<a href="https://kyzylorda-news.kz/">Kyzylorda-news.kz.</a> Шиелі ауданы 41 Еңбек Ерін шығарған еңбек майданының хақ ортасы десек те болады. Оны әлі күнге барған, жүрген жерімізде мақтанышпен кеуде керіп айтып-ақ жүрміз. Алайда, бұл күндері бұрынғыдай желдің өтінде, малдың соңында жүрген шопанынан бастап, егістік даласындағы диханына дейін назардан тыс қалдырмай ісін елге үлгі етіп, өзін құрметке бөлейтін &nbsp;заман келмеске кетті. Алайда, шын мәнінде құрметке лайық іс атқарып, нардың жүгін көтеріп жүрген азаматтар ел арасында жетерлік. Оларды кім ескеріп, еңбегін кім елеп жатыр?&nbsp;Бұнымыз «байдың асын қызғанған байғұстығымыздан» емес, әрине. Төредей төбемізге көтеріп, сый-сияпатты аямай төгетін спортшыларымызға көрсетілетін құрметті жетістікке жеткен өзге сала мамандарынан аяп қалатынымыз неліктен? Осы біз кімдерді құрметтеп жүрміз, анығында шын қошеметке кімдер лайық?&nbsp;Қашаннан мұсылман қауымда, оның ішінде қазақта да құрмет-қошемет өзінің болмысымен, азаматтығымен әр түрлі салада іскерлік көрсеткен, еңбегін сіңірген, үлгі-өнеге болған адамдарға лайық. Оларды марапаттаудың жолдары да әрқалай. Марапат демекші жуырда ғана «Бестам Елі» шаруа қожалығының төрағасы Балтабай Қошқаровтың 65 жасқа толған мерейтойында болдым. Сол сәтте аудандағы шаруа қожалық төрағалары бірлесіп, еңбек адамына лайықты құрмет көрсетіп, темір тұлпар мінгізді. Барлық жиылған жұрттың назарын аударған осы бір марапат аудандағы азаматтардың бір-бірін көтермелеп, еңбегін елеуі емес пе? Осындай да «болар елдің балалары бірін-бірі батыр дер» деген сөз ойға сап ете қалады екен. Рас. Қуандық! Бірақ ішімізде бір «әттеген-ай» қылп ете қалды.Тәуелсіздік алып, ел тәубемен жақсылыққа бет бұрып келе жатқанына 30 жылдан астам уақыт өтті. Осы жылдар ішінде кешегі Социалистік Еңбек Ері Ы.Жақаевтар салып кеткен сүрлеуді жалғап, Сырдың маржанын қамбаға толтырып келе жатқан осындай азаматтарды көзі тірісінде ел болып марапаттап, Еңбек Ері деген атақты неге қазір де бермеске? Жыл сайын егін, мал шаруашылығын дамыту, өнімді көбейту мәселесін күн тәртібінен түсірмей келеміз. Олай болса еңбек өнімді болуы үшін, елеулі марапат керек емес пе? Күні-түні мал соңында жүрген шопан, жаз бойы атыз жағалаған диқан, әр саланың еңбегін еселеп, жоғарғы көрсеткіш көрсете білген маман нағыз Еңбек Ері деген атаққа лайық емес пе? Құлдан да бір ұсыныс болар демекші, менің ойымды құп көрген жан болса, елеусіз қалдырмас деп ойлаймын.

Шиелі ауданынан 41 Еңбек Ері шыққан

<a href="https://kyzylorda-news.kz/">Kyzylorda-news.kz.</a>&nbsp;&nbsp; «1 маусым – Халықаралық балаларды қорғау күні» мерекесі аясында аудандық аурухананың &nbsp;бас дәрігері Жалғасбек Үсенов аурухана бөлімшелерінде ем алушы балаларды айтулы күнмен &nbsp;құттықтап, жүрекжарды тілектерін білдірді. &nbsp;Медицина саласының мамандарының атынан ерекеше сыйлықтар табыс етті.&nbsp;Өз кезегінде аудандық аурухананың &nbsp;бас дәрігері Жалғасбек Үсенов ата-аналармен балаларды меремен құттықтады.&nbsp;<blockquote>Баршаңызды 1 маусым – Халықаралық балаларды қорғау күнімен шын жүректен құттықтаймын! Жаздың алғашқы күнімен келетін мереке балғын бүлдіршіндеріміз үшін ең қуанышты жəне жыл сайын асыға күтетін басты мереке. Ата-ананың ең үлкен бақыты – баласының жақсы азамат болып өсуі болса, ілгері ойлайтын мемлекет пен қоғамның да басты мақсаты – елге ие болатын білімді де Отаншыл ұрпақ тәрбиелеу. Себебі, бүгінгі ұрпақ – ертеңгі ел үміті, ұлттың жалғасы. Біздің көңіліміздің гүлі, көзіміздің нұры, болашағымыз – сендерсіңдер! Сондықтан да, Сіздер, сапалы білім алып, еліміздің дәулетті, жеріміздің сәулетті болуы үшін белсенділік танытып, еліміздің одан әрі гүлденуіне өз үлестеріңізді қосуларыңыз керек.Сендердің оқуда озат болуларыңа, жарқын болашаққа нық қадам басып, еңсесі биік ел азаматтары атануларыңа тілектеспін! Отбасынан басталған бақытты балалық шақтарың Отанның адал азаматы болуға жетелесін. Болашақтарың жарқын, аспандарың ашық болсын! Елімізді өркендетер келешектің кемеңгері болыңдар! Әрқашан жүздеріңізден күлкі, жүректеріңізден мейірім кетпесін, – деді бас дәрігер.&nbsp;</blockquote>Өз кезегінде ата-аналар мен балалар ерекше ілтипат көрсеткен бас дәрігерге алғыс айтты.&nbsp; &nbsp;

