<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың бастамасымен елімізде тазалық пен экология мәселелеріне ерекше назар аударылуда. Осы бағытта маңызды шаралар қабылданып, қоршаған ортаны қорғауға арналған бағдарламалар жүзеге асырылуда.Бүгін облыс әкімі Нұрлыбек Нәлібаевтың төрағалығымен өткен мәжілісте «Таза Қазақстан» экологиялық бағдарламасын жүзеге асыру және IT-экспортты дамыту мәселелері қаралды. Мәжіліске селекторлық байланыс арқылы аудан әкімі Жандос Еркінбек қатысты.Мәжіліс қорытындысы бойынша аудан басшысының төрағалығымен арнайы жиналыс өткізіліп, кент және ауылдық округ әкімдеріне нақты тапсырмалар берілді. Аудан деңгейінде тазалықты қамтамасыз ету және тұрғындар арасында түсіндіру жұмыстарын күшейту қажеттілігі баса айтылды.Аудан орталығы Жосалы кентінде тазалық пен тәртіпті сақтау мақсатында заманауи технологиялар енгізілуде. Биылғы жылы 72 бейнебақылау камерасы орнатылды. Бұл камералар заң бұзушылықтарды анықтауға, сондай-ақ тұрғындардың экологиялық мәдениетін арттыруға ықпал етуде.Соған қарамастан, түсіндіру жұмыстарына қарамастан, кейбір тұрғындар тарапынан көшелерді ластау, рұқсат етілмеген жерлерге қоқыс тастау және төрт түлік малын қараусыз жіберу сияқты әрекеттер әлі де кездесуде.Тазалықты сақтау – тек мемлекеттік органдардың ғана емес, әрбір азаматтың ортақ міндеті. Тұрғындар табиғатты қорғауға белсенді қатысып, өз ауласын таза ұстап, заңсыз әрекеттерден аулақ болған жағдайда ауданның экологиялық жағдайы жақсарып, жасыл аймақтар кеңейе түсетіні сөзсіз.<img src="https://knadmin.beoblood.kz/uploads/Tazaly_zh_ne_k_galdandyru_33886e3f81.jpg" alt="Тазалық және көгалдандыру.jpg">Фото: Қармақшы ауданының әкімдігі

Тазалық және көгалдандыру жұмыстары қатаң бақылауда

<a href="https://kyzylorda-news.kz/">Kyzylorda-news.kz</a> Спорт – мемлекеттің мәртебесін, халықтың рухы мен деннің саулығын нығайтайтын ең өзекті сала. Бұл ретте аймақтағы спорт мектептерінің спортшыларды дайындаудағы нәтижелі жұмысы айрықша маңызға ие. Соның ішінде, болашақ чемпиондары даярлауда жоғары жетістіктерге жетіп жүрген Қызылорда қаласындағы №1 облыстық олимпиадалық резервтің мамандандырылған балалар-жасөспірімдер мектебі спорттың 16 түрі бойынша балаларды кәсіби түрде бағыттап келеді.&nbsp;Атап айтқанда, ауыр атлетикадан – 4 жаттықтырушы, 116 спортшы, әйелдер күресінен – 2 жаттықтырушы, 66 спортшы, байдарка мен каноэде есуден – 1 жаттықтырушы, 15 спортшы, бокстан – 4 жаттықтырушы, 112 спортшы, грек-рим күресінен – 4 жаттықтырушы, 84 спортшы, дзюдодан – 5 жаттықтырушы, 183 спортшы, еркін күрестен – 4 жаттықтырушы, 148 спортшы, көркем гимнастикадан – 4 жаттықтырушы, 121 спортшы, стенд атудан – 4 жаттықтырушы, 80 спортшы, таеквондодан – 4 жаттықтырушы, 114 спортшы, каратэден – 2 жаттықтырушы, 78 спортшы, кикбоксингтен – 2 жаттықтырушы, 48 спортшы, самбодан – 4 жаттықтырушы, 120 спортшы, шахматтан – 4 жаттықтырушы, 122 спортшы, қазақ күресі – 4 жаттықтырушы, 115 спортшы қамтылған.&nbsp;Жоғарыда аталған спорт түрлері бойынша балалардың жас ерекшеліктері бекітілген. Осыған сәйкес балалар қалаған спорт түріне ақысыз негізде қабылданады. Нақтырақ айтсақ, ауыр атлетика – 8-14 жас, әйелдер күресі – 10-14 жас, байдарка мен каноэде есуден – 10-14 жас, бокс – 10-12 жас, грек-рим күресі – 10-14 жас, дзюдо – 10-12 жас, еркін күрес &nbsp;10-14 жас, көркем гимнастика – 5-7 жас, стенд ату – 12-13 жас, таеквондо – 8-11 жас, каратэ – 7-9 жас, кикбоксинг – 10-12 жас, самбо – 10-13 жас, шахмат – 5-9 жас, қазақ күресі – 10-13 жастан басталады.&nbsp;№1 облыстық олимпиадалық резервтің мамандандырылған балалар-жасөспірімдер мектебі жүйеленген жұмыстарының нәтижесінде ең үздік спорт мектебі атанып, 1-ші орынға ие болды.&nbsp;Сондай-ақ, аталмыш мектеп спортшылары 2024 жылы бірнеше спорт түрлері бойынша өткен ел чемпионаттарынан - 188 медаль жеңіп алса, Әлем және Азия чемпионаттарынан - 45 медальді ел қоржынына салды.&nbsp; Спорт мектебі туралы жеке сұрақтарыңыз болса мектеп директорының оқу-ісі жөніндегі орынбасары Нұргүл Тағаеваға 8-7242-71-02-82 &nbsp;хабарласуларыңызға болады.<img src="https://knadmin.beoblood.kz/uploads/Sport_mektebini_n_tizheli_zh_mysy_2_4012c16c39.jpg" alt="Спорт мектебінің нәтижелі жұмысы 2.jpg">Фото: Қызылорда облысының дене шынықтыру, спорт және туризм басқармасы

