<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев ұстаздар мен оқушыларды Білім күнімен құттықтады.Президент өзінің <a href="https://www.instagram.com/p/CwobTafsXg0/?next=https%3A%2F%2Fwww.instagram.com%2Faccounts%2Fedit%2F%3F__coig_login%3D1">Instagram</a> парақшасында мемлекет жас өрендердің сапалы білім, тағылымды тәрбие алуы үшін барлық жағдайды жасайтынын атап өтті.<blockquote>«Құрметті ұстаздар мен оқушылар! Сіздерді Білім күнімен шын жүректен құттықтаймын! Бүгін жаңа оқу жылы басталады. Республикамыздағы барлық мектеп миллиондаған шәкіртке есігін айқара ашады. Өскелең ұрпақ – еліміздің ертеңі! Мемлекет жас өрендердің сапалы білім, тағылымды тәрбие алуы үшін барлық жағдайды жасайды. «Мектептің жаны – мұғалім» деп Ахмет Байтұрсынұлы айтқандай, ұстаздың бала тәрбиесіндегі орны ерекше. Әр оқушының тұлға болып қалыптасуында мұғалімдер маңызды рөл атқарады. Сондықтан біз педагогтерді әрдайым қолдаймыз. Қазақстанның болашағы – білімді ұрпақтың қолында! Олардың оқуда озат болып, қоғамның барлық саласында биік белестерді бағындыруына тілектеспін. Жастарымыз келешекте Отанымызға адал қызмет етіп, оның дамуына үлес қосатынына кәміл сенемін. Білім күні құтты болсын!» делінген жазбада.</blockquote>

Қасым-Жомарт Тоқаев ұстаздар мен оқушыларды құттықтады

<a href="https://kyzylorda-news.kz/">Kyzylorda-news.kz.</a> Медициналық жоғары оқу орындарының түлектері мен еңбек өтілі бар жас дәрігерлердiң оқуларын резидентурада жалғастыруға ниет білдіргендер қатарынан 25 дәрігер облыс әкімінің грантын иеленді. &nbsp;Ендігі жерде мамандар жергілікті бюджеттен қарастырылған қаржы шеңберінде дипломнан кейінгі оқуларын резидентурада➖ Нефрология (4) ➖ Акушерия және гинекология (2) ➖ Радиология (4) ➖ Дерматовенерология ➖ Неврология (5) ➖ Ревматология (4) ➖ Травматология ➖ Эндокринология ➖ Онкология ➖ Радиология ➖ Кардиология (интервенционный кардиолог) мамандықтары бойынша жалғастырмақ.&nbsp;

Қызылорда облысы бойынша 25 резидент облыс әкімінің грантын иеленді

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде атмосфералық фронталды бөліктердің өтуіне орай күн құбылмалы болады, деп хабарлайды Қазгидромет.Елдің солтүстік-батысында, солтүстігіне, оңтүстігінде, оңтүстік-шығысында жаңбыр жауады. Жауын оңтүстік-шығыстағы таулардада (жаңбыр, жылбысқы қар) жауады. Тек еліміздің батысында, оңтүстік-батысында күн жауын-шашынсыз болады.Республика бойынша найзағай ойнап, жел тұрады, бұршақ жауады. Оңтүстік-батыста, оңтүстікте шаңды дауыл тұрып, оңтүстік-шығыста дауыл тұрады. Елдің солтүстік-батысында, солтүстігінде, оңтүстік-шығысында тұман түседі.Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, солтүстік-шығысында, оңтүстігінде, Ақтөбе облысының батысында, Батыс Қазақстан облысының солтүстігінде төтенше өрт қаупі сақталады.Батыс Қазақстан облысының орталығында жоғары өрт қаупі, облыстың оңтүстік-батысында, солтүстік-батысында, шығысында төтенше өрт қаупі сақталады.Павлодар, Қарағанды, Ұлытау облыстарының оңтүстігінде, Абай облысының батысында, солтүстігінде жоғары өрт қаупі сақталады.