Бас дәрігер бүлдіршіндерді мерекемен құттықтады

<a href="https://kyzylorda-news.kz/ru">Kyzylorda-news.kz.</a>&nbsp; Сыбайлас жемқорлық – қазіргі қоғамның көкейкесті мәселелерінің бірі. Онымен әлемнің барлық мемлекеті күресуде. Қазіргі уақытта сыбайлас жем-қорлық мемлекеттік қана емес, жаһандық мәселе деп танылуда. Бүгінгі күннің басты мәселесінің бірі – сыбайлас жемқорлықты болдырмау, алдын алу, жолын кесу және онымен дәйекті түрде күресу.&nbsp;Осы мақсатта аудан көлемінде де түрлі іс шаралар ұйымдастырылуда. Жаз мезгілінің алғашқы күні Сырдария аудандық жастар ресурстық орталығының мамандары тұрғындармен түсіндірме жұмыстарын жүргізді. Мамандар аудан тұрғындарымен тығыз байланыс орнатаотырып, түсіндірме жұмыстарын белсенді атқарды. Осы ретте сыбайлас жемқорлықты болдырмау тақырыбына кеңінен тоқталып, үнпарақтар таратты.Түсіндірме жұмыстарына Сырдария аудандық жастар ресурстық орталығының кеңесшісі Н.Сейтжан қатысты. Жас маман өз кезегінде аудан тұрғындарына сыбайлас жемқорлық жағдайын болдырмау, ондай жағдайға тап болғанда не істеу керек екенін, қандай сенім телефондарына хабарласу керектігін айтып өтті. Сондай-ақ жемқорлық оқиғасына араласқан тұлғаға қандай жазалар қолданылатынына да тоқталды.Осы мақсаттағы іс шаралар бұған дейін де тұрақты түрде ұйымдастырылып келеді. Мамандар түрлі форматтағы іс шараларды ұтымды ұйымдастырып, түсіндірме жұмыстарын жүргізіп келеді. Айта кетейік, өткен айда барлығы 500 дана үнпарақ тұрғындарға тар &nbsp;&nbsp;

Сырдария ауданының тұрғындарына түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев: – «Еңбекқор адам, кәсіби маман – &nbsp;ең сыйлы адам болуы тиіс», – деді деген болатын. &nbsp;Осы орайда биыл ауданға қарасты бірнеше ауылдық округтерден жастар бригадалары құрылып, егін алқаптарында қарқынды жұмыстар атқарылуда. Облыс әкімінің қолдауымен су айдайтын насос пен уақытша егіндік жер және егін егудің дайындық жұмыстарына қолдау көрсетілді.Еңбекқор жастармен аудандық ауылшаруашылығы және жер қатынастары бөлімі мен аудандық жастар ресурстық орталығы және ауылдық округі әкімдері тығыз жұмыс жасап, егін егудің тәсілдерін үйретуде. Өздеріңізге белгілі, аудан әкімі Берік Сәрменбаев Айдарлы, Жетікөл, Аманкелді ауылдық округтеріндегі жастар бригадаларымен кездесіп, оларға әркез қолдау көрсететінін жеткізді. Жас диқандар өз ұсыныстарымен бөлісіп, су айдайтын насостарға жанар-жағармай қажеттілігі туралы айтты.Міне, жастардың ұсыныстары дер кезінде қаралып, қуанышты жаңалықты естіді.Аудан басшысы жастардың ұсынысы негізінде "Жетікөл жер" жауапкершілігі шектеулі серіктестігімен байланыс орнатып, жанар-жағармай мәселесін шешті. Жастар бригадаларының әр қайсысына (Айдарлы, Жетікөл, Аманкелді) 1 тоннадан жанар-жағармай беріледі. Жақсы іс бастаған жастардың одан әрі талпынып жұмыс жасауына осындай қолдаулар оң әсерін беретіні белгілі.– Бүгінде аудан жастары арасында еңбек жасақтары құрылып, бригадалар бойынша егін егу жұмысы үйлестірілуде. Өз кезегінде жас диқандарды қолдау іс-шарасы жүзеге асуда. Тынымсыз еңбектің арқасында маусым соңында мол өнім алуға ниеттіміз. Қазіргі уақытта жастар бригадалары өзара тәжірибе алмасып, бау-бақша өнімдерін шығынсыз өсіруге атсалысуда.Барлық еңбекқор жастар атынан аудан әкімі Берік Әбдіғаппарұлына және "Жетікөл жер" ЖШС-нің басшыларына алғыс айта отырып, отбастарына амандық, дендеріне саулық, кәсіптеріне береке тілейміз, – деді аудандық жастар ресурстық орталығының директоры Нұрман Абдрасилов. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Сырдариялық жас диқандарға қолдау көрсетілді