Спорт мектебінің нәтижелі жұмысы

<a href="https://kyzylorda-news.kz/">Kyzylorda-news.kz</a>&nbsp;Аймақ басшысы Нұрлыбек Нәлібаевтың төрағалығымен тұрақтандыру қорындағы картоп, басқа да азық-түлік өнімдерінің көлемі, «Арт-спорт» бағдарламасының өңірде іске асырылуы талқыланған мәжіліс өтті. Оған селекторлық режимде қала, аудан әкімдері мен жауапты сала басшылары қатысты.Жиында аймақ басшысы күн тәртібіндегі мәселелерге қатысты нақты тапсырмалар жүктеп, олардың орындалуына асқан жауапкершілікпен қарау керектігін ескертті.<blockquote>«Ауыл шаруашылығы, кәсіпкерлік басқармалары, «Байқоңыр» ӘКК, қала және аудан әкімдері, азық-түлік, оның ішінде әлеуметтік маңызы бар тауарлар бағасына шұғыл арада мониторинг жүргізіңіздер. Әлеуметтік дүкендер мен ірі сауда үйлеріндегі әлеуметтік бұрыштарды қатаң бақылауға алыңыздар. Бағаны негізсіз өсіруді, алыпсатарлықты болдырмау үшін қадағалауды күшейтіңіздер. Екінші мәселеге қатысты, прокуратура органдарының ұсынымдары бойынша бюджет қаржысын заңсыз иемденген өнім берушілерден қаражатты бюджетке өндіру жеделдетілсін. Заң бұзушылықтарға жол беріп, талаптарды орындамаған өнім берушілермен келісім-шартты біржақты бұзу керек. Облыстық экономика және қаржы, мәдениет, архивтер және құжаттама, дене шынықтыру, спорт және туризм басқармалары, Қызылорда қаласы мен аудан әкімдері бірлесіп, ауылдық жердегі клубтарды қалалық және аудандық мәдениет бөлімдеріне берудің тиімділігін зерттеп, ұсыныстар енгізсін», - деді Н.Нәлібаев.</blockquote>Басқосуда «Арт-спорт» бағдарламасына бөлінген қаражаттың мақсатты жұмсалуына жүргізілген тексеру туралы облыс әкімінің бірінші орынбасары Данияр Жаналинов баяндады.Мемлекеттік тапсырысқа бөлінген бюджет қаржысының тиімді, мақсатты жұмсалуын қадағалау үшін құзырлы органдар арнайы жұмысшы тобын құрып, тексеру жүргізілуде.Фото: Қызылорда облысы әкімінің баспасөз қызметі

Тапсырмалардың орындалуына асқан жауапкершілікпен қарау керек

<a href="https://kyzylorda-news.kz/">Kyzylorda-news.kz</a> «Қатонқарағай, Зайсан және Кендірлі өңірлерінің де туристік әлеуетін дұрыс пайдалану қажет. Осындай демалыс аймақтарында сапасы жоғары жол инфрақұрылымы бар әуе бекеттері мен әуежайлар салу керек» – Қазақстан Республикасының Президенті Қасым-Жомарт Тоқаев.Президенттің тапсырмасына сәйкес ішкі туризмді және жолаушылар әуе тасымалын дамыту мақсатында 2025 жылы Зайсан, Қатонқарағай және Кендірлі курорттық аймақтарында жаңа үш әуежайдың құрылысы басталды. Бұл жобалардың іске асырылуы өңірлердегі экономиканың дамуына жаңа импульс береді, сондай-ақ отандық және шетелдік туристер ағынын арттыруға және аталған жобалар жергілікті тұрғындарды қосымша жұмыс орындарымен қамтамасыз етуге септігін тигізеді.Сонымен қатар, 2024 жылы ірі хабтарды дамыту мақсатында әуе көлігі инфрақұрылымын жаңғыртуаясында үш жаңа жолаушылар терминалы пайдалануға берілді. Мәселен Алматы, Шымкент және Қызылорда қалаларында жолаушылар терминалының өткізу қабілеті ұлғайды.Алматы қаласы халықаралық әуежайының жаңа терминалы – объектінің өткізу қабілеті жылына 2,5 млн-нан 14 млн. жолаушыға дейін ұлғайды. Отандық авиакомпаниялар Air Astana, SCAT, Qazaq Air, Fly Arystan Қазақстанның 19 қаласынатұрақты ұшуды орындайды. Халықаралық әуе қатынасын әлемнің 26 елінде 50 бағыт бойынша 30 шетелдік авиакомпания орындайды.Шымкент қаласы әуежайының жаңа терминалының - өткізу қабілеті жылына 800 мыңнан 6 млн. жолаушыға дейін. Жаңа терминал халықаралық әуе маршруттарының санын 10-ға, рейстерді аптасына 24-ке дейін арттырды. Джидда, Медина (КСА), Доха (Катар), Фукуок (Вьетнам) және Пхукетке (Тайланд) әуе қатынасы ашылды.Қызылорда қаласының «Қорқыт Ата» халықаралық әуежайының - өткізу қабілеті жылына 300 мыңнан 2 млн. жолаушыға дейін өсті. Бүгінгі таңда Қызылорда қаласынан 25 ішкі рейс орындалуда.«SKYHANSA» қазақстан-германдық компаниясымен «Қорғас – Шығыс қақпасы» арнайы экономикалық аймағында қуаты сағатына 500 адамға дейінгі жолаушылар терминалын, сыйымдылығы 550 000 тоннаға дейінгі отын қоймасын, жүктерді 250 000 тоннаға дейін толық өңдейтін жүк терминалын салу, &nbsp;әуе кемелеріне қызмет көрсету авиациялық-техникалық орталық құру бойынша &nbsp;жоба іске асырылуда. Сондай-ақ 300-ден астам тұрақты жұмыс орындарын құра отырып, халық үшін туристік және сауда, ойын-сауық қызметтерін дамыту жоспарланған.Соңғы жылдары әуе көлігі жолаушылар үшін ыңғайлы әрі тартымды болуда. Мысалы Қазақстанда жыл сайын әуе тасымалы 10-15% артуда. 2024 жылы қазақстандық авиакомпаниялар 15 миллионға жуық адамды тасымалдады, әуежайлар 30 миллион жолаушыға, оның ішінде шетелдік авиакомпаниялар мен азаматтарға қызмет көрсетті. 2024 жылы жүк тасымалы көлемі - жылына 28 мың тоннаға ұлғайды.Отандық компаниялардың ұшақтар паркі жыл сайын 10-15 ұшаққа толықтырылуда. Бүгінгі күні әуе кемелерінің саны - 102 ұшақ.Бүгінгі таңда Қазақстаннан халықаралық әуе қатынасы 31 елмен (Ресей, Қырғызстан, Өзбекстан, Тәжікстан, Грузия, Беларусь, Әзірбайжан, БАӘ, Сауд Арабиясы, Катар, Иран, Оман, Египет, Кувейт, Оңтүстік Корея, Қытай, Үндістан, Вьетнам, Таиланд, Моңғолия, Камбоджа, Малайзия, Мальдив аралдары, Шри-Ланка, Түркия, Ұлыбритания, Германия, Италия, Нидерланды, Польша, Чехия) аптасына 582 рейс жиілігімен 117 бағыт бойынша орнатылды.Қазақстанның әуежайларында ерекше қажеттіліктері бар азаматтар үшін барлық қажетті жағдайлар жасалған. Жерүсті қызметінің қызметкерлері алғашқы медициналық көмек көрсету, оның ішінде ерекше қажеттіліктері бар азаматтарды сүйемелдеу бойынша тұрақты арнайы оқудан өтеді. Амбулаторлық көтергіштер, мүгедектер арбалары, соқырларға арналған тактильді плиткалар мен дыбыстық навигация жүйелері бар.Еліміздің халықаралық әуежайларында ана мен балаға арналған бөлмелер, валюта айырбастау пункттері, пошта байланысы, сымсыз интернет бар. Сондай-ақ онлайн тіркеу процесін жылдамдату үшін бірқатар әуе компаниялары мобильді қосымшаларды енгізді. Көрсетілетін қызметтер барлық санаттағы азаматтар үшін сапаны және қолжетімділікті арттыруға бағытталған.Жолаушылар авиатасымалдары көрсеткішінің өсуі, маршруттардың артуы ішкі және шетелдік туризмді дамытады. Бұл ел өңірлерінің инвестициялық тартымдылығын арттырады.Қазақстанда авиация саласын дамытуды халықаралық тану ұшу қауіпсіздігіне байланысты.Қазақстанда ұшу қауіпсіздігі халықаралық стандарттарына сәйкестік деңгейі 82% құрайды. Бұл – ТМД елдері арасында ең жоғары көрсеткіш. Дания мен Польша сияқты Еуропа Одағы елдерімен салыстыруға келеді.Бұл нәтижелер Қазақстандағы авиациялық туризмді дамытуға, сондай-ақ еліміздің экономикалық әлеуетін нығайтуға және оның халықаралық аренадағы тартымдылығын арттыруға септігін тигізеді.<img src="https://knadmin.beoblood.kz/uploads/terminal_2_5a84385701.jpg" alt="терминал 2.jpg"><img src="https://knadmin.beoblood.kz/uploads/terminal_3_8616449833.jpg" alt="терминал 3.jpg">Фото: ҚР көлік министрлігі

