<a href="https://kyzylorda-news.kz/">Kyzylorda-news.kz</a> Алматы облысында тұрғын үйлердің бірінде газ баллоны жарылып, үш қабатты үй өртеніп кетті. Салдарынан үй иесі мен қызының денесін күйік шалған. Тағы төрт адам газбен уланып, ауруханға жеткізілді. Бұл туралы Stan.kz ақпарат агенттігі КТК арнасына сілтеме жасап хабарлайды.Тілсіз жаудың кесірінен 50 адам баспанасыз қалды. Тұрғындар “егер үйге орталық жылу жүйесі дер кезінде жүргізілгенде, бұл қайғылы жағдайдың алдын алуға болар еді” деп отыр.Төтенше жағдай Қарабұлақ ауылында болған. Камила Разақованың екі бөлмелі пәтері толықтай өртеніп кетті. Ол аман қалған заттарын жинап, құжаттарын іздеп, өтемақы алудың жағдайын жасап жүр.<blockquote>“Сол күні асүйде болып, үй жинап жатқанмын. Бір қатты жарылыс болды. Шкафымыз құлап түсті. Алдымен сол жаққа жүгірдім. Жер сілкініп жатыр деп ойладым. Еденге жата кеттім, сосын тұрып, осында шықтым. Бәрі құлай бастады: шкафтар, комод. Ол жақта есік қыстырылып қалды. Біздің кіреберіс есігіміз ашылмай қалды. Тұтқасынан ұстап аша алмадым. Артқы шығаберіс бар еді. Сол арқылы жүгіріп шықтым. Ал ана жақтың бәрі жанып жатты”, – дейді сол бір қорқынышты сәтті еске алған Камила Разықова.</blockquote>Өрт кешкі уақытта бірінші қабаттағы көршілердің пәтерінен шыққан. Құтқарушылар жеткен кезде жеті пәтер толықтай өртеніп жатты. Кей тұрғындарды шатыр арқылы эвакуациялауға тура келді.Кеше ғана бұл жерде пәтерге жапсарлас салынған қосымша құрылыс болған. Дәл сол жерде жарылыс болған. Жарылыстың соққы толқыны терезелер мен есіктерді жұлып түсіріп, қабырғалар әп-сәтте опырылып құлаған. От бірден бөлмелерге тарап кеткен. Ішіндегі жиһаз түгелдей жанып кетті.Пәтер иесі мен оның 16 жастағы қызы ауыр күйікпен ауруханаға жеткізілді. Жоғарғы қабаттағы көршілер де зардап шекті: төрт адам көміртек тотығын жұтып уланып қалған. Олардың арасында жүкті әйел де бар.<blockquote>“Науқас – 1979 жылғы ер адам. Диагнозы – баротравма, термоингаляциялық жарақат, мойын, бет, екі қол және дене терісінің II–III дәрежелі термиялық күйік шалуы. Жалпы күйік аумағы – 35%. Екінші науқас – 2009 жылы туған қыз. Оның да диагнозы: термоингаляциялық жарақат, баротравма, бет, мойын, екі қол, екі аяқ және дене терісінің II–III дәрежелі термиялық күйігі. Жалпы күйік аумағы – 78%. Қыздың жағдайы өте ауыр”, – деді Талғар орталық аудандық ауруханасының травматология бөлімінің меңгерушісі Талғат Малаев.</blockquote>Өрттің нақты себебі әзірге аталған жоқ. Алайда жергілікті тұрғындар бәрі газ баллонының жарылуынан болды деп отыр. Мұндай баллондар әр пәтерде бар. Тұрғындар бірнеше жылдан бері үйлерін газ баллондарымен жылытуға мәжбүр. Айтуларынша, егер үйде орталық жылу жүйесі болғанда, бұл апаттың алдын алуға болар еді.Әкімдік бұл мәселеге қатысты түсініктеме бермеді, тергеудің аяқталуын күтіп отыр. Бірақ келесі жылы бәрін қайта қалпына келтіруге және тиісті өтемақыларды төлеуге уәде берді.<blockquote>“Бұл мәселені шешу үшін қазір жергілікті атқарушы орган тарапынан аталған тұрғын үйді қалпына келтіру жұмыстарына мердігер ұйымдар тартылып жатыр. Тұрғындарға материалдық шығын бойынша мемлекеттік қолдау болатыны айтылды. Қазір тұрғындар пәтердің өздеріне тиесілі екенін растайтын құжаттарды тапсырып жатыр. Осыдан кейін комиссия олардың өтініштерін қарастырады”, – деді Талғар ауданы әкімінің орынбасары Ануар Аскербеков.</blockquote>Тергеу уақытында үй мөрленді. Электр жарығы мен су толық ажыратылды. Тұрғындар аман қалған заттарын алып, пәтерлерін босатып жатыр. Бірі туған-туыстарына барса, енді бірі жалдамалы баспана іздеп жүр.Фото: Видеодан скрин