<a href="https://kyzylorda-news.kz/">Kyzylorda-news.kz.</a> «Анашым, мен неге мектепке бармаймын?». Осы сауал «ерекше» баласын ертіп мектепке бара алмайтын қаншама ата-ананың жүрегін тілгілеп келеді. Аутизм – ми қызметінің бұзылуы салдарынан пайда болатын ауру. Ауру деп айтуға да келмес. Олар «ерекше жандар». Егер дер кезінде анықталса, алдын алуға болады. Өкінішке қарай, өз уақытында оны анықтауда дәрігерлердің біліктілігі жетпей жататыны жасырын емес.Қатты дыбыс, қоғамдық орындардағы у-шу, өткір сәуле аутизм белгілері бар балалардың тынышын қашырады. Себебі олар өте сезімтал. Содан болар әлем елдері «ерекше жандар» екенін мойын­дап, оларға ерекше ықылас танытып келеді. Тарих қойнауына көз жүгіртсеңіз әлемдегі танымал тұлғалардың көбісі осы «ерекше жандардың» қатарынан болған. Мәселен әйгілі австралиялық композитор Вольфганг Амадей Моцарт, поляк-француз ғалымы Мария Кюри, өнертапқыш Томас Эдисон, «Покемон» сериалының, түрлі ойындардың авторы жапониялық Сатоси Тадзиридің, тіпті Microsoft компаниясының негізін қалаушы Билл Гейтстің «ерекше» екені БАҚ беттерінде айтылып та, жазылып та жүр. Бірде Томас Эдисон мектепте оқып жүрген шағында анасына мұғалімінің берген хатын әкеліп береді. Анасы хатты оқып, көзінің жасын сығып алады да «Сіздің балаңыз – гений. Бұл мектепте сіздің балаңызға лайықты деңгейде білім беріп, бір нәрсеге үйрететін мұғалім жоқ. Өтінемін, оны өзіңіз оқытыңыз» деп дауыстап оқып береді. Арада жылдар сырғып өтеді. Анасы қартайып, қайтыс болады. Бұл уақытта Томас Эдисон өз уақытындағы танымал өнертапқыштардың біріне айналады. Бірде ол бала күнінде әкеп берген қағазды тауып алып оқып шығады да анасы секілді көз жасына ерік береді. Шын мәнінде ол хатта былай деп жазылған екен: «Балаңыздың ақыл-есі кем. Енді оның мектебімізде білім алуына жол бермейміз». Осыдан кейін ол өзінің күнделігіне: «Томас Алва Эдисон ақыл-есі кем адам болған. Бірақ анасының ерлігінің арқасында ұлы данышпандардың біріне айналды» деп жазады.Мүмкіндігі шектеулі оқушылардың оқып-үйренудегі қиындықтарын дер кезінде анықтап, оған қолдау көрсетуде тек арнайы мамандардың емес ата-аналардың рөлі басым болады. Даму мүмкіндігі шектеулі баланы тәрбиелеуде ата-аналар түрлі қиындықтарға кезігуі мүмкін. Егер баланы инклюзивті балабақша немесе мектепке беру мүмкіндігі болса – бұл ата-ана үшін үлкен көмек. Себебі ол балалар күннен-күнге жағымды жаққа қарай өзгеріп, қоршаған ортадан тыс болу сезімін азырақ сезінеді. Сонымен қатар тәрбие жұмысының тиімділігі жоғарылап, жетістіктерге жете бастайды. Бұл тұрғыда ата-ана баласына үнемі қолдау танытып, кішкене ғана талпынысын үлкен жетістікке балауды үйренуі шарт. Даму мүмкіндігі шектеулі баланың өзі қалаған дүниені жасауына жәрдемдесу және оны мақтап отыру да оның өмірге деген белсенділігін арттырады.