Қазақстанда жаңа үш әуежайдың құрылысы басталды

<a href="https://kyzylorda-news.kz/">Kyzylorda-news.kz</a> Қызылорда облысының жалпыға ортақ пайдаланылатын автомобиль жолдарының ұзындығы 3 418,5 шақырымды құрайды. Оның 1 014,5 шақырымы республикалық жолдарға тиесілі болса, 555-і облысқа, 1 849 шақырымы аудандық жолдарға жатады. Өткен жылы облыстық көліктік бақылау инспекциясының тексеру жұмыстарының нәтижесінде 1 070 құқық бұзушы әкімшілік жауапкершілікке тартылып, айыппұл салынған. Бұл туралы аталған инспекция басшысының орынбасары Гүлмира Пірназарова айтты.<blockquote>– 2024 жылға арналған ҚР аумағы бойынша автокөлік құралдарының жүріп өтуі үшін алым жоспары 26 пайызға артығымен орындалды. Автомобиль көлігі саласындағы қызметті жүзеге асыратын тұлғалардың қызметіне бақылауды қамтамасыз ету мақсатында инспекциямен 34 шаруашылық субъектіде тексеру жүргізіліп, 71 көлік заңнамасының бұзушылығы анықталды. Өздеріңіз білесіздер, ауыр салмақты жүктерді тасымалдаудың қарқындылы автомобиль жолының көтергіш қабілетіне тікелей қауіп төндіреді. Ал, біздің облыста құрылысқа қолданылатын инертті жүктердің барлығы халықаралық "Батыс Европа-Батыс Қытай" жолы арқылы Шиелі, Жаңақорған аудандарынан тасымалданады. Осыған байланысты, инспекция аталған аудандардың әкімшілігімен бірлесіп жүк жөнелтушілер мен тасымалдаушылардың қатысуымен көшпелі кеңестер ұйымдастырылып, міндеттері мен құқықтары түсіндірілді. Сонымен қатар, жол желісінің сақталуын қамтамасыз ету мақсатында өткен жылдың қазан айынан бастап тиісті сала өкілдерімен жұмысшы топ құрылып, республикалық маңызы бар "М-32 Самара-Шымкент" автомобиль жолының 1 831 шақырымында тәулік бойы көліктік бақылау жұмыстары атқарылды. Нәтижесінде, 60 тұлға жауапкершілікке тартылып, айыппұл салынды. Аталған шаралар бүгінгі күнге дейін жалғасып жатыр. Одан бөлек, темір жол көлігі саласы бойынша қызмет көрсететін 30 шаруашылық субъектілеріне тексеру жүргізіліп, заңнама талаптарын және күтіп ұстау ережелерін сақтамауына байланысты 12 кірме жол, 30 бағыттамалы бұрмалардың пайдалануы уақытша тоқтатылды. Ал, су көлігі саласы бойынша 57 құқық бұзушы әкімшілік жауапкершілікке тартылып, 249 шағын көлемді кемелерге қарау жүргізілді,- деді Гүлмира Жұмағалиқызы.</blockquote><img class="image_resized" style="width:97.84%;" src="https://knadmin.beoblood.kz/uploads/Avtok_lik_brifing_1423a9f96f.jpg" alt="Автокөлік брифинг.jpg">Фото: Нұрболат Нұржаубай