1 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сәуір айында Қызылорда қаласындағы Сұлтан Бейбарыс көшесін кеңейту, абаттандыру жұмыстары басталған болатын.Осы көшедегі Қызылорда облысы әкімдігінің жеті қабатты еңселі ғимараты – қаладағы ең көрікті нысандардың бірі. Биылға дейін әкімдіктің биік &nbsp;қоршауы болған еді.Аймақ басшысының тапсырмасымен ғимаратты &nbsp;«Ашық Үкімет» қағидасына сәйкестендіру үшін айналасындағы қоршау алынды. Бүгінде әкімдік алды қала тұрғындары серуен құратын, балалар асыр салып ойнайтын аллеяға айналды.Қазір Тәуелсіздік және Н.Назарбаев даңғылдары арасындағы аумақ абаттандырылған, түнгі жарығы төгілген, демалысқа қолайлы жағдай жасалған орын. &nbsp;Көшенің осы бөлігіне алдағы уақытта да бірнеше субұрқақ, орындықтар орнатылады. Көше 6 жолақты болып кеңейтілді, Назарбаев Зияткерлік мектебі, Т.Есетов атындағы №264 мектеп-лицей секілді әлеуметтік нысандардың алдына автотұрақтар салынды.Қазірдің өзінде бұл жайлы орын тұрғындар мен қала қонақтары жиі келетін мекенге айналды. Мұндағы құрылысы аяқталуға жақындаған жаңа нысандар – «Неке сарайы» мен «Өнер орталығы» пайдалануға берілгенде, қаланың бұл көшесі сәулетімен дараланбақ.

Сұлтан Бейбарыс көшесі абаттандырылып, жаңа аллеялар пайда болды

<a href="https://kyzylorda-news.kz/">Kyzylorda-news.kz.</a> Ертеңнен бастап «Қызылорда» автобус паркі» ЖШС-не қарасты үлкен сыйымдылықтағы қоғамдық көліктерге сараланған тариф енгізіледі. Яғни, бұдан былай жолаушылар жолақысын қолма-қол 130 теңгеден төлейді. Төлемнің 8 түрі арқылы бұрынғыша 85 теңгеден төлем жасай аласыз. Ал, оқушылар үшін төлем 40 теңге болып қала береді.Бұл сараланған тариф азаматтарды көлік картасын және элетронды төлем түрлерін пайдалануға ынталандыру мақсатында қойылған. Сонымен қатар, жолаушылардың жаппай электронды түрде төлем жасауы – көлеңкелі бизнестің алдын алудың бірден-бір жолы.Төлемнің 8 түрі:– QR код;– «SMSBUS» БАҒДАРЛАМАСЫ;– Электрондық жол жүру картасы;– Банк картасы арқылы төлеу;– Ұялы байланыс операторлары арқылы («Менің Билайн», «Менің Актив» қосымшалары);– Shttp://halyqline.kz/MS арқылы төлеу арқылы жүргізіледі.<a href="https://halyqline.kz/qogam/qyzylordada-zholaqy-qolma-qol-130-tengge-bolady/?fbclid=IwAR1x_4dKN81WjsCRYx0Qov1P8Wyk1N1-1O0bmCdPcR5lfyx3b_-R90KmEns">HALYQLINE.KZ</a>

Қызылордада жолақы қолма-қол 130 теңге болады

<a href="https://kyzylorda-news.kz/">Kyzylorda-news.kz.</a> Әдетте жас жұбайлардың қол ұстасып, жаңа өмірге қадам басатын ерекше сәті есте қалуы үшін «Неке сарайында» неке қию рәсімі өтеді. Енді қызылордалықтар сәулеті көз тартарлық заманауи ғимаратта жұбайлық өмірдің алғашқы құжатын қолға алады. Өткен жылдың тамыз айында іргетасы қаланған нысанда неке қию рәсімін әсерлі әрі ұмытылмастай етіп өткізуге барлық жағдай жасалады.Құрылысы бітуге таяған Қызылордадағы «Неке сарайының» негізгі қызметі жас жұбайлардың некесін салтанатты түрде қиюға, отбасы институтын қалыптастыруға, ұлттық тәрбиені дәріптеуге және ұлттық құндылықтарды насихаттауға бағытталмақ. Жоба құны 1 млрд. 600 млн. теңгені құрайды.Сәулет өнеріндегі Шығыс үлгісімен салынған, күмбезі жарқыраған ғимарат маңайы абаттандырылып, мұнда келушілердің көңіл-күйімен астасатын атмосфера қалыптастырылады. &nbsp;Жаңа ғимарат биыл қыркүйек айында ел игілігіне табысталмақ.