Жалпы, инклюзивті оқыту-даму мүмкіндігі шектеулі балалардың қалыпты дамыған балалармен бірге әлеуметтендіру және интеграция процестерін жеңілдету мақсатындағы жеңілдетілген оқыту жүйесі. &nbsp;Инклюзивті оқыту – ерекше мұқтаждықтары бар балалардың жалпы білім беретін мектептердегі оқыту үрдісін сипаттауда қолданылады. Демек, инклюзивті оқыту негізінде балалардың қандай да бір дискриминациясын жоққа шығару, барлық адамдарға деген теңдік қатынасты қамтамасыз ету, сонымен бірге оқытудың ерекше қажеттілігі бар балаларға арнайы жағдай қалыптастыру идеологиясы жатыр. Осы бағыт балаларды оқуда жетістікке жетуге ықпал етіп, жақсы өмір сүру жағдайын &nbsp;қалыптастырады. Мүмкіндігі шектеулі балалардың білім алу құқықтары «Қазақстан Республикасының балалардың құқықтары туралы», «Білім беру туралы», «Мүмкіндігі шектеулі балалардың әлеуметтік және медициналық-педагогикалық түзетуге ықпал ету туралы», «Қазақстан Республикасында кемтарларды әлеуметтік қорғау туралы», «Арнайы әлеуметтік қызмет туралы» Қазақстан Республикасының Заңдарында, Қазақстан Республикасының Конституциясында бекітілген. Инклюзивті білім беру немесе «білім баршаға» бағдарламасы – барлық балаларға мектепке дейінгі оқу орындарында, мектепте және мектеп өміріне белсене қатысуға мүмкіндік береді. Бұл бағдарламаны &nbsp;Біріккен Ұлттар Ұйымының Бас Ассамблеясы мақұлдап, БҰҰ-ның Конвециясына 2006 жылдың 13 желтоқсанында енгізілді.&nbsp;Білім беру саласындағы негізгі халықаралық құжаттарға сәйкес Қазақстан Республикасының заңнамасында даму мүмкіндіктері шектеулі балалар үшін білім алуға &nbsp;тең құқықтар қағидаты көзделген. Біздің елімізде инклюзивті білім беру жүйесінің дамуы туралы ресми дерек «Қазақстан Республикасының Білім беруді дамытудың 2010-2020 жылдарға арналған мемлекеттік бағдарламасында» көрсетілген. Мемлекеттік бағдарлама негізінде 2020 жылға қарай мектептерде мүгедек балалар үшін көтергіш жабдықтар, пандустар, санитарлық бөлмелерде арнайы құралдар орнату, тұтқалармен, арнайы парталармен, үстелдер мен және басқа да арнайы компенсаторлық құралдар мен жабдықтау арқылы «кедергісіз аймақтар» құруы жоспарланған.Бүгінгі таңда дүние дидарына келген сәттен тағдырдың қиындығына тап болған жандардың тең құқылы білім алуы үшін инклюзивті білім беру әдісін қалыптастыруда. Яғни, әрбір баланың болмыс-бітімі мен ақыл-есі, географиялық ерекшелігіне қарамастан қолжетімді білім беру мәселесі көтеріліп келеді. Инклюзивті білім – мүмкіндігі шектеулі балаларға балабақша, мектеп, институт, мектепке дейінгі және мектеп өміріне толық көлемде қатысуына мүмкіндік береді. Инклюзивті бағыт арқылы мүмкіндігі шектеулі балаларды оқуда жетістікке жетуге ықпал етіп, жақсы өмір сүру мүмкіншілігін қалыптастырады. Осы бағытты білім беру жүйесіне енгізу арқылы оқушыларды адамгершілікке, ізгілікке, қайырымдылыққа тәрбиелей аламыз. Инклюзивті білім беру – шексіз мүмкіндіктер сыйлайтыны жасырын емес. Барлық бала тең дәрежеде білім алуға, мектепке баруға лайықты. Олардың ертеңін ойлау арқылы, болашақтың іргесін қалайтын боламыз