Алматы облысындағы өрт: 50 адам баспанасыз қалды

<a href="https://kyzylorda-news.kz/">Kyzylorda-news.kz</a> 17 қараша әлемнің көптеген елінде аталып өтетін Халықаралық студенттер күні. Университет қабырғасындағы ең жарқын шақ, жаңа идеялар мен үлкен арманға толы кезең ретінде бұл күн әр жастың жүрегіне жақын. Осы атаулы күні Өңірлік коммуникациялар қызметінің ақпарат алаңында Қорқыт ата атындағы Қызылорда университетінің “Әлеуметтік және тәрбие жұмыстары” басқармасының басшысы Жанар Сағынбаева мен өңірдегі бірқатар жоғары оқу орындарының белсенді студенттері қатысып, университеттердің студенттік өмірдегі рөлі мен өз жетістіктері жайында әңгімеледі.<blockquote>- Студенттік кезең – адамның өміріндегі ең ерекше кезең. Президентіміз өз Жолдауларында жастарды қолдауды ұлттық басымдық ретінде атап көрсетіп, нақты бастамаларды жүзеге асырып келеді. Қорқыт ата атындағы Қызылорда университеті тарапынан да студенттерімізге қолдау жасалып, мүмкіндіктер берілуде. Біздің университетте қазіргі таңда 11 527 білім алушы бар, олардың арасында шет елдерден келген студенттер мен қандас бауырларымыз да бар. Университет студенттері тәжірибе алмасу мақсатында ішкі және сыртқы академиялық ұтқырлық бағдарламасымен басқа қалалардағы университеттер мен шетелге оқуға барады. Қазіргі таңда 2025-2026 оқу жылының І академиялық кезеңінде университет тарапынан еліміздің басқа өңірлердегі университетіне 17 студент өз өтініштері негізінде жіберілді. Сонымен қатар Польша, Әзірбайжан, Түркия, Қырғызстан, Бельгия, Корея, Өзбекстан елдеріне барлығы 42 студентіміз тәжірибе алмасып жатыр,- деді Жанар Ералханқызы.&nbsp;</blockquote>Сондай-ақ, студенттер университет ұжымының білім алушыларға арнап жасап жатқан мүмкіндіктері туралы сөз қозғады.<blockquote>- Қорқыт ата университеті жастарды дамытуға үлкен мүмкіндік беретін және академиялық сапасы жағынан ең жоғарғы оқу орындарының бірі. Мұнда біз өз саламыз бойына түрлі іс-шаралар мен ғылыми конкурстарға қатысып жетістіктерге жетіп отырмыз. Университет жанынан тіл білімі мамандарының кәсіби құзіреттілігін дамыту мақсатында “Тілтаным”, “Қоңыратбаев” сынды белсенді үйірмелер жұмыс істейді. Одан бөлек, бізде 21-ге жуық жастар ұйымы бар, университет студенттері осы ұйымдардың бәріне белсенді қатысады,- деді Қорқыт ата атындағы Қызылорда университетінің Қазақ тілі мен әдебиеті педагогтерін даярлау білім беру бағдарламасының 4 курс студенті Қарақат Ыдырыс. &nbsp;</blockquote>Айта кетейік, университетте шетелдік университеттермен де тығыз байланыс орнатуға мүмкіндік бар.<blockquote>- Университетімізде 24 білім беру бағдарламасы жұмыс істейді. Биыл ең маңызды жаңалықтың бірі - жасанды интеллект бағытының ашылуы. Бұл - заман талабына сай, болашақ мамандарды даярлауда үлкен мүмкіншілік. Университет біздің кәсіби дамып, толыққанды тұлға ретінде қалыптасуымызға айтарлықтай үлес қосып келеді. Мен Ашық университетінің жастар ісі жөніндегі комитетінің төрағасы қызметін атқарып, түрлі жобаларға белсенді араластым. Сыртқы академиялық ұтқырлық бағдарламасы аясында Беларусь мемлекеттік университетінде білім алып, Біріккен Ұлттар Ұйымының ЮНЕСКО құрылымында ерікті болу мүмкіндігіне ие болдым. Сонымен қатар «Жыл студенті - 2025» атағын иелену - мен үшін үлкен мәртебе ,- деді Қызылорда Ашық университетінің 3 курс студенті Рысдәулет Оралбайұлы.</blockquote>Студенттер жастардың көбі ғылыми-зерттеу жұмыстарына қатысып, өз білімдерін шыңдап, белсенділіктерін көрсетіп келеді.<blockquote>- Республикалық студенттік ғылыми-зерттеу жұмыстары байқауының математика білім беру бағдарламасы бойынша 2 орын иегері және Қорқыт ата атындағы Қызылорда университеті «Зерде» студенттік-ғылыми кеңестің төрағасы атандым. Университет қабырғасында жүріп көптеген жетістіктерге жете алдым. «Жыл студенті - 2025» атағына жетуіме жүйелі дайындық, ғылыми ізденіс және университеттің қолдауы себеп болды,- деді Қорқыт ата атындағы Қызылорда университеті, “Білім Ыбырай” қоғамдық қорының 2 курс студенті Нұрасыл Қалмахан.</blockquote>