Автокөлік құралдарының алым жоспары артығымен орындалды

<a href="https://kyzylorda-news.kz/">Kyzylorda-news.kz</a> Электр энергиясының құны қымбаттаған жоқ. 2025 жылы тариф өзгеріссіз қалды. Бұл туралы Өңірлік коммуникациялар қызметінің ақпарат алаңында облыстық энергетика және тұрғын-үй коммуналдық шаруашылық басқармасы басшысының орынбасары Тахир Нәдірбек мәлімдеді.&nbsp;<blockquote>– Аймақ тұрғындарын энергиямен жабдықтаушы «Энергосервис» ЕЖШС, «Шиелі жарығы» ЖШС және «Даулетэнерго» ЖШС ұйымдары өздерінің қызметін тоқтатып, 2025 жылдың 1 қаңтарынан бастап бұл қызмет түрі «ҚЭТТК» АҚ-ға өткізілді. 2024 жылдың 18 желтоқсанындағы лицензия негізінде энергиямен жабдықтау қызметін «ҚЭТТК» АҚ жүзеге асыруда. 2025 жылдың ақпан айына дейін Қызылорда қаласында «Энергосервис» ЕЖШС тарапынан электрэнергиясын тұтыну көрсеткіші бойынша есеп жүргізілуде. Халыққа ұсынылған есеп тариф бағасының көтерілу салдарынан емес, тұтыну көрсеткішінің қабылдау уақытының ұзаруынан көбейген. Бұрын жарық тұтыну көрсеткіші ай сайын тұрақты 30 күнге есептелетін. Өткен жылдың соңында 45 күнге есептелген. Яғни, тұтынушыдан соңғы көрсеткіш 15 қарашада алынса, аталған мекеменің жабылуына байланысты одан кейін желтоқсан айының соңына дейін есебі алынған. Алдағы уақытта мұндай болмайды. Бүгінде 1 қаңтардан бастап тұтыну көрсеткіші алынды, бұрыңғыдай пайдаланған жарық үшін ғана төлем төленеді. Сараланған тариф деңгейі осы уақытқа дейін интернет желісінде ашық көрсетілген, сонымен қатар халық арасында БАҚ арқылы түсіндірме жұмыстары жүргізілді, - дейді Тахир Қуанышбекұлы. &nbsp;</blockquote>Қазіргі таңда Қызылорда облысының 1 күндік электр энергиясының тұтыну көлемі 210 МВт құрайды. Оның 85,21 МВт Қызылорда қаласына тиесілі.<blockquote>-Жеке тұлғалар үшін тұтынған электр энергиясына 1 кВт - 22,02 теңге болып, 2024 жылдың 15 тамызында бекітілген. 2025 жылдың қаңтар айында ҚР ҰЭМ Табиғи монополияларды реттеу комитетімен бекітілген тарифтер негізінде, «ҚЭТТК» АҚ тарапынан тарифтері бекітіліп, өзгеріссіз қалдырылды. Оңтүстік өңірлерде тариф құны шамалас. Ақтөбе, Атырау облыстарына қарағанда біздің өңірде төмен, - деді Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментінің басшысы Айбек Егембергенов.</blockquote><blockquote><img class="image_resized" style="width:93.44%;" src="https://knadmin.beoblood.kz/uploads/Elektr_uaty_brifing_3838d93c9c.jpg" alt="Электр қуаты брифинг.jpg"></blockquote>Фото: Қызылорда облысының өңірлік коммуникациялар қызметі

Электр қуатының бағасы тұрақты

<a href="https://kyzylorda-news.kz/">Kyzylorda-news.kz</a> Энергетика саласы білікті кадрлар дайындауды қажет етеді. Саланың қыр-сырын меңгеру, білім мен біліктілігін арттыру аса маңызды рөл атқарады. Ірі кәсіпорындардан бастап тұрмыстық қызмет көрсету орындарына дейін электр энергетигі мамандарына сұраныс үнемі жоғары. Дей тұрғанмен бұл салада қызмет жасаймын дегендердің қатары қаншалықты кеміді,қаншалықты артты? Бұл туралы И.Әбдікәрімов атындағы Қызылорда аграрлық техникалық жоғары колледжінің директоры Абайбек Жүнісов пен APEC Training center директорының орынбасары Виктория Варавина айтты.<blockquote>- Мен APEC Training center орталығын таныстыратын боламын. Біздің орталық Атырау қаласында орналасқан. Негізгі қызметі - Қазақстанда мұнай-газ, тау-кен өндіру, құрылыс және басқа да салалардағы барлық деңгейдегі жоғары білікті қызметкерлерді даярлаумен айналысатын жетекші инновациялық оқу орталығы. Біздің оқу орталығы көптеген халықаралық аккредитацияларға ие, халықаралық оқу орталықтарымен серіктес, сонымен қатар «Алтын Алмас» компанияларының әкімшілік басқарушыларына арналған курстар бар. Олардың тізімі шектеусіз, бізде тапсырыс берушінің сұранысы бойынша қысқа мерзімде кез-келген курсты әзірлеуге және енгізуге дайын бағдарлама құрастырушылардың үлкен тобы бар. Жалпы оқу-білімге ынтасы бар жанға керекті көмек қарастырылған,-деді Виктория Георгиевна.&nbsp;</blockquote>Өздеріңізге белгілі, Мемлекет басшысы Қ.Ж. Тоқаев 2025 жылды “Жұмысшы мамандықтар жылы” деп жариялады.&nbsp;<blockquote>– «Осы уақыт ішінде техникалық және кәсіби білім беру жүйесін реформалау қажет. Әрі біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз», - деді президент. Демек қоғамда еңбекқорлық, кәсібилік сияқты қасиеттер өте жоғары бағалануы тиіс. Өз кәсібін жетік меңгерген мамандар ұлт сапасын арттыра түсетіні мәлім. И.Әбдікәрімов атындағы Қызылорда аграрлық техникалық жоғары колледжі трансформациялау критерияларының алғы шартының бірі Халықаралық салалық аккредиттеуден «Электрмен қамтамасыз ету» мамандығы бойынша 2024 жылдың желтоқсан айында өтіп, 9 оқытушы, 11 білім алушымыз халықаралық сертификат иегерлері атанды,- деді Абайбек Талғатұлы.</blockquote><figure class="image image_resized" style="width:93.41%;"><img src="https://knadmin.beoblood.kz/uploads/Maman_dajyndau_ma_yzdy_mindet_brifing_c151b4965c.jpg" alt="Маман дайындау маңызды міндет брифинг.jpg"><figcaption>&nbsp;</figcaption></figure>Фото: Нұрболат Нұржаубай

