<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Тереңөзек кенті бойынша жөндеу жұмыстары жүргізіліп жатқан құрылыс нысандарын аралады.Аудан орталығында спорттық нысандар, білім, оның ішінде балабақшаға қатысты нысандар күрделі жөндеуден өткізілуде. Олардың бірқатарын аралап шыққан аудан басшысы құрылыс жұмыстарының сапалы әрі мерзімінде орындалуын қамтамасыз етуді атап, тиісті сала басшыларына тапсырма жүктеді.

Сырдария ауданындағы құрылыс жұмыстары қарқынды жүруде

<a href="https://kyzylorda-news.kz/">Kyzylorda-news.kz.</a> Тамыз айының үшінші жексенбісі – ҚР Спорт күні. Соған сәйкес Қазалыдағы Р.Бағланова атындағы мәдениет орталығында мереке иелеріне арналған салтанатты шара өтті.Аталған жиынға спортшылар, жаттықтырушылар, дене тәрбиесінің мұғалімдері және сала ардагерлері қатысты. Шараға аудан әкімі Мұхтар Оразбаев арнайы қатысып, спортшыларға деген жүрек жарды лебізін жеткізді.<blockquote>«Спорт – денсаулық кепілі десек, ауданда бұқаралық спортпен тұрақты түрде айналысатындар саны – 38 пайызға жетті. Спорт түрлері бойынша жерлестеріміз Әлем чемпионаттарында 1 күміс, Азия чемпионатында 4 алтын, 6 күміс медаль жеңіп алса, Халықаралық турнирлерде 3 алтын, 6 күміс, 8 қола медальды қоржынға салды. Сонымен қатар, спортшыларымыз ҚР-ның чемпионаттарына, халықаралық, республикалық, облыстық жарыстарға қатысып, 18 алтын, 26 күміс, 31 қола медальға қол жеткізді. Бұл аудан спортшыларының жанқиярлығы мен қайсарлығының арқасында жеткен жетістік. Кез келген мықты спортшылардың артында білікті бапкерлердің тұратыны анық. Сондықтан аудан жаттықтырушыларының да еңбегі орасан. Мерейлі мерекеде Сіздерге зор денсаулық, жеңіс жолында табыстар тілеймін», – деді аудан басшысы.</blockquote>Мұнан соң ел спортының дамуына сүбелі үлес қосып жүрген сала ардагерлері мен бірқатар жаттықтырушылар, дене тәрбиесінің мұғалімдері және спортшылар аудан әкімі, облыс әкімі мен облыстық мәдениет және спорт басқармасының «Алғыс хатымен» марапатталады.Шарада аудан өнерпаздары спортшылардың құрметіне ән салып, жиналғандарға көтеріңкі көңіл-күй сыйлады.

Қазалылық спортшылар марапатталды

<a href="https://kyzylorda-news.kz/">Kyzylorda-news.kz.</a> Қармақшыдағы Көшеней Рүстембеков атындағы жыраулар үйінде аудан әкімі аппаратының басшысы Е.Бекеновтің төрағалығымен жасөспірімдер арасындағы топтық төбелестің алдын алу және болдырмау мақсатында кеңейтілген мәжілістің кезекті отырысы өтті.Бүгінгі таңда аталмыш мәселені толыққанды тексеру мақсатында облыс көлемінде арнайы топ құрылған. Соның негізінде бүгін ауданымызға облыстық полиция департаментінің экстремизм, терроризмге қарсы іс-қимыл басқармасының бастығы Әліп Қазбек Рақымжанұлы келіп, топтық төбелестің жай-жапсарын анықтау және алдағы уақытта жасөспірімдердің құқық бұзушылық әрекеттерінің алдын-алу мақсатындағы жасалып жатқан жұмыстардың барысын баяндады.Мәжіліске қатысқан аудандық ішкі істер бөлімінің басшысы, қоғамдық кеңес мүшелері, аудан ардагерлері мен білікті ұстаздар өз пікірлерімен бөлісіп, құқық қорғау органдары, білім ұйымдары мен ата-аналар тарапынан үш жақты бақылау мен жауапкершілікті толықтай мойнымызға алғанда ғана еліміздің ертеңі болар жас өрендеріміздің түзу жолда болатындығын айтты.Жиынды қорытындылаған аудан әкімі аппаратының басшысы Ернар Төребекұлы жасөспірімдердің жаза баспауы үшін жұмыла жұмыстануымыз керек екендігін айтты. Ол үшін жоғары сынып оқушыларының ата-аналарын жасөспірімдердің қатысуымен болатын оқыс оқиғалардың алдын-алу мақсатында ұдайы ұйымдастырылып отырған рейдтік жұмыстарға атсалысуға шақырды.