17 қараша - Халықаралық студенттер күні

<a href="https://kyzylorda-news.kz/">Kyzylorda-news.kz</a> «Мен емханаға бармаймын және МӘМС-ті пайдаланбаймын», «Учаскемді де, дәрігерімді де білмеймін, олар мені іздемейді де». Өкінішке орай кейбір азаматтардан осындай пікірлерді естіп жатамыз. Енді біреулер тегін медициналық көмекті алу қиын, оған көп уақыт пен күш кетеді деп есептейді. Осыған орай, емханаға не үшін бару керек және МӘМС жүйесінің мүмкіндіктерін қалай пайдалануға болатынын зерттеп көрдік.&nbsp;Емханада тіркелген азаматтарға алғашқы медициналық-санитарлық көмек (МСАК) көрсетіледі. Бұл – медициналық көмектің базалық деңгейі. МСАК тіркелген тұрғындарды есепке алады, профилактикалық тексерулер өткізіп, флюорографияға түсіреді. Ауруларды ерте сатысында анықтауға, созылмалы науқастардың жағдайын бақылауға, асқынулар мен шұғыл госпитализацияны болдырмауға, жалпы халық денсаулығын тұрақты бақылауда ұстауға көмектеседі.Сайып келгенде, &nbsp; МСАК – сіздің учаскелік дәрігеріңіз және сіз тіркелген емханаңыз. Кез келген алғашқы шағымдар пайда болған кезде профилактикалық мақсатта немесе бақылау үшін сол жерге жүгінесіз. Сондықтан өзіңіздің қай емханаға тіркелгеніңізді және дәрігеріңіздің кім екенін білу маңызды.Учаскелік дәрігерге бару үшін МӘМС жүйесінде сақтандырылу шарт па?Жоқ. Пациенттер учаскелік терапевтке немесе жалпы тәжірибе дәрігеріне «cақтандырылған» мәртебесінің бар-жоғына қарамастан бара алады. Бірақ кейін МӘМС пакеті аясында бейінді мамандардың кеңесі немесе медициналық қызметтер қажет болса, «cақтандырылған» мәртебесін алу керек.Бейінді мамандарға жазылу үшін неге учаскелік дәрігерге бару керек?&nbsp;Бейінді мамандарға жазылу терапевт арқылы жүргізіледі. Себебі ол бастапқы тексеру жүргізіп, алдын ала диагноз қояды және әрі қарайғы тексерудің қажеттілігін анықтайды. Пациентті қай маманға жолдау керектігін шешіп, қажетті талдаулар мен зерттеулерге жолдама береді. Мұндай тәсіл өздігінен емделудің алдын алып, негізсіз жүгінулерді азайтады және пациенттердің ағынын оңтайландырады. Осылайша, бейінді мамандар өз көмегіне шын мұқтаж жандарға көбірек уақыт бөле алады.Анализдер мен диагностикаға жолдаманы қалай алады?Кез келген кеңес беру және диагностикалық қызметті емдеуші дәрігер тағайындайды. Ол пациенттің жағдайын, шағымдарын және белгілерін қарайды. Егер тиісті көрсеткіштер болса, дәрігер зертханалық және өзге де зерттеулерге жолдама береді. Міндетті әлеуметтік медициналық сақтандыру жүйесінде қызмет алу үшін пациенттің «сақтандырылған» мәртебесі болуы шарт.Медициналық қызметкерлер профилактика, диагностика, емдеу және оңалтудың ең тиімді әдістерін таңдау кезінде клиникалық хаттамаларды басшылыққа алады. Талдаулар мен диагностикалық зерттеулерге жолдаманы тіркелген жеріңіздегі дәрігерден алуға болады. Әдетте бұл – терапевт, ол көрсеткіштер бойынша немесе профилактикалық тексеру аясында зерттеу тағайындайды.Жеке клиникада МӘМС есебінен операция жасауға болатыны айтылды. Оған жолдаманы қалай аламын?Ауруханаға жатқызу көрсеткіштері пациенттің жағдайына байланысты әртүрлі болуы мүмкін. Бірақ әдетте жедел ауырсынулар, созылмалы аурулардың асқынуы, жарақаттар немесе стационарлық бақылауды қажет ететін өзге жағдайлар жатады (ҚР Денсаулық сақтау министрінің 2022 жылғы 24 наурыздағы № ҚР ДСМ-27 бұйрығы «ҚР стационарлық жағдайларда медициналық көмек көрсету стандарты туралы»).Ауруханаға жату үшін не істеу керек?<ul><li style="text-align:justify;">Тіркелген емханадағы дәрігерге жүгіну. Егер көрсеткіштер болса, маман тексеру жүргізіп, диагноз қою үшін қажетті зерттеулерді толық көлемде тағайындайды;&nbsp;</li><li style="text-align:justify;">Емхана жағдайында қажетті минималды тексеруден өту;&nbsp;</li><li style="text-align:justify;">Ауруханаға жатуға жолдама алу. Медициналық ұйымды өз дәрігеріңізбен бірге таңдай аласыз;</li><li style="text-align:justify;">Ауруханаға жату талонын алу. Ол арқылы «Емдеуге жатқызу бюросы» сайтында (https://bg.eisz.kz/) өз кезегіңізді бақылауға болады.</li></ul>Жоғары технологиялық медициналық көмек көрсету (ЖТМК) үшін тіркелген медициналық ұйым профильдік маманның қорытындысына сүйене отырып, пациенттің құжаттарын ЖТМК жөніндегі комиссияға жолдайды.Пациент тіркелген медициналық ұйым оған тиісті бейін бойынша осы қызметтерді көрсететін өзге ұйымды таңдау мүмкіндігі бар екенін хабарлауы тиіс.ЖТМК жөніндегі комиссия жергілікті денсаулық сақтау басқармасының басшысы бұйрығымен жасалады және пациентті тиісті медициналық ұйымға жолдау мәселесін шешеді. Тегін медициналық көмектің кепілді көлемі (ТМККК) тізбесіне кірмейтін мамандандырылған медициналық көмек МӘМС жүйесінде немесе ақылы негізде көрсетіледі.Мамандандырылған көмектің көлемі, соның ішінде зертханалық және диагностикалық зерттеу әдістері, клиникалық хаттамаларға сәйкес айқындалады (Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-238/2020 бұйрығына сәйкес).Егер маған жолдама беруден бас тартса не істеу керек?Егер пациенттің қандай да бір медициналық қызметке көрсеткіштері бола тұра дәрігер жолдама немесе көмек &nbsp;беруден бас тартса емханалар мен ауруханаларда құрылған Пациенттерді қолдау және ішкі сараптама қызметіне жүгіне алады. Бұл қызмет «осында және қазір» қағидаты бойынша мәселелерді шешуге арналған.МӘМС жүйесіндегі сақтандыру мәртебесін тексеру жолдары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a>&nbsp;</li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы;</li><li style="text-align:justify;">Kaspi Bank, Halyk Bank, Банк ЦентрКредит (BCC.KZ), Freedom Bank, Bereke Bank, HomeCredit Bank, Еуразиялық Банк және Damumed мобильді қосымшалары арқылы.</li></ul>МӘМС жарналары мен аударымдарын төлеу, көрсетілетін медициналық көмектің сапасына қатысты сұрақтар бойынша хабарласу арналары:<ul><li style="text-align:justify;">Қор сайты <a href="https://msqory.kz/;">https://msqory.kz/;</a></li><li style="text-align:justify;">Telegram арнасында &nbsp;https://t.me/SaqtandyryBot сілтемесі арқылы.</li></ul>

Емханаға жүгінгенде нені ескерген жөн?