Маман дайындау – маңызды міндет

<a href="https://kyzylorda-news.kz/">Kyzylorda-news.kz</a> Қызылорда облысының ПД Есірткі қылмысына қарсы іс-қимыл басқармасы оқушы, студенттер арасында «Біз есірткіге қарсымыз!» ұранын ұстана отырып, есірткіге қарсы қолөнер бұйымдарын әзірлеу байқауын ұйымдастырды.Сайыстың негізгі мақсаты – жасөспірімдер арасында есірткі мәселесін түсіндіру денгейін кеңітіп, сайыскерлердің жеке ойын білдіру мүмкіндігін айқындау болып табылды.Байқау екі кезеңде өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды, оның қорытындысы бойынша Есірткі қылмысына қарсы іс-қимыл басқармасына сайыстың екінші кезеңіне қатысу үшін 68 үздік жұмыс жолданды.Байқауға қатысушылар есірткіге қарсы қолөнер бұйымдарын әзірлеп, өздерінің замандастарына есіртікінің зияндылығы жөнінде үндеу дайындап бейнеролик әзірлеп, оны әлеуметтік желілерде жариялады.Өз жұмыстарында балалар нашақорлық проблемасы туралы өз пікірлерімен бөлісіп, оның салдары неге апаратындығы, оның алдын алу жайлы айтып, нашақорлық проблемасын түрлі фигура, панно, картина, т.б. бұйымдарда және жасау тәсілдерінде шығармашылықпен қарап, түрлі ақпаратты пайдаланып шеберіктерін танытты. Авторлар өз дизайнын жүзеге асыру үшін әртүрлі материалдар мен әдістерді пайдаланды.Сайыстық комиссияның шешіміне сәйкес 68 қатысушынң 10-ны ынталық танытқан деп белгіленсе, келесі 10-ны жүлдегер атанды.Байқаудың облыстық жеңімпаздары: Сырдария ауданы №131 орта мектеп оқушысы Мәжит Мерей мен Шиелі ауданы №244 орта мектеп оқушысы Бекжаппаров Дархан – 1 орын; Қазалы ауданы №№17,266 оқу орындарының оқушылары Ілиясова Азиза мен Нағашыбай Әділет – 2 орын; Арал ауданы №73 мектеп оқушысы Нағыманова Ақжарқын мен Қазалы ауданы №288 орта мектеп оқушысы Алпамыс Айқын, Шиелі ауданы №49 мектеп оқушысы Дүкенбаев Саламат, Қармақшы ауданы №№185,80,27 оқу орындарының оқушылары Ерғали Ақерке, Жүсіпбек Гүлсая, Жапашова Аружан – 3 орын иеленді.Фото: Полиция департаменті

Қызылорда оқушылары есірткіге қарсы қолөнер бұйымдарын жасады

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен мәжіліс өтіп, Үкімет отырысының күн тәртібіне сәйкес көтерілген мәселе бойынша бірқатар міндеттер нақтыланды.Ең алдымен аудан әкімі «Таза Қазақстан» экологиялық бастамасын іске асыру туралы мәселеге сәйкес бірқатар кемшіліктерге тоқталып, тапсырмалар берілді.Мемлекет басшысының Жарлығымен 2024 жылдың көктемінен «Таза Қазақстан» экологиялық акциясы бастау алып, кейін бағдарламаға айналып, жыл бойы жүргізілді. Экологиялық бағдарлама шеңберінде аудан орталығы мен барлық елді мекендерде 5 кезеңнен тұратын «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» апталықтары ұйымдастырылды.Акция барысында барлығы 2 мың 577 тонна қатты қалдықтар полигонға тасталып, 6 мың 101 түп ағаш және түрлі гүлдер отырғызылды. Бұдан бөлек, аллеялардың, саябақтардың және тарихи-мәдениетті ескерткіштердің аумақтары тазартылып, әрлеп-сырлау жұмыстары жүргізілді.Қала, кент және елді мекендердің санитарлық тазалығын сақтау ешқашан күн тәртібінен түспейтін мәселе екенін айтқан аудан әкімі аталған платформа бойынша жүргізілген жұмыстарға қанықты. Әлі де кемшіліктер бар екенін айтып, қала бойынша жұмыстарды күшейту керектігін атап өтті. Себебі ауданның тазалыққа қатысты көрсеткіші ең алдымен Арал қаласы келбеті бойынша бағаланбақ.Жиында Аманжол Сақыпұлы кәсіпкерлік нысандардың тазалығы, бағдаршамдардың жұмысы, су айдындарындағы қауіпсіздік және Арал қаласына орнатылған 77 бейне бақылау камералары бойынша жұмыс деңгейіне қанығып, тазалықты сақтауда осы және өзге де кемшіліктер бойынша жұмыс жүргізу керектігін жауаптыларға міндеттеді.Сонымен қатар алдағы күн райының суытуына байланысты аудандағы әлеуметтік нысандарда жылудың үздіксіз әрі кедергісіз берілуін қатаң бақылауда ұстауды жауапты бөлім басшыларына тапсырып, коммуналдық қызметтің барлық түрі бойынша мәселе туындауына жол бермеу керектігін нақтылады.Осы және өзге де мәселелерді назарға алған аудан әкімі Аманжол Оңғарбаев көтерілген мәселе бойынша қала, кент, ауылдық округ әкімдері мен дербес бөлім басшыларын тиянақты жұмыс жүргізуге шақырды.Фото: Арал ауданының әкімдігі