Жасөспірімдер арасындағы топтық төбелестің алдын алуда

<a href="https://kyzylorda-news.kz/">Kyzylorda-news.kz.</a> Конго-Қырым геморрагиялық қызбасы ауруымен Қармақшы ауданының 11 елді мекені қолайсыз болып танылған болатын. Атап айтқанда Жосалы, Төретам кенттері, Қызылтам, Диірментөбе, Ақай, Дүр Оңғар, ІІІ Интернационал, Алдашбай ахун, Қуаңдария, Кекірелі және Шобанқазған ауылдары.Осыған сәйкес ағымдағы жылдың 21 тамыз-15 қыркүйек аралығында құрамында 7 техника, 7 адамы бар Шымкент қаласының "SATTI TULIK" ЖШС мердігер мекемесімен бірлескен "Конго-Қырым геморрагиялық қызбасына" қарсы залалсыздандыру жұмыстары аудандағы қолайсыз болып табылған елді мекендерге 1 және 2 кезеңдік залалсыздандыру жұмыстарын жүргізетін болады.<blockquote>«Залалсыздандыру (дәрілеу) жұмыстарының нәтижесі тиімді және сапалы жүргізілуі үшін қолайсыз елдімекендердің тұрғындары мал қораларымен аулаларына механикалық тазалық жұмыстарын жүргізіп, қи-қоқыстан тазартылуын сұраймыз және барлық тұрғындарды залалсыздандыру айлығы аясындағы тазалық жұмыстарына белсенді атсалысуға шақырамыз» дейді мамандар.</blockquote>

Конго-Қырым: Қармақшыда қолайсыз елді мекендерді залалсыздандыру басталды

<a href="https://kyzylorda-news.kz/">Kyzylorda-news.kz.</a> Әлем елдерінде шалғай аймақтарды қала деңгейінде әлеуеттендірудің тың жобалары бар.Бұл ұстанымды әсіресе, дамыған мемлекеттер бірауыздан қолдайды. Бізде де осы үрдіс бір ізге қойылып келеді. Ауылдардың даму динамикасы ел Президентінен бастап, облыс, аудан әкімдерінің қадағалауында. Ауыл тұрғындарының әл-ауқатын жақсарту үшін мемлекет қолға алған бағдарламалардың бірі – «Ауыл аманаты».Айта кетейік, биыл Қызылорда облысында аталған жобаны іске асыру үшін 3 млрд теңге қаржы бөлінген. Қазір қаржыландыру бағыттары анықталған. Нақты талап-ережелері барлық ауылдарда түсіндірілуде.«Ауыл аманаты» 5 бағыт бойынша жүзеге асуда. Негізгі басымдық өңдеу, кооперативтерді дамыту, азық-түлік қауіпсіздігін қамтамасыз ету бойынша егін, мал шаруашылығы өнімдерін өңдеуге және басқа да бизнес жобаларға берілген. Ауыл халқының табысын арттыру үшін «Алқаптан сөреге дейін» кооперациялау пилоттық жобасын жандандыру мақсатында шалғайдағы ауылдық округтерге микрокредиттер беру және кооперативтерді ынталандыру бағыты алға қойылған.&nbsp;Жұмысты үйлестіруші ретінде «Байқоңыр» ӘКК» АҚ анықталып, 3 млрд теңге корпорация қазынасына аударылды. Облыс қаражатынан биылғы агент қызметіне 74,4 млн теңге бөлінді. Сонымен қатар «Байқоңыр» ӘКК» АҚ жанынан атаулы жобамен айналысатын 20 штаты бар арнайы департамент құрылып, материалдық-техникалық базамен қамтамасыз етілді.Құжаттарды қабылдау шарттары ауыл тұрғындарының жағдайын ескере келе барынша жеңілдетілді. Бүгінде 1,6 млрд теңгенің 240 жобасы қабылданып, несие комитетіне ұсынылды. &nbsp; Тамыздың 16-сы күні жобаларды қарастыратын несие комитетінің бірінші отырысы өтті. Онда 504,6 млн теңгеге 59 жоба қаралып, 199,3 млн теңгені құрайтын 30 жобаға келісім берілді. Комитеттің шешімімен мақұлданған жобалар кепіл мүлкі тәуелсіз ұйымдар бағалауынан өткеннен кейін ғана қаржыға қол жеткізе алады.«Байқоңыр» ӘКК» АҚ мамандары ауыл тұрғындарын кепіл мүліктеріне қойылатын талаптармен таныстырды. Мысалы, 1990 жылдан бері күйдірілген қыштан қаланған мүліктерді, 2000 жылдан бері қам кесектен және қаңқалы-қамысты материалдан соғылған мүліктерді кепілге қабылдау мақұлданған. Сондай-ақ мүлкіңіз 1980 жылдан бері салынған көпқабатты үй болса, кепілге жарамды.Осы тұста «Жоба игілігін кімдер көре алмайды?» деген заңды сауал туындауы мүмкін. Айта кетейік, «Жұмыспен қамтудың жол каратасы - 2020» бағдарламасы бойынша, салық органдарына қарызы барлар, соттылығы толық өтелмеген регламентке сәйкес өтінім беруші қаржыландырылмайды.Сонымен қатар алаяқтарға алданып қалмауды қатаң ескеру қажет. Тұрғындар арасында жеңіл ақшаны көздегендер де кездесуде. Алаяқтық жолмен «несие алып беруге және рәсімдеуге көмектесемін, танысым бар» деп кәсіпкерлерден қомақты қаражат алып, алдап соққан фактілер де тіркелген. Бағдарлама жөніндегі мәліметті «Байқоңыр ӘКК» АҚ-ның әлеуметтік желілердегі ресми парақшаларынан ғана білуге болады.Меже бойынша «Ауыл аманаты» жобасы аясында бөлінген қаржыны келер жылдың маусым айына дейін толық игеру жоспарланған.