«Неке сарайы» қыркүйек айында пайдалануға беріледі

<a href="https://kyzylorda-news.kz/">Kyzylorda-news.kz.</a> Бүгін «Жасыл ел» жастар еңбек жасағының кезекті маусымының жабылу рәсімі өтті.«Жасыл ел» жалпыұлттық жобасы елімізде 2005 жылдан бері жүзеге асырылып келеді. Бұл қозғалыс жастарымызды еңбекке баулып қана қоймай, қазір ортақ идеялар төңірегінде топтастыруда.2023 жылы «Жасыл ел» жобасын жүзеге асыру үшін облыс әкімі Н. Нәлібаевтың қолдауымен бюджеттен 151,0 млн. теңге қаржы бөлінді. Осы қаражат шеңберінде биыл 1 871 жас маусымдық жұмысқа тартылды. Оның ішінде 15 пайызы (280) жұмыссыз жастар болса, қалған 85 пайызы (1 591) оқушылар мен студенттер.Биыл жасылелдіктермен облыс көлемінде орналасқан 118 мәдени-демалыс орындарында (аллея, сквер, алаңдар, парктер) көгалдандыру, тал егу жұмыстары жүргізіліп, жалпы көлемі 50 га астам аумақты қоқыстан тазалау шаралары атқарылды.Сондай-ақ, экологиялық мәдениетті арттыруға бағытталған 20-ға жуық көшпелі шаралар өткізілді. Бүгінгі шарада маусымдық кезеңде белсенділік танытқан жасылелдіктер «Үздік сарбаз», «Үздік командир», «Үздік топ» номинацияларымен және жұмыс беруші мекемелер тарапынан Алғыс хаттармен марапатталды.

Қызылордада «Жасыл ел» жастар еңбек жасағының кезекті маусымы қорытындыланды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына МӘМС жүйесінде бір жылға алдын ала сақтандырылғысы келетін азаматтар хабарласады. Сіздердің назарларыңызға филиалдың бас сарапшысы Айгүл Аханованың дербес төлеушілерге арналған жадынамасы.Егер 12 айға төлемдер әр түрлі күндерде жасалса, онда сақтандыру мәртебесі бірден емес, барлық төлемдер өңделгеннен кейін ғана беріледі. &nbsp;Төлемдер 3 жұмыс күні ішінде өңделеді.Егер 12 айдың бірінде дербес төлеуші ретінде емес, БЖТ төлемі ретінде жүргізілсе, онда мәртебе берілмейді. Алдын ала төлем жасау арқылы сақтандыру мәртебесі тек дербес төлеушілерге беріледі. Егер сіз БЖТ-ны қате төлеген болсаңыз, онда төлемді «Азаматтарға арналған үкімет» «Мемлекеттік корпорациясы» КЕАҚ-ға жүгіну арқылы қайтарып ала аласыз.Егер төлем ағымдағы айдың соңында (27-28-ден кейін) жүргізілсе, онда төлемдерді тексеру келесі айда жүргізілуі мүмкін, яғни сақтандыру мәртебесі берілмейді және пациентке келесі жылдың тағы бір айы үшін қосымша ақы төлеу қажет.Егер төлем алдағы 12 айға емес, 11 ай үшін жасалса, онда да мәртебе берілмейді️. 2023 жылы дербес төлеушілер ай сайын 3 500 теңге төлейді. Бұл &nbsp;1 ен төменгі жалақының 5%.Егер 2022 жылы 2023 жылдың айларымен қоса бір жылға алдын ала &nbsp; &nbsp; 3 000 теңге көлемінде төлем жасалса, қосымша ақы төлеудің қажеті жоқ.