 Аманжол Оңғарбаев: Тазалыққа қатысты талап босаңсымайды

<a href="https://kyzylorda-news.kz/">Kyzylorda-news.kz</a> Санкт-Петербургте өткен бірінші халықаралық жолбарыстарды қорғау форумында барлық жолбарыс ареалы бар елдер жабайы табиғаттағы жолбарыстар санын екі есе көбейтуге нақтырақ айтсақ, 3000 басқа жеткізуге келісіп, Қазақстан үкіметі елде жолбарысты қайта енгізу жұмыстарының басталғанын ресми түрде жариялады. Бірнеше жыл бұрын қолға алған бастама бүгінде қандай нәтиже беруде? «Қаратау» қорығындағы ғалымдардың пікірі қандай? Біз Тұран жолбарысының ізіне түсіп көрдік.ТҰРАН ЖОЛБАРЫСЫНЫҢ ТҰРПАТЫТұран жолбарысы – әлемдегі ең ірі жолбарыс. Өткен ғасырда 100 мыңнан асқан мысық тұқымдастарды бүгінде ізін көру арманға айналды. Ірі жыртқыштың салмағы 250-300 келі. Тұран жолбарысының бір ерекшелігі – жирен түсті жүнінің бояуы қанық, әрі қысты күні терісі, әсіресе, қарын тұсының жүні қалыңдай түседі. Тұмсығында қою мұрты болған. Дерек көздерінде Тұран Жолбарысын жойылу туралы әртүрлі пікір бар. Оның ішінде Мұстафа Шоқайдың Тұран жолбарысы туралы айтқан ойы біздің сұрақтарымызға жауап бергендей. Оның «Яш Түркістан» газетінде жарық көрген шағын мақаласында «Батыс Сібір – Шығыс Алтай» темір жолын салудағы саясаттың астарында Тұран Жолбарысын жою жатыр емес пе? Бұл өлкелерден өткен пойыздың дүрсілінен қашқан аң-құс Сібірге айдалып, суығына үсіп өлуде. Бір айдың жүзінде тоғайлы алқаптардың он пайы­зы ғана байырғы қалпын сақтап тұр», – деп сауал жолдапты комиссиаратқа. Ойшыл тұлғаның сөзін тірілткен жергілікті ақсақал Шәй­дербек Әшимов «Тұранның соңғы Жолбарысы» әңгімесі де зұлмат жылдарды сабақтайды. Ресейде жарық көрген "Военный сборник" журналының 1871 жылғы санындағы "Табиғат және аңшылық" деген бөлімінде Сырдария бойында тұратын Шақан деген аңшы жайында мақала басылған. Шақан аңға кеткен бір күні түнде адамжегіш жолбарыс киіз үйге кіріп, баласын өлтіріп, әйелін қамысқа сүйреп әкетеді. Қатты күйінген Шақан жолбарысты өлтірмекке ант береді. Ақыры сөзінде тұрған аңшы бірнеше шұбар аңның көзін жояды. Бұл туралы Мұхтар Мағауиннің "Шақан-Шері" романында егжей-тегжейлі жазылған."Тоқсан үйлі тобырды" аңшылықпен асыраған Қамбар батырдың жолбарысты құйрығынан ұстап, басынан айналдыра лақтырып өлтіргені де жырда көркем баяндалады. Сондай-ақ Қаратау етегіндегі қалың тоғайда бір үйір жолбарыс барын сезген арнайы әскери жасақ 1923 жылы күз айында келгені жайында ақпарат бар. Бірлік ауылында айлап жатқан орыс офицерінің өлімі жайында аңыз бар. Қалың тоғай арасын сүзіп шыққан әркерлер күн сайын еш із таппай қиналады. Офицер бір топ жасағымен тоғайда түнеуді ойластырып, от жағып, балық қақтап жеп, әңгіме құрып отырса керек. Бұлармен бірге ауылдан еріп келген қойшының баласы Біржаннан Жолбарыс жайында жиі сұрап, қайта-қайта інін тауып беруді талап етеді. Жас бала Тұран Жолбарысының суатын білетінін айтады. «Таң ата Әулие бұлаққа келіп, су ішеді. Мұны талай көргенмін» деген соң, бұлаққа жақын шатыр құрып, дүрбі салып отырады. Таң қылаң бере бастағанда үйірін бастаған тарғыл аналық көзге түседі. «Жігіттер, атысқа дайындалыңдар» дегені сол еді, әрқайсысын бір-бір жолбарыс қалың қамысқа сүйреп кетеді. Тек көлікте отырған жас бала Біржан мен көлік жүргізушісі Игорь ғана аман қалады.Осындай оқиғалардан кейін тұран жолбарыстарын жаппай қыру басталған тәрізді. Әр өлтірілген жолбарыс үшін сый ақыға 25 сом, жобамен 40 қойдың құны берілген.Атақты контрреволюционер Лев Давидович Троцкий 1928 жылы Алматыға айдалып келгенде, қауіпсіздік қызметкерлері оған Іле өзені бойына аңшылық құруға рұқсат берген екен. Сталиннің бұйрығымен Мәскеуден қуылған маршал Жетісу жерінде түн қатып жүрген тұран жолбарысын талай рет тамашалаған. Бастан-аяқ қара түсті киім киіп, үлкен ит жетектеп жүретін Троцкий Алматыда белгілі саяси мәлімдемелерімен қатар, «Балқаш жолбарысына шабуыл жасамау туралы пакт» деген еңбек жазған. Тұран жолбарысын тірілту мәселесі соңғы кездері жиі көтеріліп те жүр. Осы мәселені көтеріп жүрген ғалым Бақытжан Әділов Қазақстанға тайгадан уссурий жолбарысын әкеліп, жергілікті жерге бейімдеу арқылы арнайы питомникте тұран жолбарысын «тірілтуге» болатынын дәлелдеп жүргеніне бірнеше жыл болды.ТИК-ТОКТАҒЫ ТҰРАН ЖОЛБАРЫСЫ МА?Жаңақорған ауданынан Қызылорда қаласына жолға шыққан көлік жүргізушісі Мақсат Әлиевтің ТИК-ТОК парақшасына жол бойында жүрген жолбарыс таспаланды. Осы оқиғаға көпшіліктің пікірі сан алуан ойға жетеледі. «Цирк жолбарысы шығып кеткен бе?», «Амур жолбарысы Қазақстанға келді деп еді, сол шығар», «Тұран жолбарысы әлі де бар ма?» деген түрлі пікірлер айтылды. Біз осы жолбарыстың кімге тиесілі екенін білуге тырыстық. Алдымен, табиғатты қорғау ұйымдарына хабарластық. Олардың пікірінше, «Қаратау» қорығында ірі жоба басталғанын әрі осы жолбарыстардың сол қорыққа қатысы барын меңзе­ді. Біз «Қаратау» қорығының қорықшысы Айдос Әлішеровке хабарластық.