге, өзенге тағы басқа су қоймаларына шомылуға барады. Алайда қауіпсіздік ережелерін елемеген азаматтар тек өздерінің ғана емес, балалары мен жақындарының өміріне қауіп төндіреді. Соңғы жылдары кішкентай бүлдіршіндер мен жасөспірімдердің суға кету фактілері жиілегені байқалады.Осыған орай, «Қауіпсіз қала» акциясы аясында тұрғындар көп баратын жағажай демалыс орындарында ескертпе үнпарақтары таратылып, К.Бәйсейтова көшесінің бойында орналасқан сарқырама маңына ескертпе тақтайшасы орнатылды.«Жастар рухы» жастар қанатының ұйымдастыруымен бастау алған «Қауіпсіз қала» акциясының мақсаты – бала қауіпсіздігі үшін қала аумағындағы ашық жатқан люктерге, аулалардың жарықтандырылуы, үй жағдайында газ балондарының дұрыс орналасуы, қозғалыс (мектеп жанындағы жаяу жүргінші жолы), су айдындарындағы қауіпсіздік және кәмелет жасқа толмаған балалардың түнгі уақытта ойын-сауық мекемелерінде болуына рейд жұмыстарын жүргізу.<blockquote>«Қала көлемінде суда орын алған қайғылы жағдайларға жасалған талдау көрсеткендей, негізгі себептер судағы қауіпсіздік ережелерінің өрескел бұзылуы және су айдындарының жабдықталмаған жерлерінде суға түсуі екені байқалады. Осыған байланысты суға шомылу маусымында азаматтардың қауіпсіздігін қамтамасыз ету мақсатында рейдтік іс-шаралар ұйымдастырылды. Шараға қала әкімдігі, «Жастар рухы» жастар қанаты жанынан құрылған еріктілер мен қалалық полиция басқармасы қызметкерлері тұрақты қатысып тұрады. Аталған жұмыстар жыл сайын жалғасын табатын болады, - дейді Қызылорда қаласы Төтенше жағдайлар басқармасының азаматтық қорғаныс тобының офицері лейтенант Бижұма Бақдәулет Елубайұлы.</blockquote>