<a href="https://kyzylorda-news.kz/">Kyzylorda-news.kz</a> Бүгінде желіде акциялар, жеңілдіктер мен ұтыс ойындары ретінде жасырылған алдаудың жаңа схемалары пайда болуда. Алаяқтар пайдаланушылардың аңғалдығы мен қызығушылығын пайдалана отырып, әлеуметтік инженерия әдістерін әккі қолданады.&nbsp;Fingramota.kz виртуалды алаяқтардың қармағына түсіп қалмау және өз ақшаңызды қалай қауіпсіз сақтау керектігін айтып береді.&nbsp;«Ұтыс» дегеннің бәріне сене бермеңіз&nbsp;«Ұтыстың» классикалық схемасы ешқандай күдік туғызбайды: пайдаланушыға сауалнамадан өтуді, викторинаға қатысуға немесе жеңіске жету мүмкіндігін арттыру үшін достарына сілтеме жіберу ұсынылады. Оның орнына жүлдеге уәде беріледі: жаңа смартфон, ноутбук, электр скутері немесе «картаға бонус».Алайда, ұтысты алуға келгенде, қатысушыдан «жеке басын растау» — CVV кодын қоса алғанда, банк картасының деректемелерін енгізу немесе «жүлдені аудару үшін комиссия» төлеу талап етіледі.Ал іс жүзінде бұл алаяқтардың құрған схемасы: сілтеме фишингтік сайтқа апарады, сырт көзбен қарағанда ол шынайы сайтқа ұқсас болып келеді, алайда ол &nbsp;деректерді ұрлау үшін құрылған сайт. Ақпаратты енгізгеннен кейін алаяқтар шотқа толық қол жеткізе алады.Мысал №1: Квиз-сайттар және «үлкен сыйақы үшін сауалнама»Алаяқтар жылдам және оңай сыйақы уәде ететін сауалнама-сайттарды кеңінен қолданады — кейде қарапайым тест үшін 20 000–50 000 теңге береді деп сендіреді. «Төлемді алу» үшін қолданушыдан Т.А.Ә., телефон нөмірі, туған күні және банк картасының деректемелерін енгізу сұралады. Бұл мәліметтер мына мақсаттарда пайдаланылады:– қаражатты шешіп алу;– интернет-банкингке кіруге талпыныс жасау;– кейінгі телефондық алаяқтықтарға пайдалану («күдікті операция көрініп тұр, SMS-тен келген кодты айтыңыз»).Мысал №2: «Аударым үшін жоғары кешбэк»Алаяқтар танымал банктер немесе маркетплейстер атынан хабарлама жібереді: «Сатып алулар үшін 20–30% кешбэк алыңыз — қатысуды растаңыз!». Қолданушы сілтемені басады — және фишингтік параққа өтеді, онда Т.А.Ә. мен карта деректемелерін енгізу ұсынылады.Деректер енгізілген соң қылмыскерлер жәбірленушінің атынан сатып алулар жасайды немесе ақша аударады.Нәтижесінде адамдар тек уәде етілген кешбэксіз ғана емес, карталарындағы ақшасыз да қалады.Мысал №3: «Жеткізу қызметінің акциясының жеңімпазы»Қазақстандық әлеуметтік желілерде бұрын ірі жеткізу сервистінің атынан сілтемелер таралған. Қолданушыға оның «мерейтой құрметіне сыйлық ұтқаны» туралы хабарланған. «Сыйлықты алу» үшін карта деректерін «растау» қажет болған. Салдарынан ондаған адам компанияның фирмалық стилін айнытпай көшірген жалған сайт арқылы ақшаларынан айырылған.Маңызды ескерту: Егер сіз карта деректерін өзіңіз алаяқтарға берген болсаңыз, банк жоғалтқан қаражатты өтеуге міндетті емес.Сіздің деректеріңізді ұрлайтын промокодтар&nbsp;Тағы бір танымал схема «жеңілдік» сайттарымен және промокодтармен байланысты. Пайдаланушыға сайтқа сілтеме бойынша өту ұсынылады, онда сіз купон немесе тауарды жеткізуге, косметика, киім-кешек пен жабдыққа жеңілдік ала аласыз. Бір қарағанда, бәрі ақылға қонымды көрінеді — танымал брендтердің логотиптері, оң пікірлер және тіпті қолданыстағы сілтемелер.&nbsp;Бірақ карта деректерін немесе ЖСН-ді енгізе салысымен — ақпарат дереу алаяқтарға кетеді. Деректердің қажетті мөлшерін жинағаннан кейін сайт жоғалады, ал көп ұзамай— басқа атаумен, бірақ бірдей схемамен жаңасы пайда болады.Жалған акцияларға қалай алданып қалмауға болады&nbsp;Ақшаны жоғалтпау және шабуылдаушыларға жеке деректерді бермеу үшін бірнеше қарапайым, бірақ тиімді ережелерді ұстаныңыз:&nbsp;Дереккөзді тексеріңіз. Аталған акциялар мен ұтыс ойындары компаниялардың ресми сайттарында және әлеуметтік желілердегі верификатталған парақшаларда өткізіледі.&nbsp;Күмәнді сілтемелерге өтпеңіз. Әсіресе, егер олар бейтаныс адамдардан немесе көпшілікке арналған таратылымдардан келсе.&nbsp;Картаның толық деректерін енгізбеңіз.&nbsp;Жүлдені алу үшін CVV-код немесе картаның жарамдылық мерзімі қажет емес – мұндай деректер тек&nbsp;https://&nbsp;префиксі бар қорғалған парақшалар арқылы сатып алынған затқа ақы төлеу үшін қажет.«Комиссия төлемеңіз».&nbsp;Барлық заңды ұтыс ойындары мен промонауқандар тегін. Егер сыйлықты алу үшін Сізден ақша талап етілсе, бұл – алдау.Интернет-сатып алу үшін бөлек карта пайдаланыңыз.&nbsp;Онда аз ғана соманы сақтаңыз, шотты қажет болған жағдайда ғана толтырыңыз.Лимиттер мен хабарламаларды орнатыңыз. Push-хабарлар күдікті ақша алуды уақтылы байқауға көмектеседі.<img src="https://knadmin.beoblood.kz/uploads/Zhal_an_akcziya_fingramota_f887223090.png" alt="Жалған акция финграмота.png">Фото: fingramota.kz