Облыста «Ауыл аманаты» жобасы сәтті жүзеге асуда

<a href="https://kyzylorda-news.kz/">Kyzylorda-news.kz.</a> 22 тамыз күні атмосфералық фронталды бөліктердің өтуімен еліміздің басым бөлігінде құбылмалы күн райы сақталады, онымен найзағай, дауыл, екпінді жел күтіледі. Солтүстік аумақта түнде қатты жаңбыр жауса, шығыста жауын-шашынсыз ауа рыйы болжанады. Сондай-ақ республиканың солтүстігінде, солтүстік-батысы мен батысында түнгі және таңертеңгі сағаттарда тұманды болады. Бұл туралы Қазгидромет хабарлайды.Күндіз Жетісу, Ұлытау, Атырау, Алматы, Маңғыстау облыстарында, Батыс Қазақстан, Қостанай облыстарының оңтүстігінде, Ақтөбе облысының оңтүстігінде, батысында 35-40°С қатты ыстық күтіледі.Маңғыстау, Ақтөбе, Жамбыл, Қызылорда облыстарында, Қостанай облысының оңтүстігінде, Жетісу облысының батысында, орталығында, Түркістан облысының солтүстігінде, батысында, оңтүстігінде, шөлді аудандарында, Атырау облысының батысында, оңтүстігінде, шығысында өрт тұтану қаупі аса жоғары.Батыс Қазақстан облысының оңтүстігінде, орталығында жоғары өрт қаупі күтіледі, облыстың солтүстігінде, батысы мен шығысында өрт шығу қаупі аса жоғары.Алматы облысының оңтүстік жартысында жоғары өрт қаупі сақталады, солтүстік жартысында от шығу қаупі аса жоғары.Ұлытау облысының солтүстігінде, шығысында, оңтүстігінде, Солтүстік-Қазақстан облысының оңтүстігінде, Ақмола облысының батысында, солтүстігінде, оңтүстігінде жоғары өрт қаупі болжанады.