МӘМС жүйесінде бір жылға алдын ала сақтандырылғысы келетін азаматтар үшін пайдалы кенестер

<a href="https://kyzylorda-news.kz/">Kyzylorda-news.kz.</a> Ертең Білім күніне орай аймақтағы барлық оқу орындарында қауіпсіздікті қамтамасыз ету үшін 594 полиция қызметкері және 139 қызметтік автокөлік жұмылдырылады. Бұл туралы Өңірлік коммуникациялар қызметінде өткен брифингте Қызылорда облыстық полиция департаменті бастығының бірінші орынбасары Шамшидин Амитов баяндады.&nbsp;Бала – өмірдің жалғасы. Мектеп жасындағы балалардың қауіпсіздігі мәселесінің маңызы зор. Жаңа оқу жылының басталуына сәйкес оқушылар қауіпсіздігі басты назарға алынды. Бүгінгі таңда полиция департаменті жергілікті атқарушы органдармен бірлесіп балалардың қауіпсіздігі үшін тиісті шаралар атқарылуда.&nbsp;<blockquote>«Жаңа оқу жылының басталуына орай полиция қызметі күшейтілген кестеге көшіріліп жұмыс істеуде. 1 қыркүйек – «Білім күнінде» барлық оқу орындарында қауіпсіздікті қамтамасыз етуге 594 қызметкер және 139 қызметтік автокөлік жұмылдырылатын болады. Оқу жылының алғашқы күндерінен бастап, мектеп алдындағы жол өткелдерінде, балалар травматизмінің алдын алу мақсатында таңертеңгі, түскі және кешкі уақытында ювеналды және патрульдік полиция инспекторлары күнделікті қызмет атқаратын болады. Сонымен қатар, Республика көлемінде өтіп жатқан «Назар аударыңыз балалар!» шарасы аясында, облыста орналасқан 295 мектептің аумағында жол белгілеріне тексеріс жұмыстары жүргізілді. Аталмыш шара барысында жол белгілерінің 100 данасы қайта қалпына келтіріліп, жаңадан 75-і орнатылды. Мектеп алдындағы 91 жаяу жүргінші өткелінің таңбалары жаңартылды. Сондай-ақ, оқушылармен жол жүрісі ережелерін сақтауға және тасымалдау кезінде оларды ұстау құрылғыларын пайдалануды насихаттауға бағытталған аудио, бейнероликтер қоғамдық орындарда, автобустарда, кинотеатрларда көрсетіледі. Жаяу жүргіншілердің кінәсінен болатын жол-көлік оқиғаларының негізгі себептері – жүріс бөлігін белгіленбеген жерден өтуі, бағдаршамның тыйым салу сигналына өтуі, кенеттен жақын келе жатқан көліктің алдына шығу болып табылады. Осы орайда, барша ата-аналар мен балаларды жол жүру ережесін қатаң сақтауға шақырамыз»,- деді полиция полковнигі Шамшидин Егенбердіұлы.</blockquote>

Шамшидин Амитов: Ертең оқу орындарында 594 полиция қызметкері қауіпсіздікті қамтамасыз етеді

