<a href="https://kyzylorda-news.kz/">Kyzylorda-news.kz.</a> Қазақстанда Астана-Түркістан бағыты бойынша «Ұлы дала жорығы» марафон-бәйгесінің екінші маусымы өтеді.Жоба 6 қыркүйекте сағат 14.00-де Қаражар (Ильинка) ауылында бастау алады. Осы шара қарсаңында - 5 қыркүйекте елордадағы «Қазанат» ипподромында 18.00-де республикалық ұлттық спорт түрлерінің фестивалі аясында Жорықтың салтанатты тұсаукесері өтеді.Ұзындығы 1300 шақырым болатын маршрут Ақмола, Қарағанды, Ұлытау, Қызылорда және Түркістан облыстарын басып өтіп, 19 қыркүйекте Түркістан қаласында өз мәресіне жетеді. Марафон 14 бөлікке (бірінші және соңғы күні 50 шақырымнан, қалған күндері 100 шақырымнан) бөлінген.Жобаның жүлде қоры демеушілердің есебінен 65 млн теңгені құрайды. Жеңімпаз команда 30 млн теңге, екінші орын иегерлері - 20 млн теңге, қола жүлдегерлер - 15 млн теңге алады.Марафон жұмысына 2 халықаралық, 2 қазақстандық судья және 2 халықаралық, 3 қазақстандық ветеринар шақырылды.«Ұлы дала жорығы» жобасын республикалық «JORYQ» ат спорты федерациясы Қазақстан Республикасы Мәдениет және спорт министрлігінің, «Аманат» партиясының, ҚР Ұлттық спорт түрлері қауымдастығының қолдауымен жүзеге асырады.ҚР Мәдениет және спорт министрі Асхат Оралов министрліктің ұлттық құндылықтарды дамыту бойынша белсенді жұмыс жасап жатқанын атап өтті.<blockquote>«Ұлы дала жорығы» марафонының мақсаты қарапайым. Бұл бірегей ұлттық бренд құру, дәстүрлі ат спортын, атап айтқанда, қазақтың «қазанат» жылқы тұқымын танымал ету. Мұндай жарыстар БАӘ, АҚШ, Испания, Франция, Ұлыбритания, Германия, Канада және Австралия сияқты елдерде Халықаралық ат спорты федерациясының (FEI) қамқорлығымен үнемі өткізіліп тұрады. Сондықтан біздің жобамыздың халықаралық деңгейде ауқымды оқиғаға айналуға барлық мүмкіндігі бар. Ұлттық ат спорты- мәдениетіміз бен болмысымыздың маңызды бөлігі. Министрлік ұлттық құндылықтарды дамыту және ілгерілету бойынша белсенді жұмыс істеп жатыр. Олармен айналысатын адамдардың саны артып келеді. Елорда қонақтары мен тұрғындарын «Ұлы дала жорығы» ашылу салтанатына қатысуға және оған қатысушыларды қолдауға шақырамын», - дейді &nbsp;</blockquote>Айта кетейік, жобаның басты серіктесі - «Туризм және спорт индустриясын қолдау қоры». Ақпараттық серіктес - «Қазақстан» РТРК. Толығырақ ақпаратпен <a href="https://joryq.kz/">мына сайттан</a> танысуға болады. БАҚ-пен ынтымақтастық және өзара іс-қимыл мәселелері бойынша + 7 777-214-01-71 нөміріне хабарласуға болады.

Астана-Түркістан: «Ұлы дала жорығы» марафон-бәйгесі өтеді

<a href="https://kyzylorda-news.kz/">Kyzylorda-news.kz.</a> Байқоңыр қаласына сапарында Қармақшы ауданының әкімі Жандос Еркінбекұлы "Ауыл ел бесігі" бағдарламасы аясында Ақай елді мекенінде салынып жатқан дене шынықтыру-сауықтыру кешенінің құрылыс жұмыстарын көрді.Аудан әкімі жоба құны 601,470 млн.теңгені құрайтын нысанның мерзімді уақытынан кешігуіне және сапасына байланысты бірқатар ескертпелер берді. Өз кезегінде "Өмірзақ" ЖШС мердігер мекемесі басшылығы құрылыс жұмыстарының қысқа мерзімде аяқталатынын айтты.Аталмыш нысандағы жұмыс барысын бақылауға алып, құрылыстың аяқталу деңгейі туралы күнделікті баяндап тұруды орынбасары Самат Қыдырбекұлы мен Ақай ауылдық округі әкімі Эльмира Қазиеваға тапсырды.