22 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгінде ел экономикасының дамуына бағытталған басты қозғаушы факторлардың бір бағыты – кәсіпкерлік саласы екені жасырын емес. Елдің қазынасын толтырып қана қоймай жұмыссыздықпен күресті оңтайландыруда да осы саланың беріп отырған серпіні тым ерекше. Сондықтан мемлекеттің де назарынан тыс қалмай, ұдайы қолдауға ие болып келе жатқан кәсіпкерлердің табысты еңбегі еселі десек қателеспейміз. Әсіресе бұл ретте жастардың өз ісін бастап, оны жандандыру, ары қарай дамытуға деген жоспарлары, сол жоспарды жүзеге асырудағы шаралары көңіл қуантады. Олардың кәсіпкерлікке деген көзқарасы мен тың идеялары тек өздерін емес, өзгелерді де шабыттандырып, осы бағытта еңбек етуге үлкен көмек болып отыр.Расында тәуелсіздікке қол жеткізгелі бері кәсіпкерлік бағытындағы түрлі қиындықтарды бастан өткердік. Ол жасырын емес. Бастайтын істі толықтай зерделеп, жоспарлап алмай қолға алынғандықтан кәсіптің өміршеңдігі де ұзаққа созылмағанын көріп, біліп жүрдік. Ал бүгінде жүйелі жұмыс пен жетістікке жетуге бағытталған бағдардың нәтижесінде ауданымыздың өзінде бірнеше мыңдаған азамат кәсіппен айналып отыр.Мемлекет басшысы Қасым-Жомарт Тоқаев «2030 жылға қарай жұмыс күшінің үштен бір бөлігіне жуығы цифрлық дағдыларды меңгерген және ерекше қабілеттері бар жастар болады. Оларды тиімді пайдаланған жөн. Үкімет «Атамекен» Ұлттық кәсіпкерлер палатасымен бірлесе отырып, кадрларды әзірлеу үшін ұзақмерзімді бағыттарды айқындауға тиіс. Яғни алдағы 10-12 жылға арналған құзыреттер болжамын жасау қажет» деген болатын. Міне, кәсіпкерлер палатасының жұмысы қазірдің өзінде өз жемісін беріп отыр.&nbsp;Мемлекеттің толағай қолдауының нәтижесінде кәсібінің көкжиегін кеңейтуге, арманындағы адал ісін жүзеге асыруға мүмкіндік алған жандардың қарасы ауданымызда да өте көп. Бір қуантарлығы уақыт талабына сай сұраныстағы дүниелерді халыққа ұсынып келе жатқан жандардың бірі Сексеуіл кентінің тұрғыны, біздің бүгінгі кейіпкеріміз Гүлжахан Сарбаева.Сұраныстағы дүние дегеніміз осы. Жаз қашан да жақсылықтың, қуаныштың мезгілі. Жаз шықса той жасап, қуанышын көпшілікпен бөлісуге асығатын әдет қанымызда бар халықпыз. Келген қонақтың да көңілін тауып, батасын алуға асығатынымыз тағы бар. Сондықтан шаттығымызға ортақтасып келетін жандардың көңілін тауып, ыңғайлы жағдай жасау үшін қажетті дүниенің біріне айналған нәрсе арнайы безендірілген және ыстық күндері әрі көлеңке, әрі ық болатын шатыр жиынтығы. Оған сұраныс та аз емес. Міне, шатыр жиынтығынан нәпаха тауып отырған жандардың бірі осы Гүлжахан.Бес баланың анасы Гүлжахан Бұхарбайқызы үй шаруасымен айналысқан қазақтың қарапайым келіні. Бүгінде екі баласы мектепте оқыса, екі баласы студент. Жолдасы жұмыстан қысқарып қалғандықтан балаларды жеткізу, оларды қажетімен қамтамасыз ету оңайға соқпайтынын біліп, қолдан келетін жұмысты бастап, қам жасауға көшті. Осылайша шатыр жиынтығын кәсіпке айналдыруды бастады. Кәсіпкердің сөзінше:<blockquote>– Иә, баста өте қиын болды. Бірден жолға түсіп, ойдағыдай бола қоймады. Бірақ талпынғанның талабы оңғарылады екен. Одан бөлек мемлекеттің қолдауын да айтпасқа болмайды. Жалпы жұмыс істеймін, алға қарай жылжимын деген адамға бүгінде мемлекет тарапынан таудай көмек көрсетіледі. Оны көзбен көріп, сезінгендердің бірі менмін. Бұл жұмысты алғашында бастағанда толықтай мүмкіндік болмай қалып жататын. Сосын «Атамекен» кәсіпкерлер палатасының Арал ауданындағы филиалының көмегімен осы бағытта оқып, биыл қайтарымсыз грантқа ие болдым. Қай уақытта да талап қылған азаматтардың қолтығынан демеп, жағдай жасауға дайын тұратын сол азаматтарға алғысым шексіз. Сол қаржының көмегімен керекті құралдарымды алдым. Қазіргі уақытта 3 шатыр жиынтығы бар. Жолдасым оларды тапсырыс түскен жерлерге жеткізіп, құрып береді. Тек шатырдың өзі ғана емес, столдар мен орындықтар да қамтылған, – дейді.</blockquote>Қарапайым ғана дүниені табыс көзіне айналдырып, көпшіліктің алғысын арқалап отырған кейіпкерімізге кент тұрғындары риза. Адал еңбекпен ас тауып отырған Гүлжаханның жұмысы жетістікке жетемін деген әрбір адамға сабақ боларлықтай.