<a href="https://kyzylorda-news.kz/">Kyzylorda-news.kz.</a> Президент кәмелетке толмаған балалардың қауіпсіздігін қамтамасыз ету және құқық бұзушылықтардың алдын алу үшін пәрменді шаралар қабылдау, сондай-ақ жетім балалардың құқықтарын қорғауға берілген кепілдікті сақтау, мүмкіндігі шектеулі балаларды қолдау маңызды екеніне назар аударды. Қасым-Жомарт Тоқаев бала құқығын қорғау және денсаулығын сақтау жүйесін нығайту аса маңызды екенін атап өтті.Отбасы болған соң түрлі жағдайлар орын алып жатады. Некедегі екі адамның кейде жарасым таппай, өмір арнасының екі жағына бұрылып жататыны да бар. Мұндайда кәмелет жасына толмаған ортақ баласы болса ше? Әрине, заң бойынша ата-ана бала алдында теңдей жауапты. Сондықтан сот шешімімен балалар анасында не әкесінде қалған жағдайда, баламен бірге тұру құқығынан айырылған келесі қамқоршысы (әкесі не анасы) балаға материалдық жағынан қолдау көрсету керек. Бұл заңмен белгіленіп көрсетіліп міндеттеледі. Дегенмен де бала алдындағы парызын өтеуге асықпай қарызы қалтасына түсер қаржысынан асып кетіп жатқан жауапсыз ата-аналар көп. Бүгінгі әңгіме осы туралы болмақ.Неке (ерлі-зайыптылық) және отбасы туралы заңда алимент бір адам оны алуға құқығы бар екінші адамға беруге міндетті ақшалай немесе материалдық қаражат деген анықтама берілген. Біздің елде көп жағдайда баланы асырау үшін алимент төленеді. Сондай-ақ, ата-анасынан бас тартқан ересектер де алимент төлеуі мүмкін. Алайда қоғамда алимент төлеуден жалтарып жүргендер өте көп. Олар көбіне балаға алимент өндіріп алу үшін бұрынғы жұбайының арыз түсірмейтінін пайдаланады.Статестикалы мәліметтерге көз жүгірсек бүгінде елімізде алимент бойынша қарыз көлемі 14 млрд. теңгеге жетті. Бұл мәселе сот орындаушылары мен құқық қорғау қызметкерлерінің бас ауруына айналып отыр. Өйткені борышкерлердің арасында маскүнемдер мен жұмыссыз жүргендерден бөлек, парызын орындағысы келмей, жұмыс берушімен келісіп, жалған құжат жасатып, жалақы мөлшерін азайтып көрсе¬тетіндері де бар.Алимент мөлшері мен төлеу тәртібі отбасы мүшелерінің қаржылық міндеттемелері кодекстің 5-бөлімімен реттеледі. Қазақстандағы ең төменгі сома – бір балаға 15 мың теңге. Бұл – ең төменгі жалақының төрттен бір бөлігі. Яғни, бір балаға – алимент төлеуші тараптың ай сайынғы табысының төрттен бірі, екі балаға – үштен бірі, ал үш немесе одан да көп балаға табысының жартысы берілуі керек. Болашақта қаржылық және отбасылық жағдайға байланысты бұл сома әртүрлі болуы мүмкін.Арал ауданында ағымдағы жылы алимент өндіру санатында сот орындаушылар өндірісінде 912 алимент өндіру санатында атқарушылық іс жүргізу қозғалып, оның ішінде 83 іс аяқталса, 830 құжат орындалу үстінде. Жалпы ауданда жыл басынан бері алимент төлеуден жалтарып жүрген 19 борышкерге Қазақстан Республикасының әкімшілік құқық бұзушылық кодексінің 669-бабымен әкімшілік шара көрілген көрінеді.– Жолдасыммен ажырасқаныма 15 жыл болды. Ол кезде балам 2 жаста болған. Қазір мектеп бітіруге таяу. Сот шешім шығарған соң бастапқы жылы ара-арасында алимент төлеп отырды. Бірте-бірте азайтып, соңында із-түссіз жоқ болып кетті. Мекен-жайы бойынша іздестіріп таба алмадым. Он бес жылға жуық уақыттан бері берешегі әжептәуір қаражат болып отыр, – дейді есімі жасырын болғанын қалаған жалғыз басты ана.Алимент төлеуден жалтарып жүргендерге мәжбүрлеу шаралары қолданылады. Яғни, шоттары мен мүліктері бұғатталады, ол шетелге шығу құқынан айрылады. Көлік құралдарын басқару құқығы шектеледі, сонымен қатар әкімшілік және қылмыстық жауапкершілікке тартылады. Қазақстан Республикасы Қылмыстық кодексінің 139-бабына сәйкес, сот 600 сағатқа қоғамдық жұмысқа, екі жылға бас бостандығынан айыруға жаза тағайындауы мүмкін.Қазір пәтер құны азық-түлік бағасы мен коммуналдық шығындар қымбаттаған сайын, осындай жалғызбасты аналардың әлеуметтік ахуалы нашарлай беретіні анық. Одан қалды, баланы тәрбиелейтін алғашқы әлеуметтік институт отбасы екенін ескерсек, ата-ананың екі бөлек кетуі баланың психологиясына әсер етпей қоймайды.– Бала үшін әке мен шешенің орны бөлек, ол екеуін де бірдей жақсы көреді. Алайда бір мәселе бар. Мысалы, ажырасып кеткеннен кейін бөлек тұратын әкесі не анасы баламен қарым-қатынасын үзеді. Мұндай жағдайлар көп емес, бірақ кездесіп жатады. Міне, осындай жайттар балаға қатты әсер етеді. Сондықтан да ата-ана ажырасып кетсе де, баламен қарым-қатынас үзілмеуге тиіс. Онымен жүйелі түрде кездесіп тұрғандары жөн. Мәселен, аптаның қай күні кездесу үшін белгіленді, сол күні тұрақты түрде жүздесіп, кездесу ұйымдастыру керек. Аспан айналып, жерге түссе де, сол келісілген уақытта баланың жанынан табылуы керек. Сол сәтте балада «қандай жағдай болсын, олар менің жанымда болады» деген ой, сенім қалыптасады. Ал егер де кездесу белгіленген уақытта келмей, келем деп алып жоғалып кетсе, оның үстіне жиі өтірік айтатын болса, бала да соған бейімделеді. Бұл оны қалыпты жағдай ретінде қабылдай бастайды. Сөйтіп, өзі де үйленіп, не тұрмысқа шыққан кезде, оған сондай адамдар жолығады. Өйткені оның психологиясы солай қалыптасты, сондықтан да өзінің әке-шешесіне ұқсайтын адамдарды тартып тұрады, – деді психолог Бану Әбілғазықызы.Демек, бала әке-шешесінің жағымды не жағымсыз іс-әрекетін бейсаналы түрде қайталайтын болса, қазіргі қоғамдағы өзекті мәселелердің одан әрі өршуіне әкелуі ықтимал. Иә, алимент қарызын болдырмаудың негізгі жолы ажырасушылар қатарын азайту екені айтпаса да түсінікті. Өйткені жылдан-жылға екі бөлек кеткен отбасылардың көбеюі тастанды сәбилер мен бауыр еті баласын тағдыр талқысына тастап, алимент төлеуден жалтарушылар қатарының өсуіне түрткі болып отыр. Сондықтан балаға әу бас¬тан ұлттық дәстүрлеріміз бен салт-санамызды насихаттап, отбасы құндылығын құлдыратпау қажет-ақ.