Жалған науқандарды қалайша тануға және деректеріңізді қорғауға болады 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы Тереңөзек кентіндегі «Руханият орталығында» құқық қорғау органдарының бірінші басшыларымен бірге тұрғындарды жеке мәселелері бойынша қабылдады.Бүгінде халықпен кездесудің осындай форматының жұртшылыққа тиімділігі айқындалып келеді. &nbsp;«Азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндет.&nbsp;Билік пен қоғам арасында тұрақты диалог орнату арқылы ғана қазіргі геосаяси ахуалға бейімделген үйлесімді мемлекет қалыптастыруға болады» деп атап өткен болатын Мемлекет басшысы халыққа арнаған Жолдауында. ​Қабылдауға келгендердің басым бөлігі тұрғын үй, жұмыспен қамту және жер үлесі мәселелерін көтерді.<img src="https://knadmin.beoblood.kz/uploads/Syrdariya_azamattardy_abyldau_2_863abdbe06.jpg" alt="Сырдария азаматтарды қабылдау 2.jpg">​Тереңөзек кентінің тұрғыны баласын тұрақты жұмысқа орналастыру жайын қозғаса, зейнеткер Қызылорда қаласынан тұрғын үй беруді сұрады. Ал, Қалжан ахун ауылының тұрғыны құқық қорғау органдарының шешіміне келіспейтінін жеткізді.Облыс әкімі әрбір мәселені сала мамандарымен бірге мұқият зерделеп, заңдылығына қарай шешім қабылданатынын айтты. Тұрғындардың сұрақтары бойынша жауапты басшыларға нақты тапсырма берді. Құқық қорғау органдарының басшыларына өз мәселесін жеткізген сырдариялықтар заң аясында тиісті түсіндірме алды.Ашықтық қағидасына негізделген қабылдауда жалпы саны 50-ден астам азаматтың өтініші қаралды. Ал, облыс әкіміне 20-ға жуық тұрғын өз сұрақтарымен келді.Қабылдаудан кейін облыс әкімі «Руханият орталығына» жиналған аудан ардагерлерімен кездесіп, өңірдің әлеуметтік-экономикалық даму бағытындағы маңызды мәселелерді талқылады.<img src="https://knadmin.beoblood.kz/uploads/Syrdariya_azamattardy_abyldau_3_2168e8d5c2.jpg" alt="Сырдария азаматтарды қабылдау 3.jpg">

Аймақ басшысы сырдариялық тұрғындарды қабылдады

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев Сырдария ауданының Шаған ауылына табиғи газ қосу рәсіміне қатысты. Салтанатты басқосуға құқық қорғау органдарының, жауапты департамент, басқармалардың басшылары, зиялы қауым өкілдері мен ауыл тұрғындары жиналды.Аймақ басшысы өңірдің әлеуметтік-экономикалық дамуындағы жетістіктерді атап өтіп, шағандықтарды құттықтады.<blockquote>«Жақында Мемлекет басшымыз Қасым-Жомарт Кемелұлы Сыр өңіріне арнайы жұмыс сапарымен келгенде әлеуметтік нысандар мен өндіріс орындарында болды. Сапар кезінде Сыр өңірінің әлеуметтік-экономикалық дамуы, инвестициялық жобаларды жүзеге асыру барысын баяндадым.Президентіміз Астана мен Алматы қалаларындағыдай тәулік бойы қызмет көрсететін үшінші Президенттік кітапхана Қызылордада ашылатындығын жеткізді. Бұл бастаманы жерлестеріміз зор қуанышпен қабылдауда. Мемлекет басшымыз алға қойған жоспарларды уақытылы әрі сапалы іске асырудың маңызын атап өтті. Аймақта инвестициялық климатты жақсарту, бизнес жүргізу үшін қолайлы жағдай жасау бағытындағы жұмыстарды жалғастыруды тапсырды. Президентіміздің Сыр өңірінің даму қарқынына, атқарылған жұмыстарға берген оң бағасы бәріміз үшін зор мәртебе.Биыл &nbsp;өңіріміздің негізгі макроэкономикалық көрсеткіштерінің өсімі қамтамасыз етілді. Жалпы өңірлік өнім көлемі 3 трлн. теңгеден асады. Соңғы үш жылда өңір экономикасына 1 триллион 600 млрд. теңге құйылса, осы жылы 720 млрд. теңгеден астам инвестиция тартылады. 2025-2028 жылдары 2 трлн. теңгеден астам қаржыға 90 инвестициялық жоба жүзеге асырылып, 11 мыңнан аса жаңа жұмыс орны ашылады. Президентіміздің, Үкіметтің ерекше қолдауымен облысымыздың бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды.Баршаңызды Шаған ауылына табиғи газ қосылуымен құттықтаймын! Бұл – бәріміздің ортақ қуанышымыз! Көгілдір отын тұрмыс-тіршілігіміздің тынысын ашып, отбасының жылуын, Отанымыздың қуатын арттыра берсін!», – деді Н.Нәлібаев.</blockquote>Жиында ауданның әлеуметтік-экономикалық дамуына тынымсыз еңбегімен үлес қосқан ардагерлер мен газдандыру жұмыстарын жүргізген мердігер мекеме қызметкерлері облыс әкімінің Алғыс хатымен марапатталды. Қоғам қайраткері Әріп Хожбанов жиналған қауымға бата берді. Аймақ басшысы газ қосу рәсімінен кейін ауыл тұрғындарымен кездесіп, ой-пікір алмасты, өтініш-тілектерін тыңдады. Облыс аумағында атқарылған, қолға алынған, жоспарланған жұмыстардың бағыты туралы айтты.Фото: Қызылорда облысы әкімінің баспасөз қызметі