Сұраныстағы дүниенің сырын тапқан Аралдық кәсіпкер

<a href="https://kyzylorda-news.kz/">Kyzylorda-news.kz.</a> Қазақстан өз тәуелсіздігін алғалы бері экономикалық, әлеуметтік, саяси мәселелер бойынша ТМД елдері арасында көш басында. Бұның барлығы еліміздің қандай салада болмасын шешімдері алдымен халыққа тиімді, оның әлеуметтік жағдайын жақсарту мақсатында жасалатынын, экономикалық жағдайды көтеруде алдыңғы қатарлы озық ойлар мен пайдалы қадамдар қабылданатынын көрсетеді. &nbsp;Осының арқасында елдің ішкі экономикасы тұрақты дамуда.&nbsp;Мемлекет басшысы Қасым-Жомарт Кемелұлы Тоқаевтың еліміздің әлеуметтік-экономикалық дамуы жөніндегі кеңейтілген кеңесте көтерген 8 бағытының ішіндегі қоғамдық саяси ахуалға ерекше әсер ететіні ол – бағаны тұрақтандыру, инфляцияны тежеу шаралары. Бағаны тұрақтандыру да алдын ала өз жоспарлары арқылы есептелетін елдің экономикасындағы ұтымды қадамдармен қамтамасыз етіледі. Осы орайда баға мен елдің инфляция шаралары арасындағы байланысты жүйелі түрде шешу мен баға тұрақтылығын қадағалау мемлекеттің негізгі бағыттарының біріне айналды. Бұл жұмыстар еліміздің қай аумағында болмасын күн тәртібінен түспейтін мәселенің біріне айналған.Қазіргі уақытта республикада бағаны тұрақтандыру жұмыстары қайта қаралды. Мәселен, «айналым схемасы» шеңберінде қарыз беру бойынша тәсіл қайта форматталды – қазір тікелей өндірушілерге беріледі, тұрақтандыру қорларын қалыптастыру тетігі өзгертілді – өнімді сатып алу егін жинау кезеңінде, яғни нарықта бағалар бәсекелестік кезеңде жүреді, ал олар маусымаралық кезеңде сатылады.Осы орайда ауданымыз 1 коммуналдық базар, 9 әлеуметтік бұрыш және 1 «Әлеуметтік дүкен» ішінде 19 түрлі негізгі азық-түлік өнімдері мен ет сатуды &nbsp;үйлестіріп отыр. Әлеуметтік дүкеннен көп балалы, аз қамтылған отбасылары азық-түлік алуларына мүмкіндік жасалған. Ауданға азық-түліктің басым бөлігін (ұн, күріш, қант, макарон өнімдері, өсімдік майы, картоп, жуа, сәбіз, қырыққабат), тағы басқа өнімдерді кәсіпкерлер сыртан тасымалдап әкеліп сатуда. Сол себепті дүкен бағаларында айырмашылықтар бар. Дегенмен азық-түлікпен тұрақты қамтамасыз етіп отырған кәсіпкерлерге дүкендерде өнімдерге негізсіз баға өсірмеуі жөнінде айтылып, әкімшілік жауапкершілік қаралатындығы туралы ресми ескертпе хаттар берілуде және күнделікті мониторинг шаралары жүргізілуде.&nbsp;Осы атқарылған шаралардың арқасында бүгінде қоғам қажеттілігіне аса маңызды 19 азық-түлік өнімінің 4-нің ғана бағасында өсім бар. Олардың ішінде нан (5,5 теңгеге, яғни 5,8% қамбаттаған), күріш (22 теңгеге, яғни 4,1% қымбаттаған), қырыққабат (51 теңгеге, яғни 35,3% қымбаттаған), жуа (29 теңгеге, яғни 22,1% қымбаттаған) кіреді.