Аутизмді емдеуге дәрігерлердің біліктілігі жете ме?

<a href="https://kyzylorda-news.kz/">Kyzylorda-news.kz.</a> Жазғы демалыс кезінде балалардың &nbsp;сауықтырылу демалысын, бос уақытын тиімді ұйымдастыру мақсатында &nbsp;1 маусым – Халықаралық балаларды қорғау күні қарсаңында Тәкей Есетов атындағы № 264 мектеп-лицей жанынан құрылған «Жаз самалы» күндізгі тынығу лагері өз жұмысын бастады.&nbsp;Лагерге &nbsp;4 топ, 80 оқушы қамтылды. &nbsp;Спорттық, ән - би, қолөнер үйірмелері жұмыс жасауда және «Әрбір бала бақыт үшін жаралған!» тақырыбында лагердің ашылу салтанаты өтті. Концерттік бағдарламаны мектеп-лицей директоры Бек Сұлтанбекұлы балаларға деген ыстық ықылас лебізін білдіріп ашса, мектеп-лицей жанындағы қосымша білім беру орталығының «Жас дарын» хор және «Көркем-ай» би үйірме мүшелері өз өнерлерін көрсетіп, ән мен биден шашу шашып, жазғы тынығу лагерінің демалушы балаларына көтеріңкі көңіл-күй сыйлады.Сонымен қатар лагерге қамтылушы балаларға «Қауіпсіз жаз» тақырыбында балалар жарақатының алдын алу мақсатында мәліметтер беріліп, түсіндірілді.<figure class="image"><img src="https://knadmin.beoblood.kz/uploads/350477201_212752755045364_6649914084247630855_n_444baf5e42.jpg" alt="350477201_212752755045364_6649914084247630855_n.jpg"></figure>&nbsp;<figure class="image"><img src="https://knadmin.beoblood.kz/uploads/350999103_1025859532130149_5277729055828048120_n_f183058f2b.jpg" alt="350999103_1025859532130149_5277729055828048120_n.jpg"></figure>&nbsp;<figure class="image"><img src="https://knadmin.beoblood.kz/uploads/348954638_790168936050854_1596366551934599501_n_407b265d29.jpg" alt="348954638_790168936050854_1596366551934599501_n.jpg"></figure>&nbsp;&nbsp;

Лицей жанынан құрылған күндізгі тынығу лагері өз жұмысын бастады

<a href="https://kyzylorda-news.kz/">Kyzylorda-news.kz.</a> Елімізде білікті кадрлардың тапшылығы жиі сөз болады. Бірақ Қазақстанда өз жұмысына жауапты, білігі мен білімі ұштасқан мамандар аз деу әбестік. Мұндағы басты мәселе – көптеген мамандардың шетелден нәпақа іздейтіндігінде. Соңғы деректер бойынша, елімізден өзге мемлекеттерге жұмыс іздеп кеткен мамандардың саны күрт артқан. Шетел асқан жоғары білімді мамандардың бүгінгі саны 10 жыл бұрынғымен салыстырғанда рекордтық көрсеткішке жетіпті. Бұған не себеп? Қазақстандық мамандар неге өзге елде қызмет етуге құмартып алды?Қазіргі таңда шетел асып, білім алу, жұмыс істеу оңайға айналды. Сондықтан шығар, кейінгі жылдары сыртқы көші-қон толастамай тұр. Әсіресе жайлы өмір іздеген жастар жат жұрттан «жұмақ» іздеп, мұхит асып жатады. &nbsp;Көпшілігі «Кадрлар бәрін шешеді» деген сөзді жиі айтады. Оған тән мағына өте айқын. Бұл «кадрларға» мемлекеттік қызметкерлер де, ғылым қайраткерлері де, қоғамның шығармашылық бөлігі де кіруі мүмкін. Негізгі мәселе, кадрлар жиі мемлекеттің саяси, экономикалық және мәдени тұрғыдан дамуын анықтайтын қоғамның қабаты болып табылады. Бірақ мемлекеттің ең талантты адамдары одан бірінші мүмкіндікте кетуге тырысатын болса, елді не күтеді? Соңғы жылдары Қазақстанда мұндай жағымсыз тенденция туралы көп айтыла бастады және мәселе барған сайын өткір сезілуде. Қазір, шын мәнінде де, әлем ашық, кім қайда тұрса да өзі біледі, білімді, білікті жанға барлық жерде жол ашық. Бұл фактор қазақ жастарының елін оңай тастап кетіп жатқан үлкен себептерінің бірі. Себебі, әр адам және маман өзін тиісті түрде бағалайтын, еңбегі мен білімінің жемісін көре алатын жерге ұмтылады.Жалпы, жас әрі білікті мамандардың елден кетуі ауыл жастарының қалаға қарай үдере көшуімен мәндес. Ауылдағылар елді мекендерден тұрақты жұмыс, жоғары табыстың жоқтығынан қашады. Шет мемлекетке кетіп жатқандардың да себебі сол. Негізгі себептердің қатарында жұмыссыздық пен тұрғын үй мәселесі алдыңғы қатарда екен. Статистика комитетінің дерегіне жүгінсек, 29 жасқа дейінгі қазақ жастарының 32 проценті, яғни әрбір үшінші қазақ баласы шетелге кетуге бейіл екен. Бір өкініштісі, жат жерден «жұмақ» іздеген жастардың басым бөлігінің жасы 19 бен 23 аралығында екен. Мұндай жағдайда кімді айыптайсың? Отанына қызмет етуден бас тартып, қалтасының қамын ойлайтын маманды ма? Әлде елдің әлеуетін арттыруға мүмкіндік беретін мамандарға жағдай жасай алмаған үкіметті ме?Қазақстандықтар неге Отанын тастап, шетелге кетуге асығады емес, неге Қазақстанда жастар ұмтылатын шетелдегідей жағдай жасамасқа деген сұрақ көпшілікті мазалайды. Себебі, шынымен де, «Ерім дейтін ел болмаса, елім дейтін ер болмайды». Бірінші кезекте мемлекет жастарға тиісті түрде сенім білдірсе, олардың болашағын ойлап мемлекет пен қоғамдағы мәселелерді шешуге тырысса, елден кеткен жастар саны едәуір аз болар ма деген ой біздікі. Екіншіден, бала кезден бастап жастарды патриотизм мен еліне деген сүйіспеншілікке баулу. Егер ата-анасы кішкентай кезінен үкімет пен мемлекетке көңілі толмайтынын жеткізе берсе, баланың құлағына сол әбден құйылып қалады. Теледидардан мақтаныш сезімін оятатын емес, тек еліміздің кемшіліктері мен қоғамдағы проблемаларды көрсете беруді тоқтатпасақ, соны көріп өскен бала болашағын мұндай елде құрғысы келмейтіні анық. Сондықтан, жастардың шетелге кетуі сияқты мәселені шешу ең бірінші мемлекеттің, содан соң қоғамның бөлшегі ретінде әрқайсымыздың қолымызда.Қазақ халқында «Өзге елде сұлтан болғанша, өз еліңде ұлтан бол» деген аталы сөз бар. Жүйелі сөзге тоқтаған қазақ ұрпағы қандай жағдай болса да, туған жер, туған топырақ үшін қызмет етуі шарт. Алайда бүгінгі уақыт талабы, нарық заманы ең алдымен, қалтаның қамын күйттеуге мәжбүрлеп отырғаны өкінішті.