Ақайдағы кешеннің құрылысы аяқталуға жақын

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменовтың төрағалығымен актив отырысы өтіп, онда бірқатар кадрлық өзгерістер таныстырылды.​Бұған дейін Қызылорда қаласы әкімінің орынбасары қызметін атқарған Жанмұрат Сейілов 2023 жылдың 21 тамызында облыс әкімінің өкімімен Қызылорда облысының әкімі аппараты басшысының орынбасары лауазымына тағайындалғаны белгілі. Қала әкімі жауапты қызметте өзін білікті басшы ретінде көрсете білген Жанмұрат Жақсымұратұлына қажырлы еңбегі үшін алғысын білдірді.<blockquote>«Жанмұрат &nbsp;Жақсымұратұлы қызмет жолында өзінің іскерлігі мен біліктілігінің арқасында жемісті еңбек етіп, қаламыздың әлеуметтік және экономикалық әлеуетінің артуына ерекше үлес қосты. Саяси технологияларды және идеология саласын жетік меңгергендігін көрсете білді. Сондықтан, әріптесімді облыс орталығындағы қоғамдық-саяси ахуалдың жағдайына күнделікті тұрақты бақылау орнатып, өзара жылдам ақпарат алмасу және дер кезінде нақты шешім қабылдай білетін, әлеуеті зор кәсіби кадр ретінде бағалаймын. Жергілікті атқарушы органдарда жемісті еңбек еткені үшін алғысымды білдіремін және жауапты қызметіне табыс тілеймін», - деді шаһар басшысы.</blockquote>​Қызылорда қаласының дамуына қосқан зор үлесі үшін Жанмұрат Жақсымұратұлына Қызылорда қаласының ең жоғарғы марапаты «Құрмет» грамотасы табысталды.​Бұған дейін қала әкімінің орынбасары қызметін атқарған Дінмұхамед Ермеков 2023 жылдың 28 шілдесінде облыс әкімінің өкімімен Қызылорда облысының Дін істері басқармасының басшысы лауазымына тағайындалған болатын. Қала әкімі Дінмұхамед Жандарбекұлының біліктілігі мен ұтымды ұйымдастырушылығының арқасында әріптестерінің арасында зор беделге ие болғандығын айтып, алғысын білдірді.<blockquote>​«Дінмұхамед Жандарбекұлы қызметтегі іскерлігімен қаламыздың өсіп-өркендеуіне өзіндік үлесін қосты. Салық түсімдері мен бюджетке төленетін басқа да міндетті төлемдер көлемінің артуы бағытында нәтижелі жұмыстарды жүзеге асырды. Қысқа мерзім ішінде кәсіпкерлік саласының ілгерілуіне, жұмыссыздық деңгейін төмендетуге күш салды», - деді Асылбек Өмірбекұлы.&nbsp;</blockquote>Дінмұхамед Жандарбекұлы Қызылорда қаласының ең жоғарғы марапаты «Құрмет» грамотасымен марапатталды.​2023 жылдың 23 тамызынан бастап конкурс қорытындысы негізінде, қала әкімінің өкімімен Тұрсынбаев Дархан Есалыұлы қала әкімінің орынбасары лауазымына тағайындалды. Дархан Есалыұлы қала әкімінің орынбасары ретінде &nbsp;экономика және қаржы, мәдениет, спорт және әлеуметтік салаға жетекшілік ететін болады. Шаһар басшысы Дархан Есалыұлына сәттілік тілеп, жауапкершілік жүгі зор салада аянбай қызмет атқарады деп сенім білдірді.​2023 жылдың 16 тамызынан бастап ҚР Ішкі істер министрінің бұйрығымен, Полиция полковнигі Айдар Қасанов Қызылорда қаласы Полиция басқармасының бастығы лауазымына тағайындалды. Қала әкімі Айдар Демегенұлына қаланың қоғамдық тәртібін сақтауда нәтижелі қызмет атқаратынына сенім білдіріп, сәттілік тіледі.Сондай-ақ, 2023 жылдың 2 тамызынан бастап конкурс қорытындысы негізінде, қала әкімінің өкімімен Азамат Мүкеев Қызылорда қаласының қоғамдық даму бөлімінің басшысы лауазымына тағайындалды. Шаһар басшысы Азамат Ырысдәулетұлына сәттілік тілей отырып, қоғамдық-саяси ахуалдың тұрақтылығына күнделікті бақылау жасауды тапсырды.