Балаларды қорғау мемлекет пен ата-ана алдындағы ортақ міндет

<a href="https://kyzylorda-news.kz/">Kyzylorda-news.kz.</a> Адамзат баласының өмір сүруі белгілі бір заңдылықтарға бағынатыны сияқты, ғаламшарды мекен еткен әр мемлекеттің де негізгі заңы болуы шарт. Ол заңның барлық тілдердегі мойындалған атауы – Конституция.&nbsp;Дүрбелең замандарды бастан өткеріп, ақыр соңында қазақ елі де армандаған тәуелсіздігіне қол жеткізді. Еліміздің егемендігін паш еткен айбынды Ата Заңымыз қабылданып, ұлы дала төсіндегі тәуелсіз Қазақстанның өз көші басталды. Қазақстан Республикасының Конституциясы 1995 жылы 30 тамызда қабылданғаны белгілі. Биыл бас құжаттың қолданысқа енгізілгеніне 28 жыл толып отыр. Осыған орай аудандық мәдениет үйінде аудан әкімі Серік Семағамбетовтың қатысуымен «Айбары асқақ - Ата заң» атты салтанатты шара өтті. Ең алды сөз алған аудан басшысы жиынға қатысушыларды мерекемен құттықтады.&nbsp;– Ата заңымыз – егемен еліміздің дербестігі мен саяси тұрақтылығын сипаттайтын тарихи құжат. Мұнда мемлекетіміздің барлық құрылымдарының, жеке азаматтардың, ұлт пен ұлыстардың мақсат-міндеттері көрсетілген. Конституция мемлекетіміздің заң жүзінде және саяси тұрғыдан демократия қағидаттары мен заң үстемдігін ұстанатынын айғақтайды. Сондай-ақ ұзақ мерзімді даму бағдарымызды айқындайды. Конституцияның құрылым идеясы мен тарихын зерделесек, оның ғасырлар қойнауының тереңінде жатқанын көреміз. Конституция — қастерлі Тәуелсіздігіміздің сенімді тірегі. Азаматтардың құқықтары мен бостандықтарының мемлекет мүддесінен жоғары қойылуы Ата Заңның басты ұстанымы болып табылады, - деді Серік Сағитжанұлы.Бүгінгі &nbsp;таңда жаңартылған Конституция негізінде елімізде жаңа құқықтық жүйе қалыптасуда. Қабылданған заңдар қоғамдық қатынастардың негізгі жақтарын реттеп, еліміздің әлемдік деңгейдегі орнын жоғарылатуда. Осы бір маңызды құжаттың мерейлі мерекесіне орай ұйымдастырылған шарада бірқатар сала майталмандарына құрмет көрсетіліп аудан әкімінің алғыс хатымен марапатталды. Сондай-ақ мемлекеттік қызметке жаңадан кіріскен жас кадрлар көпшілік алдында ант қабылдады.&nbsp; Әрбір қазақстандықтың Конституциясының мемлекет пен қоғам үшін ғана емес, сонымен бірге жеке өзі, өз отбасы мен өз балалары үшін де мәнділігін бағалай білу, өз міндеттемелерін қастерлеп сақтап, орындауы маңызды. Конституция біздің басты құндылығымыз – тәуелсіздікті, бейбітшілік пен тұрақтылықты ғасырларға бекітті. Барша мемлекеттік институттардың, әрбір қазақстандықтың парызы – осы құндылықтардың қырағы күзетінде болу. Осынау қол жеткізген жетістіктерді баянды ете отырып, оны ары қарай жалғастыру, елінің ертеңін ойлайтын әрбір азаматтың және бүгінгі білім алып отырған жастарымыздың абыройлы борышы екендігі даусыз. Елдігімізді ерекшелеп, тәуелсіздігімізді тұғырлы еткен шара аудан өнепаздарының концерттік бағдарламасымен қортындыланды.