Білгір маман жат елге неге құмартады?

<a href="https://kyzylorda-news.kz/">Kyzylorda-news.kz.</a> Қазалы ауданында 1 маусым - халықаралық балаларды қорғау күніне орай түрлі шаралар қолға алынып, жалғасын тапты. Әр мекеме, білім, тәрбие ордалары түрлі іс-шаралар өткізді.&nbsp;Соның бірі – Қазалы аудандық көпбейінді орталық ауруханасының бас дәрігері Бақыткүл Әлмамбетқызының ұйымдастыруымен өткен 7-13 жас аралығындағы «Біз бақытты баламыз» тақырыбындағы сурет салу сайысы. Бұл шараға балалар өте белсенді қатысты. Қиялдарына ерік беріп, түрлі бейнелерді жер бетіне түсірді.&nbsp;Аталған сайыста балалар әртүрлі тақырыпта туындыларын дайындап, қысқаша түсіндіріп өтті.&nbsp;Шара соңында қатысқан барлық 25 бүлдіршінге сыйлықтар таратылды. Әр баланың салған суретін мұқият қарап шыққан бас дәрігер:&nbsp;<blockquote>«Барлығың суретші екенсіңдер ғой. Суреттерің бірінен-бірі өтеді. Бәрің де туындыларыңды керемет таныстырып өттіңдер. Астарында үлкен мән-мағына жатқандығын аңғарттыңдар. Өнерлерің өрге жүзсін. Үнемі бестік баға алыңдар», – деп өнерлі балғындарға сый-сияпат көрсетті.&nbsp;</blockquote>Сонымен қатар Бақыткүл Әлмамбетқызы перзентханада ем қабылдап жатқан нәзік жандыларды аралап, сәбилердің анасына сыйлықтар үлестірді.