Сырдария ауданының Шаған ауылында табиғи газ қосылды

<a href="https://kyzylorda-news.kz/">Kyzylorda-news.kz</a> Бүгін Қызылорда облысының тарихи және ірі аудандарының бірі – Сырдария ауданы, Нағи Ілиясов ауылында «Ауыл Әйелі: Бірлік. Даму. Болашақ» атты өңірлік ауыл әйелдерінің форумы өтті.Іс-шара Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссиясы мен «Ауыл» партиясының және Қызылорда облысы әкімдігінің ұйымдастыруымен жүзеге асырылды.Форумның мақсаты – ауылдық жерлердегі әйелдердің көшбасшылық әлеуетін нығайту, әйел кәсіпкерлерлігін қолдау және олардың экспорт пен кооперация мүмкіндіктерін кеңейту, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссия мен «Ауыл» партиясының ауыл әйелдерінің мәселелерін шешудегі қызметін таныстыру, сондай-ақ дәстүрлі құндылықтарды насихаттау.Іс-шараға Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның мүшелері, «Ауыл» партиясының, орталық және өңірлік мемлекеттік органдардың өкілдері, Жамбыл, Түркістан, Ұлытау облыстары мен Шымкент қаласының делегеттары, әйел-кәсіпкерлер, азаматтық қоғам көшбасшылары, сондай-ақ ауыл еңбеккерлері және еңбек ардагерлері қатысты.Форумды облыс әкімінің орынбасары Мейрамбек Шермағанбет ашып, Сыр елі әйелдерінің өңірдің тұрақты дамуына қосып отырған зор үлесін ерекше атап өтті.​<img src="https://knadmin.beoblood.kz/uploads/irlik_auyl_jelderini_forumy_tti1_465a15f878.jpg" alt="өңірлік ауыл әйелдерінің форумы өтті1.jpg"><blockquote>«Ұланғайыр даламыздың тарихында өздерін кемел көшбасшы, ақылды ел билеуші, көрнекті қайраткер, ұлт жанашыры, ұрпақ тәрбиешісі ретінде танытқан әйелдер аз емес. Олардың есімін бүгінгі күні ерекше қадір-құрметпен еске аламыз. Ел ішіндегі батырлық пен батылдықтың, ақыл мен парасаттың ұйытқысы бола білген Тұмар мен Зарина ханшайымдар, қазақ қыздарының қайраткерлігінің дәлелі болған &nbsp;Әлия мен Мәншүк, Хиуаз апаларымыздың есімдері тарихымызда алтын әріптермен жазулы.Осындай аналарымыздың ізін жалғап, Сыр елінің өсіп-өркендеуіне қажыр-қайратын қосқан Социалистік Еңбек Ерлері – Шырынкүл Қазанбаева, Сәлима Жұмабекова, Балдырған Мұстафаева, Закира Ержанова, Қазына Жүсіпова, Жадыра Таспанбетова сынды апаларымыздың есімі ұрпаққа үлгі болып қала бермек.Қазіргі таңда да, қоғамның барлық саласында әйелдер үлесінің артуы да – Сіздердің қарымды қабілеттеріңіз бен іскерліктеріңіздің дәлелі деп білеміз», - деді Мейрамбек Зинабдинұлы.</blockquote>Жиын барысында ҚР Парламенті Мәжілісінің депутаты, «Ауыл» партиясының Төрағасы Серік Егізбаев сөз сөйлеп, бұл форумның Атырау, Павлодар және Алматы облыстарында өткен кездесулердің ізгі жалғасы екенін мәлімдеді.<blockquote>«Әйел – отбасының тірегі, қоғамның тұрақтылығы мен жаңғыруының қайнар көзі. Президентіміз Қасым-Жомарт Кемелұлы Тоқаев Ұлттық Құрылтайда: «Біз әйелдердің қоғамдағы орнын күшейтіп, олардың құқықтары мен мүмкіндіктерін қорғауға баса мән беруіміз қажет. Бұл – өркениетті елдің белгісі», – деген болатын. Бұл сөздер әйелдердің қоғамдағы орны тек әлеуметтік бағытпен шектелмей, елдің жалпы даму стратегиясымен өзектес екенін көрсетеді. Ауылдағы әйелдер – өңірлік экономиканың қозғаушы күші, ауыл шаруашылығы мен шағын бизнестің тірегі» – деді Серік Рахметоллаұлы.</blockquote>ҚР Президенті жанындағы Әйелдер істері және отбасылық-демографиялық саясат жөніндегі комиссия мүшесі Айгерім Сарсенбаева өз баяндамасында ауыл әйелдерінің әлеуметтік және экономикалық теңдігін қамтамасыз етудің мемлекеттік маңыздылығын атап көрсетті.​​​<img src="https://knadmin.beoblood.kz/uploads/irlik_auyl_jelderini_forumy_tti_22_cc0fa4e541.jpg" alt="өңірлік ауыл әйелдерінің форумы өтті 22.jpg">Пленарлық отырыстың негізгі секциясы ауыл әйелдерінің табысты тәжірибелері мен инновациялық идеяларына арналды:Ақтөбелік «Нұралы» ШҚ басшысы Кәмшат Төлеуова «Экономикалық серпін мен дәстүр сабақтастығы: ауыл әйелдерінің жаңа миссиясы» тақырыбында сөз сөйлеп, шаруашылықты басқарудағы әйелдің рөлін көрсетті.​Қармақшы ауданы, Ақжар ауылының әкімі Нұржамал Тұрсынбаева ауыл әйелдерінің өңір дамуындағы үлесі туралы баяндама жасап, жергілікті басқарудағы табысты әйел көшбасшысының тәжірибесімен бөлісті.Батыс Қазақстан облысынан келген кәсіпкер, Ақжайық аудандық мәслихатының төрайымы Ләззат Сейткереева «Қазақ әйелі: өмірде – нәзік, істе – мығым» деген ұранмен әйелдердің қоғамдық және іскерлік өмірдегі мықтылығын дәріптеді.«Азия Қамыш» ЖШС басшысы Венера Тайлақбаева (Қазалы ауданы) қамыс өнеркәсібінің дамуы және Еуропа елдерімен қамыс экспортын жолға қою бойынша бірегей тәжірибесін ұсынды.​С.Сейфуллин атындағы Қазақ агротехникалық зерттеу университетінің доценті Айнагүл Бегенова «Ауыл әйелдері үшін аграрлық ғылымға жол ашу: білім, инновация және жаңа мүмкіндіктер» тақырыбында ғылыми-инновациялық білімнің маңыздылығына тоқталды.<img src="https://knadmin.beoblood.kz/uploads/irlik_auyl_jelderini_forumy_tti_33_718f27c155.jpg" alt="өңірлік ауыл әйелдерінің форумы өтті 33.jpg">Форум ауыл әйелдері үшін білім, қаржыландыру және көшбасшылық тұрғысынан жаңа мүмкіндіктерді айқындап, тиімді тәжірибе алмасу алаңына айналды. Жиын қорытындысында барлық ұсыныстар мен бастамалар жинақталып, оларды алдағы уақытта іске асыру тетіктері белгіленді.