Ауыс-түйіс: Қызылорда қаласы әкімдігінен кімдер кетіп, кімдер келді?

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев Шаған ауылында өткізілген «Туған жерім – тірегім, мақтанышым» тақырыбындағы ауыл көркемөнерпаздарының концерттік бағдарламасын тамашалады.&nbsp;Іс-шараға ауылдың еңбек ардагерлері мен тұрғындары қатысты. Концерттік бағдарлама барысында өнерлерімен елге танылған шағандық дарынды тұлғалар туралы мәлімет берілді. Атап айтқанда, Қазақстанның еңбек сіңірген қайраткері Рамазан Тайманов, ақын, сазгер Оңғарбай Сағындықов, ақын Әбу Досболов, ақын ұстаз Шегебай Бәшенов, сазгер Өмірбек Сарыбаев, композитор Сәкен Шынымов және басқа да өнерлі адамдар қасиетті елді мекенде туған. Осындай дарын иелерінің ізін жалғастырушылар бүгінде өнер өлкесінде дарынымен танылуда.Ауыл көркемөнерпаздары әннен шашу шашып, күмбірлете күй төгіп, тұрғындардың қошеметіне бөленді.<img src="https://knadmin.beoblood.kz/uploads/370272380_1407904846439070_227476452383026458_n_6c8cfedc5e.jpg" alt="370272380_1407904846439070_227476452383026458_n.jpg">

Шағандық өнерпаздар концерттік бағдарлама ұсынды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы Байқоңыр қаласындағы 50 пәтерлік 5 тұрғын үйдің құрылыс қарқынымен танысты.Құрылыс жұмыстарын жүргізуші "НұрТехСервис" ЖШС-і мен "ҚазҚұрылысСервис" ЖШС мердігер мекемелері басшыларына 30 қарашаға дейін құрылыс жұмыстарын толық аяқтап, өткізу туралы тапсырма берді.<blockquote>«Халық бұл нысандардың аяқталу уақытын асыға күтіп отыр. Сол себепті ел игілігіне бағытталған құрылыс нысаны мен тапсырған мерзімнен кешіктірілген жағдайда міндеттелген жұмысқа салғырттық танытқан мердігер мекемелерге заң аясында қатаң шаралар көрілетін болады» деді аудан әкімі.</blockquote>Аталмыш мердігер мекемелердің жұмыс барысын қатаң бақылауды сала бойынша орынбасары Смағұлов Самат Қыдырбекұлына тапсырды.

Байқоңыр қаласындағы құрылыс жұмыстары қарқынды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев аудандық ардагерлер кеңесінің төрағасы Мұса Келдібаев және аудандық Қоғамдық кеңес төрағасы Марат Еспенбетовпен бірге аудан орталығында жүргізіліп жатқан жол жөндеу жұмыстарымен танысты.&nbsp;Атап айтқанда, Тереңөзек кентіндегі А.Тоқмағамбетов көшесіне барып, орташа жөндеу жұмыстарын көрді.Тереңөзек кентінің шеткі аймағындағы көшеге асфальт төсеу жұмыстарымен "Каратон-1" ЖСШ айналысуда. Орташа жөндеу жұмыстары қыркүйек айының аяғында аяқталады деп жоспарланған.Аудан басшысы мердігер компания өкілдеріне жөндеу жұмыстарын сапалы және мерзімінде аяқтауды ескертті. Тиісті бөлім басшысына тұрақты бақылауда ұстауды тапсырды.