Қазалыда «Біз бақытты баламыз» тақырыбындағы сурет салу сайысы өтті

<a href="https://kyzylorda-news.kz/">Kyzylorda-news.kz.</a> Берік Динашов Ақтан батыр ауылының тумасы. Мектепті бітіргеннен кейін Ақтөбе мемлекеттік педагогикалық институтынан «Дефектология» мамандығын меңгерген. Дипломын алған жас маман туған жерге оралып, қызмет етуді мақсат етті. Сөйтіп, алғашқы еңбек жолын Қазалы ауданындағы «Шапағат» балаларды сауықтандыру орталығында дефектолог болып бастады.&nbsp;Берік Көбейсінұлы мүмкіндігі шектеулі балалардың танымдық қабілеттерін дамыту барысында жұмыс істеді. Оларға біліммен қатар түзету-дамыту жұмыстарын жүргізді. Ал 2014-2015 жылдары Ақтөбе қаласындағы психикалық дамуы тежелген балаларға арналған арнаулы облыстық түзету мектеп балабақшасында логопед қызметін атқарды. Бұнда сөйлеу тілі бұзылған балалардың дұрыс сөйлеуін дамытуға көмектесті. Қазір Әйтеке би кентіндегі №249 мектеп-лицейде логопед.Берік жақсы маман ғана емес отбасында әжесі мен ата-анасының мақтанышы, ағасының ізетті інісі, қарындастарының қамқор ағасы, Жаннұр есімді бүлдіршіннің әкесі. Жұбайы Айгерім үлкен отбасының ибалы келіні.Мамандығын жақсы көретін Берік Қызылорда облыстық үкіметтік емес ұйымдарын дамыту жобасы аясында ұйымдастырылған тренинг пен «Инклюзивті білім беру жағдайында педагогтардың кәсіби құзіреттілігінің дамуы» аймақтық семинарында сертификат иеленді.Тәуелсіздіктің төл құрдасы «Әр бала бақытты болуға әбден лайық. Олардың жаратылысынан қуыстанып, қоғамнан шет қалмауы үшін қолымнан келген көмегімді аямаймын», – дейді.

Берік Динашов: Әр бала бақытты болуға әбден лайық

<a href="https://kyzylorda-news.kz/">Kyzylorda-news.kz.</a>&nbsp; Тараз қаласында өткен Қазақстан Республикасының VI жазғы спартакиадасы өз мәресіне жетті. Дүбірлі дода әр төрт жылда бір рет өтеді. Бұл жолғы бәсекеге 17 облыс пен республикалық маңызы бар үш қаланың спортшылары жиналды. Еліміздің әр аймағынан келіп қатысқан Спартакиадада спортшылар спорттың 27 түрінен сынға түсті.&nbsp;Соның ішінде спартакиада бағдарламасындағы дзюдодан өткен жарыста Сыр елінің спортшылары топ жарып, командалық есепте чемпион атанды.&nbsp;VI жазғы спартакиадасына 14 қызылордалық қатысты. Оның ішінде үш алтын медальді 60 келі салмақтағы Мағжан Шамшадин, 66 келі салмақтағы Әділбек Берікұлы, 100 келі салмақпен жарысқан Шархан Нұрлыхан жеңіп алды. Бір күміс медальға 81 келі салмақтағы Жұбаназар Абылайхан лайық деп танылды. Ал 48 келі салмақ бойынша өнер көрсеткен Жанерке Асқарова мен 57 келі салмақтағы Мұхамбет Дина және 78 келі салмақтағы Бисембай Әсел үшінші орынды қанағат тұтты.&nbsp;Жалпы жарыс қорытындысы нәтижесінде сырбойылық спортшыларымыз үздік деп танылып, командалық есеп бойынша бірінші орынға көтеріліп отыр.Айта кетейік, жазғы спартакиада бұдан кейін де еліміздің басқа қалаларында жалғасын табатын болады.

Қызылорда облысының командасы дзюдо спартакиадасында үздік атанды

<a href="https://kyzylorda-news.kz/">Kyzylorda-news.kz.</a> 1 маусым – халықаралық балаларды қорғау күніне орай аудан әкімінің орынбасары Дәурен Тілеумбетов, аудандық мәслихат депутаты Талғат Әліпбаев және аудандық білім бөлімінің басшысы Әділхан Жөлекешов ерекше білім беруге қажеттілігі бар үйден оқитын оқушыларға арнайы барып, мерекемен құттықтады.&nbsp;Нақтыласақ, Ыбырай Алтынсарин атындағы №204 орта мектептің 2 сынып оқушысы Бағдәулет Темірхан, Сәкен Сейфуллин атындағы №165 мектептің 5 сынып оқушысы Дидар Әбдіғани және Жамбыл Жабаев атындағы №234 мектептің 8 сынып оқушысы Дамир Жолдыбайдың үйлеріне аялдап, аудан әкімі Мұхтар Оразбаевтың ыстық ықыласын жеткізді. Сонымен қатар арнайы сыйлықтарды табыстап, жылы лебіздерін білдірді.&nbsp;<blockquote>«Ерекше балаларды ескерусіз қалдырмаған аудан әкіміне және шаңырағымызға келіп жатқан Сіздерге шынайы алғымызды білдіремін. Немереме қай жағынан болмасын қолдау жоғары. Ендігі жерде басқа түскен сынаққа мойымай, Дамирдың азамат болып өсуі жолында қолдан келгенді аямаймыз. Жаратқан ешбір ата-ананы баламен сынамасын. Әрбір шаңырақта тек қуаныш болсын. Балам қатты қуанып қалды. Ата-ана үшін бақыт деген осы ғой», – деді Дамирдің әжесі Райкүл Оңдабаева.</blockquote>

Білім бөлімінің басшысы үйден оқитын оқушыларға арнайы барып, мерекемен құттықтады