Аралда бағаны тұрақтандыру басты бақылауда

<a href="https://kyzylorda-news.kz/">Kyzylorda-news.kz.</a> Ел Президенті Қасым-Жомарт Кемелұлы Тоқаев Жолдауында кәсіпкерлік саласын дамыту мен бизнес идеяларды қолдау шаралары артып, мемлекет бизнеске көмек көрсету ісін жалғастыра беретінін айтқан болатын. Бұл бағытта өңірде атқарылып жатқан жұмыстар ауқымды. Соңғы кездері аралдықтардың дені кәсіпкерлікке бетбұрып келеді. Әсіресе, жастар жағы өздерінің тың идеяларын жүзеге асыруда. Өнім өндіру түрімен қоса бөлшек сауда да дамығандығын айта кеткен жөн. Бүгін біз кәсіпкер Сымбат Темірболатованың жаңа кәсібі туралы сөз қозғамақпыз.&nbsp;2023 жылдың І жартыжылдығына Арал ауданында тіркелген шағын және орта кәсіпкерлік субъектілері саны 6599 бірлікті құрап,өткен жылғы есепті кезеңмен салыстырғанда 38,4 пайызға өсім алған. Расында бұл деректердің ақиқаттығына көзіміз де жетіп жүр. Өйткені соңғы жылдары ауданда кәсіпкерлік нысандары көптеп бой көтеруде. Өз кезегінде зәулім ғимараттар қаланың ажарын айшықтап қана қоймай бәсекелестік ортада халық қажетіне жарап тұр.&nbsp;Бала кезден кәсіпкерлер отбасында өмірге келіп, кәсіптің қыр-сырын түсініп өскен Сымбат Саламатқызы да осы бір саланың дамуына тамшыдай үлес қосты. Ол жақында өзінің шағын маркетін ашты.&nbsp;<blockquote>– Ес білгелі саудамен айналысып келемін. Ата-анам кәсіптен нәпақа тапқан жандар. Атам мен енем де кәсіпкерлер болды. Сондықтан заңгерлік мамандықты меңгеріп, жоғары оқу орынын тәмәмдасам да кәсіпті таңдадым. Біздің жаңа шағын маркет қаланың шеткері аймағында орналасқан. Сондықтан халыққа қажеттілігі оңай, әрі тиімді бағада болсын деген ниетпен осы кәсіпті бастадық. Қазір мұнда азық-түлікпен қоса тұрмысқа қажетті заттардың сан-алуан түрін әкеліп толтырудамыз, - деді Сымбат Саламатқызы.&nbsp;</blockquote>Қай істің де бастауы оңай емес. Сымбат та кәсібін қолға алу үшін өз қаражатымен қоса мемлекет тарынан кәсіпкерлерге берілетін жеңілдетілген несие алғандығын айтады.&nbsp;<blockquote>– Қазір мемлекет кәсіпкерлерді жақсы қолдап жатыр. Түрлі қайтарымсыз гранттар, пайыздық мөлшерлемесі аз несие, түрлі бағдарламалар әзірлеуде. Мұның бәрі кәсіп ашамын деген адамға үлкен қолдау. Мен де 6 пайыздық мөлшерлемемен жеңілдетілген несие алдым. Әр істе бір тәуекел керек. Осы арқылы кәсібім өрге домлайтынына сенімдімін, - дейді кәсіпкер.&nbsp;</blockquote>Тірліктің көзін тауып, тіршілік еткен адамның нәпақасы мол болары анық. Сымбат жолдасы Нұртуған екеуі 5 баласын өмірге әкеліп, тәрбиелеп отырған көпбалалы ата-ана. Олар осындай табанды еңбекқорлығының арқасында өзгелерге үлгі болуды көздейді. Беркелі кәсіп болсын деген тілегіміз бар.

Аралда тағы бір сауда орыны ашылды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев ауданға қарасты Н.Ілиясов, Шіркейлі және Қоғалыкөл ауылындағы мектептерге барып, жаңа оқу жылына дайындық барысын көрді.Елді мекендердегі №44, 129, 132 орта мектеп қызметкерлері ағымдағы жөндеу жұмыстарын жүргізіп, 2023-2024 оқу жылына дайындық жүргізуде.Аудан басшысы білім ошақтарындағы шағын орталықтарды, асхана, спортзал, кабинеттерді аралап, мектептерде жаңа оқу жылында оқушыларды қабылдауда еш кедергі болмау керектігін атады. Әсіресе, балалар қауіпсізді ұдайы назарда болуын мектеп директорларының назарына салды. Сонымен қатар, жылу қазандықтарын көріп, бұған қатысты да мәселе туындамау керектігін ескертті.

Сырдария ауданының әкімі мектептердің жаңа оқу жылына дайындығын көрді

<a href="https://kyzylorda-news.kz/">Kyzylorda-news.kz.</a> «Халық тану» халықаралық қоғамдық комитеті Қазақстан экономикасын дамытуға белсенді қатысатын немесе қатысуды жоспарлап отырған, Қазақстан Республикасының, сондай-ақ басқа да елдердің барлық салалық бағыттарындағы мамандар мен заңды тұлғаларды анықтау және ел халқының тануы мақсатында «Үздік» атағын береді. «Халық тану» үздік мамандарға, кәсіпорындардың басшыларына – экономиканың жеке, мемлекеттік және қоғамдық секторына «Үздіктерді» халықтық дауыс беру арқылы іріктеу жолымен, ұйымдастырушының <a href="https://pomogvsem.kz/">сайтында</a> беріледі.&nbsp;«Халық тану» 3 номинация бойынша беріледі:«2023 жылдың үздік мемлекеттік органы» (министрліктер,әкімдіктер, департаменттер, басқармалар, бөлімдер – - Қазақстан халқы үшін өз қызметімен және жұмысымен жергілікті жерлерде толық берілгендік пен жауапкершілікті растаған мемлекеттік органдар;«2023 жылдың үздік кәсіпорны» - ҚР және шет елдер экономикасының барлық салаларындағы коммерциялық құрылымдардың ішінен ;«Үздік маман 2023 жылдың « – Қазақстанның дамуына қосқан үлесі үшін ҚР және шет елдердің экономиканың барлық салаларының коммерциялық, &nbsp;мемлекеттік, қоғамдық құрылымдарынан.«Халық тануға» қатысу үшін өтінімдер бере алады:– өзін - өзі ұсынған жеке тұлғалар; - мемлекеттік, қоғамдық және коммерциялық мекемелер мен кәсіпорындардың басшылары. «Халық тану» өткізу мерзімі:2023 жылғы 11 шілдеден 26 қарашаға дейін-халықаралық деңгейдегі «Үздіктерге» халықтық дауыс беру.Қатысуға өтінімдерді қабылдау (кандидаттарды ұсыну)&nbsp;2023 жылғы 11 шілдеден 26 қарашаға дейін жүргізіледі. &nbsp;Өтініш парағын алу үшін ХҚК ұйымдастырушысына Instagram парағына жазылу керек: @pomog_vsem_kz және сол жерде өтініш парағына сұрау қалдыру керек.&nbsp;Үміткерлерді бағалау кезінде Қазақстан экономикасының дамуына қосқан үлесі, жетістіктері туралы жарияланған мақалалары және «Үздік» атағына маманның немесе ұйымның қызметін көрсететін басқа да сипаттамалар ескерілетін болады.Лауреаттарды марапаттау 2023 жылдың 15 желтоқсанында Алматы қаласында Тәуелсіздік күніне арналған іс-шаралар барысында салтанатты жағдайда өтеді. «Халық тану» жеңімпаздары туралы ақпарат бұқаралық ақпарат құралдарында, әлеуметтік желілерде және мемлекеттік органдардың сайттарында жарияланады.«Халық тану» туралы толық ақпаратпен және ережелерімен ұйымдастырушының сайтындағы «Халық тану» бөлімінде танысуға болады.

«Халық тану» үздіктерді анықтайды

<a href="https://kyzylorda-news.kz/">Kyzylorda-news.kz.</a> «Ақ босаға» әйелдер қоғамдық бірлестігі ҚР Ақпарат және Қоғамдық даму министрлігінің қаржыландыруымен «Азаматтық бастамаларды қолдау» орталығының грантының аясында «Қызылорда облысындағы жұмыссыз мүгедек әйелдерді қоғамға дайындау (психологиялық қолдау, кәсіби бейімдеу және бағдарлау)» жобасын жүзеге асыруда.Бұл жобаның мақсаты - Қызылорда өңіріндегі мүгедектігі бар әйелдерге психологиялық қолдау көрсету, түрлі тренингтер арқылы кәсіби бейімдеу және бағдарлау.&nbsp;Жоба аясындағы міндеттерінің бірі - «Мүмкіндігі шектеулі адамдарға қоғамдастық деңгейінде қолдау көрсету» психологиялық тренингтер ұйымдастыру және кәсіби бағдардан өтіп, жұмысқа тұруларына қолдау көрсету. «Ақ босаға» әйелдер қоғамдық бірлестігі жүзеге асырған бұл жобаға ең күшті және белсенді мүмкіндігі шектеулі әйелдерді өмірге деген құштарлық пен шексіз махаббат біріктіріп отыр. Жобаға Қызылорда қалалық жұмыспен қамту орталығында есепте тұрған жұмыссыз әйелдер қатысуда. Біз өз тарапымыздан жоба аясында түрлі мемлекеттік бағдарламаларға дайындап кәсіптік оқыту курсынан өтуге мүмкіндік жасап, жобаға қатысушылардың өз ісін ашуына қолдау көрсетудеміз – дейді жоба жетекшісі Зейнар Тажиева. Жоба басшылығы осы мәселе бойынша салалық принцип негізінде мемлекеттік органдарға үндеу ұйымдастырды, ұсынымдармен шықты, ол қолдау тауып отыр. Қазір жобаға жұмысымен 20-ға жуық мүмкіндігі шектеулі &nbsp;әйел қамтылып отыр. Жоба аясында қолөнер мамандығын меңгерген 2 әйел жұмысқа орналасып, 3 әйел тігін ЖК «Акмаганбетова Т», ЖК «Алинур» тігін цехында курстан өтуде. Сол жерде жоба қатысушыларына түрлі тренингтер өткізілуде. Сондай-ақ, жоба қатысушылары Қарттар үйіне сыйлыққа ортопедиялық кілемшелер дайындап, бірлескен тренингтер өткізуді жоспарлап отыр.&nbsp;Жобаға қатысушы Күләш Мәлікқызының айтуынша, өңірдегі мүмкіндігі шектеулі жандардың ең өзекті мәселелерінің бірі – қоғамның оларға деген сенімсіздігі, тіпті мүгедектер қоғамының өзіне деген сенімсіздік танытады.&nbsp;<blockquote>«Көп сөзге берілмей, нәтижелі жұмыс істеп жатқанымызды көргенде, адамдардың көзқарасы өзгере бастайды. Мәселен, киізден түрлі бұйымдар жасаймыз, ұлттық камзол тігеміз. Кейбіреулер бізді уақытында дайындап үлгермейді немесе денсаулыңы жарамайды деп бізге тапсырыс беругеқорқады. Осы себепті бізді жұмысқа қабылдамайды немесе жеке кәсібімізді ашуға несие бермейді. Бірақ олар біздің жігерімізді, жаңа білім мен дағдыларды алып ілгері жүргенімізді көргенде, бізге сенеді, бұдан асқан біз үшін мотивация жоқ шығар», - дейді Күләш Мәлікқызы.</blockquote>Жоба аясында ұйымдастырылған психологиялық тренингте өзін - өзі дамыту жане басқаруға арналған мотивациялық жаттығулар жүргізілуде.&nbsp;Тренинг барысында жобаға қатысушылар жобаға дейін және одан кейінгі нәтижелерін талдауда. NARXOZ университетінің профессоры, әлеуметтанушы, халықаралық тренер, PhD доктор Абенова Кулзада Әбдрахманқызы тренер ретінде шақырылды. Жоба бойынша шаралар қараша айына дейін жалғасатын болады.

Қазақстан және Қызылорда облысының жаңалықтары