 Қызылордада «Ауыл Әйелі: Бірлік. Даму. Болашақ» атты өңірлік ауыл әйелдерінің форумы өтті

<a href="https://kyzylorda-news.kz/">Kyzylorda-news.kz</a> Қызылорда облысында алдағы қыс маусымындағы төтенше жағдайлардың алдын алу және оларды жоюға дайындық жұмыстары басталды. 2025 жылғы 20–21 қарашада Арал ауданында «Қыс-2025» өңірлік командалық-штабтық оқу-жаттығуы өткізіледі. Іс-шара азаматтық қорғау жүйесінің басқару органдары мен күштерінің өзара іс-қимылын жетілдіруге бағытталған. Бұл туралы Қызылорда облысы ТЖД бастығының орынбасары, полковник Әбдіқадыров Бекболат Қайырбекұлы баяндады.Оқу-жаттығу облыс әкімінің «Азаматтық қорғаудың басқару органдары мен күштерін дайындау жөніндегі 2024–2026 жылдарға арналған іс-шаралар жоспары» аясында ұйымдастырылады. Негізгі мақсат – қысқы кезеңдегі ауа райының қолайсыздығы салдарынан болуы мүмкін төтенше жағдайлардың алдын алу, жедел әрекет ету және құтқару бөлімшелерінің тәжірибесін шыңдау.«Қыс-2025» облыстық командалық-штабтық оқу-жаттығуы Арал ауданында өтеді. Жоспарға сәйкес, облыстың азаматтық қорғау қызметтері мен ұйымдарының үйлесімді жұмысын қамтамасыз ету үшін арнайы облыстық штаб құрылады. «Дабыл-1001» сигналы түскен сәттен бастап азаматтық қорғаудың аумақтық кіші жүйесінің барлық күштері мен тиісті комиссия мүшелері құлақтандырылады.Оқу-жаттығудың практикалық кезеңі «Қарғын-2002» сигналы бойынша жүзеге асырылады. Бұл кезеңде бірнеше күрделі жағдайлар пысықталмақ:автожолда орын алған жол-көлік оқиғасының салдарын жою; іздестіру-құтқару жұмыстарын ұйымдастыру; су жүйесі ғимаратында орын алған авариямен күресу. Ұйымдастырушылардың мәліметінше, оқу-жаттығуға 100-ге жуық авариялық-құтқару құрылымдары, шамамен 1000 қызметкер және 300-ден аса арнайы техника тартылады. Мұндай көлемді дайындық өңірдің қыс мезгіліндегі қауіп-қатерлерге төтеп беру қабілетін күшейтеді.

«Қыс-2025» облыстық командалық-штабтық оқу-жаттығуы Арал ауданында өтеді

<a href="https://kyzylorda-news.kz/">Kyzylorda-news.kz</a> Халыққа қызмет көрсету орталықтарының құрылғанына 20 жыл толу мерейтойына орай Қызылорда қаласында заманауи үлгідегі ХҚКО ашылды. Бүгін шаһар басшысы Нұржан Ахатов және жұмыс сапарымен арнайы &nbsp;келген «Азаматтарға арналған үкімет» мемлекеттік корпорациясы басқарма төрағасының орынбасары Кенжеболат Арыстанғали жаңа орталықтың қызметімен танысты.&nbsp;Нұржан Сәбитұлы мен Кенжеболат Арыстанғали орталықтың ұлттық сипатымен және сапалы сервистік мәдениетімен ерекшеленгенін атап өтті. Бұл орталық заманауи қызмет көрсетудің үлгісі ретінде жайлылық, цифрлық шешімдер мен азаматтарға қолайлылық ұсынуымен басымдыққа ие.Бұған дейін ашылған ХҚКО шаһар тұрғындарын Ақмешіт № 2 Б мекенжайында қабылдап келсе, енді Ұ.Қараманов № 96-дағы жаңғыртылған ғимаратқа көшіп отыр. Бұл кеңсе Мерей, Ақмешіт, Титов және Шанхай шағын аудандарының халқы үшін өте тиімді. Ең бастысы – мұнда азаматтар жеке куәлік алудан бастап, жер мәселелеріне қатысты құжаттарды рәсімдеуге дейінгі мемлекеттік қызметтердің толық спектрін ала алады. Жалпы, «Азаматтарға арналған үкімет» мемлекеттік корпорациясы 1500-ден астам қызмет көрсетеді, олардың 90 пайыздан астамы онлайн форматта қолжетімді.<img src="https://knadmin.beoblood.kz/uploads/Cz_ON_738f1b7676.jpg" alt="ЦОН.jpg">