«Қауіпсіз қала» акциясы өтті 

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Біздің өңірде, елімізде кәсіпкерлік саласының дамуына үлкен серпін беріп, мемлекеттік бағдарламалар арқылы, жеке кәсіпкерлер есебінен барлық қаржы арқасында жаңа жобалар іске асып, көптеген тұрғындар тұрақты жұмыспен қамтылуы керек» деген болатын. Сонымен қатар, сұранысқа ие тауарлардың бар-жоғын нақты есепке алып, жолға қоюды, қатаң бақылап, алыпсатарлыққа жол бермеу керектігін де атап көрсетті.Осы тапсырмалардың орындалуы бағытында бүгінде көптеген іс-шаралар атқарылып, ауданымыз күннен-күнге көркейіп, Жалағаштың жаңа келбеті қалыптасып келеді. Сондай игі шаралардың айшықты айғағының бірі, Жалағаш ауданы орталығынан бой көтерген жаңа «Далида» сауда үйі. Ол кеше аудан халқына есігін айқара ашып, ел игілігіне пайдалануға берілді. Жалағаш жұртшылығына қызмет ететін нысанның ашылу салтанатына аудан әкімі Асқарбек Есжанов пен бірқатар ел ағалары қатысты.&nbsp;Өңірде кәсіпкерлік саласының өркендеп келе жатқандығына тоқталған аудан басшысы Асқарбек Темірбекұлы аудан бойынша тіркелген кәсіпкерлік субъектілерінің саны осы жылдың басымен салыстырғанда 218 бірлікке немесе 8 пайызға артып, аудан тұрғындарының кәсіпкерлікпен айналысу деңгейі жоғарылағанын жеткізді. Жыл басынан бері аудан бойынша 2 млрд 202,4 млн теңгені құрайтын 97 жоба қаржыландырылып, 127 адам жұмыспен қамтылған. Жалпы, алаңы 360 шаршы метрді құрайтын «Далида» сауда орталығының иесі жеке кәсіпкер Бақыткүл Ахметова. Жоба құны 100 млн теңгені құрайды. Оның ішінде 57 млн теңге «Ұлттық жоба» мемлекеттік бағдарламасы аясында «Банк Центр кредит» АҚ арқылы жеңілдетілген пайызбен қаржыландырылған.&nbsp;Заманауи үлгіде салынған сауда үйі жылдың 4 мезгіліне де қолайлы. Мұнда халыққа қолжетімді бағада тауарларын ұсынатын 16 шағын дүкен бар. Жергілікті тұрғындар үшін киім-кешек пен басқа да тұрмысқа қажетті тауарлар сатылатын болады. Сән-салтанаты келіскен ғимараттың лентасын кескен аудан әкімі сауда ор-талығының ашылуына келген бір топ ел ағаларымен бірге ғимарат ішін аралап, кәсіпкерлерге толағай табыс тіледі. Жеке кәсіпкерлердің жаңа бастамасына аудандық ардагерлер кеңесінің төрағасы Садық Әлиев бата беріп, берекелі болуын тіледі.– Өңірімізде тындырымды тірлік көп. Күннен күнге жаңа нысандар ашылып, заманауи ғимараттар бой көтеруде. Мұның барлығы ел игілігі үшін жасалып жатқан жұмыстар деп білемін. Әрине, жалағаштықтардың жағдайы жақсарып, еңбек етсе, біз аға буын қуанамыз. Шүкір, қазір Жалағашымыз көркейіп, абаттануда. Осы тір-ліктердің басы-қасында жүрген аудан әкімі Асқарбек Темірбекұлына күш-қуат берсін. Міне, Оразбек інімнің тынбай еңбек етеуінің арқасында кенттің қақ ортасынан жаңа базар ашуына баршамыз куә болып отырмыз. Кәсіптеріңізге береке, бірлік тілеймін, – деді аудандық ардагерлер кеңесінің төрағасы Садық Әлиев.Сауда нысаны алдағы уақытта аудан экономикасының әлеуетін арттырып, халыққа жоғары сапада қызмет көрсетіп, баға тұрақтылығын сақтауға септігін тигізетін аудандағы ірі сауда нысандарының бірі болмақ.

Жалағаш кентінде жаңа кәсіпкерлік нысан бой көтерді

<a href="https://kyzylorda-news.kz/">Kyzylorda-news.kz.</a> 12 тамыз – Халықаралық жастар күніне орай, Қызылорда облысының қоғамдық даму басқармасының «Жастар ресурстық орталығының» ұйымдастыруымен, «Aray city mall» ойын-сауық орталығында «Жас Сарбаз» жасөспірімдер әскери-патриоттық қозғалысының тәрбиеленушілері әскери ант қабылдады.Шараның мақсаты Қазақстан Республикасының Президентінің 2023 жылғы 5 мамырда Астана қаласында өткен Бүкілармия кеңесінде берген нұсқаулар аясында әскери-патриоттық тәрбиені насихаттау болып табылады.Аймақ жастарын әскери-патриоттық бағытта тәрбиелеу, өскелең ұрпақтың бойында Отансүйгіштік пен патриоттық қасиеттерді қалыптастыру мақсатында тұрақты түрде өткізіліп тұратын шараға Қазақстан Республикасы Қарулы Күштері ардагерлері қоғамдық бірлестігі Қызылорда облыстық филиалының төрағасы Ршауов Мыңділдә, «Застава тарландары» шекара ардагерлері Республикалық қоғамдық бірлестігінің Қызылорда облысы бойынша филиалының төрағасы Худаяров Асан Беркімбекұлы, ҚР ҰҚК Шекара қызметі Қызылорда облысы бойынша департаментінің кадр жұмысы бойынша бөлімшесінің аға офицері Жанабаев Баубек Бахытұлы қатысты.Сондай-ақ, Қызылорда облысы Ұлттық Қауыпсіздік Комитеті Шекара қызметі департаментінің өкілдері жасөспірімдер арасында, әскери оқу орындары және болашақ офицерлік қызметтер жайлы түсіндірме жұмыстарын жүргізді.

Қазақстан және Қызылорда облысының жаңалықтары