Тереңөзек кентінің шеткі аймағындағы көшеге асфальт төсеу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Қазалы ауданы әкімдігінің мәжіліс залында аудандық мәслихаттың кезекті V сессиясы өтті. Жиынды аудандық мәслихат төрағасы Ғазиз Әліш ашып, жүргізіп отырды.Сессияға аудан әкімі Мұхтар Оразбаев, аудан әкімінің орынбасарлары, Қызылорда облысының құрметті азаматы Самұрат Имандосов, аудан прокуроры Дарын Әбіш, облыстық мәслихат депутаты Нұрлан Имандосов, аудандық ардагерлер кеңесінің төрағасы Оразғали Бекбанов, аудандық қоғамдық кеңес төрағасы Талайлы Бөріқұлақов, құқық қорғау органдарының басшылары, теміржол мекемелерінің басшылары, қоғамдық ұйымдардың жетекшілері, облыстық бағыныстағы мекеме басшылары, дербес бөлім басшылары мен қала, кент, ауылдық округ әкімдері қатысты.Сессия отырысының күн тәртібіне енген мәселелердің негізгісі аудан әкімінің өзіне жүктелген функциялар мен міндеттерін орындауы жөніндегі есебі болды.Сондай-ақ, басқосуда Қазалы аудандық мәслихатының 2022 жылғы 21 желтоқсандағы №326 «2023-2025 жылдарға арналған аудандық бюджет туралы» шешіміне өзгерістер енгізу, Қазалы ауданын басқару схемасын бекіту, Қазалы аудандық мәслихатының 2023 жылғы 28 сәуірдегі №21 «Аудандық жер комиссиясының құрамы және комиссия туралы ережені бекіту туралы» шешіміне өзгеріс енгізу және Қазалы аудандық сайлау комиссиясының мүшесін сайлау туралы мәселелер талқыланды.Күн тәртібіндегі алғашқы мәселе бойынша баяндама жасаған аудан әкімі Мұхтар Оразбаев жыл басынан бергі экономикасының әр саласында жүзеге асырылған жұмыстар мен алдағы негізгі жоспарларға тоқталды.Ашып айтсақ, жыл басынан 11,5 млрд. теңге болып бекітілген аудан бюджеті 13,1 млрд. теңгеге жеткен. Ал оның ішіндегі өз кірістері 2,3 млрд. теңгені құраған.Ал ауыл шаруашылығына келетін болсақ, өнімінің жалпы көлемі 5,7 млрд. теңгені құрап, өткен жылдың тиісті кезеңімен салыстырғанда 2 пайызға артық орындалды. Сонымен қатар, аудан бойынша биыл барлығы 17 377 га жерге ауыл шаруашылығы дақылдары орналастырылған-ды.Бұдан бөлек, қазіргі таңда Абай ауылын газдандыру жұмыстарын бастауға тиісті қаражат бөлініп, құрылыс-монтаж жұмыстары жүріп жатыр.Соңғы жылдары ауданда ауыл арасындағы жолдар мен елді мекенішілік көшелердің жағдайы жақсарып келеді. Жалпы, ауданның коммуналдық меншігінде 406,2 шақырым аудандық маңыздағы автомобиль жолдары бар.Биыл Әйтеке би кентінің 14 көшесіне асфальт төселіп, 24 көшесіне қиыршық тас төселетін болады. Сол секілді Қазалы қаласындағы 15 көше толық асфальтталатын болады. Ол үшін қызу жұмыстар басталып та кетті.Аудандық мәслихат сессиясында алғашқы жарты жылдықтағы ауданның әлеуметтік-экономикалық дамуының қорытындылары туралы есеп берген аудан басшысы алда тұрған міндеттер мен жоспарлар жөнінде жан-жақты баяндады.Сессия отырысында аудандық мәслихат депутаттары тарапынан ұсыныстар айтылды. Сондай-ақ, көтерілген өзге де мәселелер жайында хабарламашылар тыңдалып, аудандық мәслихат депуттары тарапынан оң шешім тапты.Басқосу соңында аудан әкімі Мұхтар Оразбаев ел ішіндегі оң шешім тауып келе жатқан жұмыстар аудандық мәслихат депутаттарымен бірлесе атқарғандықтың нәтижесі екеніне тоқталып, бірлескен жерде береке болатынын тілге тиек етті.

Қазалы қаласындағы 15 көше толық асфальттанады

<a href="https://polomkiauto.ru/sovety_nachinajushhim_dlja_pravilnogo_vozhdenija_mashiny.html">ФОТО</a><a href="https://kyzylorda-news.kz/">Kyzylorda-news.kz.</a> Темір тұлпарды тізгіндеу үшін арнайы куәліктің керегі белгілі. Жеке тұлғалардың жүргізуші куәліктерді алуға теориялық емтиханды тапсыру бойынша ҚР Ішкі істер министрінің №862 бұйрығына бірқатар өзгеріс енгізілді. Бұл толықтырулар ағымдағы жылдың 8 тамызынан бастап күшіне енді. Осы жайында Өңірлік коммуникациялар қызметінің баспасөз алаңында Қызылорда облысының полиция департаменті, Әкімшілік полиция басқармасының аға инспекторы, полиция майоры Нұржан Өтепбергенов мәлімдеді.<blockquote>«Талапкер бірінші реттен теориялық немесе практикалық емтиханды тапсыра алмаса, келесі күні тапсыру мүмкіндігі бар. Екінші реттен де тапсыра алмаған жағдайда, бір ай мерзім өткен соң тапсырады. Егер практикалық емтиханды үшінші ретте де сәтсіз тапсырған жағдайда тапсырылған теориялық емтиханның нәтижелері жойылады. Осылайша, теориялық емтиханды тапсыру мүмкіндігі тек екі ай уақыт өткен соң тапсыру мүмкіндігі туады. Ал, теориялық емтихан барысында қандайда бір талапты бұзса, емтихан тоқтатылып, қайта тапсыру мүмкіндігі үш ай мерзімнен кейін беріледі», - деді Нұржан Темірханұлы.</blockquote>Сонымен қатар, жаңа талаптар бойынша азаматтар практикалық емтиханды автомектептің арнайы автокөлігімен тапсырады. Бұрын автомектептің тек мамандандырылған ХҚКО-ның арнайы жабдықталған автокөлігімен ғана тапсыра алатын.

Практикалық емтиханды автомектептің арнайы автокөлігімен тапсырады

<a href="https://kyzylorda-news.kz/">Kyzylorda-news.kz.</a> Осы жылдың 1 шілдеге дейін аймақ азаматтарының берген өтініші бойынша шетелдік автокөліктерді тіркеу жұмыстары жүргізілді. Нәтижесінде 15896 көлік құралдары заңдастырылып, тіркелді. Құжаттары толық болмаған 1331 азаматтың өтініші кері қайтарылды. Толығырақ Өңірлік коммуникациялар қызметінің баспасөз алаңында Қызылорда облысының полиция департаменті, Әкімшілік полиция басқармасының аға инспекторы, полиция майоры Нұржан Өтепбергенов тарқатты.<blockquote>«ҚР Үкіметінің 4 маусымдағы №356 қаулысына сәйкес, «Конструктор» ретінде шетелден жеткізілген көліктерді қайта сату құқығын шектеу арқылы 733 автокөлік және шет мемлекетте есепте немесе шектеуде тұрған 1703 автокөліктер 5 жылға тіркелді. Жалпы, 5 жылға уақытша тіркелудің құны – 15 мың теңге. Мұндай мүмкіндік бұрын болмаған. Тек қана 215 мың теңге арқылы толық тіркеу жүргізілетін еді», - деді Нұржан Темірханұлы.</blockquote>Ескере кететін жайт, егер тіркелмеген немесе заңдастырылмаған шетелдік көліктер жол ережесін бұзған жағдайда ҚР Әкімшілік құқық бұзушылық кодексінің 590-бабының 2-бөлігімен әкімшілік жаза қарастырылады.