<a href="https://kyzylorda-news.kz/">Kyzylorda-news.kz.</a> Бұл қаладағы үздік ұстаз, №10 Білім-инновация лицейінің қазақ тілі мен әдебиеті пәні мұғалімі Нағиша Есбосынның ең алғаш мектеп табалдырығын аттаған кезде ойға алған мақсаты мен бала арманынан туындаған жыр шумағы. Арман алдамайды дейді. Ұстаз болып, сол жолда адал қызмет етуді кейіпкеріміз о бастан-ақ көңілге нықтап тоқыса керек. Бүгінде 50 жыл бұрынғы арманы 35 жылдан астам тәжірибеге ұласып аймақтың мақтан тұтар мұғаліміне айналған.Ауыл қызы 8 сынып бітірісімен арман қуып қалаға келеді. Мақсаты мұғалім мамандығы бойынша оқу түсу болатын. Қазіргі М.Мәметова атындағы Қызылорда гуманитарлық колледжіне құжат тапсырып, бастауыш сынып мұғалімін даярлау бөліміне оқуға қабылданады. Оқу бітіргесін еңбек жолын Қазалы ауданындағы №249 мектепте тәлімгер, бастауыш сынып мұғалімі қызметінен бастаған. Кейіпкеріміздің мамандығына деген адалдығы оның ізденісін арттырып, өзін жаңа қырынан көрсетуге жол ашты. Осылайша білімі мен білігінің арқасында білім саласының түрлі сатысынан өтті. Кейін Алматы қаласындағы әл-Фараби атындағы Қазақ мемлекеттік университетінің қазақ тілі мен әдебиеті факультетін бітіріп, жоғары білімді маман атанды. Одан кейін Қорқыт ата атындағы Қызылорда университеті жанындағы «Қабілет» гимназиясында сабақ береді. 2012 жылдан бастап №10 білім-инновация лицейінде еңбек етуде.&nbsp;<blockquote>«Мен үшін мұғалім – мамандықтың төресі. Ақын М.Жұмабаевтың «Алты Алаштың баласы бас қосса, төр мұғалімдікі» деген нақылы текке айтылмаған. Мен балалардың ортасында бақыттымын. Тіпті өзімді басқа сала маманы ретінде елестете алмаймын. Мектепке келгенше асығып, шәкірттеріме жаңа, тың дүниелерді үйреткенді жақсы көремін. Білім саласында абыройлы еңбек етуімнің бірден-бір себебі осы шығар деп ойлаймын», – дейді Нағиша Есбосын бізбен әңгімесінде.&nbsp;</blockquote>Білікті маманға сұраныс қашанда жоғары. Кейіпкерімізге де талай мәрте лауазымды қызмет ұсынылыпты. Алайда әу бастан, қарапайым мұғалім болуды ұстаным еткен оған мұнан артық қызметтің қажеті болмады. Өйткені, ол «шәкіртсіз ұстаз – жетім» деп түсінеді.<blockquote>«Мұғалім мамандығына адал болу керек. Алдында отырған әр оқушыны жақсы көруі тиіс. Оның жақсы көргенін бала сезеді. Ұстаз бен оқушы арасындағы жақсы қарым-қатынасы солай қалыптасады. Кейбір мұғалімдер баланы қаталдықпен, бағамен бағындырамыз деп ойлайды. Бірақ, мейірімділік басты орында болуы қажет деп ойлаймын. Мен әр сабақтың өз «тағдыры» бар деп айтамын. Себебі, сабақ барысы әр сыныптағы оқушының көңіл-күйіне байланысты жүргізіледі. Оқушының қабілеті, жаңа сабақты қабылдау деңгейі ескерілуі керек. Бүгінгі жас мамандар да осындай болса деймін. Жаһандану заманында көштен қалмай, жаңашылдыққа бейім болса екен. Қазіргі оқушылар заманына сай бәрін игерген. Мұғалім де шет қалмай, олардан көш ілгері болғаны дұрыс. Көп ізденіс жасаған мұғалім ұстаз деңгейіне жете алады», – дейді &nbsp;кейіпкеріміз.</blockquote>Иә, мұндай қасиет әрбір мұғалімнің бойынан табылуы керек-ақ. Ұстаздық етуден жалықпаған Нағиша Есбосынның еңбегі еш кеткен емес. Ол өзін бақытты ұстазбын деп есептейді. Ал, ел алдындағы еңбегің еленсе, тіпті, керемет емес пе? Кейіпкеріміз талай марапат биігінен көрінген жан. Десе де оған «Облыстық білім беру ісіне қосқан үлесі үшін» медалін кеудесіне тағып, үздік ұстаз атануы қоғамның, оқушылардың алдындағы жауапкершілігін екі есе сезіндіре түсті.

Қазақстан және Қызылорда облысының жаңалықтары