Аралда ата заң мерекесі аталып өтті

<a href="https://kyzylorda-news.kz/">Kyzylorda-news.kz.</a> Білім нәріне сусындап, мектеп қабырғасынан түлеп ұшқан әрбір түлектің арманы жоғары оқу орнының грантын иелену екені жасырын емес. Он бір жылдық білімі сарапқа түскен сәтте осындай сәттілікке қол жеткізіп, алған білімін белгілі бір мамандықты игеру жолында жалғастыру үшін гранттың қаншалықты маңызды екені түсінікті.Иә, жақында ғана білім грантына қол жеткізіп, таңдаған кәсібінің иесі болуға алғашқы қадам жасаған жастар жайында ақпарат тараттық. Бірақ бұл қуаныш мұнымен шектеліп қалмады. Нақтырақ тоқталып өтейік.2023-2024 оқу жылы қарсаңында өңірге қажетті мамандықтар бойынша облыс әкімінің оқу гранты бөлінген болатын. Оқу гранттары «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» Арал аудандық мәслихаттың 2021 жылғы 12 ақпандағы №13 шешімінің 3-тармағына сәйкес айқындалды. Соның нәтижесінде конкурсқа мүгедектігі бар, жетім балаларға, асыраушысынан айырылу жағдайы бойынша берiлетiн мемлекеттiк әлеуметтiк жәрдемақы алатын, ата-анасының қамқорлығынсыз қалған, балалар үйінде, атанасының екеуі де жасы бойынша зейнеткер, ата-анасының екеуі немесе біреуі мүгедектігі бар адам болып табылатын, құрамында бірге тұратын кәмелетке толмаған төрт және одан көп балалары, мүгедектігі бар балаларды тәрбиелеп отырған, толық емес отбасыларындағы балалар арасында және басқа да жекелеген санаттар бойынша қабылданған құжаттармен өткізілді.Осы көрсетілген санаттарға жатқызылатын түлектер арасында әлеуметтік көмек ретінде өткізілген конкурс нәтижесімен аралдық 11 оқушы облыс әкімінің грантын иеленді. Бұл жастарға тегін оқып, сапалы білім алуына үлкен қолдау. Осындай қолдауға қол жеткізіп, қалаған бағытында кедергісіз білім алатын жас жерлестеріміз де сенімді ақтап, білікті маман, білімді кадр болатынына сенім мол.

Қазақстан және Қызылорда облысының жаңалықтары