Заманауи үлгідегі жаңа орталық

<a href="https://kyzylorda-news.kz/">Kyzylorda-news.kz</a> Астанада 60 команда бақ сынған «AMANAT» партиясының кубогіне арналған «AMANAT CUP» XХIІI республикалық пікірсайыс турнирі мәреге жетті. «Жастар Рухы» жастар қанаты мен «Qazaq Debate» қозғалысы ұйымдастырған сайыста ел аумағындағы үздік спикерлер анықталды.«AMANAT» партиясының Атқарушы хатшысы Дәулет Кәрібек ел Президенті еркін ойлы жастардың зияткерлік әлеуетін дамыту ісіне әрдайым қолда қолдау көрсетіп келе жатқанын атап өтті.&nbsp;<blockquote>«Мемлекет басшысы біздің жастар айрықша түсінуге тиіс үш маңызды бағытты атап өткен еді. Олар – терең білім, еңбекқорлық және отаншылдық қасиет. Сондықтан бұл пікірсайыс – тек сөз жарысы емес, ол ел тағдырына бейжай қарамайтын азаматтардың мектебі. Түптеп келгенде, мұның бәрі – интеллектуалды ұлт қалыптастыру жолындағы жүйелі саясаттың бір бөлігі», – деді ол.</blockquote>

Интеллектуалды ұлт: «AMANAT CUP» пікірсайыс турнирінің жеңімпаздары анықталды

<a href="https://kyzylorda-news.kz/">Kyzylorda-news.kz</a> Саяси қуғын-сүргін құрбандарына арналған ескерткіш алаңында Қызылорда облыстық Шешен этномәдени бірлестігінің онкүндігі аясындағы игі істердің бірі — тал егу және қайырымдылық акциясы өтті.Іс-шараға облыстық қоғамдық даму басқармасы «Қоғамдық келісім» КММ директоры Бақытжан Камалов қатысып, бірлестіктің қоғамды біріктіруге бағытталған бастамаларының маңызын атап өтті. Ол мұндай акциялардың жастарға тәрбие, қоғамға үлгі екенін жеткізіп, бірлестік мүшелерінің белсенділігіне алғыс білдірді.<img src="https://knadmin.beoblood.kz/uploads/581957516_4241326189519862_4148501590114592092_n_78817fb2a2.jpg" alt="581957516_4241326189519862_4148501590114592092_n.jpg">Акция барысында шешен этномәдени бірлестігі төрағасының орынбасары Лайла Пашаева бастаған топ белсенділері, «Қоғамдық келісім» мекемесі және тазалық мекемесінің қызметкерлері ескерткіш аумағын тазалап, жасыл желекті көбейту мақсатында 100-ге жуық тал көшетін отырғызды. Бұл жұмыс саяси қуғын-сүргін құрбандарына тағзым ету мен тарихи жадты сақтау идеясымен ұштасты.Шараның қайырымдылық бөлігі аясында қала тазалығы үшін күнделікті еңбек етіп жүрген тазалық мекемесінің қызметкерлеріне ыстық тамақ таратылды. Қатысушылар мұны еңбегі бар жандарға құрмет көрсетудің бір жолы екенін атап өтті.<img src="https://knadmin.beoblood.kz/uploads/581076632_4241326126186535_8177268409111604748_n_c8b098f400.jpg" alt="581076632_4241326126186535_8177268409111604748_n.jpg">Акция соңында бата беріліп, ата-бабалар рухына құран бағышталды.Ұйымдастырушылар алдағы уақытта да қоғамның әлеуметтік тиімділігі жоғары жобаларды жалғастыруға ниетті екенін айтты.<img src="https://knadmin.beoblood.kz/uploads/581117710_4241325952853219_441948622105490909_n_8dd614ddee.jpg" alt="581117710_4241325952853219_441948622105490909_n.jpg">

Шешен этномәдени бірлестігінің тал егу және қайырымдылық  акциясы өтті

<a href="https://kyzylorda-news.kz/">Kyzylorda-news.kz</a> Тұрғындардың талап-тілектерін тыңдап, олардың шешiлуiне ықпал ету мақсатында шаһар басшысы Нұржан Ахатов «AMANAT» партиясының қалалық филиалында азаматтарды жеке қабылдады. &nbsp;Қабылдауға келгендердің басым көпшілігі жұмыспен қамту, әлеуметтік жәрдемақы алу, атаулы әлеуметтік көмек тағайындаудың тәртібі туралы сұраса, енді бірі баспанамен қамту, жол, газ, жарық, кәсіпкерлікті қолдау жөніндегі мәселелерін айтты.Қала әкімі Нұржан Сәбитұлы қабылдауға келген азаматтарды тыңдап, &nbsp;барлық &nbsp;мәселе мамандардың жіті тексеруінен өтетінін, әрі қарай заңды негізге алып шешім қабылданатындығын жеткізді.&nbsp;Ашықтық пен жариялылық жұмыс тиімділігін арттырады десек, алдағы уақытта тұрғындардың уәждері бойынша мәселелер зерделеніп, салалар бойынша тиісті шаралар жүзеге асырылатын болады.

Қазақстан және Қызылорда облысының жаңалықтары