Жер бетінен жойылып кетуге шақ қалған өсімдіктер мен жануарлар әлемін сақтап отырған «Қаратау мемлекеттік табиғи қорығы» Кентау қаласының маңындағы Хантағы деп аталатын биік таудың етегінде 34 мың гектарды алып жатыр. Осы аумақта өсімдіктің 700-ден аса түрі, аң-құстың 118-ден аса түрі қамқорлыққа алынған. Кентау қаласының маңында орналасқан қорықта Қаратауды мекендеген жануарлар мен өсімдіктер дүниесін зерттейтін арнайы ғылыми-танымдық кешен бар. Мұнда табиғаттағы әрбір тіршілік иесін зерттеуге, тәжірибе жасауға, әрі еліміздегі мықты ғалымдардың еңбегімен танысуға, ғалымдардың басқосуына мүмкіндіктер қарастырылған. Онда табиғат сақшылары еліміздегі зоология, ботаника институты және жас ғалымдармен бірлесіп жұмыс атқарады. Саяхатшыларға арнайы танымдық туристік бағыт та қарастырылған. Қысқасы, бұл кешенде қорық қамқорлығындағы өсімдіктер мен жануарлар дүниесі жайлы кең ақпарат алып қана қоймай, қорықшылардың күнделікті қызметі жайында бейнеақпараттарды тамашалауға болады.<blockquote>– Біздің жұмысымыздың қауіп-қатерін көпшілік біле бермейді. Браконьерлермен бетпе-бет келіп, өмір мен өлім арасында арпалыс та болады. Мұндайда қосымша топтарды қалай іске асырамыз? Сондықтан орталық операторға әр қадамымызды баяндап отырамыз. Әрбір сәтті бейнеге жазып, оны осы орталықта арнайы сақтаймыз, – дейді қорықшы.</blockquote>«Қызыл кітапқа» енген Тұран жолбарысының аналық қаңқасы Алматы Биология мұражайында сақталған. «Қаратау мемлекеттік табиғи қорығы» зерттеуші тобы Тұран жолбарысының аталық қаңқасын тапты. Шетелдік ғалымдармен бірлесе ДНҚ алынып, әлемдегі алып жыртқыш болғанын дәлелдеуде. Қорықта «Тұран жолбарысын тірілту» ғылыми жұмыстары басталыпты. Жабайы жолбарыс пен Амур жолбарысын будандастырып, одан 4 алаң өсірілуде. Күзде жабайы табиғат аясына үйрету үшін шөлейтті аймаққа жіберіп көрген. Нәтижесінде 3 алаң ыстыққа төзімді болса, біреуі суыққа төзімді болып шықты. Ал Тик-Токтағы жас алаң осы алаңдардың ең әлсізі екен. Қазіргі кезде алаңдар қорықта қырағы күзетпен күзетілуде.Айта кетейік, мұнда «Қызыл кітапқа енген» 118 аң-құс, 700-ден аса құс қамқорлыққа алынған. Қорықтың тыныс-тіршілігін баяндаған қорықтың нұсқаушысы Үсен Жапаров соңғы бес жылда «Қаратау қорығы» қатаң күзетіліп, ерекше күтімге алынудың арқасында табиғат көркейе бастағанын жеткізді. Халықтың көзқарасын табиғатты аялауға, аң-құстарға деген қамқорлықты қалыптастыруға бұруға жұмыстар жүргізілуде.<blockquote>– Ғылымдық таным кешенінен Хан тағы тауына дейін жаяу және атты серуен жолға қойылған. Ашылғалы бері қаншама сала жұмыс істеп, жасыл-желекті көбейтіп, табиғатты сүюге, экологияны жаңартуға атсалысып келеміз. Мақсатымыз, туған өлкенің табиғатына халықтың жанашырлық қасиетін оятып, әрбір тас пен өсімдікті жүрегімен сезінсе деген арманымыз бар, – дейді қорық нұсқаушысы.</blockquote>ЖОЛБАРЫСТЫ КӘСІП ЕТКЕН ЕЛДЕРДүниежүзілік жануарлар әлемін қорғау ұйымының мәлі­метінше әлемде 5000-ға жетер жетпес ғана жолбарыс бар. Әлемдік қауымдастықта 13 мемлекетте жолбарыс басы өскен. Атап айтсақ, Бангладеш, Бутан, Вьетнам, Үндістан, Индонезия, Камбоджа, Қытай, Лаос, Малайзия, Мьянма, Непал, Ресей, Таиландта ірі кәсіпкерлер жолбарыс бизнесімен айналысады. Расында, «Қызыл кітапқа» енген жануарларды кәсіп етуге бола ма? Бір ғана Камбоджада 50-ге жуық мемлекеттік питомник бар. Олардың акцияларына жергілікті кәсіпкерлер қатысып, туризмнен түскен табыстан пайда көреді. Сондай-ақ, Таиландта ірі шаруақожалықтар жолбарыс бағып, көбейткені үшін субсидия алады. Ал, жасы жетіп, қартайған жолбарыстардың етінен арнайы тағам дайындап, әлемдегі танымал асханасын ашқан Мьянманың жөні бөлек.Араптарда құрметті қонағына барыс терісін сыйға тарту дәстүрі бар. Сондықтан болар, Біріккен Арап Әмірлігі Азия елдерінде өз бизнесін жолға дамытуға ниет танытып отыр. Шөл далаларды ұзақ мерзімге жалға алып, бүлінген экожүйені қалыпқа келтіру үшін қыруар қаражат бөлетіндерін жария етті.Ал біз ше? Еліміз реинтродукция процесінен әлі де шыға алмай келеді. Ірі жобалар басталғанымен айтарлықтай нә­тижеге қол жеткізе алмай келеміз. Қазақстандағы био алуан түрлілікті сақтау қорының мәліметінше, барыстар ландшаптарын құрудың алғашқы қадамына 300 мың еуро қажет. Ал, шетелдік компаниялар бұл ұсынысты қолдау не қолдамауы уақыт еншісінде.ТҮЙІН. Тұран жолбарысын сөз еткенде, бірнеше сұрақтардың басы қылтиятыны сөзсіз. Біздің мақсат Тұран өңірінің басты нышанына айналған жануардың тарихына мән беру. Ал сіз Тұран жолбарысы жайында не дер едіңіз?Мақпал МАРҚАБАЙ