Қызылордада 15 896 шетелдік көлік тіркелді

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде фронталды бөліктердің өтуімен күн райының құбылмалы сипаты сақталып, жаңбыр, найзағай, дауыл, екпінді жел, бұршақ күтіледі, деп хабарлайды Қазгидромет.Елдің солтүстігі мен солтүстік-батысында қатты жаңбыр жаууы ықтимал. Тек оңтүстік аумақтарда жауын-шашынсыз күн райы болжанады. Республиканың солтүстігі мен солтүстік-батысында түнгі және таңертеңгі сағаттарда тұманды болады. ҚазАқпарат бұл туралы Қазгидрометке сілтеме жасап хабарлайды.Күндіз Жетісу, Ұлытау, Алматы, Маңғыстау, Қарағанды облыстарында, Ақтөбе облысының оңтүстігінде 35-38 градусқа дейін қатты ыстық күтіледі.Маңғыстау, Жамбыл, Қызылорда, Ақтөбе, Атырау облыстарының батысында, шығысында, оңтүстігінде, Қостанай облысының оңтүстігінде, Жетісу облысының батысында, орталығында, Түркістан облысының солтүстігінде, батысында, оңтүстігінде, шөлді аудандарында өрт тұтану қаупі аса жоғары.Батыс Қазақстан облысының солтүстігінде, орталығында от шығу қаупі жоғары, ал өңірдің батысында, шығысында, оңтүстігінде өрт тұтану қаупі аса жоғары.Алматы облысының солтүстік жартысында от шығу қатері аса жоғары, сондай-ақ өңірдің оңтүстік жартысында жоғары өрт қаупі сақталады.Ұлытау, Абай, Шығыс Қазақстан, Солтүстік Қазақстан, Ақмола және Қарағанды облыстарында жоғары өрт қаупі сақталады.

23 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 7 айда Қазақстанда 61 миллион 700 мың тонна көмір өндірілді. Бұл туралы Индустрия және инфрақұрылымдық даму вице-министрі Ілияс Оспанов айтты.<blockquote>«Жылу беру кезеңінің жоспарына сәйкес, шамамен 9 млн 100 мың тонна көмір қажет (оның ішінде коммуналдық салада - 2,4 млн тонна, халыққа – 6,7 млн тонна көмір). Биылғы 7 ай ішінде 61 млн 700 мың тонна көмір өндірілді, оның ішінде коммуналдық-тұрмыстық қажеттіліктер мен халыққа 3 млн 900 мыңға жуық тонна жөнелтілді» деді І. Оспанов Үкімет отырысында.</blockquote>Оның айтуынша, әлеуметтік көмірдің шетке кетуін болдырмау мақсатында министрлік көмірді автомобиль көлігімен тасымалдауды шектеуге бағытталған алдын алу шараларын қабылдады. Бұдан бөлек, көмір өндіруге келісімшарттары бар көмір өндіруші кәсіпорындар мен олардың үлестес сауда компанияларына тасымалдау құқығын бере отырып, көмір экспортына айрықша құқықты белгілеу мәселесі пысықталып жатыр.<blockquote>«Жергілікті атқарушы органдар бақылаушы органдармен бірлесіп, жылу беру маусымына дайындықты күшейтуге мүмкіндік беретін бірқатар іс-шараларды пысықтауы қажет» деді вице-министр.</blockquote>

Биыл елде қанша көмір өндірілді?

<a href="https://kyzylorda-news.kz/">Kyzylorda-news.kz.</a> Алдағы жылдан бастап Әлеуметтік медициналық сақтандыру қоры 10 мыңнан аз тіркелген халқы бар алғашқы медициналық-санитариялық көмек көрсететін ұйымдармен шартқа отырмайды деп жоспарлануда.&nbsp;Бұл медициналық мекемелер арасында қаржыны тиімді бөлуді қамтамасыз етіп, пациенттердің қолжетімді, сапалы және уақтылы медициналық көмекке құқықтарын қорғауға мүмкіндік береді. Өзгертілген бұйрық жобасы қоғамдық талқылауға шығарылды. &nbsp; Олар құп көрсе, Қормен жұмыс жасайтын медициналық ұйымдарды да айналып өтпейді.&nbsp;Бұл туралы Әлеуметтік медициналық сақтандыру қорының Басқарма Төрағасы Сәбит Ахметов Түркістан облысының медициналық қоғамдастығымен кездесу барысында хабарлады.Әлеуметтік медициналық сақтандыру қорымен жұмыс істейтін медициналық ұйымдардың саны жыл сайын көбейіп келеді. Биыл 1900-дан астам мекеме Қормен шарт жасасты, ал шамамен оның 700-і алғашқы медициналық-санитариялық көмек көрсетеді. Бұл ретте емханалардың көбі Алматы мен Түркістан облыстарына тиесілі. Соңғысында 59 медициналық ұйым қызмет ұсынады.&nbsp;Әрқайсысы кешенді норматив арқылы қаржыландырылады, яғни әр тіркелген пациентке ай сайын Қор төлейді. Осылайша, емханада халық саны неғұрлым көп болса, соғұрлым көп қаражат алады. Ал 10 мыңнан аз, кейде 2 мың адам тіркелген медициналық ұйымдарға қаржылық тұрғыдан қиынға соғады.&nbsp;Оларға шамалы бюджетпен қыруар шығынды еңсеруге тура келеді. Атап айтар болсақ, ғимаратты күтіп ұстау, жалақы төлеу, бейінді мамандарды тарту, коммуналдық шығындарды төлеу және жабдықтар, дәрі-дәрмектер мен медициналық бұйымдарды сатып алу керек. Сондықтан көптеген медициналық ұйымдар 90%-ға жуық медициналық қызметті бірлесіп орындауға беруді жөн көріп, бір жалпы тәжірибелік дәрігер мен медбикенің күшімен жұмыс істейді. Бейінді маманнан кеңес алу немесе тексерілу үшін әр түрлі медициналық мекемеге жолдамамен баратын пациенттерге ауырға соғады. Бұл медициналық көмектің қолжетімділігі туралы айтылған қағиданы бұзады. «Адамдар денсаулығын сіздерге сеніп тапсырады. Сол себепті халыққа медициналық қызметтердің қолжетімділігін қамтамасыз ету сіздердің міндетіңіз болса, біз сеніп тапсырылған ақшаны көрсетілген қызметтер үшін тиімді бөлуіміз керек. Әркім өз ісімен айналысып, оны сапалы орындауға тырысуы шарт. Біз сатып алу ережелері қайта қарап, өзгерістер қабылданса, келесі жылдан бастап 10 мыңнан аз адам тіркелген емханалармен шарт жасалмайды. Ал бұрыннан Қормен шарт жасасқан мекемелердің пациенттерді тіркеп, халық санын арттыруға уақыты бар. &nbsp;Ал емхана қажет халық санын жинай алмаса, олармен шарт жасалмайды, - деді Сәбит Ахметов. &nbsp;Қор басшысының ойынша, бұл жерде денсаулық сақтау басқармасы үлкен рөл атқарады. Себебі олар өңірдегі жағдайдан құлағдар, яғни халықты емханаларға біркелкі бөліп, медициналық жабдықтарды сатып алуға көмектеседі және медициналық көмек көрсетуге жеке инвесторларды, оның ішінде мемлекеттік-жекеменшік әріптестік шеңберінде тартып, медициналық көмектің қолжетімділігіне жауап береді. Ал Түркістан облысында 2 млн астам адам тұратынын әрі тұрақты өсу үрдісі бар екенін ескеретін болсақ, жеке инвесторлар үшін бұл өте тартымды болмақ.&nbsp;«Біз медициналық ұйымдарды мемлекеттік немесе жекеменшік деп бөліп- жармаймыз. Қор білікті мамандар жұмыс істейтін, материалдық-техникалық жағынан жарақтандырылған емханалармен шарт жасасады», - деп атап өтті Сәбит Ахметов.&nbsp;Басқарма төрағасы 3-5 айдың ішінде адам санын ондаған мың адамға арттырып, сәйкесінше мекеменің дамуына қыруар қаржы алған Қарағанды және Астана емханаларын мысалға келтірді. Онда бейінді сала мамандары жұмыс істейді әрі толық жабдықталған &nbsp;(ультрадыбыстық аппараттар, КТ, МРТ).&nbsp; Алайда, жекеменшік клиникалардың құрылтайшылары желдеткіштерді тиісті көлемде алмай, күрделі жөндеу кезінде үнемдеп, жабдықтарды жаңартпай жатады. &nbsp;Қор басшысы Түркістан облысының медициналық ұйымдарын аралау кезінде сондай нысанды көрсетіп, Қормен ары қарай жұмыс істеу үшін сапаға назар аударып, стандартқа сәйкестендіруді тапсырды. Кері жағдайда, медициналық ұйымдармен шарт бұзылады. Түркістан облысының денсаулық сақтау басқармасының басшысы Асхан Байдуәлиев аймақ халқының 75%-дан астамы ауыл &nbsp;азаматтары екенін тілге тиек етті. Оларға медициналық қызметтердің қолжетімділігін арттыу үшін медициналық ұйымдарды ірілендіру мәселесі шешілуде. Сонымен қатар, көптеген елді мекендер Сайрам орталық аудандық ауруханасында барлық консультативтік-диагностикалық көмекті алып отыр. Медициналық ұйымды ауданаралық деңгейге дайындауда әрі барлық қажетті жабдықтармен жабдықталып жатыр.&nbsp;Кездесу барысында ол бірқатар проблеманы айтып, оңалту және жедел жәрдем тарифтерін қайта қарауды, аз инвазивті операциядан кейін асқынуларды болдырмау үшін дәрігерлердің бақылауында біраз уақыт қалуы үшін аудандардағы пациенттер үшін бір күндік хирургия тарифін әзірлеуді сұрады.Жедел жәрдем бойынша тарифтердің төмендігі айтылып қана қоймай, нақты шешімдер айтылды. Жедел жәрдем станциясына қайтар жолға шығындарды үнемдеу мақсатында желілік бригадалар енді постқа оралмайды. Қызмет &nbsp;көрсеткеннен кейін, олар соңғы мекенжайда қалып, келесі қоңырауды күтеді. Бұдан бөлек, жедел медициналық көмек бригадаларын облыстың барлық аудандарына беру және бөлу жоспарлануда. Бұл ретте орталық станцияға бас консультативтік орталықтың функциялары берілетін болады.Асхан Байдуәлиев қаржыландыру мәселесін де тілге тиек етті. Түркістан ауруханалары аймақ тұрғындарына ғана емес, Шымкент қаласының азаматтарына да медициналық көмек көрсетеді.&nbsp;«Қаржы тапшылығына байланысты пациенттерді кезекке қоюымызға тура келеді. Бұл көпшілік арасында түсінбеушілік тудырады. Қосымша қаржыландыруды және Қордың Шымкент филиалымен шарттарды қоса атқаруға рұқсат беруді сұраймыз», - деді Қор басшысымен әңгіме барысында Асхан Байдуәлиев. Басқарма төрағасы бұл сұрақты назарға алатынын айтты.&nbsp;Тағы бір мәселе – Түркістан облысының 24 мемлекеттік медициналық ұйымындағы 4,9 млрд теңге көлемінде жинақталған кредиторлық берешегі. Денсаулық сақтау басқармасы басшысының айтуынша, бұл берешек жұмыс сапасына әсер етеді. Мәслихаттың ұйғарымымен жергілікті бюджеттен медициналық ұйымдарға көмек ретінде 252 млн теңге бөлінді. Сәбит Ахметов Қор тарапынан 8,3 млрд теңге бөлінгенін айтты. Сонымен қатар, ол ӘМСҚ міндетіне жекелеген медициналық ұйымдардың кредиторлық берешегі бойынша мәселелерді қадағалау және шешу кірмейтінін атап өтті. Тапсырыс беруші ретінде негізгі міндеті – емделген жағдайлар үшін төлем жасайды. Медициналық ұйымдар орындаушы болып табылады және жасасқан шарт аясында өз міндеттемелерін орындауы тиіс. Осы ретте Қор басшысы кредиторлық берешек бойынша мәселелер Денсаулық сақтау министрлігімен және жергілікті атқарушы органдармен шешілетінін айтты.

Қазақстан және Қызылорда облысының жаңалықтары