Тұран жолбарысы “тіріле ме?”

<a href="https://kyzylorda-news.kz/">Kyzylorda-news.kz</a> Ертең, яғни 22 қаңтар күні Тасбөгет кентінің орталық алаңында «Байқоңыр» әлеуметтік-кәсіпкерлік корпорациясы» акционерлік қоғамының және оның серіктестерінің ұйымдастыруымен кезекті жәрмеңке өтеді.Жәрмеңкеде өңірлік тұрақтандыру қорынан алынған әлеуметтік маңызы бар азық-түліктер және корпорация серіктестерінің тауарлары төмен бағада сатылатын болады. Сондай-ақ, соңғы уақытта елімізде бағасы күрт өсіп кеткен картоп өнімі нарықтан төмен бағада 177 теңгеден сатылатын болады.Ертеңгі жәрмеңкеде ұсынылатын азық-түлік тауарларының бағасын төмендегі кестеден көре аласыздар.<img src="https://knadmin.beoblood.kz/uploads/Tasb_gette_zh_rme_ke_tti_b642cbd631.jpg" alt="Тасбөгетте жәрмеңке өтті.jpg"><img src="https://knadmin.beoblood.kz/uploads/Tasb_gette_zh_rme_ke_tti_1_1d68bbd055.jpg" alt="Тасбөгетте жәрмеңке өтті 1.jpg">Фото: Нұрболат Нұржаубай

Ертең Тасбөгетте жәрмеңке өтеді

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде «Таза Қазақстан» экологиялық бағдарламасын іске асыру, IT-экспортты дамыту мәселелері қаралды. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте мәселелер кеңінен талқыланып, қала, аудан әкімдері мен сала жетекшілеріне тапсырмалар жүктелді.<blockquote>«Мемлекет басшысы жыл сайынғы халыққа Жолдауында барлық саладағы цифрлық трансформацияның маңыздылығын үнемі айтып келеді. Биыл жасанды интеллектке баса мән берілуде. Азаматтардың жасанды интеллектті пайдалану тетіктерін енгізуде нақты шаралар қабылдауымыз қажет. Оның мүмкіндіктерін барлық салада кеңінен пайдалану, халықтың дайын сервистерді тез игеруіне мүмкіндік жасау маңызды. Білім саласындағы олимпиадаларға, басқа да іс-шараларға жасанды интеллект тақырыбын қосу қажет. Облысымыздағы технопарктерде жасанды интеллект өнімдерін әзірлеумен қоса, оның мүмкіндіктерін пайдалануға тұрғындарды кеңінен оқыту, насихаттау керек.Қоршаған ортаны таза ұстау, туған жерімізді көгалдандыру, абаттандыру тұрғындардың күнделікті әдетіне, өмір салтына айналуы тиіс. Бұл маңызды жұмыстарды тұрақты жүргізуге, кеңінен дәріптеуге қала және аудан әкімдері, барлық басқармалар мен мекеме басшылары, сондай-ақ, бизнес қауымдастық өкілдері тікелей жауапты.«Таза Қазақстан» порталының басты мақсаты – тұрғындармен жылдам әрі ашық кері байланыс орнату. Келіп түскен ескертулер, шағымдар мен ұсыныстарға дер кезінде жауап беру қажет», – деді аймақ басшысы.</blockquote>Айта кетейік, Мемлекет басшысының бастамасымен қолға алынған «Таза Қазақстан» республикалық экологиялық бағдарламасы аясында санитарлық тазалық, абаттандыру, тұрғындардың қолайлы өмір сүруіне жағдай жасалуда. Тұрғындар, жастар ұйымдары мен кәсіпорын қызметкерлері бағдарламаны қолдап, тазалық жұмыстарына белсенді қатысты. Елді мекендердегі скверлер мен парктер, тарихи-мәдени ескерткіштер, әлеуметтік, өнеркәсіп, кәсіпкерлік нысандары, аулалар мен көшелер тазартылды. Бұл жұмыстарға 500-ден астам арнайы техника жұмылдырылды.Көркейту-көгалдандыру жұмыстары да қарқын алып, өңір климатына жерсінетін көшеттер егілді. Экологиялық бағдарлама аясындағы шаралар республикалық және жергілікті бұқаралық ақпарат құралдарында, әлеуметтік желілерде кең көлемде ақпараттандырылды.Жұмысты одан әрі жүйелі түрде жалғастыру үшін Экологиялық мәдениетті дамытудың 2029 жылға дейінгі өңірлік жоспары бекітілді. Ауылдарды дамытуға бағытталған «Үлгілі елді мекен» конкурсы жыл сайын өткізілуде. Соңғы екі жылда 1 млрд. 500 млн. теңге бөлініп, үздік атанған елді мекендерге 48 арнайы техника табысталды. Өткен жылы коммуналдық сала және абаттандыру мекемелеріне алынған 106 арнайы техника қазір ел игілігіне қызмет етуде.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары